Post: #1
Title: تيسير عووضة ودينا خالد (فغط)
Author: تيسير عووضة
Date: 02-11-2010, 05:44 AM
Parent: #0
دينا خالد
يختي هالله هالله على الجد والجد هالله هالله عليه
الكلام بعد دا دخل الحوش
لازم نحسم موضوع هويتنا أنا وإنتي في البورد دا
أكتر إتنين الناس حاقرين بيهم في موضوع النوع دا أنا وإنتي تحديداً
نزلت بوستات بإسم بنات البورد / أولاد البورد
في اللستتين لقيت إسمي ما في (!!)
وفي اللستتين لقيت إسمك في (!!)
هذا البوست بمثابة إحتجاج رسمي للفيفا
ـــــــــــــــ
لمن إتخرجنا من الجامعة
كل البنات المعاي إستلموا شهادات خلو الطرف من الإلزامية بواسطة آخرين
أنا كنت "الوحيدة" في الدفعة اللي ناس الإلزامية طلبوا حضوري شخصياً
عشان يدوني شهادة خلو الطرف عشان يتحققوا من إني بت فعلاً
ولست محض ولد زايغ من الإلزامية متستراً تحت شبهة الإسم
|
Post: #2
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 06:02 AM
Parent: #1
غايتو ياتايسا
نتضامن معك/م/ن إلى حين........., رد الفيفا
سلامو
|
Post: #3
Title: Re: تيسير عووضة ودينا خالد (فغط)
Author: BitAlhana
Date: 02-11-2010, 06:06 AM
Parent: #2
Up
Untill u get a reply from FIFA
Bit Alhana
|
Post: #6
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 06:32 AM
Parent: #3
ندى وبت الهنا
معاً في إنتظار رد الفيفا
|
Post: #4
Title: Re: تيسير عووضة ودينا خالد (فغط)
Author: عاطف عمر
Date: 02-11-2010, 06:14 AM
Parent: #1
رحم الله أستاذنا حاج الباقر ..أستاذ مادة المساحة
كان ( الأتندندس ) عنده ضرورياً يأخذه في بداية كل محاضرة
كانت زميلتنا ( إ ) تعيش موضة الشعر الآفرو وترتدي البنطال والقميص وتفضل الجلوس مع شلة أصدقائها من ( الأولاد ) .
عندما نادى أستاذنا الباقر إسمها رفعت يدها
إنتهرها...
" أنا بقول ( إ ) إنتأ ( إ ) ؟؟
ردت عليه بأدب
نعم يا دكتور أنا ( إ )
أجابها مرتاباً
طيب ( standup ) قالها بالإنجليزي ليتفادي التذكير والتأنيث
وقفت .. إقترب منه وسجل إسمها وهو غير مقتنع تماماً.
بعد قليل نادى إسم زميلتنا ( م ) المرتدية لـ ثوب سوداني
رفعت يدها وبدأت ( تتخمخم ) وتصلح من ثوبها لتقف
فعاجلها
" خليك جالسة يا بتي .. إنت ظاهرة بت "
________________
آلمني هذا اللغط الذي يدور حول دينا خالد
وفي نفس الوقت عجبني ليك
|
Post: #5
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 06:26 AM
Parent: #4
Quote: آلمني هذا اللغط الذي يدور حول دينا خالد
وفي نفس الوقت عجبني ليك |
مى تووووو والله
|
Post: #8
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 06:39 AM
Parent: #5
ندى سيبي الشماتة يا بت
فيعافيني الله ويبتليك ..
|
Post: #7
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 06:35 AM
Parent: #4
يا عاطف كلنا آلمنا اللغط
عشان كدا قلنا أنا ودينا فغط
لكن الفيك إتعرفت يا باش
|
Post: #9
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 06:47 AM
Parent: #7
دى كااااافية ياآلبى
لوووووب
|
Post: #10
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 06:50 AM
Parent: #9
والله طلعت عفواً
بعد رسلت الرد جيت قريتا
ندمت عليها شديد ..
|
Post: #11
Title: Re: تيسير عووضة ودينا خالد (فغط)
Author: شمائل النور
Date: 02-11-2010, 06:56 AM
Parent: #10
عاجباك انا يا تيسير عووضة
مع اني طارحة نفسي كأنثى
يعني اماني الا لكزها عمر الصاروخ وبطريقته الخاصة
دينا خالد وعزاز شامي وشمائل النور ،، اقترح نمشي نعمل فحص هرمونات 
اما انت يا تيسير ما تتعبي هويتك واضحة ، ولا طشاش ساااكت اسمك ما جاء
|
Post: #15
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 07:06 AM
Parent: #11
شمايل ..
