القيامة دي متين تقوم وتريحنا؟

(يسألونك عن الساعة أيان مرساها)



تسيطر علي "على غير العادة" فكرة الموت بصورة غريبة اليومين الأخيرين
وما أن أسرح مع نفسي ولا أغمض عيوني إلا وتجيني صورة مقابر وأكفان


بجي أضحك هنا وأهزر يمكن أنسى/أتناسى الفكرة
أقوم ألقى أخبار الزلازل والموت والحريق والتقتيل


أشعر بالإختناق ..

يا تيسير

بعد ما تشربي كباية اللبن إتمضمضي عشان الشيطان ما يدخل خشمك ؛)
ومن ثمّ أقري آية الكرسي،
أرقدي على يدك اليمين..
__
لو الوصفة دي ما نفعت ممكن نشوف ليك دكتور المكاشفي يجي يتصرّف معاك..

ما بقدر أقول أنا .. ما بقدر أصرّح!!

المصيبة يا ود الصايم أنا زاتي ما قادرة أقول وما قادرة أصرح



الحركة دي حصلت لي مرتين قبل كدا في حياتي الفاتت
وما عايزة أقول الحصل شنو بعديهم ..

ياسر

أنا من رايي نكلم دكتور المكاشفي من هسي ..

نفـس الشئ

اكثرى من الاستغفار والدعاء وقراءة القرآن

وقبل النوم المعوزتين واية الكرسى ,,,





وماتشاكلى الناس عشان تمشى نضيفه تبرى انشاءالله بعد خرف

منال ..


قاعدة تعرفي الحاجات القلتيها دي ولا سامعة بيها ساي عند الناس؟



يا ستي أحمد الله أنا ضميري صاحي 24 ساعة وما بخت راسي في المخدة وأنا شاعرة إنو زول شايل مني وأكون إتعديت عليهو دون وجه حق
ولو غلطت بعتذر من صميم الفؤاد

أي زول شاعر إنو زعلان مني بدون ما أقصد العفو والعافية
وأي زول زعلان مني وأنا كنت على حق وقاصدة خليهو يطرشق وأولهم إنتي

تيسير قولي بسم الله! دا شنو الكلام دا!

دا الشيطان ساي داير يزهللك ويخليك مكتئبة..

العني الشيطان واقري الفاتحة والمعوذتين..وما تمضمضي

خشمك باللبن عشان التسوس وكدا..

اعملي حسابك

الايام دي الشيطان مقلاص حايم

تيسير اذيك

حرام عليك مالك علينا دايره القيامه تقوم
قبال مانشوف رغيم عريس
و قبال ما نشوف ود جبريل رئيس
وقبال ما الجماعه يبالغو فى التحانيس
قبال ما الغذافى يفيق من جنو
ويقول
اسمعو واعو ايها المطاميس

انا راحل يوم الخميس
انا راحل يوم الخميس

انا راحل يوم الخميس

Quote: حرام عليك مالك علينا دايره القيامه تقوم قبال مانشوف رغيم عريس و قبال ما نشوف ود جبريل رئيس وقبال ما الجماعه يبالغو فى التحانيس قبال ما الغذافى يفيق من جنو ويقول اسمعو واعو ايها المطاميس انا راحل يوم الخميس

ست الكل فتحية ..

ربنا يحضرك عرس رغيم وأخوانو وتفرحي بيهم في حياة عينك
أنا زاتي عندي باقي حاجات عايزة أعملها وأتعلمها قبلما الحياة تنتهي

قبل كم يوم في المكتب زميلي مصري بيتكلم معاي
قال لي نزلت مصر يومين أسلم على بابا بعد الأحداث الأخيرة
الزول دا شعرو نصو أبيض
قلت في نفسي يا ربي بيجي يوم وأشوف سعد ولدي قدامي وشعرو مشيب؟

إحساس رائع ..

شياطين أكتر من جماعتكم ديل مافي يا ود الباوقة





مقلاص دا ياتو؟

Quote: تيسير قولي بسم الله! دا شنو الكلام دا! دا الشيطان ساي داير يزهللك ويخليك مكتئبة.. العني الشيطان واقري الفاتحة والمعوذتين..وما تمضمضي خشمك باللبن عشان التسوس وكدا..

يا دكتورة رشا بتبالغي لكن، طالما عندك روشتة جديدة
مفروض تخليها تكمل الكورسات الأونقوينق، أو تقلولي ليها ما تستخدمي أي وصفات قديمة، ولا شنو؟
وثم ثانياً موضوع اللبن
البيشن بتاعتك دي بتشرب لبن كلو يوم، فما تتمضمض بيهو دي عندها خيارين
1)يا تبلع اللبن كالكلوراكوين
2)يا كمان تأخد اللبن ده دربات
__
تيسير أسألي مجرب ما تسألي طبيب ؛)

http://www.anasudani.net/fourm/archive/index.php/t-6905.html

Quote: دا الشيطان ساي داير يزهللك ويخليك مكتئبة..

فكرة الشيطان دى اصلا فكرة عجيبة ... والاغرب انو يقوم بتوتير حياة الناس

وزهللتهم واكتئابهم( ساى)!!!

