تهضرب الماعندها دقيق ..

وفي رواية ..







الماعندها ضمير ..

التبريرات المسلوقة
والحجج المسلوقة




والأعذار المسلوقة ..

وكلو تحت شعار الرأي والرأي الآخر ..

ليتني ما عشت لأشهد يوماً يصبح التبرير للقتل "وجهة نظر" ..

وليتني ما عشت لأشهد يوماً تصبح فيه هضربات المهضربين "وجهة نظر" ..

Quote: وليتني ما عشت لأشهد يوماً تصبح فيه هضربات المهضربين "وجهة نظر" ..

تحيا كتير تشوف كتير!!

ياليتني ما حييت لصباح الغد إن أستمر الحال بهذا الشكل!!


سلام للأخت تيسير!!

Quote: وفي رواية .. الماعندها ضمير ..

وفي رواية أخرى .. الماعندها حديدة .. يا تايسا..

تحياتي ..

يا تيسير ياخ كمان ما تبالغي...يعني ناس تموت في حوادث حركة وصقة بردة تجوا تعملوهم شهداء ما كفاية ال-crop snatchers- واصلوا نضالكم الأسفيري يرحمكم الله

Quote: يعني ناس تموت في حوادث حركة وصقة بردة تجوا تعملوهم شهداء ما كفاية ال-crop snatchers- واصلوا نضالكم الأسفيري يرحمكم الله

أحيييي يا عفراء مغسة تشق !




إنتي الكرب سناتشرز ديل ما ياهم ناس القرادة النقلت العيش من القضارف؟

سلام يا تايسا

الانجرار في نقاشات لا نهائية حول مسائل جانبية
تقود الى ضياع القضية

اليوم
من قتل الحسين ؟
نعم قتل الحسين ولكن لماذا خرج من بيته اصلا ؟ هاااا
اوكي نريد ان نعرف اولا من قتل الحسين فنقتص لدمه ثم نخرج الحسين من قبره لنساله لماذا خرجت يا حسين باحثا عن حتفك ؟
لا فالاهم هو معرفة سبب خروج الحسين في المقام الاول ؟
سؤال وراء سؤال

بعد سنة
خروج الحسين خطأ
لا خروج الحسين لم يكن خطأ
خطأ
لا ليس خطأ

بعد عشرة سنين
الحسين لم يقتل ولكن خرج من داره
نعم الحسين خرج من داره ولكنه مات بسبب هذا الخروج اذ انه نسي ان يحمل معه زادا وتاه في الصحراء

القاتل الان يشارك في النقاش كشاهد عصر ومؤرخ لحياة الحسين
وخبير دروب ومسالك


بعد مائة عام
من هو الحسين لم يكن هناك احد يعيش على هذه الارض اسمه الحسين
هذه الارض وجدناها هكذا خالية من السكان

Quote: بعد مائة عام من هو الحسين لم يكن هناك احد يعيش على هذه الارض اسمه الحسين هذه الارض وجدناها هكذا خالية من السكان

حرفياً دا الحاصل وحايحصل يا باش
تمييع الحقوق وتضييع المظالم




معقولة بس؟

Quote: وفي رواية أخرى .. الماعندها حديدة .. يا تايسا..

ياهو دوت كوم

Quote: ياليتني ما حييت لصباح الغد إن أستمر الحال بهذا الشكل!!

وحسب المنايا أن يكن أمانيا !





يا عبد اللطيف الطف ..

في سبتمبر من العام 1979 تم قبولنا طلاباً بجامعة الخرطوم
شكراً لـ ( مجانية التعليم ) أن جعلت ذلك ممكناً
أسكوننا في داخليات البركس ... ومن محاسن السكن في داخليات البركس أن تجد نفسك شريكاً في السكن لزملاء من مختلف الكليات
فـ ( تلقط ) من هذا كلمتين ومن ذاك كلمتين فتصبح ( مثقف ) في أمان الله
وذلك ما أسميناه أيامها ( التثقيف المتبادل )
....
....
....
في مكان آخر
ذات الشهر ( سبتمبر ) وذات السنة ( 1979 ) رزق أخونا المغترب - أيامها - عثمان عووضة ( بنتاً ) جميلة باكورة إنتاجه
تأملها
أحسن الظن فيها
وأسماها ( تيسير )
وما درى صديقنا وقتها أنها سوف ( تنجض الخلق ) نجاض قبورة

......
.....
....
نعود للبركس والتثقيف المتبادل

أتانا طلبة أولى قانون ذات يوم بقصة طريفة من قصص السوابق القضائية
إنها سابقة ( علي عبدالله حسين ) - أرجو أن يكون الإسم صحيحاً -
تقول الرواية أن علي عبدالله حسين قد تشاجر مع أحد أقرانه
ضربه فوقع الرجل ميتاً... أو هكذا خيل للسيد علي عبدالله حسين
عاد إليه صوابه بعد أن رأى خصمه ميتاً
تلفت فلم يجد شهوداً لحادثته
حمل الجثة ورماها في منتصف النهر ( أو الترعة ) الله أعلم
اكتشف الناس الجثة
وأشارت إليه أصابع الإتهام
جاء ناس المختبر الجنائي ( الما خمج )
جاء تقرير المختبر الجنائي أن المرحوم لم يتوفى نتيجة للضرب
إنما توفى نتيجة لـ ( الغرق )

وكان قرار المحكمة الذي شكل سابقة قضائية " الموت غير المتعمد " حيث

" عندما كان المتهم قاصداً إزهاق روح المجني عليه ( بالضرب ) لم يمت المجني عليه ، وحينما لم يكن المتهم قاصداً إزهاق روح المجني عليه وقام بإغراقه بقصد الإخفاء مات المجني عليه "

أذكر يومها ( برطمنا ) بـ ( لولوة المحامين )


_______________

هو الموضوع شنو ؟؟



___________________

ليعذرنا أهل القانون إن ( لخبطنا ) في التفاصيل شوية
الذاكرة مثلها مثل أى شئ لها عمر إفتراضي

Quote: التبريرات المسلوقة والحجج المسلوقة والأعذار المسلوقة ..