قال طارحة نفسي كأنثى
يا زولة أحسن ليك إنضمي لفريقنا دا والفيفا هي الفيصل
من هنا ولي قدام
صورة البروفايل بتاعتنا حتكون فتيل منكير
| Quote: اما انت يا تيسير ما تتعبي هويتك واضحة ، ولا طشاش ساااكت اسمك ما جاء |
ما بتطمني أصلك
|
Post: #16
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:10 AM
Parent: #11
| Quote: عاجباك انا يا تيسير عووضة |
عاجبانى انا والله ياشمائل
تيسير من إذنك تانى ياخ
|
Post: #13
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:03 AM
Parent: #10
Quote: والله طلعت عفواً
بعد رسلت الرد جيت قريتا
ندمت عليها شديد .. |
اححححححححح , نووووو واى
|
Post: #18
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 07:16 AM
Parent: #13
| Quote: اححححححححح , نووووو واى |
ندى
جبناك فزع بقيتي لينا وجع ..
|
Post: #12
Title: Re: تيسير عووضة ودينا خالد (فغط)
Author: Emad Abdulla
Date: 02-11-2010, 06:59 AM
Parent: #7
| Quote: لازم نحسم موضوع هويتنا أنا وإنتي في البورد دا |
نسأل اللهُ السلامة !!
...
كان عندنا في الديم ح . لُبَطْ ..
راجل عدييييييييل .. و أصلية زي اللوز .. و تفتيحة و ميتين حجر .
مرة زمن باصات الهنقاري .. راكبة في النص و واقفة شماعة في النص و لابسه فنلة و بنطلون و الشعر محمد ولد و أصلو ما بتعرفها دي تيسير وللا مصطفى باكِرته ..
في محطة كده الكمساري نزل عشان الناس تركب ، و شبك العالم الواقفين شماعة : جوه شوية يا شباب .. جوه يا أمة .. أرح يااا ..
عاين للزولة دي كددددددده في شكٍ و ريبة .. و قال ليها : قدام شوية يا بو الشباب ..
طواالي هي ظييييططك رفعت الفنلة فوووووق و أشرت ليهو : يا إرنتنق .. ما شايف الد.....ـن ده !!!!
........
تايسا ..
إنتَ و دينا أصلو ما تركبو باص هنقاري .
|
Post: #14
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:05 AM
Parent: #12
تايسا
عن أذنك ياخ, عايزة أتحمدل السلامة , لعماد ممكن؟
|
Post: #17
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:13 AM
Parent: #14
Quote: من هنا ولي قدام
صورة البروفايل بتاعتنا حتكون فتيل منكير |
أظن الباروكة فى الحالة دى أفضل......
|
Post: #19
Title: Re: تيسير عووضة ودينا خالد (فغط)
Author: Emad Abdulla
Date: 02-11-2010, 07:19 AM
Parent: #17
يا ندى ..
أنا سلامتي هينة ..
شوفي جنس السلامات حقت المواطن تيسير ده من صباحات الله !!!
دي طريقة دي ؟
.....
إزيك ياخ
|
Post: #21
Title: Re: تيسير عووضة ودينا خالد (فغط)
Author: معروف حمدين
Date: 02-11-2010, 07:22 AM
Parent: #17
مرور علي سبيل الشوق
والتحية والسلام,,,,
وبس ...
|
Post: #26
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 07:39 AM
Parent: #17
Quote: أظن الباروكة فى الحالة دى أفضل......
|
عندي أمثلة فعالة أكتر
لكني بخاف من البوليس 
|
Post: #20
Title: Re: تيسير عووضة ودينا خالد (فغط)
Author: وجن
Date: 02-11-2010, 07:21 AM
Parent: #14
آلمني هذا اللغط الذي يدور حول دينا خالد
سيد الحق راضي شن دخل القاضي
صحي يا دينا عمر الفاروق ببقى ليك شنو
تيسير ازيك
شمائل مشتاقين والله
|
Post: #22
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:24 AM
Parent: #20
ياتوتى (غايتو إلى حين رد الفيفا , الواحد ياخد راحتو شديد) لوووووب
الليلة الخميس , ومدير ماكو , وشغل على خفييييييييييف
اها دى طوبتى والبستلة جمبها
|
Post: #23
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:30 AM
Parent: #22
Quote: شوفي جنس السلامات حقت المواطن تيسير ده من صباحات الله !!!
