وأهم شيء تشوفي عندكم هناك خدمة ما بعد البيع وهي الصيانة وتوفر قطع الغيار
وتقارني بين الوكيلين
لأنو شايف ناس السعودية أصروا على تايوتا وذلك لأن الوكيل في السعودية بقدم خدمات ما بعد البيع بمستوى جيد ومراكز الصيانة منتشرة في كل مدينة وكل حي تقريباً بالإضافة إلى وفرة قطع الغيار والتي هي أيضاً ليست من جانب الوكيل فحسب ولكن في السوق بصورة عامة لأن السوق ولسنوات طويلة يمثل سوق لبيع قطع غيار التيوتا ليس داخل المنطقة فحسب ولكن للتجار الذين يأتون من بلدان أخرى (أفريقية) لذلك كان حظ تايوتا من توفر قطع الغيار كبيراً في السعودية
لكن لو وكيل النيسان عندكم موفر قطع الغيار والصيانة بأسعار كويسة وفي سهولة في الحصول على الخدمة فعليك بالنيسان (باثفايندر)
Post: #46 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-13-2011, 06:36 AM Parent: #21
Quote: دكتورة دي منو!؟
دكتورة دي أنا عندك إعتراض؟
Post: #44 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-13-2011, 06:04 AM Parent: #20
يا فقيري
Quote: وأهم شيء تشوفي عندكم هناك خدمة ما بعد البيع وهي الصيانة وتوفر قطع الغيار
وتقارني بين الوكيلين
دي من أول الحاجات الختيتا في إعتباري عندنا هنا الحاجات دي ما فيها مشاكل كبيرة سوق مفتوح وخيارات متعددة ما بيحكمها فقط الصيانة والآفتر-سل سيرفس بالإضافة لإنو وزي ما ذكرت فوق إستهلاك العربية ما زي في السودان هناك تجار الإسبيرات هم البيتحكموا في سعر ومدى قبول العربية
التويوتا ما في عربية بتحصلا من ناحية توفر قطع الغيار بس تايوتا ماااااااا دايرووووو
بعدين إنت لما نجي نهدي ليك بنسأل من الألماني سيد العربات قاطبة ..
Post: #16 Title: Re: إستفتاء مستعجل: باجيرو ولا باثفايندر؟ Author: محمد إبراهيم علي Date: 12-12-2011, 12:36 PM Parent: #9
لا هذا ولا ذاك اذا كنت برة السودان اقعي الامريكي الفورد اكسبلورر من احسن العربات الفور ويل درايف وسعرو اقل من النيسان وعندهم الموديل الجديد (رهيييب مرررة ) وقطع غيارو ارخص من النيسان اما لو كنت مصرة : باثفايندر لو كنت برة السودان (Re-sell Value) بتاعتو اعلى من الباجيرو باجيرو لو كنت في السودان وكيلهم جيد وخدمتو ممتازة غايتو انا جربت المتسوبيشي من الخرطوم الى ابوجابرة عن طريق ابو زبد ورجل الفولة وكان ممتاز جدا في الرمال والقيزان بتاعة جنوب كردفان
Post: #18 Title: Re: إستفتاء مستعجل: باجيرو ولا باثفايندر؟ Author: حمد عبد الغفار عمر Date: 12-12-2011, 12:51 PM Parent: #16
باثفايندر متعة
المستشوبيشي دا أنا بكش منو ساي كدا
بتهلهل بسرعة واسبيراتو زي ما قالو نار
Post: #55 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-13-2011, 11:47 AM Parent: #18
Quote: المستشوبيشي دا أنا بكش منو ساي كدا
بتهلهل بسرعة واسبيراتو زي ما قالو نار
يا حمد أول مرة أسمع عن متسوبيشي يتهلهل أمال الكوري الفاكينو في السودان دا يكون شنو؟
.. . ما تسمعى كلام ملاسي دا كان سايق بوكس ميتشوبيشى ما استيشن :) ومن سابق تجربة شخصية بقول ليك الباثفايندر .. وامشى قوقلى واعملى كمبريسون بينهم زى الداير تشترى موبايل مثلا .. :)
اسد والله .. بس ركزى فى اللون الاحمر القانى .. ------------
Quote: بعدين ـ معليش ـ يا تيسير .. سؤال كدة محيرني !!
إنتي عايزة تمشي ( صيد ) مقناص !!
يا مولانا ياها قسمتي مع البنات
لا أطيق الصالون فليحيي الفورويل ويبلغ مناهو ..
العبادي وسرور زاتهم لو حاضرين كانوا غنوا ليهو بدل الفيات ..
