لمـاذا يـرفض الحـزب الشيوعى تـوقيف الـبشير...؟

...مجرد سؤال ليس إلا ....؟

وهل للحزب الشيوعى بدائل منطقية ومقبولة
لمحاكمة الذين تورطوا فى مجازر التصفية
العرقية فى دارفور....؟

ومن المعروف ان الحزب الشيوعى
إستند على موقفه الرافض لتسليم البشير
بناء على قرار القمة الأفريقية الذى إنعقد
فى شرم الشيخ والذى رفض تسليم أى رئيس من قبل
المحكمة مادام على سدة الحكم...ومقف الحزب مع انه
يؤكد الإلتزام بقرارات القمة الافريقية كمنظومة إقليمية
إلا أنه يتناغض مع قرارات المنظومة الدولية التى طالبت بتسليم
البشير وهذه قد تكون إزدواجية معايير...

Quote: ...مجرد سؤال ليس إلا ....؟

دايرين نعرف فقط

دايرين نعرف ...
المنبر دة فيهو بلاشفة....
عيسي زين

أدناه ورد فى سودانايل




Last Update 13 January, 2009 08:58:32 PM

موقف الحزب الشيوعي السوداني من محكمة الجنايات الدولية

بقلم: تاج السر عثمان

عضو اللجنة المركزية للحزب الشيوعي السوداني

اتصل بي كثير من الصحفيين والمواطنين حول صحة ماورد علي لسان د. محمد مندور المهدي بعد لقائه مع الاستاذ محمد ابراهيم نقد، بأن الاستاذ نقد جدد موقف الحزب الشيوعي السوداني الرافض لتسليم البشير لمحكمة الجنايات الدولية (صحيفتي السوداني والاحداث بتاريخ: 12/1/2009م)، ومعروف أن الحزب الشيوعي السوداني كان قد اصدر بيانا بتاريخ: 20/7/2008م، وضح فيه موقفه من ورود اسم رئيس الجمهورية ضمن المطلوبين أمام محكمة الجنايات الدولية، وللتوثيق والتوضيح فيما يلي نص البيان:

(بيان حول تداعيات قضية دارفور

إن ورود اسم السيد رئيس الجمهورية ضمن المطلوبين للعدالة أمام محكمة الجنايات الدولية، يزيد من تعقيدات الواقع المتأزم والمتوتر أصلاً في بلادنا. وعلى الرغم من أن إجراءات محكمة الجنايات الدولية كانت متوقعة منذ تكليف المحكمة، وان القائمة الحالية للمطلوبين والتي تشتمل على اسم السيد رئيس الجمهورية هي القائمة الثانية بعد تلك التي أعلنها المدعي العام الدولي في فبراير 2007، فان الحكومة لم تتحسب قانونياً أو سياسياً لا لهذه الخطوة، ولا للخطوة السابقة.

والكل يعلم أنه من غير الوارد إخفاء حقيقة أن ما يجري في دارفور هو مأساة حقيقية وكارثة إنسانية . ونحن في الحزب الشيوعي السوداني نكرر ما أعلناه من قبل حول تحمل الحكومة المسؤولية الكاملة لما حدث في دارفور ، حيث أن سياساتها هي التي فاقمت من هذه المأساة . ولقد ظللنا نطالب ، مع الآخرين ، بالتحقيق في الجرائم المرتكبة في دارفور وتقديم مرتكبيها للعدالة ، في أي موقع كانوا ومهما كبر أو صغر شأنهم ، ولكن لم تستجب الحكومة لصوت العقل . إننا نرى أن المدخل الوحيد للخروج من هذه الأزمة هو تنفيذ حزمة متكاملة من الإجراءات والتدابير ، تشمل :

أولاً: مضاعفة الجهود للوصول إلى حل عادل وشامل لقضية دارفور يستجيب لمطالب أهل الإقليم ويفتح الطريق أمام التعامل مع تداعيات هذه القضية ونتائجها المأساوية والتي من ضمنها إعمال العدالة في كل الجرائم التي ارتكبت في حق أهلنا في دارفور، والتصدي الجاد لحل هذه القضية يستوجب مشاركة الجميع : حركات دارفور المسلحة دون استثناء لأي حركة ، التنظيمات والقيادات الدارفورية الأخرى ، ممثلي الإدارة الأهلية والمنظمات المدنية الدارفورية، إضافة إلى جميع التنظيمات السياسية الأخرى على نطاق الوطن . وأن يأتي هذا الحل عبر آلية قومية تتولى تنفيذ كل المراحل من اتصال بحركات دارفور والدول المجاورة المعنية بالقضية والتحضير للقاء القومي حول أزمة دارفور.

ثانياً: الإسراع بإنجاز كل تفاصيل التحول الديمقراطي دون تلكؤ أو تماطل ، وكذلك الإسراع بتنفيذ كل الاتفاقات الموقع عليها وذلك بإشراف آلية قومية تشارك فيها تنظيمات الشعب السوداني كافة من أحزاب ومنظمات وتجمعات ... الخ . إن المصداقية والجدية في التعامل مع تنفيذ هاتين القضيتين هو الذي يوحد الجبهة الداخلية من جهة ، ومن جهة ثانية هو الذي يقنع الرأي العام العالمي بجدية التوجه لحل أزمة دارفور.

ثالثاً: إن الخروج من هذا المأزق لن يتم بتصعيد المواجهة مع الأسرة الدولية وتنظيم مسيرات الشجب والإدانة وإطلاق التهديدات بحق المحكمة الدولية والمدعي العام الدولي ، بل يجب أن يستند إلى المعالجات القانونية والتعاون القانوني مع المحكمة الدولية ، وتوظيف كل العلاقات مع الخارج للتفاهم مع المجتمع الدولي بهدف التوصل لحلول مرضية تعزز السلام والأمن والاستقرار في السودان .

سكرتارية اللجنة المركزية للحزب الشيوعي السوداني.

الخرطوم: 20/يوليو/ 2008 م)

ولازال موقف الحزب الشيوعي كما ورد في البيان اعلاه ولم يحدث فيه تغيير ، وهذا ما لزم توضيحه.

Quote: والتعاون القانوني مع المحكمة الدولية

لغة ضبابية أشبه بلغة القرار 1593 التى تسببت فى الورطة القانونية.

على الأقل القرار 1593 أضاف أنه لا يلزم الدول الأطراف وأن "نظام روما" هو الذى يلزم الأطراف!



.... تعاون ... بلاش كلام فارغ.

إصدار أمر توقيف ضد البشير حيكون آخر أسفين فى جثة أى عدل أو حياد فى الشرعية الدولية ...

بعد كدة المعايير كلها، فى السودان وخارجه، حتكون معايير سياسية بحتة تنعدم فيها أى موثوقية أو مبدئية أو قيمية ... والحشاش يملا شبكتو ...

فى نفس الوكت كل الممارسات الغير إنسانية فى أى مكان فى السودان - مش دارفور براها - ما ممكن تمر بدون محاسبة للجهة المسؤولة عن الممارسة، أيّاً كانت الجهة ... رئيس ولاّ غفير ولاّ حركة ورا والزغاواة ...

لابد أولاً رفض المحكمة الدولية كجسم غريب وغير محايد فى أزمة دارفور، وبعد داك المواصلة فى اتجاه بناء مؤسسات السلام والديموقراطية السائر حالياً منذ نيفاشا ...

بعدين المؤسسات الديموقراطية هى الحاتبقى مسؤولة عن وضع آليات المحاسبة ...

ما كل ما يجينا متضرر من السلام وخسران فى الديموقراطية داير يضحّى بالوضع الحالى نحن نباريهو ...


.. وما كل ما يلمع ذهباً ..


.. المهم ...

الاخ/تبارك
تشكر على المرور و وإنعاش الحوار

الاخ/ود الزين
تشكر على المرور...وتانى تشكر على إيراد
هذه المعلومة...

المطموس/عيسى إبراهيم
تشكر يا مان على المشاركة

Quote: دايرين نعرف ... المنبر دة فيهو بلاشفة....

