Post: #1
Title: الصفايح في البــورد ..
Author: تيسير عووضة
Date: 05-14-2012, 00:49 AM
Parent: #0
سنعريهم صنماً صنماً
صفيحة صفيحة
أو
سفيهة سفيهة (يا قول الدناقلة  )
والحساس يملا صفيحتو
يرفع الستار في تمام الساعة الثالثة
الرابعة لأ
|
Post: #2
Title: Re: الصفايح في البــورد ..
Author: حبيب نورة
Date: 05-14-2012, 00:58 AM
Parent: #1
Quote: سنعريهم صنماً صنماً
صفيحة صفيحة
أو
سفيهة سفيهة (يا قول الدناقلة )
والحساس يملا صفيحتو |
كااااااااااااااااااااااااااااااااااااااااااك
علي اليمين كاروشة الضحك كتلتني عديل كده :)
|
Post: #3
Title: Re: الصفايح في البــورد ..
Author: Balla Musa
Date: 05-14-2012, 01:03 AM
Parent: #2
بيض* الصفايح لاسود** السخايف
فى بوطنهن جنين الشك والريب!
___________
* eggs
** eggplant
|
Post: #8
Title: Re: الصفايح في البــورد ..
Author: تيسير عووضة
Date: 05-14-2012, 02:00 AM
Parent: #2
يا حبيب نورة إنت صفايح التركين دي بتلقاها وين؟
|
Post: #4
Title: Re: الصفايح في البــورد ..
Author: تيسير عووضة
Date: 05-14-2012, 01:23 AM
Parent: #1
أو العدة الفاضية كركابة
العدة دي تشمل أول ما تشمل "الصفايح" غتّس الله سرها ..
|
Post: #5
Title: Re: الصفايح في البــورد ..
Author: محمد عبدالرحمن محمد
Date: 05-14-2012, 01:36 AM
Parent: #4
| Quote: سنعريهم صنماً صنماً |
أبديلنا بي مناة!
|
Post: #7
Title: Re: الصفايح في البــورد ..
Author: تيسير عووضة
Date: 05-14-2012, 01:47 AM
Parent: #5
لوووووووولز يا محمد عبد الرحمن
مناة دي بادين فوقا عامن أول
هسي كمان جابت ليها اللات وهُبَل
وأنا أقول الصفايح جايبة الهبالة دي من وين؟ 
|
Post: #6
Title: Re: الصفايح في البــورد ..
Author: تيسير عووضة
Date: 05-14-2012, 01:42 AM
Parent: #4
يا د. بلة ..
المتنبي قال ليك:
وكفتك الصفائح الناس حتى قد كفتك الصفائح الأقلام
ياخ والله بالغ مع الصفايح عديل
|
Post: #9
Title: Re: الصفايح في البــورد ..
Author: الخير محمد عوض
Date: 05-14-2012, 03:02 AM
Parent: #6
نفس الشعور يا حبيب نورا
تيسير ازيك
اوووووووووووعك بس تصفحيني اذ انني اقبل القسمة علي اتنين زي السلام عليكم
|
Post: #10
Title: Re: الصفايح في البــورد ..
Author: حمد عبد الغفار عمر
Date: 05-14-2012, 09:39 AM
Parent: #9
يا سخفاء البورد وسفهائه الأبطال
انتبهواا ووحدوا صفوفكم
ها هي فلول الثورة المضادة تنقض على ثورتكم المجيدة وتريد إجهاضها
اليقظة ثم الحذر
|
Post: #15
Title: Re: الصفايح في البــورد ..
Author: تيسير عووضة
Date: 05-14-2012, 10:07 AM
Parent: #10
يا حمد قلنا ليكم الحساس يملا سفيهتو
وإنا لها
|
Post: #11
Title: Re: الصفايح في البــورد ..
Author: تيسير عووضة
Date: 05-14-2012, 09:40 AM
Parent: #9
يا الخير قول بسم الله
إنت البلمك مع ناس الصفايح ومباراة الفضايح شنو؟
تبرا وتسكن جبرة
|
Post: #12
Title: Re: الصفايح في البــورد ..
Author: تيسير عووضة
Date: 05-14-2012, 09:50 AM
Parent: #11
وكلو كوووووم والحمير الشايلة الصفايح كوم تاني
تحمل أسفاراً ثم لم تحملها
|
Post: #14
Title: Re: الصفايح في البــورد ..
Author: تيسير عووضة
Date: 05-14-2012, 10:00 AM
Parent: #12
أما الصفايح الشغالة خط مواصلات في الطرق الخارجية ديل جاينهم بي رواقة وما تهتموا للأيام
طبيعة الدنيا زي "الموج" تجيب وتودي
|
Post: #23
Title: Re: الصفايح في البــورد ..
Author: قيقراوي
Date: 05-14-2012, 11:23 AM
Parent: #12
مع اني ما فاهم الحاصل شنو ..
لكن قلت اجي اطلب (الصفح) ؤ كدا
-------
تايسا مشتاقين ياخ
ول خلاس بعد الفرولة و التصاوير مع آية الله العظمى همسلف بقينا زي الصفايح الشايلا الحمار دي
ما بتدي حريف!!
|
Post: #29
Title: Re: الصفايح في البــورد ..
Author: تيسير عووضة
Date: 05-14-2012, 03:11 PM
Parent: #23
قيقا يا فردة ..
أقول قول الفند الزمّاني (صفحنا عن بني ذهلٍ )
قيقاحاوي في الحجا والنجا
إمبوسبل ثم إمبوسبل يبقى من صفايح الحمار أعلاه
الفي شنو؟
|
Post: #13
Title: Re: الصفايح في البــورد ..
Author: الرفاعي عبدالعاطي حجر
Date: 05-14-2012, 09:58 AM
Parent: #11
هاهاها وبس.
مرور وتحية .
...................حجر.
|
Post: #16
Title: Re: الصفايح في البــورد ..
Author: ود الباوقة
Date: 05-14-2012, 10:11 AM
Parent: #13
| Quote: أما الصفايح الشغالة خط مواصلات في الطرق الخارجية ديل جاينهم بي رواقة وما تهتموا للأيام |
بالله ركزي لينا على خط التحدي
الخرطوم عطبرة ابوحمد بورتسودان
وجزاك الله كل خير
|
Post: #26
Title: Re: الصفايح في البــورد ..
Author: تيسير عووضة
Date: 05-14-2012, 02:40 PM
Parent: #16
يا ود الباوقة الصفايح بتاعة طريق التحدي دي بالذات طلعت هوا وهبوب ساكت
ياخ دي لسة في مرحلة "الدفارات" الحتمشي في طريق التحدي يعنى يادوب أول المشوار
وعلى قول البلابل:
قليل في حقك المشوار بدور أمشيهو تاني كمان
نهدي الأغنية لسفيهة التركين الكبيرة
ونقول ليها كان ليك
|
Post: #17
Title: Re: الصفايح في البــورد ..
Author: تيسير عووضة
Date: 05-14-2012, 10:30 AM
Parent: #13
مراحب يا حجر ..
شفت المحن دي؟
|
Post: #18
Title: Re: الصفايح في البــورد ..
Author: طارق جبريل
Date: 05-14-2012, 10:33 AM
Parent: #17
النبي فيك يضريك يا تايسا لو عايزة تبقيني صفيحة
خليني صفيحة طحنية ياخي
|
Post: #19
Title: Re: الصفايح في البــورد ..
Author: معاوية المدير
Date: 05-14-2012, 10:47 AM
Parent: #18
Quote:
النبي فيك يضريك يا تايسا لو عايزة تبقيني صفيحة
خليني صفيحة طحنية ياخي |
بلحسوك يا ود جبرين، وانا الليام ديل مغرود فيك بالحيل.
والله صحي.
سلآمات يا تيسير.
الصفايح زمان كنا بنسويبِن الحاحايات،
جمع حاحآية...
|
Post: #20
Title: Re: الصفايح في البــورد ..
Author: طارق جبريل
Date: 05-14-2012, 10:55 AM
Parent: #19
Quote: بلحسوك يا ود جبرين، وانا الليام ديل مغرود فيك بالحيل.
والله صحي. |
حباب الزين
راجع الخاص
|
Post: #31
Title: Re: الصفايح في البــورد ..
Author: تيسير عووضة
Date: 05-14-2012, 03:28 PM
Parent: #19
يا ود المدير ..
حاحايات زمان كانوا بيطردوا بيها الطير
هسي صفايح الزمن دا بيصطادوا بيها الطير (كان طير صحي ولا كان بني آدمين)
|
Post: #21
Title: Re: الصفايح في البــورد ..
Author: فايزودالقاضي
Date: 05-14-2012, 10:59 AM
Parent: #18
احيييييييييييييي انا
حرقها شديد ..وعجبني ليها ...
ياكونت ياصفيحة منتظر يجيبوا اسمك ولا شنو ؟
الشغلة باينة ومن درق سيدو حاتبقى صفيح سيدو ..
ــــــــــــــــــ
فايز/سفيه متصفح
او صفيح متسفه
|
Post: #22
Title: Re: الصفايح في البــورد ..
Author: osman righeem
Date: 05-14-2012, 11:11 AM
Parent: #21
الصفائح انواع
صفيحة جاز الغزالتين انتاج شركة شل لامعه و ممكن تكون مرايا أو روقابة
و عندها يد مستطبلة ممكن تتعمل حلق
وبعدين صفيحة جبنة الدويم مضروبة بوهية (ظهرية شديد) و جرحتها تعمل تتنوس ( نوجد منها انواع بالبورد )
صفيحة التركين وارد كوستي ... حاجه مهببه كده وعفننننننننننننننننننننناه
وصفيحة الطحنية حلوه وليها نكهة لكن انتها منها البلاستيك زي الامجاد ما انتهت من التاكسي
و في صفائح الفضائح
|
Post: #24
Title: Re: الصفايح في البــورد ..
Author: ALZOLZATOO
Date: 05-14-2012, 12:33 PM
Parent: #22
ياود القاضي
ياخي الكونت ده موقع اتفاقيات سرية وحبيب نورة طلع حريف
انت البقيت في السهلة مكشوف ان شاء الله تكون مصفح بس ماتطلع كرتون كسلا
غايتو يمكن يجيك سند من مناة الثالثة الاخرى
ربنا يعينك ياصديق انا شخصيا بوستات زي دي مابدخل فيها هههههههههههه
تحياتي
زاتوووو
|
Post: #25
Title: Re: الصفايح في البــورد ..
Author: العوض المسلمي
Date: 05-14-2012, 12:54 PM
Parent: #24
سلام تيسير
لمزيد من التصحف ؛)
|
Post: #28
Title: Re: الصفايح في البــورد ..
Author: الامين موسى البشاري
Date: 05-14-2012, 02:59 PM
Parent: #25
يا تايسا الحمراء يا قولات تراجي
ممكن أقيف في (السف) عشان أصرف لي (سفيهة)
إلات طحنية ولا لا؟
فووووووووق لمزيد من التصفح وكدا
__
سلام
|
Post: #85
Title: Re: الصفايح في البــورد ..
Author: تيسير عووضة
Date: 05-18-2012, 09:05 AM
Parent: #28
يا أمين بشاري نحن ما بنصرف صفايح
نحن هنا بنسمكر بس
|
Post: #54
Title: Re: الصفايح في البــورد ..
Author: تيسير عووضة
Date: 05-16-2012, 07:23 AM
Parent: #25
العوض المسلمي يا مراحب ..
ومزيد من التصفح 
والتصفح 
|
Post: #39
Title: Re: الصفايح في البــورد ..
Author: فايزودالقاضي
Date: 05-14-2012, 08:09 PM
Parent: #24
Quote: ياود القاضي
ياخي الكونت ده موقع اتفاقيات سرية وحبيب نورة طلع حريف
انت البقيت في السهلة مكشوف ان شاء الله تكون مصفح بس ماتطلع كرتون كسلا |
الكونت بعد وروهو ادب الصفايح بقى يربى باسوورده وماشي في طرف البورد..
بطل وانتهى ..
حبيب نورةعايز وخايف ..
اما انا فالهيستوري بتاعي يشفع لي
بعدين ماتنسى قدمت السبت ويوم احدى جاء ..
اخبار الصفيحة المعاك شنو ؟!!!
|
Post: #40
Title: Re: الصفايح في البــورد ..
Author: عبدالمجيد الكونت
Date: 05-14-2012, 08:32 PM
Parent: #39
Quote: الكونت بعد وروهو ادب الصفايح بقى يربى باسوورده وماشي في طرف البورد..
بطل وانتهى ..
حبيب نورةعايز وخايف ..
اما انا فالهيستوري بتاعي يشفع لي
بعدين ماتنسى قدمت السبت ويوم احدى جاء ..
اخبار الصفيحة المعاك شنو ؟!!! |
ود القاضي بطل استفزاز وتعال لي في بوست الاباريق
الباس ورد ما فارق معاي صراحة لكن الأداء غير لأي سباق معافى ....وتزكر انه العسكري بتاع الدفار شايقي مشلخ ....يعني الدفار ده يبقى ليك سم
______________________________
تيسير ست البوست
وحاة الله انا قعد اخاف منك عدييل كده وما عايز معاكي اي مشاكل
اعتبري خوفي منك ده لاي سبب تشوفيه مناسب واعفي لي مداخلتي دي وتاني ما بجي 
|
Post: #42
Title: Re: الصفايح في البــورد ..
Author: فايزودالقاضي
Date: 05-14-2012, 08:44 PM
Parent: #40
Quote: تيسير ست البوست
وحاة الله انا قعد اخاف منك عدييل كده وما عايز معاكي اي مشاكل
اعتبري خوفي منك ده لاي سبب تشوفيه مناسب واعفي لي مداخلتي دي وتاني ما بجي |
هسه الزولة دي سالتك ياجبل الرجاف *؟!!
الله يخيبك من راجل !!!
فشلتني قدام السفهاء والصفايح العندها جلبة والماعندها ..
تخاف من ليبرالية !!! ..
والله فعلا الرجال ماتوا في سعد قشرة..
ــــــــــــــــــــــ
* كمالايفوتني ان احي المناضلة رشا
|
Post: #35
Title: Re: الصفايح في البــورد ..
Author: تيسير عووضة
Date: 05-14-2012, 04:20 PM
Parent: #22
Quote: صفيحة جاز الغزالتين انتاج شركة شل لامعه و ممكن تكون مرايا أو روقابة
و عندها يد مستطبلة ممكن تتعمل حلق |
لا لا يا سيدنا رغيم دي صفيحة "دبل غبينة" البتكون اتنين لاصقات مع بعض وبيناتم قفل طبلة
أها الطبلة دي ياها الحلق
بعد داك عندك صفيحة مصدية وفاضية من جوة و وعليها بوهية مقشرة من برة ومرسوم عليها لوقو بتاع مواتر
ثم عندك صفيحة ما قاعدة في الواطة كلو كلو النوع البتكون معلقة في برج حمام محل ما الهوا يميل بتميل معاهو
سفيهة ما مضمونة نوهائي وما صديقة للبيئة زاتو
عاشت عاشت سفيهة التركين ..
|
Post: #33
Title: Re: الصفايح في البــورد ..
Author: تيسير عووضة
Date: 05-14-2012, 03:48 PM
Parent: #21
ود القاضي صفيحتنا وما بنرمي فوقا الشوك ..
|
Post: #43
Title: Re: الصفايح في البــورد ..
Author: فايزودالقاضي
Date: 05-14-2012, 09:29 PM
Parent: #33
| Quote: ود القاضي صفيحتنا وما بنرمي فوقا الشوك .. |
الكلام ده بكون قتل ليهو زول في الرياض
بالاضافة لاتنين تلاتة من السفهاء والصفايح
ـــــــــــــــــــ
تيسير ...
|
Post: #44
Title: Re: الصفايح في البــورد ..
Author: عبدالمجيد الكونت
Date: 05-14-2012, 09:42 PM
Parent: #43
Quote: الكلام ده بكون قتل ليهو زول في الرياض
بالاضافة لاتنين تلاتة من السفهاء والصفايح
|
هسة دي ما عاش لينين زاااااااااته ,,, وبرضوا مافي ليك
ما تفرح ساكت ...ارجع اقرا الكلام المفرحك ده وخلي سذاجة الادروبات دي ,,, ياصفيحة
______________
انت بقى راجل تعال لي بيهناك وما تقعد تعمل لي حركات ( اسرائيل كيف ) دي هنا
|
Post: #27
Title: Re: الصفايح في البــورد ..
Author: تيسير عووضة
Date: 05-14-2012, 02:53 PM
Parent: #18
الزول النضيف ود جبرين
للأسف مضطرة أبقيك صفيحة "الهستري بتاعك ما مساعد"
لكن قبلنا إسترحامك وملأناك طحنيي ..
|
Post: #30
Title: Re: الصفايح في البــورد ..
Author: طارق جبريل
Date: 05-14-2012, 03:28 PM
Parent: #27
Quote: الزول النضيف ود جبرين
للأسف مضطرة أبقيك صفيحة "الهستري بتاعك ما مساعد" |
نان هو الجايبني وراء شنو غير هستري الجن دة
البركة في الطحنيي
|
Post: #32
Title: Re: الصفايح في البــورد ..
Author: سارة علي
Date: 05-14-2012, 03:45 PM
Parent: #30
تيسير..
انا الايام دي في حالة اكتئاب وحزن ودبرسة لا يعلم مداها الا الله..
والحمد لله
لكن متابعة ..وشديد كمان
وفي موقف الدفارات داك لمن كتبتا وقلتا كدا ما صاح..طلعوني انا المخي عفن..
عموماً.. لو الحزن الفيني دا ما اتفكا فانا أنصحك انك تتخارجي من هنا وتخليني اتفشى في صفايحك دي
------------------
وبقول تاني
الصاح صاح..والغلط غلط
وبقول تاني برضو..اختيني يا ام حلق
|
Post: #34
Title: Re: الصفايح في البــورد ..
Author: أيمن التوم حسن
Date: 05-14-2012, 04:18 PM
Parent: #32
| Quote: خليني صفيحة طحنية ياخي |
اركز يا ود جبرين وخل الجقلبه ياخ
يمكن تمون ممن قال فيهم الشاعر : بيض (الصفائح) لا سود الصحائف,,,, فى متونهن جلاء الشك والريب ِ
--------------------------------------------
غايتو كفينا شر الفضايح ودق الصفايح ياتيسير
|
Post: #36
Title: Re: الصفايح في البــورد ..
Author: طارق جبريل
Date: 05-14-2012, 05:44 PM
Parent: #34
| Quote: اركز يا ود جبرين وخل الجقلبه ياخ |
ديل اصحاب شنو ديل
يجيبوا الكفوة للواحد في صمة خشمو
|
Post: #37
Title: Re: الصفايح في البــورد ..
Author: تيسير عووضة
Date: 05-14-2012, 06:12 PM
Parent: #36
هو بالله الجينات الوراثية داخلة معانا؟
على كدا اكفي الصفيحة على فمها
تطلع السفيهة لأمها
ومن بعيد جات تمشي المها
|
Post: #38
Title: Re: الصفايح في البــورد ..
Author: أيمن التوم حسن
Date: 05-14-2012, 08:05 PM
Parent: #37
Quote: قليل في حقك المشوار بدور أمشيهو تاني كمان
نهدي الأغنية( لسفيهة التركين الكبيرة )
ونقول ليها كان ليك |
الكبيره دى بالذات ,,, امانه مافى ناس عاملين الدرب ساساقه ليها ,,, تقولى لى مشيوير بس يابت عووضه ؟؟
|
Post: #41
Title: Re: الصفايح في البــورد ..
Author: أمير عثمان
Date: 05-14-2012, 08:33 PM
Parent: #38
وما الدنيا الا صفائح تتطاقش ...
هناك صفائح "خفيفة" لطيفة تطفو فوق الموج وسريعا ما يلفظها خارجا...
