Post: #1
Title: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 06:19 PM
Parent: #0
تم تشكيل المكتب السياسي من 17 عضو
وحدد لكل عضو مهام أنيطت به
اليوم او غدآ ستعلن التشكلية
لكن ابز ملامحها :
محمد إبراهيم نقد
التيجاني الطيب بابكر
يوسف حسين
صديق يوسف
الشفيع خضر سعيد
سليمان حامد الحاج
تاج السر عثمان { بابو }
نعمات مالك
نفس الملامح والشبه
والسبب الرئيس في هذه التشكيلة
التي لاتعبر على نحو دقيق بالتوازن الذي فرضه المؤتمر
عندما إنتخب اللجنة المركزية بنسبة 68% للجدد مقابل 32% للقدامى
هو
الإعتذارات المخزية
|
Post: #2
Title: Re: المكتب السياسي للحزب الشيوعي السوداني ،، و الإعتذارت المخزية
Author: بخاري عثمان الامين
Date: 02-01-2009, 06:39 PM
Parent: #1
جد حاجة محزنة يا خال ، لو كنت ساعتذر فمن
الافضل الاعتذار من ضربة البداية وعدم الترشح
لدخول اللجنة المركزية
|
Post: #3
Title: Re: المكتب السياسي للحزب الشيوعي السوداني ،، و الإعتذارت المخزية
Author: Emad Abdulla
Date: 02-01-2009, 06:40 PM
Parent: #1
| Quote: الإعتذارات المخزية |
يا كبير ..
مبروك إنكم ( إتحليتوا ) .
لكن .. الإعتذار عن شنو ؟
عن الترشح وللا التكليف ؟
و هل ده هو الأدى لساقية جحا يعني ؟
و للا كيف ؟
طيب منو الأترشح و الكُلف و اعتذر .. و ليه ؟
|
Post: #4
Title: Re: المكتب السياسي للحزب الشيوعي السوداني ،، و الإعتذارت المخزية
Author: خضر حسين خليل
Date: 02-01-2009, 06:52 PM
Parent: #3
الترس بسد !
الترس ياعبدالرحمن
|
Post: #5
Title: Re: المكتب السياسي للحزب الشيوعي السوداني ،، و الإعتذارت المخزية
Author: abubakr salih
Date: 02-01-2009, 07:04 PM
Parent: #4
يا جماعة المخزية دى ما كتيرة؟ ابو ساندرا بالله ساعدنا بضبط العبارات.
اليومين ديل ما ناقصين اصلنا.
|
Post: #6
Title: Re: المكتب السياسي للحزب الشيوعي السوداني ،، و الإعتذارت المخزية
Author: Shazaly Magzoub
Date: 02-01-2009, 07:07 PM
Parent: #5
مكان الفرد تتقدم قيادتنا الجماعيه
|
Post: #7
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 07:13 PM
Parent: #6
كتب بخاري عثمان الامين :
Quote: جد حاجة محزنة يا خال ، لو كنت ساعتذر فمن
الافضل الاعتذار من ضربة البداية وعدم الترشح
لدخول اللجنة المركزية |
بالضبط يا بخاري
وده كان تعليقي أول ماعرفت الحاصل
قلت : هم كانو قايلينها تشريف والقاب و قشرة
الماواثق من قدراته او من ظروفو
كان يعتذر من الأول
|
Post: #8
Title: Re: المكتب السياسي للحزب الشيوعي السوداني ،، و الإعتذارت المخزية
Author: عاطف مكاوى
Date: 02-01-2009, 07:14 PM
Parent: #6
صديقي العزيز
أبو ساندرا
أرجو أن لا ينعكس زعلك الشخصي علي
فرح شيوعيي السودان
فقد مورست الديمقراطية كاملة
وعلينا أن نبصم عليها بالعشرة ,
عاطف مكاوى
وانت تعرف كم أنا أحبك
|
Post: #9
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 07:38 PM
Parent: #8
سأل عماد عبدالله :
Quote: طيب منو الأترشح و الكُلف و اعتذر .. و ليه ؟
|
الأعتذار كان عن الترشيح للمكتب السياسي
الغالبية إعتذرت لظروف شتى
غالبية الأعضاء الجدد في اللجنة المركزية
هسع أعفيني من ذكر الاسماء
|
Post: #10
Title: Re: المكتب السياسي للحزب الشيوعي السوداني ،، و الإعتذارت المخزية
Author: كمال علي الزين
Date: 02-01-2009, 07:42 PM
Parent: #9
Quote: الأعتذار كان عن الترشيح للمكتب السياسي
الغالبية إعتذرت لظروف شتى
غالبية الأعضاء الجدد في اللجنة المركزية
|
؟
|
Post: #11
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 07:50 PM
Parent: #10
كتب خضر حسين خليل :
نعم الترس بيسد
يا خضر
|
Post: #12
Title: Re: المكتب السياسي للحزب الشيوعي السوداني ،، و الإعتذارت المخزية
Author: Badreldin Ahmed Musa
Date: 02-01-2009, 08:05 PM
Parent: #11
|
Post: #13
Title: Re: المكتب السياسي للحزب الشيوعي السوداني ،، و الإعتذارت المخزية
Author: ناجي ميرغني
Date: 02-01-2009, 08:32 PM
Parent: #12
الاستاذ ابو ساندرا
تحية طيبة
اوردة في معرض حديثك الاتي عن تكوين المكتب السياسي.....
( نفس الملامح والشبه
والسبب الرئيس في هذه التشكيلة
التي لاتعبر على نحو دقيق بالتوازن الذي فرضه المؤتمر
عندما إنتخب اللجنة المركزية بنسبة 68% للجدد مقابل 32% للقدامى
هو
الإعتذارات المخزية)
وايضا ....
(الأعتذار كان عن الترشيح للمكتب السياسي
الغالبية إعتذرت لظروف شتى
غالبية الأعضاء الجدد في اللجنة المركزية)
طيب يا استاذ كلامك فية الكثير من الايحاءات لم استطع ابانتها واتمني ان تساعدنا بالتوضيح لانك وصفت الاعتذارات بالمخزية ..وعشان اكون دقيق معاك اكثر
هل تقصد بي كلامك دة عدم اهلية بعض الذين تم انتخابهم للجنة المركزية ؟؟؟
ووين المشكلة اصلا لو اعتذرو( ما دة حزبك ودي قدراتو ) ولماذ تم ربط الاعتذار بانها مسالة قدرات ما يمكن في ظرف موضوعي ؟؟؟ ولو في ناس ما قيلنها تشريف عارفنها تكليف لماذ لم يترشحوا للجنة المركزية وفوق لي دة كلامك دة ما بكون سمح شديد لو ناقشتو في فرعك ( حول تقييم الموتمر الخامس وتوصياتو )
ولك مني خالص الشكر
|
Post: #14
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 08:47 PM
Parent: #13
كتب ابوبكر صالح :
Quote: يا جماعة المخزية دى ما كتيرة؟ ابو ساندرا بالله ساعدنا بضبط العبارات.
