Post: #1
Title: يـــارب كتـــاحـــــة ومـطــــــــــر .....
Author: عماد محمود علي
Date: 12-29-2008, 12:40 PM
بالله يا طارق جبريل جيب معاااك سارة علي دي والحاقد ود الموج داك وتعالوا ندعي مع بعض ..: يالله مطرة كااااربة وكتاحة ليها ظل من مغرب رأس السنة وما تقيف ياربي إلا الساعة حداشر بالليل والكهرباء تقطع كالعادة لما تجي حاجات ذي دي أها والكهرباء إنشاء الله ما تجي إلا بعد ثلاثة اربعة ايام قادر ياكريم .... يارب .. يارب ... يارب ... .
آآآآمييييييييين
|
Post: #2
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-29-2008, 01:06 PM
Parent: #1
 يارب غيوم ذي دي وأكثر تنزل الفيها كله وما تقيف إلا بعد ثلاثة أيام .... يارب ... من المغرب كده في رأس السنة يارب ...
|
Post: #3
Title: Re: يـــارب كتـــاحـــــة ومـطــــــــــر .....
Author: انعام عبد الحفيظ
Date: 12-29-2008, 01:13 PM
Parent: #1
عماد؟؟؟؟
من متين ليك الحقد دا كلو ياخ 
|
Post: #4
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-29-2008, 01:34 PM
Parent: #3
| Quote: من متين ليك الحقد دا كلو ياخ |
من ما بقيتوا ما بتردوا على الموبايل ياخ ....  
مشغولين براس السنة ومافاضين ترودا علينا ... اها رأس السنة الخلاكم ما تردوا ده إنشاء الله مطرة للركب وكتاحه ليها ضل كمان ... ( فأصبح حقداً دفيناً ...  ) .
|
Post: #5
Title: Re: يـــارب كتـــاحـــــة ومـطــــــــــر .....
Author: عبدالوهاب علي الحاج
Date: 12-29-2008, 02:42 PM
Parent: #1
انا لانو عجوز وبنوم من عشرة متضامن معاكم
ودي الكتاحة ياعمـدة اها قصرت معاك
|
Post: #9
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 07:42 AM
Parent: #5
Quote: انا لانو عجوز وبنوم من عشرة متضامن معاكم
ودي الكتاحة ياعمـدة اها قصرت معاك |
ياســــلام عليك ياوهبه ياخي ... والله ماقصرته تب ياخي انت زول سكرة وعسل عديل ... بعدين عجوز شنو ياخي ... أنت لسع في عز صباك ماشاء الله ... ونوم العافية إنشاء الله .. بس بالله سبحتك معانا وكده .. ومتشكرين جداً على تضامنك ده عيازنها كتاحة ذي بتاعتك دي :ـ
يارب .. يارب ,., يارب .... يارب .
|
Post: #6
Title: Re: يـــارب كتـــاحـــــة ومـطــــــــــر .....
Author: Safia Mohamed
Date: 12-29-2008, 06:48 PM
Parent: #1
Quote: بالله يا طارق جبريل جيب معاااك سارة علي دي والحاقد ود الموج داك وتعالوا ندعي مع بعض ..: يالله مطرة كااااربة وكتاحة ليها ظل من مغرب رأس السنة وما تقيف ياربي إلا الساعة حداشر بالليل والكهرباء تقطع كالعادة لما تجي حاجات ذي دي أها والكهرباء إنشاء الله ما تجي إلا بعد ثلاثة اربعة ايام قادر ياكريم .... يارب .. يارب ... يارب ... .
آآآآمييييييييين |
يا حاقدين
لعلمكم مدينة لا الخرطوم تقع في منطقة مناخ شبه الصحراء وليس مناخ البحر ابيض المتوسط حار جاف صيفا دافئ ممطر شاءا
ولذلك من عاشر المستحيلات انه تمطر شتاءا
ثم ثانيا
ولو حصل تغيير في المناخ باثر ثقب الاوزون
في حاجة اسمها من جوة البيت عربية مكندشة مقفلة توديك وين رايح
وين ماشي دي تشمل صالات مغلقة ومكيفة
واوتو ماتيك جنريتير
وتصريح من ناس الحيكومة
استمرار الحفلات للصباح
وووووييييييييييييي
وبكري معانا
والناس العسل كلهم بداءا من منى خوجلي وانت ماشي
|
Post: #7
Title: Re: يـــارب كتـــاحـــــة ومـطــــــــــر .....
