Post: #1
Title: يوميات بكري أبوبكر ..
Author: تيسير عووضة
Date: 07-11-2009, 11:34 AM
Parent: #0
ررررن رررررن رررررن
ررررن رررررن رررررن
يالله ياخ
دا شنو ياخ
الواحد يعني ماينوم
"بكري يطنطن"
كانت هذه المرة الخمسطاشر من الصباح وجرس التلفون لسه بيضرب
الساعة الآن خمسة صباحاً بتوقيت أمريكيا "حقوق الكلمة محفوظة لبكري"
بعد شوية
طق طق طق
الباب بيضرب
سيد اللبن جا "حلة ناس بكري في أمريكيا فيها سيد لبن"
بكري: البستلة جمب الباب
سيد اللبن: عارفها لكن أنا دايرك إنتا دا
بكري: كب رطلين
سيد اللبن: يابكري ياخ تعال دايرك
بكري: ...............
سيد اللبن في سره: الزول دا غتيت خلاس
طق طق طق تاااااااني
بكري يقوم منزعجاً ليفتح الباب
وعلى وجه إبتسامة مجاملة "عاد هو ما مجامل"
بكري: مرحب بيك
سيد اللبن: ياخ معليش والله عارفك نايم لكن دا الوقت الوحيد الممكن أتكلم معاك فيهو
بكري: ولا يهمك إتفضل قول
سيد اللبن: والله يابكري ياخي لي كم زمن طالب منك باسويرضي عشان أخش بيهو وأكتب وأعبر عن همومي وهموم أسياد اللبن
بكري: يازول ماعندك مشكلة وداير تكتب بي إسمك ولا إسم حركي ولا كيف؟
سيد اللبن: داير أكتب بي إسم "سيد اللبن" الإسم دا أنا بتفاءل بيهو شديد
بكري: done
سيد اللبن بفرح: يديك العافية والله وهاك مني ليك الليلة رطلين زيادة
يغلق بكري الباب وهو شايل البستلة الما حايمة في الحلة ليضعها في التلاجة
متجاهلاً رنين التلفون بتاع البيت "الما سكت من بالليل أصلاً"
يجر بكري البطانية بإبتسامة وهو يمني النفس بنومة لا يقطعها رنين هواتف
ثم فجأة
كلللللن كلللللن
كلللللن كلللللن
المرة دي نغمة غير
يعلو رنين أحد الموبايلات السبعطاشر الراصيهم بكري جمبو في التربيزة
>>>>>
|
Post: #2
Title: Re: يوميات بكري أبوبكر ..
Author: تيسير عووضة
Date: 07-11-2009, 11:58 AM
Parent: #1
بعد مرور ساعتين ..
مشى بكري عمل ليهو كباية شاي بي لبن مظبطة وفنجان قهوة وعلبة ردبُل وحبتين بندول إكسترا وسيجارة
وضعهم كلهم في صينية واحدة وجابهم وجر التربيزة بتاعت الموبايلات وقعد
"بكري عادة يفتح الموبايلات قبل البورد للإطلاع على آخر الكوارث الحصلت في الستة الساعات الكان نايم فيهم"
إحتار بكري يبدأ بأي واحد في النهاية قرر يبتدي بالتلفون الأقل مسكولات ولا مسجات ولا فويس مسج
عشان الحكاية تجي ممهدة وبالتدريج وما يتخلع من أولها وهو يوزع الموبايلات كالآتي:
تلفون للشكاوى الساخنة جداً: ودا بيتميز بخاصية الأوتوآنسرنق على المكالمات
خت الشكوى بتاعتك أول ما تسمع "التون" وينظر ويفاد ودي عادة بنتهي بي الشهيرة DONE
تلفون لمعتادي/ات الشكاوي والنقناقين/ات: يا بكري فلان عمل لي يابكري فلانة قالت لي يابكري يرضيك كدا
يابكري قول حاجة يابكري "ساي كدا بس" ولاتتوفر خاصية الرد التلقائي هنا بل يكون الموضوع كالتالي
للشكاوي المكررة أو التي لم يبت فيها إضغط 1
للنقة والطنطنة من الصباح إضغط 2
لطلب حذف مشاركة أو بوست إضغط 3
لطلب باسويرد لزول أو للتحنيس في طلب الباسويرد إضغط 4
لطلب باسويرد لزول مهكور إضغط 5
للرجوع للقائمة الرئيسية أو التحدث مع موظف البدالة إضغط زيرو
>>>>>>>
|
Post: #3
Title: Re: يوميات بكري أبوبكر ..
