Post: #1
Title: مُشـاط الرجال ..
Author: تيسير عووضة
Date: 07-02-2010, 07:26 AM
Parent: #0
أو الـ corn rows
|
Post: #2
Title: Re: مُشـاط الرجال ..
Author: تيسير عووضة
Date: 07-02-2010, 07:40 AM
Parent: #1
ـــــــــ
لاعب السلة - ألين آيفرسن
|
Post: #3
Title: Re: مُشـاط الرجال ..
Author: تيسير عووضة
Date: 07-02-2010, 07:42 AM
Parent: #2
|
Post: #5
Title: Re: مُشـاط الرجال ..
Author: تيسير عووضة
Date: 07-02-2010, 07:45 AM
Parent: #3
ـــــــــــ
"مساير" سنوب دوق
|
Post: #6
Title: Re: مُشـاط الرجال ..
Author: تيسير عووضة
Date: 07-02-2010, 07:52 AM
Parent: #5
ـــــــــ
ديفيد بيكام شخصياً
|
Post: #7
Title: Re: مُشـاط الرجال ..
Author: تيسير عووضة
Date: 07-02-2010, 07:54 AM
Parent: #6
ــــــــ
د. صلاح البندر
|
Post: #9
Title: Re: مُشـاط الرجال ..
Author: تيسير عووضة
Date: 07-02-2010, 08:09 AM
Parent: #7
|
Post: #10
Title: Re: مُشـاط الرجال ..
Author: تيسير عووضة
Date: 07-02-2010, 08:14 AM
Parent: #9
ــــــــ
المخضرم شين بول
|
Post: #15
Title: Re: مُشـاط الرجال ..
Author: تيسير عووضة
Date: 07-02-2010, 08:31 AM
Parent: #10
|
Post: #4
Title: Re: مُشـاط الرجال ..
Author: معاوية عبيد الصائم
Date: 07-02-2010, 07:44 AM
Parent: #2
تيسير سلام
غايتو المشاط عند بوب مارلى
ياريت صورة يا تيسير لذلك العملاق
سلام
مرور
متابعة
|
Post: #8
Title: Re: مُشـاط الرجال ..
Author: ALGARADABI
Date: 07-02-2010, 08:08 AM
Parent: #4
تيسير
صباحك نور
كويس انو مشاط شعر
Otherwise
مشاط الرجال كعب
التحايا للدكتور صلاح البندر
|
Post: #11
Title: Re: مُشـاط الرجال ..
Author: mayada kamal
Date: 07-02-2010, 08:14 AM
Parent: #8
مرور للسلام
وينك يا بنتي
مشتااااااااااااقين وكدا
|
Post: #12
Title: Re: مُشـاط الرجال ..
Author: osman righeem
Date: 07-02-2010, 08:21 AM
Parent: #11
أي نعم أخ العرب عمر القرضابي
وخاصة لمن يكون في حصيل قوايل
و زرزره
تيسير يا شقيقة سلام و تحايا
وجمعة مباركة
|
Post: #21
Title: Re: مُشـاط الرجال ..
Author: تيسير عووضة
Date: 07-02-2010, 09:37 AM
Parent: #11
ميدو يا ميدو
وديني مشتاقين
وينك ياخ؟
ــــــــــ
الليلة الجمعة انقضي مشاطك غسلي شعرك وجيبي علبة الودك وتعالي 
|
Post: #13
Title: Re: مُشـاط الرجال ..
Author: تيسير عووضة
Date: 07-02-2010, 08:26 AM
Parent: #4
ود الصايم2 ..
مرحب بيك
لا يذكر المشاط إلا ويذكر معه بوب مارلي
لكن الإستايل مختلف، بوب بيرسل الضفاير ساكت وما "بيخُتّها" كما نقول
حاولت ألقى ليهو صورة وشعرو "مكوفت" زي الشباب الفوق ديل ما لاقتني
لكن برضو إتفضل 
|
Post: #14
Title: Re: مُشـاط الرجال ..
Author: khaleel
Date: 07-02-2010, 08:29 AM
Parent: #13
لكن يا تيتي
هل اي شعر يصلح معه المشاط
ول نستعمل ياردلي عشان الشعر يطول ويبقي زي بتاع علا غانم
وبعد داك نشوف موضوع المشاط
يمكن مع النيو لوك الحظ يضرب
|
Post: #18
Title: Re: مُشـاط الرجال ..
Author: تيسير عووضة
Date: 07-02-2010, 08:58 AM
Parent: #14
يا خليل
المشاط دا بالذات بيمشي مع أي شعر طويل، ناعم، قصير، قرقد بالكركار ما برقد
كلو بيقضي وبالذات الإتنين الأخيرات ديل يا حلاتو فيهم
الحالة الوحيدة المابينفع فيها المشاط هي الصلعة
مع الصلعة لا مشاط بعد اليوم
كدي نشوفك بعد النيولوك
|
Post: #16
Title: Re: مُشـاط الرجال ..
Author: تيسير عووضة
Date: 07-02-2010, 08:34 AM
Parent: #13
ــــــــــ
مولانا النيّل أبوقرون
|
Post: #17
Title: Re: مُشـاط الرجال ..
Author: khaleel
Date: 07-02-2010, 08:45 AM
Parent: #16
كانو بتاع نيجريا
|
Post: #19
Title: Re: مُشـاط الرجال ..
Author: GamarBoBa
Date: 07-02-2010, 09:27 AM
Parent: #17
تيسير والجمعات المباركات
الواحد فينا من تانية جامعة شايل جلحاته و صلعته وحايم ياخ
وبعدين اكتر ربع ساعة بوترني اكون قاعد تحت الحلاق اقول نمرة واحد واتنين او نزل خلفي زاتو
فياخي البوست بتاعك انا بعتبره استفزاز عديل كدة
ومن هنا نعلن حركة تمرد عديل لاجل تخفيض رسوم الحلاقة للقطاع المصلع من الشعب
نجوم الكورة البمشطوا شعرهم بكون كارهم جدا...وحتي الرابط شعره يعني ابراهيموفتش الرابط شعره ده لو جاب قون بقول ليه قوم لف
نحن ناس زين الدين زيدان وروبن المصلعيين واشنايدر العنده جلحات..تتخيلي انو روبن الهولندي عمره كم سنة..26 سنه شايل صلعته وبجيب اهداف هولندا في كاس العالم
ياخي كامل التضامن مع روبن في صلعته المهببة ديك وويسلي اشنايدر بجلحاته الكبيرة وعمره 25 سنة ورفقاتهم بستعملوا الجل.
ثم انو الفلتة امين نوتة الناقد والمفكر والمحلل الرياضي وخبير التوقعات والقاص عمره 18 سنة وممتحن شهادة سودانية ياداب داك صلعته ود الامين
ويا بكري طرف السوط هابشك أحذف البوست ده وبالله انذار كدة كبير لتيسير دي عشان زاتو الزول جمعته تكون مباركة
سلامات تيسير وتحياتي
|
Post: #23
Title: Re: مُشـاط الرجال ..
Author: تيسير عووضة
Date: 07-02-2010, 10:28 AM
Parent: #19
يا قمر بوبا إزيك ..
