أنا ليتنى طير فى روضه لاهى ..نداء للمرهفين تمبس وأبا

أغنية واحدة رائعة تكفى أن تضع
صاحبها فى سجل الخالدين ..أغنية واحدة ناجحة
ومتكاملة كلاما ولحنا وأداء تكفى للفنان ان يعيش
عليها وليغنى بعد ذلك ما يشاء ..والشواهد على ذلك كثيرة
للغاية فهناك مجموعة ضخمة من المطربين الذين مروا سراعا
وبقيت ذكراهم باغنية واحدة متميزة تستقر فى الوجدان وكثير
من الغناء (المسلوق) الذى لا يحرك احدا حتى صاحبه..كلنا - مثلا- نذكر
عبد المنعم حسيب ورائعته عيونك كانوا فى عيونى..ونذكر ايضا عمر احمد واغنيته الشهيرة كان بدرى عليك ..فتحى حسين واغنيته الخالدة
العزيزة الما بتسأل عن ظروفناوغيرهم وغيرهم ..وموضوعى اللحظة الراحل رمضان زائد ورائعته الفريدة (أنا ليتنى) والتى احسب بحق انها واحدة من اروع الاغانى السودانية غناها رمضان زائد مبكرا وغنى بعدها للسوق وكان مطربا خفيف الدم فلم يغنى اغنية من العيار الثقيل غيرها فكانت كافية للزج به فى سجل الخالدين ..كلامها حلو كتبه الراحل مبارك المغربى ولحنها طروب ( يكلب منه شعر الجلد) وصوت رمضان باكرا كان رائعا قبل ان تصيبه عوامل التعرية :
انا ليتنى زهر فى خدك زاهى انا
ليتنى طير فى روضه لاهى انا
انا ليتنى نهر تنساب امواجى انا
يحلو تلاقينا من غير استار
ويرف وادينا ويغنى مزمار انا

ارجو ان لا اكون قد اخطات فى الكلام
اهديت هذا البوست لاصحاب الاذن ( النضيفة) السميعة الكبار تمبس
وخالد ابا حتى يتحفوننا بهذا اللحن البديع ان تيسر ذلك بصوت رمضان
زائد او اى واحد من الفنانين الشباب اصحاب الاصوات القوية وقد سمعتها فى احد الكاسيتات بصوت الطيب مدثر فاعجبتى .

اسمعونا اياها ايها الاحباب

ولكم جميعا الود من قبل ومن بعد

اخي العزيز عبد الرحمن حمد النيل قوي
وينك انت يا زول دخلت خلوة ولا شنو؟

اضم صوتي اليك بان اغنية رمضان زايد
انا ليتني زهر، من روائع الغناء السوداني
وان شاءالله الاخوان ابا وتمبيس يقدرو يلبوا طلبنا
والله كمان اغنية: العزيزة، لفتحي حسين وعيونك لعبد المنعم حسيب
وكان بدري عليك دي كلها فرائد رائعة ويسلم ذوقك يارائع

تسلم يا عزيزي والتحية لكل مبدعي بلادي

انا ليتنى انت

فى عالم الحس

اشتاق فى صمت

واحب فى همس


ياريت والله نسمعها

%C

انا ليتنى انت

فى عالم الحس

اشتاق فى صمت

واحب فى همس


ياريت والله نسمعها

اطربتنى بصوت عباس تلودى

يلا يا تمبس وابا

قوى
رمضان كريم
أين أنت يا رجل ؟
تشكر لنبش هذه الرائعة

اها يا جماعة
عايزين نطرب ونفتهن
وفي جاه الملوك نلوك
شكراً ليك يا ملك

عجب الفيا
مليون سلام والله مشتاقين
انا طبعا موجود لكننى وخلال
هذاالشهر اعانى من ازمة زمن
لذلك كنت اكتفى بالمتاوقة فقط يعنى
غالبا ما كنت امر كضيف لكنى امر واتابع

رمضان كريم وكل عام وانت بالف خير

احلام
سلام وتحية
شكرا للمداخلة والاضافة
وهكذا عهدتك تكونين حيثما يكون الجمال

وشكرا ولك ارتال من مودة

استاذ ابوجهينة

مليون سلام وشكرا على السؤال
انا موجود ولكن كما ذكرت كضيف خلال رمضان
يعنى حضور غير فعال وبالمناسبة يا استاذ انا
واحد من بورداب الرياض واعانى هذه الايام من حال احباط شديد
نتيجة لفشلى فى الحضور بينكم ضمن حفل الافطار الاخير لذلك تجدنى
(مدبرسا) كلما دخلت بوست الاستاذ خالد عويس الذى يغطى فيه الحفل
وما يزيد دبرستى انه كان من الممكن ان احضر لو اجتهدت قليلا
ولكن لات ساعة مندم وان شاء الله الجايات اكتر من الرايحات

الجندرية

حبابك حبابك
وجودك يؤكد على جمال هذه الاغنية
نأمل ان يتمكن الاخوة من نثرها علينا
حتى يؤمن الجميع

ولكم الود من قبل ومن بعد

رابع محاولة
الاخ قوي
انا منتظرة معاكم
الكلمات جميلة جدآ
الاغنية لو عندي كان نزلتها ليكم

يلا يا ابا وتمبس وكل من يملك الاغنية

العزيز عبد الرحمن قوي
كل سنة وإنت طيب
وحمدا لله علي السلامة
الأحباء
كل من وقع في هذا البوست الجميل أهدي هذا اللحن الخالد
تصدقوا الإغنيتين عندي لكن أغنية رمضان عايزة شغل لأنها فيديو أدوني يومين في الويك إند بنزلها ليكم