تيسير؛
{ لست عليهم بمسيطر }
صدق الله العظيم..

نعم يا محمد

(لست عليهم بمسيطر) ..

السودان ده قدر ما عافرناه ابى يتصلح

الناس يموتوا بالسرطان ونا س يدفنوهم حيين

وناس يدخلوهم في محلات كده ما تتعرف وين

ونقول لا خلاص بعد كده لازم الناس تشوف الموضوع ده كبر بكرة حتجوط والاحوال تتبدل

الناس دي صاااانة

تجى حرب عدييل كده

الناس صاااانة

يغتصبوا البنات عينك عينك ونقول لااااااا بعد كده ما فضل شي

وخلايق الله صاااانة

بالجد الواحد بقى بينو وبين الأمل أربعة فراسخ بحساب الفلك

يللا ......اهو زهج وبس

كدا كويس يا تيسير؟؟

أهو ده الموضوع بدا من اليابان....

نحن فعلا زهجانين لكن قيامة عدييل كده؟؟؟
-----------------



ما قلت ليك مشتاقة ليك قدر شنو

حبيبتنا تماضر ..
شوق كبير ليك ولكلامك الطاعم

البنشوفو ونسمعو كل صباح دا هو البجيب الإحباط
الناس إستمرأت الحاصل وبقت ما فارقة

لمتين نقعد نحلم بي وطن خير ديموقراطي
نحلم نحلم نحلم وحلم الجعان عيش
ولمتين نقعد نحلم بعالم سعيد "رغم تحذير الشاعر ذات يأس بألا نفعل"

عالم لا الطبيعة فيهو تغضب فتدمرالبشر
ولا البشر فيهو يغضبوا فتسيل الدماء


عن توقيع عصام جبرالله في الفيسبوك، عن نانسي عجاج، عن يحي فضل الله رضي الله عنهم
أنه قال:

(وسّع الأحلام واهرب منو ضيقك)

يا عبد الواحد الشيطان دا شماعة لمن يعجزنا معرفة سبب الزهللة والإكتئآب
مافي شي ساي في الدنيا دي أي شي عندو أسبابو المنطقية البيقوم عليها


ما قاعدة أؤمن بدور الشيطان في الحاجات دي ..