وهناك "الثقيلة" والتى سريعا ما يبتلعها الموج سعيدا بها...
والحمد لله الذى جعل بعض الماء عذب فرات وبعضه ملح أجاج...
فنغسل بالعذب .. المالح الذى علق بنا رغم اننا وقفنا متفرجين على الشاطئ ...
ومشكورة يا تيسير على اتاحة الفرصة للسباحة ...
|
Post: #45
Title: Re: الصفايح في البــورد ..
Author: عرفة محمد سعيد
Date: 05-15-2012, 01:57 AM
Parent: #41
تيسير
في VAMPIRE قال ليك عندكم صفائح دموية ؟
|
Post: #46
Title: Re: الصفايح في البــورد ..
Author: Abdlaziz Eisa
Date: 05-15-2012, 07:36 AM
Parent: #45
|
Post: #47
Title: Re: الصفايح في البــورد ..
Author: تيسير عووضة
Date: 05-15-2012, 10:39 AM
Parent: #46
إزي الناس؟
سيتواصل عرضنا لليوم والأيام التالية ونستأنف "دق الصفايح"
أها كنا واقفين وين؟
|
Post: #48
Title: Re: الصفايح في البــورد ..
Author: الزنجي
Date: 05-15-2012, 10:59 AM
Parent: #47
تبرا وتسكن جبرا
هههههههههههه
هههههههههههههههه
ههههههههههههههههه
في صفيحه صفيحة
وفي صفيحة ماسورة
الخوف كلوا من المواسير ما تقد الصفيحه
|
Post: #49
Title: Re: الصفايح في البــورد ..
Author: تيسير عووضة
Date: 05-15-2012, 11:12 AM
Parent: #47
الليلة الهوا قلب وإنتابت صفايحنا الحالة الشهيرة الكانت بنتاب سعاد حسني في فيلم بئر الحرمان
سفاهة تتبعها حالات إستغراب بريء وجنوح للحكمة
أجي يا بنات أمي؟
موجات النصايح عند شطآن الصفايح
مين قال ليكم إنو البنعمل فيهو دا نصيحة؟
نصيحة دي كانت قبل كم سنة
زمن النفس كان هادي والبال طويل
زمن سفيهة التركين الكبيرة
وفي ذلك أريقت أوقات وطاقات ومعايير
إتضح بعدها إنو معشر الصفايح ديل لا ناس نصيحة لا الله قال
لا في السهلة ولا بالضرا
وشغالين بي مقولة خدوهم بالسفاهة لا يغلبوكم
يجوك هسي صفايح موديل 2012 رافعين مناديل كاروهات بمبية وإهئ إهئ إهئ انصحونا برقة وذوق وبليييز ما قدام الناس
مرة أخرى:
أجي يا بنات أمي؟
|
Post: #50
Title: Re: الصفايح في البــورد ..
Author: فايزودالقاضي
Date: 05-15-2012, 11:13 AM
Parent: #47
الاخت العزيزة السخيفة التى لم تلدها امي ...تحية سخائفية مباركة ان شاء الله ..
| Quote: أها كنا واقفين وين؟ |
وقفنا في كلام الكونت في بوست مجاور تعليقاً على الوردة التى اهديتها لك تعبيراً عن رضائي بسخفك الكريم ..
الراجل ده مابتوب كلو كلو ..وشكله اشتاق للمداخلتين في اليوم الكان سببهم مسج من احدي الاخوات ذات السلطة للاخ بكري ..
|
Post: #51
Title: Re: الصفايح في البــورد ..
Author: محمد عبد الماجد الصايم
Date: 05-15-2012, 11:25 AM
Parent: #50
|
Post: #52
Title: Re: الصفايح في البــورد ..
Author: تيسير عووضة
Date: 05-15-2012, 11:29 AM
Parent: #50
عودة للنصايح والصفايح ..
صفايح 2012 عايزين نصيحة على شكل فيونكة بنفس رايق وروح حلوة
ويا حبذا لو رفعنا سماعة التلفون وقلنا ليها يا صفيحتنا العزيزة ممكن بعد إذنك تبطلي سفاهة؟
أو بالعدم نرسل ننصح في الخاص ما قدام الناس
أجي يا بنات أمي؟
بركة العرفتو إنو في إختراع اسمو "الناس"
وبركتين العرفتو إنو في حاجات من الأفضل إنها ما تتقال قدام "الناس"
وتلاتة بركات العرفتو درب الإستحاء زي باقي "الناس"
قول النصيحة كلمني مالك بي زجري http://www.sudaneseonline.com/db/attention/200_4e.gif
|
Post: #53
Title: Re: الصفايح في البــورد ..
Author: تيسير عووضة
Date: 05-15-2012, 11:43 AM
Parent: #52
قلت أعدل المداخلة عشان الكود أعلاه
لكن إتذكرت كلام خبير الآكشن المخضرم W.A.B
أي حذف أو كشط أو تعديل يلغي صلاحية المداخلة
لكن قالوا النية واصلة ..
|
Post: #55
Title: Re: الصفايح في البــورد ..
Author: Abdlaziz Eisa
Date: 05-16-2012, 08:05 AM
Parent: #53
| Quote: الصفايح في البــورد .. |
|
Post: #56
Title: Re: الصفايح في البــورد ..
Author: تيسير عووضة
Date: 05-16-2012, 10:52 AM
Parent: #53
الصفيحة أم جضوم حمتنا النوم
صفيحة مزعجة ونباحة وجنها كركبة
أي نعم ملمعة ومضروبة "بولِش" من برة
لكن الله لا وراكم من جوة
شي حلاوة حربة .. شي تراتير لعب .. وشي كورة شرّاب
واليوم كلو تجدع في الكورة وبراها تكورك كممممبلت
الصفيحة قليلة الأدب دي نعمل معاها شنو بس؟
يدوها نهرة ما نافع
يحرموها كم شهر من لعب الدافوري ما نافع
ينقصوا ليها المصروف بتاعا لي اتنين جنيه في اليوم برضو ما نافع
يا ود القاضي ..
نسوي ليها شنو الصفيحة دي؟
شربات ليمون مثلاً
|
Post: #57
Title: Re: الصفايح في البــورد ..
Author: تيسير عووضة
Date: 05-16-2012, 11:36 AM
Parent: #56
من هنا ولي قدام سيأخذ هذا البوست منحنى أكثر تصفيحاً
زمان كنا بنقرا كلام الصفايح برة ونجي نسمكرو هنا
تاني كل صفيحة حيكون معاها الكوت بتاعا وعلى الورشة طوالي
منها توثيق للدنيا والزمان والتوثيق من الله
ومنها نقلل المساسقة على عزيزي القارئ
ولا نامت أعين السفهاء
تايسا/ سمكرجي الصفايح
|
Post: #58
Title: Re: الصفايح في البــورد ..
Author: الملك
Date: 05-16-2012, 12:00 PM
Parent: #57
|
Post: #59
Title: Re: الصفايح في البــورد ..
Author: ALZOLZATOO
Date: 05-16-2012, 12:03 PM
Parent: #57
قالوا السمكرجي بابو مخلع
والعتبة علي اللي قالوا
تحياتي
زاتوووو
|
Post: #80
Title: Re: الصفايح في البــورد ..
Author: تيسير عووضة
Date: 05-17-2012, 03:01 AM
Parent: #59
Quote: قالوا السمكرجي بابو مخلع
والعتبة علي اللي قالوا |
يا زاتووو ..
قالوا دي ما تباريها كتير
بترميك على وشك يوم ..
|
Post: #82
Title: Re: الصفايح في البــورد ..
Author: ALZOLZATOO
Date: 05-18-2012, 00:39 AM
Parent: #80
Quote: يا زاتووو ..
قالوا دي ما تباريها كتير
بترميك على وشك يوم .. .. |
لا ماتخافي على وشي
انا قالوا البباريها الاستناد بتاعها قوي
بعدين برضو في دليل يعني عندنا كم نجار وحداد
بينطبق عليهم المثل
تحياتي
زاتوووو
|
Post: #60
Title: Re: الصفايح في البــورد ..
Author: عبد الله كسلا
Date: 05-16-2012, 12:04 PM
Parent: #57
تايسا .. يا تايسا يا سمكري الصفايح ..
تحية طيبة ..
يا تايسا إنتي مقومة نَفَسِك سااااي .. والله
الله يديك العافية غايتو ... لكن ..
"هلْ يُصْلِحُ العطَّارُ ما أفسده الدَّهرُ" ؟؟ 
|
Post: #61
Title: Re: الصفايح في البــورد ..
Author: MOHAMMED ELSHEIKH
Date: 05-16-2012, 12:55 PM
Parent: #60
اطالب بكري "بتعليق"هذا البوست عاليا خفاقا
لكي يسهل"تصفحه"
|
Post: #62
Title: Re: الصفايح في البــورد ..
Author: حبيب نورة
Date: 05-16-2012, 01:39 PM
Parent: #61
Quote: الصفيحة أم جضوم حمتنا النوم
صفيحة مزعجة ونباحة وجنها كركبة
أي نعم ملمعة ومضروبة "بولِش" من برة
لكن الله لا وراكم من جوة
شي حلاوة حربة .. شي تراتير لعب .. وشي كورة شرّاب
واليوم كلو تجدع في الكورة وبراها تكورك كممممبلت
|
كاااااااااااااااااااااااااااااااااااك
وعلي قول رشّو جُمبُلُق عديل كده
|
Post: #63
Title: Re: الصفايح في البــورد ..
Author: Hassan Bakri Nugud
Date: 05-16-2012, 02:36 PM
Parent: #62
تحياتي لصاحبة البوست ، والمتداخلين
Quote:
كاااااااااااااااااااااااااااااااااااك
وعلي قول رشّو جُمبُلُق عديل كده |
ياخ أنا مبسوط منك والله !
يعني معقولة يا حبيب تنتج الفيلم ، وتمثل فيهو بطولة ، وتخرجو ..
وتجي عاااااادي جداً تحضرو مع الناس في السينما ، و( لوج ) كمان !
والغريبة الضحك كاتلك علي الكومبارس المساكين البيدقو فيهم ديل
ياخ إنت بطل الياباني ، والتايواني !
|
Post: #64
Title: Re: الصفايح في البــورد ..
Author: حبيب نورة
Date: 05-16-2012, 06:08 PM
Parent: #63
Quote: ياخ أنا مبسوط منك والله !
يعني معقولة يا حبيب تنتج الفيلم ، وتمثل فيهو بطولة ، وتخرجو ..
وتجي عاااااادي جداً تحضرو مع الناس في السينما ، و( لوج ) كمان !
والغريبة الضحك كاتلك علي الكومبارس المساكين البيدقو فيهم ديل
ياخ إنت بطل الياباني ، والتايواني ! |
يا نجود هوووووي بطّل اللولوة :) أنا طول عمري عزيزي المشاهد هههههههههههههههههه
ياخ دي من أجمل أيامي في البورد
أنا سعييييييييييييييد بصورة إستثنائية
|
Post: #65
Title: Re: الصفايح في البــورد ..
Author: Hassan Bakri Nugud
Date: 05-16-2012, 06:29 PM
Parent: #64
Quote:
ياخ دي من أجمل أيامي في البورد
أنا سعييييييييييييييد بصورة إستثنائية |
والله كلنا حاسين بي السعادة ( الإستثنائية ) دي ياخ
وعلى طريقة القصبي في Arabs got talent :
جميل ، جميل ، جمييييييييييييييل
|
Post: #66
Title: Re: الصفايح في البــورد ..
Author: حبيب نورة
Date: 05-16-2012, 07:34 PM
Parent: #65
Quote: والله كلنا حاسين بي السعادة ( الإستثنائية ) دي ياخ
وعلى طريقة القصبي في Arabs got talent :
جميل ، جميل ، جمييييييييييييييل |
أنا بقترح إنك تشيل المداخلة دي والقبليها توديهم بوست الطعمية
|
Post: #67
Title: Re: الصفايح في البــورد ..
Author: حاتم محمد حاج المهدي
Date: 05-16-2012, 07:55 PM
Parent: #66
Quote: أنا بقترح إنك تشيل المداخلة دي والقبليها توديهم بوست الطعمية
|
يشهد الله فترنا من المساسقة بين الصفايح والسخايف
يا حبيبها ورينا بوست الطعمية ده وين عسى أن تكون فيه الخلاصة
|
Post: #68
Title: Re: الصفايح في البــورد ..
Author: حبيب نورة
Date: 05-16-2012, 10:52 PM
Parent: #67
Quote: يشهد الله فترنا من المساسقة بين الصفايح والسخايف
يا حبيبها ورينا بوست الطعمية ده وين عسى أن تكون فيه الخلاصة |
يا عمك
كل ما تساسق أكتر أجرك بزيد
فاااااااااا أعتبر إنو بوست الطعمية ده ح يكون مخفي
يعني ممكن تكون خشيتو مية مرة وانت ما ناقش
|
Post: #69
Title: Re: الصفايح في البــورد ..
Author: تيسير عووضة
Date: 05-17-2012, 00:14 AM
Parent: #68
فاصل إعلاني برعاية بص الروصيرص
التلاتة بنات
الشايلات صفايح ومقنّعات
وا عذابي نا الليلة
قفلن دربي لامن بص الروصيرص فات
الأولى زي كنب الدفار
والتانية شتّامة الكبار
والتالتة غربال الشمار
|
Post: #71
Title: Re: الصفايح في البــورد ..
Author: تيسير عووضة
Date: 05-17-2012, 00:24 AM
Parent: #69
وبمناسبة مرض "سمير" بتاع سفيهة التركين الكبيرة
نهدي ليها أغنية سميري الفي الضميري
جن حايمات تلاتة
فوقن صيدتي زاتا
وأنا دستوري نازل
في الصفايح وبناتا
ويين سميري http://www.sudaneseonline.com/db/attention/010_Smile.gif
|
Post: #72
Title: Re: الصفايح في البــورد ..
Author: عادل عبدالعزيز عبد الرحيم
Date: 05-17-2012, 00:24 AM
Parent: #69
وضح ابن افصح
انت بتقصد صفايح الزيت
ولا صفايح الطحنية ؟؟؟؟؟
على العموم كل الصفايح اليومين دى غالية
ولا كيف؟؟؟
|
Post: #73
Title: Re: الصفايح في البــورد ..
Author: عادل عبدالعزيز عبد الرحيم
Date: 05-17-2012, 00:24 AM
Parent: #69
وضح ابن افصح
انت بتقصد صفايح الزيت
ولا صفايح الطحنية ؟؟؟؟؟
على العموم كل الصفايح اليومين دى غالية
ولا كيف؟؟؟
|
Post: #70
Title: Re: الصفايح في البــورد ..
Author: فايزودالقاضي
Date: 05-17-2012, 00:22 AM
Parent: #68
Quote: الصفيحة قليلة الأدب دي نعمل معاها شنو بس؟
يدوها نهرة ما نافع
يحرموها كم شهر من لعب الدافوري ما نافع
ينقصوا ليها المصروف بتاعا لي اتنين جنيه في اليوم برضو ما نافع |
هههههههههههههههههه اى يابطني ..انا كده بتشل في منبر الصفايح ده ..
لأ واضحة واضحة واضحة ..
Quote: يا ود القاضي ..
نسوي ليها شنو الصفيحة دي؟ |
سمكريها ..
|
Post: #74
Title: Re: الصفايح في البــورد ..
Author: حبيب نورة
Date: 05-17-2012, 01:43 AM
Parent: #70
جئتك طالباً الصفح
|
Post: #78
Title: Re: الصفايح في البــورد ..
Author: تيسير عووضة
Date: 05-17-2012, 02:29 AM
Parent: #74
يا جماعة سمكرتنا ليوم غدٍ حتكون بعنوان "الشتيمة الأسرية" يا قول السفيهة المن بعيد جات تمشي
بس هنا الكلام حيكون مباشر وبي خشم الباب مش هظار وتدوير وضحك ..
فالحة تجري تشتكي لي عمو وخالو وتتبكي للغاشي والماشي وتقولي شتيمة الأسر وعاملة ضحية
طيب وري الناس مين البادر بي شتيمة الأهل ومين الأقحم "الجينات الوراثية"
لأنو شغل الكذب والتلفيق وإظهار نص الحقيقة دا كان غدّاك ما بيعشيك
وتواريخ المداخلات هي الفيصل
إنتي قايلة حقك حرير وحق الناس دمّور؟
البيستسهل ويبادر بي الإساءة للأهل يا يستحمل تبعات كلامو ويبقى قدرو
يايعرف حدودو كويس وما يلوك ليهو حاجة ما بيقدر يبلعا لي قدام ونبقى في واي واي وما دايرين
تمام YAMAHA ؟
ـــــــــــ
بي رواشتك البتعملي فيها دي أثبتي إنك سفيهة بحق مش كلام منابر ساي
ويحمد لجميع من دخلوا في هذا الصراع على عمق الإختلاف وضرب الركب لم يتعدى أحدهم أو إحداهن حدوده
ولم يسيئ لأهل الآخر كما فعلتي أنتِ بكل وقاحة فانظري لنفسك أين تقفين من فطرة البشر السليمة
ياخ منال الإستثنائية تطلع أعقل وأوعى منك؟
|
Post: #75
Title: Re: الصفايح في البــورد ..
Author: عبدالمجيد الكونت
Date: 05-17-2012, 02:02 AM
Parent: #70
Quote: هههههههههههههههههه اى يابطني ..انا كده بتشل في منبر الصفايح ده ..
لأ واضحة واضحة واضحة .. |
عجبك يا مرتضى مقبول 
|
Post: #76
Title: Re: الصفايح في البــورد ..
Author: فايزودالقاضي
Date: 05-17-2012, 02:05 AM
Parent: #75
| Quote: عجبك يا مرتضى مقبول |
عيبي مابعرف ادس فرحتي وسعادتي ،،
تاني تجي المولد ؟!!!
ـــــــ
|
Post: #77
Title: Re: الصفايح في البــورد ..
Author: عبدالمجيد الكونت
Date: 05-17-2012, 02:16 AM
Parent: #76
Quote: عيبي مابعرف ادس فرحتي وسعادتي ،،
|
اسلفك جضومي ..... اصلهن جايبات لي الهوىعشان تفرح لمن تتفقع
|
Post: #79
Title: Re: الصفايح في البــورد ..
Author: عبدالمجيد الكونت
Date: 05-17-2012, 02:33 AM
Parent: #77
Quote: قالوا السمكرجي بابو مخلع
والعتبة علي اللي قالوا
تحياتي
زاتوووو |
ياعنكبة النصيحة دي بتجيب ليك التجضيم
|
Post: #81
Title: Re: الصفايح في البــورد ..
Author: عبدالمجيد الكونت
Date: 05-17-2012, 10:40 AM
Parent: #79
Quote: البيستسهل ويبادر بي الإساءة للأهل يا يستحمل تبعات كلامو ويبقى قدرو
يايعرف حدودو كويس وما يلوك ليهو حاجة ما بيقدر يبلعا لي قدام ونبقى في واي واي وما دايرين
|
Quote: على كدا اكفي الصفيحة على فمها
تطلع السفيهة لأمها |
ده كلام ست البوست فقط في هذا البوست .... والمحزوف محفووظ برضو
نشوف الاباريق رايها شنو
|
Post: #83
Title: Re: الصفايح في البــورد ..
Author: تيسير عووضة
Date: 05-18-2012, 08:38 AM
Parent: #81
يا الصفيحة أم جضوم إنتي زمان ما وصوك ما تتشوبري في كلام الناس الكبار؟
استمتعي بلعب الكمبلت وممارسة إزعاجك الطفولي المعهود وخلي شناة الطبع واللفحي من طرف
|
Post: #84
Title: Re: الصفايح في البــورد ..