Author: mayada kamal
Date: 12-30-2008, 06:41 AM
Parent: #6
تم اعلان المشروب الراعي لاحتفالات راس السنةالــــ 7UP
|
Post: #8
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 07:35 AM
Parent: #7
ميـــادة كمـــال ...
| Quote: تم اعلان المشروب الراعي لاحتفالات راس السنةالــــ 7UP |
مامشكلة إنشاء الله كوكاكولا زااااته .. بس وينو رأس السنة هو زاته ؟ الدعوات .. الدعوات .. إنشاء الله النوم من الساعة تسعة وكده ... أمطار وهبوب تقلع الشجر وتشيل الشباشب زاااته ... أها كان لقيتوا رأس السنة بعدين فتشوا على الزفت ده ....
قال رأس سنة قال ... تشموا قدحة ...
|
Post: #12
Title: Re: يـــارب كتـــاحـــــة ومـطــــــــــر .....
Author: mayada kamal
Date: 12-30-2008, 08:22 AM
Parent: #8
عمدة...
من متين بقيت حاقد للدرجة دي
اديك نصيحة
تاني اخذ ليك 7UP
صدقني بتروووووق وتهدأ
**** تخريمة
وينك من دييييييك الـ 7/4 شايفاك ما ظاهر
|
Post: #18
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 11:47 AM
Parent: #12
| Quote: من متين بقيت حاقد للدرجة دي |
من يوم ما طنشوني الجماعة ... الله غالب .
جيبيها .. النشوفا في الاول ..
Quote: تاني اخذ ليك 7UP
صدقني بتروووووق وتهدأ |
وفي جماعة قالوا لي دواك تمشي الجبل الأخضر جيب ليك مقاولون معاااك يبنوا ليك إستادك الخرابة ده هيي قصدي بيتك الخرابة ده نفسياتك بتتصلح ... تصدقي ...
Quote: تخريمة
وينك من دييييييك الـ 7/4 شايفاك ما ظاهر |
والله قاااااعد بس السفن أب عامله لي وجع بطن وكده .. اها شرب لي جبل أخضر ، هيي قصدي شأأاي أخضر سبعة مرات أها بعديها بقيت كويس تب .. انت شردتي وين !!! هرشوك ولا شنو ؟
|
Post: #11
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 08:06 AM
Parent: #6
هو إنت جيت ياعطية ؟!!!
Quote: لعلمكم مدينة لا الخرطوم تقع في منطقة مناخ شبه الصحراء وليس مناخ البحر ابيض المتوسط حار جاف صيفا دافئ ممطر شاءا
ولذلك من عاشر المستحيلات انه تمطر شتاءا |
بس الله قادر على كده ....
Quote: ولو حصل تغيير في المناخ باثر ثقب الاوزون
في حاجة اسمها من جوة البيت عربية مكندشة مقفلة توديك وين رايح
وين ماشي دي تشمل صالات مغلقة ومكيفة |
وين مع الرعدة والامطار والتراب الكتاحه ده تمشي السيارات خاصة في مثل وقت الحفلات ده .. مافي طريقة مافي طريقة ... نوم سااااكت ...
| Quote: واوتو ماتيك جنريتير |
ما بتحمل التراب والمطر والكتاحة ... ببوظ على طووووول ... وناس الصالات مابقبلوا المجازفة .. كهرباء مافي حفلة نهي ...
Quote: وتصريح من ناس الحيكومة
استمرار الحفلات للصباح |
الحكومة مانعة التصريحات والتصاريح حدها الساعة حداشر بس لو قامت أصلاً ..
