الشعب إنسحب - لعدم نزاهة الإنتخابات!

شعبنا بخير
شعبنا لا يزال سليم البصر .. والبصيرة





يا عمر البشير:

لقد قال الشعب - وبكل تهذيب - كلمته ..

يا تيسير سلامات

الشعب ما انسحب وبس
الشعب اصلا لم يسجل

يا شعبي:

إنت تلقى مرادك والفي نيتك
وعمق إحساسك بي حريتك
يبقى ملامح في ذريتك

ماكَ هويّن سهل قيادك
سّيد نفسك مين أسيادك؟
ديل أولادك
وديل أمجادك
ونيلك هيلك جرى قدامك
تحت أقدامك
رجع صداك وسجع نحاسك
وإنت نسيج الفدا هندامك
وإنت نشيد الصبح كلامك
وعطر أنفاسك

أرفع صوتك هيبة وجبرة
خلي نشيدك عالي النبرة
خلى جراح أولادك تبرا
كبروا مكان الضحكة العبرة
إلاّ يقينهم فيك إتماسك
يا الإصرارك
سطراً سطراًً مَلا كراسك

Quote: يا تيسير سلامات الشعب ما انسحب وبس الشعب اصلا لم يسجل

مرحب بيك يا قمر بوبا ..

ياخ دا طلع أشفت شعب
ساكت كنا شايلين هم ..

هسي الناس البيغنوا مع وردي ديل ما أكتر من الناخبين الشافتهم عيني الليلة؟

أتمنى أن يأتي ولو واحد/ة فقط ممن يزينون بروفايلاتهم برمز الشجرة ليشرحوا لنا
لماذا عزف الشعب بهذا الشكل الملحوظ عن التصويت؟
وطبعاً لن نسألهم عن الحجم الكارثي
للتجاوزات والخروقات والأخطاء المصاحبة للعملية الأنتخابية



مش كانوا بيقولوا الشعب حيقول كلمتو؟
أهو قالا!


ماذا فعلت الشجرة وصاحبها للشعب غير التجويع والتشريد والتقتيل لكي ترتجي منهم أصوتاً
إن هي إلا قوة العين لا غير ..

تسلمى ياسمحة وزينة
وبالفعل شعب معلم
المحيرنى اكاذيب ناس الاذاعة

Quote: هسي الناس البيغنوا مع وردي ديل ما أكتر من الناخبين الشافتهم عيني الليلة؟

كــــدى شوفيهـــم :




الى دعــاة المقاطعــة ( انظــرو الى هولاء ... هــل يسمعونكــم ؟ )








الصفوف تحتشـد امام مراكز الاقتراع ( الرأى شنــو ؟ )


























الــم يحــن الوقــت لتعلمو ان هـذا الشعب يرفــض الوصايــة عليــه ويعلم جيدا خياراتــه ..
























بدر الدين اسحاق احمد البوردابــى فى الصــف (













د. غازى صــلاح الديــن ... صنديــد دار الهاتــف لمــن لا يعلــم

Quote: مش كانوا بيقولوا الشعب حيقول كلمتو؟ أهو قالا!

زي ما قالا قبل كدا في ماريل الجميلة بس زي ما قال د. الشفيع خضر : شتان ما بين.... أبريل الانتفاضة ......... وأبريل الانتخابات. ؟؟!!





مليون سلام يا شعبنا
ومليون حباب
الإغتراب يا ابونا..
ما طول الغياب
الاغتراب
فال البخونك ويزدريك
ونحن بين سُونكيهو..
والزنزانه
والسجن السميك
منك قُراب
أحرار...
وحريتنا فى ايمانا بيك
ثوار بنفتح لى الشمس
فى ليلنا باب..
لى يوم جديد
ابداً جذورك فينا تمتدّ..
وتجيك
وبنفتديك وحا نفتديك
ما بنرمى اسمك في التراب
وعيونا تتوجه إليك
انت المعلم والكتاب
حا نغني ليك ونغني ليك
واليزدريك..
يا ويلو من غضبك عليهو..
ومن مشيك
يا ويلو من أجَلُو الوشيك
يوم ينكسر قيد الحديد
السونكى..
والزنزانه
والسجن السميك
وخطى الشهيد
من حولو تهدر والنشيد
وانت الشمس من بين ايديك
تطلع عليك
من كل باب
مليون سلام يا شعبنا
ومليون حباب

قيقا صحبي ..

