Post: #1
Title: مـواسـير البـورد
Author: Nasruddin Al Basheer
Date: 02-05-2009, 09:31 AM
هنالك بعض أعضاء المنبر الذين رحبنا بهم في عدة بوستات كتبت من أجلهم وصفتهم بأنهم
كذا وكذا وأن المنبر كسب كاتباً مطبوعاً وأديباً كبيراً ومحللاً سياسياً خطيراً، هذا بجانب
أن العضو الجديد على المستوى الشخصي رجل والرجال قليل وأنه من الملائكة بيد أنه يمشي
في الأسواق ويعشق البنات ويشجع الوصيف أبو سبعة.. فقام بكري مشكوراً بتسجيلهم في المنبر
بناءً على توصية من زكوهم وكان أمل الجميع بأن نستمتع بالملكات الكتابية للقادمين الجدد،
ولكن بعد تدشين نشاطاتهم في الكتابة، اتضـح لنا أن ما قيل عن بعضهم مجرد كلام سماسرة وأنهم
ليسوا كما وصفوا في بوستات الترحيب، فوجدنا البعض منهم عادي والبعض الآخر ضعيف في كل شيء،
في المنطق وفي الحجة وفي اللغة وفي الطرح وفي تقبل الآخر، فتحول الأدباء إلى (قليلي أدب)
والملائكة إلى شياطين.. يعني بصريح العبارة الجماعة طلعوا مواسير، ولا ينقصون في ذلك عن
ايفياني شيئاً..
ايفياني أحرز هدف تاريخي في المريخ وهدف غالي في حي العرب، لكنه مع ذلك فهو ماسورة كبيرة
تم شطبها من كشوفات الزعيم، وبنفس القدر فإن بعض الأعضاء هنا كتبوا بوست بوستين حلوين ولكن
مع ذلك فهم مواسير، شرب المنبر مقلب كبير بانضمامهم إليه، ولو سحب بكري الباسوورد من أحدهم
تجد بوستات التضامن بقت هبطرش، عليك الله يا بكري رجع لينا فلان الفلاني لأننا بنفتقد كتاباتو..
هسي دي كتابات عشان تفتقدوها؟
وبعد صاحبنا يرجعوا ليهو الباسوورد يقوم في الأول يدي الناس الاتضامنوا معاهو على راسهم
ويتهمهم بالتآمر عليهو وأنهم هكروهوا ليخلى لهم المنبر..
دي شبكة شنو الوقعنا فيها دي يا جماعة؟
غايتو ربنا يجازي السماسرة الما بخافوا الله والدخلونا في الحتات الضيقة دي..
واحد زكّى واحد.. قلت ليهو زولك طلع ماسورة..
قال لي: زولي ما ماسورة .. زولي خجول وما لاقي فرصة..
بيني وبينكم.. هسه عليكم الله، هناي ده ما ماسورة؟
|
Post: #2
Title: Re: مـواسـير البـورد
Author: السمؤال بدرالدين
Date: 02-05-2009, 01:24 PM
Parent: #1
انت زاتك ماسورة
عشان انا مريخابي
|
Post: #3
Title: Re: مـواسـير البـورد
Author: Shamael Elnoor
Date: 02-05-2009, 01:55 PM
Parent: #2
نصر الدين
انا بموت من الضحك
والله البورد دا فيه كمية مواسير ، تكفى غرب الحارات
لكن تعرف فى ناس عندهم فراسة بيحسوا بالماسورة قبل الوقع فيها
ـــــ
قال سقراط : الماسورة يشعر بها الزول كما الأجل
|
Post: #6
Title: Re: مـواسـير البـورد
Author: Nasruddin Al Basheer
Date: 02-07-2009, 05:52 PM
Parent: #3
**
|
Post: #9
Title: Re: مـواسـير البـورد
Author: Nasruddin Al Basheer
Date: 02-08-2009, 05:03 AM
Parent: #3
Quote: انا بموت من الضحك
والله البورد دا فيه كمية مواسير ، تكفى غرب الحارات
لكن تعرف فى ناس عندهم فراسة بيحسوا بالماسورة قبل الوقع فيها
|
مرحب بيك يا شمائل وآسف للتأخير والسبب إنو الجهاز البكتب منو كان ماسورة كبيرة
لا يكتب عربي لا إنجليزي.. شفتي كيف؟ بس الحمد لله في النهاية تكرم علينا برسم
نجمتين وكنت عاوز أعملهم سبعة لكن خفت من زعل المريخاب..
أضحك الله سنك وربنا يديم علينا الضحك والابتسام..
تعرفي المواسير يطاردوننا في كل مكان.. وما أكثرهم عندنا هنا..
في مواسير يمكن الصبر عليها لكن ما أقسى أن تلازمك ماسورة ليل نهار..
|
Post: #22
Title: Re: مـواسـير البـورد
Author: العوض المسلمي
Date: 02-09-2009, 02:24 PM
Parent: #3
سلام نصرالدين
فعلا المواسير ما شويه ,,,
ولكن كلام شمائل ده لازم اراجعها فيهو ,,,
| Quote: لكن تعرف فى ناس عندهم فراسة بيحسوا بالماسورة قبل الوقع فيها |
يلا اشرحي لنا هذه العباره ,,,,
| Quote: قال سقراط : الماسورة يشعر بها الزول كما الأجل |
اها عمنا سقراط قال الكلام ده متين وفي ياتوا مرجع ؟؟؟؟
شمائل ما تزوغي ,,,
|
Post: #24
Title: Re: مـواسـير البـورد
Author: Shamael Elnoor
Date: 02-09-2009, 02:36 PM
Parent: #22
عمو العوض
وينكـ
انا واحدة من الناس عندي فراسة بعرف ليكـ الماسورة قبل الوقوع
راجع بوست الشك التحوطي
اما مقولة سقراط هذه
قالها فى كتابه (قبيلة الماسوراب)
اى استفسار نرجو الاتصال هنا فى هذا البوست
|
Post: #25
Title: Re: مـواسـير البـورد
Author: العوض المسلمي
Date: 02-09-2009, 02:42 PM
Parent: #24
| Quote: انا واحدة من الناس عندي فراسة بعرف ليكـ الماسورة قبل الوقوع |
هلا اتحفتينا بالطريقه ؟
| Quote: قالها فى كتابه (قبيلة الماسوراب) |
الجزء الكم ؟؟؟
شمايل سلام
وكيفنك ,,,
|
Post: #56
Title: Re: مـواسـير البـورد
Author: Nasruddin Al Basheer
Date: 03-14-2009, 02:20 PM
Parent: #22
Quote: سلام نصرالدين
فعلا المواسير ما شويه ,,,
ولكن كلام شمائل ده لازم اراجعها فيهو ,,,
|
سلام يا حاج العوض وعساك بخير
علي الطلاق مداخلتك دي ما شفتها سوى الآن فلك المعذرة..