Post: #53 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-13-2011, 11:03 AM Parent: #16
يا محمد إبراهيم خليت اليابان مرقتها لينا في أمريكا؟
لسبب أنا ما بعرفو كنت مستبعدة العربات الأمريكية قد تكون الآراء الإنطباعية البسمعا من الناس الحولي
كلامك دا خلاني أعيد النظر وأوسع دائرة الخيارات أكتر
ــــــــ غايتو بعد البوست دا شكلي كدا حا أصرف نظر مش أعيدو وأبقى على عربيتي الحالية مالا؟ لذيذونة وحنينة وما خسرتني من يوم جبتها غير حق البنزين وغيار الزيت
لو ح تفسحيني بيها المرة الجاية؛ تبقي الباجيرو خير وبركة :)
Post: #68 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-15-2011, 07:37 AM Parent: #32
يا حبيب نورة إنت بس تأمر
على أن تكون الفسحة في المرة الجاية "أقل إزعاجاً"
Post: #33 Title: Re: إستفتاء مستعجل: باجيرو ولا باثفايندر؟ Author: محمد البشرى الخضر Date: 12-12-2011, 03:18 PM Parent: #31
باجيرو يا ابو التا the winning team ديل جننو الراليهات جن الحبتور في السيرفس و التعامل احسن من المسعود - رغم انهم اغلى 2011 عليها عروض رهيبة تأمين مجاني و ضمان خمسة سنة .. إلخ الفل اوبشن فرقه ما كتير من اتنين وتلاتة
_____________________
اهم شي المساحة اكبر قدام , و البلاتين بكون بعيد من السكان لو حصل حاجة كدا ولاّ كدا ههههههههههههههههههههه
Post: #71 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-19-2011, 05:19 AM Parent: #33
Quote: باجيرو يا ابو التا the winning team ديل جننو الراليهات جن الحبتور في السيرفس و التعامل احسن من المسعود - رغم انهم اغلى 2011 عليها عروض رهيبة تأمين مجاني و ضمان خمسة سنة .. إلخ الفل اوبشن فرقه ما كتير من اتنين وتلاتة
ود البشرى .. مفكرة جادة كدا لو يوم لقيت لي فرقة زمن أقعد أحصر وأفرز الآراء الوردت هنا ونشوف الويننق تيم بالجد هسي البروف محمد إي سليمان لو في كان أدانا النجيضة في دقيقتين
Quote: اهم شي المساحة اكبر قدام , و البلاتين بكون بعيد من السكان لو حصل حاجة كدا ولاّ كدا ههههههههههههههههههههه
لوووووولز البلاتين في الحجا والنجا ياخ الدكتور أثناء الـ DON'Ts البعد العملية قال لي تاني تعملي حسابك شديد لأي فعل أو رد فعل تعمليهو لأنو ممكن يأثر سلباً بلابلابلا قلت ليهو يا دكتور يعني ممكن البلاتين دا تحصل ليهو حاجة؟ قال لي العملو ربنا حصلت ليهو حاجة يبقى العملتو أنا ما حتحصل ليهو؟
النيسان عربات جيدة واسبيراتها متوفرة واسعارها معقولة خاصة في الخليج طبعا لما الواحد يسوق عربية جديده مابفكر في مسألة الاسبيرات بس لاقدر الله احياناً التأمين حتى لو كان شامل (عنده ليمتد معين) لايغطي كل الاصلاحات . عشان كده النيسان في رايي هي الخيار الافضل . بالمناسبة النيسان نزلو عربية فور ويل كشكاي حاجة جميلة وفخمة وحجمها متوسط ... كدي طلي عليها اضافة الى انه ماسايقنها كثير .
ــــــــــ الهوندا لو لقيتي فرقة برضو افضل من الخيارين سي ار في جميلة وانيقة ..اديها طلة كدي .
مبروك مقدماً وربنا يكفيك شر الحديد ويديك خيره يارب .
Post: #35 Title: Re: إستفتاء مستعجل: باجيرو ولا باثفايندر؟ Author: Deng Date: 12-12-2011, 03:35 PM Parent: #34
تيسير.
لا يوجد أدنى وجه مقارنة بين الMitsubishi Pajero وال Nissan Pathfinder من حيث الجودة. ال Nissan Pathfinder أفضل بكثير. أما موضوع توفر الأسبيرات ده شئ أخر.
Post: #81 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-21-2011, 06:00 AM Parent: #35
يا دينق مالك زعلان من المتسوبيشي كدا
كلامك ممكن يكون صاح لكن من قبل فترة بديت أعمل مسح للعربيات الفي الشارع عندنا وتركيزي كان أكتر على العربيتين ديل تتخيل لقيت إنو وبدون وجه مقارنة نسبة الباجيرو للباثفايندر أعلى بكتير!
من الكلام دا ممكن نطلع بحقايق كتيرة حول الإتنين ..
Post: #36 Title: Re: إستفتاء مستعجل: باجيرو ولا باثفايندر؟ Author: Adil Al Badawi Date: 12-12-2011, 03:52 PM Parent: #34
سلام يا تيسير وحمداً لله على سلامتك، شنو الحكاية ما صدّقتي شميتي العافية قلتي تلحقي موسم لقيط الفقع.
