Post: #1
Title: ما قادر أقول .. ما قادر أصرح ..
Author: تيسير عووضة
Date: 07-20-2011, 01:19 PM
الكرُّ كرُّ البلقاء
والضرب ضرب أبي محجن ..
|
Post: #2
Title: Re: ما قادر أقول .. ما قادر أصرح ..
Author: تيسير عووضة
Date: 07-20-2011, 01:20 PM
Parent: #1
وأبو محجن في القيد ..
|
Post: #3
Title: Re: ما قادر أقول .. ما قادر أصرح ..
Author: تيسير عووضة
Date: 07-20-2011, 01:23 PM
Parent: #1
أخاف أتهور وأحلف حليفة علاء الدين صالح ديك
بس المرة دي أضربوها في مية ..
|
Post: #4
Title: Re: ما قادر أقول .. ما قادر أصرح ..
Author: yaser mostafa
Date: 07-20-2011, 01:32 PM
Parent: #3
أفصحي...أفصحي يا أختاه ..........
|
Post: #6
Title: Re: ما قادر أقول .. ما قادر أصرح ..
Author: تيسير عووضة
Date: 07-20-2011, 02:36 PM
Parent: #4
يا ياسر ..
| Quote: أفصحي...أفصحي يا أختاه .......... |
يمكن قول يروح يمكن قول يجرح
يمكن شي يفوح والناس ماااا بتريح
|
Post: #5
Title: Re: ما قادر أقول .. ما قادر أصرح ..
Author: تيسير عووضة
Date: 07-20-2011, 02:29 PM
Parent: #3
| Quote: بس المرة دي أضربوها في مية .. |
الشخصيات مش الحليفة ..
|
Post: #7
Title: Re: ما قادر أقول .. ما قادر أصرح ..
Author: تيسير عووضة
Date: 07-20-2011, 02:39 PM
Parent: #5
غايتو تحية قدر الليلة وبكرة لي أبشنب المشى بي اسمو وكتب بي اسمو الهنا والهناك ..
لكن الباقين
أها (ومست بطرف أصبعها التراب)
|
Post: #8
Title: Re: ما قادر أقول .. ما قادر أصرح ..
Author: محمد البشرى الخضر
Date: 07-20-2011, 03:25 PM
Parent: #7
واستغرب يا ابو التا من النغمة بتاعة دا نقد و راي و مرآة ومش عارف إيه
القصة دي جبن عديييل ما ليها اي تفسير او تسمية أخرى رغم محاولات التجميل
|
Post: #9
Title: Re: ما قادر أقول .. ما قادر أصرح ..
Author: abas
Date: 07-20-2011, 03:45 PM
Parent: #8
عارفين شنو انتو أأأأأأأأ ناس في شنو
حليفة تيسيير دي كبيره
|
Post: #14
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 05:24 AM
Parent: #9
| Quote: حليفة تيسيير دي كبيره |
الله لا جاب يوم الحليفة الكبيرة يا عبس ياخ ..
|
Post: #15
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 05:34 AM
Parent: #14
Quote: واستغرب يا ابو التا من النغمة بتاعة دا نقد و راي و مرآة ومش عارف إيه
القصة دي جبن عديييل ما ليها اي تفسير او تسمية أخرى رغم محاولات التجميل |
غايتو أنا جاني شبه يقين إنو "المتأسفرين" ديل ناس شيزوفرينك
إذا لم يجد اللص فرصة ليسرق ظن نفسه شريفاً
وإذا لم يجد المتأسفر فرصة (تُقرأ شجاعة) لينفض الناس ظن نفسه متسقاً ..
|
Post: #17
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 05:51 AM
Parent: #15
دا طبعاً يا ود البشرى بعيداً عن بعض الآراء "والتي أشك إنها طلعت من البكاكوا هنا ويبيضوا هناك"
ما فيها شخصنة وبذاءة وبتتكلم وبتناقش حاجات بتخليك تقوم من كرسيك وتصفق للزول/ة الكاتب/ة الكلام ..
عاد النصيحة ليك يا الله ..
|
Post: #11
Title: Re: ما قادر أقول .. ما قادر أصرح ..