ينصر دينك يا ابا يا السريع النهمة

ورحم الله عبد المنعم حسيب
فقد علمت انه انتقل الي رحمة مولاه العام الماضي
في حادث حركة مؤسف بعد فترة قصيرة من عودته من اغترابه
الذي امتد سنوات طويلة خارج الوطن

اكرر شكري يا ابا ودائما في الانتظار

Save @ PC

عزيزي عجب الفيا
لا شكر يا أخي تأمرون وعلينا الطاعة

ياسلاااااااااااااااااااااااااااااااااااااااااام
والله الا نقول ليك ينصر دينك زي عجب الفيا
بس لو جا ابو مهيار هنا
انا كيفي بنتم
يخليكم كلكم يا رب
ويسعد ايامكم

العزيز عبد الرحمن
والحضور الجميل
كل الود ..
طبعا الخال ابا اتحفنا بي عيونك كانو في عيوني .. بصوت الراحل .. وسبق وانها كانت عندي بصوت حنان النيل مع اوركسترا السمندل في حفل الخليج ..
اتحصلت علي أغنية العزيزة الما بتسال عن ظروفنا ..بي صوت الطيب مدثر .. وممكن انزله في البوست ده .. بس في مشكلة في الاكواد المستعمله ح اعدله مع خالد ابا ..
ودي طبعا ما زوقه من الاغنية الاساسية للراحل رمضان زايد .. وح ابزل كل الجهود اني اتحصل عليها او ممكن بي صوت الطيب مدثر كان مافي مانع ..
محبتي
تمبس

ان ما لقيتوها كلموني.. موجودة.. لكن عايز ليها بحت في شرايط
وبصوت مقارب 99,9في المية لصوت رمضان...

قوي يا سماع ،هذه من أحب الأغنيات لي وكثيرآ ما أترنم بها ، وكنت محظوظآ مرتين ،إذا أتاحت لي جيرة الديم مع الراحل الحبيب رمضان زائد أن أستمتع بها مرارآ وتكرارآ ، وكان رحمه الله مشارك داءم في كل مناسبات الديامه ، وإستجابة لرغبتنا كان يبدأ ويجتم بها الحفل، وسبب حظي التاني ان الطيب مدثر تابعت بداياته الأولى وهو مازال شافع يافع بحكم علاقة القربى فأمه بنت عمي ومن السعينات رشحت له عدد من الأغنيات كان من ضمنها هذه وأغنية عبدالمنعم حسيب ، كلما سألت عليك ردوني حراسك ، والطيب أفضل من يغني انا ليتني زهر حاليآ
وبالمناسبة في بوست أفضل الأغنيات السودانية كتبت عن الفنانين اللذين صعدوا القمة بأغنية واحدة سميتها {الفرمالة} ومن أهم الفرمالات أغنية { مهما أمري يهون عليك } للفنان بهاء الدين عبدالرحمن أبوشله وقد غنى مصطفى سيداحمد مقطعها الأول وكان يبحث عن النص، وهذه الأغنية كانت تبثها الإذاعة في فترة الظهيرة حينما يكون الرجال في الشغل والنسوان في التكل، وكذلك أغنية الراحل أحمد فرح { يالطال غيابكم طال سنة وزيادة} وأذكر ان المبدع يوسف المكوصلي وافقني على ذلك والبوست أظنه لبشرى الفاضل

يا نزار يا ابويارا
سلامات ..وفتش علي الاغنية دي عليك الله .. انا بحاول افتش معاك ..

يا ابا .. إذا في امكانية تغير الكود بتاع التنزيل ده بالكود التاني علشان نقدر ننزل اكتر من ملف صوتي ( ممكن تراجع الملفات المنزله في بوست افطار الرياض ) ودي طبعا بتتيح لينا فرصه انو ننزل كم ملف هنا لانو انا عندي عمل للطيب مدثر .. واحتمال كمان القي .. رمضان زايد بعد التفتيش .. وطمني عنك .. لانو لي فترة ما لاقيك

ابوساندرا ..
ما عارف ليه متلاقيين في كم غنية كده .. الطيب مدثر منم اعزب الاصوات الما بمل استماعه .. وكنت متابعو من انا صغير من اول فترتو مع الفن ودراستو بقصر الشباب والاطفال قسم الموسيقي .. وتاني الاحتكاك بيهو في اكتر من مكان .. كان عندي فكرة قبل فترة اني اصلط الضو علي تجربتو الفنية .. ونزلت ليهو عمل قبل كده وكنت بتمني لو انو يلقي حظو من النقاش . لكن ما حصل
اما العم بهاء الدين ابوشلة .. وهو كما تعلم من الفنانيين المميزين العاصرو فترة الفن الخالده وليهو عدة تسجيلات بمكتبة الاذاعه وما ننسي مشاركتو في الملحمة .. مع الاستاذ محمد الامين والبقيه .. وكنت من المحظوظين ايضا ان استمع لي صوت الاستاذ بهاء الدين ابوشلة .. بي كل اشكالو .. بالعود وجلشان خاصه مع عركي ومحمد الامين .. وزمن كانت تزخر فيهو ( موردتنا ) بكل انواع الفنون .. عرفت مؤخرا بخبر مرض الاستاذ بهاءابوشلة ،، وطبعا متكرر مسلسل الاهمال من قبل الجهات الاعلامية إذاعة وتلفزيون وصحف .. وما لنا الا ان ندعو له بالشفاء ..