Quote: (يقول الشاعرالراحل المقيم حسن الزبير كنت يوم في المكتب فجأة جاني زميل من زملانا وقال لي أنا عايز أوسطك تخطبلي زميلتنا دي قلت ليه انتو متفاهمين؟؟ قال لي متفاهمين قلت ليه خلاص ان شاء الله في اليوم التاني قالت لي انا برد ليك بكرة ولمن جات في الصباح قالت لي أنا ما بقدر أتزوج زميلنا ده وذكرت لي بعض الاسباب قلت ليها انا حا أقول ليه مخطوبة واتفقنا على كده بعد داك جاني هو في المكتب جا وقف قدام التربيزة قال لي اها قلت ليه اقعد قال لي ما قاعد نجيب ليك شاي؟ قال لي ما دايرشاي قلت ليه طبعا زميلتنا دي امبارح اخدو الفرصة ومشو كلمو ود عمهاالكان خاطبا ورفض وقال ما بخلي بت عمو دي مهما كانت الظروف وبنات حواء كتار وربنا يديك الابرك منها قال لي يعني ما حا تتزوجني؟؟؟ قلت ليه طبعاً لانها مخطوبة وانت جيت متأخر يعني ما حا تعرسني؟؟ قلت ليه طبعاً ما حا تعرسك ضرب التربيزة وشتت لي الورق وقال لي ان شاء الله القيامة تقوم عشان الناس كلهم يتلخبطو في بعض المهم قالا بطريقة فيها نوع من الالم والحسرة أنا داعبتهم الاثنين بالقصيدة ان شاءالله القيامة تقوم عشان ريدك معاي ما بدوم ناس سهرانة طوالي وناس طول الليالي تنوم أشوف انا كيف حسابك يطول على الوعدالدوام ممطول وانا الشايف كتير أحباب بعيشو الريدة عرض وطول أنا الشايل دوام همك وأريدك ريدة زي أمك وأغير من غيرتي زاتا عليك أخاف أنا يا الخفيف دمك ان شاءالله القيامة تقوم وكل زول يمشي في حالو عشان ما قلبي يرجع يقول حبيب الدنيا في بالو كان ممكن الحكاية تنتهي عند هذا الحد لكن أخونا الدكتور أحمد فرح شادول قال لي أبداً الحكاية دي ما حصلت لزميلك دي حاصلة ليك انت وقام عمل قصيدة هاجمني بيها هجوم الشاعر شادول لحسن الزبير ان شاء الله الحسادة تطير وتمتد السعادة تدوم والضاق العذاب في الريد بكرة يعيش ويشبع نوم وتقول القيامة تقوم؟؟ عشان حظك شقي ومشئوم وفتحن ليك بنات حواء وجافاك ليلة واحدة النوم بتقول القيامة تقوم؟؟ أنحنا لا عرفنا الريد ولا زيّك عشقنا الغيد وحبينا القريب وبعيد وراجعنا القديم وجديد ولا ضمانا حضن الليل مع الوجه البهي وغريد ولا لليل شكينا حبيب اذا حتى العشقنا عنيد ولا نظمنا في الحلوات غنا وموال درر وقصيد ولالينا بن عوف غنا لا الصابر ولا الباكي خيالِك عندي يوماتي صباح خيري ومساء أفراحي أعد ميعادو باللحظات وسهري معاه صباحي عيونِك فوق عيوني تنوم وفوق آلامي ترتاحي وريدِك من عواتي الريح المو وأضم عليو جناحي وتقول القيامة تقوم؟؟ أنحنا مع السعادة نسير مواكب فرحة هادرة هدير نحيا نحب نعيش ونغير ونعلن ثورة التغيير ناكل حب ونشرب حب ونلبس حب ونفرح بالمحبة نطير نعيش الريدةعرض وطول كبيرنا ملك صغيرنا أمير وتسمع صوت هتافنا يجيك ان شاء الله الحسادة تطير وتكبر وتنسى يا زغبير رد حسن الزبير ان شاءالله القيامة تقوم وعشمي في الله ما شويّة أدخل جنة المأوى وهناك يدوني حورية أتكي في الارائك أنووووووم بكل حبور وحرية وأرتاح من ده مافي وقوم وأمش جيبلي وجيب ليّا أفارق دنية المعدوم والقى مطالبي بالنية ولوحنيت للحم الطير تجيني الطيرة مشويّة عشانك كيّة يا دكتور تكون حوريتي خمرية تجرجر ديسا ده المردوم ولهجتا خالصة عربية أخلي ليك بنات حواء تحاحي صباح وعصرية وتبقى عواطلي يا دكتور هناك لا مرض ولا شكيّة هناك لا أذن سمعت ولابعيونا مرئية هناك حتى الرحيق مختوم وولدان طائفة دوريّة لا عشوائي في الخرطوم ولا صفقات تجارية صفي النية يا مهجوم بلاش هجمات هبوبية وان شاء الله القيامة تقوم وتنجح مية في المية رد شادول ما مقبولة اعذارك وما معروف مصيرك وين وماهي صالح اعمالك عشان يدوك حوراً عين لو انت على الصراط ماشي وشركوا ليك ببنية حا تختل كل حساباتك وحا تحتل حتلة ابدية أما لو ضرب حظك وجابوا ليك بنات الحور تموت واقف على طولك ويشيلك حيلك المشلول وتتلفت يمين وشمال مشدوه بالجمال مبهور وتحتار باقي عقلك طار فيمن يهوي او يختار ديك قواما سمهر وطول وديك دعج العيون مكحول وديك جمالا يسبي عقول وديك من فيها حلو القول ودييييييييييييييييك خليها لي شادول وديك شعراً كمان خلي قدر ما يزيد نعومة وطول عذابنا وليلنا فيه يطول وديك خشيما بنقط كلام معسول تقيف مشدوه وتفوت القيامة عليك واقف انت تتلفت طرب وذهول حسن دنياك للزي ديل وديل يا صاحبي هم دنياك يودّنك ويجيبّنك ويختنّك ويشيلنك يجلبّنك ويبيعّنك يغسلّنك ويشرّنك ويدفنّنك ويكتلنك يقيدو النار يشدّنك ويبرن عودك المسلوب يحرقنّك تفوح انت ويزيد دنّك وتغني الدنيا بي فنك ده حال الدنيا ما بتدوم مرة تلام ومرة تلوم ويوم تتعب مرة تحب وتشبع حب ومرة تحب وما تنحب حسن خليهم السمعوك وارجع لحلوكلامك معقولة القيامة تقوم قبل ماتلقى احلامك

تسلم يا خليل
شاكوش محترم

الرحمة لشاعرنا حسن الزبير والتحية للدكتور شادول ..

Quote: البيشن بتاعتك دي بتشرب لبن كلو يوم، فما تتمضمض بيهو دي عندها خيارين 1)يا تبلع اللبن كالكلوراكوين 2)يا كمان تأخد اللبن ده دربات

ـــ
حزنانة وواعية ..

والله إنتي عسل يا رشا


أنا طبعاً فكرة الشيطان البزهلل ويجيب إكتئاب دي ما بتخش راسي كلو كلو
ولا أظن قاعدة تحصل معاي كتير
أي زهجة بكون عندها مسبباتها الموضوعية
البجيبوا الإكتئاب هم البني آدميين وعمايلهم وكوارث طبيعية تحصد الأرواح زي الرز يا دكتورة



هسي نتمضمض باللبن ولا لأ
نسمع كلام المجرب ولا كلام الطبيب

ما يحدث حولنا وفي العالم يجلب الكآبة يا أحمد بشير ..

سلام.

يا بت انت مفلسة ولا شنو؟
الشعور دا بيجي للمفلسين اسالي مجرب...

وسعد ولدك انشاء الله تشوفي عيال عيالو شعرهم ابيض.
ويجو يقولو ماشين نشوف حبوبة تايسا ونطمن عليها
بعد انقلاب ناجح ضد الكيزان..


