Post: #1
Title: تهنئة للحزب وبكرى .....
Author: تبارك شيخ الدين جبريل
Date: 01-27-2009, 04:36 PM
الخامس ....
نقلة تاريخية على مستويين ...
على مستوى الممارسة الديموقراطية داخل الحزب .... والتهنئة لأعضاء الحزب و"أصدقائه"...
وعلى مستوى السودان حكومةً وشعباُ ... والتهنئة لنفسى اللئيمة ... التى لا تزال تنتظر الإعلان عن المقررات والبيان الختامى للمؤتمر .....
.. المهم ....
|
Post: #2
Title: Re: تهنئة للحزب وبكرى .....
Author: MAHJOOP ALI
Date: 01-27-2009, 05:35 PM
Parent: #1
دى ردة فكرية ولاشنو يا المهم.؟
وين النقلة التاريخية من اجازة برنامج
الحزب الاتحادى
|
Post: #3
Title: Re: تهنئة للحزب وبكرى .....
Author: تبارك شيخ الدين جبريل
Date: 01-27-2009, 07:36 PM
Parent: #2
محجوب على ....
Quote: دى ردة فكرية ولاشنو يا المهم.؟
وين النقلة التاريخية من اجازة برنامج
الحزب الاتحادى |
نحن الردة دى ورانا ورانا؟
بالله عندك رابط لى إجازة برنامج الإتحادى؟ أو أىّ مقررات معلنة؟
النقلة التاريخية إنو الحزب الشيوعى عاد للعمل والمقدرة على التحوّل والتأقلم كحزب (وليس كأفراد) وفى ذلك كسر للجمود الدوغمائى .... وطالما هنالك مقدرة على التحوّل ... فبرنامج الإتحادى يمكن تغييره أيضاً .... المختلف هو أن الحزب بهذه المقدرة على مناقشة القضايا المحورية على مستوى القاعدة بدلاً من التنفيذ الأعمى للإستراتيجيات التى ترسمها اللجنة المركزية (وبانتخاب لجنة مركزية جديدة) بهذ الصفات يبدأ فى التحوّل إلى حزب حديث ...
انا أرحب بتحوّل الحزب الشيوعى إلى حزب حديث ... وأهنئ على الخطوة التى اتخذت فى هذا الإتجاه (تأخر هذه الخطوة وصغر حجم التغيير مسألة نسبية وهى الآن تتناسب مع استعداد الحزب!)
أهم حاجة الرابط .....
.. المهم ...
|
Post: #4
Title: Re: تهنئة للحزب وبكرى .....
Author: قيقراوي
Date: 01-27-2009, 08:33 PM
Parent: #3
| Quote: أهم حاجة الرابط ..... |
سلام يا تبارك
طيب بمناسبة القدرة على التحول دي ما تواكب و تخليك من قصة الرابط دي
عموماً انا عندي قراية ليك تخصني تماماً
و يوما داك ياخ كل ما اعفص الرابط المعني العملتو لينا خرفان و تقارير وزارة زراعة ونجيلتا داك اتكيف ليك بدون مكيفات
لا و العجب اتخيلت ليك مؤتمرين حوص كلهم بناقشو في برنامج حزب و بجيزوا البرنامج حق الجيران . . . على غرار الطلب فول و اكل كباب جارو
الرابط سيبك منو يا تبارك
و المهم . . .
سيه جديد ياخ . . . نقد لاذع . . . حراق . . . بس موضوعي
|
Post: #5
Title: كتر خيرك يا تبارك
Author: esam gabralla
Date: 01-27-2009, 08:54 PM
Parent: #1
كتر خيرك يا تبارك
دى بس كافية لكلام كتير جدا
| Quote: انا أرحب بتحوّل الحزب الشيوعى إلى حزب حديث ... وأهنئ على الخطوة التى اتخذت فى هذا الإتجاه (تأخر هذه الخطوة وصغر حجم التغيير مسألة نسبية وهى الآن تتناسب مع استعداد الحزب!) |
شايف في ناس جات مستعجلة شايلا غباينا و الفشه غبينتو خرب مدينتو ... الامر الان يعنى الحزب الشيوعى ... لكن على المدى البعيد يعنى اى انسان و انسانة حريص و حريصة على تحول ديمقراطى و سلام و استقرار و عدالة
حننتظر المقررات و التوصيات .... و اهمها التحضير للسادس
و زى ما قال قيقا
| Quote: سيه جديد ياخ . . . نقد لاذع . . . حراق . . . بس موضوعي |
|
Post: #6
Title: Re: كتر خيرك يا تبارك
Author: تبارك شيخ الدين جبريل
Date: 01-27-2009, 11:35 PM
Parent: #5
عصام جبرالله .. تهانينا ...
| Quote: لكن على المدى البعيد يعنى اى انسان و انسانة حريص و حريصة على تحول ديمقراطى و سلام و استقرار و عدالة |
الغريبة هى دى نقطة خلافى مع الشيوعيين المتمسكين بى محاكمة البشير بواسطة المحكمة الجنائية الدولية ....
وآخر موقف للحزب بخصوص المسألة دى كان مكتوب بى لغة ضبابية وبتسمح بى موقفين متناقضات .... هسّى ما فات شى ... وما دايرين نسبق الأحداث ... وفى انتظار إعلان رسمى لى مقررات وتوصيات المؤتمر ... عشان نفهم موقف الحزب الرسمى ...