إجابة على استفتائك نقول: لا هذا ولا ذاك ولا حتى البرادو!
Quote: وليه؟
Quote: الدفار كنبو حار
فعلاً العربات دي كلّها من ذوات الضهر الحار. لذا، لو ما عندك ملاواة offroad أقعي ما يصنّف حالياً في خانة الـcrossovers مثل شيفروليه ترافيرس، جي إم سي أكاديا، فورد إيدج، فورد فيليكس وحتى مازدا إكس ناين ومعظمها يتوفّر بها خيار أول ويل درايف مع إنّو ما أظنّو ينستر معاك لو بقيتي من هواة التطعيس (ههه).
ولو الميزانية مفتوحة قولي عشان نقترح ليك من إينفينيتي كيو 35 (زمان كان عندهم حاجة كدا عبارة عن باثفايندر الشكل القديم؛ القبل موديل 2006) وأودي كيو 7 وبي إم دبليو إكس 5 وإكس 6 ومرسيدس إم إل وحتى بورش كايين!
أمّا إن كان لا بد من الفور باي فور، فالأمريكي مثل فورد إكسبلورر، كما نصحك محمد إبراهيم، ممتاز وإن كنت أفضّل الدودج ديرانقو مع إن الباثفايندر (والسيكويا كمان) صناعة أمريكا الشمالية (عاد وين في أمريكا الشمالية؟! نقول ممكن فوق ممكن تحت)
وفي حفظ الله، في الحل وفي الترحال.
الأودي، لو ضمن الميزانية، كيو...كيو (مُشْ إكس) 7
Post: #39 Title: Re: إستفتاء مستعجل: باجيرو ولا باثفايندر؟ Author: Nazik Eltayeb Date: 12-12-2011, 04:29 PM Parent: #36
باثفايندر يا تيسير ما يخموك النيسان تميز و التميز برضو مطلوب * وباثفايندر فيها لمسة كدة جميلة يعني بتنفع مدينة وخلا يعني شغل و سفاري لكن الباجيرو دي زيها وزي التاتشر مرات انتي ماشة تحاربي
----------- بالمناسبة الباثفايندر اضيق من جوة شوية
* عارفة حكاية التميز دي ماتهمليها بعت عربتي واشتريت جياد قام يوم في واحد اتزنق من وضع عربيتي في الباركنق وطلع بصعوبة بعد انتهي رجع خلف وقال لي انعل ابو جياد الركبتكم عربات (مسخ علي عربيتي ) عشان كدة اتميزي يا بتي و سكتي الخشامة اسي انا لمن تجي مارا بي جمبي همر و مرسيدس جديد او بي ام دبليو طوالي بزح ليها من الطريق وشعاري احترام الكبير واجب باستثناء البرادو مع اني بحبها لكن بقت مبتذلة عشان كدا ما شغالة بيها
Post: #86 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-21-2011, 07:25 AM Parent: #39
يا نازك بالعكس الباثفايندر أكبر برة وجوة من الباجيرو
قبل كم يوم صادف وأنا بعاين بي مراية العربية لقيتم ليك الإتنين ماشين وراي تتخيلي الباجيرو براها كدا روعة لكن لما تختيها جنب الباثفايندر بتلقي التانية أفخم ..
Quote: اسي انا لمن تجي مارا بي جمبي همر و مرسيدس جديد او بي ام دبليو طوالي بزح ليها من الطريق وشعاري احترام الكبير واجب
أنا نفس الحكاية والكبير كبير عربيات زي دي لو عملت أي حركة ما لذيذة في الشارع برضو ذنبها مغفور
Quote: باستثناء البرادو مع اني بحبها لكن بقت مبتذلة عشان كدا ما شغالة بيها
هيييع وينك يا فلان تجي تسمع الكلام دا ..
