Post: #1
Title: يـوسـف ..
Author: تيسير عووضة
Date: 04-10-2008, 06:51 PM
Parent: #0
وكنت يا يوسف أول المنفيين
إخوتك منك يغارون
وأبوك يحبك كثيراً كثيراً
فماذا هم فاعلون؟
شمسٌ وقمرٌ وكواكب لك ساجدين
وإخوتك يكيدون
يريدون قتلك
وقال ذو رحمةٍ منهم
نلقيه في البئر ..
يتشاورون !
أبوك يعرفهم جيداً
يقول سيأكلك الذئب وهم غافلون
ويقولون ما فائدتنا يأكله ونحن حاضرون
يخاف عليك منهم
ويعرف ماذا هم فاعلون ..
أخذوك يا بن يعقوب
للعبٍ لم ترجع منه
وقالوا إنه الذئب يا أبانا
وهذا قميص يوسف وهذا دمه
قميصٍ غير ممزق ..
وكان أبوك أجمل الصابرين
أنظروا ماذا وجدت !
هكذا قال وارد الماء
وإشترى العزيز يوسف المظلوم
وهمت بك وهممت بها
لولا (رأيت) برهان ربك
ألست يوسف المعصوم ؟
وخرجت من عندها
بقلبٍ نبيل
وقميصٍ ممزق ..
يقولون لك
خمرٌ وخبزٌ وطير
بقرٌ يأكل بعضه وسنابل
ساقٍ ومصلوب وملك حائر
ففسر لنا
يقولون عندك تأويل الحديث
أنت الآن مكينٌ أمين ..
وتسأل إخوانك: كيف أبي؟
وهل هو بكى
وهل صار لون عينيه أبيض حزناً علي ؟
فهذا قميصي ليُرمى عليه ..
يشم رائحتي
فيرتد بصره
أبي يعلم ما لا تعلمون
وكنت يا يوسف من الغافرين
وها قد رأيت ..
شمسٌ وقمرٌ وأحد عشر كوكباً لك ساجدين ..
|
Post: #2
Title: Re: يـوسـف ..
Author: دينا خالد
Date: 04-10-2008, 07:35 PM
Parent: #1
شكرا تيسير عووضة ،،
يوسف 2008 م
شكرا للمونتاج
ـــــــــــــــــــــ
تيسير ؟ هسه مع العرس دا الذكرك القصة دى شنو ؟
فى اى مجابدة حاصلة لى سابل ؟ بس قولى عووك
|
Post: #3
Title: Re: يـوسـف ..
Author: emad altaib
Date: 04-10-2008, 08:16 PM
Parent: #2
ــــــــ
تيسير ودينا ازيكم..
شتان مابين يوسف الجميل بن يعقوب ..
ومابين يوسف 2008م 
والله خليتني اموت من الضحك بيوسف 2008م
|
Post: #5
Title: Re: يـوسـف ..
Author: تيسير عووضة
Date: 04-11-2008, 12:08 PM
Parent: #3
عماد الطيب ..
المقصود هنا هو يوسف بن يعقوب ..
يوسف 2008 دا دفع أمامي ولا فورويل ؟
أشكر مرورك ..
|
Post: #4
Title: Re: يـوسـف ..
Author: تيسير عووضة
Date: 04-11-2008, 12:02 PM
Parent: #2
دينا خالد ..
تسلمي يا لطيفة 
عليك الله قصة سيدنا يوسف دي مش بتستاهل يمنتجوها؟
أكتر قصتين مليانين صور درامية وفيهم عِبر هم قصة سيدنا آدم ويوسف
وبيحفزوا أي زول للكتابة حولهم ..
|
Post: #7
Title: Re: يـوسـف ..
Author: كمال علي الزين
Date: 04-11-2008, 12:21 PM
Parent: #4
Quote: عليك الله قصة سيدنا يوسف دي مش بتستاهل يمنتجوها؟
|
تيسير .. نهارك سعيد
كان على المونتاج فإن (يوسف شاهين) عمل فيلم إسمو (المهاجر)
فيه الحكاية (بي ضبانتا)
(خالد النبوي )
و(يسرا)
و..