الخطوة أيضاً ليها بعدها فى ترسيخ الممارسة الديموقراطية الجات مع نيفاشا وبناء جزء من أزمة الثقة بين المواطن والنظام المؤسسى الديموقراطى ... تجربة عن كيفية الممارسة الديموقراطية دون الإتفاق مع الحزب الحاكم ... وتجربة لأدب الإحترام مع الإختلاف ... كلها تجارب لا زالت محدودة لى المواطن السودانى فى الداخل والمهاجرين وحملة السلاح وأعضاء الحزب الحاكم ...
حبابا الديموقراطية .... حبابا الديموقراطية .....
.. المهم ...
|
Post: #7
Title: Re: كتر خيرك يا تبارك
Author: هاشم الحسن
Date: 01-28-2009, 00:10 AM
Parent: #6
Quote: لكن على المدى البعيد يعنى اى انسان و انسانة حريص و حريصة على تحول ديمقراطى و سلام و استقرار و عدالة
حننتظر المقررات و التوصيات .... و اهمها التحضير للسادس |
دا كلام صاح... يشير إلى طريق... تجاه المقصد الصاح دا...
| Quote: حبابا الديموقراطية .... حبابا الديموقراطية ..... |
المهم يا تبارك،
يبدو إنّك ما قريت خطاب السيد محمد إبراهيم نقد في الجلسة العلنية...!!!
|
Post: #8
Title: Re: كتر خيرك يا تبارك
Author: تبارك شيخ الدين جبريل
Date: 01-28-2009, 00:17 AM
Parent: #7
| Quote: يبدو إنّك ما قريت خطاب السيد محمد إبراهيم نقد في الجلسة العلنية...!!! |
المهمة الرابعة: التضامن مع حماس
المهمة الخامسة: التضامن مع شافيز (بعد تأمل 1929)
المهم .....
|
Post: #9
Title: Re: كتر خيرك يا تبارك
Author: تبارك شيخ الدين جبريل
Date: 01-28-2009, 00:27 AM
Parent: #8
زول يقول ليك حل أزمة دارفور فى "التسمية" ... مديريات وما أدراك ما مديريات ....
ويقول "التسمية" ما بتغيّر حاجة (مشيراً إلى تسمية الحزب الشيوعى) ...
طيب "التسمية" حتغيّر حاجة فى دارفور كيف؟
غايتو حزب العمال الفى البلد الزراعى دا ...... برجوازى خلاس ... (ويا ريتا كان برجوازية نافعة .... دى برجوازية منتفعة بتاعة مستعمرات ساى)
... البركة فى الديموقراطية .... ويسقط نظام الحزب الواحد ... لولاه ما انتبهت لى يمينى أو يسارى ... ولولاه ما اتعرّضت لى ذلّى وانكسارى ...
.. المهم ....
|
Post: #10
Title: Re: كتر خيرك يا تبارك
Author: MAHJOOP ALI
Date: 01-28-2009, 00:52 AM
Parent: #9
Quote: ويقول "التسمية" ما بتغيّر حاجة (مشيراً إلى تسمية الحزب الشيوعى) ...
طيب "التسمية" حتغيّر حاجة فى دارفور كيف؟ |
تغير كتير ياالمهم
كدى فكر فيها تانى (الاقليم الواحد)....
يمكن تغير رايك ، زى حكاية برنامج الاتحادى
وتجمعكم الطبول وتفرقكم العصا..
وعلى قول الامريكان sleep on it
ورد علي مهلك
|
Post: #11
Title: Re: كتر خيرك يا تبارك
Author: تبارك شيخ الدين جبريل
Date: 01-28-2009, 01:55 AM
Parent: #10
يا اخواننا انا عندى نقطتين أساسيات:
1- النقلة فى تاريخ الحزب
2- النقلة فى تاريخ السودان
وفاتح البوست دا عشان أهنّى الشيوعيين بالمؤتمر ... وأهنى نفسى والشعب السودانى على التوجه الحضارى ... وأهنّى بكرى أبوبكر على تجاوز أزمة الهاكر ...
فما تطلّعونا من الموضوع!
المهم ....
|
Post: #12
Title: Re: كتر خيرك يا تبارك
Author: MAHJOOP ALI
Date: 01-28-2009, 04:44 PM
Parent: #11
المهم...
خلينا فى النقلة.
ماتبقي نقلة .. نقلتين..وكش ملك
|
Post: #13
Title: Re: كتر خيرك يا تبارك
Author: بدر الدين اسحاق احمد
Date: 01-29-2009, 01:18 AM
Parent: #12
تبارك
طيبات زاكيات تغشاك
النقلة فى تاريخ الحزب :
* علنيــة الممارســة
* ديمقراطية الانتخاب
* التصالح مع حكومة اليمين المتطرف
* الثبات على الديناصورات الحزبيـــة
* مفارقة الحزب لقضايا الراهن السودانى ( الهامش / الشرق / دارفور ) مثالا
Quote: 1- النقلة فى تاريخ الحزب
2- النقلة فى تاريخ السودان
|
بتاوق وبجيك راججججججججججججججع
ولا شنــو
|
|