ما تورطنا سااااااكت مع الزملة يازول
نحن بس سألنا عن موضوع توقيف البشير :D

العزيز/عبد المجيد
ياخ تشكر على المشاركة..ونحن ظااااتنا
دايرين نعرف بس...دم بخير

شكراً عزيزي ود الزين لنقلك تصريح الاستاذ تاج السر عثمان عضو اللجنة المركزية للحزب الشيوعي ! كنت بصدد القيام بذلك حتي ينجلي الموقف للكثيرين ! أعتقد أن محاكمة كل من أجرم في حق شعبنا هو حق أصيل لهذا الشعب وهو أكبر بكثير من التصريحات المشبوهة التي يحاول المتنفذين في السلطة تمريرها لكسب مزيد من الوقت ولخلق معارك جانبية وأظنهم ينجحون في ذلك في أغلب الأحايين ! أتمني أن يعيد الكثيرين النظر في ما كتبوه دون التحقق من الأمر . والأمر يومئذ لشعبنا الذي يقهر ولا يموت ! إحترامي لكم جميعاً .
ويبقي بيناتنا الثبات

وتحياتي لك صديقي بحر

العزيز جدا/خضر حسين
تشكر على المرور والتعليق على الموضوع

Quote: أعتقد أن محاكمة كل من أجرم في حق شعبنا هو حق أصيل لهذا الشعب وهو أكبر بكثير من التصريحات المشبوهة التي يحاول المتنفذين في السلطة تمريرها لكسب مزيد من الوقت ولخلق معارك جانبية وأظنهم ينجحون في ذلك في أغلب الأحايين

راى متماسك وقوى وأخلاقى للغاية

لأنه حزب عريق مهما كان الاختلاف معه .. وملتصق بمبادئه التي أسس عليها..

لأنه يعرف أن حصول هذا التوقيف يعني دخول البلاد في حالة استعمار جديد يتسم بأعلى مقاييس سلب السيادة ..

ولأنه يعرف أن إقرار هذه المذكرة ومحاولة تطبيقها تعني أن يد أمريكا والغرب ستكون مطلوقة في توقيف أي رئيس لا يستجيب لتوجيهاتهم ولا يلبي رغابتهم تحت مظلة المحكمة الجنائية ..

ولأنه يعرف تماماً أن أي حكومة لن تستطيع أن تمارس السيادة على تراب بلدها دون إرضاء الغرب ..

ثم لأنه مكون من مجموعة أحرار أقحاح لم يتعودوا العيش تحت العبودية ولن تطيقها نفوسهم .. وما ذاك إلا لأنهم جزء أصيل من الشعب السوداني الأبي ..

جاد

عندمايكون هناك قانون في العالم و يذهب المجرمين الاسرائلين الي المحاكم الدوليه بعده سوف نفكر في ما تطالبون به وسلم لي علي محكمة الجنايات
قالوا ايه احترام حقوق انسان اللهم دمر كل من يحاول دمار السودان امين يارب

Quote: ثم لأنه مكون من مجموعة أحرار أقحاح لم يتعودوا العيش تحت العبودية ولن تطيقها نفوسهم .. وما ذاك إلا لأنهم جزء أصيل الشعب السوداني الأبي

كتر خيرك يا جاد
طيب ما تكتب طلبك
انا بثنيك

أها يا البحر ...

خضر هنا بيوريك (لماذا يدعم الحزب أوكامبو):

Quote: شكراً عزيزي ود الزين لنقلك تصريح الاستاذ تاج السر عثمان عضو اللجنة المركزية للحزب الشيوعي ! كنت بصدد القيام بذلك حتي ينجلي الموقف للكثيرين ! أعتقد أن محاكمة كل من أجرم في حق شعبنا هو حق أصيل لهذا الشعب وهو أكبر بكثير من التصريحات المشبوهة التي يحاول المتنفذين في السلطة تمريرها لكسب مزيد من الوقت ولخلق معارك جانبية وأظنهم ينجحون في ذلك في أغلب الأحايين ! أتمني أن يعيد الكثيرين النظر في ما كتبوه دون التحقق من الأمر . والأمر يومئذ لشعبنا الذي يقهر ولا يموت ! إحترامي لكم جميعاً . ويبقي بيناتنا الثبات

بينما؛

جاد هنا بيوريك (لماذا لا يدعم الحزب أوكامبو):

Quote: لأنه حزب عريق مهما كان الاختلاف معه .. وملتصق بمبادئه التي أسس عليها.. لأنه يعرف أن حصول هذا التوقيف يعني دخول البلاد في حالة استعمار جديد يتسم بأعلى مقاييس سلب السيادة .. ولأنه يعرف أن إقرار هذه المذكرة ومحاولة تطبيقها تعني أن يد أمريكا والغرب ستكون مطلوقة في توقيف أي رئيس لا يستجيب لتوجيهاتهم ولا يلبي رغابتهم تحت مظلة المحكمة الجنائية .. ولأنه يعرف تماماً أن أي حكومة لن تستطيع أن تمارس السيادة على تراب بلدها دون إرضاء الغرب .. ثم لأنه مكون من مجموعة أحرار أقحاح لم يتعودوا العيش تحت العبودية ولن تطيقها نفوسهم .. وما ذاك إلا لأنهم جزء أصيل من الشعب السوداني الأبي .. جاد

اللغة ضبابية ومطاطية وتافهة ....

وموقف الحزب مشابه لموقف مجلس الأمن، ويدعو للتعاون!!!!!

فإن رجّحت كفة البشير قالوا : (تعاون وليس إلزام) .. وضحّوا بالعدالة والمحاسبة التى هى حق أصيل للشعب السودانى ..

وإن رجّحت كفة أوكامبو قالوا : (انحنا قبيل شن قلنا) .. وضحّوا بالسلام والديموقراطية لينصّبوا أنفسهم أنبياء الزمن القادم ... (كأنو بعد داك حيكون فى زمن قادم!)

يعنى ماسكين العصاية من النص






.. المهم ...

سلام يا تبارك ...

البشير ذاهب الى لاهاى لا محال ...

اذا الحزب الشيوعى قبل او رفض ...
او رقص الكثيرون من امثالك هناك ..ايضا لا ينفع ..

Quote: سلام يا تبارك ... البشير ذاهب الى لاهاى لا محال ... اذا الحزب الشيوعى قبل او رفض ... او رقص الكثيرون من امثالك هناك ..ايضا لا ينفع ..

مقتضيات حماية البشير دى مسألة بتخصّو ....

أنا بتهمنى حماية السيادة السودانية ... وحماية عملية السلام الممكنة بمنظور واقعى فى دارفور .. وحماية مكتسبات الشعب السودانى وخصوصاً إتفاق الحركة مع السيد الرئيس البشير ... وماأتت به من سلام وديموقراطية ...

البشير على مستواه الشخصى (كجعلى من ودبانّقا) أبداً ما بهمّنى مصيرو شنو!

وبالمرّة عرفنا إنك مع الـ .. حزب الشيوعى (جناح خضر)؛ ما مع الـ.... حزب الشيوعى (جناح جاد)!








.. المهم ....

Wadalzain wrote:

Quote: موقف الحزب الشيوعي السوداني من محكمة الجنايات الدولية بقلم: تاج السر عثمان عضو اللجنة المركزية للحزب الشيوعي السوداني اتصل بي كثير من الصحفيين والمواطنين حول صحة ماورد علي لسان د. محمد مندور المهدي بعد لقائه مع الاستاذ محمد ابراهيم نقد، بأن الاستاذ نقد جدد موقف الحزب الشيوعي السوداني الرافض لتسليم البشير لمحكمة الجنايات الدولية (صحيفتي السوداني والاحداث بتاريخ: 12/1/2009م)، ومعروف أن الحزب الشيوعي السوداني كان قد اصدر بيانا بتاريخ: 20/7/2008م، وضح فيه موقفه من ورود اسم رئيس الجمهورية ضمن المطلوبين أمام محكمة الجنايات الدولية، ............ ................. ............. ولازال موقف الحزب الشيوعي كما ورد في البيان اعلاه ولم يحدث فيه تغيير ، وهذا ما لزم توضيحه.

