Post: #1 Title: الجري دا ما حقي .. Author: طلحة عبدالله Date: 12-28-2008, 07:20 PM Parent: #0
واللا عندكم رأي تاني يا رشاشات ..؟ يتبع ..
Post: #2 Title: Re: الجري دا ما حقي .. Author: عمران حسن صالح Date: 12-28-2008, 07:25 PM Parent: #1
Quote: واللا عندكم رأي تاني يا رشاشات ..؟
ليس رأياً واحداً .. ولا إثنان .. بل : آراء ... أركز يا صديقي طلحة ...
Post: #8 Title: Re: الجري دا ما حقي .. Author: طلحة عبدالله Date: 12-28-2008, 08:12 PM Parent: #2
يا عمران عزيزي
Quote: أركز يا صديقي طلحة ...
أنت تأمر أمر يا حبيب بس تابع معانا الركزان الهنا دا .
Post: #3 Title: Re: الجري دا ما حقي .. Author: طلحة عبدالله Date: 12-28-2008, 07:27 PM Parent: #1
انواع الجري :
جريان الماء في خور ( اربعات ) جري الوحوش جريان من تحت الجسر جري صوف جاري وهم جارين وراهو جاري وأنا جارو جريت ليهو حفيانة جاري لاحق القطر جرت جداول الموية في المطر جري الهلال خوف الفضيحة يتبع ...
Post: #4 Title: Re: الجري دا ما حقي .. Author: محمد البشرى الخضر Date: 12-28-2008, 07:40 PM Parent: #3
ما تنسى لي دي بالله جرية زيكـــو
Post: #5 Title: Re: الجري دا ما حقي .. Author: طلحة عبدالله Date: 12-28-2008, 07:49 PM Parent: #1
إمتحات ليس للإذكياء فقط : إختر واحدة أو كل الإجابات الصحيحة .. لماذا إنسحب الفريق المهلل المعتاد علي الزوغان ساعة الحارة من مباراة الأياب امام وفاق سطيف الجزائري في بطولة العرب ..؟ 1- لأن الإنسحابات دي عندو حاجة عادية 2- حتى لا ينكشف المغتغت ويتعري زيف حكاية سيد البلد وفريق وحيد القرن والتصانيف والتخاريف الغاشي بيها روحو قبل الناس 3- عملا بمبدأ الخواف آمن شر الفضيحة الوشيكة وربي وهمو 4- حفاظا علي البقية الباقية من فريقه حتى لا يتفرتق حتة حتة بعد أن هلهله الزعيم وقلع منو كل الكاسات الموجودة في الساحة 5- إتذكر ستة الترجي التونسي الجات في ربع ساعة فقط وقال يا فكيك خاصة وأن وفاق سطيف برضو من شمال أفريقيا 6- أسباب أخري تتعلق بالجبن الشديد يتبع ....
Post: #6 Title: Re: الجري دا ما حقي .. Author: haroon diyab Date: 12-28-2008, 07:57 PM Parent: #5
طلحه ياجميل
ازيك
جاري جارين وراء لكن جماعتك سبقوا كاكي زااااااااااتو
Post: #7 Title: Re: الجري دا ما حقي .. Author: طلحة عبدالله Date: 12-28-2008, 08:09 PM Parent: #1
رفع رشاشة يده إلى السماء ودعا: اللهم إني عبدك الفقران جنبني شر التوهان وأرزقني تيمان وقوي فريقي التعبان وثبت أقدامه في الميدان حتى يكف عن الإنسحابات والجريان يا رب يا رحمان يا منان
Post: #9 Title: Re: الجري دا ما حقي .. Author: خالد عبد الله محمود Date: 12-29-2008, 06:51 AM Parent: #1
Quote: الجري دا ما حقي
الكلام ده قولو لي زيكو ..