بعدين القصيدة دي حقة منو ؟
إنتو ماوروك إنو (أساسي) , شرطة السرقات الأدبية , بكون لابد ليك ,
(حقتك ) ولا (نقوقلا) ..
بعدين لو ثبت إنها ماحقتك نحولك لي قسم كشف التزوير (عادل بلير) وهو يتأكد من بياناتك الشششششخسسية
______________________________
نسخة لود البشرى
نسخة لود الصايم
تلاتة نسخ لأساسي
|
Post: #9
Title: Re: يـوسـف ..
Author: تيسير عووضة
Date: 04-11-2008, 12:40 PM
Parent: #7
كمال علي الزين ..
Quote: بعدين القصيدة دي حقة منو ؟
إنتو ماوروك إنو (أساسي) , شرطة السرقات الأدبية , بكون لابد ليك ,
(حقتك ) ولا (نقوقلا) ..
بعدين لو ثبت إنها ماحقتك نحولك لي قسم كشف التزوير (عادل بلير) وهو يتأكد من بياناتك الشششششخسسية
______________________________
نسخة لود البشرى
نسخة لود الصايم
تلاتة نسخ لأساسي |
يؤسفني أبلّغك إنو المكتوب دا حقي أنا دي ولا أحد غيري ..
وممكن تقوقلها لو حبيت وتستعين بالمفتش (كوستاوي) زاتو !
أها برفعوا قضايا رد الإعتبار عند منو في المنبر دا ؟
|
Post: #10
Title: Re: يـوسـف ..
Author: كمال علي الزين
Date: 04-11-2008, 12:49 PM
Parent: #9
Quote: يؤسفني أبلّغك إنو المكتوب دا حقي أنا دي ولا أحد غيري ..
وممكن تقوقلها لو حبيت وتستعين بالمفتش (كوستاوي) زاتو !
|
والله موسف جداً إنو تكوني بتكتبي كتابة جميلة كده
ماحا نلقى طريقة نشهر بيك
| Quote: أها برفعوا قضايا رد الإعتبار عند منو في المنبر دا ؟ |
عليك الله في زمتك شفتي ليك زول في البورد ده ردوا ليهو إعتباروا ؟
___________________________________
تصبري وتحتسبي بس..
|
Post: #15
Title: Re: يـوسـف ..
Author: تيسير عووضة
Date: 04-11-2008, 02:41 PM
Parent: #10
Quote: والله موسف جداً إنو تكوني بتكتبي كتابة جميلة كده
ماحا نلقى طريقة نشهر بيك |
الكلام دا من ما إتكتب ما تم 24 ساعة
كتبتو أمبارح الساعة يمكن 9 بالليل ونزلتو مباشرة
يعني من راسي للبورد طوالي !
لكن بعد كدا حأمشي لناس حقوق الملكية
عشان ما بكرة بعد بكرة يقوم واحد يلفحو ويطلعني أنا السرقتو منو 
ناس الزمن دا سعبين شديد
ــــــــــــــــ
أقترح على بكري إضافة أيقونة (ما منقول)
منعاً للإلتباس وكدا
|
Post: #6
Title: Re: يـوسـف ..
Author: تيسير عووضة
Date: 04-11-2008, 12:14 PM
Parent: #1
قميصٌ غيرَ ممزق ..
|
Post: #8
Title: Re: يـوسـف ..
Author: ASHRAF TAHA
Date: 04-11-2008, 12:38 PM
Parent: #1
وكنت يا يوسف أول المنفيين
...................
وكنت يا يوسف من الغافرين
|
Post: #18
Title: Re: يـوسـف ..
Author: تيسير عووضة
Date: 04-13-2008, 08:27 PM
Parent: #8
Quote: وكنت يا يوسف أول المنفيين
...................
وكنت يا يوسف من الغافرين
|
|
Post: #11
Title: Re: يـوسـف ..
