Post: #1
Title: غنيناك ... وبنغني
Author: تيسير عووضة
Date: 01-16-2006, 04:45 PM
Parent: #0
(من مرثية الاستاذ يحي فضل الله لآخر الملوك)
يا منتمي للالفة و المعني العميق
يا وتر عزة هوانا
يا مصابيح الطريق
يا مبعثر
و منسجم
يا معاند
يا رقيق
يا منسرب كالنسمة
من جوف المضيق
يا حوار روح الفراشة
مع الرحيق
يا جدال الريح
مع الموج الغريق
يا مصطفي من التألف
في الاجنة
وكل اوجاع الطريق
|
Post: #2
Title: Re: غنيناك ... وبنغني
Author: تيسير عووضة
Date: 01-17-2006, 03:32 AM
Parent: #1
سافِر
سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
|
Post: #3
Title: Re: غنيناك ... وبنغني
Author: احمد العربي
Date: 01-17-2006, 03:47 AM
Parent: #2
لمحتك
كنت بر امن
ذيدينا تيسير الجميله
من هذا البحر ذيدينا
تحية لك
ودي واحترامي
|
Post: #6
Title: Re: غنيناك ... وبنغني
Author: تيسير عووضة
Date: 01-17-2006, 04:09 AM
Parent: #3
لمحتك
قلت بر آمن .. بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
أخاف
غيم المنى الشايل
تسوقو الريح .. ويتفرق
أخاف .. وأخاف
وأشد ساعد على المجداف
وأجيك بى قدرتى الباقية
حطام إنسان موسّم بى شقا الدنيا
ومقسّم قلبو فى الأحزان
أجيك فنان
أشد أوتارى .. وأحكيلك
حكاية إنسان وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف
الضفة ترجع بيك .. قَبـُل ألحق
أخاف
غيم المنى الشايل
تسوقو الريح ويتفرق
وألاقيك يا أمانى سراب
مواهبى عليهو تتدفـّق
أحمد العربي
إزيك ..
جبناها ليك كلها
الايام دي انت محتاج لمصطفى شديد 
|
Post: #4
Title: Re: غنيناك ... وبنغني
Author: saadeldin abdelrahman
Date: 01-17-2006, 03:49 AM
Parent: #2
| Quote: وبتحدى الزمن .. فنان .. |
شكرا استاذ قاسم أبوزيد
شكرا لكي تيسير
ولا زال..
|
Post: #5
Title: Re: غنيناك ... وبنغني
Author: تيسير عووضة
Date: 01-17-2006, 04:00 AM
Parent: #4
سعد الدين
إزيك ..
| Quote: وبتحدى الزمن .. فنان .. |
الكلام للأستاذ قاسم أبوزيد
تعمدت الا اورد اي كلام عن مصطفي يا سعد
هو قادر ان يحدثنا عن نفسه
فقط بأغانيه
تسلم على المرور
|
Post: #7
Title: Re: غنيناك ... وبنغني
Author: احمد العربي
Date: 01-17-2006, 04:20 AM
Parent: #5
يا مطر
|
Post: #8
Title: Re: غنيناك ... وبنغني
Author: تيسير عووضة
Date: 01-17-2006, 04:44 AM
Parent: #7
عز الحريق
|
Post: #9
Title: Re: غنيناك ... وبنغني
Author: عبدالغني كرم الله بشير
Date: 01-17-2006, 04:50 AM
Parent: #8
من أي زاوية ننظر لهذا الهرم الكبير!!؟؟؟
فنان، ام مجدد، ام مناضل، أم رسول خاص، يتخذ من الفن رسالة، كي يضمد جراح الفقراء والمهمشين، لم تكن اغانية تكتفي بالطرب، ولا حتى بالطرب الاصيل، بل كانت تذهب كأشعة أكس، بل أقوى، داخل النفوس، كي تشخص مرض، وتحي جوى قديم، حتى ألحانه، كانت قريبة من الفطرة السودانية، يتغنى بكلامهم، مثل ادب تشيخوف، يجعل من الغلابة أبطال، يسلط الضوء عليهم، ينصفهم بعض أن ظلمتهم كل الأنظمة السادية، يتغني بمآسياهم، كالطير يرقص مذبوحا من الألم، فلم تكن يده مثل بعض الفنانين، يدهم في الثلج، والناس في النار، بل كان معهم، احبه الطلاب، وأحبته الطالبات، وأحبه الكبار والكبار، أحبته الكنائيس، والاضرحة والخلاوي، ، اطلقت عنه الاشاعات، بأنه يملك الحاسة السادسة، ويعرف ما يجربي القدر (قال أحد العازفين بأنه احس بموت اخيه، ثم جاء النبأ يؤكد ذلك)، وبأنه يشرح (الفتوحات المكية المعقدة، كما يشرح قصيدة طائر يشدو على فنن)، كان نورا قويا، يتسلل لمعضلات الفن برخاوة وأنس، حتى في قهاوي هداليا، تلك البقعة الهندودية تسمع اغانيه، في هولندا، مع فتاة سمراء قهرتها السنوات العجاف، في الخليج، في عدن، في مدن العراق، كما تشتت حبات القمح السوداني، كي تنمو في اديم الغربة، كانت