يا زولة لانك انت زولة شعورك حي بتتاثري بالحاجات حولك
بالجد الزول لما يشوف الحاصل بيتمنى القيامة تقوم

انصحك بعدم مشاهدة نشرة الاخبار وهذا ما افعله من سنين

نشرة نهي نهي نهي
تبقى تمام

Quote: ما بقدر أقول أنا .. ما بقدر أصرّح!!

لووووول تايسا بس اسالي ود الصايم دا خليه يصرح لانه عفريت
انا غايتوا امس حلمانه انو زارتني اماني العجب ومعها راجل انا ما بعرفه
اتونسوا معاي وعملت ليهم الغداء
ونسيت موضوع الشاي ( انا طبعا ما بشرب شاي لا قهوه )
وهم متل راجعين المكتب تاني
المهم
بعد بقوا مارقين قلت ليهم هي الشاي !!
قعدوا تاني
وحياتك لما صحيت بفتش في النعناع الفرش
لا لقيتوا لا عملت ليهم شاي .

Quote: وسعد ولدك انشاء الله تشوفي عيال عيالو شعرهم ابيض. ويجو يقولو ماشين نشوف حبوبة تايسا ونطمن عليها بعد انقلاب ناجح ضد الكيزان..

عاد لكين يا دكتوره نجاه امانيك لتايسا وشعب السودان كعبه بالحيل
لما تشوف عيال عيال سعد الطفل شعرهم ابيض حتي يحصل انقلاب ناجح ضد الكيزان ؟؟؟؟؟؟؟؟؟؟؟؟!!!!!!!!!!!!!

دومة حبيبة الشعب ..

حتى في الأحلام شاي؟
إنتي باين موضوع ست الشاي عجبك اليومين دي


طبعاً أنا لسوء الحظ "أو لحسنه ما عارفة" بصحى من النوم ما متذكرة ولا شي من الحلم حتى لو كان طويل ومهم
بتذكر طشاش لي تاني يوم بكون إتمسح خالص


تعالي شوفي الـ day dreams بشوف حاجات كتيرة شي منها بيتحقق بالصدفة والأغلب بيكون أضغاث أحلام يقظة ..

تم نقل الرد على دومة وبيان للأسفل

Quote: القيامة دي متين تقوم وتريحنا؟

هي لسّة ما قامت يا تيسير...!



__
الله كريم... ياخ

Quote: عاد لكين يا دكتوره نجاه امانيك لتايسا وشعب السودان كعبه بالحيل لما تشوف عيال عيال سعد الطفل شعرهم ابيض حتي يحصل انقلاب ناجح ضد الكيزان ؟؟؟؟؟؟؟؟؟؟؟؟!!!!!!!!!!

لو قريتي الكلام بدون اي خلفيات متوهمة و جديدة حتعرفي انه جزء الكيزان ما اماني

وشكرن

Quote: لو قريتي الكلام بدون اي خلفيات متوهمة و جديدة حتعرفي انه جزء الكيزان ما اماني وشكرن

بتتسرعي للكلام الشين كثير يا نجاه انا ما عندي خلفيات لا بتوهم .
وعفوا
ودي اخر مداخله لي معاك في البورد دا.

معقولة يا دومة وبيان ؟؟؟؟؟

البينكم أكبر من سوء التفاهم الغريب دا


كدا حتزعلونا منكم
ويا بيان كلام دومة فيهو ريحة سخريتها وهزارها المحبب الما بيغباك
إنتي ما كتبتي اسمك في اللستة قامت شاتت "ظفاري" على قولا


طولوا بالكم يا حبيباتنا ..

يا تايسا بس في البورد ما بتداخل معها
لكين بنتلاقي برانا وبنتونس وبقول ليها الفي راسي وبتقول لي الفي راسها
هناك ما بتزعل مني لا بزعل منها
البيني وبين نجاه اكبر من البورد

والله بس انا عديت السنين قلت تلاته جنريشنز معناتوا 100 سنه سجمنا لو الكيزان للوقت داك قاعدين ودي امنيه كعبه
ما بعرف هي فهمت شنو ولا اتخيلت شنو جات رشتني وفاتت

تيسير :
كيفك وكيف إرهاصات الموت؟
تعرفي بقولو أنو الزول البتذكر الموت طوالي إيمانو قوي؟
ما عارف المعلومة جاتني من وين لكن للضمان أسألي الكباشي
شايف أصوات كتيرة مرشحاهو للتعامل مع حالة كونها متذكرة الموت دي
عموما نحن قيامتنا قايمة من أمس وحتى الآن
زلزال 8,8 بمقياس ريختر
يعني بلدنا دي قفلت الدرجة تقول أولاد أولى إبتدائي
حتى في الزلزال دايرين يجو الآوائل
المهم :
نقدم ليك دعوة تحضري ما بعد القيامة .
امكن الفكرة تفارقك
والله يا تيسير لو شفتي الأرض وهي بتهتز تحت أقدامك وما تعرفي تقيفي ولا تقعدي تجري ولا تمشي
تبكي ولا تضحكي
بتعرفي الموت بيعني شنو
عموما الدعوة لا زالت وعندنا اليوم تسونامي وموجة ارتدادية 7,00 بريختر
رأيك شنو؟
بهاء /طوكيو

