الماسنجر مثار الازمة

ما كان لى ان انقل رسالة من الخاص للعام لو لا ان الموضوع بدأ فى النمو
والازدياد لكل حسب خياله
عموما هذه هى الرسالة التى ارسلتها لامنة مختار وكان ذلك بخصوص موضوع اختطاف منعم سليمان
الرسالة كاملة

Quote: Date: 10-01-2012, 11:55 PM From: قاسم المهداوى To: AMNA MUKHTAR Subject: سلاام احزن كتيرا لم اشوفك منجرة خلف اكاذيب ناس حنظل وموضوع منعم سليمان

هذه هى الرسالة
وبس
فقط للتوضيح


قاسم المهداوى

مجرد سؤال
وين النصحية هنا ؟؟؟؟
وللاخ بريمة محمد ادم
برضو فى شاكوش ؟؟؟؟ يا راجل !!!!







قاسم المهداوى

رسالة عادية ما كان في داعي إنت ذاتك ترسلها في الخاص .. إلاّ إن كنت تظن أن المرسل إليه يعاملك بنفس الخصوصية .. وهو ما لم يحدث ..

يبدو لي أن آمنة مختار زولة ذات مزاج جِلف (rude) .. ذلك الرد القاسي - ب قسوته دي - كان مفروض برضو يكون في الخاص ..

:
:

دي لو أدت ليها زول شاكوش حتفرتق ليهو راسو ..

سلااام يا منير

Quote: رسالة عادية ما كان في داعي إنت ذاتك ترسلها في الخاص .. إلاّ إن كنت تظن أن المرسل إليه يعاملك بنفس الخصوصية .. وهو ما لم يحدث ..

كنت اطن ذلك ولكن ثبت لى العكس
واجدنى فى غايه الاسف






قاسم المهداوى

الأخ قاسم سلامات ..
take it eazy يازول
و be carefull
وtake care

ليس هنالك ما يستدعي حرب البوستات هذه (الخاص للعام)

قاسم مهداوي أخ عزيز وشخص رائع وصامد
وآمنة مختار إنسانة رائعة ومجتهدة ومناضلة..

شخصياً لا أري داعي لتحميل هذا الموضوع ما لا يحتمل
سواء إن كان من آمنه أو من مهداوي

وأرجو ياقاسم أن تلاحظ أن آمنه شبه إعتزرت عن البوست..


ولكما مني في هذا الزمن الصعب ذاكرة طيبة..

قيلوا عافية.

محمد ادم الحسن
سلااامات وكيف انت
يا سيدى الموضوع ليس له علاقه بحرب بوستات ولا دانات
مجرد توضيح ليس الا حتى لا يذهب الناس بعيدا

Quote: وأرجو ياقاسم أن تلاحظ أن آمنه شبه إعتزرت عن البوست..

الكلمة كالطلقه عندما تخرج لا يمكن ارجاعها
لهذا يقال للقلم والبندقية فوهة واحدة
ولا كـــــــــــيف ؟؟


قاسم المهداوى

سلام

اللهم اكفينا شر المسنجر

Quote: دي لو أدت ليها زول شاكوش حتفرتق ليهو راسو ..

وش ضاحك يتمردغ فى الواته(ط)

Quote: الأخ قاسم سلامات .. take it eazy يازول و be carefull وtake care

شُكرا منير
...
...
...
قاسم مهداوي (زول) جميل جمال بلادي في ظرفها الطبيعية

الا خ قاسم تحية واحترام واسمح لي ان اعلق قليلا علي ماحدث
اولا رسالتك وكما اوردتها لا تحمل سوي وجهة نظر بيسطة لموضوع محدد وواضح ولا لبس فيه (يعني بالواضح كده رسالة صماء لا تحتمل التاويل وذات هدف واضح)

ما حدث هو بلاشك لا علاقة له برسالتك اعلاه...واكييد له اسباب اخري .... لن اخوض فيها في العام لانها ربما تصبح اتهامات جزاف ... لذلك هي متروكة لفطنتك ومن يقراء كلامي .... وربما لاسبب له اطلاقا(عادي جدا الزمن ده تخلق المشاكل من لاشئ)

اخي الكريم اتابع ما تكتب دائما واري ان لك هماكبيرا واحلاما عظيمة تجاه اهلك وحال البلد المايل فلا تقعد بك الصغائر ولا تلتفت اليها

قاسم مهداوى ما تعمل فيها حمل وديع ..

إنت نسيت إنو دى ما أول مرة وللا شنو ؟

ولا نسيت إيقافك لحسابى لمدة أسبوع حتى تمنعنى من تغطية الثورة المصرية ..
بحجة إنو فى خطورة على حياة السودانيين فى مصر بسبب بوستى ذاك .

إنتى قايلنى سامحتك عشان لما قابلتك ضحكت وإتونست معاك عادى ..

مافى صديق (حقيقي ) يسعى لإيقاف حساب صديقته ..وما فى زول فى البورد دا عملا لى غيرك .

.

Quote: هذه هى الرسالة وبس فقط للتوضيح

يا هامش خيرا تعمل شرا تلقى

انت احتفظ نصائحك لنفسك يا صديق

انت فى عالم سودانيز اون لاين

الناس بيعملو من الحبة قبة

امنه مختار سلام
ارجوا ان توضحي لنا كيف يمكن لقاسم توقيف حسابك

Quote: قاسم مهداوى ما تعمل فيها حمل وديع .. إنت نسيت إنو دى ما أول مرة وللا شنو ؟ ولا نسيت إيقافك لحسابى لمدة أسبوع حتى تمنعنى من تغطية الثورة المصرية .. بحجة إنو فى خطورة على حياة السودانيين فى مصر بسبب بوستى ذاك . إنتى قايلنى سامحتك عشان لما قابلتك ضحكت وإتونست معاك عادى

طيب مش كان احسن مادام انتى قابلتى قاسم تفتحى معه الموضوع رأس لرأس

بدل ما تجى تفتحى بوست هنا

شهادة لله قاسم مهداوى اعرفه جيدا انسان ممتاز ماعندو لف ودوران ..زول اخو اخوان