شكراً لإيراد مقال د. الشفيع
إقتطفت منو الحتة دي لأنو فيها تحليل مكرّب وإجابة على سؤال دائم:
لماذا لم نستثمر نجاح "ماريل" لصالح البلاد والعباد؟

Quote: إن شعارات ومواثيق انتفاضة أبريل 1985 ، بما حوته من مضامين، كانت حتما ستساعد تطور الحركة الجماهيرية في إحداث تغيير نوعي، كما طرحت مؤشرات عامة لنمط جديد من الممارسة الديمقراطية والسياسية مثل اقتراح المؤتمر الدستوري، المؤتمر القومي الاقتصادي، والدعوة لإعطاء وزن أكبر لمناطق الوعي والقوة الحديثة في النظام البرلماني ..الخ. لكن هذه العملية لم تتم لعدة عوامل منها ضعف الشحنة الثورية للانتفاضة، وتوازن القوى في تلك اللحظة، وأيضا بسبب معطيات الوضع الدولي والإقليمي المحيط بالسودان آنذاك. لذلك توقف تطور الانتفاضة عند إزالة الغطاء السياسي فقط لنظام مايو في حين ظل البناء السياسي والاقتصادي للرأسمالية الطفيلية، خاصة المرتبطة بالإسلام السياسي، كما هو ليفرز غطاءا سياسيا جديدا في 30 يونيو 1989 متمثلا في نظام الإنقاذ الذي ورث عن نظام مايو كل قوانينه ومخازيه وشراهته لنهب خيرات الوطن، وطور ذلك بأبشع الوسائل. لذلك لم يكن مدهشاً ان تعيد سلطة الإنقاذ ذات السفاح نميري وتوفر له ملاذا آمنا في البلاد

وبقول معاك، لشعبنا:

Quote: وبنفتديك وحا نفتديك ما بنرمى اسمك في التراب وعيونا تتوجه إليك انت المعلم والكتاب حا نغني ليك ونغني ليك واليزدريك.. يا ويلو من غضبك عليهو.. ومن مشيك يا ويلو من أجَلُو الوشيك

بدر الدين إسحق ..

شكراً على إيراد الصور الناطقة
وإن لم تكن في حوجة لإنزال كل صورة مرتين
صاحب العقل (والعين) يمّيز ..



عموماً، الناس الحضروا عقد إخلاص بت التوم كانوا أكتر من ناسك الفي الصور ديل
(حتى لو عدينا كل زول مرتين يا عملاتك)

سلمى الحبيبة أم الحبيبة ..


شعب معلم ساي

جايبين بوليس الدنيا والعالمين
عشان يقهموهم زي ما إتعودوا


شعبنا طلع أحرف وإعتزل الموضوع من بدايتو
وقالها بكل هدوء: لا

الإنتخابات الأكثر زيفاً في التأريخ

Quote: ساكت كنا شايلين هم ..

دي ما ليك حق فيها يا تيسير ......... ده شعب معلّم

بدر الدين .... شكراً للصور
وضّحت تماماً صدق البوست

فلا تحملوا هما
فلكل شيئ نهاية
حتى الظلم الكيزانى
(ويبقى وجه ربك ذو الجلال والاكرام)

يا محمد النيل ..

Quote: فلا تحملوا هما فلكل شيئ نهاية حتى الظلم الكيزانى (ويبقى وجه ربك ذو الجلال والاكرام)

إذا الشعب يوماً أراد الحياة فلابد أن يستجيب القدر

الغريبة هم بيظلموا الظلم دا كلو
وبعد دا يقولوا إبتغاء مرضاة وجه ربك ذو الجلال والاكرام !!

Quote: الــم يحــن الوقــت لتعلمو ان هـذا الشعب يرفــض الوصايــة عليــه ويعلم جيدا خياراتــه ..

حقيقة الأختشوا ماتوا وشبعوا موت ..

بكري إسماعيل ..

وفعلاً رفض الشعب وصايتهم عليه
وإختار الصمت "سيد الكلام"






الخوف بكرة يقولوا ليك السكوت علامة الرضا

Quote: دي ما ليك حق فيها يا تيسير ......... ده شعب معلّم

شعب أسطى يا أبو العزايم

بيني وبينك ..
كنت خايفة العشرين سنة الفاتت دي تكون كتلت قلوب بعض الناس
لقيتا لسة حية نار ولقيتو لسة ماهو هويّن سهل قيادو ..