|
عبارة { المخزية } تنصرف إلى الإعتذارات عمومآ
وهي أقرب لمعنى الخزلان
حيث درجنا على الإعتذار عن المهام و المناصب
إما تهيبآ أو تواضعآ
الأمر الذي يتيح الفرصة لذوي القدرات الأضعف
بالمقارنة مع المعتذرين
هذا ماقصدته من الإعتذارات عمومآ
وأرجو أن يكون في توضيحي هذا
مايرفع عني إتهام { غير المنضبط في عباراته }
|
Post: #15
Title: Re: المكتب السياسي للحزب الشيوعي السوداني ،، و الإعتذارت المخزية
Author: Yousif AHMED
Date: 02-01-2009, 09:02 PM
Parent: #14
الأخ أبو سندرا
وألله إنتخابات ما يفوز فيها حسن عثمان ونعمات خضر دي إنتخابات ما ممكن تكون مقنعه لي نهائيا
على أي حال البركه في قيام المؤتمر
تحياتي و تحيات أخوناد. صلاح من أمريكا
يوسف
|
Post: #21
Title: Re: المكتب السياسي للحزب الشيوعي السوداني ،، و الإعتذارت المخزية
Author: ريهان الريح الشاذلي
Date: 02-01-2009, 09:40 PM
Parent: #14
سلامات ابوساندرا ومبرووك الخامس ( رغم المخزيات)
عندي سؤال لو امكن الاجابة عليه:
هل اللجنة المركزية هي جهاز تنفيذي ام تشريعي واذا كانت جهاز تشريعي (زي ما فهمت من كلامك في البوست ده ) فما هو اسم الجهاز التنفيذي؟؟
ولك جزيل الشكر،،،
|
Post: #16
Title: Re: المكتب السياسي للحزب الشيوعي السوداني ،، و الإعتذارت المخزية
Author: خضر حسين خليل
Date: 02-01-2009, 09:08 PM
Parent: #8
| Quote: قلت : هم كانو قايلينها تشريف والقاب و قشرة |
تاني كتب خضر يا عبد الرحمن :
هم ديل موش الانتخبتهم انت زاتك يا عبدالرحمن ؟
شن جد في بحر اسبوع يا زميل؟
الحاصل شنو ؟
|
Post: #17
Title: Re: المكتب السياسي للحزب الشيوعي السوداني ،، و الإعتذارت المخزية
Author: Shazaly Magzoub
Date: 02-01-2009, 09:28 PM
Parent: #16
ابوساندرا ...تحياتي
الديمقراطيه هي الجابتم ل م
و الديمقراطيه هي برضو البتجيب المكتب السياسي
الخرخره مامعانا ...وكان في خرخره اعمله جوه
ولك ودي واحترمي
|
Post: #18
Title: Re: المكتب السياسي للحزب الشيوعي السوداني ،، و الإعتذارت المخزية
Author: نورالدين بابكر بدري
Date: 02-01-2009, 09:30 PM
Parent: #16
Quote: هم ديل موش الانتخبتهم انت زاتك يا عبدالرحمن ؟
شن جد في بحر اسبوع يا زميل؟
الحاصل شنو ؟ |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالوا
لكل مقام مقال
الروق عشان نفهم الحاصل
وشوية شوية
الأسماء أعلاه فيهم أسماء جديدة
والمكتب السياسي 17
نشيل الصبر حتى نعرف باقي الأسماء
والعمل السياسي ما فيهو سن معاشية
|
Post: #19
Title: Re: المكتب السياسي للحزب الشيوعي السوداني ،، و الإعتذارت المخزية
Author: زهير الزناتي
Date: 02-01-2009, 09:35 PM
Parent: #16
العزيز أبو ساندراً
اولاً مبروك إنعقاد المؤتمر الخامس ....
ثانياً : عرف عن الشيوعيين السودانيين علي مر العقود ، الإنضباط التنظيمي في كل ما يتعلق بأمور الحزب حتي في الخلافات الفكرية ، ولم نمانع بل أيدنا أن تكون النقاشات الفكرية والسياسية في العلن
لمشاركة أصدقاء الحزب وجماهيره في ما يدور ... اما مناقشة قضايا تنظيمية وبهذا المستوي وعلي الهواء مباشرة أعتقد بأنه أمر جديد يا ابي ساندرا ... الأجدر بك كما قال لك الزملاء رفع الأمر عبر أطره الرسمية وأنت أدري بها منا ...
ثالثاً : الإنتخابات تمت في جو ديمقراطي ومعافي تماماً ، وكنت أنت شاهداً بل مشاركاً في كل ما تم ، لذلك لا يحق لك الإعتراض عليها إحتراماً للديمقراطية ...
ولك الود ....
|
Post: #22
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 09:47 PM
Parent: #19
توضيح ، قبل ما نواصل الرد على المداخلات
وذلك لفائدة النقاش
انا سعيد جدآ بنتائج إنتخاب اللجنة المركزية
و 92% من المنتخبين وافقوا حلمي
انا في هذا البوست بتكلم عن إختيار المكتب السياسي
وكنت بتمنى أن:
1- أن يقبل كل من رشح ولا يعتذر أبدآ
وذلك لأنه قبل من الأول الدخول للجنة المركزية
وكان عليه ان يتوقع أن تعهد له مهام ومناصب
بمافيها منصب السكرتير العام
2- أن يشكل المكتب الساسي بذات النسب التي أنتخبت بها اللجنة المركزية
|
Post: #20
Title: Re: المكتب السياسي للحزب الشيوعي السوداني ،، و الإعتذارت المخزية
Author: زهير الزناتي
Date: 02-01-2009, 09:39 PM
Parent: #16
وحسب صحيفة أجراس الحرية لك التشكيل الجديد للسكرتارية
انتخاب سكرتارية الشيوعي
بواسطة: admino
بتاريخ : الأحد 01-02-2009 03:47 صباحا
أعادت اللجنة المركزية للحزب الشيوعي أمس انتخاب محمد إبراهيم نقد سكرتيراً عاماً للحزب، و علي الكنين مسئولاً تنظيمياً، ود. الشفيع خضر مسئولاً عن الاتصال السياسي، ونعمات مالك للقطاع النسوي، ويوسف حسين للإعلام والتيجاني الطيب للنشر والإرشيف
والحارث التوم لشؤون الدار، فيما لم تسمِ مصادر (أجراس الحرية) مسئولي المالي والشؤون الخارجية.
http://www.ajrasalhurriya.net/ar/news.php?action=view&id=1723
|
Post: #23
Title: Re: المكتب السياسي للحزب الشيوعي السوداني ،، و الإعتذارت المخزية
Author: زهير الزناتي
Date: 02-01-2009, 09:56 PM
Parent: #20
أبو ساندراً ، هذا ليس إبتزاز مني لك ، كنت أنوي نشرها في البوست الذي راح بفعل
الهكر أو .... لا ندري ،،، والآن جاءتني فرصة لنشرها هنا في بوست :
ابو ساندرا يحتج علي تكوين السكرتارية قبل أن إعلانها ...
|
Post: #25
Title: Re: المكتب السياسي للحزب الشيوعي السوداني ،، و الإعتذارت المخزية
Author: فيصل محمد خليل
Date: 02-01-2009, 10:18 PM
Parent: #23
ابوساندرا انا اشتغلت معه الف سنة
دائمآ يعمل لينا غاغا
ولكنه اكثرنا حرصآ على سلامة الحزب
فلنحي الكومندنتا عبدرحمن بركات- ابوساندرا -
|
Post: #24
Title: Re: المكتب السياسي للحزب الشيوعي السوداني ،، و الإعتذارت المخزية
Author: زهير الزناتي
Date: 02-01-2009, 09:59 PM
Parent: #20
نصيحة ليك يا زميل الصور دي أعمل ليها حفظ في جهازك ...