Author: Isa
Date: 07-20-2011, 03:52 PM
Parent: #8
تايسا يا
غايتو أنا عرفت منهم زي تلاتة وتسـعين كدي،، لكن أبشنب دا عاد يطرشني!.. ممكن تورينا السبعة الباقين زايد أبو thick moustache*.. وأوعدك: خششششمي وقادر عليه!
_______________
* عندنا ود صاحبنا طبعا عربيهو تعبان زي كل أطفالنا في بلاد الفرنجة، عارف أبوه قاعد يحضر برنامج من تلفزيون السودان بقدمو المذيع الإسمو ناجي داك.. لامـن الولد لقا البرنامج شغال قام نادى أبوه: بابا.. مستر أبو thick moustache بتاعك جا!
|
Post: #16
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 05:46 AM
Parent: #11
فيك الخير والله يا عيسى :)
أنا من رأيي نمشي نفتح لينا مكتب تحريات إسفيري ونعمل فيش وتشبيه بالكتابة
بعدين خت بالك لي أبو ثك مستاش وصدقني حتعجب بي شداعتو الأدبية ..
|
Post: #10
Title: Re: ما قادر أقول .. ما قادر أصرح ..
Author: نهال كرار
Date: 07-20-2011, 03:48 PM
Parent: #1
LOOOL
أتاري ما أنا براي يا تيسير :)
|
Post: #12
Title: Re: ما قادر أقول .. ما قادر أصرح ..
Author: نهال كرار
Date: 07-20-2011, 04:11 PM
Parent: #10
لفرط غباءهم يا تيسير ولظنهم أنهم أذكياء نسوا ان للكتابة بصمة.
أسلوب وطريقة كتابتهم هنا هي زاتها هناك.
|
Post: #13
Title: Re: ما قادر أقول .. ما قادر أصرح ..
Author: عبدالعزيز حسين عبدالرحيم
Date: 07-20-2011, 07:09 PM
Parent: #12
غايتو أنا كان من الهكر بنسخ الايبهات بتاعت الاعضاء وأرسلها لي بكري
____
او اشوف لي زول قطيم زي السمين فيصل نوبي وارسلها ليه اخليه يفت الناس
|
Post: #19
Title: Re: ما قادر أقول .. ما قادر أصرح ..
Author: محمد البشرى الخضر
Date: 07-21-2011, 06:06 AM
Parent: #13
| Quote: ما فيها شخصنة وبذاءة وبتتكلم وبتناقش حاجات بتخليك تقوم من كرسيك وتصفق للزول/ة الكاتب/ة الكلام .. |
صاح يا ابو التا لكن مع حقيقة انها مكتوبة في منبر مسروق اسم دومينه ويتيح لكل ######## لبس برقع يخفي وجهه ويباح له التعدي و النيل من اعراض غائبين ولا خطوط حمراء له تبقى الكتابات الجيدة دي كخضراء الدمن, حسناء من منبت سوء ما في زول بعرّسها
______________________________
لكن كيّفني واحد برّاي مسمي روحو بنك نيمم قليل أدب : أبو"شنو كدا" قاموا عملوا بوست توقيعات لحذف الاسماء و الكلمات البذيئة جاهم داخل في البوست و بعارض في الفكرة فاقنعوه انو يغير اسمو قام عملوا ليهم : الزول ... ابو"شنو كدا" سابقا
|
Post: #22
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 06:24 AM
Parent: #19
طبعاً يا ود البشرى ما أظني في حوجة للتأمين على كلامك دا من بعد الشجب والإدانة لأفعال الهكر
ويمكن دا من الأسباب الرئيسية الخلتني أقاوم فكرة إني أجيب الآراء العامة العجبتني هنا
عشان ما أروج للآراء دي وبالتالي لكاتبيها فأكون أديتها شرعية غير مستحقة
صحة أو نفاذ الأراء دي ما بيلغي أبداً حقيقة إنها إتكتبت في مكان مُغتصب ..
زي المشى سرق ليهو خروف وأداهو لي مرتو تطبخو وهي عارفاهو مسروق
جودة طبخ السيدة وإستمتاع الآكلين بما طبخت لا ينفي حقيقة إنو اللحم الشهي دا أصلاً جاي من خروف مسروق!
|
Post: #20
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 06:10 AM
Parent: #13
يا عبد العزيز وليه التعب؟
فت أكتر من كدا يبقى كيف يعني؟ :)))
الزول/ة يقرب يكورك يقول ليك أنا فلااااان/ة
|
Post: #21
Title: Re: ما قادر أقول .. ما قادر أصرح ..