تانية جامعة الكتيرة دي
ياخ في أطفال شوف عيني دي لما يتمو أربعين يوم الجلحات بتكون خلاس بدت تظهر
على سيرة اللعيبة الهولنديين ذكرتني (خوليت) أظنو برضو كان بيمشط شعرو
أنا عكسك، لاعب صلعة دا مهما عمل ما بينفع "وأريت أبو صلعة طاير" كما تقول واحدة من عيون الأغاني السودانية 
بعدين ياخي زين الدين دا ما تشملو مع المصلعين ساي الزول شعرو بي قدام لي نص جبهتو لمن عامل حرف M
بي ورا حرف الإم دا حاصل شنو ما علينا "عين الرضا يا بوبا"
شنايدر أبجلحات دا شايل من اسمو عشان كدا طالع شين
الكاتب والمفكر والناشط إلخ إلخ أمين خال حمور دا لأنو عبقري والصلعة من سمات العباقرة
بس ما تبقى عليهو البقت على زولنا المعتقد إنو أي صلعة معناها سيدا دكتور
قال للمعاهو في الحافلة: هسي طُلبة دا داير ليهو صلعة 
ــــــــ
ملحوظة:
مرسل إليكم إنت وبكري وأمين عدد 3 "خُلال" ماركة أبو يد عشان تسرحو بيهو آفرو ..
إنذار إنذار
|
Post: #20
Title: Re: مُشـاط الرجال ..
Author: تيسير عووضة
Date: 07-02-2010, 09:30 AM
Parent: #16
الأعزاء رغيم الأب
وقردابي "المركب مكنة رغيم الأب" 
سلامات وإزيكم ..
أنا طبعاً ما معاكم نهائي في التنميط الشائع البيربط القوالة بالنساء وتحديداً المشاطات
بل ووصف أصحاب هذه الصفة من الرجال أو الرجال بتاعين القوالات بأنهم مشاطات !
إشمعنى؟
ليه ما بتقولوا زي الحلاقين أو سواقين التاكسي مثلاً؟
ديل مش برضو ثرثارين وقد يقعوا في فخ قالوا وقلنا وبشكل يمكن أكتر من المسكينات ديل؟
|
Post: #22
Title: Re: مُشـاط الرجال ..
Author: GamarBoBa
Date: 07-02-2010, 10:02 AM
Parent: #20
في داعي تستفزينا يا تايسا
ياخي شوفي محمد الامين بجمل الصور كيف
طارق الامين حتي لو خت الطاقية
ويسلي اشنايدر
روبن الحاسم
ملك خط الوسط في الدنيا كلها وصانع الالعاب اندرياس انيستا..وبالمناسبة ده زول غير الكورة زول عميق وبألف كتب..الصورة قديمة شوية ..هسة صلعته واصله قفاه
علي اليمين انا وسيف الجامعة ما سائلين في زول
_
معليش لو مارسنا شغب وفوضي اسفيرية في بوستيك كما تقول اميرة الشيك ..والسلام عليكم ورحمة الله وبركاته
|
Post: #24
Title: Re: مُشـاط الرجال ..
Author: تيسير عووضة
Date: 07-02-2010, 10:34 AM
Parent: #22
دا شنو الجفاف والتصحر دا
مشاط يا بوبا مشاط زي خوليت دا:
|
Post: #25
Title: Re: مُشـاط الرجال ..
Author: تيسير عووضة
Date: 07-02-2010, 10:39 AM
Parent: #24
ـــــــ
كريق ديفيد
مشروع مشاط (مُبتّق) حا ينمو ويترعرع ويبقى cornrows جميلة بعد الرعاية والسقاية بالكركار ..
|
Post: #26
Title: Re: مُشـاط الرجال ..
Author: تيسير عووضة
Date: 07-02-2010, 10:46 AM
Parent: #25
ـــــــــ
الكاتب - مأمون التلب
|
Post: #27
Title: Re: مُشـاط الرجال ..
Author: تيسير عووضة
Date: 07-02-2010, 10:51 AM
Parent: #26
ــــــــــــ
كيفن ريتشاردسن، الـ ex-member في في فرقة باك ستريت بويز
|
Post: #28
Title: Re: مُشـاط الرجال ..
Author: GamarBoBa
Date: 07-02-2010, 11:00 AM
Parent: #27
ده مأمون التلب؟؟
علي غرار نكتة هيثم
علي اليمين انا الزول شفته زي عشرين مرة واست و س خ ته كما يقول عمنا امين ...شابكنا مقاطعة سودانيزاون لاين
_
يا بكري وقف فلترة الكلمات ياخ
|
Post: #29
Title: Re: مُشـاط الرجال ..
Author: خدر
Date: 07-02-2010, 12:04 PM
Parent: #28
|
Post: #30
Title: Re: مُشـاط الرجال ..
Author: طارق جبريل
Date: 07-02-2010, 12:11 PM
Parent: #29
عشان البوستات المحرجة دي ما قاعدين نخت صورنا
نحمد الله حتى مسح الراس في الوضوء سقط مننا
|
Post: #31
Title: Re: مُشـاط الرجال ..
Author: ماجد معالى
Date: 07-02-2010, 01:00 PM
Parent: #30
مشاط الرجال عموما سمح
بس بتاع مامون التلب الاجمل
|
Post: #32
Title: Re: مُشـاط الرجال ..
Author: عبدالكريم الامين احمد
Date: 07-02-2010, 01:12 PM
Parent: #31
هلا ياتيسير
في مشيطة نسائية شهيرة اسمها (سودان قفل)
ياربي في راجل اتمشطها ولسع سودان قفل دي في القبضة الرووس النسائية..
وعموما نتابع
علي قولة الصادق اسماعيل
|
Post: #33
Title: Re: مُشـاط الرجال ..
Author: GamarBoBa
Date: 07-02-2010, 01:28 PM
Parent: #32
الناس العندهم صلع
خدر
طارق جبريل
كيكي
ما تجوا وتمشوا ساي
سجلوا موقف
_
يا بكري الانذار ياخي عايزين نشوفه هنا
|
Post: #40
Title: Re: مُشـاط الرجال ..
Author: تيسير عووضة
Date: 07-02-2010, 03:21 PM
Parent: #33
قمر بوبا الفتنة نائمة ياخي إنذار شنو؟
غايتو تضامناً مع السادة أصحاب الصلع "التموينية" 
جبنا ليكم المخضرم (بن كينقزلي) أشعر المصلعين ..
|
Post: #39
Title: Re: مُشـاط الرجال ..
Author: تيسير عووضة
Date: 07-02-2010, 03:15 PM
Parent: #32
أيوة يا كيكي عرفتها
الشعر بيتمشط كلو في إتجاه الأعلى ويتلما مع بعض زي دي:
بعدين ما في أي شي بيمنع إنو الرجال مشطوها إذا كان عملوا ديل كلهم (سودان قفل) بتغلبهم؟
|
Post: #38
Title: Re: مُشـاط الرجال ..
Author: تيسير عووضة
Date: 07-02-2010, 02:52 PM
Parent: #31
ماجد معالي بتبالغ!
يعني مشاط مأمون أجمل من مشاط شين بول؟
شين بول بيتصور في نفس يوم المشطة مش بيخليها لمن تقدم وتتنكش زي حقت مأمون دي ..
|
Post: #36
Title: Re: مُشـاط الرجال ..
