الرحمتـات ..

أو جمعة من لا جمعة لهو ..

البوست دا ماشي براحة على أقل من مهلو
في زول مستعجل؟








ــــ
المسطول شغال يولع الزجارة بالسجارة
قالوا ليهو ياخ التدخين دا موت بطيء

قال ليهم على مهلو أنا زاتي ما مستعجل

عجوز أفي



اها بسوا فيها شنو!!!؟



سنتك طيبة ياخ






ــــــــــــــــــ
بالله اقريها بالتشكيل

أبو السيوف صحبي


كيف ياخ
عشا الميتين يا قول حبوبتي

الفتة أم توم حمتنا ننوم




وسنتك أطيب (بدون تشكيل )

كانوا بيسموها الجمعة اليتيمة


أو الجمعة الأتيمة





وا نشاف ريقك يا يوم الجمعة

Quote: ست الدوكة نساية. - (تم التصرف في هذه العبارة) أعلاهـ *أيضا" في هذا اليوم كما أسلفنا يعد البلح بطريقة خاصة (عصير) بعد بله بالماء مع بعض البهارات (يحضر للإفطار) وفي ظاهرة اجتماعية جديرة بالذكر يتم تبادل الأطعمة والمشروبات في يوم الرحمتات. - أمافي العهود السابقة فقد كانت تصنع آنية فخارية للأطفال لجمع البلح، وأحيانا" تثعد اواني كبيرة (فخارية) لجمع البلح أو التمر.. لقد كانت الجمعة اليتيمة ولا تزال هي يوم لا ينس خصوصاً للصغار لأنهم يتعلمون فيها الصيام حتى ولو صامو نصف اليوم تقبل الله منا ومنكم الصيام والقيام ،،.

دا منقول

شفتا أنا عشان (تم التصرف في العبارة أعلاه) دي غلبني أكتبها :)

سلام ياتيسير
ورمضان كريم



وانتي قديمة ولا تربية حبوبات

رمضان كريم يا عمر ..

Quote: وانتي قديمة ولا تربية حبوبات

الإتنين :)

تيسير ازيك ورمضان كريم
مادام اصلك بتعرفى الرحمتات مالك مابتعرفى البرطمانيات
حقة السفوفه
وحقة العطرون
وحقة الشيح
وحقةالحرجل وحقة المحريب
والقرنجال والكمون والحلبه ووعيييييك
لما تصلى برطمانية الظهره وبرطمانية الخيط والابره
هسى عليك الله دى برطمانيات يرموها؟

الرحمة تأتى= الرحمتات

من أفواه البنادق (عسى أن تكرهوا شيئا ...)
وحناجر الشباب


سلام ياخينا فى التسنين

سلام يا تيسير يا فردة ومشتاقيييييييييين*

ياتايسا، الرحمتات دي عندها أكتر من اسم في السودان
مثلاً في منطقة أركويت القديمة كنا بنسميها "الحارة"
وهي تقريباً آخر جمعة أو آخر خميس من رمضان ما عارف؟
والله ما متذكر، وبتذكر لمن كنا أطفال صغار كنا بنغني:
الحارة ما مرقت
وست الدوكة ما ظرطت
قالت طوت في تلاتة بيوت

كنا بنغني هذه الأغنية بدون حرج

المهم لمن سافرت الشمالية لأول مرة في حياتي
لقيتهم مسمينها صدقة الميتين، وبرضو سمعت باسمها
الرحمتات في مناطق أخرى من السودان

وهي كرامة وعادة توزع للأطفال في نهار رمضان





----
* ح تقولي لي دي معرفة متين؟
لكن أدروب ولوووفة شديد والله

بالمناسبة حضرنا ولم نجدكم!!

يا تيسير رمضان كريم و العفو و العافية.

