Post: #1
Title: الغنمايه
Author: احمد العربي
Date: 06-05-2006, 01:08 AM
Parent: #0
صديقة الزهيم الهندي المهاتما غاندي
اهي حيوان ضار ام نافع
لنتحدث عن هذا المخلوق الذي يسكن معظم البيوت السودانيه
وتجد من الاهتمام والرعايه بمثل ما يجد افراد الاسره
|
Post: #2
Title: Re: الغنمايه
Author: احمد العربي
Date: 06-05-2006, 01:32 AM
Parent: #1
المساحه حره
|
Post: #3
Title: Re: الغنمايه
Author: هشام المجمر
Date: 06-05-2006, 02:31 AM
Parent: #1
أحمد العربى
الغنماية حيوان رقيق
لم يختلف الناس حول فائدته ولكن إختلفوا حول مضاره
يقولون أن الحبيب بورقيبة جمع كل غنم تونس وحولهم لعلب لحمة و بسبب ذلك تحولت تونس لتونس الخضراء كما نعرفها. لكن تبقى حقيقة أن هذا الفعل كان وحشيا جدا إذا حدث.
الغنماية صديق وفى للأسر الفقيرة.
بس لمن ييكون فى زول .. غنماية..هنا تكمن المشكلة
|
Post: #4
Title: Re: الغنمايه
Author: Muna Khugali
Date: 06-05-2006, 04:56 AM
Parent: #3
هي خـالة لآبـة.... وقـد إحـترمتها في طـفـولتها كـثيرا
وأسـاءت لي دون أن تعرف....فأصبحت أخـت الغنماية..
لعـن الله التـأدب "أحيـانـا"
|
Post: #5
Title: Re: الغنمايه
Author: احمد العربي
Date: 06-05-2006, 05:00 AM
Parent: #3
الشفيف المجمر
سلام شديد ومرورك جميل
بعدين حكاية الزول الغنمايه دي
تكتل من الضحك
لكن
هل هي حيوان زكي ولا غنمايه ساااااكت؟
هل تو جد باسنانها ماده قاتله للاشجار؟
|
Post: #6
Title: Re: الغنمايه
Author: احمد العربي
Date: 06-05-2006, 05:07 AM
Parent: #5
الزوله الكلها زوق
الشجره الوريفه
صديقتي الحبيبه منى
مرور جميل ولعنت التأدب احيانا تأدب
لك مدتي الخالصه
|
Post: #7
Title: Re: الغنمايه
Author: Khalid Saeed
Date: 06-05-2006, 05:21 AM
Parent: #5
تحياتي الأخ / أحمد
تعرف أنوا الغنماية من أشد المتأثرين بتردي الوضع الإقتصادي .. لأنوا أسياد الغنماية ماموفرين ليها البرسيم والغذاء الكافي .. تلقاهم فاكنها في الشارع وهي اليوم كله مشغوله بالمعايش .. عشان ترجع لي ناس البيت ويحلبوها .. تعرف حتى مرات تلقاها تاكل الأكياس مع إنها عارفه إنوا الكيس مابيقدم ليها فائدة غذائية .. ممكن يكتلها ولكنها مجبورة والمضر يأكل الكيس .. وقد تضطر إلى السرقة من المارة أو الأسواق خصوصاً أسواق المحاصيل .. أما بخصوص أكلها للأشجار فده متوارث ويبدوا أنه ناتج عن جينه وراثية معينة حيث أن الدراسات أثبت أن الغنم ليس لها توعيه بيئيه وأنها درجت على أكل الأشجار منذ زمن بعيد حتى عندما كانت الدنيا بخير .
أما بخصوص ذكاء الغنم فأنا بعيني رأيت غنماية واضعه رجلينه على ظهر غلامية أخرى عشان تحصل أغصان الشجرة لتأكلها .. فهذا ذكاء وأيضاً نوع من التكافل بين الغنم .
كما أذكر أنه كان لنا غنماية في الزمن الماضي تتمكن بكل سهول من فتح الباب ( باب الصقاطه لو تزكرونها ) .
لك التحية ،
وعاش كفاح الغنم من أجل توفير الحليب .
خالد الأرباب
|
Post: #8
Title: Re: الغنمايه
Author: gamal elsadig
Date: 06-05-2006, 05:34 AM
Parent: #7
....
الشحمة و النار ..القطة و الفار ... (الغنماية و الخضار )
.
|
Post: #10
Title: Re: الغنمايه
Author: Muna Khugali
Date: 06-05-2006, 05:37 AM
Parent: #8
الله يا جمـال غنمايتك حـلوة شـديـد.... وكمان شـاطـرة وقفت للكاميرا بمـزاج!!
شـوف عـاملة pose للكـاميرا وعـاوجـة رقبتها كيف?
|
Post: #11
Title: Re: الغنمايه
Author: احمد العربي
Date: 06-05-2006, 05:43 AM
Parent: #8
جمال الصادق
المقام الرفيع
مرور بهي ونضير وغنمايتك حكايه
بلد خضراء ريحة جروف مرويه غنم شبعانه
من خير الارض وحليب نقي غير مبستر بدون مواد حافظه
حلم جميل
محبتي الخالصه
|
Post: #9
Title: Re: الغنمايه
Author: احمد العربي
Date: 06-05-2006, 05:36 AM
Parent: #7
خالد الأرباب
تحيه مغزوله بالشوق والموده
وغنمك صعبات لكن
مداخلتك جميله وفيها نظره ايجابيه للغنم
وياريت لو تواصل في الحكي
موده متواصله
|
Post: #12
Title: Re: الغنمايه
Author: gamal elsadig
Date: 06-05-2006, 05:44 AM
Parent: #9
...
فرقة اكروبات الغنم تواصل عروضها للقضاء على الاخضر و اليابس
.
|
Post: #13
Title: Re: الغنمايه
Author: احمد العربي
Date: 06-06-2006, 01:03 AM
Parent: #12
الجميل جمال
حكاية القنم البتطله في الشدر
وتاكل االلحاء
وهي طبعا متعهد اساسي في حملة ضد الخضره
وبعدين الروائيين ديل
شايفم ما حصل مرت بيهم غنمايه
يعني الغنمايه مخاصمه الروايه
لك محبه بعيده من الغنم
|
Post: #14
Title: Re: الغنمايه
Author: احمد العربي
Date: 06-06-2006, 04:43 AM
Parent: #13
الغنمايه تاكل عشاهو
هل هذه المقوله سليمه وهل الغنمايه من اضعف الكائنات؟
واقل دهاءً من الانسان
|
Post: #15
Title: Re: الغنمايه
Author: Emad Abdulla
Date: 06-07-2006, 00:11 AM
Parent: #14
الغنماية يا عربي .. !!!
الغنماية ؟؟
يا خي أنا أكرهها ..
اتسببت في نهاية أول حب في حياتي 
كنت بدرس في الخرطوم الجديدة الثانوية .. و هي ( بقصد حبيبتي .. مش الغنماية ) بتدرس في الخرطوم الجديدة بنات , يوم لقيتها كاتبه إسمها بقلم عريض جدا على وش الشنطة بتاعتها ( عملتها زي لافتة المقبرة بس ) .. زعلت طبعا لأنه كنا بنمشي من بيوتنا لحد المدرسة كداري , و الشوارع العالم مكسرة فيها في النواصي و تحت الشدر .. يعني كل الشباب الصعاليق ح يقومو يقرو اسمها و يعرفوهو .. صاح ؟؟
المهم .. قلت ليها تجيني الليلة في البيت , عندي معاك موضوع حياة أو موت .. ( ياخ أنا كنت جادي كيف ؟؟ .. زول بيحب جد جد ) .. المسكينة خافت و طوالي المسا جات بيتنا , و البيت يا عربي طبعا أول شي ( جالوص ) .. وصغير 200 متر بس زي كل بيوت الديم , و مافي مكان أحب فيهو البنيه غير زقاق الغنم الكان بيننا و بين الجيران , زقاق ضيق جدا في نهايتو زريبة الغنم الفيها زي خمسة غنمايات , سخلتين و أمهاتن , الأم الكبيرة لونها زي أحمر كده .. و غنماية بايخه و دمها تقيل تقل .. و تمشي ليك بررررراحه , يعني أثقل غنماية في العالم . المهم الغنماية التافهة دي كان أظن عندها قحة شديدة .. جيت أنا و البنية حبيبتي عشان أديها محاضرة في الأخلاق و مراعاة مشاعري , و قفنا في الزقاق الضلمة داك قريب لبيت الغنم .. و طبعا الريحة و الحاجات العجيبة . ابتديت يا عربي أدي البنيه الدرس .. : ليه تجرحي مشاعري كده ؟؟ راعي لخاطري .. أنا بغير .. أنا و الله حركاتك دي خلتني ما بنوم و ... ( كُحك .. كُحُك ) الغنماية يا عربي ابتدت السيمفونية الكُحية بتاعتها , طبعا أنا اتحرجت جدا جدا ( ما قلت ليك !! غنماية تافهة ) المهم الكحة استمرت و أنا برفع في صوتي عشان أغطي بيهو على صوت الغنماية المتخلفة ديك ,, تقوم يا عربي بعد شوية الغنماية الرمة دي تدخل في السيمفونية صوت تاني .. صوت شين و مطرطر و بايخ بياخة وكمان عندو ريحة .. البنيه ابتدت تتنخق ضحك و هي مدنقره راسها عشان ما أشوفها و هي بتضحك ( بتراعي مشاعري طبعا ) .. قمت زعلت زعل يا عربي .. زعلت زعل , و طوالي حسيت ليك ( بكبريائي الجريحة ) .. : تضحكي لأنه نحنا بروليتاريا و عندنا غنم ؟؟ أيوه عندنا غنم .. أيوه نحنا فقرا .. ( و الغنماية المنعولة شغالة فوق تحت .. كُح .. طاط .. كُح .. طاط .. كُح .. طاط ) .. اتعقدت طبعا يا عربي , قلت للبنيه : خلاص .. أنسيني .. أنسي قلبي الحباك .. وداعا أيها الحب ( وهي ميته من الضحك ) .
يا عربي البنية مرقت بجاي .. كرضمت ليك يدي وأديت ليك الغنماية دي أم دلدوم بكل قوتي لمن نفسها اتقطع .. ( قطعها بلاء يخمها ) .. الغريبة بعد أم دلدوم ديك الكحة راحت منها !!!!!
تقول لي الغنماية !!
ياخي ديل هم السبب في ضياع الحب في العالم ..
قال غنماية قال ..
|
Post: #16
Title: Re: الغنمايه
Author: احمد العربي
Date: 06-07-2006, 01:46 AM
Parent: #15
الزول المبدع
الجميل
الوتر المدوزن
عماد عبد الله محبه خالصه لك
غنمايه بتغير حتى لو حبوها بي ام دلدوم
تعرف احدى صديقاتي تعتقد ان الغنمايه بتشعر بي وجودنا
واهمالنا ليها
لكن حبيبتك بالغت واحسن انكم اتشوكشتو لانو ما ممكن
تحب ليك زوله تنتصر عليها غنمايه
بعدين انت كان تدس موضوعك ده من الغنم بتاعنكم دي عشرة سنين
تجي تجيب ليها جكس غريب وسمح كمان مش كويس ما ادته ليك نطحه
لك الحب كله
والتحيه لغنمايتكم
|
Post: #17
Title: Re: الغنمايه
Author: Alia awadelkareem
Date: 06-07-2006, 03:22 AM
Parent: #16
Quote: يا عربي البنية مرقت بجاي .. كرضمت ليك يدي وأديت ليك الغنماية دي أم دلدوم
بكل قوتي لمن نفسها اتقطع .. ( قطعها بلاء يخمها ) ..
الغريبة بعد أم دلدوم ديك الكحة راحت منها !!!!!
تقول لي الغنماية !!
ياخي ديل هم السبب في ضياع الحب في العالم ..
|
العزيز احمد
صباحك ود
يعني المواضيع الفي العالم كملت قبلتها علي الغنم
يعني جنس حاله..
انا غايتوا بحب السخلات بنات الغنمايه
وبرقدهم معاي في السرير
ويا عماد عبد الله
يعني لازم الضرب يعني
بس ما شافوك جمعيات الرفق بالحيوان
وانتهاك حقوق الحيوانات
كان ودووك في خبر كان
محبتي
للكل
|
Post: #18
Title: Re: الغنمايه
Author: احمد العربي
Date: 06-07-2006, 03:25 AM
Parent: #16
هل توجد غنم متوحشه؟
ام جميعها ولوفه؟
|
Post: #19
Title: Re: الغنمايه
Author: احمد العربي
Date: 06-07-2006, 03:46 AM
Parent: #18
الزوله السمحه وراقيه
اديبتنا بت المبارك
عاليه ام غنما عراض
نورتي لينا زريبتنا
(عاليا والسخلات التلاته) رايك شنو في اسم الروايه ده
الا ترين ان الغنم تسكن مع معظم الاسر السودانيه ويقتاتون منها
وتفركش ليهم حبهم احياناولا تلقى ليها فرقه في المطبخ تنشفو من
اي حاجه بتتاكل
وبرضو تقولي لي المواضيع الفي الدنيا دي
علويه ياجميله الغنم مساحه يمكن ان تخلق حرار حول اشياء كثيره
لك مودتي الخالصه
|
Post: #21
Title: Re: الغنمايه
Author: Tumadir
Date: 06-07-2006, 05:25 AM
Parent: #19
حرام عليك يا عماد عبد الله
الغنماية دى كائن فيلسوف..