Post: #10 Title: Re: الجري دا ما حقي .. Author: النورس الحزين Date: 12-29-2008, 07:28 AM Parent: #1
الاخ طلحة تحياتي
تابعت احصائيات الواردة فى المنتديات الرياضية مثال لذلك
انسحاب المريخ من بطوله دوري السودان عام 1995 بعد تعادله امام المورده 1-1 وهزيمتيه امام اهلي مدني وحي العرب 0-1 و2-3
انسحاب المريخ من المربع الذهبي للدوري الممتاز عام 1999 بعد هزيمته امام الهلال 1-2 في المباراه الاولي لتقتصر المنافسه علي الهلال والمورده وحي العرب
وفي العام 1998 انسحب المريخ امام الاهلي المصري والشبابا السعودي في تصفيات الانديه العربيه
انسحب المريخ كذلك من تصفيات كاس الكووي العربيه عام 1995 امام الرياض السعودي والمحله المصري وانسحب ايضا من بطوله سيكافا عام 1995 في تنزانيا رغم انه كان حامل اللقب
وانسحب المريخ امام فريق اهلي طرابلس الليبي عام 1972 من دور ال32 لبطوله انديه افريقيا لاسبابا مجهوله
-------------
ثم داخليا هنالك احصائية تقول
المكان: استاد المريخ
الزمان: الدوره الثانيه للدوري الممتاز عام 1996
حكم المباراه: سليمان حسين
الاهداف: هدفين نظيفين للهلال (جمال سانتو + والي الدين محمد عبد الله) ثم احتسب الحكم سليمان ضربه جزاء ارتكبها مدافع المريخ حاتم محمد احمد مع زاهر مركز, فحمل زيكو الكره و هرب بها معلنا انسحاب المريخ من المستطيل الاخضر
ملحوظه: الهلال كان قد انتصر علي المريخ في الدوره الاولي (4\1) سجل للهلال سانتو-أنس النور- زاهر مركز- أبو شامه.. فيما سجل يتيمه المريخ زيكو
هل ما ذكر اعلاه صحيح ؟ اذا كان صحيحا فالجميع يحق له أن ينافس كاكى
منقول من كورة
Post: #11 Title: Re: الجري دا ما حقي .. Author: عماد محمود علي Date: 12-29-2008, 08:05 AM Parent: #10
وإنسحب الهلال أمام نيل الحصاحيصا .... وإنسحب الهلال أمام الهلال السعودي في دورة الصداقة بأبها بعد إن إنهزم 3 / صفر .... وإنسحب أمام المريخ ...... في المباراة الشهيرة ... ووو .... وووو .... كمل ياطلحة ياخي يدي وجعتني ....... متعودا دائماً ....
Post: #12 Title: Re: الجري دا ما حقي .. Author: صلاح أبودية Date: 12-29-2008, 08:56 AM Parent: #11
يا طلحة !!
إزيّك ياخ ...!
ياخ لازم تشرح للناس ديل ...
الفرق بين الإنسحاب والجرى ..!!
تجرى جرى الوحوش ..
غير رزقك ما بتحوش !!
جرت على نفسها براغش !!
جرت العادة !!
وبمناسبة زيارة البلابل للبلاد !!
جرينا جرينا جريــــنا ...
من فريق سطيف جرينا !!
Post: #13 Title: Re: الجري دا ما حقي .. Author: Yassir Tayfour Date: 12-29-2008, 09:06 AM Parent: #12
Quote: الجري دا ما حقي ..
حقي المسبعة وفلاحتي في السكلي __ يا طلحة تاني ما تبْتُر ليك بيت شعر
Post: #35 Title: Re: الجري دا ما حقي .. Author: yasir tamtam Date: 12-29-2008, 10:20 PM Parent: #10
** 7 دى ما بنعرفاالا فى الآية فقط ( سبع سماوات طباقا ) صدق الله العظيم
و برغم تفشى الفضيحة لك الود كله
Post: #14 Title: Re: الجري دا ما حقي .. Author: طلحة عبدالله Date: 12-29-2008, 08:43 PM Parent: #1
حتى اعود ..
Post: #15 Title: Re: الجري دا ما حقي .. Author: ABUHUSSEIN Date: 12-29-2008, 08:51 PM Parent: #1
طـلـحـه سلام
و ما تنسى برضو الـدمـوع بـتجـري
Post: #16 Title: Re: الجري دا ما حقي .. Author: طلحة عبدالله Date: 12-29-2008, 09:12 PM Parent: #1
جرجير
Quote: جرية زيكـــو
الجري خشم بيوت إذا كان زيكو جري براهو فالهلال كلو جري وقد قالوا : مازال أبو الهل يجري ويجري حتى قلنا ليته ثبت
Post: #18 Title: Re: الجري دا ما حقي .. Author: محمد البشرى الخضر Date: 12-29-2008, 09:26 PM Parent: #16
عليك النبي يا تنظير ما تملانا فقر الدنيا ليل , شنو
Quote: إذا كان زيكو جري براهو
لا عبين حرّينا* إنتو ؟
__________________________________ هامش تنظيري.. حرّينا لعبة شعبية كل لاعب بجري فيها براه
Post: #17 Title: Re: الجري دا ما حقي .. Author: طلحة عبدالله Date: 12-29-2008, 09:15 PM Parent: #1
اهلين يا هارون
Quote: لكن جماعتك سبقوا كاكي زااااااااااتو
كلامك دا تقليل من مقدرات الجماعة يا زول .. ديل حطموا أعتي الأرقام القياسية في الفللي
Post: #19 Title: Re: الجري دا ما حقي .. Author: طلحة عبدالله Date: 12-29-2008, 09:29 PM Parent: #1
أبو الخلد
Quote: الكلام ده قولو لي زيكو ..