Post: #82 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-21-2011, 06:29 AM Parent: #36
سيدي البدوي والله ما قصرت معاي كلو كلو مداخلتك دي حا أحتفظ بيها قايدنس لي قدام كلما أنوي أشتري عربية
بس شايفاك برضو مميل على الأمريكي زي محمد إبراهيم طبعاً بعد كلامكم دا بديت أرجع البصر كرتين وتلاتة وأربعة كراكير وأدينا الأمريكي نظرة وعرجنا على الألماني لا يفيقنا من إطالة النظر والتحديق إلا صوت جواني زار بالأمس خيالي يردد: هوي .. عربيات عادل الألمانية دي في الخطة الخمسية القادمة أصلي ناوية عليها نية سودا ولكن ليس الآن
يعني هسي أنا أموت ويدفنوني تحت التراب بدون ما أكون سقت البي إم دبليو على سن ورمح؟ لا والله لا يكون هذا أبداً
هسي يجيني من يقول قولي إن شاء الله
الأمريكي إحتمال كبير آخد برايك إنت ومحمد إبراهيم ويمكن دا الخلى عامل الإستعجال الفي بداية البوست ينتفي المهلة كويسة والعجلة من الشيطان (وايل) العربية من الرحمن
ـــــــ قال ليك جحا فلّس وقرر يبيع الحمارة بتاعتو صحا من الصباح قال لي مرتو أنا قايم ماشي السوق أبيع الحمارة دي وأشيل قروشا أعمل بيها طبلية نسترزق منها قالت ليهو يا راجل قول إن شاء الله قال ليه؟ دا أنا ودي الحمارة ودا السوق يعني الحيحصل شنو؟ مرق لاقوهو ليك رباطية دقوهو دق العيش وشالوا الحمارة رجع البيت مورم ودمو سايل كو كو كو مرتو قالت منو؟ قال ليها افتحي دا أنا راجلك إن شاء الله
Post: #83 Title: Re: إستفتاء مستعجل: باجيرو ولا باثفايندر؟ Author: khaleel Date: 12-21-2011, 06:37 AM Parent: #82
صاحبة البوست انصحك نصيحة لوجه الله ولا اريد منكي جزاء ولا شكورا
المتسوبيشي عموما هي احدى اسواء (اسواء) السيارات بالذات في السودان ووالله وماطالباني حليفه لو ادوني بالجيرو هديه حأعتذر
لأنها بصراحة عربات ماسورة
ماسورة في كل حاجة
اولا الصيانة الصيانة البيقدما الوكيل او وكلاء الوكيل سيئة جدا جدا جدا وغالية جدا جدا جدا ثانيا الرعاية المتسوبيشي محتاج رعاية خاصة جدا جدا جدا زي رعاية الاطفال الرضع يعني بي اختصار بدل ما تعينك العربية حشان تشوفي اشغالك حتحتاجي تتفرغي تماما لرعاية العربية المتسوبيشي بتاعتك ثالثا السوق في السوق السوداني العربية المسوبيشي ماعندها قيمة بالمقارنة مع سعرها وهي جديدة
بإختصار شديد الا هل بلغت اللهم فشهد
.......
Post: #72 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-19-2011, 06:13 AM Parent: #34
تسلمي يا نجلاء ..
Quote: بالمناسبة النيسان نزلو عربية فور ويل كشكاي حاجة جميلة وفخمة وحجمها متوسط ... كدي طلي عليها اضافة الى انه ماسايقنها كثير .
الكشكاي في نظري فيها عيب كبير في الدزاين البراني ما أظنها تنفع معاي لكن باقي كلامك عن النيسان بتفق معاك فيهو ..
الهوندا دي ممكن أسوقا من بعيد ليعيد لكن تكون حقتي ماااا أظن لا بحبها ولا بكرهها الهوندا فشلت في إنها تخلق علاقة عاطفية بيني وبينها ودي من أهم مواصفات العربية المفروض تكون معاي
بتكلم مع صديق قبل يومين قلت ليهو لو أخدت باجيرو "وهي العاجــباني أكتر" حفضل بعديها أفكر في الباثفايندر لكن لو أخدت باثفايندر ما أظن أشتري أو أفكر في باجيرو تاني
حاجة غريبة مش؟
Post: #41 Title: Re: إستفتاء مستعجل: باجيرو ولا باثفايندر؟ Author: Adil Osman Date: 12-12-2011, 05:56 PM Parent: #1
منو الحيدفع القروش؟ وكيفية الدفع؟ اقساط ولا كاش داون داون حكومة الانقاذ؟
انصحك بالمشي والمواصلات العامة عشان الضغط والسكري والهارت والآتو
___
لو ما شالتك الارض ولا العربية نشيلك على كفوفنا يا تيسير
Post: #47 Title: Re: إستفتاء مستعجل: باجيرو ولا باثفايندر؟ Author: أيمن الطيب Date: 12-13-2011, 06:40 AM Parent: #41
الباثفايندر لعلمك أصبحت سيارة امريكية الطعم والمذاق من الموديل 2006 وتصنيعو وتجميعو كلو أمريكى ياخ البورى بتاعو دا بقى ما صوت بورى يابانى وتابانى,,
المحرك ال4.0 أو 4.2 دا يا اللخو كلامو خلو بس أبقى صاحى شديد,, تشد وتركب 3 أو 4 سنين ما بتغير غير زيت وفلتر وكلو تحت الضمان إلا بس قعادو ما مريح شديد مقارنة بالباجيرو..وقدر ما الله يجيبك جنب محطة بنزين خش واسكت كب ساى,,حسابنا فى البنك وبنزينا فل تنك..
الباجيرو عربية عظيمة وتتمتع بميزات كبيرة لكنك ضيعتىيها بالمقارنة مع الباثفايندر,, لكن كان بقيت زول قيزان وطعوس ورمال خليك مع الباجيرو فتصميمو روعيت فيه هذه الظروف ..