مصطفى معها، كالشمس، حيث ما تولي يأتيك صوتك الاصيل الحنون، وكأن الام اتخذت شكل الاثير فبدت كمصطفى.. كثيرا ما اتساءل هل مصطفى فنان، أم روح شفيف، ولي استخدم الصوت لرسالته، فأغانيه تذهب بنا لأغوار داخلية، صوته ملائكي اصيل، يربطك بالوطن، يحرضك كي تتبنى موقف مشرف، يجعلك امام مسئولياتك، أهو يغني، لا اظن ذلك، فكلماته كالمعول، تحرف الترع، وتزرع العيش والفول السودان، كي يشبع فقراء مايو والانقاد والريف المنكود، كلماته تصدح بها الاشكاك، والحافلات، وحفلات التخرج في الجامعات، (عم عبد الرحيم)، المهزوم صار بطلا، صار على المسرح، مثل قصص تشيخوف تتحفي اغانيه بالمهوزمين، بالمهمشين، كان رسولا خاصة، يخاطب الوجدان المكلوم، فتيات بلدي المحزونات يستمعن لاغانيه في الريف وفي المدن وفي الرواكيب، كي يضمد حزنهم العميق، لفراق حبيب، أو أب مسافر، أو سجين بإثاره الشغب ضد السلطة (المقدسة)، كان بسيطا، متواضعا، ثري القلب، قليل ا لكلام، كلمات تأخذ معاني أكثر من الظاهر، بل تذهب لأعماق بعيدة، أكثر من أشعة X كي تشخص مرض عضال، حين يغني يتوضأ بحب الوطن، ثم يولي وجهه شطر المايكرفون، كي يخطب في عشقاه، وما أكثرهم، وما أسعدهم، حتى شكله، ساهمت الجينات الوراثية في صبغه بأصالة غريبة، إنه سوداني مائة المائة، شكله يوحي بالوضوع بالقوة المحببة، بالضعف المحبب، بالرقة المحببة، مساحات فنه تغطي كالسماء قبة واسعه من الابداع... احس بأن كلمات هي خبز، هي دواء، هي راكوبة، هي حجر يلقى على وجدان ساكن، كي يحلق في سموات الابداع...
حتى الالحان تتشخذ اشكال غريبة،أقرب للانشاد الديني، وكأنه يلحن بقلبه وليس بعقله، الحانه تذهب لسويداء القلب، كي تسغله من صدأ العادة، والروتين، ويصب في الاذن خمر، كي يدوخ الوجدان ويغرق في نشوة صوفية كبرى. كان ملهما للشعراء والمفكرين والمناضلين، كان حالة خاصة، مدرسة فريدة، ألحانه أقرب لموسيقى علوية، تتسق بها خلايا الجسد..
من أي زاوية ننظر لهذا الهرم الكبير!!؟؟؟
والله محتار... واعتذر، لأني حمت حول الحمى، ولم ارتاد قلب تلك الواحة العظمى، المسماه مجازاً (مصطفى سيد احمد)..
ملحوظة:
(كتب في بوست أخر، لأن مصطفى متعدد، وواحد كأشعة الشمس)...
|
Post: #10
Title: Re: غنيناك ... وبنغني
Author: تيسير عووضة
Date: 01-17-2006, 05:31 AM
Parent: #9
عبدالغني كرم الله
شكرا لك وانت تبحر بنا في عالم هذا الكائن الخرافي
ندخل اليه من كل الابواب ولا نخرج
شكرا للمداخلة القيمة
تسلم
|
Post: #16
Title: Re: غنيناك ... وبنغني
Author: تيسير عووضة
Date: 01-18-2006, 02:58 AM
Parent: #8
يا مطر عِز الحريق
يا مصابيح الطريق
يا المراكبية البتجبِد .. من فك الموج الغريق
جينا ليك والشوق دفرنا
يا نشوق روحنا ودمَرنا
يا المحطات الحنينة القصّرت مشوار سفرنا
ياما شايلك بينى حايم
لا الليالى المخملية
لا العمارات السوامق .. لا الأسامى الأجنبية
تمحى من عينى ملامحِك
وإنتى جاية المغربية
.. دايشة .. داقسة .. المغربية
وشِّك المكبوت .. مكندك
سمسونايتك زمزمية
كون شِبِر .. طورية .. مُنجَل
سِبحِة .. فانوساً مدردح
قلتى بيهن لى زمانِك
يا زمان الحاجة عِندك
يا زمان الآهة حدّك
لا تَطَى الوردة الصبية
|
Post: #55
Title: Re: غنيناك ... وبنغني
Author: احمد العربي
Date: 01-22-2006, 10:29 PM
Parent: #7
|
Post: #57
Title: Re: غنيناك ... وبنغني
Author: تيسير عووضة
Date: 01-23-2006, 06:46 AM
Parent: #55
والله نحن مع الطيور
الما بتعرف ليها خرطة
ولا في إيدا جواز سفر
نمشي في كل المدائن
نبني عشنا بالغناوي
وننثر الأفراح دُرر
الربيع يسكن جوارنا
والسنابل تملا دارنا
والرياحين والمطر
والحبيبة تغني لينا
لا هموم تسكن دروبنا
ولا يلاقينا الخطر
وين يلاقينا الخطر
لو بقينا مع الطيور
الما بتعرف ليها خرطة
ولا باكر يا حليوه
لما أولادنا السمُر
