توم آند جيري ..

بس يا هو المنبر دا ..

زمان لما أحس إني (مضغوطة) شوية
بقوم أحضر توم آند جيري ..

توم يزرزر جيري أحن على جيري
جيري يزرزر توم أحن على توم
أضحك وزهجتي تفك
وأرجع أواصل شغلي تاني ..

هسي بس أول ما أتضغط
بدخل سودانيزأونلاين
وأشوف توم وجيري على أصولو

سياسة
كورة
دين
جندرة

كلو

واللي ما يشتري يتفرج يا الدلعادي ..

Quote: بس يا هو المنبر دا .. زمان لما أحس إني (مضغوطة) شوية بقوم أحضر توم آند جيري .. توم يزرزر جيري أحن على جيري جيري يزرزر توم أحن على توم أضحك وزهجتي تفك وأرجع أواصل شغلي تاني .. هسي بس أول ما أتضغط بدخل سودانيزأونلاين وأشوف توم وجيري على أصولو سياسة كورة دين جندرة كلو

المنبر اشبه بمستشفى المجانين فى بعض الأوقات!!

الشكلة مدورة وما تقدر تعرف السبب شنو!!!!!
وكان سألت يقولو ليك يا برلوم أقعد ساكت
وأقيف بعيد لأنه القصة تصفية حسابات قديمة
والحاصل إنو صاحبك ده فى بوست فلان داك خش
ودوّر فلانة دويرة الشركة وقامت زعلت وفتحت
بوست هاجمت فيه وبضراوة بوست هناية ديك!!

سياسة إختلطت بالدين والعرق والنوع وفى
بعض الأحيان ناس تقوم من النوم ماسكة نار
تدينا ليها كلها هنا ده!!!
بعض أرباب السنسميليا أيضا لا يمانعون أن
يشركونا بعض نظرياتهم وكله فى سبيل إثراء
النقاش وتوسيع دائرة الحوار تقول نحن فى ركن!!!

مرات بيشبه لى بيت بت المنى بت مساعد
كمية من النساوين مدورين ليهم حرابة والأسباب
مجهولة إلا لمن وصلته ماسنجرات التفاصيل وبعض
الأسباب غير المعلنة

إنفعالات ليها أبعاد وتكون المحصلة أنه يجب أن يعتذر
هناى وإلا يشوف ليهو بلدا تانية,,,,,

ناس زعلت ومشت ما جات وناس جات وماماشين تانى!!!!
والزرعنا يقلعنا!!!!

واحد يتعشى الساعة مية ويكون ضارب ليهو ضكر كديس
والصباح يصحى مستغرب كيف تجيهو كوابيس ولازم ناس
السرايا الصفراء ديل يساعدوه فى تفسير أحلامه التى
أقلقت منامه!!!!!!

واحد يركب طيارة فى رحلة نص ساعة يجى يقوم بينا
هنا ستة وخمسين ساعة,,,,,,,,,معقولة بس!!!!

أجمل حاجة انّو المنبر لونو أصفر وبرضو أهلنا الهنا
ديل أغلبهم هايج ومايج وكل لديه من الأسباب ما يفسر
هذا الهيجان فبعضهم مصاب بالعصاب والبعض الآخر بجنون
الأبقار والتيران و(التيرات)

والله أنتم تبالغون أحيانا أيها السودانيون
يعنى المنبر ده كان لونو كان أحمر كان سويتو شنو!!
جنخانة بس وجنبها خانكة

*توم آند جيرى كان جو شافونا بنسوى فى شنو والله إلا يعتزلوا
ويطلبوا التفرغ لمتابعة هذه الكوميديا التى فاقت كوميديادانتى.
رغم ذهابنا إلى الأسواق لنتفرج فقط وناخد فكرة!!!لكنا لا نستطيع مقاومة أن نشترى بعضا مما يُعرض هناك.


المودة تبقى بيننا صادقة.

أيمن ..
مداخلتك دي عفتني من قول الكتير
فيها كتير من الصاح وكلامك واقعي ..
المشكلة هي إنو الناس بتكتب تحت تأثير شئ ما
غضب
مشاكل قديمة
كحول
أو ما شابه ..
ولمن تجيبهم هم ذاتهم عشان يقروا كلامهم داك مرة تانية بيستغربوا
أظن يا أيمن الأيقونة بتاعة (شاهده قبل نشره) دي
ما معمولة بس لتلافي الخطأ التقني
ممكن جداً نستعملها برضو لتلافي الخطأ اللفظي !

Quote: السرايا الصفراء

+

Quote: المنبر لونو أصفر

=

Quote: والبعض الآخر بجنون الأبقار والتيران و(التيرات)

+

Quote: يعنى المنبر ده كان لونو كان أحمر كان سويتو شنو!!