دي طريقة دي ؟ |
ياعماد غايتو الله يفك كربة اخونا فى الله
أزيك أنت؟ اها رحلتوها عند الجيران؟
|
Post: #25
Title: Re: تيسير عووضة ودينا خالد (فغط)
Author: داليا حافظ
Date: 02-11-2010, 07:37 AM
Parent: #23
Quote: الليلة الخميس , ومدير ماكو , وشغل على خفييييييييييف
اها دى طوبتى والبستلة جمبها |
نفسي الحركة ..خميسنا ألف الليلة ..
سعوال تعسفي : بستلتك فيها شنو ياندى ..؟
ــــــــــــــــ
تايسا انت ودينا مقامكن عالي ما بختوكن في مساطب الشعب ..
روح رياضية نهيييييييي..
|
Post: #24
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 07:33 AM
Parent: #12
عماد ..
كلو منك إنت دا
طلعت لستة بنات البورد
وأولاد البورد
ونسوان البورد
وأمهات البورد
وسجم رماد البورد
طلعنا منها كلها كيت !
أنا ودينا طلعنا في لستة المسيلينيس يا عمدة
فتأمل 
قال بص هنقاري قال
أكتر من الحاصل لينا هنا دا؟
|
Post: #27
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 07:49 AM
Parent: #24
| Quote: سعوال تعسفي : بستلتك فيها شنو ياندى ..؟ |
غزال شمشار شدييييد ....
يازولة خلى الفيفا ترد , بعد داك بقول
سلامو ياداليا
|
Post: #29
Title: Re: تيسير عووضة ودينا خالد (فغط)
Author: SAIF MUstafa
Date: 02-11-2010, 08:44 AM
Parent: #27
|
Post: #31
Title: Re: تيسير عووضة ودينا خالد (فغط)
Author: عاطف عمر
Date: 02-11-2010, 09:19 AM
Parent: #29
أكان فاهم حاجة إن شاء الله يلموا فيني ناس ضرائب المغتربين
لقيت أخونا سيف مصطفى عامل مداخلة باسمي
قمت عملت ليها إقتباس ورديت عليهو
شويتين لقيتو مسح المداخلة
شفتا أنو ما عندها معنى يظل الإقتباس والرد لمداخلة حذفها صاحبها
مسحت .. مسحت
مسحنا مداخلتنا
_________________
تيسير ... ( حاف كدا )
ياخ اسمك دا بيديك وضع مميز
لو عرفه أهل الشيكات الطائرة لقاتلوكم عليه بالسيوف
|
Post: #32
Title: Re: تيسير عووضة ودينا خالد (فغط)
Author: SAIF MUstafa
Date: 02-11-2010, 09:27 AM
Parent: #24
.
|
Post: #28
Title: Re: تيسير عووضة ودينا خالد (فغط)
Author: عزاز شامي
Date: 02-11-2010, 08:43 AM
Parent: #1
| Quote: هذا البوست بمثابة إحتجاج رسمي للفيفا |
الفيفا قالت امشو البوليص هي ما فاضية ماشة عقد حنان سكاسك
وحتبيت ليلتين كيتن في اخلاص فتفت، سبب الكية مجهول حتى هذه اللحظة
بس جيب ليك الشمار لو اديتني حق المواصلات...
هبصة، هو مترو بكم ده؟
|
Post: #30
Title: Re: تيسير عووضة ودينا خالد (فغط)
Author: ندى عثمان حسن
Date: 02-11-2010, 09:00 AM
Parent: #28
| Quote: لكني بخاف من البوليس |
عايزة لى دلوكة , عشان اغنى الاوغنية دى
|
Post: #33
Title: Re: تيسير عووضة ودينا خالد (فغط)
Author: دينا خالد
Date: 02-11-2010, 10:05 AM
Parent: #30
العزيزة تايسا ..
العنوان بتاعك مفروض يكون ::
دينا خالد تيسير عووضة او البنات الضالة .
على وزن الكلاب الضالة .. لووووووب
انتى لسه العناوين دى ما عرفتى ليها ؟؟
اها قالوا البت النهشتيها فى البوست داك ماتت !!!
شوف عييينو اساسى .. قاعد جنب الحرم الممسوخ ما بكضب !
طيب . ممكن اشارك ؟؟ اولا فى استفزاز شديد من جانب الناس
الما بعرفونا عشان يشوفونا بفتكروا انو هم لو قرروا يشوفو زول
لازم يشوفوا !! اهابحصل الاستفزاز والذى يرقى الى مرحلة الابتزاز احيانا
عشان تنزلى صورتك وتمشى الاجتماعات وكدا ..