So far, Nugod did not refute the claims of Suna, which mean that he is in agreement on it...
I totally agree that the position of the Communist party membershi is with the ICC

This is clearly reflects the crisis within the SCP Leadership...

on the same issue, the Group Against Torture in Sudan, strongly condemned the SCP statement in a PR:

Quote: www.GhostHouses.blogspot.com Wednesday, Janary 14, 2009 حول تصريحات سكرتير الحزب الشيوعي برفض محاكمة البشير تصريح صحفي من المجموعة المناهضة للتعذيب في السودان-1/13/2009 برنسيس ان ( ميريلاند )- الولايات المتحدة الامريكية تتابع المجموعة السودانية لضحايا التعذيب بترقب وقلق شديدين تصاعد بعض الاصوات المناهضة لتيار حقوق الانسان المرحب بتقديم الرئيس البشير للمحكمة الدولية في تهم تتعلق بجرائم نظامه في دارفور وبقية انحاء السودان. في هذا الاتجاه تدين المجموعة بشدة التصريحات المنسوبة للسكرتير العام للحزب الشيوعي السوداني فيما يتعلق بقرار المحكمة الدولية في حق الرئيس البشير. تري المجموعة أن تصريحاً مثل هذا يمثل تخلي عن واحد من اهم المطالب لضحايا التعذيب بالسودان، والذي ظلت المجموعة تعمل بصبر دؤوب على انجازه طوال العشرين عام الماضية. " لم استطع فهم منطق السيد نقد في تصريحه هذا ! ، و لنا ان نقول: اذا كان القضاء السوداني عاجزا حاليا عن محاكمة البشير فلم يرفض السيد نقد ان تتم المحاكمة من قِبل القضاء الدولي القادر علي ذلك ؟". (صرح بذلك دكتور / محمد القاضي عضو المجموعة و احد ضحايا بيوت اشباح الرئيس البشير ). وفي ذات السياق تؤكد المجموعة ان تصريحات الدكتور / حسن الترابي ومناشدته للرئيس البشير بتسليم نفسه للمحكمة لن تعفيه هو شخصياً من مسئوليته التاريخية في تلك الجرائم التي دبرها و ساهم بالاشراف عليها . عليه تجدد المجموعة موقفها الداعم للمطالبة بمحاكمة الرئيس / البشير وكل من تلطخت يده بدماء شرفاء الشعب السوداني . الجدير بالذكر ان الجرائم التي تتعلق بقضايا الحط من كرامة الانسان وتقييد الحريات، لا تسقط بتقادم الزمن اوبتقديم تنازلات من قبل اجهزة القمع التي إرتكبت تلك الفظائع بحق الانسان، كما و انها لا تُعالج بإبداء مظاهر الاستعلاء أو باستنفار الحس القومي للشعوب، و لا بدعوات الغفران والتسامح التي لا تحترم العقول. لن ينس ضحايا التعذيب الجرائم التي ارتكبت بحقهم و لن يتنازلوا عن مبدأ محاسبة من شارك في تعذيبهم وهذا حق تكفله كل مواثيق حقوق الانسان . وها هي شهادات الضحايا تاتي فاقعة البيان والوضوح/ " انا الطبيب السوداني علي فضل احمد الان اموت بسبب درب اخترته بوضوح وقناعة , وانني واثق بان آخرين سيواصلون السير علي هذ ا الدرب ". و هكذا ستتوالي الشهادات والافادات التي سطرها و يسطرها ابناء الشعب من ضحايا التعذيب و من كافة قطاعاته، وستطول قائمة المجرمين، و في الوقت نفسه ستظل المجموعة المناهضة للتعذيب في السودان ترصد كل حالات التعذيب والانتهاكات التي يتعرض لها ابناء الشعب السوداني. و ستواصل حملاتها لاجل تحقيق العدالة و انجاز مبدأ المحاسبة. من اجل وطــــــــــــــــــــــــــــــــــن سالم وآمـــــــــــــــــــــــــــن من اجل ترسيخ مبادئ حقوق الانســــــــــــــــــــــــــــــــــــــــان ناجي ميرغني محمد صالح سكرتير المجموعة المناهضة للتعذيب في السودان

تحية يا أستاذ بحر،

Quote: لمـاذا يـرفض الحـزب الشيوعى تـوقيف الـبشير...؟

ربما لأنه حزب!
الأحزاب واقعية... أو هكذا يفترض فيها!
منسوبي الأحزاب قد لا يكونوا ملزمين دوماً بالواقع، و لكن الأحزاب تلزمه و إلا فعليها السلام.
ربما إذن، لأنه حزب واقعي!
و نظرة واقعية ستخبر بأن صدور أمر القبض ثم الملاواة و المقاوحة لتنفيذه أو تبعات مقاومة التنفيذ
قد تؤدي بالبلاد كلها إلى حافة هاوية لا قرار لها، أو إلى قعرها ـ و هو الأرجح ـ و عليه و حتى يستبين
الحزب تضاريس الواقع الجايط تماماً، فالقول بالتعاون و التعامل القانوني مع المحكمة هو
أخف الضررين و كذلك يتيح طرفي العصا السياسية لمن اراد طرفاً ينتله أو ينجذب إليه.

مع تقديري

Quote: إصدار أمر توقيف ضد البشير حيكون آخر أسفين فى جثة أى عدل أو حياد فى الشرعية الدولية ... بعد كدة المعايير كلها، فى السودان وخارجه، حتكون معايير سياسية بحتة تنعدم فيها أى موثوقية أو مبدئية أو قيمية ... والحشاش يملا شبكتو ... فى نفس الوكت كل الممارسات الغير إنسانية فى أى مكان فى السودان - مش دارفور براها - ما ممكن تمر بدون محاسبة للجهة المسؤولة عن الممارسة، أيّاً كانت الجهة ... رئيس ولاّ غفير ولاّ حركة ورا والزغاواة ... لابد أولاً رفض المحكمة الدولية كجسم غريب وغير محايد فى أزمة دارفور، وبعد داك المواصلة فى اتجاه بناء مؤسسات السلام والديموقراطية السائر حالياً منذ نيفاشا ...

اللغة الضبابية و هي تتمختر في أزهى حللها.

يا هاشم يا اخوى ...

Quote: فالقول بالتعاون و التعامل القانوني مع المحكمة هو أخف الضررين

هو دا أضر الضررين، لأنك ما بتتفاوض مع مؤسسة سياسية ممكن تصل معاها لى ترضيات .. انحنا هنا بنتعامل مع محكمة جنائية ديدنا "نظام روما" يعنى كل الحاجات واضحة ومافى مناطق وسطى ... والموقف "القانونى" مفروض يكون واحد وواضح وثابت ...

حشر أمريكا للمحكمة - وهى ليست دولة عضوة - عن طريق قرار مجلس الأمن 1593 كان سياسى، وضبابى، ومطاط ... ممكن الزول ينادى بالتعاون مع مجلس الأمن وهلم جرا ...

الموقف من سلطة المحكمة حسب نظام روما كالآتى:

Quote: Article 11 Jurisdiction ratione temporis 1. The Court has jurisdiction only with respect to crimes committed after the entry into force of this Statute. 2. If a State becomes a Party to this Statute after its entry into force, the Court may exercise its jurisdiction only with respect to crimes committed after the entry into force of this Statute for that State, unless that State has made a declaration under article 12, paragraph 3. Article 12 Preconditions to the exercise of jurisdiction 1. A State which becomes a Party to this Statute thereby accepts the jurisdiction of the Court with respect to the crimes referred to in article 5. 2. In the case of article 13, paragraph (a) or (c), the Court may exercise its jurisdiction if one or more of the following States are Parties to this Statute or have accepted the jurisdiction of the Court in accordance with paragraph 3: (a) The State on the territory of which the conduct in question occurred or, if the crime was committed on board a vessel or aircraft, the State of registration of that vessel or aircraft; (b) The State of which the person accused of the crime is a national. Rome Statute of the International Criminal Court 16 3. If the acceptance of a State which is not a Party to this Statute is required under paragraph 2, that State may, by declaration lodged with the Registrar, accept the exercise of jurisdiction by the Court with respect to the crime in question. The accepting State shall cooperate with the Court without any delay or exception in accordance with Part 9.

والكلام دا لى أىّ زول فاهم إنو مجلس الأمن عندو الحق يدّى سلطات للمحكمة ... أو إنو نوع التهم الموجهة بتدّى المحكمة الدولية سلطات عالمية حسب نظام روما ...


نظام روما ياهو دا، القال فيهو القرار 1593 إنو بيتحكّم فى إلزام أىّ دولة طرف فى القرار بسلطات المحكمة والإلتزام بى قراراتا ...




ما تخمّونا يا شباب .. القصة قانون ما السياسة ...

السياسة بتدخل لمن "أوكامبو" يتجاوز "نظام روما" إرضاءاً لى أمريكا ... كان ممكن يقول لى مجلس الأمن المادة 11 والمادة 12 بمنعونى اتصرف فى القضية الأحلتوها لى دى لأنو السودان خارج اختصاص المحكمة ... ما عيب ... لكن فضّل يضرب بى مصداقية وحياد وأهلية المجتمع الدولى لحل إشكالات العالم التالت بالقانون والعدالة عرض الحائط ... بلعب بالنار زى ما قال الراجل الخنفس بتاع الأمم المتحدة بتاعنا داك (إسمو عبدالمحمود؟)




المهم ....

Quote: اللغة الضبابية و هي تتمختر في أزهى حللها.

