صفــوة قالّيـك ...

وكدا...

ود البشرى..

سلاااام

كلاااام خطير..و فعلا انقلب السحر على الساحر

علا الزول دا منو..؟؟

هلا ابو حميد

دا حسن حمد اعتقد كان رئيس تحرير المريخ سابقا

بلااي شوفوا لينا عدد اليوم من كورة سودانية او كورة ما متاكد عشان خاطر الحتة دي

ود البشرى

الكلام لا يصدر من الصفوة,,,,


ياخى من رائى اذا اراد المريخ السير قدما لابد من محاسبة مزمل وطرده من اعلام المريخ
هذه الشخصية وبال على الرياضة وبال على المريخ
وصدق من قال انه لاعب سلة,,,

بس مقولته الاخيرة فى مدح المريخ تكفى لشنقه رياضبا

لو لا ذلك الهدف الذى ولج شباب المريخ
لقلت ان الزعيم ذاهب للنزهة فى الاردن
وعلى حس كدا نام الجماعة اياهم


وهو موعارف ان هنالك فريق يسمى الوحدات يهزم الصفوة سبعات,,,لابد من ذذكر هذا العدد كلما ذكرت الكاسات المحمولة جوا

يــا حـــاقديـــــــــن ....
ياخي بدل ما تقعدوا تباروا المريخ وتفتشوا ليه عثرات . أمشوا صلحوا زريبتكم ديك وشوفوا حال فريقكم المهلهل داااااك ، وشوفوا مشكلة هروب اللعيبة من الفريق وعنترية صلاحكو ..... ناس غايظها الصفوة ... وبرضو نحن الصفوة .... موتوا بغيظكم أيها المغيوظون ......

صــــفــــــــــــــــــــــــــــــــــــــــــــــــــــــــــــــــــــــــــوة .....

أبوقوتة يا عمك صباح الخير
حال المريخ و إعلامه و بتاع دي ما قضيتنا
دا شأن وصيفابي سبيعابي هم أدرى به
البهمني الكلام عن موضوع البصمة
شابكننا 2 - 12 من سنين وهم ساكتين على الفساد العندهم وما يمرقوه إلا في حال خلافاتهم


عمدة يا سبيعابي يا بكاي
شنو الكلام الني دا مبارين المريخ و بحاقدين و رز بلبن
يا معلم مزمل بقى عندكم هو المريخ
ثم ياخي دا غسيل اتنشر على الملأ نعمل فيها ما شايفنو يعني زي حضراتكم و نكبر منو اللفة
هسي كدي خلي النقة و صفوة ووهمة و ترزية و ما إلى ذلك و تعال ورينا سر البصمة و الـ 7 % شنو؟
كان ما عارف أقعد ارجى باقي الفلم بجيبوا ليك لحدي عندك
قال شنو قال صفوة
كاااااااااااااااااااااكـ يكا

أنتو هسه قبل كم يوم كده كنتوا قايمين وقاعدين وقلتوا نحن بنجيب اللعيبة وانتو بتجي تشيلوهم من عندنا لانكم ماعندكم لعيبة ورجيتونا بيها .. أها أنتو بعد أخدتوا علاء وحمودة كمان جاييين تاخدوا سفاري مابتخجلوا .. والله حقيقي الاستحوا ماتوا ..... ليكم حلال وعلينا حرام ...
هسه دي أقول ليك حاجة :

قـــوم لـــــف ..... ( والله عاجباني كيف ) ...
أها عليك الله كمان كلم معاك أبو قوتة ده ياخد ليه معاك كم لفه كده تحت الحساب ...

Quote: قـــوم لـــــف

حااااااااااضر يا عمدة
ألف و والف و الف تاني كمان عشان بس خاطرك
يلا يابا جاوبني بدون لف ودوران
رايك شنو في مستوى حوار الصفوة المنشور أعلاه
موضوع البصمة خليه أسي , إنتو ما رقين من سبعة قريبات دي ما بنعصر عليكم

كاااااااااااااااااااااااااااااااااااااااااكـ للصباح
وفي رواية لي بداية الموسم الجاي

