السيّدة الأولى قادمة من بيروت

السيّدة الأولى قادمة من بيروت


02-08-2009, 10:32 AM


  » http://sudaneseonline.com/cgi-bin/sdb/2bb.cgi?seq=msg&board=188&msg=1239813607&rn=74

Post: #1
Title: السيّدة الأولى قادمة من بيروت
Author: هشام آدم
Date: 02-08-2009, 10:32 AM
Parent: #0





.
Post: #2
Title: Re: السيّدة الأولى قادمة من بيروت
Author: هشام آدم
Date: 02-08-2009, 10:34 AM
Parent: #1

عن دار النفائس للطباعة والنشر والتوزيع ببيروت-لبنان
تصدر روايتي الثانية (السيّدة الأولى) والتي قدّمت لها الأستاذة : بدر الدين البزّال
ومن المتوقع أن تنزل "السيّدة الأولى" إلى الأسواق قريباً

* لوحة الغلاف بريشة الفنان الإيراني : إيمان مالكي
Post: #3
Title: Re: السيّدة الأولى قادمة من بيروت
Author: هشام آدم
Date: 02-08-2009, 10:35 AM
Parent: #2

كلمة الناشر:

من بداية الرواية، يتشوّق القارئ إلى الاستزادة من سير أحداثها، يختلط فيها الواقع بالخيال، في الزمان والمكان والأحداث، حتى يخيّل للقارئ من بلدان العالم الثالث أنه يعيش تلك الأحداث، أو أنها تصف الحياة في بلده.

بطلتها السيدة الأولى، ذات الأصول الارستقراطية. لا يبهرها جاه ولا سلطان، ولا حياة الترف التي يؤمنها لها موقعها، بل تسخر –على طريقتها- من كل ذلك؛ لأنها وهي ذات الضمير الحيّ، تعيش التناقض بين شعارات زوجها الرئيس الملك، وواقع الحياة التي يفرضها على شعبه مستغلاً تلك الشعارات.

لن تكفي أسطر قليلة للتعريف بالرواية، ولن أفسد متعة القارئ بالإشارة إلى نهايتها، ولا ضرورة للتعريف بكاتبها مع أنها ليست إنتاجه الأول، فهذه الرواية خير ما يعرف به، ويُبشّر بروائي قلّ نظيره لغة، وأفكاراً، وإحساساً، وإبداعاً.
Post: #4
Title: Re: السيّدة الأولى قادمة من بيروت
Author: هشام آدم
Date: 02-08-2009, 10:40 AM
Parent: #3

مقدمة الرواية

نسق الصراعات الواعية في ( السيدة الأولى )


رواية تبدأ بكابوس وتنتهي بتحقيقه؛ هذه هي القدرة الفذة للروائي الشاب هشام آدم الذي يبدو أنه احترف الغوص في عالم الرواية منذ وجوده في عالم الذر، فهذه الملكات الرائعة في اقتناص الحدث ومن ثم صهره في بوتقة من وعي وتأمل، والتكهّن لما بعد الحدث ثم إعادة تشكيلها في قالبٍ جديد يتخيل له أبعاداً أخرى، فينميه ويبتكر له تفاصيل جديدة لم تخطر البتة على بال الأبطال الأصليين للحدث.

رواية هشام آدم (السيدة الأولى)، هي روايته الثانية من حيث تقديمها لدوران آلة الطبع، تناول فيها حياة السيدة الأولى لدولةٍ ما، في فترةٍ حافلةٍ بالانقلابات السياسية، والصراع على السلطة. وفي أتون هذه الحرب الظالمة الطاحنة تأتي شخصية الرواية المحورية (ليلاتيا) السيدة الأولى، زوجة القائد العسكري فيليوباوتش الذي تبوأ مركز السلطة بالقوة العسكرية، وحكم البلاد بالحديد والنار والشعارات الطنانة.

(ليلاتيا) شهدت تطوراتٍ في شخصيتها ابتداءً من ولادتها في المهد الحريري لأسرةٍ أرستقراطية؛ فوالدها هو المُرابي الكبير، وعندما يوشك على إشهار إفلاسه ينتشله فيليوباوتش بطلب يد كريمته فيقبل دون النظر لرغبتها هي. لكن هشام آدم لم يغفل أن يوضح لنا أن ليلاتيا فتاةٌ متمردةٌ على قيم مجتمعها الزائفة، فكلما أرادت الرجوع إلى بدائيتها وفطرتها التجأت إما إلى كوخها الذي عمّرته في أحضان شجرة بلوط، أو إلى أحضان خادمتها ومربيتها الأفريقية تندراسي. أمانها النفسي يكمن في تندراسي، كما يكمن أمانها الإبداعي في كوخها حيث ترسم.

ليلاتيا الفتاة الجميلة أصبحت سيدة البلاد؛ فكانت بحكم منشأها الأرستقراطي سيدةً أولى دون منازع، وعندما أطيح بزوجها في انقلابٍ آخر، ونفيها معه إلى مكانٍ وضيع اكتفت بكل هدوء بعدّ استدارة الأيام بخطوطٍ أفقية ترسمها على باب الغرفة، وابتساماتٍ ساخرةٍ إزاء كل مفارقة تراها.

ليلاتيا لم تتلق ثقافةً فتحصل بها على آداب الأتيكيت؛ لكنها تمعنت وتأملت في معاني الأشياء؛ فأعطى ذلك بُعداً كامناً لشخصيتها. عندما هربت من المنفى لم يكن هدفها العودة لحالة الرفاهية التي عاشتها من قبل، وإنما كانت تريد أن تصنع مستقبلاً للشعب الذي أحبته، وعاشت شيئاً من معاناته، وتعرفت إلى ظروفه التي لم تكن تراها في القصر الرئاسي. قادت ثورةً تريد منها أن تكون بصمتها في الحياة.

عمق شخصية ليلاتيا وتفردها تؤكدان أن قيادة التحولات والتغيرات في التاريخ لم ولن تتم إلاّ بنخبٍ تمتاز بثقافةٍ وبُعد فكري، وكاريزما تمكنها من كسب قلوب المحيطين بها، وكانت ليلاتيا تمتلك كل ذلك؛ إضافةً إلى حسّها الإنساني الغامر وعاطفتها الجارفة تجاه الآخرين مع رومانسيةٍ طاغيةٍ في كل تصرفاتها. ليلاتيا كانت هنا كجان دارك مناضلةً شنقت بيد جلادها، لكنها أيضاً -بتعليقها على حبل المشنقة- سطرّت لنفسها تاريخاً لا يستطيعه إلاّ أصحاب الهمم النادرة.

شخصية ليلاتيا في الرواية عولجت من خلال شخصياتٍ أخرى: تندراسي وكاستيلو مارسيليو والفتاة البكماء وفيليوباوتش. أتقن هشام آدم تقديم هذه الشخصية كما أتقن الإسقاط السياسي البارع بتناوله قضية الأنظمة الديكتاتورية، وأرضيتها غير الثابتة لأنها ترتكز على الاستبداد، وهذا ما يُولد ظلماً اجتماعياً وسياسياً وفقراً ألمح إليه في الرواية بالخفافيش، وحالة البيوت الصدئة المتهالكة في حي الصفيح، وفي المخيم حيث اللاجئين الهاربين من أتون الصراع، وجحيم المحرقة السياسية.

لا تخلو رواية هشام آدم من الملامح الرومانسية في التصوير، وإبراز جمال الطبيعة حتى أثناء كوابيس ليلاتيا المتكررة؛ بحيث اتخذ النص سمةً جماليةً بالإضافة إلى القدرة القصيّة الجميلة فكانت لديه أخيلة مبتكرة.

اللغة جاءت على درجةٍ عاليةٍ من الشفافية والتناغم مع مستوى الشخصيات الفكري ومنبتها الطبقي، وهذا هو الأدب الحق: تقليد للواقع كما قال اريستوتال؛ كما أنّ دراسة العمق النفسي للشخصيات أتى بارعاً؛ بحيث استطعنا فهم تصرفات كل شخصيةٍ، ونوعية ردود فعلها. تمنيت لو كانت الأحداث مبوبةً في فصولٍ معنونةٍ فهذا أكثر جذباً لانتباه القارئ.

هذه أول مرةٍ يُلقى على عاتقي التقديم لرواية؛ لذا أتمنى ألا أكون قد غمطتها حقها من القراءة، وأتمنى ألا أكون قد أفسدت على القارئ متعة الغوص في عوالم الرواية الجميلة وكلي ثقة بأنها ستحظى بقراءاتٍ غنيةٍ جداً نظراً لتميزها.

ريم بدر الدين البزّال
Post: #7
Title: Re: السيّدة الأولى قادمة من بيروت
Author: Yassir Tayfour
Date: 02-08-2009, 10:46 AM
Parent: #4

مبروك يا هُشام
مزيداً من النجاحات والتوفيق..
Post: #9
Title: Re: السيّدة الأولى قادمة من بيروت
Author: هشام آدم
Date: 02-08-2009, 10:53 AM
Parent: #7

Quote: مبروك يا هُشام
مزيداً من النجاحات والتوفيق..
وحات الله يا ياسر
هُشام بتاعتك دي .. عملت لي كاروشة

الله يبارك فيك يا حبيب
Post: #95
Title: Re: السيّدة الأولى قادمة من بيروت
Author: najma
Date: 02-10-2009, 07:36 PM
Parent: #7

تمنياتى لك دوما بالنجاح اخى هشام

Quote: مبروك يا هُشام
مزيداً من النجاحات والتوفيق....


ياسر طيفور سلامات


عقبال مانبارك ليك قريبا الافراح
Post: #115
Title: Re: السيّدة الأولى قادمة من بيروت
Author: Yassir Tayfour
Date: 02-12-2009, 02:52 AM
Parent: #95

الله يسلمك أيتها النجمة..
___
وأنت أيضاً بخير وموفّقة في كل مسعى..
Post: #5
Title: Re: السيّدة الأولى قادمة من بيروت
Author: محمد مكى محمد
Date: 02-08-2009, 10:41 AM
Parent: #3

الف مبروك يا هشام..مع أطيب الأمانى بالتقدم والإنتاج الغزير..
Post: #6
Title: Re: السيّدة الأولى قادمة من بيروت
Author: وليد محمد المبارك
Date: 02-08-2009, 10:46 AM
Parent: #5

مبروك يا ابو الشوش
Post: #8
Title: Re: السيّدة الأولى قادمة من بيروت
Author: محمد عكاشة
Date: 02-08-2009, 10:50 AM
Parent: #6

مبروك الاف الاف
مزيد من الانتاج
والتقدم
محبتى
Post: #12
Title: Re: السيّدة الأولى قادمة من بيروت
Author: هشام آدم
Date: 02-08-2009, 11:07 AM
Parent: #8

Quote: مبروك الاف الاف
مزيد من الانتاج
والتقدم
محبتى
العزيز : محمد عكاشة

أرد عليك المحبة، بمحبة أخرى
وأشكرك كتييير على التهئنة
وعلى الدعوات الرقيقة دي

يديك ألف ألف عافية
Post: #11
Title: Re: السيّدة الأولى قادمة من بيروت
Author: هشام آدم
Date: 02-08-2009, 11:02 AM
Parent: #6

Quote: مبروك يا ابو الشوش
يا ولّي يا حبيب

الله يبارك فيك ... والمرّة دي لا فيها 1 ولا +1
كرّهتنا الحساب زاتو ياخ (وش ضاحك)

تسلم يا حبيب
Post: #10
Title: Re: السيّدة الأولى قادمة من بيروت
Author: هشام آدم
Date: 02-08-2009, 10:58 AM
Parent: #5

Quote: الف مبروك يا هشام..مع أطيب الأمانى بالتقدم والإنتاج الغزير
أخوي محمد مكيّ

تسلم ألف على التهنئة والدعوات الجميلة دي
والمرّة دي دقسة مافي، الرواية حتنزل المكتبات
السودانية والعربية بصفة عام ..