Author: تيسير عووضة
Date: 05-18-2012, 08:59 AM
Parent: #83
صفيحة الرواشة نجحت بشلاقة وخفة منقطعة النظير إنها تشيل قربة السفاهة من راس الصفايح
غير مكترثة بما جرته وستجره عليها تلك القربة المقدودة ..
بداية البوست قلنا الحشاش يملا شبكتو
صفيحة الرواشة جاتنا بي رجلينا
وما درت أن الدخول في الشبكات هين ولكن التأمل في الخروج
|
Post: #87
Title: Re: الصفايح في البــورد ..
Author: تيسير عووضة
Date: 05-18-2012, 09:21 AM
Parent: #38
مراحب يا أيمن التوم ..
| Quote: الكبيره دى بالذات ,,, امانه مافى ناس عاملين الدرب ساساقه ليها ,,, تقولى لى مشيوير بس يابت عووضه ؟؟ |
أمال إنت قايل فتحوا معرض السيارات ليه؟
محاولة لتوفير دعم لوجستي لجماعة أساسق بالدريب الجاي بي حداكا
|
Post: #86
Title: Re: الصفايح في البــورد ..
Author: تيسير عووضة
Date: 05-18-2012, 09:14 AM
Parent: #32
سرورة يا سرورة يا ست الناس ..
تبري ومن الإكتئاب والحزن
(قريت تعزيات الأصدقاء بس ما عرفت المات منو)
الورشة وست الورشة والصفايح أجمعين تحت أمرك
|
Post: #88
Title: Re: الصفايح في البــورد ..
Author: سارة علي
Date: 05-18-2012, 10:05 AM
Parent: #86
تسلمي يا تايسا..
كدي خليني اسأل الكونت ..
انتا شنو فهمك لاقتباس كلام تيسير؟
اذا كانت تيسير نفسها شرحت مداخلتها وقالت حصل كدا وكدا وبتسلسل زمني!!
يبقى قصة انك تقعد تفصل المداخلة اسكيرت وبلوزة أكيد ما ساي..
وبتدي كمان انطباع انو الاتمسح كلام فايت الحد
|
Post: #89
Title: Re: الصفايح في البــورد ..
Author: عمر عبد الله فضل المولى
Date: 05-18-2012, 03:36 PM
Parent: #88
حضرنا
|
Post: #90
Title: Re: الصفايح في البــورد ..
Author: عمر عبد الله فضل المولى
Date: 05-18-2012, 04:13 PM
Parent: #89
كامل التضامن مع صديقي العزيز وله اقول في هذا المنعرج البوستي لا املك شيئا لمناصرتك سوى انني اشجب وادين واستنكر باغلظ العبارات الاعتداء على شخصكم الكريم .
|
Post: #91
Title: Re: الصفايح في البــورد ..
Author: فايزودالقاضي
Date: 05-18-2012, 05:06 PM
Parent: #90
اطلعي بره ياربوحة
|
Post: #92
Title: Re: الصفايح في البــورد ..
Author: فايزودالقاضي
Date: 05-18-2012, 05:30 PM
Parent: #91
Quote: ده كلام ست البوست فقط في هذا البوست .... والمحزوف محفووظ برضو
نشوف الاباريق رايها شنو |
الاباريق رايها ثابت وواضح ..اهالينا واسرنا بعيدين كل البعد عن خلافاتنا ونقاشاتنا في المنبر وندين اى سب لهم من اى طرف ونغلط الاخت تيسير إن عنت ذلك في كلامها وكذلك الاخت مها إن فعلت ..
انت حاتتوب متين من شكل الحريم ياصفيح سيدوا ؟!!!
اختشي ...
|
Post: #93
Title: Re: الصفايح في البــورد ..
Author: عبدالمجيد الكونت
Date: 05-18-2012, 05:33 PM
Parent: #88
Quote: كدي خليني اسأل الكونت ..
انتا شنو فهمك لاقتباس كلام تيسير؟
اذا كانت تيسير نفسها شرحت مداخلتها وقالت حصل كدا وكدا وبتسلسل زمني!!
يبقى قصة انك تقعد تفصل المداخلة اسكيرت وبلوزة أكيد ما ساي..
وبتدي كمان انطباع انو الاتمسح كلام فايت الحد |
الاخت سارة سلام
بدا ..سعيد لتواجدك الجانبي في هذه (الكركبة) الحاصلة اليومين دي والتي لن تفيد القارئ او تفيد البورد في شئ .. ان هي الا تثبيت مواقف واحقاق حقوق انتقصت بفعل فاعل ... هو من تجانبيها في الامر .. وهنا يسعدني نبل هدفك لمناصرة صديقة مهما كان الوضع ..ولكن من وجهة نظري انك اتخذت الية مناصرة غير صحيحة وهي (الدعم فقط) وان كان الامر اوضح من ان يغطى بدعم او غيره وهدف الاخرين هو كما قلت احقاق حق فقط اذا فلا حاجة لدعمك لها بل الحاجة الحقيقية تكون في مناصحتك لها وهذا ما لم تفعليه
دفاعك عن تيسير في هذا البوست يشابه الى حد كبير دفاع اي كوز عن الفاظ نافع وكلماته في حق المختلفين معه ...فنافع المعروف عنه استسهال الاساءة للاخرين يخالف مبادئ منهجه الاسلامي الذي يدعي تبنيه ويستند في تسلطه على سلطة الدولة التي يمثلها وتيسير هنا ايضا تستهل الاساءة للكل ووتخالف منهجها اللبرالي بالتعدي على الاخرين وحقوقهم مستندة بصورة اساسية على دعم صاحب المنبر لها ..
وفي الحالتين (النافعية -والتيسيرية) وجب علينا توضحيح الخطل فيها ....
نافع لا يعنيني كثيرا فهو يطرح نفسه سلطة مثالية وانا اطرح نفسي بديلا لها وتيسير كذلك ... لذا يجب عليكي انتي ياسارة وعلى كل الذين يريدون احقاق الحق ان يوضحوا لها مدى الخطأ الذي تقع فيه دوما وهذا الامر لو رجعتي قليل للارشيف ستجديه بين كل بوست وبوست اختلفت فيه تيسير مع اخرين ,, ومنهم شخصي الضعيف واخرهم كل المجموعة التي تداخلت في بوست الاخ حبيب نورة
راجعي كل وجهات النظر المحايدة التي كتبت رايها في مداخلة تيسير في البوست المعني ...جميعهم اثبتوا تعديها على الاخرين ... لم لم تفكر تيسير في مراجعت نفسها ... فقط حُزف البوست وتبقت الغبائن في نفوس الناس ولم تحزف
فيما يختص باستدلالي باقتباسيها ... كنت واضحا في الامر .... وهو توجيه القارئ والحكم لتضارب ما تقوله وما تكتبه ... ففي نفس البوست الذي حرمت فيه الاساءة للاهل ... كانت قد اساءت لأهل الاخت مها... ومها لم تسئ الي اهلها ..راجعي مداخلة مها المقصودة .... ومع ذلك فالنفترض ان احدهم اساء لاهل تيسير ... هل هذا مبرر للاساءة لاهله من تيسير .... راجعي مداخلاتها الخاصة بي , ولاحظي كم مرة رددت الاساءة لي في ادبي (كان يكفيها ان تكتفي بالسخرية في جضومي وكمبلت وغيرها من الاشياء التي لا تتعداني الى اخرين هم من ادبوني) ,, (تخيلي رد بمفردة تقابل جملة قليل الادب من العامية السودانية ( ......) تخيلي كم سيكون الامر سيئا في حقي وفي حقها وفي حق كل من يظن ان خيرا بنا وبالبورد اجمعه ..... ذلك لم ارد ولن ارد بمثل هذه اللغة لاعتبارات كثيرة تخصني وحدود اضعها لنفسي مهما اختلفت مع الاخرين خاصة اذا كان الاخر هذا اخت سودانية يعتبر التعدي عليها اساءة لي انا اولا
ماعنيته بالمحزوف المحفوظ اعنيه تماما ياسارة ... تيسير تسئ للناس ببساطة شديدة وتستغل علاقتها بالادارة وتحزف هذه الاساءات ومنها ما تعلق بشخصي الضعيف فقد فتحت بوستا معنونا باسمي في يوما من الايام ... وكالت لي فيه ما شاء الله لها ان تكيل .. وحين لم تجد من يقول لها ان ما كتبتيه صحيح واوضح لها الجميع ان اختلافك مع الكونت لا يبرر لكي هذا التعدي السافر ... حزف البوست وتم ايقافي من البورد ...(البوست موجود باساءاته ومحفوظ ..ان اردت ان احضره لك ياسارة هنا (برنت اسكرين) ..ما عندي مانع .. ولو عايزة ارسله ليك بأي طريقة اخرى ..ماعندي مانع, فقط اتمنى حكم منصف منك
توضيح اخير للاخت سارة
الذي يعنيني في هذا البوست هو ان يعرف كل شخص حده في التعامل والاختلاف مع الاخرين وواجب احترام حقهم في التعبير والاختلاف وتبنى الاراء الخاصة ووضع حد للتفكير الوصائي من اي كائن كان على الاخر....
ولا يعنيني من قريب او بعيد الاساءة لتيسير او رد اساءتها لي .. فالقارئ والمتداخل له عقل وعين تنظر وتحكم وتوزن ما تراه
سلام
|
Post: #94
Title: Re: الصفايح في البــورد ..
Author: عبدالمجيد الكونت
Date: 05-18-2012, 05:38 PM
Parent: #93
Quote: الاباريق رايها ثابت وواضح ..اهالينا واسرنا بعيدين كل البعد عن خلافاتنا ونقاشاتنا في المنبر وندين اى سب لهم من اى طرف ونغلط الاخت تيسير إن عنت ذلك في كلامها وكذلك الاخت مها إن فعلت ..
انت حاتتوب متين من شكل الحريم ياصفيح سيدوا ؟!!!
اختشي ...
|
الابريق ود القاضي قوم لف
الحريم ديل كان عملوا السبعة وذمتها ... انا ما بشاكلن..... لكن انت بطل حالة الابرقة العايش فيه دي
كون نفسك ياخي
|
Post: #95
Title: Re: الصفايح في البــورد ..
Author: فايزودالقاضي
Date: 05-18-2012, 05:59 PM
Parent: #94
| Quote: الحريم ديل كان عملوا السبعة وذمتها ... انا ما بشاكلن |
كلامك ده فيهو استعلاء ذكوري غير مبرر واستضعاف للحريم وهن غير ذلك ..
وهذا الاستضعاف في حقيقته يظهر ضعفك المستخبي وراء استعلائك الكاذب ..
ادين ماتعرضت له من اساءة من الاخت تيسير بوصفها لك بقليل الادب ..وده غلط منها ..
الاخت تيسير :
ـــــــــــــــ
الابريق السفيه السخيف والصفيحة /فايز (نفسي قام من كترة الاسامي بتاعتي ) ..
|
Post: #98
Title: Re: الصفايح في البــورد ..
Author: مهيرة
Date: 05-18-2012, 06:29 PM
Parent: #95
الأخت تيسير
سلام
ليس من عادتى التداخل فى بوستات المشاكل ولكنى اضطررت لان رذاذ اساءتك وصل كل متداخل
فى البوست المحذوف ، فردك فيه كان غير موفق ومسىء،
وأدناه كوت من كلام الاخت سارة فى بوست آخر شارحا ماحصل:
Quote: أنساك من الفوق ديل وركز لي في بوست سعد قشرة بتاع حبيب نورة..
سيرة تايسا جات انها شاركت في البوست المعني"وهي لم تفعل"
قومي يا تايسا ادخلي وانفي وأكيد بشدة مشاركتها ودانت وشجبت"السفاهة" الفي البوست على حد تعبيرها :)..
طبعا عشان تفهم الكلمة دي لازم تتطلع على الصور المرفقة
اها الكيتة دورت..
قامت الاخت تايسا فتحت بوست الصفايح ومفردتها"سفيهة" باكسنت الدناقلة..
الموج ردا ببوست"السخيفون" ولك ان تتصور اللبع والضرب بين البوستين
دا غير المشجعين |
على اى حال جل من لا يخطىء ياتيسير والاعتراف بالخطا فضيلة
وارجو من الجميع عدم اقحام الاهل فى خلافاتهم
وربنا يصلح الحال ويهدى بال الجميع
تحياتى
|
Post: #96
Title: Re: الصفايح في البــورد ..
Author: سارة علي
Date: 05-18-2012, 06:07 PM
Parent: #93
سلامات يا الكونت..
مشكلتي في البورد دا انو بتكون في خلافات "خفية" ما بكون عارفة فيها التكتح..كنت بجي بلفح من طرف وبواصل وما بكون مدركة لانو في خلافات شخصية..شرحت ليك الحتة دي عشان تصدقني لمن اقول ليك اني ابدا ما فهمت انو مداخلات تيسير دي قاصداك بيها انت في الحتة بتاعت الجضوم او غيرها..وما ما دام ما عارفة ما بقدر انصح او اقول شئ..
يعني بالواضح انا عايمة في اتجاه والمداخلات في اتجاه تاني..
| Quote: فلا حاجة لدعمك لها بل الحاجة الحقيقية تكون في مناصحتك لها وهذا ما لم تفعليه |
اهااااا دي بالذات مشكلة ناس البورد
عرفت من وين اني ما ناصحتها؟؟ ضروري مناصحتي دي تكون هنا؟؟
في حتة تانية دايرة اوضحا ليك..انا وتيسير لمانا البورد لا شافتني لا شفتها عشان اجي ادافع ليها باعتبار انها صديقة..لكن ارضيتنا المشتركة انو نوعية البوستات الانفتحت دي غير مقبولة لينا وعندنا راي كبير فيها بغض النظر انو من حقنا نتكلم ولا لا او منو الغلط ومنو الصاح,,بالتالي ما تستنكر انك تلقاني ماخدة جانبهاعلى اساس راينا المشترك.
دايما لمن ادخل في نقاش بقول وبنوه لو في اي طرف قاصدني يقول اسمي وما يقعد تلولو ويلف ويهمز ويغمز عشان انا اقدر ارد بصورة مباشرة وما يرمي كلام وطواقي على قول ابو حتوت,,عشان كدا لمن اسمي ما القاه في مداخلة ما بركز كتير على المداخلة دي وبعتبرا مداخلات على شاكلة ضرب تحت الحزام وطواقي ما بقربا اصلا على راسي بالكتير بحاول افهم منو قاصد منو ..لو ما قدرت بتجاوزا طوالي..لكن من يوم الليلة ليك علي انتبه ليك لحتة الجضوم دي :)
المدخل الغريب الدخلتا لي بيهو دا (بتاع سياسية وكيزان ونافع) شلتو بجاي ختيتو بجاي ما فهمتو وما قدرتا اربطو مع موضوعنا!! بالتالي اعتبرتو طاقية لزول تاني :) بالجد في النقاشات ما تصعبو علينا الامور اكتر من ما هي صعبة..اكشحو الكلام طوااااالي
فتك بعافية والدنيا دي ما بتستاهل وربنا يهدي النفوس
ملحوظة :)
البوستات الفاتت دي خلتني اكتب كتير لمن بقيت براية..الله يسامحكم
|
Post: #97
Title: Re: الصفايح في البــورد ..
Author: فايزودالقاضي
Date: 05-18-2012, 06:15 PM
Parent: #96
| Quote: عرفت من وين اني ما ناصحتها؟؟ ضروري مناصحتي دي تكون هنا؟؟ |
هسه الكونت المعفن ده يجي بقول ليك انت ناس بتنصحيهم في العام(هنا) وناس في الخاص (هناك) ؟!!
واكيد حايقول ليك وحدي آليات المناصحة ...
ـــــــــــــ
كما لايفوتني ان احي الاخت منال في غيابها الجُمعي ..
|
Post: #99
Title: Re: الصفايح في البــورد ..
Author: عمر عبد الله فضل المولى
Date: 05-18-2012, 06:30 PM
Parent: #97
الاخ فايز ود القاضي
تحياتي واحترامي
بصراحة انت انسان بائس
وشكرا
|
Post: #100
Title: Re: الصفايح في البــورد ..
Author: سارة علي
Date: 05-18-2012, 06:34 PM
هههههههههههههههههههههههههههههههههههههه
البورد بدون لا يسوى شئ يا عبدالله عمر
ههههههههههههههههههههههههههههههههه
هسه وريني العلاقة شنو بين:
و
| Quote: بصراحة انت انسان بائس |
|
Post: #126
Title: Re: الصفايح في البــورد ..
Author: فايزودالقاضي
Date: 05-19-2012, 08:30 AM
Parent: #100
| Quote: البورد بدون لا يسوى شئ يا عبدالله عمر |
ياسرور هسه يجيك واحد اسمه عبدالله عمر يرشك زي رشة تيسير ويقول ليك : لاايدي لاكراعي جايبه سيرتي مالك !!
عبدالله عمر ده منو ؟!!!
اركزي التقيل قدام ...
|
Post: #101
Title: Re: الصفايح في البــورد ..
Author: سارة علي
Date: 05-18-2012, 06:37 PM
Parent: #97
فايز؟؟
كدي عينك في عيوني
| Quote: هسه الكونت المعفن ده يجي بقول ليك انت ناس بتنصحيهم في العام(هنا) وناس في الخاص (هناك) ؟!! |
دا رأي الكونت ولا رائك ؟؟
|
Post: #102
Title: Re: الصفايح في البــورد ..
Author: عبدالمجيد الكونت
Date: 05-18-2012, 06:48 PM
Parent: #101
عمر ياصاحبي اترك البائس فايز لحاله
فايز زول ده صاحبي شديــــــد ويمارس هذه الحركات نكاية في المحبة البيننا والتي هي اكبر من كل البورد
فعليك الله خفف عليه شوية وان كان يستاهل الرش
|
Post: #103
Title: Re: الصفايح في البــورد ..
Author: عبدالمجيد الكونت
Date: 05-18-2012, 07:13 PM
Parent: #102
| Quote: المدخل الغريب الدخلتا لي بيهو دا (بتاع سياسية وكيزان ونافع) شلتو بجاي ختيتو بجاي ما فهمتو وما قدرتا اربطو مع موضوعنا!! بالتالي اعتبرتو طاقية لزول تاني :) بالجد في النقاشات ما تصعبو علينا الامور اكتر من ما هي صعبة..اكشحو الكلام طوااااالي |
سلام تاني سارة
المعني القريب هو المقصود من هذه المقاربة وليس البعيد ... لذا اتمنى ان لا يذهب عقلك لما وراء المقاربة وما اعنيه هنا بالضبط هو نوع الخطأ وليس الشخوص التي ارتكبت الخطأ وهو استغلال المتسلطين لنفوذهم وسلطتهم في الاساءة للاخرين واوضح مثال لذلك يمكن ان تتفق رؤيتي ورؤيتك فيه هو نافع لذلك كان المثال
اما فيما يختص بالمناصحة فخيرا انك فعلتي مع صديقتك ذلك وخيرا كثيرا انك لم تفعل امام الملاء حتى لا يتحول من نصح الى اساءة كما فعلت تيسير مع الاخرين .... لكن للاسف الشديد تيسير لم تستمتع لنصحك بل اصرت على الاستمرار في منهجها المتعدي على الاخرين وهو ما يزيد من سخط الجميع
في تقديري الشجاعة الحقيقية تكمن في مراجعة النفس والاعتراف بالخطأ ..وهنا انا لا ابحث عن اعتذار او اظهار تيسير بمظهر الطالب الذي لا يراجع دروسه ولكنني ابحث عن حق تائه بين صداقاتنا وعداواتنا ..هذا الضياع يخصم من الكل ... لذا لابد من الوقوف ضده بحسم ولولا ايماني بضرورة توقف هذه الطريقة التي تمارسها تيسير في الاختلاف مع الاخرين لانها تمثل ضررا عاما على الكل وليس ضررا خاصا بها لما واصلت في الرد عليها ,,
تيسير ياسارة لو ما راجعت نفسها .. هي الوحيدة الخسرانة ... اما الاخرين سيخسرون ان صمتوا على ما تفعله
يقيني الكامل ان اي انسان عرضة للخطأ ويقيني ايضا ان لم يوضح لك صديقك خطأك فهو ليس صديق لك لذلك استمع لغيري واراجع نفسي ان حدث مني اي شيئا يسئ لاخرين ... فهل نطمع في ان نرى صديقتك تراجع نفسها وخاصة ان الجميع هنا اثبتوا لها خطأها سواء في المنبر العام او بطريقة اخرى مثل ما فعلتي انتي..... ام سنظل نكرر نفس الاشياء
يا سارة راجعي اول مداخلة لي في البوست ده وكانت موجهة لفايز وجزء منها لتيسير ..... وراجعي صاحبتك في ردودها على الجميع
ولا اخفيك سرا ... انني اتوقع منها المواصلة في نفس طريقتها بل ستزيد الامر باضافة اساءات جديدة للمختلفين معها وفي الاخر ستستخدتم سلاح الادارة وتحزف البوست
وهنا تحدي يا سارة
اما ان صديقتك قادرة على تقبل النصح والاعتراف بالخطأ ويطلع تقديري للامر خاطئ وحينها ساعترف لك بفائدة نصحك لها ...واشكرك عليه
او تواصل هي في نفس المنهج والتعدي ....حينها عليك انتي مراجعة موقفك
نحياتي
|
Post: #104
Title: Re: الصفايح في البــورد ..