سيف النصر عليك الله ورينى الضبابى شنو عشان اوضّحو ليك (على الأقل ما حا انقسم ليك على اتنين؛ مؤيد ومعارض!)

حقيقى انا شاعر بإنو الفقرات المكتوبة كلها مكثفة واحتمال تحتاج لى فرد مطوّل عشان تتفهم وما تبدو ضبابية ... وانا تحت الخدمة فى أىّ وكت .. والموقف واحد ومتوحد ما ضبابى ولا متستّر ورا لغة ضبابية عشان اطمنك .. وكل ما تقرا فى السياق من أول البوست الكلام بيوضح ليك اكتر ...

الموضوع مهم وخطير وكل الجهود الأمينة والحادبة على المصلحة العامة مطلوبة وربنا يستر على البلد دى ...








المهم ...

Quote: فالقول بالتعاون و التعامل القانوني مع المحكمة هو أخف الضررين

Quote: هو دا أضر الضررين،

يا ود الشيخ أنا بتكلم عن الضرر يلحق بحزب الكادحين (أو بالمناسبة دي، أي حزب آخر) وهو يكدح على أرض الواقع السياسي و تحت سمائه الملبدة بغيوم المحاذير.
أما أوكامبو و المحكمة و أمر القبض و ما إليه، فقد قلنا فيه رأينا أول صدوره و لن يفيد التكراره بعدها،
و بعدما الفأس وقعت في الرأس... راس البلد!
ما فضل لينا غير الإنتظار المندهش على حين فجعة بفرحة الفرحين و لا مبالاة التانيين.

من الموقع الرسمي للمحكمة الجنائية الدولية:

Preconditions to the exercise of jurisdiction
The Court may exercise its jurisdiction with respect to the crime of genocide, crimes against humanity and war crimes either when the situation is referred to the Prosecutor by a State Party or by the Security Council, or when the Prosecutor decides to initiate an investigation his or her own decision and on the basis of information received. However, in this last case, the Prosecutor must seek the authorization of the Pre-Trial Chamber before proceeding with the investigation.

When the situation is referred to the Prosecutor by the Security Council, the Court may exercise its jurisdiction in all cases and no preconditions are applicable.

However, in the two other cases, when the Prosecutor decides to initiate an investigation on his or her own decision with the authorization of the Pre-Trial Chamber, or when the situation is referred to the Prosecutor by a State Party, strict preconditions shall be met before the Court can exercise its jurisdiction.

Indeed, in those two cases, the Court may exercise its jurisdiction only if either the State on the territory of which the suspected crime occurred (State of territoriality), or the State of which the person suspected of having committed the crime is a national (State of nationality of the suspected person), is a State Party to the Statute.

If neither of these two States is a State Party to the Statute, the Court will not be in a position to investigate the suspected crimes, except if either the State of territoriality or the State of nationality of the suspected person accepts the exercise of jurisdiction of the Court by declaration lodged with the Registrar. Such a declaration may be made for all suspected crimes committed after 1 July 2002 (taking into consideration that crimes within the jurisdiction of the Court are not subject to any statute of limitations).

Thus, if nationals of States Parties to the Statute are victims of suspected crimes within the jurisdiction of the Court in the territory of a State which is not a Party to the Statute committed by persons who are not nationals of a State Party, the Court wouldn't be in a position to investigate except if either the State of territoriality or the State of nationality of the suspected person accepts the jurisdiction of the Court, or if the situation is referred to the Court by the Security Council.


كيف مجلس الأمن ما بيدي المحكمة السلطة للنظر في قضايا متهمين من دول غير موقعة على اتفاق روما؟؟

بيان سكرتارية اللجنة المركزية للحزب الشيوعي فهمناهو اذن لماذا لم يتقيد سكرتير هذه اللجنة الكرزية ما اصدرته لجنته؟
الاستاذ نقد بزخمه الوطني العريق وقع في كثير من هكذا تصريحات لم تنحاز ابدا للحق والعدالة وما ذهبت اليه جمعية مناهضة التعذيب ترد على ذلك..
عمر البشير سيذهب الي لاهاي والمتشدقين بالدفاع عنه بالدم يعلموا ان ليس للمحكة جيش او قوات انتشار سريع تقاتلونها في الشوارع حماية للرئيس ولكن سيأتي صبح وطل عليكم اوكامبو من شاشات الفضائيات معلنا (لقد تم القبض على الرئيس البشير) ثم ترونه مكبلا زليلا خاسئا يمثل امام المحكمة تتولى ليه حقوقه والتهم الموجه له .. وانت ايها الحالمون بالموت غارقون في سابع نومة

الغريبة اصحاب المشروع الحضاري والحاكمين باسم الله في الارض لا يتذكروا ابدا ما قاله الخليفة الراشد ابن الخطاب حين قال انه مشؤلا عن (بغله ان تعثرت في الشام) وهو بالمدينة .. الاولى من الغلة ضحايا الاغتصاب والتهجير والقتل من الانفس التي حرم الله قتلها

ولا يقرأون هؤلاء الكذبة ام مواطنا يرد على ولي امره في صدر الاسلام بانه سيقومه بالسيف ان حاد عن الكاب والسنة
هذا الرئيس الراقص والمشرف على قتل الابرياء عليه ان يتحمل جزاءه في الدنيا وله في الاخرة عذاب اليم

ما يحدث للفلسطنين جريمة ضد الانسانية وسكوت العالم العربي ومباركت بعض الحكام لهذا الموت لا يعطي مبررا لتبرئة مجرم قتل شعبه في دارفور.. اسرائيل تنظر الي الفلسطينين اعداء يهددون وجودها وبهذا يبررون جرائمهم فبماذا يبرر قتلة الاطفال في دارفور ومغتصبي النساء من بني جلدتهم ودينهم؟

على الحزب الشيوعي ألا يحاول ان يقنعنا ببيان لجنته المركزية اذا لم يلتزم سكرتيرها بروح البيان الواضح في تحديد موقفه

Quote: ما يحدث للفلسطنين جريمة ضد الانسانية وسكوت العالم العربي ومباركت بعض الحكام لهذا الموت لا يعطي مبررا لتبرئة مجرم قتل شعبه في دارفور.. اسرائيل تنظر الي الفلسطينين اعداء يهددون وجودها وبهذا يبررون جرائمهم فبماذا يبرر قتلة الاطفال في دارفور ومغتصبي النساء من بني جلدتهم ودينهم؟

العاقلين بقولوا ما يحدث فى فلسطين جريمة، وسكوت مجلس الأمن والمحكمة الدولية عنه يبعدهما من العدالة .. ومحاولة تطبيق عدالة على البشير يبعدهما عن العدالة أكثر .. وإنما أهلك الأمم من قبلكم أنهم إذا سرق الغنى فيهم تركوه، وإذا سرق الفقير فيهم أقاموا عليه الحد ...

إقامة الحد أهلكت الأمم ... حين ضاعت العدالة!

نظرة الإسرائيليين لا تبرر أى شئ ....

وقد نقضنا تهمة أوكامبو من قبل بأن سألنا : فبماذا يبرر قتلة الاطفال في دارفور ومغتصبي النساء من بني جلدتهم ودينهم؟

إذ أن المحكمة ونظام روما يضع مسؤولية الإجابة على عاتق المدعى العام "أوكامبو".

والنظام يشرح أن الدافع من أركان الجريمة وعلى المدّعى إثبات وجود دافع!


إنت الظاهر بتحضر هلال مريخ كتير عشان كدة الأمور جاطت ليك وجريت ورا الإعلام الهتافى ... جر نفس عمييييق وقول بسم الله وفكّر ...



.. المهم ...