يبقوا أفراحنا
البنمسح بيها أحزان الزمن
نمشي في كل الدروب الواسعة ديك
والرواكيب الصغيرة
تبقى أكبر من مُدن
إيدي في إيدك نغني
والله نحن مع الطيور
الما بتعرف ليها خرطة
ولا في إيدا جواز سفر
|
Post: #11
Title: Re: غنيناك ... وبنغني
Author: Dr. Abdalla Siddig
Date: 01-17-2006, 06:08 AM
Parent: #1
وبنغني
اللهم ارحمه و إغفر له
|
Post: #12
Title: Re: غنيناك ... وبنغني
Author: تيسير عووضة
Date: 01-17-2006, 08:17 AM
Parent: #1
د. عبدالله صديق
رحمه الله بقدر ما كان شفافا
بقدر ما كان صادقا
وبقدر ما كان فنانا
شكرا على المرور
|
Post: #13
Title: Re: غنيناك ... وبنغني
Author: عامر تيتاوى
Date: 01-17-2006, 02:48 PM
Parent: #12
املنا الباقى يسرح بى واهاجر لمدن تانى
تبقى الدنيا فى عينى هجعة موجة فى بحر الاسى الممدود
رحلة غيمة فى درب الضنا المهدود
واهاجر ليك اجوب الدنيا وارجع ليك
اجيك فارسا يشق بعد المسافة الطال
حاجة كدة
|
Post: #14
Title: Re: غنيناك ... وبنغني
Author: khaleel
Date: 01-17-2006, 04:18 PM
Parent: #13
تحياتي
سائلين عليك كل العباد
الجونا منك والمشو
يوماتي سيرتك احلي زاد
لزول غيابك اوحشو
يتنسم الاخبار عليك
ما السيرة ساكت تنعشو
تحية سرمدية للروح ابو سامر
|
Post: #15
Title: Re: غنيناك ... وبنغني
Author: بدر الدين الأمير
Date: 01-17-2006, 04:35 PM
Parent: #14
تيسير اعيرنى شى من حضور مصطفى عندك كى اتحمل واتجمل
قيل من فبل حين تسأل شخص من أنت سوف يقدم لك بطاقته الشخصية
ولكن حين تسأل شعب من أنت فيقدم لك مبدعيه وقادة الرأى فيه كوثائق
|
Post: #17
Title: Re: غنيناك ... وبنغني
Author: تيسير عووضة
Date: 01-18-2006, 03:05 AM
Parent: #13
عامر تيتاوي
إزيك ..
جوّة فى عمق المناجم .. والعيون
حاجة زى ماتكون
محلـّق فى العواصف
فجأة .. تهبط للسكون
شفت الزول دا بيعمل في شنو يا عامر
تسلم على المرور
|
Post: #18
Title: Re: غنيناك ... وبنغني
Author: تيسير عووضة
Date: 01-18-2006, 03:13 AM
Parent: #1
خليل
إزيك ..
حتحت فينا غناه الطاعم
وفات قنعان من خيرا فينا
سلا مات يا زول يا رائع
سلا مات عوافي !
سلا مات يا خلاصة الخير الفي الناس
وترياق الزمن المتعافي
سلا مات يا زول يا رائع
تحية لك ايضا
تسلم على المرور
|
Post: #19
Title: Re: غنيناك ... وبنغني
Author: Muna Khugali
Date: 01-18-2006, 03:26 AM
Quote: يا مطر عِز الحريق
يا مصابيح الطريق
يا المراكبية البتجبِد .. من فك الموج الغريق
جينا ليك والشوق دفرنا
يا نشوق روحنا ودمَرنا
يا المحطات الحنينة القصّرت مشوار سفرنا
ياما شايلك بينى حايم
لا الليالى المخملية
لا العمارات السوامق .. لا الأسامى الأجنبية
تمحى من عينى ملامحِك
وإنتى جاية المغربية
.. دايشة .. داقسة .. المغربية
وشِّك المكبوت .. مكندك
سمسونايتك زمزمية
كون شِبِر .. طورية .. مُنجَل
سِبحِة .. فانوساً مدردح
قلتى بيهن لى زمانِك
يا زمان الحاجة عِندك
يا زمان الآهة حدّك
لا تَطَى الوردة الصبية |
هـل هنـاك كـتابة جميلة بعـد تلك الأبيـات?
عاشت ذكـراه جميـله في وجـدان الشـعب
شـكرا ايسـير علي كـل هـذا الحب..
مـني عـوض خـوجـلي
|
Post: #20
Title: Re: غنيناك ... وبنغني
Author: تيسير عووضة
Date: 01-18-2006, 03:27 AM
Parent: #1
بدر الدين الامير
إزيك ..
Quote: ولكن حين تسأل شعب من أنت
فيقدم لك مبدعيه وقادة الرأى فيه كوثائق |
ونحن سنقدمه للعالم ونقول
هذا مننا
أو
نحن من هذا
تعرف يا استاذ بدر الدين كان عندنا زميلنا في الجامعة بيقول
انا لو بقيت رئيس السودان
اول حاجة حأعملها اشيل أغنية مريم الاخرى بتاعة مصطفى
وابقيها النشيد الوطني للسودان
شفت كيف !
شكرا على المرور
|
Post: #21
Title: Re: غنيناك ... وبنغني
Author: تيسير عووضة
Date: 01-18-2006, 04:55 AM
Parent: #1
الجميلة منى خوجلي
إزيك ..