تحياتي ليك
Post: #13
Title: Re: السيّدة الأولى قادمة من بيروت
Author: هشام آدم
Date: 02-08-2009, 11:19 AM
Parent: #10

شخصيات الرواية

السيّدة الأولى: لِيلاتِيَا لايسر ماتايوس
First Lady: Matayous, Lilatia Laisar 1941 - 1978

الجنرال: جورج فيليوباوتش
General: George Villiopoutch 1921 - 1978

الخادمة تندارسي لابوك
Charwoman: Tandarsi Lapock 1925 - 1978

الصبي: كاستيلو مارسيليو
Young Man: Castillo Marcello 1951 - 1980

فردريكو مارسيليو
Fridriko Marcello 1938 - 1977

سائق العربة: ماك دو فوين
Wagon man: McDo voin 1932 - 1980

السيّد: بيريرا بنيتتو
Mr. Bererra Benito 1907 - 1981

السيّدة: جاسي بيريرا
Mrs. Bererra 1918 - 1980

الكولونيل: جاك جورجيناس (الحكومة الغواتيمالية)
Colonel: Jack Georginas
(Guatemalan Government) 1920 - 1985

الملازم: غارسيا روبيرتو(الحكومة الغواتيمالية)
Quires: Garcia Roberto
(Guatemalan Government) 1947 - 1989

سلفادور باركوزا (النخّاس وصديق عائلة ماتايوس)
Rohelio Barkoza
(Salves Trader & Matayous family Friend) 1897 - 1958

جون لينون ( رجل المافيا )
John Lennon
(Mafia Man) 1921 - 1985
Post: #14
Title: Re: السيّدة الأولى قادمة من بيروت
Author: emadblake
Date: 02-08-2009, 11:23 AM
Parent: #13

مبروك يا هشام

ويا ريت تنزل لينا فصل
Post: #17
Title: Re: السيّدة الأولى قادمة من بيروت
Author: هشام آدم
Date: 02-08-2009, 12:33 PM
Parent: #14

Quote: مبروك يا هشام

ويا ريت تنزل لينا فصل
أخوي عماد بليك

الله يبارك فيك يا حبيب .. أنا قبل كده نزّلت فعلاً
جزء من الرواية هنا بعنوان (عندما يخون الكاتب نصّه)
كانت عبارة عن مقدمة الراوية بتاعت الرواية

الرواية ليست مقسّمة إلى فصول، ولكن أعدك أن
أنشر جزءاً من الرواية بعد الاستئذان من الناشر

تحياتي ليك
Post: #15
Title: Re: السيّدة الأولى قادمة من بيروت
Author: rosemen osman
Date: 02-08-2009, 11:27 AM
Parent: #13

الف مبروك أخى هشام

وبالتوفيق أن شاء ..

يعلم الله فرحت ليك وكأنى أنا الكاتباها


احترامي وتقديري
وعقبال كل الشباب ترى أعمالهم النور
Post: #16
Title: Re: السيّدة الأولى قادمة من بيروت
Author: فيصل محمد خليل
Date: 02-08-2009, 11:54 AM
Parent: #15

هشام ادم

شكرآ
Post: #19
Title: Re: السيّدة الأولى قادمة من بيروت
Author: Elawad Eltayeb
Date: 02-08-2009, 01:20 PM
Parent: #16

ألف مبروك أخي هشام على هذا الإنجاز، نتمنى لك المزيد من النجاحات، لك ولجميع الكتاب السودانيين.
Post: #36
Title: Re: السيّدة الأولى قادمة من بيروت
Author: هشام آدم
Date: 02-09-2009, 07:07 AM
Parent: #19

Quote: ألف مبروك أخي هشام على هذا الإنجاز، نتمنى لك المزيد من النجاحات، لك ولجميع الكتاب السودانيين
الأخ : العوض الطيّب

أشكرك على التهنئة الجميلة، وعلى الأمنيات الراقية
وأضم صوتي إلى صوتك وأتمنى لكل الكتّاب السودانيين
النجاح والتوفيق، وتجاوز خط التهميش المتعمّد والخروج
من القوقعة الحصرية .. إلى فضاءات أرحب وأوسع

لك مني كل التحايا
Post: #27
Title: Re: السيّدة الأولى قادمة من بيروت
Author: هشام آدم
Date: 02-08-2009, 02:11 PM
Parent: #16

Quote: هشام ادم

شكرآ
أخوي فيصل محمد خليل

العفو يا حبيب، ويديك العافية
Post: #18
Title: Re: السيّدة الأولى قادمة من بيروت
Author: هشام آدم
Date: 02-08-2009, 01:09 PM
Parent: #15

العزيزة روز

الله يبارك فيك يا رب، وأشكرك على إحساسك الراقي ده
وعقبال ما نشوف ديوانك الشعري قريب في الأسواق

ألف ألف شكر

تحياتي
Post: #20
Title: Re: السيّدة الأولى قادمة من بيروت
Author: ابو جهينة
Date: 02-08-2009, 01:25 PM
Parent: #18

هشام
سلام يا إبن العم

شيء مفرح

للأمام دائما
Post: #37
Title: Re: السيّدة الأولى قادمة من بيروت
Author: هشام آدم
Date: 02-09-2009, 07:11 AM
Parent: #20

Quote: هشام
سلام يا إبن العم

شيء مفرح

للأمام دائما
أبو جهينة يا قريبي
ألف ألف شكر ليك على التهنئة
وعقبال ما نشوف إنتاجاتك التانية
ولا أقول ليك: خلينا نشوف إنتاج الأول
أول حاجة .. لأني لسه مستني نسختي من
أمادا والأبنوس

تحياتي ليك
Post: #21
Title: Re: السيّدة الأولى قادمة من بيروت
Author: Adil Isaac
Date: 02-08-2009, 01:27 PM
Parent: #18

عزيزي هشام،

تهنئة مزدوجة: بوردية ونوبية ، و على أحر من النار إنتظرإقتناء نسختى من إيفيتا بيرون العربية "السيدة الأولى"، حال تواجدها بالأسواق.

مزيد من الإنتاج و النجاحات.

عادل
Post: #22
Title: Re: السيّدة الأولى قادمة من بيروت
Author: عبدالأله زمراوي
Date: 02-08-2009, 01:32 PM
Parent: #21

آلاف التبريكات للسيدة الأولى وللروائي الشاب هشام وبيروت تنشر
ونحن لك من القارئين. أتمنى أن أقتني هذا العمل الجديد، وأرجو
أن تدلنا على كيفية الحصول على نسخة من الكتاب في الدوحة أو بالبريد
لو أمكن....

ألف مبروك ومزيدا من النجاحات حتى بلوغ الثريا...
Post: #23
Title: Re: السيّدة الأولى قادمة من بيروت
Author: خضر حسين خليل
Date: 02-08-2009, 01:36 PM
Parent: #22

التهاني لك يا صديق بسيدتك الأولي
خبر جميل يا هشام
دة شغل نضيف مافي غير الانتاج الممكن نسد بيهو
الفراغ الكبير الحاصل دة ! ليك الشكر
وكدة أكون طالبك نسختين يا هشام
بالمناسبة انا ساكن في شارع الخزان
يعني لي قدام حبة من (بيتنا القديم داك)
فأبق أعمل مسكول
أو كول أو تعال لينا امسيات
بنكون تمام والحالة زين !
Post: #25
Title: Re: السيّدة الأولى قادمة من بيروت
Author: الملك
Date: 02-08-2009, 01:40 PM
Parent: #23

مبروكـ يا هشام,,,مبروك جداً
Post: #44
Title: Re: السيّدة الأولى قادمة من بيروت
Author: هشام آدم
Date: 02-09-2009, 08:54 AM
Parent: #25

Quote: مبروكـ يا هشام,,,مبروك جداً
الله يبارك فيك جداً .. وشكراً جداً
تعرف يا الملك ... صورة البروفايل بتاعتك دي بتذكرني
بمقطع نثري قصير ما عارف منو الكان بيقولو لكن جميل

"دخلت المقهى فوجدت الكراسي منكفئة
والكراسي منكفئة .. والملاعق منكفئة
والستائر منكفئة .. والطاولات منكفئة
والأكواب منكفئة .. والنادل منكفئ
فانكفأت لأخذ شكل الاعتدال!!"

ياحبيب تسلم على التهنئة مرة تانية
وعلّ انكفاءك ده يكون بغرض الاعتدال
Post: #42
Title: Re: السيّدة الأولى قادمة من بيروت
Author: هشام آدم
Date: 02-09-2009, 08:29 AM
Parent: #23

Quote: التهاني لك يا صديق بسيدتك الأولي
خبر جميل يا هشام
دة شغل نضيف مافي غير الانتاج الممكن نسد بيهو
الفراغ الكبير الحاصل دة ! ليك الشكر
وكدة أكون طالبك نسختين يا هشام
بالمناسبة انا ساكن في شارع الخزان
يعني لي قدام حبة من (بيتنا القديم داك)
فأبق أعمل مسكول
أو كول أو تعال لينا امسيات
بنكون تمام والحالة زين !
خضر حسين (يا مستهبل)

كيفك ياخ .. وإن شا الله البـ ... اختفت (وش شمتان)
الله يبارك فيك يا زميل، وألف شكر يا حبيب على التهنئة
وحقيقي إنتا طالب منّي نسختين فعلاً .. ونسختك من أرتكاتا
موجودة من زمااان وحاولت أتصل عليك مرتين على موبايلك
بس كان مقفول (مرتين في مواعيد واحدة وأيام مختلفة)
بس كنتَ داير أسألك: إنتا موبايلك ده استقبال بس ولا شنو؟

عموماً بحاول أتصل عليك تاني لو ربنا سهّل
وأنا متأكد "إنو راح نتلاقى لو طال النوى"
Post: #39
Title: Re: السيّدة الأولى قادمة من بيروت
Author: هشام آدم
Date: 02-09-2009, 07:58 AM
Parent: #22

Quote: آلاف التبريكات للسيدة الأولى وللروائي الشاب هشام وبيروت تنشر
ونحن لك من القارئين. أتمنى أن أقتني هذا العمل الجديد، وأرجو
أن تدلنا على كيفية الحصول على نسخة من الكتاب في الدوحة أو بالبريد
لو أمكن....

