بورداب السنغال أرجو الإفادة ..

يا أخوانا لو في بورداب في السنغال
أو في بورداب عندهم زول في السنغال محتاجة مساعدتهم ..


عندي صديق عزيز جداً وزميل دراسة قديم
طالب معلومات تتعلق بالوضع الأمني والإقتصادي والإجتماعي في السنغال
وحول الحياة عموماً هناك

جاهو عرض مغري جداً جداً من شركة عالمية مرموقة
بس المطلوب إنو يداوم في داكار
والعرض بيستاهل إنو يسيب وظيفتو الحالية عشانو
لكنو متردد بإعتبارها بلد غريبة عليهو وما بيعرف عنها أو فيها زول
وهو زول صاحب أسرة صغيرة وما حابيهم يتجهجهوا معاهو

هو قارئ ومتابع للمنبر بس ما عندو باسويرد
وكلفني أسألكم لو في زول عندو فكرة


أرجو الإفادة وأكون شاكرة وممتنة للغاية ..

اول مرة اعرف ان هناك بورداب من السنغال..
التحية لاهل السنغال وبوردابيها..
-------

تيسير كيفنك؟

سلام يا تيسير

كيفك

أولاً لا يوجد بورداب في السنغال

فإذا كانت الوظيفة مغرية مادياً

أنصحة أن يتوكل على الله ويسافر

لأن السنغال دولة مستقرة من النواحي الأمنية والساسية

تخريمة :
فكرة أخرى :
يا تيسير الزول لو متخوف خليهو يدفع لي خمسة ألف دولار كاش مع التذكرة
عشان أمشي أقيم ليهو الوضع هناك وأجيهو بالنتيجة أصلو
أنا ما خايف على نفسي مولود في الاحراش والادغال

سلامات الأخت تيسير عووضة
زولك ده خليهو يتوكل يمشى السنغال عادى.
عندى أخت عزيزة هناك فى السنغال وزوجها موظف فى السفارة السودانية.
ممكن أديكم رقمها عشان تعرفوا الوضع بصورة أفضل منها.










______________
الزول ده خليهو يتوكل ساى

Quote: زولك ده خليهو يتوكل يمشى السنغال عادى. عندى أخت عزيزة هناك فى السنغال وزوجها موظف فى السفارة السودانية. ممكن أديكم رقمها عشان تعرفوا الوضع بصورة أفضل منها.

يا سلام عليك يا شول
دا كلام جميل

أظن حنحتاج لرقم الأخت دي لمزيد من التفاصيل ..




تسلم كتير ود أمي ..

حسن مضوي ..

Quote: أولاً لا يوجد بورداب في السنغال

هسي كان جاك واحد منهم بتقول يا منو؟



هو من ناحية مغرية مادياً فهي مغرية جداً جداً
(يمكن دا واحد من الأسباب البتخوف زاتو)

Quote: يا تيسير الزول لو متخوف خليهو يدفع لي خمسة ألف دولار كاش مع التذكرة عشان أمشي أقيم ليهو الوضع هناك وأجيهو بالنتيجة أصلو أنا ما خايف على نفسي مولود في الاحراش والادغال

أها يا ماوكلي ..

ولو الوضع ما عجبك هناك بترجع القروش ولا كيف
ولا المصيبة يقوم الوضع يعجبك وتتغاتت على ود الناس
وتقول ليهو أصلك ما تجي خليك مكانك وتحتل إنت بي هناك




بتعملا إنت يا فتى الأدغال ..

..
.

Quote: يا أخوانا لو في بورداب في السنغال

الله اعلم يا مولانا..
والله حليمة سبقتنى ..
بخصوص السبب الحياة تجارب ..
صحبك يبطل تردد ويمشى ويجرب
واينما تكونوا يدرككم الموت _ بعد طول عمر_
وشق الديار علم ..
وفى السفر سبع فوائد ..
ومن عرف لغة وطبع قوم امن شرهم
يعنى اكتر من كدا داير شنو ؟؟
ناهيك عن الفائدة الوظيفية والمادية

بالله حسي دى فى ذمتك دى حاجة بستشيروا فيها
ولا دايره تورينا انو علاقات ممتدة الى غرب افريقيا




-------------

انا شخصياً السنغال دى ما شفتها
لكن عندى صحبي اشتغل هناك 6 شهور ..
ما سمعت منو اى انفلات امنى او خطورة
ودايما بقول داكار دى فيها اجمل جالية
لبنانية فى العالم .. وبس :)

يا حاجبنا ..