=

Quote: رغم ذهابنا إلى الأسواق لنتفرج فقط وناخد فكرة!!!لكنا لا نستطيع مقاومة أن نشترى بعضا مما يُعرض هناك

الشكلة مدورة تعاين بعيونك بس لأنو (الحجّاز ليهو عكاز)
وعندنا هنا بيسيبوا الزول موضوع الشكلة
وبيمسكوا في الحجّاز دا ذاتو فأحسن تتفرج بس بدون ما تشتري


ولك المودة الصادقة ..

Quote: دا .. زمان لما أحس إني (مضغوطة) شوية بقوم أحضر توم آند جيري .. توم يزرزر جيري أحن على جيري جيري يزرزر توم أحن على توم أضحك وزهجتي تفك وأرجع أواصل شغلي تاني .. هسي بس أول ما أتضغط بدخل سودانيزأونلاين وأشوف توم وجيري على أصولو سياسة كورة دين جندرة كلو واللي ما يشتري يتفرج يا الدلعادي ..

سلام يا تيسير ..كيفنك ؟؟

تعرفي من شدة ما كيفني كلامك ختيت الاقتباس ورسلت الرد من غير ما اكتب تعليقي ..

رجعت تاني عشان اقول ليك بقيت لمن اخت يدي على الكي بورد عشان افتح الاون لاين باكون متوجسة...

واقول ... يا ربي منو حيكون متشاكل مع منو ؟؟؟ ومنو بيكاوي في منو ؟؟ ومنو بيشتم في منو ؟؟

منو الخانو التعبير ووصل معلومة غلط ؟؟؟ ومنو الفهم غلط ومنو الفهم صح ؟؟

منو الحليتزم بادب الحوار ... ومنو الحيفارق المنطق ؟؟

يا تيسير في توم اند جيري على الاقل الزرزرة بتضحكك .. وبتفرق عليك ... هنا الزرزرة بتخليك محتارة ... وآخر حاجة بتفكري فيها انك تضحكي ...

في توم اند جيري ممكن بكبسة زر تنهي الخلاف ... هنا الخلافات بقت عميقة وممتدة وضربت بعروقها جووووة..

غايتو نعمل شنو ؟؟؟ كل حياة فيها ناس لازم تلعب دور توم .. وناس دور جيري ...
المهم مافي واحد ياكل رفيقه .. او يتسبب بموته ...

تيسير

سلام و مودة

توم آند جيري على طول الخط في مناكفات و زرزرة و مساككة فقط

و لكن لم تصل إلى حد :

تحياتي

ابو الجلاجل

اول مرة اشوف كديس لسانو رمادي...

ماصي ليهو فار كديسك ده؟؟

دكين المكين

Quote: اول مرة اشوف كديس لسانو رمادي... ماصي ليهو فار كديسك ده؟؟

أكل الفار و بيحنْدِق في بقية الكدايس ..

إزيك يا أبوجهينة ..

الكديسة بتاعتك بلعت الفار و بتعاين زي ما العاملة شي ..
مكّارة
توم صاحبنا مسكين وعوير
ما تشوف صرة الوش دي

طبعاً يا سناء توم وجيري فيها فلسفة لذيذة جداً (يضع سرو في أضعف خلقو)
يعني جيري بي صغر حجمو دا لكن ذكي وبيفكر أما توم غالباً ضحية
بسبب تفكيرو المحدود والمصيبة إنو قايل روحو ذكي وما في منو

Quote: ي توم اند جيري ممكن بكبسة زر تنهي الخلاف ... هنا الخلافات بقت عميقة وممتدة وضربت بعروقها جووووة..

عارفة ليه يا سناء؟
لأنو الناس ما بتحترم الخاص من العام بعض يعني الموضوع بدل مايكون حوار فكري
وتداول (سلمي) للآراء بيبقى إساءات وطعين و (تعال لي بي درب يومداك)
ودا شي قذر جداً لناس عايزين يصلوا لنتيجة معقولة
أما لو الموضوع تسلية فياهم اللاحقين توم آند جيري مساككة ومكائد
ولغاية الليلة ما وصلوا لحل!



يا زولة أقول ليك خلينا في توم وجيري أحسن

رجعت تاني عشان اقول ليك بقيت لمن اخت يدي على الكي بورد عشان افتح الاون لاين باكون متوجسة...

واقول ... يا ربي منو حيكون متشاكل مع منو ؟؟؟ ومنو بيكاوي في منو ؟؟ ومنو بيشتم في منو ؟؟

منو الخانو التعبير ووصل معلومة غلط ؟؟؟ ومنو الفهم غلط ومنو الفهم صح ؟؟

منو الحليتزم بادب الحوار ... ومنو الحيفارق المنطق ؟؟

يا تيسير في توم اند جيري على الاقل الزرزرة بتضحكك .. وبتفرق عليك ... هنا الزرزرة بتخليك محتارة ... وآخر حاجة بتفكري فيها انك تضحكي ...