Day after day after day
until you excel the rituals of this repeated execution
apart from the piercing alarm clocks
no guards shall wake you up for such a stale fusion
snooze a little; that helps you obey
but get up sharp to cruise your way
through pale, ragged and filthy flocks
of nightmares snitched out of a memory
set around imagined friends and foes
you may extend your bathroom stay
drowned in a bizarre pool of dirty pottery
untying complex columns and rows
emerging naked in a necktie and socks
shaven to a shining look, dimming while saving the fears
teeth in dove white; in clear contrast to stealth grey tears

سلام يا تيسير(ة)؛

أعلاه، عنوانو Indecency of Habitaholism، أقدّمه لكِ من باب التضامن مع إنّ باقيهو (الداعم لعنوانو) لسّع في الفرن أكان ما تقوم عليهو القيامة قبّال ينجض.

دوف وايت وستيلث قري ألوان عربات ولا بأس ففي خاتمة المطاف جميعنا عربات...شفتي فلم كارز! فضّلت ستيلث قري على إيربان قري مع إنّ المعنى في إيربان قري أقوى لكنّ اللون في ستيلث قري (بترولي، بالمناسبة) أقرب للون حالنا على أعتاب...القيامة.

http://www.colourlovers.com/color/455152/stealth_grey

Quote: منال .. قاعدة تعرفي الحاجات القلتيها دي ولا سامعة بيها ساي عند الناس؟ يا ستي أحمد الله أنا ضميري صاحي 24 ساعة وما بخت راسي في المخدة وأنا شاعرة إنو زول شايل مني وأكون إتعديت عليهو دون وجه حق ولو غلطت بعتذر من صميم الفؤاد أي زول شاعر إنو زعلان مني بدون ما أقصد العفو والعافية وأي زول زعلان مني وأنا كنت على حق وقاصدة خليهو يطرشق وأولهم إنتي

انا هسى اتأكدت ياتيسير ليه بتجيك صورة المقابر والاكفان
ولو كنتى بتعملى الحاجات القلتها ليك دى ماكان جاتك الهلوسه

كتبت ليك مداخلتى بنيه صافيه وشوفى ردك لى
كدى يختى راجعى نفسك عشان تلقى سبب لشوفة المقابر والاكفان

نسأل الله السلامه

رشة
غايتو انا اول ما اخت راسى على المخده بحلم احلام سعيده
عمرى لا جاتنى هلوسه ولابخاف من الموت عشان ايمانى قوى ,,,

اسف مكرر

Quote: انا هسى اتأكدت ياتيسير ليه بتجيك صورة المقابر والاكفان ولو كنتى بتعملى الحاجات القلتها ليك دى ماكان جاتك الهلوسه كتبت ليك مداخلتى بنيه صافيه وشوفى ردك لى كدى يختى راجعى نفسك عشان تلقى سبب لشوفة المقابر والاكفان نسأل الله السلامه رشة غايتو انا اول ما اخت راسى على المخده بحلم احلام سعيده عمرى لا جاتنى هلوسه ولابخاف من الموت عشان ايمانى قوى ,,,

هسي وين أنا قلت ليك ولا لي غيرك إني ما بعمل الحاجات القلتيها دي؟
كمان فوق بلاويك دي كلها جابت ليها تأليف وإختلاق من الراس؟
وبعدين كدي النسألك
وصاياك الفوق دي إنتي بتعرفيها؟
ما ظنيت!

غايتو التعامل مع فهم زي فهمك دا مشكلة كبيرة
لأنو الزول بيضطر يشرح حاجات مادايرة شرح

يا ستي شوفة المقابر والأكفان دي ما قاعدة تحصل لي عادة والكلام دا أنا كاتباهو في أول مداخلة في أول سطور
والمرتين الحصلت لي فيهم خلال 32 سنة فاتوا فقدت فيهم أحباب
ضيفي ليهم مناظر الدمار والقتل الحاصل حوالينا ودا طبعاً من الحاجات الخارج حدود إهتماماتك فيما يبدو
عشان كدا لجأت للأصحاب والصاحبات الهنا عشان يبددوا لي الهواجس دي وهم ماقصروا وأنا فخورة بيهم

قارني ردود الناس دي بي ردك الكان فيهو إيحاء بتاع إنو دا شعور بالذنب
ووضحت ليك إنو أنا ما قاعدة أراكم الذنوب وبحاول أنضفها أول بي أول فيما عدا من أقسو عليهم وأكون على حق

حضرتك جيتي شايلة كوم الغبينة والشماتة بتاعينك وعاملة فيها نيتك صافية
ردك أعلاه مارد زول نيتو صافية يا منال
وخليني أكلمك من هسي
فرقة ما بتلقيها فيني
فحاولي اكسبي زمنك ومايحرقك الردم تجي تفشيهو في شكل العوارة والخفة القاعدة تعمليها معاي دي
الليلة أنا ما عندي ليك أي روم
وممكن تعتبري الكلام دا تحذير عديل يا منال


ــــ
الأحباب والحبيبات
جاية أرد بعد ساعات من الآن
خارجة لأمر هام ..