اظرررف حاجه انو القصة دى بتحصل من اقرب الناس عرفة ليك ، وانا من عادتى
بعاين للنص المليان من الكاس بقول لانهم بيغيروا و عايزين يضللوا الناس .
اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق ..
اجيك من الاخر كدا الموضوع دا مييت ما تشتغلى بيه .. وماتتعرضى فيه
لاى ابتزاز .. ومافى شخص فى الدنيا انا ما دايره اعرفو بخلينى اعرفوا
مرة كنت ماشة مناسبة كدا فى زول منننن ناس البورد ديل حلفنى حليفة
شديده انى ما امشى لانو اجمممل حاجه فيك الاشاعة دى .. خليك بدون ..
بينى وبينك كدا القصة اكثر جاذبية .. لو اتعرف نوعنا كرتنا بتحرق ..
اها انتى قصتك دى اول مرة اسمعها قايلاك كنت بت حقيقية .. لوووول
بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟
ــــــــــــــــــــ
عزاز يا مصيبة والله كلامك الكاتبة دا يشبه صورتك دى شبه
حولااااااااااااااا كتلتينى بالضحك ... عماد غايتو انا لو ولد
برضو ما بعمل شنب !!
|
Post: #34
Title: Re: تيسير عووضة ودينا خالد (فغط)
Author: Emad Abdulla
Date: 02-11-2010, 10:42 AM
Parent: #33
| Quote: انا لو ولد برضو ما بعمل شنب !! |
يشب فيك البعاتي .. قولي يامين .
........
قووولي طلعتي ولد ..!! قووولي بت !!
أها .. و بعد داك ؟
لسانك أب صامولة ده نعمل فيهو شنو ؟
|
Post: #35
Title: Re: تيسير عووضة ودينا خالد (فغط)
Author: عزاز شامي
Date: 02-11-2010, 10:42 AM
Parent: #1
Quote: اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق .. |
يا سلاااااااااااام يا دينا ياخ، لمن قمت على حيلي وبشّرت لللابتوب
انتي فطرتي بايسون صاح؟ الحركات دي ما براك...
مشكلة منع ومنح (نوعك) دي غلوتية لم اجد لها حل في مجموعة الانسان السودانيس اون لايني
انتي ولد .. انتي مسترجلة .. انت هناي ... انت ما هناي كلها طالعة من
مسدس موية فاضي بعمل " بسسستك بسسسستك "
Quote: بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟ |
لا هي النصيحة بتفرق علشان ديقانجو يفرّز
______________
يا تيسير انتي و دينا ختو لينا صوركم بالحلق علشان نسكت الخشامة
|
Post: #36
Title: Re: تيسير عووضة ودينا خالد (فغط)
Author: Raja
Date: 02-11-2010, 10:58 AM
Parent: #35
| Quote: يا تيسير انتي و دينا ختو لينا صوركم بالحلق علشان نسكت الخشامة |
يا الله.. ما تتخيلي يا عزوز (بالمناسبة ده برضو دلع ولادي..ههههه) إقتراحك ده وقع لي في جرح كيف.
أولن (أولا) يا ستي من زي عشرة يوم كده غمًضتا عيوني الإتنين الأصليات والإتنين التانيات القزاز. وإشتريت لي نضارة نظر جديدة (شانيل). ما حأقول ليك سعرها كم عشان الإستفزاز وكده. وختي في بالك إني قعدًتا أحوًش ليها 5 شهور:))
أها النضارة خرااااافة. فيها لوليتين (عدد إتنين لولي ياباني). ونفسي أفرجًكم عليها. هسع من دربي أمشي اتصوًر (بالجنبة) عشان اللولي يبان.. هههههه
تيسير ودينا.. يوم الأحد (الفالنتاين) حنعمل ليكم لستة مخسووووس..
* دونت ووري.. بي هابي
|
Post: #37
Title: Re: تيسير عووضة ودينا خالد (فغط)
Author: ALZOLZATOO
Date: 02-11-2010, 11:15 AM
Parent: #36
عماد عبدالله
غايتو عملتها واضحة يعني اي واحده يشكوا فيها لازم تعمل ليكم زييييييييييط للتي شيرت زي حنان لبط وحنان مديرية
your call disconnected try again later
ياخي تيسير دي رغم انها مكجناني لكن ابصم ليكم بالعشرة انها بت وبت ديناري كمان
بالمناسبة انااسمي مامذكور في كل البوسات المذكورة الحل شنو لووووووووووووووولز
تحياتي الاكيدة طبعا
زاتووووو
|
Post: #38
Title: Re: تيسير عووضة ودينا خالد (فغط)
Author: Hussein Mallasi
Date: 02-11-2010, 11:28 AM
Parent: #37
| Quote: لو اتعرف نوعنا كرتنا بتحرق .. |
معرفة النوع ما بتحرق الكرت .. البيحرق الكرت مفارقة الواقع للشكل المُتخيل 
|
Post: #39
Title: Re: تيسير عووضة ودينا خالد (فغط)
Author: دينا خالد
Date: 02-11-2010, 11:52 AM
Parent: #38
لا لا لا يا حسين ..
