توضيح من السفارة السودانية حول ملابسات وفاة المواطن محمد ابرهيم ...

وقل اعملوا فسيرى الله عملكم ورسوله والمؤمنون . صدق الله العظيم..

صدق الله العظيم ... منتظرين ياود الباوقة والموضوع هام جدا ..

Quote: توضيح من السفارة السودانية حول ملابسات وفاة المواطن محمد ابرهيم

الاخ ممثل السفارة ولا شنو ؟؟؟؟؟؟؟

Quote: أين البورداب موظفي السفارة يا من تطلعون علينا في كل إنجاز وإعجاز

Quote: الاخ ممثل السفارة ولا شنو ؟؟؟؟؟؟؟

الكجم ما بزيل بلم .......

المواطن محمد ابراهيم ( يرحمه الله ) من ابناء منطقة الدامر كان يعمل بسيارته الخاصة
في نقل طالبات عندما داهمته كومة السكري فقامت الطالبات باسعافه الى مستشفى الايمان حيث توفي بها .
لا يوجد اي عنوان او تلفون للمرحوم حتى يتسنى للمستشفي الاتصال به . فقامت بالاتصال بالسفارة السودانية موضحة وجود جثة مجهولة الهوية لمواطن سوداني
وعلى الفور قامت السفارة بارسال مندوب لها وهوالموظف ماجد على عثمان . ذهب الاخ ماجد الى المستشفى وفعلا لم يجد مع ادراة المستشفى اي عنوان يوصل الى اهل الفقيد . بعدها قامت السفارة بجهود مضنية حيث تم التوصل الى من يسكن معهم الفقيد وعند الاتصال بهم اوضحوا بانهم بحثوا عنه في كل مكان عدا مستشفى الايمان حيث انهم يجاورنه السكن ( حي خنشليلة)
المرحوم ليس له قريب هنا بالمملكة فقامت السفارة بالاتصال باهله بالسودان حيث تم ارسال توكيل من لصديق المرحوم
لكي يقوم باتمام اجراءات الدفن كل ذلك تم بواسطة السفارة والمستندات التي تثبت ذلك موجودة بحوزتها وسنقوم بانزالها هنا .
قامت السفارة باتمام كافة اجراءات الدفن مع الجهات المختصة بالسعودية ( الوثائق موجودة ) طرف السفارة
بعد الانتهاء من كافة الاجراءات طلبت السفارة من اصدقاء الفقيد ان يكون الدفن يوم الجمعة حتى يستطيع جميع طاقم
السفارة من حضور التشييع . الا ان الدفن كان يوم الاربعاء الماضى مع ذلك شارك في الدفن بعض اعضائها.
هذا ما لزم توضيحه ونسال الله الستر في الدنيا والاخرة ..

..

Quote: داهمته كومة السكري

وبرضو

Quote: الـ.....ما بزيل بلم

يا ودالباوقة


!!!!!!!!!!!!!!!!!!!!!!!
!!!!!!!!!!!!!!!!!!!!!!!

وتانى جاييك يا ودالباوقة عشان تشوف

Quote: Quote: الـ.....ما بزيل بلم

كتب ود الباوقة مطبلاً:

Quote: الا ان الدفن كان يوم الاربعاء الماضى مع ذلك شارك في الدفن بعض اعضائها. هذا ما لزم توضيحه

واقتبس ايضاً:

Quote: طيب الزول الاستلم الجثمان الاربعاء الماضي علاقته شنو مع المرحوم وظهر كيف؟؟؟؟

وكمان استدل فى بداية البوست بآية قرآنية

.........

نشوف ؟؟؟؟

لو لاحظنا فى تاريخ اقرار استلام وتصريح دفن الجثمان فاننا نجده بتاريخ 3/2/1430هـ

والذى يوافق ((( الخميس ))) 29/1/2009 وليس الاربعاء كما ذكر الاخو

(الظاهر السفارة دفنت ليها واحد تانى)

...................
...................

خلينا الكذب وتحرى الكذب كمان جابت ليها ( لداحة وفصاحة) وازالة بلم

]ود الباوقة
اجب علي السؤال الفوق دا

الحثمان بالظبط دفنوه متين ...

الأربعاء ولا الخميس

Quote: Author: ود الباوقة المواطن محمد ابراهيم ( يرحمه الله ) من ابناء منطقة الدامر كان يعمل بسيارته الخاصة في نقل طالبات عندما داهمته كومة السكري فقامت الطالبات باسعافه الى مستشفى الايمان حيث توفي بها . لا يوجد اي عنوان او تلفون للمرحوم حتى يتسنى للمستشفي الاتصال به . فقامت بالاتصال بالسفارة السودانية موضحة وجود جثة مجهولة الهوية لمواطن سوداني وعلى الفور قامت السفارة بارسال مندوب لها وهوالموظف ماجد على عثمان . ذهب الاخ ماجد الى المستشفى وفعلا لم يجد مع ادراة المستشفى اي عنوان يوصل الى اهل الفقيد . بعدها قامت السفارة بجهود مضنية حيث تم التوصل الى من يسكن معهم الفقيد وعند الاتصال بهم اوضحوا بانهم بحثوا عنه في كل مكان عدا مستشفى الايمان حيث انهم يجاورنه السكن ( حي خنشليلة) المرحوم ليس له قريب هنا بالمملكة فقامت السفارة بالاتصال باهله بالسودان حيث تم ارسال توكيل من لصديق المرحوم لكي يقوم باتمام اجراءات الدفن كل ذلك تم بواسطة السفارة والمستندات التي تثبت ذلك موجودة بحوزتها وسنقوم بانزالها هنا . قامت السفارة باتمام كافة اجراءات الدفن مع الجهات المختصة بالسعودية ( الوثائق موجودة ) طرف السفارة بعد الانتهاء من كافة الاجراءات طلبت السفارة من اصدقاء الفقيد ان يكون الدفن يوم الجمعة حتى يستطيع جميع طاقم السفارة من حضور التشييع . الا ان الدفن كان يوم الاربعاء الماضى مع ذلك شارك في الدفن بعض اعضائها. هذا ما لزم توضيحه ونسال الله الستر في الدنيا والاخرة ..

اخي عابدون ..

فعلا الامر في غاية الاهمية وتحديدا عندما يتحول من الطرح لحل مشكلة الى هجوم عرمرم على السفارة

شكرا اخونا عابدون ...

الله يرحمه ويحسن اليه

بس فى تاخير شديد من السفارة,,,حتى الاحد الفات الرجل موجود فى المستشفى
وعلى حسب ذلك المطوع قال اتصل بالسفارة كم مرة ولم ياتى احد

عموما نتمنى من السفارة حين ياتها امر كهذا ان تسرع مثل السفارات الاخرى
مثلما هى حريصة على تجديد جوازه واخذه ضريبته,,,لازاما عليها الاسراع فى دفنه,,

نتمنى ان يعى كل شخص دوره,,,والا عليه التنحجى لغيره,,,
والله ياود الباوقة لو كنت انت ممثل معهم لفعلتها فى اول اتصال
لكن بعض اعضاء السفارة مشغولون بامورهم الخاصة وبالصراعات الجهوية الداخلية
دا شايفى ودا جعلى ,,اهل العوض ديل ما بنفعو فى السفارة احسن نهمش دورهم
وهم كلهم اعضاء موتمر وطنى....شفت الخلافات كيف

تحياتى

ود الباوقة سلام

اي كانت المبررات وجود جثة لسوداني لمدة شهرين بثلاجة بمستشفي و بالسعودية

عار علينا جميعاً


وبالاخص السفارة السودانية

والله والله لو مش نزلت مستندات لو نزلت السماء ذاتو
حيظل الموضوع فضيحة في وجهنا جميعاً

واولهم السفارة السودانية بالمملكة

السبب الرئيس في التاخير هو عدم الحصول على اي جهة اتصال لاهل او معارف للمرحوم ...

طيب الزول الاستلم الجثمان الاربعاء الماضي علاقته شنو مع المرحوم
وظهر كيف؟؟؟؟

طيب الزول الاستلم الجثمان الاربعاء الماضي علاقته شنو مع المرحوم
وظهر كيف؟؟؟؟

صديقه فقط .....

الاخ ود الباوقة
الجزء الثاني من السؤال ما رديت عليه..
ظهر كيف صديقه دا
اذا كانت السفارة ما وصلت ليه

Quote: السبب الرئيس في التاخير هو عدم الحصول على اي جهة اتصال لاهل او معارف للمرحوم ...

لمدة شهرين؟ الناس ديل كان بيسألوا منو
انتو القصة بتاعة واحد كان راقد في المستشفى واحتاج لي دوا قام قال امشو ادو الروشتة دي لي أي (واحد من جنسيتو) ماشي في الشارع
دا كان سوداني؟

كدي جيب مستنداتك يا ود الباوقة

Quote: الله والله لو مش نزلت مستندات لو نزلت السماء ذاتو حيظل الموضوع فضيحة في وجهنا جميعاً واولهم السفارة السودانية بالمملكة

لا داعي لتفسير هذا الأهمال و التواني في اداء الواجب بل الأجدر ألأعتزار و الأعتراف بعدم الجدارة و الكفاءة .

لم تشر مذكرة السفارة إلى اي تاريخ يتعلق بالموضوع
؟؟
مجرد ملاحظة

ود الباوقه والدفاع الاعمي

يا خوي الغلط غلط

شكلك بايخ جدا

Quote: طيب الزول الاستلم الجثمان الاربعاء الماضي علاقته شنو مع المرحوم وظهر كيف؟؟؟؟

آي بالله ظهر كيف؟؟

شهرين في الثلاجة و السفارة حية


لماذا لم تنشروا اعلانااو تفتحوا بوستات في المواقع. ظهرتم بعد مدة من البوست المشهور.( يرجى مراجعة
تاريخ البوست المعني و تاريخ هذا التوضيح).

هل المستندات الخاصة باجراءات الدفن -التي ستعرضها السفارة - هي نفسها التي قام بها صديق المرحوم عبر السفارة
وبموجبها تم نفويضه بالدفن؟؟

وليه السفارة ما يكون عندها كشف مسبق بأسماء كل السودانيين المقيمين قي محلها، على الأقل إقامة بطريقة شرعية، يكون فيها عنوان أسرهم في السودان وأقرب الأقربين في محل الإقامة.. طالما الناس ديل ما بيقدروا يسافروا السودان لو ما دفعوا للسفارة دم قلبهم، بس ردوا ليهم الجميل واستروهم عند الممات طالما ما سترتوهم أحياء.

وممكن الإجراء ده يتم بالتنسيق بين السفارة وجهاز شئون المغتربين النايم في العسل. ويكون مربوط برقم الجواز أو رقم الجنسية أو أي سجل مدني.


زي ما قال الأخوان أي زول بيتحمل مسئولية عامة حتى لو عندو حصانة المؤتمر الوطني وما في زول بيسألوا بيعمل في شنو لكن ربنا بيسألوا منها يوم القيامة.

وربنا يرحم المغفور له ويتقبله قبول حسن ويجمع كلمة الأخوان المقيمين في الرياض حتى يكونوا سباقين لمثل هذه الأعمال قبل السفارة. فالسفارة في النهاية لا يهمها إلاّ المهرجانات والتكريم الذي يرفع من أسهم الحزب، لكن أعمال الخير التي تدور في الخفاء تحتاج لرجال صناديد رموا الدنيا الفانية ورائهم.

Quote: وليه السفارة ما يكون عندها كشف مسبق بأسماء كل السودانيين المقيمين قي محلها، على الأقل إقامة بطريقة شرعية، يكون فيها عنوان أسرهم في السودان وأقرب الأقربين في محل الإقامة.. طالما الناس ديل ما بيقدروا يسافروا السودان لو ما دفعوا للسفارة دم قلبهم، بس ردوا ليهم الجميل واستروهم عند الممات طالما ما سترتوهم أحياء. وممكن الإجراء ده يتم بالتنسيق بين السفارة وجهاز شئون المغتربين النايم في العسل. ويكون مربوط برقم الجواز أو رقم الجنسية أو أي سجل مدني. زي ما قال الأخوان أي زول بيتحمل مسئولية عامة حتى لو عندو حصانة المؤتمر الوطني وما في زول بيسألوا بيعمل في شنو لكن ربنا بيسألوا منها يوم القيامة. وربنا يرحم المغفور له ويتقبله قبول حسن ويجمع كلمة الأخوان المقيمين في الرياض حتى يكونوا سباقين لمثل هذه الأعمال قبل السفارة. فالسفارة في النهاية لا يهمها إلاّ المهرجانات والتكريم الذي يرفع من أسهم الحزب، لكن أعمال الخير التي تدور في الخفاء تحتاج لرجال صناديد رموا الدنيا الفانية ورائهم.

رايك محترم دائما يا استاذ Elawad Eltayeb

أخي العزيز / ود الباوقة ،
تحياتي وتقديري ،

Quote: المرحوم ليس له قريب هنا بالمملكة فقامت السفارة بالاتصال باهله بالسودان حيث تم ارسال توكيل من لصديق المرحوم لكي يقوم باتمام اجراءات الدفن كل ذلك تم بواسطة السفارة والمستندات التي تثبت ذلك موجودة بحوزتها وسنقوم بانزالها هنا . قامت السفارة باتمام كافة اجراءات الدفن مع الجهات المختصة بالسعودية ( الوثائق موجودة ) طرف السفارة بعد الانتهاء من كافة الاجراءات طلبت السفارة من اصدقاء الفقيد ان يكون الدفن يوم الجمعة حتى يستطيع جميع طاقم السفارة من حضور التشييع . الا ان الدفن كان يوم الاربعاء الماضى مع ذلك شارك في الدفن بعض اعضائها. هذا ما لزم توضيحه ونسال الله الستر في الدنيا والاخرة ..