في توم اند جيري ممكن بكبسة زر تنهي الخلاف ... هنا الخلافات بقت عميقة وممتدة وضربت بعروقها جووووة..

غايتو نعمل شنو ؟؟؟ كل حياة فيها ناس لازم تلعب دور توم .. وناس دور جيري ...
المهم مافي واحد ياكل رفيقه .. او يتسبب بموته ...

والله انا ذاتي كلامك كيفني واصبحنا في توم وجيري في مناكفات كثييييره وشوفي فلان وعلان وبدون موضوع بينهم
وشوفي فرتكان وفلان مشكلين بس باسم ناس تانين
توم وجيري اطيب واحلي مليون مره مما نشاهده هنا علي ارض الواقع

مع ودي وتقديري
ابوتسابيح

العوض المسلمي ..

سناء دي أصلها ما بتكتب كلام ساي ..
الله يكرمها ويديها العافية ..
وإنت برضو ..



تحياتي ,,

تيسير

توم آند جيرى
قمة الابداع ....
يقال ان احد رؤساء الدول الخليجية كان مغرم
لدرجة الادمان بمشاهدة توم وجيرى
وطول اليوم هو يضحك ويقول .....
( اللة يقطع سوالفك يا جيرى )

هسى انتى برضو ( اللة يقطع سوالفك يا تيسير)
( ميكى وبطوط كيف ؟؟ )

معاوية ..

Quote: يقال ان احد رؤساء الدول الخليجية كان مغرم لدرجة الادمان بمشاهدة توم وجيرى وطول اليوم هو يضحك ويقول ..... ( اللة يقطع سوالفك يا جيرى )

بالله دي وصلتكم برضو

توم و جيري ديل لا يفوتوا لا يموتوا
يضحكوا الكبير والصغير
الغفير و الوزير
كل الناس عندهم سواسية

عندك الأخ ميكي ..


والأخت ميمي ..


والبيبي ..


والمعلم بطوط ..


ودي صورة (جماعية) ..

والبقية في العدد القادم

تيسير
باقي الموسيقي التصويرية
فاصل ونواصل



تحيات طيبات

حسين محي الدين ..

Quote: باقي الموسيقي التصويرية

الموسيقى التصويرية مسجلة عندي في الموبايل
بحاول أنزلها هنا ..

موسيقى تصويرية ..

تيسير
ساعات الحلقات " البوستات " بتكون بايخاااااااااااااا لدرجة إنك تفضلي النظر في فضاء الغرفة على المتابعة وساعات أكثر مواضيع الحلقات " البوستات " بتكون جميلة لكن المطاردات " المداخلات "بتكون سخيفة وتقيله على القلب وبرة الموضوع .
الجميل في المنبر عدم الثبات على حال ودي حاله صحيه جداً فالمنبر إضافة إلى التنوع الذي ذكرت فإنه مسخن, بارد, ثقيل, خفيف, مفيد, مقزز, مهاترات , صراعات, أحلاف , إساءات, وأخبار صحيحة ومغلوطة ومفذلكة.
المنبر عالم خاص لكنني ساعت أفضل توم آن جيري الحقيقيين .

المكي

Quote: وساعات أكثر مواضيع الحلقات " البوستات " بتكون جميلة لكن المطاردات " المداخلات "بتكون سخيفة وتقيله على القلب وبرة الموضوع

فعلاً يا طارق المكي .. المطاردات الـ off point بتبوظ الحلقة وتغير مسارها وتضايق المتفرجين بس برضو مرات في مطاردات لذيذة وبتدي الحلقة نكهة أحلى من موضوعها الأساسي ..

المنبر على قولك متغير وما بيثبت على حال على الرغم من إنو مرات (بيعيدوا) لينا نفس الحلقات والمطاردات وبتبقى مكررة ومملة والفرق الوحيد إنو في توم وجيري الأصليين ما بتزهج أبداً مهما زاد التكرار

غايتو يا تيسير مرات الواحد يموت من الضحك ..
ومرات يموت من المغصة ..