Quote: بخصوص السبب الحياة تجارب .. صحبك يبطل تردد ويمشى ويجرب واينما تكونوا يدرككم الموت _ بعد طول عمر_ وشق الديار علم .. وفى السفر سبع فوائد .. ومن عرف لغة وطبع قوم امن شرهم يعنى اكتر من كدا داير شنو ؟؟ ناهيك عن الفائدة الوظيفية والمادية

يا زول خوف شنو
هو متخوف أكتر شي عشان زوجتو وإبنو
لكن كان عليهو هو دا زول بياكل النار

(غايتو أقل شكلة أيام الجامعة كان بيمرق منها بي بعجة سكين في بطنو )

Quote: بالله حسي دى فى ذمتك دى حاجة بستشيروا فيها ولا دايره تورينا انو علاقات ممتدة الى غرب افريقيا

قال علاقات ممتدة
يا زول أنا السنغال دي علاقتي بيها كل 4 سنين
عشان بشجعها لمن تكون لاعبة في كاس العالم

Quote: انا شخصياً السنغال دى ما شفتها لكن عندى صحبي اشتغل هناك 6 شهور .. ما سمعت منو اى انفلات امنى او خطورة ودايما بقول داكار دى فيها اجمل جالية لبنانية فى العالم .. وبس :)

وبرضو تقول لي ما فيها إنفلات أمني وخطورة؟
غايتو مرتو ما سمعتك ..

مراحب يا حليمة ..

أنا زاتي ما بتصور إنو السنغال فيها بورداب لكن مؤكد فيها سودانيين



ياخ السودانيين ما خلو بقعة من بقاع الأرض إلا وباركوها بارجلهم
فروعهم منتشرة في جميع أنحاء العالم ..




تسلمي يا ستي ..

Quote: داكار دى فيها اجمل جالية لبنانية فى العالم

طالما فيها لبنانيات و جميلات , حقو الشاب ده يتوكل علي الله تصحبو حسادتنا

راجعى الماسنجر بت أبوى.

Quote: راجعى الماسنجر بت أبوى.

حقيقي عاجزة عن الشكر يا شول ..
ساقوم بتمرير المعلومات


تسلم وتسلم الأصالة الجواك دي ..

تيسير ...سلامات ..

امسكي في شول وزولته الهناك ...

زميلك ده خليهو يمشي براه ويقيم الشغل لكم شهر وبعد داك يجيب اسرته لو الوضع طمنو ...ومادام شغلوا في داكار مافي مناطق ريفيه فده يطمن ...

بالتوفيق له ..

Quote: داكار دى فيها اجمل جالية لبنانية فى العالم .. وبس :)

مش لو اخد ماجستير والله لو اخد دكتوراة ياهو ذاته زولي ...ههههههه

ياتبلدي اقترح عليك تعمل الدكتوراة في السنغال من اجل تواصل لبناني سوداني مطلوب ..

..
.

Quote: مش لو اخد ماجستير والله لو اخد دكتوراة ياهو ذاته زولي ...ههههههه

الله يقطع الماجستير
يعنى الماجستير يخلينا لا نتحدث عن الجمال
الله جميل يحب الجمال ..
بعدين ياخى الجمال جمال الروح ..
علاقتو شنو بالماجستير


---------

والله زولكم تعبتهو ..
يوصف الجالية اللبنانية تجيبوا سيرة الماجستير
يتحدث عن الاميون تجيبو القيد الصحفى ..
انا امشى ووين ..
يا ربي ..
العن ابو الشهرة ..
وقيل : الشهرة متاعب

خلااص انا ماخد الباب وراى ..
لو فكرت فى داكار بتصل على تيسير وشول ..

Quote: والله زولكم تعبتهو .. يوصف الجالية اللبنانية تجيبوا سيرة الماجستير يتحدث عن الاميون تجيبو القيد الصحفى .. انا امشى ووين .. يا ربي .. العن ابو الشهرة .. وقيل : الشهرة متاعب

إنت وكت ساكي الجمال
البوديك محل القيود شنو
كان أكاديمية ولا صحفية

قالوا شقي الحال يقع في القيد

..
.
مكرر

Quote: امسكي في شول وزولته الهناك ... زميلك ده خليهو يمشي براه ويقيم الشغل لكم شهر وبعد داك يجيب اسرته لو الوضع طمنو ... ومادام شغلوا في داكار مافي مناطق ريفيه فده يطمن ... بالتوفيق له ..