عشان كدا أنا مبسوطة

Quote: الإنتخابات الأكثر زيفاً في التأريخ

ومين سمعك ..




الحاصل عندنا دا ذكرني ما جرى في الإنتخابات الأوكرانية سنة 2004
والثورة البرتقالية يا حبيب نورة ..

سملامات يا تيسير

Quote: نداء للعصيان السلمي المدني بعدم المشاركة في الانتخابات نداء إلى كل مواطن سوداني داخل وخارج السودان بالتزام داره وعدم الخروج للمشاركة في الانتخابات .. هذه الدعوة ليست ضد الحكومة الراهنة .. ولا تؤيد أو تعارض حزبا من الأحزاب .. هي دعوة تؤسس لمطلب عادل للشعب السوداني تقوم على الآتي: أولا: لا شك أن الشعب السوداني حريص بكامل مجاميعه على الانتخابات كمبدأ للتداول السلمي لإدارة البلاد. والشعب السوداني له تراث عريض عريق في الانتخابات الديموقراطية وفي الديموقراطية الاجتماعية. لكن هذه الانتخابات معيبة من معظم جوانب الإعداد لها بما يجعلها لا تفي بمستوجبات الانتخابات التي يتطلع إليها الشعب السوداني. ثانيا: الشعب السوداني يعي جيدا أن الانتخابات ليست هدفا في حد ذاتها، لكنها وسيلة سلمية وعادلة لتنفيذ البرامج التي تحقق مجتمع العدل والحياة الكريمة برضا الشعب وتحت رقابته. ثالثا: الانتخابات شأن يهم الشعب السوداني في المقام الأول، والشعب السوداني هو الوحيد صاحب الحق في حكم نفسه ويملك وحده كامل الصلاحية في تفويض من يراه في تنفيذ تفويض إداري محدد الأجل والمهام وتحت الرقابة المباشرة للشعب. وبموجب هذا الحق يكون الشعب السوداني هو صاحب القرار في موعد إجراء الانتخابات، وهو الشعب السوداني هو الذي يحدد مدى توافر الشروط اللازمة لصلاحية قيام الانتخابات من عدمه. وغني عن القول أن الانتخابات المزمعة لا تفي بالشروط اللازمة. ثالثا: الشعب السوداني يمتلك من الوعي ما يؤهله أن يكون وصيا على نفسه بلا وصاية من حزب أو حكومة. ولا شك ولا جدال أن الشعب السوداني يستطيع اتخاذ الموقف الحر الذي يعبر عن إرادته الغالبة بصرف النظر عن التقاء أو ابتعاد هذا الموقف الشعبي العام مع موقف الحكومة أو غيرها من الأحزاب. الدعوة للعصيان السلمي المدني موجهة للشعب السوداني في كل أجزاء السودان وخارجه. ومن نافل القول أن الشعب السوداني يملك ويتمتع بحقه الكامل بقبول هذه الدعوة أو رفضها. بالمقابل ندعو أيضا جميع قيادات وزعامات الأحزاب السودانية بما فيها حزب الحكومة توجيه الدعوة إلى قواعدها بالعصيان السلمي المدني والتزام مساكنهم وعدم الخروج للمشاركة في هذه الانتخابات. وأن يعكف الجميع خاصة الحكومة الراهنة على وضع الترتيبات اللازمة التي تكفل قيام انتخابات حرة وعادلة ونزيهة يشارك فيها الشعب السوداني وتلبي شروطه في انتخابات سليمة تفضي نحو مستقبل أفضل برضا الشعب. والمناشدة الخاصة إلى قواعد الحكومة هي نصرة الحكومة ظالمة أو مظلومة بإرشاد قيادتها إلى إتباع الحق وعدم اتباعهم إذا حادوا عن جادة، فالحق يعلو ولستم مجرد أتباع يفعلون ما يؤمرون. وبالله التوفيق سالم أحمد سالم التاسع من أبريل 2010 يرجى نشر هذا النداء في جميع المواقع وبالوسائل كافة