سلام

قرأت بيان الحزب مرات ومرات و لم اجد اين قرر الحزب ان يتم الرضوخ و لم اجد اين يتناقض مع ما ادلى به السيد محمد ابراهيم نقد.
ادناه نص البيان:

Quote: (بيان حول تداعيات قضية دارفور إن ورود اسم السيد رئيس الجمهورية ضمن المطلوبين للعدالة أمام محكمة الجنايات الدولية، يزيد من تعقيدات الواقع المتأزم والمتوتر أصلاً في بلادنا. وعلى الرغم من أن إجراءات محكمة الجنايات الدولية كانت متوقعة منذ تكليف المحكمة، وان القائمة الحالية للمطلوبين والتي تشتمل على اسم السيد رئيس الجمهورية هي القائمة الثانية بعد تلك التي أعلنها المدعي العام الدولي في فبراير 2007، فان الحكومة لم تتحسب قانونياً أو سياسياً لا لهذه الخطوة، ولا للخطوة السابقة. والكل يعلم أنه من غير الوارد إخفاء حقيقة أن ما يجري في دارفور هو مأساة حقيقية وكارثة إنسانية . ونحن في الحزب الشيوعي السوداني نكرر ما أعلناه من قبل حول تحمل الحكومة المسؤولية الكاملة لما حدث في دارفور ، حيث أن سياساتها هي التي فاقمت من هذه المأساة . ولقد ظللنا نطالب ، مع الآخرين ، بالتحقيق في الجرائم المرتكبة في دارفور وتقديم مرتكبيها للعدالة ، في أي موقع كانوا ومهما كبر أو صغر شأنهم ، ولكن لم تستجب الحكومة لصوت العقل . إننا نرى أن المدخل الوحيد للخروج من هذه الأزمة هو تنفيذ حزمة متكاملة من الإجراءات والتدابير ، تشمل : أولاً: مضاعفة الجهود للوصول إلى حل عادل وشامل لقضية دارفور يستجيب لمطالب أهل الإقليم ويفتح الطريق أمام التعامل مع تداعيات هذه القضية ونتائجها المأساوية والتي من ضمنها إعمال العدالة في كل الجرائم التي ارتكبت في حق أهلنا في دارفور، والتصدي الجاد لحل هذه القضية يستوجب مشاركة الجميع : حركات دارفور المسلحة دون استثناء لأي حركة ، التنظيمات والقيادات الدارفورية الأخرى ، ممثلي الإدارة الأهلية والمنظمات المدنية الدارفورية، إضافة إلى جميع التنظيمات السياسية الأخرى على نطاق الوطن . وأن يأتي هذا الحل عبر آلية قومية تتولى تنفيذ كل المراحل من اتصال بحركات دارفور والدول المجاورة المعنية بالقضية والتحضير للقاء القومي حول أزمة دارفور. ثانياً: الإسراع بإنجاز كل تفاصيل التحول الديمقراطي دون تلكؤ أو تماطل ، وكذلك الإسراع بتنفيذ كل الاتفاقات الموقع عليها وذلك بإشراف آلية قومية تشارك فيها تنظيمات الشعب السوداني كافة من أحزاب ومنظمات وتجمعات ... الخ . إن المصداقية والجدية في التعامل مع تنفيذ هاتين القضيتين هو الذي يوحد الجبهة الداخلية من جهة ، ومن جهة ثانية هو الذي يقنع الرأي العام العالمي بجدية التوجه لحل أزمة دارفور. ثالثاً: إن الخروج من هذا المأزق لن يتم بتصعيد المواجهة مع الأسرة الدولية وتنظيم مسيرات الشجب والإدانة وإطلاق التهديدات بحق المحكمة الدولية والمدعي العام الدولي ، بل يجب أن يستند إلى المعالجات القانونية والتعاون القانوني مع المحكمة الدولية ، وتوظيف كل العلاقات مع الخارج للتفاهم مع المجتمع الدولي بهدف التوصل لحلول مرضية تعزز السلام والأمن والاستقرار في السودان . سكرتارية اللجنة المركزية للحزب الشيوعي السوداني. الخرطوم: 20/يوليو/ 2008 )

وهذه هي الفقرة التي تخاطب موضوع المحكمة الجنائية:

Quote: ثالثاً: إن الخروج من هذا المأزق لن يتم بتصعيد المواجهة مع الأسرة الدولية وتنظيم مسيرات الشجب والإدانة وإطلاق التهديدات بحق المحكمة الدولية والمدعي العام الدولي ، بل يجب أن يستند إلى المعالجات القانونية والتعاون القانوني مع المحكمة الدولية ، وتوظيف كل العلاقات مع الخارج للتفاهم مع المجتمع الدولي بهدف التوصل لحلول مرضية تعزز السلام والأمن والاستقرار في السودان . سكرتارية اللجنة المركزية للحزب الشيوعي السوداني. الخرطوم: 20/يوليو/ 2008 م

الكلمات الواردة و التي تفيد الفعل هي: التعاون القانوني، المعالجات القانونية و التفاهم.
تعاون و تفاهم توزن على تفاعل و معالجة توزن على مفاعلة، التفاعل و المفاعلة، تعني الاخذ و العطاء و التفاوض مع المحكمة الدولية بما ينعكس ايجابا على حل المشكلة في دارفور و يحقق مصلحة السودان. من يفاعل و يتفاعل ليس سواء مع من يرضخ و يستسلم اذا فهمنا الامر من ناحية اللغة، لغة فيما اري الحزب رفض الرضوخ و الاملاء و نصح بان يتم التفاعل مع المحكمة، قانونيا.
قرارات مجالس رؤساء الدول هي ملزمة بالقانون، و الافارقة قرروا في الامر و علي المحكمة الدولية احترام قرارات الروساء الافارقة، الا اذا كانوا اقل من رؤساء العالم الابيض و الاصفر. على المحكمة ان تحتكم للعقل في ما يفيد الامن و السلام في السودان و المنطقة بمجملها.
ما قاله نقد يقع في مجال المعالجة القانونية و لا يتناقض مع بيان الحزب الا لمن فرض عليه هواه ان يرى غير ذلك.

Quote: كيف مجلس الأمن ما بيدي المحكمة السلطة للنظر في قضايا متهمين من دول غير موقعة على اتفاق روما؟؟

بى نص الإقتباس الإنت أوردتو!

نشرحا ليك مرّة وااااااحدة وكأنك فى رابعة ابتدائى عشان ما تكون فى ضبابية ...

المحكمة ما بتنظر فى أى قضية من طرف ... يعنى انت ماممكن تجيب ليك محامى وترفع فينى قضية من طرف ...

البرفعوا قضية فى المحكمة تلاتة:

1- الدول الأغضاء

2- المدعى

3- مجلس الأمن

أى قضية تترفع من أىّ واحد من التلاتة ديل لازم تكون فى دائرة اختصاص المحكمة ...

دائرة اختصاص المحكمة بتقع على أقليم الدول الأعضاء ... ومواطنى الدول الأعضاء (حتى لو كانوا خارج أقليم دولتم) ... وأنواع الجرائم التلاتة البتختص المحكمة بمحاكمتم ....

يعنى التلاتةالبقدروا يفتحوا قضية فى المحكمة محدودين بإختصاص المحكمة ...

ومجلس الأمن أدىّ المرجعية لى نظام روما ... يعنى البيحاول يتجاوز اختصاص المحكمة هو "أوكامبو" ...

"تشاد" دولة عضوة وموقعة على نظام روما! احتمال يكون البشير متهم بى إبادة فى تشاد وليس دارفور ...

ثغرة قانونية زى دى هى البتدخّلنا فى مسألة السيادة ... لآنو شكاوى التشاديين ما بتبقّى السودان تحت دائرة اختصاص المحكمة ...

ناهيك عن إنو نحن همّنا حل أزمة دارفور وليس أزمة تشاد! والإحالة من مجلس الأمن على أساس قضية دارفور وليس تشاد ... وأىّ تشادى يتواجد فى السودان بدون علم وموافقة الدولة أصلاً ليه؟

.. وانشالله تكون فهمت ...




والمهم ..

ويا سيف النصر دى فقرة من اقتباسك بتوضح وضع السودان:

Quote: If neither of these two States is a State Party to the Statute, the Court will not be in a position to investigate the suspected crimes, except if either the State of territoriality or the State of nationality of the suspected person accepts the exercise of jurisdiction of the Court by declaration lodged with the Registrar.

.. المهم ....

خالد بحر
تحياتي

ويا هشام الحسن ما تبقى ملكي اكثر من الملك
GATS: حول تصريحات سكرتير الحزب الشيوعي برفض محاكمة البشير

هاشم ما طنشتك ...

لاكين حزب شنو البتخاف عليهو من الضرر











.. المهم ...

الأخ تبارك
بعيدا عن الرأي حول المحكمة لكن الاقتباس الأورده د. سيف واضح جدا... الشروط التي تمكن المحكمة من ممارسة سلطاتها تتضمن أن تكون الدولة موقعة على ميثاق المحكمة و هذا في حالتين أن تكون القضية قد تم ابتدارها بواسطة أحد أفراد الادعاء بالمحكمة أو رفعت للمحكمة بواسطة دولة متضررة. هناك حالة ثالثة تعطي المحكمة حق نظر القضية و هي الإحالة بواسطة مجلس الأمن و في هذه الحالة تنتفي كل الشروط:

Quote: When the situation is referred to the Prosecutor by the Security Council, the Court may exercise its jurisdiction in all cases and no preconditions are applicable.