| Quote: معرفة النوع ما بتحرق الكرت .. البيحرق الكرت مفارقة الواقع للشكل المُتخيل |
من الناحية دى خت فى بطنك بطيخة صيفى !!
( بتجيب الوشوش دى من وين ياود ؟ )
ــــــــــــــــ
بالرغم من انو اصعب شىء فى الدنيا هو تخيل
تخيلك ..
|
Post: #40
Title: Re: تيسير عووضة ودينا خالد (فغط)
Author: محمد حيدر المشرف
Date: 02-11-2010, 12:03 PM
Parent: #39
نقترح أن يحول البوست للقمسيون الطبى ..
|
Post: #41
Title: Re: تيسير عووضة ودينا خالد (فغط)
Author: الجندرية
Date: 02-11-2010, 12:22 PM
Parent: #39
لوووووووووول تاني على لووولك يا دينا
كل يوم يا حسين بتعزز الهام لي عشان اكتب موضوع
شوف العين الكتل غزال الاسفير
ــــ
تيسير يا بت انت قبل كدا مش ختيتي صورتك ؟
اهل البورد ديل دي بقوزي الحكومة بتعول على انو الناس نساية ولا شنو
|
Post: #42
Title: Re: تيسير عووضة ودينا خالد (فغط)
Author: Amira Elsheikh
Date: 02-11-2010, 12:34 PM
Parent: #41
اها وصلتو وين ياشباب بقيادة تايسا الشفت?
|
Post: #43
Title: Re: تيسير عووضة ودينا خالد (فغط)
Author: دينا خالد
Date: 02-11-2010, 01:54 PM
Parent: #42
هههههههههههههههههههه هههههههههههههههههااااااااا
حتى تقطعت المصاريين يا عزاز .. انا ماكلة تايسون
انتى شاربه شنو ؟؟؟ ارمينا بالفاضى ..
الليلة مزاجك بهجة وشكلك موووووت .. انتى كنتى فى مصر ؟
قصة شعر بتاعت زول حريييف ..
ـــــــــــــ
قلتى لى مسدس موية فاضى مافيه موية ذاتو ؟؟
والله بنات البورد ديل بتاعات حركات ياخ !
|
Post: #44
Title: Re: تيسير عووضة ودينا خالد (فغط)
Author: bent awad el kareem
Date: 02-11-2010, 01:59 PM
Parent: #42
تيسير عووضة كيف حالك
انا لى ساعة بفتش فى اسمى برضو مالقيتو دخلت عليكم قلت
يمكن القى اسمى عندكم لكن للاسف لا حياة لمن تنادى عشان
كده بفتح بوست بعنوان ستات البورد واكتب اسمى واتذكر
نفسى براى
|
Post: #45
Title: Re: تيسير عووضة ودينا خالد (فغط)
Author: عزاز شامي
Date: 02-11-2010, 03:19 PM
Parent: #1
| Quote: انتى شاربه شنو ؟؟؟ ارمينا بالفاضى |
نان و ابني البيت بشنو؟
القماري قاعدة تبني عشها قزازة قزازة
|
Post: #46
Title: Re: تيسير عووضة ودينا خالد (فغط)
Author: mayada kamal
Date: 02-11-2010, 03:24 PM
Parent: #45
تيسير يا فردة
وانا اقول شنو رغم التاء المربوطة اللي موجودة في اسمي
لكن مع ذلك ما لقيت اسمي في ااااااااااي بوست
يعني لا طولت بلح الشام ولا عنب اليمن
|
Post: #47
Title: Re: تيسير عووضة ودينا خالد (فغط)
Author: على محمد على بشير
Date: 02-11-2010, 03:55 PM
Parent: #46
Quote: من هنا ولي قدام
صورة البروفايل بتاعتنا حتكون فتيل منكير |
قرقرقرقرقرقرقرقر
الله يجازى محنك يا اخ تيسير
|
Post: #48
Title: Re: تيسير عووضة ودينا خالد (فغط)
Author: Balla Musa
Date: 02-11-2010, 04:00 PM
Parent: #46
والله ياتيسير وماطالبانى حليفة
الزمن دا كلو قايلك بت أتاريك تيسير مدثر؟
|
Post: #49
Title: Re: تيسير عووضة ودينا خالد (فغط)
Author: دينا خالد
Date: 02-11-2010, 04:28 PM