راجع البوست ده يا ابوساندرا
**خمسة **

ابو ساندر يا ذائقة
صدقت والله لكن انا بسمي الغنوة الواحدة دي
بيضة الديك
اغنيةبهاء الدين عبد الرحمن مهما امري بهون عليك
لو شقاي في الدنيا بيك كنت اسمعها له عبر الاذاعة
واضيف اليها ما شقيتك لحسن سليمان الهاوي
لو انو اغنية عذبة انت لا تقل عنها
مالوا قلبي الاسروه :التاج عثمان
انا في شخصك احترم اشخاص :ابراهيم ادريس ود المقرن
يا ذاتي من عبر القرون جيتك انا عبده الصغير
اقول انساك :الهادي حامد
احمد فرح افتكر عنده اكثر من اغنية ناجحة

اه يلا يا احبابنا ابا وتمبيس رايكم شنو؟

رفاق النغم
أبوساندرا
عجب الفيا
تمبس
سلامات
تعرف يا عجب عندي كم أغنية من هذه الأغاني التي ذكرتم وحقيقي قايل نفسي براي (العيان) أغنية بها الدين عندي لكن بصوت عثمان مصطفي وهي حقيقي أغنية فلتة

تمبس
الشوق بالكوم يا إبن أختي لكن شغال صباح الأسبوع ده وإنتوا ناس السعودية بتبقوا وطاويط في رمضان لكن والله حتي سارة وجعفر بيسألوني وين عمو.. غيرت الكود وسوف أحول أغنية رمضان زايد من فيديو لي أوديو بس في الويك إند عشان دي شغلة وإنت سيد العارفين
تحياتي لك

براك شنو يا ابا
شكلنا انا وانت وابو مهيار وعجب وابو ساندرا
حنعمل حزب
والله ابصم بالعشرة علي اختيارتك ياعجب
سبحان الله

جندرية
يا إبنة العم ده مرض كويس
وأخير الزول يبقي مرضان نغم وكلمة حلوة
وين أخونا أبومهيار مختفي نعلو طيب

Quote: شكلنا انا وانت وابو مهيار وعجب وابو ساندرا حنعمل حزب والله ابصم بالعشرة علي اختيارتك ياعجب سبحان الله

وشنو رايك يا الجندرية ولو اضفنا ليهم عيوني وعيونك
اسباب لوعتي ،للخير عثمان صاحب اغنية الندامة
عيوني وعيونك يؤديها احيانا الكاشف لانها من الحانه علي ما اظن.

تحياتي لابي مهيار
والشكر اطنان يا خالد الحاج

الأعزاء
قوي
خالد
تمبس
حنينة
ابو ساندرا
نزار حسين
الجندرية
عجب الفيا

أعضاء الحزب الذي نحن به فرحون

أنا هنا في هذا البوست اتابع مستجداته أولا بأول
ولقد كسبت منه لحنا اضافيا بصوت حسيب..وانتظر فيه رمضان زايد وبهاء الدين عبد الرحمن .
أما أصحاب الأغنية الواحدة(بيضة الديك) كما يقول عجب الفيا فيمكنني أن أضيف اليهم
الثنائى الوطني - طالت الأيام ولا طال علينا الشوق.
وليم اندرية ـ أقول أرتاح.
محمد حسنين ـ سائق البوباي.
محمد سلام ـ قام اتعزز الليمون.
زكي عبد الكريم ـ أسأل نفسك بينك وبينا عن اخلاصنا

ولعناية أخي الذواقة عجب الفيا أيضا، فان أغنية (مالو قلبي الأسروه) هي للراحل محجوب عثمان.
وكثيرا مايحدث الخلط في نسب أغنيات مطربي هذا الجيل خصوصا بين كل من محجوب عثمان والخير عثمان وعبد الدافع عثمان والتاج مصطفى ورمضان حسن(صاحب الزهور صاحية).

انتظر ان يثمر هذا البوست عناقيدا من الابداع
وتسلموا أيها الرفقة الندية

تمام يا ابو مهيار هو محجوب عثمان
وقد اخطات عندما قلت التاج عثمان
الذاكرة خربت يا عزيزي
ومعاك في اضافاتك الاخيرة

ابــا
جندرية وابومهيار
عجب الفيا
وكل الحضور الجميل

العزيزة بصوت الطيب مدثر

Save @ PC

تمبس يافنان
عزيزة فتحي المك تسيل عذوبة
أيضا بصوت الطيب مدثر..
حرام تتوه فيها المواسم
ونحن بالجد نشتهيها.
تمبس لقد نسجت شملة طرب
الله يديك العافية والأيام الصافية.

الأخ عبد الرحمن حمد النيل قوي
الأخوة المشاركون جميعا
فعلا يا عبد الرحمن "ضربة معلم" في قلوب الجميع
تحياتي لك وأخبارك مقطوعة تحياتي لي صديقي شقيقكم الذي أنقطعت أخباره عني منذ أكثر من عشرة سنوات.
الأخوان أبا وتمبس
مشكورين لأتحافنا بالنغم الشجي
ومنتظرين رمضان
في أمان الله

أخوكم الحليلة

الأعزاء
جندرية
عجب الفيا
أبومهيار
نزار حسين
وتمبس الرائع شكرا لكم ما أجملكم من رفقة

بركة الشفناك طيب يا قوى
رمضان كريم ، وواحشنا يا ذوق
والتحية طبعا لكل حضور البوست الجميل

العايزة اقولو انو هناك اغاني كتيرة قديمة، ما كان ممكن نستمع اليها بشئ من الانصات ، إلا بعد ان يغنيهافنانون آخرون من الزمن الحديث ،، وديل كتيرين وصعب حصرهم الآن ( طبعا ده بالنسبة لناس الجيل ده يا جماعة )
لكن بالنسبة لي انا ، (ما تركِّزوا وتطعنو في عمري) هناك اغاني كتيرة ما كان ممكن استوعبها او اعطيها حقها من التقدير والاعزاز ، إلا بعد ما تغنى بها الراحل مصطفى سيد احمد .. يا الله ..
ومن ضمنها ـ على سبيل المثال لا الحصر ـ ماتذكره الاخ عجب : مهما أمري يهون عليك / لو شقاي في الدنيا بيك/ برضي ديمه أحن اليك / قدر ايه شوف حبي ليك .. وغيرها كثير .
يا ريت ناس أبا وتمبس والمناضل شيبا ينزلوا نماذج من ذلك الألق الجميل
رحم الله ابو سامر
وشكرا ليك يا قوى ، وخلينا نشوفك

ليه ما ناديتونى

دة بيت ناس خالتى لزم..