لاحظوا ليها لمن تكون قاعدة تحت الضل ..اصغر ضل فى العالم بشيلها يعنى تلاته بوصات ضل وهى تكون قاعدة باسترخاء شديد وتلوك فى حاجة ما معروفة شنو..بهدوء شديد ..ومسهية ..اها السهوة دى هى البتعجبنى فى الغنم ..تسهى وكأنها بتتأمل فى فكرة عميقة ..فكرة "انسانية" وفلسفية ..
ياخى دى شدة ما ذكية بتتحك بالحيطة ..عشان ما بتقدر ترفع يدها ..فى "افلسف" من كده؟؟
عندنا واحدة قريبتنا "كوميديانة" الله يرحمها كانت ناظرة مدرسة وعندها روح الحكواتى ..لما تتكلم الناس بتدوروا دايرة كبيرة وبغعدوا يضحكوا وهى تحكى ..
يوم جات زهجانة ..قالت "اريتنى لو كنت غنماية"
"لا فى زول يقول لى مشيتى وين ..لا جيتى من وين ؟؟ ولا ابو اولادك منو؟؟
هههههه
انا احب الغنم...
فى ناس بيحفظوا تعليقاتى الانا بنساها
لما رجعت السودان بعد سنين طويلة ..عندى اختى بت ابوى قالت لى انتى دى آخر زول متوقعنو يطلع من السودان
تتذكرى زمان كنتى بتقولى شنو؟؟
قلت ليها بقول شنو؟؟
قالت لى لما الناس كلهم بدوا يهاجروا نسألك يا تماضر انتى ما دايرة تهاجرى ..
كنتى بتقولى لا انا ما بهاجر
لانى لو طلعت الغنم حيشربوا البحر ..والناس بتعطش..
هههههه
لما ارجع السودان حامشى اكتب فى الدليبه الجنب شارع النيل "احب الغنم" "احب الغنم" وارسم قلب وسهم ...وقش ..بيشيل من القلب..
ياخ الغنم ديل احلى "ناس"...
|
Post: #53
Title: Re: الغنمايه
Author: احمد العربي
Date: 06-09-2006, 12:55 PM
Parent: #21
Quote: تتذكرى زمان كنتى بتقولى شنو؟؟
قلت ليها بقول شنو؟؟
قالت لى لما الناس كلهم بدوا يهاجروا نسألك يا تماضر انتى ما دايرة تهاجرى ..
كنتى بتقولى لا انا ما بهاجر
لانى لو طلعت الغنم حيشربوا البحر ..والناس بتعطش..
|
الجميله تماضر
فعلا سافرنا والغنم
شربو موية النيل
|
Post: #71
Title: Re: الغنمايه
Author: محمد أبوعاقلة الطريفي
Date: 06-20-2006, 01:20 PM
Parent: #15
الرائع .... أحمد
طالما دخلتنا الزريبه بتقمص طبع الحاجات دي وما تلوموني في الكلام
الاخ عماد .... انت غلطان علي البهايم )ما البهايم الواقف معاها في الزقاق( البهايم المربوطه
انت عارف من طبيعة الغنم بالليل لم يشوفوا زول بتعمل اي حركه كلفت انتباه
تكون راقده بتصلح رقدته امكن عشان العوره
بتكورك لم تكون جيعانه او عطشانه
وبعدين عشان تديك احساس بالالفه وانو القدامه دا ما زول شرير
لكن انتو غلطانين
جوعتو الغنم يا عماد .... عشان كدا طفشت البنيه
انا ما مسؤول من الحركات المصاحبه للكورال داك
امكن نفاخ مشك والا عيانه او حاجه من ذاك القبيل
بعدين كيف تتناقش في موضوع حساس في زقاق غنم
نقاش حاد مع الريحه الحاده
وقفتك غلط وكان داير تعلي صوتك فوق صوت الغنم الا تبقي .......او الموضوع ح يبقي فضيحه
انت السبب وما ترميهو في الغنم
لكن غنم تماضر تكيف ... والله دفاعك مستميت لهذه الفئه من سكان السودان
بعدين في حاجه مافي زول جاب ليها خبر خالص
يا جماعة بتعرفو .... اللبه
طبعا بالنسبه لي أحلي حاجه .. ومشكلتي اني بداقر العتوت ..ذكر الغنم والسخله .انثي الغنم في اللبه اللذيذ اللهو اصلا من حق المواليد الجدد
انا بعتذر لاي طفل غنمايه في مشاركتهم هذا الشئ الرائع
وسلامات
|
Post: #20
Title: Re: الغنمايه
Author: قرشـــو
Date: 06-07-2006, 05:22 AM
Parent: #1
العزيز أحمد العربى
لك التحية
أبدع الاحباب فى سرد حكاوى الغنماية حتى رموها بكل نقائص الحياة المرة
وابدعوا فى صور تبرئها من الغباء ومن حب الاذية
رغم وجود مادة ما فى اسنانها تقضى على جمال الخضرة ولكن ما ذنبها
حب الحياة أحبتى يرغمها لقرض كل ما يصل اليها ولا تفرق بين اخضر ويابس
حتى الدلاقين وبقايا الورق فهى تمضغها
إذن هى لم تبيت النية للقضاء على الجمال والخضار والنضار
اننى ارثى لهذه العنزة المسكينة
فكم ظلمت من بنى البشر
وكم لاقت الامرين ، فهذا يضربها "أم دلدوم" وذلك يوكزها بعصاه
مع ان خلق كثير يعيش على البانها
واصوافها
ولحومها
ومع كل ذلك لا شكر ولا جميلة لها
كم مسكينة هى الغنماية سيدى
حقا انا اتعاطف معها لانها لا نصير لديها
وذلك رغما عن انها قرضت لى عدة حيضان خضرة وجرجير كنت ازرعها فى فناء منزلنا
ولكن احب البانها
ولحوم صغارها
مع خالص تحياتى
|
Post: #22
Title: Re: الغنمايه
Author: Adil Osman
Date: 06-07-2006, 05:43 AM
Parent: #20
thank you arabi
|
Post: #23
Title: Re: الغنمايه
Author: Adil Osman
Date: 06-07-2006, 05:48 AM
Parent: #22
يمة.. يمة.. الشاى بمرق متين؟!
|
Post: #56
Title: Re: الغنمايه
Author: احمد العربي
Date: 06-09-2006, 11:06 PM
Parent: #23
الجميل دوما
عادل عثمان
تحيه مغزوله بي نكهة الصباح
البنحرس شايهو جنب امنا في انتظار
وملل من النار البطئه وريحة الزلابيه
لزة ادب شاي الصباح
والمناكفات الاخويه حول الاولويات
اذا هي تلعب دور في هذا الشاي
صورك جميله
حب نقي كما دواخلك
|
Post: #25
Title: Re: الغنمايه
Author: Emad Abdulla
Date: 06-07-2006, 06:51 AM
Parent: #22
غايتو جنس كضب عليكم ..
ودي حركات ما شغالة .. جد و الله .
ياخي أول حاجة الغنم ديل شينات .. ووسخانات .. و رمم .. و تقيلات دم .. و معولقات .. و بيبارن الكوش .. و ياكلن أي شي لونه أخضر ( في حقد أكتر من كده ) , ياخي الزول لمن يشتموهو بيقولو ليهو : هوي إنت يا الغنماية هه ..
| Quote: انا غايتوا بحب السخلات بنات الغنمايه وبرقدهم معاي في السرير |
.. يااااااي ..
عاين جنس الحالة دي .. و الله يا عليا لو ما الله وداكي النار بعمايلك دي , تشوفي براك !!! في زول مسلم عاقل ينوم معاهو غنماية ؟؟ دي إلا كان إندراوه ساكت .. ( غايتو بهبالة الغنم الأنا بعرفها ديك , إلا كان تلبسيها بامبرز بعدين ترقديها جنبك )
| Quote: الغنماية دى كائن فيلسوف.. |
بالللللله !!!! الفلسفة شنو يعني في زول طول اليوم بارك في ضل ما يقعد نملة .. و بعد داك ياكل الأكل تمنية مرات .. يبلعوا و يمرقوا يلوكو تاني .. يبلعوا و يمرقو يلوكو تاني , هسه ده شنو يعني ؟؟ .. مش دلامه بالله ؟؟ و بعدين في زول بيرضع نفسو ؟؟ والله الغنماية بترضع نفسها .. لدرجة إنو يلبسوها بستلة عشان ما تعوج رقبتها تحتها وترضع .. أها ده كلام ده ؟؟ شوفتو عوارة أكتر من ده ؟؟
وبعدين تعال يا خوي ..
| Quote: مداخلتك جميله وفيها نظره ايجابيه للغنم |
( قريت الجملة دي و اتخيلتك بطرف صباعك كده بتجدع شعرك لوراء .. و قدومك معووج فرنساوي فرنساوي .. ) عرفنا ديل بنات حنكوشات ساكت يا عربي .. لكن إنت شترتها شترة كعبة خلاس ..
نظرة إيجابية !!! لا بالله .
يعني بالله يا اخواننا هسه العربي ده أعضيهو في أضانو يعني ولا أعمل شنو أنا ؟؟ ..
وعادل كمان فرحاااااان جايب ليها صورة ..
وسوميتا تدلعها و تعمل ما بعرف شنو ..
أُف ف ف ف ف ف ف ف ف
يازول أنا زاتي مالي و مال كده ..
خلي الغنماية تنفعكم ..
|
Post: #26
Title: Re: الغنمايه
Author: Alia awadelkareem
Date: 06-07-2006, 07:22 AM
Parent: #25
 E]
وعلييك الله يا عماد شوف الجمال دا
تقول لي ريحته ايه ما بعرف
يعني قليل من الخيال
لتسعد الغنم
ويا احمد قلت لي نظره ايجابيه
واللللللللله دي الالمان ما سبقوك عليها
محبتي
|
Post: #29
Title: Re: الغنمايه
Author: Emad Abdulla
Date: 06-08-2006, 04:02 PM
Parent: #26
| Quote: وعلييك الله يا عماد شوف الجمال دا |
صاح و الله يا عاليه .. الشافعه دي جميلة شديد .. لكن الكلب الشايلاهو ده ممكن يعضيها يجيب ليها شلل أطفال .
|
Post: #58
Title: Re: الغنمايه
Author: احمد العربي
Date: 06-09-2006, 11:32 PM
Parent: #25
عماد عبد الله
الزول الراقي
احبك بقدر كراهيتك للغنم
وياخي براحه علي الغنمايه
دي ما غنمايه ساكت
انت قايله شنو
وبعدين نحنا مقدرين الم الشاكوش بناعك
السببتو ليك الغنمايه وانا لو في محلك
كنت كرهت معاهم البقر ذاتم
وكل الثروه الحيوانيه
مودتي واحترامي
|
Post: #55
Title: Re: الغنمايه
Author: احمد العربي
Date: 06-09-2006, 01:37 PM
Parent: #22
الجميل عادل عثمان
اشعر بالارتياح حين دخولك
مساحاتي المفروده لك وكل الناس الجميله بالمنبر
مودتي واحترامي
|
Post: #54
Title: Re: الغنمايه
Author: احمد العربي
Date: 06-09-2006, 01:34 PM
Parent: #20
Quote: كم مسكينة هى الغنماية سيدى
حقا انا اتعاطف معها لانها لا نصير لديها
وذلك رغما عن انها قرضت لى عدة حيضان خضرة وجرجير كنت ازرعها فى فناء منزلنا
ولكن احب البانها
|
الجميل قرشو
لك حبل الود موصول
مرور جميل عطر هذه المساحه
موده غير مقطوعه
|
Post: #24
Title: Re: الغنمايه
Author: Soumeta
Date: 06-07-2006, 05:58 AM
Parent: #1
بت المِعزة!
إلي حين عودة،،
|
Post: #27
Title: Re: الغنمايه
Author: omer almahi
Date: 06-07-2006, 10:24 AM
Parent: #24
الغنماية نايمة لحدي هسة غريبة.... قومي ها علي حيلك كدا بالله.....
دا كلام سعاد بنت عمي شيخ ادريس ( العيلفون ) وهي تستغرب نوم الغنماية حقتهم لهذا الوقت المتاخر.....
بصعوبة وبطلب مساعدة تقدمت به سعاد لباقي الاسرة استطاعت ان تحلب الغنماية وهي باركة وتغط في نوم عميق....لزوم شاي الصباح (المقنن)
شرب الجميع الشاي في جلسة اسرية تخلللتها بعض التعليقات عن نوم الغنماية
بانها ربما كان عندهم بارتي عند الجيران وساهروبيها وكدا ....
كل ذلك وهم يستعدون للخروج لبداية يوم عملي جديد.. بينهم الطالب وبينهم الموظف وتاجر السوق
ولكن لم يمر وقت طويل حتى شعر الجميع بالخدر يتسرب الى اجسادهم ..
سرعان ما غط الجميع في نوم عميق ....لم يفيقو منه حتى منتصف النهار .....
واخذوا ينظرون بعضهم لبعض والسنتهم تعقدها الدهشة......
البيت كان في اجازة اجبارية.....والسبب مجهول ...
الحاجة صلحة امهم قامت لعلها لتستبين الامر
فجأة انطلقت منها صرخة مدوية .....