Author: معاوية المدير
Date: 07-21-2011, 06:11 AM
Parent: #13
سلآم يا تيسير،
0مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ وَمَا كَانَ اللَّهُ لِيُطْلِعَكُمْ عَلَى الْغَيْبِ وَلَكِنَّ اللَّهَ يَجْتَبِي مِنْ رُسُلِهِ مَنْ يَشَاءُ فَآَمِنُوا بِاللَّهِ وَرُسُلِهِ وَإِنْ تُؤْمِنُوا وَتَتَّقُوا فَلَكُمْ أَجْرٌ عَظِيمٌ
أما الزبد فيذهب جُفاء.
العملية بتاعت الهكر دي بالمناسبة فايدتها كبيرة جداً.
عسى ان تكرهوا شئ.
تحياتي...
|
Post: #23
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 06:33 AM
Parent: #21
أكيد يا مدير ..
على الأقل ورتنا ما تنوء بحمله بعض لنفوس
رب ضارةٍ نافعة ..
سلامات وتحايا،،
|
Post: #26
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 07:08 AM
Parent: #23
الأكثر إضحاكاً من كل ما سبق
ناس إتردموا بي هناك لمن آمنوا
وأي لستة سوء هم فيها
يجوك بي جاي فرحانين وعاكسين الآية تماماً
التقول نحن ما شايفين وعارفين
هذا مثير للشفقة جداً ..
|
Post: #18
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 06:05 AM
Parent: #10
لا ما براك يا نهال :))
مش الأعراب بيقولوا الـ ... تدل على البعير والأثر يدل على المسير؟
Quote: لفرط غباءهم يا تيسير ولظنهم أنهم أذكياء نسوا ان للكتابة بصمة.
أسلوب وطريقة كتابتهم هنا هي زاتها هناك. |
والأنكى أنهم إصطحبوا معهم عدواتهم وغباينهم الشخصية الهنا إلى هناك "لتسهيل الإستدلال على القارئ وكدا"
غايتو قربنا نبقى خبراء في الكتابة الإسفيرية المقارنة!
|
Post: #24
Title: Re: ما قادر أقول .. ما قادر أصرح ..
Author: Asim Fageary
Date: 07-21-2011, 06:43 AM
Parent: #18
يا تيسير صباحك فل
تاني ما تمشي تقري مواضيع الموقع البهناك داك (كويس؟)
تحياتي
|
Post: #25
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 06:58 AM
Parent: #24
يا فقيري الموقع داك براهو جاني واقع في طرفي
ومع ذلك تسلم على النصيحة الغالية وكلامك من ناحية تأمين وحماية صحيح مية مية :)
|
Post: #27
Title: Re: ما قادر أقول .. ما قادر أصرح ..
Author: قيقراوي
Date: 07-21-2011, 08:34 AM
Parent: #25
Quote:
لفرط غباءهم يا تيسير ولظنهم أنهم أذكياء نسوا ان للكتابة بصمة.
أسلوب وطريقة كتابتهم هنا هي زاتها هناك.
|
اتمنى انكم ما تظلموا او تُظلموا برجم غيب
-----
يا تايسا شايفك مستلفة منهج حبيبنا علاء الدين صالح ..
لو تغاضينا عن الحليفة و الايمان المغلّظ ..
هل هو منهج سليم لتثبيت تهمة ( اخلاقية ) بالجسامة دي!؟
شولة و مسافة بين الشولة و علامات الترقيم الاخر كافية لتعيين ( مجرم )!؟
يا للهول!!
يا للظلم!!
مع اني مرشوش مايسلف  - و مداخلتي دي ذاتا مادة لرشة جديدة - لكن ان يفلت ( مجرم ) واحد خير لي بالف مرة أن ادين برئ ... او افتح باب الظنون الآثمة.
سم سانين : انتو ليه مديين منبر المال المسروق شرعية و كل الاهمية دي!؟
ما بني على باطل فهو باطل يا فردة ..
البرضى لنفسو الكتابة بهناك اجدى ليو يشوف عوجة رقبة اخلاقو هو اول قبل غيرو.