الجزء الأول من العمود

Quote: عدالة السماء تبرئ صلاح سعيد - بالامس بدأت الحلقة الاخيرة من مسلسل ملك البذاءات والاكاذيب .. في الصحافة الرياضية السودانية. - بالامس اكتمل عقد الاهداف الضرورية لمحرقة الاقلام المريخية المبشرة القوية الجماهيرية المنافسة بضم اسمي الي القائمة الطاهرة النظيفة. - وحللت اهلا وسهلا في اشهر عمود للمفردات الساقطة والمبتذلة في الصحافة الرياضية العربية من المحيط للخليج. - والطريف انني لم اكن وحدي الضحية لعدم الوفاء القبيح ليوم امس لان الاستاذ خالد سيداحمد المحامي الذي دفع من دمه وماله ووقته وجهده حتي يستمر سيل البذاءات والهتر هذا الي ان طاله هو ذاته كان جسده مسجيا اين بين اكوام الضحايا. - اساءة مزمل ابو القاسم لي لن تكون بدعة فلست اكبر من سيف المريخ صلاح سعيد ولا اصغر من القلم المريخي الواعد ابراهيم عبدالرحيم ولا اتميز عن عبدالمجيد عبدالرازق ولا محمد ذو النون ولا بقية الزملاء الحمر الشرفاء الذي تقيئ عليهم هذا الانسان القيح الذي تمتلئ به سريرته. - ولكن من يحمي ملك البذاءات هذا ... - السؤال طرحته بالامس في ردهات مجلس الصحافة والمطبوعات عنما ذهبت لتقديم شكوي لاثبات امر محدد. - اقسم بالله العظيم وتشهد علي ما اقوله المستشارة القانونية لمجلس الصحافة انني لم اتقدم بالشكوي بحثا عن حقي الخاص وهذا موجود بمحضر الشكوي. - مزمل ابو القاسم انا اكتبها هنا واتحمل مسؤوليتها كاملة لانها ثابتة وبالدليل القانوني كتب ما يلي " انني لم الج الجامعة الا ( زائرا )..." وملفي موجود بالطبع بمجلس الصحافة يحمل شهادة جامعية تخصص اعلام وعلاقات عامة من جامعة السودان وايضا الفيش والتشبيه قبل ان يسمح لي ان اتبوأ منصب رئيس تحرير. - طبعا انا لا احتاج لاثبات كذب هذا الصحف لان اول من تأكد تماما من جراءة هذا الصحفي علي تعاطي الكذب دون ان يرمش له جفن هما الزميلان العزيزان مصطفي احمد مختار وخالد ابو شيبة زميلا الدراسة الجامعية ودفعة التخرج .. تذكرت ذلك ورثيت لحال الصحفي المسكين لانه الان اصبح اضحوكة في نظر الزملاء واصبح كل ما يكتبه بحق الزملاء غير مأخوذ به حسب نص الاية الكريمة " يا ايها الذين امنوا ان جائكم فاسق بنبأ فتبينوا ان تصيبوا قوما بجهالة فتصبحوا علي ما فعلتم نادمين ". - والفاسق هو الذي يكذب بدون قصد مسبق ولكن اسوأ منه الذي يكذب ليسئ للزملاء يقصد حرقهم واغتيالهم معنويا كما حدث لعديد من الاقلام ليس اخرهم الزميل ابراهيم عبدالرحيم. - ما اطالب به لن يكون تعويضا قلست من من يقيسون الاشياء بالدولارات ولا الدراهم ولا الصحف ولا المطابع او المساكن الفاخرة ابدا ابدا ابدا. - اطالب بادانة مزمل ابو القاسم بجريمة الكذب الثابتة عليه تماما وذلك لاراحة روح سيف القبيلة الحمراء البتار الصديق الصدوق صلاح سعيد في قبره. - لانه مات بحسرة التشكيك في طهر مداده بعد ان طالته الاكاذيب الوضيعة في شراء عربة ( مارسيدس )اشتراها من حر ماله. - لان اثبات جناية الكذب الفاضح يضع المدان بجناية الكذب تحت بند الفاسقين بنص كلام الله الذي لا يعقب ( بضم الياء وفتح العين وتشديد القاف). - وبهتان الراحل صلاح سعيد جاء بلسان الموصوف في الاية اعلاه والاية تأمرنا بعدم الاخذ بكلام الفاسقين اذن صلاح سعيد براءة فهل انت راض يا صديقي عبدالقادر سعيد. - لاجلك يا صلاح سعيد ولاجل اخرين سعي هذا اللسان الي اغتيالهم معنويا قدمت هذه الشكوي ولكنك من اسف لم تتحمل الظلم القمئ بسبب خلاف فكري في الرأي امتدت الاساءات والاكاذيب حتي الاسر والقبيلة. - روحك مثل روح كل الشرفاء من ابناء بلادي يموتون مباشرة تحت وطأة خناجر الافتراءات من الذين لا ضمير لهم. - اطالب بادانة الكاتب بجناية الكذب حتي ارد اعتبار العشرات من الزملاء الذين طالتهم السياط. - لكنني لم اتقدم بالشكوي ضد مزمل ابو القاسم قصاصا لنفسي فعندما يأتي اليوم الذي الوذ فيه الي جهة بسبب فعل يصدر من مثله فسيكون باطن الارض اكرم لي ولكل رجالات اسرتي حتي اصغر فرد فيها. - ما يجهله الكاتب ان اصغر قارئ يدرك حقيقته جيدا ... يبدأ الخلاف الفكري وبمجرد ان ينهزم جدليا يلجأ الي قاموسه المحتشد بالاكاذيب والبذاءات .. يرهب بها اولاد الناس ولكنه ارتكب خطأه الاخير هذه المرة ... فاما القلم او اللسان بحول الله. - مرسيدس صلاح سعيد ... سرقة ابراهيم عبدالرحيم لعموده وافكاره ... كتابة ذو النون لتصفية الحسابات الخاصة ... اخطاء رمضان ... اما ما صاغه في حق كثير من الزملاء فلا استطيع ان اكتبه مثل ما حدث بعبدالمجيد عبدالرازق وبذائته بحق دسوقي .... عفوا كيف يمكن كتابتها. - ولكن من يحمي ملك البذاءات .. والالفاظ النابية ... لماذا سكت المجلس عن تفسيره لكلمة ( رشاشات ) .. والتي سببت كل هذه الكراهية بين المريخاب والهلالاب.... - لماذا سكت المجلس عن وصفه لاحد الزملاء .. ( القرادة سافرت الي امريكا ملتصقة بالجمل ) والقرادة هي الزميل الذي سافر مرافقا لزوجته ... هل فات علي قادة المجلس الاختيار الذي يخلو من المسؤولية والاخلاق لمفردة ( الجمل ) تحديدا لهذا الكاتب. - والقانون ... اي قانون يعتبر اي شخص بالغ ولا اقول راشد .. يتحمل مسؤولية ملنا يصدر منه من اقوال وافعال. - لست ممن يهتمون بما يكتبه مزمل ابو القاسم مطلقا ... لانني مثل كثيرين يعرفون حقيقة ( مزمل ابو القاسم ) كما هي بعيدا عن الاطار المصنوع ... وهذا ملف سنعود له دائما ان شاء الله .. حتي نكشف البلاء عن الديار الحمراء .. نهائيا بحول الله.. - ويكفي ان يكتب ... انني لم الج الجامعة الا زائرا... لتتأكد الدنيا كلها ان هذا الكاتب يكذب ويفتري ويبهت ولا يتورع عن فعل اي شيئ ... في سبيل تحطيم اي قلم يشكل خطرا..

