Post: #1
Title: التحية لهؤلاء
Author: نصار
Date: 12-22-2004, 01:40 PM
Parent: #0
احي من صميم قلبي كل اخ و أخت انتصر جمال نفسه/ها علي هذا القبح
و التهتك السائد في المنبر بأن كتب موضوع جديد بعيدا عن التهافت
الحاصل و بذا قدموا الدليل القاطع بأن (الما بكتلنا بقوينا)
و أنا أمة جديرة بالحياة و تستحق مستقبلا افضل هي قادرة علي تحقيقه
لكلم الود و بكم الاعتزاز
|
Post: #2
Title: Re: التحية لهؤلاء
Author: سجيمان
Date: 12-22-2004, 06:41 PM
Parent: #1
نصار
الله ياكل لحمك.... كان اكلت لحمي ودخلتني في ضفوري...واستحرجتني.... لكن اووعك تمشي ابعد من كدي وتشكّرني..... اقوم اتعاور حسي واجيبا ليك ضقلا يكركب.......
|
Post: #3
Title: Re: التحية لهؤلاء
Author: نصار
Date: 12-22-2004, 11:15 PM
Parent: #1
العزيز دكتور عادل
الله لا جاب يوم شكرك (اها كيف معاك) 
اليوم السعيد الليلة جابك
و حمد الله سلامة
|
Post: #4
Title: Re: التحية لهؤلاء
Author: خالد أحمد عمر
Date: 12-22-2004, 11:35 PM
Parent: #3
الأخ نصار
أشد على يديك
خالد
|
Post: #5
Title: Re: التحية لهؤلاء
Author: benyya
Date: 12-22-2004, 11:37 PM
Parent: #4
الاستاذ نصار
التحيه لك
و
لى قدام
|
Post: #7
Title: Re: التحية لهؤلاء
Author: نصار
Date: 12-22-2004, 11:44 PM
Parent: #5
العزيزة بنية
احي شجاعتك و تماسسك
و يسعدني مرورك هنا
الود و التقدير
|
Post: #6
Title: Re: التحية لهؤلاء
Author: نصار
Date: 12-22-2004, 11:41 PM
Parent: #4
العزيز خالد أحمد عمر
هكذا ايد علي ايد تجدع بعيد
خالص الود
|
Post: #8
Title: Re: التحية لهؤلاء
Author: عاطف عمر
Date: 12-23-2004, 01:45 AM
Parent: #1
العزيز نصار
تحياتي عاطرات و المحبة .
إقتراح بتبني إسبوع للبوستات الجادة فقط
في هذا الإسبوع يلتزم جميع الأعضاء بتقديم الجاد فقط من البوستات وعدم المداخلة في أى بوست غير البوستات الجادة
عسى ربي أن يهديء النفوس
مودتي
|
Post: #9
Title: Re: التحية لهؤلاء
Author: ibrahim bagal
Date: 12-23-2004, 02:06 AM
Parent: #8
التحية ليك
اولا يا نصار
ثم التحية للابطال الاشاوس
اي ثوار دارفور والجنوب والشرق
وكل بقاع السودان
تحية صمود ونضال لكل شهداء الحركات التحررية الثورية بالبلاد
اخبار الحرب من دارفور ف في يومين
طائرات الاتحاد الافريقي تتعرض للقصف فوق دارفور
الامم المتحدة تحذر من احتمال انسحاب عمال الاغاثة من دارفور
مقتل موظفي إغاثة بدارفور
العنف "يهدد مصير محادثات دارفور"
أسباب "سياسية" تؤخر نشر قوة الاتحاد الأفريقي في دارفور
دعوة لتأجيل محادثات السلام حول دارفور
الاتحاد الافريقي يقر ارسال مزيد من القوات إلى دارفور
الأمم المتحدة تحقق في الإبادة الجماعية في دارفور
لغم أرضي يقتل عاملي إغاثة في دارفور
مفوضية شؤون اللاجئين تدعو لفيدرالية في السودان
|
Post: #16