Author: Elmosley
Date: 07-11-2009, 12:05 PM
Parent: #2
تيسير
انت متآكد انو ده انت ومابكري
ياخي كلامك دقيق جدا
عندكم فكره بكري هنا ولا في السودان
غايتو لو بكري هنا انا بكون خلاص مرقوني من اللسته
=========
ولو انت في اريزونا
بالله خت لي تلفون الفرجوني في الماسنجر
ولو في مصر كلم اميمه الفرجوني تديني ليهو
والله عايزو ضروري
====
ولو اي واحد من زوارك الكرام عارفو
فليتكرم ولكم الشكر الجزيل
|
Post: #8
Title: Re: يوميات بكري أبوبكر ..
Author: تيسير عووضة
Date: 07-11-2009, 08:32 PM
Parent: #3
Quote: تيسير
انت متآكد انو ده انت ومابكري
ياخي كلامك دقيق جدا
عندكم فكره بكري هنا ولا في السودان
غايتو لو بكري هنا انا بكون خلاص مرقوني من اللسته
=========
ولو انت في اريزونا
بالله خت لي تلفون الفرجوني في الماسنجر
ولو في مصر كلم اميمه الفرجوني تديني ليهو
والله عايزو ضروري
====
ولو اي واحد من زوارك الكرام عارفو
فليتكرم ولكم الشكر الجزيل |
أستاذنا يوسف الموصلي ..
والله ما عندي فكرة الأيام دي بكري وين
وياريت لو أي زول من المتداخلين عارفو وين يحاول يوصلو بي أستاذ موصلي
شكراً لمرورك ..
|
Post: #4
Title: Re: يوميات بكري أبوبكر ..
Author: ALZOLZATOO
Date: 07-11-2009, 12:11 PM
Parent: #2
<<<<<<<<< FF
القصة دي كوميدي ولا تراجيدي
عشان الواحد مايضحك في بيت البكاء او يبكي في بيت الطهور والبكاء في بيت الطهور يجوز مع الكراهة للمطهر اذا كان ذكر
زاتوووو
|
Post: #5
Title: Re: يوميات بكري أبوبكر ..
Author: محمد عبد الماجد الصايم
Date: 07-11-2009, 01:21 PM
Parent: #4
ياااا اللخت
بتعرفي سيد اللبن دا ولا دخلتيهو في القصة دي ساي؟
|
Post: #6
Title: Re: يوميات بكري أبوبكر ..
Author: أحمد الشايقي
Date: 07-11-2009, 04:02 PM
Parent: #5
Quote:
تيسير
انت متآكد انو ده انت ومابكري
ياخي كلامك دقيق جدا
عندكم فكره بكري هنا ولا في السودان
غايتو لو بكري هنا انا بكون خلاص مرقوني من اللسته
|
يا أخونا (تيسير)
بالله ما تنسى كلام أستاذنا الموصلي دا,
أحمد الشايقي
|
Post: #7
Title: Re: يوميات بكري أبوبكر ..
Author: Hussein Mallasi
Date: 07-11-2009, 04:12 PM
Parent: #6
يا (أخونا) أحمد الشايقي .. دمك خفيف.
|
Post: #10
Title: Re: يوميات بكري أبوبكر ..