يسقط البشير .. لا للمؤتمر الوطنى

http://www.alshabarga.com/vb/showthread.php?p=4544#post4544
في الرابط هنا تجد انطباع ناس ما ليهم علاقة بالانتخابات من أهلي

يا بدر الدين اسحق مدير مركز شنو كده ما عارف من المناصب الكيزاينة الترضوية لنهب الشعب السوداني والعيش على أكتافه..
الحساب ولد يا بدر موش تجيب لينا صوره فيها 16 نفر من المستفيدين من الانقاذ من اصحاب المصالح وناهبي المال العام وتقول لينا حشد..
الحشد في عين أمو غزالة!!!
16 مليون ناخب التي تدعونها ويدعيها مرتشيي مفوضيتكم المضروبة ستكشف تزويركم لحظة التصويت الجماعي لهم..
دايرة تعدادها 64 الف في تعدادكم الضروب عدد المسجلين للتصويت بها 146 الف... تموها موية...
لاشرعية للمطلوب دولياً ومنما صبكم ومصادر أموالكم المشبوهة سيتم رصدها وتجفيفها والله غالب على أمره..

شكراً يا حلاوي على الرابط


فعلاً إفادات صادقة وعفوية ..

شكراً ليك عزيزنا رأفت ميلاد ولأستاذنا سالم أحمد سالم

وها قد إستجاب جماهير الشعب لنداء العصيان السلمي
فطرتهم السليمة و الغضب الكامن مكّن من حدوث ذلك ..

شكرا الرائعة تيسير...

ستكون رقصة "رئيسهم الراقص" هي الرقصة الأخيرة من بين رقصاته المسلية
وقد إفتضح أمرهم وصاروا عراة وسيصيرون حفاة عما قريب....

مولانا وشاعرنا المُجيد زمراوي ..

Quote: ستكون رقصة "رئيسهم الراقص" هي الرقصة الأخيرة من بين رقصاته المسلية وقد إفتضح أمرهم وصاروا عراة وسيصيرون حفاة عما قريب....

رقصة سولو
على إنفراد

ومن يرقص أخيراً يرقص كثيراً ..

مرحب بيك عثمان جلال الدين ..

Quote: الحساب ولد يا بدر موش تجيب لينا صوره فيها 16 نفر من المستفيدين من الانقاذ من اصحاب المصالح وناهبي المال العام وتقول لينا حشد.. الحشد في عين أمو غزالة!!! 16 مليون ناخب التي تدعونها ويدعيها مرتشيي مفوضيتكم المضروبة ستكشف تزويركم لحظة التصويت الجماعي لهم.. دايرة تعدادها 64 الف في تعدادكم الضروب عدد المسجلين للتصويت بها 146 الف... تموها موية... لاشرعية للمطلوب دولياً ومنما صبكم ومصادر أموالكم المشبوهة سيتم رصدها وتجفيفها والله غالب على أمره..

وبعد دا "حسب الصور" الناس الصوتوا ما بكونوا تامين 400 نفر !!


أتفق مع باقي كلامك طبعاً ..

الإستاذة المحترمة : تيسير عووضة
تحياتي
شعبنا واعي ومبدع وقادر علي التميز مهما برع الجلاد في تغبيش الوعي بالضجيج الأعلامي ومحاولات غسيل المخ وفصل الشعب عن جذوره وإرثه الثوري الخلاق وربطه بإيدلوجيا منبتة ودخيلة علي شعبنا وعلي فكرة تقوم علي التدجين والتلقين ......
ا لتحية لشعبنا في صموده ونهوضه وصمته الخلاق ورفضه المشاركة في السيرك والمهزلة السياسية سيئة الأخراج... ... أبي الشعب الابي أن يكون ديكورا يزين وجه القبح والظلم فكانت الشوراع خاوية الا من قلة تقف علي رصيف المجري العام .. ..رفضت جماهيرنا الإنفعال والتفاعل والخروج في مهرجان الزييف والتزوير لفرعون العصر ومغتصب القصر........ فياله من شعب مبدع ومبتكر في وسائل الرفض والمقاومة وفضح الطغاة حيث ترك الشوارع يجوبها ا لعسعس والعسكر و ا لخوذات ومركبات الجنود والأسلحة المشرعة فلم تجد فلاشات كاميرات الأعلام الخارجي ماتلتقطه سوي الثكنات العسكرية وسيل الكاكي المتدفق في الطرقات لا بمعني سوي فضح وتكريس عزلة الطقمة.....المجد لشعبي صانع الثورات وقاهر الطغاة ومعلم الشعوب والتحية لك يا تيسير ولزميلاتك من حاملات المشاعل ومفجرات ينابيع الاستنارة ممن إخترن الإنحياز لجماهير شعبنا في وقت يمارس فيه البعض التـطبيل والتخذيل أو الصمت المتواطئ والسلبية البليدة!!
التحية لك ولأمثالك فأنتن درر ترصع جبين شعبنا ومصدر عز وفخار لأمتنا......