سجمي يا بنات امي حبوبي الفاليوم حقات المنوم وينن.....
وبعد تتبع الاثر حبة فاليوم هنا وحبة فاليوم هناك
حتى عثروا على الورقة البيضا الملفوفة بيهن حبوب الفاليوم نصها ممدوغ وواقع جنب الغنماية
التي مازالت في اخر حلمة.........
حينها عرف الجميع ان لبن غنمايتهم ( المفليم) كان السبب
...اما بطلت القصة فلم تعد الحياة الى
اوصالها الا اواخر الليل من اليوم الثاني
قال غنماية قال
نحن ناس جزيرة لو لمينا ليك في بوستك دا...غنمايتك دي بنوديها الخور.....
تحياتي العربي
قيلي
|
Post: #60
Title: Re: الغنمايه
Author: احمد العربي
Date: 06-09-2006, 11:52 PM
Parent: #27
| Quote: ....لزوم شاي الصباح (المقنن |
الزول الرائع عمر الماحي (قيلي)
مرور جميل كاشعة شمس الصباح
تعرف سودانيه عندها شقه في مصر
عمك عثمان الطباخ المصري حارس ليهم الشقه وبيطبخ ليهم
في يوم جمعه كل الطلبه الفي الجامعات ماشين يتغدو مع حاجه نفيسه
عمك الطباخ المساله كانت ليهو متعبه جدا
بعد الغدا الحاجه نفيسه وهي طالعه اتلفتت لي عمك عثمان
يا عم عثمان انحنا طالعين وبنجي نشرب شاي المغرب هنا عليك الله قنن لينا اللبن ده معاك
عمك عثمان اقننو ؟ اقننو ازاي؟ هو اللبن بتقنن ؟ دانتو قننتوني
|
Post: #57
Title: Re: الغنمايه
Author: احمد العربي
Date: 06-09-2006, 11:23 PM
Parent: #24
الزوله الجميله
ريحة النيل
ونسايم امدر
فرهدة زهرة قطن الجزيره
امل الحصاد
سوميتا موده موصوله
وغنمايتك جميله
اشكرك علي الطله الحلوه دي
|
Post: #28
Title: Re: الغنمايه
Author: Adil Osman
Date: 06-07-2006, 12:43 PM
Parent: #1
غنماية حنكوشة!
تحديث عملية التفاعل بين الغنماية والحلاّب!
|
Post: #30
Title: Re: الغنمايه
Author: Tumadir
Date: 06-08-2006, 04:21 PM
Parent: #28
خلاص يا عماد عبد الله انا آمنت انك بتكره الغنم لانه الجمال البتتكلم عنه عالية دى..هو جمال الطفلة الشايلة "العتوت"..عتوت يا عماد ..جنا غنم .."على وزن جناجداد" ما كلب..
اها ألذ نكتة عتود..عتوت ما علينا ..هى قصة المغترب الرجع اهلو مفلس وداير يفتح موضوع مناسب للحرجة بتاعتو تشغلهم من حكاية ..
اها؟؟
اها فى اللغة تعنى "جبت لينا معاك شنو؟"
يقول كده وهو بطقطق فى اصابعينو ويعاين للاوضة المضلمة وبابها فاتح شاف منظر فى النص كده..
قال ليهم ..ههه اووه اشتريتو ليكم مكنة ولا شنو؟؟
استغربو جدا لانه البيت ما فيه مكنة
عاينو لمحل بيعاين ..
لقوا العتوت طالع فى التربيزة الفى النص .
".وهو طبعا قصيرونى واسود..والتربيزة ..متوسطة كده..بقى شكلهم مع بعض زى المكنة .مكنة الخياطة"
القصة دى بتحكيها مريم محمد الطيب..وهى مصوراتية ..اتخيلو الباقى.
هدية لعماد ولكل احباب الغنم
|
Post: #31
Title: Re: الغنمايه
Author: Tumadir
Date: 06-08-2006, 04:26 PM
Parent: #30
|
Post: #32
Title: Re: الغنمايه
Author: Tumadir
Date: 06-08-2006, 04:28 PM
Parent: #31
|
Post: #33
Title: Re: الغنمايه
Author: Emad Abdulla
Date: 06-08-2006, 10:31 PM
Parent: #32
| Quote: لما ارجع السودان حامشى اكتب فى الدليبه الجنب شارع النيل "احب الغنم" "احب الغنم" وارسم قلب وسهم ...وقش ..بيشيل من القلب.. |
ده يا تماضر كان لقيتي ليك دليبايه فاضلة ( يا يكون أكلوها غنم الشارع .. ولا كمان أكلتها حيكومة الغنم ) ..
وبعدين تعالي هنا .. يطرشنا بدليب شارع النيل ده ..
يكون قصدك اللبخ ؟؟
تكون الحيكومة ( دلبتو ) يا لبي .. ؟؟؟
( ترجمة : دلبتو يا لبي = قلبتو يا ربي , و ذلك باللغة اللجناء )
مش الحيكومة بـ ( تدلب ) الناس تدييش إدبالي ..
( ترجمة : تدلب الناس تدييش إدبالي = تدرب الناس تجنيد إجباري , و ذلك باللغة اللجناء نفسها أعلاه ) .
( حنكوشه سألها الأستاذ : من هو الراعي ؟ .. قالت ليهو و هي - فيري أبست - : عادي .. مش ده هووا ( شايفه هووا دي كيف ؟ ) .. هووا اللي بيمشي برجولو و يفسح الغنمات ؟؟ )
أبوك السقا مات ..
.............
معليش يا عربي .. دبرسه ح أفكها في بوستك ده يعني ح أفكها فيهو ..
تعال ختها لي في الكشف بتاعي لمن أفتح خشم بوست جديد .
كله من تماضر ..
مودتي لك و الإحترام ..
و معذرة .
|
Post: #34
Title: الغنماية
Author: mohmmed said ahmed
Date: 06-09-2006, 01:11 AM
Parent: #1
العربى اخوى
انت جايب لينا موضوع الغنماية قايلنا ما عندنا فيهو كلام
اها اول شى نحنا طوالى عندنا غنم فى البيت ....الوالدة عندها خبرات عظيمة فى تربية الغنم تقوم بالتوليد والتطبيب والعناية
لمن تسافر خارج السودان اول ما تقول ليك غنمايتى اعرف انها زهجت ودايرا ترجع
بيعجبنى فى الغنم العيون العسلية بالمناسبة الغنم كلهم عيونهم عسلية ولا لابسيين عدسات
لمن الغنماية تولد كنا نفرح لو جابت عتود عشان اكيد حتكون فى لحمة
بس زمان لمن يقبضوا غنمايتا.... وهى بتعتدى على حدائق الرى المصرى فى جبل اولياء .....ويودها الحجز فى زريبة ديم البساطاب .....كانت مشكلة كبيرة تمشى الديم تجيب الغنم واولاد الديم بتاعيين مشاكل وحقارات..... فى الوقت داك كنتا بكره الغنماية
|
Post: #35
Title: Re: الغنماية
Author: Emad Abdulla
Date: 06-09-2006, 01:34 AM
Parent: #34
| Quote: تمشى الديم تجيب الغنم |
.. سكتنا.. أها .. وفوتناها ليك
| Quote: واولاد الديم بتاعيين مشاكل وحقارات |
.. دي كتيرة والله يا محمد ياخ ..
يعني نحنا محل الغنم ؟؟؟
صلح كلام الحقارات بتاعك ده يا قريبي .
: طفل من العمارات كان واقف قدام بيت فللتهم ( طبعا يا محمد إنت ما بتكون عارف إنه العمارات دي كلها فلل .. صاح ؟؟ ) .. المهم الشافع كان بياكل آيسكريم .. جه ولد من عنقالة الديم خطف الآيسكريم و فتح فتح صاح . ود العمارات دخل بيبكي لأمه : مامي .. مامي , أمه ( إتخضت ) و شالتو : شنو حبيبي ؟؟ شنو حياتي .. مالك يا بابا ؟؟ الولد أشر على الشارع الفتح فيهو ود الديم طابق الغنيمة : الغنماية خطفت آيسكريمني يا مامي .
محمد ياخ صلح كلامك ياخ
|
Post: #59
Title: Re: الغنماية
Author: احمد العربي
Date: 06-09-2006, 11:41 PM
Parent: #34
صديقي
الحبيب
المبدع محمد سيد احمد
عاطر الود لك وعلاقتك والوالده مع الغنم
تعرف نحنا ما كنا بنربي غنم في البيت
لكن حبوبتنا ام الوالدهما تشرب حليب الامن ضرع غنمه
وكنا لمن نمشي ليها في الاجازه بندخل في برنامج
غنماوي طويل وعريض
مودتيواحترامي
|
Post: #36
Title: عماد
Author: mohmmed said ahmed
Date: 06-09-2006, 01:59 AM
Parent: #1
قريبى عماد
شفتا اشان تعرف انكم بتاعيين مشاكل وحقارات
فاير وهايج وفاتح القميص وفاكى الزراير
انا لا شفتا العمارات لا جيت جنب الديم حقكم
الديم هو ديم البساطاب ونحنا ساكنيين فى الحلة الجديدة جبل اولياء
اها رايك شنو
لكن الديم حقكم دا انا عندى فيهو صاحب لاعب كورة حريف لعب فى العلمين اسمو سامى احمد محجوب عايش فى رومانيا من زمان
وانا بحب ديمكم الفوز نقد
هسا الخوف من ناس ديم البساطاب فى البورد يجوا طايرين يخلونى زى الغنماية
|
Post: #37
Title: اصحاب
Author: mohmmed said ahmed
Date: 06-09-2006, 02:09 AM
Parent: #1
اصحابى فى الديم
هاشم (الكيك)
وعثمان محمود
وعاطف مختار
|
Post: #38
Title: Re: اصحاب
Author: Emad Abdulla
Date: 06-09-2006, 02:15 AM
Parent: #37
محمد يا قريبي ..
.. لا لا لا
دي إسمها ( جريت واطي ) عديل كده .
|
Post: #40
Title: Re: اصحاب
Author: عبدالكريم الامين احمد
Date: 06-09-2006, 02:38 AM
Parent: #38
مرحب الاخ احمد العربي
وسلام للجميع..
عماد عبدالله وبروستريكا الغنم..والشاكوس الجاك عبر غنمايتك سامحتك..(انسي يا مان)..
اما انا ساحكي لكم عن اشهر غنماية في مدينة المجلد..حي الجلابة في ذلك الزمان..
وهي الغنماية الشهيرة..(غنماية السريرة)..
ياخ ديك غنماية ضخمة وموهوبة وبتاعة مشاكل..ولو ركبت تاكسي ما بتحصلها في الجري..
كنا نسكن في حوش كبير ياوي زي مليون اسرة كده..
وكانت في وسط الحوش دائما (عيش) مشرور من اجل (الدامرقا) والزراع بصورة يومية
وكات حبوبتي عليها الرحمة هي الحارس الدائم لمهرجان (الدامرقا) اليومي هذا..
غنماية (السر يرة) ورغم الرقابة الايوكسة من اطفال البيت والجميع الا انك
فجاءة قد تشاهد (غنماية السريرة) تاكل العيش في البرش بكل شجاعة..
دخلت بوين ..جات من وين ..تاتي كانها الجن وتدور اكل (سريع سريع) في العيش
كانها تدري ا ن (الحبوبة) ستصدر تعليماتها للمطاردة...
وعندها تبداء مطاردة شرشة من اجل القبض علي الغنماية (الشفتة) وغالبا ما تنجح
(غنماية السريرة) في الافلات والهروب بعيدا برشاقةوخفة تحسدها عليها (ماري جونز),,
وفي المرات القليلة التي يتم قبضها يتم ارسالها في كرنفال شديد الحماية
وفي شكل صندوق (حربي)...وتسليمها للسريرة...
وايصال رسالة الحبوبة...
خالتي السريرة حبوبتي قالت ليكم اربطوا الغماية دي.....
ولكن بعد يوم يومين تلقي الغنماية جوه البرش وبتسفسف العيش,,,,
|
Post: #61
Title: Re: اصحاب
Author: احمد العربي
Date: 06-10-2006, 11:19 PM
Parent: #40
عبد الكريم الامين
ياجميل
مرورك خريف
طلتك نور
مداخلتك اسعدتني كثيرا وياريت
لوتدوم معانا
Quote: عماد عبدالله وبروستريكا الغنم..والشاكوس الجاك عبر غنمايتك سامحتك..(انسي يا مان)..
|
مش كده
عمده ده ما قادر يغفر الموضوع ده اصلو
ياخي الجكس بتاعك ده ادينا عنوانو هسع
نجيبو ليك !!!!!
|
Post: #41
Title: Re: اصحاب
Author: محمد سنى دفع الله
Date: 06-09-2006, 03:02 AM
Parent: #38
عميري الله ارحمو قال أغرب غنماية لاقتو كانت بتاكل في الكوشة
هي يالسنى وفي غنماية بتاكل في الهلتون ؟؟
اي عنم المقرن !!