الذي قام بالاتصال بأهل المرحوم في الدامر هو الأخ بدر الدين ، وهو
لا يعمل بالسفارة ، وهو زميل المرحوم محمدابراهيم (غفيرو) في السكن
في حي منفوحة .. واتصل بإبن المرحوم وهو الشاب وائل محمد إبراهيم
والذي قام بإرسال فاكس بتفويض أحمد محمد حسن (زميل المرحوم أيضا في السكن)
بالقيام باستلام الجثة وانهاء اجراءات الدفن في الرياض .
وقمت أنا أيضاً بالاتصال بالابن وائل في الدامر الذي أكد لي أنه أرسل الفاكس
بعنوان السفارة في ليلة الأربعاء حيث ذهب الاخوان بدر الدين وأحمد للسفارة
ووجدوا الفاكس وقاموا بانهاء الاجراءات في السفارة ، ومن ثم توجهوا للأمارة
وشرطة منفوحة وتكملة بقية الاجراءات ، ومن ثم ذهبوا صباح الخميس حيث كنت
معهم للمستشفى لاستلام الجثة . وهذا ما حدث بالفعل .

ولأن اكرام الميت في سرعة دفنه ، وبعد التشاور مع شقيق زوجة المرحوم ،
الأخ ياسر ، والذي حضر من مدينة أبها نهار الخميس ، بعد التشاور مع أسرته
بالدامر والأخ ياسر ، تم الاتفاق على سرعة دفنه ، حيث تم ذلك بعد عصر الخميس
(وليس الأربعاء ) وبحضور عدد كبير من أبناء كوبر (أصدقاء وزملاء الفقيد)
المقيمين هنا في الرياض وأولئك الذين حضروا من المنطقة الشرقية خصيصاً
للمشاركة في دفن فقيدهم الراحل محمد إبراهيم أحمد الشهير بـ (غفيرو) أو (ود الغفير) .
عليه شآبيب الرحمة والمغفرة .

أخي ود الباوقة :

أستغرب أن تتأخر السفارة في استلام الجثمان والشروع في
اجراءات الدفن بعدما استلمت فاكس من المستشفى بتاريخ 17 ديسمبر 2008
يفيد بوفاة الفقيد والتي حدثت في 2 ديسمبر . يعني المستشفى نفسه
تأخر لأكثر من اسبوعين حتى قام باخطار السفارة .. ورغم ذلك التأخير
لم تتكرم السفارة بالحضور لاستلام الجثة ؟؟!!!

ثم أتبعت ادارة المستشفى ذلك الفاكس بآخر في يوم 4 يناير !!؟؟
وأيضاً دون أي رد أو استجابة من السفارة ؟؟؟؟!!!!!

ثم .. في أخريات يناير ، عندما علمنا بوجود الجثة في المستشفى لاكثر
من شهرين .. بعد أن قام الأخ (عاطف) بتوزيع صور ومستندات الفقيد في
مطاعم ومقاهي منفوحة ، والتي حصل عليها من المستشفى ؟!!
لولا ذلك لما علمنا بوجود الجثمان في ثلاجة الموتى بمستشفى الايمان !؟

وعندها فقط تحرك زملاؤه في السكن واخطروني وبقية الاخوان بنبأ العثور
على الفقيد بالمستشفى متوفياً .. وعندها بدأت الاجراءات والتي لم تشارك
فيها السفارة (للأسف الشديد) بأي شيء سوى تكملة الاجراءات الرسمية عندما
وصلتهم الأوراق والمستندات بواسطة الاخوين بدرالدين وأحمد (زملاء الراحل في السكن) .

ويظل السؤال الذي يفجع القلب ويقطر دماً .. يظل السؤال الجريح قائماً :


أين الاهمال ومن المسؤول ؟!!؟؟

من المسؤول ؟؟؟!!!!! من المسؤول ؟؟؟؟؟؟!!!



ملحوظة :

أرجو الرجوع للبوست الذي فتحته يوم الجمعة 30 يناير عن

الراحل الفقيد بعنوان : تراجيديا الموت والاهمال في الغربة .. الخ
وأرفق فيه الأخ والصديق والزميل محمد عبدالماجد الصايم صور المستندات .


الله أرحمه وأغفر له ، ووسع مدخله وأكرم نزله ،
وإنا لله وإنا إليه راجعون ، ولا حول ولا قوة إلا بالله .



مودتي ،


( ليمو )

شكرا ودالباوقة على التوضيح

Quote: بيان السفارة ( ان كان فعلاً بيانها ) هزيل وبه اكاذيب وتلفيق واضح ولدينا شهود ومستندات على ذلك التلفيق .. فقد تابعنا الامر لحظة بلحظة وعبر الهاتف مع اصدقاء المرحوم واحدهم اسمه بدر الدين وهو غير الذي استلم الجثمان رسمياً وما قيل عن اتصال السفارة بذويه فلم يحدث هذا وانما اتصل اصدقاء المرحوم بذويه واخطروني لحظتها لانني كنت على اتصال دائم بهم وان اتصلت اتلسفارة فقد كان ذلك بعد اثارة الموضوع في عدد من المنابر واعتقد ان ذلك كان يوم الخميس الماضي . الفرية الكبرى ان البيان الذي اورده ود الباوقة ذكر ان الدفن كان يوم الاربعاء وبكل اسف فان الدفن كان يوم الخميس وكنت اتابع لحظتها وقلبي يتفطر واذا عدنا الى المستندات اعلاه فسنجد ان من بينها خطاب من قسم شرطة منفوحة رداً على خطاب من المستشفى للموافقة على تسليم الجثمان لصديق المرحوم احمد حسين وهو بتاريخ الاربعاء 2 صفر وهو ذات اليوم الذي اتصل فيه اصدقاء المرحوم بذويه . أمر آخر لابد أن اذكره وهو اتصال من الاخ ابو انس من مستشفى الايمان على هاتفي وقال لي بالحرف الواحد ( أخي .. أي وزارة في السودان انتم ؟ ( قلت له لا اتبع لاي وزارة ولا لاي جهة حكومية ) .. رد : غريب .. قلت له ما الغريب ؟ قال لي منذ بداية اتصالاتكم فان الامر تطور بسرعة غريبة وظهر اصدقاء المرحوم وتمت الاجراءات رغم بقاء المرحوم لاكثر من شهرين دون ان يسأل منه أحد

كانت هذه مداخلتي في البوست الموجه للسفارة ..


وكنت اتوقع اتن تعتذر السفارة وتعترف بالتقصير وتحاسب المقصرين .. وبعد اكتمال فصول هذه المأساة سنقوم بنقلها الى وزارة الخارجية عبر الصحف اليومية في السودان وقد ننقلها الى خارج السودان ..

دا كلام ود الباوقة

Quote: الا ان الدفن كان يوم الاربعاء الماضى مع ذلك شارك في الدفن بعض اعضائها.

ودا كلام عبدالحليم ليمو

Quote: تم الاتفاق على سرعة دفنه ، حيث تم ذلك بعد عصر الخميس.

ما معقول شخص واحد تشارك السفارة في دفنه يوم الاربعاء
ثم يشارك اخرون ايضا في دفنه يوم الخميس. لم نسمع ان الجثة نبشت ليعاد دفنها.

لا يزال المرء يكذب و يتحرى الكذب حتى يكتب عند الله كذابا.

بوق الانقاذ ودالباوقة.


يعني اهمال واستهبال واخرتها بيان هزيل مليان كذب ومغالظات?

السفير والقنصل لو عندهم حبة دم يجب ان يستقيلوا فورا.

سفارة الرياض هي سفارة جمع جبايات. لكم يوم يا ظالمين.

ود الباوقة. توقف عن دفاعك وتشجيعك لجماعة السفارة ديل

لانو بكل صراحة انت بتقلل من شأنك ومنظرك بايخ جدا.

هسع يا باوقة انت بتصدق بيان السفارة ده? خليك مننا ديل.


دينق

ودالباوقه سلام

اخي سبق وطرح الموضوع من زاويه اخري ,,,

وانت الان تطرحه من زاويه مختلفه ,,,

ارجو ان تنزل المستندات حتي تتضح الصورة للجميع ,,,,,

يا ود الباوقة

توضيحكم دا كان احسن منه السكات والصهينة.. كعادتكم

وحالتك كمان .. اعلامي .. دا اعلام شنو .. البسجل هدف معكوس بعد ما يصرجها

في مرماه

Quote: السبب الرئيس في التاخير هو عدم الحصول على اي جهة اتصال لاهل او معارف للمرحوم ...

انتو يا سفارة السجم والرماد

دي .. كان كتير عليكم انكم لمان قبضتو من المرحوم الضرائب والأتاوات البتصرفوها علي احتفالاتكم دي

تسألوه من عنوان اقرب الأقربين..

وتسجليهو عنكم في كمبيوتركم دا

ولا الكمبيوتر بس بعرف يحسب الضرائب والأتاوات ...

قوموا بلا قرف معاكم ...

تخريمة

ود الباوقة مركب مكنة صلاح غريبة

Quote: السبب الرئيس في التاخير هو عدم الحصول على اي جهة اتصال لاهل او معارف للمرحوم ...

دا كلام برضو يا ناس ..


مش المفروض بيانات المغتربين تكون مسجلة في السفارة على أقل تقدير ..
طيب البطاقة دي لزومه شنو نصرف بيها تموين ..

بالصور و المستندات يا سفارتنا بالمملكة العربية السعودية...ة الخارجية السودانية


نتمني ايضاح اكثر يا ودالباوقه من السفاره ,,,

الأخ ود الباوقة المحترم

قمت بأخذ اقتباس لما كتبته في بوست آخر ونقلته هنا

أسألك

من داخل قلبك ؟ هل أنت مقتنع بما كتبته هنا يا ود الباوقة ؟ وهل أنت مستعد لتسأل عنه أمام خالقك؟

الرحمة للفقيد ولاله ولنا جميعا الصبر والسلوان

الاخ ود الباوقه ,,,
اذا فتحت جوازك ستجد مسجل عليه العنوان ,,,
واذا لم تجدوا الجواز مع المرحوم ففي اوراق الثبوتية بالمملكه , يوجد رقم الجهاز , وباقل مجهود من كمبيوتر
الاتاوات بتاع السفارة بتلقوا معلومات جواز السفر الخاص بالمرحوم.

واخيرا لنفترض هذا المجاهد الشهيد الكادح من اجل قوت عياله لا توجد معه وثائق ثبوتية ,, بما انه يعمل في نقل طالبات اكيد في حوزته موبايل باقل محاولة ممكن استخراج الارقام والاتصال عليهم جميعا ,,,,



___________ آن الاوان لكل المهاجرين في فجاج الارض للضغط على وزارة الخارجية وسفارتها للقيام بواجبهم _______

أخي (زول واحد)
تحياتي ،

Quote: ما معقول شخص واحد تشارك السفارة في دفنه يوم الاربعاء ثم يشارك اخرون ايضا في دفنه يوم الخميس. لم نسمع ان الجثة نبشت ليعاد دفنها.

للأسف لم أشاهد أي واحد من السفارة ممن
درجنا على رؤيتهم مشاركين أو منيبين عن
السفارة في أفراحنا وأتراحنا ، مثلما
شاهدتهم أمس (الأحد أول فبراير) في منزل أخينا المستشار
القانوني الأستاذ ميرغني عبدالله مالك (الشايب) وهم
يعزونه في فقيده وفلذة كبده (مازن) .
نعم وجدت هناك الملحق العسكري ومدير الجوازات
والمستشار الاقتصادي .. لكني لم أشاهد أياً منهم
يوم الخميس (وليس الأربعاء) في مقابر النسيم أو
جامع الراجحي ، عندما قمنا بدفن فقيدنا الراحل (غفيرو) .

و .. رحم الله فيدنا محمد إبراهيم أحمد (أبو وائل)
وجعل الجنة مثواه .


مودتي ،


( ليمو )

منتظرين المستندات ..

Quote: و .. رحم الله فيدنا محمد إبراهيم أحمد (أبو وائل) وجعل الجنة مثواه .

اسأل الله ان يدخله الجنة و يثبت قلوب اهله وذويه.
كما اسال الله لك ولكل الاخوة الذين تحملوا مشقة البحث عن اهل
الفقيد حتى موارته الثري، اسال الله لهم حسن الجزاء دنيا واخرة.

Quote: وقل اعملوا فسيرى الله عملكم ورسوله والمؤمنون . صدق الله العظيم..

مشكلتنا معاكم - معشر الكيزان- دايما انكم بتستغلوا آيات الله في اي نقاش كانما الايات انزلت عنكم و فيكم و اليكم وحدكم.

غشونا ... لكن دون استخدام القرآن
اسرقونا ... ولكن دون الاستعانة بايات الله
سووا الشينة و ذمتها ولكن ابتعدوا ان تصفوا اعمالكم بانها مثل اعمال الرسل و الصحابة مستدلين بحالهم و بالقرآن.