هو مشارك في جريمة سايبر يعاقب عليها القانون عدييييل.
و اقول قولي هذا و استغفر الله العظيم لي و لكم
الله اني اعوذ بك أن اظلِم أو أُظلَم
|
Post: #28
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 09:01 AM
Parent: #27
هل هو منهج سليم لتثبيت تهمة ( اخلاقية ) بالجسامة دي!؟
شولة و مسافة بين الشولة و علامات الترقيم الاخر كافية لتعيين ( مجرم )!؟
يا للهول!!
يا للظلم!!
يا قيقراوي
حصل مرة صادفتك أو قريت عن السينتفك أبروتشز لإثبات نظرية معينة؟
خليني من منهج علاء الدين
وخليني من حكاية ادرؤا الحدود بالشبهات الجاي تسوّق ليها دي
بتديني كتير احساس انك بتدي الأشياء أكبر من حجمها بي كتير وبتطلق نعوت قاسية وقاطعة على الأشياء
جرم .. تهمة أخلاقية .. هول وظلم
بعد شوية حتجيب ليها إثبات جنائي كمان
في شنو يا قيقا؟
غايتو الليلة ذكرتني الشيخ كشك :))
يازول إنت شديد في عضمك دا؟
|
Post: #29
Title: Re: ما قادر أقول .. ما قادر أصرح ..
Author: طارق جبريل
Date: 07-21-2011, 09:24 AM
Parent: #28
حاجة غريبة ومحيرة يا تايسا
الله يكضب الشينة
|
Post: #30
Title: Re: ما قادر أقول .. ما قادر أصرح ..
Author: داليا حافظ
Date: 07-21-2011, 10:21 AM
Parent: #29
نفسي أكتب تحت إسم "فاطة سطر " ..لكن تأخذ الدنيا غلابا ..
بوست ما مفهوم
|
Post: #31
Title: Re: ما قادر أقول .. ما قادر أصرح ..
Author: قيقراوي
Date: 07-21-2011, 10:23 AM
Parent: #29
Quote:
بتديني كتير احساس انك بتدي الأشياء أكبر من حجمها بي كتير وبتطلق نعوت قاسية وقاطعة على الأشياء
جرم .. تهمة أخلاقية .. هول وظلم
بعد شوية حتجيب ليها إثبات جنائي كمان
في شنو يا قيقا؟
غايتو الليلة ذكرتني الشيخ كشك :))
يازول إنت شديد في عضمك دا؟
|
و الله برضو وجهة نظر يا تايسا
يعني الحاصل اسي دا ما " جريمة سايبر "!؟
التهكير و الاستيلاء على ممتلكات الغير ما جريمة جنائية!؟
ما عاوزة ليها اثبات جنائي .. او اقلو اثبات يليق؟
انا بتكلم عن ( التهكير ) في عضمو دا ..
اما ما بني عليه لا يشغل بالي كثيراً .. لانه باطل اصلاً *
يلا ..
البكتب في منبر قام على الاساس دا ما مشارك في الجريمة!؟
لا لا ..
كان كدا امشي اراجع حساباتي طيب!
المافي شنو؟
انا شايفا أمراً كُتر و الله من جهتي دي ..
الشيخ قيقا كشك
------
انا كويييييس و الله
و لا ينقصنا سوى عدم رؤياكم الغالية و الله
|
Post: #33
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 12:43 PM
Parent: #31
لا يا قيقا إنت لمن بتتكلم عن منهج الشك واليقين الشغالين بيهو في البوست دا والإتهامات الأخلاقية والظلم والهوايل كنت بتتكلم عما بني علي التهكير ما عن التهكير زاتو لأنو خلاف حوله ..
وكلامك دا:
Quote: يعني الحاصل اسي دا ما " جريمة سايبر "!؟
التهكير و الاستيلاء على ممتلكات الغير ما جريمة جنائية!؟
ما عاوزة ليها اثبات جنائي .. او اقلو اثبات يليق؟
انا بتكلم عن ( التهكير ) في عضمو دا ..
اما ما بني عليه لا يشغل بالي كثيراً .. لانه باطل اصلاً *
يلا ..
البكتب في منبر قام على الاساس دا ما مشارك في الجريمة!؟
لا لا ..