Author: abas
Date: 07-11-2009, 08:43 PM
Parent: #7
حاظرين
|
Post: #13
Title: Re: يوميات بكري أبوبكر ..
Author: تيسير عووضة
Date: 07-11-2009, 08:55 PM
Parent: #10
شكراً لسرعة الإستجابة ..
|
Post: #12
Title: Re: يوميات بكري أبوبكر ..
Author: تيسير عووضة
Date: 07-11-2009, 08:52 PM
Parent: #7
أحمد الشايقي وملاسي مرحب بيكم ..
|
Post: #11
Title: Re: يوميات بكري أبوبكر ..
Author: تيسير عووضة
Date: 07-11-2009, 08:46 PM
Parent: #5
ود الصايم ..
Quote: ياااا اللخت
بتعرفي سيد اللبن دا ولا دخلتيهو في القصة دي ساي؟ |
لالا ياخ دا ما سيد اللبن الإنت قاصدو
دا واحد تاني في حلة ناس بكري 
|
Post: #9
Title: Re: يوميات بكري أبوبكر ..
Author: تيسير عووضة
Date: 07-11-2009, 08:37 PM
Parent: #4
الزول زاتوو ..
Quote: <<<<<<<<< FF
القصة دي كوميدي ولا تراجيدي
عشان الواحد مايضحك في بيت البكاء او يبكي في بيت الطهور والبكاء في بيت الطهور يجوز مع الكراهة للمطهر اذا كان ذكر
زاتوووو |
الضحك أو البكاء متروك لتقدير عزيزي القارئ "ياقول بشاشا"
مرحب بيك ..
|
Post: #14
Title: Re: يوميات بكري أبوبكر ..
Author: ياسر بيناوي
Date: 07-11-2009, 08:56 PM
Parent: #9
تيسير
سلامات
انا غايتو ضحكت شديييييييييييييييييييد
يعني لوطلعت تراجيدي حقي راح
استاذ موصلي
| Quote: عندكم فكره بكري هنا ولا في السودان |
بكري هنا في السودان
خالص الود
|
Post: #15
Title: Re: يوميات بكري أبوبكر ..
Author: Elmosley
Date: 07-11-2009, 10:09 PM
Parent: #14
ياسر
شكرا ليك ياصديق
بالله جيب لي منو تلفون الفرجوني
في اريزونا ضروووووووري
وبسرررررررررررررررعه
|
Post: #16
Title: Re: يوميات بكري أبوبكر ..
Author: تيسير عووضة
Date: 08-31-2009, 10:15 AM
Parent: #15
بعد أن قام بكري بجولته على التلفونات مشى ولع الشيشة وجا قعد قدام الكمبيوتر قائلاً:
بسم الله, رجعنا من الجهاد الأصغر إلى الجهاد الأكبر ..
فتح بكري اللابتوب وجلس منتظراً قرابة الـ 15 دقيقة لغاية ما فتح
الكمبيوتر ما بيفتح بسرعة من العليهو وبكري بيحب الموديلات القديمة وحالف ما يغيرو
زيو وزي البورد وبعدين المستعجل ليها شنو يفتح على راحتو
بكري طبعاً صاحب أطول بال في العالم وأتمنى الناس ما تفهم العبارة دي غلط
فكلمة "بال" بالهندية تعني شعر وبكري كما تعلمون (بال نهي)
طيب يا ود يا بكري أبدا من وييين أبدا من وين ..
