اميمة مصطفى سند

Post: #1
Title: اميمة مصطفى سند
Author: AnwarKing
Date: 01-13-2009, 12:17 PM

Quote: في بورتسودان بلدتي الحبيبة

بنعاني معاناة شديدة مع قطع الموية

Re: عندما يعتذر محمد اي سليمان لاحد فانه يسئ للمنبر والاعضاء جميعهم

منذ تشريفك لهذا المنبر والنور ينتشر في كل الانحاء...
هل أنت أميمة مصطفى سند...ال أميمة مصطفى سند زاتها؟
صديقة أماني مامون محمد بشير...خالتي؟

كامل مودتي وسعادتي بك...

Post: #2
Title: Re: اميمة مصطفى سند
Author: اميمة مصطفى سند
Date: 01-13-2009, 12:39 PM
Parent: #1

أنور

هل أنت أميمة مصطفى سند...ال أميمة مصطفى سند زاتها؟
صديقة أماني مامون محمد بشير...خالتي؟

هي أنا أميمة سند أو أميمة رشاد كما تعرفها

صديقة خالتك أماني

ما شاء الله يا أنور كبرت وأتزوجت وجبت إقبال الله يخليها ليك
وتشيل أسم جدتها الله يرحمها..

تحياتي

Post: #6
Title: Re: اميمة مصطفى سند
Author: AnwarKing
Date: 01-13-2009, 01:10 PM
Parent: #2

Quote: هي أنا أميمة سند أو أميمة رشاد كما تعرفها

أميمة رشاد...(عليه رحمة الله الأب الفاضل رشاد)...

الله الله الله يا أميمة العزيزة...
أحس الآن بحنين لا يمكن وصفه...

أتذكر في دفتر خالتي أماني المنقوش جوانبه بالحبر...وفنون وجمال آخاذ...

أتمنى أن نحكي عن بورسودان...وعن ديم الشاطئ وعن كل الأشياء الجميلة هناك...

تغيرت معالم كل شئ...وأصبح شكل المدينة "صناعياً" وما زالت تحتمل الكثير من القاذورات التي
بفضل الله لا تستقر فيها... الميناء أصبح يجلب كميات أكبر من التلوث...ورغم هذا أذكر أن هناك قرار صدر
بمنع إستخدام أكياس النايلون!!!

لا زلت أذكر بقاع الزيت المسكوب من البواخر...كنّا أطفال نسبح ونعوم حولها...وبعض الأحيان داخلها!!!
كبرنا ولم يكبر وعينا بالأخطار البيئية على مدينتنا الجميلة والحبوبة...!

أمّا بعد...
والله مشتاقوووووووووووووووووووووووون شديد...
يا أجمل وأنضر وأحنّ أميمة هنا ...

تم حسب هذا اليوم في الأيام التي عشتها...يوم سعد يا أميمة.
وهذه الصورة خصيصاً لك:

إقبال وعمرها الآن تسعة أشهر وتسعة أيام ...

Post: #15
Title: Re: اميمة مصطفى سند
Author: اميمة مصطفى سند
Date: 01-13-2009, 02:10 PM
Parent: #6

أبو اقبال

الله الله يا أنور

رجعت بي سنوات لزمن جميل

وأيام حلوة مغموسة بالبراءة

بجيك راجعة بمهلة بس أخلص شغلي

مودتي

Post: #3
Title: Re: اميمة مصطفى سند
Author: العوض المسلمي
Date: 01-13-2009, 12:49 PM
Parent: #1

يا ابوالنور ليك ولاميمه سلام

وقريبا ومعاكم انشاء الله ,,,

Re: عندما يعتذر محمد اي سليمان لاحد فانه يسئ للمنبر والاعضاء جميعهم

ياعمك شايفك عامل الساتر

Post: #4
Title: Re: اميمة مصطفى سند
Author: AnwarKing
Date: 01-13-2009, 12:58 PM
Parent: #3

العزيز العوض...شكراً على المرور...
من أستخدم الساتر قبلاً هو أنت يا الحاج يا أخوي...
ما تقول لي ما شفتو بس؟!
الجاليه السودانيه بكوريا الجنوبيه مع غزه في خندقا واحد...