وبكري ده يلقاها منكم هنا ولا هناااك .. أها كمان ح يبقى ليكم مظلة ...
| Quote: والناس العسل كلهم بداءا من منى خوجلي وانت ماشي |
أمشوا معاهم حوش بكري أحسن ليكم .. أتونسوا وأنسوا رأس غليظ ده .. قصدي رأس السنة .. حراااام .
يارب الكهرباء تقطع والمطرة تنزل ببركاتك يارب وهبوب ماتخلي النور يضئ شبر واحد يااارب . أها النشوف الجنلتيرات دي بتشتغيل كيفن ... الله غالب . وبث .
|
Post: #10
Title: Re: يـــارب كتـــاحـــــة ومـطــــــــــر .....
Author: معتز القريش
Date: 12-30-2008, 08:05 AM
Parent: #1
| Quote: يـــارب كتـــاحـــــة ومـطــــــــــر ..... |
الداعي مدعي
برضو ح نعملها حتى لو جا تسونامي
.
.
.
موتوا بغيظكم ...
|
Post: #16
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 11:29 AM
Parent: #10
ولو كان على حق ....
| Quote: برضو ح نعملها حتى لو جا تسونامي |
إنت بتعملها يا الظلامي مش في تسونامي في غزة زاااتها بتعلمه ، ياخي مشيك بي هناااك ده أنا مادايره تب فاقع لي مرارتي ... وصورك الجايبها دييييك عملت لي مصران عديل كده ده .. أها رأس السنة إنشاء الله مايتعمل شقيش ما تقبلوا .. ياااارب ... ياااارب .. واااا مغستي إن كان سويتوه .. بمووووووت بالمغسة .. عليك الله ياالمفوص إن كان تجيب ( الخامسة ) ... خليلي واااحدة الندبل بيها ... وااااامغستي وأأأأأ مغستي ... يارب الكهرباء تقطع والجنليتر مايشتغل تب ...
|
Post: #13
Title: Re: يـــارب كتـــاحـــــة ومـطــــــــــر .....
Author: khalid fahmi
Date: 12-30-2008, 08:36 AM
Parent: #1
تعال ماليزيا هنا ..
مطر طول السنة ..
مرات مطر يومين ..
لكن كتاحة مافي ..
|
Post: #20
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 01:01 PM
Parent: #13
خالد فهمي ســــلامات ...
ياخي ماليزيا دي جنة الله في الارض ... إن كان جيناها تاااني ما بنمرق منها بالساهل ...
Quote: مطر طول السنة ..
مرات مطر يومين .. |
ماشاء الله .. يعني صاحبي ( الحامض ) مرطب هنااااك .. غايتو الله غالب .. لينا الله بس .
لا .لا ... لا لا دي دايرنها لي ناس الخرطوم بس .. ثلاث أيام بلياليها والكهرباء تقطع والشغلانه تفرتق .. شغالين جر سبح ساااااكت ...
شكراً لك وبالله رسل لي شوية موية مطرة كده في زجاجة ...
|
Post: #14
Title: Re: يـــارب كتـــاحـــــة ومـطــــــــــر .....
Author: Tabaldina
Date: 12-30-2008, 09:01 AM
Parent: #1
..
.
يا عمدة بطل حقد جبريلا وود الموج ..
ياخى دا ديسمبر يعنى كتاحتنا لسه فاضل عليها 5 شهور
ودا مناخ السافنا يعنى ما ماحار جاف صيفا دافئ ممطر شتاءا
كتاحة ومطرك دا الا تجيبها فى كونتينر ..
ياخى خلى الناس تبتهج ..
ولا اقول ليك تعال معاى ..
____________
كل سنة وانت طيب ..
