لشنو يا بكري جارنج وليس قرنق؟

Post: #1
Title: لشنو يا بكري جارنج وليس قرنق؟
Author: Agab Alfaya
Date: 02-13-2004, 03:55 AM
Parent: #0

الاخ الحبيب بكري
معليش اعتبر دي دردشة مني ساكت
اخوانا العرب بترجموا اسم قرنق من الانجليزي غلط
عشان كدي بكتبوا جارنج
لشنو نحن نقلدهم في الغلط ؟ما نوريهم الصاح
ونخليهم يكتبوا زي ما نحنا بنكتبوا وننطقوا!!!!
ولا شنو يا اخوانا الصحفيين!
مودتي الخالصة لك وللجميع

Post: #2
Title: Re: لشنو يا بكري جارنج وليس قرنق؟
Author: Raja
Date: 02-13-2004, 04:11 AM

العزيز منعم..
غايتو في جريدتنا بنكتب قرنق، لكن بنكتب الايغاد وليس الايقاد..
تصدق عيني دقت في جارانج دي..

Post: #3
Title: Re: لشنو يا بكري جارنج وليس قرنق؟
Author: Shinteer
Date: 02-13-2004, 04:27 AM
Parent: #2

دردشة ظريفة يا عبد المنعم ... بس نحن زاااااتنا الـ بيصلّح لينا
أسماءنا منو؟ هسع انت الجزء الأول من اسمك ده مفروض يكون مكتوب Agab وللا Ajab?
كتابة أسماءنا "بالانقليزي" شايلنها بضبانتها من المصريين .. ولما المصريين يكتبوا بعض أسماء السودانيين "المأنقلزة" بالعربي .. برضو نشيلها منهم

لاحظ لكل الاسماء السودانية "العربية" المكتوبة بالانقليزي .. ما حتلقى فيها ولا واحد مكتوب بصورة تعكس الصوت الحرفي الأصلي في الاسم .. وعلى كده .. يبقى كلو غلط في غلط

Post: #4
Title: Re: لشنو يا بكري جارنج وليس قرنق؟
Author: Raja
Date: 02-13-2004, 04:44 AM
Parent: #3

شنتير..
حمد الله على سلامة الطلة..
وتقول شنو في يافطات المصريين المكتوب فيها: كوربريشن وانفستمنت وجروب وكروكدايل... الخ.
تعرف بمشي اقرأ وانا بضحك، لأنو مرات ما بتعرف معربين شنو.. زي تور(tour)، تقول تور و لا ثور..؟

Post: #8
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 05:26 AM
Parent: #3

شانتير اللبيب الكلامو متل الزبيب

كلامك صاح والله
المصريين ديل خربو علينا حتي كلامنا

لاحظ نحن بنقول: اتبرا لكن منكتبها عطبرة

وبنقول ود مدني ،مرات تلقاها مكتوبة واد مدني
والامثلة كتيرة لكن دايرة قعدة

Post: #6
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 05:17 AM
Parent: #2

رجا العزيزة
صحي زي ما قالت راوية المصحيك بدري كدي شنو؟
نحن طبعا شمشنا بتطلع بدري وكمان بسببي

ولشنو تكتبوا الايقاد :الايغاد؟
بس اوعي ما كتبوا القضارف :الغضاريف!؟

Post: #5
Title: Re: لشنو يا بكري جارنج وليس قرنق؟
Author: Rawia
Date: 02-13-2004, 04:51 AM

سلام يا عجب الفيا وشنتير
جارنج دي لما تسمع المصريين بينطقوها تموت على روحك من الضحك

معذره يا عجب الفيا يا اخوي
لكن يا رجاء انت المصحيك لي حسه شنو

Post: #7
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 05:21 AM
Parent: #5

ازيك يا راوية العزيزة

تعرفي المصريين ديل غير طولة اللسان ما عندهم حاجة

شفتي "التوتر في العلاقات" بنطقوها كيف؟

التوطر !

Post: #9
Title: Re: لشنو يا بكري جارنج وليس قرنق؟
Author: Raja
Date: 02-13-2004, 05:28 AM

منعم وراوية..
الليلة الخميس وهسع الجمعة.. مافي شغل، يعني مافي منبه بتاع صعايدة يدق قبل ما امرق بتلاتة ساعات.. ومافي تلفونات من عمر العمر.. والصحبة جميلة..
خجلتكم مش كده..؟
منعم اطمن القضارف ياها زاتا..

