Post: #25 Title: Re: أب كريق في اللجج .. سدّر حبس الفجج .. Author: مجاهد محمد الهادي Date: 03-14-2013, 08:24 AM Parent: #4
Quote: يا خريف الرتوع أب شقة .. قمر السبوع
فوق بيتو بسند الجوع يا قشاش الدموع
ترجعني الأغنية لأواسط الثمانينات حيث اقتنيت شريط للكابلي كنت احتفظ به كشيء أثير وهو لعمري كذلك - في ظني.. هذه الجزئية (الكوبليه) بالذات- إن كانت تسميتي صحيحة - كانت تطربني حد الطرب..
كنت أستمتع جداً لأغنية خال فاطنة وكانت تصحي في دواخلي حاجات وحاجات..
شكراً تيسير..
Post: #26 Title: Re: أب كريق في اللجج .. سدّر حبس الفجج .. Author: مجاهد محمد الهادي Date: 03-14-2013, 08:30 AM Parent: #25
Post: #28 Title: Re: أب كريق في اللجج .. سدّر حبس الفجج .. Author: مجاهد محمد الهادي Date: 03-14-2013, 08:41 AM Parent: #25
كاتب كلمات الأغنية هو الاستاذ الكبير خوجلي عريق. التحيهand#65279; للاهل بشمال كردفان وخاص مدينه ام دم حاج احمد فرح واولاد خوجلي عريق يالامارات المتحده(ودكره konog)
شكراً للأخ معتصم علي ..على اليوتيوب ..
الاغنيه للكابليand#65279; ومعه البلابل والأستاذه زينب الحويرص فقط أردت اكمال المعلومات
شكراً للأخ عصام حسن .. على اليوتيوب ..
أهالي أسحف بشمال كردفان كانوا من ضحايا المهدية إجتاحتهم جموع القبائل المجاورة لما لهم من ثراء ، إستشهد كل الرجال لكن سمح للنساء بمغادرة أسحفand#65279; لبارا، أنشدت القصيدة في مرافقهن ولقب بمدرج العاطلة، القصيدة من تراث الجوابرة وتغني بها الفنان الشعبي بابكر ود نوبة في بارا
شكراً للأخ شفعاوي ashafawi .. على اليوتيوب ..
Post: #22 Title: Re: أب كريق في اللجج .. سدّر حبس الفجج .. Author: walid taha Date: 03-14-2013, 07:46 AM Parent: #3
Quote: ترجعني الأغنية لأواسط الثمانينات حيث اقتنيت شريط للكابلي كنت احتفظ به كشيء أثير وهو لعمري كذلك - في ظني.. هذه الجزئية (الكوبليه) بالذات- إن كانت تسميتي صحيحة - كانت تطربني حد الطرب..
كنت أستمتع جداً لأغنية خال فاطنة وكانت تصحي في دواخلي حاجات وحاجات..
تسلم كتير يا مجاهد على الفديوهات ..
الغنية سمعتها في نفس الفترة دي ويمكن دا السبب الخلاني أقول إنها بتذكرني أبوي لأنو كان بيسمعا كتير أول ما نزلت في شريط ..
أظنو نفس شريط نالت على يدها بتاع كابلي والبلابل وموصلي والأنا بعتبرو من أعظم ما أنتجت المزيكا السودانية ..
طبعاً الغنية دي إتنسبت لكم زول/ة وبعدة روايات وما قدرت أعرف لي هسي الأصح ياتو واحدة ..
كان الله في عون عثمان عووضة لو قرأ هذه الجملة جملة تزلزل صبر الجبال.... وثباتها
( عن تجربة )
_______________
سلام ومحبة تايسا
Post: #20 Title: Re: أب كريق في اللجج .. سدّر حبس الفجج .. Author: زهير عثمان حمد Date: 03-14-2013, 05:20 AM Parent: #19
تايسا تحياتي أنت كويسه
Post: #21 Title: Re: أب كريق في اللجج .. سدّر حبس الفجج .. Author: بريمة محمد Date: 03-14-2013, 05:58 AM Parent: #20
ههههاى .. بعد الهزائم الشنيعة .. تيسير جاية ترفع فى معنويات المهزومين.