Parent: #48
يا ميادة !! انتى فى التاة المربوطة
ولا فى الصورة ! لووووووووووووووووب
مع وجود الصورة ما عرفو ؟؟؟ والله بالغوا ,,
|
Post: #50
Title: Re: تيسير عووضة ودينا خالد (فغط)
Author: Rawia
Date: 02-11-2010, 04:45 PM
تيسير بركة والله وعجبني ليك
دا حقي السواهو ولدك فيني
_______________
ولد تيسير بعد ماطلعت من الحمام
وصف لي الحلاق بي وين
|
Post: #51
Title: Re: تيسير عووضة ودينا خالد (فغط)
Author: عمر الفاروق
Date: 02-11-2010, 04:58 PM
Parent: #50
Quote: يا ميادة !! انتى فى التاة المربوطة
ولا فى الصورة ! لووووووووووووووووب
مع وجود الصورة ما عرفو ؟؟؟ والله بالغوا ,, |
عرفتو ليي انا بدافع عن البت دينا دي؟
ياخ والله إنتي ألذ زووووول في المنبر ده ..
تخريمة :
الحالة الخلفية ما حدائق 6 أبريل أو حبيبي مفلس  [/IMG]
|
Post: #52
Title: Re: تيسير عووضة ودينا خالد (فغط)
Author: الخير محمد عوض
Date: 02-11-2010, 05:05 PM
Parent: #50
Quote: يا ميادة !! انتى فى التاة المربوطة
ولا فى الصورة ! لووووووووووووووووب
مع وجود الصورة ما عرفو ؟؟؟ والله بالغوا ,, |
|
Post: #53
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 05:40 PM
Parent: #52
معروف حمدين
إزيك يا ود حلتنا وليك وحشة برضو
وجن
إنتي معانا ولا مع الخيانة
داليا حافظ
خليني من الحنك بتاعك دا
إسمك الحلو دا بتفكيهو بي كم؟
عاطف عمر
إيه اللي بيحصل دا
الحتة كلها عدل بواسطة عدل بواسطة
إسمي دا جوكر يلفق في أي حتة
لكن بيني وبينك لما الموضوع يكون عن البنوتية بيعمل لي إحراج مؤقت 
كلتومة الشهيرة بـ(عزوز شامي)
الفيفا دي يا فردة stands for
Female Identity Formal Agency
حق مواصلات شنو يختي
من متين بتركبي مواصلات كمان
الله يخلي الكداري وسفنجاتك الخدرا الكل فردة من بلد 
|
Post: #54
Title: Re: تيسير عووضة ودينا خالد (فغط)
Author: smart_ana2001
Date: 02-11-2010, 05:49 PM
Parent: #53
Quote: اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق .. |
و برضوا شاكين ان دينا خالد ما بنت ?
Come on!
لو طلعت دينا خالد Dude اكون انا انجلينا جولين
|
Post: #57
Title: Re: تيسير عووضة ودينا خالد (فغط)
Author: تيسير عووضة
Date: 02-11-2010, 06:39 PM
Parent: #53
دينا وكية للمابينا
Quote: العنوان بتاعك مفروض يكون ::
دينا خالد تيسير عووضة او البنات الضالة .
على وزن الكلاب الضالة .. لووووووب |
إنتي طبعاً العناوين بقت صنعتك
أنا أقترح التالي
البنات الضالة أو في جدل الهوية (دينا خالد وتيسير عووضة مثالاً)
عنوان أجدع سمكرجي ما يعمل زيو
أصلاً أنا جدل الهوية دي من زمان ما عارفة ألصقا وين
Quote: اجيك من الاخر كدا الموضوع دا مييت ما تشتغلى بيه .. وماتتعرضى فيه
لاى ابتزاز .. ومافى شخص فى الدنيا انا ما دايره اعرفو بخلينى اعرفوا
مرة كنت ماشة مناسبة كدا فى زول منننن ناس البورد ديل حلفنى حليفة
شديده انى ما امشى لانو اجمممل حاجه فيك الاشاعة دى .. خليك بدون ..
بينى وبينك كدا القصة اكثر جاذبية .. لو اتعرف نوعنا كرتنا بتحرق ..