سنة يا الصفوة

المابتلحقوووووووووو جدعوووووووووو ....

Quote: المابتلحقوووووووووو جدعوووووووووو ....

الشكر موصول للأخوان عبد الرحمن و أشكا بمنتدى الهلال
النص و الصور منقولة من هناك

ولع يا جرجير
ولع يا مولع بمشاهدة الدماء
بس خليك عادل في ساديتك دي وجيب لينا من بيت الكلاوي هناك
وللمساعدة أول امس صعايدتكم قالوا عايزين يحرقوا جريدة (حبيب البلد) وجواها الصديق العزيز الرشيد علي عمر
أها تعال ورينا السبب شنو ، وبصورة ادق الرشيد كتب شنو
ولو ما عندك معلومات عن بتاعت امس دي اكيد اكيد اكيد
عارف كل صغيرة وكبيرة عن ملاقيط وكبع خالد عز الدين والارباب الماكضاب
تعال انكر .

مبروك وارغو التاسع افريقيا والعجب الخامس عربيا ..

مبروك للعجب ووارغو يا وليد
كويس معاك
يلا ادينا رايك في الحاصل
باعتبارك لاعب كورة قديم و اشبال المريخ بالذات تفتكر منو يكون البصم محل علاء ؟

أولع شنو يا تنظير الله يهدينا ويهديك
هي دايرا ليها وليع
ما لهبتها في السماء و عفنتها تزكم الأنوف من مسافة تفوق المساف الجا منها قون الوحدات الأول في كورة المسبعات الشهيرة
بعدين ياخوي انا مالي ومال سيد البلد و الرشيد ولّ رمضان ولّ خالد عز الدين
ديل صحفيين بمثلوا نفسهم ليس إلا و يتحملوا نتيجة ما يجري على أقلامهم
إن رايناهم أصابوا استحسناه و شجعناهم
وإن لخبتوا لعنّا ابو خاشهم
ما عندنا كبير ولا صنم ولا مُقدس فوق النقد, كبيرنا بعد الله الهلال ثم الجمل
فيا عزيزي بطل الجدال العقيم و اللف حول نفسك
سؤالين في منتهى الوضوح
هل لا زلتم جادين في حكاية الصفوة دي
و من بصم بديلا لعلاء