|
Post: #27
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 10:28 PM
Parent: #24
كتب شاذلي مجذوب :
| Quote: مكان الفرد تتقدم قيادتنا الجماعيه |
اوافقك مليون في المية
وأنا مع قيادية الجماعة
لكن كل ما أخشاه
وأتوعد بمقاومته إن حدث
هو
ان تختصر اللجنة المركزية في المكتب السياسي
وان يختصر المكتب السياسي في السكرتارية المركزية
وان تختصر السكرتارية المركزية في شخص السكرتير العام
|
Post: #26
Title: Re: المكتب السياسي للحزب الشيوعي السوداني ،، و الإعتذارت المخزية
Author: حسن النور محمد
Date: 02-01-2009, 10:27 PM
Parent: #20
ابوساندرا ازيك
صبرا...... انها الديمقراطية ياصديقى.... يكفى ان المؤتمر الخامس قد وضع الحصان امام العربة،فى قلب الخرطوم وفى زمن الانقاذ انعقد المؤتمر،فى رسالة واضحةارسل النظام برمز امنه و جبروتةالغابر (نافع) ممثلا له بينما كانت رسالتنا انعقاد المؤتمر فى حد زاتة وقد كان ممااكد صحة فكرةامكانية توسيع مساحة الديمقراطية بنضال مختلف وفق تكتيك يحرج النظام ويجبرة على القبول بمالايرضاه؟، ربما لايرضي بعضنا ماتمخض عنة المؤتمر لكنة دون شك نرضيناجميعا وفق الاليةالتى تم بها ذلك .الم تلاحظ ان الهوة لم تكن عميقة بين وجهات النظر التى تباينات خلال المداولات ؟ وان روح الود والزمالة سادات القاعة وان فعاليات المؤتمر كانت تنساب سلسة تحف بها روح التقدير لاجيال ضحت بكل شىء ليبقى الحزب ولتبقى القيم الانسانية السامية التى عمل على زرعها فى قلوب جماهير شعبنا؟ كماسادات روح التقدير لاجيال جديدة استوعبت تاريخ حزبناوامنت بتوجهاتة مما اهلها لمواجهة نظام الانقاذببسالةوصمود خرافى ؟ انها... الديمقراطية فدعنا نفكر بصوت غير مسموع ونعيد بناء ا حزبنا فى اطارها فمازالت الرحلة فى بدايتعاومازال الدرب طويل ولك مودتى.
|
Post: #28
Title: Re: المكتب السياسي للحزب الشيوعي السوداني ،، و الإعتذارت المخزية
Author: Shazaly Magzoub
Date: 02-01-2009, 10:49 PM
Parent: #26
تصدق يابوساندرا
مافي اختزال لاي هيثه حيكون
وانت قاعد في بيتكم وعندك التقولوا قولوا وسكوا لامن توصلوا
وسكوا تاني لامن تعرف نتيجتوا وكما عجبتك نتيجتوا قولوا تاني
وسكوووووووووا مؤكد حتلقى ناس معاك يزيدوا ولاينقصوا حسب حجتك
وعدم مفارقة الخط العام ......دا كلوا عشان نقول القياده الجماعيه
ممكن تتحقق متى ماثابرنا على جعلها ممكنه
|
Post: #29
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-01-2009, 11:11 PM
Parent: #28
كتب صديقي عاطف مكاوي :
Quote: صديقي العزيز
أبو ساندرا
أرجو أن لا ينعكس زعلك الشخصي علي
فرح شيوعيي السودان
فقد مورست الديمقراطية كاملة
وعلينا أن نبصم عليها بالعشرة , |
{ زعلك الشخصي } ؟
زعللي من ماذا ؟
هذه العبارة ما صحيحة وغير مريحة
لأنني وببساطة ما زعلان من أي حاجة
بل ، على العكس ، مبسوط تمامآ
وقد تقرأ لي موضوع في الميدان ااثلاثاء القادم
والذي عددت فيه ثمار المؤتمر الخامس اليجابية والحلوةإ
وليس انا من يطعن { فرح شيوعيي السودان } من الخلف
ليس الزعل يا صديقي
إنه الحرص
الحرص على ان لاتتبدد آمالنا بعد إنتخاب اللجنة المركزية
بإختيار مكتب سياسي لايراعي النسبة التي تمخضت عنها إنتخابات اللجنة المركزية
|
Post: #30
Title: Re: المكتب السياسي للحزب الشيوعي السوداني ،، و الإعتذارت المخزية
Author: عاطف مكاوى
Date: 02-01-2009, 11:26 PM
Parent: #29
وهذا أنت يا أباساندرا
فأنا واحدا من القليلين الذين يعرفونك جيدا
وأعرف كم أنت محبا لحزبك
ولكن :
لم يكن الزمان مناسبا ولا المكان كما قال لك
نورالدين وشاذلي.
وكمان ليه :
قندولك دائما مفندر الريكه
|
Post: #31
Title: Re: المكتب السياسي للحزب الشيوعي السوداني ،، و الإعتذارت المخزية
Author: elsharief
Date: 02-01-2009, 11:32 PM
Parent: #29
لا يهمنا الاشخاص او الاعمار,نهتم ممن يمتلك قدرة العمل والنضال,نثق فى عضويتنا والمؤتمرين,لا نفرق بين نعمات خضر ونعمات كوكو,والتحية لاعضاء السكرتارية الجديدة,ومزيدا من النضال
|
Post: #32
Title: Re: المكتب السياسي للحزب الشيوعي السوداني ،، و الإعتذارت المخزية
Author: esam gabralla
Date: 02-02-2009, 00:39 AM
Parent: #31
يا كبير
ده الكلام .... زوكا تقيلة ... طلعت لسة فيك حبة عافية و خير ... وين كيكي يشوفك حاتيهو بي مزاج
قلت لى الجماعة مالم؟ مخزية؟ اعتذروا؟
انت عاوز تلقط "الحرقك" بس و لا عاوز تعاين "للقصة" كلها مع بعض
لو ما شغل اللقيط و التلصيق و اللتيق ده وقف الرماد حيواصل يكيل حماد ..... يا شوف اوسع اكبر اشمل اعمق .. يا نواصل خزى و اعتذارات ....
والله حاسدك و كل من حضر الخامس ... برضو بي " محاولة" شوف واقعية ...
يا كبير
|
Post: #33
Title: Re: المكتب السياسي للحزب الشيوعي السوداني ،، و الإعتذارت المخزية
Author: عبدالكريم الامين احمد
Date: 02-02-2009, 06:55 AM
Parent: #32
| Quote: وين كيكي يشوفك حاتيهو بي مزاج |
والله ياعصام انتو الزول لو عمل فيها نايم ما بتخلهو ينوم
وبتنادوا بالاسم..
اها حضرنا وكشفنا علي الرقصة وسميناها هنا في الاستديو (رقصة الغاغا)
يا ابو ساندرا ياخي تعال خلاص عليك دينك
وخلينا من نقة زملاء وزميلات والا لجردناك من كل الملفات وورثناها لعضوة البرلمان النسائي في الدوحة
النائبة (ماهيتاب بركات)..
وعدي معاك فيما بعد الخامس اعتبرو ملغي يازول
|
Post: #34
Title: Re: المكتب السياسي للحزب الشيوعي السوداني ،، و الإعتذارت المخزية
Author: Abureesh
Date: 02-02-2009, 09:43 AM
Parent: #33
لو سمحتو للواحـد يخت مليمين هنا،
أقول أنو الإعتذار عن المسـؤولية أكبر دليل على عدم إستعداد المعتذر لتحمل تبعاتهـا، وبذلك لا تأسوا على من
إعتذر لأن الذين قبلوها هم أكثر تأهيلا..
بس الواحـد ما متأكد لو الإعتذارات دى مبرمجـة ضمن الخامس!!