أبشرى .. تانى لو عاودتم الكرة يا مهزومين بنهزمكم.
بالأنابة عنهم ..
بريمة
Post: #23 Title: Re: أب كريق في اللجج .. سدّر حبس الفجج .. Author: محمد عمر جبريل Date: 03-14-2013, 07:47 AM Parent: #21
Quote: · الأكثر تعليقا · Nova University اختنا تيسير سلام "اب كريق" ده منو؟ :) "ابكريت" بمعنى صجى بدري الدغش "باكر" او زي ما بيقولوا اخونا السوريين "بكير" اللجج هو الظلام الدامس قبل طلوع "بزوغ" الفجر ابكريت في اللجج....يعني بي "يبكر" في الصحيان فبل حتى طلوع الفجر لكن "اب كريق" ده اسم واحد "اعرج" في حلتنا :) رد · أعجبني · متابعة المنشور · منذ 13 ساعة
Quote: ههههاى .. بعد الهزائم الشنيعة .. تيسير جاية ترفع فى معنويات المهزومين.
أبشرى .. تانى لو عاودتم الكرة يا مهزومين بنهزمكم.
بالأنابة عنهم ..
بريمة
تايسا سلامات وعوافي
ياخ انا بفتش في الجماعة ديل لقيتم جو عندك بي جاي
والمشكلة انهم شردوا من البوست وبي جاي كمان لقيتم بيعلنوا في انتصار مزعوم ساكت بل انهزموا وهربوا كمان
عليك الله يا تايسا تنزلي ليهم الجري دا ما حقي
تحياتي الكتاااار
Post: #27 Title: Re: أب كريق في اللجج .. سدّر حبس الفجج .. Author: محمد حيدر المشرف Date: 03-14-2013, 08:38 AM Parent: #24
Post: #30 Title: Re: أب كريق في اللجج .. سدّر حبس الفجج .. Author: محمد حيدر المشرف Date: 03-14-2013, 08:50 AM Parent: #27
Quote: "ابكريت" بمعنى صجى بدري الدغش "باكر" او زي ما بيقولوا اخونا السوريين "بكير" اللجج هو الظلام الدامس قبل طلوع "بزوغ" الفجر ابكريت في اللجج....يعني بي "يبكر" في الصحيان فبل حتى طلوع الفجر لكن "اب كريق" ده اسم واحد "اعرج" في حلتنا :)
كنت أظن -زمان لمن أسمعها- انو اب كريق هو التمساح .. هذا الم تكن كانت شايلانى الهوشة ساى ومغبى تماما فى انتظار "الحسن صاقعة النجم" .. وكانت الاغنية التالية فى الشريط !! هييييع ..
Quote: كنت أظن -زمان لمن أسمعها- انو اب كريق هو التمساح ..
وانا اظن ذلك ايضاً فابكريق من اسماء التمساح وبدلالة كلمة ( اللجج ) وهي من اللجِة - او الماء العميقة.. و( وسدر ) من المبادرة في القيام بالامـر ودائما نقول في للواحد ( اتسدرت القصة او اتسدرت المشكلة ) . والفجج مقصود بيها فِجة دخول الماء او مدخل السيل .. فاظن الكلمة اب كريق هي الاقرب للمعني ..