اها انتى قصتك دى اول مرة اسمعها قايلاك كنت بت حقيقية .. لوووول |
يا فردة إبتزاز شنو أنا كنت منزلة صورتي قبل كدا
نزلتها بعد سنوات من إنضمامي للبورد
لأني في الأول ما كنت حابة الناس تقراني من خلال صورتي أو نوعي
وتقريباً دا الحصل بعد داك لأنو رغم إنزال الصورة
حتى الآن لا يخلو لي بوست من عدد إتنين (الأخ تيسير) على الأقل 
أنا يتخيل لي الحكاية ليها علاقة بي نَفَس الكتابة
مرات في طريقة كتابة معينة تفيض أنوثة كما تريد لها صاحبتها (أو صاحبها  )
بالإضافة لنوعية المواضيع نفسها بتديك إنطباع إنو الكتابة دي حقت فيميل
أها يا الكاشف أخوي نحن كتابتنا شكلها دشنة شوية أو nutral وما بتشبه كتابة البنات عشان كدا قايلننا أولاد
الغريبة السنة الفاتت زي المواعيد دي إتفقنا أنا وعزوز شامي نبقى بنوتيات أكتر
فيونكات كدا وقلوب وعصافير لكن نعمل شنو يموت الزمار
يا ستي خليك كدا سماء بدت لهم وإستعصمت بالبعد عنهم
هم دايرين شنو أكتر من رايك الرزين البيعبر عن كتار رجال ونساء على السواء
دا طبعاً الكلام الجد
لكن لو رجعنا للهزار إحتجاجنا للفيفا قائم
لووووووووب يا قولك
Quote: بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟ |
ياخ إنتي 
|
Post: #55
Title: Re: تيسير عووضة ودينا خالد (فغط)
Author: Adil Osman
Date: 02-11-2010, 06:15 PM
Parent: #1
دينا خالد بتقول لوووب
وندى عثمان حسن بتقول لوووب
كيف الكلام ده؟
تكون دينا خالد هى ندى عثمان حسن؟
مين ندى دى؟
تيسير عووضة
انتى بت واقدع بت. شفتك وابتهجت وين يا
|
Post: #56
Title: Re: تيسير عووضة ودينا خالد (فغط)
Author: عمر الفاروق
Date: 02-11-2010, 06:29 PM
Parent: #55
سمارت :
مساك ورد وكما تحبي وتشتهي..
| Quote: لو طلعت دينا خالد Dude اكون انا انجلينا جولين |
طيب رايك شنو لو قلت ليك دينا خالد هي إنجلينا جولي
معناها إنتي إتورطتي في الكلمة الما عرفت معناها دي (أعذريني إنجليزيني حببببة ) وحا تطلعي إنتي دي ال Dude
تخريمة :
ما عارف لكن حاااسي إنو Dude بيكون معناها نقطة ..
|
Post: #58
Title: Re: تيسير عووضة ودينا خالد (فغط)
Author: خدر
Date: 02-11-2010, 07:11 PM
Parent: #56
Quote: سمارت :
مساك ورد وكما تحبي وتشتهي..
Quote: لو طلعت دينا خالد Dude اكون انا انجلينا جولين
طيب رايك شنو لو قلت ليك دينا خالد هي إنجلينا جولي
معناها إنتي إتورطتي في الكلمة الما عرفت معناها دي (أعذريني إنجليزيني حببببة ) وحا تطلعي إنتي دي ال Dude
تخريمة :
ما عارف لكن حاااسي إنو Dude بيكون معناها نقطة .. |
فضحتنا ياخ
امرق .. امرق سريع مرق جلدك
__
تيسير و دينا .. كيف يا زملاء
|
Post: #59
Title: Re: تيسير عووضة ودينا خالد (فغط)
Author: Dr. Salah Albashier
Date: 02-11-2010, 07:22 PM
Parent: #58
الأختان العزيزتان تكعيب تيسير ودينا
لكما التحية والتجلة وعاطر الفل والياسمين
بالرجوع إلى ما ذكر أعلاه وحيث أننا من هواة اللعب النظيف نؤكد أنكن من أجمل وأعظم وأنقى وأعف وأطهر من اجتمعن بين نون النسوة وتاء التأنيث، ولا يسوء التبر بعض الغبار.
مع خالص تحياتي
د. صلاح البشير
|
Post: #62
Title: Re: تيسير عووضة ودينا خالد (فغط)
Author: Emad Abdulla
Date: 02-11-2010, 07:48 PM
Parent: #59
| Quote: طريقة كتابة معينة تفيض أنوثة كما تريد لها صاحبتها (أو صاحبها) |
يا خالقنا ..!!