كان كدا امشي اراجع حساباتي طيب!
المافي شنو؟
انا شايفا أمراً كُتر و الله من جهتي دي .. |
= كلامي دا بالحتة كات ختيت الرحمن في قلبك:
Quote: طبعاً يا ود البشرى ما أظني في حوجة للتأمين على كلامك دا من بعد الشجب والإدانة لأفعال الهكر
ويمكن دا من الأسباب الرئيسية الخلتني أقاوم فكرة إني أجيب الآراء العامة العجبتني هنا
عشان ما أروج للآراء دي وبالتالي لكاتبيها فأكون أديتها شرعية غير مستحقة
صحة أو نفاذ الأراء دي ما بيلغي أبداً حقيقة إنها إتكتبت في مكان مُغتصب ..
زي المشى سرق ليهو خروف وأداهو لي مرتو تطبخو وهي عارفاهو مسروق
جودة طبخ السيدة وإستمتاع الآكلين بما طبخت لا ينفي حقيقة إنو اللحم الشهي دا أصلاً جاي من خروف مسروق! |
الخلاصة
فتحي قيقا دا بيطلع الكلام من عيون الزول
هسي النبي فوقك يا قيقا دا بوست تنقنق فيهو نقة قدر دي
بالهشاشة يا باشا
حالتي قلت ليكم ما قادر أقول ما أقدر أصرح
الشهادة والعمل الصالح ..
|
Post: #35
Title: Re: ما قادر أقول .. ما قادر أصرح ..
Author: قيقراوي
Date: 07-21-2011, 01:06 PM
Parent: #33
Quote:
لا يا قيقا إنت لمن بتتكلم عن منهج الشك واليقين الشغالين بيهو في البوست دا والإتهامات الأخلاقية والظلم والهوايل كنت بتتكلم عما بني علي التهكير ما عن التهكير زاتو لأنو خلاف حوله ..
|
ياخ لمن انا البتكلم مش اكتر زول بكون عارف انا بتكلم عن شنو انا دا ذاتو؟
التهم كانت قصاد التكهير فغط لا غير
اما البوست دا عن شنو؟
و الله الحس مكوة الكهرباء و هي شغالة و سلكا عريان لو عارف عن شنو/ منو بالاسم!
بعدين في كيس هنا ممكن تتطلعي عليو و المتهم انا شخصياً - دا طبعاً ان وجدت شخصية - باني بكتب بإسم " جلابي و افتخر " كمان! و لك إن تتاملي و تدي ربك العجب!!
يا للهول .. ياخ ممكن اكون جلابي عااادي .. لكن البخليني افتخر شنو بس!
الجنس دا يسموهو شنو بس!؟
-------
انا شايف انكم :
لحد اسي متهربين من ليه مهتمين بي بورد المال المسروق .. ؤ من الاساس!؟
Quote:
زي المشى سرق ليهو خروف وأداهو لي مرتو تطبخو وهي عارفاهو مسروق
جودة طبخ السيدة وإستمتاع الآكلين بما طبخت لا ينفي حقيقة إنو اللحم الشهي دا أصلاً جاي من خروف مسروق!
|
قليك شباب كانو ماشين رحلة ..
افقر واحد - من الفلس الواحد دا، وقيل الشفتنة في رواية اخرى، و الارجح انهم الاتنين معاً لانو ما عندو غير فنيلتو اللابسة دي و بدلالة الرواية دي ذاتا - فيهم التزم بالخروف ..
اها يوم الرحلة جاهم بفنيلتو بس! .. يصفر ساااي!!
وين الخروف ؟ .. ارحكم بس!
اول خروف شافو ماشي في امان الله .. قال لبتاع البص : اقرص هنا يا حبة.
دا خروفك .. قال ليهم بحزم و قوة عين تليق : ايوة انتو مالكم!
اها هناك لمن وصلوا بفتشوا في سكين يضبحوا بيه الاخروف ..
قال ليهم لشنو!؟
شال حجر كبييير فلق بيهو الخروف .. و اتلفت عليهم :
لو ضبحناهو ببقى حلال!؟
بريتكم مش!؟
مع السلامة و ان جيتكم تاني ابقى ملام!
|
Post: #38
Title: Re: ما قادر أقول .. ما قادر أصرح ..