*يا تبلدينا باثفايندرك دا والله ما ناقصو شى غير كوز كبير حتى يسمع صوته من ود بندة لمن هم فى بارا وخور طقت وما تنسى تكتب فيه من ورا (خمسة سنين طويلة) ...
Post: #48 Title: Re: إستفتاء مستعجل: باجيرو ولا باثفايندر؟ Author: omer osman Date: 12-13-2011, 07:17 AM Parent: #47
Quote: المتسوبيشي عموما هي احدى اسواء (اسواء) السيارات بالذات في السودان ووالله وماطالباني حليفه لو ادوني بالجيرو هديه حأعتذر
لأنها بصراحة عربات ماسورة
ماسورة في كل حاجة
اولا الصيانة الصيانة البيقدما الوكيل او وكلاء الوكيل سيئة جدا جدا جدا وغالية جدا جدا جدا ثانيا الرعاية المتسوبيشي محتاج رعاية خاصة جدا جدا جدا زي رعاية الاطفال الرضع يعني بي اختصار بدل ما تعينك العربية حشان تشوفي اشغالك حتحتاجي تتفرغي تماما لرعاية العربية المتسوبيشي بتاعتك ثالثا السوق في السوق السوداني العربية المسوبيشي ماعندها قيمة بالمقارنة مع سعرها وهي جديدة
ياحذيفة ياااااااخ رشيت ناس (دال) ديل رش ما عادي
بالتأكيد ربما لديك تجربة سيئة مع الوكيل لكن التعميم مخل جداً وظالم لشركة (دال) وللمتسوبيشي
وسيارات الميتسوبيشي اثبتت قدرتها وجودتها في الشارع السوداني وما ادل على ذلك من كونها
السيارة الاكثر استخداماً بواسطة الشرطة لانسر وبكاسي واوت لاندر وباجيرو ودفار ...الخ
وبرغم طبيعة العمل الشاق والكثيف للشرطة اثبتت المتسوبشي جدارتها ولا اظن ان هناك شركة
في السودان تهتم بعملاءها كا اهتمام شركة دال بهم ولديها قسم مخصص لرضاء الزبائن ... ياااخ
ناس دال ديل لو اشتريت منهم طقم بلكات بضربوا ليك تاني يوم يستفسروك عن جودة الخدمة والسرعة
والسعر ........ الخ وكل الشكاوي ترفع في تقارير يومية للادارة لاجراء اللازم .....
اقول قولي هذا وانا الان لست موظفاً لدي شركة دال ......
Post: #49 Title: Re: إستفتاء مستعجل: باجيرو ولا باثفايندر؟ Author: محمد عبد الماجد الصايم Date: 12-13-2011, 07:30 AM Parent: #47
Q35 ياخ! بالعدم مورانو!!
Post: #50 Title: Re: إستفتاء مستعجل: باجيرو ولا باثفايندر؟ Author: سامي عبد الوهاب إدريس Date: 12-13-2011, 08:24 AM Parent: #49
السلام عليكم ورحمة الله وبركاته
جربت الباثفايندر (موديل 2007) لمدة 4 سنوات تقريبا, تجاوزت المسافة التي قطعتها السيارة 83000 كيلومتر وكانت من أحسن ما يكون وعند البيع لم أفقد من قيمتها أكثر من 50000 ريال سعودي... السيارة قوية ومريحة وأنيقة بس يبدو أن في السيرفيس بتاع ال80000 كيلو أو قبل ذلك يجب أن يتغير الtiming belt مع كل القطع المرتبطة بهذا الأمر (لأن هذه القطع يبدو أنها ليست بالقوة المطلوبة): وهذا أقصى ما حصل معي.
بس أنا الآن مع الرأي الذي يميل للأمريكي ال all wheel drive زي: جمس أكاديا أو شيفروليه ترافرس... وأحسن من دا كلو فورد إكسبلورر الجديدة 2012 رهيييييييييييييييييييييييييييييييبة
لكن متسوبيشي باجيرو لااااااااااااااااااااااااااااااااا
Post: #51 Title: Re: إستفتاء مستعجل: باجيرو ولا باثفايندر؟ Author: عثمان عبدالقادر Date: 12-13-2011, 08:30 AM Parent: #49
Quote: سيارتي السابقة والحالية باجيرو ما بتخزلك ابدا مشيت بيها السودان وكمان هي حاليا معاي في السودان قطع الغيار اغلى من التايوتا بي شوية
أنا مع رأي صالح لأني أمتلك باجيرو م .2006 ومريحني جداً بس بصراحة الموضوعية بتقول لو عايز فخامة وقوة في التحمل فعليك بالباجيرو شرط أن يكون أوتوماتيك ترانسميشن ولو عينك على البيع مؤخرا فعليك بالباثفايندر إذا كانت الميزانية الموضوعة على قدر الخيارين خاصة في السعودية.