عليك الله دعواتك دى ادينى واحد كيه فى انعام حفيظ 
|
Post: #15
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 10:14 AM
Parent: #14
تبلدينا يا جميل ... ياخي وينك مشتاقين وكده ...
| Quote: ياخى خلى الناس تبتهج .. |
ياتبلدينا ياخي ديل أبتهجوا لما مسخوا البهجة زاااتها .. يوم سمك ويوم ماعرف شنو كده قندهار وباكستان والعراق زاتا ... ياخي نحن لا بنشوف عيد ولا غيره ... يقعدوا يهروا ليك فينا بالصورة والصواني الما خمج ديك .. هسه بالله شوف صور معتز قريش دي بالله مابتجيب المغسا وهم قاعدين في حوش بكري داا ااك ..
| Quote: ولا اقول ليك تعال معاى |
ياخي مالك عليّ .. انت كمان برضو مااااشي .. واااامغستي الليلي ...
| Quote: كل سنة وانت طيب .. |
وانت بالف خير ونعمة يارب .
| Quote: عليك الله دعواتك دى ادينى واحد كيه فى انعام حفيظ |
نان نحن من قبيل بنعارف في شان شنو !!! ماياها زاااتها ... يارب إستجيب لدعائي يارب ...
|
Post: #17
Title: Re: يـــارب كتـــاحـــــة ومـطــــــــــر .....
Author: طارق جبريل
Date: 12-30-2008, 11:44 AM
Parent: #1
يا ربي كتاحة وسيل وابراهيم خليل
|
Post: #19
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 12:30 PM
Parent: #17
إنت جيت يا البردعي !!!
| Quote: يا ربي كتاحة وسيل وابراهيم خليل |
أأأأأمين يارب العالمييييييين ... وقطوعات كهرباء ...
ياطارق بالله من هسه وإلى أن تعدي الشغلانه دي نوم بابو ... جر سبحات وصلوات وقراة قرآن بس عايزين الشغلانه دي تبوظ بأي طريقة .. أوعك تدقس .. نوم مافي سهر ودعوات آخر الليل وجر السبحة كويس .. ثمخ .
ياااااارب .... ياااارب الكهرباء تقطع .. ويارب العربية الفورد الفي بالي تبنشر لساتكا الاربعة ومايلاقوا ليها طريقة تمش .. والظلام مايلاقوا ليهو جنليتر يضوي ليهم يااااارب ...
اها إن كان تمشوا .... تعالو علقوا لي الصور في صلعتي دي ..
|
Post: #21
Title: Re: يـــارب كتـــاحـــــة ومـطــــــــــر .....
Author: طارق جبريل
Date: 12-30-2008, 01:20 PM
Parent: #1
يا ود الكرسني
البلد تعدم الساوند سستم
|
Post: #23
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-30-2008, 01:26 PM
Parent: #21
| Quote: البلد تعدم الساوند سستم |
إنشاء الله يارب ...
إلاهي وإنت جاهي البلد تظلم ثلاثة أيام بلياليها تنعدم النورايا لحدي ما الشيتن داك يعدي ... قادر ياكريم ....
نهي رأس سنة نهي ...
|
Post: #22
Title: Re: يـــارب كتـــاحـــــة ومـطــــــــــر .....
Author: Tabaldina
Date: 12-30-2008, 01:24 PM
Parent: #1
..
.
كن على الساوند هينة يا حاقد ..
الحمدلله الما قلت ود السنى يجيهو التهاب لوز..
_________
رايك شنو لو اضفنا للسهرة تمتام واسرار ..
موتوا بغيظكم
|
Post: #24
Title: Re: يـــارب كتـــاحـــــة ومـطــــــــــر .....
Author: طارق جبريل
Date: 12-30-2008, 01:28 PM
Parent: #1
يا تبلدينا انت ذاتك الله يفجخ ليك كوريلتك السمحة ديك وما تقدر تمشي
ان شاء الله بدل تشرب كاس موية تشرب كاس ملح انجليزي
|
Post: #29
Title: Re: يـــارب كتـــاحـــــة ومـطــــــــــر .....
Author: Tabaldina
Date: 12-31-2008, 01:56 PM
Parent: #24
..
.
Quote: يا تبلدينا انت ذاتك الله يفجخ ليك كوريلتك السمحة ديك وما تقدر تمشي
ان شاء الله بدل تشرب كاس موية تشرب كاس ملح انجليزي |
من الامتداد بمشى كدارى الا كن دعوتك دى تلحقهم
________
انت ما عارف دعوتك دى وصلت وجابت مطر ووين
|
Post: #30
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-31-2008, 02:02 PM
Parent: #29
ياتبلدينا ياخي ما تتصلح معانا
مش كفاية في الغربة دي ماشايفين ولا سامعين أعياد ، الدنيا مسخت علينا ياخي ...