Author: ASHRAF TAHA
Date: 04-11-2008, 12:54 PM
Parent: #1
ينفى ... و ... يغفر
بين النفي والغفر صراعات
وعذابات
... ورب غفور
وإثباتات
والله قادر ...
حكيم من عليم
أنى لك المغفرة
وكيف لنا من (مخارجة) المنافي
تشاركنا حتى الروح
--------------
|
Post: #19
Title: Re: يـوسـف ..
Author: تيسير عووضة
Date: 04-16-2008, 06:19 AM
Parent: #11
أشرف طه ..
يُنفى ويغفر ..
ويُسجن ويُظلم
ليعود ويغفر ..
يوسف الجميل
صاحب القلب الأجمل ..
|
Post: #12
Title: Re: يـوسـف ..
Author: Adil Osman
Date: 04-11-2008, 01:05 PM
Parent: #1
هذه هى المرة الثانية التى تكتبين فيها عن يوسف بن يعقوب.
الحسد والغيرة والظلم والافتراءات والكذب، هلى هى من طبيعة البشر؟
قصة يوسف قصة خالدة لأنها تعالج هذه الموضوعات.
كتابتك جميلة. وفيها نفس شعرى قرآنى واضح.
اليك يا تيسير معالجة بصرية لقصة يوسف.
Bible story of Joseph
|
Post: #13
Title: Re: يـوسـف ..
Author: كمال علي الزين
Date: 04-11-2008, 01:16 PM
Parent: #12
| Quote: أها برفعوا قضايا رد الإعتبار عند منو في المنبر دا ؟ |
والله يأ( أخية) , سؤال صعب بالحيل ؟؟
|
Post: #21
Title: Re: يـوسـف ..
Author: تيسير عووضة
Date: 04-16-2008, 06:39 AM
Parent: #13
كمال علي الزين ..
مادايرة رد إعتبار
خلاص صفحنا عنك
|
Post: #20
Title: Re: يـوسـف ..
Author: تيسير عووضة
Date: 04-16-2008, 06:37 AM
Parent: #12
عادل ..
في كل مرة أكتشف وجه أروع من الذي قبله لهذه القصة الأسطورية
الأسرة
العاطفة أو الغواية
التحول من شخص تم شراؤه مثله مثل اي متاع
إلى شخص يحكم الأرض والناس ..
الروح النظيفة من قبل ومن بعد
والتي لم تلوثها مرارات الأيام ..
دائماً حاضر ياعادل بما يمتع أبصارنا
فشكراً لك ,,
|
Post: #14
Title: Re: يـوسـف ..
Author: Isa
Date: 04-11-2008, 01:32 PM
Parent: #1
تيسـير،،
Quote: أكتر قصتين مليانين صور درامية وفيهم عِبر هم قصة سيدنا آدم ويوسف
وبيحفزوا أي زول للكتابة حولهم .. |
وأضيف أن هناك كثير من القصص القرآني الحافل بالصور الدرامية،، والرمزية التي يستخدمها الشعراء بكثرة،، وقد قرأت مثالاً، أكثر من نص شعـري يسـتخدم تعبير (هـزي إليك بجـذع النخلة) ومشتقاته!..ولكن هـذه القصة (اسـتهونتي) أيضاً كثيراً،، وأعتقد أن الألفاظ السهلة والسلسة في التعـبيرات القرآنية فيها كان لها الدور الأكبر،، بالإضافة إلى تسلسلها الممتع!.. فقصة موسى وهـرون مثلاً،، رغم (الأكشن) الكثيف في مجرياتها،، لكن صعوبة الآيات القرآنية وتعـقيد المشاهد فيها جعلها بالنسبة لي أقل جاذبية من قصة يوسف،، رغم ورود قصة موسى في عـدد من السـور وبصيغ وتفاصيل مختلفة.. وأنا في سنين عمـرى الأولى..طبعاً (بعـداك) شاهدت وأعجبت بفيلم (برنس أوف إيجبت).. وهـذا الفيلم بالذات،، من ضمن شـواهد أخـرى،، نبهني إلى أن الأديان السماوية التلاتة كلها وااااحد،، فقط إختلاف في بعـض التفاصيل،، وهو أقل من إختلافات الجماعات المختلفة داخل الدين الواحد،، الإسلام بالذات وكمثال..