كبريتة كبريتة ست البوست عفريتة :)
مشيها بلاى حاكم اخوك من نزلاء السراى الصفراء

ثم رمضان كريم وما مستعجلين البتة
جمعة ورا جمعة ويوم ورا يوم الى ان نصل ..
و أديني جيت حبيبــــــي و أديني جــيت..
ما اصلو دا حلمنا طول عمرنا ..طول عمرنا

عزيزنا أحمد الأمين

عييييييييك إنت من زمن السراي الصفراء؟
سقى الله أيام السراي والنزلاء
الدنيا كانت بمبي
ونسيم شمبات يأرج .. ويعرج من حقولو



الجمعات كان بتوصلنا محل ما وصلت ناس أديني جيت وناس جاري يا حمودة يبقى يفتح الله
آخرا كوم "ترابي" زي ما قال سيدنا حسن موسى

لله والرسول يا رحاب


تسلمي وتعيشي








دي اسمها عمرك أطول من عمري
كنت جاياك في بوست وسيم الأولمبياد

بالأكتر يا جارنا الجديد
الحارة دي فتة الرز باللحمة

Quote: كنا بنغني هذه الأغنية بدون حرج

ولي هسي أظنو



وفعلاً يا النذير: الحارة والرحمتات وعشا الميتين كلها أسماء لنفس الحاجة
لكن على ما أذكر بتكون يوم الجمعة !!




مرحب بيك تاني وتالت

Quote: الرحمة تأتى= الرحمتات

يا دكتور دا أصلها ولا نجرة منك يا قول الكاشف
عطبرة = آت برا "أو جاي براهو"
برضو قالوا مقصود بيها نهر عطبرة موسم الفيضان

Quote: من أفواه البنادق (عسى أن تكرهوا شيئا ...) وحناجر الشباب

البنادق أصدق أنباء من الكتب (تُقرأ: بيانات الشجب والإدانة)

Quote: سلام ياخينا فى التسنين

التسنين دا أهم زول
لي هسي كلما أتذكر حمار صاحبكم الوداهو الخيمة الضحك يكتلني ..

فتحية شامي ست الكل ..
الله أكرم .. تصوموا وتفطروا على خير

Quote: تيسير ازيك ورمضان كريم مادام اصلك بتعرفى الرحمتات مالك مابتعرفى البرطمانيات حقة السفوفه وحقة العطرون وحقة الشيح وحقةالحرجل وحقة المحريب والقرنجال والكمون والحلبه ووعيييييك لما تصلى برطمانية الظهره وبرطمانية الخيط والابره

القلتيهم ديل كلهم عارفاهم بقيت خبرة وخيت في القصص دي
الكلام على واحدات كدا زي ما قلتا ليك تخافي تفتحي البرطمانية يطلع ليك المارد بتاع شبيك لبيك داك

Quote: هسى عليك الله دى برطمانيات يرموها؟

البرطمانيات ولا الجواها؟

الاخت تيسير
رمضان كريم وتقبل الله صيامكم وقيامكم
دخلت البوست دا لقيت نفسي زي الاطرش الفي الزفة

الرحمتات دي شنو ؟ عليك النبي لو حاجة كويسة يعني بتحلني من رمضان دا ماتبخلي علي أخوك
والله خلاص ورمنا عديل كدة ،دخل العضم وفات بي هناك منو

Quote: الرحمتات دي شنو ؟ عليك النبي لو حاجة كويسة يعني بتحلني من رمضان دا ماتبخلي علي أخوك والله خلاص ورمنا عديل كدة ،دخل العضم وفات بي هناك منو

الرحمتات زي ما قال د. بلة فوق الرحمة تأتي


يعني أول ما يخش العضم تمشي تقطع ليك كوز موية وعدة من أيام أخر



على قول الدنقلاوي: إنتا ياللي سمّوك فاتنة
هو ربونا قال نجيب العدة من فين؟

Quote: يعني أول ما يخش العضم تمشي تقطع ليك كوز موية وعدة من أيام أخر

دي أعتبرها فتوي وأعرج علي كنتاكي ؟