أنا بتفق مع شمائل بالكامل حول تعريفها للمواسير، لأنو
مرات الواحد بتعرفوا ماسورة من ملامح مداخلتو معاك وبتحس
بطعم الجلبة من أول سطر..
|
Post: #4
Title: Re: مـواسـير البـورد
Author: Nasruddin Al Basheer
Date: 02-05-2009, 02:23 PM
Parent: #2
Quote: انت زاتك ماسورة
عشان انا مريخابي |
حبابك يا السموأل
الله يديك العافية ما خيبت ظني تب..
أنا كنت واثق إنو أول متداخل حايكون ماسورابي..
لأنكم إنتو أصحاب مواسير سبعة بوصة أصلية..
|
Post: #5
Title: Re: مـواسـير البـورد
Author: ALGARADABI
Date: 02-05-2009, 03:15 PM
Parent: #4
,والله يا نصرالدين يوم بتحلج ليك ماسورة(قصدي بتكتل ليك زول)بالضحك
والله بوستاتك الذ بوستات
بالمناسبة ..قاعد اطلع مداعي لبوستاتك لانو اسمك اسم مواسير الناس ما بتخش
وكنتا اتمني تطبق مفهوم رعاية البوستات الذي طرحته سابقا عشان كنا نجد ليك رعاية ممتازة
رعاية من هناية
والله البوست تلقاهو في الصفحة التالتة قبل ما تدوس اضف رد
الله يصبرك على المواسير
|
Post: #7
Title: Re: مـواسـير البـورد
Author: Alshafea Ibrahim
Date: 02-07-2009, 06:21 PM
Parent: #5
بس أي مواسير قناطر زي الكريبة و 114 و99 ولا جنابيات ساكت زي جنابية ودكري والخولاب ... طبعا مافي ابعشرين فيهو ماسورة وأظنك شفتها ... يازول ما تجيب سيرة المواسير أنا مهستر بماسورة ... تقبل تحياتي وتقديري ومواسيري .
أخوكم (الشفيع)
|
Post: #8
Title: Re: مـواسـير البـورد
Author: humida
Date: 02-07-2009, 06:29 PM
Parent: #7
ماسورة دي مذكر و لا مؤنث ..
للتفريق و لشدة خطورة الامر .. اتمني فرز الرجال من النساء ..
الرجال مواسير .. و النساء قلنفايز ..!!
..
..
مع الشكر
|
Post: #14
Title: Re: مـواسـير البـورد
Author: Nasruddin Al Basheer
Date: 02-09-2009, 05:08 AM
Parent: #8
Quote: ماسورة دي مذكر و لا مؤنث ..
للتفريق و لشدة خطورة الامر .. اتمني فرز الرجال من النساء ..
الرجال مواسير .. و النساء قلنفايز ..!!
|
العريس حميدة ألف مبروك عليكم وإن شاء الله بيت مال وعيال..
الصفة المؤنثة تستعمل للرجال والنساء معاً، فنقول رجل
داهية ومصيبة وآفة وكذلك نقول امرأة داهية ومصيبة وآفة
وكذلك تستعمل الصفة المذكرة للجنسين معاً، فنقول رجل كج
وخازوق ومقلب وعسل وكذلك نقول امرأة كج وخازوق ومقلب وعسل
وعلى هذا القياس تستعمل صفة مثل ماسورة للجنسين..
والله أعلم..
|
Post: #11
Title: Re: مـواسـير البـورد
Author: Nasruddin Al Basheer
Date: 02-08-2009, 02:18 PM
Parent: #7
| Quote: بس أي مواسير قناطر زي الكريبة و 114 و99 ولا جنابيات ساكت زي جنابية ودكري والخولاب ... طبعا مافي ابعشرين فيهو ماسورة وأظنك شفتها ... يازول ما تجيب سيرة المواسير أنا مهستر بماسورة |
حمداً لله على سلامتك يا الشفيع وإن شاء الله البركة فيكم..
ليتها كانت مثل المواسير التي عمرت مشروع الجزيرة لقرن من الزمان،
مثل المواسير التي ذكرت وكان له الفضل في أن تروي مشروعاً ظل يعيش
الناس على خيره طويلاً، عندها كنا عملنا تعظيم سلام لها كمواسير..
كيف مدني يا الشفيع.. منتظرين منك تنوير عما يجري بها من مظالم..
|
Post: #10
Title: Re: مـواسـير البـورد
Author: Nasruddin Al Basheer
Date: 02-08-2009, 08:12 AM
Parent: #5
Quote: بالمناسبة ..قاعد اطلع مداعي لبوستاتك لانو اسمك اسم مواسير الناس ما بتخش
وكنتا اتمني تطبق مفهوم رعاية البوستات الذي طرحته سابقا عشان كنا نجد ليك رعاية ممتازة
رعاية من هناية
والله البوست تلقاهو في الصفحة التالتة قبل ما تدوس اضف رد
|
قريبي القردابي مرحب بيك وأنا شاكر على الإشادة وأتمنى أن تعجب بوستاتي الجميع..
يا عمر أنا أعمل شنو مع اسمي؟ هل تصدق أنا سمتني حبوبتي على جدها الرابع عشان كان شيخ؟
لكنو الآن أصبح اسم غير عصري وبطفش الناس من بوستاتي وبرضو نقول البركة الما كان جدها
اسمو حجر الصاقعة أو الفشق الفيل، وبرضو هو في النهاية اسم رجال واسم بملى الخشم، مش
زي الأسماء التقول مشحودة..
والبعض كمان بهرب من اسمي خوفاً من المحكمة الجنائية.. قبل كم يوم ولدي كان بحسب في أعمامو ..