______________________

العزيزة : تيسير عووضة
توم وجيري الأفلام الكرتونية، نوعاً ما متصالحين مع روحهم، لأن كل واحد فيهم عارف نفسو كويس وعارف إمكانياتو. ورغم الصراع الأزلي العايشين فيهو بحكم التنميط إلا إنهم في النهاية عايشين قصة عشق غريبة جداً. أنا شخصياً واحد من الناس مدمن جداً على حلقات توم وجيري، ولا يمكن أن أمر بقناة تعرض حلقة من حلقتهم وأفوّتها أبداً. في واحدة من هذه الحلقات، كان توم بدأ فعلياً يزهد في ملاحقة جيري لانشغاله بقصة حب مع كديسة وجيهة جداً. والكلام ده أكيد كان مزعّل جيري جداً، وحاولت بكل الطرق ثني توم عن هذا الحب السطحي والرومانسية المافي ليها داعي دي. وفي النهاية توم زااتو اكتشف إن مطاردته لجيري أريّح وأفضل ليهو من حياة رومانسية بائسة. وفي حلقة من الحلقات كانت جيري قامت بتأليف قصة حياتها مع توم وبدأ الكتاب في الانتشار، وأخذت الناس تقرأ الكتاب وتضح على القصص الموجودة فيهو، واللي هي بالتأكيد كلها في صالحة جيري. وعندما غضب توم وذهب لمعاقبة جيري، اكتشف إنو جيري وقعت على اتفاقية يعود (بموجبها) ريع الكتاب لصالح توم.

خلاصة الموضوع، إنو في نوع من العلاقة الحميمة بين توم وجيري رغم الصراع الحاصل بيناتهم، أم عن توم وجيري المنبر، فلا أعتقد أبداً أن النهايات قد تكون على هذه الشاكلة أبداً. وأغرب من ذلك أن توم وجيري المنبر يتبادلون الأدوار، فتوم اليوم هو جيري الغد والعكس صحيح.

واللي يعيش ياما يشوف.

سلامات يا تيسير،

النقاش في المنبر دا وِصِل درجة من التهريج الناس بِقَت تشكر بعض على النفس البارد والكلام الرايق والطرح الهاديء وما إليه مما يباع بالسوق الأسود بالبورد. رغماً عن ذلك، ما زال جيري يهدّد بإزعاج سبايكي (بوتش) وبتلفيق التهمة لتوم.



بس مسئولين من الخير، اللايحة خَبَرَا شنو!

عادل إزيك ..
والله في البورد دا زاتو في ناس (يشهّوك) النقاش والحوار
بس ما تقول لي وينم
أما سبايكي النوّام دا أحسن يواصل على كدا
لأنو لما يصحا بيقلب البلد هو وولدو العندو أبو الشهّيق داك ..

Quote: بس مسئولين من الخير، اللايحة خَبَرَا شنو

اللايحة نائمة لعن الله من أيقظها !

هشام آدم العزيز ..

توم آند جيري عاملين بالمثل بتاع (مابريدك وما بحمل بلاك)
اليوم كلو يدبروا في المقالب لبعض ..
ولو ربنا سهّل وواحد فيهم إنشغل بأي موضوع
(عاطفي مثلاً زي ما قلت) الدنيا بتمسخ للتاني ..

Quote: كان توم بدأ فعلياً يزهد في ملاحقة جيري لانشغاله بقصة حب مع كديسة وجيهة جداً. والكلام ده أكيد كان مزعّل جيري جداً، وحاولت بكل الطرق ثني توم عن هذا الحب السطحي والرومانسية المافي ليها داعي دي. وفي النهاية توم زااتو اكتشف إن مطاردته لجيري أريّح وأفضل ليهو من حياة رومانسية بائسة

ياخ دا ألذ summary لتوم وجيري يقابلني ..

برضو في واحدة من الحلقات توم ساكّي جيري لما وقعوا في البحر
وفضلوا جوة يلاحقوا في بعض ويدبروا في الكماين في نهاية الحلقة
لما توم مرض وجاهو (رشح) مالقى غير جيري يمارضو مع إنو هو كان سبب مرضو
والغريبة ما بيرضوا في بعض أبداً يعني لو واحد شعر إنو التاني حيتأذي
طوالي بيقيف في صفو (أنا وأخوي على إبن عمي ....)

والكلام دا كلو يا هشام حاصل عندنا هنا بالصلاتو عالنبي !!

يا نعتصم ..
موت لي موت أحسن نموت من الضحك
مش كفاية المغصة الحاصلة برة !

Quote: يا نعتصم

نعتصم بحبل الله جميعاً ..

العتب على النظر ..

ممكن أشاركـ

__
شايف الخياط مزرزر زرة يوم الوقفة
كان جات توابع لي مداخلتي دي أخلي مسئوليتي تماماً منها

عن اذنك .. بجرب في الوشوش دي حاسي بيها ما شغاله.. بلاي كان ظهرت معاك قولي عووك بالإضافة لي إنو عندنا وش رايح مننا ..

يا شباب:
عندنا وش رايح، البلقاهـو .. منا واللا منــا .. يدينا خبر



ــــــــــ

العندو وشوش يجربا يجينا هنا
والعندو وشوش رايحة برضو بي هنا
هو شنو


غايتو للضمان كدا
ممكن تسأل الجماعة الفوق ديل من وشوشك الرايحة دي
شكلهم كدا زي الداسين حاجة ورا ضهرهم

Quote: ممكن أشاركـ

إنت بالذات ماممكن تشارك




يا مصيبة

سلامات أخونا تيسير

كمونية
ذاكرة أنف
توم أند جيرى,,,,,,,,,,,,,,,,,معقولة بس!!