Post: #7
Title: Re: اميمة مصطفى سند
Author: العوض المسلمي
Date: 01-13-2009, 01:13 PM
Parent: #4

شفته والله يا انور ,,

الجاليه السودانيه بكوريا الجنوبيه مع غزه في خندقا واحد...

ولكن كما تعرف انا لا احب ان اتداخل في عمل منظم وله لجانه ومكتبه ,,,

وان الكباشي لاصفه تؤهله للحديث باسم الجاليه ,, ولكن بعدي فتره طويله عن نشاط الجاليه منذ

انتهاء رئاسه الصادق الاباب جعلني لا اكتب عن شئ قد اضلل فيه او لا املك اثبات صحة ما اتحدث ,,,

وياعمك لو دي واحده ,,, راجع باقي البوستات وتجدنا نتواجد اينما خططت حرفا ,,

كل الود

Post: #9
Title: Re: اميمة مصطفى سند
Author: AnwarKing
Date: 01-13-2009, 01:22 PM
Parent: #7

Quote: وان الكباشي لاصفه تؤهله للحديث باسم الجاليه

لو قلتها منذ بداية ذلك البوست لكفتنا شرّ كثير لاقانا هناك...

أخلص الشكر والإحترام والتقدير يا الحبيب العوض...
كامل مودتي
أنور

Post: #12
Title: Re: اميمة مصطفى سند
Author: الكباشى البكرى
Date: 01-13-2009, 01:45 PM
Parent: #7

ابن العم الكريم العوض

لقد تأخرت كثيرا في ما قلت
Quote:

وان الكباشي لاصفه تؤهله للحديث باسم الجاليه ,,

ومياه كثيره مرت تحت الجسر منذ ذلك التاريخ

وقيل فينا ما قيل.................

وها انت اليوم تشارك.............

ما دام دا رأيك نحنا بنستخدم الساتر

Post: #13
Title: Re: اميمة مصطفى سند
Author: الكباشى البكرى
Date: 01-13-2009, 01:51 PM
Parent: #4

يا اخي لو سمعت ما تجيب اسمي في بوستاتك دي...............................................

Post: #17
Title: Re: اميمة مصطفى سند
Author: اميمة مصطفى سند
Date: 01-13-2009, 02:16 PM
Parent: #13

الكباشى البكرى

سلام ونبدأ بالسلام

صديقتي بتحلفني دائما بعبارة النبي فيك

وأنا بقول ليك النبي فيك كان "تتشاكلوا" لي هنا

ونختم بالسلام

تقديري

Post: #18
Title: Re: اميمة مصطفى سند
Author: AnwarKing
Date: 01-13-2009, 02:24 PM
Parent: #13

لا طاقة لي بإطالة أمد الخصام وسوء التفاهم...

ف

العفو والعافية يا أخي...

Post: #16
Title: Re: اميمة مصطفى سند
Author: اميمة مصطفى سند
Date: 01-13-2009, 02:13 PM
Parent: #3

العوض

سلام يا أهل السلام والسماح

Post: #5
Title: Re: اميمة مصطفى سند
Author: ماجدة عوض خوجلى
Date: 01-13-2009, 01:06 PM
Parent: #1

Quote: منذ تشريفك لهذا المنبر والنور ينتشر في كل الانحاء...

كلامك صح انور اميمة قريبة جدا الى النفسى نورية الروح جميلة الاحساس رقيقة الحروف ..
اذا ماغريبة ابدا انو النور ينتشر فى منبرنا حاجة مفرحة انها هنا عارف ياانور بدون اى مبالغة ...
منبرنا بيضم اكتر ناس مفرحين فى الدنيا ويبهجو الروح ..
تسلم ليك بنيتك الحليونه دى من كل شر يارب وتسلم انت انور ...

خارج الموضوع عارف ياانور انت رحت على فى كم بوست كده مابشبهوك ابدا ...