كان تكوركوا لى...ما عارفنى مشيت درس العصر وجاية؟؟؟


كملتوه كلو؟؟؟

فضلتو لى حبة؟؟؟

راقد يا تماضر ليك وللحبان
غايتو دا بوست الموسم ديل كدا

مرحب بيك يا تماضر
بالمناسبة ممكن توقفي الغنية دي وتشغلي بتاعة حسيب الفوق أو العكس
وتابعي البوست ده حيكون فيه مفاجئات

الخير كلوا عندك يا تماضر
ما في شي فاتك
كدي بحسك الفني شوفي لينا السحارة
اكيد فيها الكثير المثير الخطر

كلامك في محله تمام يا ميرفت
افتكر اغنية في سكون الليل لاحمد المصطفي من اجمل ما
غناه مصطفي سيد احمد
وكذلك في الاسي ضاعت سنيني فاذا مت اذكريني
مصطفي كان فريد في تذوقه

التحية لتمبس علي اغنية العزيزة والشكر للحليلة وللكل

بسمع


لسه ما شبعت

ايها الاحباب

سلام وتحية

أتعرفون ان اجمل ما فى هذا البوست
احساسى باننى افتتحته ولكننى لست صاحبه
ذلك نتيجة طبيعية للمشاركات البالغة الثراء
من الاخوان والتى تتطلب منى عودة ( ممهولة ) للرد
عليها ففى جعبتى الكثير الذى اريد البوح به

ولكم جميعا الود من قبل ومن بعد

اها هاكم دي لامن اسجل ليكم انا ليتني طير في روضة لاهي سوف تعطيكم نغمة رمضان.... الي الجندرية وابومهيار وابا وتمبس وسيد البوست

يانزار حسين
رمضان كريم
ورمضان حسن مبدع
ونحن في انتظار ثبوت رؤية رمضان زايد..
ألم أقل لكم أنا هذا البوست سيثمر عناقيدا من الطرب..
نزار حسين لك أطيب المنى ولك كل الغناء الذي تحب.

نواصل مسلسل الذين اشتهروا باغنية واحدة
- يا روحي : التاج مصطفي ممكن تكون معاها يا نسيم ارجوك
- من ارض المحنة : محمد مسكين
- كلمة كنت مستنيها : محمد الحويج (يغنيها ثنائي مع عثمان حسين)
- حلاة الزهرة في ايد الزهرة:حيدر حدربي
- بدري من عمرك لسع انت شباب:احمد ربشة يؤديها ايضا التاج مكي
- ضاع صبري اين يا وصلي:احمد الطيب
- الكرب السادة::عبدالله الكردفاني
- لو اكون زول ليهو قيمة: العميري
- عيون المها:مني الخير
- :فاطمة الحاج عندهااغنية مشهورة اتذكر معاي يا ابو مهيار
بعزفها موسيقيا بشير عباس؟
اتذكرتها! لاقيته باسم زهر المواسم

شكرا نزار حسين علي اغنية رمضان حسن واظن ان الامان الامان
هي اجود اغنياته وقد تغني بها مصطفي سيد احمد في بداية مشواره

أيها الاحباب

سلام بطعم الغناء الجميل

ولكم الانحناءة الخاصة وانتم تتالقون
فى إثراء هذا البوست بالاغنية الحلوة والمعلومة
الدقيقة والذوق الرفيع ..التحية خاصة للاخوان ( سريعى النهمة)
كما قال الفيا ابا وتمبس ونزار حسين وهكذا عهدناهم ذوق عالى
واختيارات لا ياتيها الباطل من بين يديها ولا من خلفهاوالتحية
ايضا للرائع دوما عبد المنعم عجب الفيا فقد فاجأنى بمعلوماته
الثرة وعشقه الخاص للغناء واهتمامه بالمظاليم من مطربينا الذين
كنت اعشقهم بشكل خاص وقد ذكرهم عبد المنعم كلهم او جلهم واهم ما يميز مجموعة المظاليم اصواتهم ( الحنينة ) والتطريب العالى الذى يجر احيانا الى البكاء والنويح وتصادف ان معظمهم مثل رمضان حسن والخير عثمان وصلاح محمد عيسى ومحجوب عثمان قد ظهروا عقب اضراب الفنانين الشهير احتجاجا على ضعف الاجور التى تمنحها لهم الاذاعة فاضطرت الاذاعة الى البحث عن اصوات جديدة حماية لنفسها من الابتزاز وسدا للفراغ الذى خلفه الكبار ، واختلف مع الحبيب عجب الفيا حول ضمهم لمطربى الفرمالة على حد تعبير صديقنا ابوساندرا فجميعهم لهم الكثير من الغناء الجميل فالخير عثمان له بخلاف عيونى عيونك اسباب لوعتى والندامى له رائعته الذائعة الصيت حنتوب الجميلة وقد امضى خواتيم عمره سائقا لتاكسى قديم بمدينة واد مدنى يحدثك الحديث الجميل ان صادف وركبت معه ويخبرك انه الخير عثمان لانك قطعا لم تكن لتلق اليه بالا ، اما محجوب عثمان فقد كان مظلوما حتى فى الرحيل فقد مات فى نفس اليوم الذى اغتيل فيه الراحل خوجلى عثمان فراح موته فى ظل المطر له بجانب مالو قلبى الاسروه اغنيته الشهيره ليه ليه يالنسيت ايامنا ليه ، اما التاج مصطفى مد الله فى ايامه فله الكثير من الغناء البديع والمشهور واهم هذه الاعمال اغنيته التى اعدها ايضا من روائع غنائنا ( عازف الاوتار ) وله ايضا الملهمة وبهجة حياتى والكثير المثير الذى لا يحضرنى الان ، اما رمضان حسن فله الامان وانا سلمته قلبى والزهور صاحية وغرامى الاول وغيرها، هذا على سبيل المثال وربما اعود للاضافة لاحقا .