أقول ذلك لأنه كان على الأستاذ نقـد أن يعلن، فى بداية المؤتمر وقبل المداولات، أنه قرر إعطاء الفرصـة للشباب
لتحمل مسؤلاياتهـم، ولن يترشـح أو يقبل الترشيـح للمكتب السياسى، أو على الأقل للسكرتاريـة. فى هـذه الحالة
يذهب الحرج وإحترام مكانة نقد التأريخيـة فى الحزب، ويتحرك الشباب بحريـة أكبر.. ولقبلوا التكليف ولم يعتذروا.
|
Post: #35
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-02-2009, 10:29 AM
Parent: #34
كتب ناجي ميرغني
Quote: طيب يا استاذ كلامك فية الكثير من الايحاءات لم استطع ابانتها واتمني ان تساعدنا بالتوضيح لانك وصفت الاعتذارات بالمخزية ..وعشان اكون دقيق معاك اكثر
هل تقصد بي كلامك دة عدم اهلية بعض الذين تم انتخابهم للجنة المركزية ؟؟؟
ووين المشكلة اصلا لو اعتذرو( ما دة حزبك ودي قدراتو ) ولماذ تم ربط الاعتذار بانها مسالة قدرات ما يمكن في ظرف موضوعي ؟؟؟ ولو في ناس ما قيلنها تشريف عارفنها تكليف لماذ لم يترشحوا للجنة المركزية وفوق لي دة كلامك دة ما بكون سمح شديد لو ناقشتو في فرعك ( حول تقييم الموتمر الخامس وتوصياتو )
|
اهلا ياناجي
اول حاجة وريني الايحاءات التي وردت الى ذهنك حتى اوضحها لك
ثم
لا ، بكلامي ده مابقصد عدم اهلية بعض الذين تم انتخابهم للجنة المركزية
لكن بقصد انه كان على عضو اللجنة المركزية المنتخب ان يضع نصب عينيه
امكانية تكليفه ب اي مهام وترشيحه لاي موقع وكان يجب ان يكون مستعدا
وجاهزا وان يمتنع عن الاعتذار في هذه المرحلة حيث كان عليه الاعتذار
بدءا عندما تم ترشيحه لعضوية اللجنة المركزية ، كان يعتذر من الوكت داك
بستبعد حكاية الظرف الموضوعي هذه لأنه لم يحول دون الوصول للجنة المركزية
بمعنى ان الذي لم يمنعه الظرف الموضوعي من الترشح للجنة المركزية مفروض
كذلك ان لايمنعه من اي مهام اخرى في المكتب السياسي او حتى موقع السكرتير العام
القصة ما ظرف موضوعي حسب ظني
القصة تهيب المواقع القيادية
لكن من قال لهم ان اللجنة المركزية ليست موقع قيادي؟
يا ناجي ، ببساطة كده انا كنت عايز غالبية المكتب السياسي تكون من الأعضاء الجدد
حتى يلامسوا المواقع القيادية في ارفع مستوى ، وحتى يتدربوا على المهام اليومية المباشرة
ولابأس في وجود 3 من المخضرمين ، كما ان الأخرين يمكنهم المتابعة والتقييم
ونقل التجربة واسداء النصح من خلال اللجنة المركزية
ايوة ، كلامي بيكون سمح لمن يكون جوة ومن خلال القنوات
ولكنه بيكون اسمح لمن يكون مباشر وقدام الجماهير
بعدين مش احتمال لمن امرر كلامي بالقنوات يكون توو ليت ؟
ثم الم يرد بذهنك احتمال ان يكون هذا البوست استباقي
بهدف قطع الطريق امام المخضرمين من التكويش بحجة انهم الأحرص والأقدر ، من ناحية
ومن الناحية الأخرى ، ان يكون فيه تحفيز للجدد حتى لايعتذروا ويتصدوا للمهام ؟
|
Post: #36
Title: Re: المكتب السياسي للحزب الشيوعي السوداني ،، و الإعتذارت المخزية
Author: أبو ساندرا
Date: 02-02-2009, 10:47 AM
Parent: #35
شكرآ
لمرور كمال علي الزين
ولضابط المرور بدرالدين احمد موسى
والإشارة حمراء
لننطلق
|
Post: #40
Title: Re: المكتب السياسي للحزب الشيوعي السوداني ،، و الإعتذارت المخزية
Author: خضر حسين خليل
Date: 02-02-2009, 10:13 PM
Parent: #35
Quote: ايوة ، كلامي بيكون سمح لمن يكون جوة ومن خلال القنوات
ولكنه بيكون اسمح لمن يكون مباشر وقدام الجماهير |
من متين يا عبدالرحمن القصة دي!
منتهي الشفافية والله !
يا كبير الكلام دة قولو في محلو !
وإنضبط شوية ! ولعو ليك علامات حمراء مشيت وقطعت الاشارة
صفراء وعبرت !!
والدنيا كلها أخضر
يا أبا ساندرا !
وقف يا عمنا
|
Post: #37
Title: Re: المكتب السياسي للحزب الشيوعي السوداني ،، و الإعتذارت المخزية
Author: بدر الدين اسحاق احمد
Date: 02-02-2009, 10:57 AM
Parent: #33
خوف ابوساندرا ..
ان :
Quote: ان تختصر اللجنة المركزية في المكتب السياسي
وان يختصر المكتب السياسي في السكرتارية المركزية
وان تختصر السكرتارية المركزية في شخص السكرتير العام |
وخو ف ناس تانين :
ان يختصر شخص السكرتير العام فى العــم نقــد
وان يختصر العم نقــد فى حقبــة تاريخية
|
Post: #38
Title: Re: المكتب السياسي للحزب الشيوعي السوداني ،، و الإعتذارت المخزية
Author: على بطه
Date: 02-02-2009, 11:29 AM
Parent: #37
سلام لكل الاعزاء
أنا بفتكر المؤتمر كشكل ناجح بس كمؤتمر حمل مضامين جديدة فشل بشكل كبير
دي ماأظن نختلف كتير ليها أنا عاوز تبرير لي اختيار بعض النمازج في اللجنة المركزية مع أحترامي لكل التاريخ النضالي حقكهم
التجاني الطيب سعاد أبراهيم أحمد
لاقدرت حركة ولا صحة رغم أنو من المفترض المركزية هيئة قيادية تحتاج لي مجهود
انا بسال الناس دي انتخبت علي اي اساس
واللة داير زول يكتب لي حتي لو سبب بايخ انا حقيقة ما وجدت سبب اقنع بيهو نفسي
|
Post: #39
Title: Re: المكتب السياسي للحزب الشيوعي السوداني ،، و الإعتذارت المخزية
Author: عمر ادريس محمد
Date: 02-02-2009, 09:57 PM
Parent: #38
تحيات يا ابو ساندرا وضيوفة
الاعتزار عن تولى مسؤولية معينة
والقبول باخرى سلوك فيهو قدر كبير
من الشفافية والوضوح, والاصل فى نشاط
الحزب الشيوعى توظيف قدرات القيادة
حسب المؤهل والرغبة وقد تفرض الظروف
ان يعمل شخص بعيد عن مجاله ودى بالتجربة
العملية عندها سلبيات كثيرة كما تعلم ونعلم
على كل اناشايف الموضوع مطروح فى غير مكانه
الصحيح ..لكن اكراما ليك والدنيا حرية قلنا
نحى ونبارك الخامس والجايات
والسلام
|
Post: #41
Title: Re: المكتب السياسي للحزب الشيوعي السوداني ،، و الإعتذارت المخزية
Author: سفيان بشير نابرى
Date: 02-02-2009, 11:19 PM
Parent: #39
Quote: سلام لكل الاعزاء
أنا بفتكر المؤتمر كشكل ناجح بس كمؤتمر حمل مضامين جديدة فشل بشكل كبير
دي ماأظن نختلف كتير ليها أنا عاوز تبرير لي اختيار بعض النمازج في اللجنة المركزية مع أحترامي لكل التاريخ النضالي حقكهم
التجاني الطيب سعاد أبراهيم أحمد
لاقدرت حركة ولا صحة رغم أنو من المفترض المركزية هيئة قيادية تحتاج لي مجهود
انا بسال الناس دي انتخبت علي اي اساس
واللة داير زول يكتب لي حتي لو سبب بايخ انا حقيقة ما وجدت سبب اقنع بيهو نفسي |
علي بطه سلام يا صاحبي
عايزك ضروري تعال هنا :-
[email protected]
ـــــــــــــ
سلامات
يا ابو ماهيتاب .
|
Post: #43
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: تبارك شيخ الدين جبريل
Date: 02-03-2009, 02:18 AM
Parent: #42
Quote: تحيات يا ابو ساندرا وضيوفة
الاعتزار عن تولى مسؤولية معينة
والقبول باخرى سلوك فيهو قدر كبير
من الشفافية والوضوح, والاصل فى نشاط
الحزب الشيوعى توظيف قدرات القيادة
حسب المؤهل والرغبة وقد تفرض الظروف
ان يعمل شخص بعيد عن مجاله ودى بالتجربة
العملية عندها سلبيات كثيرة كما تعلم ونعلم
على كل اناشايف الموضوع مطروح فى غير مكانه
الصحيح ..لكن اكراما ليك والدنيا حرية قلنا
نحى ونبارك الخامس والجايات
والسلام |
أبو ساندرا اتورطت!