Post: #8
Title: Re: اميمة مصطفى سند
Author: AnwarKing
Date: 01-13-2009, 01:19 PM
Parent: #5

Quote: كلامك صح انور اميمة قريبة جدا الى النفسى نورية الروح جميلة الاحساس رقيقة الحروف ..
اذا ماغريبة ابدا انو النور ينتشر فى منبرنا حاجة مفرحة انها هنا عارف ياانور بدون اى مبالغة ...
منبرنا بيضم اكتر ناس مفرحين فى الدنيا ويبهجو الروح ..
تسلم ليك بنيتك الحليونه دى من كل شر يارب وتسلم انت انور ...

العزيزة جداً ماجدة...
تحياتي وشكراً على الإطراء على العزيزة أميمة... وهي أهلاً له ...
يا سلام على أميمة، لو عرفتوها...زولة رهيبة ويدها على الجرح يبرا من دون لف ولا دوران...
اذا كان منبرنا بيضم أكتر ناس مفرحين في الدنيا دي...ويبهجو الروح...لماذا نحن كئيبين هكذا؟
أكتر ما يقلقني يا ماجدة...هو الوجهين لمعظم الأعضاء هنا...وجه بحري والآخر قبلي (مجازاً)...
فما أن تتحدثي لأحدهم/هن في التلفون أو عبر لقاء مباشر وجهاً لوجه...
إلا وتجدي شخصية مختلفة لتلك التي تحاورين هنا!!!

بالطبع لا يصدق البعض أن شخصية البورد وشخصية "الحياة العادية" هي شخصية واحدة!!!
أتذكر دائماً موضوع التربية المختلة الذي يواجه الجميع...يقولون لك لا تكذب...
فأن صدقت...ستذوق علقة كاربة...وإن كذبت...فأنت في الأمان
والخيار الأسهل دائماً هو الكذب...لأنه بينك وبين الخالق "أو هكذا تقول ثقافة الكذبة البيضاء، أو كذبة تفوت ولا حد يموت"!

Quote: خارج الموضوع عارف ياانور انت رحت على فى كم بوست كده مابشبهوك ابدا ...

أراجع نفسي ...وسأراجع تلك البوستات أيضاً...شكراً لبكري أن جعل المراجعة أسهل على رأس كل 3 أشهر!
أخلص الشكر والتقدير
أنور

Post: #10
Title: Re: اميمة مصطفى سند
Author: AnwarKing
Date: 01-13-2009, 01:24 PM
Parent: #8

عليك ألف رحمة ونور يا شاعرنا العملاق: مصطفى سند...

الشاعر/ مصطفى سند - البحر القديم

http://kr.youtube.com/watch?v=r3W77S89u94

Post: #11
Title: Re: اميمة مصطفى سند
Author: AnwarKing
Date: 01-13-2009, 01:27 PM
Parent: #10

الشاعر السوداني مصطفى سند في قصيدة في مدح الرسول صلى الله عليه و سلم

http://kr.youtube.com/watch?v=1JaWOp3eD8U

عليه أفضل السلام وأتم التسليم...

وعلى شاعرنا الرحمة والمغفرة بقدر ما قدّم للإنسان والسودان

Post: #14
Title: Re: اميمة مصطفى سند
Author: حامد محمد حامد
Date: 01-13-2009, 01:59 PM
Parent: #11

انور

وينك والله قربت افتح بوست اقول فيه اين اختفى انور كنج وبعدين قلت مالك ومال الباب الى ما حتقدر تقفله واخوك اصلا ما بيحب اللت والعجن .

المهم البركة فى اميمة سند الانسانة الرائعة ,وابقى اظهر وبان , بالمناسبة انا جبت اسمك بعشم كدة فى بوست كانوا بيسالوا فيه عن اشرف.

اخى لك تحياتى وللامورة الحلوة قبلاتى

Post: #19
Title: Re: اميمة مصطفى سند
Author: AnwarKing
Date: 01-13-2009, 02:27 PM
Parent: #14

الأخ العزيز والحبيب حامد محمد حامد...
أخلص التحايا وأعطرها...
حاضرين ولله الحمد...
نقوم ونقع ولله الحمد...