ماعليناالمهم الغنماية وهي بتاكل فرحانه وسارحة في غيها بدون ماتشعر قرشت ليها ليمونة مخمرة وعفنة ومرة تخيل ده كلو على الليمونةبس،
الغنماية ما لاكته لوكلوك واستذوقتا زي باقي الغنم إلا صرت وشها وغمضت عيونها شديدوقشت خشمها بي كيس نايلو وخلت الكوشة زاتها ايه رايكم؟؟؟
الغنماية التانية
ايام أزمة الرغيف واحد عندوضيوف فتش سلقط ملقط ما لقى رغيف اخر المخيرة لقى ليه دكان مركون
وفيهو عيشتين شالن وعايز اطير من الفرح اي كل ضيف لقمة وهو في احلامو جات غنماية شيطان الظاهر كف نجف خطفت عيشه ونطة نطتين في الهوا والعيشة بقت اشلاء وجوبيالغنماية المجترة
ابلعي العيشه بلوع ونطي نطة تغيظي في الراجل المسكين الكان بحلم الركبو ستين عفريت انا ماعارف السر شنو في انو اكونو ستين عفريت ، المهم ال راجل المركوب بالعفاريت انطلق ورا الغنماية بي سرعة تبدو لك أن لها علاقة بالركض الانساني لالالالاوالف لالالالالادي سرعة ما عادية دي سرعة زول راكبو شيطاان عديل الغنماية اول الأمرما استغربت لكن لمن شافت كمية الفول البره الجك وكيف الراجل خانق الغيشة التانية وكبف وقف فوق راسهاوقعد اجابد في باقي العيشة
والعنماية رقدت صوف طبعا مش غنماية يعني ماممكن ترقد قطن !!والراجل وراها الغنماية دي من اليوم داك كرهت الرغيف والله حب مابتاكلو مسكينة !!والراجل من اليوم داك كان انت راجل قول ليه عنمابة وصحي القالوليه غنماية؟؟؟!!!!!
|
Post: #64
Title: Re: اصحاب
Author: احمد العربي
Date: 06-11-2006, 02:46 AM
Parent: #41
الاستاذ الفنان المبدع
الجميل
محمد السني
الغنمايه بتاعتك دي تلقاك انت المحرضه
وانا خايف انها تكون بتشتغل معاكم في الكميرا الخفيه
ولاشنو؟
موده واحترام كتير
|
Post: #39
Title: عماد
Author: mohmmed said ahmed
Date: 06-09-2006, 02:31 AM
Parent: #1
ايوة قلنا نروق اللعب وندى باصات بالعرض
لكن اصحابى كيف
مش ناس ظراف
|
Post: #42
Title: Re: الغنمايه
Author: الجندرية
Date: 06-09-2006, 04:03 AM
Parent: #1
سلام يا عربي وضيوفوا / ضيفاتو
تذكروا / ن اللعبة ديك الكنا بنعلبا زمان بتاعت الغنم .
بتاعت احمر حمور ...ميغ
ابيض بيوض ,,,ميغ
اسود سوود ...ميغ
والصوت صوت غنمي
كضاب يا عربي
الصوت صوت غنمي
كضاب يا عربي
أنا صقراً بختفها
وانا اماً بحجزها
ايييييييييه زمن
هسي ينطوا / ن لي حناكشة اخر زمن ويقول لي يا ديناصورة
ولا شنو يا عماد عبد الله
شخصياً .. رغم اللعب اللعبنا من وحي الغنم
الا اني متفقة معاك في كراهيتها
اول ما بقيت مراهقة وبفتش على نظرات الاعجاب في عيون الآخرين
قهمتني الغنماية قهمة العدو
مشينا رحلة
وقعدوا / ن يلعبوا / ن اللعبة البايخة ديك البشبهو الناس بالحيوانات والشجر والملاحات وشنو ما بعرفو
تصدقوا / ن طلعوني شبيهتها
لكن النصحية
ثمة شبة لا ينكر
العوارة والوش المسلوت من الضعفة
والشعر المجلط مع قٌصة ما ماقادرة تحدد مصيرها ترقد ولا تقيف
بقت علاقتي بيها زي كراهية الزول لشوفة روحو في المراية
اها لما بديت أنضج شوية وخليت العوارة وعرفت لي صرفة لي قٌصتي
علاقتي اتحسن شوية بغنماية الشوم
قومي تااااااااني ياالعواليق اضبقيها لي
كنت ممتحنة الشهادة
وعارفين / ات طبعاً توتر امتحان الشهادة
ناس البيت مفضيين لي اوضة بالحوش القدامي خاتة فيها كتبي
وحلول اسئلة الامتحانات الفاتت وكل الوسائل المساعدة
يوم ركبتني زهجة وانا بقرأ
قلت خلاص امشى ازور الشيخ طه واجي راجعة اواصل
مشيت زرت وانبسطت وجيت
افتح ليك باب الحوش القدامي
فإذ بالحوش كأنو ضربو اعصار
ملان ورق لحدو
اطير عيوني واجر على الاوضة
القى ليك كتبي واوراقي كلها مافي
ارجع تاني الحوش
والقط واقرأ واسكلب
الغنماية السخيفة تمسك الكتاب بالعرض وتاكلو
ولا كتاب ما فضل
وحياة الله لامن امي بقت بخرة صباح وبخرة مسا حتى طبت وبقيت زول
تقولوا / ن لي غنماية
وكمان فيلسوفة يا تماضر ؟!!!
الغربية ابوي الله يرحمه
جمع نقيضين
حب زراعة الزهور
وحب تربية الغنم
وكان مأدبين أدب
اصلن ما بمشن على زهورو
فلاحتن في كتبي انا
اها قبل ما امشى
لا تذكر الغنم في هذا الحوش الوسيع
دون ان تذكر بت قضيم ربي يرد غيبتها
عندها بوست لذيذ بشكل اسمه اما بخصوص الغنماية
دي حتة منو والداير /ة يواصل يدخل الرابط تحت
Quote: لم يندهش جيراني عندما أخبرتهم أن كم أنا مشتاقة (لغنمايتهم) شوقا لا تحده بحور إذ أظنهم كانوا يعتقدون أنه من المفروض أن لا نشتاق لهذا الكائن الذي وجوده الدائم في الشارع السوداني،، لم يعطنا الفرصة للتفكير فيه ككائن متفرد،، نشتاق له ونخاف من تأثيراته القوية على شجيراتنا الشوارعية
ودي ما سبة بالطبع،، حيث لا اظن أن الشارع (سبة) فقد قال الشاعر
( من ما قمنا وشفنا الشارع شفنا الشارع هو البعلم)
يعني (تربية شوارع) ليست لفظة بهذا القدر من السوء
لذا ،، وأنا في السودان،، وعدت نفسي بأن اظل اتحدث عن الغنم فترة لا بأس بها،، الغنم وام رقيقة، العلاقة شنو؟؟؟!!!
آآبعرفوا
وحاتحدث وين قايلين يعني؟؟؟ ياهو حوش بكري ده
وطبعا سأتهم بالإنصرافية وهدر الباندوث
!!!حسنا حسنا انا من الآن اعترف،، انا انصرافية،، وهدااارة جنس هدارة
وربما يسبني احدهم فيقول (امشي يا غنماية يا عنبلوق) وسلن اشتغل به الشغلة،، فانا احمل كما من الهم والبرطمة لا مجال لأن افشه إلا هنا،، خصوصا ان مدير السجم فرض عليا اليومين الأواخر شعار،، دعونا نعمل في صمت وللآن لا اعلم لماذا ضميري القلقان ده ما اتكوم شوية شان اكتب مدير السجم ده في الفكي يكتب ذنبو ان شاء الله
والذي يرغب في النقنقة الفاضية فأهلا به،، واني ادعو حملة مشاعل الفكر النضيف المستحمي ناس الكلام الكباااااااار داك،، أن لا يستاءوا من الكلام الفارغ الذي سأكبه هنا كبا دون تفكير،، وليعتبروه شئ مشتت هنا وهناك كأغنامنا الكثيرة،، نطالعها كثيرا ولا نفكر البتة لماذا هي تشاركنا حيواتنا بهذه القوة الجبارة
دقيقة بس |
...أما بخصوص الغنماية
|
Post: #43
Title: Re: الغنمايه
Author: Adil Osman
Date: 06-09-2006, 04:53 AM
Parent: #42
غنماية حامل جدآ..
|
Post: #44
Title: Re: الغنمايه
Author: Adil Osman
Date: 06-09-2006, 05:25 AM
Parent: #43
أميرنا زينة.. وبحب الغنم!
|
Post: #45
Title: Re: الغنمايه
Author: Adil Osman
Date: 06-09-2006, 06:00 AM
Parent: #44
الوقوف بشجرة..
|
Post: #47
Title: Re: الغنمايه
Author: محمد سنى دفع الله
Date: 06-09-2006, 06:24 AM
Parent: #45
دي غنماية بنقول واقفه الف
ياخوي عدول الأضنين مازي الهمزة
لو البوست ده زاغ هنا ولاهناك ماتقول عيني !!!
|
Post: #49
Title: Re: الغنمايه
Author: Salah Abdulla
Date: 06-09-2006, 06:46 AM
Parent: #45
العربي ، وصحبه الكرام ..
تحياتي
موضوع حلو يا عربي ، ..
أنا بحب الغنم ( خالس ) جدي الله يرحمه كان عندو علاقة غريبة جداً ومتميزة بغنمو ..
كان بيتكلم معاهم .. المغرب بعد ما يصلي كان بيقيف خشم الباب وينادي ( تعالي .. تعالي ) فكانت أمهم الكبيرة ( قائدتهم ) تتحرك بسرعة وخفة نحو جدي ، على الرغم من من أنو عماد وصفها بالياخة وتقل الدم وتُقل الحركة ( وده طبعاً عشان الحركة البايخة العملتها معاهو ومع اللعب بتاعو ) ..
نصّبني جدي مسؤولاً عنهم ، أجيب ليهم القش ، وقشر البطيخ من مطعم رمضان في سوق الديم ، ومن حديقة بوستة الديم التي كان يعمل جدي غفيراً بها ، وخالي وكيلاً ( واسطة ) وكنت استخدم عجلتي (حقت عماد التي آلت ملكيتها لي ) والتي تكفل جدي بصيانها عند أبو علي العجلاتي .
علمتني غنماياتنا (الصبر) كنت أقف أراقب جدي يتعامل معهم ويتحدث ، فكان ينهر الصغيرة منهم ( ها ، ها ، أمشي هناك ) فكانت (تمشي) صاغرة ، وحينما كان يحدث هرج ومرج في ( بيت الغنم ) كان جدي يتعامل مع ( أمهم الكبيرة مباشرة ) لحظات ثم يسود الهدوء المكان .
كان يصرف عليهم بلا حساب ، ومردود ذلك الصرف لا يساوي شيئاًً ..
حينما تمرض إحداهن ، كنت أحضر ( تاكسي ) وأذهب بها مع جدي الى المستشفى البيطري ، في شارع الجامعة ، أو المستشفى الآخر بالقرب من المدبغة الحكومية ، مقابل ( القوز ) .. واذا تم احتجازها للعلاج فهذا يعني مشواراً يومياً للمستشفى ..
وكنت سعيداً بذلك .. ولكني أزعل وأتضايق عندما ( يقبضوهم ناس البلدية ) لأنني أضطر الى أن أحضرهم ( كداري ) من مشتل البلدية بالمنطقة الصناعية الخرطوم لغاية الديم .. تخيل سايق ليك مجموعة من الأغنام فيهم السخيلات والعتان ( جمع عتوت / عتود ) وحركتهم السريعة هنا وهناك ، وقائدتهم (بتاعت عماد) التي تتحرك بالـ(Slow Motion ) وشوارع زلط ، وخيران ، وحتى أنا كنت (في سني تلك) أحتاج أن اتفرج في الناس وحركتهم ، وعندما أصل البيت ينسيني جدي تعبي بكلماته التي تنزل علي برداً وسلاماً ( الله يفتح عليك / براوا – برافو- عليك) ثم يردف ذلك ( أعملوا للولد ده كباية شربات ، جايي تعبان ) وأستلم كباية الشربات - ليمون - وأقرطعها بفرح ) ..
علمني جدي ( الضبح ) والسلخ والقطيع ، ما زلت حتى الآن (أضبح ضحيتي براي) ..
عليكم الله بعد ده كلو تقولوا لي الغنم ما كويسات ، والمظهر الحضاري ، والكلام الما عندو طايوق ده ؟؟؟...
وبعدين تعالوا هنا .. شابكننا الخضرة والبتاع ، هي وينها مدينكم الخضراء دي ؟؟ والله كتر خير الغنم البينضفوا ليكم الخرطوم من الأكياس والأوساخ ..
أمبارح بالليل الساعة حوالي تلاتة صباحاً وأنا أستمع ( كعادتي ) لأذاعة أم درمان ، والهدوء والضلمة والترخيمة ، كان في برنامج أحمد عبدالمجيد ومعاهو الشيخ محمد أحمد حسن ، في واحد سألهم قال ليهم الغنم بيمشوا الكوشة وبياكلو ( المشك ) وهو – لمن لا يعرفه – باقي المريسة ، فهل لحمهم ولبنهم ده حلال والا حرام ، قالوا ليهو حرام ما تاكل لحمها ولا تشرب لبنها ، ولو عايز تضبح الغنماية ، تحبسها سبعة أيام وتديها أكلها العادي ، وبعد داك أضبحها ، قال ليهو والجداد كيف يا مولانا ، قال ليهو الجداد تحبسو ثلاثة أيام قبل ما تاكلو وبعد داك ما تفضل فيهو عضم ..