شكراً يا فايز

أنا برضو عرضت عليهو الفكرة دي
غايتو حا نلم الإفادات الهنا دي كلها ونديها ليهو وهو يقرر
وربنا يوفق خطوتو ..


وشول والله ما قصر خالص
ربنا يقدرنا على جزاهو

شول لو إترددت في عرض لي أي حتة تانية قول عوك
أنا خلاص بقيت مندوب ترددات ..






ومن هسي أي زول شارك في البوست دا مقدمة ليهو دعوة مني لزيارة داكار
نمشي نعمل هجوم مباغت لي صحبي دا ولو قال أي حاجة نقول ليهو:

نحن أهل شول الرسل ليك الباغة

Quote: طالما فيها لبنانيات و جميلات , حقو الشاب ده يتوكل علي الله تصحبو حسادتنا

يا طارق ..

صحبي دا ولد فنان عظيم بالمناسبة


غايتو لما يجي يسافر بنسمعو غنية (أنا ما بقطف زهورك بس بعاين بي عيوني) ..

..
.

Quote: جاهو عرض مغري جداً جداً من شركة عالمية مرموقة بس المطلوب إنو يداوم في داكار والعرض بيستاهل إنو يسيب وظيفتو الحالية عشانو

بالله شوف ..!!
عرض مغرى ..
شركة عالمية مرموقة ..
الهيد وفس فى داكار ..


fantastic adventure from Dakar to Accra



View of port in Dakar, Senegal's capital city


الشارع دا يمسكو عديل للجامع



بس برضو ما يتفائل كتير ..فهناكـ بعض من اشيائنا

-------------

حسي لو ما صحبك دا قال ماشى ماحاجة كان بتخلينا
نمشى نقوقل حول داكار دى ..
بالله بالله توصيهو امانة ..
لو الرالى بتاع داكار مر بيهم يستضيفنا مجاناً ..

خلي الإتوكل لانو سوداتل عندها فرع في السنغال وأغلب الموظفين والمهندسين سودانيين
بالتوفيق

بقيت تدبل المداخلات يا تبلدى














___________________
فايز ده الواحد يلم فيهو يغلبو فى البنق بونق لما راسو يلف

..
.
يا مولانا..

Quote: وبرضو تقول لي ما فيها إنفلات أمني وخطورة؟ غايتو مرتو ما سمعتك ..

اها بالله .. ما دام كدا ..
ان شاء الله نلقى الجالية قلعت مشت سيراليون .. زاتووو
لانو بالجد الموضوع دا حيسبب خطورة وانفلات
او كما قال مولانا خدر .. عليه السلام ..

عارف يا شول
البوست دا عجبنى ..
حأدق فيهو مظلة ..
عشان لمتكم انت ومولانا وخدر وود القاضى
ياخى الواحد ليهو مدة شايل عكازو ومنحشر فى زقاق
ضيق مع الجماعة اياهم .. محمد معانا ما يغشونا ..
رديتو لينا لينا نفسنا ما قبل السياسة .. :)

---------

ود القاضى دا اساسا راسو لافى
تقوم ترشو قيم بنغ بون يلف تربيع ..
اتلومت مع صديقى والله ..

بوست موفق

السنغال دولة فقيرة جدا

ما اظن تدفع قروش قدر دي

..
.

Quote: بوست موفق السنغال دولة فقيرة جدا ما اظن تدفع قروش قدر دي

شوفو عاينه الغتاته دى ..
زول عندو عرض مغرى جدا جدا
ومكان فيهو اجمل جالية ..
الدخل دولة فقيرة وما بتدفع شنو

---------

عملتها ظاهرة يا خلو ..
انت لو عايز اوفر وسط مولانا تيسير دى :)

تبلدينا ..

Quote: عملتها ظاهرة يا خلو .. انت لو عايز اوفر وسط مولانا تيسير دى :)

مولانا تيسير ما بيجيب أوفرات
مولانا مندوب ترددات بس




يعني زي الناس البيصلحوا الريسيفرات
مش بيقول ليك قناة شنو كدا التردد الرأسي بتاعا على القمر هوتبيرد




بسسسس دي أنا زاتي ..

خلة ..

Quote: بوست موفق السنغال دولة فقيرة جدا ما اظن تدفع قروش قدر دي

السنغال ما حا تدفع

الحا تدفع شركة عالمية مرموقة وعريقة في نفس الوقت
شكلها عايزة تزيد الإكسبانشن بتاعا في افريقيا ..