عمو أحمد.. عمو إبراهيم.. عمو جلال.. عمو عمر البشير.. فقلت ليهو يا ولد عمر البشير ده ما عمك .. مالك داير تجيب لينا الهواء وتودينا التوج..
فكرة تسويق البوستات ما نسيتها وقبل إنزال هذا البوست اتصلت على هناية عشان يكون البوست برعايتها.. تعرف قالت لي شنو؟ قالت لي ترعاني أول وبعد كده أرعى بوستاتك (أرعاني وأنا برعاك)..
قلت ليها كيف يعني: قالت لي: تخطبني أول وبعد كده أرعى ليك بوستاتك..
قلت ليها يا بت أرعي بقيدك.. بورة البوستات ولا بورة سيدها..
وكانت دي بداية لأغنية جديدة حاتسمعوها قريباً بصوت الواعد وائل ود علوية
البوست يبور ... ما مشكلة..
ويفوت الخور .. ما مشكلة..
المشكلة.. تبقي إنت المشكلة..
والألحان للملحن علي أحمد...
ده طبعاً ما أخو صلاح ود الحاجة.. مجرد تشابه في الأسماء
كمان ما ننسى برضو في فنانين مواسير.. أخوي الصغير لعرسو حجز فنان ما سمعنا بيهو لكنو أكد
لينا إنو الود ده فنان مشهور وماسك بحري كده.. ونحن مسكنا على كده وبدورنا عملنا دعاية
كبيرة للفنان.. وجونا الناس، المعزومين منهم والضهب..
في الحفلة .. قام غنى الأغنية الأولى الناس كلهم كان بعاينو لبعض ومندهشين وكانوا بتساءلوا:
يا جماعة ده الفنان حقهم بالجد ولا دي الكاميرا الخفية؟
قبل الأغنية التانية، الفنان بظرافة قام بارك للعريس والعروس وأعلن إنو الأغنية الجاية للعرسان..
ولا داعي للإحراج
بعد النقرشة، العريس اتلفت ليك لقى العروس حردت الحفلة.. قام مشى عشان يقنعها بالعودة
للحفلة فقالت ليهو: يا أنا يا الفنان ده في الحفلة.. فاضطر العريس يضحي بالفنان عشان تستمر
حياتهم الزوجية..
بعد كم يوم عملت ليك تحريات عرفت إنو الفنان ده مشترك في فرقة اسمها (فـرقة عشّــونا)
والعداد بتاعو ضلعة أو صحن كوكتيل
يعني الفنان طلع ماسورة كبيرة والعريس شرب المقلب..
|
Post: #13
Title: Re: مـواسـير البـورد
Author: osman righeem
Date: 02-08-2009, 06:02 PM
Parent: #5
اخونا ابوحازم
تحياتي
اكيد انت قاصد تقول بورد المواسير
لكن أدبك غلب
عاين
في مواسير نحاس لشغل التبريد و تكسير التلج
في مواسير ظهره البيعموها كباري
و في مواسير قلفنايز للتوصيلات المنزليه
و في مواسير PVC غالبا للري و الصرف الصحي
و في مواسير استنلس استيلودي للمعامل و الحقل الطبي
و في مواسير البورد و دي بتفقع المراره و تقوم النوايط
وفي مواسير صلاح و جمال و دي بتحذف البوست
|
Post: #20
Title: Re: مـواسـير البـورد
Author: Nasruddin Al Basheer
Date: 02-09-2009, 02:11 PM
Parent: #13
Quote: اكيد انت قاصد تقول بورد المواسير
لكن أدبك غلب
عاين
في مواسير نحاس لشغل التبريد و تكسير التلج
في مواسير ظهره البيعموها كباري
و في مواسير قلفنايز للتوصيلات المنزليه
و في مواسير PVC غالبا للري و الصرف الصحي
و في مواسير استنلس استيلودي للمعامل و الحقل الطبي
و في مواسير البورد و دي بتفقع المراره و تقوم النوايط
وفي مواسير صلاح و جمال و دي بتحذف البوست |
العزيز رغيم يا لذيذ يا رايق
يا سلام عليك إنت فهمتني صاح
فعلاً ما عاوز أجمع عشان ما أظلم بعض الناس المجتهدين
رغم أنني أنصب نفسي على رأس قائمة المواسير بحسب فهمك وفهمي للبوست
لأنني تم الترحيب بي بطريقة جميلة وربما يكون من زكوني كان يحدوهم الأمل
بأن أقدم أفضل مما قدمت لكنني ونسبة لبعض المشغوليات أبتعد تارة وأعود
تارة أخرى وعموماً غير راض عن أدائي..
وتفصيلك لفئات المواسير أتفق معك حول الكثير منها وهذا واقع يومي نعيشه
حيث جنح المنبريون إلى تناول الخاص وترك العام مما قلل المناقشات الهادفة
وأصبح المنبر عبارة عن جلسة ونسة كل تلتة أربعة جالسين مع بعض..
أشكرك جزيلاً على الإضافة والمرور..
وتقبل ودي وإعزازي..
|
Post: #12
Title: Re: مـواسـير البـورد
Author: باسط المكي
Date: 02-08-2009, 02:40 PM
Parent: #1
نصر الدين
تحية
من ماسورة جديد.
...............
احرجتني وعقدتني ..جايز يكون كلامك ..
صح ..لكن وين المعيار البتقيس بيه المواسير
والغير مواسير ..
عجبتني طريقتك ووصفك الدقيق ..للمرحبيبن
والمزكين لطا لبي كلمة المرور ..وصفهم بانهم
مبدعون وفي النهاية طلعو مواسير ..
..........
وزي مانصبت نفسك ووصفت بعض الجدد بالمواسير
حقو تساعد الجدد علي الاقل ...يعرفو الدرب
ومفاهيم بتتصلح ..
ومنك ومن غيرك الناس بتتعلم ..
ودي سنة الحياة ..