ألف مبروك ومزيدا من النجاحات حتى بلوغ الثريا...
الأخ عبد الإله زمراوي

شكراً كتيير على التهنئة الجميلة دي
بالنسبة للحصول على نسخة من الرواية
فأرجو أن تراجع قائمة الموزعين الرئيسيين
لدى الناشر وأتمنى تكون أحد نقاط التوزيع
دي قريبة منك

أكرر ليك شكري للمرة التانية
ويديك ألف عافية
Post: #24
Title: Re: السيّدة الأولى قادمة من بيروت
Author: نصار
Date: 02-08-2009, 01:38 PM
Parent: #21

مبروك
Post: #26
Title: Re: السيّدة الأولى قادمة من بيروت
Author: داليا حافظ
Date: 02-08-2009, 01:59 PM
Parent: #24

Quote: السيّدة الأولى



مبروكة يا هشام ..ولمن تنزل أكيد حنقراها ...مزيد من الإنتاج ..



قريت رسايلك بهناك ...كتابتك مشوقة جدا ..


ربي يوفقك
Post: #28
Title: Re: السيّدة الأولى قادمة من بيروت
Author: naeem ali
Date: 02-08-2009, 02:13 PM
Parent: #26

مبروك يا هشام
مذيد من التوفيق
بس لما ينزل ورينا
شان نقدر نقرا ونقول مبروك تاني
Post: #29
Title: Re: السيّدة الأولى قادمة من بيروت
Author: الوليد محمد الامين
Date: 02-08-2009, 09:30 PM
Parent: #28

تهانينا ياهشام ... تهانينا
Post: #30
Title: Re: السيّدة الأولى قادمة من بيروت
Author: سارة علي
Date: 02-08-2009, 09:38 PM
Parent: #29

مزيد من النجاح..
Post: #31
Title: Re: السيّدة الأولى قادمة من بيروت
Author: سمير شيخ ادريس
Date: 02-08-2009, 11:09 PM
Parent: #30

أخى هشام ابن آدم
تحياتى
شايف الناس كلها نازلة مبروك مبروك مبروك .. لامن قلت يكونوا عقدوا خلاص ..ما ح أبارك زيهم لكن ح أشاتر .. بعدين ياخى أنا عارف عنك من أيام الجامعة انك شاعر ( ثورجى ) كنت بسمع منك شعر على وزن زنازين ومشانق وبنادق .. أول مرة أعرف انك قاص ونشرت قبل كدة كمان .. ومتين عملت ( تغيير غرض ) وأوعى يكون ناس المحلية شالوا منك رسوم كتيرة ..؟
وبعدين ياخى تعال شنو الأسامى ال عاملة زى الأدوية دى ساعة أستهجى الاسم تعبتنى زى أسامى ماركيز تلقى الواحد اسمه الأول من خمستاشر حرف .. وليه الرواية فى غواتيمالا ما فى ( الرتينة بقت ) أو (عد الغنم ) أو (البقوباب ريفى الشلعاب ) ياخى فى واقعية سحرية أكتر من المحن ال قلتها ليك دى لامن تحير الساحر بتاع السحرية ذاته .
الناس هنا بتجامل كتير أول ما تكتب نص أدبى يجوك ناطين يا شفيف/ة يا وريف/ة ياخفيف/ة يا رهيف/ة لامن الزول يحس انه ح يتقدة من شدة الرهافة وما لاحظت للآن دراسة أو تحليل نقدى ممكن يستفيد منه الكاتب الا ما ندر ..لأنه الكاتب بحتاج أكتر للنقد الجيد واظهار عيوبه أكتر من الاطراء دون بصيرة ورؤية نقدية .. ورحم الله قسم النقد بمعهد الموسيقى والمسرح طلبته بقروا ساكت ما عرفوا نقاد مدرسة ( الانطباعية المجاملاتية ) لغاية ما تحس من كترة المجاملات انك فى بيت سماية .
دى مقدمات مدرسة نقدية فنية ألفتها براى ومن زمن محتاج نص أطبق فيهو أسس مدرستى والله جابك لى براك وانت صاحبى ما ح تزعل لو نقدى طلع ما مجاملاتى .
أخى هشام (خلينا جادين ) ...
أتابع باهتمام كتاباتك من مدة قصيرة وأقارن بينها وما قرأته لك سابقا فى أيامنا الخوالى .. أحسست بأن هنالك فرق وأنك صرت متمكنا من الامساك بلجام المفردات بشكل أكثر سلاسة وتمكنا لكننى أحتاج لأن أقرأك أكثر لأكون رأيا أكثر شمولية وموضوعية حتى أستطيع استيعاب القفزة النوعية التى حدثت وأتجاوز الصدمة الكهرومغنطيسية العاطفية التى تنتابنى آن قراءتك ولا عزاء لأديبنا على المك آن تدلهم عليه العواصف .. أرسل لى الرواية أو ما تيسر لك من فائض هذيانك حتى أستطيع أن أقول وبصدق :( مازال هذا النوبى يهذى حتى كتب نصا ) .
ودمت موفقا
Post: #32
Title: Re: السيّدة الأولى قادمة من بيروت
Author: قيقراوي
Date: 02-08-2009, 11:34 PM
Parent: #31

مبروك . . . مبروك . . . مبروك . . .
حتى قلنا ليته سكت . . .

دا حالي انا . . .



من الفرح ليك يا هُشام . . .
و اريتو حالك يابا حالي يأ هُشام



زمن الديش صاح التعلمجي :
الحصة اعلمكم بندقة آلية كلاشنكوف مكونة من حديد و خشب . . . أي سؤال ؟
اللحظة ديك كلنا ضجينا بالاسئلة .

اللحظة عاطفية كهرومغنطيسية خلونا نفرح ياخ . . . النقد ملحوق . . . هو ذاتو مش بعد نقرأ الاول ؟
Post: #33
Title: Re: السيّدة الأولى قادمة من بيروت
Author: Amany Elamin
Date: 02-09-2009, 05:15 AM
Parent: #32

مبروك..

سيدتك الأولي..
Post: #34
Title: Re: السيّدة الأولى قادمة من بيروت
Author: اسعد الريفى
Date: 02-09-2009, 05:27 AM
Parent: #33

الاخ هشام
نبارك لك الاصدار
و فى انتظار السيدة الاولى
Post: #35
Title: Re: السيّدة الأولى قادمة من بيروت
Author: Elmuez
Date: 02-09-2009, 05:54 AM
Parent: #34

أضم صوتي لصوت المهنئات و المهنئين يا هشام
على أمل أن أتحصل على الروايتين بحجر واحد قريبا !
تهاني القلبية ..

معز
Post: #60
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:34 PM
Parent: #35

Quote: أضم صوتي لصوت المهنئات و المهنئين يا هشام
على أمل أن أتحصل على الروايتين بحجر واحد قريبا !
تهاني القلبية ..
الحبيب المعز

كيفك يا صديقي! ألف شكر ليك على التهنئة الرقيقة
دي .. وبالنسبة للنسخ، فإن شاء الله الرواية ح تكون
قريب متواجدة في الأسواق السودانية والعربية زي ما
هو موضح في قائمة نقاط التوزيع بتاعت الناشر

أما بالنسبة لأرتكاتا .. فالمشكلة شوّية عويصة بس
ولا يهمك رسّل لي عنوانك البريدي وأنا برسل ليك نسخة
كادو .. زي ما بيقولو

يديك ألف عافية
Post: #58
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:29 PM
Parent: #34

Quote: الاخ هشام
نبارك لك الاصدار
و فى انتظار السيدة الاولى
الأخ : أسعد الريفي

الله يبارك فيك يا حبيب، وإن شاء الله الرواية
تعجبك وتكون قدر المقام وقدر التطلعات

يديك العافية
Post: #56
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:22 PM
Parent: #33

Quote: مبروك..

سيدتك الأولي..
أماني الأمين

الله يبارك فيك .. ويديك ألف عافية

تحياتي ليك وأتمنى حراق الروح
ما يكون مستمر لغاية حسي :)
Post: #54
Title: Re: السيّدة الأولى قادمة من بيروت
Author: هشام آدم
Date: 02-09-2009, 01:59 PM
Parent: #32

Quote: مبروك . . . مبروك . . . مبروك . . .
حتى قلنا ليته سكت . . .
أحب الأشياء إلى القلب
صحبة الأخوان، وعشرة الخلان
وكان متكئاً فجلس .... "ألا ومشاركة الأصدقاء فرحي"
هذه حالي أنا يا قيقر


وقريبات دي تلقى الروايات في مكتبات جرير عندكم
بس أمانة عليك يا قيقر .. أمانة عليك

ما تتسلّف وتشتري ... أشتري بقروشك ياخ (وش ضاحك شديد)

تسلم يا حبيب والله يديك العافية
Post: #53
Title: Re: السيّدة الأولى قادمة من بيروت
Author: هشام آدم
Date: 02-09-2009, 01:53 PM
Parent: #30

Quote: مزيد من النجاح..
العزيزة سارة علي

تسلمي لي يا رب .. أشكرك على هذه الأمنيات الجميلة

يديك ألف ألف عافية
Post: #52
Title: Re: السيّدة الأولى قادمة من بيروت
Author: هشام آدم
Date: 02-09-2009, 01:51 PM
Parent: #29

Quote: تهانينا ياهشام ... تهانينا
الأخ الوليد محمد الأمين
الله يبارك فيك ويهنيك بأيامك يا رب
تسلم كتير يا زوق
Post: #50
Title: Re: السيّدة الأولى قادمة من بيروت
Author: هشام آدم
Date: 02-09-2009, 01:03 PM
Parent: #28

Quote: مبروك يا هشام
مذيد من التوفيق
بس لما ينزل ورينا
شان نقدر نقرا ونقول مبروك تاني
أخوي نعيم علي

الله يبارك يا حبيب .. وأكيد أول
ما تصلني النسخ المجانية حنزل
لي بوست أو أرفع البوست ده زاتو
أوريكم الحاصل شنو بالضبط

تسلم يا حبيب وربنا يدك العافية
Post: #49
Title: Re: السيّدة الأولى قادمة من بيروت
Author: هشام آدم
Date: 02-09-2009, 12:27 PM
Parent: #26

Quote: مبروكة يا هشام ..ولمن تنزل أكيد حنقراها ...مزيد من الإنتاج ..
قريت رسايلك بهناك ...كتابتك مشوقة جدا ..
ربي يوفقك
العزيزة داليا حافظ

الله يبارك فيك يا رب، وبالجد أتمنى إن الرواية
تنال حقها من القراية. لأنو الرواية الفاتت
"أرتكاتا" ما اتنشرت كويس وبالتالي ففي ناس
كتار جداً ما قدرت تقراها

بالنسبة للرسايل .. ياخ الرسايل دي ما طلّعت
زيتي زاتو .. وقدر ما داير أمهلها ما دايرة
تتمهل كله كله ...