لو نظرنا الى هذه الايةالكريمةالتي استهللت بها بوستك و ثم قمنا بمقارنة ذلك بموقف السفارة من جثمان الراحل فسنجد
انكم لم تقوموا بعمل سواء الكذب الان علينا. فهل الله سيرى عملا لم تقوموا به؟
وهل سيرى الرسول ايضا فعلا لم تفعلوه؟
وهل سنرى نحن المؤمنون عملا لم يفعل اصلا؟

انكم اشبه بفرعون العريان وعلى الناس (غصبا بايات الله) ان يشهدوا لكم بالفضل.

بطلوا التلاعب بايات الله وانتم تكذبون

صدقت عزيزي زوول واحد
موقف مخزي من السفارة
وين يوم يسالكم الله
ساعة الحساب
ونرفع الاكف لله تعالى
ان يتقبل المرحوم قبولا حسنا
ويدخله مع الصديقين والشهداء
وحسن أولئك رفيقا

تقبله الله قبولا حسنا
إنا لله وإنا إليه راجعون



يا جماعة
ناس السفارة ديل عمرهم ما بفتشوا على زول
بينتظروكـ لمن تمشي ليهم .. يا عشان
تدفع قروشكـ .. يا عشان أهلكـ يخلصوا أوراق وفاتكـ!

نسأل الله ان يتغمد الفقيد بواسع رحمته.......

فعلآ مصيبة أن يحدث مثل هذا الشىء فى وسطنا ألأجتماعى السودانى..وألحمدالله هذا لايحدث كثير...

ألأن السفارة مقصرة....وكل اللوم صار عليها..والسفارة جهة حكومية نعم مسؤولة على رعاياها ولكن بعد أن تعلم يحسب عليها التقصير..


هناك تباطؤ فى جهة ما...هل يعقل أن ليس للمرحوم أى علاقات تسأل عنه خلال تلك الفترة الطويلة من غيابه؟أهله فى السودان؟معارفه هنا؟أصحابه فى العمل؟أوالسكن؟

Quote: كدي جيب مستنداتك يا ود الباوقة

شكرآ يا ودالباوقة على التوضيح....وألأن صار الموضوع موضوعك.....

ياجماعة فى مشكلة حقيقية.إذا فعلآ السفارة علمت ولم تتحرك ..فعلى الدنيا السلام..وعلى تكافلنا وترابطنا ونسيجنا ألآجتماعى ألف سلام
يبقى المثل علينا ميتة وخراب ديار..................غربة وميتة مجهجة..اللهم أحفظنا وأسترنا فى الدارين..
مودتى......وخالص تقديرى لكل المتداخلين......................إسماعيل محمد احمد عباس...

"السبب الرئيس في التاخير هو عدم الحصول على اي جهة اتصال لاهل او معارف للمرحوم ..."



الأخ ود الباوقـة،

هـذا عذر أقبح من الذنب.. يا أخى دى حالة وفاة، موت، موش تأخير عقـد زواج والله ختم توكيل.. يكفى أنه ســودانى
فقط حتى يتلقى معاملة كريمـة، كان على السفارة تسـلم ونقل الجثمان للســودان فور علمهـا بمكان وجوده، ثم يحفظ
الجثمان فى مستشفيات الســودان حتى يجدوا أهله.. أما أن يترك فى ثلاجات دولة أجنبيـة، ويضحك على حالنـا أهلها
فهـذا عيب وجهل وعدم شعـور بالمسـؤولية الوطنية قبل الإنسـانيـة.. هـذه ليست بلادنا حتى نترك فى مستشفياتها جثث
مواطنينـا الى أن نجد لهم أقرباء. كان على السفـارة نقل الجثمان فورا للســـودان، ولا تنقصنـا مستشفيـات هناك.
الأخوة الذين تحدثوا عن مسـؤوليـة السفارة فى تسجيل عناوين الأقارب لم يصلوا الى أصل المشكلـة، والتى تتلخص فى نقص
مريـع بالشعـور بالمسـؤوليـة الوطنيـة والقوميـة.
فى الدول الأجنبيـة، فإن الوافد مسـؤولـة عنه سفارتـه، وليس أقاربه.. متى يفهم المسؤولون هـذه الأبجديـات؟ مافى زول
دربهـم قبل ما يخرجوا لعملهم دا؟
العزاء أن هناك سفارات ســـودانية أخرى تحترم المواطنين و تصلهم فى أماكنهم.. وأعلم حالات كثيرة فى قطر والصين
حين يحتهد المسؤولون لحل مشكلـة ســودانى مع السلطات وغيرهـا، وكنت شـاهـدا على محادثات هاتفيـة لنصف يوم عمل
تقريبـا من القنصل محمد مثرغنى فى بكين، حيث كان يتصل على مدار السـاعـة بشرطـة قوانجو ووزارة الخارجية الصينية
لضمان إطلاق سـراح ســودانى قبض لمشـادة مع الشرطة فى موضوع إقامة أو شئ من هـذا القبيل، وقد أفرج عنه.

انا لله و انا اليه راجعون

ودالباوقة أخي الحبيب ..
والله السفارة قصرت لو جاها خطاب من يوم 17 ديسمبر ..
واتبع برسالة اخرى من المستشفى 04يناير ..
والله تقصير ..
مفترض السفارة تحقق في الحصل دا ..
السفارة مفترض تسعى للمغتربين وتحلحل مشاكلهم ..
والله المغتربين مساكين ..
كتير منهم الكفلاء بياكلوهم ..وما بيعرفو يمشو وين؟
ياريت تكون هناك آلية من السفارة لخدمة ذويها من المغتربين ..
ياأخي الناس تخاف من السفارة الفلبينية والهندية لاهتمامها بجنسياتها ..
وتوقف في وجه اجعص جهة في بلاد الاغتراب من اجل اضعف عامل ..
والله انها مسئولية امام الله ..
صدقني كلامي هنا لا اقصد به اي نيل سياسي ..
رحم الله الفقيد واحسن اليه والزم ذويه الصبر والسلوان ..
تحياتي أخي ود الباوقة ..

اخوتي الكرام ..

اخي ليمو .. انت موجود معنا في الرياض ويمكنك الذهاب الى السفارة والاطلاع على ملف المرحوم كاملا بنفسك وصدقني لو راينا اي تقصير من السفارة لما ترددنا في ايراده ومناصحتها .... الدين النصيحة يا اخي ليمو .


تصدق المستشفى كانت تلح على السفارة بسرعة دفنه والسفارة رفضت ذلك حتة تعرف اهله . حتى المعلومات الموجودة في برنت الجوازات الخاص بالمرحوم يشاركه فيها مواطن اخر بنفس الاسم . والتلفونات التي بها لا تعمل مما ادى الى كل هذا التاخير ...
اعرف اخي ليمو مدى حرصك على تبيان الحقيقية واعرف اكثر وقوفك مع الحق . وفقنا الله جميعا لما يحبه ويرضاه وان يختم بالصالحات اعمالنا وان يبعدنا عن المن والرياء وان يرينا الحق حقا ويرزقنا اتباعه انه على كل شيء قدير ..

وهرب


ود الباوقة

الناطق الرسمي بأسم سفارة المؤتمر الوطني

" انا لله و انا اليه راجعون "
ربنا يتقبل الفقيد و يتولاه بواسع رحمته و يلهم آله و ذويه الصبر و السلوان


" انا لله و انا اليه راجعون "
ربنا يتقبل اخلاقنا السودانية الحميدة و يتولانا بالصبر على فقدها


" انا لله و انا اليه راجعون "
ربنا يلزمنا الصبر على الضحك العلى دقونا و جثثنا دا
ياخ اختشوا ياخ
وراعوا حرمة الميت يا سفارة . . . حتى دي موضوع للغلاط و العزة بالاثم
اختشوا ياخ و كان متو و كتلتكم الخشية و الله ما نعمل زيكم و نكرمكم كما يليق اكرام الميت
رغم انكم لم تكرمونا لا احياء و لا اموات

انا لله وانا اليه راجعون

اذا لم يجد الانسان عند موته وقفة السفارة معه فمتى يجدها

حسبنا الله وعم الوكيل

Quote: كدي جيب مستنداتك يا ود الباوقة

في إنتظار مستندات السفارة...

Quote: حتى المعلومات الموجودة في برنت الجوازات الخاص بالمرحوم يشاركه فيها مواطن اخر بنفس الاسم

كدي دقيقة ..
رغم انه ما كنت داير ادخل في الحوار البايخ دا ..
بس قبل كل حاجة ..
كلنا عارفين انه البلد دي ( السعودية ) عندها نظام معين في دفن الموتى ..
تبليغ بالوفاة في اقرب قسـم شرطة عن طريق اهل المتوفي او المستشفى او الهلال الاحمر ..
و من بعدها نقل المتوفى للمشـرحة ( التلاجة ) المركزية .. او أحد المستشفيات المجهزة لهذا الغرض .. و إجراء الكشف علي الجثمان لتحديد سبب الوفاة ..
حضور من له صلة قرابة من الدرجة الاولى .. وعمل محضر استلام الجثمان في قسم الشرطة الذي تم فيه تبليغ الوفاة ..
او اي شخص معه توكيل رسـمي من اقرباء المتوفى من الدرجة الاولى ..
و من بعدها تبليغ سفارة بلاده ة لأخذ اذن دفن مواطنها في الاراضي السعودية .. ( غير المسلمين يتم دفنهم في بلدانهم في الغالب ) ..

..
..

انحصر دور السـفارة السودانية في اعطاء اذن الدفن .. ( يطبع و يختم من السفارة بدون كلمة مجاملة لاهل المتوفى في اغلب الاحيان ) ..
يعني بيزنس إذ بيزنس .. ( حال اهل المتوفى كحال الزول الجاي يجدد جواز او داير يضيف ابنه او داير يدفع رسوم .. تقيف في الصف وتعمل معاملتك ) ..
مع الشكر علي انها لم تفرض رسـوم علي هذا الامر ( حسب علمي ) ..
اغلب حالات الوفاة بتكون لمتوفيين معلومي الهوية .. يتابع اقربائهم اجراءات دفن الجثمان ..

..
..

في حالة المرحوم ( محمد ابراهيم ) .. مجهول الهوية في حينها ..
يكمن الاختلاف بين موظفي السفارة السودانية في الرياض و المقيمين فيها ..
يعتبر الكثيرين منا ان دور السفارة رعاية مواطنيها .. وينظر موظفي السفارة للامر انه شغل .. ينتهي بإنتهاء الدوام الرسمي للسفارة ..
يمكنهم المشاركة في حفلات - عزاء - ندوات او اي نشاط ليس فيهو مسئولية مباشرة عليهم ..
لا تتبنى السفارة مسئولية تخرج من الاطار الوظيفي الذي كلفت به موظفيها ..
و ما يأتي من مبادرات فردية من طاقم السفارة يأتي حسـب التساهيل .. و حسب ما يتيحه وقت فراغ الموظف ..
و لا بأس من بعض الشـكوى انه السودانيين مشاكلهم كتيرة والله ..

..
..

عشان كدا كلكم كلامكم صاح .. خالد ليمو و بقية الشباب في جهة .. و ود الباوقة في جهة ..
خالد يتحدث من باب انه السفارة دي مسئوليتها ..
و ودالباقة ماسك job descriptions بتاعت موظفي السفارة و داير يورينا دي شغلهم و دي ما شغلهم ..

..
..

أعـود للاقتباس أعلاه من حديث ودالباوقة ..
و اطرح عليك سـؤال ..
بكمية الفوضى التي تعيشها السـفارة من ناحية الـIT هل ممكن نعتمد علي معلومة طالعة منهم ..
اذا كان نص الناس الشغالة هناك ما بتعرف تشتغل كمبيوتر .. ولا يوجد ايميل للسفارة او ويب سايد معروف و موثوق به كحال جميع السفارات في المملكة ..
و برضو تجي تقول لي المعلومات متشاركين فيها اتنين ..
اتخيل لي الاتنين ديل العرفتوهم بس .. في مليون تاني برضو اظن ما فطنتوا ليهم ..
انا بقترح عليك في ظل هذا التدهور المعلوماتي ونحن في سنة 2009 .. انه تطلقوا اسم information timesharing علي نظام الجوازات عندكم ..
كل ما زول يجي يعمل معاملة .. تلصقوا ليهو معلومات القبلو ..

..
..

للمرحوم الرحمة .. و لأهله حسـن العزاء ..

Quote: اخي ليمو .. انت موجود معنا في الرياض ويمكنك الذهاب الى السفارة والاطلاع على ملف المرحوم كاملا بنفسك

يا ود الباوقة
الموضوع ما هو موضوع شخصي يخص ليمو عشان يمشي السفارة للاجاويد او الترهيب و الترغيب.

انت فتحت بوست اول كلمة فيه توضيح.
انا كمواطن سوداني يهمني ان اعرف لماذا تقاعست السفارة
ولماذا ذكرتم ان الدفن تم الاربعاء بينما الدفن تم يوم الخميس؟
ومن هم اعضاء السفارة الذين ذكرت انهم شاركوا في الدفن. ومن الذي قابلهم في المقابر؟


الغطغطة خلوها. اكثر ما اضر ببلدنا هو عدم المساءلة.

انت صاحب البوست ونحن بانتظار ان تفند لا ان تدعو ليمو لجلسة خاصة في السفارة.