ياهذا النصردين ..
|
Post: #15
Title: Re: مـواسـير البـورد
Author: ALGARADABI
Date: 02-09-2009, 08:13 AM
Parent: #12
يا باسط المكي
سلام
اي عضو جديد ماسورة حتي يثبت العكس
فالكرة في ملعبك
وده الماوس وده الكيبورد
بس خشبة قال انك زول كويس
وارجاهو جاي الاسبوع الجاي
ده لو بكري فصل
|
Post: #16
Title: Re: مـواسـير البـورد
Author: Ahmed Alim
Date: 02-09-2009, 08:49 AM
Parent: #15
الجميل أبوحازم،
هـسي انت جبته لينا كم ماسورة في البورد دا؟
وهل يتساوى عندكم مواسير الداخل مع مواسير المهجر؟ (من ناحية الموية وكدة)
محبتي
|
Post: #29
Title: Re: مـواسـير البـورد
Author: Nasruddin Al Basheer
Date: 02-09-2009, 05:51 PM
Parent: #16
Quote: هـسي انت جبته لينا كم ماسورة في البورد دا؟
وهل يتساوى عندكم مواسير الداخل مع مواسير المهجر؟ (من ناحية الموية وكدة)
|
حبيبنا أبو حميد
ليك وحشة والله والبركة في ظهورك..
المواسير الجبتهم يا أحمد كتيرين منهم حضرتكم إلى أن تخلي الزوغان والغياب بتاعك
وتواصل في المواضيع الهادفة التي بدأتها..
المواسير يا أحمد تتساوى من ناحية الموية وغيرها بين مواسير الداخل ومواسير الخارج
لأنهم في النهاية كادحين وبقطعوا من وقتهم للكتابة بغض النظر عن نوع الكتابة..
أظهر وبان يا اخي وما تطوّل الغياب مرة تانية..
|
Post: #17
Title: Re: مـواسـير البـورد
Author: باسط المكي
Date: 02-09-2009, 11:50 AM
Parent: #15
Quote: يا باسط المكي
سلام
اي عضو جديد ماسورة حتي يثبت العكس
فالكرة في ملعبك
وده الماوس وده الكيبورد
بس خشبة قال انك زول كويس
وارجاهو جاي الاسبوع الجاي
ده لو بكري فصل |
رغيم
تحياتي
.....
المنابر مدارس ..مفتوحة والكل يتعلم .
ودي رسالة ..
والمسالة مامسالة زول كويس اوغيرو..
الموضوع انو يكون في اضافة معرفة .لاي شخص متصفح
اوعضو..
.........
وبعدين ياخي هذا النصر الدين نصب نفسو كانو رجاء النقاش
او هيكل ..
وجد البوست مستفز ..
لانو لوجينا بفهم هذا النصر الدين ..
واللغة الطرح بيها الموضوع ..
هو اكبر ماسور ة
حتي ولو حاول خلط المواضسيع ..
بسخرية وفكاهة ..وماهكذا تورد الابل
اقل شي العنصر الجديد
يلقي ترحاب وتشجيع ..
لانو لو جينا للمواسير ياما هنا في اسبستوس
يجيب السرطان ..مواسير من كل الانواع ..زالاحجام
.........
تخريمة خشبة الحبيب زول
قامة وهامة وعمق معرفي انساني
بعييد..
احييه واحيييك ..
|
Post: #18
Title: Re: مـواسـير البـورد
Author: محمد المعتصم ابراهيم
Date: 02-09-2009, 12:19 PM
Parent: #17
مواسير وبت منو
سلام نصرالدين انت زول بوست الطشمه ولا انا ملخبط
|
Post: #32
Title: Re: مـواسـير البـورد
Author: Nasruddin Al Basheer
Date: 02-09-2009, 06:28 PM
Parent: #18
Quote: مواسير وبت منو
سلام نصرالدين انت زول بوست الطشمه ولا انا ملخبط ] |
أهلاً وسهلاً بيك يا محمد المعتصم في المنبر وفي البوست..
مواسير وبت بت المنى بت مساعد..
محمد المعتصم ما شاء الله ذاكرتك حديدية..
أنا فعلاً بتاع البوست بتاع الطشمة..
البوست كان بعنوان (الكتابة تحت تأثير الخمر)..
شكراً ليك على المرور..
|
Post: #40
Title: Re: مـواسـير البـورد
Author: محمد المعتصم ابراهيم
Date: 02-11-2009, 07:25 AM
Parent: #32
مواسير وبتــ نقط
الله يخليك يا نصرالدين البوست دا انا شاربو شراب بكل مطباته كان ممتع وبناقش واقع معاش
المهم اقبلني صديق واخ ليك ومن متابعي بوستاتك الحلوه
الحاجات الحلوه تظل بالذاكره (الكلمة الطيبة )
تحياتي
|
Post: #19
Title: Re: مـواسـير البـورد
Author: osman righeem
Date: 02-09-2009, 12:34 PM
Parent: #17
Quote: رغيم
تحياتي
.....
المنابر مدارس ..مفتوحة والكل يتعلم .
ودي رسالة ..
|
اخونا باسط المكي
لك التحية و الموده
وقعت في شرك القرضابي
Quote: وبعدين ياخي هذا النصر الدين نصب نفسو كانو رجاء النقاش
او هيكل ..
وجد البوست مستفز ..
لانو لوجينا بفهم هذا النصر الدين ..
واللغة الطرح بيها الموضوع ..
هو اكبر ماسور ة
حتي ولو حاول خلط المواضسيع ..
بسخرية وفكاهة ..وماهكذا تورد الابل
اقل شي العنصر الجديد
يلقي ترحاب وتشجيع ..
|
ياخ برد نفسك شويه
و الكلام موجه للذين يقومون بتسويق
المتقدمون للعضويه وليس به انتقاص
للزملاء الجدد و لو لم يرفد المنبر
بالعضوية الجديده دوما سوف يكون
دائر كساقية جحا
ولا تأخذ الموضوع بهذا البعد
ودمت ... و شكرا للقرضابي
|
Post: #31
Title: Re: مـواسـير البـورد
Author: Nasruddin Al Basheer
Date: 02-09-2009, 06:21 PM
Parent: #19
Quote: ياخ برد نفسك شويه
و الكلام موجه للذين يقومون بتسويق
المتقدمون للعضويه وليس به انتقاص
للزملاء الجدد و لو لم يرفد المنبر
بالعضوية الجديده دوما سوف يكون
دائر كساقية جحا
ولا تأخذ الموضوع بهذا البعد
|
معليش يا أبو عفان ومثل هذه الأشياء بتحصل في أرقى البوستات
وشكراً للحبيب القردابي...