Author: تيسير عووضة
Date: 07-22-2011, 04:41 PM
Parent: #35
| Quote: ياخ لمن انا البتكلم مش اكتر زول بكون عارف انا بتكلم عن شنو انا دا ذاتو؟ |
ماااا ظنيت يا قيقا
Quote: بعدين في كيس هنا ممكن تتطلعي عليو و المتهم انا شخصياً - دا طبعاً ان وجدت شخصية - باني بكتب بإسم " جلابي و افتخر " كمان! و لك إن تتاملي و تدي ربك العجب!!
يا للهول .. ياخ ممكن اكون جلابي عااادي .. لكن البخليني افتخر شنو بس! |
أتاري راس السوط هبشك عشان كدا شابكنا تهمة أخلاقية ويا بخت من بات مظلوم ولا باتش ظالم
Quote: شال حجر كبييير فلق بيهو الخروف .. و اتلفت عليهم :
لو ضبحناهو ببقى حلال!؟ |
حبيب ألبي والله
ياخ إنت فاكهة المنبر دا والمنابر الموازية
|
Post: #34
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 12:57 PM
Parent: #31
يا داليا اكتبي الدايراهو ودعي التقدير لفطنة القراء :)
استمتعي بالقيادة ودعي الرحلة لنا على قول المسطول ..
|
Post: #32
Title: Re: ما قادر أقول .. ما قادر أصرح ..
Author: تيسير عووضة
Date: 07-21-2011, 12:28 PM
Parent: #29
يا ود جبرين شفت المحن دي؟
|
Post: #36
Title: Re: ما قادر أقول .. ما قادر أصرح ..
Author: مرتضى احمد عبد القادر
Date: 07-21-2011, 11:32 PM
Parent: #32
مستمتعين ومتابعين و في المنبرين متفرجين
|
Post: #37
Title: Re: ما قادر أقول .. ما قادر أصرح ..
Author: نصرالدين صلاح
Date: 07-22-2011, 02:51 AM
Parent: #36
تيسر بت عمنا عووضة
سلام
Quote: غايتو أنا جاني شبه يقين إنو "المتأسفرين" ديل ناس شيزوفرينك
إذا لم يجد اللص فرصة ليسرق ظن نفسه شريفاً
وإذا لم يجد المتأسفر فرصة (تُقرأ شجاعة) لينفض الناس ظن نفسه متسقاً .. |
يكون من شنو بالله ؟؟؟؟
في ما يخص الشهادة لله ...
يعني المافي شنو هنا ...؟؟؟؟
او كما قال
|
Post: #40
Title: Re: ما قادر أقول .. ما قادر أصرح ..
Author: تيسير عووضة
Date: 07-22-2011, 04:52 PM
Parent: #37
لو عرفت يا نصر الدين ورينا
غايتو ود البشرى قال جبن
وأنا بضيف ليهو كمان إهتزاز جواني ..
|
Post: #39
Title: Re: ما قادر أقول .. ما قادر أصرح ..
Author: تيسير عووضة
Date: 07-22-2011, 04:46 PM
Parent: #36
| Quote: مستمتعين ومتابعين و في المنبرين متفرجين |
بصراحة ..
أكتر اتنين مريحين في القراية والكتابة في البورد دا في الفترة الأخيرة هم مورتا وأشرف الحلبي ..
|
Post: #41
Title: Re: ما قادر أقول .. ما قادر أصرح ..
Author: محمد البشرى الخضر
Date: 07-22-2011, 05:17 PM
Parent: #39
والله يا قيقرا نكتتك دي ما فهمتها ولا المغزى منها
وخايف اسالك تقوم تضطر ترجع تشرح لي و تبقى "ملام"
فحقو تعمل بيها بوست وتشرحها فيه, المافي شنو - ياقولك
|
Post: #42
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-23-2011, 09:49 AM
Parent: #41
أبشنب الواحد دا!!!
يمين أنا قايل الراكوبة ولّعت!!
|
Post: #43
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-23-2011, 09:50 AM
Parent: #42
أما قيقا فقد جهّجه البوست وستو والقراء معاهم!!
|
Post: #44
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-23-2011, 09:52 AM
Parent: #43
| Quote: أما قيقا فقد جهّجه البوست وستو والقراء معاهم!! |
ويقيني أنا (قيقا) لما يقرا الكلام دا ح يقول:
عليكم الله شوفو المـ ....* دا كاتب شنو!!