Author: تيسير عووضة
Date: 07-02-2010, 02:42 PM
Parent: #30
ود جبرين هسي حق المشاط مافي يعني؟
حبيت أبقجيجة ... إلى آخر البيت ..
|
Post: #35
Title: Re: مُشـاط الرجال ..
Author: تيسير عووضة
Date: 07-02-2010, 02:28 PM
Parent: #29
خدر ..
أهم شي تكون لاحظت للبُكلة الزرقاء العاملها نهاية الشعر ..
|
Post: #34
Title: Re: مُشـاط الرجال ..
Author: تيسير عووضة
Date: 07-02-2010, 02:24 PM
Parent: #28
بوبا ..
yahoo.com
ـــــــ
البورد دا بقى داير ليهو دكتور نفسي عديل
تقول بغم تجي تلقاها كاروهات ####### !
|
Post: #37
Title: Re: مُشـاط الرجال ..
Author: عبدالكريم الامين احمد
Date: 07-02-2010, 02:44 PM
Parent: #34
Quote: الناس العندهم صلع
خدر
طارق جبريل
كيكي
ما تجوا وتمشوا ساي
سجلوا موقف
|
هلا يا بوبا موقف بتاع اييييه يا بييييه..!!!
ده انا حسع منتظر تيسير دي تفتي لينا في امر سودان قفل دي واخش بيها تاريخ التمشيط الرجالي باوسع ابوابه
وذلك في حالة انو ما في راجل اتمشطها واصبح اول حالة..
تقول لي صلعة...؟؟
شوف يا اخوي ناسك وين..ناس خدر وطارق جبريل وعماد عبدالله واخوهو عصام جبرالله القالو صلعتو تنزل ليها هيلوكوبتر
|
Post: #41
Title: Re: مُشـاط الرجال ..
Author: محمد عبد الماجد الصايم
Date: 07-02-2010, 03:30 PM
Parent: #37
متعة والله يا تايسا!
رشي أبان صلع ديل باللاي!
بجيب ليكـ صورة أعز أصدقائي
مجنون بتاع مشاط!
|
Post: #43
Title: Re: مُشـاط الرجال ..
Author: تيسير عووضة
Date: 07-02-2010, 03:54 PM
Parent: #41
ود الصايم دا كمان شايل ليهو صرافة وحايم
مشاط بالدولار ساين $
صحبك دا زي صاحب أخوي
لو لقيت ليهو صورة كنت نزلتها هنا ..
|
Post: #42
Title: Re: مُشـاط الرجال ..
Author: تيسير عووضة
Date: 07-02-2010, 03:30 PM
Parent: #37
كيكي ممكن تدخل التاريخ من أوسع أبوابو وتكون أول أصلع يمشط شعرو
البي الجنبات قصدي ولا داك برضو يا كافي البلا مافي؟
ــــــــ
بالله الصف الذكرتو دا كلو أصلع؟
ربنا "يصلع" الحال ياخي
|
Post: #44
Title: Re: مُشـاط الرجال ..
Author: محمد عبد الماجد الصايم
Date: 07-02-2010, 04:10 PM
Parent: #42
دي صورة أعز الأصدقاء محمد سيف الدين (حبة)!
غايتو دي صورة لطشتها من فيسبوكو
بجيب ليكـ كمية زيادة!
|
Post: #45
Title: Re: مُشـاط الرجال ..
Author: تيسير عووضة
Date: 07-02-2010, 06:41 PM
Parent: #44
حاجة لطيفة خالس
أها وإنت حا تتمشط متين يا فردة؟
|
Post: #46
Title: Re: مُشـاط الرجال ..
Author: محمد عبد الماجد الصايم
Date: 07-02-2010, 07:14 PM
Parent: #45
راس دا ولّ خوارج عشان نمشّطو؟
|
Post: #47
Title: Re: مُشـاط الرجال ..
Author: osman righeem
Date: 07-02-2010, 07:24 PM
Parent: #46
Quote: أنا طبعاً ما معاكم نهائي في التنميط الشائع البيربط القوالة بالنساء وتحديداً المشاطات
بل ووصف أصحاب هذه الصفة من الرجال أو الرجال بتاعين القوالات بأنهم مشاطات !
إشمعنى؟
ليه ما بتقولوا زي الحلاقين أو سواقين التاكسي مثلاً؟
ديل مش برضو ثرثارين وقد يقعوا في فخ قالوا وقلنا وبشكل يمكن أكتر من المسكينات ديل؟ |
انا غايتو ما دخلي
لكن بس المناسبة جات
بس يخيل لي اخونا عمر
اتاثر بالعنوان
غايتو
|
Post: #48
Title: Re: مُشـاط الرجال ..
Author: سلمى الشيخ سلامة
Date: 07-02-2010, 09:26 PM
Parent: #47
عارفة يا تيسير
المشاط هنا فى البلد دى اغلى حاجة
الراس على اقل تقدير ب200 دولار
الفرتيقة ب50 دولار
الكوافيرات فى كل انحاء الولايات المتحدة فيها جزء للمشاط
البمشطو يا من افريقيا راس او من افريكان امريكان
اها ياستى مافى فرق الا مع النجوم
النجوم ديل مشاطاتهم براااهم
واريتنى ابقى مشاطة للفنانين والمشاهير من لاعبى السلة والبيسبول وكرة القدم
تعالى نعمل صالون ونمشط انقرى ما بنبقى مليونيرات فى زمن وجيز ؟
فكرى فى العرض دا
تحياتى يا حبيبة
|
Post: #49
Title: Re: مُشـاط الرجال ..
Author: محمد عبد الماجد الصايم
Date: 07-02-2010, 09:28 PM
Parent: #48
ماف طريقة مشاط إسفيري؟
|
Post: #50
Title: Re: مُشـاط الرجال ..
Author: سلمى الشيخ سلامة
Date: 07-02-2010, 09:45 PM
Parent: #49
ود الصايم الغالى
عاد مشاط الاسافير دا ما بجيب تمنه
يعنى كيف ؟
ياهو الصور وجابوهن
تانى شنو ؟
غايتو دا تعرفو براك
|
Post: #51
Title: Re: مُشـاط الرجال ..
Author: محمد عبد الماجد الصايم
Date: 07-02-2010, 10:02 PM
Parent: #50
سلمى الأغلى! وست الفارغة والمليانة!
غايتو ما عارف التصرف في الموضوع دا بكون كيف!
لكن ياهو الواحد مادي راسو في البورض دا طووالي
ماف زول يشيل الراس دا يمشطو ويجيبو لينا؟
|
Post: #52
Title: Re: مُشـاط الرجال ..
Author: سلمى الشيخ سلامة
Date: 07-02-2010, 11:15 PM
Parent: #51
غايتو يا صايم ذكرتنى حاجة زمان نسيتها
الفارغة ومليانة لغاية الان بتصدر ولا وقفت ؟
يا سلام زمن يا عمك
اها نرجع لموضوع المشاط
انت داير تتمشط ؟ اتمشط ياخ مافى زول بسالك
وكمان سوى ليك حلق باليمين
وخلاس
|
Post: #53
Title: Re: مُشـاط الرجال ..