ما عارف الذكرني ود البشرى شنو في هذا البوست؟
|
Post: #30
Title: Re: مـواسـير البـورد
Author: Nasruddin Al Basheer
Date: 02-09-2009, 06:15 PM
Parent: #17
Quote: وبعدين ياخي هذا النصر الدين نصب نفسو كانو رجاء النقاش
او هيكل ..
وجد البوست مستفز ..
لانو لوجينا بفهم هذا النصر الدين ..
واللغة الطرح بيها الموضوع ..
هو اكبر ماسور ة
حتي ولو حاول خلط المواضسيع ..
بسخرية وفكاهة ..وماهكذا تورد الابل
اقل شي العنصر الجديد
يلقي ترحاب وتشجيع ..
لانو لو جينا للمواسير ياما هنا في اسبستوس
يجيب السرطان ..مواسير من كل الانواع ..زالاحجام
|
الأخ باسط
متجاوزاً هجومك غير المبرر، دعني أحصر كلامي في النقاط التالية:
1- لفظ الأعضاء الجدد ليس المقصود به الأعضاء المسجلين في الوقت الراهن، بل يعني
كل الأعضاء حال كونهم جدد، وهذا يشمل الذين تسجلوا سنة ألفين والذين تسجلوا في سنة
ألفين وتمانية، لا أعني باعتبار ما كان فقط ولكن أعني أيضاً الأعضاءً عندما يكونوا جداد
2- لو كنت أعني بكلامي الأعضاء الجدد لاعترفت بما كتبته ولا أتحرج في ذلك، كما أنني أملك
الشجاعة الكافية في الاعتذار إذا أخطأت في حق إنسان
3- من غير المنطقي أن أكون أعني الأعضاء حدبثي التسجيل، لأن بعضهم لم يكتب سوى بوست
الترحيب، فكيف تفترض أنني أقصدهم بكلامي وبعضهم لم يكتب أصلاً؟
4- هنالك علامة تدل على أن البوست بوست فكاهي وليس بوست جادي مع أنني لم أعمد إلى السخرية
من أحد أو تجريح أحد في كل البوستات التي كتبتها، وفكرة البوست أن لفظ ماسورة لفظ منتشر
هذه الأيام بين الهلالاب والمريخاب وأردت في هذا البوست أن أقول لهم حتى في المنبر هنا عندنا
مواسير.. وربما لاحظت زميلنا السموأل المتداخل الأول فهم الموضوع ووصفني بأنني ماسورة
وضحكت لذلك ولم أزعل والأمر لا يحتمل سوى أن يكون مجرد دعابة..
5- أنا عضو غير منتظم.. فهل يعقل أنني أعرف من هم الأعضاء الجدد وأقرأ لهم ثم آتي لأحكم
عليهم بأنهم مواسير؟
5- نصيحتي لك (لو قبلتها) بألا تتسرع في الحكم على الأشياء وأن تحسن الظن بالناس دائماً..
أرجو أن تكون صدقت بأنني لم أقصد الزملاء الجدد بلفظة مواسير..
|
Post: #23
Title: Re: مـواسـير البـورد
Author: Nasruddin Al Basheer
Date: 02-09-2009, 02:25 PM
Parent: #15
Quote: اي عضو جديد ماسورة حتي يثبت العكس
فالكرة في ملعبك
وده الماوس وده الكيبورد
|
يا قردابي، الراجل معذور فهم الموضوع بطريقة مختلفة خالص..
ليس المقصود بالأعضاء الجدد هم الأعضاء الذين تم انضمامهم الآن،
بل المقصود كل إنسان تم الترحيب به في هذا المنبر منذ أول عضو
إلى آخر عضو، لأن العضو عندما ينضم إلى هذا المنبر يكون جديداً،
والمواسير المقصودين ليسوا هم الأعضاء الجدد لأنهم حتى الآن ما زالوا
حديثي عهد بالمنبر ولا يمكن أن نحكم عليهم بأنهم مواسير فقط لأنهم جدد..
|
Post: #21
Title: Re: مـواسـير البـورد
Author: Nasruddin Al Basheer
Date: 02-09-2009, 02:17 PM
Parent: #12
Quote: وزي مانصبت نفسك ووصفت بعض الجدد بالمواسير
حقو تساعد الجدد علي الاقل ...يعرفو الدرب
ومفاهيم بتتصلح ..
ومنك ومن غيرك الناس بتتعلم ..
ودي سنة الحياة ..
|
الأخ باسط المكي
لك التحية والمودة
ما ورد أعلاه كان جزء من مداخلتك تفيد فيه بأنني وصفت بعض الأعضاء الجدد بالمواسير..
أرجو أن تورد الفقرة التي ذكرت فيها أنا هذا الكلام حتى يكون النقاش موضوعياً..
برضو شكراً ليك..
|
Post: #26
Title: Re: مـواسـير البـورد
Author: باسط المكي
Date: 02-09-2009, 03:12 PM
Parent: #21
Quote: يعني بصريح العبارة الجماعة طلعوا مواسير، ولا ينقصون في ذلك عن
ايفياني شيئاً..
|
تحية
واحتراما
وبرجع ليك
|
Post: #27
Title: Re: مـواسـير البـورد
Author: باسط المكي
Date: 02-09-2009, 03:16 PM
Parent: #26
| Quote: قلت ليهو زولك طلع ماسورة |
|
Post: #28
Title: Re: مـواسـير البـورد
Author: باسط المكي
Date: 02-09-2009, 03:21 PM
Parent: #27
Quote: يا قردابي، الراجل معذور فهم الموضوع بطريقة مختلفة خالص..
ليس المقصود بالأعضاء الجدد هم الأعضاء الذين تم انضمامهم الآن،
بل المقصود كل إنسان تم الترحيب به في هذا المنبر منذ أول عضو
إلى آخر عضو، لأن العضو عندما ينضم إلى هذا المنبر يكون جديداً،
والمواسير المقصودين ليسوا هم الأعضاء الجدد لأنهم حتى الآن ما زالوا
حديثي عهد بالمنبر ولا يمكن أن نحكم عليهم بأنهم مواسير فقط لأنهم جدد |
نصر الدين
تحية واحتراما
هنا عندك حق ...
|
Post: #35
Title: Re: مـواسـير البـورد
Author: Nasruddin Al Basheer
Date: 02-09-2009, 06:46 PM
Parent: #28
Quote: نصر الدين
تحية واحتراما
هنا عندك حق ... |
ولا يهمك يا راجل..
|
Post: #34
Title: Re: مـواسـير البـورد
Author: Nasruddin Al Basheer
Date: 02-09-2009, 06:41 PM
Parent: #27
| Quote: قلت ليهو زولك طلع ماسورة |
با باسط يا اخي والله ما كان في أي حوار بيني وبين أي إنسان في هذا الموضوع..