Quote: لماذا سكت المجلس عن وصفه لاحد الزملاء .. ( القرادة سافرت الي امريكا ملتصقة بالجمل ) والقرادة هي الزميل الذي سافر مرافقا لزوجته ... هل فات علي قادة المجلس الاختيار الذي يخلو من المسؤولية والاخلاق لمفردة ( الجمل ) تحديدا لهذا الكاتب

ود البشري يا عمكـ
زمان قلنا مزمل رجل غير محترم ما صدقونا !!!
بالله في راجل عندو ذرة رجولة و نخوة بكتب كلام زي ده ؟؟؟

وليد ده زاتو من أمس فاتح نيران على كلام الرشيد في الإذاعة وبكي على الأخلاق لمن فتر ... شفتو زاغ من الحنة دي كيف؟؟

خلدون يا عمك ...
الله يقدرنا على مراقبة انفسنا و عيوبنا خلينا من الناس
البهمني في الموضوع كلو ما دار حول فضيحة البصمة التي يبدو انو عندها ابعاد تانية كبيرة
بالإضافة للبونص المتمثل في بيان حقيقة وهم و إدعاء الصفوة

Quote: ود البشري يا عمكـ زمان قلنا مزمل رجل غير محترم ما صدقونا !!! بالله في راجل عندو ذرة رجولة و نخوة بكتب كلام زي ده ؟؟؟ وليد ده زاتو من أمس فاتح نيران على كلام الرشيد في الإذاعة وبكي على الأخلاق لمن فتر ... شفتو زاغ من الحنة دي كيف؟؟

خلاص محترمين انتو يارشاشات يا تابعين نيودي بيت الشهداء مزمل يوزنكم كلكم ولوحده مطير النوم من عيونكم .....يلا بلا لمة بلا اخلاق معاكم ناس ما تصدق تلقي راس خيط .... عيب عليك ياابو نضارات كبار ما تسب الناس ...

محترمين مربيين جايين من الشارع دي ما قضيتنا هنا
الكلام دا ما جبنا من عندنا ولا ألفناه
ناسكم الصفوة اتفتنوا في بعض ومرقوا غسيلهم شروه في الشارع
كلكم مكبرين اللفة منو و عاملين ما شايفين
ورونا الورا قصة البصمة شنو ؟ شهادة ميلاد فرانسيس خليناها أسي

Quote: عيب عليك ياابو

ما بتوريني العيب إنت
اها عندك راي في تربيتي برضو ولّ حاجة

ود البشرى يا خوي سلام أولاً

ثانياً كرة القدم بلعبوها في الميدان 11 لاعب و إحتياطي

ثالثاً نتيجة المباراة يا غالب يا مغلوب يا درون

الباقي دا كلو ما مهم ما تقعد تجقلب ساكت

وعليكم السلام يا ابوحسين
كلامك سليم وعلى العين و الراس
الكورة في الميدان ما قلنا شي
لكن موضوعي هنا ما عن الكورة ولا فيه سيرتها
الحاصل فساد - أو إتهامات بالفساد على الأصح - و حديث عن تستر و تزوير و دا كلو ما عندو علاقة بالكورة
يهمني فيها كمواطن شامت أشوف آخرتها شنو
واحد فيهم إما فاسد او كاذب
و يهمني برضو اعرف البصم محل علاء الدين منو؟
وكان دا فهمك للجقلبة خلاص اخوك جقلاب ركن

Quote: عيب عليك ياابو

ايوة عليك انت ياود البشري وابونضارات كبار

الله يدينا و يديك

جرجير ( من جري )
يعني لما الشنكبة والعنكبة تكون في زريبتكم يبقي الكلام صحفيين بمثلوا انفسهم
ولما الصفوة يتشاكلوا في القلعة تخم وتجيب وتشبكنا دي كسرة خميرة وملاح ورق بايت ويخسي والحاجات دي ..
مزمل ابو القاسم وحسن حمد هنا برضو بمثلوا نفسم والزعيم ما عندو علاقة ..
موضوع البصمة دا ذنب الارباب الماكضاب وعلاء الدين شلاليت قبل اي زول تاني
علاء الدين متفق مع جمال الوالي وشايل قروشو وحالف كمان في داعي تاني قعد يرجف لزيادة مليون واللا مليونين ..؟؟؟؟
والارباب الماكضاب عارف الكلام دا فشنو البخليهو يمش يساكك في اولاد الناس عشان يعمل المشاكل دي كلها ..؟؟؟؟؟
غير كدا تاني ما عارف اية حاجة يا عمك .