Author: Albino Akoon Ibrahim Akoon
Date: 07-02-2010, 11:40 PM
Parent: #52
يازول ما في مانع انو اب صلعة يتمشط
انت ما شفت استيفي ووندر ولا شنو
عمي وصلعة وومشاط
shame on you shame one me shame on them
so what the flack ?!
ما تفهموها غلط دي اغنية من اغنياته.
وياريت انزلوا صورته كمان
|
Post: #65
Title: Re: مُشـاط الرجال ..
Author: تيسير عووضة
Date: 07-03-2010, 12:50 PM
Parent: #53
يا ألبينو كلامك صاح
ستيفي وندر صلعة وممشط
لكن نسيتو كلو كلو
فعلاً shame on me 
|
Post: #64
Title: Re: مُشـاط الرجال ..
Author: تيسير عووضة
Date: 07-03-2010, 12:41 PM
Parent: #49
| Quote: ماف طريقة مشاط إسفيري؟ |
ضَفِر إسفيري كيف معاك؟
|
Post: #63
Title: Re: مُشـاط الرجال ..
Author: تيسير عووضة
Date: 07-03-2010, 12:38 PM
Parent: #48
سلمي يا سلامة
كيفك حبيبة ..
بالله المشطة بي 200 دولار؟
ياحليل حجة كريمة النيجيرية
كانت بتمشط حبوبتي من زمن الريال مروراً بالطرادة
شايلة المسلّة وموية المحلب
لو مشت أمريكا كانت غنت لي جنا الجنا
خلاص يا ستي نقوم نفتح لينا كوفير أنا وإنتي
المشاط عليك والنقض علي
الخراب ما أصلو ساهل
اليسمع "النقض" دي يقول ديك يا المحامية أمام محاكم النقض والإستئناف
|
Post: #62
Title: Re: مُشـاط الرجال ..
Author: تيسير عووضة
Date: 07-03-2010, 12:25 PM
Parent: #47
رغيم الأب ..
عادي يا عزيزي ومرحب بيكم الإتنين 
|
Post: #61
Title: Re: مُشـاط الرجال ..
Author: تيسير عووضة
Date: 07-03-2010, 12:21 PM
Parent: #46
| Quote: راس دا ولّ خوارج عشان نمشّطو؟ |
تمشيط أرض المعركة
تمشّطوا فإن الشعر لا يدوم ..
|
Post: #99
Title: Re: مُشـاط الرجال ..
Author: انس عمر
Date: 07-05-2010, 06:13 PM
Parent: #46
ودالصايم:
راس دا ولّ خوارج عشان نمشّطو؟
مالو حلااااتك بالمشاط !!!
________________
مع الاعتزار اصاحب الصورة ..
|
Post: #54
Title: Re: مُشـاط الرجال ..
Author: Yassir Tayfour
Date: 07-02-2010, 11:40 PM
Parent: #45
يا تيسير
واحد صاحبي صديقتو هيشناويّة - من هاييتي-، ما شاء الله عليها خشنة خشونة ودشنة دشانة، لدرجة إنو النظرة الأولى لك والثانية لك والثالثة لك وقد تُثاب إن أطلت النظر وعددت النظرات. صاحبي لأنو إنتهازي من الدرجة أ، ماسك فيها مسكة فرمالة، زول مفرمل، قال تلاتشر وما خلوهو يلعب.. كل اسبوع تمشيطة، مرة زقزاق، ومرة سادة ومرة كبار ومرة سغار، ومرة ما تعرف كيف، يوم مشيت معاهو لبيتها، الساعة العصرت ليك الرأس بين ركبينها زي المنجلة، وخمشت ليك الرأس زي عازف الإيقاع، وكل مرة تقول ليهو: Please A.... don't move وهو ما سامعها الركبين نازلات في الإضنين زي حلة البريستون..
___
مجرد ما حلق شعرو تاني ما عتّب عليها..
|
Post: #55
Title: Re: مُشـاط الرجال ..
Author: محمد عبد الماجد الصايم
Date: 07-03-2010, 06:28 AM
Parent: #54
| Quote: الفارغة ومليانة لغاية الان بتصدر ولا وقفت ؟ |
للأسف يا سلمى بقيت ما بتابعا
بقت ماشة بي جهد المقل، ولو وقفت زاتو
ما عندي خبر عنها .. (الخرطوم) ذاتا
بقت ما ياها!!
|
Post: #56
Title: Re: مُشـاط الرجال ..
Author: الملك
Date: 07-03-2010, 09:52 AM
Parent: #55
مُشاط الرُجـــــــال كنز :)
....
|
Post: #57
Title: Re: مُشـاط الرجال ..
Author: الجندرية
Date: 07-03-2010, 10:10 AM
Parent: #56
سلام يا تيسير
تعرفي اجمل حاجة في مشاط الرجال الشفناهو في كاس العالم
انه خلا هبة بتي تعتنع بالمشاط
وارتحت من التسريح كل يوم
بعدين شايفاك انت وعبد الكريم بتتكلموا عن السودان قفل دي كانها مشطة تانية
مش ياها المشطة الممشطنها معظم الشباب الهنا ديل ؟
الشعر كلو راجع لوراء كدا زي مشطة مامون وغيره
حيرتوني
|
Post: #58
Title: Re: مُشـاط الرجال ..
Author: عبدالكريم الامين احمد
Date: 07-03-2010, 11:08 AM
Parent: #57
Quote: بعدين شايفاك انت وعبد الكريم بتتكلموا عن السودان قفل دي كانها مشطة تانية
مش ياها المشطة الممشطنها معظم الشباب الهنا ديل ؟
الشعر كلو راجع لوراء كدا زي مشطة مامون وغيره
حيرتوني |
سلام يا الجندرية..
واتخيل لي سودان قفل دي ياها التميشطة الجابت زيها تيسير للشعر المرفوع وملموم كلو لفووق وعامل زي القندول كده
وغايتو ده السودان قفل الشفتو عند ناس علوية برنجي و عشة شرغرغ
|
Post: #70
Title: Re: مُشـاط الرجال ..
Author: تيسير عووضة
Date: 07-03-2010, 01:30 PM
Parent: #58
| Quote: وغايتو ده السودان قفل الشفتو عند ناس علوية برنجي و عشة شرغرغ |
|
Post: #59
Title: Re: مُشـاط الرجال ..
Author: أيمن الطيب
Date: 07-03-2010, 11:11 AM
Parent: #57
بوب مارلى صاحب أشهر Dreadlucks فى التاريخ المعاصر,,وملك ملوك الراستافاريانReggae ,وشيخ الطريقةالRastafariaالهيلاسلاسية ,, يا تيسير الناس ديل شغلتهم دى ما أظنها مشاط!!!مقارنة مع ناس بيكهام شين بول والوليدات ديل,,
تحياتى..
|
Post: #60
Title: Re: مُشـاط الرجال ..
Author: وليد محمد المبارك
Date: 07-03-2010, 11:48 AM
Parent: #59
|
Post: #67
Title: Re: مُشـاط الرجال ..
Author: ALZOLZATOO
Date: 07-03-2010, 01:06 PM
Parent: #60
ياود الصائم
انت غايتو مشاطك الا مقاولة عديل كده التسعيره مابتغطي معاك
غايتو اتمشط وتعال ح تكون داية قانونية زي الترتيب هاهاهاهاهاهاهاي
تحياتي
زاتوووو
|
Post: #71
Title: Re: مُشـاط الرجال ..