على كل,,,

رغم كل ضغوط الحياة وكل مشاغل الزمن مازال هذا الثنائى يضحكنا ويحرك فينا ذكريات الطفولة!!!!!
أم انها بقايا طفولة مازلنا نحتفظ بها فى دواخلنا,,,,,
وكثير من هذه الشخصيات الكرتونية خاصة شخصيات ديزنى وبعض مسلسلات الأطفال التى شهدناها فى طفولتنا
الليث الأبيض وسندباد وعاصم وهانى وجزيرة الكنز على سبيل المثال ما تزال مطبوعة فى الذاكرة ومعها
إبتسامة وذكرى فرحة كانت تغمرنا عندما نتابع تلكم الكرتونيات التى شكلت جزء من عوالم طفولتنا!!!

ما حيرنى كثيرا أننى سألت بعض أطفال الأسرة عما يحبون مشاهدته من أفلام وبرامج الأطفال وكانت أعمارهم
ما بين الرابعة والعاشرة فأجابوا إجابات لم أفهمها بأسماء لم أسمع بها(أبطال النينجا) وسلاحف شنو ما
عارف وخلت إجاباتهم من أى رسوم متحركة هادفة أو ذات مغزى أو فائدة يمكن أن يجنيها الطفل من هؤلاء!!

فسألتهم عن توم وجيرى تحديدا وكل ما فعلوه أنهم نظروا إلى بعضهم ضحكوا بكل سخرية يمكن أن يملكها
أطفال فى سنهم وكان أكبرهم هو أوضحهم عندما قال بأن توم وجيرى هو ما يشاهده الفارات! !!!

إنهم أطفال وأجيال الديجيتال....

تحياتى أخونا تيسير

Quote: اللايحة نائمة لعن الله من أيقظها !

أيقظها؟! نقول يا حليلك بَسْ. المنبر دا سيد اللايحة فيهو يفلّي البقرة فوق تِحِت ما يخلّي ليها صفحة ترقد عليها.

عجـ!!!!!!!!!!يب

يا عادل البدوي ..

غايتو (سيد اللايحة) دي بالغت فيها
وبالغ خشم البقرة زاتو

إزيك يا أيمن

Quote: كمونية ذاكرة أنف توم أند جيرى,,,,,,,,,,,,,,,,,معقولة بس!!

أظن أكتر شي مضحك في قصة الكمونية دي
إني لا باكلها ولا بنضفها ولا بجي جنبها

أما عن التشكيلة الفوق دي ..
فذلك مردّه إلى إنو الراس ذاتو كمونية
وعملاً بمقولة أحد الإعلانات التجارية (دلّل حواسك)
فأنا بحاول أطبق النصيحة دي فيما يخص حواسي كلها سمعاً وشوفاً وشماً وكلو ..

نرجع لموضوع الثنائي ..

Quote: وكثير من هذه الشخصيات الكرتونية خاصة شخصيات ديزنى وبعض مسلسلات الأطفال التى شهدناها فى طفولتنا الليث الأبيض وسندباد وعاصم وهانى وجزيرة الكنز على سبيل المثال ما تزال مطبوعة فى الذاكرة ومعها إبتسامة وذكرى فرحة كانت تغمرنا عندما نتابع تلكم الكرتونيات التى شكلت جزء من عوالم طفولتنا!!!

طبعاً يا أيمن إنت هسي بتحاول من خلال كلامك دا
إنك تقول زمن ناس جزيرة الكنز وسندباد إنت كنت طفل
لا بالله على مين
كان كدي أنا زمن ناس همتارو وتليتوبيز
ولو ما بتعرفهم يمكنك الإستعانة بأقرب طفل لا يتجاوز عمره السنتين

أطفال الزمن دا يا أيمن مفتحين
وليهم حق يشوفوا توم آند جيري دا حق الفارات
لأنو زمنهم غير ومتطلباتو غير ولو ما بقيت عنيف ما بتعيش
(أو زي ما بيحاولوا يوصلوا ليهم) من خلال البرامج
والمسلسلات البتتقدم ليهم !

يا سيدي مداخلاتك دايماً لذيذة ومحفزة للكلام حولها
بس مشكلتك كاواي

أخوك تيسير ..

أيمن ..

دا السيد همتارو ..

وديل السادة تيليتوبيز ..

تيسير:
وراك والزمن طويل!


Tom & Jerry - Funny bloopers R us

يا عادل ..
وبرضو وراك والزمن طويل

Quote: بقوم أحضر توم آند جيري ..