ضحكت براي زي المجنون ، فالديم كان يذخر بالـ(إندايات) والكوشة الجنبنا كانت دائماً عامرة بالمشك ، وموجود بصفة مستمرة ، والغنم بيحبوه جداً والغريبة بنعرف الغنم لمن ياكلوا المشك ، إما اللبن يكون كتير ، أو نشم ريحة المريسة (المابتغبانا) وبعدين المريسة مالها ، كعبويتها شنو ؟؟ عليكم الله عيبوها لي ؟؟
الأغنام كما قال أخونا العربي ، سكنوا معانا ، وشاركونا ، وأدونا وأديناهم ، والسؤال ، في بيت في العاصمة هسي فيهو غنم ؟؟ والله في اجازاتي بخرم للغنم ، وبكون لافي ساعة بالعربية عشان أصادف لي واحدة وأستمتع بمشاهدتها ..
الغنم .. كانت جزء من الصورة الكاملة لحياتنا ( في السابق ) اختفت الأغنام ، كما أختفت تفاصيل كثيرة من الصورة السابقة الجميلة ، وأصبحنا مسوخ مشوهين ..
يا للحسرة ..
تحياتي
صلاح عبدالله
|
Post: #48
Title: Re: الغنمايه
Author: Tumadir
Date: 06-09-2006, 06:36 AM
Parent: #46
اولا يا عماد عبد الله ..اللبخ ده هو ما الشجر اللبخ ده الزول البلبخ وبيقول انه بيكره الغنم
تانيا يا جندرية الغنماية لو ما فيلسوفة "بتهضم المادة الدراسية" بتاعتك فى دقيقة ..وانتى بتمشى ليها لى فكى ..عديل كده..ومدينك اوضة براك؟؟ يعنى الفيلسوف ده يكون منو؟؟
تالتا فعلا الغنم بيلبسوا عدسات يا محمد سيد احمد لانه عيونهم عسلية مع انه شعرهم اسود..
وبالمناسبة عشة مبارك من العجبين بشعر الغنم ..حسة لو ادونا شعر الغنم ده ما كان بقينا هنود؟؟
على الاقل كان جابونا فى الافلام الهندية مساعد بطل ولا اى حاجة ..لكن يعطى الشعر لمن يشاء..
ما علينا..
رابعا يالسنى ..قلت لى قشت خشمها من الليمونة بى كيس نايلون؟؟ ههههه..يعنى بتعرف آداب المائدة كمان ..حتى لو مائدة كوشة زى دى .."احرجتنا مع عماد عبد الله دى والله" الغنماية دى دسها..
وانا اكتر حاجة بتعجبنى فيهم النطة المعاها تدويرة فى الهوا ديك ..تتذكروها؟؟ بيعملوها السخلان بعد يشبعوا..ههههههه..زى البريك دانص كده..نطة ولفة فى الهواء والاضنين طقطقطقطق..مبالغة
الغنم نعمة ..لكن اتحرمنا من مشاهدتها..شفتوهم بينطوا لى فروع النيم كيف؟؟ ياكلوا نيم وعوير..وورق واى شى..يعنى سبل كسب العيش بتاعتهم رهيبة ..
اخيرا ..تحياتى لغنماية حبوبتى السريرة
|
Post: #50
Title: Re: الغنمايه
Author: Adil Osman
Date: 06-09-2006, 08:51 AM
Parent: #48
كلب وغنماية يتقاسمان السرير!
|
Post: #51
Title: Re: الغنمايه
Author: Emad Abdulla
Date: 06-09-2006, 09:08 AM
Parent: #48
| Quote: اللبخ ده الزول البلبخ وبيقول انه بيكره الغنم |
البيلبخ هو صلاح عبدالله ده .. والجندرية كلامها صاح , إنتو ناس حناكيش ساكت . و يا تماضر شوفي لي صلاح ده لبخة ( لبخة عجين لراسو المخرف ده .. و انتي زاتك شيلي ليك كرضمة منها )
بعدين صلاح ده بقى كده - حمانا الله - من أيامه الكان بياكل فيها ( اللبا / اللبه / اللبى ) يكتبوها كيف ما عارف .. شفتي , حتى الحاجات بتاعت الغنماية ما عندها إنتجاه . تلقيهو صلاح مغرز في الحاجة الصفرة البتتلصق في الأسنان ديك بعد أمي الزلال - الله يرحمها - تغليها ليهو , و مندمج لمن عرقان - وهو الوحيد في البيت الكان بياكل البتاعة دي - , شفتي آخرة مبارات الغنم .. ياهو جنس ده , لبيخ مبكر ..
قال الغنماية حقت عماد قال ..
العمود ان شا الله .
حجة هجرة .. ( كانت عجوزة و حجمها قليييييييل و ضعييييييفة , هسه عواطف عبدالله تقول : حلااااته يا خواني ) .. المهم , حجة هجرة دي كانت ألذ حجة فلاتية في العالم - الله يرحمها هي كمان - كانت بتفرش جنب دكان عبدالله علي , فول و تسالي و قراصة نبق و قنقليز خيرات و خيرات لذيذة , غنماية ناس حبوبة كبرى كرهتها ليك الحفلة , غنماية وهم و شينة و نوع الأضانة سغيرة ديك ( كريت ) وعلي العليها ملبسنها كيس في ( أثدائها ) .. عشان السخلات ما يرضعوها , ولا كمان يمكن عشان هي ما ترضع رقبتها - الله أعلم - , الغنماية التافهة تسمع الأذان بيجاي طوالي تجي تلبك جنب حجة هجرة .. بعيد شوية كدة , حجة هجرة المسكينة طبعا الصلاة ما بتفوتها .. طوالي الأذان خلص بيجاي تلقاها و قفت بالجنبة كدة و عينها على البضاعة , و تبدا : اللهو أقبر .. إنتي يا غنماية الجن تقوم مدخله قدومها بعين قوية في القفة , حجة هجرة في نص صلاتها : أنأمت أليهن , قير المقدوبي أليهن .. تج تج .. وننا زاك هرامي .
حجة هجرة يوم زهجت , لمت قفتها دايرة تتخارج من الغنماية الضلالية البتسمع الأذان و تطنش و تركز بس على القفة , عمنا عبدالله علي - الله يرحمه - قال ليها : مالك ؟؟ قالت ليهو : واللهي من الله خلقاني , قنماية في سورة الهمدو ما شفت , السلاة ده زااااتو خلينا , القنماية إلا كان يمشي الكنيسه بأد ده .
|
Post: #52
Title: Re: الغنمايه
Author: abubakr
Date: 06-09-2006, 12:33 PM
Parent: #51
عفوا لا قتحام مساجلتكم لكن العنوان مثير وليست تلك المرة الاولي الذي يثير انتباهي فلقد وجدت مواقع اليكترونية لبعض من المعجبيين بالمعزة او الغنماية واقوال مأثورة عن الغنماية وبعض منها مقدس في كتب سماوية ..واقوال ماثوره مجهولة مصادرها "بانك لا تجد غنماية تموت جوعا" "وانك لو دخلت حظيرة الغنم فاصدر صوتا كصوت الغنم " " ولا يجب ان تقابل الغنم وجها لوجه"" وانك لو البست الغنم حريرا فهو غنم" ؟؟؟ وفي موقع ليبي قرات قصة لكاتب ليبي عن سارق المعزة والعار الذي لازمه واهله وتركه في ترحال دائم وهو كما يلي :
_________________________________
القاص: زيــاد عــليhttp://www.tieob.com/01_poem.story.file/storisfile/story_018.html
حكاية سـارق المعزة
1
دفعته الظروف إلى السرقة بعد أن أغلقت الدروب في وجهه، خاصة وأنه زوج جديد، وأمامه مطالب لم يكن يعرف كيف يتكيف معها، ومن حظه التعيس أن سكان القرية علموا بسارق المعزة، ضاقت الدنيا في وجهه بما رحبت.
فالناس كانت ناس
والقيم كانت قيم
ولم يجد أمامه إلا أرض الله الواسعة.. وعباد غير العباد.. ليحافظ على البقية الباقية من كرامته، فالجحيم كان بالنسبة إليه أن يواجه المجتمع الذي خانه.. لقد سقط وحكم على نفسه لأنه ما كان بإمكانه أن يحتمل حكم أهل القرية
2
أكلت الغربة سنوات شبابه، دمرت طموحه، أجهضت مستقبله في أسرة صغيرة، وفي نسل من صلبه، عاش المنفى الاختياري.. وعذبه الحنين، ولكنه كان أهون من أن يواجه ما هو أكثر قسوة، وهو تحطيم مشاعره أمام عيون الناس عندما تنظر إليه باحتقار، هذا البديل ما كان قادراً على مواجهته.. الموت أهون، ولكنه الضعف البشري، بعد أن أكلت الغربة شبابه، وتآمرت الدموع على البصر ضوء الحياة، وتحالف الزمن والقهر الداخلي والندم في التكالب على صحته.
وكان مع كل يوم جديد إلى الوراء.. هذا الوراء الجهنمي، الماضي الذي عذبه اشتياقه له، قاتله الذي يحتاجه..
3
بعد ما يقرب من ربع قرن انهار أمام الرغبة في مواجهة مصيره، كان هناك أمل.. ربما حلم في بناء حياته من جديد، وهذا ما راهن عليه عند عودته من غربته، من بلاد الناس، بلاد ليست بلاده، سافر إلى قريته.. ذهب إلى عين الماء التي كانت تجمع الجميع، كان يريد أن يستطلع، أن يعرف الأحياء من الأموات من تبقى من شهود الزمن الغابر، ومن غبر.. اقترب من بعض الصبايا وهن عائدات يحملن جرار الماء.. طلب منهن شربة ماء وقفن مندهشات من هذا الغريب، قدمت له إحداهن الماء.
وفيما هو يشرب ببطء كانت عيناه تتفرسان في الوجوه، ربما يستطيع أن يعرفهن بالدم، سألهن عن الأهل.
جاءت الإجابات تحمل الاعتزاز وبعض الغرور منهن مع اسم الوالد، إلا واحدة لم تنطق.. ابتعدت قليلاً مسربلة بحزن لا يحتمله جبل، بعار عاشرها كقدرها، تعلق قلبه بها سألها بلهفة وأنت بنت من؟
لم يسمع منها إجابة، وقف الصمت بينهما.
تبرعت بعض صويحباتها بالرد على استفساره بشكل عفوي إنها (بنت خانب المعزة!) صعقته جملة (بنت سارق المعزة)
التفت وكأن رصاصة إيطالية اخترقت قلبه، تمنى الموت لحظتها، خانه الموت بغيابه، دائماً لا يأتي في الوقت المطلوب، لعن نفسه لأنه كان يسبب للفتاة في كل يوم هذا الإحراج..
كم مرة قتل هذا الملاك.
4
في طريقه إلى لا مكان.. حيث لا هدف كان يتساءل:
لماذا حدث ما حدث؟
ها هي فلذة كبده تعيش عاره.. تعيشه بعد أن أورثها إياه.. إنه مجتمع له أعرافه القاسية وخطوطه الحمراء التي لا يسمح باجتيازها.
مجتمع يقول للضعيف.. يا كلب في وجهه، دون تجمل، لا يختلق له اسماً آخر.
قال لنفسه:
لم يعد لي مكان هنا
نفس ما قاله كفافي صاحب الإسكندرية
إنك حين دمرت حياتك هنا
فقد دمرتها في أي مكان آخر
وتقول لنفسك سأرحل إلى بلاد أخرى
إلى مكان آخر.. ولكن عارك يطاردك..
_____________________________________________________________________
ودمتم
ابوبكر سيداحمد
|
Post: #62
Title: Re: الغنمايه
Author: Emad Abdulla
Date: 06-10-2006, 11:58 PM
Parent: #52
| Quote: عمده ده ما قادر يغفر الموضوع ده اصلو ياخي الجكس بتاعك ده ادينا عنوانو هسع نجيبو ليك !!!!! |
تجيب شنو يا عربي ؟؟
ما خلاص .. ببححح .
كلو من غنمك ..
|
Post: #63
Title: Re: الغنمايه
Author: احمد العربي
Date: 06-11-2006, 00:16 AM
Parent: #62
Quote: تجيب شنو يا عربي ؟؟
ما خلاص .. ببححح .
كلو من غنمك .. |
الجميل عمده
طيب وكت الموضوع كده
انت ناسي اننا شعب (عفا الله عن ما سلف )
وعمك النميري بيقدل في السودان وانت حائم بي بره
والغنمايه حايمه في الخرطوم وانت تبكي علي الخرطوم
اهاالاوضاع دي رايك فيها شنو؟
|
Post: #65
Title: Re: الغنمايه
Author: قرشـــو
Date: 06-11-2006, 03:20 AM
Parent: #1
أحمد العربى
والله عملت من الفسيخ شربات
صراحة بوست رائع بحق
اضحكنى كثيرا الفنان محمد السنى دفع الله وما كنت اعلم انه رجل حاضر البديهة وبتاع نكته..
قال الغنماية كشرت وشها وغمدت عيونها لما قرشت الليمونة الحامضة ....
يديكم العافية كلكم يا أحباب ....
|
Post: #66
Title: Re: الغنمايه
Author: احمد العربي
Date: 06-11-2006, 04:33 AM
Parent: #65
الزول الشفيف
الرايع
قرشو
مداخلاتك تجلب الجمال للبوست وانا احبك
Quote: اضحكنى كثيرا الفنان محمد السنى دفع الله وما كنت اعلم انه رجل حاضر البديهة وبتاع نكته..