ابو حمــــــــــد
Post: #52 Title: Re: إستفتاء مستعجل: باجيرو ولا باثفايندر؟ Author: أبو ساندرا Date: 12-13-2011, 09:22 AM Parent: #51
لو مقيدانة ب يا واللا ،، انا مع الباثغايندر
لو نقول النصيحة بدون تقييد فان نجلاء قرافي ومعاذ السر ادوك ليها : هوندا (CRV ) وللأسرة ( MRV ) وهي ركوبة بنتي ماهيتاب ولكن كل يوم بشدها منها
Quote: الهوندا لو لقيتي فرقة برضو افضل من الخيارين سي ار في جميلة وانيقة ..اديها طلة كدي .
دي نصيحة نجلاء قرافي اما معاذ السر فعلق ليك صورتها
Post: #54 Title: Re: إستفتاء مستعجل: باجيرو ولا باثفايندر؟ Author: تيسير عووضة Date: 12-13-2011, 11:31 AM Parent: #52
ياخوانا اتفقوا عشان أنا راسي ابتدا يلف
باجيرو ولا باثفايندر ولا باأمريكي؟
ــــ صدق من قال شراء العربية زي الدخول في عرسة
Post: #56 Title: Re: إستفتاء مستعجل: باجيرو ولا باثفايندر؟ Author: أبو ساندرا Date: 12-13-2011, 11:47 AM Parent: #54
قالوا يا بتنا العاقل من اتعظ بغيره وقالوا الشقي بشوف في روحو والسعيد بشوف في الناس
احكي ليك بالتفصيل تجربتي مع الماسورة اقصد(المتسوبيشي)
اولا 2 بوكس اسبورتيروا 2009 بعد ما تمو سنة مباشرة دخلو عمرة كاملة للمكنه يعني قدت مكنة في سنة كلفتنا العمرة الواحدة للعربية الواحدة 27مليون يعني للعربيتين 54 مليون وبعد العمرتين للعربيتين بي شهرين برضو حصل الحصل ودخلنا في عمرة للعربيتين كلفتنا حوالي 40 مليون
الباجيروي سمحة سماحة جمل الطين عباره عن شكل جميل ومريح من الخارج لكن تحتاج عشان تمتلك باجيرو انك تعين ناس عشان يراجعوها ليك بشكل يومي لأنو اذا دخلت عمرة التكلفة حتكون حوالي 60 مليون
ودا غالبا بيظهر في السنة التانية طوالي
الدفار المسوبيشي ممتاز جدا جدا جدا ومافيهو كلام لكن اياك ثم اياك تعمل ليهو صيانة او حتى غيار زيت في دال لأنهم حيرقعوك بي فاتورة لو قسمت على اهل الارض لكفتهم
القلاب المتسوبيشي ممتاز جدا جدا جدا ومافيهو كلام بس الصيانة في دال مكلفة جدا جدا جدا جد
تيسير
الا هل بلغت؟؟
.....
Post: #63 Title: Re: إستفتاء مستعجل: باجيرو ولا باثفايندر؟ Author: أحمد الشايقي Date: 12-13-2011, 02:23 PM Parent: #61
باثفايندر يا تيسير,
سيارة ما تخلص أبداً وقوية وسلسة ورياضية ومتعددة الأغراض,
من 2006 الحجم أصبح كبير شوية ولكن قوة الماكينة وسعتها زادت أيضاً,
إذا كانت هناك فرصة ومش محتاجة للحجم الكبير خدي نيسان مورانو,
تحية
أحمد الشايقي
Post: #64 Title: Re: إستفتاء مستعجل: باجيرو ولا باثفايندر؟ Author: Fathi Ali Mohammed Date: 12-13-2011, 02:52 PM Parent: #63
باجيرو (عن تجربة) أما اذا كانت الخيارات مفتوحة عليك بالأمريكي
بالتوفيق.