بالنسبة لموضوع النقاش... كما قال الأستاذ هاشم الحسن إن موقف الحزب الشيوعي يأتي لأنه حزب و الحزب يفهم ما يعينيه مثل هذا القرار و لا يتعامل بمفهوم الإحصل إحصل أو علي و على أعدائي. كم كنت أتمنى أن تكون لأحزابنا الوطنية المقدرة على إيجاد البديل بإعلان العصيان المدني و تشكيل حكومة بديلة تتولى محاكمة البشير و غيره و تجنب البلاد المصير المجهول الذي يقودنا إليه نظام الإنقاذ باستهتاره و رعونته.

Quote: كتر خيرك يا جاد طيب ما تكتب طلبك انا بثنيك

الأخ خالدالعبيد ..

كيفك يا رجل يا طيب ..

ما بتقصر والله ..

أقول دائماً ما أظنه صواباً ولا أحب أن أبخث الآخرين مبائدهم ..

الشيوعيون أمناء تجاه المال العام ..

فقد كان لإحالة بعض كوادر الخدمة الوطنية للمعاش لأنهم شيوعيون أو غير مواليين أبلغ الضرر على دولاب العمل في مرافق الدولة ..

وإن كان تبرير ذلك طلباً للصالح العام فأني أقول: لقد كان في ذلك الضرر العام ..


خالص الود..

جاد

بخصوص ما دار في اللقاء مع السيد مندور المهدي (المؤتمر الوطني) أود أن أؤكد على أمرين:

أولا، رددت ما سبق وذكرته في الاجتماع الذي دعا له رئيس الجمهورية بمقر إقامته وبحضور ممثلين لكل الأحزاب والقوى السياسية: أن منظمة الوحدة الافريقية سبق واتخذت قرارا في دورتها الـ(13) ألا يحاكم الرؤساء الأفارقة (ما انطبق على منغستو).

ثانيا، استبعدت أن يحدث أي انفلات أمني نتيجة لإعلان المحكمة الجنائية الدولية إصدار مذكرة توقيف بحق رئيس الجمهورية إلا إذا ابتدر المؤتمر الوطني أحداث الشغب، وأشرت في هذا الخصوص إلى التجربة التي حدثت في مصر عندما احتدم الصراع بين محمد نجيب وجمال عبد الناصر وحركت الأجهزة الأمنية المصرية أحداث الشغب في القاهرة لدعم موقف عبد الناصر. ذلك لأن الشعب السوداني شعب منضبط بدليل تجربة ثورة أكتوبر 1964 وانتفاضة أبريل 1985، وعليه يمكن أن يتقبل الموضوع مثلما تقبلته الأحزاب وأبدت رأيها حوله.

ثالثا، أكدت أننا في الحزب الشيوعي السوداني ضد الفوضى ولن نكون طرفا فيها.

أما ما نشرته بعض الصحف فأؤكد أنها لم تأخذ حديثها مني إذ لم أدل بأي تصريح صحفي سوى لجريدة الميدان التي أوردته في عددها الصادر الثلاثاء 13 يناير.

يا تبارك شيخ الدين
خليني اشرح ليك انا و كأنك في أولى ابتدائي...مجلس الأمن لما يحول قضية للمحكمة
الجنائية الدولية ما بيكون في اعتبار لكون الدولة مكان الجريمة موافقة على الاتفاقية
و لا انو المتهم مواطن في دولة موافقة على اتفاقية المحكمة و التحقيق بياخد مجراه طوالي.
اقراء تاني يمكن ربنا يفتح عليك و تركز و تفهم.

...شكرا للذين شاركوا
فى هذا البوست...وشكر خاص لعضوية
الحزب الذين تداخلوا هنا لتوضيح وجهة نظرهم
ورأى الحزب حول توقيف البشير

سلام خالد

ومعك نسأل نفس السوال...

ومن جانب آخر نصدق أيهم ... البيان أم تصريحات الديناصور نقد؟

وسوال آخر للأخوة في الحزب الشيوعي السوداني... ألم يحين الوقت لتجديد الدماء في حزبكم؟ وخصوصا القيادية التأريخية؟!

العوض ...

Quote: و هي الإحالة بواسطة مجلس الأمن و في هذه الحالة تنتفي كل الشروط:

وكان سألونا النفى شروط اختصاص المحكمة منو؟ نقول ليهم "العوض" ...


- أهلك أو تهلك يا رجل -


وشايف سيف النصر ماخد موضوع "تنتفى كل الشروط" دا جاااااادى ... (الزول دا من اهلك؟)










المهم ...

تبارك الله
ركز..ركز يا زول ..الغلاط ما وسيلة معرفية..استفيد من العوض و من اهل العوض ظاااتهم..
يعني هسه لو سألونا :اوكامبو ده قايم و قاعد فوق كم و هو محكمته ما عندها الولاية
اللازمة لمحاكمة مسؤولين سودانيين نقول شنو...رجالة ساااي و حمرة عين؟؟و للا نرسلو
لتبارك عشان يديهو راسو ..

Quote: Thus, if nationals of States Parties to the Statute are victims of suspected crimes within the jurisdiction of the Court in the territory of a State which is not a Party to the Statute committed by persons who are not nationals of a State Party, the Court wouldn't be in a position to investigate except if either the State of territoriality or the State of nationality of the suspected person accepts the jurisdiction of the Court, or if the situation is referred to the Court by the Security Council.

هسه بالله بعد الكلام ده في زول يجي يعمل فيها ابو العريف و يغالط خلق الله و يتكلم عن
عدم اختصاص المحكمة..يا اخي ناس الحكومة ذاتهم ما معتمدين على المسألة دي عشان عارفينها
مسألة عاضة..

نتم غلات رابعة ابتدائى ... ونجيب ليك الـ Referal بتاع مجلس الأن

Quote: Decides that the Government of Sudan and all other parties to the conflict in Darfur shall cooperate fully with and provide any necessary assistance to the Court and the Prosecutor pursuant to this resolution and, while recognizing that States not party to the Rome Statute have no obligation under the Statute, urges all States and concerned regional and other international organizations to cooperate fully

أها ....


مجلس الأمن ظااااطو عاضّى ...

هسى cooperate و no obligation ما غلات رابعة ابتدائى بى زاتو وصفاتو ...

لغة ضبابية ومطاطة وتافهة ... ومسك عصاية من النص ... وشرك عفن وقع فيهو "أوكامبو" ... وكان شفت اليقنع القضاة بتاعينّو .....

بعدين المحكمة ما بتقدر تدّى روحا ولاية بدون موافقة الدول ذات السيادة ... ومجلس الأمن ما بقدر يتغوّل على سيادة دولة ترااخ كدة عشان كوندليسا ما بتريد البشير ....

مجلس الأمن (بميثاق الأمم) عندة حالات محددة جداً بيتدخل فيها فى الدول بدون إذن ... وأولا إنو تقارير بعثة الأمم المتحدة (والسودان عضو فيها) تقول فى إبادة ... مش بوش أو أوكامبو ....


وموقف الحزب الشيوعى بيعبّر عن حالة الغلات دى ... ودى مسألة طبيعية لأنو حالة غياب المبدئية من الحزب بدت سنة 1946 ....





.. المهم ...

Quote: Decides that the Government of Sudan and all other parties to the conflict in Darfur shall cooperate fully with and provide any necessary assistance to the Court and the Prosecutor pursuant to this resolution and, while recognizing that States not party to the Rome Statute have no obligation under the Statute, urges all States and concerned regional and other international organizations to cooperate fully

و الله بالجد تبارك الله و جيد لحلتكم كلها نهنئهم بالعبقرية الفذة

يا اخي المقصود بالعبارة دي :while recognizing that States not party to the Rome Statute

الدول و المنظمات الاقليمية و الدولية اللي ليها علاقة بالموضوع ..ما مقصود بيها السووووودااان
افهم يا اخينا..موضوع انو السودان خاضع لولاية المحكمة دي رغم عدم مصادقته على اتفاقية روما
ده موضوع محسوم و منتهي..كل الدول الصوتت مع القرار ما عندها مشكلة ما عدا الولايات المتحدة
الامريكية الحرصت على توفير مناعة لرعاياها الممكن يتعرضوا لاتهامات خلال ممارستهم لاعمال في
اقليم دارفور-انسانية أو خلافو-....شوف الفقرة السادسة الاتحفظ عليه عدد كبير من الدول الصوتت
على القرار..:

Quote: “6. Decides that nationals, current or former officials or personnel from a contributing State outside Sudan which is not a party to the Rome Statute of the International Criminal Court shall be subject to the exclusive jurisdiction of that contributing State for all alleged acts or omissions arising out of or related to operations in Sudan established or authorized by the Council or the African Union, unless such exclusive jurisdiction has been expressly waived by that contributing State;

بس ما تقر ليك سطرين و تجي جاري فرحان تقشر بيهم..ركز يا شيخ الدين.