كدي أشوف الإيميل أول
يا بكري فلان الفلاني ينتظر على باب البورد
يا بكري تعال شوف فلان عمل لي شنو
بكري أبوبكر أنت ظاااااالم
يا بكوووووري .. عملت لي شنو في موضوعنا
يا بكري ياخ أنا داير أجي أمريكا ممكن تخدمني في القصة دي
يا سيد الحوش لايحتك دي بلها وأشرب مويتها
بكري تفك لي البورد بتاعك دا بي كم أرنب
لماذا الكيل بمكيالين يا بكري ؟
الرسول فوقك يا بكري يقطعك يحتحتك كان ما سجلتا كوثر بت خالتي آسيا معانا
ياي يا بكري لون البورد بيعمل لي إكتئاب رايك شنو تقلب لونو لي بمبي ؟
بكري رد على ارجوك دي المرة السابعة أرسل ليك
لم يفتح بكري أي واحدة من الرسائل أعلاه وإكتفى بقراءة العناوين فقط
وإنتقل مباشرة إلى البورد ليمارس هوايته المفضلة
ياخ معقول ياخ . لي كم يوم ما حذفت بوست ولا وقفت زول
هو زاتو البوستات الكتيرة دي قاعدة تتقل السيرفا* وتهدر الباندويث*
طيب .. يا إيدي شيليني وختيني في بيت الله العاجبني
كرر بكري هذه العبارة تلاتة أربعة وكركر بشيشته في إستمتاع
ليحذف بذلك تلاتة بوستات في ثانيتين
ثم ألقى نظرة سريعة لتقف عيناه على بوست بصفحتين وتجاوز عدد قرائه الألفين قارئ
ليقول في سره: بوست زي دا لازم فيهو دافوري تقيل وأكيد في بلاوي حصلت بي جوة
لكن مافي وقت أقراهو كلو أحسن أحذفو هسي وأجي قراهو براي بعدين بي رواقة
وفي لمح البصر طار البوست !
لتتوالى بعدها البوستات والمسنجرات والإيميلات من شاكلة:
لماذا حذفت البوست يا بكري؟
وأنا صاحب البوست ولا ذنب لي سوى أن إتنين ما حلت ليهم إلا يتشاكلو جوة البوست بتاعي
والبوست دا أنا تعبان فيهو يا بكري
يا بكري رجع لي بوستيني
ولا حياة لمن تنادي
فبكري في هذه الأثناء كان قريب في الحلم الرابع ..
ـــــــــ
السيرفا = السيرفر
الباندويث = الباندويدث
|
Post: #17
Title: Re: يوميات بكري أبوبكر ..
Author: Dalal Ezzaldin
Date: 08-31-2009, 10:30 AM
Parent: #16
Quote: ثم ألقى نظرة سريعة لتقف عيناه على بوست بصفحتين وتجاوز عدد قرائه الألفين قارئ
ليقول في سره: بوست زي دا لازم فيهو دافوري تقيل وأكيد في بلاوي حصلت بي جوة
لكن مافي وقت أقراهو كلو أحسن أحذفو هسي وأجي قراهو براي بعدين بي رواقة
وفي لمح البصر طار البوست !
|
القصه وضحت ... كوميدي
تيسير سلامات .. واصلي ورينا الحاصل شنو بالضبط
|
Post: #18
Title: Re: يوميات بكري أبوبكر ..
Author: humida
Date: 08-31-2009, 10:32 AM
Parent: #17
و مازالت تيسير عووضة تدهشني بانزالها بوستات باسماء اشخاص بعينهم ..
..
..
الطبع يغلب التطبع ..
|
Post: #20
Title: Re: يوميات بكري أبوبكر ..
Author: تيسير عووضة
Date: 08-31-2009, 11:00 AM
Parent: #18
حميدة ..
بالله إنت بي جعاصتك دي كلها قاعد تندهش زينا كدا يعني؟
|
Post: #19
Title: Re: يوميات بكري أبوبكر ..
Author: تيسير عووضة
Date: 08-31-2009, 10:48 AM
Parent: #17
يا دلال ..
تصدقي ما كوميدي
دي الحغيغة والواغع يا بت أمي ..
|
Post: #21
Title: Re: يوميات بكري أبوبكر ..
Author: humida
Date: 08-31-2009, 11:03 AM
| Quote: بالله إنت بي جعاصتك دي كلها قاعد تندهش زينا كدا يعني |
يعني في داعي هسع اقعد اتغزل فيك في رمضان دا .. و اقول ليك انتي الوحيدة البتدهشيني ..