لقيتك والرزاز .. مدخل
وناديتك :
أقيفى معاى
نشيل كتف الغنا .. الميّل
ونتخيل
شكرا على المرور
|
Post: #22
Title: Re: غنيناك ... وبنغني
Author: jini
Date: 01-18-2006, 06:12 AM
Parent: #1
up
jini
|
Post: #23
Title: Re: غنيناك ... وبنغني
Author: عامر تيتاوى
Date: 01-18-2006, 09:39 AM
Parent: #22
تيسير .. المزيد
ايها الراحل فى الليل وحيدا ضائعا منفردا
حين زارتنى بواكير الخريف كان صيفى جامدا وجبينى باردا
|
Post: #26
Title: Re: غنيناك ... وبنغني
Author: تيسير عووضة
Date: 01-18-2006, 11:34 AM
Parent: #23
تيتاوي
اسمع من صاحب الليل ..
الدنيا ليل غربه ومطر
وطرب حزين وجّع تقاسيم الوتر
شرب الزمن فرح السنين والباقي
هداهو السفر
يا روح غناى الغربه
ملت من شقايا وغربتى
وبقيت براى حاضن اساي
والوحشه ملت من اسايا ووحدتي
|
Post: #25
Title: Re: غنيناك ... وبنغني
Author: تيسير عووضة
Date: 01-18-2006, 11:27 AM
Parent: #22
جني ..
يرفع مقاديرك
شكرا ليك يا ذوق ..
|
Post: #24
Title: Re: غنيناك ... وبنغني
Author: saadeldin abdelrahman
Date: 01-18-2006, 09:55 AM
Parent: #1
ثم اهدتني المنافي
هكذا قد خبروني
ثم قالوا لي ترجل
يا هذه البنت التي
تمتد في دنياي
سهلا وربوعا وبقاع
ما الذي قد صب في عينيك شيئا
من تراجيديا الصراع
خبئيني بين جدران المسام
قبلينى مرة في كل عام
فأنا اشتاق أن أولد
في عينيك طفلا من جديد
ارتديــ اللون البنفسج
اعتلـي شكل الهوية
|
Post: #27
Title: Re: غنيناك ... وبنغني
Author: تيسير عووضة
Date: 01-18-2006, 11:49 AM
Parent: #1
سعد الدين
دي كيف معاك ..
ما معنى أن نحيا ولا ندري
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
هل يختفى الظل الذى لا ينتمى
إلا لمعرفتى وجهلى
هل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى
والرحيل المر دوماً
حين يختلط المدى بالمآسى والمخاوف
وأحتراق الأمنيات
تعِِبٌ هو البرق الذى لا يضيءُ أقبية الخبايا
لا ينتمى للسحبِ
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراف الأغنيات
|
Post: #28
Title: Re: غنيناك ... وبنغني
Author: عامر تيتاوى
Date: 01-18-2006, 03:13 PM
Parent: #27
مصطفى سيد احمد وشعرائه الافذاذ تركوا لنا الدهشة الاولى وما قبل الاخيرة
ياسر مكتوم فى جوف اصداف فتشت عليك بقليب نذاف
لاخبير يهدى لا دليل وصاف
ياسر مكتوم فى جوف اصداف
الريح القاسية عنيدة تمام
طفت القنديل الكان مقدوح من دمع الليل
رمت الُُقنديل الكان نديان فى جرف النيل
رسمت احزان وسؤال حيران فى عيون ايتام
ياعمر مرسوم فى كف اقدار
يا خطاى الطال بيها المشوار
ولم تنته الدهشة بعد
|
Post: #32
Title: Re: غنيناك ... وبنغني
Author: تيسير عووضة
Date: 01-19-2006, 01:37 PM
Parent: #28
تيتاوي ..
Quote: مصطفى سيد احمد وشعرائه الافذاذ
تركوا لنا الدهشة الاولى وما قبل الاخيرة |
وما تركوا لنا خيار
شكرا ايها الجميل
|
Post: #29
Title: Re: غنيناك ... وبنغني
Author: انعام عبد الحفيظ
Date: 01-19-2006, 04:58 AM
Parent: #1
Quote: كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
|
شكرا تيسير
|
Post: #30
Title: Re: غنيناك ... وبنغني
Author: تيسير عووضة
Date: 01-19-2006, 12:59 PM
Parent: #29
انعام عبد الحفيظ ..
قلت ليها
الحقيقة الضايعة بين قلبى وعيونك
إنى لا قادر أفوتك لا أجيك
وإنِّى ما عارف بدونك
ألقى كلمة حب
تزف البشرى فى ساعة مجيك
إنتى عارفة وقلت ليك
يانى أكتر زول بريدك
يانى صفوة عاشقيك
سمعتي بي جنس دا ؟
|
Post: #31
Title: Re: غنيناك ... وبنغني
Author: احمد العربي
Date: 01-19-2006, 01:05 PM
Parent: #30
ها هي الارض
تغطت بالتعب
|
Post: #33
Title: Re: غنيناك ... وبنغني
Author: عامر تيتاوى
Date: 01-19-2006, 02:12 PM
Parent: #31
زى ما بيموت وهج الشعاع
تمتد سحابات الغروب القانى
تشرب روعته
وزى قدر المسافر لمدن مجهولة
لما تضيع خطاوى البهجة فى هم سكتو
حبك صبح اوهام خيال ما صاغت الكلمات مباهج قصتو
برحل عشان انساك واسيب الذكرى فى وجع الدروب
وامسح دموع شمس الهوى المصلوبة فى صمت الغروب
ياريتنى زى وهج الشعاع تمتد سحابات الغروب القانى
تشرب دمعتو
المزيد
|
Post: #36
Title: Re: غنيناك ... وبنغني
Author: تيسير عووضة
Date: 01-19-2006, 04:56 PM
Parent: #33
تيتاوي ..