انا اشرحا ليك بى بساطة ...

لو البشير قرر يسلم نفسو ... انا حأضطر اكتلو هو وأوكامبو دفاعاً عن الوطن ...



سودان شنو التحت ولاية "أسيادك" ديل؟

تنازلك إنت عن "سيادتك" هو المسألة المفروغ منها ...


وانا بكرة حأكتب لى نفسى مقترح قانون بإنو أنا سيدك يا سيف النصر ....

ويوم الإتنين حأطرح القانون دا للمناقشة مع نفسى

ويوم التلاتا حأصوّت على القانون دا براى

ويوم الاربعا حأجيز القانون دا بى صوت واحد (النصاب القانونى لتبارك شيخ الدين)

ويوم الخميس حأوقّع على القانون و حيكون سارى المفعول إبتداءاً من يوم الجمعة 23/1/2009 انا حأكون رسمياً وقانونياً سيدك يا سيف النصر (عملاً بمنطقك المعوج فى تفسير القانون، وفهمك القاصر لسيادة السودان)

والكلام دا كلو حأحسمو قبل السبت عشان اتفرغ للخامس...






المهم ...

الأخ تبارك
بعيدا عن أهلي و أهلك... كلامي عن الموضوع لم يكن من باب الإقرار بسيادة المحكمة أو غيرها. النقاش كان حول نقطة فنية و هي قولك:

Quote: المحكمة ما بتنظر فى أى قضية من طرف ... يعنى انت ماممكن تجيب ليك محامى وترفع فينى قضية من طرف ... البرفعوا قضية فى المحكمة تلاتة: 1ء الدول الأغضاء ءء المدعى عء مجلس الأمن أى قضية تترفع من أىّ واحد من التلاتة ديل لازم تكون فى دائرة اختصاص المحكمة ... دائرة اختصاص المحكمة بتقع على أقليم الدول الأعضاء ... ومواطنى الدول الأعضاء (حتى لو كانوا خارج أقليم دولتم) ... وأنواع الجرائم التلاتة البتختص المحكمة بمحاكمتم ....

و أورد الأخ سيف ما يدل على أن ميثاق المحكمة يسمح لها بالنظر في القضايا التي تحال إليها من مجلس الأمن حتى إذا كانت الدول المعنية غير موقعة على ميثاقها و هذا ببساطة لأن هذه الدول خاضعة لمجلس الأمن و هو في هذه الحالة لجأ للمحكمة كجهة يعتبرها عدلية. هذا الكلام من ناحية فنية أما إذا كان الكلام عن تداعيات القرار و مصداقية المؤسسات الدولية فهذا أمر آخر.

Quote: ونحن في الحزب الشيوعي السوداني نكرر ما أعلناه من قبل حول تحمل الحكومة المسؤولية الكاملة لما حدث في دارفور ، حيث أن سياساتها هي التي فاقمت من هذه المأساة . ولقد ظللنا نطالب ، مع الآخرين ، بالتحقيق في الجرائم المرتكبة في دارفور وتقديم مرتكبيها للعدالة ، في أي موقع كانوا ومهما كبر أو صغر شأنهم

الكلام الفوق ده عايز ليهو زيادة أو لت وعجن تاني ؟؟؟!!!!

Quote: انا اشرحا ليك بى بساطة ... لو البشير قرر يسلم نفسو ... انا حأضطر اكتلو هو وأوكامبو دفاعاً عن الوطن ... سودان شنو التحت ولاية "أسيادك" ديل؟ تنازلك إنت عن "سيادتك" هو المسألة المفروغ منها ...

اسيادك انت يا كابتن..انا ما عندي سيد..
كان تشرح كده ببساطة من الأول و يا دار ما دخلك شر بدل اللف و الدوران و الكلام الكبار كبار
من حقك طبعا ترفض المحكمة و ترفض الاتهامات و تدافع عن البشير/السودان..لكن ما تتوقع انك
تقدم تنظيرات غلط و مبنية على اساس غلط و الناس تقعد مربعة يدينها و تستمع بدون نقاش..
و زي ما قال ليك الأخ العوض..كلامك من مردود عليه من واقع وثائق المحكمة و مجلس الأمن
و ده كان اساس النقاش ..النواحي الفنية مش الموقف السياسي من المحكمة و مآلاتها..

و بعدين سيادتك دي انت متنازل عنها اساسا و كمان مقيم بين ظهراني الاعداء و مستفيد من
انجازاتهم على كافة الاصعدة..البسمع شعاراتك يفتكرك من مواطني قلع النحل و للا كاب الجداد
و انت في الحقيقة ترتع من فوائض الرأسمال و الامبريالية.

Quote: و بعدين سيادتك دي انت متنازل عنها اساسا و كمان مقيم بين ظهراني الاعداء و مستفيد من انجازاتهم على كافة الاصعدة..البسمع شعاراتك يفتكرك من مواطني قلع النحل و للا كاب الجداد و انت في الحقيقة ترتع من فوائض الرأسمال و الامبريالية.

طبعاً وضعى الشخصى دا ما بخصّك من قريب أو من بعيد ... ما تبقى زى طراجى ... ويبدو انك لغاية ما ضربنا ليك مثل بى نفسك حتى فهمت ... البشير بيمثل السيادة الآن وبنص الدستور (ما يطلع عندك موقف من الدستور، أو موقف من المؤتمر الوطنى وملخبتو بى موقفك من الدستور) والسيادة دى حالياً بيتم تآمر سياسى عليها عن طريق استخدام لغة ضبابية ومضللة واختراع نواحى فنية فى مسألة سيادة واضحة زى الشمس حكمت كتابة ميثاق الأمم ونظام روما.

انا ما بتنازل عن سيادة السودان لى نواحى فنية أو موقف سياسى (خصوصاً لمّا يتساووا) ومشكلة دارفور بعاين ليه فى سياق مشاكل السودان كلو ... وما عندى استعداد أقبل زحزحة المؤتمر الوطنى أو البشير من الإنجازات والإلتزامات الحالية مقابل أحلام سياسية نيّة لى أىّ حزب أو مناضل .... وبالنسبة لى دى حماية مكتسبات الشعب السودانى الإسمها "سلام" و "تنمية" و "ديموقراطية" ...

وانا آسف انو مكتسبات الشعب السودانى دى ما جاتو من الطليعة ومن المناضلين الشرفاء ... وانا ما مسؤول عن فشلم فى إنجاز وحماية مكتسبات مهمة للشعب زى دى ... ولو بقى بينم وبين الكرسى إثبات فشل المؤتمر انا ما عندى مانع يحاولوا يثبتوا فشل المؤتمر ... لاكين ما مستعد للتضحية بمكتسبات الشعب فى سبيل إثبات الفشل المزعوم وتحقيق العدالة الغائبة المزعومة. فى حدود أسمها "مكتسبات الشعب السودانى".

طفل ... لو قلت ليو اكتل امك وابوك عشان دقوك ... ما برضى. لو الحزب عندو حل لى مشكلة دارفور غير المحكمة اليقول ... تعاون وكلام فارغ ما بنفع ... وإنشا كتيرة نوع "الحكومة مسؤولة" يمشوا يقولوهو للنائب الأول أو وزير الخارجية فى الحكومة ... العوارة بتاعة "قلنا الحكومة .. لاكين قاصدين المؤتمر" دى عوارة ما بتتناسب مع حجم الأزمة ولا مع حجم بيان رسمى من الحزب ...

قبل كدة سفيرنا جون أكيج هنا زفّ البيت الأبيض وقال ليهم "نحن فى الحركة جزء من الحكومة وما بنسمح بى تجاوزات لى حقوق الإنسان فى دارفور، وعندنا تجربة محاربة تهميش كافية"

دايرين نقطة صعف فى المؤتمر الوطنى تقعّدكم فى كراسى السلطة أمشوا فتّشوها بعيد عن مكتسبات الشعب السودانى الأنجزا المؤتمر ... لأنو السيادة والتنمية والديموقراطية والسلام ليسوا ملك للمؤتمر الوطنى تنازعونهم فيه.







.. المهم ...