زيكو ساهل لكن الكلام كورجتكم الجارية دي يلموا فيها كيف يقولوا ليها الكلام دا ..؟
Post: #20 Title: Re: الجري دا ما حقي .. Author: طلحة عبدالله Date: 12-29-2008, 09:33 PM Parent: #1
النورس الحزين سلامات مالا يا خوي إحصائياتك دي بقت لي زي التصنيفات بتاعت فريق وحيد القرن وسيد الطماطم والحاجات دي .. علي كل : أبو الهل دا القاعدي يعمل فيهو دا جري خوف عديل كدا .. فريق يتغلب يقول ما عايز عليك الطلاق دي شفع الروضة خلوها .
Post: #21 Title: Re: الجري دا ما حقي .. Author: عبدالوهاب علي الحاج Date: 12-29-2008, 09:33 PM Parent: #1
طلحة ياخوي كيفك من تعب الدنيا
________________________ من ناحية اخرى
Post: #22 Title: Re: الجري دا ما حقي .. Author: طلحة عبدالله Date: 12-29-2008, 09:36 PM Parent: #1
سلامات يا أبو دية
Quote: تجرى جرى الوحوش ..
غير رزقك ما بتحوش !!
جرت على نفسها براغش !!
جرت العادة !!
وبمناسبة زيارة البلابل للبلاد !!
جرينا جرينا جريــــنا ...
من فريق سطيف جرينا !!
للمطالعة بدون تعليق .
Post: #23 Title: Re: الجري دا ما حقي .. Author: طلحة عبدالله Date: 12-29-2008, 09:39 PM Parent: #1
سلامات يا طيفور
Quote: حقي المسبعة وفلاحتي في السكلي
المسبعة دي عرفناها من سبعة السكلي دا قصتو شنو يا خوي ..؟؟؟ واللا من بنات خيالك ..؟؟
Post: #24 Title: Re: الجري دا ما حقي .. Author: ABUHUSSEIN Date: 12-29-2008, 09:40 PM Parent: #1
يا طلحة بوست إتلموا فيه ود البشرى و عبدالوهاب.... أكيد بعدهم حا إجي الهكر
Post: #25 Title: Re: الجري دا ما حقي .. Author: طلحة عبدالله Date: 12-29-2008, 09:42 PM Parent: #1
هلا يا عمدة
Quote: وإنسحب الهلال أمام نيل الحصاحيصا .... وإنسحب الهلال أمام الهلال السعودي في دورة الصداقة بأبها بعد إن إنهزم 3 / صفر .... وإنسحب أمام المريخ ...... في المباراة الشهيرة ... ووو .... وووو .... كمل ياطلحة ياخي يدي وجعتني ....... متعودا دائماً ....
الحكاية دي طويلة يا صاحبي لو بدينا فيها البوست دا بصل صفحة ( ستة ) علي الأقل .
Post: #26 Title: Re: الجري دا ما حقي .. Author: طلحة عبدالله Date: 12-29-2008, 09:45 PM Parent: #1
أبو حسين
Quote: ما تنسى برضو الـدمـوع بـتجـري
أيوة صاح حتى كمان غنتا حنان النيل تلقي دموعي تجري تسالك عن إنسحابك آآقصد غيابك
Post: #27 Title: Re: الجري دا ما حقي .. Author: طلحة عبدالله Date: 12-29-2008, 09:51 PM Parent: #1
جرجير ( من جرجرة )
Quote: ما تملانا فقر
غايتو دي بالغت فيها بووليغ هناي ما سبقك عليهو .. ياخي انا أكاد اجزم بالستة أنو الفقر دا لما نزلوهوا نزلوهوا عشان يردموا بيهو العينتكم دي .. انت قايل يعني لو ما مليناكم انتو بالفقر نملا منو يعني ..؟؟؟؟؟؟؟
لفت نظر : غايتو كان معاك جماعة في ما ( تملانا) ما عملوا لي حاجة بعتذر ليهم مقدما .
Post: #28 Title: Re: الجري دا ما حقي .. Author: طلحة عبدالله Date: 12-29-2008, 09:55 PM Parent: #1
هلا يا وهبة غايتو بقيت زي الصيوان أية لمة مناسبة انت مكثف فيها حضور .. بس صورتك في لمة بيت الباشمهندس وجيهة صراحة . قلت لي
Quote: طلحة ياخوي كيفك من تعب الدنيا
أهو الامور (جارية ) ..
Post: #30 Title: Re: الجري دا ما حقي .. Author: عبدالوهاب علي الحاج Date: 12-29-2008, 10:01 PM Parent: #28
Quote: غايتو بقيت زي الصيوان أية لمة مناسبة انت مكثف فيها حضور .. بس صورتك في لمة بيت الباشمهندس وجيهة صراحة .
شكرا اخ طلحة على المرور علقت على كل الحاجات مشكورن لكن موضوع السبعة الرقاصة دي شايفك ما اتطرقت ليها لعل المانع خير
Post: #29 Title: Re: الجري دا ما حقي .. Author: طلحة عبدالله Date: 12-29-2008, 09:58 PM Parent: #1
يا ابوحسين
Quote: طلحة بوست إتلموا فيه ود البشرى و عبدالوهاب
عارفم تيمان درقو الما بتفرقوا عارفم يابا.
