Post: #11 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: تيسير عووضة Date: 05-26-2012, 10:21 AM Parent: #9
الله عليك يا خليل
ياخ بالغتا !
Post: #12 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: عبدالمجيد الكونت Date: 05-26-2012, 10:29 AM Parent: #9
Quote: حاضرين يا تيتي
Quote: الله عليك يا خليل
لالوب خليل ولا تفاح الكونت غــــــــــــــــــــــايتو
Post: #10 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: عاطف عمر Date: 05-26-2012, 09:43 AM Parent: #1
تحياتي وسلامات تايسا
هذا بوست عجيب ثم هو بوست ورطة ثم هو بوست حنين دخلته وخرجت منه مرات ومرات حتى أتى خليل ( وتم الباقية ) بتسجيل مولانا ومولاك الخضر بشير ( عجابة ) البوست في أول سؤال خطر بذهني أن من أين ( نكتت ) هذه الـ ( تايسا ) هذه الأغنية ؟؟ ربما لأن آخر مرة إستمعت فيها لهذه الأغنية قبل أن تولد ( تايسا ) ذات نفسها... نقول هذا وفي الخاطر أن الفنون ليس لها عمر إفتراضي تلقياً وتذوقاً فلك على هذا شكر أما ( ورطة ) البوست أنك قد أعدت لذاكرتنا ( الخربة ) أسماء وشخوص أخوات فضليات أثرين هذه الساحة
تحتفظ الذاكرة لهن باسهام مقدر ويحتفظ القلب لهن بوافر احترام
تقاطعت حروفنا مع بعضهن تعرفنا عابراً مع بعضهن تصادقن مع بعضهن تطورت صداقاتنا مع بعضهن حتى أصبحت أسرية
فكيف تريدين منا أن نعلق على أيهن ولا نخشى ( ملامة ) النسيان ؟؟؟ الله يسامحك
_________________________
- وعدي ذاك قائم... أتخير له ( ساعة صفاء ) لكن أنى لمن كان في ( مثل حالي ) ساعة صفاء بـ ( أخوي وأخوك ) ؟؟؟ - خلت قائمتك ( التي ربما لم تنتهي بعد ) من أسماء غاليات أثرين هذا المكان وتوارين
Post: #13 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: عبدالمجيد الكونت Date: 05-26-2012, 10:31 AM Parent: #10
انا عندي اغنية حقت محمد النصري
ممكن اشارك
Post: #14 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: تيسير عووضة Date: 05-26-2012, 10:55 AM Parent: #10
يا عاطف خذ الكلام بقوة
لو قعدت عديت ليك أحب عشرة أغاني إلى قلبي حتقول من أين نكتت هذه التايساهذه (البلاوي)؟؟ دا لو ما قلت الزولة دي مواليد 1927
واحد اسمو بادي محمد الطيب والتاني خضر بشير ما ببالغ لو قلت ليك لمن اقعد اسمعهم بحس إني فارقت الجابرة زي ما بيقولوا ناس اليوقا .. والأخير دا من قبل أيام الجامعة بسمعو بالدس عديل !!
من ذُكرت وستذكر اسمائهن هنا نساء سودانيات حفرن بحروفهن عميقاً في باطن الحياة وجانبها الإفتراضي (هذا البورد) حفرن بمعاول من أفكار أصيلة وعقول جميلة .. بفؤوس من عزم .. وأزاميل من حزم فكان أن جابت حفرياتهن الموية موية زلال فيها لذة للشاربين/ات ..
وما بين وعدك "القائم" و"قائمتي" التي ربما لم تنتهي بعد "إنتظار"
ــــــــ هذا المكان يفتقد هذه الأسماء حقاً يا عاطف !