قال الغنماية كشرت وشها وغمدت عيونها لما قرشت الليمونة الحامضة |
انت ناسي انوناس ود السني ديل سيف مسلط علي الحزن
وفجر يجلب الفرح للصدور ويرسم الابتسامه على الشفاه
مودتي
لك وود السني
|
Post: #67
Title: Re: الغنمايه
Author: هشام المجمر
Date: 06-11-2006, 08:35 AM
Parent: #1
جارتنا فى بالحيطة أمرأة فاتها قطار الزواج و سخرت عمرها لتربية الحيوانات و الاعتناء بهم. لديها فى البيت 3 غنمايات وسخلتين وكلب و 3 قطط و كمية من الحمام والجداد.
كثيرا ما تسمعها من الحائط وهو تتحدث لكلبها او قطتها كأنهم أناس عاديون. فهى تحب ان تكون حيواناتها نظيفة دائماو مهذبة ولا ترتكب الاخطاء وفى هذا تبذل من الجهد الكثير وخاصة فيما يخص غنمها.
لأننا كسودانيين ليست لدينا ثقافة الرفق بالحيوان كان الكثيرون يضحكون من سلوكها فى محادثة الحيوانات.
منذ مدة سكنت جوارنا إمرأة أخرى لها من الغنم حوالى 15 و كانت تطلقهم من الصباح وتجمعهم عند الغروب. عكس جارتنا بالحيطة التى كانت تدلع غنمها فلا تطلقها إلا لماما وللرياضة.
جارتنا هذه قابلت أمى فى الشارع و فسألتها أمى عن حالها وعن حال حيواناتها وخاصة الغنم فردت عليها:اسكتى يا حاجة مش انا منعت غنمى من المرقة للشارع شهور. باقى يا أختى غنم فلانة ( جارتنا الجديدة) ديل مطلوقات وخايفة لو مرقت غنمى يعلمنهن الحوامة الإنطلاقة.
|
Post: #68
Title: Re: الغنمايه
Author: احمد العربي
Date: 06-20-2006, 02:46 AM
Parent: #67
المجمر
تحيه ليك وجارتكم
لكن تعرف دي جيره صعبه خلاص
يعني لو بقيتو مسافرين الزوله دي
مستحيل تمسك ليكم غنمكم خوفا علي غنما
لكن التحيه ليها وغنيماتا
|
Post: #69
Title: Re: الغنمايه
Author: سامي عبد الوهاب إدريس
Date: 06-20-2006, 05:56 AM
Parent: #1
الأخ أحمد العربي
وكل الناس الظراف المشاركين
لكم ألف تحية
قصص في غاية من الجمال
بس في غنماية شهيرة جدا ما مذكورة هنا مع إنها مضرب مثل في (الحكحكة واللصّيق)
ألا وهي غنماية الإشلاق
عايزين واحد من الفراعة القدام يحكي لينا عنها شوية... وما أكثر قصص غنماية الإشلاق في جامعة القاهرة الفرع (النيلين)
وفي غنم جحا (واحدة قايمة وواحدة نايمة)
وفي الحكاية الضحكت الغنماية
وفي سخلي وسخلك دخلو السلخانة يقدر سخلك يسلخ سخلي زي ما سخلي سلخ سخلك (قديم... موش كدا)
|
Post: #74
Title: Re: الغنمايه
Author: احمد العربي
Date: 06-21-2006, 03:44 AM
Parent: #69
سامي عبد الوهاب
ازيك يا جميل
وغنماياتك لذيذات
لكن تعرف غنماية القشلاق دي
مافي زول بيعرف ليها غير الفراعه
اكتر حاجه بيعرفوها غنم القشلاق وسندوتشات
سلطة الاسود والطعميه
وطبعا ناس الفنون مقاسمنهم التعاسه دي
وباقي لي هم الاتنين زي بعض
وربك يستر
مودتي
مرورك جميل
|
Post: #70
Title: Re: الغنمايه
Author: أبوبكر حامد الأمين
Date: 06-20-2006, 06:13 AM
Parent: #1
ماهى علاقة التيوس بيوم الإثنين ؟
وماسر لحية التيس؟
ماسر مسكنة الغنماية ؟ هل هو خضوع لإرهاب التيس؟ وهل ضربت المسكنة والذلة على كل من ولى أمره لملتحى؟
|
Post: #75
Title: Re: الغنمايه
Author: احمد العربي
Date: 06-24-2006, 01:02 AM
Parent: #70
الرائع ابوبكر حامد الامين
مرور جميل ومفرح
ومداخله لطيفه ياريت
لو نلقى ايجابه لاسئلتك
اللطيفه دي
كن بخير ومبسوط
مودتي
|
Post: #72
Title: Re: الغنمايه
Author: Soumeta
Date: 06-20-2006, 05:53 PM
Parent: #1
و المعزة،،
اهاااا يلا يا احمد انا و خيتي هندوية بي العافية تقيل و تمسي،،، كنا زي الشحمة و النار،،
ما ببرد لينا بال كان ما إتناقرنا،،
بما إنو هي الاكبر مني طوالي في البيت،،
ف كان كل التدليل لي اصغر زول في البيت حقها،،
جيت انا بت اختها بقيت ليها في العزيزة،،
ولو إنو ما في العزيزة شديد لكن كعادتنا التلقائية الإهتمام بقي مشترك بيني و بينها،،
يلا كبرنا و عندنا القصص و الحكاوي و المناقرة و الايام الحلوة شديد،،
نتناقر و نوقف الاوضة حقتنا علي فرد رجل و احياناً الاوض المجاورة،،
اها في الإجازة لمن وحدة فينا تسافر و تخلي التانية البيت ببقي مسيــــخ،،
و فاقد نكهة حقتنا برانا،،
البكا و الجرس يقعن،،
بس اكون ما دايرة شي في الدنيا إلا هند،،
و هندوية تكون متجرسة و ما فاقدة شي إلا عزة،،
و لما ترجع ولي ارجع،،
نتجرس و نبل الشوق و نقعد بس جم بعض و أووول فرقة نلقاها
يرجع الحال لي حالو،،
أمي الله يديها العافية و طولة العمر ضحكت فينا مرة و قالت لينا،،
إنتن و بنات المعزة واحد،،
ولو إننا كنا سُغار وكتها،،
لكن حرقتنا بنات المعزة دي،،
فقالت لينا،،
بنات المِعزة إن قربن يتناطحن،،
و إن بعدن يتصايحن،،
و كان هذا ابلغ مثل لوصف حالنا وقتها،،
و بوستك ده ذكرني ايام جمـــــــيلة،،
و مثل امي حببني في بنات المعزة،،
|
Post: #77
Title: Re: الغنمايه
Author: احمد العربي
Date: 06-25-2006, 00:57 AM
Parent: #72
سوميتا
صاحبتي الجميله
نوع من التعبير للمحبه بين السخيلات
وانتي وخيتك المحبه زاته
اقول ليك حاجه
تعالي نتناطح
محبتي
|
Post: #73
Title: Re: الغنمايه
Author: محمد أبوعاقلة الطريفي
Date: 06-21-2006, 01:11 AM
Parent: #1
الرائع .... أحمد
طالما دخلتنا الزريبه بتقمص طبع الحاجات دي وما تلوموني في الكلام
الاخ عماد .... انت غلطان علي البهايم (ما البهيمه الواقف معاها في الزقاق) البهايم المربوطه
انت عارف من طبيعة الغنم بالليل لم يشوفوا زول بتعمل اي حركه كلفت انتباه ... وكدا
تكون راقده بتصلح رقدته امكن عشان العوره ...
بتكورك لم تكون جيعانه او عطشانه ...
المهم اي حركة ولم حست بحركتكم غير طبيعيه فآثرت الفضول وقالت يا ربي الجماعة ديل ح يطلع منهم شنو ... وبقت تكورك .. احساسا كان نحن في شنو والبشر في شنو ...
وبعدين عشان تديك احساس بالالفه وانو القدامه دا ما زول شرير...
الغنم قليلات حيله والمضره نحن ساعدناهم فيها...
لكن انتو غلطانين
جوعتو الغنم يا عماد .... عشان كدا طفشت البنيه
انا ما مسؤول من الحركات المصاحبه للكورال داك
امكن نفاخ مشك والا عيانه او حاجه من ذاك القبيل
بعدين كيف تتناقش في موضوع حساس في زقاق غنم
نقاش حاد مع الريحه الحاده ... الواحد يجيب الكلام لنفسو ويرميها في الغنم .. عملتهم سبب ساكت
وقفتك غلط وكان داير تعلي صوتك فوق صوت الغنم الا تبقي ضكر غنم (ضكر غنم هراش) او الموضوع ح يبقي فضيحه
انت السبب وما ترميهو في الغنم
لكن غنم تماضر تكيف ... والله دفاعك مستميت لهذه الفئه من سكان السودان
كلامكم دا ح تخلو الغنم تعمل نزوح جماعي
بعدين في حاجه مافي زول جاب ليها خبر خالص
يا جماعة بتعرفو .... اللبه
طبعا بالنسبه لي أحلي حاجه .. ومشكلتي اني بداقر العتوت ..ذكر الغنم والسخله .انثي الغنم في اللبه اللذيذ اللهو اصلا من حق المواليد الجدد
انا بعتذر لاي طفل غنمايه عن سطوتي لهذا الشئ الرائع
وسلامات
|
Post: #76
Title: Re: الغنمايه
Author: ABDELAZIZ MAHADY
Date: 06-24-2006, 06:26 AM
Parent: #73
يا عربي ...
الغنم ديل خلهن ... مشتاقينلك إنت
|
Post: #79
Title: Re: الغنمايه
Author: احمد العربي
Date: 06-25-2006, 01:03 AM
Parent: #76
عبد العزيز مهدي
لاحولالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
ما ينكتوك الا الغنم كان عارفين كدا
كنا شركنا ليك بي راعي عديل كده
والله مشاقين
كتييييييييييير
وما زلت بالقلب تسكن
|
Post: #78
Title: Re: الغنمايه
Author: احمد العربي
Date: 06-25-2006, 01:00 AM
Parent: #73
ود الطريفي
يا جميل
نحنا عماد ده غلبنا تب
وكنا بنفتش ليك تردعو لينا
لكن هو هسع مع العروسه فرحانين بالنجاح
وبشاور في ابوساندره باقي لي انا اتقدمت
لبنيتو بدون زرايب وكده
مرورك جميل
ومحبه متواصله
|
Post: #80
Title: Re: الغنمايه
Author: ABDELAZIZ MAHADY
Date: 06-25-2006, 09:09 AM
Parent: #78
شرك لي بي زلابية بجيك
عربي يا فنان
وكل الإخوة التشاكلة علي امتداد الديسابورا
وأهلنا الطيبين في معتقلنا الأكبر
سلامات ,,
ظروف الدنيا صعبة علينا عشان كدي إختفينا
وبنتلاقي لو طيبين
إنتي ياعربي ؟؟؟دحين نسعلك
نافذة تشكيلية وين دحين ؟؟؟؟؟؟؟؟؟؟؟؟؟؟؟؟؟؟
|
Post: #81
Title: Re: الغنمايه
Author: احمد العربي
Date: 06-27-2006, 01:20 AM
Parent: #80
الجميل عبد العزيز مهدي
حبل الحب موصول
ومنتظرينك وقيسان
|
Post: #82
Title: Re: الغنمايه
Author: رأفت ميلاد
Date: 06-27-2006, 02:43 AM
Parent: #81
صباح الخير ياعربى
هاك دى
دى متعود أرفع بيها البوست
Quote: كريت أبت تمشى البيت
أمها قالت ليها أمشى البيت
قالت ليها أبيت
قالت للعصاية يا عصاية دقى كريت عشان أبت تمشى البيت
قالت ليها أبيت
قالت للنار أحرقى العصاية
عشان أبت تدق كريت عشان كريت أبت تمشى البيت
قالت ليها أبيت
قالت للقربة أطفى النار
عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت للشوكة قدى القربة
عشان أبت تطفى النار عشان النار أبت تحرق العصاية عشان العصاية أبت تتدق كريت عشان كريت أبت تمشى البيت
قالت ليها أبيت
قالت ليها يا شوكة أنا باكلك
قالت خلاص حأقد القربه قالت خلاص أنا حأطفى النار قالت خلاص حأحرق العصاية قالت خلاص حأدق كريت
كريت جرت البيت
|
سلام
|
Post: #83
Title: Re: الغنمايه
Author: رأفت ميلاد
Date: 06-27-2006, 02:47 AM
Parent: #82
كريت
|
Post: #84
Title: Re: الغنمايه
Author: احمد العربي
Date: 06-27-2006, 02:56 AM
Parent: #82
GREEN]B]: كريت أبت تمشى البيت
أمها قالت ليها أمشى البيت
قالت ليها أبيت
قالت للعصاية يا عصاية دقى كريت عشان أبت تمشى البيت
قالت ليها أبيت
قالت للنار أحرقى العصاية
عشان أبت تدق كريت عشان كريت أبت تمشى البيت
قالت ليها أبيت
قالت للقربة أطفى النار
عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت للشوكة قدى القربة
عشان أبت تطفى النار عشان النار أبت تحرق العصاية عشان العصاية أبت تتدق كريت عشان كريت أبت تمشى البيت
قالت ليها أبيت
قالت ليها يا شوكة أنا باكلك
قالت خلاص حأقد القربه قالت خلاص أنا حأطفى النار قالت خلاص حأحرق العصاية قالت خلاص حأدق كريت
كريت جرت البيت
رأفت ميلاد
مرور جميل ورائع
كما انت
وكريت بالغت في جلسة التأمل دي
|
Post: #85
Title: Re: الغنمايه
Author: رأفت ميلاد
Date: 06-27-2006, 03:05 AM
Parent: #84
يا عربى
بالغت
كتبتها كده كيف
ورينى الطريقة. أخوك جديد لنج
رأفت
|
Post: #86
Title: Re: الغنمايه
Author: احمد العربي
Date: 06-27-2006, 03:27 AM
Parent: #85
يا رافت يا جميل
في اليمين لمن تكون عايز ترد
بتلقى
You may use Markup Codes
تعمل عليها كلك
بيطلع ليك مستطيل
بتعمل منو كوبي لي
Centered
بتزيل الكلمه دي من بين قوسين فيهم نفس الكلمه
وبتخت الكلام بتاعك مكانه
وبث
مودتي
|
Post: #87
Title: Re: الغنمايه
Author: رأفت ميلاد
Date: 06-27-2006, 03:59 AM
Parent: #86
تعمل عليها كلك
بيطلع ليك مستطيل
بتعمل منو كوبي لي
منكم نستفيد
حقو تفتح ليك فصل محو أمية
مشكور حبيبى
أخوك رأفت
|
Post: #88
Title: Re: الغنمايه
Author: احمد العربي
Date: 06-27-2006, 04:04 AM
الجميل رأفت
التلوين ونوع الخط بنفس الطريقه
بس تختار اللون
ونوع الخط
مودتي
وتحيه لتمبس المعلم الكبير
|
Post: #89
Title: Re: الغنمايه
Author: احمد العربي
Date: 07-01-2006, 01:27 AM
Parent: #88
تشاركنا الافراح
بجلدها
يشد على زير مقسوم النص
لتكون الايقاعات والطرب
بالدلوكه
|
Post: #90
Title: Re: الغنمايه
Author: احمد العربي
Date: 10-09-2006, 03:19 AM
Parent: #89
نحنا بنحب شاي الصباح
نكهة الزلابيه الصباحيه
مسيقى تمرغها بالزيت
وصوت عراكها داخل الصاج
صياح الغنمايه فرحا
بموعد الذهاب الى الرعيه
|
Post: #91
Title: Re: الغنمايه
Author: محمد الأمين موسى
Date: 10-09-2006, 04:33 AM
Parent: #90
بنقول في ثقافتنا المحلية للإنسان البيحب اللهط: "بيرمرم زي الغنماية".. كما أن المزارعين يفضلون خسائر الأبقار على خسائر الأغنام، فالأخيرة تقتلع الجذور بينما الأولى تقضم من الأعلى.. تحية خاصة لأغنام بلدنا.. وتحية خاصة للمبدع طارق الأمين وفرقة الهيلاهوب التي احتفت بثقافة أغنام بلدنا اللي بتحب الجرايد!