جات الشجرة تقدم طعن
رافعة عريضة عليك تحتجّ
قالت ليك شن ليك بي اسمي
وفي محاربتي غبارك عجّ

إنت الخضرة قطعت أسبابه
وقافل بابه
وجوعك صابه
حرقت الغابة

وبالكوراك ماليها الفجة
لا راعيت في أعضاي الذمة
ولا آويت الزارع ضُمّة
وما ضوّيت لي ليلو الدجّ
وشوم أفكارك للغيط سمّ
حتى صغاري شفطت حليبهم
صبحوا يتامى وطيبهم هجّ
أصبح كلّ القادر يبلع
يقلع يخلع يشلع
ساسي إرتجّ

دُْستََ الولد البرحم ضعفي
ومن أوراقي يشكل غابة
ويملأ الفجة
والأولاد الكانو ضنايا
صبحو ضحايا ومن غير حجة

أما الزين ود بطني التانية
كان مبرور
وهنايا وطربي
وكان سمّيتو الصمغ العربي
من سيطانك فارق وهجّ

حتى المنقة البت الفالحة
كانت نور لي صدري وشارحة
فخر إنتاجي
وجوهر تاجي
وصوتي الوجّ
كانت آملة وليك بتناجي
جبت بديلة طفل أنبوبة
ومسك الفجة
وجاء التفاح
طعمو بطاطة ودارك جاطة
وداخل بيتك دون مفتاح
والأحفاد الفول وسماسم
قام ساطورك
ليهم حاسم
ألف جباية
ولي روسينهم ضربك شجّ
مرّة قبانة
ومرّة ضريبة
ومرّة زكاتن قبل نصيبة
وبعد الشنّة وصوت الرنّة
صبحن ماضي
والأطفال بيهم تتحجّ

أنا يا غافل رمز الخضرة
كيف ترميزي يكون لي كُدرة
أنا قاهراها الصحرا الزاحفة
وأنا عطاية وشاية وتاية
كيفن أصبح رمز اللاغفة
أنا تاريخ والسيرة عميقة
كيفن أرمز للتسطيح
ضاربة جذوري مهاوي سحيقة
ماني لوينة معاها الريح
مرّة تشيلني رياح بن لادن
ومرّة تجيبني رياح أمريكا
مرّة رياح الجنة الشادن
ومرّة رياح الدنيا وشيكا
أنا يا ظالم نبض الشارع
ومن إيديّا بحبّ الويكة
ضد الجاني القطّع قلبي
وباع أشلايا وقسّم كيكا

يا القطّعت فروعي العامرة
ومن أعضاي سوّيتا عصيكا
وتضرب تضرب بيها فروعي
كل البرفع راسو عليكا
ضدّك كل مظالمي أحيكا..
وارفع طعن تشوفو الأمة
حقو تكون رمز الجمجمة...
أو تختار رمز الفرار
أو يا ضار
رمز الجيب
أو رمز الكرشة

طعن الشجرة
للشاعر : حمد صالح مجذوب

* * *تيسير سلامات
بمناسبة الشجر الباير الايام دى دة الطعن ال قدمتو الشجرة
ولو فى ذوق واحساس سليم وعدالة كان قبلوا طعنها واختاروا واحد من الرموز الاخيرة
لانها معبرة اكتر عن الانجاز والاعجاز

خيام خاوية
شعبنا بخير
شعبنا لا يزال سليم البصر .. والبصيرة


شكرا تيسير

ياتيسير

شكلك كدا بقيتى تتعشى برغيف صامولى بلبن مراعى!!