Post: #15 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: تيسير عووضة Date: 05-26-2012, 11:10 AM Parent: #14
Post: #21 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: سارة علي Date: 05-27-2012, 03:55 AM Parent: #20
يا سلام عليك وعلى ذوقك يا تايسا.. رغم انو الايام دي عندي حساسية مع الغنا لكن استمتعت بالرابط وشكراً على الاهداء والكلام الطيب الما بيجي الا من نفس طيبة
Quote: عزاز شامي حنين للبلد سناء خالد سارة علي أماني الأمين
بس اتلومتي معاي .. ختيتني في لستة المقاطعة ؛)
Post: #22 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: حبيب نورة Date: 05-27-2012, 04:00 AM Parent: #21
يا سلام علي السلطان خضر بشير
شكرن تيسير
Post: #23 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: MOHAMMED ELSHEIKH Date: 05-27-2012, 06:28 AM
وأنا أقول انا براي النوستالجي! شكرن استاذة تيسير
Post: #24 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: أيمن الطيب Date: 05-27-2012, 09:41 AM Parent: #23
أخونا تاو تا,,
Quote: فيكي روح .. ألف روح .. وإنتي روحك طيبة .. ليل الليل الليل ..
Quote: من ذُكرت وستذكر اسمائهن هنا نساء سودانيات حفرن بحروفهن عميقاً في باطن الحياة وجانبها الإفتراضي (هذا البورد) حفرن بمعاول من أفكار أصيلة وعقول جميلة .. بفؤوس من عزم .. وأزاميل من حزم فكان أن جابت حفرياتهن الموية موية زلال فيها لذة للشاربين/ات ..
الحقيقة المرّة والمجردة أن هذه الأقلام الجميلة الرصينة قد أصابها ما أصابها ففضلن الإنزواء والخاسر الأكبر هو هذا المكان وبغيابهن مالت كفة الميزان واصبح يعج بكل ما هو قبيح وردئ إلا من رحم ربى وبقى ياهو الحال المايل الشايفنو دا..
يا تاو أراك وقد عاودك الحنين لزمن الكتابة العميقة ذات المعانى والمضامين والأهداف,,
أمسك فى الدرب دا قوى ودعك من المعارك المٌهدرة للزمن والطاقة..
تحياتى
Post: #25 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: تيسير عووضة Date: 05-27-2012, 01:13 PM Parent: #16
الزنجي يا صديقي ..
دي العنصرية الوحيدة المقبولة في نظري نعم أتحيّز لبنات جنسي وأتمناهن دائماَ هناك (وأشارت للأعلى) سماوات تبدو وتستعصم ..
الفيرجن التاني من البوست حيكون للسادة الرجال "سم أبدرق البفقّع"
وأنا فوقم بجر كلام ..
Post: #26 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: نادر النور آدم Date: 05-27-2012, 02:44 PM Parent: #25
Quote: واحد اسمو بادي محمد الطيب والتاني خضر بشير ما ببالغ لو قلت ليك لمن اقعد اسمعهم بحس إني فارقت الجابرة زي ما بيقولوا ناس اليوقا ..
يا عمتك انتي خلاص تاني ما بتحتاجي تقولي أي شي والله جد
Post: #27 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: smart_ana2001 Date: 05-27-2012, 07:27 PM Parent: #26
تسلمي يا تيسير. و شكرًا علي الإهداء. و شكرًا جزيلا علي انك حسبتيني بين نساء يغطوا عين الشمس.