Author: محمد عبد الماجد الصايم
Date: 07-03-2010, 01:49 PM
Parent: #67
Quote: انت غايتو مشاطك الا مقاولة عديل كده التسعيره مابتغطي معاك
غايتو اتمشط وتعال ح تكون داية قانونية زي الترتيب هاهاهاهاهاهاهاي |
()
|
Post: #75
Title: Re: مُشـاط الرجال ..
Author: تيسير عووضة
Date: 07-03-2010, 01:58 PM
Parent: #67
الزول زاتو ..
صلعة ولا تحمد سيدك؟
|
Post: #73
Title: Re: مُشـاط الرجال ..
Author: تيسير عووضة
Date: 07-03-2010, 01:56 PM
Parent: #60
أول مرة أشوف لطه سليمان صورة بالمشاط
شكراً وليد ..
|
Post: #72
Title: Re: مُشـاط الرجال ..
Author: تيسير عووضة
Date: 07-03-2010, 01:50 PM
Parent: #59
يا أيمن على ما أظن الإتنين مشاط
واحد ماخد اسم سيدو حتى يقول ليك فلان دا ممشط شعرو أو ممشطة شعرها بوب
والتاني بتاع الشباب ديل والعامل زي صفوف الذرة يا قولهم ودا الأجمل في نظري وفي كلٍ خير 
بعدين بتاع بوب مارلي دا ضفاير لكن عشان ما بغسلها ولا بفكها بالسنين أخدت الشكل الشايفنو بيها دا
لكنها في الأصل ضفاير برضو مش شعر ملولو ساي زي ما ظاهر
مرة قريت في حتة إنو إتباعت واحدة من ضفايرو دي بي ما يقارب 2600£ تقول لي شنو؟
|
Post: #69
Title: Re: مُشـاط الرجال ..
Author: تيسير عووضة
Date: 07-03-2010, 01:27 PM
Parent: #57
عزيزتنا الجندرية ..
المشاط جميل هبوية لو كانت في السودان كانت حا تحبو أكتر كمان
غايتو أظن دي الحسنة الوحيدة لكاس العالم المرة دي 
سودان قفل زي ما قال ليك كيكي الشعر كلو متجه لي فوق ..
|
Post: #68
Title: Re: مُشـاط الرجال ..
Author: تيسير عووضة
Date: 07-03-2010, 01:22 PM
Parent: #56
ناجي ..
تنشّطوا تمشطوا
مشطة مزدوجة - عاملة زي السكة حديد
ــــــــ
تصوير جميل كالعادة ..
|
Post: #66
Title: Re: مُشـاط الرجال ..
Author: تيسير عووضة
Date: 07-03-2010, 01:05 PM
Parent: #54
| Quote: الساعة العصرت ليك الرأس بين ركبينها زي المنجلة، وخمشت ليك الرأس زي عازف الإيقاع، وكل مرة تقول ليهو: Please A.... don't move وهو ما سامعها الركبين نازلات في الإضنين زي حلة البريستون.. |
دي اسمها "هَجرَة المشاط" يا ياسر
لو ما كانت كدا المشاط ما بيطلع مكرّب
كمجربة للقصة دي، القعدة دي مفروض يقوم منها ورقبتو معسمة تلاتة يوم
كان جات على الإضنين هينة ..
بعدين ياخ ما تخليهو يمارس إنتهازيتو تاني ويتوسط ليك عند هولاكو دي تمشطك
التفة ديك حيكون فيها حلاة مشاط
|
Post: #76
Title: Re: مُشـاط الرجال ..
Author: تيسير عووضة
Date: 07-03-2010, 02:02 PM
Parent: #66
ـــــــــ
المغني شاقي ..
|
Post: #77
Title: Re: مُشـاط الرجال ..
Author: تيسير عووضة
Date: 07-03-2010, 02:09 PM
Parent: #76
ــــــــ
المغني كيفن فيدرلاين "طليق بريتني سبيرز"
|
Post: #78
Title: Re: مُشـاط الرجال ..
Author: محمد عبد الماجد الصايم
Date: 07-03-2010, 02:24 PM
Parent: #77
أها يا أخينا تايسا
|
Post: #89
Title: Re: مُشـاط الرجال ..
Author: تيسير عووضة
Date: 07-05-2010, 06:15 AM
Parent: #78
كدي يا يمة مشاط الوليدات لي حدهم ..
ــــــــــ
ود الصايم الكلام دا بالإتفاق مع ولا ساي
لو ساي من هسي أنا ما أعرفكش 
|
Post: #90
Title: Re: مُشـاط الرجال ..
Author: محمد عبد الماجد الصايم
Date: 07-05-2010, 06:23 AM
Parent: #89
ما تلاوزي
يعني ما خفتي من الأجانب ديل كووولهم
دايرة تخافي من ولدنا!
|
Post: #74
Title: Re: مُشـاط الرجال ..
Author: عبدالحميد نورين الطاهر
Date: 07-03-2010, 01:56 PM
Parent: #44
[ ] ياود الصايم الناس الشعرهم كل خمسة عاملين
اجتماع ديل يمشطو كيف في ليهم خيارات
![ ]
|
Post: #79
Title: Re: مُشـاط الرجال ..
Author: محمد عبد الماجد الصايم
Date: 07-03-2010, 02:33 PM
Parent: #74
Quote: ياود الصايم الناس الشعرهم كل خمسة عاملين
اجتماع ديل يمشطو كيف في ليهم خيارات |
أوو نورين يا عمكـ
طوالي تسلم نفسكـ لجهاز الأمن .. يمعّطوا ليكـ
الباقي .. ولو رجعوا ليكـ الراس سليم يكونوا ما قصّروا!
_
القروش يا عمكـ .. قروض البورض!
|
Post: #80
Title: Re: مُشـاط الرجال ..
Author: Elawad Eltayeb
Date: 07-03-2010, 02:58 PM
Parent: #74
والله أنا جيت قايل الموضوع خاص بالمنبر لكن الحمد لله جات سليمة
بس يا ربي ديل بلقوا (المشاطات) وين؟
|
Post: #81
Title: Re: مُشـاط الرجال ..
Author: ALZOLZATOO
Date: 07-03-2010, 03:36 PM
Parent: #80
Quote: الزول زاتو ..
صلعة ولا تحمد سيدك |
تيسير قبيل نسيت اسلم عليك
انا حاليا اعتبر من اصحاب الصلعات لكن زمان الشعر كان بيستاهل تمشيطه
غايتو لو ماعامل التعرية كان ح تشوفوني مع الذراع الطويلة يا عازف دنب مع ندى القلعة كااااااك
تحياتي
زاتوووو
|
Post: #91
Title: Re: مُشـاط الرجال ..
Author: تيسير عووضة
Date: 07-05-2010, 07:24 AM
Parent: #81
| Quote: انا حاليا اعتبر من اصحاب الصلعات لكن زمان الشعر كان بيستاهل تمشيطه |
مرحب بيك يا زاتو في إتحاد أصحاب الصلع والحرف اليدوية ..
|
Post: #92
Title: Re: مُشـاط الرجال ..