Title: Re: التحية لهؤلاء
Author: نصار
Date: 12-24-2004, 04:26 AM
Parent: #9
العزيز ابراهيم باقال
و التحية لك و قلبي معكم و انتم تنتصرون للحق بالداخل، داخل الوطن المسلوب
و احي كذلك استصحابك لهمومنا فهي _المقال في كل مقام_
صادق الود و التقدير
|
Post: #10
Title: Re: التحية لهؤلاء
Author: على اسماعيل
Date: 12-23-2004, 02:19 AM
Parent: #8
العزيز /نصار - التحية والاحترام
صدقت والله
نتمنى من كل الاخوة الالتزام بادب الحوار والرقى بهذا المنبر الى اهدافه السامية -ونبذ العنصرية والجهوية(انا والله مرات بستغرب حقيقة من بعض الاعضاء بتكلموا عن اشياء هم فى حد ذاتهم ليس لهم المقومات البتأهلهم فى وصفهم للاخرين بها) - تخيل نحن فى القرن ال 21 وعام 2005 م وفى ناس تقول ده (....) والنظرةالمتبلدة والتى تدل على الجهل بالانسان نفسه ومعتقداته
وللكلام بقية عموما الله يقويك يا نصار
|
Post: #17
Title: Re: التحية لهؤلاء
Author: نصار
Date: 12-24-2004, 04:34 AM
Parent: #10
العزيز علي اسماعيل
| Quote: نتمنى من كل الاخوة الالتزام بادب الحوار والرقى بهذا المنبر الى اهدافه السامية -ونبذ العنصرية والجهوية(انا والله مرات بستغرب حقيقة من بعض الاعضاء بتكلموا عن اشياء هم فى حد ذاتهم ليس لهم المقومات البتأهلهم فى وصفهم للاخرين بها) - تخيل نحن فى القرن ال 21 وعام 2005 م وفى ناس تقول ده (....) والنظرةالمتبلدة والتى تدل على الجهل بالانسان نفسه ومعتقداته |
اضع قولك هذا مكررا هنا ليتأمله المتأملون
و يخفف علي من تحزنهم العوارض المحزنة التي
تطفح من حين الي حين...المناقص التي هي فينا
لا يمكن انكارها او التستر عليها لكن لا يجب ان
تمحق الخير الذي يمثل الوجه الاخر للقمر..
الله يقوي بينا جميعا وطنا جريحا
يستصرخنا
ودي الخالص
و التقدير
|
Post: #15
Title: Re: التحية لهؤلاء
Author: نصار
Date: 12-24-2004, 04:16 AM
Parent: #8
العزيز عاطف عمر
Quote:
إقتراح بتبني إسبوع للبوستات الجادة فقط
في هذا الإسبوع يلتزم جميع الأعضاء بتقديم الجاد فقط من البوستات وعدم المداخلة في أى بوست غير البوستات الجادة |
ياريت لو كان عندنا روح الالتزام و الاتفاق علي امر او مقترح
تعرف لو تم العمل بمقترحك دا يادوب الفوضي تضرب اطنابها في
ارجاء المنبر عشان يهزموا الفكرة و ينتصروا لذواتهم _طبعا
مقصود بالكلام عقلية سائدة و ليس اشخاص بعينهم_. المشكلة انه
حتي المتفقون في الرؤي لا يحزمون امرهم و يدعمون ما يتفق مع
قناعاتهم. شفت كيف؟ يبقي الحل في رأي في المبادرات الفردية
علي امل أن تجد المعاضدة
خالص الود
|
Post: #11
Title: Re: التحية لهؤلاء
Author: غادة نصر
Date: 12-23-2004, 02:47 AM
Parent: #1
العزيز نصار
والتحية لك انت من بعد وانت تدعونا بكل جمال الروح ان نكون اصفياء ..ونحن أهل الصفاء لا نقبل الكدرا أقبل علينا صفيا واسمع الخبرا ...