بالله لمن تردّوا على الولد دا ... ردّوا لينا معاكم على "على بطة" ... أىّ مبرر ... انشالله تافه .... لإنتخاب سعاد والتيجانى!
__________
انتوا ويييين ... مدرسة الكادر؟
.. المهم ....
|
Post: #44
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: خالد العبيد
Date: 02-03-2009, 02:25 AM
Parent: #43
من بوست الزميل عصام جبرالله
Quote: انتخبت اللجنة المركزية من بين عضويتها السكرتارية الجديدة و تتكون من:
- محمد ابراهيم نقد السكرتير السياسي
- على الكنين
- السر بابو
- يوسف حسين
- محمد سليمان محمد |
|
Post: #45
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: Omar Bob
Date: 02-03-2009, 05:40 AM
Parent: #44
سلامات يا ابو ساندرا
Quote: أقول ذلك لأنه كان على الأستاذ نقـد أن يعلن، فى بداية المؤتمر وقبل المداولات، أنه قرر إعطاء الفرصـة للشباب
لتحمل مسؤلاياتهـم، ولن يترشـح أو يقبل الترشيـح للمكتب السياسى، أو على الأقل للسكرتاريـة. فى هـذه الحالة
يذهب الحرج وإحترام مكانة نقد التأريخيـة فى الحزب، ويتحرك الشباب بحريـة أكبر.. ولقبلوا التكليف ولم يعتذروا. |
وشكرا يا ابو الريش فهذا بالضبط هو ما فكرت فيه انا ايضا وبذلك انت يا عبد الرحمن عينك في الفيل وبتطعن في ضلو
|
Post: #46
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: Badreldin Ahmed Musa
Date: 02-03-2009, 07:19 AM
Parent: #45
|
Post: #47
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: Badreldin Ahmed Musa
Date: 02-03-2009, 07:25 AM
Parent: #46
ابو ساندرا
سلامات
حمدا لله على السلامة
و مبروك الخامس
| Quote: ولضابط المرور بدرالدين احمد موسى |
لا و الله يا ابوساندرا، دا ما كان المقصود،
اعتقد المسألة داخلية جدا، و لو في نقاش يكون جوا، طبعا حق النقد مكفول!
بعدين انتو بتعرفوا الحاجات دي كيف، بتتونسوا مع ناس جوا؟
زمان كان بسموها ثرثرة! دي عليها بلاغ!
--------------------------------------------
اسمع، انت كنت قاصد منو لما كتبت بوست: الزميل كتب بلدونا؟
|
Post: #48
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: DEYAA MOHD
Date: 02-03-2009, 08:41 AM
Parent: #46
ابوساندرا
الفرح متواصل
والما فهمنك تعمل ليهم شنو
تحياتي
ضياء كمبال
|
Post: #50
Title: Re: رقصة شعبية حلوة وجميلة بين بنات الإتحاد النسائي والريس أبوساندرا
Author: أبو ساندرا
Date: 02-03-2009, 02:20 PM
Parent: #48
كتب يوسف أحمد:
Quote: وألله إنتخابات ما يفوز فيها حسن عثمان ونعمات خضر
دي إنتخابات ما ممكن تكون مقنعه لي نهائيا
على أي حال البركه في قيام المؤتمر
تحياتي و تحيات أخوناد. صلاح من أمريكا
|
أهلآ يا يوسف وأهلآ بصديقنا صلاح أحمد ادريس في امريكا
الإنتخابات كانت نزيهة ومشرفة
والذين فازوا ، فازوا عن جدارة
والذين أخفقوا ، أخفقوا بشرف
وحسن احمد عثمان ونعمات خضر سعيد أصدقاء أعزاء
ومناضلين لاتسع نشاطهم وإخلاصهم المناصب
ويوم السبت الفات قابلت دكتورة نعمات في مؤتمر الإتحاد النسائي
نشطة كعادتها
وبالمناسبة ، نعمات كان ممكن تفوز لولا السنة التي سنها نقد
عند ترشيح فائزة نقد حيث إعترض ملوحآ بانسحابه حتى لاتضم المركزية اشقاء
طبعآ فائزة شقيقة نقد ونعمات شقيقة الشفيع ، والعهدة على الراوي
يايوسف ماعايز اقول ليك عبارتك أعلاه غير ديمقراطية، كون ان الانتخابات
غير مقنعة لأنها لم تأتي باحبابك
وإمكن يجو في السادس
|
Post: #49
Title: الرقصة
Author: Elbagir Osman
Date: 02-03-2009, 02:11 PM
Parent: #1
قال ذو النون :| Quote: الرقصة الشعبية بين بنات الإتحاد النسائي |
تلك كن راقصات محترفات
أعرف بعضهن
من فرقة الفنون الشعبية
وبعضهم الآن في فرق جديدة محترفة
تقدم رقصاتها بمقابل مادي كبير
ولديهن security clearance عالي
تسمح لهن الحكومة بالرقص مع كبار الزوار من رؤساء دول ومنظمات
ولم أعلم أن أيا منهن أنضمت للإتحاد النسائي
أو كونت فرقة رقص خاصة به
وظل يدور في رأسي سؤال:
كم دفع لهذه الفرق؟
ومن قام بالدفع؟
الباقر موسى
|
Post: #51
Title: Re: الرقصة
Author: أبو ساندرا
Date: 02-03-2009, 02:30 PM
Parent: #49
سألت ريهان الريح الشاذلي :
Quote: هل اللجنة المركزية هي جهاز تنفيذي ام تشريعي
واذا كانت جهاز تشريعي (زي ما فهمت من كلامك في البوست ده )
فما هو اسم الجهاز التنفيذي؟؟
|
أهلآ بالعزيزة ريهان
اللجنة المركزية هي الجهاز التنفيذي ، القيادة العليا
المؤتمر العام هو جهة التشريع
|
Post: #52
Title: Re: الرقصة
Author: أبو ساندرا
Date: 02-03-2009, 02:59 PM
Parent: #51
الاعزاء:
خضر حسين خليل
شاذلي مجذوب
زهير الزناتي
نورالدين بدري
اول حاجة انا لم أعترض على إنتخابات اللجنة المركزية ، ولاينبغي لي
ولم أعترض على إختيارات المكتب السياسي
انا إعترضت على الإعتذارات التي تقدم بها بعض من رشحو للمكتب السياسي
حيث كان ينبغي الإعتذار من بدري ، من اللجنة المركزية
وانا بصراحة عندي حساسية من الإعتذار خاصة لمن يأتي من الشخص المناسب
للموقع والمقتدر لأنه بيتسبب في حرمان الموقع من كفاءته وقدراته
وكذلك لإحتمال ان يتسبب إعتذاره في صعود من هو اقل قدرة وكفاءة
بالطبع لا أعني الإعتذار لأسباب موضوعية
والذي وقر في ذهني ان سبب الإعتذار هو تهيب المرشحين لعضوية المكتب
السياسي للموقع وللقيادة اليومية المباشرة او بسبب إحترامهم لجيل العمالقة
وكنت بتمنى ان يبادر الزملاء المخضرمين بالإعتذار عن المكتب السياسي
وان يحرصوا على اتاحة الفرصة للشباب والمنتخبين الجدد وان يحفزوهم على
تولي المهام وملامسة العمل القيادي المباشر وان يرفعوا عن كاهلهم عبء العرفان
لهم ، ويعملوا على تدريبهم وتزويدهم بخبراتهم المكتسبة من خلال موقعهم
في اللجنة المركزية
الحاجة التانية متعلقة بحثكم لي للإنضباط وقول رأيي عبر القنوات
بشكركم على إنضباطكم ولست مختلف معكم إلا في جزئية صغيرة ومهمة تتعلق
بحرصي كذلك على مناقشة القضايا العامة على الهواء الطلق
وصعود قيادة مقتدرة لقيادة الحزب هي قضية عامة وبتعني جماهير شعبنا
التي تضع حزبنا في حدقات العيون وفي سويداء الفؤاد
وتطمح وتأمل في حزب معافى تقوده قيادة محترمة ومقنعة
لأجل تلك الجماهير أكتب
ولأجلها انا في الحزب
كما انتم
|
Post: #53
Title: Re: الرقصة
Author: ناجي ميرغني
Date: 02-03-2009, 08:06 PM
Parent: #52
الاستاذ ابو ساندراء
مرة اخري
ياخي انت قلتة ( نفس الملامح والشبه ) في ختام حديثك عن المكتب السياسي ودي عبارة فيها ايحاء بالتسلط في مقاليد العمل القيادي وبتصب في الاتجاة البقول انو الجماعة ديل مكنكشين في المكتب السياسي وما دايرين يفكو لاي زول تاني . والكلام دة بتناقض مع ما ذهبت الية انتة فيما يخص نزاهة الانتخابات وديمقراطيتة......الخ .........