ده حوار افتراضي وهو نوع من أنواع فن الكتابة لإضفاء شيء من الكوميديا والفكاهة
للنص المكتوب..
بالمناسبة الفنان الطلع ماسورة في حفلة أخوي برضو ما حقيقي وأنا ما حضرت العرس أساساً..
يعني المسألة مجرد خيال.. تتخيّل!
|
Post: #36
Title: Re: مـواسـير البـورد
Author: باسط المكي
Date: 02-09-2009, 08:16 PM
Parent: #34
Quote:
با باسط يا اخي والله ما كان في أي حوار بيني وبين أي إنسان في هذا الموضوع..
ده حوار افتراضي وهو نوع من أنواع فن الكتابة لإضفاء شيء من الكوميديا والفكاهة
للنص المكتوب..
بالمناسبة الفنان الطلع ماسورة في حفلة أخوي برضو ما حقيقي وأنا ما حضرت العرس أساساً..
يعني المسألة مجرد خيال.. تتخيّل! |
نصر الدين
عدم معرفت
مقامات الرجال ..احياتا تدخل الواحد في حسابات
هو يجهلها ..
ودي مشكلتي ..
وامحي عماي ..لاني جديد في موقع فيه
كل انواع المعرفة واتشرفت بيه
وبيك وانحيني لك اختراما وتقدير وسعة صدر
وتحمل ...منك
احترامي وتقدير لك
ومنكم نتعلم ...ودة في حدي زاتو درس
لي كعضو قي سنة اولي سودانيز اون لاين
التي تمددت عبر اضابير الميديا ..
في كل انحاء الارض تنشر الوعي ..وتعلم الراي والراي الاخر
وبها علاقات تواصل من الكيبورد حتي
البيوت تواصل انساني ..
بين كل الناس ..
لك كل الود
|
Post: #38
Title: Re: مـواسـير البـورد
Author: Nasruddin Al Basheer
Date: 02-11-2009, 05:02 AM
Parent: #36
Quote: ومنكم نتعلم ...ودة في حدي زاتو درس
لي كعضو قي سنة اولي سودانيز اون لاين
التي تمددت عبر اضابير الميديا ..
|
تحياتي يا أخ باسط
العفو يا سيدي ولا عليك وأرجو ألا تجلد ذاتك فأنت لم تخطيء، تساءلت عن شيء
اعتقدته ومن حقك أن تسأل.. صدقني أنا لم أزعل على الإطلاق وزعلي كان سيكون
كبيراً لو لم تصدقني وتقتنع بكلامي، لأنني أعلم وقع الكلمة الجارحة على الإنسان..
يقال بأن صلاح عبد الصبور قتلته كلمة، نسأل الله السلامة للجميع..
عموماً اعتبر هذا البوست عبارة عن كاميرا خفية وأرجو أن تضحك مع الكاميرا الخفية..
أنا إنسان رغم جديتي في حياتي، لكنني أحب الضحك والفكاهة لأنها أشياء
ضرورية لاستمرار الحياة..
|
Post: #33
Title: Re: مـواسـير البـورد
Author: Nasruddin Al Basheer
Date: 02-09-2009, 06:33 PM
Parent: #26
Quote: يعني بصريح العبارة الجماعة طلعوا مواسير، ولا ينقصون في ذلك عن
ايفياني شيئاً..
|
إيراد أيفياني في المقارنة لا يتم أن يكون الأعضاء المقصودين هم أعضاء جدد..
مش ممكن برضو أكون قاصد أعضاء قدامى؟
|
Post: #37
Title: Re: مـواسـير البـورد
Author: بشير أحمد
Date: 02-09-2009, 08:53 PM
Parent: #33
ودالبشير
تحياتي؛؛؛؛
مواسير الساهلة دي ؛مواسير كابه ساي أمفكو من غير بلف
هدر للمخزون المائي ؛
بوستكـ ده ذكرني هيئة المياه والكهرباء في السعودية ؛
جابو لينا حاجات كده قالوا لترشيد الاستهلاك المائي داخل الشقة ؛مربوطة في كيس
يخطوها ليك قدام باب الشقة ويدقوا ليك جرس الباب ؛شئ تربطو في الحمام وشئ في المطبخ
المهم ..
جابت نتيجة من 3 وايت (تنكر) انخفضت الي 1
بناءا علي النقه اعلاه :
نرجو توفير هذه القطع هنا في البورد لكل المواسير الحالجة هنا.
___________
نتوقع بوست بعنوان:
بواسير البورد...
|
Post: #39
Title: Re: مـواسـير البـورد
Author: Nasruddin Al Basheer
Date: 02-11-2009, 05:12 AM
Parent: #37
Quote: مواسير الساهلة دي ؛مواسير كابه ساي أمفكو من غير بلف
هدر للمخزون المائي ؛
|
تحياتي يا دكتور بشير والبركة في طلتك..
بالفعل هناك كثير من البوستات تعتبر إهدار للوقت وأرجو أن نرى بوستات هادفة
ومشاركات من الجميع وأن تعود الأقلام الغائبة..
Quote:
نتوقع بوست بعنوان:
بواسير البورد... |
بوست بهذا العنوان يحتاج مني في الأول أن أجهز عكار مضبب، لأنني سأواجه
حينها بهجوم بصواريخ أرض جو من أغلبية الأعضاء وما عندنا وقت للمشاكل..
نحن بنحاول نمشي بتحت الحيطة..