في داعي .. !!
|
Post: #22
Title: Re: يوميات بكري أبوبكر ..
Author: تيسير عووضة
Date: 08-31-2009, 11:13 AM
Parent: #21
كان كدا دهشتك قاعدة على الهبشة
المدهشة تيسير عووضة
|
Post: #23
Title: Re: يوميات بكري أبوبكر ..
Author: Dr. Ahmed Amin
Date: 08-31-2009, 11:24 AM
Parent: #22
بكري راجل ما ساهل ...
وكل ميسر لما قدر له ...
وهو قدر كل هذه المشاكل ,,,
الله يعينه كمان وكمان وفي ميزان حسناته إن شاءالله
تيسير ,,, رمضان كريم
بوست جميل يكسر الروتين
______________________________________
وأهدي لبكري هذه الأغنية ,,,
مــا تهتمــوا للأيام ظروف بتعدي ,,,
|
Post: #31
Title: Re: يوميات بكري أبوبكر ..
Author: تيسير عووضة
Date: 10-01-2009, 06:27 AM
Parent: #23
مرحب بيك د. أحمد أمين ..
Quote: بكري راجل ما ساهل ...
وكل ميسر لما قدر له ...
وهو قدر كل هذه المشاكل ,,,
الله يعينه كمان وكمان وفي ميزان حسناته إن شاءالله |
التحية لبكري سيد الحوش
وربنا يقويهو ويصبرو على لياقتنا دي ..
|
Post: #24
Title: Re: يوميات بكري أبوبكر ..
Author: عبدالله كع
Date: 08-31-2009, 11:36 AM
Parent: #22
تسير رمضان كريم ..
قويه ..
ـــــــــــــــــــــــــــــــــــــــــــ
بكري ده وين عياله ؟؟
|
Post: #25
Title: Re: يوميات بكري أبوبكر ..
Author: وجن
Date: 08-31-2009, 11:59 AM
Parent: #24
مابقدر أقرأ ساي لازم أعلق مادام عجبني شديييييييييييد
شكراً على زرع القهقة في بيتي
يوميات ممتعة يا تيسير ورمضان كريم
واتمني انو ربنا يحفظ عقل بكري أبو بكر من الخرف المبكر
وأقول ليو ما تشتغل بينا كتير ناس بيتكم أولى لو الفيوزات ضربت ناس البيت يقولوا يامنو
نشيلك للتقيلة وتلمنا كمان وكمان
ربنا يعمر باوندثك ويعلى اعلاناتك
|
Post: #26
Title: Re: يوميات بكري أبوبكر ..
Author: azhary awad elkareem
Date: 08-31-2009, 12:30 PM
Parent: #25
| Quote: فكلمة "بال" بالهندية تعني شعر وبكري كما تعلمون (بال نهي) |
طيب ما دام شرحتى لينا كلمة(بال)،كان برضو
تشرحى لينا(نهى) عشان نفهم إنتى قاصدة شنو...
(وش عامل فيها ما فاهم)
ـــــــ
تيسير ..رمضان كريم
وكل سنة وإنتى ومن معك بخير..
أزهرى
|
Post: #37
Title: Re: يوميات بكري أبوبكر ..
Author: تيسير عووضة
Date: 10-01-2009, 07:09 AM
Parent: #26
أزهري عوض الكريم ..
Quote: طيب ما دام شرحتى لينا كلمة(بال)،كان برضو
تشرحى لينا(نهى) عشان نفهم إنتى قاصدة شنو...
(وش عامل فيها ما فاهم) |
ملاحظ إنك طوالي في حالة ما فاهم كلامي
يكون يا ربي العيب منك ولا مني ؟
ــــــــ
شرح نهي ..
|
Post: #33
Title: Re: يوميات بكري أبوبكر ..