مصطفي معين لا ينضب
فى عينيك عشم باكر
وزغرودة بتزف لى الناس
خبر زمناً جديد مولود
لقيت غيرك بضيع إسمى
وبقيت أنا حى وزى مفقود
لاقينى يا عشقى الخرافى
لاقينى قبال الزوال
لاقينى فى كل المرافى
زفاف ربيع وفرح قوافى
وإنشرى فى حزن السنابل
غيمة يا كل المشاعل
وأمشى قبّال الصباح
وزعى الطل للأزهار
وأبقى يا شوقى الخرافى
خيروضمى شقا البيادر
لاقينى يا شوقى الخرافى
لاقينى قبال الزوال
غنوة من أزمان بعيدة
طالعة من صخب الدميرة
تلقينى راجيك فى الأماسى
وفى المراسى
وفى الملمات الخطيرة
|
Post: #35
Title: Re: غنيناك ... وبنغني
Author: تيسير عووضة
Date: 01-19-2006, 04:44 PM
Parent: #31
احمد العربي
إزيك ..
هاهي الارض تغطت بالتعب
والبحار اتخذت شكل الفراغ
وأنا مقياس رسم للتواصل والرحيل
أنا الآن الترقب .. وانتظار المستحيل
أنجبتني مريم الأخرى قطاراً وحقيبة
ضيعتني مريم الأخرى قوافي
ثم أهدتني المنافي
هكذا قد خبروني ثم قالوا لي ترجل
ثم انت يا كل المحاور
والدوائر
يا حكايات الصبا
تحفظين السر والمجد الذي
مابين نهديك اختبأ
ليس يعنيك الذي قد ضاع من عمري هبا
وأنا لست أدري ما الذي يدفعني دفعاً إليك
ما الذي يجعلني ابدو حزينا
حين ارتاد التسكع في مرايا وجنتيك
لا عليك
فعلى هذى السفوح المطمئنة
نحن قاتلنا سنيناً وأقتتلنا
نحن شكلنا التآلف في انفعالات الأجنة
وأحتوانا البحر والمد اليقاوم والشراع
يا هذه البنت التي
تمتد في دنياي سهلاً وربوعاً وبقاع
ما الذي قد صب في عينيك شيئاً من تراجيديا الصراع
والمدى يمتد وجدا عابراً هذي المدينة
خبريني
هل انا ابدو حزينا
هل انا القاتل والمقتول حينا
والرهينة
هل انا البحر الذي لا يأمن الآن السفينة
خبئيني بين جدران المسام
قبليني مرة في كل عام
فانا اشتاق ان اولد في عينيك طفلا من جديد
أرتدي اللون البنفسج
أعتلي شكل الهوية
ضيعتني مريم الأخرى سنينا
في انتظار المجدلية
آه لو تأتين آه
من عميق الموج من صلب المياه
كالرحيل
كالترقب وانتظار المستحيل
شكرا يا فنان
مزاجك فنان
|
Post: #34
Title: Re: غنيناك ... وبنغني
Author: Ibrahim Adlan
Date: 01-19-2006, 02:14 PM
Parent: #1
و ما تباعد بينا عوارض
كل ما هواك يا طيبه مكني
وقد مكنا هواك يا ابا سامر
|
Post: #37
Title: Re: غنيناك ... وبنغني
Author: تيسير عووضة
Date: 01-19-2006, 05:05 PM
Parent: #1
ابراهيم عدلان
إزيك ..
أغنى لشعبى ومين يمنعنى
أغنى لقلبى إذا لوّعنى
مخيـّر دربى الما رجعنى
إذا طلعنى نخلة القرب
أو الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
أغنى الناس الما بتسمعنى
المِنِّى بعيدة ومبعدة عنى
النادى نشيدا وكنت المعنى
الإيدى فى إيدا وإيدا بتبنى
فى دنيا جديدة اليوم راح تدنى
وأريت غنواتى فى ناس شغالة
تكون سُندالة وعود طورية
ضراع رجالة كتاب أطفالا
وجملة بالا الما مكرية
سدّة مالا وبقـّة فالا
فى ليلة الدخلة على أسمى قضية
كما اراد ..
غنى لشعبه
وغنى لقلبه
وغناه وصلنا
ورانا اصلنا
تسلم على المرور
|
Post: #38
Title: Re: غنيناك ... وبنغني
Author: عامر تيتاوى
Date: 01-20-2006, 03:53 PM
Parent: #37
عدى فات زمن العيون الحلوة
والصدر الملاذ
ورهافة الحس البلون ضحكة
الناس العزاز
بعد الحنان الكان زمان
استوطن المطر الحراز
|
Post: #41
Title: Re: غنيناك ... وبنغني
Author: تيسير عووضة
Date: 01-21-2006, 02:46 AM
Parent: #38
تيتاوي الجميل
إزيك ..