تسلمي يا زولة وربي يوفقك ويديك العافية
Post: #48
Title: Re: السيّدة الأولى قادمة من بيروت
Author: هشام آدم
Date: 02-09-2009, 11:30 AM
Parent: #24

Quote: مبروك
الله يبارك فيك يا نصّار
Post: #38
Title: Re: السيّدة الأولى قادمة من بيروت
Author: هشام آدم
Date: 02-09-2009, 07:43 AM
Parent: #21

Quote: عزيزي هشام،

تهنئة مزدوجة: بوردية ونوبية ، و على أحر من النار إنتظرإقتناء نسختى من إيفيتا بيرون العربية "السيدة الأولى"، حال تواجدها بالأسواق.

مزيد من الإنتاج و النجاحات
العزيز : عادل إسحق

تجنباً لـ"دقسة" أرتكاتا الأولى فإنني اتفقت مع الناشر أن يكون
التوزيع خارج بيروت ويشمل المنطقة العربية وشمال أفريقيا
وأفادني بقائمة الموزعين الرئيسيين لديه على النحو التالي:

(1) سوريا:
دمشق (دار النفائس)
حلب (مكتبة الاصمعي)

(2) الأردن:
عمان (مكتبة دنديس)

(3) مصر:
القاهرة (دار السلام للطباعة والنشر والتوزيع)
القاهرة (مكتبة وسط المدينة - 120 شارع الأزهر الرئيسي)
القاهرة (مكتبة مدينة نصر - 1 شارع الحسن بن علي متفرع من شارع علي أمين
الاسكندرية (مكتبة الإسكندرية - 127 شارع الإسكندر الأكبر)

(4) الجزائر:
الجزائر العاصمة (دار العزة والكرامة - منطقة الدار البيضاء)
وهـران (دار العزة والكرامة - مقابل الاذاعة)

(5) السعودية:
الرياض (مكتبة العبيكان)
الرياض (مكتبة الرشد)
الرياض (مكتبة جرير ش العليا)
الرياض (مكتبة جرير ش الأحساء)
الرياض (مكتبة جرير ش الملك عبد الله
الرياض (دار التدمرية)
جدة (الدار السعودية)
جدة (مكتبة المأمون)
جدة (مكتبة جرير شارع فلسطين)
جدة (مكتبة جرير ش التحلية)
جدة (المكتبة العصرية)
الدمام (الدار السعودية شارع الملك سعود)
الدمام (الدار السعودية ش الظهران)
الدمام (مكتبة المتنبي)
الدمام (مكتبة جرير الشارع الأول)
مكة المكرمة (مكتبة إحياء التراث الاسلامي - بجوار كوبري الزاهر)
الإحساء (مكتبة جرير شارع الظهران)
الخبر (مكتبة جرير شارع الكورنيش)
الخبر (مجمع الراشد)

(6) تركيا:
استانبول (مكتبة الإرشاد)

(7) اليمن:
مكتبة الإرشاد
مكتبة الجيل الجديد

(8) الإمارات العربية المتحدة:
أبو ظبي (مكتبة الصفاء)
أبو ظبي (مكتبة جرير)

(9) الكويت:
مكتبة ابن كثير
مكتبة دار البيان
مكتبة جرير

(10) البحرين:
المكتبة الوطنية (وفروعها)

(11) المغرب :
الدار البيضاء (الشركة الجديدة دار الثقافة)
الرباط (دار الامان)

(12) تونس :
مكتبة نومام للنشر والتوزيع
SOBBIS

(13) قطر:
مكتبة المدارس
دار الثقافة

(14) فلسطين :
مكتبة ماهر دنديس

(15) الولايات المتحدة الأمريكية:
مكتبة جرير العربية
Post: #40
Title: Re: السيّدة الأولى قادمة من بيروت
Author: معروف حمدين
Date: 02-09-2009, 08:06 AM
Parent: #38

حبيبنا هشام
الف مبروك بزوغ السيدة الأولي
مع الامنيات لك بمزيد من التقدم والنجاحات ..
تستاهل يا حبيب ..
وعاوزين حقنا ناشف !!!!!
Post: #62
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:37 PM
Parent: #40

Quote: حبيبنا هشام
الف مبروك بزوغ السيدة الأولي
مع الامنيات لك بمزيد من التقدم والنجاحات ..
تستاهل يا حبيب ..
وعاوزين حقنا ناشف !!!!!
تستاهل العافية يا معروف والهناي دييك :)
الله يبارك فيك يا حبيب وأتمنى لما تقرا الرواية تورينا رأيك فيها
نظام بروبوقاندا واللازي منو زي ما عارف طبعاً (:) على العموم
بالنسبة للحق الناشف، فأنا النشاف ده ما بدورو لكن عشانك بس
حقك محفوووووظ وفي أيّ وكت يا حبيب .. انت تأمر أمر بس

يديك ألف عافية
Post: #41
Title: Re: السيّدة الأولى قادمة من بيروت
Author: انعام عبد الحفيظ
Date: 02-09-2009, 08:22 AM
Parent: #38

يا سلااااام يا هشام فرحت بيك جداً

الف مبروك وبالتوفيق يا رب
Post: #43
Title: Re: السيّدة الأولى قادمة من بيروت
Author: dardiri satti
Date: 02-09-2009, 08:51 AM
Parent: #41

هشام ،
تحياتي.
شوقتنا بهذه المقدمة.
بس وين نلقى الرواية؟؟

الظاهر ما مكتوب لينا نوم مع الروائع
البتظهر كل يوم!!

تحياتي
Post: #45
Title: Re: السيّدة الأولى قادمة من بيروت
Author: مازن الجمّال
Date: 02-09-2009, 09:31 AM
Parent: #43

هشام يا فردة

ألف مبروك والله

ورسل لي نسختي على هنا
Post: #46
Title: Re: السيّدة الأولى قادمة من بيروت
Author: محمد الطيب يوسف
Date: 02-09-2009, 09:42 AM
Parent: #45

ونحن في إنتظار السيدة الأولي

علي نار يا هشام

إنشاء الله حتنزل في جرير؟؟
Post: #47
Title: Re: السيّدة الأولى قادمة من بيروت
Author: دوت مجاك
Date: 02-09-2009, 10:01 AM
Parent: #46

مبروك يا حبيب
وعقبال الرواية المئة
لمن تصل الدوسان ومر من المراقبة وهلمجرا قول لينا عوووك
Post: #51
Title: Re: السيّدة الأولى قادمة من بيروت
Author: abookyassarra
Date: 02-09-2009, 01:30 PM
Parent: #47

ألف مبروك ..

ففرحتنا .. فرحتنان

بتعرفنا إلى أديب رائع مثلك

وإنضمام عمل أروع للمكتبة السودانية

التى كاد يصيبها البوار


( نحتاج أن تعرفنا لناشركم الموقر لأن هناك

أكثر من عمل سودانى لأدباء تربطنا بهم صلات

تحتاج لإخراج وتوزيع لائق كما تفعل أنت )

تحياتى

أبوالساره
Post: #55
Title: Re: السيّدة الأولى قادمة من بيروت
Author: الرفاعي عبدالعاطي حجر
Date: 02-09-2009, 02:12 PM
Parent: #51

مبرووووووووك كتير صديق





والله حاجة تفرح لك المودة .







..........................................................حجر.
Post: #57
Title: Re: السيّدة الأولى قادمة من بيروت
Author: Shamael Elnoor
Date: 02-09-2009, 02:28 PM
Parent: #55

هشام آدم


مبرووووووووووووكـ والله

لكن الحكاية شنو ؟ انت ومحمد عكاشة


اشتم رائحة غريبة حول زوجة الرئيس والسيدة الاولى

انا طبعا جيت داخلة وخات موضوع السيدة الاولى داكـ في راسي ،،، وفجاة القاها راوية


ــ
بوست ماسورة ياهش
Post: #61
Title: Re: السيّدة الأولى قادمة من بيروت
Author: العوض المسلمي
Date: 02-09-2009, 02:36 PM
Parent: #57

هشام ادم سلام

والف مبروك

ويا شمائل شنو الكلام ده

Quote: بوست ماسورة ياهش


كلام يا عوض دكام
Post: #66
Title: Re: السيّدة الأولى قادمة من بيروت
Author: Shamael Elnoor
Date: 02-09-2009, 02:55 PM
Parent: #61

عمو العوض


الليلة شنو المقصات دي



ـــــ
إيصالاتنا خلصانة والله ،، ادينا الفيها النصيب (وش عامل مخالفة)
Post: #83
Title: Re: السيّدة الأولى قادمة من بيروت
Author: هشام آدم
Date: 02-10-2009, 07:36 AM
Parent: #61

Quote: هشام ادم سلام
والف مبروك
العوض المسلمي وعليكم السلام
والله يبارك فيك
Post: #67
Title: Re: السيّدة الأولى قادمة من بيروت
Author: هشام آدم
Date: 02-09-2009, 03:19 PM
Parent: #57

Quote: بوست ماسورة ياهش
شمايل (الزولة المستنيرة)

والله يا شمايل بوستي ما ماسورة ولا حاجة
انتي اللي شمارك حاااار ... مالك ومالي (وش مدردق في النجيلة)

قلتي ليك الموضوع Nil ؟؟ (هههههههه)
معليش .. علشان خاطر الزولة الفي بروفايل بنعدّيها ليك

Post: #59
Title: Re: السيّدة الأولى قادمة من بيروت
Author: عبدالوهاب علي الحاج
Date: 02-09-2009, 02:32 PM
Parent: #55

هشام ( بضم الهاء )
مزيد من النجاح
Post: #86
Title: Re: السيّدة الأولى قادمة من بيروت
Author: هشام آدم
Date: 02-10-2009, 11:08 AM
Parent: #59

Quote: هشام ( بضم الهاء )
مزيد من النجاح
يا عبد الوهاب ... كدي خلي النجاح ده
إنت جادي في ضم الهاء دي؟ :D

يديك ألف عافية ياخوي ويعرّس ليك

قولي آمين :D
Post: #82
Title: Re: السيّدة الأولى قادمة من بيروت
Author: هشام آدم
Date: 02-10-2009, 07:13 AM
Parent: #55

Quote: مبرووووووووك كتير صديق
والله حاجة تفرح لك المودة
الرفاعي عبد العاطي يا صديقي

الله يبارك فيك ويكتّر خيرك يا جميل
تسلم على التهنئة الرقيقة دي وربنا
يديك ألف ألف عافية

ياخ أنا زعلان منك يا راجل!!
Post: #81
Title: Re: السيّدة الأولى قادمة من بيروت
Author: هشام آدم
Date: 02-10-2009, 07:03 AM
Parent: #51

Quote: ألف مبروك ..