لك الشكر على المرور يا حبيب..
|
Post: #41
Title: Re: مـواسـير البـورد
Author: محمد عبد الماجد الصايم
Date: 03-09-2009, 10:04 AM
Parent: #39
تكاثرت المواسير يا عمكـ!
|
Post: #42
Title: Re: مـواسـير البـورد
Author: Mohammed Ibrahim Othman
Date: 03-09-2009, 10:18 AM
Parent: #41
سؤال ياريس :
البرازيلي ابوشعر داك اسمه منو؟؟
|
Post: #43
Title: Re: مـواسـير البـورد
Author: محمد عبد الماجد الصايم
Date: 03-09-2009, 10:26 AM
Parent: #42
Quote: سؤال ياريس :
البرازيلي ابوشعر داك اسمه منو؟؟ |
نيابة عن الريس:
اسمو رونالدينو!
|
Post: #44
Title: Re: مـواسـير البـورد
Author: Mohammed Ibrahim Othman
Date: 03-09-2009, 10:44 AM
Parent: #43
Quote: سؤال ياريس :
البرازيلي ابوشعر داك اسمه منو؟؟ |
Quote: نيابة عن الريس:
اسمو رونالدينو! |
محمد عبد الماجد الصايم..
انا قصدي بتاع يوم 2/0 داك والناس الما اتعشت ..
بس انت جاوبت ليه ؟
انا سألت ابوازرق وابيض !!
سؤالي ليك : انت بتشجع منو ؟
اوعى تقول ليّ صحبك ود البشرى ..
|
Post: #45
Title: Re: مـواسـير البـورد
Author: أيمن الطيب
Date: 03-09-2009, 10:55 AM
Parent: #44
نصر الدين سلامات,,
حتى نجد أرضية مشتركة للنقاش,,
ومحاولة خلق نتائج أفضل,,,,
أرجو تعريف ووصف( ماسورة)
ومتى وأين شاع إستعمال هذا الوصف!!
غير مواسيرأونلاين,,وما هى علاقة القرد بالماسورة ست الإسم؟؟
تحياتى,,,
|
Post: #46
Title: Re: مـواسـير البـورد
Author: الطيب رحمه قريمان
Date: 03-09-2009, 12:02 PM
Parent: #45
الاستاذ نصرالدين
و كل المتداخلين من السادة و السيدات
لكم التحية
الاستاذ نصرالدين من الاقلام التى نزن ما تكتب و ترى فيه براعة متناهية فى اختيار الكلمات و صياغة العبارات
فللرجل اسلوب رصين و رزين . فله التحية
كثير ما تخيلت ملامح الكاتب او الكاتبة خلال الموضوعات المتناولة و الاسلوب و السلوك المتبع فى الكتابة
و الرد على المتداخلين و عندما تتاح الفرصة لتحدث احدا من هؤلاء تلفونيا او عند المقابلة الشخصية فتجد
ان الفرق كبير جدا بين الواقع "الواقع يشمل المظهر و البرة الصوتية " و الشخصية المتخيلة " الكاتب".
افول ذلك و أنا لا زلت بصدد الحديث عن الاستاذ , لم احدثه حتى هذه اللحظة و لم اره على الاطلاق لكنى على يقين
ان هذه الشخصبة المتفردة "نصرالدين" غير الذين قابلناهم و احبطنا فيهم .
فالرجل ليست بماسورة
و اقول لكم و للاستاذ نصرالدين ان المواسير كثر فى هذا المنبر
اللهم لا تجعلنا منهم
|
Post: #57
Title: Re: مـواسـير البـورد
Author: Nasruddin Al Basheer
Date: 03-14-2009, 02:42 PM
Parent: #46
Quote: الاستاذ نصرالدين من الاقلام التى نزن ما تكتب و ترى فيه براعة متناهية فى اختيار الكلمات و صياغة العبارات
فللرجل اسلوب رصين و رزين . فله التحية
كثير ما تخيلت ملامح الكاتب او الكاتبة خلال الموضوعات المتناولة و الاسلوب و السلوك المتبع فى الكتابة
و الرد على المتداخلين و عندما تتاح الفرصة لتحدث احدا من هؤلاء تلفونيا او عند المقابلة الشخصية فتجد
ان الفرق كبير جدا بين الواقع "الواقع يشمل المظهر و البرة الصوتية " و الشخصية المتخيلة " الكاتب".
افول ذلك و أنا لا زلت بصدد الحديث عن الاستاذ , لم احدثه حتى هذه اللحظة و لم اره على الاطلاق لكنى على يقين
ان هذه الشخصبة المتفردة "نصرالدين" غير الذين قابلناهم و احبطنا فيهم .
فالرجل ليست بماسورة
و اقول لكم و للاستاذ نصرالدين ان المواسير كثر فى هذا المنبر
اللهم لا تجعلنا منهم |
أخونا الغالي أستاذ الطيب
أهلاً وسهلاً ومرحباً بك..
أنا شاكر ومقدر وممتن للكلام الطيب عني جزاك الله خير وأرجو أن أكون كما وصفتني..
لكنني لا أصلك إلى النذر القليل مما كتبته أنت ويكفيك بوستك المتفرد عن بلدك
(القيقر) وكم تمنيت لو استمريت، فهو تحفة جميلة.. ما أجمل الكتابة حين تكون عن
المكان والإنسان فهما مصدرا كل تفرد وجمال..
أنا رجل سوداني قروي بسيط وربما ساذج.. أحب السهولة في كل شيء ولا أحب المشاكل
والنزاعات لذلك تجدني أتحاشى البوستات الملغومة.. معظم ما كتبته هنا عبارة عن
بوستات ساخرة رغم كوني رجل جاد، لأنني أرى أن الكتابة بأسلوب رسم الكاركاتير
هي أنجع وسيلة لتوصيل الفكرة...
أما مسألة التشابه والاختلاف بين ملامح ونبرة صوت الكاتب بين الصورة المتخيلة
والصورة الحقيقية فهذا موضوع جميل ومشوق يوحتاج إلى بوست منفصل..
مرات يكون الكاتب على نفس الهيئة التي تخيلتها ولكن في الغالب ربما يكون عكس
ذلك، في ملامحه وطوله وحجمه وعمره وحتى طريقة كلامه.. يوجد كثيرون هنا رسمت
لهم صورة الإنسان العدائي اللئيم ولكن كانوا عكس ذلك تماماً، فربما يكتب البعض
هنا بنظرية (الما شفتو أديهو على راسو)..
أتمنى أن نلتقي يا الطيب، وقبل ذلك أن نتواصل..