مصطفى سيد احمد
عدى فات زي النسيم
من بين ايدينا اتسرّب
ياجرح عزة هوانا
الساكنة فى حرف الكتابة
اصلو فى زمان الأسى
المشدود على وتر الكآبة
فى زمان الحرقة والخوف والرتابة
انكتم نبض الأغانى
وانبهم حس المعانى
وانجرح خاطر المهابة
|
Post: #39
Title: Re: غنيناك ... وبنغني
Author: DKEEN
Date: 01-20-2006, 04:10 PM
Parent: #1
Quote: سافِر
سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان .. |
تيسير
دي كلمات اثيرة جدا..سمعناها في نهار الديوم والصحافة ميرغني الثانوية وعباد الرحمن في زمان ليس سمحا ولكن الذين كانو هناك كانو السماحة ذاتا..
تردني الاغنية اليهم دوما..
العطر والاغنيات يحركان الذاكرة ..كلمات الغنية دي ذكرتني بي قميصي الكاروهات البني اب كم قصير وسنتدوشات الطعمية وحافلات الصحافة زلط.. وجكس المعمورة
شكرا تيسير..بعد حين ربما وانا اقرا هذا البوست ساستعيد تلك الذكرى مرة اخرى ..
هنا قد نحتنا تذكرة..
|
Post: #40
Title: Re: غنيناك ... وبنغني
Author: تيسير عووضة
Date: 01-21-2006, 02:34 AM
Parent: #39
دكين
إزيك ..
Quote: بعد حين ربما وانا اقرا هذا البوست
ساستعيد تلك الذكرى مرة اخرى .. |
بكرة بنحكي الشوق للذكرى
نار الريد الغابت تظهر
زمناً ما الزمن دا يا دكين استهلكت هذي الأغاني واستهلكتني
الآن أراها تتداخل مع ذكريات المكان والزمان
كتداخل التروس فيما بينها..
ما تعرف ياتو مدوّر التاني
بعدين تعال هنا
انت طلعت ود حلتنا وانا ما عارفة ؟
|
Post: #44
Title: Re: غنيناك ... وبنغني
Author: DKEEN
Date: 01-21-2006, 08:54 AM
Parent: #40
بت آل عووضة
قتا الديوم وقتا برضو الصحافة زلط وقتا المعمورة
ديل تلاتة حلال ..حلتكم ياتا فيهم هسع؟؟
اكيد ما ديامية ..
وما من حلتنا ..
معناتا من المعمورة ..
جكس المعمورة ده من زمان بنشتت ليهو ورد وكاتل حيلنا..
عاملين بيوتكم السمحة ديك ..شنو ياخ ما ترسلي لينا ميلك في ماسنجر داخلي يمكن بقليل من الحنك والرومانتيك نسكن في الشقة الفوق ..
مسالةاني اشوف لي واحدة واقعد اشوف ليها بيت دي بقت ما جايبة حقها ..
انا اشوف واحدة وكمان اشوف ليها بيت؟؟
كم شوفه هي؟
|
Post: #49
Title: Re: غنيناك ... وبنغني
Author: تيسير عووضة
Date: 01-21-2006, 05:34 PM
Parent: #44
دكاكين ..
قد اكون من حلتكم 
أو
احتمال ما جاورها 
| Quote: انا اشوف واحدة وكمان اشوف ليها بيت؟؟ |
اما بخصوص الشوف فبما انه البوست دا غنائي بحت
يمكن دي تكون لافقة معاك*
جينا نشوف الما بتشاف
ومن اللوم ما بنخاف
من الحاسد والشنّاف
ربنا قدّر وربنا شاف
*بنوثق لي مصطفى سيد احمد
دكين يجي ينزلنا من الظلط
يودينا بالدقداق
|
Post: #42
Title: Re: غنيناك ... وبنغني
Author: Emad Abdulla
Date: 01-21-2006, 04:21 AM
Parent: #1
هذا نشيجٌ نبيل ..
عويلك هذا ..
فالزميه .. رُقيةً في وجه القبح الفبح ..
............
و ..
مَن لنا بفطام ؟
نحبو - مازلنا - عند عتباتك الُأوَلْ ..
على الرغم من بلوغنا مبلغ الرجال ..