كل الود
غادة
|
Post: #18
Title: Re: التحية لهؤلاء
Author: نصار
Date: 12-24-2004, 04:45 AM
Parent: #11
العزيزة غادة نصر
| Quote: ونحن أهل الصفاء لا نقبل الكدرا |
هذا هو النهج الذي يجب ان ينتصر
لذا علي اهله ان لا يخضوا اصواتهم
و يتركوا الساحة للخراب
ود و تقدير
|
Post: #12
Title: Re: التحية لهؤلاء
Author: almulaomar
Date: 12-23-2004, 03:58 AM
Parent: #1
أخي نصار
أمة أنجبتك وأنجبت غادة نصر وعلي إسماعيل و ibrahim bagal وعاطف عمر وbenyya وخالد أحمد عمر ودكتور سجيمان والكثير من أعضاء المنبر الحر الذين يضيق المجال عن ذكرهم وأحصائهم فرداً فردا هي أمة دون شك جديرة بالحياة وتستحق مستقبلاً أفضل ، لكن يبقى كل ذلك أماني لابد أن يتبعها عمل جاد لتحقيق أحلامنا وطموحاتنا. وكل هذه الخلافات التي تدور رحاها في المنبر الآن لابد أن نخرج منها أكثر قوة وأكثر تماسكاً وأكثر جمالاً وأكثر إحتراماً لبعضنا البعض فهل نحن فاعلون ؟ ولا كل واحد يشتت وسيد الكوره يشيل كورتو
|
Post: #13
Title: Re: التحية لهؤلاء
Author: عاطف عمر
Date: 12-23-2004, 02:37 PM
Parent: #12
| Quote: أمة أنجبتك وأنجبت غادة نصر وعلي إسماعيل و ibrahim bagal وعاطف عمر وbenyya وخالد أحمد عمر ودكتور سجيمان والكثير من أعضاء المنبر الحر الذين يضيق المجال عن ذكرهم وأحصائهم فرداً فردا هي أمة دون شك جديرة بالحياة وتستحق مستقبلاً أفضل |
و أنجبتك اخي الملا عمر وهي فعلاً تستحق أن نسعى من أجل تحويل القبح جمالاً .
نعم كلنا يد واحدة .
معزتي
|
Post: #19
Title: Re: التحية لهؤلاء
Author: نصار
Date: 12-24-2004, 04:54 AM
Parent: #12
العزيز الملا عمر
تسلم يا غالي
| Quote: وكل هذه الخلافات التي تدور رحاها في المنبر الآن لابد أن نخرج منها أكثر قوة وأكثر تماسكاً وأكثر جمالاً وأكثر إحتراماً لبعضنا البعض فهل نحن فاعلون ؟ ولا كل واحد يشتت وسيد الكوره يشيل كورتو |
لابد أن نفعل بما قلت به و مافي طريقة للشتت،،،نحنا في ورطة تدور نسختها الاصلية في ارض الواقع في البلد المنكوب و و نسخة بديلة ليها هنا،،، فالانهزام هنا هو انهزام هناك و ضياع للامل المرتجي.
خالص الود و التقدير
|
Post: #14
Title: Re: التحية لهؤلاء
Author: عبدالماجد فرح يوسف
Date: 12-23-2004, 02:44 PM
Parent: #1
ونشكرهم معك أخي نصار
|
Post: #20
Title: Re: التحية لهؤلاء
Author: نصار
Date: 12-24-2004, 04:57 AM
Parent: #14
العزيز عبد الماجد
و انت متورط معاهم شديد
تسلم
|
Post: #21
Title: Re: التحية لهؤلاء
Author: aosman
Date: 12-24-2004, 05:04 AM
Parent: #1
كلام سليم الاخ نصار و لك التقدير لكن انت عارف سجيمان ده هو السبب الرئسي كان زمان لمن قاعد يكتب مافي زول كان فاضي للمشاكل قام حرد الدنيا اتلخبطت
|
Post: #22
Title: Re: التحية لهؤلاء
Author: معتصم الطاهر
Date: 12-24-2004, 05:10 AM
Parent: #1
الأخ نصار
فلننتصر للسودان ..
ولننتصر للجمال ..
ربفع البوستات القيمة والجميلة ..
ونكتب ..
واعدك ببوست كل يوم حتى نهاية العام ..
|
Post: #23
Title: Re: التحية لهؤلاء
Author: نصار
Date: 12-24-2004, 05:11 AM
Parent: #1
العزيز عادل عثمان
سجيمان قال بجرسو المرض و الفلس
اها كان عيان ما طلع من المرض
دخل عليهو اخر الشهر
بس انتظروا يقبضوا
بزيارتك بيتنا نور
خالص الود
|
|