حنينة

شكرا للمداخلة واعتقد ان الانتظار فى مثل
هذه الحالات لا يضر وتسلمى

العزيز الراقى ابوساندرا

شكرا للمداخلة المميزة ومداخلاتك جميعها تتشير لثقافتك العالية
وذوقك الرفيع وشكرا لهذا التخاطر الجميل .

ابومهيار

واضح من نداء الجندرية انك من الذين ( يكسر ) فيهم الغناء الجميل
مجموعة ضلوع ومزيد من المتعة ان شاء الله.

الحليلة

سلام وانا موجود لكن قليل الاطلالة
الاخ عز العرب كا ذكرت لك موجود بالسودان قابلنى على المسنجر
لا عطيك حزمة تليفوناته وبريده الالكترونى .

ميرفت
سلام يا جلجلة الكتابة كما يقول السمندل
شكرا للسؤال وانت وحرفك ايضا توحشونى وكمان نزار الذى استاذن فى الغياب ، رشينا بحرفك الفواح ويديك العافية .

تماضر

يا حنينة لا فى تاخير ولا حاجة
عمرى حفلة البورد نحن عارفين عندك الكثير اثراء
لهذا البوست ونحن فى انتظار ذلك لم تشبعى من السمع

ولكم جميعا حزمات من ود

يا عبدالرحمن حمد النيل

اسمح لي ان اهدي عمر احمد الصغير الي عبد المنعم عجب الفيا
وهو طالب طب... هسي بلاي عليكم بعدو في خوف علي الغناء الجميل
ده يتنسي

انت متاكد يا نزار حسين دا ما عمر احمد؟
يا اخي دا الخالق الناطق !
والله موهبة بحق ربنا يحفظه ويوفقه
شكرا ليك علي الاهداء يا اخي العزيز

العزيز نزار حسين
أنا بهديك الأغنية دي بصوت أبو حلقوم ترباس
وان شاء الله تعجبك

Save @ PC

الله الله
الوحد يغيب يومين يجي يلقي الحاجات السمحة دي نزلت
رائحة الورود والياسمين تجيب التايه من باب البوست
الله يخليكم كلكم

نزار وابا
لنكات الحفظ قبل تجي الجندرية وتوريكم المكشم بلا بصل
(المكشم يعني شنو؟؟!!)

بجي صادة

تسلوا يا معشر الرقيقين/ات
(مش كدة صاح يا جندرية)

يا خالد

ا راجل انت فنان فنان ... يا عروس الروض دي بفتش عليها بي وجلة
والله وجلة دي ان فتشت قواميس البيزباس كلها ما تلقاها.. وترباس
بقعد اغاني الحقيبة... شكرا ابا

استاذنا عبدالمنعم...
انتظر لما انزل ليك بي صوتو.... انا في شخصك بحترم اشخاص... حكاية

حنينة
تسلوا يا معشر الرقيقين/ات .... الكلام ده طوالي وديه بوست ود الجعلي... دي ياها الجندرية...

وبعدين المكشن بلا بصل... من الكشنة... وهي عملية تحمير البصل




والله انتو اتاريكم حناكيش حنكشووووووووووووووووووووووووووووووووووووووووووووووووووووووووو

1-تمبس
إضافتك مفيدة جدآ ، كنت فاكر ان لدى بهاء ابوشله ثلاث أغنيات فقط والآن تذكر انت ان له كثير من الأغنيات سوف أسعى لها وأخططلزيارة بهاء كتب الله له الشفاء ،وتقريبآ أذنن واحدة ، وأعتقد ان الطيب مدثر لو إهتم وكرس وقتآ للفن سوف ينتج روائع
2- عجب الفيا
يا ولد!! كنت مغشوش فيك قايلك اكاديمي منغلق مترفع عن الغناء ، فإذا بك سميع ذي ذائقة تمام ،وفي إهاب الأكاديمي الضليع يكمن فنان شفيف ، ومعظم بل كل إختياراتك موافق عليها ،و {أتاريك كنت خادعنا}
3-ابا
نكون شاكرين لو زودتنا ب {مهما أمري يهون عليك} بي صوت عثمان مصطفى
4- ابو مهيار
قائمتك المكربة وشت عن فنان اصيل لذا نرشحك لقيادة الحزب المقترح للذواقين ، وعايز أضيف للقائمة ،إذا سمحت
- أسراب الحسان : سيدخليفه
- حبيب عمري : حسن عطيه
ولكل الاعزاء أعلاه ، كيف يمكن ان يصدر شعر رائع وجميل من نفس صدئة وخواء واليكم هذا المثال :
{ كيف نرفض رجوع القمره لي وطن القماري
وإنت واحش نيل وطنا علينا شمت الصحاري }
هذا مقطع من رائعة البلابل رجعنالك التي صاغها شعرآ عبدالباسط سبدارات ،يا شعراء وبالأخص يحيي فضل الله ، أفيدونا

اها وابراهيم عوض وينو؟؟؟

فيكي الخير يا تماضر
تتخيلي ابراهيم عوض اتذكرتو امس في المحل القاعد اتذكر فيهوالافكار المحل القلتو ليك المره الفاتت تتذكري ؟؟