Author: Yassir Tayfour
Date: 05-18-2012, 07:22 PM
Parent: #102
الله يلعنو النظير حجاظي بسبب مساككتو وتهديدو ما قدرت أدخل البوستات القاجة دي ؛)
لا بوست حبيب نور ولا البوستات المنبثقة منه ؛)
|
Post: #105
Title: Re: الصفايح في البــورد ..
Author: سارة علي
Date: 05-18-2012, 07:28 PM
Parent: #104
ولا حتى بوست العربات الفارهة يا ابتفة؟؟
:)
|
Post: #106
Title: Re: الصفايح في البــورد ..
Author: Yassir Tayfour
Date: 05-18-2012, 07:35 PM
Parent: #105
سرو
لا عربات فارهة ولا جنكيارد ..
__
أنا معناها كنت بره الشبكة عديل..
|
Post: #107
Title: Re: الصفايح في البــورد ..
Author: صديق الموج
Date: 05-18-2012, 09:05 PM
Parent: #106
كتبت سارة على ماهو فى الكوت ادناه
Quote: قامت الاخت تايسا فتحت بوست الصفايح ومفردتها"سفيهة" باكسنت الدناقلة..
الموج ردا ببوست"السخيفون" ولك ان تتصور اللبع والضرب بين البوستين
دا غير المشجعين |
ولان سارة قطعاً قررت بينها وبين نفسها وقبل ان تعرف الحاصل ان تدافع بالباطل عن صديقتها تيسير
على طريقة انصر اخاك ظالماً ومظلوما بالفهم الخاطىء لمعنى العبارة ، كان لابد من لى عنق الحقيقة
واليك يا اخت سارة تاريخ كل بوست ، عسى ولعل:
تاريخ فتح البوست بواسطتى:
Quote: 13-05-2012, 07:51 PM
صديق الموج |
تاريخ فتح البوست بواسطة تيسير:
Quote: 14-05-2012, 00:49 AM
تيسير عووضة |
|
Post: #108
Title: Re: الصفايح في البــورد ..
Author: سارة علي
Date: 05-18-2012, 09:38 PM
Parent: #107
سلام يا ود الموج ..
| Quote: ولان سارة قطعاً قررت بينها وبين نفسها وقبل ان تعرف الحاصل ان تدافع بالباطل عن صديقتها تيسير |
قطعا دي غريبة خلاص ..بالجد بالجد
الغريبة لمن انا اقول انو تيسير بدت بفتح البوست المفروض دي تكون نقطة لصالحك باعتبار انها هي البدت "العكة" والتالي فتحك للبوست مفروض رد فعل طبيعي..
بعدين انا كتبت فووووووق للكونت اني ما بتابع وبلفح من طرف وبفهم المعني العام ..يعني ما جاية هنااتابع تواريخ واحرر شهادات !!
نصرتي لتيسير قلتها برضو فووووق..نصرة في المبدأ ما في طريقة رد الفعل ..يعني الراي بتاعي دا ما اخنق فطس لازم اطلع بيه مداعي..
يعني هسه خليت البيحصل دا كلووو وجيت تعدل عنق الحقيقة الانا لويتو دا؟؟ بتفرق في شنو منو الفتح اول ولا آخر ما دام الوضع وصل للمرحلة دي؟؟
انا يا الموج بالجد ما دايرة اجرجر معاك لانو ما مرحباب الاختلاف المن طرف..مافي شئ بيخليني استلم قضية تيسير..انا تعليقاتي دا من منظور معين واكيد انت فاهمو..بدليل هسه حصلت اساءة لتيسير بطريقة غير مباشرة ما جيت استلمت الموضوع دا خلاف بينها وبين مها ما محتاجين لوصاية...لكن لمن تصل مرحلة البوستات اياها المبهولة للعامة كعضو في المنبر دا بجي اقول رائي قبلتوه خللتوه بطريقتكم..
وما دام دخلتا هنا اعمل ساتر :)
وربنا يهدي النفوس
وشكراً :)
|
Post: #109
Title: Re: الصفايح في البــورد ..
Author: تيسير عووضة
Date: 05-18-2012, 11:01 PM
Parent: #108
عبد المجيد طالما قلت تقلبا جد ولقيت البوست دا فرصة إنك تعبر عن نفسك وهو مالم تجده مني طيلة المدة الفاتت
حابة أرد للمرة الأولى والأخيرة على العربي بتاعك الصرفتو فوق دا في نقاط محددة لا تتعادها (أرجو ألا تفهمها على أنها إمكانية معاودة نقاش)
رأيي واضح وقلتو ليك قبل كدا أكتر من مرة: لا رغبة لي في الدخول معك في أي شكل من أشكال النقاش أو الكلام حتى
من أهم الأسباب دي فوق ما لمسته في مجمل مداخلاتك من عدم نضج إنك زول لايوق لياقة لا طاقة لي بها
وإنك غير نزيه بتلخبط الكيمان بشكل مريع وتعتبر أن كل وهم في رأسك هو حقيقة لا تقبل الجدال!
شخص بالمواصفات أعلاه أحتفظ لي نفسي بحق عدم الخوض معاهو في أي موضوع خير شر ..
| Quote: راجعي كل وجهات النظر المحايدة التي كتبت رايها في مداخلة تيسير في البوست المعني ...جميعهم اثبتوا تعديها على الاخرين ... لم لم تفكر تيسير في مراجعت نفسها ... فقط حُزف البوست وتبقت الغبائن في نفوس الناس ولم تحزف |
1. تداخلت مع مها عبد الله بغضب وخشونة متعمدة وعنيتها بشكل شخصي وبالإسم ووصفت بوست حبيب نورة المحذوف بأنه سفيه وأنه مسخرة
ووضحت أنني لا أشارك في بوستات من هذه الشاكلة عليك أن تثبت هنا أمام الجميع أين تعديت حينها على الآخرين وأين وردت في كلامي سيرة الآخرين عشان ما يبقى كلام مجاني مفكوك في الهوا .. كلنا نحتفظ بالبوستات المحذوفة ..
| Quote: فيما يختص باستدلالي باقتباسيها ... كنت واضحا في الامر .... وهو توجيه القارئ والحكم لتضارب ما تقوله وما تكتبه ... ففي نفس البوست الذي حرمت فيه الاساءة للاهل ... كانت قد اساءت لأهل الاخت مها... ومها لم تسئ الي اهلها ..راجعي مداخلة مها المقصودة .... ومع ذلك فالنفترض ان احدهم اساء لاهل تيسير ... هل هذا مبرر للاساءة لاهله من تيسير .... راجعي مداخلاتها الخاصة بي , ولاحظي كم مرة رددت الاساءة لي في ادبي (كان يكفيها ان تكتفي بالسخرية في جضومي وكمبلت وغيرها من الاشياء التي لا تتعداني الى اخرين هم من ادبوني) ,, |
2. وليه توجه القارئ؟ القارئ ما محتاج توجيه لأنو عارف ومتابع وما صاحب غرض زيك في البوست دا! أنا ما حرمت الإساءة على الأهل في البوست دا بس أنا حرمتها على نفسي في الحياة الواقعية قبل البورد، لكن لما عبد المجيد الكونت يعتبر وصفي المستحق ليهو هو بقلة الأدب إساءة لأهلو (حقيقي ما قادرة أعرف وين الإساءة للأهل هنا ياما ناس تعبوا في تربية وتأديب أبنائهم ودشروا الدم ومع ذلك خرج الأولاد معدومي الأدب والتربية يبقى العيب في الأبناء ولا في الأهل؟) وينسى هو كان بيقول شنو يبقى مشكلة، كلمة قليل الأدب في نظرك يا عبد المجيد إساءة "غير مباشرة" لأهلك، لكن بدء مها عبدالله بالإساءة لأهلي بتجيير ما أنا فيه من عيوب وسلبيات في نظرها لحتة (الجينات الوراثية) في نظرك ما إساءة "مباشرة" مش حاجة غريبة وبتوري الناس ميزان حكمك عامل كيف ؟؟
وقاحة وتعدي مها لم تصل لأمي وأبي فقط وإنما تعدته لتشمل جميع من أحمل جيناتهم الوراثية يعني بإختصار إساءة مفتوحة على جميع الإحتمالات في أسرتي الممتدة، لما تبقى زول منصف وحقاني أنا بحترمك وآخد برأيك ونصيحتك على راسي وقبل ما تطلب من سارة إنها تنصحني قول الكلام دا لي مها الإنت بتبرر ليها في مبادرتها بالإساءة للأهل وتعديها الواضح الذي لا تخطئه عين سليمة وحقانية ..
أنا ماعارفة من وين بتجيب قوة العين البتخليك في كل مرة تدي نفسك ومن والاك الحق في الإساءة للناس ولمن يردوا ليكم بضاعتكم تستنكروا بل وتقولوا بالفم المليان إسائتنا ليكم ما مبرر لإنكم تردوها لينا !!
خت في بالك إنت ومها ومن لف لفكم: أنا ما عندي خد آخر أديرو، والأولاني زاتو البيضربني فيهو ما بخليهو (ولو بعد حين)
| Quote: ماعنيته بالمحزوف المحفوظ اعنيه تماما ياسارة ... تيسير تسئ للناس ببساطة شديدة وتستغل علاقتها بالادارة وتحزف هذه الاساءات ومنها ما تعلق بشخصي الضعيف فقد فتحت بوستا معنونا باسمي في يوما من الايام ... وكالت لي فيه ما شاء الله لها ان تكيل .. وحين لم تجد من يقول لها ان ما كتبتيه صحيح واوضح لها الجميع ان اختلافك مع الكونت لا يبرر لكي هذا التعدي السافر ... حزف البوست وتم ايقافي من البورد ...(البوست موجود باساءاته ومحفوظ ..ان اردت ان احضره لك ياسارة هنا (برنت اسكرين) ..ما عندي مانع .. ولو عايزة ارسله ليك بأي طريقة اخرى ..ماعندي مانع, فقط اتمنى حكم منصف منك |
3. تيسير لا تسيء للناس كدا من الباب للطاق، بدي الناس فرصة وفرصتين وتلاتة يراجعوا نفسهم، وبطول بالي كتير لكن لما الطرف التاني يعتبر سكوتي وإعراضي عن الرد المباشر بغير ما قصدتو يبقى من حقي تماماً أوقف الزول عند حدو، إنت يا عبد المجيد تجاوزت معاي كل حدود الأدب والإحترام، والكلام دا شهد بيهو أقرب الناس ليك قبل البعيدين وملاحقاتك المستمرة رغم تكراري ليك إني ما عايزة أدخل في مهاترة ما خلاك غير إنك تستمر وتستمرأ بشكل أكثر وقاحة، دا كلو في رايك ما تعدي وما إساءة ولمن أرد ليك حقي أنا بيبقى إساءة؟ خليهو يبقى ..
الشي التاني أنا ما قاعدة أستغل علاقتي بالإدارة زي ما بتحاول تشيع وتروّج والدليل ما حصل إطلاقاً أن تم إيقاف أو معاقبة أي عضو/ة في البورد دا بسببي غيرك إنت ولا قاعدة أشكي حقي يا أخدتو براي يا تجاهلت الموضوع كلو ..
وبعدين البوست البتتكلم عنو داك ياهو قاعد في مكتبتي وما كان إساءة كان تحذير ليك عديل إنك توقف قلة أدبك معاي (والتحذير دا قائم لسة بالمناسبة)
بعدين حلوة حكاية أوضح لها الجميع دي ! أي زول دخل البوست داك قاليك يا عبد المجيد إنت غلطان لكن تقليبك للحقايق وتلفيقك للكلام بقيت ما بقيف عندو كتير ..
| Quote: اما فيما يختص بالمناصحة فخيرا انك فعلتي مع صديقتك ذلك وخيرا كثيرا انك لم تفعل امام الملاء حتى لا يتحول من نصح الى اساءة كما فعلت تيسير مع الاخرين .... لكن للاسف الشديد تيسير لم تستمتع لنصحك بل اصرت على الاستمرار في منهجها المتعدي على الاخرين وهو ما يزيد من سخط الجميع |
إنتا منو "الآخرين" و"الجميع" الإنت بتتكلم عنهم ديل؟
أوعى يكونوا المشاركين في بوست حبيب نورة؟
بالله ديل "الجميع"؟
يا زول الجميع يبروا من جنس دا
ديل شلة محددة ومعروفة بالإسم في البورد جمعتهم إهتمامات محددة لخصها الأخ طلحة في مفردة المراهقين
ومع ذلك أنا ما هبشتهم إلا لما هبشوني في بوست صديق الموج عشان يعرفوا إنو ما كان بيغلبني من الأول أجي بي خشم الباب مش أتضارا ورا كلمة بوست سفيه وأكون قاصدة إنهم سفهاء
غير كدا ما تقول لي إتعديتي على الجميع لأنو ما حصل والبيقول غير كدا يثبت كلامو والكابشر من عندي "قصرت معاكم؟
فضلاً عن إنهم ما الجميع ولا يمكن في يوم من الأيام يكونوا الجميع
الزول بيجيب إحترامو لي نفسو بي نفسو
والمابيراعي للناس ويعمل ليهم إعتبار ما ينتظر منهم أي مراعاة ولا إعتبار !!
تقول الطرفة:
واحد شين خلقة "والشينة الأخلاق" مشى يتصور صورتو ما عجبتو
قال لبتاع الأستديو بي زعل شديد: الصورة دي مالا شينة كدا؟
المصوراتي قال ليهو أنا ما جبت حاجة من عندي ياهو وشك كدا ..
أها يا الساخطين اعفوا لينا
ما جبنا حاجة من عندنا ياها كتابتكم كدا !!
ــــــــــــ
أتمنى تكون المداخلة دي وضحت كتير من الحقايق البيحاول عبد المجيد الكونت إنو يضيعها ويغير فيها على حسب هواهو وغرضو والغرض مرض وياريت ما أضطر للعودة لنفس الموضوع مع الزول دا تحديداً ..
|
Post: #110
Title: Re: الصفايح في البــورد ..
Author: تيسير عووضة
Date: 05-18-2012, 11:23 PM
Parent: #109
صديق الموج ..
ما دام جيت بي رجلينك يا ريت توريني البتعمل فيهو دا شنو؟
المطاعنة ليك شنو يا ود الموج؟
شنبك وشيبك دا ما بيستاهل إنك تجيني بالدرب العديل وتقول لي كان جهراً ولا سراً إنتي غلطانة معاي في كدا وكدا؟
"لا أجد غضاضة في المكاشفة جهراً بل بالعكس أفضلها"
وجهت ليك الكلام دا لسبب واحد بس
إني واثقة لحد كبير إنك لما فتحت البوست ما كنت قاصدني والدليل مداخلاتك الأولى
لكن لما "الريح" تطارد الموج بدل ما يغير سكة التيار واصل فيها بما هو أفدح ..
الغايظني إني لغاية هسي بالجد ما قدرت أزعل منك !
|
Post: #113
Title: Re: الصفايح في البــورد ..
Author: صديق الموج
Date: 05-19-2012, 00:09 AM
Parent: #110
Quote: سلام يا ود الموج ..
Quote: ولان سارة قطعاً قررت بينها وبين نفسها وقبل ان تعرف الحاصل ان تدافع بالباطل عن صديقتها تيسير
قطعا دي غريبة خلاص ..بالجد بالجد
الغريبة لمن انا اقول انو تيسير بدت بفتح البوست المفروض دي تكون نقطة لصالحك باعتبار انها هي البدت "العكة" والتالي فتحك للبوست مفروض رد فعل طبيعي..
بعدين انا كتبت فووووووق للكونت اني ما بتابع وبلفح من طرف وبفهم المعني العام ..يعني ما جاية هنااتابع تواريخ واحرر شهادات !!
نصرتي لتيسير قلتها برضو فووووق..نصرة في المبدأ ما في طريقة رد الفعل ..يعني الراي بتاعي دا ما اخنق فطس لازم اطلع بيه مداعي..
يعني هسه خليت البيحصل دا كلووو وجيت تعدل عنق الحقيقة الانا لويتو دا؟؟ بتفرق في شنو منو الفتح اول ولا آخر ما دام الوضع وصل للمرحلة دي؟؟
انا يا الموج بالجد ما دايرة اجرجر معاك لانو ما مرحباب الاختلاف المن طرف..مافي شئ بيخليني استلم قضية تيسير..انا تعليقاتي دا من منظور
معين واكيد انت فاهمو..بدليل هسه حصلت اساءة لتيسير بطريقة غير مباشرة ما جيت استلمت الموضوع دا خلاف بينها وبين مها ما محتاجين لوصاية.
..لكن لمن تصل مرحلة البوستات اياها المبهولة للعامة كعضو في المنبر دا بجي اقول رائي قبلتوه خللتوه بطريقتكم..
وما دام دخلتا هنا اعمل ساتر :)
وربنا يهدي النفوس
وشكراً :) |
سارة.......................سلام
انت لما تكتبى تيسير فتحت بوست وصديق الموج فتح بوست بعدها ما تقولى لى دى نقطه فى صالحك ابداً....
لانك لما تقولى كده كأنك تعنين اننى قصدت تيسير بالبوست اياهـ رداً على كلامها، وانا لا اتعامل بردود
الافعال مطلقاً وكلامى لم اكن اقصد بيه تيسير لا من بعيد ولا من قريب ، اها ده ما دليل على انك جيتى تدافعى
عن تيسير ظالمه او مظلومة؟ وفى احسن الحالات تصوريها كأنها معتدى عليها؟ أو تخلقى عداء بينى وبينها؟
بعدين كونك تعترفى انك تلفحى بدون متابعه دى مكابرة او ادانة ، وعرفتك هنا قبل اكثر من 7 أو 8 اعوام ما
عرفت عنك بتلفحى، شايفك بتكتبى كلام موزون واللا اللفحى ده فى البوستات من هذه الشاكله للعب دور المديدة
حرقتنى؟
بعدين ياتو البحصل الانا خليتو وجيت؟ وبفرق كتير منو الفتح البوست اول ولو ماكان بفرق انت ما خليتى اى شى
وذكرتيه؟ اقل شى من ناحيتى انا بفرق، و اخيراً البوست ده وصل صفحتين لم اكتب فيه كلمه واحده لانى ما بلفح
وجيت هنا لاوضح لك ذلك وليه ما دام جيت هنا اعمل ساتر ومن منو؟ ويبقى الود،،،
|
Post: #111
Title: Re: الصفايح في البــورد ..
