الازهرى هل اصبحت استاذ عربى ونحن لسنا فى امتحان املاء ومعظم الناس بتغلط

الاستاذ الازهرى ان شئت ان تدخل بوستاتى بالشئ الذى اكتبه اهلا وسهلا وان شئت فارجوك فلا شان بك بى
جميعا نخطاء ويساعد على ذلك الاستعجال وعدم الانتباه الابعد ظهوره فى المنبر وانا ماساقط عربى ولا نحنا فى امتحان املاء ولا فى مادة عربى بس اتمنى تكون فهمتى معنى رسالتى

محمد عادل ازيك
يا أبوي اسمع كلام الازهري
ومن مصلحتك ماتغلط وتحسن أداءك
المستعجل ليها شنو... وبعدين إنت قايل دا عذر إنه معظم الناس بتغلط
طيب إنت ليه ماتكون من الاقلية البتكتب صاح ومابتغلط




_________________

بالمناسبة دي البوست بتاع إستقالة لنا مهدي مافيهو ولا غلطة إملائية وموزون وزنة صاح ... كنت رايق ومامستعجل ولا شنو؟
خليك كدا على طول

Quote: فلا شان بك بى نخطاء

الأخ محمد عادل

ما تستعجل فكلنا نخطأ و كلنا(نقلط) ازهريا فلا شأن لك به

ودمت وطول بالك فأنها النصيحة


لطفي

هون عليك أخي محمد عادل
فالخطأ ليس نهاية الدنيا
وليس العيب في أن نخطئ ولكن العيب الاستمرار في هذا الخطأ وعدم محاولة إصلاحه.
يمكنك ويمكننا أن نطلب من الأخ الأزهري وغيره ممن يجيدون لغة الضاد أن يصححوا ما نقع فيه من أخطاء ولكن بحميمية ولطف حتى نستفيد ...
ما ذنب من هو أجهل منا عندما يطلع على ما نكتب من أخطاء شنيعة ؟ سيظن بلا شك أن ما نكتبه سليما وسيتعلم منه، وسنكون بذلك ساهمنا في انتشار الأخطاء الشائعة في لغتنا الحبيبة .

لك المودة

ــــــــــــــ
لو وضعت علامة استفهام بعد كلمة عربي فلن تستغرق منك سوى جزء من الثانية.

يا اخوانا براحه علي محمد ده
هسع انا بحاول اتجنب الكتابة في العطلة
لانو كومبيوتر البيت
مافيهو لا همزه ولا همزه علي نبره
ومافيهو الف مقصوره عشان كده بكتبها ي
فبرضو الناس تراعي الظروف دي وكده
خصوصا ظرف الزمان واخوه ظرف المكان
كل الحب للازهري ولمحمد عادل
ولجميع الناس هنا

محمد عادل
سلام

كدي حسع شوف جنس الاستعجال ده.....!!!

Quote: الاستاذ الازهرى ان شئت ان تدخل بوستاتى بالشئ الذى اكتبه اهلا وسهلا وان شئت فارجوك فلا شان بك بى

انت يااخوي لاحق المانجضت ولا شنو....؟

Quote: اتمنى تكون فهمتى معنى رسالتى

ياازهري حبه حبه وبراحة براحة علي ولدنا ده.

لا تغضَبْ يا صديقي فَكُلُّنا يبْحَثُ عَمَّنْ يَهْدينا

الصَّوابَ في كتاباتِنا ودُرُوبِ مفرداتِنا،

ويَمْنَحُ حروفَنا الضِّيَاءْ ،

وهَا أنا أتيتُكَ الآنَ ظَمِئًا فشربتُ من عذبِ مياهِكَ

وتَفَيَّأْتُ ظِلالَ حرفِكَ ورَشَفْتُ من مَناهِلِها

كُلَّ لذيذْ ،

ولَنْ أقولَ : قدْ أخْطَأَ أخي / مُحَمَّد ،

لَكِنِّي سأقولُ : أصَبْتَ أنتَ وأخْطَأْتُ

أنَـا ..

واِحْرِصْ أيُّها الحبيبُ / محمَّد عادل ..

بأنْ تكْسَبَ أمثالَ العزيز الأزهري في صَداقتِكَ

فَلَعَمْري سيَظِلُّكَ يَومٌ وأنتَ غير واجِدٍ فيهِ مَنْ يَقولُ

ذا صحيحٌ ، وذا يَشُوبَـهُ بعضُ خَطـأ .

فَلكَ التَّقديرُ والعُتبى وللحبيبِ الأزهري

مَوْدَّاتٌ كُثُرُ واحترامٌ زَاكٍ.


احترامي .




