Post: #1 Title: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 10:37 AM Parent: #0
هذه المدرسه العريقة والتى خرجت اجيال اين هى الان؟؟؟
فى مدخل المدرسه الشمالى تم بناء مسجد صغير واطلق عليه اسم الشيخ مصطفى الامين
كان يمين المدخل ملعب كرة السله( خلف نهر على ) وعلى يساره ملعب الكره الطائره ( خلف نهر ابوبكر )
فصول نهر على فتحت على الشارع وقسمت الى محلات صغيره يعنى الفصل يعمل اربعة دكاكين وكذلك نهر ابوبكر
محلات لبيع الشنط والمراكيب والملابس الجاهزه
اما فصول الطابق العلوى ( عمر, عثمان والمامون) فهى عباره عن مكاتب ,, اتصالات وانترنت ومكاتب تجاريه
وكذلك الحال لمكاتب المدرسين ومكتب محمد حمزه عليه رحمة الله
السؤال اين المدرسة الان؟؟؟؟؟
تسجيل الفيديو لاحقا....
Post: #2 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 11:08 AM Parent: #1
ملعب المدرسه تم فتح مدخل فى الجانب الجنوبى ملاصق للغرفة الصغيره والتى كانت تستعمل كمخزن للكتب والادوات
اما الباب فى الجهة الشرقيه فكما هو, ويظهر ان المحلات (الاوقاف ) اصبحت مطاعم وكافيتريا,, وترمى المخلفات داخل
حوش المدرسه وتم نصب مولد كهرباء ضخم مكان عارضة المرمى الشرقيه
اما مبنى البوفيه والمزيره ,, فعبارة عن اطلال
Post: #3 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 11:09 AM Parent: #1
وهذه هى المدرسه
Post: #4 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 01-17-2009, 11:42 AM Parent: #3
حسبى الله و نعم الوكيل اجمع اعصابى و ارحع ليك
Post: #5 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 02:22 PM Parent: #4
لملم اعصابك قبل ما انزل الفيديو التانى
Post: #6 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 01-17-2009, 02:53 PM Parent: #5
تعرق ياحيدر الفديو ده رغم قتامتة تخيلت استاذ عيسى حسين و استاذ محمد نور و المصرى و عم الدود مع سوط العنج و صديقى علية رحمة الله نادر على مسطفى و الكشاقة مع حسب الرسول و صلاح حريقة و مرتضى جنى حسبى الله و نعم الوكيل
Post: #7 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 03:59 PM Parent: #6
ياخى بالغت نادر توفى ,,, متين لا حولة ولا قوة الا بالله
سيف الدوله محمد احمد الامين شاهد الفيديو بعد ان ثبته فى اليوتيوب
تصور تعليقه شنو,,, قال حسع انا كان شهاداتى راحت اجيبها من وين ؟؟؟؟؟
مدرسة الخرطوم شرق ..... اصبحت برج البركه
مدرسة الخرطوم الاهليه .... اهو زى ماشايف
مدرسة الخرطوم الثانويه ,,,, بقت شوارع ظلط
وماتنسى صديق الزين والكانب الناير ادم
احمد محمد الحسن (علوم) ابراهيم محمد الامين الضرير
عبدالباسط , زمراوى ,ومن قبلهم سليم اخوان
Post: #8 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: Elmosley Date: 01-17-2009, 04:54 PM Parent: #1
اخي حيدر طبعا اخوك الموصلي كان طالب في نهر ابوبكر وكان لدي الكثير من الاخوة الاحباب واتذكر منهم يحي اليماني وخضر وهاشم الطويل الكورنجي وقدامنا لقينا تيم الكوره ينعم بيوسف ابو صلعه عضو البورد وفوزي المرضي واخرين ============= لا انسي ابدا من ذكرت من الاساتذة واظنك نسيت استاذ الضرير استاذ العربي الذي كان في كل مرة يدرسنا نصا كان ينادي اسمي للتلحين والاديب عيسي الحلو واصغر الاساتذة حينها اظن اسمه يوسف وكان يدرس الانجليزية لماذا لا نقود حملة لانقاذ الخرطوم الاهلية الوسطي (او الثانوية العامة)؟؟؟ تحياتي
Post: #9 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 05:39 PM Parent: #8
اخى الاستاذ الموصلى
Quote: احمد محمد الحسن (علوم) ابراهيم محمد الامين الضرير
ولا تنسى احمد التيجانى وحسن عبدالعزيز, وضابط الشرطه لاحقا اسامه فريجون, وابوبكر
طبعا اجمل الحصص عند الضرير وعندما ينام على الكرسى
يلا معاك من اجل الحمله
Post: #10 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ابراهيم عدلان Date: 01-17-2009, 06:12 PM Parent: #1