Post: #28 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: صديق الموج Date: 05-28-2012, 07:17 AM Parent: #27
Quote: الإهداء لـ :
عزاز شامي حنين للبلد سناء خالد سارة علي أماني الأمين
Quote: الإهداء لـ :
تماضر شيخ الدين رقية وراق ندى أمين عالية عوض الكريم ندى علي عشة بت فاطنة إشراقة مصطفى أماني الجندرية
Quote: الإهداء لـ :
بنات العباسي بنات قوتة دوما سمارت أنا مريم الحسين نجوان داليا حافظ سناء جعفر نهال كرار أسماء الجنيد
Quote: الإهداء لـ :
إيمان أحمد سلوى صيام ميسون النجومي ثروت همت روزمين الصياد غادة عبد العزيز خالد سلمى الشيخ سلامة سوميتا تماضر الخنساء حمزة شيراز عبد الحي
Quote: الإهداء لـ :
ملكة سبأ أميرة الشيخ صفاء فقيري رندة حاتم سهام المجمر حليمة عبد الرحمن إقبال المرضي دينا خالد فتحية شامي
تيسير .......................سلام
والله العفصة لى ام رقيصاً اشتر عجبتنى عجبه مع انه خضر بشير وبادى لايعلو عليهم لكن والله العفصة كيفتنى كيف اكتر من كيفى من الاغنية لا حولا تزكرى البنات الغايبات والحاضرات واللهى هسه ما اخدن باسوردات وتنسيها لاحولالالالالالالالالالالالالالالالالالالالالالالالالالالا ماقلنا ليك.. عجبونى الليله جو عفصو الزول جهجهو بوست يحرسه جنود سليمان والنمل هذا البوست برعاية صابون ابو فيل،،،
Post: #29 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: Siham Elmugammar Date: 05-28-2012, 08:58 AM Parent: #28
سلامات يا تيسر شكرا للإهداء حليلنا من المعانى الطيبة وحليلنا من اخواتنا و زميلاتنا الادن ضهرن للحوش ده كم نفتقدهن الواحدة مرات تدخل المنبر ده تمرق من غير كليك واحدة على اى بوست اشتقنا للكتابة الطاعمة
اسمحى لى اهدى نفس الاغنية ل شيرى واقول ليها اصلها دى لو كان حلة كوارع كنت عملتى شنو من حلة البامية ما قريت ليك قريب
شكرن كتيرن ليكن جميعا
Post: #30 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: وليد عبد اللطيف Date: 05-28-2012, 02:11 PM Parent: #29
نمشي ونجي نلاقي تيسر هي تيسر شمس ودانيز التي لاتغيب من الابداع
Quote: واحد اسمو بادي محمد الطيب والتاني خضر بشير ما ببالغ لو قلت ليك لمن اقعد اسمعهم بحس إني فارقت الجابرة زي ما بيقولوا ناس اليوقا .. والأخير دا من قبل أيام الجامعة بسمعو بالدس عديل !!
اها جنس سواتك كان بعملها الفنان خضر بشير وبدخل البيت وتاني ما بطلع بقول خلاص دخلت خلوه بقعد في البيت 3 شهور اربعه شهور بس يقرا قران كل ما اقابل ابنه محمد وين ابوك يوقل دخل خلوه . . تيسير لو كنت بعرف اعمل يوتيوب كنت سمعتك حاجات نادره ما سمعتيها عند خضر بشير وصديقنا جمال فرفور طبعا متاثر به جدا ولكن ياريت لو تبحثى عن هذه الاغنيه مره اخرى بصوت ايوب فارس كروان بحري كل اغاني ابو خضره له واقع خاص لناس بحري ..
بجيك صادي وتحياتي لكل ضيوفك
Post: #31 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: داليا حافظ Date: 05-28-2012, 11:23 PM Parent: #30
شكرا يا تايسا هديتك بتشبهك ..لك كل الحب يا نبيلة..
Post: #32 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: نجوان Date: 05-29-2012, 07:39 AM Parent: #31
شكرا يا تيسير.. هدية جميلة ومقدرة جدا..
كوني بخير يا بنية..
Post: #33 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: محمد عبد الماجد الصايم Date: 05-29-2012, 08:26 AM Parent: #32
ماذا علينا إذا سعدنا بعودتهن؟؟
Post: #34 Title: Re: فيكي روح .. ألف روح .. وإنتي روحك طيبة .. ليل الليل الليل .. Author: دينا خالد Date: 05-30-2012, 04:27 PM Parent: #33