سلام...
يا ود الباوقه انت لازم تعرف انو مهمتك في الحياه ما انك تدافع وتبرر عن سلوك الحكومه ومن يمثلها وجزء من احترام الحق والواجب تجاه الله والناس بيقتضي الرجوع للحق والتحدث عن المظالم وذلك أضعف الايمان والشي اللاحظتو الولاء الاعمي البخليك تهرول لتبرير كل سلوك ما مقبول وانا ما عارف الموضوع ده بتعملوا عن وعي ولا عن عدم وعي لانو لو عن عدم وعي بكون مقبول اكتر.

Quote: السبب الرئيس في التاخير هو عدم الحصول على اي جهة اتصال لاهل او معارف للمرحوم

بكل بساطة كان فى الامكان الاعلان فى وسائل الاعلام فى السودان وفى جريدة الخرطوم...هذا اذا كان الانسان السودانى ضمن اولويات السفارة...الا من زاوية الجبايات والرسوم

مهزلة كبيرة جدا...

وفضيحة اكبر...

ود الباوقة كفاك نفاقاً


الموضوع ده السفارة ما اشتغلت بيهو و لا انت سمعت بيهو الا بعدالأخ ود رحمه نشر الموضوع في الأوف لاين

و منها بعض الاعضاء البكتبوا هنا و هناك قاموا بمجهودهم الشخصي من نشر الموضوع في بعض

المنتديات و بعض الصحف ما تجي انت في الاخر تعمل لينا فيها بطل انت و سفارتك

اقلاهو نشكر ود رحمه عضو الاوف لاين لأنه اول من سعى في نشر الموضوع

التجارة حتى في الميتين

ود الباوقة كفاك نفاقاً

يا الاخت امسكي كيبوردك دا عليك واتكلمي معاي كويس بلاش مسخرة ....

الرحمة للفقيد ولاله جميعا الصبر والسلوان

بس نسأل الله يتقبلو قبول حسن ويعوضوا عن غربتو العاشه حي وميت أما ما يتعلق بالتبرير المنافي للأدب مع الموت ومع الله حتي بالكذب فيما يتعلق تاريخ الدفن وقبلها بايراد أية قرانية كمقدمة له تجعل امر تصديقه اكثر قابليه عن الناس فالله حي لا يموت..

Quote: شهرين في الثلاجة و السفارة حية

هي سفارات الانفاذ دي حية؟؟
ميتة وشبعت موت
بتحي و تطارد المغترب في حالة واحدة بس : جباة (زكاة -دعم جهاد -دعم سلام - ضريبة
دعم الخدمات ..............
الرحمة و المغفرة للمرحوم
الصبر وحسن العزاء لاسرة المرحوم

Quote: يا الاخت امسكي كيبوردك دا عليك واتكلمي معاي كويس بلاش مسخرة ....

اعصابك يا راجل.

يا جماعة بالله براحة على الانقاذي ود الباوقة ده.


Deng

تقبل الله الفقيد قبولا حسنا

المسخرة دي البتعمل فيها انت

احترم نفسك و لم لسانك عليك

السفير ود الباوقة....ياخي عرفنا إنك مُصر تهزئ وتبهدل نفسك....طيب ياخي خلي عندك أخلاق!

Quote: يا الاخت امسكي كيبوردك دا عليك واتكلمي معاي كويس بلاش مسخرة ....

تحية طيبة
يا ود الباوقة
سلام عليك يا اخوي

شوف يا ود الباوقة واحد من الحلول دي

ياالمرحومين ديل نفرين بذات الاسم وتم دفنهم في يومين مختلفين
يا اما ناس السفارة ديل غشوك ولبسوك الطرطور
معليش للغة دي لكن ياتو منطق ده الممكن يقنع زول با الكلام ده ؟

يا ود الباوقه انا ما بعرف سعوديتكم دي بس انت بتقول حي (خنشليلة )
والناس التانية بتقول حي(منفوحة) وانت بتقول الدفن حسب بيانك انت والسفارة
يوم الاربع والناس التانية بتقول بعد عصر الخميس !!!
يا ود الباوقة استهدي بالله من زمان وزمان شديد اي حديث بتاع جهة حكومية
تسبقو آية معناها وراهو مصيبة فركز ياخ الناس ديل جابو ابراهيم شمس الدين
نفذ سياساتهم بعديها مات في طيارة جابو الزبير نفذ سياساتهم ومات في طيارة
وجابو ناس كتار منهم ارك طون وغير وغير وماتو في طيارة ومجذوب الخليفة وربنا
يرحكهم كلهم ويرحمنا بس العقل زينة ياخ بعد ال20 سنة دى القصص بقت واضحة ياخ
فدحين يا اخوى موقفك ده غلط حتى لو صاح (ودى مظنه ساي منى مع انى متاكد انو ما صاح)
بعد المعلومات البيقولوها الناس هنا ديل وبعد كلام اخونا علاء الدين (واشهد لي علاء انو
ما بيدخل لي موضوع ويتصدروا الا يكون متاكد منو تب) تحديدا انت مفروض ما تتخمه ساي وتتاكد
حتين تجى تكتب .

حاجة مهمة يا ود الباوقة كلامك الفارغ والما عندو قيمة للاخت سناء ده مافي ليهو داعي
وحكم عقلك ياخ واوعه تجى تقولي رديت ليها كده عشان قالت لي منافق !!! عايزه تقول ليك
شنو يعني وانت جايب ليك آية وقرآن بتستخدم فيهم كدمغة عشان الناس تخاف وما تقول في كلامك
حاجة يازول هوي الزمن ده فات والمنافق ده واضح حسب نصوص ديانتك الاسلامية .
الناس دي كلها بشكل او اخر قالت ليك منافق خلاص وثفت علي سناء يعنى ؟!!!
والا عشان هي مرآة وممكن تعايره بانها مرأة عشان كده بتجي تقول ليها كلمة مسخرة دي ؟!!!
شوف يا ود الباوقة انت وكل الاخوان هنا أنا ما بدافع عن سناء وهي بتقدر تمام تدافع عن روحه
ما بدافع عنها لانو متيقن ومؤمن تمام أنو دفاعي عنها في اللحظة دي تحديداً نوع من انتهاك حقها
في الدفاع عن نفسها (شفته كيف ؟!) ومتيقن برضو ومؤمن بنها تعرف تمام حقوقه لكن عايز افهمك
انك يا ود الباوقة( وغيرك كتار) انكم قاعدين في القرن ده لكن بتفكرو بدماغ ومخ يتبع لعصور سحيقه

يعني هسي الناس الفوق ديل كلهم ما مالين عينك عشان تشوف ردودهم وكلامم وطااااااااااااخ بي قدرة
قادر اقع عينك في كلام سناء ده ؟!

يازول اكرب نصك وتعال قول الناس ديل غشوني والله كمان ورونا المرحوم التاني ده منو ؟


سفيان نابرى

الأخ الكريم ود الباوقه:

السلام عليكم,

للفقيد الرحمه,,

بعيدا عن الموضوع,,

Quote: يا الاخت امسكي كيبوردك دا عليك واتكلمي معاي كويس بلاش مسخرة ....

أستعجب بشده من توجيه هذا الرد للأخت سناء تحديدا
مع أن جميع الأخوه المتداخلين أعلاه
قاموا بانتقادك شخصيا بمنتهي الوضوح علي موقفك
وبالعديد من العبارات الواضحه أعلاه ولن أقوم باعادتها...

أضم صوتي الي صوت الأخ سفيان وأسألك لماذا لم تتكرم بمثل هذا الرد عليهم؟؟..

ليس لي معرفه شخصيه بالأخت سناء
ولكن أغضب بشده حين أشاهد أخ متعلم مثلك يستضعف أمرأه أو يستقوي عليها
فيقوم بأنتهارها علي مرأي ومسمع من الجميع


الرجاء التوضيح,

مع احترامي....

المستندات يا ود الباوقة
ربنا بسألك يوم الحشر

سفيان نابرى ........تحيات

((( شوف يا ود الباوقة واحد من الحلول دي

ياالمرحومين ديل نفرين بذات الاسم وتم دفنهم في يومين مختلفين
يا اما ناس السفارة ديل غشوك ولبسوك الطرطور
معليش للغة دي لكن ياتو منطق ده الممكن يقنع زول با الكلام ده ؟)))

خيار من خيار يا سفيان

ونشوف؟؟؟؟؟؟؟؟؟؟؟؟؟؟؟؟؟؟؟؟؟؟

((( لو لاحظنا فى تاريخ اقرار استلام وتصريح دفن الجثمان فاننا نجده بتاريخ 3/2/1430هـ

والذى يوافق ((( الخميس ))) 29/1/2009 وليس الاربعاء كما ذكر الاخو

(الظاهر السفارة دفنت ليها واحد تانى))))


والخيار ليك يا سفيان

يا ود الباوقة


ما تعمل فيها نايم

والله كان لحقت المرحوك دا ما اخليك .. تنوم بي كضبتك دي

Quote: الا ان الدفن كان يوم الاربعاء الماضى مع ذلك شارك في الدفن بعض اعضائها. هذا ما لزم توضيحه ونسال الله الستر في الدنيا والاخرة ..

ورينا

وحدد

بكل وضوح .. دفن الجثمان كان متين بالضبط ؟؟؟؟

السلام عليكم,,,

رحم الله فقيدنا الذى رحل عن دنيانا وفى حلقه
غصّة من جور زمانه وجور ولاة أمورنا حتى حين
أخذ الله أمانته ولم يبقى غير الستر,,

بيان رقم واحد,,,,,
بخصوص المحكمة المنعقدة لجلد ود الباوقة,,,,,

يا أخوانا ود الباوقة دا برّاحه عليهو,,
معقولة الجلد دا كلو فوق زول واحد,,,,

أدوهو جردل موية وخلوه يشم نفسو وبعد داك واصلو,,
ناس السفارة مسكوهو الماسورة والراجل يا مؤمن يا
مصدق إستعدل كيبوردو وجاكم!!!! كان كان قايل العالم
دى كلها شايله عكاكيزا ولابدا هنا كان مشى كتب الكلام
دا فى دوت أورغ ولا فور أول,,,,ولا الفيس بوك,,,

معقولة بس الجلد دا كلو,,,,,,,,,,,,فىىىىىى شنو,,,
الناس ديل ليهم عشرين سنة بكضبو جات بس على كضبة
السفارة السغيرووووووووونة دى!!!! الشيلوها لإخينا
ود الباوقة ,,,

الله يرفعك يا ود الباوقة إن بتدور تبقى لينا زى زولك
التانى داك!!!!

ياخ دى أبوصلاح ما بسويها!!!!!!!!!!!

مسخرة!!!!!!!!!!!!!!!!!


مسخرة البحصل فى خرابتكم المسماة سفارة دا,,,

تانى ما تدقس آآآآآللخو,,,


اللوم بجي بالغفلات وأمانة ما إتلومت بى شيلة الماسورة
العشرين بوصة دى,,,,

Quote: أستغرب أن تتأخر السفارة في استلام الجثمان والشروع في اجراءات الدفن بعدما استلمت فاكس من المستشفى بتاريخ 17 ديسمبر 2008 يفيد بوفاة الفقيد والتي حدثت في 2 ديسمبر . يعني المستشفى نفسه تأخر لأكثر من اسبوعين حتى قام باخطار السفارة .. ورغم ذلك التأخير لم تتكرم السفارة بالحضور لاستلام الجثة ؟؟!!!

الأمر فعلاً يتعلق بالوصف الوظيفى ...وبفهم دور وواجبات السفارة نحو رعاياها... فقد قام به مشكورينأصدقاء المرحوم.

يبدو أن دور السفارة غائب فى أنها تمثل السودان وتقوم بكل المهام ...القنصلية ، التعليمية والمتعلقة بكل الوزارات.

فى السودان فى مثل هذه الحالات تقوم الحكومة بالنشر ( ممثلة بوزارة الداخلية) وفى حال عدم وجود معارف يتم الدفن بمعرفة وزارة

الداخلية حيث يتم عادة الإستعانة بإدارة السجون.


السفارة تمثِّل السودان وكان يفترض عليها القيام بكل الإجراءات بوصفها ولى من لا ولى له وتتولى ستر الميت لأنه فى النهاية تمّ دفنه


فى المملكة لأن تكلفة نقل الجثمان باهظة - إن كان لها جدوى فالدعاء والترحم يصل الميت أينما قُبِرَ-


التعذر بمعرفة أهله غير مُبرر كعذر للتنصل عن واجباتها ولا بد من تصحيح هذا المفهوم الخاطئ.


رحم الله المتوفى رحمة واسعة ونسأل الله العلى القدير أن يتقبل ترحم من قاموا بالصلاة عليه وأن يُنزله فسيح جنّاته.

(*)

والله ودالباوقة قرب يعمل ليكم سوات (الصعيدي) القصير مع (أحمدبدير)
قرب يسألكم يقول ليكم :

ومات ؟

ياجماعة الناس ديل تاعبين نفسكم ساي
قايلنهم بخجلوا ..
ولا أظنكم قايلنهم بخجلو ؟

Quote: المستندات يا ود الباوقة

Quote: قايلنهم بخجلوا ..

شكراً كمال فقد أتيت بالمفيد ..