|
Post: #93
Title: Re: الغنمايه
Author: احمد العربي
Date: 10-09-2006, 04:53 AM
Parent: #91
الرائع
نسائم الخريف
والممعن في شفافيته
محمد الأمين موسى
مرور جميل وقامة وطن
الغنمايه عباره عن كميه من الاصرار
وهي لا تتحمل الجوع فتهاجم كل ما يمكنها مضغه
بس ربك يستر ما تقعد لينا في القصر
عاطر الاماني
|
Post: #92
Title: Re: الغنمايه
Author: عصام أحمد
Date: 10-09-2006, 04:36 AM
Parent: #90
Quote: نحنا بنحب شاي الصباح
نكهة الزلابيه الصباحيه
مسيقى تمرغها بالزيت
وصوت عراكها داخل الصاج
صياح الغنمايه فرحا
بموعد الذهاب الى الرعيه |
أبوحميد الجميل جدا..
الكلام ده غريب خالص خالص!!!!
عبارة يقولها صديقي كلما أبصر الروعة
تحياتي ..
وحمد لله علي السلامة..
|
Post: #94
Title: Re: الغنمايه
Author: احمد العربي
Date: 10-09-2006, 04:57 AM
Parent: #92
عصام احمد
ايها البحر
الرجل الحصاد
فرحة اطفال يوم العيد
صديقي الجميل
عاطر الود لك
|
Post: #95
Title: Re: الغنمايه
Author: Emad Abdulla
Date: 10-09-2006, 06:01 AM
Parent: #94
تاني يا عربي !!!
تاااااااني ؟؟
رمضان كريم ..
تصوم و تفطر على خير .
محبتي
|
Post: #96
Title: Re: الغنمايه
Author: رشا سالم
Date: 10-09-2006, 08:17 AM
Parent: #95
الأخ احمد العربي..
عليك الله وفي ذمتك دي الغنم ديل بينطرن؟
ياخ انا في حياتي ما لاقاني حيوان مضر اكتر من الغنم ديل..
وانا بكرهم لانو امي كانت بتريدهم وتقول لينا: كان ما الخجلة كنت
ربطت الغنماية في الصالون وخليتكم انتوا في بيت الغنم
وعماد عبدالله ده طلع ود جيراننا لانو جاب سيرة دكان عم عبدالله علي
وده دكان كان جمب بيتنا زمان.. الله يستر ما يطلع نديدي..ولا
اكون زولته بتاعت القصة
|
Post: #97
Title: Re: الغنمايه
Author: Emad Abdulla
Date: 10-09-2006, 08:53 AM
Parent: #96
بالله بت جيراننا عديل كده يا رشا ؟ ..
أوعي تكوني البت الكان جنها تغرف البلاعة ديك و تجي تكبها تحت الشجرة البنجكس فيها ؟؟ | Quote: كان ما الخجلة كنت ربطت الغنماية في الصالون وخليتكم انتوا في بيت الغنم |
و الله الحجة كلامها صاح .. غايتو بتكوني ياكي إنتي من زعلها الشديد منك ده .. ( الفاتح مرة قال : الشافعة دي نقوم نختفها و نمشي نجدعها ورا المطار .. فقرية و لئيمة .. كرهتنا الحب زاتو ياخ ) | Quote: اكون زولته بتاعت القصة |
ياااااريت | Quote: الله يستر ما يطلع نديدي |
قبلك وحّدِك !!!
|
Post: #98
Title: Re: الغنمايه
Author: رشا سالم
Date: 10-09-2006, 09:42 AM
Parent: #97
عماد عبدالله...
Quote: أوعي تكوني البت الكان جنها تغرف البلاعة ديك و تجي تكبها تحت الشجرة البنجكس فيها ؟؟
|
والله ضحكت لما دموعي جرت..
ياخ بلاعة شنو؟ انت صدقت اني عاصرت عهدك وايامك؟
ياخ انا كنت في مهبط الكوارع علي قول بيان لما كان عمري 7 شهور..
وبعد داك بقينا نجي زيارات لناس جدي..
| Quote: الله الحجة كلامها صاح .. غايتو بتكوني ياكي إنتي من زعلها الشديد منك ده .. ( الفاتح مرة قال : الشافعة دي نقوم نختفها و نمشي نجدعها ورا المطار .. فقرية و لئيمة .. كرهتنا الحب زاتو ياخ ) |
وما تكون صدقته قصة الغنم دي؟ يااااااااااي انا والله بس حبيت
اجاملك انت واحمد العربي عشان ما تحسوا بأنكم نشاز وسطنا
وبالجد كده الفاتح ده ما يكون الفاتح حسن ابراهيم؟
|
Post: #100
Title: Re: الغنمايه
Author: احمد العربي
Date: 10-09-2006, 11:10 PM
Parent: #98
همس الاماني الحلوه
الدكتوره
رشا
Quote: وما تكون صدقته قصة الغنم دي؟ يااااااااااي انا والله بس حبيت
اجاملك انت واحمد العربي عشان ما تحسوا بأنكم نشاز وسطنا
|
بالله ياعمده هي دي ست الشنطه الزعلتك
تعرفي يادكتوره انا اتخيلتك تكوني فتحتي
ليك محل خطوط
بعدين غنمنا ديل ما بيستحملو الياااااااااااااي والوااااااااااو
واهدي ليك اجمل عتوت
لي الليله اصلا ما اتولد
زعلانه ولا شنو الحصل
كامل مودتي
|
Post: #99
Title: Re: الغنمايه
Author: احمد العربي
Date: 10-09-2006, 11:04 PM
Parent: #95
شعاع الامل في هذه الحياة
بريق التحدي والصمود
عماد عبد الله
Quote:
تاني يا عربي !!!
تاااااااني ؟؟
|
ارتباط بواقع
اتذكر حين تبادلتم الانفاس
انت وبنت الجيران مع غنمكم
رغم ضيق الغنم منكم لكن وفرن ليكم
المكان الامن لتبادل الحب
واعتقد انها كانت اجمل زريبه
في اللحظه ديك
والله يسترنا من غنم الكراسي
مودتي واتوقعوني في العيد
|
Post: #101
Title: Re: الغنمايه
Author: Emad Abdulla
Date: 10-10-2006, 00:36 AM
Parent: #99
| Quote: ما يكون الفاتح حسن ابراهيم؟ |
يا رشا هووووي .. إنتي منو ؟
الفاتح حسن إبراهيم دفعتي .. يعني من زمن النبي صبي زييي كده , أوع يكون أخوكي الصغير !!!
و بعدين بيان دي حاقدة ساكت لانها لمن جات للديم من البلد , نزلت من اللوري وهي مشلخة و كانت جنها تشوف ليك أي حاجة تقوم تقول : واحلاتي يا ناس الله .. والله الحيكومي دي شديدي شدي ..
و مكرهة جيرانهم , ما تلحق تشوفك طوالي تقول ليك : النبي يا ده و إنت صاد , تجيبلي معاك باسطي
يا عربي .. أستر علينا و غتس البوست ده ..
ما تجيب لينا الهوا 
|
Post: #107
Title: Re: الغنمايه
Author: رشا سالم
Date: 10-10-2006, 03:59 AM
Parent: #101
الاخ عماد عبدالله..
| Quote: الفاتح حسن إبراهيم دفعتي .. يعني من زمن النبي صبي زييي كده , أوع يكون أخوكي الصغير !!! |
كويس انك اعترفت براك..اها يا اخوي الفاتح ده اكبر من صلاح اخوي البكر بتلاته سنة
صلاح ده وراهو واحد..
وتاني واحد..
وتاني واحدة..
وتاني واحد..
وبعد داك امي اخدت ليها صنة طوييييييييييييلة حتي جابتني
عرفت هسه انك ما ممكن تكون لاقيتني تحت العنبة الرامية فوق بيتنا!؟
عموما تشرفنا بعرفتك يا ابيه عماد..وسلام مربع لمهبط الجمال..
|
Post: #102
Title: Re: الغنمايه
Author: Emad Abdulla
Date: 10-10-2006, 00:44 AM
Parent: #99
| Quote: واعتقد انها كانت اجمل زريبه |
لا بالله !! ..
و بعدين شنو حكاية ( تبادلتم الأنفاس ) دي كمان ؟؟
يديك العافية يا عربي ..
|
Post: #104
Title: Re: الغنمايه
Author: احمد العربي
Date: 10-10-2006, 03:15 AM
Parent: #102
الزول البحر
عماد
ابونا في المنبر
كدي خلينا من ده كلو
إت رشا دي ياها ست الشنطه
وقلم الشيني
بعدين موية البلاعه المحفره شوارع الديم
رشا ساهمت فيها؟
تعرف كان كدي رشا دي عايزه ليها بوست خاص
وما يكون فيهو اي غنم ولا زرائب
|
Post: #109
Title: Re: الغنمايه
Author: رشا سالم
Date: 10-10-2006, 04:38 AM
Parent: #104
الجميل احمد العربي..
Quote: إت رشا دي ياها ست الشنطه
وقلم الشيني
|
هووي الفيلم ده انا ما داخلاهو..شنطة شنو؟
Quote: بعدين موية البلاعه المحفره شوارع الديم
رشا ساهمت فيها؟
|
والله بريء يا بيه..
| Quote: تعرف كان كدي رشا دي عايزه ليها بوست خاص |
تلحق تعملها يا احمد العربي بتلقاني بكره في دبي ..
وعينك ما تشوف الا النور( وش بيهدد شديد)
|
Post: #110
Title: Re: الغنمايه
Author: احمد العربي
Date: 10-10-2006, 04:47 AM
Parent: #109
الزوله النسمه
عطر الفرح
رشا سالم
Quote: تلحق تعملها يا احمد العربي بتلقاني بكره في دبي ..