ففرحتنا .. فرحتنان

بتعرفنا إلى أديب رائع مثلك

وإنضمام عمل أروع للمكتبة السودانية

التى كاد يصيبها البوار


( نحتاج أن تعرفنا لناشركم الموقر لأن هناك

أكثر من عمل سودانى لأدباء تربطنا بهم صلات

تحتاج لإخراج وتوزيع لائق كما تفعل أنت )

تحياتى
أخونا أبو سارة

ياخ الشرف لي أنا والله وبهؤلاء الأخوان اللي بيفرحوا لفرحي ويحزنوا لحزني وربنا ما يوّري زول حزن ولا هم ولا غم أبداً .. ويجعل أيامنا كلها أفراح وإنجازات ونجاحات على طول. أول حاجة بشكر على التهنئة الجميلة دي. وبالنسبة للناشر فأنا ح أديك تفاصيل عنو زي ما جا في الموقع بتاعو:

تأسست دار النفائس في بيروت سنة 1970، مؤسسها أحمد راتب عرموش (ماجستير دراسات اسلامية). ولم يكن الاختصاص في النشر مألوفاً في ذلك الوقت، فبدأت في نشر المواضيع الجادة في مختلف حقول المعرفة وأولت اهتماماً خاصاً لقضية فلسطين، قضية العرب الأولى، و التراث العربي والإسلامي، والدراسات الإسلامية، والتاريخ، وعلم النفس، وعلوم الصحة والتغذية وكتب الأطفال وغيرها.

وكانت مكاتب الدار في وسط العاصمة بيروت، في سوق المكتبات، و ضمن بناء تتمركز فيه معظم دور النشر. فأصابها ما أصاب الأسواق التجارية في أثناء الحرب اللبنانية، فدمرت مكاتبها، و تضررت مستودعاتها، فانتقلت من مكان إلى آخر حتى استقرت في شارع رشيد كرامي (فردان)، و هو من أشهر شوارع بيروت التجارية. و تمكنت بفضل الله و عونه من متابعة رسالتها خلال تلك السنوات القاسية، وكانت تصدر الجديد من الكتب في كل عام. وعنـوانــها:

بيروت – شارع رشيد كرامي (فردان) – بناية الصباح وصفي الدين – الطابق الثالث
ص.ب: 5152/14 الرمز البريدي 2020 1105
هاتف: 810194 1 961 00 – 803152 1 961 00
فاكس: 861367 1 961 00
E-MAIL: [email protected]
أو
[email protected]
Web Site: www.alnafaes.com[/B]
Post: #79
Title: Re: السيّدة الأولى قادمة من بيروت
Author: هشام آدم
Date: 02-10-2009, 06:20 AM
Parent: #47

Quote: مبروك يا حبيب
وعقبال الرواية المئة
لمن تصل الدوسان ومر من المراقبة وهلمجرا قول لينا عوووك
أخونا دوت مجاك يا لذيذ
ألف شكر ليك يا حبيب على التهنئة الجميلة جداً دي
بالنسبة لوصول الرواية للدوسان فأنا بيتخيّل لي إنو
الحكاية دي حتكون بعد معرض الرياض الدولي للكتاب
يعني بعد شهر مارس الجاي قدامنا ده .... وما تخاف
يازول بنقول ليك عوووووووك وعروروك كمان (وش مبتسم)

ألف ألف شكر ليك
ويديك ألف عافية يا حبيب
Post: #69
Title: Re: السيّدة الأولى قادمة من بيروت
Author: هشام آدم
Date: 02-09-2009, 04:10 PM
Parent: #46

Quote: ونحن في إنتظار السيدة الأولي

علي نار يا هشام

إنشاء الله حتنزل في جرير؟؟
أخوي محمد الطيّب

الرواية سوف يتم نشرها وتوزيعها عبر مراكز ونقاط
التوزيع الموضحة في القائمة الفوق دي ومن بينها
جميع فروع مكتبات جرير في السعودية "تقريباً"

ولمزيد من المعلومات عن مراكز التوزيع دي ممكن
تزور موقع الناشر على العنوان ده :

http://www.alnafaes.com

وعقبال ما نشوف "الحبل السري" في المكتبات قريب
Post: #65
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:53 PM
Parent: #45

Quote: هشام يا فردة

ألف مبروك والله

ورسل لي نسختي على هنا
هنا ولا هناك يا مازن ؟؟؟

غايتو "هنا" بتاعتك دي كان بقت "هنا" بتاعتي
تكون اتلومت معاي جنس لوم .. الله يمرقك مني بس

يديك العافية يا حبيبنا ويبارك ليك
Post: #64
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:42 PM
Parent: #43

Quote: هشام ،
تحياتي.
شوقتنا بهذه المقدمة.
بس وين نلقى الرواية؟؟

الظاهر ما مكتوب لينا نوم مع الروائع
البتظهر كل يوم!!

تحياتي
درديري يا عسل

انت النايم ليها شنو أساساً؟ :)
خليك صاحي ونوم الظهر قالوا نومة
الظهر دي بتطوّل العمر وتمنع الصلع
شايف حكاية الصلع دي ماشية في البورد
الأيام دي ... كافي البلا

غايتو يا حبيب الرواية بتنزل الأسواق
كمان كم أسبوع ... عوّد نفسك من حسي
على نومة الظهر دي

يدك ألف عافية
Post: #63
Title: Re: السيّدة الأولى قادمة من بيروت
Author: هشام آدم
Date: 02-09-2009, 02:39 PM
Parent: #41

Quote: يا سلااااام يا هشام فرحت بيك جداً
الف مبروك وبالتوفيق يا رب
أنعام عبد الحفيظ
ياخ الله يفرّح قلبك، ويجعل أيامك كلها أفراح
قولي: آمين! .. تسلمي على التهنئة الجميلة
دي وعلى الأماني الرقيقة ..

ويديكي ألف ألف عافية
Post: #68
Title: Re: السيّدة الأولى قادمة من بيروت
Author: حمور زيادة
Date: 02-09-2009, 03:23 PM
Parent: #63

مبارك باذن الله استاذ هشام
Post: #70
Title: Re: السيّدة الأولى قادمة من بيروت
Author: هشام آدم
Date: 02-09-2009, 04:18 PM
Parent: #68

يا سمير شيخ إدريس

أنا ما فطّيتك جهالة ياحبيب .. داير أقعد ليك برواقة
وأردّ ليك آخر زول، علشان كلامي معاك ما يضيع شمار في
مرقة .. كلامك القلتو فوق ده كلام جميل ويستاهل القعاد
والمهلة في الإجابة

ياخي مشتاق ليك جنس شوق!!!
Post: #71
Title: Re: السيّدة الأولى قادمة من بيروت
Author: حواء سليمان ابراهيم
Date: 02-09-2009, 06:00 PM
Parent: #70

Quote: الف مبروك وبالتوفيق يا رب


Post: #72
Title: Re: السيّدة الأولى قادمة من بيروت
Author: عبدالمجيد صالح
Date: 02-09-2009, 06:29 PM
Parent: #71

مبروك هشام ادم
Post: #73
Title: Re: السيّدة الأولى قادمة من بيروت
Author: عبدالكريم الامين احمد
Date: 02-09-2009, 06:51 PM
Parent: #72

الف مبروك ياهشام
وكل التهاني بهذا الكسب الكبير
فمولد كتاب يعني الكثير..الكثير من اجل الانسانية..
وكل التقدير
Post: #74
Title: Re: السيّدة الأولى قادمة من بيروت
Author: M A Muhagir
Date: 02-09-2009, 08:24 PM
Parent: #73

الف الف مبروك يا اخ هشام ادم

ومزيد من التقدم فى دنيا الادب
Post: #92
Title: Re: السيّدة الأولى قادمة من بيروت
Author: هشام آدم
Date: 02-10-2009, 02:39 PM

Quote: الف الف مبروك يا اخ هشام ادم

ومزيد من التقدم فى دنيا الادب
الأخ محمد عبد الرحيم مهاجر

تسلم يا حبيب على التهنئة .. وإن شاء الله المزيد
والأجمل قادم بالتأكيد فقط نحتاج إلى دعمكم

تحياتي لك يا عزيزي
Post: #75
Title: Re: السيّدة الأولى قادمة من بيروت
Author: Alsa7afa_30
Date: 02-09-2009, 08:45 PM
Parent: #73

ألف مبروك أخ هشام ..
Post: #76
Title: Re: السيّدة الأولى قادمة من بيروت
Author: محمد صباحى
Date: 02-09-2009, 09:10 PM
Parent: #75

مبروك
Post: #77
Title: Re: السيّدة الأولى قادمة من بيروت
Author: حامد محمد حامد
Date: 02-09-2009, 09:25 PM
Parent: #76

مبروك يا هشام ومزيد من الاصدارات

وفقك الله

كن بخير
Post: #78
Title: Re: السيّدة الأولى قادمة من بيروت
Author: Kostawi
Date: 02-09-2009, 09:31 PM
Parent: #77

الف الف مبروك
Post: #101
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:46 AM
Parent: #78

Quote: الف الف مبروك
كوستاوي يا حبيبنا
الله يبارك فيك يا جميل وربنا يديك ألف عافية

كن بخير
Post: #100
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:44 AM
Parent: #77

Quote: مبروك يا هشام ومزيد من الاصدارات

وفقك الله

كن بخير
الأخ حامد محمد حامد

الله يبارك فيك يا حبيب وإن شاء الله الرواية تعجبك
وتعجب الأخوة القراء يا رب

يديك ألف عافية
Post: #99
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:41 AM
Parent: #76

Quote: مبروك
أخوي محمد صباحي
الله يبارك فيك ويديك ألف عافية
وبالتأكيد من حقك تصوّر وتتصوّر كمان (وش هازل)

تحياتي
Post: #93
Title: Re: السيّدة الأولى قادمة من بيروت
Author: هشام آدم
Date: 02-10-2009, 02:45 PM
Parent: #75

Quote: ألف مبروك أخ هشام .
أخوي الصحافة 30
الله يبارك فيك يا حبيب .. ويديك ألفي بالك

تحياتي لك وألف تحية
Post: #91
Title: Re: السيّدة الأولى قادمة من بيروت
Author: هشام آدم
Date: 02-10-2009, 02:14 PM
Parent: #73

Quote: الف مبروك ياهشام
وكل التهاني بهذا الكسب الكبير
فمولد كتاب يعني الكثير..الكثير من اجل الانسانية..
وكل التقدير
الأخ : عبد الكريم الأمين أحمد
الله يبارك فيك ويبارك في شبابك
كلامك ده يا عبد الكريم بيدي الزول
دفع قوية للكتابة وللإنتاج

قول يا رب

تسلم وألف ألف شكر
Post: #90
Title: Re: السيّدة الأولى قادمة من بيروت
Author: هشام آدم
Date: 02-10-2009, 02:08 PM
Parent: #72

Quote: مبروك هشام ادم
أخوي عبد المجيد صالح

الله يبارك فيك يا حبيب ويديك ألف عافية

تسلم
Post: #88
Title: Re: السيّدة الأولى قادمة من بيروت
Author: هشام آدم
Date: 02-10-2009, 12:42 PM
Parent: #71

Quote:

الأستاذة : حوار سليمان
أشكرك ألف شكر على التهنئة الجميلة والمميزة
وربنا يديك العافية ويحقق لك الأماني
Post: #87
Title: Re: السيّدة الأولى قادمة من بيروت
Author: هشام آدم
Date: 02-10-2009, 12:32 PM
Parent: #68

Quote: مبارك باذن الله استاذ هشام
حمّور زيادة يا جميل
كيفك، وعلّك بخير ... الله يبارك فيك يا صديقي
وإن شاء الله عقبال نشوف "عقابك" إنت كمان

تسلم وألف مراحب
Post: #97
Title: Re: السيّدة الأولى قادمة من بيروت
Author: Eng. Mohammed al sayed
Date: 02-10-2009, 08:11 PM
Parent: #87

مبروك


Quote: وأفادني بقائمة الموزعين الرئيسيين لديه على النحو التالي:


وشكرا بتقديمك اسم المكتبات حتي نتمكن من شرائها منها
Post: #102
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:50 AM
Parent: #97

Quote: وشكرا بتقديمك اسم المكتبات حتي نتمكن من شرائها منها
الباشمهندس محمد السيّد
الله يبارك فيك يا عزيزي .. وأضيف إليه أنه يمكن طلب
شراء النسخ إلكترونياً عبر المواقع التالية:
النيل والفرات: www.neelwafurat.com
أدب وفن: www.adabwafan.com

مع تحياتي ووافر الشكر
Post: #80
Title: Re: السيّدة الأولى قادمة من بيروت
Author: mutasim Hameed
Date: 02-10-2009, 06:34 AM
Parent: #1

لعلها ..
سيدتك الباذخة المجد ومترفة الروعة ..
كما قالها أخونا ..
ود الجزولي ..
ومزيداً من الإبداع يا هشام ..
والله يقدرنا كلنا نطلع الجوانا ..
مبروك ..
Post: #84
Title: Re: السيّدة الأولى قادمة من بيروت
Author: Saifeldin Gibreel
Date: 02-10-2009, 07:42 AM
Parent: #80

بالطبع سوف يكون اضافة ثرة للمكتبة السودنية........... مزيد من الابداع مع خالص الود

سيف
Post: #85
Title: Re: السيّدة الأولى قادمة من بيروت
Author: ادم شحوتاي
Date: 02-10-2009, 07:56 AM
Parent: #84

الف مبروك يا هشام..مع أطيب الأمانى بالتقدم والإنتاج الغزير..
Post: #89
Title: Re: السيّدة الأولى قادمة من بيروت
Author: أيزابيلا
Date: 02-10-2009, 02:05 PM
Parent: #85

هشام

اتمنى قراءة السيدة الاولى

انا اثق فى جودة قلمك على اية حال

فى انتظار الحصول عليها
Post: #94
Title: Re: السيّدة الأولى قادمة من بيروت
Author: خالد عبد الله محمود
Date: 02-10-2009, 02:56 PM
Parent: #89



مبروك يا هشام الرواية الثانية و عقبال الراوية الألف ....
Post: #96
Title: Re: السيّدة الأولى قادمة من بيروت
Author: محمد عبد الماجد الصايم
Date: 02-10-2009, 07:50 PM
Parent: #94

مبروكـ يا هشام
Post: #98
Title: Re: السيّدة الأولى قادمة من بيروت
Author: زهير عثمان حمد
Date: 02-10-2009, 08:39 PM
Parent: #96

ألف مبروك العزيز هشام
وعقبال الثانية والثالثة أيها المبدع
Post: #109
Title: Re: السيّدة الأولى قادمة من بيروت
Author: هشام آدم
Date: 02-11-2009, 07:24 AM
Parent: #98

Quote: ألف مبروك العزيز هشام
وعقبال الثانية والثالثة أيها المبدع
الجميل زهير عثمان حمد
الله يبارك فيك وتسلم يا رب على الأمنيات الجميلة دي
وأتمنى إنو الرواية تعجبك وتكون قدر الإنتا متوقعو
منها يا رب ... وأكيدلازم أسمع رأيك فيها بعد القراية

تحياتي ليك وربنا يديك ألف عافية
Post: #108
Title: Re: السيّدة الأولى قادمة من بيروت
Author: هشام آدم
Date: 02-11-2009, 07:22 AM
Parent: #96

Quote: مبروكـ يا هشام
الأخ محمد عبد الماجد الصايم

الله يبارك فيك يا حبيب ويديك ألف عافية يا رب

تسلم
Post: #107
Title: Re: السيّدة الأولى قادمة من بيروت
Author: هشام آدم
Date: 02-11-2009, 07:20 AM
Parent: #94

Quote: مبروك يا هشام الرواية الثانية و عقبال الراوية الألف
الأخ خالد عبد الله محمود

ألف شكر ليك يا عزيزي والله يبارك فيك ويبارك في شبابك
وأتمنى إنك فعلاً تقرا الرواية وإنها تعجبك بالجد

تحياتي وربنا يديك العافية
Post: #106
Title: Re: السيّدة الأولى قادمة من بيروت
Author: هشام آدم
Date: 02-11-2009, 07:06 AM
Parent: #89

Quote: اتمنى قراءة السيدة الاولى

انا اثق فى جودة قلمك على اية حال

فى انتظار الحصول عليها
الدكتورة شذى بلّه

هذه الثقة هي التي تمنحي الحافز للمواصلة والكتابة فعلاً
وأتمنى أن تكون الرواية أهلاً لهذه الثقة وأن تكون على قدر
هذا الاحتفاء ومستحقة له. أحببتُ فقط أن أبلغك أن هنالك
رواية قيد الترجمة وسوف تصدر باللغة الإنكليزية بعنوان
"بتروفوبيا" إضافة إلى روايتين لم أنته منهما بعد
الأولى بعنوان "أرض الميّت" ونشر جزء منها في سودانيزأولاين
والثانية بعنوان "أنسنة الشيطان" وهي مازالت في بداياتها

أكرر لك شكري وفائق احترامي لك
Post: #122
Title: Re: السيّدة الأولى قادمة من بيروت
Author: يحى الشريف
Date: 02-12-2009, 01:49 PM
Parent: #89

امنياتي بدوام التقدم الف مبروك
Post: #105
Title: Re: السيّدة الأولى قادمة من بيروت
Author: هشام آدم
Date: 02-11-2009, 07:02 AM
Parent: #85

Quote: الف مبروك يا هشام..مع أطيب الأمانى بالتقدم والإنتاج الغزير
الأخ آدم شحتاوي

الله يبارك فيك ويديك العافية وأشكرك كتير على التهنئة وعلى الأمنيات
الطيبة والجميلة .. أما بالنسبة للإنتاج الغزير، فهل تصدق أن هذا بالتحديد
كان أحد أحلامي أن أكون كاتباً غزير الإنتاج! ولكن وبعد صدور روايتي الأولى
"أرتكاتا" وجدتُ أن الأهم من غزارة الإنتاج هو "جودة المنتج" والجودة
والغزارة قلّما يلتقيان في زماننا هذا يا عزيزي، فادع لي بجودة الإنتاج
وليس بغزارته، فهذا ما أتمناه هذه الأيام

تحياتي وموفور الشكر والتحية
Post: #104
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:54 AM
Parent: #84

Quote: بالطبع سوف يكون اضافة ثرة للمكتبة السودنية........... مزيد من الابداع مع خالص الود
العزيز والجميل سيف الدين جبريل

أنا كمان أتمنى إنها تكون كذلك وأتمنى إنها تعجب
كل القراء وتنال على جزء ولو يسير من استحسانهم
لأنو الشغلة دي في النهاية قاعدة تديني دفعة قوية
لمزيد من الإنتاج ... اتمنى أكون عند حسن الظن

تحياتي ليك
Post: #103
Title: Re: السيّدة الأولى قادمة من بيروت
Author: هشام آدم
Date: 02-11-2009, 06:51 AM
Parent: #80

Quote: لعلها ..
سيدتك الباذخة المجد ومترفة الروعة ..
كما قالها أخونا ..
ود الجزولي ..
ومزيداً من الإبداع يا هشام ..
والله يقدرنا كلنا نطلع الجوانا ..
مبروك ..
الأخ معتصم حامد
الله يبارك فيك يا حبيب ويديك ألف عافية
بالجد أتمنى إنو الرواية تعجب الجميع
وتكون قدر الاحتفاء ده وقدر ظنونهم الحسنة

ألف ألف شكر
Post: #110
Title: Re: السيّدة الأولى قادمة من بيروت
Author: معتز تروتسكى
Date: 02-11-2009, 09:44 AM
Parent: #103

خالص التحايا
صاحبي الروائي
هشام آدم
حلوة روائي...
ازيك يامان ، ياسيدي ان تاتي خير ان لاتاتي والخير يجقلب وان ابنك كبر خاويه...
المهم ..
مش انا قبل كده نزلت ليك اغنية عقبال بيك نفرح يازينة..
ياهو التاريخ يعود من جديد منذ زمن الديمقراطية الكلاسكية (اثينا ورما) والعصور الوسطى ومكافلية الامير نموذجا مرورا العقد الاجتماعي لاحقا الثورة الدستورية الانجليزية +الثورة الامريكية والفرنسية...الخ..
اها يا ايها الصديق الرقيق..
لا نحتاج منك سطور فقط .. ارينا قدرتك على التحليل وتلك القاعدة الصلبة فى نقد النص بإسلوب منظم .. نحتاج منك رؤية اما مباشرة او مخفية وذلك على حسب قراءتك للواقع الخيالي او الحقيقي حتى لاتقع في وحل النمطية
أو فلتقل خيرا وهكذا...
بعدين انا لمن شفته العنوان قلت الزول ده الشتغل في المراسم سيدة اولى وكده ، وقلت ناسك ديلاك مابخلوك ،كما قلت ان هذا الزلمة يحب المشاكل زي عيونو يعني الريس هنا عندو مرتين وفي رواية اخرى 3 اها وقع في ياته منهن ، او ربما سيدخل في مشاكل لاحصر لها ..
خذلت كل توقعاتى ووجدتك تدلف لنا برواية في عالم الروايات ، مبروك البكر لديكم ويتربى في عزكم وعقبال الالف من هذا الجنس ..

بعدين عن اذنك النجرب بعض مواهبنا هنا لعلنا نستفيد منك يابوس..
مقطع من كازنوفا..
الاله كان ياتى مهرولاً مسرعاً الى بحيرتها لكى يتعلل بأنه ياخذ قسطاً من الماء لكنه للأسف كان ينظر خلسة الى مفاتنها...

اها لقيتنا كيفين مابنفع روائي او كمسنجي او مكانيكي؟!

التحايا النواضر..
Post: #111
Title: Re: السيّدة الأولى قادمة من بيروت
Author: HAIDER ALZAIN
Date: 02-11-2009, 10:04 AM
Parent: #110

**-*

عالم تعبانة









( مافي وشوش )
Post: #113
Title: Re: السيّدة الأولى قادمة من بيروت
Author: هشام آدم
Date: 02-11-2009, 11:07 AM
Parent: #111

"مكرر"*



* عالم جبنات بشكل
Post: #114
Title: Re: السيّدة الأولى قادمة من بيروت
Author: HAIDER ALZAIN
Date: 02-11-2009, 11:18 AM
Parent: #113

تعدلها براك والا اجيك راجع تاني
يا بتاع الوشوش انت ....