نذكر السادة المشاهدين أن البوست عن السنغال
وليس عن الجالية اللبنانية الجميلة في السنغال





لذا لزم التنويه ..

Quote: وبرضو تقول لي ما فيها إنفلات أمني وخطورة؟ غايتو مرتو ما سمعتك ..

قرون الاستشعار والحس الأمني العالي في السؤال دا خلوا إبليسي يظن انو الماشي السنقال هو أبو العيال
وكمان حا يقعد سنة عزابي حتين تلحقوه
صاح؟

Quote: قرون الاستشعار والحس الأمني العالي في السؤال دا خلوا إبليسي يظن انو الماشي السنقال هو أبو العيال وكمان حا يقعد سنة عزابي حتين تلحقوه صاح؟

لو كدا يا أشرف الحلبي ما كنا إحتجنا للبوست دا

لأنو حيسوقهم معاهو عدم معرفة الأوضاع هناك كان مشكلة
هسي بعد عرفنا الأوضاع الأمنية وخصوصاً أوضاع الجاليات
بقى سفرو براهو هو المشكلة ..

تيسير

صباح الخير


سألت ليك صديقتي الكبيرة "ام سالي " وهي سيدة لبنانية إتولدت في غامبيا وبتحب تقول انها من غامبيا
وتحمل الجواز الغامبي ..وعاشت برضو في السنغال ..ولحدي الآن عندها أقارب قرروا يعيشوا هناك نهائيا ..

من ناحية الطبيعة والجمال قالت ليك : ولا أحلى من هيك ..



ومن ناحية الأمن فقالت : أنهم شعب مسالم وودود وفي حاله ..لكن لا يخلو الأمر من بعض السرقات في حال

الغفلة .

من الناحية المعيشية قالت : بلدرخيص ويمكن للشخص أن يوفر فيه مال ويكون ثروة عديل ..(خاصة

البشتغلوا في التجارة )..

مافي حواجز تذكر ممكن تقابلو إلا اللغة الفرنسية في حال انو ما بيجيدا ..


نصيحتا : أنو يتوكل ويشوف بعينو لكن ما يخد اسرتو إلا بعد إرتب أوضاعو ودي أنا بتفق معاها فيها ..



رأي الخاص : أنو ما يخاف من التجارب الجديدة ..الممكن يكتشف انها مممتعة جدا ، وأنو ضيع وقت كبير

في التردد تمنياتنا له بالتوفيق أيا كان خياره ..




ـــــــــــــ


ونأكد على ما ذكر عن الجالية اللبنانية ..وقليك بعضهم إتزاوجوا وطلعلوا خلطات لا تقل ابدا عن بيونسي ..

Quote: تسلم وتسلم الأصالة الجواك دي ..

يا تبلدينا الحق مولانا دى ياخ











________________
والله يا مولانا أديتينى إحساس إنى دفعت لزولك ده حق التذكرة للسنغال
بتبالغى والله

Quote: شوفو عاينه الغتاته دى .. زول عندو عرض مغرى جدا جدا ومكان فيهو اجمل جالية .. الدخل دولة فقيرة وما بتدفع شنو

مالك ناطى جوز لخلى ده يا تبلدى






البوست تحت رعاية: تبلدينا الراعى الرسمى للجالية اللبنانية الجميلة بالسنغال

مولانا تيسير
اعتقد انها فرصة العمر للعيش في دولة افريقية

قول له توكل على الله ونسأل الله له التوفيق في السنغال
يكفي أن معظم السنغاليين مسلمين

الصادق

Quote: والله يا مولانا أديتينى إحساس إنى دفعت لزولك ده حق التذكرة للسنغال بتبالغى والله

والله يا شول إنت عملت معاي أكتر من كدا



ياخ إنت سيد باغة العسل زاتا

الوضع هناك يا تيسير عادي وممته البلاد ديك

عندنا صاحبنا هناك ممكن نديكم رقمو لو طلبتوه

..
.
الحمدلله وشهد شاهد من اهلها
شكرا يا داليا
عشان يعرفو تبلدى دا ما بجيب معلومه ساااى

Quote: من ناحية الطبيعة والجمال قالت ليك : ولا أحلى من هيك ..

Quote: ومن ناحية الأمن فقالت : أنهم شعب مسالم وودود وفي حاله .. لكن لا يخلو الأمر من بعض السرقات في حال الغفلة .

لكن العجب هنا ..

Quote: ونأكد على ما ذكر عن الجالية اللبنانية .. وقليك بعضهم إتزاوجوا وطلعلوا خلطات لا تقل ابدا عن بيونسي ..