وعينك ما تشوف الا النور( وش بيهدد شديد) |
طلاقات الرئيس دي العلمك ليها منو؟
طبعا كان ده تهديدك ياني الفاتح لي مليون بوست
وطبعا بعد داك عيني بتشوف النور فعلا
عاطر الود
|
Post: #103
Title: Re: الغنمايه
Author: هجو الأقرع
Date: 10-10-2006, 01:25 AM
Parent: #99
سلام ورمضان كريم ، والله يا جماعه بتكلم بى جد ، بعد العمر ده كله انا بحلم بغنمايتنا، لسبب بسيط ، ولانى من قرى واصقاع نهر النيل المشهوره بالجزاير ( للحناكيش ارض فى نص البحر) يكون فيها قش كتير ، وبما اننى كنت الحتاله فقد اوكلو لى مهمة اعاشة الغنم ، واليوم الذى يكون فيه حصادى قليل ، انتو عارفين الباقى ، وتانى مسئول من السقاية انزلن البحر ولو واحده زاغت ودها الحجر مشكله ( الحجر مكان لحبس الغنم المخالفات) المهم والله ما يمر وقت وإلا انا حلمان ان الغنمايه بتاعتنا الكبيره تكورك ، وانا فى الحلم اخاف خوف شديد من ان يعرفوا اننى ما جبت القش. المهم تطور الامر واصبحنا نزرع البرسيم ، الا ان الحلم ظل معى حيث ارى ان البرسيم كله شربان(يعنى سقيان مويه يعنى غرقان) وانا فى حلمى ادور عن قش حتى لا تفضحنى تلك الغنمايه الكبيره بصوتها ، والذى جلدت مرات ومرات بسببها . المهم يا جماعه ارجو ان تخلصونى من هذا الحلم الذى يطاردنى. هناك مثل كان يرده احد جدودى واسمه عبدالعال الله يرحمه يقول ( اوعك تشترى الغنمايه الغريبه والمره الغربيه كلهن بتعبنك. يقول الاولى شراده والتانيه مشاورهاكتيره.]
|
Post: #105
Title: Re: الغنمايه
Author: محمد الأمين موسى
Date: 10-10-2006, 03:23 AM
Parent: #103
أخي أحمد وبقية رعاة الغنم! ألا تتفقون معي في أن وجه الغنماية أكثر وسامة من بقية الحيوانات الإليفة (الجدادة - الكلبة - النعجة - الحمارة - البقرة - الناقة)؟؟ تأملوا في المناخير المسمسمة! والشلاليف الأقرب إلى الشفاه!! بس لو تعلمت شوية إيتكيت وبطلت الرمرمة الكتيرة، تكون ستهم.. وآخر حضارة!
|
Post: #106
Title: Re: الغنمايه
Author: محمد الأمين موسى
Date: 10-10-2006, 03:51 AM
Parent: #105
من القصائد الجميلة الرائعة التي فضلتها على المعلقات السبع فعلقت في ذاكرتي حتى اليوم، قول الشاعر سليل الأندلسيين والعباسيين والأمويين وسليل زهير ود اب سلمى شخصيا:
غنمي ترعى طـول اليوم
وسط المرعى طول اليوم
وهي تسعى طــول اليوم
حتى شبعا طـول اليوم!
|
Post: #108
Title: Re: الغنمايه
Author: احمد العربي
Date: 10-10-2006, 04:29 AM
Parent: #106
الرائع محمد الامين موسى
كل المخلوقات بمعادلة النسب
الخاصه بها جميله ومعيار الجمال
هنا يختلف وانا اوافقك الراي في جمال الغنم
ولكن لا يمكن اخذ ذلك بصوره مطلقه قد يختلف
معنا عماد عبد الله وقد يتفق
مودتي
|
Post: #111
Title: Re: الغنمايه
Author: gessan
Date: 10-10-2006, 06:14 AM
Parent: #1
اخونا عربي ..وضيوفك ..
سلام وتحايا ..
ما اريد أن أذكره هنا أن الغنماية حباها ربنا -سبحانه وتعالى- بخاصية فريدة في لبنها ..
فهي الحيوان الوحيد الذي يمكنه تربية الحيوانات الأخرى ..بمعنى ان الغنماية يمكن ان ترضِّع مثلاً
إبن الضان وإبن البقر وإبن الإبل ..ولبنها يتماشى معه!!!!
فهو صالح لكل حيوان ..
أما هي فإبنها لا يتربى إلا بلبن الغنم ..!!
ويسمونها "ربّاية اليتامى"..
وهذا راي سمعته من أهلي ..ومن خلال علاقتهم الوطيدة بحيواناتهم التي يربونها..
وكثيراً ما رأيت عندهم حَمَل الضان وهو يرضع في غنماية وهي تقف له بكل حنية..!!!
ربما هي حيوان أليف اثر مما يجب ..
بعدين يا عربي ..نحنا بنسميها "العَـــز"..والجمع "مِعـــزة"..
اما كلمة "غنماية" دي فإتعلمناها بعد جينا البندر ..
رمضان كريم عليكم..
و كل سنة وإنتو طيبين..
|
Post: #112
Title: Re: الغنمايه
Author: احمد العربي
Date: 10-11-2006, 00:14 AM
Parent: #111
قيسان شخصيا
يا لروعة هذا الصباح
استقبل اشعته مغزوله بي نغم الابداع
وقيسان
اشتقتك كثيرا وانتظرت مهاتفتك طويلا
مرورك جميل واضافتك مفتاح اسرار عن الغنم
او المعيز
خالص مودتي
|
Post: #113
Title: Re: غنمايه الإشلاق ..وقــُدرات ..
Author: gessan
Date: 10-12-2006, 03:50 AM
Parent: #1
احمد عربي .. النحات ..أخونا ..
كيفك ..
"غنم الإشـلاق" ايام الكلية وايام التمارين إستعداداً لإمتحان "القُــدرات"..
صادقناها بشكل عجيب ..كما صادقنا زهرات واوراق الحديقة النباتية ..وما تبقى من حديقة الحيوان..
غير أن "النحات يسري منصور - له التحية اينما كان" كان ينصحني بمصادقة "حصين الإسطبل" المجاور لأستاد الخرطوم..
عيييك أيــــام ..!!!!
تحياتي يا عربي ..
ساعاود الإتصال بك ..
أبقى عشــرة ..وكل سنة وانتو طيبين ..
|
Post: #114
Title: Re: غنمايه الإشلاق ..وقــُدرات ..
Author: بابكر عثمان مكي
Date: 10-12-2006, 05:39 AM
Parent: #113
الاخ احمد العربى .. رمضان كريم مع نهايته وكل عام وانت طيب
الغنماية مخلوق مسالم .. يرتبط فى ذاكرتى بشوارعنا الحميمة .. الدكان .. وقدرة الفول ..والغسال والمكوجى وحبل الغسيل الممتد عبر اعمدة خشب موقوفة ومدقوقة فى الارض يتلقف الهواء الجلاليب المشرورة على حبل الغسيل فتهبهب من بعيد كانها اشارات سلام بيضاء . كم هو مسالم الشارع السودانى .
الا ان غضبا" يعترينى اتجاهها منذ زمن بعيد بسبب (خالى العزيز) الذى اوصانى على رسالة الدكتوراه تبعه الموضوعة فى تربيزة الصالون وكان على وشك الانتهاء منها .. ولم يكن هناك مرجع غير النسخة الوحيدة التى فى تلك التربيزة فقد كان الكمبيوتر عزيز جدا" لايوجد الا فى البنوك ومكتوب على غرفته (غرفة الكمبيوتر ..تحذير ممنوع الاقتراب )
نحن لانملك غنم فى بيتنا فقد كنا لانستسيغ حليبها ونميل كثيرا" الى حليب الابقار .
كنت اترقب مجىء العصر لان هناك مباراة بين (العلم والتاكا ) فى رفاعة وكنت انا سيد الموقف يعول على مهارتى كثيرا" .. وحين اقتراب الموعد تركت الصالون مفتوحا" والباب الكبير كذلك ولم الحظ تجمع الغنم قرب نجيلة (بلاعة) جارنا وانطلقت احلم بالنصر فى مباراتى بينما دخلت الاغنام تشتهى شىء واى شىء ووجدت رسالة الدكتوراة ملقية على التربيزة (مائدة شهية فلم تبقى غير بعض قصاصات لينة بسبب لعابها .
تحياتى لخالى العزيز هو الآن دكتور متخصص فى banana production من جامعة الخرطوم .فقد اعتصر راسه وكتبها من جديد وبت انا ذلك اليوم حزينا" مستاءا" فقد هزمت شر هزيمة فى المبارة .
بابكر زيكو
|
Post: #118
Title: Re: غنمايه الإشلاق ..وقــُدرات ..
Author: احمد العربي
Date: 10-16-2006, 04:58 AM
Parent: #114
بابكر عثمان
نسمه هبت على فرح الورود
وتمازجت حبيبات التواصل
والفراش
مرور جميل ونتمنى مواصلتك معنا
عاطر مودتي
|
Post: #116
Title: Re: غنمايه الإشلاق ..وقــُدرات ..
Author: احمد العربي
Date: 10-15-2006, 00:01 AM
Parent: #113
المبدع قيسان
دائما مشاركاتك دسمه
وسريعة الهضم في آن واحد
ذكريات جميله باضافة النقر
غنم القشلاق كان لها دور كبير في
تطوير القدرات الفنيه لطلبة كلية الفنون
وكانت عباره عن مواضيع رسم متاحه في كل لحظه
عاطر الود
|
Post: #115
Title: Re: الغنمايه (Re: Emad Abdulla)
Author: Ahmed Daoud
Date: 10-12-2006, 05:49 AM
Parent: #1
الاستاذ احمد العربى
البورد منور بعودتك ...
اما الغنماية فلها دور نضالى اخر تقوم به فى عطبرة
اتذكر ايام النميرى .. كان العطبراوين يقومون بتشتيت
العيش فى شوارع الزلط ... فتتجمع الاغنام بكثرة فى الشوارع
وتعيق موكب السفاح .... فينفعل ويغضب ... فهو يكره حتى غنم
عطبرة ...
احمد داود
|
Post: #119
Title: Re: Re: الغنمايه (Re: Emad Abdulla)
Author: احمد العربي
Date: 10-16-2006, 05:01 AM
Parent: #115
احمدداوود
الرائعون وحدهم يصنعون الجمال
فيا معنى الروعه ومنبع الجمال
عاطر الود لك
|
Post: #117
Title: Re: الغنمايه
Author: salma subhi
Date: 10-16-2006, 01:17 AM
Parent: #1
الأخ أحمد العربي
تحياتي
والله لو في زول بالبغلط قال لي غنماية 
|
Post: #120
Title: Re: الغنمايه
Author: احمد العربي
Date: 10-16-2006, 05:04 AM
Parent: #117
سلمى صبحي
نسايم اليل
انفاس الصباح
عبير الامنيات الحلوه
طيب انتي ولا غنمايه ولاحاجه
مودتي مضفره بي نغم
افراح بلدنا
|
Post: #121
Title: Re: الغنمايه
Author: salma subhi
Date: 10-17-2006, 00:57 AM
Parent: #120
|
Post: #122
Title: Re: الغنمايه
Author: احمد العربي
Date: 10-18-2006, 02:15 AM
Parent: #121
اها يا جماعه جبنة الغنم دي رايكم
فيها شنو؟
طبعا اجمل جبنه اكلتها
سلمى تاخدي ليك منها سندوتش
|
Post: #123
Title: Re: الغنمايه
Author: احمد العربي
Date: 10-18-2006, 02:31 AM
Parent: #122
|
Post: #124
Title: Re: الغنمايه
Author: salma subhi
Date: 10-18-2006, 03:22 AM
Parent: #122
لك التحية استاذ أحمد
طوالــــــــــــــــــــــــــي بس لو ما ختيت لي الصورة التحت الجبنه لانها خلتني اراجع نفسي شوية
salma subhi
|
Post: #125
Title: Re: الغنمايه
Author: Emad Abdulla
Date: 10-18-2006, 03:53 AM
Parent: #124
العربي .. يا جميل ..
أول شي الصورة دي الختيتها بتاعت حيوان ( اللاما ) , و هو من فصيلة الجمل و بيعيش في أمريكا اللاتينية ..
يعني ما بيشبه الكائن المعولق بتاعنا الإسمو غنماية .
شوفو قيافة و عيونو كبيرة و حلوة كيف .. و بعد ده نضيف .. ( حلاة الدنيا عليهو )
أما الكارثة البيئية الإسمها غنماية دي فما عندها أي شي يشكروها بيهو ..
تاني بقول ليك .. :
- شينة
- معولقة و مبشتنة
- دمها قرادة بس
- بتطرشق قصص الحب الجميلة ( يعني حاقدة )
- مهووسة بالنبيح سبه بلا سبب
- بتاكل أي شي .. التقول HOOVER
- ريحتها بتقعد سنين معلقة في النخرة لو كنت متربي معاهم في نفس البيت
- و فوق ده كلو مستهبلة ( أقصد الغنماية , مش حبيبتي ديك )
فبالله يا أحمد ما تشكر لينا الراكوبة في الخريف ..
يديك العافية ..
|
Post: #126
Title: Re: الغنمايه
Author: احمد العربي
Date: 10-18-2006, 11:59 PM
Parent: #125
الناصع كاشعة الشمس
عماد عبد الله
Quote: - شينة
- معولقة و مبشتنة
- دمها قرادة بس
- بتطرشق قصص الحب الجميلة ( يعني حاقدة )
- مهووسة بالنبيح سبه بلا سبب
- بتاكل أي شي .. التقول HOOVER
- ريحتها بتقعد سنين معلقة في النخرة لو كنت متربي معاهم في نفس البيت
- و فوق ده كلو مستهبلة ( أقصد الغنماية , مش حبيبتي ديك )
فبالله يا أحمد ما تشكر لينا الراكوبة في الخريف ..
|
انت قاصد حكومتنا ولا شنو؟
|
|