جات الشجرة تقدم طعن
رافعة عريضة عليك تحتجّ
قالت ليك شن ليك بي اسمي
وفي محاربتي غبارك عجّ

إنت الخضرة قطعت أسبابه
وقافل بابه
وجوعك صابه
حرقت الغابة

وبالكوراك ماليها الفجة
لا راعيت في أعضاي الذمة
ولا آويت الزارع ضُمّة
وما ضوّيت لي ليلو الدجّ
وشوم أفكارك للغيط سمّ
حتى صغاري شفطت حليبهم
صبحوا يتامى وطيبهم هجّ
أصبح كلّ القادر يبلع
يقلع يخلع يشلع
ساسي إرتجّ

دُْستََ الولد البرحم ضعفي
ومن أوراقي يشكل غابة
ويملأ الفجة
والأولاد الكانو ضنايا
صبحو ضحايا ومن غير حجة

أما الزين ود بطني التانية
كان مبرور
وهنايا وطربي
وكان سمّيتو الصمغ العربي
من سيطانك فارق وهجّ

حتى المنقة البت الفالحة
كانت نور لي صدري وشارحة
فخر إنتاجي
وجوهر تاجي
وصوتي الوجّ
كانت آملة وليك بتناجي
جبت بديلة طفل أنبوبة
ومسك الفجة
وجاء التفاح
طعمو بطاطة ودارك جاطة
وداخل بيتك دون مفتاح
والأحفاد الفول وسماسم
قام ساطورك
ليهم حاسم
ألف جباية
ولي روسينهم ضربك شجّ
مرّة قبانة
ومرّة ضريبة
ومرّة زكاتن قبل نصيبة
وبعد الشنّة وصوت الرنّة
صبحن ماضي
والأطفال بيهم تتحجّ

أنا يا غافل رمز الخضرة
كيف ترميزي يكون لي كُدرة
أنا قاهراها الصحرا الزاحفة
وأنا عطاية وشاية وتاية
كيفن أصبح رمز اللاغفة
أنا تاريخ والسيرة عميقة
كيفن أرمز للتسطيح
ضاربة جذوري مهاوي سحيقة
ماني لوينة معاها الريح
مرّة تشيلني رياح بن لادن
ومرّة تجيبني رياح أمريكا
مرّة رياح الجنة الشادن
ومرّة رياح الدنيا وشيكا
أنا يا ظالم نبض الشارع
ومن إيديّا بحبّ الويكة
ضد الجاني القطّع قلبي
وباع أشلايا وقسّم كيكا

يا القطّعت فروعي العامرة
ومن أعضاي سوّيتا عصيكا
وتضرب تضرب بيها فروعي
كل البرفع راسو عليكا
ضدّك كل مظالمي أحيكا..
وارفع طعن تشوفو الأمة
حقو تكون رمز الجمجمة...
أو تختار رمز الفرار
أو يا ضار
رمز الجيب
أو رمز الكرشة

مرحب بيك حسن الطيب ..


شفت طعن الشجرة دا كيف؟

د. بلة


الدكتور مانعني من العشا


ببلع حبوب الضغط والسكري والرطوبة وبنوم

العزيز خالد العبيد ..


نعم شعبنا بخير

شعبنا تنين ينام بنصف عين
فليحذروا يقظة التنين ..

بل قُل خِيامكم يا خالد العبيد
هي الفارِغة لفراغ برامِجكم و أعني أحزاب تجمُّع جوبا و بقِيّة المُستقِلين
و لا يفوتني أن أُذكِّرك بأنّك قد جلبت الصورة أعلاه من هذا البوست

لحدي هِنا كفاية يا كيزان – إلاّ أستاذي محجوب عروة (سأفض...بالمُستندات و الصور)

و أرسلنا من خلاله رسالة و هي أنّ الشعب قاطع التصويت نعم
لكن لكم أنتم فقط
و صوّت بكثافة للبشير و حِزبه
و بالصور الكلام دة
حيث تجِد أدناه خيمتك التي جئت بها فرِحاً تبتسِر الحديث لأُكمِله لك أنا ببقية الخِيام معها من نفس موقع الخيمة التي أوردّتها أنت:

و كانت هذه هي المُداخلة كامِلة بصورها:

أنظروا بالله عليكم لهذه الخيمة
كم عدد الذين فيها؟
هذه هي خيمة أُستاذنا عُروة بمنطقة الرياض