خلاص جيبو..هو لسه قاعد معاك هناك؟؟

جيبو بعدين لكن ما حسع
احتمال جيبو معاهو التاج مكي


تانج يو
تحياتي
تمبس

خلاص طيب...عامل صورتكل... خايف عليها دى

فوق

وسنبقى فى انتظار الغناء السمح

Quote: صورتكل

البوست ده كان ما حق مرهفين كان قلبناهو رطانه ورندوق

لكن اعتمدو لي الجماعة ديل
ابراهيم عوض في كل اعمالو ..
في عبد الله الحاج ... زهرة السوسن
ثنائي النغم
في بتاع جاز الديوم الاتوفي في حادث حركة ما متذكر اسمو منو

اهلا بالظريف تمبس

وشكرا لهذا الاثراء والتداعى غناءا
وبتاع الديوم المات فى الحاد ث هو عمر عبده
او عمر (ديوم) وكان شهيرا بلبسه الافريقى واغنيته
التى عادت الى الاضواء ماشاء الله حاجة ما شاء الله ويقول
البعض باشاكا ولا ادرى ايهاما صحيح

ولك الود

الاخ نزار
شكرا للتفسير وتصحيح(الغلطة المطبعية)
ياخوي الحنكوش دة منو؟؟
أظنه تمبس-صاح؟؟

حاجه كولن كولن يا قوي

حاجه كولن كولن باشاكا
طبعا نحنا كنا صغار وبتذكر الاغنية دي لحدي الان
وطبعا اعاد تكوين المجموعه بس عناصر جديدة واحد من قرايبو او ليهو صله قريبه جدا بيهو ، بس ما استمرت فترة طويلة .. وبتذكر انو حضرت ليهم اعمال متعددة بالذات ايام فترة الاحتفالات المفتوحه للروابط بجامعه القاهرة فرع الخرطوم

ابوساندرا
ما شايفك قلت حاجه عن عمر عبده .. والا نقلبه رندوق يعني
طبعا زمان لما كنا بنكون ماشين الديم كنا بنقول ماشين جامايكا .. لانو معروف الناس الفي الديم مزيكاتيه بالفطره وبالميلاد وناس سميعه خالص
ورندوكم بيلاقيك في الشارع ..يعني إذا بقيت مغمض حقك بيروح وما بتاكل عيش
عندنا زميلة دراسه كنت بقول ليها ديامه بترد لي ( آخر ناس يوم القيامه )كنت بقتنع طوالي
وليم اندريا يا ابوساندرا مش من الديم ؟؟؟؟

تمبس ، تماضر و رايكم شنو في رائعة عثمان الشفيع { قولي ليهو حبيبك أمسك المجنون} وما زلت ماسك المجنون ،اها إنتو عاملين كيف مع مجانينكم ، ويا تمبس ده مصنف مع الراندوق باقي نحن ناس الديم أحسن من يرندق

لووووووووووووووول يا ابو ساندرا
انا غايتو قابضة قوي في مجنوني
بس ربك يستر ما يخرت يدو ويجري
ونبقى في ( امسك المجنون .. امسك المجنون )

لووووووووول انتي يا جندرية بس اوعه يعوقك

تعرف يا ابوساندرا لخبيط الحاجات ده هو البجنن
يعني تخلط الحورف وتقعد تضرب فيها في راسك بيطلع ليك رندوق من غير ما تشعر
تماضر حريفه جدا طبعا في الحته دي

فى حضرة هذا الجمال
ادخال على استحياء
تركت الباب موارب
لسرعة الاترداد من
المحراب حتى لا نفسد
بهجة جمال المعبد

إهداء خاص جدا
(إليها أين ما كانت ،وما زال في الكأس بقية)

1- تمبس
الراحل عمر عبدو ،مؤسس جاز الديم مع إبراهيم حسين الذي مازال يقود الفرقة ويحافظ على البروفات في داره وفرقتهالموسيقية كانت تعزف مؤخرآ مع عاطف أنيس ، وثالث المؤسسين لاعب الجيتار الحريف أحمد دردق
وفعلآ الديامه سميعه تمام يعشقون الليل والطرب وما بينهما ، خاصة ديم أرض الحيوان حيث نشأت فرقة جاز الديوم ، والأبارشة { ديم ابوالريش} وناس القنا ، و ووب أنا الحي الذي أنجب الثنائي الرائع اولاد القنا ، والقنا ، والديم عامة تقطنه معظم قبائل السودان وتمت كثير من الزيجات بين الجيران اللذين صارو اكثر من أهل ، وشهدت العواميد والنواصي مواعيد الحب العفيف ، بيئة ديدنها الحب ، والإنتماء للوطن والإلتزام لابد ان تكون بيئة معافاة وليس قريبآ ان تنتج كل ذلك الإبداع عبر عشرات الفرق الغنائية ، وفي الديم وجد مصطفى سيد احمد متكأ ، وفي الديم ختم حسن عطية مشواره الغني ، وبأصوات الديم لعلع محمد إبراهيم نقد تحت قبة البرلمان بفصيح القول
وليم اندريا كان يأتي للديم يوميآ حيث كان موزع بين الديم وحي المطار
أفضل من يرندق حنان لبط ، ومحمد محمد خير الصحفي اللامع إكتشف الراندوق من القاص محمود محمد مدني ثم برع فيه

2- الجندرية
مجنونة البورد هذه من يمسكها ؟ و { نوم يتمطى إلى جوارها كأنما ينتظر هو الآخر الصباح } ، الكتبت الكلام ده مجنونه ، والجابتو في البورد مجنونه كذلك فمن يمسكها قبل ما تتور نفسي بالشعر الشفيف