في غنوة زمن زمان يا خدر .. الجابا هنا شنو .. اللهُ أعلم :
( واقف في الحلواني .. واااني
ياكل في البسبوسة .. بوووسه
كان شفتو البسبوسة .. بوووسه
تاكل في البسبوسه .. بوووسه
اللييييلة يا الحلاوة .. اللييييلة يا الحلاوة ) .
.....
أجدعا هنا ينوبك ثواب .
|
Post: #63
Title: Re: تيسير عووضة ودينا خالد (فغط)
Author: خدر
Date: 02-11-2010, 07:58 PM
Parent: #62
| Quote: أجدعا هنا ينوبك ثواب . |
اجدعا !!
قطع شك ما قاصد (وش لئيم و إبن كلب )
|
Post: #60
Title: Re: تيسير عووضة ودينا خالد (فغط)
Author: دينا خالد
Date: 02-11-2010, 07:38 PM
Parent: #58
| Quote: تيسير و دينا .. كيف يا زملاء |
خدرررررر انعل ابو البنط !
ح تزاملنا فى كل الاحوال ؟؟
ـــــــــــــــــ
نحن فى الفيهو دا عايز يلبسنا تهمة جديدة
يا زميل .. انضبط نحن كوادر سرية ... لوووووب
|
Post: #61
Title: Re: تيسير عووضة ودينا خالد (فغط)
Author: خدر
Date: 02-11-2010, 07:45 PM
Parent: #60
دينا .. اعمل حسابك .. الـ G و F جيران
ما تعّوق ليكـ بورد
___
عيب لي وووووب !!
|
Post: #64
Title: Re: تيسير عووضة ودينا خالد (فغط)
Author: Emad Abdulla
Date: 02-11-2010, 08:09 PM
Parent: #61
بركة الـ M بقت بعيدة .
تاااااااااااااني .. " أجدعا " .
........
أقعد باري الكيبورد إنت ..
لما تلحقنا الزميل تايسا , نبقى بعد داك في حاو و تُر .
|
Post: #65
Title: Re: تيسير عووضة ودينا خالد (فغط)
Author: محمد عبد الماجد الصايم
Date: 02-11-2010, 08:45 PM
Parent: #64
|
Post: #67
Title: Re: تيسير عووضة ودينا خالد (فغط)
Author: خدر
Date: 02-11-2010, 08:54 PM
Parent: #65
| Quote: بركة الـ M بقت بعيدة . |
Daaam it 
|
Post: #66
Title: Re: تيسير عووضة ودينا خالد (فغط)
Author: Shiraz Abdelhai
Date: 02-11-2010, 08:52 PM
Parent: #64
Quote: [كلتومة الشهيرة بـ(عزوز شامي)
الفيفا دي يا فردة stands for
Female Identity Formal Agency |
)
..غايتو دى بالغتى فيها......
ما عارفه ضحكتنى كلتومة واللا تفسير الفيفا!
...والحاله انا قاعده من قبيل افكر ..وقلت يا بت ما تتلاقفى ساي وتعبري عن جهلك...!!
شكلها الفيفا دى أى زول عارفا إلا إنتى!!
...اها أنا ياتيسير برضو إسمى مافى فى البوستين....وقدر ما نبحتا ...زووول عبرنى ماف....
يمكن برضو شاكين فينى؟؟...يكونوا يا ربي؟؟ مع إنو كتابتى بتفيض أنوثه وشعرها ملفوف!
...هو بينى وبينك كده.....قصة هويتى دى من زمان فيها لغط.....
يمكن عشان مشكلة الإسم زيك كده.....ويمكن برضو عشان حاجات تانيه وكده!!!!!!!!!خلينا منها هسه!!
لكن فعلا يا دينا....حتى الكتابه فيها نسونه ورجوله؟؟؟؟سؤال فى محلو!!.................
|
Post: #68
Title: Re: تيسير عووضة ودينا خالد (فغط)
Author: دينا خالد
Date: 02-25-2010, 09:01 AM
Parent: #66
كل ما يتهمونى بى زول ..
بمشى بحاكى كلاماتو .. اها البومين دى
فى اشاعة قويييية انى حسين ملاسى ؟؟ تصدقوا ؟
دى طبعا مش لوووووووب دى هوبا عدييييل !
ــــــــــــــــــــــ
غايتو اكبر من دى الله لا جابا !
|
Post: #69
Title: Re: تيسير عووضة ودينا خالد (فغط)
Author: قيقراوي
Date: 02-26-2010, 10:17 AM
Parent: #68
|
|