الزول ده ما عنده مستندات ولا شنو ؟؟؟؟؟
يكون نساهم في جيب المنطلون ؟؟؟

Quote: الزول ده ما عنده مستندات ولا شنو ؟؟؟؟؟ يكون نساهم في جيب المنطلون ؟؟؟

ومازال مسلسل الجلد مستمرا,,,,,,

رأفة بأخينا ود الباوقة,,,

الزول دا لا حضر دفن لا شاف جثمان,,
بس شال ماسورة ناس السفارة وجاكم
عشان يوضح ليكم,,,


يا ود الباوقة إنت ما تقول الروب
وكفاك لحد هنا,,,,,

واشهد انه جاء يكحلها .... فعماها


طبزه .. ما طبزه الفنان الراقى .. طبزه .. ود الباوقه

اللهم أغفر لأخي الراحل المقيم
محمد إبراهيم أحمد (غفيرو) وأكرم
نزله ووسع مدخله ونور قبره .

اللهم أغسله بالماء والثلج والبرد
ونقِّــه من الخطايا كما ينقى الثوب
الأبيض من الدنس .

اللهم عامله بما أنت أهلٌ له ولا تعامله بما هو أهلٌ له .





( فقيدنا الراحل في صورة له تعود لمنتصف السبعينات عندما كان يلعب بفريق الاخوة برابطة كوبر )


وإنا لله وإنا إليه راجعون .



( ليمو )

الاخ ليــمو ..
الرجاء ارفاق الصورة إدناه ..

المستندات دي في طور التخمير ولا شنو؟
ياخ احترم عقولنا وما تقول كلام إنت ما قدره

الذي قام بالاتصال بأهل المرحوم في الدامر هو الأخ بدر الدين ، وهو
لا يعمل بالسفارة ، وهو زميل المرحوم محمدابراهيم (غفيرو) في السكن
في حي منفوحة .. واتصل بإبن المرحوم وهو الشاب وائل محمد إبراهيم
والذي قام بإرسال فاكس بتفويض أحمد محمد حسن (زميل المرحوم أيضا في السكن)
بالقيام باستلام الجثة وانهاء اجراءات الدفن في الرياض .
وقمت أنا أيضاً بالاتصال بالابن وائل في الدامر الذي أكد لي أنه أرسل الفاكس
بعنوان السفارة في ليلة الأربعاء حيث ذهب الاخوان بدر الدين وأحمد للسفارة
ووجدوا الفاكس وقاموا بانهاء الاجراءات في السفارة ، ومن ثم توجهوا للأمارة
وشرطة منفوحة وتكملة بقية الاجراءات ، ومن ثم ذهبوا صباح الخميس حيث كنت
معهم للمستشفى لاستلام الجثة . وهذا ما حدث بالفعل .

ولأن اكرام الميت في سرعة دفنه ، وبعد التشاور مع شقيق زوجة المرحوم ،
الأخ ياسر ، والذي حضر من مدينة أبها نهار الخميس ، بعد التشاور مع أسرته
بالدامر والأخ ياسر ، تم الاتفاق على سرعة دفنه ، حيث تم ذلك بعد عصر الخميس
(وليس الأربعاء ) وبحضور عدد كبير من أبناء كوبر (أصدقاء وزملاء الفقيد)
المقيمين هنا في الرياض وأولئك الذين حضروا من المنطقة الشرقية خصيصاً
للمشاركة في دفن فقيدهم الراحل محمد إبراهيم أحمد الشهير بـ (غفيرو) أو (ود الغفير) .
عليه شآبيب الرحمة والمغفرة .

أخي ود الباوقة :

أستغرب أن تتأخر السفارة في استلام الجثمان والشروع في
اجراءات الدفن بعدما استلمت فاكس من المستشفى بتاريخ 17 ديسمبر 2008
يفيد بوفاة الفقيد والتي حدثت في 2 ديسمبر . يعني المستشفى نفسه
تأخر لأكثر من اسبوعين حتى قام باخطار السفارة .. ورغم ذلك التأخير
لم تتكرم السفارة بالحضور لاستلام الجثة ؟؟!!!
ثم أتبعت ادارة المستشفى ذلك الفاكس بآخر في يوم 4 يناير !!؟؟
وأيضاً دون أي رد أو استجابة من السفارة ؟؟؟؟!!!!!

ثم .. في أخريات يناير ، عندما علمنا بوجود الجثة في المستشفى لاكثر
من شهرين .. بعد أن قام الأخ (عاطف) بتوزيع صور ومستندات الفقيد في
مطاعم ومقاهي منفوحة ، والتي حصل عليها من المستشفى ؟!!
لولا ذلك لما علمنا بوجود الجثمان في ثلاجة الموتى بمستشفى الايمان !؟

وعندها فقط تحرك زملاؤه في السكن واخطروني وبقية الاخوان بنبأ العثور
على الفقيد بالمستشفى متوفياً .. وعندها بدأت الاجراءات والتي لم تشارك
فيها السفارة (للأسف الشديد) بأي شيء سوى تكملة الاجراءات الرسمية عندما
وصلتهم الأوراق والمستندات بواسطة الاخوين بدرالدين وأحمد (زملاء الراحل في السكن) .

ويظل السؤال الذي يفجع القلب ويقطر دماً .. يظل السؤال الجريح قائماً :


أين الاهمال ومن المسؤول ؟!!؟؟

من المسؤول ؟؟؟!!!!! من المسؤول ؟؟؟؟؟؟!!!
abdulhalim altilib

ود الباوقة
من المعروف أن المؤتمر الوطنى ( الحاكم)
بدا مشواره السياسى بسرقة أدبية لا تقل عن
فساد رموزه ، فلعك تعلم أن حزب المؤتمر الوطنى
حزب سودانى كان أول رئيس له مولانا عبد المجيد امام
( تم تغيير الاسم الى المؤتمر السودانى بعد شطب الدعوى).
عليه بدأتم مشواركم بسرقة واليوم تأتينا كذبة من الرياض
فهل ستهرب كالعادة أم ستعود من أجل الاعتراف بالحقيقة ؟؟؟

ود الباوقة
من المعروف أن المؤتمر الوطنى ( الحاكم)
بدا مشواره السياسى بسرقة أدبية لا تقل عن
فساد رموزه ، فلعك تعلم أن حزب المؤتمر الوطنى
حزب سودانى كان أول رئيس له مولانا عبد المجيد امام
( تم تغيير الاسم الى المؤتمر السودانى بعد شطب الدعوى).
عليه بدأتم مشواركم بسرقة واليوم تأتينا كذبة من الرياض
فهل ستهرب كالعادة أم ستعود من أجل الاعتراف بالحقيقة ؟؟؟

أخي العزيز / حميدة
تحياتي ،

Quote: الاخ ليــمو .. الرجاء ارفاق الصورة إدناه ..

حاولت تصغيرها مثلما فعلت أنت ولكني
لم أنجح .. يبدو أن لتأثير فاجعة
الرحيل والهوان الذي لاقته الجثة حتى
لاقت روح صاحبها ربها .. يبدو أن ذلك
هو وحده الذي حال بيني وبين النجاح في
تصغيرها ؟!

( ممكن الوصفة الفنية لو سمحت )

حيث هناك بعض الصور الأخرى للمرحوم سوف
أبحث عنها بين أضابير أوراقي والبوماتي
ومستنداتي القديمة و أحاول إنزالهاأيضاً .


تسلم أخي وشكراً على الدعم الفني سابقاً ولاحقاً .


مودتي ،



( ليمو )

Quote: ولأن اكرام الميت في سرعة دفنه ، وبعد التشاور مع شقيق زوجة المرحوم ، الأخ ياسر ، والذي حضر من مدينة أبها نهار الخميس

قصرت السفارة وقصر نسيبو وقصر العزابة الساكنين معاهو و اصحابو
واسرته في السودان..


دي غياب 5 شهور يا عالم
منها3 اشهر في غيبوبة ومنهاشهرين في تلاجة.ز
نسيبو دا ما سمع عنه 5 شهور.. وكذلك اصحابو..
سكتو مالهم؟؟؟
اي زول عايز رقم تلفون اي سوداني بلقاه مع قليل من المجهود.. واسع لقوه كيف؟
للفقيد الرحمة وربنا يجعله من اصحاب اليمين
عاش ومات وحيدا كالاصداف..

العزيز ود الباوقة
على السفارة محاسبة الموظف الذي استلم فاكس المستشفى الاول
ولم يقم بواجبه الوظيفي والانساني..

ود الباوقة..

اركز .. وتعال بي جاي

وخلي الهروب


يا ود الباوقة


ما تعمل فيها نايم

والله كان لحقت المرحوك دا ما اخليك .. تنوم بي كضبتك دي

اجب علي السؤال الفوق دا

الحثمان بالظبط دفنوه متين ...

الأربعاء ولا الخميس

الأخ أحمد حنين
ممكن مكالمة عشان يتذكر
ويعود الى البوست ...
وشكرا على ندائكم أدناه...

ود الباوقة..

اركز .. وتعال بي جاي

وخلي الهروب


يا ود الباوقة


ما تعمل فيها نايم

والله كان لحقت المرحوك دا ما اخليك .. تنوم بي كضبتك دي

اجب علي السؤال الفوق دا

الحثمان بالظبط دفنوه متين ...

الأربعاء ولا الخميس

ود الباوقة دا يا جماعة لو خليناهو التيار بجرفو ..

..
..

عليهو عليهو .. اصلو ما تخلوهو ..

..
..

ود أم زرد ..!!

..
..

عجبني ليك والله .. فرحت ليك شديد

ود الباوقة
وجدت وقت للرد وماقادر تقول
لينا متى دفن المرحوم ؟
الأربعاء ..أم الخميس؟

Quote: اوكامبو عرف كيف .. مش الملف دا عند القضاة .. والله فعلا مسخرة ....

07-02-2009, 05:20 ص

ود الباوقة

عاجل... أوكامبو: صدور قرار المحكمة خلال أيام!

ود الباوقة
وجدت وقت للرد وماقادر تقول
لينا متى دفن المرحوم ؟
الأربعاء ..أم الخميس؟

Quote: اوكامبو عرف كيف .. مش الملف دا عند القضاة ..

والله فعلا مسخرة ....



07-02-2009, 05:20 ص

ود الباوقة

عاجل... أوكامبو: صدور قرار المحكمة خلال أيام!

كيف تحصل على جوال ودالباوقة ؟

إذا لم يعد ود الباوقة إلى هذا الخيط
فسنلاحقه أينما ذهب
بنفس الأسئلة

ونفس المطالب

فمن الخير لك أن تأتي هنا
وإذا كانت لديك الشجاعة الكافية ... تعتذر

فقط تعتذر

افو

يا ود الباوقة

والله اهل الباوقة يتبرأوا منك

بعد الهروب وجريك البشهدن بيو اخواتك

فارقت الثبات ...

فارقت درب ابواتك ....


والله يا عمر كنت قايلك مرق

لكن بكل اسف طلعت خرطوووش

وفي انتظار توضيح النقاط التي ذكرت

فوووووووووووووق لحين عودة ود الباوقة من الاسـر ..!!

ياجماعه براحه شوية علي الزول ده
والمسألة واضحة انو كابي الزوغة مافي داعي تحكوها لغاية ماتجيب الدم
وبعدين عندي سؤال صغير عليكم الله ردوا لي عليه
ماهي علاقة ود الباوقة بالسفارة
هل هو ملحق اعلامي ؟
ناطق رسمي باسم السفارة
ولا دي شلاقة منو ساكت ؟؟؟؟
وش متعجب جدا

Quote: ولا دي شلاقة منو ساكت ؟؟؟؟

الأخ أسامة
دى الرشاقة الكتلت اشراقة.

الجماعة دمهم بارد ، فكوا ود الباوقة عكس الهوا و عملوا نايمين.

قال مستندات قال



*** عشان تاني تصدق ليك كوز يا...

بسم الله الرحمن الرحيم ..


وَالْعَصْرِ إِنَّ الْإِنْسَانَ لَفِي خُسْرٍ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ .

والسلام .....

شكرا ود الباوقة
فنحن نعلم أن الصلاة لحكمة
كانت سرا أحيانا وجهرا فى
أحيان أخر .

ذي ما بتقول حبوبتي
الراجل بمسكو من لسانو

انت قلت في مستندات اين هي المستندات ي

يا ود الباوقة

ود الباوقة


سيب الجقلبة البتسوي فيها دي

جيب مستنداتك هنا

ولا جاوب علي السؤال القائم

متي تم دفن الجثمان

الأربعاء ولا الخميس.. ولا يمكن دفنوه مرتين!!!


انت يا كافي البلا بقيت مرمطون السفارة يدوك الأخبار المضروبة

وتجي شايلها وجاري وقايم سداري .... بدون اي فرامل

يبقي

سؤال

اخر

السادة اعضاء رابطة الأعلامين وانت طبعا عضو مؤسس

السادة الأعضاء المعانا هنا امثال

هاشم همام
علي الكرار هاشم
صلاح غريبة
وناجي

ديل ليه ما جابوا توضيح السفارة ولم يدخل واحد منهم

يساندك في زنقتك دي ...

قال اعلامي قال ...

Quote: بسم الله الرحمن الرحيم .. وَالْعَصْرِ إِنَّ الْإِنْسَانَ لَفِي خُسْرٍ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ . والسلام .....

يا عمر اخوي
انت اتوصيت على شنو و صبرت على شنو ؟؟

قلنا ليك كلنا بنعرف نكتب ايات القرآن.