Author: تيسير عووضة
Date: 10-01-2009, 06:37 AM
Parent: #25
وجن ..
Quote: مابقدر أقرأ ساي لازم أعلق مادام عجبني شديييييييييييد
شكراً على زرع القهقة في بيتي
يوميات ممتعة يا تيسير ورمضان كريم
واتمني انو ربنا يحفظ عقل بكري أبو بكر من الخرف المبكر
وأقول ليو ما تشتغل بينا كتير ناس بيتكم أولى لو الفيوزات ضربت ناس البيت يقولوا يامنو
نشيلك للتقيلة وتلمنا كمان وكمان
ربنا يعمر باوندثك ويعلى اعلاناتك |
تسلمي ودايماً الضحكة مزروعة في بيتك قولي آمين ..
بكري دا آخر من يخرف يا وجن زول صبور وبالو طويل زي ما قلنا فوق
وبيتعامل ببرود "مطلوب أحياناً" مع البورد وبلاويهو
|
Post: #32
Title: Re: يوميات بكري أبوبكر ..
Author: تيسير عووضة
Date: 10-01-2009, 06:30 AM
Parent: #24
عبد الله كع ..
عيال بكري ربنا يحفظهم
قلنا نخليهم بعيد من الخرمجة بتاعتنا دي ..
|
Post: #27
Title: Re: يوميات بكري أبوبكر ..
Author: humida
Date: 08-31-2009, 12:35 PM
Parent: #22
| Quote: كان كدا دهشتك قاعدة على الهبشة |
لا و الله .. بس انتي ما عارفة امكانياتك .. !!
|
Post: #28
Title: Re: يوميات بكري أبوبكر ..
Author: heba Elmahi
Date: 10-01-2009, 00:14 AM
Parent: #27
| Quote: لا و الله .. بس انتي ما عارفة امكانياتك .. !! |
|
Post: #29
Title: Re: يوميات بكري أبوبكر ..
Author: الصادق ضرار
Date: 10-01-2009, 00:48 AM
Parent: #28
| Quote: ياخ معقول ياخ . لي كم يوم ما حذفت بوست ولا وقفت زول |
|
Post: #35
Title: Re: يوميات بكري أبوبكر ..
Author: تيسير عووضة
Date: 10-01-2009, 06:48 AM
Parent: #29
مراحب الصادق ضرار ..
|
Post: #34
Title: Re: يوميات بكري أبوبكر ..
Author: تيسير عووضة
Date: 10-01-2009, 06:46 AM
Parent: #28
هبة الماحي ..
صاحب المقتبس أعلاه لا يعرف التلج إليه سبيلاً دعك من تكسيره
كان تختي دراب "مثلاً"
|
Post: #30
Title: Re: يوميات بكري أبوبكر ..
Author: تيسير عووضة
Date: 10-01-2009, 06:23 AM
Parent: #14
بيناوي ..
Quote: انا غايتو ضحكت شديييييييييييييييييييد
يعني لوطلعت تراجيدي حقي راح |
البركة في ضحكك دا
الله لا جاب التراجيدي ياخ ..
|
Post: #36
Title: Re: يوميات بكري أبوبكر ..
Author: MOHAMMED ELSHEIKH
Date: 10-01-2009, 07:00 AM
Parent: #30
يا اخواننا هوووووووووووووووووووووووووووووووووووووووووووووووووووووي
تيسير دا راجل ما هو مراة
تضحكو وما عارفين المعرس
(على وزن يبكو وما عارفين الميت)
و الله يا تيسير مرة كدة رسلت لبكري ايميل
رد على بعد دقيقتين
يا ربي عندو اوتو ريبلاي؟
|
Post: #39
Title: Re: يوميات بكري أبوبكر ..