Author: تيسير عووضة
Date: 07-05-2010, 07:39 AM
| Quote: والله أنا جيت قايل الموضوع خاص بالمنبر لكن الحمد لله جات سليمة |
حابس حابس 
| Quote: بس يا ربي ديل بلقوا (المشاطات) وين؟ |
أو يمكن (المشاطين) يا العوض
إحتمال برضو !
|
Post: #82
Title: Re: مُشـاط الرجال ..
Author: Salah Abdulla
Date: 07-03-2010, 09:58 PM
Parent: #74
تيسير ، أنا زعلان منك!! زي ما بتقول بتي أمل
هابشاني مالك؟؟
أنا الوحيد بين أخواني الأربعة الأكبر مني ، والوحيد الأصغر مني
الورثت من الوالد رحمه الله الصلعة
غايتو لسه باقي لي (بضع شعرات) اتجدع بيهم لحدي ما ألحق صاحبي طارق الأمين
بالمناسبة عماد عبدالله وكيكي ما أعضاء في نادي الصلع
فما تهجميهم ساي ..
شوف عيني وسمع أضاني ، في دكتور في السودان
يسلمك شعرك الزمان بي صمة خشمو، بعد عدة جلسات علاج
ياخي أنا مقتنع ومتكيف من صلعتي جداً
فبالله ما تحمسينا ساي ، أقوم هسي أجلس ليك للدكتور ده
وأجيك رابط شريط أحمر ، وأبوظ ليك بوستيك ده..
|
Post: #83
Title: Re: مُشـاط الرجال ..
Author: أمين محمد سليمان
Date: 07-04-2010, 04:05 AM
Parent: #82
تيسير ، بوستك ده كنتي ملبته وين ؟ يعميني فيه غير هسي !
قمر الحقد المظلم
Quote: ثم انو الفلتة امين نوتة الناقد والمفكر والمحلل الرياضي وخبير التوقعات والقاص عمره 18 سنة وممتحن شهادة سودانية ياداب داك صلعته ود الامين
|
صلعتي دي رحمه لعباده منه تعالي ، لانو أنا كان كان عندي شعر لما نامت العذاري في خدورهن !! كان لازم تكون في حاجه غلط عشان ما تحصل حاجه غلط !! 
|
Post: #84
Title: Re: مُشـاط الرجال ..
Author: أمين محمد سليمان
Date: 07-04-2010, 04:15 AM
Parent: #83
Quote: الكاتب والمفكر والناشط إلخ إلخ أمين خال حمور دا لأنو عبقري والصلعة من سمات العباقرة
بس ما تبقى عليهو البقت على زولنا المعتقد إنو أي صلعة معناها سيدا دكتور |
اها تصدقي و تامني بالله يا تيسير بكره ولا بعد بكره بالكتير إن شاء الله حا أفتح بوست و أعلن إنو أنا بقيت دكتور ، لي زمن مقتنع إنو مفروض أضيف لقب دكتور لالقابي الكتيره دي لانو لقب دكتور بدي زخم و بعد عاشر فبالله ما تنسي تجي تباركي لي !!
|
Post: #85
Title: Re: مُشـاط الرجال ..
Author: أمين محمد سليمان
Date: 07-04-2010, 06:27 AM
Parent: #84
Quote: عشان البوستات المحرجة دي ما قاعدين نخت صورنا
نحمد الله حتى مسح الراس في الوضوء سقط مننا |
متفق معاك يا طارق البوست ما موفق كلو كلو و جارح لمشاعر كتير من الأعضاء و القراء و بيفتقر للحد الادني من الحساسيه المطلوبه تجاه ذوي الاحتياجات الخاصه الزيي و زيك و زي قمرنا المظلم ده !! ثم إنو مافيهو إحترام لسيد المكان الذي تقدست صلعته الشريفه حتي أصبحت مزارا للحجاج من كل أنحاء وطننا الشقيق !!
باسمكم أخي طارق و باسم كل من ماتت في راسه الخلايا المنبته للشعر : باسم الملايين الليها سنين ما مسكت مشط ، أطالب الأخ بكري أبوبكر بسحب هذا البوست !!!
|
Post: #86
Title: Re: مُشـاط الرجال ..
Author: MAHJOOP ALI
Date: 07-04-2010, 12:47 PM
Parent: #85
ايه رايك في الكابتن دا
مريح جدا في صباحات المدارس...
لكن اصحابوا لمن عرفوا ان المشاط منزلي (يعني لايؤكيل بالباتنجان)
دخلنا في حرج الاعذار المابتخلص.
|
Post: #87
Title: Re: مُشـاط الرجال ..
Author: MAHJOOP ALI
Date: 07-04-2010, 01:00 PM
Parent: #86
لاتوجد منطقة اسطي
يامشاط
يانقض وتفه
حلاق نهي كش نهي
|
Post: #88
Title: Re: مُشـاط الرجال ..
Author: lana mahdi
Date: 07-04-2010, 01:17 PM
Parent: #87
Quote: أيوة يا كيكي عرفتها
الشعر بيتمشط كلو في إتجاه الأعلى ويتلما مع بعض زي دي: |
المشطة دي يا تايسا إسمها السودان قفل
|
Post: #96
Title: Re: مُشـاط الرجال ..
Author: تيسير عووضة
Date: 07-05-2010, 08:59 AM
Parent: #88
| Quote: المشطة دي يا تايسا إسمها السودان قفل |
والله إنتي الذ زول 
|
Post: #95
Title: Re: مُشـاط الرجال ..
Author: تيسير عووضة
Date: 07-05-2010, 08:50 AM
Parent: #86
واحلاتو واحلاتو ما شاء الله
ربنا يحفظو يا محجوب
يخلوا ليهو المشاط والآفرو ..
ــــــــ
بالجد صور حلوة شديد ..
|
Post: #94
Title: Re: مُشـاط الرجال ..
Author: تيسير عووضة
Date: 07-05-2010, 08:45 AM
Parent: #85
الأستاذ الدكتور الأديب الناقد المفكر الناشط الحقوقي أمين خال حمور أخو بدري قدس الله سره وأدام لنا ظله
(إستراحة قصيرة آخد فيها نفَسَي بعد قطار الألقاب دا)
.
.
.
.
.
| Quote: صلعتي دي رحمه لعباده منه تعالي ، لانو أنا كان كان عندي شعر لما نامت العذاري في خدورهن !! كان لازم تكون في حاجه غلط عشان ما تحصل حاجه غلط !! |
ومثلك يا أستاذنا المفكر يفخر بغزارة علمه لا غزارة شعره
ويعتز بطول باعه في الفكر لا بطول ضفائره
دمت عزاً للوطن ..
Quote: متفق معاك يا طارق البوست ما موفق كلو كلو و جارح لمشاعر كتير من الأعضاء و القراء و بيفتقر للحد الادني من الحساسيه المطلوبه تجاه ذوي الاحتياجات الخاصه الزيي و زيك و زي قمرنا المظلم ده !! ثم إنو مافيهو إحترام لسيد المكان الذي تقدست صلعته الشريفه حتي أصبحت مزارا للحجاج من كل أنحاء وطننا الشقيق !!
باسمكم أخي طارق و باسم كل من ماتت في راسه الخلايا المنبته للشعر : باسم الملايين الليها سنين ما مسكت مشط ، أطالب الأخ بكري أبوبكر بسحب هذا البوست !!! |
|
Post: #93
Title: Re: مُشـاط الرجال ..