عيدكم سعيد جميعا

يابنتي ..وفي كهولتي ما زلت متما سنحت الفرصة اتابع توم اند جيري ...فحياتنا مليئة باعداد من توم واعداد من جيري .. تختلف نظرة الانسان لمقالب توم اند جيري وفق عمره وتجربته وخبرته وبالتالي فالكرتون لكل الاعمار .. كل جيل يجد فيه ما يروق له وربما لهذا نال "توم اند جيري" سبعة جوائز عالمية

مودتي
ابوبكر

أستاذنا أبوبكر ..

عيدك أطيب وأسعد وكل أمنياتك محققة ..

Quote: تختلف نظرة الانسان لمقالب توم اند جيري وفق عمره وتجربته وخبرته وبالتالي فالكرتون لكل الاعمار

أتابع توم آند جيري منذ طفولتي
بعض الحلقات شاهدتها عشرات أو فلنقل مئات المرات
لا أمل تكرارها وفي كل مشاهدة أخرج بشئ لم أتبينه في المرات السابقة
وفقاً لتطور الشخصية وطريقة التلقي التي تنمو مع إزدياد العمر ..

أشكر مداخلتك اللطيفة ..

Quote: إزيك يا أيمن

سلامات يا تيسير,

Quote: أظن أكتر شي مضحك في قصة الكمونية دي إني لا باكلها ولا بنضفها ولا بجي جنبها

وتيب مالك !!!!!!!!!
ولا شهادة عربية شكلك كده

Quote: أما عن التشكيلة الفوق دي .. فذلك مردّه إلى إنو الراس ذاتو كمونية وعملاً بمقولة أحد الإعلانات التجارية (دلّل حواسك) فأنا بحاول أطبق النصيحة دي فيما يخص حواسي كلها سمعاً وشوفاً وشماً وكلو ..

إشارة واضحة بس أعمل حسابك من القطر قام!!يا مدلل الحواس إنت

Quote: طبعاً يا أيمن إنت هسي بتحاول من خلال كلامك دا إنك تقول زمن ناس جزيرة الكنز وسندباد إنت كنت طفل لا بالله على مين كان كدي أنا زمن ناس همتارو وتليتوبيز ولو ما بتعرفهم يمكنك الإستعانة بأقرب طفل لا يتجاوز عمره السنتين

عندما عرضت جزيرة الكنز للمرة الأولى كان ذلك فى منتصف سبعينات القرن الماضى!!
كل من عاصروا تلك الفترة هم الآن فى عمر النبوة والأيام مقبلة ,,القايل
روحو سغير خلو اليفيق من تيهو!!! همتارو وتليتوبيز ديل تبع ناس يُمنى بنتى
هل تعرفون ما القصد من عدم تحديد جنس شخصيات التليتوبيز!!!!؟؟؟

قالو القصة عندها علاقة بالجندرة وكدة فهل هذا صحيح؟؟

Quote: أطفال الزمن دا يا أيمن مفتحين وليهم حق يشوفوا توم آند جيري دا حق الفارات لأنو زمنهم غير ومتطلباتو غير ولو ما بقيت عنيف ما بتعيش (أو زي ما بيحاولوا يوصلوا ليهم) من خلال البرامج والمسلسلات البتتقدم ليهم !

والله اطفال الزمن ده رغم أنهم تفاتيح لكن عالمهم يفتقد الكثير وفى مجمله عالم(Artficial)
ويفتقر للبرامج والألعاب التقليدية رغم ثرائه بالبرامج التعليمية التى ترفع معدلات الذكاء
لديهم وتعرفهم بالثورة التقنية التى تسود العالم وما زلت مصرا انهم رغم كل هذا ينقصهم الكثير!!
وبا إنك من جيل التليتوبيز وكده فما بقدر أمشي معاك بعيد لأختلاف الخلفيات والموروث الثقافى
والله نحن كان حدنا ساعة واحدة فى اليوم تلفزيون والباقى هواء طلق وطبيعة حية أما أطفال هذه
الأيام فمعظمهم مدمنين للجلوس أمام التلفزيون وبرامجه الغريبة!!

Quote: يا سيدي مداخلاتك دايماً لذيذة ومحفزة للكلام حولها بس مشكلتك كاواي أخوك تيسير ..

.............النقط ديل تعبير عن الشكر للإطراء
كاواى دى بتعتمد ومرة واحد أخوى هنا فى هذا المكان طالبنى بالجدية وكنت أظن أننى
فى قمتها لكن على كل حال قليل من المكاواة يفيد الدورة الدموية الراكنة
وراء الحواسيب وحجرات المكاتب!!!

لقيتنى كيف

أخوك ود أمك وأبوك !!!!