أشكرك جزيل الشكر على الإهتمام والنية الطيبة...هي ما نحتاجه...
كما أشكرك على المرور والإطراء على هذه الحديقة الجميلة أميمة سند، أو أميمة رشاد كما عرفتها

أنور

Post: #21
Title: Re: اميمة مصطفى سند
Author: اميمة مصطفى سند
Date: 01-13-2009, 02:38 PM
Parent: #14

حامد محمد حامد

الدنيا صغيرة فرقت وجمعت تاني

رغم ان كل واحد مننا في بلد غير السودان

"خلي بالك من أسمك"

عندنا في بورتسودان واحد أسمه حامد محمد حامد برضو

في الأول قلت احتمال تكون هو لما قريت الاسم..

تحياتي

Post: #20
Title: Re: اميمة مصطفى سند
Author: اميمة مصطفى سند
Date: 01-13-2009, 02:31 PM
Parent: #5

الماجدة

حاولت أن أجد حرف أو كلمة

أقولها لك لكني عجزت..

شُكـــراً بِحَجمِ السّعادة التي سَكبتُها داخلي

ممنونة

Post: #22
Title: Re: اميمة مصطفى سند
Author: محمد عبد الماجد الصايم
Date: 01-13-2009, 03:06 PM
Parent: #1

أنور يا عمكـ
كل سنة وإنت وأسرتكـ بألف خير
مالكـ مطوّل من الفيديوهات وكــدا
الســوق كعب ولا شنو

أستاذة أميمة (يا عمكـ) برضو
قبل يومين الونسة كانت عنكـ مع تهاني
يديكـ العافية والعمل الطويل

Post: #24
Title: Re: اميمة مصطفى سند
Author: AnwarKing
Date: 01-13-2009, 03:16 PM
Parent: #22

Quote: أنور يا عمكـ
كل سنة وإنت وأسرتكـ بألف خير
مالكـ مطوّل من الفيديوهات وكــدا
الســوق كعب ولا شنو

العزيز الحبيب محمد ود الصايم...
أخلص التحايا وكل عام وأنتم بخير...
أقوم بدراسات حول الفيديوهات التي نشرتها من قبل...النتائج مذهلة!!!
ستضحك قليلاً وستبكي كثيراً عند نشري لنتائج هذه الدراسة...

هل قرأت الكتابة الجميلة للأخ عبدالخالق السرّ حول ثقافة التبخيس؟
"التبخيس" صنع خصيصاً للسودان!!!! مقاربة بين الأدب والتأدب!!!!!!!!

الخروج عن القطيع...سيكلف الكثير...إن كنت من دولة المتناقضات الأسمها السودان!
مع مرور الوقت...أصبحت بعض التعليقات أسفل الفيديوهات تثير الشفقة على
صاحب الفيديوهات...وتركي لها من دون حذف غير مبرر بحسب رأي بعض المقربين!
لكن السوداني مرآة أخيه...وأريد معرفة الى أي حد...نحن هكذا؟!

هل شاهدت هذا الفيديو؟

http://kr.youtube.com/watch?v=qZG1ezJfRR4
خالص المحبة يا صديقي...ودمت مرحاً
تحياتي لك ولتهاني وللعزيزة أميمة.

أنور

Post: #30
Title: Re: اميمة مصطفى سند
Author: اميمة مصطفى سند
Date: 01-13-2009, 09:13 PM
Parent: #22

ود الصايم

وأنا أقول مالي "الشرقة" دايرة تقتلني

قطعت فيك مع تهاني

جميل حضورك هنا

Post: #23
Title: Re: اميمة مصطفى سند
Author: AnwarKing
Date: 01-13-2009, 03:08 PM
Parent: #1

يقول المثل -من بين أجمل أربعين مثلاً- يقول:

يظل الرجل طفلاً حتى تموت أمه ، فإذا ماتت شاخ فجأة

A man will continue acting like achild until his mother's death, then he will age in a sudden

لقد شخت منذ نهاية العام 2002...عند رحيل والدتي إقبال مامون (1959-2002) عليها رحمة الله...
والى الآن يا أميمة...لم أقم مأتمي عليها...

عليها وعلى جميع الموتى رحمة الله ومغفرته...