قال هدير

انت جارك السكير بقي يبلعك معاهو حاجة والا شنو ،،،



( برضو مافي وشوش )
Post: #112
Title: Re: السيّدة الأولى قادمة من بيروت
Author: هشام آدم
Date: 02-11-2009, 10:57 AM
Parent: #110

معتز تروتسكي يا صديقي اللدود ..
ليك وحشة وهلمجرا (أمّا وبعدين!)

الشغلة ما حنك (أن تأتي متأخراً ..... إلخ) الكلام ده يا فردة كلام مخستك جداً، وعجل حديد لا بيودي ولا بيجيب، انت –للأسف- طلعت زول (ماسورة)* بس قاعدة غضبي الحقيقي منك ما مؤسسة على جيّتك أو عدم جيتك أو حتى جيّتك المتأخرة، وإنما على تغيير صورة البروفايل. يعني من لوغوهات الحركات العمّالية والمطرقة والجنزير واللازي منو إلى صور شهداء الحركة الطلابية. أنا أعتقد إن ده تطوّر في ذهنيتك الصورية ونكوص من مرحلة النضال إلى مرحلة "المتاجرة" بالمناضلين (حلوة متاجرة دي مش؟ تشبه لي "روائي" بتاعتك وبتعادلها في الحقارة)

بس للتوضيح وإزالة اللبس، المتاجرة هنا معادلة تماماً للتلميع وغلبة الحالة لمّا ما يكون عندك قناعات راسخة* بصورتك الشخصية أو حتى شعارات القديمة، يبقى الحل المستنير في الحالة دي اللجوء إلى صور الشهداء: محمد عبد السلام وأبو العاص وجمل التايه*.. إلخ. ده مايهو أنسنة الشيطان البنتكلم عنو من قبيل يا قريبك! إلا كان داير تقلب الآية وتعملها أبلسة ملائكة لازم التلميع برضو.

ياهو برضو كلامنا الزمان عن الديمقراطية البائدة أو البدائية (أيهما أحلى) والثورة اللوثرية والفرنسية وثورة الغجر في السهول الأوروبية في حقبة كانت فيها الحمير تأكل الكاجو بينما يموت الإنسان ولا يجد رغيف يابس. محنة يا ود أبوي .. ومحنة الإنسان بتبقى لمن ما يعرف "الإنسان" يجاوب على السؤال البسيط "ما هي الإنسانية؟" أو "كيف تكون إنسانياً؟" تحت دعاوي السفسطة والتهافت زي ما قال إمامنا الجليل الغزالي من قبل.

أريتك يا معتز لو قدرت تزيل هذا الكم من الركام عن ذهني، ونجي نتكلم بعد داك عن مرحلة "اللوع" الفلسفي الحاصل حسي، ونعرف لماذا انقرض الفلاسفة وتبعهم المفكرون بإحسان. وجاي برضو يا صديقي اللدود تتكلّم لي عن الواقع وتفرّق بين الخيالي والحقيقي، والمسألة بقت زي تجارب الفيزياء الكمّية مارقة من خيط واحد وراجعة لي عشرة !! ما لو بقيت فيليوباوتش أو ماك دوفوين أو حتى بقيت الشيخ رحمة الله النصّار ياكا نمطي نمطي لا مفر .. وحتفضل في كل أنماطك دي تغنّي "ياتو رصاص ما عقبلو خلاص" رغم إنك أساساً ما شايف خلاص منذ "البسم الله الرحمن الرحيم" زاتو

تعالي لي بي غادي يا وغد




* ماسورة : لا يخبرك بها مثل الفتاة المستنيرة (شمائل النور).
* راجع وليد محمد مبارك حول مفهوم الرسوخ.
* الجمل حيوان بدوي مشهور بالصبر وتحمّل العطش.
Post: #116
Title: Re: السيّدة الأولى قادمة من بيروت
Author: محمَّد زين الشفيع أحمد
Date: 02-12-2009, 04:48 AM
Parent: #112

صَديقيَ الْعَزيز / هِـشَامْ .. ..

أيُّها الْجَوادُ الكريمُ ويَا أيُّها الْقَمْقَـامُ

الْحُرُوفْ .

سَرَّني سماعُ إصْدَارِكَ الثَّاني يَا صديقي .

فَدَخَلْتُ هَاشًّـا بَاشًّا هُنا ،

وأتَمنَّـى أنْ أُحْظَى بقراءَتِهْ .. " ومَا تاكلوني فيهو حنكْ سااي زَيْ

المَرَّة الفاتتْ .. .. وتَوْعِدنا وتبخل بالصُّورة زَيْ ما قال الحلنقي "

والتَّحِيَّةُ عَبْرَكَ للأديبةِ وصَاحِبَةِ التَّقْدِمَـةِ

ريم بدر الدِّين البزَّالْ .. ( وأظُنُّها أوَّلَ مَنْ رَحَّبَ بي على المَنابر الثقافيَّة ..

لها الاحترامُ الَّذي يَليقُ بشخْصِها ) .


ملحوظة :

* " أرتكاتا لليوم أنا ما قريتا ولا لمِّيت فيها ولا دَقَشَتْ عيني ، وأذْكُرُ عندما تقابلَ ثلاثَتُنا ، إتَّ كُتَّ
شايل معاك نُسْخَة واحدة ، أهَا أنا عملتَ فيها نظام الود راقي وخلِّيتا لي صديقنا المشترك والجميل
والرَّائع / محمَّد جميل ، وإتَّ قلتَ لَيْ برسِّل ليك نُسْخة تانية ، أها بعد داك نسيتني ،
لكين المَرَّة دي لا بعمل ليك فيها راقي ولا يحزنون وبشيل نُسختي .. وأشَارَ
محمَّد زين بكلتا يَدَيْهِ ناحيةَ السيِّدةِ الأُولى " .

* " مالكْ طَوَّلتَ الغيبة ياخي ،كمان ما تقول اليومين دي البيت لا فيهو جاك لا جيك ( الجيم تحتها 3 نقاط ) ،
وأخوك يجلس ويُعيد في الماضي وأمامهُ المتنبي ومن خلفه جرير وامريء القيس وكوم هائل من الروايات ، عواء المهاجر ، عندما تستيقظ الرائحة ، ..... الحياة السِّريَّة للأشياء لصديقي العزيز / مُحْسِنْ خالد .. الله يدِّيهُ العافية واللهِ ساهر بيْ سهر شديد ولي الصباح ما نُمتَ .. وحالي بِقَى مع الروايات كحالِ الشَّاعر
البِقول لي محبوبتو:

لا أسألُ اللهَ تَغْييرًا لِما صَنَعَتْ **** نَامَتْ وقد أسهرتْ عَيْنَيَّ عَيناها.
فاللَّيلُ أطولُ شَيْءٍ حينَ أفقِدُها **** واللَّيْلُ أقصَرُ شيْءٍ حينَ ألقاها .


وإلَيْكَ شَوْقٌ لَمْ يَقُلْهُ النَّصُّ صراحَةً فتَضَمَّنهُ هذا الْبيتُ ، لشاعرٍ قديمٍ حينَ

قالَ :

إنَّ بيتًا أنتَ ساكنُهُ **** غيرُ مُحْتَاجٍ إلى السُّرُجِ ..


واحترامي يَا سيِّدَ الشَّهْـد .




أخوك / محمَّد زين .
___________________________-
Post: #117
Title: Re: السيّدة الأولى قادمة من بيروت
Author: هشام آدم
Date: 02-12-2009, 07:07 AM
Parent: #116

صديقي العزيز محمد زين الشفيع

ما زمااان أمير الشعراء قال: إنما تُؤخذ الدنيا غلابا
زمن الرقي والتحضّر انتهى يا عزيزي وربما تكون أنت
"آخر الرجال المحترمين" ولكن صدقني مازال الوعد قائماً
ونسختك محفوظة من "أرتكاتا" وبالتأكيد عندما تصلني
نسخ "السيّدة الأولى" سوف أحتفظ لك بنسختك وأوصلها لك
"ديليفري" لغاية خشم باب بيتك ... أها قصّرت معاك؟

مشتاقين بالمناسبة السعيدة دي

وألف شكر على التهنئة الجميلة وعلى الأمنيات الحلوة
وربنا يديك ألف عافية ويرجع ليك ناس الجاك والجيك
بالسلامة يا رب
Post: #118
Title: Re: السيّدة الأولى قادمة من بيروت
Author: محمَّد زين الشفيع أحمد
Date: 02-12-2009, 08:47 AM
Parent: #117

Quote: سوف أحتفظ لك بنسختك وأوصلها لك
"ديليفري" لغاية خشم باب بيتك ... أها قصّرت معاك؟



واللهِ ما قصَّرتَ تَبْ .

حينَها سأذْبَحُ لكَ ذِعْلِبَـةً سَبُوحًا هَبُوبا .

" بس تعال لمَّا أكون صارف الرَّاتب الرَّايِحْ

في المكتبات دي ..!

علي الأقل تكسر لينا القاعدة

المِدَوِّرة .. " .

ولكَ الشُّكرُ مُقَدَّمًا على وصُولِ " أرتكاتا " وما تَلاها

مِنْ نَبْضِكَ في " السيِّدَةِ الأُولَى " .


احترامي .




أخوك / محمَّد زين .
_____________________________
* " العزيزُ / مُعْتَز تروتسكي .. كيفَ حالك يا راجِل
يا جميل عَساك بخيرْ ."
Post: #119
Title: Re: السيّدة الأولى قادمة من بيروت
Author: هشام آدم
Date: 02-12-2009, 08:53 AM
Parent: #118

Quote: * " العزيزُ / مُعْتَز تروتسكي .. كيفَ حالك يا راجِل
يا جميل عَساك بخيرْ ."
والله يا ود الزين دي بالغت فيها عديييل كده
"عزيز" دي قلنا ما مشكلة، دي مسألة شخصية وحاجة راجعة ليك
بس "جميل" دي كتيرة .. إنتا كمان ما تقمبلا للدرجة دي !! شكلك ما شفتو (هههههههههه)
Post: #120
Title: Re: السيّدة الأولى قادمة من بيروت
Author: محمَّد زين الشفيع أحمد
Date: 02-12-2009, 09:30 AM
Parent: #119

Quote: والله يا ود الزين دي بالغت فيها عديييل كده
"عزيز" دي قلنا ما مشكلة ، بس جميل دي!! شكلك ما شفتو (هههههههههه) .