وفى الحالة دى

Quote: نصيحتا : أنو يتوكل ويشوف بعينو لكن ما يخد اسرتو إلا بعد إرتب أوضاعو ودي أنا بتفق معاها فيها ..

حيعرس عدددديل لو قال محتاج 6 شهور ارتب امورى ..


---------

غايتو زولك دا يا سافر بكره ..
يا مرتو دى قالت ليهو العرض دا ما مغرى ..


قال شنو ..!!
قال البوست ما عن الجالية
خموا وصروا ..

Quote: نذكر السادة المشاهدين أن البوست عن السنغال وليس عن الجالية اللبنانية الجميلة في السنغال

احييييييييييييييييييييي انا









______
( بتاعت تمبس ديك )

Quote: الحمدلله وشهد شاهد من اهلها شكرا يا داليا عشان يعرفو تبلدى دا ما بجيب معلومه ساااى

والله يا تبلدينا شوف عين صديقتي دي عندها قريبتها خلطة (غامبي لبناني ) "إنا لله "بتاعت عماد ديك

مابتحلك ..




ـــــــــــــ

يا تيسير دي شفافية مننا ساي ..

خدر ..

البوست الجاي حيكون:

بورداب سقط لقط أرجو الإفادة



نشوفك إنت وتبلدينا حتجيبوا خبر الجاليات الهناك من وين؟
واحد يبني والتاني يناول الطوب

ياخوفي بعد العرض المغري ده زميل تيسير يكون بكلاريوس ، لانه كده بكون اخد حق مايستحقه طالما هناك اخوة عندهم مؤهلات اكبر - لا اقصد ماجستير كما يظن الظان - ....لذلك انا اقترح طرح هذه الوظيفة للجميع والكل يقدم مالديه من مؤهلات ..

على حس اللبنانيات ياجماعة هل يحتاج السوداني الذى يحمل جواز امريكي لتأشيرة دخول للسنغال ولا يدخل تهريب ؟!!


ياشول عملت لينا شنو في زعامة الخرطوم ؟!!!

..
.

Quote: لانه كده بكون اخد حق مايستحقه طالما هناك اخوة عندهم مؤهلات اكبر - لا اقصد ماجستير كما يظن الظان - .... لذلك انا اقترح طرح هذه الوظيفة للجميع والكل يقدم مالديه من مؤهلات ..

ويخبركـ الظان بانهم ماجستيرين
والان بصدد الالتحاق بالمركز الفرنسى السودانى
لاجادة لغة التواصل مع الجالية هناكـ


--------

شوف زى داليا البتقول لينا
خلطة ( انا لله ) ..
جنس مغريااات ..

Quote: غايتو زولك دا يا سافر بكره .. يا مرتو دى قالت ليهو العرض دا ما مغرى .. قال شنو ..!! قال البوست ما عن الجالية خموا وصروا ..

يا تبلدينا كلو منك إنت دا


الجاب سيرة الجالية المش عارف إيه في السنغال منو؟
المشكلة مرتو صحبتي
ودخلتني واسطة عشان (أقنعو) إنو يسافر




هسي هو الحا يدخلني واسطة عشان (أقنعها) إنو يسافر

Quote: سألت ليك صديقتي الكبيرة "ام سالي " وهي سيدة لبنانية إتولدت في غامبيا وبتحب تقول انها من غامبيا وتحمل الجواز الغامبي ..وعاشت برضو في السنغال ..ولحدي الآن عندها أقارب قرروا يعيشوا هناك نهائيا .. من ناحية الطبيعة والجمال قالت ليك : ولا أحلى من هيك .. ومن ناحية الأمن فقالت : أنهم شعب مسالم وودود وفي حاله ..لكن لا يخلو الأمر من بعض السرقات في حال الغفلة . من الناحية المعيشية قالت : بلدرخيص ويمكن للشخص أن يوفر فيه مال ويكون ثروة عديل ..(خاصة البشتغلوا في التجارة ).. مافي حواجز تذكر ممكن تقابلو إلا اللغة الفرنسية في حال انو ما بيجيدا .. نصيحتا : أنو يتوكل ويشوف بعينو لكن ما يخد اسرتو إلا بعد إرتب أوضاعو ودي أنا بتفق معاها فيها .. رأي الخاص : أنو ما يخاف من التجارب الجديدة ..الممكن يكتشف انها مممتعة جدا ، وأنو ضيع وقت كبير في التردد تمنياتنا له بالتوفيق أيا كان خياره ..