Quote: تعرق ياحيدر الفديو ده رغم قتامتة تخيلت استاذ عيسى حسين و استاذ محمد نور و المصرى و عم الدود مع سوط العنج و صديقى علية رحمة الله نادر على مسطفى و الكشاقة مع حسب الرسول و صلاح حريقة و مرتضى جنى حسبى الله و نعم الوكيل
استاذ عيسي حسين علامة فارقة في تعليم اللغة الانجليزية و نذوق الادب الانجليزي تتلمذت علي يده بمدرسة الاتحاد الثانوية العامة فتعرفت علي تشارلس ديكنز و اميلي برونتي و اختها شارلوت و سير ايتش رايدار هاقارت صاحب كنوز الملك سليمان ( تخيل ان مقرر الادب الانجليزي لتلميذ ثانية عام يحتوي علي هذه التحف)
اما صلاح طه و صلاح حريقة فقد كان شعلة النشاط التي لا تنطفئ وهو من من زرعوا النشاط الكشفي في طلاب مدارس الخرطوم في السبعينيات له التحية اينما كان
سنرابط في هذا البوست يا حيدر
Post: #11 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 09:25 PM Parent: #10
ابراهيم عدلان مرحب بيك مرة تانيه ابوبكر ضيعنا فى بوست الخرطوم زمان وربنا يعوضنا هنا
Post: #12 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-17-2009, 09:30 PM Parent: #1
منظر اخر من الفيديو
Post: #13 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 01-18-2009, 01:06 PM Parent: #12
فصل ثالتة عمر الصورة بتاريخ 4 فبراير 1968
فرقة الخرطوم الاهلية المتوسطةللكشافة الصورة بتاريخ الخميس 2 فبراير 1967
أين هم الآن ياترى؟؟؟
Post: #14 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 01-18-2009, 01:10 PM Parent: #13
شوف قعدة استاذ صلاح اسد وسط الطلاب بابتسامتة المعهودة
Post: #15 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-18-2009, 02:31 PM Parent: #14
بالله يا ماضى صورت الكشافه دى رسلهافى الايميل
Post: #16 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: الطيب شيقوق Date: 01-19-2009, 11:00 AM Parent: #15
فوق ود اللمين
Post: #17 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-19-2009, 08:18 PM Parent: #1
الفيديو الثالث
Post: #18 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: Elmosley Date: 01-19-2009, 11:50 PM Parent: #1
غايتو المصري ده دقاني جنس دق بي صوت العنج جلد نضيف بس تتآخر دقيقه من جرس الطابور والله قال بي قولك ومع ده كلو دق استاذ محمد نور اقل في العدد لكنو احر من ناحية الكوالتي
Post: #19 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 01-20-2009, 03:10 PM Parent: #18
Quote: غايتو المصري ده دقاني جنس دق بي صوت العنج جلد نضيف بس تتآخر دقيقه من جرس الطابور والله قال بي قولك
والعجيبه انو ما ببذل اى مجهود يعنى حركة ايدو سريعه ومن مسافه قريبه
بس لمن يكون ما عندو مزاج ( ودى نادر ) بنادى عم الدود الله يرحمه
Post: #20 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 01-21-2009, 09:51 AM Parent: #19
لكن استاذ منقستو بتاع العربى ايدو احر منهم
Post: #21 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: حيدر امين Date: 02-10-2009, 10:13 PM Parent: #20
ماضى حاول نزل الصور من تانى والعندو صور بالله يمدنا بيها وعنوانى [email protected]
Post: #22 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: mutasim Hameed Date: 02-11-2009, 05:58 AM Parent: #1
يا حيدر .. ما تبطل الرومانسية دي .. الخرطوم شرق وين .. تقولي الأهلية بس ؟؟ .. ما أكلوهن وقرقشو عضامن وهضموهن زمااااانك .. والبركة فينا نحن خريجين الأهلية الخرطوم .. والعزاء لمن لم يسعفهم الحظ بارتيادها .. وسلامتك ..
Post: #23 Title: Re: مدرسة الخرطوم الاهليه الوسطى ( محمد حمزه ) وين؟؟؟ صور Author: ماضي ابو العزائم Date: 03-16-2009, 09:38 AM Parent: #22
اها الصور اعدت انزالها بس يا حيدر لو مشيت السودان امانة ما انزليك جنس صور من فترة المدرسة..