قوي سيد البرحة الوارفة دي
كل المشاركين المرهفين

تحية طيبة وكل عام وإنتو بخير

بوست مريح وملهم شكراً ليكم خاصة

aba

وتمبس

هناك فنان بقدر ما قدم من أغنيات جميلة مظلوم إعلامياً

الفنان صالح الضي بألحانه الشجية وكلماته الرقيقة ، أظن هناك تسجيل واحد له تم تسجيله في القاهرة يحوي باقة من أغنياته الجميلة مثل (بتتغير/ لفي لفي ودوري يا دنيا)

يا ريت يا تمبس وAba لو تتحفونا بواحدة من أغنياته ذات الثراء الموسيقي والتطريب العالي

دمتم وواصلوا ونحنا نتابع

كل الود
نادر

سلام نادر
قبل اسبوعين نزلت ثلاثة أغاني لصالح الضي
تلقاهم في بوست ما يطلبه المستمعون
أعمل بحث بي aba
تحياتي

ابو ساندرا والشباب

انتو فى الامسك المجنون ولا فى محمد احمد عوض...

رغمى بعدى بارسهل سلاهمى...

باغتا شواقى النبيلة...


ياخوانا الغنية سمحة سمحة...جيبوها

والله انتوا حلوين حلاوة


وهاكم

التاج مصطفي/ نور العيون

ثنائي الجزيرة/ كانت ايام سعيدة

احمد الطيب/المخضوب بنانك

وهناك كثير ولكن الذاكرة خربة

لكن البركة فيكم

ابأ ده انا بديت اريدو عديل يا ناس

1- تماضر
ونهديك { هحياتي ، هحياتي ،نحهبك أنت كحهبي لذهاتي } مرة مصطفى سيداحمد قال لي انا ما عارف احمد المصطفى ده بيقدر يضيف حرف الهاء على كل كلمة كيف
ونهديك { يالسايقل فيات }
2- عبدالرحمن سوركتي
نور العيون إنتي الأمل ، اسمها ملهمة ، وأظنها ل عبدالدافع عثمان

ايها الاحباب

سلام وتحية

مداخلاتكم حلوة سأعود حتما اليها

أبوساندرا:-

(الملهمة) واحدة من اروع اغنيات التاج مصطفى وليس عبد الدافع.


ولكم الود من قبل ومن بعد

صحيح ، ودعوناه السنة الفاتت في منتدى الخرطوم جنوب وكان معه ابنه شاركه في العزف ، الكبر شين ورمضان صعب ،

ايها الاحباب

التحايا شذيات نديات

هذا البوست قصدنا منه ان ننصب
خيمة للامتاع والمؤانسة وكان الموضوع
العفيف الشفيف من غنائنا الجميل تجلى وابدع
فيه نفر من الاعزاء اصحاب الذائقة الشفافة والحس
الرهيف لهم جميعا الشكر ابا ، تمبس،نزار،عجب الفيا
ابوساندرا ..الى آخر الاحباب.

اتمنى ان يبقى هذا البوست فترة عاليا وممدودا بجميل
الغناء من الاخوان فما زلنا نطلب المزيد.

ولكم الود من قبل ومن بعد

الاعزاء تمبس وابا وبقيه العقد الفريد
اولآ شكرآ لهذا الامتاع واكون شاكر لو قدرتو تنزلوا لينا اى من هذى الاغنيات
خلى العيش حرام ترباس وكابلى
يوم قالو الاقمار عليمه واعتقد اسمها عرس الكواكب عثمان الشفيع
الحنين البى ليه ما قدرو واعتقد الفنان عبدالله محمد
العمر الراح للمبدع شاويش
وعذرآ للجهجهه فى اسامى الفنانين والاغانى

يا ش/باب/ابات يا قول الجندرية كل سنة وانتو طيبين جميعا
ينعاد عليكم بكل خير..................................

منتصر... اتنين من طلباتك عندي... واغنية عثمان الشفيع اسمها
عيد الكواكب... كنت حا انزلها بدون ما يطلبها المستمعون.. لأنها
فعلا حلوة... بس نلاقي فرقة شوية من الزحمة ... والحوامة فوق الترزية
وبتاعين الافران...ونلملم صواني كعكنا وننزل ليك الاغاني المطلوبة

يا تمبس دي مرقتها من وين؟؟؟
لا حول الله
دي تسجيلها كان سنة كم؟؟

دي سنة التسوي تلقا يا حنينة
وفي حاجات تاني كتيرة ..بس ساعديني بي لط اللنكات الجهاز ده ما مساعد
وبعد العيد في حاجات اخطر من كده

Save @ PC

اها يا تمبس
اللنك عشان الناس المرهفين ديل
شايفاك ما دفعت حاجة لسة
اخير ليييييييييك

الاخ/ عبدالرحمن
والاخوة تمبس . وابا
وبقية العقد
لكم التحايا
فاتت على فرصة الكتابة من الاول
لكن لحقتكم . زيكم مجنونة بسماع هؤلاء الناس وحقيقة بس الظروف كانت
ضدهم . عندى تسجيلات نادرة لابعد الحدود للناس ديل بس للاسف فى السودان والايام دى خايفة من سرقتها (ابوذر هناك ) الله يستر
عندى ليكم مسابقة والشاطر يجى الاول / واتحداكم بالجد!
فى ثنائى غنى اغنية بقول مطلعها / حسدونا ليه فى الحب وحرمونا راحة البال
وظلمونا ليه يا وديعه مالهم العزال . واحد من الثنائى ده مات مقتول فى واحدة من ليالى المولد سنة ........؟.
اسم الثنائى ده منو ؟؟؟؟؟؟؟؟.
شروط المسابقة 1- ممنوع الزوغان . 2- غششنى يا الموصلى ويا المهندس ويا شيبة
مافينا . ايوه . وفى انتظار الاجابة .