Author: حمد عبد الغفار عمر
Date: 05-18-2012, 11:43 PM
Parent: #109
سلام يا تيسير
| Quote: ما جبنا حاجة من عندنا ياها كتابتكم كدا !! |
أولا ردي دا موش لأني كتبت في البوست المعني
لأني ببساطة من أول شهر لي في المنبر دا كبرت دماغي شديد
أو زي ما تجي تجي
تانيا الكتابة عامة وفي المنبر دا بصورة خاصة في أكثر من 90 % منها قد لا تعبر عن شخصية صاحبها بالمرة (عايزة أمثلة ؟)
الطيب صالح في موسم الهجرة إلى الشمال هل يمكن يكون سفيه وهو بحكي في قصة بت مجذوب؟
نوال السعداوي وحريتها في الكتابة هل ممكن تكون سفيهة ؟
نزار قباني وشعره الإباحي هل ممكن يكون سفيه ؟
الخ
في المنبر دا في ناس تبدوا عليهم الوداعة وفي واقعه ممكن يكون مفترس
في ناس ظاهر عليهم الشراسة وهو في واقعه حمل وديع
وبرضو الخ التشبيهات
ما عايز أقول أي زول بيظهر ما يفتقدوا دا بكون تعميم مسئ
عن شخصي ما قاعد اعتمد على كتابة المنبر دي في تقييم شخصية كاتبها فيما يخص الصفات الحميدة والسيئة لأن ليس كل ما يُقال سيُنفذ عمليا
ممكن أقول الزول كتّاب ، لغته منضبطة وإلى آخر ما يخص الكتابة كنشاط
المعرفة الحقيقة للشخص بتم عن طريقة المعايشة اللصيقة فقط ولا غيرها
|
Post: #112
Title: Re: الصفايح في البــورد ..
Author: سارة علي
Date: 05-19-2012, 00:06 AM
Parent: #111
الموج وتايسا..
ما دام اتلميتوا هنا فتموها هنا خلونا نشوف لينا شغلة غيركم..
وليكم علي امسك العكاز اكبع من طرف اي زول بجي خاشي بجاي..
حريشة:
الموج اتجاوز اي شئ الا قصة الشيب دي..
|
Post: #114
Title: Re: الصفايح في البــورد ..
Author: تيسير عووضة
Date: 05-19-2012, 00:13 AM
Parent: #111
يا حمد مرحب بيك ..
أنا هنا ما معنية بشخصيات الناس ديل الحقيقية ولا بيهمني تقييمها
أنا معنية بنمط الكتابة وهو البخليني أحكم على الشخصية "الإسفيرية"
البنقولو دا بيتعلق بالكتابة أكتر من شخوص الكاتبين
ولو رجعت ورا شوية بتلقاني قلت لمها عبد الله إني بعتبرك سفيهة بحق مش كلام منابر ساي
لأنها الوحيدة الجابت سيرة الأهل من بين كل الناس الشاركوا في الخلاف الممتد لسنوات ودا لإنها ما قدرت تفرق بين الحقيقة والإسفير
ودخلت حق الواقع في باطل المنابر ..
ومتفقة معاك في باقي الكلام
حبيب نورة دا زاتو والعامل الكيتة دي بيظهر في الإسفير كزول سفيه وبذيء ومارق للربا والتلاف
لكن لو لاقيتو في الحقيقة زول خجول لدرجة ما بيرفع عينو من الواطة وكلامو يتوزن بي ميزان الدهب
لأني بفصل تماماً بين شخصية الواقع والإسفير حبيب نورة في البورد ما بدخل ليهو بوست
لكن في الحقيقة ممكن أسافر من مدينة لي مدينة عشان ألاقيهو وأستمتع بونستو الرزينة
بعدين يا حمد ياخ ناسك الجبتهم ديل مبدعين
حبيب نورة زاتو ممكن يدخل في زمرتهم بعد شوية
باقي الصفايح ديل مع شنو؟
|
Post: #116
Title: Re: الصفايح في البــورد ..
Author: تيسير عووضة
Date: 05-19-2012, 01:53 AM
Parent: #114
Quote: الاخ فايز ود القاضي
تحياتي واحترامي
بصراحة انت انسان بائس
وشكرا |
لو لم أخرج من هذا البوست سوى بهذه المداخلة لكفتني
ليك كم زمن ما صرفت كلمة بائس دي لي زول
لقد خرمنا .. خرمنا يا عمر
يا سرور إنتي ما قريتي مقترح الصلح بينو وبين تراجي؟
ــــــ
البائس فايز
|
Post: #118
Title: Re: الصفايح في البــورد ..
Author: صديق الموج
Date: 05-19-2012, 02:28 AM
Parent: #114
Quote: صديق الموج ..
ما دام جيت بي رجلينك يا ريت توريني البتعمل فيهو دا شنو؟
المطاعنة ليك شنو يا ود الموج؟
شنبك وشيبك دا ما بيستاهل إنك تجيني بالدرب العديل وتقول لي كان جهراً ولا سراً إنتي غلطانة معاي في كدا وكدا؟
"لا أجد غضاضة في المكاشفة جهراً بل بالعكس أفضلها"
وجهت ليك الكلام دا لسبب واحد بس
إني واثقة لحد كبير إنك لما فتحت البوست ما كنت قاصدني والدليل مداخلاتك الأولى
لكن لما "الريح" تطارد الموج بدل ما يغير سكة التيار واصل فيها بما هو أفدح ..
الغايظني إني لغاية هسي بالجد ما قدرت أزعل منك ! |
تيسير السلام عليكم.... اتسخافى واتصاحفى واتفاصحى ما شئتى بس ما تخلى السلام
اول شىء انا ما جيتك انت انا جيت للفاحه ديك اوضح ليها ما اوضحت..
بعدين انت يا تيسير شنبى وشيبى ديل شوفتيهن؟ كتر خيرك
طيب مادام انت الصغيرة دى ما جيتى لى عمك و احترمتى شيبه وشنبه وجيتى تلبعى من طرف، و وصفتى كل الناس
بلا استثناء بالصفائح وامعاناُ لسبق الاصرار والترصد شرحتى الصفائح بلغتين حيات تحمدى ربك ، يبقى شيبى
وشنبى ديل تهكم واللا شنو؟ لانو مفروض المبادى لا تتجزأ ، القدرك ديل اولاد وبنات انت مخيرة
فيهم لكن ابو شنب وشيب ده بماسنجر داخلى حتى بعد كتبت كان اعتذار فى شكل توجيه كان كافى جداً وما كان فى زول جاء
دخل خشمه؟ لكن انت عارفه يا تيسير الزول لما تاخده العزة بالاثم بقول كلامك ده ، كيف بتحبى النصح مجاهرة؟؟
يعنى اقوم اغير عنوان البوست واكتب تيسير قليلة الادب تسب شيخ فى عمر ابوها؟ ياريتنى كان عارفك
بتحبى المجاهرة ..
وبعدين شايفك مصرة بتورينى انك مافارق معاك لا شنب لا شيب بجملتين الاولى كتبت لى انك وجهتى لى الكلام
ده لاتك عارفانى ما كنت قاصدك ، يعنى لو كنت قاصدك كنت اشوف شوف مش؟؟.. والتانية مغيوظة عشان ما زعلتى
منى لى هسة ، طيب انا حا اتجاوز التانية دى وبوردها ليك مورد داير تلطفى بيها كلامك لانو فى بعض الكلام الزول لما
يكون عشمان فى زول بحس كلامه ما بقراهـ، يعنى انا عاينت لى اسباب النزول لانى اعرف ان الكلام حمال اوجه..
طيب اها انا قاصدك وداير اقول ليك يا تيسير ما تحاولى تنصحى الناس اصلاً الا فى نطاق اضيق من سم ابرة، وان
اضطررت لانهم يهموك لا تفعلى ذلك الا سراً وان اجلتيه لانه مافى منطق القاك لابسه ليك توب ما يعجبنى انا شخصياً
وفى نص حفله اجى اقول ليك توبك ده ما محترم او لايناسب سنك او شفاف اكثر مما يجب او صارخ لدرجة الفتنه وان كنت
شقيقك او زوجك... ولا اظن ان ذلك سوف يبقى مكاشفة ولا يعدو اكثر من إسأة مغلفة..
فيا تيسير فرض الوصاية المعلن لن يقبله منك ناس خصوصاً جلهم لم تقابلينه ولا فى اسكايب حتى او تلفون فحدود معرفة
الشخص بالاخر هى البتحدد نوع الكلام البتوجهيه ليه ، وهسه لو فى دبى بتمشى لى دكان صاحبه صفيق لدرجة بعيدة
وان كان ينفرد بصنف لا يبيعه غيره فعلاقتك بيه لا يمكن ان تكون الا احد امرين : اما تتحملين صفاقته او تقاطعى شارع محله واللا
كان تكونى شايله بسطونه وحايمه بالمحلات، تصدقى علاقتك بالكثيرين هنا وان تمنيتى ان تقابليهم كلهم او بعضهم وحتى
يهىء لك الله ذلك ليس اكثر من علاقتك بصاحب المحل المذكور انفاً، مهما كان حرصك عليهم وعلى هدايتهم. أو حبهم..
تصدقى انا ما مغيوظ لانى لى يوم الدين ما حا ازعل منك ، والله برضو لو ما اضطريتينى ما كنت حا اكتب ليك هنا، كنت كايس
لى عضم تلفونك وكنت حا اشد ليك سلك طويل واقول ليك كلامى ده كلو. و الباقى الموفرو لسه..
حقيقى انا ما حصل لى الشرف اعرفك وان عرفتك من خلال ناس اثق تماماً فيهم لكن اعرف مها المتحامره معاها ومتحامره معاك دى
والله انت غلطانه عليها بنسبة 70% ، خمسين منها اعزيها لعدم معرفة كل بالاخر الذكرتها ليك والخمسين
التانية اى زول قرأ مداخلتها الكتبتها يحس فيها انها لم ترد عن قصد تماماً، بما فيهم انت شخصياً وبمستوى فهمك
انا متأكد اى زول بعرفك عن قرب بكون بفكر وبفتش عن سبب الغضبة المضرية دى ، ونفس كلامك الكتبتيه ليها
ده انا كنت عايز الحقه بماسنجر اقول ليها امسحى مداخلتك واعتذرى لتيسير لانها لم تتداخل هنا ولو لا مداخلتك التى
جاءت عنيفة ( انا صدمت فيها بالجد ) مع اعترافى الكامل انه من حقك ان تنفى عدم تداخلك فى البوست المذكور
الا اننى لا اجد اى مبرر ان تكون بالنحو الذى اوردتيه مقارنة مع فهمك ولباقتك ، وبرضو انا كنت عايز اكتب ليها
ما تبهتى تيسير لم تتداخل معنا..وبعدين بعد اعتذارها لك ، ما اديتييها احساس انك قبلتى عذرها ( لانك قاصدة اخرين)
وهى لما لقت اعتذارها ما مقبول داست بنزين وده الخلانى اقول ليك هى غلطت 30%...
تيسير اخيراً قيل لخالد بن صفوان من خير اخوانك؟ قال:
من غفر ذللى وقبل عللى .. ونحن بالبلدى بنقول اخوك كان غلط فتش ليه مية عذر ماتحاول تجرمه ويبقى الود،،،
|
Post: #120
Title: Re: الصفايح في البــورد ..
Author: تيسير عووضة
Date: 05-19-2012, 03:26 AM
Parent: #118
سلام يا صديق الموج ..
Quote: طيب مادام انت الصغيرة دى ما جيتى لى عمك و احترمتى شيبه وشنبه وجيتى تلبعى من طرف، و وصفتى كل الناس
بلا استثناء بالصفائح وامعاناُ لسبق الاصرار والترصد شرحتى الصفائح بلغتين حيات تحمدى ربك ، يبقى شيبى
وشنبى ديل تهكم واللا شنو؟ لانو مفروض المبادى لا تتجزأ ، القدرك ديل اولاد وبنات انت مخيرة
فيهم |
ارجع لتوقيت فتح البوست بتاعي أنا لغاية ما فتحتو إنت ما كنت بديت مطاعنتك لي
والبوست مقصود بيهو البنات الكانوا بطاعنوا .. لما إنت بقيت عايم عومهم ومطاعنتك بقت واضحة وقبيحة حتى أنا جبت سيرتك هنا دا وبي اسمك عديل .. ياتو مبادئ دي يا ود الموج؟ يعني أنا أشوفك في بوست بتنزل في صور فعلاً سفيهة وما سألتك إحتراماً لشيبك وشنبك رغم إنك ماإحترمتنا كبناتك وإنت بتعمل في دا كلو وتجي إنت تغلط فيني وتطاعن مطاعنة قدر دي ودايرني أسكت؟ هل إنت إحترمت الشيب دا عشان تعاتبنا على عدم إحترامو؟ صدقني لو كنت فضلت بعيد وسبت البنات يسوطوا سواطتهم زي ما عمل حبيب نورة وباقي الشباب أنا كنت بجيك في حتتك وأحب على راسك لو زعلان ..
الحاجة التانية إنتو مصرين إنو دخولي داك كان مناصحة وأنا قلتها وبقولا ليكم أنا ما نصحت زول ولا بنصح لي زول عندكم كامل الحق تكتبوا الدايرنو وعندنا كامل الحق نقول راينا في كتابتكم ونوصفا بالوصف الذي يليق بس إنتو طولوا بالكم علينا زي ما بنطول بالنا عليكم !! قول لي أنا نصحت منو ووين؟ أنا قلت لمها بالنص: (دايرة تتمسخري وتهرجلي على كيفك بس ما تجيبي سيرتي ولو بالهظار في مواضع السفاهة) وين المناصحة هنا؟ ووين فرض الوصاية ؟؟
وصفت البوست بإنو سفيه ومسخرة وين المناصحة وفرض الوصاية هنا؟ أنا ما بناصح أنا بقول رأيي في الحتة البتخصني وبس وما زول يرجى مني مناصحة في القصص دي زاتو ..
بالنسبة لموضوع مها أيوة مداخلتي الأولى كانت عنيفة لأني كنت غاضبة جداً مما إعتبرتو أنا إستهتار منها ياخ دايرة تخرمجي خرمجي بي راحتك بس ما تدخليني في حتات أنا بعتبرا خط أحمر نار عديل بالنسبة لي تقول لي ماعرفنا سبب غضبتك المضرية؟ ياهو دا السبب
قريت إعتذار مها وكنت دايرة أجي أكتب ليها يا ستي حصل خير لكن بعد داك إنشغلت بالحبكانة بتاعتي وما قدرت أرجع البورد طوالي لما رجعت لقيتا بتعمل في عمايل نسفت لي أي إحتمالية مفاهمة لي قدام وبقينا في المطاعنة وشغل المغارز دا ..
مها لو أنا غلطت عليها في الأول بنسبة 70% هي هسي غلطانة علي وعلى أهلي بنسبة 90% وما حناخد بي ردود الأفعال في الحالتين !
ومن هنا أنا بعتذر من قلبي لما مس والدة مها من جانبي والذي كان رداً على إساءة بادرت بها مها وإمتدت لتشمل جميع أسرتي
عموماً يا سيدي أنا ما زعلانة منك وأرجو إنك ما تزعل مني كلنا غلطنا في حق بعض والمسامح كريم
مع إحتفاظي برأيي كما هو في البتعملو فيهو داك وبين الناس الإحترام
السطرين الأخيرين ديل برعاية عمر فضل المولى
|
Post: #115
Title: Re: الصفايح في البــورد ..
Author: عبدالمجيد الكونت
Date: 05-19-2012, 01:46 AM
Parent: #109
تيسير عووضة
شكله الحاجة الوحيدة الممكن تجبرك على الكتابة العاقلة وعدم الاساءة هي مجاراتك في الهتر ....ده انا لسة في المناظر .. الفلم قدام وما فارق معاي كتير انك تردي ولا تهاتري ولا تسئ ..عشان انا بتعامل معاك هنا كتجربة اعلم منها الذين يبدعون في الاساءة للناس واتعلم منها كيف اوقف من يعتدي علي من غير سبب
مداخلتك دي انا حا ارد ليك فيها حرف حرف .. جملة جملة ..وفقرة فقرة ....عشان تتعلمي منها لدنياك انه الزي الكونت ده ما تتجرأي مرة تانية وتسئ ليهم .... لانهم ما حيقبلوها منك وما حيردوها ليك ..لكن ببلعوك ليها مع الحمد والتسبيح والالتزام بالتوبة
Quote: عبد المجيد طالما قلت تقلبا جد ولقيت البوست دا فرصة إنك تعبر عن نفسك وهو مالم تجده مني طيلة المدة الفاتت
حابة أرد للمرة الأولى والأخيرة على العربي بتاعك الصرفتو فوق دا في نقاط محددة لا تتعادها (أرجو ألا تفهمها على أنها إمكانية معاودة نقاش)
رأيي واضح وقلتو ليك قبل كدا أكتر من مرة: لا رغبة لي في الدخول معك في أي شكل من أشكال النقاش أو الكلام حتى
من أهم الأسباب دي فوق ما لمسته في مجمل مداخلاتك من عدم نضج إنك زول لايوق لياقة لا طاقة لي بها
وإنك غير نزيه بتلخبط الكيمان بشكل مريع وتعتبر أن كل وهم في رأسك هو حقيقة لا تقبل الجدال!
شخص بالمواصفات أعلاه أحتفظ لي نفسي بحق عدم الخوض معاهو في أي موضوع خير شر .. |
بعرف متين ابقى المطر واعرف متين اصبح حريق ... كتابتي العاقلة مع العقلاء اما الجهلاء ومدعي المعرفة فبديهم قدر عقلهم .. لذلك لم تجدي نصيبا سابقا من كتابة عاقلة معك ... اما مسألة اني لايوق فدي الحاجة الوحيدة المتفق معاك فيها ..لايوق شديد ومغبون كمان ...اها الرأي شنو ؟
Quote: تداخلت مع مها عبد الله بغضب وخشونة متعمدة وعنيتها بشكل شخصي وبالإسم ووصفت بوست حبيب نورة المحذوف بأنه سفيه وأنه مسخرة
ووضحت أنني لا أشارك في بوستات من هذه الشاكلة عليك أن تثبت هنا أمام الجميع أين تعديت حينها على الآخرين وأين وردت في كلامي سيرة الآخرين عشان ما يبقى كلام مجاني مفكوك في الهوا .. كلنا نحتفظ بالبوستات المحذوفة .. |
البوست حق حبيب نورة اتحزف .... وكويس انك براك كتبتي القلتيه ما اضطررتينا للبحث عنه ونجيب ليك برنت او اقتباس لكلامك القلتيه
القال ليك انه تصنيف بوستات الناس بالسفيهة ما اعتداء منو ... انتي فهمك للاعتداء شنو ... بالجد حاجة غريبة وخاصة من زول يدعي انه لبرالي ...