يا ايها الذين امنوا ان جاءكم فاسق بنبا فتبينوا ان تصيبوا قوما بجهاله

يقع فيكم العدو

ودالباوقه
نصيحه لوجه الله

قدم إعتزار ووضح انو معلوماتك غير دقيقه

والله انا خجلان ليك

ودابكدوك

السفارة في الزغرطي
زغرطية المنبر ...

أولا نسال الله العلى القدير ان يتغمد الفقيد بواسع رحمته وان يلهم اله وذويه الصبر والسلوان

أما نت أخى ود الباوقة لا تحزن ولا تياس فأن نصر الله قريب

الاخوة الاعزاء المسألة ليس لها علاقة بمستندات ولا بيوم فرق هنا او هناك فالمعلومية الخاطئة واردة فى كل زمان ومكان

ولكن يبقى الاهم وهو ان رجالات هذه السفارة من اعظم الرجال الذين عرفناهم فكلهم شهامة ورجولة ونخوة ويقومون بادوار فليس لهم بها علاقة البته ولو سالنا عن مهمة كل واحد منهم والتزامه بحدودها فلن نجد بينهم من هذا شانه .. وعلى الرغم من ذلك فان السفارة جندت اكثر من واحد من رجالها ومن اصحاب الرتب الرفيعة لمتابعة هذه الحالات والذين يعتقدون بان هذا هو الحدث الاوحد فهم مخطئون فقد ر\ايت بأم عينى المسئول عن امور الجالية وهم يحمل ملفات قضايا ومشاكل ينؤ عن حملها القوى القادر ويتحرك بها يمنة ويسرة فى سبيل حل مشاكل المقيمين من ابنءا الجالية مشكلات مختلفة .. لا حسر لها .. وليس للسفارة يد فيها وعلى الرغم من ذلك تسعى فى حلها بكل ما اوتيو من طاقة ارضاء لمن لا يرضون حتى لو رصعت جباههم بالماس والذهب ..

اجراءات دفن ونقل جثمان المتوفى تختلف من بلد الى اخر .. خصوصا وان كل المقيمين فى ارض الحرمين الطاهرة هم اصحاب عقود عمل ويعملون تحت كفلائهم ولا بد فى كل الاحوال من حضور الكفيل وانهاء اجراءات بنفسه ولكنا نعمل كغيرنا بان معظمهم لا يعرف شيئا عن كفيله .. فما ذنب السفارة فى مثل هذه المخالفات التى تؤرقهم كل يوم ..

كل السفارات اللاجنبية الاخرى ينحصر دورها فى توثيق الاورداق وعلى ذوى المتوفى أو كفيله أو اصدقائه السعى لأنهاء الاجراءات .. الا سفارتنا فمندوبها يقوم بكل شىء .

ونواصل

وين المستندات

يا كضاب


والسؤال قائما

انت الجثمان دا دفنتوه كم مرة ؟؟؟؟


وسؤال اخر

يا ود الباوقة

منو الفي السفارة اداك التوضيح الهايف دا

ولا دي شتارتك ؟؟؟؟

Quote: ودالباوقه نصيحه لوجه الله قدم إعتزار ووضح انو معلوماتك غير دقيقه

ياجماعة المستندات وين..؟؟
المستندات يا ود الباوقة بالله

وتاني بالله يا جماعة لمن تكون في مستندات رايحة زي دي قولو لينا عوووك



كل الرحمة والمغفرة للفقيد ولاهله الصبر والسلوان

Quote: حاجة مهمة يا ود الباوقة كلامك الفارغ والما عندو قيمة للاخت سناء ده مافي ليهو داعي

كتر خيرك كتير يا سفيان

كلامه الكاتبه ده ما غريب عليه مش انقاذي ؟؟ انا الناس ديل بتوقع منهم اي شي و ده سلاحم

ياما استعملوا معانا في الجامعات لكن ما بمشي علينا




تقديري ليك

فووووووووووووووووووووووووووووووووووق .. فووووووووووووق .. سودانا فووووووووووووق ..

الأربعاء أم الخميس
ال contradiction
Delay لمدة كم شهر كده
والله الحاجات دي زمان الكيزان كان بيحلوها ببساطة
يا حليلهم كورتهم فكت وغنايم مات وتاني ماعارف
الحيحصل ليهم شنو ، جيبو كبيركم سرررررررريع !!!

يا اخوانها انتو بدل تعزوهم علي فقدهم ضرائب رجل كامل

تقعدو تحكو فوقكم كد

مستندات

{ثُمَّ كَانَ عَاقِبَةَ الَّذِينَ أَسَاؤُوا السُّوأَى أَن كَذَّبُوا بِآيَاتِ اللَّهِ وَكَانُوا بِهَا يَسْتَهْزِؤُون} (10) سورة الروم

مستندات

Quote: أما انت أخى ود الباوقة لا تحزن ولا تياس فأن نصر الله قريب ............ الاخوة الاعزاء المسألة ليس لها علاقة بمستندات ولا بيوم فرق هنا او هناك فالمعلومة الخاطئة واردة فى كل زمان ومكان

غايتو راجينك وفاضين ليك يا ود الباوقة

النشوف حبل الكضب دا

Quote: المستندات

أخي العزيز / ناجي
تحياتي وتقديري ،

Quote: اجراءات دفن ونقل جثمان المتوفى تختلف من بلد الى اخر .. خصوصا وان كل المقيمين فى ارض الحرمين الطاهرة هم اصحاب عقود عمل ويعملون تحت كفلائهم ولا بد فى كل الاحوال من حضور الكفيل وانهاء اجراءات بنفسه ولكنا نعمل كغيرنا بان معظمهم لا يعرف شيئا عن كفيله .. فما ذنب السفارة فى مثل هذه المخالفات التى تؤرقهم كل يوم .. كل السفارات اللاجنبية الاخرى ينحصر دورها فى توثيق الاورداق وعلى ذوى المتوفى أو كفيله أو اصدقائه السعى لأنهاء الاجراءات .. الا سفارتنا فمندوبها يقوم بكل شىء .

ومن قال بضرورة حضور الكفيل وانهاء الاجراءات بنفسه في حالات الوفاة ؟

لم يحضر كفيل راحلنا المقيم محمد إبراهيم (غفيرو) ولم يسأل عنه حتى ؟!!
والاجراءات كلها قام بها أصدقاء الفقيد وزملائه في السكن (منفوحة) بعدما تسلموا
توكيلاً أو تفويضاً من إبنه (وائل) من السودان عبر فاكس ارسل للسفارة حسب طلبها
موضحاً فيه اسم (أحمد محمد حسن) ليقوم بتكملة الاجراءات وسرعة إكرام الجثمان
وذلك بدفنه في أسرع وقت ممكن .. وهذا ما حدا بنا لسرعة تكملة الاجراءات من
السفارة ومن بعدها الامارة ثم شرطة منفوحة ثم الذهاب للمستشفى لتكملة إجراءات
استلام الجثمان ودفنه .. علماً بأن تلك الاجراءات الرسمية في الجهات الثلاث
انتهت مع نهاية دوام يوم الأربعاء .. وهذا ما حدا بنا للذهاب صباح الخميس
لمستشفى الايمان لاستلام الجثمان وبحضور شقيق زوجة الراحل ، والذي حضر من ابها
للمشاركة في دفن الجثمان ، حيث تم ذلك عصر الخميس بعد الصلاة عليه في مسجد
الراجحي (صلاة العصر) ومن ثم دفنه في مقابر النسيم .

وكما تلاحظ أخي ناجي ، لم يكن هناك أي مندوب أو أي فرد من السفارة في كافة
الخطوات المذكورة أعلاه ، وكنا نتمنى ذلك .. ولا أنكر أن كبار المسؤولين في السفارة
كثيراً ما شاهدناهم بيننا في المقابر أو في أماكن العزاء في حالات كثيرة ، والحق
يقال .. ولكن في حالة فقيدنا هذا ، فأنا فعلاً أستغرب تقاعسهم لا عن الحضور أو
المشاركة في تكملة الاجراءات أو حتى الدفن فحسب !! .. ولكني أستغرب وارفع أكثر من
ألف علامة إستفهام وتعجب في عدم تحركهم منذ استلامهم للفاكس الأول من المستشفى
في منتصف ديسمبر ، ثم الفاكس الثاني في الرابع من يناير واللذان يفيدان بوفاة
المواطن محمد إبراهيم أحمد.. ناهيك عن بقائه في غيبوبة كاملة لأكثر من ثلاثة
شهور دون أن تتحرك السفارة لتعرف شيئاً عنه أو عن أهله أوعمل اعلان في
السفارة أو أي وسيلة اعلامية أخرى متاحية .. وقطعاً هم أدري مني بذلك لأن هذا من صميم
عملهم ، ولا حاجة لي لتوضيح ذلك (ولقد تشرفت سابقاً بالعمل في رئاسة وزارة
الخارجية بالخرطوم ولفترة قاربت الأربع سنوات ) . وأعرف حدود وواجباتهم
فقط أنا أستنكر وأدين بشدة تعاملهم السلبي في حالة صديقناالراحل
محمد إبراهيم أحمد الشهير بـ (غفيرو)؟؟؟!!

ملاحظة مهمة :


يبدو أن الأخ العزيز عمر (ود الباوقة) توقع أن اجراءات الدفن
قد انتهت في نفس يوم الأربعاء ، عقب الفراغ من الاجراءات في
السفارة والتوجه للأمارة والشرطة .. وعلى ذلك فإن الدفن سوف يتم
(أو قد تم كما افاد) في نفس اليوم (الأربعاء) . ؟!
ولا ننكر أننا فكرنا في ذلك (لسرعة إكرام الجثمان) والذي بقي في
الثلاجة لفترة قاربت على الشهرين (وكأنه لا سفارة لنا هنا في
الرياض ؟؟!!) .. لكن لعدم اكتمال الاجراءات في نفس اليوم من جهة
ولاتاحة الفرصة لنسيبه (ياسر - أبها) و لاصدقائه من المنطقة الشرقية
من جهة أخرى للحضور والمشاركة في تشييع الفقيد، هو السبب الوحيد
الذي دفعنا لتكملة الاجراءات (في المستشفى ) في اليوم التالي
والذي هو يوم الخميس ، وليس الأربعاء كما توقع وصرح عزيزنا ود الباوقة !
وعتبي على أخي ود الباوقة في أنه كان حرياً به أن يستوثق ويتأكد
من المعلومة قبل أن ينشرها باسم السفارة ويلاقي من جرائها ما يلاقيه الآن ؟!


نسأل الله له الرحمة والمغفرة وأن
يتقبله الله بقبول حسن ويرزقه الجنة .


معذرة أخي ناجي للإسهاب والإطالة ولكن أظنك توافقني
أن إظهار الحقائق يتطلب أحياناً مثل ذلك وأكثر .


مودتي ،




( ليمو )

Quote: ولكن يبقى الاهم وهو ان رجالات هذه السفارة من اعظم الرجال الذين عرفناهم فكلهم شهامة ورجولة ونخوة ويقومون بادوار فليس لهم بها علاقة البته ولو سالنا عن مهمة كل واحد منهم والتزامه بحدودها فلن نجد بينهم من هذا شانه .. وعلى الرغم من ذلك فان السفارة جندت اكثر من واحد من رجالها ومن اصحاب الرتب الرفيعة لمتابعة هذه الحالات والذين يعتقدون بان هذا هو الحدث الاوحد فهم مخطئون فقد ر\ايت بأم عينى المسئول عن امور الجالية وهم يحمل ملفات قضايا ومشاكل ينؤ عن حملها القوى القادر ويتحرك بها يمنة ويسرة فى سبيل حل مشاكل المقيمين من ابنءا الجالية مشكلات مختلفة .. لا حسر لها .. وليس للسفارة يد فيها وعلى الرغم من ذلك تسعى فى حلها بكل ما اوتيو من طاقة ارضاء لمن لا يرضون حتى لو رصعت جباههم بالماس والذهب ..

ناجي ,,, انت بجدك بتتكلم عن سفارة سودانية ,,

شنو يا جماعة البوست ده انا لقيتو
قرب يصل الصفحة التالتة ، اها الزول
ده كان خليتو قولو لينا ...

يا شباب


روقوا المنقة شوية ..

الراجل مزنوق .. زنقة حرامي في مولد ..

ورغم الزنقة والجري من هنا ..

الأ انه مشغول بتجهيز المستندات ...


واصبروا عليه شوية ...

شهر شهرين .. سنة .. سنتين ...


المهم

البوست حده الأرشيف 2020

Quote: البوست حده الأرشيف 2020

الروب


والليلة

اووووب

الروب

ده كان خليتو قولو لينا ...

ابو كدوك .. يا اخوي هون على نفسك من العتالة القاعد تسوي فيها دي وشوف ليك شغلانة تستفيد منها
بدل الكلام الفارغ البتسو فيهو دا ..
الظاهر عليك عديم شغل ....

الاخوة الكرام..... الكرام ..

اولا انا ليس لدي ما اخجل منه او ازوغ منه .
المعلومات الواردة تم تزويدي بها من السفارة فان كانت خظأ فانا لا اتحمل ذلك.
بعدين انا لا ملحق اعلامي ولا مصدر من مصادر السفارة . والسفارة عارفين مكانها يمكنكم
مراجعتها للتاكد ..

ود ابكدوك .. شوف ليك شغلانة اشتغلا بدل العتالة دي ...