ودالخدر كيف حالك ياخى
والله مشتاقين ,,
لكن قبل ما ابدا كدى قوم اخد ليك لفة لفتين ,,
ياخى قالوا ,, الصحفى لما يفلس بفتش جرايدو القديمة ,,
الجرايد الـ من زمن ناس كمال عبدالوهاب ديك ,,

بالأكتر يا فاضلابي يا عمك
ما وقع لي كلامك مية مية
لكن اقول ليك حاجة
كمال عبد الوهاب خالي

تنظير ( من سبعة الوحدات الفضيحة )....
أما بعد ..
ياخوي ناسك ديل برضو صحفيين و بمثلوا نفسهم ما قلنا شي
ما بسيئوا للمريخ كنادي كرة قدم لكن بهدموا الصورة الخيالية الخالقنا ليه في أذهانكم و فالقننا بيها
عالم جميل , رجل صالح , صفوة .... بلا بلا بلا
بعدين ياخوي ما أخم وأجيب كان خميت, ما لقيتوا مجدوع في السهلة
النشوف رايكم وبقية الأخوان شنو
يمكن يطلع واحد عارف البصم محل علاء منو
اها و بمناسبة البصمة قلت لي

Quote: موضوع البصمة دا ذنب الارباب الماكضاب وعلاء الدين شلاليت قبل اي زول تاني علاء الدين متفق مع جمال الوالي وشايل قروشو وحالف كمان في داعي تاني قعد يرجف لزيادة مليون واللا مليونين ..؟؟؟؟ والارباب الماكضاب عارف الكلام دا فشنو البخليهو يمش يساكك في اولاد الناس عشان يعمل المشاكل دي كلها ..؟؟؟؟؟

تخجل براك ولّ اخجل ليك أنا ولّ نرسل نجيب خجالات بي ليلنا دا
يا زول إنت جادي في تنظيرك الحتيتو دا؟
علاء كعب وما عندو كلمة و السبعة وذمتها فيه و زاتو ما بعرف يلعب
و الأرباب سكاهو وزايد عليه وأي شي و هو زاتو الأرباب ما عندو موضوع .. كويس معاك
اها دا مبرر ياخوي تسوقوا لاعب تاني بشبهو و تغشوا - او تتواطؤوا الله أعلم - موظف الإتحاد و تقولوا ليه دا علاء الدين
بس صورتو شوية مختلفة و يقوم الشبيه دا يبصم على أساس إنو علاء الدين .. دقييييييقة يا عمك
يا زول أخجل براك دي والله انا ما بقدر أخجل ليك فيها و لا اظن الخجالة بتفيد

خلاص خليناه الزول البصم بدل علاء, شوف لينا قصة السبعة* شنو؟









حاشية...
*السبعة في المية تفكيرك ما يمشي لسبعة تانية لا سمح الله

جرجير ( من ما بتخجل عليك الطلاق )
ياخي معقول تعترفوا بي كعوبيتكم وعدم ذمتكم وتجوا تحاكموا الناس في الحاجات الأصلا انتو قاعدين تعملوها
طيب وكت علاء الدين كعب والارباب كعب وعملوا العمايل الما كويسة دي بتحتجوا علي عمايل الناس الغيركم لشنو كان سمحة كان كعبة
المثل بقول ليك :
عجبي من وسخان قال لي مستحمي يا وسخان
ومثل تاني :
العريان يضحك علي اللابس ليهو فنيلة سقط
أو كما قالوا في عدد من الامثال المشابهة
أقول ليك حاجة




















لافاك بقرة والدة هسع دي

Quote: لكن اقول ليك حاجة كمال عبد الوهاب خالي

يا ودالخدر كلامى معناه ,, ما عندكم موضوع الكلام ده قديم,,
وبعدين ياخ الخال والد ,, الوداك زريبة العيش شنو? قالو الشقى ,, يعتر ليه بيـ..و ,, انت وكت بقيت هلالابى وخالك الأسطورة كمال عبدالوهاب يكون بـيـ..ك عتر ليك نامن كان داير يفقهك,, (كلام صفوة)

لكن الخال عندك

فاضلابي يا عمك
قديم شنو ياخ المقال دا منشور في عدد أمس
بي نارو جبتو ليك هنا
ولّ تكون قاصد البصمة موضوعها قديم
والله في الحالة دي كدي اسال حسن حمد الخلاهو ينكتها شنو أسي
ولا يكون كلام صفوة زي ماقلت

اها بمناسبة الوداني الزريبة , عمك عبد الوهاب سلمان ابو كمال نفسو موردابي و لعب فيها بالتالي و بمنطق الصفوة بتاعك مفروض كمال يكون موردابي
او من ناحية تانية رئيس نادي الهلال الفي عهدو اتسجل جكسا - المغفور له الكومندان سر الختم محمد احمد جدي عديل
اها رايك شنو