Quote: خال فاطنة .... في بداية الثورة المهدية وعندما كان المهدي في قدير أرسل منشوراته إلى القبائل المختلفة يدعوهم فيها للمهدية .... ثارت هذه القبائل على الحكومة وصارت تُغير وتهاجم كل بلدة توجد فيا حامية للحكومة فتقتل رجال الحامية وسكان البلدة وتنهب ممتلكاتهم وأشهر هذه الغارات هي الغارة التي سميت خراب ازحف ( كتلة ازحف) والتي كانت في 25 مايو 1882 ، وتقع ازحف غرب بارا على بعد 10 أميال منها ويسكنها الجوابرة والركابية وكانوا من الأغنياء أصحاب المال والذهب مما جعلهم عرضة للغارات وكان بازحف نقطة عسكرية فيها السر سواري محمد أغا شبو محافظا مع 200 رجل من الباشبوزق ومعهم النور عنقره والشيخ عثمان حامد عمدة البلدة وجابر أغا الطيب ناظر القسم، فأغار عليهم رجل اسمه المكي ود إبراهيم وهو من مشائخ حمر ومعه جيش كبير من عربانه فاخترق المدينة ونهبها واحرقها .( نعوم شقير .. جغرافية وتاريخ السودان) .... ولقد قتل هولاء الأعراب سبعون شابا من حملة القرآن الكريم وهم من الجوابرة .. ومن فرسان الجوابرة الذين شاركوا في هذه الملحمة محمد ود عوض والعونى ود عبد الله ونقد الله ود عمر ولقد انسحبت القوة بقيادة النور عنقره إلى بارا حيث احتمت بخندق القيقر ... ولكن وصول النساء إلى خندق القيقر كان المشكلة الحقيقة خاصة وإنهن كن مترفات وبطيئات السير مما يستدعى تدريجهن ،وقد تصدى لتلك المسئولية الفارس نقدالله ود عمر بكل شجاعة ورباطة جأش واستطاع أن يوصلهن إلى خندق القيقر بسلامه كامله .. المصدر ( الباحث الأستاذ / خالد الشيخ حاج محمود – مجلة السودان اليوم عدد يونيه 2007 ) .. ويقال إن إبهام نقدالله ودعمر التصق بالسيف من شدة القتال ولم يتم تخليصه إلا باستخدام الزيت ... كان من بين النساء الجوابرة الذين حضروا كتلة ازحف وشهدوا بطولة وبسالة فرسانها شاعرة الجوابرة كلتوم محمد عبدالرازق والطفلة فاطمة بنت عمر ود احمد وهى ابنة أخت الفارس نقدالله ود عمر وكانت وقتها طفلة في طور الرضاعة ( الأستاذ خالد الشيخ حاج محمود نفس المصدر السابق ) .. ولقد أعجبت الشاعرة كلتوم محمد عبدالرازق بشجاعة نقدالله فغنت قصيدتها المشهورة ( خال فاطنة) والتي تقول فيها ...
سام الروح سبله .... أنا أخوى جبل الضرا سيد أم رطين ما ضل ... فارس الألف نقدالله يسلم لي خال فاطنة ..... بلالى البدرج العاطله أب كريق في اللجج ... سدر حبس الفجج عاشميق حبل الوجج ..... أنا ابوى مقلام الحجج يا خريف الرتوع ....... أب شقه قمر السبوع فوح بيتو بسند الجوع ..... يا قشاش الدموع
كتب الأستاذ خالد الشيخ حاج محمود في جريدة حكايات إن الأستاذ عبدالكريم الكابلى قد تغنى بأغنية خال فاطنة مبتورة وقال الباحث في التراث خالد الشيخ حاج محمود إن أول من تغنى بأغنية خال فاطنة كان ود النور في عام 1910 في بارا وبنفس لحنها وكلماتها الأصلية التي تغنت بها شاعرة الأغنية ثم غنتها بعده فنانة الدلوكه ( النحل ) ومن بعدها الفنانه نوبه ثم ابنها بابكر ود نوبه إلى أن جاءت مهلة العبادية إلى الأبيض لإحياء مناسبة زواج في آسرة احمد على كرار وسمعت الأغنية بصوت النحل فأخذتها وكتبتها على ورقة وسارت إلى امدرمان وحينما وصلت من سفرها غسلت ملابسها وكان النص بداخلها وفقدت بفعل الغسيل الجزء الأعلى من القصيدة ولم يتبقى إلا جزئية يسلم لي خال فاطنة فتغنت بها من هنا بعد أن ضاع النص الاصلى بفضل الغسيل ومن ثم غناها عبدالكريم الكابلى بنصها المبتور . وقال الأستاذ خالد الشيخ حاج محمود انه التقى بالنحل قبل وفاتها وأخبرته بهذه الواقعة ... من الفرسان الذين شاركوا فى كتلة ازحف محمد ود عوض ولقد استبسل مع بقية فرسان الجوابرة في ذلك اليوم وله سيف مشهور شارك به في هذه الموقعة وهو موجود بالأبيض بمنزل حفيده حسن محمد مهدي ومكتوب على السيف ( من جرب المجرب حاطت بيهو الندامه ... قربه هلاك وبعده سلامة ) والجدير بالذكر إن النور عنقره قد تزوج أمنه بنت عوض ( حاجه امنو ) شقيقة الفارس محمد ود عوض وكانت امرأة تفتى في المذاهب الأربعة ... ويقال إن محمد ود عوض كان على جمله وفى يده بندقية احترقت يداه من كثرة ضرب النار وكان معه احد مرافقيه فقال للمرافق إذا إحدى طلقاتي لم تصب هدفها أطلق أنت علّى النار من بندقيتك ... ولقد كان يسمى محمد ود عوض عفريت الرجال نسبة لشجاعته وكل من يقابله من أعداءه يتجنبه ويخاف منه .