قبل ما نشوف إنك تتحمل الكلام النقلتو ولا لا
خلينا بالاول نشوف هل ..
السفارة أخطأت !! أم كذبت ؟؟

Quote: السفارة أخطأت !! أم كذبت ؟؟

صلاح

اخيرا الزول إعترف

لكن الراجح السفاره كذبت

لا والله يا نادر الزول لا اعترف ولا حاجة
هو قال السفارة اخطأت يعني الكلام ده
كان ممكن يجي ويقولوا من اول يوم وطبعا
هذا لو كان الموضوع خطأ..

لكن الموضوع كذب وكذب وكذب ..
ويا نادر الزول ده لو ما جا
بي جاي وقال كده ، حنمشي ليهو
في بوستو الفاتحو ده ونرمي ليهو السوال

أخطأت أم كذبت ..
لانو ناقل الخطأ ليس بخاطي

أها يا نادر انت وراك حاجة ولا فاضي..

Quote: ود ابكدوك .. شوف ليك شغلانة اشتغلا بدل العتالة دي ...

اشمعنى ود ابكدوك بالذات يا ود الباوقة خليت الناس المحتجة دى كلها وخليت السفارة الكذبت ذاتها !!
الزول ده حيطتك القصيرة ولا شنو ؟؟

سلوى و صلاح

والله يا صلاح لو ما فاضي النوعيه دي بفضي ليها نفسي

سلوي لكي التحيه والود

نوعية ود الباوقه ده عندنا منها خبرات طويله بس طولي بالك معانا

ليون هيا إلى الامام

Quote: ابو كدوك .. يا اخوي هون على نفسك من العتالة القاعد تسوي فيها دي وشوف ليك شغلانة تستفيد منها بدل الكلام الفارغ البتسو فيهو دا .. الظاهر عليك عديم شغل .... الاخوة الكرام..... الكرام .. اولا انا ليس لدي ما اخجل منه او ازوغ منه . المعلومات الواردة تم تزويدي بها من السفارة فان كانت خظأ فانا لا اتحمل ذلك. بعدين انا لا ملحق اعلامي ولا مصدر من مصادر السفارة . والسفارة عارفين مكانها يمكنكم مراجعتها للتاكد .. ود ابكدوك .. شوف ليك شغلانة اشتغلا بدل العتالة دي ...

طيب يا خوي وكت إنت ما ملحق إعلامي وما عنك تفويض من السفاره
إبقى الشغال عتال منو
إنت شليق و شلاقتك دي بنقطعا ليك في راسك

الموضوع الاساسي وهو المستندات راح شمار في مرقة
وبقيتوا في شكلة
ودايرين حجازين

شبكة لكن دي يجيبو ليها مستند كيف؟؟؟؟؟

Quote: الا ان الدفن كان يوم الاربعاء الماضى مع ذلك شارك في الدفن بعض اعضائها

مع ذلك (رغم كل ما ذكر) شاركو في الدفن !! عجيبة ، بل والأعجب يوم الأربعاء
غايتو يخلصنا الشبكنا

Quote: غايتو يخلصنا الشبكنا

الله يحلكم بالسلامة

Quote: الموضوع الاساسي وهو المستندات راح شمار في مرقة

SHIBKA
مستندات شنو
ده قصتو كلها كذب
شغال بوق للسفاره
في اول زنقه تنصل منها

إنت عارفه زي ود الباوقه ده مغيب ذهنيا

اي حاجه بشيله بضبانته لا يناقش ابدا

ديل زمان في الجامعه كنا بنقول عليهم الشغيله

Quote: الشغيله

كانوا كتار خلاص
لكن خدومين جدا في القضية الميتة البيكون ماعندك ليها تفسير لكن عايزها تمشي



في النهاية انت وصلاح هدفكم واحد لكن انشغلتو عنو باشياء جانبية
اتركوها جانبا وخليكم في قضيتكم الاساسية
ولا اعتقد انه سيكون هناك رد من سفارة ولا غيرو
عشان كدا السفارة الفيها اتعرفت وانتو انسوا الموضوع على كدا

السفارة الفيها معروفة من زمان يا ستي
حتى ومن قبل يجي الزول ده ويرمي بأشياء
عنها هنا ويثبت عليها إما الكذب او الخطأ..

نحنا هسه الغرض لما نلقا لينا فرصة زي
دي نخلي اكبر عدد من الناس يقراء ويعرف
وده الغرض من رفع البوست ..

اما قضيتنا الأساسية دي ما فهمتك قاصدة شنو..

اخبار المستندات اييييييه؟
يا كدوك والليون

اخبار المستندات اييييييه؟
يا كدوك والليون

Quote: اما قضيتنا الأساسية دي ما فهمتك قاصدة شنو..

القضية الاساسية المقصود بيها ياسيدي
المستندات
اللي خليتو موضوعها واتشبكتوا انت واب كدوك


انشا الله الكلام جاك في راسك

دمت بود دائماً

Quote: اخبار المستندات اييييييه؟ يا كدوك والليون

كيكي
الرجل هرب لكن انا و حبيبنا ليون مشينا لقينا في حي التكارنه
نافض ريشو
ليون ما كضب بقي إنتف ليك في ريش الشغيله

انا ما كنت فاكر ليون ده بالقساوه دي

بالضبط مستندات تدل على ايش
كل الاوراق المختصة بالموضوع
سواء شهادة الوفاة او الفاكسات
المتبادلة بين السفارة والمستشفى
دي من زماااااان شفناها في البوست
ده او في بوستات سابقة ..

هسه انتي عايزة مستند يوري إنو
ناس السفارة حضرو الدفن يوم الاربعاء ولا شنو
يعني الموضوع فيهو تقصير جاب ليهو كضب ..
ومن ثم تم نقله إلى هنا بكل .... ودي قضيتنا الاساسية ..

مواهيم النضال اتلموا

ياهو ده نضالكم ؛الكضب في البورد مليان

وقفت علي ود الباوقة ؛في مليون واحد بجي البورد ده يكضب ويشتت



فلاحتكم في ود الباوقة

حكومة ود الباوقة راكبة 20سنة
وح تظل راكبة 20 سنة جاية


قوموا لفو ا ؛

بلي يخمكم كلكم

قال مستندات قال.

Quote: مواهيم النضال اتلموا

انا لا علاقة لي بالنضال ودي نمشيها

Quote: ؛الكضب في البورد مليان وقفت علي ود الباوقة

يعني انت معترف انو ود الباوقة كضب ..
ودي كبيرة منك والله إنحنا كنا ماشين معاهو
حبة حبة وعايزنو بس يجي ويعتذر عن الخطأ ..
وعشان مليون كضبوا هنا وعشان خاطرك كمان نمشيها ليهو..

اصلو ما تقوم تلف ولا بلى يخمك لكن تعال تاني..

Quote: قوموا لفو ا ؛ بلي يخمكم كلكم قال مستندات قال.

بشير احمد
هذا أسلوب العاجز
دع صاحب الشأن لشأنه
ود الباوقة
أين المستندات ؟

ود الباوقة تحية طيبة وسلام
أولاً يا أخي العزيز الاحترام والتقدير يجلبه الانسان لنفسه
بادبه وحسن خلقه وتعامله مع الناس وتحققه من الموقف السليم
وأنت يا عزيزي ليس نشاز عن الناس لذا حين كتبت اليك ما كتبت
(أتحدث عن نفسي رغم أن كثيرين يرون ما اراه) قلت لك أن السفاره
تلاعبت عليك عن قصد وحملتك المسألة أو انك عن قصد اردت أن تخدم
غرض تلاعبها والحالتين الاثنين وضحوا تماماً بردك هذا :-

Quote: ابو كدوك .. يا اخوي هون على نفسك من العتالة القاعد تسوي فيها دي وشوف ليك شغلانة تستفيد منها بدل الكلام الفارغ البتسو فيهو دا .. الظاهر عليك عديم شغل .... الاخوة الكرام..... الكرام .. اولا انا ليس لدي ما اخجل منه او ازوغ منه . المعلومات الواردة تم تزويدي بها من السفارة فان كانت خظأ فانا لا اتحمل ذلك. بعدين انا لا ملحق اعلامي ولا مصدر من مصادر السفارة . والسفارة عارفين مكانها يمكنكم مراجعتها للتاكد .. ود ابكدوك .. شوف ليك شغلانة اشتغلا بدل العتالة دي ...

بل حين قلت ما قلت يا ود الباوقة لم تكتفي بنقل الخبر فقط بل اكدت ان اعضاء من السفارة
شهدو الدفن والان تعترف هذا الاعتراف بانك لا تتحمل هذا الامر وتعتبره خطاء !!!

دعني اخبرك هذا الامر ليس خطاء يا ود الباوقة ليس خطاء فقط هو خطاء وكذب من السفارة عليك
وخطاء وكذب منك أنت علي المرحوم واهله وعلينا ، هذه هي الحقيقة التي يجب أن تقر وتعترف بها
وياليتك يا ود الباوقة تعلم أن تتخذ موقف واضح من السفارة التي كذبت عليك واخطأت في حقك
واستغفلتك (كلمة حارة لكنك اكدتها بردك) .
وياليتك يا ود الباوقة لم تنبري للتحمل مسؤلية السفارة في هذا الموضوع لدرجة أن تتعدي وبقبيح
القول للأخت سناء واقول للأخت سناء لانك يا ود الباوقة تعديت عليها بشكل سافر وقبيح لا اظن سببه إلا
انها امرأة قالت لك إن ما تقول به في هذا الامر هو نفاق ليس إلا خصوصاً بعد انتظارها الطويل لمستنداتك
التي زعمتها وأنت تعلم وأنا اعلم والجميع يعلمون أن مثل هذه البوستات التي تعتمد علي مستندات يجب أن
لا يطول فيها الانتظار .

ولم تكتفي بهذا يا ود الباوقة بل ذهبت اكثر في عنادك وتكابرك عن الاعتراف بالخطاء والكذب الذي اقترفته
ولا زلت تعنف الناس وتكذب بأن المسألة خطاء من السفارة .

ارفق بنفسك يا أبن العم

ارفق بنفسك من غباء اليافعين*
وتفاصيل التدحرج للوراء
إن الوراء مقسماً
بين القيامة والعدم
بين الترغب والذهول
والليل اوغل حين طال
لكي يطول
ـــــــــــــ
* أبكر آدم إسماعيل .

تضامنا مع اخي ود الــبــــاوقـــة

له الرحمة والمغفرة...

Quote: مواهيم النضال اتلموا

بشير احمد

اسمع

خليك صدقني ما بتستاهل يردو ليك

صباح الخير يا ود الباوقه

تحية طيبة يا ود الباوقة
واعذرني في الرد علي الاخ
بشير أحمد .

تحية طيبة اخي بشير
لم أنتبهك إلي مداخلتك هذه
إلا منذ قليل :-

Quote: مواهيم النضال اتلموا ياهو ده نضالكم ؛الكضب في البورد مليان وقفت علي ود الباوقة ؛في مليون واحد بجي البورد ده يكضب ويشتت فلاحتكم في ود الباوقة حكومة ود الباوقة راكبة 20سنة وح تظل راكبة 20 سنة جاية

ربما كنت سا عتبر كلامك كلام عام
ولا يستحق الرد عليه وربما ظننت
أنك تقصد غيري من الزملاء والزميلات هنا
لكن هذا الجزء :-

Quote: قوموا لفو ا ؛ بلي يخمكم كلكم قال مستندات قال.

يوضح تماماً إني ضمن الجماعة
عليه اشكرك علي سوء الظن
متمنياً أن تفتح معي بشكل شخصي
حوار في إي المواضيع السياسية
التي تخص السودان من (الهّوية
إلي الدولة المدنية الحديثة )
حتي تختبر تعميمك هذا ولتعرف
حقيقة إدعائك .
أو أتمني أن تكمل معي بوستك هذا :-
فعلاً نجح مناتلي دارفور ؛لنسيانكم مجزرة غزه ؛؛؛
لانو برضو بيقود لاسئلة الهوية والدولة السودانية
الحديثة .

اشكرك وكُن بخير


الف شكر ود الباوقة .

ود الباوقة اين المستندات
والله البوست دا ننكتوا من الصفحة المليون
دايرين نشوف اخرتاها شنو
اي شي ولا اللعب بالدقون
ياخي دا موت عارف موت
يعني شنوا
وموت في غربة
وانت أكثر واحد عارف معنى الغربة
كويس ؟؟؟؟؟؟؟؟؟

مسكين بوق الانقاذ ود الباوقة. أنضرب في هذا البوست ضرب شديد جدا.

ود الباوقة عود الى رشدك وتوقف عن مساندة الظلمة ، توقف عن هذا الدور الذي تقوم به.

إنقاذيي السفارة لا يهمهم أمر المواطن السوداني المغترب في شئ ، طالما هولاء المواطنون يدفعون الضرائب وهم صاغرون.



دينق.

Quote: وقفت علي ود الباوقة ؛في مليون واحد بجي البورد ده يكضب ويشتت

جيت تكحلها عميتها يا بشير ..