تحـياتي الطيبات،،
|
Post: #16
Title: Re: يـوسـف ..
Author: Muna Khugali
Date: 04-11-2008, 04:51 PM
Parent: #14
سلام يا تايسا..
كل قصص الأنبياء حافه بالمشاهد والقوه في تصاويره..
ولكن منظر النساء يقطعن اياديهن بدلا من التفاح يظل مشهدا
لا يغيب عن البال..
|
Post: #24
Title: Re: يـوسـف ..
Author: تيسير عووضة
Date: 04-16-2008, 11:26 AM
Parent: #16
منوية ..
Quote: كل قصص الأنبياء حافه بالمشاهد والقوه في تصاويره..
ولكن منظر النساء يقطعن اياديهن بدلا من التفاح يظل مشهدا
لا يغيب عن البال.. |
وأمشي معاك لأبعد من كدا ..
القرآن لم يورد صراحة أي محاولة من هؤلاء النساء لمراودة يوسف
لكن لما تقري الآية دي:
(رب السجن أحب إلي مما يدعونني إليه)*
والآية دي:
(قال ما خطبكن إذ راودتن يوسف عن نفسه)*
يدعونني
راودتن
صيغة جمع
يعني ليست إمرأة العزيز وحدها من قالت هيت لك !
شايلين حِسها ساكت الولية ..
ـــــــــــــــــ
* سورة يوسف الآية 33 والآية 51
|
Post: #23
Title: Re: يـوسـف ..
Author: تيسير عووضة
Date: 04-16-2008, 11:03 AM
Parent: #14
عيسى ..
| Quote: وأعتقد أن الألفاظ السهلة والسلسة في التعـبيرات القرآنية فيها كان لها الدور الأكبر،، بالإضافة إلى تسلسلها الممتع!.. فقصة موسى وهـرون مثلاً،، رغم (الأكشن) الكثيف في مجرياتها،، لكن صعوبة الآيات القرآنية وتعـقيد المشاهد فيها جعلها بالنسبة لي أقل جاذبية من قصة يوسف،، |
أعتقد أن ما جعلها ممتعة أكثر هو السرد المتسلسل
إذ أن قصة يوسف هي الوحيدة من بين قصص الأنبياء التي أفردت لها سورة كاملة
من البداية وحتى النهاية ولذلك جاءت متماسكة ومترابطة أكثر ..
قصص الأنبياء وردت في مواضع كثيرة وبدون ترتيب زمني
مما يفقدها عنصر مهم جداً وهو التشويق (وهذا لا يقلل طبعاً من قيمة القصة نفسها) ..
بالأضافة لعامل مهم آخر وهو الواقعية في قصة يوسف
فمعظم قصص الأنبياء تحتوي على معجزة إلهية أو أكثر مما يجعلها أقرب للفانتازيا
فسيدنا عيسى ولد بلا أب وتكلم في المهد وكان يحيي الموتى وهذه كلها معجزات
عصا موسى شقت البحر وأكلت الحيات و(كان له فيها مآرب أخر) وهذه معجزات ..
وغيرها
| Quote: شاهدت وأعجبت بفيلم (برنس أوف إيجبت).. وهـذا الفيلم بالذات،، من ضمن شـواهد أخـرى،، نبهني إلى أن الأديان السماوية التلاتة كلها وااااحد،، فقط إختلاف في بعـض التفاصيل،، وهو أقل من إختلافات الجماعات المختلفة داخل الدين الواحد،، الإسلام بالذات وكمثال.. |
كلامك حقيقي ..
الأديان كلها واحد جاءت من رب واحد ونزلت في مكان واحد وما هي إلا إمتداد لبعضها
أي إختلاف يأتي بعد ذلك فهو من صنع البشر وحدهم ..
|
Post: #17
Title: Re: يـوسـف ..