Post: #33 Title: Re: الجري دا ما حقي .. Author: ABUHUSSEIN Date: 12-29-2008, 10:10 PM Parent: #29
علماً بأن عبدالوهاب تحديداً بجي مهنكن علشان إثبت و كدا
لأنو الأرباب بتاعهم علمهم الجري لكن الجري هنا بجيب ليه المشاكل
علشان كدا الهنكنة لابد منها للثبات
يعني الهنكنة زي الجنزير المربوط فيه صخرة و الجنزير مربوط في كراع عبدالوهاب
اليمين
Post: #34 Title: Re: الجري دا ما حقي .. Author: عبدالوهاب علي الحاج Date: 12-29-2008, 10:18 PM Parent: #33
يعني الهنكنة زي الجنزير المربوط فيه صخرة و الجنزير مربوط في كراع عبدالوهاب اليمين
اها الليلة دي بالذات يابوحسين ما مهنكن لكن مليان كوارع ملية جد هسه دي كنا انا والمسلمي وناذر وود القريش ونيستا بنضرب في كوارع ما خمج واتونسنا ونسة الله والرسول وحبسنا باتنين 7UP والله العظيم ماتقول الخال دا بطاعن لانو انا الربع الاول دا قررت اكون نضيف وموضوعي وداير اقلب سياسة
Post: #36 Title: Re: الجري دا ما حقي .. Author: طلحة عبدالله Date: 12-29-2008, 10:24 PM Parent: #34
دا شنو يا وهبة دا نرد ليك وين هسع ..؟ عشان قلاصتك دي هاك اعرب ما تحته خط هلالي إنضرب في المقبرة وجري وهو فزعان ..
Post: #38 Title: Re: الجري دا ما حقي .. Author: ABUHUSSEIN Date: 12-29-2008, 10:30 PM Parent: #34
Quote: اها الليلة دي بالذات يابوحسين ما مهنكن لكن مليان كوارع ملية جد هسه دي كنا انا والمسلمي وناذر وود القريش ونيستا بنضرب في كوارع ما خمج واتونسنا ونسة الله والرسول وحبسنا باتنين 7UP والله العظيم ماتقول الخال دا بطاعن لانو انا الربع الاول دا قررت اكون نضيف وموضوعي وداير اقلب سياسة
الكوارع بتعمل دا كلو ؟؟؟؟؟
يا حبيب تكون نضيف تاكل كوارع و تجي بعد 12 ؟؟؟؟
لا بالله خليك في وساختك أحسن
Post: #31 Title: Re: الجري دا ما حقي .. Author: طلحة عبدالله Date: 12-29-2008, 10:04 PM Parent: #1
سؤال (يجري) علي لسان الكل : هل يستجرأ جاري ويجر أجري من جري ابو الهل ..؟؟؟ الإجابة يا إما حاشا أو كلا
Post: #32 Title: Re: الجري دا ما حقي .. Author: طلحة عبدالله Date: 12-29-2008, 10:08 PM Parent: #1
Quote: لكن موضوع السبعة الرقاصة دي شايفك ما اتطرقت ليها لعل المانع خير
لوك الصبر يا وهبة التعليق عليها جاري
Post: #37 Title: Re: الجري دا ما حقي .. Author: طلحة عبدالله Date: 12-29-2008, 10:26 PM Parent: #1
أجري تعال اعرب ما تحته جرية يا وهبة هلالي إنضرب في المقبرة وجري وهو فزعان ..
Post: #40 Title: Re: الجري دا ما حقي .. Author: عبدالوهاب علي الحاج Date: 12-29-2008, 10:35 PM Parent: #37
Quote: هلالي إنضرب في المقبرة وجري وهو فزعان ..
لي ديك حسن الصوت له في الشام سبعة الوان وقف حارسه متفرج وفي شبر ماء هو غرقان تعلل بعين السمكة وتارة اخرى كان تعبان
_______________ اها كيفكم من تعب الدنيا ياخواني
Post: #41 Title: Re: الجري دا ما حقي .. Author: طلحة عبدالله Date: 12-29-2008, 10:42 PM Parent: #40
Quote: اها كيفكم من تعب الدنيا ياخواني
يا خي الدنيا ماليها امان فجأة تقلب عليك تخليك حيران دنيا خربانة تعلم الناس الجريان
Post: #39 Title: Re: الجري دا ما حقي .. Author: طلحة عبدالله Date: 12-29-2008, 10:32 PM Parent: #1
وضع متمحن يده علي خده علامة الحيرة وسأل : يا تري ماذا جري فزجره نحوي : بل قل من جري جارنك وتتقطع يا هذا فجرت دموع السائل
Post: #42 Title: Re: الجري دا ما حقي .. Author: طلحة عبدالله Date: 12-29-2008, 10:49 PM Parent: #1
وأبلغ ما قالوا في هذا المقام أنه لما إتزنق المهلهلين قالوا خلاص نجمد فريقنا ما عايزين ولما جاء الصيف ساح التجميد فاذ هو ياعيني في جريان ..