نحبو .. حيث لا فطام منك يا سيدي
فـ .. امنحنا السلام
ونُمْ .. وحدك
مشتولا في لهاتنا
|
Post: #43
Title: Re: غنيناك ... وبنغني
Author: احمد العربي
Date: 01-21-2006, 05:51 AM
Parent: #42
في عيونك ضجت الشوق
والهواجس
|
Post: #45
Title: Re: غنيناك ... وبنغني
Author: هشام آدم
Date: 01-21-2006, 01:05 PM
Parent: #43
رجعلك قليبى المهضلم
يراجع صنوف الغناوى .. العصيـّة
يراجع معاك الكلام القبيل إستباكْ
الكلام المبهرج وفاضى
الكلام المزيف
وما فيهو غير إحتلام وإنفصام
تموت الحروف .. يوم تقوم القصائد
مقام الطبول والبخور
بشوفك جرايد شواكر حوامِد
ولا هامِّى فيها
عليها المصايب .. تمام التمام
مغايص بتفرم حشاها
وغباين بتنفُخ بطون البسفـّوا التراب
وحايح لهيب البتنفح .. تلهْـلِبْ .. وتشوى الجلود
أتف القصايد
إذا ما القصايد دايرة ليكى البكا
البصاحب رِضا السرِّدار
وأتف القصايد
إذا ما القصايد بتنزل مريدة
وتسبِّح بحمد الذى إبتلاكى
وهدانى الودار
طريتك وأنا الكنت قايل
خيالك معشعش جوايا
سكنتك .. وما لاقى فِجـّة
أخيرلِكْ أقول البحرِّق حشايا
أخيرلِكْ أفضفِضْ جراب الخبايا
أقول الكلام البفكك سوارك
يوقـِّف جدارك .. ويرفع عضايا
تضيع الرموز التغطى الكلام
أقول السكاكر .. أبتنى ورمتنى .. وكفانا
أقول العساكر .. تبارِى الكبارى
تفتش قلوب الجُهال الشلوخهُمْ .. هويّة
وأغنى الزيود .. والكنانة
كِضِبْ
أقول البنات البفتْحَـنْ صِدورْهِن
يقالدن رشاشك .. ويخلّنْ حبيبهِنْ
كِضِبْ
مُراحك .. يعشِّى .. ويفشِّى
خدارك .. يرطـِّب .. يندِّى الضَهَارِى
تُرابَك يبوسِبْ .. يقوِّم دُخُن .. لو زرعتوا الحجارة
وِلادكْ .. بِلادك .. كروها السَّحالى
تسفِّر سعيتك
تقنِّب تبارى الجداد العُقالى
تجوع يا البشدِّر خريفك سفافى البطانة
ويمطِّر رزازك .. عزازاً حصاية
وقموحك سنابل مُشاط كردفانى
وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة
بتهدر حرايق .. وتحمى البياكلوا المطايب
وتسجن بطون الجياع .. العرايا
وشوشهُم سُمُر .. حَر أباطك
صفوفهُم مقامك .. وحِلمك حِلِمهُم
رغيفة وكرامة .. وسلامة
مصانع بتحرق قبُل تبدا فيها
مزارع بتيبس
ونيلك ممدَّد جنازة
وعقيدك .. وسِيدك .. بيكتب ويمحى
وتبقّ المحاية
|
Post: #46
Title: Re: غنيناك ... وبنغني
Author: هشام آدم
Date: 01-21-2006, 01:09 PM
Parent: #45
بقــول غنــوات
فى البلد البسير جنياتها لى قدّام
ولى الولد البتل ضرعاتو فى العرضة
ويطير فى الدارة صقريّة
ولو السمحة تلت إيد ومدّت جيد
يقوم شايلاهو هاشمية
يشيل شبّالو ختفة ريد .. وريدة روح
وحمرة عين .. وإيدية
ولى الولد البشيل مدقاقو
قولة خير على القمرة
كلام فاسك على أرضك
بيبقى عديلة .. يا بيضة
وببقى زفاف تزغرد ليهو .. قمرية
وقبّال حول تغيم غيمة .. قبلية
ترش الدّارة .. والحدبة الصعيد الحلة
يافرحة نصارة الصفقة
بى النسمة الصعيدية
ويا جهرة نهار الليلة ... بدرية
رحيح جنياتنا فى الحدبة .. الصعيد الحلّة
يا سمحاتنا هولب ــ لب
ويا اللـّوز الفتق فى الوادى
هولب لب
ويا البحر الطمح مدّادى ...هولب لب
يا غنواتنا ياصلواتنا ... هولب لب
سألتك بى الذى ركز الأرض معبد
وسوّى الناس عليها مقام
سألتك بى حشا الأمّات ... ودمعاتنا
سألتك بى كبيداتن ... ودعواتنا
شليل وين راح
يكون ضلّ الخريف ... فاتنا
وشليل وين راح
وزى برق السماك الجابها .. دغشية
وزى زغرودة البطن الكبارية
مرق من شامة القمرة
مليتك بى وداعة الله
ومقدّم بى العديل .... يبرا
تعالوا أبشروا ياجنيات
شليل ما راح ... شليل ما فات
شليل عند المسورو حرق ... بقالو حصاد
شليل فوق التقانت قام ... خدار وبلاد
شليل مسدار ... شليل مشوار
شليلنا أرضنا يا جنيات
شليل قايم نصايص الليل
يتمتم ليلو وردية
حرازنا شليل ... شليلنا دليب
شليلنا دليل على البلدات
بعد درب التبلدية
شليل ما راح ... شليل مافات
شليلنا ونحنا همباتة ومهاجرية
مزارع بات على عشقين .. تراب بلدو
وسماح فوق بت مزارعية
|
Post: #47
Title: Re: غنيناك ... وبنغني
Author: عامر تيتاوى
Date: 01-21-2006, 03:14 PM
Parent: #46
سحابات الهموم ياليل
بكن بين السكات والقول
وباقات النجوم الجن
يعزن فى المطر
فاتن عزاك رجعن
وشوق رؤياك زمان مشدود
على أكتاف خيول هجعن
وصوت ذكراك مكان يجرى
يلاقى السيل
وسر مدفون بصدر النيل
ولولا الذكرى مافى أسف
ولا كان التجنى وقف
وصوت ذكراك رزاز صفق
على خطوات بنات سجعن
وشوق رؤياك
حنين لى رحلة فى المجهول
ولولا الذكرى مافى وصول
ولولا الذكرى مافى
إصول
ولولا الذكرى مافى شجن
دوش دوش دوش
|
Post: #50
Title: Re: غنيناك ... وبنغني
Author: تيسير عووضة
Date: 01-21-2006, 05:51 PM
Parent: #43
الجميل عربي
إزيك ..