وللحقيقة اعجبتني كتابة دكتور احمد القرشي اكثر من الاغنيـة نفسها ..
تحياتي
Post: #32 Title: Re: أب كريق في اللجج .. سدّر حبس الفجج .. Author: محمد حيدر المشرف Date: 03-14-2013, 09:41 AM Parent: #31
Quote: سام الروح سبله .... أنا أخوى جبل الضرا سيد أم رطين ما ضل ... فارس الألف نقدالله يسلم لي خال فاطنة ..... بلالى البدرج العاطله أب كريق في اللجج ... سدر حبس الفجج عاشميق حبل الوجج ..... أنا ابوى مقلام الحجج يا خريف الرتوع ....... أب شقه قمر السبوع فوح بيتو بسند الجوع ..... يا قشاش الدموع
ده كلام سمح جدا فى هذا الصباح يا حيدر .. أنظر هذه المفرده "جبل الضرا" !! يا الله يا الله !
ويا ناس الفيسبوك والدفعة محمد عمر أب كريييق وليس ابكريت
حيدرنا المشرف وحيدرنا الزين
أب كريق في اللجج نعم كلامكم صاح أب كريق هو التمساح الكبير أو تمساح العشاري (تمساح نيلي كبير) واسمو أب كريق لأنو قيل إنو بيعمل صوت زي كريييق كرييق كرييق وأيوة اللِّجج جمع لجة وهي الموية العميقة كما تقول الآية القرآنية:(أَوْ كَظُلُمَاتٍ فِي بَحْرٍ لُّجِّيٍّ يَغْشَاهُ مَوْجٌ)
سدر حبس الفجج سدّر = قام بي سدرو أو قام سدّاري حبس الفجج = قفل الأماكن بما يمنع الناس إنهم يصلوها خوفاً وهيبة من وجودو ..
عشميق حبل الوجج العشميق = أو (الآشميق) في اللغة النوبية هو خيوط لحاء النخيل البختوهو في خشم الجَبَنَة عشان يصفي القهوة يتميز الآشميق بمادتو المتينة لا بتتقطع ولا بتدوب في الموية نفس المادة بتستعمل لفتل الحبال وقيل حبل العشميق من أقوى الحبال وما بيتقطع أصلو (تنسج به العناقريب لنفس السبب) حبل الوَجج = حبل شديد القوة بربطو بيهو البهايم
والمقصود إنو الممدوح مش شديد القوة بل هو المادة البتمنح القوة زاتا (شفتو الكلام دا كيف)
أنا أخوي مقلام الحجج مقلام = أداة للقص والمساواة (ضفارة يعني) ومقلام الحجج هو الزول البقصر الحجة والنزاع بالقول الحاسم زي جهيزة القطعت قول كل خطيب ..
Post: #29 Title: Re: أب كريق في اللجج .. سدّر حبس الفجج .. Author: ناصر احمد الامين Date: 03-14-2013, 08:43 AM Parent: #24
الحكومة المعفنة دي لسه قاعدة و نحن بنغني غنا الحماسة اسرائيل داخلة مارقة فوق ريسينا ديل و نحن اسد الخشش الشفت العشميق ابن اللذين.