تنظير (من علي اليمين قوة عينك حيرتني )
ياخوي ما تقولي تعترفوا و كعوبيتكم و تنتقدوا و تخاطبني بضمير إنتو
انا دا ابو حتوت الكتبت البوست دا لا امثل إلا نفسي ولا أتحمل إلا اوزارها - على كثرتها
ومن حقي انتقد اي فساد اراه امامي من غير تحمل تبعات تصرفات آخرين
تعال قول لي إنت دا يا معلم زورت شهادة ميلادك ولّ بصمت محل زول تاني ولّ عملت السبعة وذمتها
عشان كدا لايستقيم نقدك للآخرين و استنكارك لفسادهم
ولحين ما تلقى ليك حجة زي دي علي يبقى انا اتساءل و انتقد - العايز انتقده - من فساد و تستر عليه ما شاء لي الله ان انتقد
يبقى منطقك المكلوج دا تلمو على البقرة النفساء دي وتمشي تضاير ليك منطق أفضل
أو تاخدها من قاصرها و تضرب تلفون السودان تعرف لي منو المشى وقع محل علاء
وما تنسى تخجل باقي ليلك دا













ثم تعال هنا
أكرم اليوم داك مالو بشتن بيكم كدا

انت يا جرجرة عايز تجر الوبست دا توصلو كم صفحة بي جنس غلاط ولولوتك دي
ياخي كدا شوف من أول البوست لحدي أخر كلمة كتبتها هنا
قاعد تقول (نحن) واللا (أنا)
وتعال بتفاهم معاك بعد كدا ..

Quote: الشكر موصول للأخوان عبد الرحمن و أشكا بمنتدى الهلال النص و الصور منقولة من هناك

أقعدوا باروا المريخ ده كده لحدي ماتلاقوا هلالكم ده بقى في المزاد ..... ياهي دي الفالحين لي فيها ...

سؤال بري :

كيف تحول الرقم ( 2 ) إلى الرقم ( 12 ) ؟ ومن قام بذلك ؟ بدون لف ودوران .... وإلا قوم لف ...

أهه رأيك شنو في الهلالابي الصفوة ده

دي القرادة القالها مزمل عليك الله ما ليهو حق

نعم الصحفيين الهلالاب

عمدة بتاع الروب...

Quote: سؤال بري : كيف تحول الرقم ( 2 ) إلى الرقم ( 12 ) ؟ ومن قام بذلك ؟ بدون لف ودوران .... وإلا قوم لف ...

حاضرين يا عمك ....
بدن لف و دران
بالضبط كدا ما عندي تفاصيل الحصل
ظاهر الأمر يقول ان الحكم غير في تقريره الأرقام لمصلحة نادي الهلال
كيف و مقابل شنو ما عندي فكرة
قد يكن أخطأ من غير قصد إن كنت استبعد ذلك
في كلا الحالتين أخطا الهلال في إشراك الثعلب و هو يعلم تمام العلم انه لايحق له المشاركة حتى و إن كان تقرير الحكم يشير لغير ذلك
الأخلاق الرياضية و روح التنافس الشريف كانت تقتضي عدم إشراك الثعلب

يا عمدة عندنا مشكلة كبيرة في فهمنا و تعاملنا مع الأشياء
التزوير و الخداع يعتبر فهلوة و شطارة إدارية
خيانة العهود و النكوص عن الكلمة خرق المواثيق صار فلاحة و مقدرة وكاش يقلل النقاش
من أصغر تيم في رابطة ناشئين لحدي بطل الدوري لا يوجد من يستنكر استصدار شهادة ميلاد مزورة
موضوع اتنين / اطناشر و بصمة علاء الدين و شهادة ميلاد فرانسيس غيرها و غيرها لو حدثت في أي بلد يسود فيها القانون لكان السجن مصير المتورطين فيها
لكن عندنا يتفاخروا بيها في الصحف وفي العلن
خليك من بلد تاني لو حصلت نفس التصرفات دي في مجال تاني غير الكورة كان حصلت مساءلة قانونية او استنكار أقل شي
هل يعني دا ان مجال الكورة اصلا مجال فاسد و لا سلطة للقانون فيه


فيصل رشوان يا عمك
إزي الحال ياخ وين ما شفناك من زمن شلباية و ما ادراك ما السبع المهلكات
قلت لي الصحفي - عفوا السخفي - دا مالو
بالمناسبة قريت انو ناس الامن مسكوه و الجريدة فصلتو و طلعت بيان اتبرأت من العمود