Quote: (ما يطلع عندك موقف من الدستور، أو موقف من المؤتمر الوطنى وملخبتو بى موقفك من الدستور)

و ليه مثلا ما يكون عندي موقف من الدستور..و بعدين دستور شنو في السودان و متين الدستور
كان محل احترام..الانقاذ لما جات بالقوة و استولت على الحكم ..البلد ما كان فيها دستور؟؟
ما تتكلم لي عن الدستور كوثيقة مقدسة و هو لا يتمتع باحترام الجيش و لا الشعب و بتجيزو
مؤسسات سلطوية و همية اساسها التعيين و الانتخابات المزورة..
بعدين داير اسألك سؤال:
انت المحكمة دي لو انشأها مجلس الامن على غرار محكمة الابادة الجماعية في رواندا بتقبلها؟؟
بعبارة اخرى هل موضوعك هو صلاحية محكمة بتاعت اوكامبو و اهليتها و للا عندك موقف اساسا من
محاكمة المتورطين في جرائم الحرب في دارفور؟؟ و للا موافق على هارون و كوشيب و رافض الرئيس
بس عشان هو رمز السيادة؟

Quote: وانا آسف انو مكتسبات الشعب السودانى دى ما جاتو من الطليعة ومن المناضلين الشرفاء ... وانا ما مسؤول عن فشلم فى إنجاز وحماية مكتسبات مهمة للشعب زى دى ... ولو بقى بينم وبين الكرسى إثبات فشل المؤتمر انا ما عندى مانع يحاولوا يثبتوا فشل المؤتمر ... لاكين ما مستعد للتضحية بمكتسبات الشعب فى سبيل إثبات الفشل المزعوم وتحقيق العدالة الغائبة المزعومة. فى حدود أسمها "مكتسبات الشعب السودانى".

و الله ناس الحكومة ذاتهم ما يقدروا يتكلموا عن مكتسباتك دي بنفس قوة العين الكتبت بيها الكلام
الفوق ده..

Quote: و الله ناس الحكومة ذاتهم ما يقدروا يتكلموا عن مكتسباتك دي بنفس قوة العين الكتبت بيها الكلام الفوق ده..

احتمال يكون عندهم اجندة سياسية!
________________________________________

وللإجابة على سؤالك ... لو موضوع دارفور بالدرجة البتخلّى مجلس الأمن يستخدم صلاحيات الفصل السابع ويشكّل محاكم خاصة على غرار نورمبرج ... كان لقيتنى انا دا ظاااطى فى دارفور مع الثوار ... وكان خليت ليكم المنبر دا يا الشيوعيين تسرحوا وتمرحوا فيو على كيفم ... لاكين امريكا ما سبكت ليكم المسرحية بتاعة الثورة والتمرد والنضال ... وبعد دا بترول سودانى لى أمريكا بى أقل من المقابل الصينى مافى ... حلّى بوش وأوباما اليتفلقوا ... ولاّ يختونا مع شافيز ونجاد وكاسترو فى علبة صلصة ويخجوها كدااااا ويجدعوها فى البحر ... بعد داك خلى رئاسة السودان تكون شراكة بين التيجانى الطيب وخليل ابراهيم ...








.. المهم ....

Quote: ولاّ يختونا

خلاص بقيت تتكلم بلسان الجماعة..طيب هاك المفاجأة دي...حيختوكم.

بعدين انت ليه ما مصدق انو دارفور دي ارتكبت فيها فظائع ؟ العالم كلو بيتكلم عن دارفور
و ما حدث و يحدث فيها و انت دليلك انو ما في حاجة تستاهل حصلت في دارفور هو أنو مجلس
الأمن ما استخدم صلاحيات الفصل السابع و شكل محكمة خاصة؟؟
عموما رأيك واضح..دارفور مشكلة ضمن مشاكل السودان...ما حدث فيها لا يرقى لدرجة جرائم
ضد الانسانية...لا للمحاكم الدولية....لنتمسك بانجازات الحكومة....السيادة و رمز السيادة
و يا عيني ع السيادة...الانتخابات جاية شيلو شيلتكم.

Quote: انت دليلك انو ما في حاجة تستاهل حصلت في دارفور هو أنو مجلس الأمن ما استخدم صلاحيات الفصل السابع و شكل محكمة خاصة؟؟

يا ابنى ...

طبيعة أزمة دارفور أعقد من مذابح التوتسى والهوتو وأكبر من الإحتلال الإسرائيلى لفلسطين ... وما بى بساطة كدة ممكن يجى زول من برة يقول "دى إبادة جماعية"!

كل الأطراف العاقلة فى الأزمة (بما فيها العدل والمساواة) بتتفق على أن حل الأزمة يجب أن يكون حل سياسى ... الحلول القانونية والعسكرية والتدويل وهلم جرا ... دا كلو فشل ... والحل السياسى هو الوحيد الممكن .. وخيار السلام هو الوحيد المحتمل.

نحن بعد يختونا فى قزازة وانت تفوز بالإنتخابات وتدّى بترولك لى أمريكا مجان ومعاها حقارة ... فكّر ممكن تتنازل عن شنو فى بيتكم عشان تضيفو لى موكب الإذلال الإخترتو لى نفسك (دا باعتبار انو الشعب السودانى ممكن يملّك الزيك ذمام أمرو)

انا فى المدة دى غالباً اتنازل ليك عن الجنسية السودانية واقعد بيجاى اناضل ليك من أجل تحسين وجه أمريكا ...

وكان تجيب باقى انجازات الحكومة ... الإنتخابات الداير تفوز فيها دى مثلاً ... الأمانة ما كتلت ليها زول قبل كدة ...




.. المهم ...

Quote: (دا باعتبار انو الشعب السودانى ممكن يملّك الزيك ذمام أمرو)

الشعب السوداني المسكين ده احسن ما تجيب سيرتو..لأنو الزيك و الزي الناس البتهلل
ليهم و بتسبح بحمدهم اناء الليل و اطراف النهار ملكوا امروا عشرين سنة اوروده
خلالها المهالك و بقوا يسموا الفشل و الجوع و الحرب و الاغتصاب و حرق القرى و قتل
الناس..انجازات.....عليك الله الاختار الاذلال لنفسو منو..انا وللا انت؟؟
نيفاشا و ما ترتب عليها و ما حيترتب عليها ما كانت فيهو ايدي خارجية..ما تم بضغوط
من امريكا البتشتم فيها و بتتنفس هواها دي؟؟ قبلت بالتدخل هناك ليه؟؟
خليك مواقفك متسقة و مبدئية يا كابتن...التدويل نحن حذرنا منو و رفضناهو و التجمع
لما كان في القاهرة و اسمرا ما لجأ لامريكا عشان تدخلو السودان على ظهر دبابتها..بالعكس
النظام في الخرطوم اتعاون مع جميع اشكال الاجانب..و قبل مراقبين في جبال النوبة
و قوات في الجنوب و بعثات متعددة الجنسيات و الاهداف في دارفور.و جيوش افريقية و غيرها.
فما تلكشرنا عن الوطنية و رفض الاجنبي لو سمحت.

ياخى انت قادّى تاريخ ....

.. ولايوق ....

وانا لا حا أجى اقرا ردك لا حا أتداخل معاك ...

لاكين نصيحة ... امشى اعمل كشف نظر ... وتعال اقرا البوست دا من الأول براحة ...












... مع السلامة ...

Quote: ياخى انت قادّى تاريخ .... .. ولايوق ....[/QUOTE و انت موهوم و سخيف و قادي كل حاجة...و اصلا الكلام معاك مضيعة للزمن. لا سلام و لا زفت.

---

Post: #57 Title: Re: لمـاذا يـرفض الحـزب الشيوعى تـوقيف الـبشير...؟ Author: معتز جعفر الحسن Date: 01-20-2009, 10:39 AM Parent: #1 الاخ سيف النصر أسجل اعجابى بمنطقك ولغتك شكرا صاحب البوست لن ادخلتنا فى حوار بين شخصين يملك احدهم حجة وبرهان والاخر يتعامل بالعاطفه التى هى سبب تاخر السودان

---

Post: #58 Title: Re: لمـاذا يـرفض الحـزب الشيوعى تـوقيف الـبشير...؟ Author: الصادق صديق سلمان Date: 01-20-2009, 12:02 PM Parent: #57 الاخ تبارك شيخ الدين أسجل اعجابى بمنطقك ولغتك شكرا صاحب البوست أن ادخلتنا فى حوار بين شخصين يملك احدهما حجة وبرهان والاخر يتعامل بالعاطفه التى هى سبب تاخر السودان.