Author: sanaa gaffer
Date: 04-11-2008, 05:00 PM
Parent: #1
تــتــويـــة ....
طبعا ما بنقدر نجاريك في اسلوبك الجميل ... لكن حنحاول
تعال يا توم نخاصم النوم .. نسهر ليلنا لبكرة ...
نباري القمرا في مشيها .. نمد ايدنا ونشيل نجمة ..
ندسها في عيون الريد .. تنزل دمعة حيرانة نفكر كيف نداريها ...
نصادق العتمة بخوفها .. ومن جوفها بيشرق فجر متأني ..
يستر عورة الاسرار ...
يفرهد عمرنا التايه ... يناجي الغنوة والشبال ...
تعال يا توم نخاصم النوم .. نمط الليل لحد الشوق ...
نسرح في حكاياته ... نتامل ... ونتخيل ...
عوالم تانية تندهنا ونمشّ ليها ..
في دروبا ...
نصادف صاحب المزمار ... وست العرش ...
وبطيشنا ...
نفتح كل شقوق الارض ... نطلّع منها المردة ...
نحّش الخوف من جذره ... نواجه رعشة المجهول ...
تعال يا توم نخاصم النوم...
ونمشى ورا النبي الشق بعصايته االموج ...
نكابد في سنين التيه ...
ونعلن توبة مشفوعة عشان نرجع ...
تعال يا توم نخاصم النوم ...
ونتهور .. نخش سجن العزيز مرة ...
نقصّ احلامنا للشاف العذاب الوان..
نخليهو يفسّر لينا ..
كيف ممكن يبقى الحلم انسان ... نتوه نسرح ورا عيونه ...
ويبقى عمرنا من دونه خيال باهت بدون الوان ...
فرح مبتور ...
امل مسجون ... وانا السجّان ...
تعال يا توم نخاصم النوم ونرفع راية الردّة ...
نشيل فاسنا ونكسّر كل اصنامنا البنيناها وعبدناها...
وبرجلينا نمشي النار ونتوهط ..
نخليها تطهَر روحنا من رجز العشق والشوق ..
وتصهر قلبنا الحيران ..
تعال يا توم نخاصم النوم
ونعلن اننا اتشهدنا واتوحدنا ...
اتوضينا بموية الصبر المرّ ...
وصلينا فرض الخلاص حاضر ...
تعال يا توم نخاصم النوم ...
لبكرة ولبعده ... وبعد بعده ...
ـــــــــــــــــــــ
تخريمة : يا تيسير ... لكن ما بالغتي  ...
|
Post: #25
Title: Re: يـوسـف ..
Author: تيسير عووضة
Date: 04-16-2008, 11:55 AM
Parent: #17
سنوية التي أحب حروفها ..
Quote: تعال يا توم نخاصم النوم .. نسهر ليلنا لبكرة ...
نباري القمرا في مشيها .. نمد ايدنا ونشيل نجمة ..
ندسها في عيون الريد .. تنزل دمعة حيرانة نفكر كيف نداريها ...
نصادق العتمة بخوفها .. ومن جوفها بيشرق فجر متأني ..
يستر عورة الاسرار ...
يفرهد عمرنا التايه ... يناجي الغنوة والشبال ...
تعال يا توم نخاصم النوم .. نمط الليل لحد الشوق ...
نسرح في حكاياته ... نتامل ... ونتخيل ...
عوالم تانية تندهنا ونمشّ ليها ..
في دروبا ...
نصادف صاحب المزمار ... وست العرش ...
وبطيشنا ...
نفتح كل شقوق الارض ... نطلّع منها المردة ...
نحّش الخوف من جذره ... نواجه رعشة المجهول ...
تعال يا توم نخاصم النوم...
ونمشى ورا النبي الشق بعصايته االموج ...
نكابد في سنين التيه ...
ونعلن توبة مشفوعة عشان نرجع ...
تعال يا توم نخاصم النوم ...
ونتهور .. نخش سجن العزيز مرة ...
نقصّ احلامنا للشاف العذاب الوان..
نخليهو يفسّر لينا ..