أخوك المُحِبُّ / محمَّد زين .
____________________________

كامل التضامن من الحبيب

محمد عادل

ولا يهم مافي اي غلط في كتاباتك دي بس الازهري دا زول حاقد ساي

وبعدين لو هو داير ينصب نفسو مصحح مايمشي يشوف الناس الكلامهم كلو غلط زي محمَّد زين الشفيع أحمد الفوق مني دا

يا ازهري بطل حقد طبقي علي الاحباب والاسياد

وخلينا نستمتع بالإبداع دا

ويبدو لي انو كلام استاذنا محمد عادل دا كلام واضح

Quote: فارجوك فلا شان بك بى

واتمني معاهو

Quote: اتمنى تكون فهمتى معنى رسالتى

Quote: الاستاذ الازهرى ان شئت ان تدخل بوستاتى بالشئ الذى اكتبه اهلا وسهلا وان شئت فارجوك فلا شان بك بى جميعا نخطاء ويساعد على ذلك الاستعجال وعدم الانتباه الابعد ظهوره فى المنبر وانا ماساقط عربى ولا نحنا فى امتحان املاء ولا فى مادة عربى بس اتمنى تكون فهمتى معنى رسالتى

الأخ الزميل محمد عادل

لست أستاذاً في اللغة العربية ، كما أنني كثير الأخطاء في الإملاء والنحو، لكنني أجتهد قدر إستطاعتي في الكتابة بشكل صحيح إحتراماً للمنبر وللقراء وقبل ذلك إحتراماً لنفسي .

عزيزي محمد عادل

ستجدني إن شاء الله حاضراً فيما تكتبه من بوستات ، مصححاً لك الأخطاء الإملائية والنحوية ما أستطعت إلى ذلك سبيلا .

وتقبل خالص التحية والتقدير


وأغتنم هذه السانحة لأتقدم بجزيل الشكر للإخوة والاخوات الذين شاركوا في هذا البوست على كلماتهم الطيبة ومشاعرهم الاخوية الصادقة .

.
.

.
.

الأخ الزميل محمد عادل

هل يمكن أن توضح بالتحديد مداخلاتي التي أغضبتك في البوست أدناه ؟

القيادية الاميره لنا مهدى تقدم استقالتها من حزب الأمة

هل هذه المداخلة هي التي أغضبتك ؟

Quote: شاحد ربي ناس الحكومة مايتذكروا مبارك الفاضل ولا يوم يطروه ،لأنه لو إتقبض واطاتنا أصبحت مع محمد عادل . سيد مبارك في المعتقل نفسه في كباية شاي بي نعناع /، سيد مبارك قال عاوز مجلة ميكي وناس الأمن رفضوا يجيبوها ليه/سيد مبارك امبارح في المعتقل عضتو ناموسة كبيرة في جضمو ولحدي هسع جضمو محمر/، سيد مبارك قال الأيسكريم الجابوهوا ليه في الزيارة ماوصلوا كامل وناس الامن اكلو نصه/ سيد مبارك وهو بقطع في أضافرين رجله جرح صباعو الكبير وناس الأمن تركوه ينزف الدماء دون إسعافه /، سيد مبارك قال منعوه يشوف الحلقة الأخيرة من مسلسل سنوات الضياع /، سيد مبارك يعاني من إستخدام معجون أسنان سيجنال تو بعد ان رفض أمن النظام تزويده بمعجونه الخاص ماركة سنسوداين/ ... ووب علينا وكر علينا ونحن مين لينا غيرك ياسيد مبارك (الجملة الاخيرة عنوان بوست ) الخ الخ الله كريم

أم في البوست أدناه ؟

يامسراء الرسول لن تبقى مغصوبه ولن نرضى بحلول الا بقدس ا...طين عربيه شاء من شاء


آمل التوضيح ولك التحية ..
.

Quote: لست أستاذاً في اللغة العربية ، كما أنني كثير الأخطاء في الإملاء والنحو، لكنني أجتهد قدر إستطاعتي في الكتابة بشكل صحيح إحتراماً للمنبر وللقراء وقبل ذلك إحتراماً لنفسي .

تسلم يا ازهري ياجميل
يوم بتكتل ليك زول بالتهذيب دا

ألأخ/محمد عادل..........السلام عليكم

يا اخى الزمن ده ياريت الواحد يلقى ليهو ود حلال يصلحو...واخونا ألأزهرى2 لايقصد فى ذلك شىء..

Quote: ستجدني إن شاء الله حاضراً فيما تكتبه من بوستات ، مصححاً لك الأخطاء الإملائية والنحوية ما أستطعت إلى ذلك سبيلا . وتقبل خالص التحية والتقدير وأغتنم هذه السانحة لأتقدم بجزيل الشكر للإخوة والاخوات الذين شاركوا في هذا البوست على كلماتهم الطيبة ومشاعرهم الاخوية الصادقة .