و هذه هي من الداخِل حيث وجدّت فيها هذين الإثنين فقط وهُما يُمثِّلانه وطلبت مِنهما هذه الصورة




وهذه هي خيمته بإمتداد ناصِر





و مثيلتها بالبراري الشريف
على نفس الحال
وهذه هي خيمة الإتحادي الديموقراطي غير تلك التي عرضناها في بوست آخر في منطقة بري الشريف




وهذه هي خيمة مُرشّح الأُمّة القومي عابدين وهي بمنطقة ناصر غير تلك التي عرضناها في بوست آخر بمنطقة بري الشريف


وهذه هي خيمة المؤتمر الوطني (الحرامِيّة)













هل رأيتم السرِقة بأُمّ أعينكم الآن؟
نعم لقد رايتها أنا عياناً بياناً
فالكيزان قد سرقوا الشعب
سرقوا قلبه
سرقوا تعاطفه
سرقوا صوته
و نهبوا كُل ذلك ووضعوه في صناديق إقتراعهم ليفوزا

بالله ما حرامِيّة الكيزان ديل؟






و ما حدث مع عُروة هُو ما حاق بعُثمان ميرغني و الهندي و غيرهم و غيرهم و غيرهم
أسمعوا مِنِّي
المُؤتمر الوطني فايز بالإجمااااااااااااااااااااااااااااااااع






سلامات يا تيسير

Quote: جات الشجرة تقدم طعن رافعة عريضة عليك تحتجّ قالت ليك شن ليك بي اسمي وفي محاربتي غبارك عجّ إنت الخضرة قطعت أسبابه وقافل بابه وجوعك صابه حرقت الغابة وبالكوراك ماليها الفجة لا راعيت في أعضاي الذمة ولا آويت الزارع ضُمّة وما ضوّيت لي ليلو الدجّ وشوم أفكارك للغيط سمّ حتى صغاري شفطت حليبهم صبحوا يتامى وطيبهم هجّ أصبح كلّ القادر يبلع يقلع يخلع يشلع ساسي إرتجّ دُْستََ الولد البرحم ضعفي ومن أوراقي يشكل غابة ويملأ الفجة والأولاد الكانو ضنايا صبحو ضحايا ومن غير حجة أما الزين ود بطني التانية كان مبرور وهنايا وطربي وكان سمّيتو الصمغ العربي من سيطانك فارق وهجّ حتى المنقة البت الفالحة كانت نور لي صدري وشارحة فخر إنتاجي وجوهر تاجي وصوتي الوجّ كانت آملة وليك بتناجي جبت بديلة طفل أنبوبة ومسك الفجة وجاء التفاح طعمو بطاطة ودارك جاطة وداخل بيتك دون مفتاح والأحفاد الفول وسماسم قام ساطورك ليهم حاسم ألف جباية ولي روسينهم ضربك شجّ مرّة قبانة ومرّة ضريبة ومرّة زكاتن قبل نصيبة وبعد الشنّة وصوت الرنّة صبحن ماضي والأطفال بيهم تتحجّ أنا يا غافل رمز الخضرة كيف ترميزي يكون لي كُدرة أنا قاهراها الصحرا الزاحفة وأنا عطاية وشاية وتاية كيفن أصبح رمز اللاغفة أنا تاريخ والسيرة عميقة كيفن أرمز للتسطيح ضاربة جذوري مهاوي سحيقة ماني لوينة معاها الريح مرّة تشيلني رياح بن لادن ومرّة تجيبني رياح أمريكا مرّة رياح الجنة الشادن ومرّة رياح الدنيا وشيكا أنا يا ظالم نبض الشارع ومن إيديّا بحبّ الويكة ضد الجاني القطّع قلبي وباع أشلايا وقسّم كيكا يا القطّعت فروعي العامرة ومن أعضاي سوّيتا عصيكا وتضرب تضرب بيها فروعي كل البرفع راسو عليكا ضدّك كل مظالمي أحيكا.. وارفع طعن تشوفو الأمة حقو تكون رمز الجمجمة... أو تختار رمز الفرار أو يا ضار رمز الجيب أو رمز الكرشة طعن الشجرة للشاعر : حمد صالح مجذوب * * *تيسير سلامات بمناسبة الشجر الباير الايام دى دة الطعن ال قدمتو الشجرة ولو فى ذوق واحساس سليم وعدالة كان قبلوا طعنها واختاروا واحد من الرموز الاخيرة لانها معبرة اكتر عن الانجاز والاعجاز

سلامات يا سمير
كلام عميق ومعبر

ياخي ديل خربوا أي رمز إيجابي
وإبتذلوا المعاني الجميلة الجوة الناس
وكرهوا الناس في الشجر الأخضر زاتو

أنا لو مكان ناس حي الشجرة العريق في الخرطوم كان غيرت اسم الحي ولا لميت عزالي ورحلتا

المحترم كمال عباس ..