دا كلو كوم و عزالدين عباس الفحل كوم تاني
نطير وين انحنا
__________________________________________________ تيسير ازيك ياخي و مشتاقين و يا حليل بيتكم السمح داك لما كان الناس كلها قاعدة قلبي معاك
Post: #35 Title: Re: أب كريق في اللجج .. سدّر حبس الفجج .. Author: دينا خالد Date: 03-14-2013, 11:43 AM Parent: #29
إنتي يا كافي البلا من لدن إمرؤ القيس لغاية الليلة العربي دا مستغلق عليك؟ والحالة مرفق دكشنري بالألوان !
سنتر الخرطوم بت الناس دي؟ الغنا دا ببداهو من الأطلال وأراك عصي الدمع (بنسختيها الكلثومية والكابلية) لغاية أنا مالي فيني شنو بتشربو بي الجبنة ما عندي قشة مرة أصلو واللغة عمرها ما كانت حاجز
Post: #44 Title: Re: أب كريق في اللجج .. سدّر حبس الفجج .. Author: خالد علي محجوب المنسي Date: 03-14-2013, 02:24 PM Parent: #43
Quote: سدر حبس الفجج
سدر : اي قفا واستخدمت سدر .. عندما يتوجه من البحر ( الزراعة ) للحلة ويقال سدر الخلا ( او الصي ) عندما يتوجه ببهائمه من الحلة أو الزراعة ناحية الخلا
وسدر اي خلا الناس تفزع وتهرع للحلة خوفاً وفجة مكان وحبس اي منع ومنع الواردة والمدليّا تستقي من البحر
والعاشميق كما قلتي حبل وهو قوي جداً من ليف النخيل يفتل ومن الحبال حبل السعف حبل المريد من الصوف وحبل المريد من الخيش وحبل العاشميق
حبل الوجج الوجج الشدة اي عندة الشدة بسد الحاجة
Post: #45 Title: Re: أب كريق في اللجج .. سدّر حبس الفجج .. Author: محمد على طه الملك Date: 03-14-2013, 02:51 PM Parent: #44
سلامات يا تيسير ..
Quote: أب كريق في اللجج نعم كلامكم صاح أب كريق هو التمساح الكبير أو تمساح العشاري (تمساح نيلي كبير) واسمو أب كريق لأنو قيل إنو بيعمل صوت زي كريييق كرييق كرييق وأيوة اللِّجج جمع لجة وهي الموية العميقة كما تقول الآية القرآنية:(أَوْ كَظُلُمَاتٍ فِي بَحْرٍ لُّجِّيٍّ يَغْشَاهُ مَوْجٌ)
سدر حبس الفجج سدّر = قام بي سدرو أو قام سدّاري حبس الفجج = قفل الأماكن بما يمنع الناس إنهم يصلوها خوفاً وهيبة من وجودو ..
عشميق حبل الوجج العشميق = أو (الآشميق) في اللغة النوبية هو خيوط لحاء النخيل البختوهو في خشم الجَبَنَة عشان يصفي القهوة يتميز الآشميق بمادتو المتينة لا بتتقطع ولا بتدوب في الموية نفس المادة بتستعمل لفتل الحبال وقيل حبل العشميق من أقوى الحبال وما بيتقطع أصلو (تنسج به العناقريب لنفس السبب) حبل الوَجج = حبل شديد القوة بربطو بيهو البهايم
والمقصود إنو الممدوح مش شديد القوة بل هو المادة البتمنح القوة زاتا (شفتو الكلام دا كيف)
أنا أخوي مقلام الحجج مقلام = أداة للقص والمساواة (ضفارة يعني) ومقلام الحجج هو الزول البقصر الحجة والنزاع بالقول الحاسم زي جهيزة القطعت قول كل خطيب ..
غايتو لو كان معاكي كنت قلت بصصك .. ربنا يواليه بالعافية ..