لقد عانت ما عانت مع المرض...وحيث أنني كنت بعيداً ، فأنني أناشد كل من كانت أمه على قيد الحياة،
أن يبرها بكل ما يملك من هذه الفانية...

أمك أمك أمك ...

Post: #25
Title: Re: اميمة مصطفى سند
Author: AnwarKing
Date: 01-13-2009, 03:52 PM
Parent: #23

Quote:

عندما تحب عدوك يحس بتفاهته

When you love your enemy is when hefeels of his emptiness
**** ** **

إذا طعنت من الخلف فاعلم أنك في المقدمة

If you have been betrayed from behind the scene,
then you should be proud because you are the only one who is in front
**** ** **

لا تتحدى إنساناً ليس لديه ما يخسره

Don't challenge someone whao has nothing to loose

Post: #26
Title: Re: اميمة مصطفى سند
Author: AnwarKing
Date: 01-13-2009, 04:01 PM
Parent: #25

Quote: المرأة هي نصف المجتمع، وهي التي تلد و تربي النصف الآخر

The woman is half the society and the one who educates the other half

Post: #27
Title: Re: اميمة مصطفى سند
Author: AnwarKing
Date: 01-13-2009, 04:02 PM
Parent: #26

Quote:
لكل كلمة أذن، ولعل أذنك ليست لكلماتي، فلا تتهمني بالغموض

For every word their is a listener and probably my words don't suit your ears. So please don't accuse me of being ambiguous

Post: #28
Title: Re: اميمة مصطفى سند
Author: AnwarKing
Date: 01-13-2009, 04:04 PM
Parent: #27

Quote:
أن تكون فرداً في جماعة الأسود خير لك من أن تكون قائداً للنعام

Better being a cub inthe family of Lions

Post: #29
Title: Re: اميمة مصطفى سند
Author: AnwarKing
Date: 01-13-2009, 05:12 PM
Parent: #28

هل تذكري هذا الشكل يا أميمة؟

Post: #31
Title: Re: اميمة مصطفى سند
Author: اميمة مصطفى سند
Date: 01-13-2009, 09:16 PM
Parent: #29

طبعا يا خواجة

في زول في البورت كلها بيقدر ينساك

سامر جاد اكيد متذكرو - يوم الخميس

كنا بنتكلم عن ناس بورتسودان وجات سيرتك انت والوالدة - ربنا يرحمها -

بجيك بالحكاوي كلها

Post: #32
Title: Re: اميمة مصطفى سند
Author: AnwarKing
Date: 01-13-2009, 09:24 PM
Parent: #31

Quote: سامر جاد اكيد متذكرو

وهل ينسى الزول مننا نفسو؟
يا حليلو والشوق ليهو بحر...كيف هو وكيف الأهل كلهم بطرفو؟

بالله سلام شديد ليهم بلا فرز...وأنا على أحرّ من الجمر أنتظر حكاويك

Post: #33
Title: Re: اميمة مصطفى سند
Author: AnwarKing
Date: 01-13-2009, 09:39 PM
Parent: #32

Quote: طبعا يا خواجة

عيييييييييييك يا أميمة...أنتي من زمن اللقب الجميل ده؟
أيام كمبوني كان لقب "الخواجة الأسود"، أو خواجة أسود...محبباً لدي، سيما وأن من يعرفه كانت دوائر مغلقة!

طلعتا من كمبوني (الله يجازيك يا بدرالدين خالي بكل خير)، قام يحندك فيني ، وأنو بيمشي المدرسة الحكومية
الساعة 8:45 صباحاً...بدلاً عن مدرسة كمبوني الكنّا في صفوف الطابور الساعة 7:30...خلتني أتخارج من كمبوني
من الصف السادس...شفتي جنس العوارة الأحنا فوقا دي؟

ومن يوم ما دخلتا المتوسطة- الأهلية- ولحدي قريب التخارج منها بعد 3 سنين...ما كنتا منتظم في حصة إنجليزي واحدة..
يا سلااااااااااااااااااام جنس دك....ينسيك أسماء الزملاء وكده

المهم وبعد أن فكّت السكرة وطارت الفكرة، كما يقول البعض هنا...عرفتا ليك حجم الدمار الذي أخترته طائعاً مختاراً!!!