وجيت تاني قلتة ( التي لاتعبر على نحو دقيق بالتوازن الذي فرضه المؤتمر
عندما إنتخب اللجنة المركزية بنسبة 68% للجدد مقابل 32% للقدامى
هوالإعتذارات المخزية)
ومعني كلامك دة بالواضح كدة انو تم اجهاض لمقررات الموتمر ورويتة حول موازنات اللجنة المركزية الجديدة............
ووصفتااعتذارات المرشحين بالمخزية وانهم كان ما قادرين من البداية كانو يعتذرو وانهم قايلنها تشريف ما تكليف .....ودي ما بيتغالط اتنين في انها ايحاءات بعدم الكفاءة علي الرغم من انك بررتها ...بانهم متهيبين العمل القيادي ....
جيت تاني قلتة في ردك علي الاتي ...
يا ناجي ، ببساطة كده انا كنت عايز غالبية المكتب السياسي تكون من الأعضاء الجدد
حتى يلامسوا المواقع القيادية في ارفع مستوى ، وحتى يتدربوا على المهام اليومية المباشرة
ولابأس في وجود 3 من المخضرمين ، كما ان الأخرين يمكنهم المتابعة والتقييم
ونقل التجربة واسداء النصح من خلال اللجنة المركزية
ايوة ، كلامي بيكون سمح لمن يكون جوة ومن خلال القنوات
ولكنه بيكون اسمح لمن يكون مباشر وقدام الجماهير
بعدين مش احتمال لمن امرر كلامي بالقنوات يكون توو ليت ؟
ثم الم يرد بذهنك احتمال ان يكون هذا البوست استباقي
(( بهدف قطع الطريق امام المخضرمين من التكويش بحجة انهم الأحرص والأقدر)) ، من ناحية
ومن الناحية الأخرى ، ان يكون فيه تحفيز للجدد حتى لايعتذروا ويتصدوا للمهام ؟
(( لاحظ الي ما بين القوسين من عبارات انتة قلتها))
وبعدين ياخي الناس ديل انتخبهم موتمر بي حالو..فكرة انك مثلا داير تقطع طريق التكويش دي ما واقع لي ...وكانوا اللجنة المركزية دي فيها ناس شايلين طبنجات او نقد مثلا صاري لي زول ..لكي يثبط همم العزيمة والتحفز فية
يا حبيب الكلام دة كلو سمح لو قلتو بي جوة والجماهير الانتة بتقولة دي دايرة فعل ما كلام ساي ...والبتقولو دة بشتت ما بلم
ولكي مني خالص الود
|
Post: #54
Title: Re: الرقصة
Author: Mohamed Elgadi
Date: 02-04-2009, 04:56 AM
Parent: #53
Quote: وظل يدور في رأسي سؤال:
كم دفع لهذه الفرق؟
ومن قام بالدفع؟
الباقر موسى |
Very valid question especially the former SCP leadership justified the delay to convene the Conference because of lack of funds..
However, let's celiberate the 5th for now and we will come back to the budget later...
mohamed elgadi
|
Post: #55
Title: Re: الرقصة
Author: أبو ساندرا
Date: 02-11-2009, 10:57 PM
Parent: #54
| Quote: طلعت لسة فيك حبة عافية و خير |
kateer
|
Post: #57
Title: Re: الرقصة
Author: أبو ساندرا
Date: 02-12-2009, 11:22 AM
Parent: #56
كتب الصديق العزيز حسن النور:
Quote: انها... الديمقراطية فدعنا نفكر بصوت غير مسموع
ونعيد بناء ا حزبنا فى اطارها
فمازالت الرحلة فى بدايتهاومازال الدرب طويل ولك مودتى. |
هلا ابوعلي
ووجدت ابوعلي التاني ، حسن عطاالمنان يسرح ويمرح هناك
موافقك بس مع تعديل بسيط وعميق
ان نفكر بصوت مسموع
نشطب كلمة غير
عشان نشرك الاخرين معانا
والحزب ذاتو عمل كده لما فتح المناقشة العامة للجميع
|
Post: #58
Title: Re: الرقصة
Author: أبو ساندرا
Date: 02-12-2009, 05:29 PM
Parent: #57
كتب محمد عثمان ابوريش :
Quote: أقول ذلك لأنه كان على الأستاذ نقـد أن يعلن، فى بداية المؤتمر وقبل المداولات،
أنه قرر إعطاء الفرصـة للشباب
لتحمل مسؤلاياتهـم، ولن يترشـح أو يقبل الترشيـح للمكتب السياسى، أو على الأقل للسكرتاريـة.