خليك مجال ... جالمنا ياخي وتضامن معانا ضد الانعامين ديل ... والشيء المكرهني كمان معتز قريش ده ياخي .. قاعد هناااك مضهب وكرهنا حياتنا زااااطو ... يارب مطرة ليها ظل ... والحفلة تطرشق ..
|
Post: #26
Title: Re: يـــارب كتـــاحـــــة ومـطــــــــــر .....
Author: الكباشى البكرى
Date: 12-31-2008, 11:50 AM
Parent: #1
عمده
سنه جديده سعيده انشاء الله
| Quote: يالله مطرة كااااربة وكتاحة ليها ظل من مغرب رأس السنة وما تقيف ياربي إلا الساعة حداشر بالليل |
كان تقول لي الصباح
لانو شايف معتصم جايب اذن استمرار الحفلات حت الفجر.
|
Post: #27
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 12-31-2008, 11:58 AM
Parent: #26
الكباشي ياالحبيب ... مشتاقون ياخ ..
| Quote: سنه جديده سعيده انشاء الله |
وكل سنواتك سعادة ورفاهية ونقاء وصفاء أمين يارب العالمين ... وتسلم ياسيدي ..
| Quote: كان تقول لي الصباح |
ياخي أنا منزل البوست ده لي يومين ثلاثة صباح شنو ياخ !!! اصحى معانا ويشلها معانا بالدعوات .
| Quote: لانو شايف معتصم جايب اذن استمرار الحفلات حت الفجر. |
هو الشليق ده المقعده لي هسه دي شنو ؟!! ماقلنا ليه تعال مارق يمرق جلده .. كمان جايب تصريح معاه . إنشاء الله الحكومة تطلع قرار منع أي حفلات السنة دي ، أها النشوف التصريح ده إن كان يبله ويشرب مويته .. زول مفعوص خلااااص ...
يارب كتاحه ليها ضل ......
|
Post: #28
Title: Re: يـــارب كتـــاحـــــة ومـطــــــــــر .....
Author: طارق جبريل
Date: 12-31-2008, 01:52 PM
Parent: #1
اللهم غتس حجر احتفالهم
آميييييييييييييييييين
هههههه
|
Post: #31
Title: Re: يـــارب كتـــاحـــــة ومـطــــــــــر .....
Author: ابو جهينة
Date: 12-31-2008, 02:08 PM
Parent: #28
العمدة عماد
سلام
كتاحة و مطر ما بتوقف الجماعة ديل
يا رب حظر تجول من العصر لحد تباشير صباح باكر
حسادة كدة يا ناس الخرتوم
|
Post: #32
Title: Re: يـــارب كتـــاحـــــة ومـطــــــــــر .....
Author: عماد محمود علي
Date: 01-01-2009, 09:15 AM
Parent: #31
الريس الراقي الجميل أبو جهينة ...
كل سنة وانت ومن تحب بألف خير ياريس ... مشتاقين وكده ...
| Quote: يا رب حظر تجول من العصر لحد تباشير صباح باكر |
أأأأمييين يارب العالمين ... والله ياريس دي دعوة حلوة خلاااااص إنشاء الله ربنا يستجيب وتتقفل عليهم محل محل ... قادر ياكريم .. هرونا ياريس بالصورة السمحة بتاعهم ديك المغسا كاتلانا كتل .. أها لو مشوا ياريس وروسوا وكده .. غايتو إلا نشوف لينا مخابئ نختبئ فيها ونعمل زغبير من البورد ده ... يارب مايكونوا مشوا ويكون إتعمل ليهم حظر ....
شكراً ياريس على التضامن الغير مستغرب منك ياجميل ....
| Quote: حسادة كدة يا ناس الخرتوم |
أأأي حسادة إن كان ما عجبك ياإنعام عبد الحفيظ ولا إنت كمان يامنى خوجلي ولا حتى إنت يابت حيمورة .
|
|