Quote: شعبنا واعي ومبدع وقادر علي التميز مهما برع الجلاد في تغبيش الوعي بالضجيج الأعلامي ومحاولات غسيل المخ وفصل الشعب عن جذوره وإرثه الثوري الخلاق وربطه بإيدلوجيا منبتة ودخيلة علي شعبنا وعلي فكرة تقوم علي التدجين والتلقين ...... ا لتحية لشعبنا في صموده ونهوضه وصمته الخلاق ورفضه المشاركة في السيرك والمهزلة السياسية سيئة الأخراج... ... أبي الشعب الابي أن يكون ديكورا يزين وجه القبح والظلم فكانت الشوراع خاوية الا من قلة تقف علي رصيف المجري العام .. ..رفضت جماهيرنا الإنفعال والتفاعل والخروج في مهرجان الزييف والتزوير لفرعون العصر ومغتصب القصر........ فياله من شعب مبدع ومبتكر في وسائل الرفض والمقاومة وفضح الطغاة حيث ترك الشوارع يجوبها ا لعسعس والعسكر و ا لخوذات ومركبات الجنود والأسلحة المشرعة فلم تجد فلاشات كاميرات الأعلام الخارجي ماتلتقطه سوي الثكنات العسكرية وسيل الكاكي المتدفق في الطرقات لا بمعني سوي فضح وتكريس عزلة الطقمة.....المجد لشعبي صانع الثورات وقاهر الطغاة ومعلم الشعوب والتحية لك يا تيسير ولزميلاتك من حاملات المشاعل ومفجرات ينابيع الاستنارة ممن إخترن الإنحياز لجماهير شعبنا في وقت يمارس فيه البعض التـطبيل والتخذيل أو الصمت المتواطئ والسلبية البليدة!! التحية لك ولأمثالك فأنتن درر ترصع جبين شعبنا ومصدر عز وفخار لأمتنا......

والتحية لك أيضاً


ودي بداية السكة
لو الشعب واصل في التعبير عن رفضو للبيحصل بنفس الهدوء والقوة دي
حيكون طوفان يبتلع الفساد السياسي وحينها لا العسكر حا ينفع ولا المؤآمرات حا تشفع ..


شكراً ليك ..

البركــة فــى الـ 30 % ديــل


كمــا قال عاطــف مكاوى


بدون (التمديد)... و(التزوير)... هل كان من الممكن أن تصل...بة التصويت الي 30% ؟




تيسير ( الســؤال )


الـ 30 % ديــل هـم مــش برضــو مــن الشعــب ولا شنــو ؟

تمديد أيام الإقتراع ليومين إضافيين !


ناس المفوضية برروا للتمديد بي إنو تعويض عن الوقت الضاع في اليوم الأول في الأخطاء والفوضى وغيرو
وطبعاً ما حايقولوا لعدم إكتمال النصاب القانوني



غايتو حسب شهود العيان الناس الإقترعوا في اليوم الأول لا يمكن يكونوا 60% من جملة المسجلين
حسب كلام عمو كارتر ..

بدر الدين ..

Quote: تيسير ( الســؤال ) الـ 30 % ديــل هـم مــش برضــو مــن الشعــب ولا شنــو ؟

من الشعب طبعاً
والـ 70% ممتنعين عن التصويت

لكن عشان القراية تكون صاح قول 25% من المصوتين كانوا للمؤتمر الوطني تحديداً
وندي الباقين 5% فقط بإعتبار إنو حصلت حالات إسقاط ولخبطة في رموز المرشحين المنافسين
(والكلام دا في صالحكم بالمناسبة لأنو أي زيادة عن الـ 5% بتكون على حساب الـ 25% حقتكم)



عرفتوا قيمتكم عند الناس يا بدر الدين؟