نعمل ليكم شنو إذا البلد عندها قولون عصبى
إنتو بتهيجوها ونحن بنحاول نعالجا بالمسلوق..

عاطف عمر ياعجوز طلعت دفعة
كنت بشوفك بتتحاوم قريب من داخليتنا فى البرلم (أربعات)..

تيسير
تانى الواحد يقول ليك عمرك دا نحنا قضيناه عدس وفول وباسطة ولبن فى الجميلة ومستحيلة!!

ياخى جيلكم دا كراعو حارة!!

Quote: عاطف عمر ياعجوز طلعت دفعة كنت بشوفك بتتحاوم قريب من داخليتنا فى البرلم (أربعات)..

أربعات بس يا دكترة ؟؟
وحياتك أربعات والرازي وحسيب
حتى ظنني حارسو أبواب مستشفى الخرطوم ميديكال استيودنت
رحم الله فقيد الطب والإنسانية د. إبراهيم عبدالله رحوم
ومع حرس مستشفى الخرطوم كان لي طرفة
كنت مع المرحوم رحوم في غرفته في داخلية حسيب ... كنا ننوي زيارة أحد بلدياتنا الذي كان طريح الفراش بمستشفى الخرطوم...
ظن المرحوم رحوم أنني ( أتمحرق ) في الخروج لذلك قد سبقني للذهاب للمستشفى
عندما وصلت بوابة المستشفى رأيت المرحوم رحوم محجوزاً مع كثيرين منعهم الحرس من الدخول ( في استعجاله لم يحمل بطاقته الجامعية )
عندما رآني الحرس قادماً فتح الباب في أريحية " إتفضل يا دكتور.... "
نظرت لصديقي المحجوز والذي كادت الدهشة أن تشله ونظرت للحرس وأشرت للمرحوم

" خلي الولد دا يدخل أنا عاوزو "

شفت كيف ؟؟



_________

تايسا

هضربتنا دي بتصب في البوست ؟؟
ولا نشيل بقجتنا ونتخارج ؟؟

اللهم ارحم الشهداء
واخسف بالقاتلين الارض و خذهم اخذ عزيز مقتدر


و قال اول ما بدأ بينهم الجدل - ملامح الفئة الضالة

___________________________________________________
بالجنبة كده اول ماشفت العنوان قلت صاحبي سعد
يتغرض لشيل حال هههههههههه لكن ربنا ستر

ياباش عاطف ..

التقول كنت قاعد معانا ..
قبل يومين قاعدين بنتناقش أنا وصديق قانوني
الكلام كان داير تحديداً حول تحكيم المنطق مقابل القانون
ولولوة المحامين دي زاتا أو بالأحرى "عمى القانون" والمحامين التفتيحة
حكى لي واقعة قريبة من حقتك دي:
الشرطة عرفت إنو واحد من تجار المخدرات عايز يكمل عملية تسليم وتسلم لكمية معينة
قاموا اتحركوا بسرعة ونصبوا كمين ناجح للجماعة وبعد قبضوهم متلبسين لاحظ متلبسين
واحد في يدو شنطة القروش والتاني شنطة البتاع ولمن جات المحاكمة
(هنا صحبي قام سألني بتتوقعي حكم القاضي كان شنو؟)
أنا طبعاً بدون تفكير قلت ليهو طبعاً الإدانة
قال لي ليه؟ قلت ليهو المنطق بقول كدا
قال لي بسسسس، سيبي المنطق دا على جنبة .. القانون أحياناً مافيهو منطق
القاضي طلع المتهمين براءة لأنو ناس الشرطة عملوا الكمين وفتشوا المتهمين بدون إصدار إذن رسمي


اتخيل !!!





ــــــ

Quote: وما درى صديقنا وقتها أنها سوف ( تنجض الخلق ) نجاض قبورة

هسي إنت سبت المنجضين الخلق بالجد وقبلت علي أنا؟


سمح!

Quote: قال لي بسسسس، سيبي المنطق دا على جنبة .. القانون أحياناً مافيهو منطق القاضي طلع المتهمين براءة لأنو ناس الشرطة عملوا الكمين وفتشوا المتهمين بدون إصدار إذن رسمي ..... إتخيل !!![/B]

** تيسير..
** سلام ومساءك خير..
## وأزيدك فىالتخيل :- لو إذن التفتيش طالع بإسم تيسير وجات فتشت منال ولم تقم تيسير بتظهير إذن التفتيش لمنال يُُعتبر التفتيش باطلاً ويُُحكم بالبراءه ##
***********************************************************************************
## الباشمهندس عاطف..
## سلام وغيبتك طالت.
(ودام الود بين الجميع)
(ابو محمد فؤاد) - الماكيكى..

allah kareem