فى هـذه الحالة
يذهب الحرج وإحترام مكانة نقد التأريخيـة فى الحزب، ويتحرك الشباب بحريـة أكبر.. ولقبلوا التكليف ولم يعتذروا. |
لقد أعلن نقد إعتذاره عن منصب السكرتير السياسي ووضح اسبابه ومبرراته
لكنه إستجاب لطلب جميع أعضاء المؤتمر للإستمرار في ذات موقعه
كما أن لجنة وساطة زارته وأقنعته
|
Post: #59
Title: Re: الرقصة
Author: أبو ساندرا
Date: 02-13-2009, 02:10 PM
Parent: #58
كتب علي بطة :
Quote: أنا عاوز تبرير لي اختيار بعض النمازج في اللجنة المركزية
مع أحترامي لكل التاريخ النضالي حقكهم
التجاني الطيب سعاد أبراهيم أحمد
لاقدرت حركة ولا صحة رغم أنو من المفترض المركزية هيئة قيادية تحتاج لي مجهود
انا بسال الناس دي انتخبت علي اي اساس
واللة داير زول يكتب لي حتي لو سبب بايخ انا حقيقة ما وجدت سبب اقنع بيهو نفسي |
يا علي بطة
بالنسبة للعم التيجاني الطيب أشهد بأنه كان أكثر أعضاء المؤتمر
حيوية وحضور وقعد مع الشباب لأكثر من 16 ساعة طيلة ايام المؤتمر وماقبلها
يوميآ ، بذهن حاضر وذاكرة متقدة وحيوية
وهكذا كان سكرتيرنا العام محمد ابراهيم نقد
وأشهد ان سعاد كانت مثلهما ان لم تكن أكثر
ولمزيد من العلم فأن سعاد كانت راغبة عن الترشيح
ولذلك لم يكن اسمها مضمن في ترشيحات اللجنة المركزية
ولكنها عندما لحظت ان نسبة النساء في اللجنة المركزية ح تكون ضعيفة
حثت زميلاتها على الترشيح وبادرت به
ولم يخذلها زملاؤها خاصة الشباب منهم
العمل السياسي مافيهو سن معاش يا بطة
طالما كانت هناك القدرة والمقدرة
فمن حقهم الإستمرار
|
Post: #60
Title: Re: الرقصة
Author: أبو ساندرا
Date: 02-14-2009, 07:52 PM
Parent: #59
كتب صديقنا الباشمهندس عمر بوب :
Quote: وشكرا يا ابو الريش فهذا بالضبط هو ما فكرت فيه انا ايضا
وبذلك انت يا عبد الرحمن عينك في الفيل وبتطعن في ضلو |
أهلآ يا بوب
لم اطعن في ظل الفيل
وارجو ان تكون قد طالعت ردنا على ابوريش أعلاه
وان يكون قد أقنعك
|
Post: #61
Title: Re: الرقصة
Author: أبو ساندرا
Date: 02-23-2009, 09:25 PM
Parent: #60
كتب بدر الدين احمد موسى:
| Quote: اسمع، انت كنت قاصد منو لما كتبت بوست: الزميل كتب بلدونا؟ |
يابتاع الشمارات انت
صاحبنا مسح البلدونا بتاعتو بمواقفه الناصعة في البورد
ومؤخرآ صرت اتابع كتاباته بإعجاب بالغ
اما بشأن البلاغات ، فقد توصلت
ديل يقصر الملح بس يا بدر
|
Post: #62
Title: Re: الرقصة
Author: أبو ساندرا
Date: 03-23-2009, 11:17 AM
Parent: #61
كتب الفنان المؤدب المهذب الباقر موسى :
| Quote: مبروك الخامس .. والآن إلى قراءة مقرراته |
يباركو ليك فرح العيال ونجاحاتهم يا باقر
لم تغب عني دعوتك
لكن وددت إستثمارها هنا
كي اعلن أن الأوراق لم تصلني بعد
وأظنها مازالت تعتلي ابو القدح
أو
أظنه النضال الطويل الصبور
الصبور جدآ
المتعارض مع نفس البرجوازية الصغيرة
القصير
|
Post: #63
Title: Re: الرقصة
Author: بدرالدين كاجوري
Date: 03-23-2009, 03:07 PM
Parent: #62
كتب حسن النور
.... يكفى ان المؤتمر الخامس قد وضع الحصان امام العربة،فى قلب الخرطوم وفى زمن الانقاذ انعقد المؤتمر،فى رسالة واضحةارسل النظام برمز امنه و جبروتةالغابر (نافع) ممثلا له
وهذة لعمري تحسب علية وليس لة
بعتو شفيعكم ياعمال بعتو وجيعكم للراس مال (رمز)
مثل هذا الكلب يطرد لا يستقبل
ولك الود استاذي حسن والاخ ابوسندرا
|
Post: #67
Title: Re: الرقصة
Author: نجلاء سيد أحمد
Date: 03-23-2009, 10:03 PM
Parent: #62
الزميل ابو ساندرا والضيوف تحيه نعلم مدى حبك وحرصك على حزبك بس فى نقطة غابت عليك امثال نقدو عمى التجانى لايوجد اقصد نكرانهم لزاتهم وتفرقهم للقضيا الحزبيه ولاشعب ومدى تحملهم المسؤلئة واستعددهم للموت من اجل الوطن اما ردى حول الاعتزرات اتفق معك هو هروب من تحمل المسؤلئة وهذا سلوك لايتماشه مع ا لروح النضاليه التى يتسم بها اعضاء الحزب ومزيد من العطا والنجاح وتواجدالرعيل الاول وتحملهم الاعباء مرة اخرى رغم المرض وكبر السن يستوجب الاشادة والتقدير
|
Post: #64
Title: Re: الرقصة
Author: amar adam
Date: 03-23-2009, 05:31 PM
Parent: #54
بقيتوا زى الاتحاديين..اعتقد ان المؤتمر الخامس كان فرشة للمؤتمر السادس ننتظر الجديد فى السادس..
|
Post: #65
Title: Re: الرقصة
Author: haroon diyab
Date: 03-23-2009, 09:27 PM
Parent: #64
ياحنين
عل العينين صبحن بخير.....!!!
معليش مازلنا مقصرين
لكن الامتحانات وانت ادري بيها
مودتي
|
Post: #66
Title: Re: الرقصة
Author: Elbagir Osman
Date: 03-23-2009, 10:00 PM
Parent: #65
العزيز أبو ساندرا
تحياتي
لا بأس من إنتظار القرارات
مع تمنياتنا بالتطبيق
واستعادة الحزب عافيته
نشطا في مقدمة العمل الثوري
الباقر
|
Post: #68
Title: Re: الرقصة
Author: أبو ساندرا
Date: 03-24-2009, 08:54 AM
Parent: #66
كتب بدر الدين كاجوري :
| Quote: ولك الود استاذي حسن والاخ ابوسندرا |
ولك التحية
ولمداخلتك القوية
|
Post: #69
Title: Re: الرقصة
Author: أبو ساندرا
Date: 03-25-2009, 06:21 AM
Parent: #68
كتب عبدالكريم الأمين
أو بالأحرى ، زاغ
| Quote: وعدي معاك فيما بعد الخامس اعتبرو ملغي يازول |
قمنا على الخرخرة يا كيكي
أركز .
|
Post: #70
Title: Re: الرقصة
Author: أبو ساندرا
Date: 03-25-2009, 10:41 AM
كتبت المناضلة نجلاء سيد احمد الشيخ :
Quote: الزميل ابو ساندرا والضيوف تحيه
نعلم مدى حبك وحرصك على حزبك
بس فى نقطة غابت عليك
امثال نقد و عمى التجانى لايوجد اقصد نكرانهم لذاتهم وتفرغهم للقضايا الحزبيه وللشعب
ومدى تحملهم المسؤلية واستعددهم للموت من اجل الوطن
اما ردى حول الاعتذرات اتفق معك هو هروب من تحمل المسؤلية
وهذا سلوك لايتماشى مع ا لروح النضاليه التى يتسم بها اعضاء الحزب
ومزيد من العطاء والنجاح وتواجدالرعيل الاول وتحملهم الاعباء مرة اخرى
رغم المرض وكبر السن يستوجب الاشادة والتقدير |
أهلآ بالعزيزة نجلاء
ونعرف عنك وعن اسرتك خاصة الأصدقاء راشد وحيدر
حبكم الكبير للحزب وإحترامكم للشعب
نعم ، نقد وتيجاني الطيب ورفاقهم من ابناء جيلهم
قدموا الكثير للحزب ووضعوا الشعب في حدقات عيونهم
وفي صميم الفؤاد ، وفعلآ قدموا جهود وتضحيات لاينكرها إلا مكابر
لذلك حظوا بحب وتقدير الشعب
لكن لا اتفق معك في مطالبتهم ببذل ذات الجهد وتقديم مزيد من التضحيات
وهم في هذه السن المتقدمة وآثارها وتبعاتها من مرض وتعب
يجب علينا ان ندعهم يرتاحوا قليلآ ونتحمل نحن المسؤلية
خاصة وأنهم عندماتقدموا وإعتلوا قيادة الحزب بكفاءة وإقتدار
كانوا في ميعة الصبا والشباب ، عبدالخالق تولى منصب السكرتير العام
وهو في العشرينات ونقد في الثلاثينات وكل رفاقهم كانوا في ذات السن
الوسيلة والشفيع وقاسم امين والجزولي وعزالدين عامر ، جميعآ كانوا
اعضاء في اللجنة المركزية وأكبرهم لم يتجاوز الثلاثين
ما تقولي حواء الحزب عقرت عن تولد مثلهم
في الحزب شباب عندهم قدرات عالية جدآ وفي إمكانهم قيادة الحزب
بافضل من وضع وقدرات نقد والتيجاني حاليآ
وإذا لم يكن الوضع كذلك ، فيجب محاسبة نقد والتيجاني وكل طاقم القيادة
لعجزهم في تربية واعداد جيل ، بل أجيال تقود الحزب
ولو قلنا كده بنكون ظلمنا قيادتنا وفي نفس الوقت ظلمنا شباب نعول عليهم
كثيرآ فيقيادة الحزب قيادة شاملة
وسوف نسعى من أجل ذلك في المؤتمر الخامس
هسع يا نجلاء ، راشد سيد احمد القدامك ده مابيقدر يقود هذا الحزب
بكل إقتدار ؟ ومثله كثر .