_
المرض أو المعفّن أو أي حاجة غير تفكيركم ال######
|
Post: #46
Title: Re: ما قادر أقول .. ما قادر أصرح ..
Author: Isa
Date: 07-23-2011, 10:14 AM
Parent: #44
Quote: والله يا قيقرا نكتتك دي ما فهمتها ولا المغزى منها
وخايف اسالك تقوم تضطر ترجع تشرح لي و تبقى "ملام" |
يا قيقا تعال أشرح وترجم وريحنا، وخلي الملامة على أبشنب.. (بس ما تقول لي ابشنب دا منو، والعلم عند الشيخة تيسير) ياخي على الأقل نطلع لينا بفتوى عن (الفئ) في القرن الواحد وعشرين..
|
Post: #48
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-23-2011, 10:19 AM
Parent: #46
الأخ تايسا دا عارف أب شنب دا منو ولّ بتكتب من طرف؟
|
Post: #45
Title: Re: ما قادر أقول .. ما قادر أصرح ..
Author: قيقراوي
Date: 07-23-2011, 10:14 AM
Parent: #41
Quote:
والله يا قيقرا نكتتك دي ما فهمتها ولا المغزى منها
وخايف اسالك تقوم تضطر ترجع تشرح لي و تبقى "ملام"
فحقو تعمل بيها بوست وتشرحها فيه, المافي شنو - ياقولك
|
Re: الطفأ النور منو المرة دي!؟
ما قادر أقول .. ما بقدر أصرح ..
|
Post: #47
Title: Re: ما قادر أقول .. ما قادر أصرح ..
Author: خدر
Date: 07-23-2011, 10:15 AM
Parent: #41
Quote: قليك شباب كانو ماشين رحلة ..
افقر واحد - من الفلس الواحد دا، وقيل الشفتنة في رواية اخرى، و الارجح انهم الاتنين معاً لانو ما عندو غير فنيلتو اللابسة دي و بدلالة الرواية دي ذاتا - فيهم التزم بالخروف ..
اها يوم الرحلة جاهم بفنيلتو بس! .. يصفر ساااي!!
وين الخروف ؟ .. ارحكم بس!
اول خروف شافو ماشي في امان الله .. قال لبتاع البص : اقرص هنا يا حبة.
دا خروفك .. قال ليهم بحزم و قوة عين تليق : ايوة انتو مالكم!
اها هناك لمن وصلوا بفتشوا في سكين يضبحوا بيه الاخروف ..
قال ليهم لشنو!؟
شال حجر كبييير فلق بيهو الخروف .. و اتلفت عليهم :
لو ضبحناهو ببقى حلال!؟ |
هههههههههههههههههههههههههههههه
يسألني الله قيقا ده ما نصيح .. قوية عدييل دي , ممكن اشتريها منك
ابوفنيلة ده اظنو صاحب شعار المافي شنو
___
تايسا . اعملي حسابك قيقا ده عميق و نكتتو دي مفخخة
|
Post: #49
Title: Re: ما قادر أقول .. ما قادر أصرح ..
Author: Isa
Date: 07-23-2011, 10:31 AM
Parent: #47
| Quote: الأخ تايسا دا عارف أب شنب دا منو ولّ بتكتب من طرف؟ |
يا محمد ما فهمت السؤال لي ولاّ للأخ، لكن للضمان كدة، وباسمي وباسم مكتب تاي ـ إيسا للتحقيقات الإسفيرية بجاوب على تساؤلكم المشروع: ياخي تيسير قالت ليك هي فرزت المية الجايين منقبين، لامـن أبشنب واااحد بغلبا؟
|
Post: #50
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-23-2011, 10:40 AM
Parent: #49
عيسى يا حبيبنا
السؤال كان للأخ تايسا سيد البوست!
لكن برضو إجابتكـ !!
_
قلت لي تايسا بقى خبير بصمات إسفيرية!!
|
Post: #51
Title: Re: ما قادر أقول .. ما قادر أصرح ..
Author: محمد عبد الماجد الصايم
Date: 07-24-2011, 09:11 AM
Parent: #50
يُرفع البوست لما يبان له صاحب!!
|
|