ميتين مداخلة ليك في حق الاخت منال .. بتقولي ليها اتأدبي ...انتي قايلة روحك ابوها... ده موش اعتداء منك
انتي البديت المشاغلة معاي في بوست سابق وحينها لم اكن اعرفك لبرالية او غيره ... ولما سخرت منك ...شتمتيني ...انت فاكرة اي زول ممكن يستجيب لمشاغلتك كويس انه البوستات دي كلها موجودة وممكن نرجع ليها ويرجع ليها القارئ ... مالك ومالي .. شافع ولا عجوز ... حصل جيت قلت ليك انا شافع عايز حلاوة ولا قلت ليك عجوز عايز لي عكاز اتوكى عليها
عندك راي تكتبيه وتمشي .. ما عندك راي ما تتظارفي مع زول ما بعرفك ...عشان ممكن يطلع اطرش زي كده ويرد ليك ردود مسيخة وانتي ما بتستحملي تقومي تشتمي
Quote: 2. وليه توجه القارئ؟ القارئ ما محتاج توجيه لأنو عارف ومتابع وما صاحب غرض زيك في البوست دا! أنا ما حرمت الإساءة على الأهل في البوست دا بس أنا حرمتها على نفسي في الحياة الواقعية قبل البورد، لكن لما عبد المجيد الكونت يعتبر وصفي المستحق ليهو هو بقلة الأدب إساءة لأهلو (حقيقي ما قادرة أعرف وين الإساءة للأهل هنا ياما ناس تعبوا في تربية وتأديب أبنائهم ودشروا الدم ومع ذلك خرج الأولاد معدومي الأدب والتربية يبقى العيب في الأبناء ولا في الأهل؟) وينسى هو كان بيقول شنو يبقى مشكلة، كلمة قليل الأدب في نظرك يا عبد المجيد إساءة "غير مباشرة" لأهلك، لكن بدء مها عبدالله بالإساءة لأهلي بتجيير ما أنا فيه من عيوب وسلبيات في نظرها لحتة (الجينات الوراثية) في نظرك ما إساءة "مباشرة" مش حاجة غريبة وبتوري الناس ميزان حكمك عامل كيف ؟؟
وقاحة وتعدي مها لم تصل لأمي وأبي فقط وإنما تعدته لتشمل جميع من أحمل جيناتهم الوراثية يعني بإختصار إساءة مفتوحة على جميع الإحتمالات في أسرتي الممتدة، لما تبقى زول منصف وحقاني أنا بحترمك وآخد برأيك ونصيحتك على راسي وقبل ما تطلب من سارة إنها تنصحني قول الكلام دا لي مها الإنت بتبرر ليها في مبادرتها بالإساءة للأهل وتعديها الواضح الذي لا تخطئه عين سليمة وحقانية ..
أنا ماعارفة من وين بتجيب قوة العين البتخليك في كل مرة تدي نفسك ومن والاك الحق في الإساءة للناس ولمن يردوا ليكم بضاعتكم تستنكروا بل وتقولوا بالفم المليان إسائتنا ليكم ما مبرر لإنكم تردوها لينا !!
خت في بالك إنت ومها ومن لف لفكم: أنا ما عندي خد آخر أديرو، والأولاني زاتو البيضربني فيهو ما بخليهو (ولو بعد حين) |
مها ما اساءت ليك ولا اساءت لأهلك ...انتي بتفتشي في سبب تتخارجي بيه ,,, مها اوردت كلمة الجينات الوراثية في حديثها عن عدم تطابق الفكر اللبرالي والعقلية التقدمية مع الممارسة ... ولا اساءة لأهلك هنا ... انتي قلتي لأم معا سفيهة ,,,, البلم ده مع ده شنو ؟
وصفك لي بي قليل الادب ..اساءة لأهلي ... امشي اسألي اي زول لو ما قادرة تستوعبي انك اسئتي لي اهلي وعايزة تتفلسفي في الموضوع.... وزي ما قلت ليك انا ما حا ارد علي اساءة زي دي ...لانها بتخصم مني انا قبل ما تصلك .... لكن ما بمررها ليك وبكرهك اليوم الفكرتي فيه تشتميني ....
حلوة فكرة تديري خدك دي .... يا استاذة صدقي انا ابدا ما عايز منك اعتذار ولا طمعان فيه ...عارفك من النوع البفتكر الاعتذار جبن ومنقصة .... عشان كده خدك الايمن حتديريه لي صفعة تانية وتالتة ورابعة ... الا اتوقف من المنبر ده زي ما عملتي اول مرة او تفهمي انه الغلط في الناس ما شئ ممكن يتمرر ساكت
| Quote: تيسير لا تسيء للناس كدا من الباب للطاق، بدي الناس فرصة وفرصتين وتلاتة يراجعوا نفسهم، وبطول بالي كتير لكن لما الطرف التاني يعتبر سكوتي وإعراضي عن الرد المباشر بغير ما قصدتو يبقى من حقي تماماً أوقف الزول عند حدو، إنت يا عبد المجيد تجاوزت معاي كل حدود الأدب والإحترام، والكلام دا شهد بيهو أقرب الناس ليك قبل البعيدين وملاحقاتك المستمرة رغم تكراري ليك إني ما عايزة أدخل في مهاترة ما خلاك غير إنك تستمر وتستمرأ بشكل أكثر وقاحة، دا كلو في رايك ما تعدي وما إساءة ولمن أرد ليك حقي أنا بيبقى إساءة؟ خليهو يبقى .. |
تيسير بتسئ لأي مختلف معاها ,, تيسير تسئ ولا تعترف بالاساءة بل ترى في ذلك حق من حقوقها ... والدليل الحاجات القلناها ليك فوق دي .... انا ما يهمني انك تستوعبي علطك ولا ما تستوعبيه لكن لو انت عايزة تعرفي اسألي اصحابك والممكن تثقي في رأيهم ,,,, البتعملي فيه ده اساءة ولا ما اساءة
يشهد الله اني ما لاحقتك ... والدليل علي كده انه البوستات الحصل فيها احتكاك بيني وبينك كلها , اما فاتحها انا واما تداخلت فيها قبلك وجيت انتي وراي فيها ... البوستات دي انا حا اجيب روابطها كلها هنا
اما مسألة انه انه شهد ليك زول قريب مني باني قليت الادب عليك دي ...صراحة ما بخليك فيها لو نططتي ومعاك فيها لي يوم القيامة ...بس تجيبي لي زول واحد قريب مني قال ليك الكلام ده ... وتثبتيه ... أو نضيف لاستسهالك الاساءة للاخرين صفت الكذب
انا ما غلطان ولو جاء اي زول اثبت لي غلطي والله اعتذر ليك ببوست خاص.... عدم غلطي من الاول معاك هو الخلاك تتمادي معاي بالطريقة دي ... ولي هسة انا ماسك نفسئ الامارة بالسوء منك ... لاني بعرف اتعامل مع اخواتي كيف وما بفرقهن من بنات الناس ... واهلي علموني انه الراجل اخو البنات هو الراجل التمام ....تأكدي اني ما غلطت وما بغلط فيك ... لكن ما بمرر ليك غلطك ده بالساهل كده
Quote:
إنتا منو "الآخرين" و"الجميع" الإنت بتتكلم عنهم ديل؟
أوعى يكونوا المشاركين في بوست حبيب نورة؟
بالله ديل "الجميع"؟
يا زول الجميع يبروا من جنس دا
ديل شلة محددة ومعروفة بالإسم في البورد جمعتهم إهتمامات محددة لخصها الأخ طلحة في مفردة المراهقين
ومع ذلك أنا ما هبشتهم إلا لما هبشوني في بوست صديق الموج عشان يعرفوا إنو ما كان بيغلبني من الأول أجي بي خشم الباب مش أتضارا ورا كلمة بوست سفيه وأكون قاصدة إنهم سفهاء
غير كدا ما تقول لي إتعديتي على الجميع لأنو ما حصل والبيقول غير كدا يثبت كلامو والكابشر من عندي "قصرت معاكم؟
فضلاً عن إنهم ما الجميع ولا يمكن في يوم من الأيام يكونوا الجميع
الزول بيجيب إحترامو لي نفسو بي نفسو
والمابيراعي للناس ويعمل ليهم إعتبار ما ينتظر منهم أي مراعاة ولا إعتبار !!
|
في المنبر ده كل زول يتكلم عن نفسه ... لوجاءت كتابة في ضمير جمع ... فالمقصود بها كل من كتب في بوست حبيب نورة وممكن تراجعيهم فرد فرد وتعرفي منهم هل مداخلتك كانت اساءة ليهم ولا لا.... والله جد انا مستغرب فيك ,,, انتي مفتكرة الاساءة دي شنو ؟؟ كدي وريني سقفك في التعدي على الاخرين ده وين ...عشان الواحد زاته يعرف هو بتعامل مع يات نوعية من البشر ؟؟
انا ما شايف اي زول سفيه في المنبر ده .... ولا من حقي احكم علي زول او شلة بالسفاهة من مجرد كتابة ولا مداخلة في بورد ...الا من احتكاك ورأي بام عين واثبات لهذه السفاهة ...هل انتي عندك اثبات للسفاهة لاي واحد من الناس دي ... ليه انتي بتفتكري في نفسك ميزان الاخلاق ورب الادب ... الاحساس حقك ده محتاج بالجد معالجة نفسية ...ياخي مافي بني ادم كامل الا الرسول ص ومع ذلك خالفت مواقف الرسول الكريم في مرات مواقف اخرين منهم عمر ابن الخطاب رضي الله عنه وجاء قوله سبحانه وتعالى موافقا لموقف سيدنا عمر... (راجعي موت عبدالله بن ابي سلول والصلاة عليه)....
من وين جبت الحق اليخليك بي جرة كيبورد تصفي مجموعة ناس بالسفاهة بكل بساطة .... شئ عجيب والله
Quote:
تقول الطرفة:
واحد شين خلقة "والشينة الأخلاق" مشى يتصور صورتو ما عجبتو
قال لبتاع الأستديو بي زعل شديد: الصورة دي مالا شينة كدا؟
المصوراتي قال ليهو أنا ما جبت حاجة من عندي ياهو وشك كدا ..
أها يا الساخطين اعفوا لينا
ما جبنا حاجة من عندنا ياها كتابتكم كدا !!
|
طرفتك دي ما اظن انا معني بيها لذلك ساتجاوزها واحمد الله على خلقتي التي خلقني عليها ... انشا الله كل زول يحمد ربه علي خلقته ...
| Quote: أتمنى تكون المداخلة دي وضحت كتير من الحقايق البيحاول عبد المجيد الكونت إنو يضيعها ويغير فيها على حسب هواهو وغرضو والغرض مرض وياريت ما أضطر للعودة لنفس الموضوع مع الزول دا تحديداً .. |
المداخلة دي الحاجة الوحيدة الوضحتها ... انك بديتي تعرفي حجمك وتطلعي من الحالة الطاؤووسية العايشة فيها دي ... وده تطور ملحوظ يستحق الاشادة بمن ساهموا في فرضه عليك او تعليمك اياه .. والباقي بجي لي قدام وحتتعلمي انه الاساءة للناس عندها حدود واحترام حقوق الاخرين في التعبير قانون اخلاقي يجب الالتزام به اجبار
_________________________
بوستات قد تفيد القارئ فيما يختص بخلفية ما يدور هنا
الحزب الديموقراطي الليبرالي يشارك في المؤتمرالدولي...طية في العالم العربي
أول بوست تداخلت تيسير معي فيه ...مع التنبيه انه لم يكن بيني وبينها سابق معرفة ولا علاقة لها بالذي كان يحدث بيني وبين بعض اللبراليين
نور تاور في الانتباهة
البوست التاني والذي حدث فيه الاحتكاك بيني وبينه .... بوست فاتحه انا
عبد المجيد الكونت هذا تحذير أخير ..
البوست الذي عنونته تيسير باسمي وكالت فيه ما كالت لي من شتايم
|
Post: #117
Title: Re: الصفايح في البــورد ..
Author: تيسير عووضة
Date: 05-19-2012, 02:08 AM
Parent: #115
Quote: انتي البديت المشاغلة معاي في بوست سابق وحينها لم اكن اعرفك لبرالية او غيره ... ولما سخرت منك ...شتمتيني ...انت فاكرة اي زول ممكن يستجيب لمشاغلتك كويس انه البوستات دي كلها موجودة وممكن نرجع ليها ويرجع ليها القارئ ... مالك ومالي .. شافع ولا عجوز ... حصل جيت قلت ليك انا شافع عايز حلاوة ولا قلت ليك عجوز عايز لي عكاز اتوكى عليها
عندك راي تكتبيه وتمشي .. ما عندك راي ما تتظارفي مع زول ما بعرفك ...عشان ممكن يطلع اطرش زي كده ويرد ليك ردود مسيخة وانتي ما بتستحملي تقومي تشتمي |
على عبد المجيد الكونت أن يقوم بإنزال إقتباس أو رابط للكلام أعلاه
يبدو أنه لا حدود لصفاقتك وقلة أدبك !!
|
Post: #119
Title: Re: الصفايح في البــورد ..
Author: عبدالمجيد الكونت
Date: 05-19-2012, 02:40 AM
Parent: #117
Quote: على عبد المجيد الكونت أن يقوم بإنزال إقتباس أو رابط للكلام أعلاه
|
جبنا الروابط فوق .... لو عندك تكذيب جيبي كابشر انك ما بديتي انتي الختا والمشاغلة (الذين لا يعرفون شافع طارق ابوعبيدة يمكنهم مراجعة هذا البوست ســــــجيمــان .. الاعـمــال الكــامـلة
سيجدون الشافع المقصود في مداخلة تيسير
| Quote: يبدو أنه لا حدود لصفاقتك وقلة أدبك !! |
يمنعني من الرد (ادبي وتأدبي)
------------------------------
شايفك عملتي زايغة من الكلام القبلها .... فيها حاجات لو ما رديتي عليه السكوت ممكن يدينك .... وفيها حاجات تحتاج اثباتات منك عدم ايجادها يجعلك كذابة حاولي اثبتيها .... الشتيمة والاساءة ما بتفكك مني ... وحزف البوست (المتوقع جدا) يؤجل فقط المعركة ويغير ظرفها المكاني او الزماني
|
Post: #121
Title: Re: الصفايح في البــورد ..
Author: تيسير عووضة
Date: 05-19-2012, 03:39 AM
Parent: #119
لا ما زايغة أصلو ..
لكن بجي داخلة بي مزاجي وأشيل الدايراهو
ولمن ألقى وقت بجي للباقي إن بقى للحول ..
ــــــــ
قال مشاغلة قال
ألفاظك الإستعملتها في الإقتباس الفوق دا بتوري ياتو نوع من البشر إنتا
خلعتني زاتو، قلتا معقول أنا إنضربت في نظري يوم وذوقي إتدهور و"شاغلت" وإتظارفت" على نوعك دا
وكمان إنت "إتماسخت" علي عشان كدا بقيت أشتمك؟
هسي في ذمتك المافيشة دي، ألفاظك الفوق دي فعلاً بتوصف الحاجة الحصلت؟
على كدا أنا كنت من لحظتها أستغل قلة أدبك ووقاحتك معاي وأقول إنك بتتحرش بي زي ما قالوا ليك كم نفر في البوست الجبتو دا زاتو
غايتو البيدخل الرابط الإستندت عليهو دا حيعرف قدر شنو إنت فعلاً بتقلب الحقايق وزول نفسك ######انة
قرف يقرفك ..
|
Post: #122
Title: Re: الصفايح في البــورد ..
Author: فايزودالقاضي
Date: 05-19-2012, 07:04 AM
Parent: #121
الحبيب عمر الشهير بماتقوله قريبتي تراجي - حفظها لله ورعاها- ..تحياتي وتقديري ..
Quote: الاخ فايز ود القاضي
تحياتي واحترامي
بصراحة انت انسان بائس
|
تراجي كييييييييييف ؟!!!!!!
لاشكر على واجب
|
Post: #123
Title: Re: الصفايح في البــورد ..
Author: حمد عبد الغفار عمر
Date: 05-19-2012, 07:25 AM
Parent: #121
تاني سلام يا تيسير
Quote: بعدين يا حمد ياخ ناسك الجبتهم ديل مبدعين
حبيب نورة زاتو ممكن يدخل في زمرتهم بعد شوية
باقي الصفايح ديل مع شنو؟ |
أها هنا ياها بداية المشكلة البتصنف الناس وال بتجيب الزعل الأسفيري
يا إما في معيار واحد للفضيلة وحسن السلوك يٌطبق على الناس كلهم أو ما في زول ملام على ما يكتبه
مافي حاجة اسمها مبدع في كيان انساني بتساوى مع كيان انساني آخر في المستحقات والواجبات فيما يخص منظومة المجتمع
هسة نحن منتظرين حبيب نورا يدور لينا بوست تاني عن تجار سوق ليبيا يمين نغرق فيه لأضنينا والربع الجاي يواصل لينا في سلسلة أسواق السودان دي
اخيرا يا تيسير
اعتقد انك ومها عبد الله الاتنين بعيدات كل البعد عن السفه والاعتقاد دا ما من كتابتكم في المنبر
ولكن قياسا على البيئة التي حولكن
فرجائي أن تتوقفا عن اساءة بعضكن البعض
والله العظيم عدلت عشان أصحح كلمات بس
|
Post: #125
Title: Re: الصفايح في البــورد ..
Author: عبدالمجيد الكونت
Date: 05-19-2012, 07:50 AM
Parent: #121
Quote: لا ما زايغة أصلو ..
لكن بجي داخلة بي مزاجي وأشيل الدايراهو
ولمن ألقى وقت بجي للباقي إن بقى للحول ..
|
وانا زاتي للحول البعده ... منتظرك
اديني اي تسمية للمداخلات حقتك معاي وانتي ما بتعرفيني غير كده
Quote: ألفاظك الإستعملتها في الإقتباس الفوق دا بتوري ياتو نوع من البشر إنتا
خلعتني زاتو، قلتا معقول أنا إنضربت في نظري يوم وذوقي إتدهور و"شاغلت" وإتظارفت" على نوعك دا
وكمان إنت "إتماسخت" علي عشان كدا بقيت أشتمك؟
هسي في ذمتك المافيشة دي، ألفاظك الفوق دي فعلاً بتوصف الحاجة الحصلت؟
على كدا أنا كنت من لحظتها أستغل قلة أدبك ووقاحتك معاي وأقول إنك بتتحرش بي زي ما قالوا ليك كم نفر في البوست الجبتو دا زاتو
غايتو البيدخل الرابط الإستندت عليهو دا حيعرف قدر شنو إنت فعلاً بتقلب الحقايق وزول نفسك ######انة
قرف يقرفك .. |
اعصابك
الالفاظ الاتكتبت هنا من كل زول فعلا بتعتبر عنه امسكي في القاعدة دي كويس ... وواصلي في ترديدك للشتايم ... مني ما حتلقي رد اصله
لحدي هسة عندي معاك حاجتين ... وبوصل لي نهاية فيهم
الاولى الاساءة من غير مبرر
والثانية الكذب ودي طلعنا بيها في البوست ده ....
___
|
Post: #127
Title: Re: الصفايح في البــورد ..
Author: تيسير عووضة
Date: 05-19-2012, 08:44 AM
Parent: #125
يا زول هوي ما تسرح وتنسى روحك
أنا ما كذابة ارجع للبوست الجبتو وشوف عمر فضل المولى قال ليك شنو
التحرش والملاحقة القال ليك خليهم في البوست دا بيعادلو عندي تجاوز الأدب والإحترام وإنت فعلاً عملت كدا وإساءاتي الحارقاك دي رد متأخر شديد على إساءاتك وتجاوزاتك كلها معاي وقلة أدب زاتا شوية على عمايلك
الموضوع دا غير قابل للنقاش بالنسبة لي يا الكونت وصدقني أي محاولة جرجرة وفتح للموضوع دا ما بتلقى أي صدى عندي دا لو ما إتصرفت بشأنها تصرف آخر وللمرة الأخيرة يا كونت أختاني لا عذر لمن أنذر ..
|
Post: #128
Title: Re: الصفايح في البــورد ..
Author: تيسير عووضة
Date: 05-19-2012, 08:53 AM
Parent: #127
مهم جداً أشير لإنو الرابط الجبتو بتاع طارق أبوعبيدة دا ما عندي وقت أمر عليهو كلو
شافع طارق أبو عبيدة بتاع (أرشّك جوز) هو دا القاصداهو أنا
خلي ود حلال يكسب فيك أجر ويحكي ليك القصة ..
ــــــــــ
تقرأ المداخلة الحالية قبل التي سبقتها حفظاً للتسلسل ..
|
Post: #129
Title: Re: الصفايح في البــورد ..