كيف ممكن يبقى الحلم انسان ... نتوه نسرح ورا عيونه ...
ويبقى عمرنا من دونه خيال باهت بدون الوان ...
فرح مبتور ...
امل مسجون ... وانا السجّان ...
تعال يا توم نخاصم النوم ونرفع راية الردّة ...
نشيل فاسنا ونكسّر كل اصنامنا البنيناها وعبدناها...
وبرجلينا نمشي النار ونتوهط ..
نخليها تطهَر روحنا من رجز العشق والشوق ..
وتصهر قلبنا الحيران ..
تعال يا توم نخاصم النوم
ونعلن اننا اتشهدنا واتوحدنا ...
اتوضينا بموية الصبر المرّ ...
وصلينا فرض الخلاص حاضر ...
تعال يا توم نخاصم النوم ...
لبكرة ولبعده ... وبعد بعده ... |
لم تتركي لي شيئاً لأقوله !
هذا الكلام يصلح لأن يكون هدهدة لطفل حتى ينام
أو مناجاة لحبيب حتى لا ينام ..
يا بركة الأنبياء الصالحين ,,
تسلمي لي أيتها الحميمة ..
|
Post: #22
Title: Re: يـوسـف ..
Author: أبوذر بابكر
Date: 04-16-2008, 06:40 AM
Parent: #1
كتابة عالية والله يا تيسير
وتريانة ومليانة بالرؤى
فعلا قصص القرآن فيها معانى وآفاق ما عندها حد
تحياتى الكتار
|
Post: #27
Title: Re: يـوسـف ..
Author: تيسير عووضة
Date: 04-16-2008, 07:19 PM
Parent: #22
أستاذي أبوذر ..
| Quote: فعلا قصص القرآن فيها معانى وآفاق ما عندها حد |
أهل الكهف اللي ناموا 300 سنة ..
وقصة نبي الله الخضر والراجل القد المركب
هدهد سليمان وحوت يونس ..
حاجات كتيرة تستحق أن تُقرأ عشرات المرات
وتظل قصة يوسف هي الأقرب لنفسي ..
أسعدني مرورك ..
|
Post: #26
Title: Re: يـوسـف ..
Author: محمد البشرى الخضر
Date: 04-16-2008, 03:05 PM
Parent: #1
كنتي ماشة كويس لما قربت ما اعرفك , حتى | Quote: شايلين حِسها ساكت الولية .. |
عرفتك تب
|
Post: #28
Title: Re: يـوسـف ..
Author: تيسير عووضة
Date: 04-16-2008, 07:23 PM
Parent: #26
يا ودالبشرى ..
| Quote: كنتي ماشة كويس لما قربت ما اعرفك |
يموت الزمّار
|
Post: #29
Title: Re: يـوسـف ..
Author: تيسير عووضة
Date: 04-17-2008, 05:13 AM
Parent: #1
أنا يوسف يا أبي*
أَنا يوسفٌ يا أَبي
يا أَبي، إخوتي لا يحبُّونني
لا يريدونني بينهم يا أَبي
يَعتدُون عليَّ ويرمُونني بالحصى والكلامِ
يرِيدونني أَن أَموت لكي يمدحُوني
وهم أَوصدُوا باب بيتك دوني
وهم طردوني من الحقلِ
هم سمَّمُوا عنبي يا أَبي
وهم حطَّمُوا لُعبي يا أَبي
حين مرَّ النَّسيمُ ولاعب شعرِي
غاروا وثارُوا عليَّ وثاروا عليك
فماذا صنعتُ لهم يا أَبي?
الفراشات حطَّتْ على كتفيَّ
ومالت عليَّ السَّنابلُ
والطَّيْرُ حطَّتْ على راحتيَّ
فماذا فعَلْتُ أَنا يا أَبي
ولماذا أَنا?
أَنتَ سمَّيتني يُوسُفًا
وهُمُو أَوقعُونيَ في الجُبِّ، واتَّهموا الذِّئب
والذِّئبُ أَرحمُ من إخوتي ..