Post: #10
Title: Re: لشنو يا بكري جارنج وليس قرنق؟
Author: Abureesh
Date: 02-13-2004, 05:46 AM
Parent: #9

عنـدى صـديق مصـرى.. أيام الأزمـة بتاعـة حلايب (وهى دائما ازمـة)
سـألنى قال:
(حلا ليب) دى مصـريـة، إنتـو حـدكم حلفـا بس!!

Post: #11
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 05:54 AM
Parent: #10

ازيك يا محمد عثمان - ابو الريش

قلت لي صحابك دا قال :حلا ليب!؟.

آل كلالة آل !

Post: #12
Title: Re: لشنو يا بكري جارنج وليس قرنق؟
Author: WaD OmI
Date: 02-13-2004, 06:03 AM
Parent: #11

الليله كل ما افتح البورد اعاين في ( جارانج) اقول
: ياربي الزول غير اسمو ولا ده كمان واحد تاني
غايتو الله يدي العافيه وبركه يا Agab Alfaya الفكيت حيرتي
بالمناسبه راويــــــــــه ازيك ومالك ماظاهره الايام دي علو المانع خير يابت امـــــــــــــــــــــي
نوف

Post: #13
Title: Re: لشنو يا بكري جارنج وليس قرنق؟
Author: Abureesh
Date: 02-13-2004, 06:14 AM
Parent: #12

عبـد المنعـم،
كيفك و إن شـاء الله كلو تمام..
الشئ المضحك موش حلاليب، لكن فهمـو إنـو حلايب ملاصقـة لحلفـا!

Post: #14
Title: Re: لشنو يا بكري جارنج وليس قرنق؟
Author: خالد الأيوبي
Date: 02-13-2004, 06:22 AM

الأخ / عجب الفيــــا
مكــرر الأخت/ رجــــاء

مرة ...... مسئول مصري منع اللافتات الإنجليزية (آسف .. الإنقليزية) وأمر أن تكون أسماء المحلات بالعربي فقط و أعطي مهلة محددة لإنزال أي أسم أعجمي و إبداله بآخر عربي.
كاريكاتيرست مصري - أعتقد أنه المرحوم صلاح الليثي - رسم واحد بتاع بقالة واقف أمام محله و الأولاد بينزلوا اليافطة القديمة و مكتوب عليها "The Crazy Horse Grocery" و يعلقوا في واحدة جديدة مكتوب عليها "بقالة البغل إبن المجنونة" وهو يصيح فيهم : يلا يولاد بسرعة متودوناش في داهية.

Post: #15
Title: Re: لشنو يا بكري جارنج وليس قرنق؟
Author: haneena
Date: 02-13-2004, 08:09 AM
Parent: #14

عجب الفيا
الف سلام
والله بس ختفتها من طرف لساني
شفت العنوان وقلت يا ربي انا دخلت غلط ولا شنو
يا ربي انا في Egyptiansonline.com

خالد الايوبي
لوووووووووووول
قلت لي البغل ابن المجنونة
الله يخليك...ضحكتني شديد والله

Post: #19
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 04:42 PM
Parent: #15

حنينة الحنينة
قلتي ختفتها منك ! قالوا القلوب شواهد
تسلمي

Post: #18
Title: Re: لشنو يا بكري جارنج وليس قرنق؟
Author: Agab Alfaya
Date: 02-13-2004, 04:38 PM
Parent: #14

الاخ خالد الايوبي
لا والله دي حلوة اقوق اقوي

اعتقد ان الخطا في اسم قرنق
يرجع اساسا الي الترجمة من الانجليزي وهو خطا يقع فيه كل العرب
الذين ينقلون اخبارهم من الوكالات العالمية

Post: #16
Title: Re: لشنو يا بكري جارنج وليس قرنق؟
Author: Yasir Elsharif
Date: 02-13-2004, 08:50 AM