Author: عبدالمجيد الكونت
Date: 05-19-2012, 09:11 AM
Parent: #127
Quote: يا زول هوي ما تسرح وتنسى روحك
أنا ما كذابة ارجع للبوست الجبتو وشوف عمر فضل المولى قال ليك شنو |
هسة انا كنت مفتكر انك عندك شهادات تانية معتمدة عليها ... طلعتي اي كلام
لو مستندة على البوست ..تكوني فعلا كذابة ... عمر ما قال انا قليت ادبي عليك ...
Quote: التحرش والملاحقة القال ليك خليهم في البوست دا بيعادلو عندي تجاوز الأدب والإحترام وإنت فعلاً عملت كدا وإساءاتي الحارقاك دي رد متأخر شديد على إساءاتك وتجاوزاتك كلها معاي وقلة أدب زاتا شوية على عمايلك
|
عمر قاصد اللبرالين وتحديدا عادل وثروت وثالث غير موجود الان اسمه عماد الطيب ... وممكن تجيبي عمر هنا وتاخدي شهادته ... بعدين ما تنفخي روحك شديد كده بتطرشقي ... انتي لو لقيتي مني رد سلام بي ابتسامة ساكت يكون نزلت عليك ليلة قدر .... اوعك تفتكري كده ...سمح
| Quote: الموضوع دا غير قابل للنقاش بالنسبة لي يا الكونت وصدقني أي محاولة جرجرة وفتح للموضوع دا ما بتلقى أي صدى عندي دا لو ما إتصرفت بشأنها تصرف آخر وللمرة الأخيرة يا كونت أختاني لا عذر لمن أنذر .. |
القال ليك انا بفتش لي نقاش معاك منو
والله متأكد 100% انه نوعيتك دي من البشر لا يمكن ابدا ان تصل معها لنقطة مشتركة عبر نقاش.... زي ما كتبت في اول البوست ده ...ما يعنيني هو تثبيت موقف فقط ... وهو ما افعله بالضبط
وتحذيرك هذا انا عارف نهايته ... بالمناسبة انا جادي في انه بكري يوقفني ليك ويحزف البوست.... عشان الناس دي كلها تتاكد اني ما بتبلى عليك ... ولو قاصدة بي تحذيرك ده اي تصرف اخر ... طوالي ..ما تنتظري اي حاجة اعمليه ... لانه ما بوقفني منك الا ... تعترفي بي تعديك علي من غير سبب ... او ما يكون عندي باسورد اكتب بيه
Quote: مهم جداً أشير لإنو الرابط الجبتو بتاع طارق أبوعبيدة دا ما عندي وقت أمر عليهو كلو
شافع طارق أبو عبيدة بتاع (أرشّك جوز) هو دا القاصداهو أنا
خلي ود حلال يكسب فيك أجر ويحكي ليك القصة ..
ــــــــــ
تقرأ المداخلة الحالية قبل التي سبقتها حفظاً للتسلسل ..
|
ما فرقت كتير وكان ممكن من الاول تقول الشافع المقصود قصته كده وكده
اخيرا
بعد راجعت المداخلة مرة تانية ...اكتشفت انه اشادتي بي مداخلتك ما كان صحيحة ..لانه لسة في شتايم في الجزء الاول من المداخلة ... فوجب حزف الاشادة
وننتظر تطور نوعي في خطابك في مقبل الايام
|
Post: #124
Title: Re: الصفايح في البــورد ..
Author: فايزودالقاضي
Date: 05-19-2012, 07:35 AM
Parent: #104
Quote: الله يلعنو النظير حجاظي بسبب مساككتو وتهديدو ما قدرت أدخل البوستات القاجة دي ؛)
لا بوست حبيب نور ولا البوستات المنبثقة منه ؛) |
ياابوتفة فاتك مولد مفتوح وذنب جارى ..
بوستات فصلت لامثالك من الشحرتايين والبوزاين ..
لكن ممكن تشتغل بأثر رجعي
وست الورد ترشك بياسفيه بأثر رجعي ..
فهيا دافع عن نفسك بما كان يُفترض ان يكون ..
يلا ورينا المكشن ..
ــــــــــــــ
البوست ده يجب ان يظل مفتوح ست سنوات لقدام..
|
Post: #130
Title: Re: الصفايح في البــورد ..
Author: MOHAMMED ELSHEIKH
Date: 05-19-2012, 09:39 AM
Parent: #124
| Quote: البوست ده يجب ان يظل مفتوح ست سنوات لقدام.. |
البوست دا لسه ما اتعلق
فيكم الخير كلكم بي بكريكم
|
Post: #131
Title: Re: الصفايح في البــورد ..
Author: Abdlaziz Eisa
Date: 05-19-2012, 10:54 AM
Parent: #130
الخور يا ريس!!
|
Post: #132
Title: Re: الصفايح في البــورد ..
Author: ALZOLZATOO
Date: 05-19-2012, 01:10 PM
Parent: #131
| Quote: ياعنكبة النصيحة دي بتجيب ليك التجضيم !! |
تجضيم شنو ياخي البجضموني ليهو انا كمان
واحد لاقي الكونت المثير للتجضيم يفتش لي زاتووو
ياخي الصفايح ديل كلهم نفسهم يجضموك
انت عارف بالمداخلة دي بكون اترقيت من الصفائح للمبدعين
ياخي هدئ اللعب شوية الاخت برضو زميلة منبر (حر)
تحياتي
زاتوووو
|
Post: #133
Title: Re: الصفايح في البــورد ..
Author: سارة علي
Date: 05-19-2012, 01:21 PM
Parent: #131
يا صديق ..
اقول ليك وبوضوح ، ردك الاخير لي زعلني زعلني زعلني زعلني..ليه تقول كلام زي دا؟ ليه؟
ما دايرة اتجارى معاك في الردود يا صديق الموج ما عشان ما عندي حجة ولكن حفاظاً لحاجات معينة ..
وربنا يسامحك ..
ومافي درس بالمجان...
|
Post: #134
Title: Re: الصفايح في البــورد ..
Author: صديق الموج
Date: 05-19-2012, 02:19 PM
Parent: #133
Quote: سارة.......................سلام
انت لما تكتبى تيسير فتحت بوست وصديق الموج فتح بوست بعدها ما تقولى لى دى نقطه فى صالحك ابداً....
لانك لما تقولى كده كأنك تعنين اننى قصدت تيسير بالبوست اياهـ رداً على كلامها، وانا لا اتعامل بردود
الافعال مطلقاً وكلامى لم اكن اقصد بيه تيسير لا من بعيد ولا من قريب ، اها ده ما دليل على انك جيتى تدافعى
عن تيسير ظالمه او مظلومة؟ وفى احسن الحالات تصوريها كأنها معتدى عليها؟ أو تخلقى عداء بينى وبينها؟
بعدين كونك تعترفى انك تلفحى بدون متابعه دى مكابرة او ادانة ، وعرفتك هنا قبل اكثر من 7 أو 8 اعوام ما
عرفت عنك بتلفحى، شايفك بتكتبى كلام موزون واللا اللفحى ده فى البوستات من هذه الشاكله للعب دور المديدة
حرقتنى؟
بعدين ياتو البحصل الانا خليتو وجيت؟ وبفرق كتير منو الفتح البوست اول ولو ماكان بفرق انت ما خليتى اى شى
وذكرتيه؟ اقل شى من ناحيتى انا بفرق، و اخيراً البوست ده وصل صفحتين لم اكتب فيه كلمه واحده لانى ما بلفح
وجيت هنا لاوضح لك ذلك وليه ما دام جيت هنا اعمل ساتر ومن منو؟ ويبقى الود،،، |
Quote: يا صديق ..
اقول ليك وبوضوح ، ردك الاخير لي زعلني زعلني زعلني زعلني..ليه تقول كلام زي دا؟ ليه؟
ما دايرة اتجارى معاك في الردود يا صديق الموج ما عشان ما عندي حجة ولكن حفاظاً لحاجات معينة ..
وربنا يسامحك ..
ومافي درس بالمجان... |
سارة...........سلام
امى زمان قالت لى : البدخل يده فى ماعون الناس يستحمل كرعينهم كان دخلوها فى ماعونه..
واتبصرى كلام امى دى بتمعن من يستفيد من حكمة كبار بنفعك ، وانا بفتكر كلامى الزعلك ده من باب
المناصحة الاخترتى انت يكون موضعها هنا فى هذا المنبر وليس فى الماسنجر كما قلت لك سابقاً
لانه نوع كلامى ده واكتر منه لو كان فى الماسنجر تصدقى كان رديتى عليه و ذيلتيه بـ هههههههههه
مارقة من اعمق اعماق القلب ولكنه هنا يزعل لانه بتحول من مناصحة لى لوم ولؤم..شفتى كيف؟؟
سارة كيف تحكمين؟ اذا كان بزعلك مجرد دفاع عن نفسى انا الجيتى وصفتينى بالسفاهة اسوى شنو؟
وانت عارفة مافى درس بالمجان دى اصدق شى قلتيه وتصدقى ده الجابو المناصحه الجنب الناس
مهما كانت قيمتها ،،،
|
Post: #135
Title: Re: الصفايح في البــورد ..
Author: صديق الموج
Date: 05-19-2012, 03:58 PM
Parent: #134
Quote:
سلام يا صديق الموج ..
Quote: طيب مادام انت الصغيرة دى ما جيتى لى عمك و احترمتى شيبه وشنبه وجيتى تلبعى من طرف، و وصفتى كل الناس
بلا استثناء بالصفائح وامعاناُ لسبق الاصرار والترصد شرحتى الصفائح بلغتين حيات تحمدى ربك ، يبقى شيبى
وشنبى ديل تهكم واللا شنو؟ لانو مفروض المبادى لا تتجزأ ، القدرك ديل اولاد وبنات انت مخيرة
فيهم
ارجع لتوقيت فتح البوست بتاعي أنا لغاية ما فتحتو إنت ما كنت بديت مطاعنتك لي
والبوست مقصود بيهو البنات الكانوا بطاعنوا .. لما إنت بقيت عايم عومهم ومطاعنتك بقت واضحة وقبيحة حتى أنا جبت سيرتك هنا دا وبي اسمك عديل .. ياتو مبادئ دي يا ود الموج؟ يعني أنا أشوفك في بوست بتنزل في صور فعلاً سفيهة وما سألتك إحتراماً لشيبك وشنبك رغم إنك ماإحترمتنا كبناتك وإنت بتعمل في دا كلو وتجي إنت تغلط فيني وتطاعن مطاعنة قدر دي ودايرني أسكت؟ هل إنت إحترمت الشيب دا عشان تعاتبنا على عدم إحترامو؟ صدقني لو كنت فضلت بعيد وسبت البنات يسوطوا سواطتهم زي ما عمل حبيب نورة وباقي الشباب أنا كنت بجيك في حتتك وأحب على راسك لو زعلان ..
الحاجة التانية إنتو مصرين إنو دخولي داك كان مناصحة وأنا قلتها وبقولا ليكم أنا ما نصحت زول ولا بنصح لي زول عندكم كامل الحق تكتبوا الدايرنو وعندنا كامل الحق نقول راينا في كتابتكم ونوصفا بالوصف الذي يليق بس إنتو طولوا بالكم علينا زي ما بنطول بالنا عليكم !! قول لي أنا نصحت منو ووين؟ أنا قلت لمها بالنص: (دايرة تتمسخري وتهرجلي على كيفك بس ما تجيبي سيرتي ولو بالهظار في مواضع السفاهة) وين المناصحة هنا؟ ووين فرض الوصاية ؟؟
وصفت البوست بإنو سفيه ومسخرة وين المناصحة وفرض الوصاية هنا؟ أنا ما بناصح أنا بقول رأيي في الحتة البتخصني وبس وما زول يرجى مني مناصحة في القصص دي زاتو ..
بالنسبة لموضوع مها أيوة مداخلتي الأولى كانت عنيفة لأني كنت غاضبة جداً مما إعتبرتو أنا إستهتار منها ياخ دايرة تخرمجي خرمجي بي راحتك بس ما تدخليني في حتات أنا بعتبرا خط أحمر نار عديل بالنسبة لي تقول لي ماعرفنا سبب غضبتك المضرية؟ ياهو دا السبب
قريت إعتذار مها وكنت دايرة أجي أكتب ليها يا ستي حصل خير لكن بعد داك إنشغلت بالحبكانة بتاعتي وما قدرت أرجع البورد طوالي لما رجعت لقيتا بتعمل في عمايل نسفت لي أي إحتمالية مفاهمة لي قدام وبقينا في المطاعنة وشغل المغارز دا ..
مها لو أنا غلطت عليها في الأول بنسبة 70% هي هسي غلطانة علي وعلى أهلي بنسبة 90% وما حناخد بي ردود الأفعال في الحالتين !
ومن هنا أنا بعتذر من قلبي لما مس والدة مها من جانبي والذي كان رداً على إساءة بادرت بها مها وإمتدت لتشمل جميع أسرتي
عموماً يا سيدي أنا ما زعلانة منك وأرجو إنك ما تزعل مني كلنا غلطنا في حق بعض والمسامح كريم
مع إحتفاظي برأيي كما هو في البتعملو فيهو داك وبين الناس الإحترام
السطرين الأخيرين ديل برعاية عمر فضل المولى |
تيسير ازيك وعساك طيبة
انت مصرة انه الصور النزلتها سفيهة. وانا اعرف طالما انك تقيمين فى الخارج قطعاً مشيتى بيتش فى دبى ؟ أو اى
بيتش من سواحل الدنيا الواسعة وشوارعها وشفتى شوف العين ، لو قارنتى بين ما رأيتى عيان بيان وبين ما انزلت
انا من صور لقلت ما لهولاء المحجبات؟
تيسير أنا المدعو صديق الموج - أعترف - بى طمسة منذ اليفاعة ما استطاعت الايام ان تبدلها وذلك لاننى بلقط
اى شى ، كلامى ، حروفى التى أكتب، تصرفاتى اليومية، حتى ازهار حبى لاخوانى و اخواتى بما فيهم انت تيسير
دى و سارة الحردانة ديك ومها التى اتمنى ان تعرفين و للناس من هذه الارض التى يصلون عليها و التى يرتكبون
فوق ظهرها المعاصى ، فما تستغربى إن اتاك ما أفعل واكتب أحياناً وفيه شى من روح الرحمن و شىء من نفس الشيطان ..ولكن
اتوخى ان لا يصل الى حد السفاهة اقل شى من وجهة نظرى وإن رآهـ البعض هكذا، وامقت الذين يضفون قداسة على اى انسان
فنحن بشر عاديون و أنا منكم أخطى وأصيب كعادة البشر ، و لكن كثيراً من الخطأ يحدث بحسن نية متناهى ..
السطرين الاخيرين الكتبتيهم نزلن على كنار ابراهيم واتمنى ان ينزلن على مها كذلك ،فقطعاً يجبن ما قبلهن وارجوا ان تحترمى
الشيب دى وبرضو تسامحى الكونت وسادعوه من هنا وبالتلفون ان يكف وانا متأكد انه فاعل ..
بس انا السطرين الاخيرين بتاعانى ديل برعاية يابلاش والمافى شنو؟
|
Post: #136
Title: Re: الصفايح في البــورد ..
Author: عبدالمجيد الكونت
Date: 05-19-2012, 04:19 PM
Parent: #135
| Quote: وبرضو تسامحى الكونت وسادعوه من هنا وبالتلفون ان يكف وانا متأكد انه فاعل |
لو دقيت لي تلفون قبل الكلام ده يا موج كنت اي طلب طلبته مني نفذته ومن غير نقاش ... لكن بعد الكلام ده ما اظن انه ممكن انفذه
تيسير تسامحني في شنو يا صديق الموج ... علي شتايمها البتشتم فيها دي ولا علي شنو بالضبط
ياحبيب لك ما تكتبه بينك وبينها ولاحظ اني طوال هذه المعمعة لم ادخل موضوع في الاخر وليتك فعلت ....
مابيني وبين تيسير ليس لها فيه حق المسامحة ...بل لو اردت العدل فالمسامحة لي وليست هي
حل قضيتك معاها واتصالح او اتزاعل بدون ما تشبك موضوعي معاك
ولو فهمت ان مشكلتي مرتبطة بموضوعك نسبة لتداخلي في بوستك فانا اسف جدا اني اتداخلت في البوست الاخر
|
Post: #158
Title: Re: الصفايح في البــورد ..
Author: حبيب نورة
Date: 05-23-2012, 07:43 PM
Parent: #136
فيما يبدو البوست ده فقد تصفيحو
الظاهر المواد كانت مضروبة والسيخ شوية ومافي أسمنت ذااااتو
الله أكبر السخفاء ينتصرون
مع إحتفاظهم الكامل بحق الرد
|
Post: #159
Title: Re: الصفايح في البــورد ..
Author: عبدالمجيد الكونت
Date: 05-23-2012, 10:07 PM
Parent: #158
Quote: فيما يبدو البوست ده فقد تصفيحو
الظاهر المواد كانت مضروبة والسيخ شوية ومافي أسمنت ذااااتو
الله أكبر السخفاء ينتصرون
مع إحتفاظهم الكامل بحق الرد |
يكون الصفيحة فترت
|
Post: #137
Title: Re: الصفايح في البــورد ..
Author: د.نجاة محمود
Date: 05-19-2012, 04:29 PM
Parent: #135
Quote:
تيسير السلام عليكم.... اتسخافى واتصاحفى واتفاصحى ما شئتى بس ما تخلى السلام
اول شىء انا ما جيتك انت انا جيت للفاحه ديك اوضح ليها ما اوضحت..
بعدين انت يا تيسير شنبى وشيبى ديل شوفتيهن؟ كتر خيرك
طيب مادام انت الصغيرة دى ما جيتى لى عمك و احترمتى شيبه وشنبه وجيتى تلبعى من طرف، و وصفتى كل الناس
بلا استثناء بالصفائح وامعاناُ لسبق الاصرار والترصد شرحتى الصفائح بلغتين حيات تحمدى ربك ، يبقى شيبى
وشنبى ديل تهكم واللا شنو؟ لانو مفروض المبادى لا تتجزأ ، القدرك ديل اولاد وبنات انت مخيرة
فيهم لكن ابو شنب وشيب ده بماسنجر داخلى حتى بعد كتبت كان اعتذار فى شكل توجيه كان كافى جداً وما كان فى زول جاء
دخل خشمه؟ لكن انت عارفه يا تيسير الزول لما تاخده العزة بالاثم بقول كلامك ده ، كيف بتحبى النصح مجاهرة؟؟
يعنى اقوم اغير عنوان البوست واكتب تيسير قليلة الادب تسب شيخ فى عمر ابوها؟ ياريتنى كان عارفك
بتحبى المجاهرة ..
وبعدين شايفك مصرة بتورينى انك مافارق معاك لا شنب لا شيب بجملتين الاولى كتبت لى انك وجهتى لى الكلام
ده لاتك عارفانى ما كنت قاصدك ، يعنى لو كنت قاصدك كنت اشوف شوف مش؟؟.. والتانية مغيوظة عشان ما زعلتى
منى لى هسة ، طيب انا حا اتجاوز التانية دى وبوردها ليك مورد داير تلطفى بيها كلامك لانو فى بعض الكلام الزول لما
يكون عشمان فى زول بحس كلامه ما بقراهـ، يعنى انا عاينت لى اسباب النزول لانى اعرف ان الكلام حمال اوجه..
طيب اها انا قاصدك وداير اقول ليك يا تيسير ما تحاولى تنصحى الناس اصلاً الا فى نطاق اضيق من سم ابرة، وان
اضطررت لانهم يهموك لا تفعلى ذلك الا سراً وان اجلتيه لانه مافى منطق القاك لابسه ليك توب ما يعجبنى انا شخصياً
وفى نص حفله اجى اقول ليك توبك ده ما محترم او لايناسب سنك او شفاف اكثر مما يجب او صارخ لدرجة الفتنه وان كنت
شقيقك او زوجك... ولا اظن ان ذلك سوف يبقى مكاشفة ولا يعدو اكثر من إسأة مغلفة..