Author: تيسير عووضة
Date: 07-05-2010, 08:18 AM
Parent: #82
يا صلاح عبد الله الكلام الأخلاق ياخي شعر شنو وكلام فاضي شنو
وبعدين الصلعة دليل النبوغ وأشهر فلاسفة ومفكري التاريخ كانوا صلعة (أمين خال حمور نموذجاً)
إنت مفروض تفرح كونك الوحيد الورثت صلعة في البيت إتشال منك شعر الراس وجاك بدلو الشنب
على قول برنارد شو غزارة في الإنتاج وسوء في التوزيع 
Quote: بالمناسبة عماد عبدالله وكيكي ما أعضاء في نادي الصلع
فما تهجميهم ساي .. |
دا قمر بوبا تتخيل! عشان هو صلعة قايل الناس دي كلها زيو
|
Post: #98
Title: Re: مُشـاط الرجال ..
Author: GamarBoBa
Date: 07-05-2010, 11:34 AM
Parent: #97
| Quote: دا قمر بوبا تتخيل! عشان هو صلعة قايل الناس دي كلها زيو |
والله يا تيسير الواحد فيكم زي ما قال ودالبشري بقي زي الحبشي بأشر يمين و يلف شمال
عماد ده صحبي وبعرفه وبعرف انو ما عنده صلعة...انا كيكي شفته مرة في الفيس بوك قاعد في مكتب كدة فاتخيل لي مصلع فدخلته هو...هو قام كتب عماد عبدالله واظنه كان قاصد صلاح وخت عماد في العرض
|
Post: #100
Title: Re: مُشـاط الرجال ..
Author: انس عمر
Date: 07-05-2010, 06:21 PM
Parent: #98
(ياود الصائم
انت غايتو مشاطك الا مقاولة عديل كده التسعيره مابتغطي معاك
غايتو اتمشط وتعال ح تكون داية قانونية زي الترتيب هاهاهاهاهاهاهاي
تحياتي زاتوووو )
كده كيف ؟؟؟
|
Post: #101
Title: Re: مُشـاط الرجال ..
Author: محمد عبد الماجد الصايم
Date: 07-06-2010, 06:55 AM
Parent: #100
زي باص الجريف!
يسخّن يدخّن .. يقوم يقطّع الهدوم!
|
Post: #102
Title: Re: مُشـاط الرجال ..
Author: ملكة سبأ
Date: 07-06-2010, 08:17 AM
Parent: #101
ولأن البوست عجبني
ولأني لطشت صور لبعض المشطات لأنه الأيام دي معانا حبشية عينا نجيضة بس توريها وهي تجري اللازم
حا اقوم اقول ليكم مشطت السودان قفل دي المشطة العادية دي من قدام لورا
اما السودان فتح فهي تختلف عن السودان قفل في ان بها مساير ، يعني بشقو الجزء القدام يعملوهو مساير والباقي يمشطوهو عادي لورا ، وتنفع لأمات الجباه الشم والجلحات عكس الشودان قفل
سلامات تيسير
|
Post: #106
Title: Re: مُشـاط الرجال ..
Author: تيسير عووضة
Date: 07-06-2010, 12:31 PM
Parent: #102
مراحب ملكتنا
جيبي صور المشاط وتعالي
سودان قفل سودان فتح
تأشيرة عمرة بس 
|
Post: #105
Title: Re: مُشـاط الرجال ..
Author: تيسير عووضة
Date: 07-06-2010, 12:27 PM
Parent: #101
أنس عمر جاب ليك النجيضة يا ابني 
|
Post: #104
Title: Re: مُشـاط الرجال ..
Author: تيسير عووضة
Date: 07-06-2010, 12:21 PM
Parent: #98
| Quote: والله يا تيسير الواحد فيكم زي ما قال ودالبشري بقي زي الحبشي بأشر يمين و يلف شمال |
| Quote: عماد ده صحبي وبعرفه وبعرف انو ما عنده صلعة...انا كيكي شفته مرة في الفيس بوك قاعد في مكتب كدة فاتخيل لي مصلع فدخلته هو...هو قام كتب عماد عبدالله واظنه كان قاصد صلاح وخت عماد في العرض |
مبالغة!
لك العتبى يا بوبا يا أخوي
أنا درعتها فيك طوالي قلت كلٌ يرى الناس بعين "صلعته"
|
Post: #107
Title: Re: مُشـاط الرجال ..
Author: تيسير عووضة
Date: 07-06-2010, 12:39 PM
Parent: #104
ـــــ
المغني جستن تيمبرليك ..
|
Post: #113
Title: Re: مُشـاط الرجال ..
Author: تيسير عووضة
Date: 07-07-2010, 12:24 PM
Parent: #107
ــــــ
والمغني أوماريون
|
Post: #103
Title: Re: مُشـاط الرجال ..
Author: تيسير عووضة
Date: 07-06-2010, 12:13 PM
Parent: #97
لؤي ..
| Quote: لذا لزم التّنويه |
التنويه المغنطيسي؟
|
Post: #108
Title: Re: مُشـاط الرجال ..
Author: محمد البشرى الخضر
Date: 07-06-2010, 12:40 PM
Parent: #103
والله يا ابو التا انا من بداية البوست وكايس للمحاور ما عرفتها كلّو كلّو
كدي ورّيني البوست دا عندو علاقة بحكاية الأولاد الممكيجين ولاّ إسم على إسم ساكت ؟
|
Post: #109
Title: Re: مُشـاط الرجال ..
Author: محمد عبد الماجد الصايم
Date: 07-06-2010, 12:43 PM
Parent: #108
ود البشرى في دور الأسد الأطرش!
|
Post: #111
Title: Re: مُشـاط الرجال ..
Author: محمد البشرى الخضر
Date: 07-06-2010, 12:54 PM
Parent: #109
في شنو يا معلّم؟
كدي كان في حاجة كلّمني النقوم على التعديل
|
Post: #114
Title: Re: مُشـاط الرجال ..
Author: تيسير عووضة
Date: 07-07-2010, 12:37 PM
Parent: #111
ود البشرى ..
Quote: والله يا ابو التا انا من بداية البوست وكايس للمحاور ما عرفتها كلّو كلّو
كدي ورّيني البوست دا عندو علاقة بحكاية الأولاد الممكيجين ولاّ إسم على إسم ساكت ؟ |
الأولاد الممكيجين ديل منو؟
مشاط الرجال يعني الرجال الذين يمشطون شعورهم
تعال قول لي شعورهم دي بتبقى لي أحاسيسهم ولا اسم على اسم 
|
Post: #110
Title: Re: مُشـاط الرجال ..
Author: Tabaldina
Date: 07-06-2010, 12:45 PM
Parent: #103
..
.
والله خاشى وبقول الله يستر
مولانا تيتا دى .. فاتحه نار فى منو ..!!؟
الواحد هنا فقد حسن النية والظن فى اسماء البوستات
المهم..
انت اليومين دى الظاهر مشطت شعركـ
بالله صوريهو لينا من الخلف عشان نقارن الفرق بين
مشاط الرجال والنساء وسبيبه (كلاهما)
----------
سؤال جادى
ليه الشارع السودانى لمن يقول فلانه ولا فلان دا مشاطه
قصدو شنو بتشربك الكلام وتلخبطبوا ولا فى سر لكلمة ( مشاط )
فيووووووووووووووو
|
Post: #112
Title: Re: مُشـاط الرجال ..