Post: #43 Title: Re: الجري دا ما حقي .. Author: خالد عبد الله محمود Date: 12-30-2008, 07:59 AM Parent: #1
Quote: المسبعة دي عرفناها من سبعة السكلي دا قصتو شنو يا خوي ..؟؟؟ واللا من بنات خيالك ..؟؟
السكلي ده ما ياهو البتعمل فيهو أنت اسه ده زاااااتو ..
Post: #45 Title: Re: الجري دا ما حقي .. Author: طلحة عبدالله Date: 12-30-2008, 06:15 PM Parent: #43
Quote: السكلي ده ما ياهو البتعمل فيهو أنت اسه ده زاااااتو ..
تعرف يا أبو الخلد عليك الطلاق أنا من قبل مباراة السبعة دي بي يومين مشغول ما لاقي فرقة حتي أحك فيها أضاني وما كان عندي أية طريقة أدخل فيها المنبر لكن ياخوي ولولتكم انتو وصلتني في تلفوني . أها قلت أجي أتقلكم شوية بدل أخليكم تولولوا براكم .. وبعدين ياخي انتو خميتوا مصنع السفن أب بي حالو جبتوهوا هنا .. نخليكم يعني واللا كيف ..؟؟؟؟؟
Post: #44 Title: Re: الجري دا ما حقي .. Author: طلحة عبدالله Date: 12-30-2008, 06:07 PM Parent: #1
عودة إن الله هون
Post: #46 Title: Re: الجري دا ما حقي .. Author: محمد البشرى الخضر Date: 12-30-2008, 06:29 PM Parent: #44
Quote: انتو وصلتني في تلفوني .
طيب ما ترد ولّ عامل فيها سبعة بقرش
Post: #47 Title: Re: الجري دا ما حقي .. Author: عبدالوهاب علي الحاج Date: 12-30-2008, 07:13 PM Parent: #46
Quote: طيب ما ترد
ود البشرى يرد يقول شنو انا والله فتحت ليهو بوست SMS في تلفونو واحد من الخيرين اداني الرقم بتاعو 30* رسالة ولا قال لي انت منو
_____________________ 7X4+2
Post: #51 Title: Re: الجري دا ما حقي .. Author: طلحة عبدالله Date: 01-01-2009, 07:26 PM Parent: #47
Quote: 30 رسالة ولا قال انت منو
لا حولاااااااا دا تلفون واللا أقوم (جاري )
Post: #50 Title: Re: الجري دا ما حقي .. Author: طلحة عبدالله Date: 01-01-2009, 07:07 PM Parent: #46
جرجرة يا شليق
Quote: طيب ما ترد ولّ عامل فيها سبعة بقرش
يعني انت لما ما ترد بتكون عامل فيها زي الفوق دا ..؟
Post: #48 Title: Re: الجري دا ما حقي .. Author: طلحة عبدالله Date: 12-31-2008, 05:48 PM Parent: #1
حتى العودة إن شاء الله
Post: #49 Title: Re: الجري دا ما حقي .. Author: عبدالعزيز الفاضلابى Date: 12-31-2008, 10:23 PM Parent: #48
العود احمد ,, ومعه كاس الابطال ان شاء الله
Post: #52 Title: Re: الجري دا ما حقي .. Author: طلحة عبدالله Date: 01-01-2009, 07:53 PM Parent: #49
فاضلابي العزيز
Quote: ومعه كاس الابطال ان شاء الله
الكأس دا بالذات نحن ( جارين ) وراهو .
Post: #53 Title: Re: الجري دا ما حقي .. Author: طلحة عبدالله Date: 01-02-2009, 05:31 PM Parent: #1
جاري مروح وين ..
Post: #54 Title: Re: الجري دا ما حقي .. Author: طلحة عبدالله Date: 01-02-2009, 06:21 PM Parent: #1
جاري لي فوق رأي ..
Post: #55 Title: Re: الجري دا ما حقي .. Author: طلحة عبدالله Date: 01-03-2009, 09:00 PM Parent: #1
فوق عشان البوست دا جري عليهو تعليق من الاستاذ مزمل ابو القاسم
Post: #56 Title: Re: الجري دا ما حقي .. Author: محمد البشرى الخضر Date: 01-03-2009, 10:01 PM Parent: #55
يا عمك ... قلنا نعلق على كلامك دا هنا عشان ما اخرب ليك تنظيرك بتاع مازدا الهناك , قلت لي
Quote: أيوة شفتو و(جريت جري ) عشان (اجر) ليهو سلك وأمدو بي مدد تاني لكن العبارة بتاعت ( جاري الإتصال ) دا ظلت (جارية) دون أن يجر مزمل تلفونو ويبدو أنه (جاري ) مع الشغل . اللهم (أجر) خير المريخ علي يد مزمل وكل الزعماء الصفوة .