أشكرك كثيراً على مداخلتك الرقيقة.. وهذا رقم جوالي للتواصل
00971503445171
وتقبل سلامي واحترامي..
|
Post: #55
Title: Re: مـواسـير البـورد
Author: Nasruddin Al Basheer
Date: 03-14-2009, 02:08 PM
Parent: #45
Quote: نصر الدين سلامات,,
حتى نجد أرضية مشتركة للنقاش,,
ومحاولة خلق نتائج أفضل,,,,
أرجو تعريف ووصف( ماسورة)
ومتى وأين شاع إستعمال هذا الوصف!!
|
أيمن والشباب
تحياتي وآسف للانقطاعة عن المنبر
ماسورة هو تعبير أو اصطلاح حداثي يطلق للإنسان الذي تسبقه سمعة طيبة
في شأن من الشؤون ولكنه بعد التمحيص والتجربة يظهر على أنه (ماسورة)
أقصد لا يستحق ما قيل عنه، وهي مفدرة أقرب إلى كلمة (خازوق) في عاميتنا
السودانية..
وعندما قال شاعرنا الكبير حميد (خوازيق البلد زادت) كان يقصد مواسير
البلد زادت وربما ذهب إلى أبعد من ذلك في معناه إلى مصائب البلد زادت.
وهذا التعبير من التعابير المستحدثة والجديدة، وظهر قبل أشهر معدودة،
ولعل الصحف الرياضية هي أكثر من استخدمته، بسبب أن معظم لاعبي التسجيلات
بتاعين اليومين ديل طلعوا (مواسير) ولكن أشهرهم على الإطلاق هو لاعب الهلال
السابق إيفياني والذي يمكن أن نطلق عليه بتعبير الكيزان (شيخ المواسير)..
أرجو أن أكون قد أجبت على السؤال بوضوح..
|
Post: #48
Title: Re: مـواسـير البـورد
Author: Nasruddin Al Basheer
Date: 03-09-2009, 02:13 PM
Parent: #42
Quote: سؤال ياريس :
البرازيلي ابوشعر داك اسمه منو؟؟ |
كان بتقصد بتاعكم، يكون أكرم .. أكرم بتاع الطملة بتاعة عمّان
البرازيلي بتاعنا نحن.. طلع قريب أوكامبو وكمان طلع ماسورة..
شفت ليك محن يا حمودة؟
|
Post: #47
Title: Re: مـواسـير البـورد
Author: Nasruddin Al Basheer
Date: 03-09-2009, 02:09 PM
Parent: #41
| Quote: تكاثرت المواسير يا عمكـ! |
والله فعلاً تكاثرت المواسير علينا وتكسرت كالعكاكيز على ظهورنا..
وغلبنا نكتب عنها (أعني المواسير)..
فهناك مواسير الحكومة
ومواسير المعارضة
ومواسير الفنانين
ومواسير الهلال (وما أقساها من مواسير)..
جماعة المؤتمر الوطني طلعوا عمك أوكامبا برضو ماسورة..
|
Post: #49
Title: Re: مـواسـير البـورد
Author: محمد البشرى الخضر
Date: 03-09-2009, 02:25 PM
Parent: #47
يا عمك
علي اليمين في واحد طلع ماسورة 6 بوصة عديل كدة
|
Post: #50
Title: Re: مـواسـير البـورد
Author: محمد عبد الماجد الصايم
Date: 03-09-2009, 02:28 PM
Parent: #49
| Quote: علي اليمين في واحد طلع ماسورة 6 بوصة عديل كدة |
يعني رفعنا البوست دا عشان خاطر عيونكـ؟
|
Post: #51
Title: Re: مـواسـير البـورد
Author: محمد عبد الماجد الصايم
Date: 03-09-2009, 02:28 PM
Parent: #49
| Quote: علي اليمين في واحد طلع ماسورة 6 بوصة عديل كدة |
يعني رفعنا البوست دا عشان خاطر عيونكـ؟
|
Post: #52
Title: Re: مـواسـير البـورد
Author: محمد البشرى الخضر
Date: 03-09-2009, 02:37 PM
Parent: #51
قاصد نفس الماسورة ؟
واحدة واحدة يا عمك عشان تكفي
|
Post: #53
Title: Re: مـواسـير البـورد
Author: محمد عبد الماجد الصايم
Date: 03-09-2009, 02:41 PM
Parent: #52
| Quote: قاصد نفس الماسورة ؟ |
ياهو زااااطو
|
Post: #54
Title: Re: مـواسـير البـورد
Author: الطيب رحمه قريمان
Date: 03-10-2009, 12:22 PM
Parent: #53
الاستاذ نصرالدين
لك التحية
اليوست ده عن معنى الماسورة للاستاذ وائل فحل
ماســــــــــورة ..!
|
Post: #58
Title: Re: مـواسـير البـورد
Author: معاذ منصور
Date: 03-14-2009, 08:35 PM
Parent: #54
منو ؟ حميدة ؟
ليك وحشة ود البشير
ماسورة تبدو في اغلب الاحيان افضل من مأسورة ولا شنو رايك ؟
لان بعض اقلامنا تجدها مأسورة على وزن مأجورة لدرجة اني قرأت في بوست
احد اصدقائنا عبارة لم اكن اتوقع ان اسمعها منه حيا والسبب انه كا مأسورا
نصر الدين ما تؤل الكلام اسع انا قلت مأجورا قلت مأسورة وبس
وبيني وبينك البورد احيانا بجيب ليه (بععت )والزول احسن ينوم بدري
لكن احيانا الا تكتب خيرا من ان تكتب وخاصة في سواقين مهرة يقوم ببوستك
سداري واسوقو بطريقة ما تعرف توقفو لو لميت مواسير الحلة كلها
والزول الداير بوستو امشي زي ما داير يجهز مطباته قبل ما يبدا الكتابة
واشوف طريقة يفجر بيها المواسير البتلاقيه
عموما الي ان تتموسر كل البوستات بالطريقة التي تكره ارع بقيدك
قبل ما تلقى البقول ليك :
(اتمتو غادي غادي ما تدفقو علينا مروسنا )
|
Post: #59
Title: Re: مـواسـير البـورد
Author: haroon diyab
Date: 03-14-2009, 10:29 PM
Parent: #58
نصر الدين ياعمكـ
هاااااااااااااااكـ الماسورة دي
|
|