سودانيز اون لاين
2/13 1:47am
الخرطوم - هيام الإبس
رحبت الحركة الشعبية لتحرير السودان بزعامة جون جارانج بدعوة اثنين من أعضاء الكونجرس الامريكي الي الرئيس الامريكي جورج بوش للتحقيق في تورط " 12" من كبار قادة النظام السوداني في دعم الارهاب ، وقال ياسر عرمان المتحدث باسم الحركة الشعبية في أول رد فعل حول الخطاب الذي وجهه عضو الكونجرس الي الريس بوش النائبان ( دونلد بين وتوماس تانكريدو ) ان الخطاب الذي وجهه عضوان في الكونجرس الامريكي أحدهما زعيم كتلة النواب السود يمثلان الحزبين الجمهوري والديمقراطي حول التحقيق مع مسؤلين سودانيين في قضايا الارهاب يوضح من جديد ان ذاكرة العالم والمجتمع الدولي لا يمكن ان تنسي المساهمة الفعالة لحكام الخرطوم في زعزعة الاستقرار الوطني والاقليمي والدولي ودعم الارهاب ، واضاف عرمان ان حكام الخرطوم لم يتعلموا شئا ولم ينسوا شيئا ، فهم يمارسون الارهاب الان في دارفور ومن قبل ذلك مارسوه في شعبنا شمالا ! وجنوبا وان الافضل لحكام الخرطوم استغلال الفرص النادرة والاتجاه نحو السلام العادل والتحول الديمقراطي ، وتابع عرمان عليهم الاتجاه نحو الحل السياسي في دارفور وتعلم من دروس الماضي في الجنوب والتوقف عن انتهاكات حقوق الانسان التي وصلت الي حد قصف اللاجئين الابرياء وأن العمل العسكري في دارفور لن يفيدهم كما ان المناورات في مفاوضات الايجاد لن تفيدهم أيضا .

قرنغ أو غرنق أو غرنغ .. كل هذا صحيح لكن بالجيم غلط..

بس كدي خلونا في المهم. باقي ليكم علي عثمان تاني حيمشي كينيا أم سوف يخاف من القبض عليه.. نافع مرة هرب من بريطانيا عندما عرف ان هناك محاولة لجلبه الى العدالة. ولا نامت أعين الجبناء.
شكرا يا منعم

Post: #20
Title: Re: السبب الترجمة من الانجليزي
Author: Agab Alfaya
Date: 02-13-2004, 04:57 PM
Parent: #16

Quote: قرنغ أو غرنق أو غرنغ .. كل هذا صحيح لكن بالجيم غلط..

تعرق يا دكتور يا سر لازم تكون البداية قاف
لانها تنطق في اول الاسم اقرب الي الكاف وهو واحد من طرق نطق
القاف في اللسان لسوداني

السبب في كتابة جارانج هو الترجمة كما ذكرت لانها تكتب في
الانقليزي Garang ,بالتالي الحركة في القاف تحولت الي الف
وكتبت g الانقليزية الي اقرب حرف عربي وهو الجيم.
عشان كده بساوو فيهاكل العرب الذين ينقلون اخبارهم من مصادر
باللغة الانجليزية

وتسلم يا حبيب

Post: #17
Title: Re: لشنو يا بكري جارنج وليس قرنق؟
Author: ودقاسم
Date: 02-13-2004, 09:05 AM

المصري لصديقه السوداني :
أسكت ، مش أنا رحت السودان !
السوداني :
بالله ، ورحت براك ؟
المصري :
آآ، براك وبري وبحري وكلو

قديمة ،، مش ؟

Post: #21
Title: Re: ما قديمة يا ود قاسم
Author: Agab Alfaya
Date: 02-13-2004, 05:03 PM
Parent: #17

اول مرة اسمعها ياود قاسم
كتر خيرك وبارك الله فيك

Post: #22
Title: Re: لشنو يا بكري جارنج وليس قرنق؟
Author: Ridhaa
Date: 02-13-2004, 06:23 PM

الاخ عجب الفيا
الاخوة المداخلين
سلام

مرة النميري في خطابه بين الشعب والقائد قال
نشكر المواطن علي حسن سلوكه

الاخت رجاء
نرجو أن تذكري لنا أسماء لعيبة الكرة السودانيين باللهجة المصرية
والفرق بين الريال السوداني والمصري

Post: #23
Title: Re: لشنو يا بكري جارنج وليس قرنق؟
Author: samo
Date: 02-13-2004, 06:39 PM

هلا بالجميع ..

يا اخوى قرنق دى بتاعتنا فى السودان .. لكن جماعة امريكا ديل بيقولوها كده (جارنج)

وكويس الما ختو لينا تحت الجيم تلاته اصفار ..