تحياتى

Quote: واقول ... يا ربي منو حيكون متشاكل مع منو ؟؟؟ ومنو بيكاوي في منو ؟؟ ومنو بيشتم في منو ؟؟

يا سنوية .. انتي بجاي كمان .. كويس الشفناكي
حيث ان حياتي الاجتماعية بائسة منذ ما يقارب العقديين قانا اما اعمل او ازاول نشاطات اسفيرية كثيرة والمنتديات احدها (كما تعرفيين) .. والمنتديات الاسفيرية المفتوحة non-moderatedمتشابهة حتي ولو اختلفت اللغات والاجناس ولذا يكون الخيار لك في ان تجلسي في اية ركن من الساحة ..الاتصال الاسفيري فيه كثير من التوجس وعدم الشفافية وال Psychological barrier يحتاج كثير من المران فكتابة رسالة في ورق فيه بعض من روح ( ريحة الورق والحبر وعندما تشتد العاطفة الواحد يتخيل ريحة الكاتب او الكاتبة ) والاتصال الصوتي فيه كثير من الروح حيث يصل الوجدان والعقل معا ( كالغناء مثلا فانك لا تحتاجيين ان تشاهدي المغني مثلا لتعجبك الاغنية ) ولذا يقل التوجس وعندما يتم تطبيق الاتصال المرئي 3G باسعار معقولة فسوف ينكسر حاجز التوجس الباقي ..للاسف وكما هو الحال مع كل التقنيات الحديثة واكب الاتصال الاسفيري سوء استعمال انعكس في قصص كثيرة عن شخصيات استغلته لتنال شيئا ماديا او معنويا لا تستحقها فسمعنا عن اطفال تعرضو لمهالك ومراهقات وقعن في شراك عصابات وحتي كثير من امثالنا الناضجيين تعرضو لنوع او اخر من الاستغلال العاطفي او المادي ( وهنا كلنا يعرف قصص الملايين من الدولارات التي نوعد بها يوميا من خلال رسائل اسفيرية وخكاية الNigerian Scam الشهيرة منذ عقدين من الزمان والعصابات من سئ النية من الرجال والنساء الذين يوعدون المراهقيين بمهالك ووووووووو)....حقيقة انك مثلا تحاطبيين شخصا من وراء حاجز بحيث لا تعرفيين عنه الا اسمه احيانا( فكثيرون يفضلون استعمال اسم حركي او كنية ما) تحتاج الي كثير من المصداقية والشفافية فلا يكفي محتوي ما نكتب في ان يوضح من نحن وماذا نريد .. تعريف الاخريين بانفسنا ومن نحن وماذا نفعل امر يعطي الاتصال الاسفيري عمقا انسانيا ونضوجا وشفافية .. تعريف متبادل في حدود المعقول امر ضروري في الاتصال الاسفيري ..
غياب الشفافية والروح في الاتصال الاسفيري يجعل من الحوارات احيانا ملتهبةflammable discussions بسبب هامشي ما كان سيسبب اية صراع لو ارتفع مستوي التعارف درجات الي الاعلي ... هذا الاسفير الهلامي الذي يفصل بين المتخاوريين يحتاج الي معينات انسانية تجعل لعلاقاتنا وحواراتنا من خلاله مصداقية ...