أييييييييييك لكن فعلا أنا اكتشفت أنو في ناس أصحاب أضنين نضيييفة في البورد ده....أي زول نزل غنية أشكره و أحيييه و كده حتخربو طبعنا....أنا أشيل و اسجل....

بالنسبة للمسابقة....قدر ما نكت راسي مالقيت لي جواب لكن بالمس في و نسة كده مع ناس سميييعه اكتشفت أنو عمر أحمد صاحب "ملك الطيور " و "تودعني و أنا مشتاق" ...قتل في بدايات الاربعينت على يد أسرته ..أيام الفنانين يسمون حركيا بال " صعاليك".

الاخ / مانديلا
كضبا كاضب.
الاجابة غلط . بعدين انت ما قريت السؤال كويس لسه رمضان اثروا فى
انا قلت ( ثنائى)
بعدين شايفة الجماعة مابينوا ولا واحد وتمبس كان يرد بس لو زول قال (بغم )
شايفاهم لبدوا .

العزيزة رشا
والله دي غلبتني عديل
وعشان ما تقولي الأمانة كاتلاني
حاولت أشفها من تمبس بس ما لميت فيهو
عموما بلقاها مدي لي حبل الصبر
يارب يكونوا ثنائي النغم

يا رشا
بس عرفتهم

ثنائي الدبيبة

الاحباب

سلام وتحية
كل عيد وانتم بالف خير

غبت اياما عن البورد هى ايام العيد
التى قضيت معظمها مسافرا بين البقاع الطاهرة
مكة المكرمة والمدينة المنورة بحثا عن لحظات الصفاء
الروحى برفقة الحبيب المصطفى وبحثا ايضا عن لحظات اليفة
فى حضرة جموع الاهل والاحباب وعدت لاجد هذا البوست مشتعلا ما يزال
وهو بوست حنين او (رهيف) صادف اياما للمحنة ..سأعود ساعة هدأة
للتغليق والتداعى حوله وفيه.

ولكم الود من قبل ومن بعد

الاخ العزيز/ ابا
بالله ده كلام (ثنائى النغم) انا قلت واحد منهم مات مكتول يعنى راجل والعمر ليك
والله تمبس كان جن ما حايعرفهم. وهو وين ؟غاتس العيد وانتهى حتى قصيدتى الشاكوش ما قراها وانت ذاتك اعتقد ما قريتها اسمها (ما افتكر) بالله مر عليها وادينى رائيك بهمنى شديد.

Quote: يا ش/باب/ابات يا قول الجندرية كل سنة وانتو طيبين جميعا

يجاااازى محنك يا نزار

والله يا حنينة/ ماثنائى الدبيبة
ولا ثنائى المحيريبة كمان!!!!!!!
معليش خيرها فى غيرها.

ايها الاحباب

سلام وتحية

فى اعتقادى ان كل من يحب التطريب العالى
فى الغناء فحبه لهؤلاء الرواد يبقى امرا مفروغا منه
استمعوا لهم (لتؤمنوا) بهذه القدرة اصوات دافئة وكلها محنة
واداء راقى وقدرة فائقة على التطريب ..استمعوا لصلاح محمد عيسى
فى ليالى الانس لى عودى او بسمة نظرة ..لا داير انت تحن ولاترحم حالى
واستمعوا لرمضان حسن فى الطيور صاحية وانت نايم او الجمال والحب فى بلادى ..استمعوا لمحجوب عثمان فى مالو قلبى الاسروه او ليه ليه
يالنسيت ايامنا ليه ..استمعوا للخير عثمان فى الندامى او عيونى
عيونك اسباب لوعتى .

والله هذه الكوكبة مظلومة مظلومة

الاخت رشا بابكر

لك حزمات التحايا

كنت احسب نفسى من الذين يعلمون المدفون من غنائنا
الجميل لكن والله (عقدتينى) بهذا الامتحان فانا اكاد اعرف
كل الثنائيات لكن المشكلة اننى لم استمع الى هذه الاغنية
لذلك لن ادخل هذه المعمعة..وكمان والله ضحكنى القال ثنائى النغم
فهن جندريات ولم يمتن بعد ونتمنى لهن طولة العمر.

ولكم جميعا الود من قبل ومن بعد

شفتي يا تماضر
اظن وبعض الظن اثم
انه نزار وود العجمي ومن لف لفهم
وقعوا حلف سري مع تراث عشان يطفشونوا من الاسلوب دا في الكتابة
لكن علي مييييييين
بتعقد الخيت
نحن لع
ولووووووووووووووووول

أها يا رشا....

الاخ / عبدالرحمن
لك التحية .
بما ان المسابقة طلعت صعبة وحتى الناس الجاوبو كا نت الاجابة غلط
واختصارا للوقت وعشاننجيب حاجة جديدة نعلن اجابة السؤال وعلى الاقل وفرتوا على الهدية واناقلت اكيد اما يفوز بيها ابا او شيبا او تمبس او احتمال الجندرية لكن توقعاتى فشلت عموما اليكم الاجابة:
الثنائى هو: ( ختم وحسن ) وحسن هو الذى قتل فى احدى ليالى المولد له الرحمة
واصوات هذا الثنائى حنونة جدا . ومقطع الاغنية التانى بقول: قسمة وقدر محتوم والدنيا فراقة .. والفرقة نار وجحيم بى لهيبه حراقة
لو لينا حظ مكتوب لابدا نتلاقى ..
..............
دمتم.

حالة (نوستالجيا) ذكرتنى
هذا البوست فقررت ان ارفعه
واستميحكم فى ذلك عذرا


ولكم ارتال الود