مسحت مداخلتى بناء على طلب اناس اعتز بتواجدى معاهم فى هذا المكان

ودى اخر مداخله لى معاك ياتيسير

يا ماما دوما أنا لو صرّحت البورض دا كلو بجري!!

يا تيسير
كلمت المكاشفي
قال داير بياض قبل ما يجر السِبحة أو يفتح الكتاب..
___
بياض بالعملة المحلية للكلايِّنت، جهزي الدراهم عشان نرسل ليك الحجاب ؛)

عليك الله أسألو لي يا ياسر
كردت كارد ينفع؟


قال ليك ادفع بالتي هي أحسن دي قاصدين بيها ماستر كارد مقارنة بالفيزا كارد ..

سيدي البدوي ..

it's a peice of writing like what we are going to do
tears in colours

دموع رمادية
دموع بِنك "مافي؟"

مشيت شفت الـ ستيلث قراي وقلت أتحرفن وأكريِت from create دوف وايت وبما إنو الدوف وايت مايل للزرقة على حسب آخر حمام وادي شافتو عيني
لما جينا لي آد كلر قال لي وين؟ كان ليك! اللون عندنا يا فردة
غايتو هاك إتفاهم معاهم " />" target="_blank">دوف وايت





وفي إنتظار ذلك الداعم لعنوانو ..

سلامات يا بهاء وربنا يسلمكم جميعاً

أنا قاعدة أتذكر الموت لكن بدون دلالات رمزية زي الذكرتها في بداية البوست

ومع ذلك دايماً بردد إني بحب الحياة شديد وشاعرة إني لسة في حاجات دايرة أعملها وأستمتع بيها
بإعتبار إني ما عارفة الحيحصل شنو على الضفة البي هناك رافعة شعار جناً تعرفو ولا الجن المابتعرفو

لكن البيحصل دا غير لي جزء من الرغبات دي وبدت تتحول لإستعجال النهاية الحتمية
البيحصل في الكون دا ما محتمل أصلو
وزلزالكم دا كان ليهو دور كبير بالإضافة للهواجس الأخيرة دي

Quote: نقدم ليك دعوة تحضري ما بعد القيامة . امكن الفكرة تفارقك والله يا تيسير لو شفتي الأرض وهي بتهتز تحت أقدامك وما تعرفي تقيفي ولا تقعدي تجري ولا تمشي تبكي ولا تضحكي بتعرفي الموت بيعني شنو عموما الدعوة لا زالت وعندنا اليوم تسونامي وموجة ارتدادية 7,00 بريختر رأيك شنو؟

غايتو الزلازل البعزموا ليها دي مالاقتني لكن دعوتك مقبولة
نجي نشوف الأرض وهي ترقص طرباً عندكم في اليابان
قبل فترة حصلت هزة أرضية هنا في أبوظبي لثواني ظننتها دهراً
ماعارفاكم قدرتو تستحملوا كيف ربنا يلطف بيكم ..

زي قصة جحا مشى يأجر بيت وحايم بيتفرج فيهو عرش البيت بقى يتهوزز
سأل سيد البيت دا شنو قال ليهو ما تخاف البيت يسبح بحمدالله
جحا قال ليهو أخاف أن تدركه رقة فيسجد

يا هواري ..

Quote: هي لسّة ما قامت يا تيسير...!

كان قامت كنا إرتحنا


بدل حكاية كتلوك ولا جوك جوك دي ..

يا بيان ياتو نوع من الفلس حددي بالله

Quote: وسعد ولدك انشاء الله تشوفي عيال عيالو شعرهم ابيض. ويجو يقولو ماشين نشوف حبوبة تايسا ونطمن عليها بعد انقلاب ناجح ضد الكيزان..

تسلمي يا ستي على الدعاء الحنين دا ولك مثله وأكثر ..

Quote: انصحك بعدم مشاهدة نشرة الاخبار وهذا ما افعله من سنين

نفس الحكاية أنا لي حوالي 5 سنين ما بحضر تلفزيون إلا نادراً
بكتفي بالأخبار المقروءة وبتحاشى المرئية ما أمكن
بس الأحداث الأخيرة في المنطقة خلت الزول غصباً عنو يصاقر التلفزيون ويباري النشرات
ولو ما كنا شفناها بي عيوننا ما كنا صدقنا ..


هذا العالم متعب ..

الله يسلمك يا محمد جمال الدين ..