اها بس نعلك جايبو لي ياخوي من باب صحفيينا و صحفييكم
تكون بالغت أكتر من اكرم في قون الوحدات الأول من سقط لقط
بوتوم لاين يابا نحنا ما عندنا أصنام حريقة في أي صحفي لاعب إداري يتعدى حدودو أو يخطئ
هسي خلينا في موضعنا
البصم محل علاء منو ؟ و سر السبعة - السبعة في المية دي غير ديك ما تضايق - شنو ؟

بالمناسبة: حكاية "القرادة..." دي ما أعتقد مزمل قاصد فيها بذاءة،
لكن المهم في الموضوع: البصم منو؟ وإذا كان هو عارف إنو علاء
ما بصم؛ ليه ظل يلاحقه بالوعيد والتهديد، لدرجة أنه كتب مطالبا
لاعبي المريخ ألا يصافحوا علاء؟!!
__________________________

صفوة بتاعة مين يا عمك؟ إنت عارف زي ما أنا عارف وهم كمان
عارفين إنو الحال من بعضو، بس هم فايتننا بالألقاب الهلامية

Quote: بس هم فايتننا بالألقاب الهلامية

و الفضيحة السباعية
هسي يجي واحد يقول لي المقاولين و المهندسين

وين يا باشمهندس ما ظاهر
يا عمك ما يكون فايتك المولد المدور في منتدى السبيعاب
انا غايتو منتظر القفلة عشان اعرف البصم منو؟

Quote: يا عمدة عندنا مشكلة كبيرة في فهمنا و تعاملنا مع الأشياء التزوير و الخداع يعتبر فهلوة و شطارة إدارية خيانة العهود و النكوص عن الكلمة خرق المواثيق صار فلاحة و مقدرة وكاش يقلل النقاش من أصغر تيم في رابطة ناشئين لحدي بطل الدوري لا يوجد من يستنكر استصدار شهادة ميلاد مزورة موضوع اتنين / اطناشر و بصمة علاء الدين و شهادة ميلاد فرانسيس غيرها و غيرها لو حدثت في أي بلد يسود فيها القانون لكان السجن مصير المتورطين فيها لكن عندنا يتفاخروا بيها في الصحف وفي العلن خليك من بلد تاني لو حصلت نفس التصرفات دي في مجال تاني غير الكورة كان حصلت مساءلة قانونية او استنكار أقل شي هل يعني دا ان مجال الكورة اصلا مجال فاسد و لا سلطة للقانون فيه

أتفق معاك في ما ذهبت إليه .... وعالم الرياضة في كل بلدان العالم أصبح أكبر مجال للفساد والافساد واصبح تحكمه قوانين الغابة .... رحم الله كرة القدم في العالم أجمع ....

Quote: و الفضيحة السباعية هسي يجي واحد يقول لي المقاولين و المهندسين

أها جييييييت ... المقاولين والبناءين زاااااتو .. عندك إعتراض ؟ ما اخدتوا الفيها النصيب يعني حلال عليكم وحرام علينا ... السبعة ياهي السبعة ونحن اخير منكم جبنا فيهم أربعة .. بس أنتو جبتوا كم ؟
أقول ليك حـــــــــــــاجـــــــــــــــــة :
قول لي صلاح إدريس قوم لـــــــــــف !!!!

اها ما قلت ليكم موضوع البصمة دا وراه بلامي متلتلة
مقال حسن حمد اليوم - الشكر للإخوة بمنتدى الهلال





الزول دا كان ما مسكتو ح يجيبها ضقلها يكركب

تخيل بعد الكلام اعلاه بكل بساطة كتب الصحفي حسن حمد

Quote: تم بحمد الله بالأمس احتواء الخلاف الذي نشب بيني وبين الأخ الزميل الصديق مزمل ابوالقاسم.. خضوعا لرغبة جماهير المريخ الوفية.. ونحن ليس ممن يرفضون أمرا لشعب الصفوة الوفي ما حدث بيننا.. أنا ومزمل.. معركة أشقاء لا رابح فيها ولا منتصر علي الاطلاق. والأفضل عفوا الأقل سوءا.. هو الاكثر ضبطا للنفس. شكرا للأوفياء الكثر الذين طالبونا بالكف عن ايذاء المريخ.. وشعبه وأرجو أن نطون قد قفلنا هذا الملف (البائس من تاريخ أي منا) بالضبة والمفتاح الي الأبد. الكلمات أعلاه جاءت في عمود المريخابي الأصيل الأستاذ حسن محمد حمد (لمن تقرع الأجراس) اليوم.. وحقا أسعدنا عودة الوفاق والصفاء لاثنين من جنود الكلمة المريخية. ونقدم لهما التهنئة والاحترام .. وحقا كان خلاف أخوين وعاشقين للأحمر ولهما الشكر لتلبية دعوة الجهود الجماهيرية المريخية.