فيا تيسير فرض الوصاية المعلن لن يقبله منك ناس خصوصاً جلهم لم تقابلينه ولا فى اسكايب حتى او تلفون فحدود معرفة
الشخص بالاخر هى البتحدد نوع الكلام البتوجهيه ليه ، وهسه لو فى دبى بتمشى لى دكان صاحبه صفيق لدرجة بعيدة
وان كان ينفرد بصنف لا يبيعه غيره فعلاقتك بيه لا يمكن ان تكون الا احد امرين : اما تتحملين صفاقته او تقاطعى شارع محله واللا
كان تكونى شايله بسطونه وحايمه بالمحلات، تصدقى علاقتك بالكثيرين هنا وان تمنيتى ان تقابليهم كلهم او بعضهم وحتى
يهىء لك الله ذلك ليس اكثر من علاقتك بصاحب المحل المذكور انفاً، مهما كان حرصك عليهم وعلى هدايتهم. أو حبهم..
تصدقى انا ما مغيوظ لانى لى يوم الدين ما حا ازعل منك ، والله برضو لو ما اضطريتينى ما كنت حا اكتب ليك هنا، كنت كايس
لى عضم تلفونك وكنت حا اشد ليك سلك طويل واقول ليك كلامى ده كلو. و الباقى الموفرو لسه..
حقيقى انا ما حصل لى الشرف اعرفك وان عرفتك من خلال ناس اثق تماماً فيهم لكن اعرف مها المتحامره معاها ومتحامره معاك دى
والله انت غلطانه عليها بنسبة 70% ، خمسين منها اعزيها لعدم معرفة كل بالاخر الذكرتها ليك والخمسين
التانية اى زول قرأ مداخلتها الكتبتها يحس فيها انها لم ترد عن قصد تماماً، بما فيهم انت شخصياً وبمستوى فهمك
انا متأكد اى زول بعرفك عن قرب بكون بفكر وبفتش عن سبب الغضبة المضرية دى ، ونفس كلامك الكتبتيه ليها
ده انا كنت عايز الحقه بماسنجر اقول ليها امسحى مداخلتك واعتذرى لتيسير لانها لم تتداخل هنا ولو لا مداخلتك التى
جاءت عنيفة ( انا صدمت فيها بالجد ) مع اعترافى الكامل انه من حقك ان تنفى عدم تداخلك فى البوست المذكور
الا اننى لا اجد اى مبرر ان تكون بالنحو الذى اوردتيه مقارنة مع فهمك ولباقتك ، وبرضو انا كنت عايز اكتب ليها
ما تبهتى تيسير لم تتداخل معنا..وبعدين بعد اعتذارها لك ، ما اديتييها احساس انك قبلتى عذرها ( لانك قاصدة اخرين)
وهى لما لقت اعتذارها ما مقبول داست بنزين وده الخلانى اقول ليك هى غلطت 30%...
تيسير اخيراً قيل لخالد بن صفوان من خير اخوانك؟ قال:
من غفر ذللى وقبل عللى .. ونحن بالبلدى بنقول اخوك كان غلط فتش ليه مية عذر ماتحاول تجرمه ويبقى الود،،، |
___________________
Quote:
تيسير ازيك وعساك طيبة
انت مصرة انه الصور النزلتها سفيهة. وانا اعرف طالما انك تقيمين فى الخارج قطعاً مشيتى بيتش فى دبى ؟ أو اى
بيتش من سواحل الدنيا الواسعة وشوارعها وشفتى شوف العين ، لو قارنتى بين ما رأيتى عيان بيان وبين ما انزلت
انا من صور لقلت ما لهولاء المحجبات؟
تيسير أنا المدعو صديق الموج - أعترف - بى طمسة منذ اليفاعة ما استطاعت الايام ان تبدلها وذلك لاننى بلقط
اى شى ، كلامى ، حروفى التى أكتب، تصرفاتى اليومية، حتى ازهار حبى لاخوانى و اخواتى بما فيهم انت تيسير
دى و سارة الحردانة ديك ومها التى اتمنى ان تعرفين و للناس من هذه الارض التى يصلون عليها و التى يرتكبون
فوق ظهرها المعاصى ، فما تستغربى إن اتاك ما أفعل واكتب أحياناً وفيه شى من روح الرحمن و شىء من نفس الشيطان ..ولكن
اتوخى ان لا يصل الى حد السفاهة اقل شى من وجهة نظرى وإن رآهـ البعض هكذا، وامقت الذين يضفون قداسة على اى انسان
فنحن بشر عاديون و أنا منكم أخطى وأصيب كعادة البشر ، و لكن كثيراً من الخطأ يحدث بحسن نية متناهى ..
السطرين الاخيرين الكتبتيهم نزلن على كنار ابراهيم واتمنى ان ينزلن على مها كذلك ،فقطعاً يجبن ما قبلهن وارجوا ان تحترمى
الشيب دى وبرضو تسامحى الكونت وسادعوه من هنا وبالتلفون ان يكف وانا متأكد انه فاعل ..
بس انا السطرين الاخيرين بتاعانى ديل برعاية يابلاش والمافى شنو؟ |
فندرب شخصية عمو انيس تظهر جلية واضحة
بالجد بكاي لكن..ناس يعدو ليهم الغلط وناس يقرشو ليهم الظلط
قرقرقرقررقررر
يا بناتي اجرن وما تعاينن للوراء الا بغضب.
وامثال هذا الالاستوكار المفروض اي حاجة تدور معاه فقط في المنبر هنا.
نهي تلفون نهي ماسنجر ونهي نهي نهي سكايب
|
Post: #138
Title: Re: الصفايح في البــورد ..
Author: د.نجاة محمود
Date: 05-19-2012, 04:43 PM
Parent: #137
ينعل ميتين شناتنا ذاتو
زول مدردق في ميدان قولف
|
Post: #139
Title: Re: الصفايح في البــورد ..
Author: عبدالمجيد الكونت
Date: 05-19-2012, 04:56 PM
Parent: #138
Quote: ينعل ميتين شناتنا ذاتو
زول مدردق في ميدان قولف |
ياظلامية الخلقة خلقة ربنا ياخي ...بس انتي قطيمة
|
Post: #140
Title: Re: الصفايح في البــورد ..
Author: عبدالمجيد الكونت
Date: 05-19-2012, 05:39 PM
Parent: #139
Quote: تجضيم شنو ياخي البجضموني ليهو انا كمان
واحد لاقي الكونت المثير للتجضيم يفتش لي زاتووو
ياخي الصفايح ديل كلهم نفسهم يجضموك
انت عارف بالمداخلة دي بكون اترقيت من الصفائح للمبدعين
ياخي هدئ اللعب شوية الاخت برضو زميلة منبر (حر)
تحياتي
زاتوووو |
الزول زاتو سلامات ومساءاتك ورود زي ورد ود القاضي دي
صراحة صراحة كده اخوك متكيف للحاصل ده كيف شديد
باعتبار انه اول من جرحته الصفيحة وخاتيها ليها من بدري .... يعني مغبون وكده ... ويادوب الواحد بدأ يتفشى خاصة بعد ما استطاع انه يطلع الضجيج بتاع الصفيحة كله برة وما يفقد اعصابه
الحاجة المكيفاني برضو انه بوست الاباريق الفتحناه موازيا لبوست التصفيح والتجضيم ده طلع زي قون كرنقو في الاهلي المصري ... من النص وبتلها ...... والطاقية ركبت في كم راس ...شكلها طاقية مطاطة  تناسب الرؤوس المفجخة والروؤس المسطحة والمسحلبة
المهم التجضيم ما بضر ...بضر الكلام المر وترانا قاعدين .. في المنبر (الحر) ده
|
Post: #141
Title: Re: الصفايح في البــورد ..
Author: حبيب نورة
Date: 05-19-2012, 11:35 PM
Parent: #140
حضرنا ولم نجدكم
إزيكم كلكم
|
Post: #142
Title: Re: الصفايح في البــورد ..
Author: د.نجاة محمود
Date: 05-21-2012, 01:20 AM
Parent: #141
فوق عشان تضحك على النموذح الابوي المرفوض
بالجد مبالغة يا زمبلك
|
Post: #143
Title: Re: الصفايح في البــورد ..
Author: محمد عبدالرحمن محمد
Date: 05-21-2012, 02:52 AM
Parent: #142
امليلي ساعتي الفاضي دي..
|
Post: #144
Title: Re: الصفايح في البــورد ..
Author: د.نجاة محمود
Date: 05-21-2012, 10:43 AM
Parent: #143
فوق
|
Post: #145
Title: Re: الصفايح في البــورد ..
Author: د.نجاة محمود
Date: 05-21-2012, 10:43 AM
Parent: #143
فوق
|
Post: #146
Title: Re: الصفايح في البــورد ..
Author: عزالدين عباس الفحل
Date: 05-21-2012, 11:36 AM
Parent: #145
الاخ الفاضل صديق الموج
حياك الله
أكـن لـشـخـصـك الكريم ،
كل احترام وتقدير ،
متتبعاً أحـرفك الفائقة الجمال ،
ببصـمة ملكة الكتابة ،
حـين يصـفو زهـنك البتول ،
لكن لا تركب الامـواج ،
فـكل ما يكتب في ســوق ،
سـودانيزاون لاين ،
يسجله ملكان ،
عن اليمين والشمال ،
يدققه من يعلم ،
خائنة الاعين وما تخـفي الصدور ،
عزيزي لقد قمت بانزال كثير،
من الصـور الاباحية ،
التي تخـدش الحياء العام ،
وتشمئز لها الطـرف ،
وتنيعث منها رائحة الزنا ،
وصـدقني من يطبل لـك ،
لا يريـد بـك خـيـراً ،
مع خالص الود ،،،
،
عزالدين عباس الفحل
ابوظبي ...
|
Post: #147
Title: Re: الصفايح في البــورد ..
Author: د.نجاة محمود
Date: 05-22-2012, 02:14 AM
Parent: #146
مع التحية للفحيل ربنا يجعل المناصحة في ميزان حسناتك
ولكن من يسمع ومن يخاف الله؟
فوق لمزيد من الشوف لانبراشة الخرف
|
Post: #148
Title: Re: الصفايح في البــورد ..
Author: صديق الموج
Date: 05-22-2012, 02:29 AM
Parent: #147
Quote: عزيزي لقد قمت بانزال كثير،
من الصـور الاباحية ،
التي تخـدش الحياء العام ،
وتشمئز لها الطـرف ،
وتنيعث منها رائحة الزنا ،
وصـدقني من يطبل لـك ،
لا يريـد بـك خـيـراً ،
مع خالص الود ،،، |
عباس ياود عمى ............سلام
زنا عديل كده واللا شروع فى الزنا ؟
يازول انت ماعندك عتيد ورقيب واللا شنو؟؟
يازول انا بكتب هنا لى ثمانية اعوام ومر من هنا ناس كبار
نسء ورجال لم اسمع منهم مثل هذا
والذى نفس صديق وعباس بيده انا ارى فيما تكتب
انت عن الانقاذ ما يستوجب الحد ولكن انت حر فيما تكتب
والذى تفعله الانقاذ يفوق الزنا بكثير إذ يتضرر من الزنا
الزانى والزانية ولكن ما تكتب يتضرر منه الملايين من البشر
عموماً كتر خيرك ،،،
|
Post: #149
Title: Re: الصفايح في البــورد ..
Author: عبد الصمد محمد
Date: 05-22-2012, 02:53 AM
Parent: #148
Quote: Quote: عزيزي لقد قمت بانزال كثير،
من الصـور الاباحية ،
التي تخـدش الحياء العام ،
وتشمئز لها الطـرف ،
وتنيعث منها رائحة الزنا ،
وصـدقني من يطبل لـك ،
لا يريـد بـك خـيـراً ،
مع خالص الود ،،، |
الكوز الفحيل أسوأ مافي الكيزان محاولة الإصطياد في الماء العكر
|
Post: #150
Title: Re: الصفايح في البــورد ..
Author: عزالدين عباس الفحل
Date: 05-22-2012, 04:17 AM
Parent: #149
الاخ الفاضل صديق الموج
حياك الله
ابن عـمـي ،
الجـعـلي الحـر ،
ود المتمة ،
البتعقد النار ،
صديق الموج ،
أكـن لـشـخـصـك الكريم ،
كل احترام وتقدير ،
بصدق ترددت كثيراً ،
في كتابة تلكم السـطـور ،
من منطلق الحـب لشـخـصـك ،
و لال الصـلوعـاب ،
بيننا وبينهم صـلة الرحـم ،
مع خالص الود ،،،
،
Quote:
عباس ياود عمى ............سلام
زنا عديل كده واللا شروع فى الزنا ؟
يازول انت ماعندك عتيد ورقيب واللا شنو؟؟
يازول انا بكتب هنا لى ثمانية اعوام ومر من هنا ناس كبار
نسء ورجال لم اسمع منهم مثل هذا
والذى نفس صديق وعباس بيده انا ارى فيما تكتب
انت عن الانقاذ ما يستوجب الحد ولكن انت حر فيما تكتب
والذى تفعله الانقاذ يفوق الزنا بكثير إذ يتضرر من الزنا
الزانى والزانية ولكن ما تكتب يتضرر منه الملايين من البشر
عموماً كتر خيرك ،،،
صديق الموج
|
عزالدين عباس الفحل
ابوظبي ...
|
Post: #151
Title: Re: الصفايح في البــورد ..
Author: د.نجاة محمود
Date: 05-22-2012, 04:25 AM
Parent: #150
Quote:
عباس ياود عمى ............سلام
زنا عديل كده واللا شروع فى الزنا ؟
يازول انت ماعندك عتيد ورقيب واللا شنو؟؟
يازول انا بكتب هنا لى ثمانية اعوام ومر من هنا ناس كبار
نسء ورجال لم اسمع منهم مثل هذا
والذى نفس صديق وعباس بيده انا ارى فيما تكتب
انت عن الانقاذ ما يستوجب الحد ولكن انت حر فيما تكتب
والذى تفعله الانقاذ يفوق الزنا بكثير إذ يتضرر من الزنا
الزانى والزانية ولكن ما تكتب يتضرر منه الملايين من البشر
عموماً كتر خيرك ،،،
صديق الموج |
قرقررقررقررقررقرر @ الانقاذ
هل علق الموج صور نساء عاريات ولا لع؟
الموضوع مافيه اي سياسة ولا انقاذ و بعث ولا حركة شعبية
الموضوع موضوع راجل عجوز و جد علق صورعريانة واتكلم كلام سفاهات في محل عام يقراه عدد من الناس باعمار مختلفة ومن النوعين
الكلام دا صاح ولا غلط؟؟؟
اتقبضت بالثابتة يا ابو شنب وشيب
افتح بوست اعتذر للامة دي ولروحك ولاهلك عن هذه السقطة
"والصقر" ان وقع كتر البتابت عيب
|
Post: #152
Title: Re: الصفايح في البــورد ..
Author: صديق الموج
Date: 05-22-2012, 04:48 AM
Parent: #151
؟Quote:
الموضوع مافيه اي سياسة ولا انقاذ و بعث ولا حركة شعبية
الموضوع موضوع راجل عجوز و جد علق صورعريانة واتكلم كلام سفاهات في محل عام يقراه عدد من الناس باعمار مختلفة ومن النوعين
الكلام دا صاح ولا غلط؟؟؟ |
انا بخت ليك الصور الكنت خاتيهم هنا بس انت اكتبى الجمله الكتبها ليك اخوك فى البوست ممكن؟
عباس انت مالك ماداير تسأل نجاة من الجمله دى خجلان واللا شنو؟
اكتبها ليك عشان عباس يقيم فيكم الحد وكان ما سألت من الجمله دى ياعباس
تكون اتلومت ؟؟
|
Post: #153
Title: Re: الصفايح في البــورد ..
Author: د.نجاة محمود
Date: 05-22-2012, 04:55 AM
Parent: #152
اها قمنا للكذب والف والدوران كتب ليانا دي !!!!!!؟؟؟؟؟؟
اخوي ما كتب لي اي كلام ولا اذكر ذلك انت المذكرو ما تجيبو؟
ليه عايز تطلع اشاعة انه اخوي كتب لي كلام كعب؟
افتح بوست وجهو لاخوي وهو رجل اربيعني بالغ راشد وله شخصيته الاعتبارية
واسالو تسالني انا ليه؟
اسع ممكن انا اسال من يليك عن الصور العريانة العلقها جدهم وابوهم؟
بعدين شنو تعلق الصور تاني عايز تسجل عاصي وجنبك 10 صلايب.(وش ضاحك لاخر سن)
|
Post: #154
Title: Re: الصفايح في البــورد ..
Author: الخير محمد عوض
Date: 05-22-2012, 05:07 AM
Parent: #151
هل انزل صديق المج وحده هذه الصور؟ هل انزلها في بوست خاص به ام ان للبوست صاحب؟
لماذا لم توقع الدكتورة نجاة بالائمة علي من قام بأنزال البوست اصلا؟ كم عد قراء ومشاركي ذلك البوست؟
لماذا لم يوجه لود الموج هذا اللوم في حينه ( وقت انزال تلك الصور)؟ هل هناك مجموعة اخرى من الزملاء قاموا بانزال صور مشابهة؟
وفوق كل هذا وذاك ماذا ستجني نجاة او سيجني ود الموج من هذا الصارع الذي فيه من الخصومة والفجور والعداء ما لا يرضى كليهما وان ابديا خلاف ذلك؟
ارجو بل وادعو الله ان تقفا عند هذا الحد الذي لا طائل منه ولاننا وبأمانه كرهنا هذا العك واللت الذي لا يليق بكليكما.
احترامي وودي لكليكما.
|
Post: #155
Title: Re: الصفايح في البــورد ..
Author: عبد الصمد محمد
Date: 05-22-2012, 05:14 AM
Parent: #154
ياالخير يا اخوي انت ما عارفها نجاة ..أول مكا تخت ليها زول في راسها بيبقي عندها أوبسشن تلاحقه محل محل ذي توم وجيري
|
Post: #156
Title: Re: الصفايح في البــورد ..
Author: صديق الموج
Date: 05-22-2012, 05:18 AM
Parent: #154
Quote:
اها قمنا للكذب والف والدوران كتب ليانا دي !!!!!!؟؟؟؟؟؟ |
طيب كتب لى منو؟ مش انت قلتى لى الرجال جوك وكتب ليك
الكلام البنسبه ليك عادى الممكن الزول يكتبه لى اخته ؟
جابت ليها نكران كمان...
طيب مادام اخوك مادايره تسأليه و قلتى لى امشى اساله
انت سالنى انا مالك ومالى؟
طيب كتب شنو هو؟
|
Post: #157
Title: Re: الصفايح في البــورد ..
Author: عزالدين عباس الفحل
Date: 05-23-2012, 04:54 AM
Parent: #156
.
|
Post: #160
Title: Re: الصفايح في البــورد ..
Author: ناصر احمد الامين
Date: 06-06-2012, 10:01 PM
Parent: #157
الصفايح عرفناها
الجرادل .. شنو؟؟ يا كافي البلا.
_________________
ياما في الصفايح من مظاليم
|
Post: #161
Title: Re: الصفايح في البــورد ..
Author: حبيب نورة
Date: 06-06-2012, 10:17 PM
Parent: #160
Quote: ياما في الصفايح من مظاليم
|
علي اليمين الراجل ده بقول كلام زي الفل :)
لكن ناس الدنيا الله يديهم بُنية :)
|
Post: #162
Title: Re: الصفايح في البــورد ..
Author: فايزودالقاضي
Date: 06-07-2012, 01:33 AM
Parent: #161
انتو بتاعة الصفيح دي مشت وين ؟!!
|
|