وعيدكم سعيد

مودتي
ابوبكر

كل عام وانتم بخير

Quote: Tom & Jerry من منا لا يتذكر الساعتين والثلاث التي جلسناها يومياً في صغرنا أمام شاشة التلفاز مثل المنومين مغناطيسياً؛ لنشاهد هذا القط الرمادي المدعو "توم"، وذلك الفأر بني اللون المدعو "جيري" في مطاردات تعكس طبيعة الصراع بين القوي والضعيف، وبين المحبوب والمكروه، وبين صغير الحجم وضخم الجثة، في مشاهد ومواقف مضحكة، وذات مغزى عميق.. لم ولن ننساها! توم وجيري.. close look توم أو القط توماس (الشهير بجاسبر) هو ذلك القط الأزرق الرمادي، المنزلي، المرفه، قليل الحظ، الجحود والمغرور في أحيان، طيب القلب والعطوف في أحيان أخرى، والذي يحاول أن ينال حب من حوله خاصةً أصحاب البيت.. تجده سريع الغضب والانفعال وكثيراً ما يتصرف بغباء، ولكنه كثيراً يتعرض لمضايقات من جيري أو جيرالد (الشهير بجينكس). جيري.. ذلك الفأر الذكي، الأكثر تواضعاً، وحباً ومساعدة للآخرين، والذي يقوم بنصب الفخاخ والخدع ليضايق توم، وهو يسكن في جحور قريبة دائماً من القط، ورغم أننا لا نميل إلى حب الفئران في الواقع، إلا أن ذلك الكارتون جعلنا ننظر بعين الرأفة والحب إلى ذلك المخلوق صغير الحجم. وغالباً تنتهي معظم قصص توم وجيري، بانتصار جيري وترك توم في مأزق، أو انتصار توم الذي نادراً ما يحدث، أو تصالح الاثنين وخاصة في قصص أعياد الكريسماس. والصراع بين الطرفين ليس محسوماً للأقوى، لكن الذكاء وطيبة القلب قد تقلب دفة الصراع، وقد يعتقد كثيرون أن جيري هو الأضعف، ولذا يميلون إلى مساندته وتشجيعه.. في مقابل آخرون يرون أن جيري ذلك الصغير الضعيف هو الذي يجر شكل توم، بل ويستغل قلب القط توم الطيب وسذاجته لصالح مقالبه التي يدبرها ضده، في جدال لم يحسمه أحد حتى الآن! أشهر تتر! اعتمدت قصص توم وجيري الكارتونية القصيرة على أشهر السيمفونيات العالمية لمؤلفين مثل فرانز ليتز، جورج بيزيه وغيرهم الكثيرين، ولم تعتمد على الكلام أو الحوار ليظهر الكارتون شبيهاً بالبانتومايم الصامت مكتفياً فقط بالمؤثرات الصوتية والحركة وهو ما حقق ذلك النجاح المذهل للأفلام. وتبدأ مقدمة ذلك الكارتون بالأسد الذي يزأر وموسيقى سكوت برادلي التي ما إن نسمعها حتى نجري بسرعة لمشاهدة ولو جزء بسيط من كارتون توم وجيري وربما يلتصق بأذهاننا بعض من أسماء فريق العمل التي كتبت بخط كبير وكأنه مرسوم. ويليام حنا وجوزيف باربيرا هما رسامي الكارتون اللذين قاما بكتابة وإخراج تلك الأعمال الكارتونية القصيرة والتي أنتجتها شركة مترو جولدن ماير، ومدير إنتاجها فريد كويمبي في الفترة من 1940 وحتى 1958. ثم تولى الإنتاج بعد ذلك تشاك جونز من عام 1963 وحتى 1967 والذي ترك العمل لدى شركة وارنر بروس التي كانت تنتج كارتون (لوني تونز) و (ميري ميلوديز) ليعمل مع ويليام وجوزيف إلى أن قاما بعمل شركة إنتاج منفردة وهي (Hanna-Barbera Productions) التي تولت الإنتاج من عام 1975 وحتى 1993. وقد رشحت أفلام توم وجيري القصيرة 11 مرة لنيل جائزة الأوسكار لأفضل رسوم متحركة، فازت منها بسبعة. * شاهد الفيلم القصير من سلسلة توم وجيري (Baby Butch) http://www.20at.com/media/new/tom-jerry.wmv[/QUOTE]

---

Post: #45 Title: Re: توم آند جيري .. Author: العوض المسلمي Date: 12-20-2007, 09:08 PM Parent: #1 مشكوورين يا كرام والحقيقه ان الدنيا بحالها توم وجيري خير وشر ليل ونهار ابيض واسود نور وظلام جنه ونار هشام ومعتصم تراجي والطقي شيوعيين وجبهجيه انصار واتحاديين انصار سنه وصوفيه والكثير المثير فعلينا ان ننظر الي الدنيا من حولنا ودمتم بود وحب ابوتسابيح

---

Post: #46 Title: Re: توم آند جيري .. Author: abubakr Date: 12-20-2007, 09:17 PM Parent: #1 دامت ايامكم اعيادا Quote: والكثير المثير فعلينا ان ننظر الي الدنيا من حولنا التوازن بين ان ننظر الي الامام لنتقدم وننظر الي الدنيا من حولنا بحيث لا تشغلنا او لا تفوتنا احداث ومعينات هو المحك .. هذا الركض اليومي بين الخير والشر والسالب والموجب والمستحب والمكروه يجب الا يفقدنا الاتجاه ولا يتوه عقولنا .. في قصص الحيوان من القدم وعند سفينة نوح وايام كليلة ودمنة وايامنا مع توم وجيري عبر لمن يعتبر .. مودتي ابوبكر

---

Post: #47 Title: Re: توم آند جيري .. Author: ابوعسل السيد احمد Date: 12-21-2007, 05:13 AM Parent: #46 جميلتي تيسير العيد مبارك عليكِ.. عيدا بخيت و سعيد و يحقق الله الأماني.. و الوطن و ناسه بخير لا حدّ المنبر دا و مسلسلات "طوم" و جيري.. موضوع جميل يتوفر على كم هائل من خفة الدم و الموضوعية في ذات الوقت.. لا أخفيك سرا أنني ألجأ إليه و استمتع بكل ما فيه في صمت إلا من بعض ابتسام و أسى يغافل النفس على بعض الدماء الإسفيرية التي لا يتورع الكثيرون هنا عن سفكها، ثم يتلمظون.. كل سنة و أنت الأجمل و عيدك الأسعد