ضعف كفاءة السودانين المهنية ماهوالسبب

ضعف كفاءة السودانين المهنية ماهوالسبب


01-18-2009, 12:27 PM


  » http://sudaneseonline.com/cgi-bin/sdb/2bb.cgi?seq=msg&board=190&msg=1232278031&rn=0


Post: #1
Title: ضعف كفاءة السودانين المهنية ماهوالسبب
Author: باسط المكي
Date: 01-18-2009, 12:27 PM

ضعف كفاءة السودانين المهنية ماهوالسبب

--------------------------------------------------------------------------------
كثير من الشباب عاوز بقفز فوق عامل الزمن ومرحلة حياتهم دراسة بداية حياة عملبة حياة عملية مستقرة

واخيرا خبرة يتسلح بها للزمن وعواتي الايام وونجدهم معظمهم يحمل شهادات عليا لكن الدرسو شي

والحياة العملية شي وده شي طبيعي بس نجد هوءلاء الشباب الطامحين بستضدمو بواقع صعب اذا بدا

الحياة العملية خطوة خطوة يشوف الطريق بعيد ويطر يختار طريق الهجرة الخليج وامريكا او اي بلد قالو

مستوي الدخلفيها جيد يقدم الورق للامتحان وبعد شوية يلق نفسو الدرسو في حتة والامتحان في حتة وده

يرجع لضعف مناهج جامعاتنا وصاحبنا يرمي الشهادادت في اغرب رف ويبحث عن الحلول عشان كده نجد

معظمهم شغال شغل هامشي والمصيبة في الشغل الهامشي تعبان ويسستلم لواقعو وكتير تلقي واحد

عندو شهادات عليا وتلقي شغال حارس عشان وكتير تلقي خريج هندسة بشوف نفسو اكبر من ان يشتغل

بيديه وبستعر من لبس الابرول ويكتفي باسم مهندس وبس عشان كده السودانين الفي المجالات الفنية

بكونو ضعيفين امام خبرات الجنسيات الاخري وكترين يشتغلو مساعدين يعني مابكونو الرقم الاول عشان

كده انا من راي الواحد لوماانس في نفسه الكفاءة مايدخل مجال يجهله مهماكان شهاداته \\ موضوع للنقاش

والسؤال ليه نحن مابنهتم بالمجالات الفنية وتنمية قدرات الشباب اوليه ماتكون في دراسات تخصصية يعني

من الابتدائي الواحد يكون في مجالو عشان يكون متميز \\\ واحب عمال بلدنا وصوت المكن طالع وفي البدرية

طالع ويصنع في المصانع \\ والواحد بكون سعيدا جدالما يقرا دباجه كتابين فيها صنع في السودان


.,.


Post: #2
Title: Re: ضعف كفاءة السودانين المهنية ماهوالسبب
Author: أحمد الشايقي
Date: 01-18-2009, 03:02 PM
Parent: #1

Quote: والسـؤال ليه نحن مابنهتم بالمجالات الفنية وتنمية قدرات الشباب اوليه ماتكون في دراسات تخصصية يعني

من الابتدائي الواحد يكون في مجالو عشان يكون متميز


سؤالك في الصميـم يا باسـط

وسيكون محـور نقاش هام,


أحمد الشايقي

Post: #4
Title: Re: ضعف كفاءة السودانين المهنية ماهوالسبب
Author: باسط المكي
Date: 01-18-2009, 03:48 PM
Parent: #2

احمد الشايقي
تحياتي ..
الموضوع هام جد..
والواحد بحزن لما يشوف ..
حملت شهادات ..لايفهمو
حتي تخصصه
..مزيد من النقاشياحبوب
تسلم من كل بلاء

Post: #3
Title: Re: ضعف كفاءة السودانين المهنية ماهوالسبب
Author: Elawad Eltayeb
Date: 01-18-2009, 03:05 PM
Parent: #1

موضوع هام يا صديقي
وأضيف

أهم حاجة بنحتاج ليها في السودان في هذا المجال هو ال certification
أو ما يمكن أن نصطلح عليه "الشهادة المهنية"

طبعا نحن قنعانين من خيرا في الحكومة

فعلى منظمات المجتمع المدني والأفراد المهنيين

أن ينظموا صفوفهم

ليس فقط لكي يحصل كل خريج على "شهادة مهنية" تسند دراسته النظرية وتؤهله لممارسة مهنته

ولكن لكي يتم منح كل من يجيد مهنة معينة بحصافة وحسب الأصول "شهادة تثبت ذلك" حتى لو لم يكن جامعياً لكنه يستوف الشروط المناسبة للمهنة

كما أن هذا يسهل كثيرا على أصحاب الشركات والمؤسسات الحصول على العمالة أو الموظفين الذين يرغبون فيهم.

ويخرج ويعزل الكثير من "المتطفلين" على المهن المختلفة

وعلى رأس ذلك المهن "الإدارية" نفسها التي عليها الاعتماد في تطوير وقيادة المجتمع بكل قطاعاته

وبذلك تنتظم الصفوف قليلا

من أجل مجتمع متقدم

Post: #5
Title: Re: ضعف كفاءة السودانين المهنية ماهوالسبب
Author: باسط المكي
Date: 01-18-2009, 03:53 PM
Parent: #3

العوض الطيب
تحياتي..
ياريت المزيد من النقاش
شبابنا بكل اسف ما مؤهل..
الواحد من البداية يفكر في النقاطة
ويقفز بالزانة ..
ومتطلبات الحياة غير
وفهم الشباب غير ..والمشكلة
متجزرة فينا من زمن
بعيد ..
تسلم ياجميل الخاطر

Post: #6
Title: Re: ضعف كفاءة السودانين المهنية ماهوالسبب
Author: محمد الطيب حسن
Date: 01-18-2009, 06:11 PM
Parent: #5

العزيز باسط المكي

من تسميتك للبوست شملت جميع المهنيين
ولم تذكر حتي كلمه البعض منهم
هناك الكثير والكثير جدا من المهنيين السودانيين
البارزين والمتفوقين علي اختلاف تخصصاتهم
لكن كماقال الاخ العوض المشكله في حكومتنا
وعدم الاهتمام بمثل هؤلاء



Quote: والواحد بكون سعيدا جدالما يقرا دباجه كتابين فيها صنع في السودان


دي حصلت والحمد لله

Post: #7
Title: Re: ضعف كفاءة السودانين المهنية ماهوالسبب
Author: khaleel
Date: 01-18-2009, 06:16 PM
Parent: #6

كلامك غير صحيح يا صديقي

السودانين عملو حتي ناسا

في لندن فقط خمسة الف طبيب سوداني

السودانيون وضعو التشريعات القانونية لبعض دول الخليج

ووضعو اللبنات الاولي للشرطة والجيش لدول الخليج

فكلامك غير صحيح مطلقا

واظنني قد ذكرت لك نفس الكلام في نفس البوست في منتدي عكس

ونقلتو بي ضبانتو وجبتو هنا

ودي جزء من مهنية السوداني قوة الذاكرة

Post: #8
Title: Re: ضعف كفاءة السودانين المهنية ماهوالسبب
Author: Osman Musa
Date: 01-18-2009, 06:27 PM
Parent: #7


ضعف كفاءة السودانين ؟
القالك ده ما عارف التكتح .
وكمان يشمل كل السودانين .