في عيونك
ضجة الشوق والهواجس
ريحة الموج البنحلم
فوقو بى جية النوارس
يا ما شان زفة خريفك
كل عاشق ادى فرضو
مافى شمسا طاعمة طلّت
إلا تضحكى ليها برضو
والغمام الفيك راحل
فى الصنوبر يلقى ارضو
والصباح إمتد ياما
كل ما جاوبتى نبضو
نشتهيك
ياما نحلم نحكى ليك عن المسافة
وعن سفن بالشوق بترسم
فى بحيراتك ضفافا
عن ملامح غنوة طلت
فى عويناتك هتافا
عن حقيقة نهاتى بيها
فى أساطير الخرافة
يا صباحات المواني
حتى لو دربك ترنح
فى مشاوير الاغانى
والجرح إرتد بينا
لى زمان الآهة تانى
يا نا لا بنتحاشى صدك
لا بتموت فينا الأغانى
يا غنانا المشتهنو
يانى موعود بى زمانك
بى مواقيتو البرنّو
بارتعاش صرخة وجودك
يوم يطل ميلادى منو
لما إتوسد صباحك
ياتو ليل يفصلنى عنو
ما تجيب لينا طيورك الحلوات ديك
عشان نجيب ليك والله نحن مع الطيور
|
Post: #48
Title: Re: غنيناك ... وبنغني
Author: تيسير عووضة
Date: 01-21-2006, 05:08 PM
Parent: #42
عماد عبد الله
إزيك ..
Quote: هذا نشيجٌ نبيل ..
عويلك هذا ..
فالزميه .. رُقيةً في وجه القبح الفبح .. |
ليس انبل من حزنه
هو من علمنا
الحزن النبيل
وملازمة كل جميل
وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاكي لي آخر المدى
فتيني يا هجعة مواعيدي القبيل
بعتيني لي حضن الأسى
وسبتيني للحزن النبيل
شكرا عماد ..
|
Post: #51
Title: Re: غنيناك ... وبنغني
Author: تيسير عووضة
Date: 01-21-2006, 06:00 PM
Parent: #1
هشام ٌٌآدم
إزيك ..
Quote: وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة |
نحن خاتين على الزول دا كان ردناهو قدر كدة ..
تسلم يا ذوق
|
Post: #52
Title: Re: غنيناك ... وبنغني
Author: تيسير عووضة
Date: 01-21-2006, 06:19 PM
Parent: #1
تيتاوي يا راقي
أزيك ..
من بعد ما عز المزار
والليل سها وملت نجومو الإنتظار
والشوق شرب حزن المواويل
وإنجرح خاطر النهار
وبقيت أعاين في الوجوه
وأسال عليك وسط الزحام
قبال أتوه
يمكن ألاقى البشبهك
ما الليل براح
والشوق تعالي بيندهك
|
Post: #53
Title: Re: غنيناك ... وبنغني
Author: تيسير عووضة
Date: 01-21-2006, 06:31 PM
Parent: #1
احمد العربي
سعد الدين عبد الرحمن
عبد الغني كرم الله
عبد الله صديق
عامر تيتاوي
خليل
بدر الدين الامير
منى خوجلي
جني
انعام عبد الحفيظ
ابراهيم عدلان
دكين
عماد عبد الله
هشام ادم
ما أحلاهم
شالوا معاي الهم بالجملة
هتفوا
البحر البحر البحر
وجوه المركب فضلوا يغنوا
يغنوا
يغنوا
|
Post: #54
Title: Re: غنيناك ... وبنغني
Author: احمد العربي
Date: 01-22-2006, 04:09 AM
Parent: #53
فرحته ما هماني شي
وبكيت وما هماني شي
عندك وقفته من المشي
|
Post: #56
Title: Re: غنيناك ... وبنغني
Author: تيسير عووضة
Date: 01-23-2006, 06:36 AM
Parent: #54
مكتوبة في الممشى العريض
شيلة خطوتك للبنية
مرسومة بالخط العنيد
في ذمة الحاضر وصية
شاهدة التواريخ والسير والإنتظار
أدوني من قبلك مناديل الوصول
وفردت أجنحة العشم
في ساحة الوطن البتول
وضحكت ما هماني شئ
وبكيت ولا هماني شئ
عندك وقفت من المشي
وغرقت في ضوء النهار
كانوا بتمنوك لو ترتاحي لحظة على الدرب
حبوك حب قدر الحروف الحائمة في بطن الكتب
قدر الخيال ما مد يدو على السحب
كل خاطر قال بريدك
إلا ريدك كان رسول الدهشة في كل الديار
وأنا زي عوائد الشعر فارس شد خيل الكلمة ليك
مصلوب على ظهر البداية القالوا آخره بين يديك
قلت يا مهون تهون شان أجيك كنت بريدك ومشتيهك
وأنكسر فيني الترجي ونلت من سفري الخسار
بس داير أقولك يا أصيلة
لو تعب فيني التمني
وإنهتك وتر المغني
لو تسدي علينا طاقات البشائر
وينهزم يوم التجني
|
|