داليا حافظ تسلمي شديد على الرد الكافي والشافي
تقريباً غطيتي معظم التساؤلات

شكراً ليك ولأم سالي أشكريها لي برضو

Quote: ونأكد على ما ذكر عن الجالية اللبنانية ..وقليك بعضهم إتزاوجوا وطلعلوا خلطات لا تقل ابدا عن بيونسي ..

أهاااااا

دا رايك ولا راي الست أم سالي؟

يا تايسا صباحك ورد

Quote: أهاااااا دا رايك ولا راي الست أم سالي؟

أدناه ده رأي أم سالي


و

Quote: نأكد على ما ذكر عن الجالية اللبنانية ..وقليك بعضهم إتزاوجوا

أما

Quote: وطلعلوا خلطات لا تقل ابدا عن بيونسي ..

فده ما رأي ده شوف عين عديييييل بس للدقة كانت خلطة (غامبي / لبناني ) ..



غايتو الواحد إجي يدلي بدلو يزرزرو زرزرة العدو ..

محمد الجيلي ..

Quote: خلي الإتوكل لانو سوداتل عندها فرع في السنغال وأغلب الموظفين والمهندسين سودانيين بالتوفيق

هو ما ماشي يفتش رزق هناك

الرزق جاهو في مكانو وهو قاعد يسأل
يا ربي أمشي ولا لا؟

Quote: حسي لو ما صحبك دا قال ماشى ماحاجة كان بتخلينا نمشى نقوقل حول داكار دى ..

لكن داكار ما داكار الهنا
مالا حلوة كدا ؟


يا الماشي لي داكار
جيب لي معاك كركار

تايسا

يقولوا ليكم بلد فيها أحلى جالية لبنانية
تقولوا يمشي بدون زوجتو

غايتو لو زوجته متابعة البورد دا
العرض المغري بتاع صاحبك دا يكون زماااان إتقطع ( ستين هتة )




___________________

أمانة عليك

خدر ما رسل ليك في الماسنجر الـ سي فى بتاعتو عشان تديها لأخونا دا ؟؟

تيسير كيف حالك

انا من بورداب مالى جنب السنغال
السنغال من اكثر الدول الافريقية استقرارا
كانت بوابة الفرنسيين لافريقيا شعب متحضر
بحكم التجربة فى التعامل مع الفرنسيين منذ امد
السنغال دولة صوفية بامتياز ..
كولخ عاصمة دينية يحج اليها الاف التيجانية فى المولد النبوى الشريف
مولد السنة كان هناك وفد تيجانية سودانى كبير فى كولخ اتوا بطائرة خاصة
هناك عشرات المهندسيين السودانيين باسرهم سوداتل
هناك الاخ الفاضل / الدكتور خالد محمد فرح سفير السودان بدكار دفعة فى الجامعة و صديق قديم و رجل حبوب
هناك القنصل و المستشار و كل ناس السفارة ناس ممتازين ما فيهم كلام
زولك يا تيسير كان عنده عرض جاد فى السنغال من الناحية الامنية و الاجتماعية و الثقافية ما يخاف يربط عشفه و يتوكل على الله
كان داير عشرين تلفون من دكار ممكن نديك الارقام
نحن تحت الخدمة يا حبيب بس انتا تامر
مع تحياتى
------------------------------------------------------------------
الان ان موجود فى بوركينا فاسو رقمى 0022675515246

http://www.youtube.com/watch?v=BPb1bhzQz0w

ده غايتو رقيصهم

حرية تعبير وقوة خلاقة وصحة وعافية،

سوى ليك مراية فى الحيطة واقفلى الباب ..

تنفعك فى لحمك وشحمك وعضمك .". فى عشرةأيام دون معلم "

..
.
الله ..
يا جماعة الزول دا ما نسيناهو
صن كدا عرس لبنانية ولا شنو ..!!؟؟


----------

غايتو يا مولانا شكلك انت
لغيت ليهو الفكرة .. ليه ....!!؟؟

قرقر قرقر قرقر

Quote: سوى ليك مراية فى الحيطة واقفلى الباب .. تنفعك فى لحمك وشحمك وعضمك .". فى عشرةأيام دون معلم "

ياتماضر " العلامة" دى قاااعدة هنا


ماعلى توتى إلا تركب دابتها وتنوى.

غايتو بعد "قراية" ماورد فى هذا السفر

البشاوركم واطتو أصبحت