Post: #65 Title: Re: إستفتاء مستعجل: باجيرو ولا باثفايندر؟ Author: احمد التجانى احمد Date: 12-14-2011, 12:19 PM Parent: #64
لولا اختلاف الاذواق لبارت السلع لكن برضو ايش جاب لجاب مع احترامى لشركة ميتسوبيشى العملاقة كشركة صناعات كهربائية (التحية للاخ دكتور خالد حسن حسين زوج زميلتنا سناء خالد رد الله غربتهم , هو من العباقرة الذين ساهموا فى نهضة ميتسوبيشى الكهربائية) ولكن كشركة سيارات فسورى كبير ليهم , ما هو حجم مبيعاتهم فى العالم او بمعنى اكثر دقة كم زبون فى العالم اقنعته هذه الشركة ان يقتنى احد منتجاتها , انتشار ميتسوبيشى فى السودان ليس بالقياس الجيد حيث ان الدولة هى الزبون الاكبر او الوحيد لهذه السيارة اما بالنسبة لشركة نيسان احترمها جدا ولكن لديهم على الدوام مشاكل تسويقية وترويجية وضعف متذايد فى خدمات ما بعد البيع , اذكر فى عام 2005 كنا حضورا فى احد مؤتمرات تويوتا بمدينة ناقويا باليابان حين خاطبنا احد كبار المدراء التنفيذيون ساخرا من شركة نيسان بان مجموع الفائض فى المبيعات فوق المستهدف لتويوتا خلال اربعة سنوات يعادل ما تنتجه نيسان فى السنة , وقال كاننا بنينا شركة مثل نيسان من فائض المبيعات المهم , البرادو هو الحل ولو شايفاها بقت مبتذلة زى ما قالت واحدة من الاخوات فوق او شعبية شوية , عليك باللكزس GX
Quote: ما تسمعى كلام ملاسي دا كان سايق بوكس ميتشوبيشى ما استيشن :)
Quote: يا تبلديكم بالله ملاسي بي جعاصتو دي كلها راكب بوكسي؟
______ لكثرة تكرارها بت أخشى أن يكتب علاء الدين مخاطباً دينق: بعد ما انفصلتوا مالك و مال العربات الدايرين يشتروها السودانيين
Post: #67 Title: Re: إستفتاء مستعجل: باجيرو ولا باثفايندر؟ Author: معاوية عوض الكريم Date: 12-14-2011, 01:33 PM Parent: #66
اشتريتي ولا لسه ؟
Post: #69 Title: Re: إستفتاء مستعجل: باجيرو ولا باثفايندر؟ Author: أيمن الطيب Date: 12-15-2011, 08:31 AM Parent: #67
Quote: صدق من قال شراء العربية زي الدخول في عرسة
والله شكلو كدا العرسة اسهل كتير من
Post: #70 Title: Re: إستفتاء مستعجل: باجيرو ولا باثفايندر؟ Author: سيف بخيت موسي Date: 12-15-2011, 09:00 AM Parent: #69
هوندا بايلوت MRV
غايتو لو وكيله عندكم محترم وخدمات ما بعد البيع تمام ، اتوكلي
تحياتي تيسير وسلامي للجميع
Post: #73 Title: Re: إستفتاء مستعجل: باجيرو ولا باثفايندر؟ Author: nazar hussien Date: 12-19-2011, 08:44 AM Parent: #70
عليك بالكرايسلر....يا دكتورة...ولن تندمي ابدا
Post: #74 Title: Re: إستفتاء مستعجل: باجيرو ولا باثفايندر؟ Author: nazar hussien Date: 12-19-2011, 09:00 AM Parent: #73
أو دي...وبرضو ممكن بسهولة اضمن ليك عشرة سنوات من المتعة في القيادة...(مع زيت وبنزين وبس)
فولوكسواجن...
الاتنين مجربين...بجو السودان...وجو مشابه لليابان... في الطرق الوعرة والمعبدة...ومزودات بكل ما يعين النعام آدم عليه رحمة الله علي السياقة....بس تقولي لي اي عربية فيهم انتي ماشة وين في الدنيا ديا...
Post: #75 Title: Re: إستفتاء مستعجل: باجيرو ولا باثفايندر؟ Author: abas Date: 12-19-2011, 09:08 AM Parent: #74
11 خ
يا دكتوره
اضمن وسيلة مواصلات في الدنيا
وبالعدم اللكزس ميه ميه وتاني مافي
Post: #76 Title: Re: إستفتاء مستعجل: باجيرو ولا باثفايندر؟ Author: nazar hussien Date: 12-19-2011, 09:19 AM Parent: #75
شخصيا ضد فكرة انك تشتري عربية عشان تحافظ علي قيمتها السوقية... أشتريها للمتعة...وللمحافظة علي القيمة والسلامة الروحي لي ولعيالي...
الدلالين في السودان...رسّخوا فكرة...ان البوكس السيوبر موديل 83 أفضل من موديلات التسعينات...وموديل 78 اقيم من موديل 86... وهكذا...يقول ليك...دا سعرو فيه...ويكون هو زاتو كركباااااانة
ولي اليوم دا ...ماغصني زول بدل عربيتو المارسيدس...وكراسيها يلمعن...ومعطرة بالدواخول...بي بوكس معفن كده... بل وزاد هو زيادة كبيرة..