Author: تيسير عووضة
Date: 10-01-2009, 07:22 AM
Parent: #36
Quote: يا اخواننا هوووووووووووووووووووووووووووووووووووووووووووووووووووووي
تيسير دا راجل ما هو مراة
تضحكو وما عارفين المعرس
(على وزن يبكو وما عارفين الميت) |
تيسير عووضة دا رااااجل بي شنباتو
Quote: و الله يا تيسير مرة كدة رسلت لبكري ايميل
رد على بعد دقيقتين
يا ربي عندو اوتو ريبلاي؟ |
محض صدفة يا محمد الشيخ
ما تعوّل على الموضوع دا كتير
ـــــــــــ
تقرأ بواسطة دينا خالد فقط:
يا بت أمي يحلنا الحل بلة من هؤلاء القوم
نفسي أفتح بوست بدون ما يجي واحد يسأل تيسير دا راجل ولا مرة
صورة البروفايل بتاعتي من هنا وجاي حتكون عبارة عن صباع روج وفتيل منكير
وتحيا الأنوثة يا السمحة أم عجن
|
Post: #38
Title: Re: يوميات بكري أبوبكر ..
Author: مبارك محمد عثمان
Date: 10-01-2009, 07:10 AM
Parent: #30
تيسير سلام
هو برضو اسمو سيد اللبن هناك ... ليه ماعارف بسموعندنا ( اللبانى)
تلاقح ثقافات
|
Post: #40
Title: Re: يوميات بكري أبوبكر ..
Author: تيسير عووضة
Date: 10-01-2009, 07:45 AM
Parent: #38
مبارك
| Quote: هو برضو اسمو سيد اللبن هناك ... ليه ماعارف بسموعندنا ( اللبانى) |
بكري حقنا دا إسمو سيد الحوش
ومرات مرات سيد اللايحة بس ما بيفتح خشم البقرة ..
|
Post: #41
Title: Re: يوميات بكري أبوبكر ..
Author: معتصم دفع الله
Date: 10-01-2009, 08:06 AM
Parent: #40
Quote: بعد أن قام بكري بجولته على التلفونات مشى ولع الشيشة وجا قعد قدام الكمبيوتر قائلاً:
بسم الله, رجعنا من الجهاد الأصغر إلى الجهاد الأكبر .. |
يا تيسير ..
إنتِ متأكده إنو دا بكري ما ود الصائم 
كل سنة وأنتِ طيبة يا تيسير ..
إن شاء الله أيامك كلها حلوة ..
|
Post: #42
Title: Re: يوميات بكري أبوبكر ..
Author: emad altaib
Date: 10-01-2009, 08:58 AM
Parent: #41
ــــــــ
تيسير يا الما مدهشة ...! سلامات ياختي :
ياي يا بكري لون البورد بيعمل لي إكتئاب رايك شنو تقلب لونو لي بمبي ؟
مثل هذا البوست علاج للإكتئاب بكل حقيقة , والمغالط يسأل سيد اليومية
حديث من متخصص في المجال:
ـــ
سؤال ياقوم إنتو الثلج بكسروه كيف ؟!
|
Post: #43
Title: Re: يوميات بكري أبوبكر ..
Author: طارق عبد اللطيف نقد
Date: 10-01-2009, 11:07 AM
Parent: #42
Quote: ياخ معقول ياخ . لي كم يوم ما حذفت بوست ولا وقفت زول
هو زاتو البوستات الكتيرة دي قاعدة تتقل السيرفا* وتهدر الباندويث* |
هههههههههههههههههههههههههههههههههههههههههههه
انا بتفق معاك وع بكري في الحته دي
دمك شربات!!!!
|
Post: #44
Title: Re: يوميات بكري أبوبكر ..
Author: تيسير عووضة
Date: 10-01-2009, 12:29 PM
Parent: #41
معتصم ..
وإنت طيب وعمر وأم عمر طيبين
Quote: يا تيسير ..
إنتِ متأكده إنو دا بكري ما ود الصائم  |
هو بالله ود الصايم بيشيّش ؟
ـــــ
|
|