تبري انتي من الموت والبتحبيهم ...
تموت وين تخلينا شوقنا وذكر ماضينا
والخوف مبرر يا بنية، واللي ما يخافش من الموت ما يباقاش عاقل
وحاة خوتنا أنا امس بين زلازل اليابان و العاصفة الجات في الرياض
جاتني زغوطة ما راحت لحسي، و الزغوطة بالعربي ابو الشهيق...
عموما كده انا كنت قلقانة عليك بس اطمنت لما لقيتك "غضبك جميل زي بسمتك"
otherwise كنت ركبت جيت وديتك السوق



_________

Quote: اسف مكرر (عدل بواسطة ود الباوقة on 12-03-2011, 07:15 ص) (عدل بواسطة ود الباوقة on 12-03-2011, 07:16 ص)

ولا يسعني أن افوت هذه السانحة
لوووووووول كااااااااااااااااك
مكرر يا كبير ... كان تتهرش من سكات

Quote: مكرر يا كبير ... كان تتهرش من سكات

كأاااااااااااااااكـ

وتتعب في قليب مسكين وبتوجع

وما هماك

زيدان دا

براهو قيامة قايمة

Quote: القيامة دي متين تقوم وتريحنا؟

تيسير
سلام

ياريت القيامة تقوم عشان نفرح بحاسابهم علي قتل اصحابنا واصدقائنا وعلي تعذيب اخواننا وعلي جلد اخواتنا واغتصابهن وياريت القيامة تقوم بكرة ويسقط الجلاد وعشان ماتحزني ياتيسير وماتعذبك جراحات الضيم والظلم الغائرة في جوف شعبنا واهلنا وتسقط علي اسوار الظلم والفساد العاشوة في البلاد والعباد ويشوفوا الحساب علي كل جريمة ارتكبوها في حقك وحقنا وحق شعبنا والظلمة ديل قامتهم قربت حنشوف قريب بعد ماتطلع شمس الحق .

Quote: ياريت القيامة تقوم عشان نفرح بحاسابهم علي قتل اصحابنا واصدقائنا وعلي تعذيب اخواننا وعلي جلد اخواتنا واغتصابهن وياريت القيامة تقوم بكرة ويسقط الجلاد وعشان ماتحزني ياتيسير وماتعذبك جراحات الضيم والظلم الغائرة في جوف شعبنا واهلنا وتسقط علي اسوار الظلم والفساد العاشوة في البلاد والعباد ويشوفوا الحساب علي كل جريمة ارتكبوها في حقك وحقنا وحق شعبنا والظلمة ديل قامتهم قربت حنشوف قريب بعد ماتطلع شمس الحق .

!!

بسم الله الرحمن الرحيم
(لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ)
صدق الله العظيم

لوووول ود البشري ردك غير مطمئن
كان كدي اريتها ما تقوم زاتو.

Quote: بسم الله الرحمن الرحيم (لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ) صدق الله العظيم

محمد البشري القيامة التي اعنيها هي يوم سقوط الانقاذ الذي نحاسب فيه المفسدين وليس يوم يقف الناس بين يدي الخالق سبحانه وتعالي .

عزوزة
شوق شديد يعلم الله!

إن شاء الله تقوم هسسسسي
بس اريتنا بعد تقوم نرتاح

ـــــــ
ورغم كدا نشتل فسيلة المحنة والاشواق يا تيسير وتماضر وعزوزة ودومة وبيان
كل سنة وانتن طيبات

تيسير....
لك العمر كلو يارب
وبعدين يا تيسير انااليومين ديل طايرة من الفرح فضل شهر واحد ابقي ام
وعارفة ومتاكدة كلكم حتفرحوا بفرحي....
ويلا دعواتكم لي

بس الاكفان و الحاجات دي ما قاعد نشوفها

تيسير ...

لو اتوفّيتي ...

اضربى ليّ ...









... المهم ....

ام سعد


ليك طولت العمر


ما تتعشي

وتنومي


بجيب الهلوسه

اها شفتي يا تيسا البوست بتاعك دا جاب لينا خبر حلو..

الف مبروك يا احلام وربنا يحلك بالسلامة وحتكوني اكيد احلى ام

وتجيبي بنوتة نعرسها طوالي لولد تيسير عشان تشوف احفادها وهي بصحتها

قبال ما سنونها يتكسرن من المضمضة باللبن بتاع دكتور اب تفة..

غايتو يا تيسير انا اديتك النصيحة..كان ناس الشغل عاملين ليك

تأمين للاسنان ..اتمضمضي ساي

انت عارفه يا تيسير عندنا واحد جارنا عمرو زي كم وتمنين كده,أها في احداث غزه ديك ونحنا ملمومين في ضل العصر عمنا ده قام قال
والله ان شاء الفلسطينين ديل يهزمو اليهود,نط ولد بتو شافع صغير كده ومسيليط قال ليهو يا جدو لكن نحنا استاذ الدين قال لينا لو الفلسطينين انتصرو
القيامه بتقوم,طوالي عمنا نطط عيونو وقال ليهو كان كدي يا ولدي خلي الافدغهوهم(من الفدغ)
قلنا نضحكك شويه

تيسير

سلام


موش بقولوا القيامة ما بتقوم الا بعد ما ينزل المسيح

ليملأ الأرض عدلا بعد أن ملئت ظلماوجورا ؟

هسة باقي ليك الظلم الفي الأرض دا ما داير ليهو على الأقل مائة سنة

عشان يزول.

الشيء التاني كان القيامة مقصود بيها تدمير الكرة الأرضية بس

ليك علي واحد مجنون يفك ليهو 5 قنابل نووية في حفرة واحدة

تشقها على أتنين وفجأة تلقي نفسك وجها لوجه مع القيامة


طبعا دا كلوا بعد مشيئة الله

عزوز حبيبة ألبي ..