اها في مثل الحالات دي...مش عايز افهم الظروف الرتبت زي البيعة دي من اساسو....طالما المارسيدس قدرت وصلت الدلالة بي لساتكا
Post: #78 Title: Re: إستفتاء مستعجل: باجيرو ولا باثفايندر؟ Author: Isa Date: 12-19-2011, 08:21 PM Parent: #77
سـلام يا تيسير،، وحمد الله السلامة.. تاني!.. أنا بس مع (أبوساندرا) والشباب ال مـع الهوندا CRV ،، عن تجربة.. ومع الناس ال ما مع الكاشكاي.. عن تجربة (مريرة) لصديق وشاركته مرارتها لأني جريت معاهو، أو بالأصح جريت ليهو بسبب مشغولياته وشغله، وفي النهاية حلف من جنس نيسان.. ولا أفضل على ال CRV إلا ال Q7 زي ما رشحها ليك بعض الأخوة.. ومن تجربتي برضو العلاقة العاطفية ممكن تجي بعـد العـرس! أوبس أقصد بعد الشـراء أو حتى التجـربة،، وأظن أغلب الشركات لو ما كلها عندها نظام try & buy على الأقل في أوربا.. وبالتوفيق دوماً..
Quote: ماقلتو فلسطين...
.. حلوة يا تاج!
Post: #79 Title: Re: إستفتاء مستعجل: باجيرو ولا باثفايندر؟ Author: elhilayla Date: 12-20-2011, 01:06 AM Parent: #78
دكتور تيسير (المهن لا تؤنث) من تجربة شخصية توكلي علي الله وغمدي وفتحي وتووووووش باجيرو دي عربية كنت راكبها حتي خروجي من الامارات 10/10/2002 وما كلفتني غير غيار البنزين متينة، جعيصة،مأمونة وقطع غيارها متوفرة لو كنتي في ابو ظبي وكيلها اسرع من الريح المرسلة وما زال تربطني بهم صداقات الموديلات الاخيرة دي روعة
الداير أقوله معظمه قالوه الجماعة الفوق واتفق ان البرادو اصبحت اكتر من مبتذلة
المقارنة مع الباثفايندر فعلا صعبة لانها عربية محترمة اما أنا فلن التفت ربما عملا بمبدأ ( ما الحب الا للحبيب الاول)
اها شكلي محظوظ ختامه مسك ! بالله ادينا الخلاصة
وبالمرة ما تنسي حمل الكرامة وخلي لينا نصيبنا كان بقيتي علي الباجيرو
Post: #84 Title: Re: إستفتاء مستعجل: باجيرو ولا باثفايندر؟ Author: محمد سنى دفع الله Date: 12-21-2011, 06:41 AM Parent: #80
باثفايندر بدون كلام كتير انا عندي موديل 2008 وماشاء الله الصحة بمب عارفة عربية سايقه انا يعني تقعيها بدون كلام لانو بسوق بي اهمال بدوره اليوم كلو ما بنزل منها الا للنوم ماكينة قوية وفيها احسن مكيف لاتقولي شرق ولا غرب واطلعي من عقدة الكراسيدا والشنطة السامسونايت والانكروزروالسكروته وتوب ابوقجيجة والجاكار وربنا يديك العافية وتحققي احلامك مودتي
Post: #85 Title: Re: إستفتاء مستعجل: باجيرو ولا باثفايندر؟ Author: صديق الموج Date: 12-21-2011, 07:16 AM Parent: #84
تيسير الله يسهل ليك البتشتريها ويكفيك شرها ويطعمك خيرها المهم العربية القديمه رسليها جاى العنوان فى البروفايل اياً كان نوعها فهى سيارتى المفضله، ابشرك الشحن على .. اها قصرت معاك؟؟
Post: #87 Title: Re: إستفتاء مستعجل: باجيرو ولا باثفايندر؟ Author: وليد محمد المبارك Date: 12-21-2011, 07:39 AM Parent: #85
والله يا تيسير فيك حلات رشة في البوست ده
اكون طالبك
مبروك مقدما وتقطعيها بسواقة العافية
____________________________
اتوس بيضا عشان عربية شوق
Post: #89 Title: Re: إستفتاء مستعجل: باجيرو ولا باثفايندر؟ Author: Adil Al Badawi Date: 01-29-2012, 03:26 PM Parent: #87
Quote: يعني هسي أنا أموت ويدفنوني تحت التراب بدون ما أكون سقت البي إم دبليو على سن ورمح؟ لا والله لا يكون هذا أبداً
كنت أشاركك هذا الرأي حتى شاهدت جيريمي كلاركسون في أدناه يؤكّد أنّ بي إم دبليو إكس 5 وأودي كيو 7 وحتى رينج روفر عبارة عن خَسَار قروش ساكت. آمل أن يعجبك هذا الفيديو البديع رغماً عن الاحباط (!) لاسيما الأوسكار بتاع تشبيه جيريمي للبحث عن التوفير في أودي كيو 7 عبر تزويدها بمحرّك ديزل بأنّه "زي زول عاوز يخفّض تكلفة التدفئة، يقوم يطفي نظام التدفئة المركزية ويقعد يشيل ويحرق في لوحات رامبرانت يتدفّى بيها"