كلما تتيح لك الفرصة وتجدنى فى خطآ أخ ألأزهرى صوبنى.....وكل الزملاء..منكم نستفيد.....ليس فينا كامل والكمال لله وحده..

مودتى.إسماعيل ممحمد احمد عباس....

.
.
الإخوة الأعزاء وهبة وإسماعيل

أشكر لكما هذا اللطف والكلمات الطيبة.

كما سلف وأخبرت الأخ الزميل العزيز محمد عادل :الكثير من الناس يخطئ في الإملاء والنحو وأنا من جملة هؤلاء الناس .

وسبق وأخبرت الأخ محمد بقصة أخي الأصغر الذي قبل في الجامعة وذهب معه الوالد لمقابلة المدير لإكمال إجراءات تسجيله نظراً لتأخره عن الوقت المحدد ، فطلب منه المدير أن يكتب خطاباً يوضح فيه ظروف تأخره .. الخ .

يخبرني الوالد فيقول :

لما المدير شاف الورقة قال ليه ياولدي إنت العربي ده إتعلمتوا في الصين ؟

(ناسي والله هي الصين ولا أمريكا ولا بوركينا فاسو)

الوالد قال لي والله إتمنيت الواطة تنشق وتبلعني :)

وهذا حال الكثير من شباب اليوم .

كما سبق وأخبرت الاخ محمد مراراً وتكراراً أنني كثيراً ماأخطئ في الإملاء . لكن يبدو أن ذلك لم يشفع لي عند محمد عادل فغضب علي هذه الغضبة التي ترون .

ورغم هذا الغضب من جانبه فإنني أعاهدكم واعاهد الحبيب محمد عادل بالتواجد دائماً في بوستاته مصححاً لأخطائه الإملائية الشنيعة الغريبة العجيبةالتي تذهل الخليل عن خليله(ماخليل حق العدل والمساواة) والتي لو إطلع عليها سيبويه لصاح صيحة عظيمة ثم سقط مغشياًُ عليه .

تحياتي وتقديري

.
.

.
.

الحبيب محمد عادل

ماشفتك تاني ماتكون زعلان لحدي هسع :)

.
.

Quote: فلا شان بك بى . .

إنجليزي دا ؟؟؟
والله دي إلا يصححا هندي وللا تركي.

.
.

محمد عادل مختفي الأيام دي إن شاء الله خير ؟

يشهد الله مفتقدك يازميل :)
.
.

في شنو يا أخوان ؟؟؟

الأزهري مالك ؟؟؟

محمد عادل وين يا شباب ؟؟

سلام يا شباب..
دخلت إلى هذا البوست وليس لدي سابق معرفة بالأثنين- لا محمد عادل ولا الأزهري
لكن،
موضوع الأخطاء اللغوية يظل إشكالا يجب العمل على تجاوزه مهما كان،
بالرغم من أن اللغة العربية الصحيحة تتكون لدى الواحد منا منذ (الأولية)، وتصبح بعض الأخطاء عادة لا ينتبه لها المرء،
لكن الحق يقال- بعض الأخطاء مستفز،
فأتمنى، لمن له أبناء في سن الدراسة أن يركز معهم منذ الصغر على صحيح النطق وصحيح الكتابة حتى ينشأوا على ذلك،
وأذكر في إحدى النقاشات عن الفضائيات وأثرها على سلوك الأطفال، كان هناك رأي بأن أعظم فائدة للفضائيات هي أنه أصبح بامكانك أن تسمع الأطفال وهم يلعبون يتحدثون بالفصحى في كثير من الأحيان، وهذا من كثرة مشاهدة أفلام الكرتون،
وهذه حقيقة- فطفلتي ذات السبعة أعوام تستعمل مفردات فصيحة في تحاورها اليومي معي ومع إخواتها،
وهذه محمّدة..

ووفق الله الجميع لما فيه الخير،

الأخوة الأعزاء ..
أرجو من الجميع إن رأوا مني ما يؤذي العين واللغة فليصوبوني ....
وجزاهم الله خيراً ...


وأخي محمد عادل لك ألف شكر على فتحك لهذا البوست ..لأنه فتح لنا باباً لإبداء الراي والتنفيس عن الأخطاء الفظيعة التي تسيئ للمنبر قبل أن تسيئ لصاحبها كل صباح ...

( أها عاد تاني مافي زول يلومنا يا أخوانا ...
وعايزين منكم الأمان ..)



( بالمناسبة، درابي الفوق ده برضو داخل في تصريحي ليكم بالتصويب ) ....!!