طيب ياخي بمناسبة الجري و ما ادراك ما شيل الكورة انا كنت فاكر القصة بتاعة زيكو بس هي الحصلت اتاريه عندكم جكة تانية قالوا بطلها سليمان عبد القادر أظن في السبعينات قالوا الزعيم رشاكم اتنين من أول سبعة دقايق - واخد بالك سبعة - و زولك ضرب شواطين الحكم كرته حلف بي دينو وايمانه ما يمرق نهايتها قالوا شال الكورة و اتخارج
دي واحدة و التانية ياخي ما دام مزمل بقرأ ليك وكدا عندي سؤال ليه عسى ان يطلع على البوست هنا و يقراه
الأيام دي مدور بوست في منتديات وصيف السنين فيه هجوم شديد لى مزمل وصل لإتهامه بالسمسرة في قصة إعارة كلاتشي و اتهم مزمل انو بأثر على إدارة المريخ حتى في واحد اورد الكاريكاتير التالي في البوست يمثل مزمل يحمل ريموت كونترول يقود المريخ نحو الهاوية
ما علينا , ما يهمني هو ما كتب عن تفاصيل يعلمها مزمل عن فضيحة بصمة علاء الدين و غض الطرف عنها لصالح احد الأطراف ولم يثر الموضوع بشكل كامل في الصحيفة يهمنا معرفة رأي مزمل في هذه الإتهامات الصادرة من داخل البيت الوصيفي بعد إذنك يا طلحة تنظير طبعا
Post: #57 Title: Re: الجري دا ما حقي .. Author: عبدالوهاب علي الحاج Date: 01-03-2009, 10:12 PM
Quote: بعد إذنك يا طلحة تنظير طبعا
اكتر حاجة بتعجبني فيك ذوقك الراقي وادبك العالي ياود البشرى ماهلالابي وسيد بلد
_______________ طلوح كبفك من تعب الدنيا ياخوي
Post: #58 Title: Re: الجري دا ما حقي .. Author: محمد البشرى الخضر Date: 01-03-2009, 10:31 PM Parent: #57
يا وهبة لازم طبعا طلحة كريم * و انا أستاهل
* من شدة ما كريم خليه البوست دا يمين سبعة بوستات كان دايرهن يخليهن لي كرم وصيفاب عاد
Post: #59 Title: Re: الجري دا ما حقي .. Author: طلحة عبدالله Date: 01-04-2009, 10:37 AM Parent: #1
جرجير ووهبة انتو بتجوا داخلين متين ياخ امس انا كاسر ركبة في البورد دا لحددي الساعة واحدة بتوقيت الإمارات مافي زول خش عليكم الطلاق بالتلاتة حيرتوني في نافوخي ع العموم البوست بوستيكم اجروا فيهو زي ما عايزين وارجو ان يطلع مزمل علي سؤالك ويجىء جاري يرد عليهو
Post: #60 Title: Re: الجري دا ما حقي .. Author: محمد البشرى الخضر Date: 01-06-2009, 11:11 PM Parent: #1
يا عمك شنو يا ما تلكز لينا مزمل دا يورينا الحاصل شنو في موضوع البصمة أها عمك حسن حمد حالف بكرة حيجيب آخر الموضوع في عمودو في الكورة
هاك دي بالمناسبة
Post: #61 Title: Re: الجري دا ما حقي .. Author: طلحة عبدالله Date: 01-07-2009, 08:51 AM Parent: #60
جريدة الكورة دي عندها موقع في الاسفير دا يا جرجير ..؟ اجري بلاي تعال جيبو لي لو سمحت .
Post: #62 Title: Re: الجري دا ما حقي .. Author: محمد البشرى الخضر Date: 01-07-2009, 09:06 AM Parent: #61
ما متأكد من قصة في موقع ولّ مافي لكن هاك شوف دا كدي
فتحوا شوارعهم بغير إشارة............وبكى السفارى حين جندل دامر...
إسم وصفة كات فيهم أكرم.....يهدى الخصوم عرينه ويغامر....
والزومة الحيران لم يدرى...عن النتيجة حين اطلق صافر..
سبع عجاف مزقت لشباكهم.....صمت الكلام وفض ذاك السامر.......
مع خالص التحايا..........أسماعيل محمد احمد عباس...