(*)

Quote: المواطن محمد ابراهيم ( يرحمه الله ) من ابناء منطقة الدامر كان يعمل بسيارته الخاصة في نقل طالبات عندما داهمته كومة السكري فقامت الطالبات باسعافه الى مستشفى الايمان حيث توفي بها . لا يوجد اي عنوان او تلفون للمرحوم حتى يتسنى للمستشفي الاتصال به . فقامت بالاتصال بالسفارة السودانية موضحة وجود جثة مجهولة الهوية لمواطن سوداني وعلى الفور قامت السفارة بارسال مندوب لها وهوالموظف ماجد على عثمان . ذهب الاخ ماجد الى المستشفى وفعلا لم يجد مع ادراة المستشفى اي عنوان يوصل الى اهل الفقيد . بعدها قامت السفارة بجهود مضنية حيث تم التوصل الى من يسكن معهم الفقيد وعند الاتصال بهم اوضحوا بانهم بحثوا عنه في كل مكان عدا مستشفى الايمان حيث انهم يجاورنه السكن ( حي خنشليلة) المرحوم ليس له قريب هنا بالمملكة فقامت السفارة بالاتصال باهله بالسودان حيث تم ارسال توكيل من لصديق المرحوم لكي يقوم باتمام اجراءات الدفن كل ذلك تم بواسطة السفارة والمستندات التي تثبت ذلك موجودة بحوزتها وسنقوم بانزالها هنا . قامت السفارة باتمام كافة اجراءات الدفن مع الجهات المختصة بالسعودية ( الوثائق موجودة ) طرف السفارة بعد الانتهاء من كافة الاجراءات طلبت السفارة من اصدقاء الفقيد ان يكون الدفن يوم الجمعة حتى يستطيع جميع طاقم السفارة من حضور التشييع . الا ان الدفن كان يوم الاربعاء الماضى مع ذلك شارك في الدفن بعض اعضائها. هذا ما لزم توضيحه ونسال الله الستر في الدنيا والاخرة ..

الاخ ود الباوقة تحياتى
الله يشهد لو كان فى روايتك التى اوردت 5% صاح انا كنت اسكت ولكن ساوافيك بالحقيقه.
انا وجدت اعلان فى احد المطاعم بغبيرة يفيد بان هنالك سودانى متوفى منذ شهرين فى مستشفى
الايمان ولم يدفن والاعلان من فاعل خير,رفعت التلفون لسعادة الوزير المفوض الاستاذ احمد يوسف
وقلت له بالحرف الواحد يا استاذ احمد هل وصل الحال بالسفارة ان تترك رعاياها ينفقون كالاغنام
خصوصا جاء بالاعلان ان السفارة السودانية لديها علم من اكثر من شهر ونصف.
افاد الاستاذ احمد ان السفارة لا تستطيع دفن اى شخص مالم يثبت انه سودانى فقلت له الاوراق
الثبوتيه تؤكد ذلك فقال لى يمكن ان تكون تلك الاوراق مزورة فقلت له انا يهمنى ان هنالك
اعلان معلق على ابواب المطاعم ومكتوب عليه يوجد جثمان لشخص سودانى مضى عليه شهران ولم يدفن
والسفارة تعلم بذلك فقال لى انا سوف اجرى مزيدا من التحرى فى الامر كان ذلك يوم الاربعاء 28 /1
وفى تمام الساعة الثانية عشر والنصف ظهرا اكملت حديثى مع الاستاذ احمد الوزير المفوض اخذت الاعلان عملت منه
عدد من النسخ وزعته لبعض الاخوان،كلفت الاخ كمال حلفاوى بان يذهب بالاعلان لسائقى الشاحنات
بمخرج 17 وكلفت الاخ مصطفى صالح بان يذهب بصورة الاعلان لسائقى الديانات بصناعية الموسى
واعطيت الاخ كمال شقلاوى الاعلان لكى يذهب لجمعية ابناء شندى لان الاستاذ احمد يوسف اخبرنى بان هنالك معلومات
غير مؤكده تفيد بان هذا الشخص من ابناء شندى،وحاولت انا فى انحاء اخرى، فى حوالى الساعة الثانية
من ظهر اليوم اتصل بى الاستاذ احمد مرة اخرى وافاد بانهم توصلو لبعض الخيوط التى تصلهم بذوى
المتوفى وهو سيفيدنى بما يستجد شكرت له سعيه وقلت له انا بدورى فعلت كذا وكذا واذا ظهر
اى شىء سوف اخطره ،اتصل بى الاستاذ احمد فى تمام الساعة الرابعة عصرا واخبرنى انهم تعرفوا
على ذوى المتوفى وافاد ان المتوفى لا اقارب له غير بنت اخت مقيمة بجده وتم الاتصال بها وافادت
انها بصدد اخطار احد معارفها لكى ترسل توكيل من جده ليتم دفن المرحوم وانهم من الدامر وسوف تتولى السفارة
الامر.وشكرنى على حرص السودانيين على بلدهم وعلى بعضهم وان هذا واجب تمليه الموطنه والدين وانه سوف يخطرنى
بموعد الدفن.
اتصل بى مجددا فى تمام الساعة السادسه مساءا بان التوكيل وصل وتم اخطار الاخ ماجد من موظفى
القنصلية لاتمام الاجراءات وان ماجد يتمم الان فى الاجراءات وسوف يدفن يوم الخميس.
هذا ما كان من امر السفارة والاستاذ احمد يوسف موجود وحى ويرزق واسالوه عن صحة ما رويت
يا ود الباوقة..حتى انا قلت له بالامارة يا استاذ احمد جعل ذلك فى موازين حسناتكم وانا لا ادعى
بهذه الرواية باننى قد حركت السفارة لكن يشهد الله هذا ما حصل فعلا..
ود الباوقة انت مفتكر ناس المؤنمر الوطنى ديل نحن فاكرنهم انبياء لا يخطأوا ولا ينسوا
زى ما انت معتبرهم بانتمائك الضيق ذلك ياخى هم بشر كعادة الناس يخطئوا ويصيبوا فان احسنوا شكرناهم
وان اخطأوا قومناهم ولفتنا نظرهم ولكن الله يشهد لايفسد الولاة والمسؤلين الا بطانة السوء..
ياخى لما تريد ان تكتب تحرى الصدق حتى تكتب صديقا..والله يصلحنا جميعا،،،

صديق الموج
اوفيت وكفيت .....

قطع صديق الموج قول كل خطيب

أخي العزيز / أبوحيدر (ود الموج) ،
تحياتي وتقديري ،

Quote: اى شىء سوف اخطره ،اتصل بى الاستاذ احمد فى تمام الساعة الرابعة عصرا واخبرنى انهم تعرفوا على ذوى المتوفى وافاد ان المتوفى لا اقارب له غير بنت اخت مقيمة بجده وتم الاتصال بها وافادت انها بصدد اخطار احد معارفها لكى ترسل توكيل من جده ليتم دفن المرحوم وانهم من الدامر وسوف تتولى السفارة الامر.وشكرنى على حرص السودانيين على بلدهم وعلى بعضهم وان هذا واجب تمليه الموطنه والدين وانه سوف يخطرنى بموعد الدفن. اتصل بى مجددا فى تمام الساعة السادسه مساءا بان التوكيل وصل وتم اخطار الاخ ماجد من موظفى القنصلية لاتمام الاجراءات وان ماجد يتمم الان فى الاجراءات وسوف يدفن يوم الخميس. هذا ما كان من امر السفارة والاستاذ احمد يوسف موجود وحى ويرزق واسالوه عن صحة ما رويت يا ود الباوقة..حتى انا قلت له بالامارة يا استاذ احمد جعل ذلك فى موازين حسناتكم وانا لا ادعى بهذه الرواية باننى قد حركت السفارة لكن يشهد الله هذا ما حصل فعلا..

مع كامل احترامي لك أخي العزيز وللأخ الأستاذ أحمد يوسف
والذي كثيراً ما نجده معنا ، وأحياناً قبلنا، في
معظم (إن لم تكن كل) مناشطنا من أفراح أو أتراح
أو أي فعاليات أخرى .. إلا أن المعلومات التي
ذكرها لك آنفاً غير دقيقة للآتي :


(*) أنا أستغرب كيف أن السفارة تدعي
أن تلك الأوراق الثبوتية الخاصة بالمتوفي
قد تكون مزورة ؟ لماذا لم تقم السفارة (مندوب منها)
بالذهاب للمستشفى لرؤية الاقامة الأصلية الخاصة بالمرحوم
وكذا رخصة القيادة ، علماً بأن هناك قسم خاص للشرطة في
المستشفى المعني ، والمرحوم نفسه كان لديه ملف طبي
بهذ المستشفى قبل وفاته بزمن ، حيث كان يتلقى العلاج فيه
من دائي السكر والضغط .. لو تكرم واحد من السفارة
بالذهاب للمستشفى (خاصةً بعد تلقيهم الفاكس الأول) بعد
إخطارهم بوفاته .. لو أحدهم زار المستشفى لعلم الحقيقة
في وقتها ولوجد الاقامة الأصلية ورخصة القيادة وجوال الفقيد
وكلها مستندات رسمية وغير مزورة ، وتم حفظها في الامانات
لدى ادارة المستشفى عند وصول فقيدنا بالاسعاف وهو في غيبوبة تامة ،
والذي قام بتسليم تلك المستندات لادارة المستشفى
(اتضح الآن أنها اختفت) ؟!!!؟؟ ولم نعثر لها على أثر حتى اليوم (25/2)؟؟؟!!!

لو تحركت السفارة وقتها لعرفت هل الفقيد مقيم بصورة
نظامية أم أحد المتخلفين .. لكنها لم تتحرك مطلقاً ؟!

ثم أردفت ادارة المستشفى فاكسها الأول بآخر في مطلع
يناير .. ودون أي رد فعل إيجابي من سفارتنا الهميمة ؟!


(*) المرحوم ليس له بنت أخت في جدة أو غيرها ، له
فقط نسيب وهو شقيق زوجته (زهور والتي تقيم في الدامر) ،
وهو الأخ ياسر والذي حضر من ابها عن طريق جدة خصيصاً
للمشاركة في دفن الجثمان والذي تم يوم الخميس .

(*) التوكيل أرسل من ولد المرحوم (وائل) من الدامر
مساء الثلاثاء باسم (محمدحسن أحمد) زميل المتوفي في
السكن وهو الذي قام صباح الأربعاء بتكملة إجراءات
استلام ودفن الجثمان بدءاً من السفارة (يبدو أن الأخ
ماجد هو الذي قام بالاجراءات إياها داخل السفارة فقط ؟!)
ثم الامارة ثم شرطة منفوحة ثم استلام الجثمان من المستشفى
وتمت كل الاجراءات المذكورة آنفاً بواسطة الأخ محمد حسن
وكان برفقته زميلاه في السكن بدرالدين وغازي .
كل تلك الاجراءات اكتملت مع نهاية دوام يوم الأربعاء ،
واتفقنا (أصدقاء الراحل مع نسيبه وبالتشاور مع أسرته
في الدامر عبر الهاتف) على دفنه يوم الخميس لاتاحة
الفرصة لأصدقائه في المنطقة الشرقية للحضور والمشاركة
في الدفن . وهذا ما حدث بالفعل .. ولم نر أو نشاهد
الأخ ماجد أو أي واحد من مسؤولي السفارة في المستشفى أو
في مسجد الراجحي عند الصلاة على الراحل أو في مقابر
النسيم عند دفن الجثمان الذي مكث في غيبوبة تامة في
المستشفى لأكثر من ثلاثة شهور وفي ثلاجة الموتى لفترة
قاربت على الشهرين ؟؟!!!


لقد وضعت السفارة ، بتجاهلها التام لأحد رعاياها حياً
وميتاً ، نقطة سوداء في تاريخها .. وهذا شيء يدعو
للحيرة والعجب معاً ، حيث عهدنا بها دوماً غير ذلك
والحق يقال .

ورغم كل ذلك .. نقول أن العشم فيها لم ينقطع بعد :

فنرجو أن تتحرك السفارة الآن وتبحث معنا عن أوراق
المرحوم الثبوتية الرسمية (اقامة ورخصة وجوال
وسيارته الخاصة؟!) .. فكلها مازالت مفقودة ؟!!
علماً بأن الاقامة والرخصة والجوال كانت في خزنة
المسؤول عن الأمانات ، وعند البدء في تكملة اجراءات
استلام الجثمان ، اتضح أن خزنة الامانات مغلقة وأن
المسؤول المعني في اجازة .. وعند عودته ، بعد إنتهاء
الدفن بأكثر من اسبوعين ، اتضح أن تلك المستندات
غير موجودة في خزانة أماناته ؟!!
أما السيارة فلم نعثر لها على أثر لا عند حجز المرور
في وادي لبن أو غيره ؟!


و .. معذرة للتطويل ، ولكن .. جرحنا مازال يدمي
لفقد صديقنا غفيرو ، وللطريقة المأساوية التي
رحل بها عن عالمنا .. وتحت سمع وبصر سفارتنا ؟!


مودتي ،


( ليمو )

يا اخوانا الزول دا وين


صحي هو صاحب التعليق بتاع والعيش المسوس

في فضيحة الشحدة الأخيرة

أخي العزيز / أحمد حنين ،
تحياتي وتقديري ،

Quote: يا اخوانا الزول دا وين صحي هو صاحب التعليق بتاع والعيش المسوس في فضيحة الشحدة الأخيرة

قطع شك الإجابة عند (عنتر) المؤتمرات
الصحفية ، حبيبنا (أبو حيدر) .. ود الموج !!



مودتي ،



( ليمو )