* " كُلُّنا في قُبْحِ الجُيُوبِ أبو دلامَة ".
( دي مقولة غير جَادَّة قطعتها من راسي هَسَّة دي ) .
وسأثبِتها لكَ بهذهِ القِصَّة – سمِّها طُرْفَة - أدناه :

عنْ حاجَّة جارتنا الله يطراها بالخير ( اسمها حاجَّة السُّرَّة )، كانْ لمَّا يجي عريس
لي بنت من البنات في الفريق ، البنات يقولن ليها :
- واللهِ فلانة جاها عريس وسيم خلاس ،
- فترُدُّ تلكَ السُّرَّة قائلةً :
خَلَّننا *آبَنَنَّتْ من وسامتو ، المُهِم جيبوا كيف ؟
مِفَلِّسْ ولَّا مِقَرِّشْ ..؟!؟ ( أظُنُّهُ سؤالًا عريضَ المَنْكِبيْنِ )..

حيثُ كانتْ تَقِْصِدُ مالَهُ لا وَجهَهْ .

أرأيتَ كيفَ تبدو الأُمورُ عندَ بعضِنا يا رفيقي ..

وأمَّا بالنِّسبة للعزيزِ والْجَميل / تروتسكي ..

رأيتُ حَرْفَهُ دائبَ النُّصْحِ والرَّعوى فقرأتُ منهُ دَواخِلَهُ ،

.. وقدْ كَفاني ما رأيتُهْ ..

فدواخِلُهُ يَا صديقي لَمْ تَرْمِهِ بِرَيبٍ ولَمْ تَصِمْـهُ

بِعَيْبْ .


لكما الوُدُّ المقيمْ .




أخوكما / محمَّد زين .
__________________________________
الْحَبيبُ / هِشَام ..
* " ياخي إتَّ الواحد يعني ما يكون عندو حَبَّة فَرَاسة وحَدَس معاك " .
Post: #121
Title: Re: السيّدة الأولى قادمة من بيروت
Author: هشام آدم
Date: 02-12-2009, 09:41 AM
Parent: #120

يا ود الزين ...

الكلام عن "كلام تروتسكي" صاحب الوعي الرعوي طويل، حتى لمّا مشى الصين، لم يجد نفسه إلاّ في الريف الصيني، يقتات من أساطيرها التي يستخدمها حَضَر الصين كأحاجي ما قبل النوم لأطفالهم! وحبيوتي "بليدة الإحساس بالحساب والكيمياء" كانت لا ترى في كل ما له "صلعة" نصيباً من الوسامة، وحبوبتي كلاما ما بيقع الواطة أبداً. وتروتسكي ده شين وسامة وشين جيب كمان، أها رأيك شنو؟

شوف ليك حنك تاني يا زول (ههههههه)
Post: #123
Title: Re: السيّدة الأولى قادمة من بيروت
Author: معتز تروتسكى
Date: 02-23-2009, 09:53 PM
Parent: #121

خالص التحايا
صديقي وأستاذي (ياخ أنت زول جميل جمال ودار نفسك حُلوة)
محمَّد زين الشفيع أحمد
إليك باسم الذكرى ومنها باسم مقامك الموجود فينا؛ فمنه السلام واليك السلام وفيك السلام ؛ وأطيب الحديث والكلام..
جاءت الأفراح هذه المرة بصوت الطفولة؛ ساعة لا رجوع إلا للفرح ولا فرح إلا لك ؛
أهديك إكليلاً بنفسجاً من الأحلام والتفرد غابت في قافيتها العربيدة ؛ تجاوزت فرحة الخبز ؛ وأمنية الفرح ؛ وإكمال التوحد في غفوة؛
لك..الذوبان المتجانس الذي في مقدور المناسبة التي تحملنا إليها دون إشفاق من فجاءة الرحيل من العتمة إلى الشروق ...
إليك.. من خاصية الصدق التي في الصوت الوعد ؛ وصوت من المألوف المعلوم..
والحب عندما يفيض مليحاً مكفكفاً الحوائج والسؤال
يصبح كما قُيل
إليك ينساق الحب أنيقاً بإفاضة...
ومرة أخرى نسعى طوعا لمؤاخاة الرجل في انعطافات والكلام الآتي منه حتى ليبدو كأنه آت من إحساس نفس مخصصه لتشكيل عطائها بهذا الجم المتورد من الصدق والجمال ..
فعندما نكون مدينين للبعض بكمية من الارتياح التي في الكلام وبعمق الانعتاق الذي في الحرية وبكفيه الوفاء الذي في الانفعالاتفكنت (ود الزين) فكرة لا تجول بالخاطر ؛ فكنت ذلك الحاضر الآتي من أحزاننا ؛ وحتى إننا وبكامل انهياراتنا الوجدان منحناك صلاحية التنقيب عن يومياتنا الجافة ...
فدعني استجيب لأحذيتي التي أرهقها السفر في تفاصيل المسافات على جغرافيتكم؛ وها نحن نختزن المواقف نفسها التي تضاجعها رغبة الاعتماد على قاعدة....
فأنت رجل من رحم بلدي حبلى بما ليس فيه ؛ وارض بكره بوعد آمرنا بالانتظار حتى آخر الانتظار في تقاطيع الوجه فكم نرتاح عميقاً في خفايا الود والإنس والأصالة...
لا أقول انني قد كسرت حواجزها تلك اللغة لكن يجب على أن أقولها فان لم اقلها مت بها..
وتشكر عزيزي على التحية ونبادلك بأحسن منها بقدر استطاعتنا فأنت لم تكن إلا وتراً يدين كي يزيد الصمت إصرارا وصمتا.. ولم تكن إلا وقفاً ينهنه في الدواخل حينا وأحياناً يجاهر...
تشكر سيدا ..
وياريتك تكون شدّيد... أنا متلوم معاك أبو حميد
والتحايا النواضر لكل من هم هناك بحاضرتك من الأسرة الصغير والكبيرة والأهل والأصدقاء ..
وأنت السمح ...
لك في الغياب كل الأشياء ولك الحضور والنار...
وتانى انت السمح هو منو السمح ؟ غيرك سمح؟...طبعك سمح
وداير اقولك ليك انا فلفلة الكلام زيك كده مابقدر لكن اهو كل زول بعبر بي طريقتو لكن تقول شنو (هشام) معانا ماتغشانا..ولا يهمك ديل فصيلة الحقادين ديل أنساك منهم هم لو مفتركين الحياة شعر وفروة رأس يبقو وهم..



-------------------------------


النلبس الوش الثاني
هشام آدم
اسمع أنت يا سمج
أنت السمج هو منو السمج ؟ غيرك سمج؟...طبعك سمج
تضحك على شنو ؟ جميل وكيا للمابينا ، ووسيم لكن البشوف القلب يا ولدي سلامة النظر تعال النسلفك نظاراتي ديل وهو منو السمح؟!؟!؟

بعدين يا سمج انت الحكمة لدى كونفوشوس دي بتديك اعتبارات الصلعة التي تحتقرها والريف الصيني الذي يعلمك كيف من الصبر ان تكتب على حبات الارز فحكماء بني كونفوشوس بداية من لاو تسي الى سو تسي حكماء الريف الصيني كلهم من اصحاب الصلع بل كانو يتعمدونها اذا لم تكن عندهم يا هذا مسبة...
ويبدو أن مسألة العلاقة بين الفكر لم تنته بعد من إثارة الرِعاع بجعلها تدور في فلك التؤيل فما اسهل التاؤل الذي يمكننا ان نجعل من ايات قران محمد زواج المثليين شرعي ؛وهذا ما يجعلنا أن نستعرض تاريخ هذه العلاقة على مستوى الإنجازات الفلسفية والعلمية لنقف عند ذلك الصراع الذي بصم البحث في هذه العلاقة بين أطروحة تقول (مسالة الشناه والصلعة) كركيزة اساسية والروح من ناحية اخرى في محاولة فصالهما ؟!؟!؟! حيث يمكن لهذه الباتولوجيا أن تكشف لنا عن اللغة نفسها وعن علاقتها (بالدماغ والرعاع) وبالفكر. وإذا كما قيل [شين وسامة وشين جيب كمان] فانا هذه تهمة لا ننكرها ولا شرف ندعيه وحسبنا الله ونعم الوكيل ...
ثانيا أرجو أن تعمل على ادخل تجربة فك الارتباط بين الزيت والماء في ما تحاول أن تتحدث عنه حول مسالة فلسفة التغير التي تنتهجها في عملية افتراضاتكم حول الصورة* ، ((فصورة لوغوهات الحركات العمّالية والمطرقة والجنزير واللازي منو إلى صور شهداء الحركة الطلابية)). ليس هنالك فارق شاسع (يا فالح)إذ يبدو ان عليك مراجعة مناهج فلسفة التغيير لديك ؛ولكن في نهاية هذه المداخلة يا صاح سيتبين لك انه لا فرق شاسع بين مكنون مرحلة التغير عندي فيما تراه انت على حد قولك(ونكوص من مرحلة النضال إلى مرحلة "المتاجرة" بالمناضلين ) وهذا لعدم درايتك بمدولات الرابط بين الصور فقط (الجمل مابشوف عوجة رقبتو)!.
وبالتالي أنت تعمد إلى زحزحتنا عن "تورطنا " في الميل إلى أطروحة آمن بها فلاسفة أمثال "دي سوسير" وكريستيفا"وغيرهما؟.
ثم وإلى متى ستصمد هذه الأطروحة المهزوزة التي تحاول أن تحطم بها الشوامخ (صلعة وما شابه)؟!. هكذا أنت لا تساهم معالجاتك للعمليات الذهنية باضافة من خلال كتاباتك في الدلالة على كلمة وعلى شكلها ولفهم هذا لابد من تفصيل أخطاء بعض المصابين في نظرك لتقديمهم للعلاج بل عليك أن تبادر.

*الصورة أدناه



هي صورة شعار جامعتنا التي درس بها عظما الثورة الثقافية سآتي لك لاحقاً بلوحة الشرف لكي يستبين لك الفهم وأخرهم (جيان زمين) الرئيس السابق . عرفت كيف انه لايوجد فرق بين لوغوهات الحركات العمّالية والمطرقة والجنزير واللازي منو إلى صور شهداء الحركة الطلابية على حد قولك وتشبيهاتك المقززه. والذي تعتبره انت نكوص وتغير على مستوى ذهيني هاهاهاهاهاه او بالاحري هي هي هي هي !!!.
بعدين كلامك ده بقود لتساؤل طُرح ؛هل يمكن أن نفكر بدون لغة؟ منذ مدة طويلة يعتقد كلانا وبيقين بأن اللغة ضرورية للفكر ! ولكن عندما قال الفيلسوف "فتجنشتاين" "إن حدود لغتي تدل على نهاية عالمي" فهو لم يعمل إلا على عكس فكرة واسعة الانتشار . ده عشان ما تقول ليك كلام ماك قدرو اللغة دي واسعة وود الزين لو دخل هنا بطلعنا ملوص...لنستر السترة والفسحة متبارايات الله يفضحك اول مرة اشوف لي كاميرا من غير ذاكرة...

وفي النهاية ياحبيبي كلك حلاه وكلك عسل وأنت السمج ...


وسناتي لاحقاً لنتطرق لفوتوغرافيا غلاف الكتاب ، بس اليهون لينا فرقة...



التحايا النواضر..