Post: #24
Title: Re: لشنو يا بكري جارنج وليس قرنق؟
Author: Raja
Date: 02-17-2004, 01:24 PM

Quote: جارانج يؤكد استحالة ترحيل قواته بإرتريا إلى غرب البلاد

Monem,,
AGAIN!!!!!!
really we neeed to know why..?

Post: #25
Title: Re: لشنو يا بكري جارنج وليس قرنق؟
Author: Agab Alfaya
Date: 02-18-2004, 06:12 AM

شكرا العزيزة رجاء علي رفع البوست للمرة لثانية

شكرا الاخ رضا

شكرا الاخ ساو

Post: #26
Title: Re: لشنو يا بكري جارنج وليس قرنق؟
Author: المسافر
Date: 02-18-2004, 08:05 AM
Parent: #25

حسب رؤية البعض الإسم أعجمي فألعب به
ومن باب اللعب يتم تحويل الأسماء لواقع كاريكاتيري
مثلا يقال في الإسم الكامل للشخصية موضوع العملية:
جان جارانج دلو البير
جان تحويراً للإسم صولاً إلى قبيلة الجان المعروفة وخدامها ومملوكيها، أو جان جاري أنج من أنج سعد فقد هلك سعيد والنجاة مطلوبة في وقت أصبح التقتيل سمة العصرولكن هناك معنى آخر ربما يكون جارانج من الجار والمجرور ومثال لذلك جر الحبل وعلاقته بحبل البير وخاصة مقاربة نطق دو مابيور من دلو البير وسابقها واقعة الجر ، او ما شابه جر الحبل نظراً للأرواح التي جرت جراً من ظهرانيها إلى باطنهابفعل فاعل وإيعاز من الشخصية موضوع العملية والمجاررة الحاصلة هذه الأيام في المنتجعات بدلاً عن المدافرة في المستنقعات..

وبنفس الطريقة الكاريكاتيرية تواصل الصحافة ترجمتها للأسماء فتخترع أسماء إضافية مثال تقول علي عثمان عمر أبوبكر طه، ولكنها تقف عند علي عثمان إمعانا لما جرى من فتنة كبرى في العهود ما بين عثمان وثم علي..وطبعاً يفسر بعض الناس الإختلاف بأنه فتنة، والفتنة إذا استغرقت كل هذه الدماء فهي كبرى الكبريات ما بعدها من كبيرة ..

الله يسترنا ،،، ويستر بنات الحلة

Post: #27
Title: Re: لشنو يا بكري جارنج وليس قرنق؟
Author: Raja
Date: 02-19-2004, 04:56 AM

Quote: ..... افتتاح أول مكتب لحركة جارانج في الخرطوم

اعلم ان الزميلة هيام تتبرع بوضع الأخبار.. ارجو ان يتم لها تحرير على الأقل لتصبح اخبار سودانية لمنبر سوداني..
أي منبر اعلامي له ادبياته ومفرداته. لا نطالب بالمستحيل، ولكن فقط المحاولة..

Post: #28
Title: Re:الما عاجبو يشرب من البحر!
Author: Agab Alfaya
Date: 02-19-2004, 03:22 PM

المنبر منبرنا ونحن اسيادو
والماعاجبو يشرب من البحر

عاجبك ولا تشربي من البحر يا رجاء ؟!

شكرا الاخ مسافر علي هذه الطرفة

Post: #29
Title: Re: Re:الما عاجبو يشرب من البحر!
Author: KANDAKE
Date: 02-19-2004, 04:44 PM
Parent: #28

سلام للجميع
إذا كتبتها قرنق المصريين حينطقوها "أرنأ" أعتقد كتابتها بالجيم بتساعدهم ينطقوها قرنق. وبمناسبة طوطر العلاقات الطيب محمد الطيب ذكر ما فعله المصريون بأسماء المدن السودانية مثل تحويل أتبرة إلى عطبرة.
Sorry that I cannot go on to write a longer pieace on this light interesting subject it takes me for ever to type.

Post: #30
Title: سبب وااحد يخليني أشرب من البحر مافي..
Author: Raja
Date: 02-20-2004, 01:58 AM
Parent: #28

العزيز منعم
سبب وااحد يخلينا نشرب من البحر مافي..
المنبر منبرنا وانحنا أسيادو ..
وكتر خيرك في البوست ده، ارفعو كل ما أشوف الاسم الأشتر مكتوب.
عارفه بكري ما فاضي يسمعنا.. لكن أكيد حيسمعنا يوم..
قرييب..