أبتي! هل جنَيْتُ على أَحد عندما قُلْتُ إنِّي:
رأَيتُ أَحدَ عشرَ كوكبًا، والشَّمس والقمرَ، رأيتُهُم لي ساجدين؟
ـــــــــــــــــ
*القصيدة لـ محمود درويش
غنّاها مارسيل خليفة كأروع ما يكون ,,
|
Post: #30
Title: Re: يـوسـف ..
Author: Isa
Date: 04-17-2008, 06:20 PM
Parent: #1
تيسـير،،سـلام
Quote: شايلين حِسها ساكت الولية ..
|
الولية مافي زول واحـد شـال حسها،، براها جابت الهوا (والشمارات) لروحا،، وليست هناك حاجة لذكـر الآيات هنا..(الآيات 23 - 29)،،أما(نسـوة الحي) ال حرقن الشمار بعـداك،، نعـم هـن لم يراودنه أبدأً، ولكنهن حرضن يوسف (على السمع والطاعة لسيدته فأبى أشدالإباء) كما ذكر إبن كثير في البداية والنهاية،،أو (فاستعصم) كمافي التعبير القرآني،، وذلك عـندما قالت لهن: (ولئن لم يفعل ما آمره ليسجنن وليكوناً من الصاغرين).. وأعتقد أن هذا هو سبب صيغة الجمع (لإشتراكهن في التحريض)،،،، والله أعلم!
|
Post: #32
Title: Re: يـوسـف ..
Author: تيسير عووضة
Date: 04-18-2008, 10:41 AM
Parent: #30
إزيك يا عيسي ..
Quote: أما(نسـوة الحي) ال حرقن الشمار بعـداك،، نعـم هـن لم يراودنه أبدأً،
ولكنهن حرضن يوسف (على السمع والطاعة لسيدته فأبى أشدالإباء) كما ذكر إبن كثير في البداية والنهاية،،
أو (فاستعصم) كمافي التعبير القرآني،، وذلك عـندما قالت لهن:
(ولئن لم يفعل ما آمره ليسجنن وليكوناً من الصاغرين)..
وأعتقد أن هذا هو سبب صيغة الجمع (لإشتراكهن في التحريض)،،،، والله أعلم! |
طيب بالمنطق كدا ..
لو كانت النسوة لم يراودن يوسف ولكن فقط (حرضنه) على الإمتثال لطلب السيدة لماذا ورد في الآية 33 نفسها:
(قال ربِّ السجن أحب إلي مما يدعونني إليه والا تصرف عني كيدهن أصبُ إليهن وأكن من الجاهلين)
والمعنى واضح, يعني ما قال والا تصرف عني كيدهن أصبُ إليها
بإعتبار أنهن كن يدعونه للسيدة وليس لأنفسهن كما تقول ..
ولا شنو ؟
|
Post: #31
Title: Re: يـوسـف ..
Author: ASHRAF TAHA
Date: 04-18-2008, 00:26 AM
Parent: #1
سجن...
وزارة
ثم إمارة
ونفس غير أمارة
رؤى
وإمرأة العزيز
من يهم بمن؟
والنسوة يقطعن بباء البصل
الوصل
ورؤى الأحلام تصدق رؤيا
والوجه الحسن للفتى
رؤيا
والله يصدق فيه رؤيته
وأنا اسألك يا ربي
لا بالحسن
ولا بالرؤيا
الصدق ... الصدق
ثم الصدق
تيسير ...
يسر الله لنا
أولا
ثم...
لك
|
Post: #33
Title: Re: يـوسـف ..
Author: تيسير عووضة
Date: 04-18-2008, 11:38 AM
Parent: #31
أشرف ..
كلامك جميل ,,
Quote: ورؤى الأحلام تصدق رؤيا
والوجه الحسن للفتى
رؤيا
والله يصدق فيه رؤيته
وأنا اسألك يا ربي
لا بالحسن
ولا بالرؤيا
الصدق ... الصدق
ثم الصدق |
ولأجل هذا كان إسمه يوسف الصّديق !
مفتاح الحكاية الصدق ..
|
|