ما قلنا شي الله يهدي النفوس و يديم المعروف
لكن يا ابو الشباب كلامك القلتو فوق دا ما حاجة خاصة بيك عشان وكت ما يهف ليك تسكت عنها
ولا هو غلط في حقك عشان تعفو عنو و تتجاوزو

دا امر عام و من أساسو لو عندك معلومات عنو عيب عليك تموت بيها المدة دي كلها و تستخدمها و كت ما تحب في تصفية حسابات شخصية
و بعد تدخل الأجاويد الأقسمت بقبر والد إنك ما ح تستجيب ليهم - عليك كفارة بالمناسبة السعيدة دي - تنسى و تواصل في دفن الحقيقة
لكن اثبتوا انكم تمام صفوة

خسارة كانت فرصة نعرف البصم منو

لا يعني دايرين تاكلونا حنك ولّ كيف ؟
حسن حمد كان مستخدم الموضوع أتو عايز يجلد بيه في اللحظة المناسبة لكن شكلو ما احتاج ليه
للاسف حسن حمد ومن انتقدهم تلميحا أو تصريحا سواء وعلى نفس الدرجة من عدم المبدئية و إلقدرة على إخفاء الحقائق و استغلالها وقت الحاجة
وإلى حين أن يخرج علينا من بيتغي وجه الحقيقة فقط او لحين شكلة صفوة قادمة - ايهما أقرب
يبقى السؤال قائما
من الذي بصم ؟
و يضاف إليه ... لماذا لم تتم محاسبة من ارتكبوا هذه الجريمة

مثلك اخى ود البشرى

تمنيت ان يواصل حسن حمد فى سرد وقائع قضية علاء الدين
ولكنه اثر ان يكتب كلام مبهم ويشير لاسماء دون ان يحدد
وودانا البحر وجابنا عطشانين

ويبدو لى انه لم يكن يملك الكثير .. او قل لم يكن يملك
الدليل .. فقط حكاوى وروايات وقالوا وقلنا

وشوف بيكابر وبيقول انو علاء الدين مريخابى ابا عن جد بينما
تقول الوقائع والاحداث انو علاء الدين هلالابى ضل طريقه الى المريخ

غايتو زولك دا طلع بيض للدين ...

مع اكيد ودى ..

تم لينا الباقي انت يارش نحنا منتظرين نعرف مين البصم محل علاء الدين
اصلو الرش ما بخلي عادتو
طولين لسان ......... فصاحة في الفاضي

Quote: اصلو الرش ما بخلي عادتو

ساقط .. ماأكتر

ابو علوة ازيك ياخ
عساك بخير

Quote: <ساقط .. ماأكتر

اركز ياعمك ما تفك اخرك قليل ما عندكم
يكفي انت عنوان السقوط الكبير راجعك بوستاتك التي تخص المريخ
اعتدل واحترم نفسك تحترمك الصفوة وصفوة غصبا عنك
راجع الهلالاب الكبار واسألهم عن تاريخ نادي الهلال ..روادكم من النادي للنادي عدل

Quote: يكفي انت عنوان السقوط الكبير راجعك بوستاتك التي تخص المريخ

أتحداك جيب لي كلمة واحدة برة الكورة
او فيها سيرة تربية أوّ سلوك أو اخلاق المريخاب إدارة لاعبين مشجعين
او تلميح عن تاريخ او فضائح
بل اتحداك جيب اي شي يمس الخصوصية و يخرج عن اطار المنافسة الرياضية
او اي شي على شاكلة سفاهتك القاعد تمارسها هنا
عموما كدة اقول ليك حاجة
إتلهي

ها
في جديد يا صفوة
أي خبر عن موضوعنا

فعلا محتاجين جمه مع الكوره ,,او كما قال

سلام ودالبشري

البصمة وخليناها إلى حين
كلام شداد دا كيف؟
المصدر

Quote: وقال.. المريخ نفسه طلب تسجيل اللاعب الامريكي فرانسيس وحاول بشتى الطرق تسجيله وطلبنا من المريخ ايداع مستند او شهادة ميلاد للاعب.. وعندما ذهب اللاعب الى الهلال حضرت ادارة المريخ وقالت ان اللاعب كبير في السن.. وعندما عاد اللاعب مرة اخرى الى المريخ جاء به المريخ من جديد لتسجيله فرفضنا تسجيله لان الشهادة المقدمة وقتها مستخرجة من الحاج يوسف وراح اللاعب وسجل لناد آخر خلاف الهلال والمريخ..

عاد دا كلام دا

اها يا طلحة تعال نظّر لي فيها


ملحووووووزة...
للناس السفيهة الح تجي تتعولق و تترمدن
قد أرد وقد أطنّش
على حسب المزاج وقتها