Post: #64 Title: Re: الجري دا ما حقي .. Author: طلحة عبدالله Date: 01-07-2009, 12:19 PM Parent: #1
جرجير من ( جري ) خلاص خليتو حبيب بلدكم العايزين يولعوا فيها صعايدتكم وبقيتو تتلبدوا لي شكل المريخاب ..؟ ياعمك الني للنار .. الكلام القالوا حسن حمد في مزمل أبو القاسم قريتو لكن أثباتو عليهو شنو ..؟ حتى لو فرضنا أنو مزمل صحي عمل الحاجات دي .. المهم الاثبات ياجرجرة ودا ما دفاع عن مزمل لكن بصراحة حكاية المطاعنات واللمز والهمز دي ما قاعدة تركب لي في راسي .. عندك مآخذ واللا حاجات عارفا عن زول تعال أفرشا ليهو مع إثباتاتا في الصقيعة كان أصلو انت ما بتعرف حاجة عن مبدا الستر لكن تقعد تتلولو وتلف وتقيف وتاني تلف بدون ما تصل الميس فدي حاجة ما بتخارج مع نافوخي وبعتبرا كلام شفع ساي .. ما تفرح يا عمك بكباية الاندروس دي . أرجو أن يكف الاخ حسن حمد ويقيف لحدي هنا كما أرجو من الاخ مزمل عدم مجاراة حسن . عشان نشوف ناس جرجير ديل بتونسوا بي شنو تاني .
Post: #65 Title: Re: الجري دا ما حقي .. Author: محمد البشرى الخضر Date: 01-07-2009, 02:05 PM Parent: #64
تنظير يا عمك .... ما شغلتي بي يثبت كلامو و لّ يعومو ولّ يسلق بيه بيض انا اعدت نشر الغسيل دا عشان حاجتين أولا عشان الوهمة المطلعينها و مصدقينها بتاعة انكم صفوة و في التسبيع أخوة و باقي الترهات المعششة في نافوخكم يلا يا صفوة ادونا رايكم في مستوى الحوار بين اتنين اعلاميين وما تنسى القصة هنا ما محض هجوم و قوالات من طرف واحد ضد التاني مزمل برضو ما قصر
اها و التانية ياخوي موضوع البصمة يعني مصيبة قدر دي دايرنها تمشي ساي كدا هو بلا مشيها الساي دا الخلا مذيع الـ ART يبشر جمهور المريخ باستصدار شهادة ميلاد مضروبة بلا خجل شنو؟
اها عرفت انو القصة ما ونسة عند ناس جرجير يا تنظير سباعي
يا عمك و بجدية كدا ... المشى بصم محل علاء الدين منو ؟ رسلها مسج كان ما داير تقول في العلن
Post: #66 Title: Re: الجري دا ما حقي .. Author: طلحة عبدالله Date: 01-07-2009, 02:47 PM Parent: #1
سلامات يا اسماعيل الكتب القصيدة دا موهبة مدفونة عليهو الطلاق يعني كدا بقوا عندكم تلاتة شعراء في البورد ابقوتة و الكوتش والزول الفوق دا وقعتنا سودة والنعمة تحياتي ومشكور علي المشاركة الشعيرية ..
Post: #68 Title: Re: الجري دا ما حقي .. Author: saifkeli Date: 01-07-2009, 02:59 PM Parent: #66
Quote: الاخ طلحة تحياتي
تابعت احصائيات الواردة فى المنتديات الرياضية مثال لذلك
انسحاب المريخ من بطوله دوري السودان عام 1995 بعد تعادله امام المورده 1-1 وهزيمتيه امام اهلي مدني وحي العرب 0-1 و2-3 انسحاب المريخ من المربع الذهبي للدوري الممتاز عام 1999 بعد هزيمته امام الهلال 1-2 في المباراه الاولي لتقتصر المنافسه علي الهلال والمورده وحي العرب وفي العام 1998 انسحب المريخ امام الاهلي المصري والشبابا السعودي في تصفيات الانديه العربيه انسحب المريخ كذلك من تصفيات كاس الكووي العربيه عام 1995 امام الرياض السعودي والمحله المصري وانسحب ايضا من بطوله سيكافا عام 1995 في تنزانيا رغم انه كان حامل اللقب وانسحب المريخ امام فريق اهلي طرابلس الليبي عام 1972 من دور ال32 لبطوله انديه افريقيا لاسبابا مجهوله ------------- ثم داخليا هنالك احصائية تقول المكان: استاد المريخ الزمان: الدوره الثانيه للدوري الممتاز عام 1996 حكم المباراه: سليمان حسين الاهداف: هدفين نظيفين للهلال (جمال سانتو + والي الدين محمد عبد الله) ثم احتسب الحكم سليمان ضربه جزاء ارتكبها مدافع المريخ حاتم محمد احمد مع زاهر مركز, فحمل زيكو الكره و هرب بها معلنا انسحاب المريخ من المستطيل الاخضر
ملحوظه: الهلال كان قد انتصر علي المريخ في الدوره الاولي (4\1) سجل للهلال سانتو-أنس النور- زاهر مركز- أبو شامه.. فيما سجل يتيمه المريخ زيكو
هل ما ذكر اعلاه صحيح ؟ اذا كان صحيحا فالجميع يحق له أن ينافس
بالله عليك أنا مظلوم الظلم دة وأنا ما داري ... بكيت من جوة قلبي .. إنسحابي الشديد
لكن أحلى انسحاب في 2009م .. هو إنسحاب مدعي أبو الفاهم .. أمام الأسد حسن حمد .. [red] حمد لبد تحت الكبد [/red] الراجل أمس سحبلك مزمز .. لحدي ما عااااااااااامن .. جنس تسحيب والزول من أول رد في عموده اليوم جرا واطي
[red]تسحيب
وجري شديد .. هذا رد مزمل اليوم * تعودت أن أترفع.. ولم أتعود السكوت على التجني!