Author: ملكة سبأ
Date: 07-07-2010, 12:09 PM
Parent: #110
Quote: جيبي صور المشاط وتعالي
سودان قفل سودان فتح |
طيب دقيقة اصبري لي
إلا تابيني براك الليلة
كما اطفش ليك ناس ود البشرى ديل
|
Post: #116
Title: Re: مُشـاط الرجال ..
Author: تيسير عووضة
Date: 07-07-2010, 01:09 PM
Parent: #112
يا ملكة سبأ ..
وفضلنا وحاتِك منتظرين 
|
Post: #119
Title: Re: مُشـاط الرجال ..
Author: osman righeem
Date: 07-08-2010, 04:58 PM
Parent: #112
Quote: يا ابو التا انا من بداية البوست وكايس للمحاور ما عرفتها كلّو كلّو
كدي ورّيني البوست دا عندو علاقة بحكاية الأولاد الممكيجين ولاّ إسم على إسم ساكت ؟ |
يا عمك انت بقيت تشغل الهزارد و تمشي سيدا
بلقيس
سلام
صور فترقبوها
الشقيقة سلام
|
Post: #115
Title: Re: مُشـاط الرجال ..
Author: تيسير عووضة
Date: 07-07-2010, 12:59 PM
Parent: #110
يا تبلدينا ..
مولانا تيتا بتفتح نار مرة واحدة بس في السنة تحديداً عند المنتصف من كل سنة
لمن نهر النيل يكون عكران أصلي ما بحبش النكد 
ما مشطتو يا تبلدينا آخر مرة لمن كنت في الثانوي
بعيد عنك بقيت كلما أمشطو يطقني ليك صداع ما بروح إلا لمن أفكو
وبالتالي لا يوجد مشاط ولا توجد سبيبة ولا توجد صور
Quote: سؤال جادى
ليه الشارع السودانى لمن يقول فلانه ولا فلان دا مشاطه
قصدو شنو بتشربك الكلام وتلخبطبوا ولا فى سر لكلمة ( مشاط ) |
تنميط سلبي للنساء وللمشاطات لا أكثر
المشاطات زمان يا تبلدينا كانوا بيجوا في البيوت وبيطلعوا على أسرارها
كل يوم الواحدة بتكون في بيت زول بتمشط في ستو ولأنو قعدة المشاط بتاع الحبوبات الدقاق داك بتاخد وقت طويل المشّاطة أحياناً بتبيت لي تاني يوم، أها أثناء القعدة الطويلة دي وكنوع من كسر الرتابة بالونسة بتحصل الثرثرة في الفارغة والمليانة وبتجي سيرة الناس وبتجي القوالة كان خير كان شر
الصورة النمطية للمشّاطة في أذهان الناس بقت عبارة عن الزولة البتنقل الخبارات من بيت لي بيت أثناء تأدية عملها ناسين أو متناسين إنو بنفس الفهم دا في بعض المهن الرجالية زي سواقة التاكسي والحلاقة بعض أصحابها برضو بيعملوا زي المشاطات وأكعب وعموماً لا خير في هذا او ذاك ونقل القولات ما شكروا بيهو زول ..
كما أن التنميط بشكل عام ما حبابو سواء كان إلصاق صفة معينة بنوع أو إلصاقها بجنس أو بمهنة (رأي شخصي)
|
Post: #117
Title: Re: مُشـاط الرجال ..
Author: naeem ali
Date: 07-07-2010, 01:15 PM
Parent: #115
والله يا تيسير انا كان عندي شله (ايام الدراسه الجامعيه وكده) بمشوا القاهره شان يتمشطوا..
____________________
ماتسأليني انت بتتمطش معاهم ولا لا
(توجد صور)..
|
Post: #118
Title: Re: مُشـاط الرجال ..
Author: Amira Elsheikh
Date: 07-08-2010, 04:06 PM
Parent: #117
ياتايسا...
من حيث كذلك وايضا والمهم يجب ان تزين هذه الصورة الصفحة التانية
وبقية الصفحات ان امــد الله فى عمر البوست وحتى تسهل مهمتنا فى التصبيح والتمسي
وشكر الله سعيكم ووفقكم فى مساعكم لاسعاد الرعية حتــى ولو من باب اضعف الايمــان(الصورة)
والله من ورا القصد...
اختكم فى كريك ديفيد..امــيرة الشيخ
|
Post: #120
Title: Re: مُشـاط الرجال ..
Author: Amira Elsheikh
Date: 07-08-2010, 05:06 PM
Parent: #118
Quote: ماتسأليني انت بتتمطش معاهم ولا لا
(توجد صور).. |
ماتــعب روحك يانعيــم....
الصور علينـــــا
جااااى
|
Post: #123
Title: Re: مُشـاط الرجال ..
Author: تيسير عووضة
Date: 07-09-2010, 05:05 PM
Parent: #118
Quote: من حيث كذلك وايضا والمهم يجب ان تزين هذه الصورة الصفحة التانية
وبقية الصفحات ان امــد الله فى عمر البوست وحتى تسهل مهمتنا فى التصبيح والتمسي
وشكر الله سعيكم ووفقكم فى مساعكم لاسعاد الرعية حتــى ولو من باب اضعف الايمــان(الصورة) |
كان كدا يا أمورة welcome to the club
يا سلام على الذوق الملوكي
ــــــــ
بالله إيه رايك في براعم المشاط
|
Post: #121
Title: Re: مُشـاط الرجال ..
Author: تيسير عووضة
Date: 07-09-2010, 03:56 PM
Parent: #117
رغيم الأب منور الصفحة التانية 
ooooooooooooooooo
يا نعيم الدنيا ..
الصور الصور
لن نرضى بغيرها بديلاً
|
Post: #122
Title: Re: مُشـاط الرجال ..
Author: تيسير عووضة
Date: 07-09-2010, 04:08 PM
Parent: #121
| Quote: ماتسأليني انت بتتمطش معاهم ولا لا |
صحي ما سألتك:
إنت بتتمشط معاهم ولا لا؟
|
Post: #124
Title: Re: مُشـاط الرجال ..
Author: Egbal Elmardi
Date: 07-16-2010, 11:51 PM
Parent: #122
يا تيسير وضيوفها سلام
بتاع بوب مارلى ده إسمو الدريدلك Dreadlocks
وهم بيعملو توست للشعر وبيضيفوا ليهو حبة واكس (شمع) عشان تثبتو...
وبيخلوه لحدى ما الشعر يطول ويتشربك ذى شعر الخروف...
وكل شهر شهرين بيمشو المحل عشان يفرز الجدائل ويصلحها...
وممكن زول يكون شعروا طولو بوصتين يمشى يركب جدائل صناعية ذى دى ويطلع من المحل بشعر لى نص ضهروا
لكن الراستافارى الاصليين بخلوا شعرهم الأصلى يطول لو كانوا بيض ولا سود...
وبيكون شكلوا ما منشق زى حق بوب مارلى ده
حق صاحبنا التحت ده منسق.....وشكلو أكثر أناقه
وسيدوا بكون كل شهر بمشى يجدد ليهو الواكسنق
|
|
