كـأسٌ وعنـَب ..

***
أخذ قطعة صغيرة من إحساسه
ومددها على الطاولة ..
أراد استخدامها كخلفية (يشتغل) عليها لوحة
أحضر فرشاة
وألوان ..
وبعض (عذوبة)
يخلطها باللون
كي يعطي الدرجة المطلوبة
وبدأ يرسم عناقيد عنب
وورود ,,

تفنن في درجات خلط اللون
وعبأ المساحات الفارغة
وعلى الحواف .. تظليل

علق إحساسه عند أقرب جدار
وبدأ يطالعه كل ليل ...
ومن يومها..
صارت حبات عنب تجري في دمه
ووردة عند كل منحنى في عروقه
رفع الكأس قليلاً
ليشرب منها ..
لا
بل لتشرب منه

فقد كان (منساباً)
أكثر مما بالكأس !






* في ّذكرى مزج الألوان , أو .. ما قبل (خم) الرماد ,,

مرحب بعودة قلمك البديع
مرحب بعودتك يا تيسير
مرحب بعودتك يا تيسير عووضة.

عمو عادل

عمو عادل ..

شكراً لك على كل هذه الحفاوة ..
والإستقبال الجميل ..

لا زلت أتحسس طريقي بين جنبات هذا المكان
فيما يعرف بطقوس العودة ,,


دمت هانئاً ..

تايسا

يا مراحب

هذه بشارات الشهر الكريم المبارك..
ان يهل عليك هلال وقمر..



ياسلااااااااااااااااااام تايسا بالقمر دين

هلت بشائر الشهر الكريم

حمدلله علي سلامتك يا تايسا ..

و التحية للكأس و العنب و خم الرماد











دكين
انت ح يربطوك متين !!!

الله يسلمك يا نوبي ..

Quote: و التحية للكأس و العنب و خم الرماد

كأس به سائل لإطفاء الحريق ..
والرماد هو ما نتج عن ذاك الحريق !


ودمت بخير ..

دكين

إزيك ..

تايسا بالقمر الدين
وأحياناً ..
(الحلومر) ,,


شكراً ليك ورمضان كريم ..

شهـر كريـم


وطلة كريمـة


مراحـب تيسير

والقلم الثـري


تحياتي

أحمـد الشايقي

..
حسع الصورة الختيتيها دي فيها عنب يعني يا تيسير عووضة؟
.
.
كم مرة قلت ليك قاعدة تجيبي صور العنب الما قاعدة تظهر دي من وين ؟؟
.
.
حتى متى اظل اطالب بإظهار صور العنب .. وصور غير العنب في بوستاتك ( اللذيذة )؟
.
.
كان استمريتي بالطريقة دي ح أطالب بي بدل ( تصاوير )
يا تغيير عنوان البوست لـ :
كأس وعنب ( توجد صورة )

يا تمبس ..

(عقدتني طبعاً)

الموضوع دا عندو (حلين) لا (رابع) لهما ..

يا أغيّر موقع تحميل الصور
يا أبطّل أرفع صور نهائي

لأنو شكلك إنت ما عايز (تحلها)

ولا توجد صور !!


أما بخصوص العنب فالموضوع ساهل ..
جرح صغير ..
قطرات دم ..
وتشوف بعداك العنب بكل (صوره) ,,

..

وجيتك أكرم


يا مولانا ..


أجمل التحايا

ودمت بخير ..

الـعـزيـزة تيـسـيـر،


هـلـت الأنــوار، ظـهـر الإسـتبشـار،عـلي وجــوة الـزوار... و..ليـنا زمـن بنـفتـش لـك وجـيتا اللـيلـة بالأعـناب.

واصــلـي، الـمنبــر عاوز شــويـة آداب وفـنـون وصـورمـفـرحـة.

مرحب بعودتك..

شكرا

اللون في منتهى الانسجام.
هادي و عالي.

شهاب الفاتح ..

اللون تم مزجه بعناية فائقة
وانتباه تام ..
فبدا كما تراه ,,


شكراً لك ..

عبد المطلب خضر ..

يا سيدي تسلم على ترحيبك ..

وشكراً ليك ..

د. بكري الصايغ ..

سعيدة بكونك هنا ..

وأشكر حسن إستقبالك
وجميل كلامك ..

وتسلم ,,

حمدا لله علي السلامة
انتي كتي وين ؟

لعلمك يا تيسير
اخر يوم رمادي حيكون بعد بكره
حسب توقيت ام القري

قولي للمنططين عينيهم
الفوق ديل
يفتّحو اضنيهم

الله يسلمك يا حمد ..
أنا كنت في ولا مكان

Quote: اخر يوم رمادي حيكون بعد بكره حسب توقيت ام القري

أيام رمادية تسبق أيام بيضاء ..


وعلى لسان حمد :
يا ايها المنططين
اسمعوا وصية الزول دا ..

تيسير
سلام كأسه مترعة و عنبه رامي فوق بيتنا

Quote: ومن يومها.. صارت حبات عنب تجري في دمه

دة أكيد أخوى بالرضاع ..

مع خالص الود

الاخت الحبيبة تيسير..


جينا عشان نلاقيكم ..


لقينا الدنيا قايمة عجاج!


حمدلله علي السلامة ورمضان كريم..

وين

يا تيتي مشتاقين

سبقناك ببوست الخمور

وبوست الكتشينة

والمرة بوست بتاع سجاير وصعود

بس اسال العنبة الرامية فوق بيتنا

يا خليل الظريف
إزيك ..

Quote: سبقناك ببوست الخمور وبوست الكتشينة

يا خليل قول بسم الله ..
هسي الجاب سيرة الخمور منو

الجميلة رشا سالم ..

الله يسلمك ..
وتصومي وتفطري على خير

Quote: جينا عشان نلاقيكم .. لقينا الدنيا قايمة عجاج!

ألف مرحب بيك
وسعداء بكونك بيننا
رغم (العجاج)

بس تتخيلي ..
المنبر دا شايل من السودان أي شي
حتى (الكتاحة) بتاعتو ..


تسلمي على بهاء مرورك ..

أبوجهينة ..

سلام كأسه دايرة وعنبه داني ..

Quote: دة أكيد أخوى بالرضاع ..

وأنا أقووول !

تيسير
حقا انت تعرفين كيف تعيدى البورد لروعتة
فقط طلتك كفيلة بذلك ،،،،،،،،
فلك الشكر لعودتك
بقدر روعة الوانك واحساسك
كونى بخير
تتفتح الورود وتفرح حبات العنب
وتمتزج الالوان
فرحة بك ،،،،،،،،

معاوية ..

وجودكم هو الذي يصنع الروعة ..


لكم الورود والأعناب

وكل ما هو جميل ,,

وتسلم كتير ..