بخاف من الموت على أحبابي
كان علي أنا هينة والمطمورة ما بتبالي من الرش
هيييع

زي القصة البتحكيها لينا حبوبتي بنوبية صميمة
إنو واحدة ولدها مِرض مرض موت وهي خافت عليهو شديد
بقت اليوم كلو تكورك يا الله وليدي واحد ما تخلي ملك الموت يسوقو
خليهو يسوقني أنا بدلو
جارهم بالحيطة سامع الكلام قام مشى إتمسح بالدقيق وجاها والدنيا ضلام
إتخلعت قالت ليهو إنت منو؟ قال ليها أنا ملك الموت جيت أسوقك بدل ولدك زي ما طلبتي
المرة قالت ليهو بي خلعة لا لا أنا ما عيانة، العيان ياهو داك امشي سوقو

Quote: otherwise كنت ركبت جيت وديتك السوق

ياخ إنتي فتي السوق بي هناك
أشهدكم يا ناس أن هذه العزاز من ألطف وألذ البشر
بدينا نتكلم في التلفون وحالتي مزرية، زهج وكآبة ومرض
خلتني أضحك وأضحك وأضحك والغريبة في مواضيع جادة وحيوية
لمن وجع الروح راح ومعاهو وجع الحلق

الله يديك العافية ويديم خوتنا ومحبتنا ويسعدك هنا وهناك يا عزوز يا بت خالتو أم عزوز ..

الحنينة اماني و العزيز اب تفة، الشوق بحر يا حبّان

Quote: محمد البشري القيامة التي اعنيها هي يوم سقوط الانقاذ الذي نحاسب فيه المفسدين وليس يوم يقف الناس بين يدي الخالق سبحانه وتعالي .

يوسف السماني وأين لي معرفة قصدك و البوست يتحدث عن القيامة الراسها عديل

Quote: وتعالي

تعالى عن ذلك علوا كبيرا

تيسير ....

غلبك سدّها دايرة توسّعي قدّها؟
مالك علينا مقومة القيامة؟

أنا غايتو كان مشيت، عندي (1) .. (2) .. (3) ... بوصي عليهم يتعملوا بعد ما أقبّل.

Quote: : اسف مكرر (عدل بواسطة ود الباوقة on 12-03-2011, 07:15 ص) (عدل بواسطة ود الباوقة on 12-03-2011, 07:16 ص) ولا يسعني أن افوت هذه السانحة لوووووووول كااااااااااااااااك مكرر يا كبير ... كان تتهرش من سكات

شوفي جنس ناس عزاز ديل ما بيريحو .....
إنتي عارفة (آسف مكرر) دي خلتني أطلع وانزل في البوست أفتش على مداخلة ود الباوقة (قلة شغلة ساكت) لحدي ما لقيتك راشاهو.

......................

ربنا يديد طولة العمر يا تيسير..
وراحة البال..
ويبعد عنك الافكار المهببة دي..




ـــــــــــــــ

ويأخر موضوع القيامة دي لعقد آخر من الزمان..
عندي شغلات لسه ما أنجزتها ..

Quote: أنا طبعاً فكرة الشيطان البزهلل ويجيب إكتئاب دي ما بتخش راسي كلو كلو ولا أظن قاعدة تحصل معاي كتير أي زهجة بكون عندها مسبباتها الموضوعية

طيب يا تيسير، ربنا قال: الشيطان ممكن يعمل ده كلو!
وهو للإنسان عدو مبين !
بيد أن ذلك لا يُلغي مسؤولية الإنسان!

وحقيقة أي زهجة عندها مسبباتها الموضوعية،
ولكن مع ذلك يعجز الإنسان عن القضاء على هذه المشاعر السلبية!
في داخل نفسه التي بين جنبيه!

يقول الله تعالى:
{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ (6)}
سورة فاطر
{ إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ (10)}
سورة الحجرات

مع تحياتي، وكل الاحترام!

سلام تيسير..

هذا عام عاصف بالفعل .. حقيقة ومجازا
ولسه ما زلنا في بداياته..

صادق الأمنيات بأن ينصلح حال هذا الكوكب..


____
التفاكر في شأن الموت ما حاجة كعبة يا جماعة..
فلا تتعوّذوا ولا تستغربوا..
تيسير دي واقعية وعاقلة جدا..

وحيات ديني عارفة سبب كآبة تايسا دي شنو
يا حبيبة بدالك ختيت كالندر وبشخت الأيام
بلاش كآبة بلاش موت
أنحنا يا دوووووووووووب إبتدينا
سيظل البوست مرفوعاً
فتايسا لم تأت لحوار

تايسا يا حبيبة..

اليومين دي النوم يضروهو لي زي ما بيقولوا.. مع انو بقع آخر الليل هلكانة.. و أدخل في النومة فعلاً.. بعد داك تجيني صحية و كل الخواطر و الصور الفوق دي.. و بقوم مطفرة بعد تغلبني الرجعة للنوم تاني!

يا حبيبة بأتمنى ليك طولة العمر و السعادة و العمل الطيب..

و ربنا يحسن ختامنا جميعاً يا رب