* إكراماً لخاطر إخوان أعزهم أتوقف قبل أن أبدأ.. وأرجو ألا أعود مكرهاً!
إنسحاااااااااااااااااب
أكان تجري جري الوحوش .. غير دلقونك ما بتحوش
مثل بورندي
Post: #67 Title: Re: الجري دا ما حقي .. Author: عمران حسن صالح Date: 01-07-2009, 02:56 PM Parent: #1
أهداف كوارزمية هدية :
بالمناسبة يا طلحة أنا خايف الزول ده يجي ياكل ويكتنا دي ويروح فيها .. أكان أصلو أهدافو عاملة كدة قولوا لي ود الدحيش بل رآسكـ ...
Post: #69 Title: Re: الجري دا ما حقي .. Author: طلحة عبدالله Date: 01-07-2009, 03:07 PM Parent: #1
جرجير يا عمك انت خلاص بصمت أنو مزمل وحسن حمد ديل هم المريخ وبعدين ياخي شكل ناس بيت انت الوداك تقيف تتاوق بي فوق الحيطة شنو ..؟ وغير كدا رديت ليك بي هناك وقلت ليك جيب لينا من بيت الكلاوي الهناك وورينا سبب التهديد بحرق جريدة ( حبيب البلد ) وما تنسي تعرج شوية للغريق وتجيب لينا شوية فذلكة عن كبع وملابيع خالد عز الدين وعمك الارباب وعفيتك من البوكس بتاع الامين البرير للصحفي الهلالابي عاطف الجمصي وغير ذلك . البصم علاء الدين حبو للقروش بس مالو هو صغير ..؟ مازول شلوتو يرمي الجمل . قوم لف
Post: #70 Title: Re: الجري دا ما حقي .. Author: محمد البشرى الخضر Date: 01-07-2009, 03:32 PM Parent: #69
تنظير يا عمك ... تحلو المناقرة معاك في أي مكان يعلم الله حريق حبيب البلد دا كان كنتو بتعرفوا تسووا زيو ما كان لعبوا بيكم صحفييكم كدا وجوا مرقوا فضايحهم على رؤوس الأشهاد كدا بعدين ياتوا حيطة يابا النطيتها الشي ما مشرور في واطاة الله دي زيو و زي أي كسبرة و لّ شمار هو ناس البصمة ديل بعرفوا للسترة
طيب سؤال اخير وقت ديلك ابيتن سر السبعة في المية شنو واصلا ليه سبعة بالذات متعوووودة دايما خلّي بالك
Post: #71 Title: Re: الجري دا ما حقي .. Author: طلحة عبدالله Date: 01-07-2009, 06:56 PM Parent: #1
سلاما يا saifkeli قلت لي يعني مزمل انسحب زي ما انسحب أبو الهل طيب ياخ والله عين العقل لأنو ما عايز يولع النيران وكان هو الكبير زي ما أبو الهل خاف من الفضيحة وكان هو الصغير يعني عايز مزمل بكرة يرد عشان يجيء حسن برضو يرد وانتو تلقوا ليكم ونسة موش كدا ..؟؟ راحت عليكم يا مساكين
Quote: أكان تجري جري الوحوش .. غير محليتك ما بتحوش
مثل مهلهل متفق عليه وباسناد تاريخ عمرو تمنين سنة ..
Post: #72 Title: Re: الجري دا ما حقي .. Author: طلحة عبدالله Date: 01-07-2009, 08:09 PM Parent: #1
عمران صالح
Quote: أنا خايف الزول ده يجي ياكل ويكتنا دي ويروح فيها .. أكان أصلو أهدافو عاملة كدة
الزول دا هو الح يجيء يثقكم خارجيا وكدا ..؟؟؟؟ مبروك بس ان شاء الله يقدر يعمل ليكم حاجة عمران صالح
Quote: قولوا لي ود الدحيش بل رآسكـ
ود الدحيش دا منو يا خوي ...؟
Post: #73 Title: Re: الجري دا ما حقي .. Author: طلحة عبدالله Date: 01-08-2009, 03:26 PM Parent: #1
يا جارين قدامنا يا عايزين تقيفوا وما قادرين تقيفوا ..