|
Post: #71
Title: Re: الرقصة
Author: نجلاء سيد أحمد
Date: 03-25-2009, 12:48 PM
Parent: #70
ابو ساندرا تحية واحترام اتفق معك فى انو حواء الحزب انجبت كثيرا ومازال رحمها خصب بس اذا اصبحت روح المبادرة وصت الاعضاء الذين تم انتخابهم ضعيفة ليست مسؤلية نقد والتجانى الذين بادرو وانا متاكدة لو راشد كان ضمنهم كان اتولى اى مهمة كلف بها مع خالص ودى
|
Post: #72
Title: Re: الرقصة
Author: تبارك شيخ الدين جبريل
Date: 03-25-2009, 06:32 PM
Parent: #71
Quote: لا بأس من إنتظار القرارات
مع تمنياتنا بالتطبيق
واستعادة الحزب عافيته
نشطا في مقدمة العمل الثوري |
فى تقديرى ... قد يستغرق الإنتظار .... الأبدية كلها ....
ولكنى أثنّى ... لا بأس من الإنتظار .... أخير من قعاد ساى ...
___________________________________
وما نيل المطالب بالتمنّى
ولكن تؤخذ الدنيا غِلابا
.. المهم ...
|
Post: #73
Title: Re: الرقصة
Author: أبو ساندرا
Date: 03-26-2009, 06:26 AM
Parent: #72
كتب هارون دياب:
Quote: معليش مازلنا مقصرين
لكن الامتحانات وانت ادري بيها
|
هلا
لكن يا اخو ، الإمتحانات لم تمنعك من المرور
على البيت الفاتح على مدرسة الراية
أظن الداعي كان مهم لدرجة انك تجلي امتحانات امنية
غايتو لو طلعت القصة التنسيق لإستقبال ام كبك وشلاليت
مع كمالين برسم النقص
لما عذرناك
|
Post: #74
Title: Re: الرقصة
Author: haroon diyab
Date: 03-26-2009, 06:38 AM
Parent: #73
ياحنين
عل العينين صبحن بخير
Quote: هلا
لكن يا اخو ، الإمتحانات لم تمنعك من المرور
على البيت الفاتح على مدرسة الراية
أظن الداعي كان مهم لدرجة انك تجلي امتحانات امنية |
تاني عشان ماتشنقنا في الرد تلاتة يوم
الاعتذار كان يوم 23/3
والامتحانات خلصت يوم 24/3
والبيت الفاتح علي الراية كان يوم24/3
ووحاتك امنية براها قالت عاوزة تجي تسلم عليكـ
رد علينا بسرعة عشان ماتجي تدقس وتتطوفش زي صحبك
بتاع الشحانية داااااااااااااااااااكـ
وبرضو عل العينين صبحن بخير
دي كيتن في ناس .....!!!
|
Post: #75
Title: Re: الرقصة
Author: أبو ساندرا
Date: 03-26-2009, 07:03 AM
Parent: #74
كتب ابو امنية
Quote: وبرضو عل العينين صبحن بخير
دي كيتن في ناس .....!!! |
دي كيتن في ناس الكمال الناقص.....!!!
يا اخو
وصل امنية لغاية خشم الباب
ح تستقبلها ماهيتاب
وانت شتت شوف ناسك الهباب
اكان في الشحانية ام في ام القهاب
وللمتابعين ، نأسف على هذا الدقداق
|
Post: #76
Title: Re: الرقصة
Author: haroon diyab
Date: 03-26-2009, 08:33 AM
Parent: #75
ايوه كــــده
اصحي يابريش....!!!
|
Post: #77
Title: Re: الرقصة
Author: الارقم عبدالله طلب
Date: 03-26-2009, 09:28 AM
Parent: #76
تحية واحترام ابوساندرا
حقيقة النقاش فى هذا البوست تشعب كثيرا ولكنى ساركز على الموضوع الاساسى..
ان الاعتذار عن اى منصب قيادى اذا تمت مناقشته بشكل مجرد عن اسباب الاعتذار فانه سيكون تهرب من المسؤلية وعدم قدرة على تحملها لذا اعتقد ان هذا النقاش بهذه الطريقة غير سليم لاننا او معظمنا لا يعلم الاسباب الحقيقية وراء الاعتذار ولكنى اتخيل فمثلا هناك بعض الاعضاء فى اللجنة المركزية يقيمون خارج الوطن حاليا فهؤلاء ارى ان اعتذارهم مقبول ويمكن ان تكون هناك اسباب اخرى موضوعية ومنطقية .. وهنا وفى هذه الحالة يكون الاعتذار هو قمة المسؤلية والتسامى فوق المكاسب الشخصية والتى تفقدنا الكثير بمعنى اوضح (انا ما ح ادى المسؤلية حقها كاملا والاجدر بها شخص اخر)
اما اذا اردت ان تقول بان الاعتذار وبغض النظر عن اسبابه قد اتاح الفرصة لاخرين غير جديرين بالترشح والفوز بعضوية المكتب السياسى فهذا فى راى خطا كبير لان الاسماء التى وردت فى عضوية المكتب هى اسماء جديرة بالقيادة فى هذه المسؤليات وهذه الفترة تحديدا واعنى هنا بانها جديرة بمعنى انها تمتلك القدرة فكريا وسياسيا وبدنيا على اداء دورها بشكل جيد هذا على الاقل هذا ما افترضه انا ولكن قد يخفق البعض وهذا وارد عموما ما زال الوقت مبكرا على التقييم والحكم وايضا متأخرا جدا عن مناقشة الاعتذارات لان هذا هو افراز الممارسة الديمقراطية والافيد مع كامل احترامى لك واشدد عليها.. اثراء النقاش حول القضايا التى تواجه الحزب الان والمساهمة مع القيادة الحالية بكل ارائنا حولها من اجل تحقيق ما نصبو اليه
وللجميع التحية والاحترام
|
Post: #78
Title: Re: الرقصة
Author: أبو ساندرا
Date: 03-26-2009, 10:50 AM
Parent: #77
كتب عمار محمد آدم :
Quote: بقيتوا زى الاتحاديين..
اعتقد ان المؤتمر الخامس كان فرشة للمؤتمر السادس ننتظر الجديد فى السادس.. |
كيف بقينا زي الإتحاديين
الحزب الإتحادي تشظى إلى مجموعة أحزاب متناحرة ومختلفة
وبعضها ذهب بعيدآ للإندياح في المؤتمر الوطني ، زي ناس الوسيلة السماني
وحزبنا خرج من الخامس موحدآ ومتماسكآ
ومافيه أي جزء يتعامل مع حزب السلطة
الخامس فرشة للسادس
لا أختلف معك كثيرآ فيها
وبالضبط ، مازالت قضايا كثيرة تنتظر السادس
|
|