في السنة التالتة ووسط الإمتحانات للثانوي....قابلني ليك زول بين إمتحانين شهادة...وقال كدي عوج خشمو وناداني:
خواجة أسود...

زهجة الإمتحانات ديك كلها فكيتا ليك فيهو...والشكلة غبارها في السما...وفجأة يتطاير الدم يمين وشمال...
طبعاً في دولة الإنقاذ (سنة 1993)، الجميع شايل بطاقة أمنجي وواقف يتفرج في الشكلة بتاعة الصغار ديل...
ولما القصة جابت ليها دم...الجميع يعرف كيف يزج بك في الحراسة...!
المهم...الموضوع أتحلا بالأجاويد...لأخرج من الحراسة وبكامل دمومي على القميص...الى لجنة الإمتحانات طوالي...
والدموع تبللني...وأنتحب "أنفع مخرج لتلك اللحظات"...غزة العزّة وكده...

الحمد لله أنو الإمتحان البعدو....كان الورقة التانية من الإنجليزي....ولولا خواجة دي يا أميمة...

لكنت قابعاً* في ذلك الصف الى يومنا هذا...وكده!

أيام...لها بُنقز

أحكي سااااااي...
____________

الغايظني بتاع الأمن...أستخسر فينا حق التاكسي...وفضحنا فضايح بترحيلنا عبر باص ديم كوريا المكعكع "يا هارون دياب"...
الى القسم الأوسط في السوق...

الجميل أنو القسم الأوسط كان جمب مركز الإمتحان!

ومصايب قوم عند قوم خوائج!

______
قابعاً دي عاجباني ساااااي...لفلفتا الكلام لحدي ما قدرتا أحشرا بالرجالة في جملة مفيدة

Post: #34
Title: Re: اميمة مصطفى سند
Author: ناهد بشير الطيب
Date: 01-13-2009, 10:06 PM
Parent: #1

Quote: زهجة الإمتحانات ديك كلها فكيتا ليك فيهو...والشكلة غبارها في السما...وفجأة يتطاير الدم يمين وشمال...
طبعاً في دولة الإنقاذ (سنة 1993)، الجميع شايل بطاقة أمنجي وواقف يتفرج في الشكلة بتاعة الصغار ديل...
ولما القصة جابت ليها دم...الجميع يعرف كيف يزج بك في الحراسة...!

ياخواجة هسى اميمة دى عايزة تتذكر معاك بورتسودان ....
بالله خليك (قابعا) فى بورتسودان دى
عشان نقدر نجى نتاوق مرة مرة وندى الفيها النصيب
وكمان بالمرة نشوف موية بورتسودان جات ولا لأ.....

ورحم الله والدتك واسكن مثواها الجنة .....
قبيل العصر اميمة بتحكى لى وبتبكى عليها والله ..
وعلى جيرتكم الجميلة واسرتك الكريمة
واليتم حاااار ياانور وجربته زى النااار
بس ماعلينا الا الدعاء ليهم ...ادعى ليها ياانور دائما
بالله....فده اكتر ماتحتاجه ...
وفتك بعافية

Post: #35
Title: Re: اميمة مصطفى سند
Author: AnwarKing
Date: 01-15-2009, 07:58 PM
Parent: #34

العزيزة جداً ناهد بشير الطيب...
خالص التحايا والمحبة...
أرجو أن تكوني زائرة مقيمة في هذا البوست...ولنفضفض لبعضنا يا بت أمي وننفض أحزاننا...

هذه لك من بورسودان الحبيبة

مودتي الخالصة...

أنور

Post: #36
Title: Re: اميمة مصطفى سند
Author: حسين عوضاى
Date: 02-11-2009, 11:12 PM
Parent: #35

Quote: بالله خليك (قابعا) فى بورتسودان دى

مبالغه لكن بضحك فيها ساعه ...

وما بين انور فتح العليم واميمه مصطفى سند يقبع الجمال محصورآ فى حى الشاطى ببورتسودان حيث تكثر احاديث الشجون ...

تحياتى انور واميمه

وكل احتراماتى