انا ما كوز /انقاذى لكن ... ضد/مع من ام ضد/مع ماذا ؟

Post: #1
Title: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-05-2008, 11:34 AM
Parent: #0

هل الخيارات بين منو و منو؟
ام شنو و شنو؟

هل الخيارات بين الحكومة والمعارضة ؟

ام بين رؤيتين؟

هل و هل ....

فرتقة واحدة من حيل تحييد الناس و جهجتهم

الباقي بعدين

هما مين واحنا مين

أحمد فؤاد نجم

هما مين واحنا مين

هما الامر والسلاطين

هما المال والحكم معاهم

واحنا فقرا ومحكومين

حزر فزر شغل مخك

شوف مين فينا بيحكم مين

احنا مين وهما مين

احنا الفعلا البنايين

احنا السنه واحنا الفرض

احنا الناس

بالطول والعرض

من عافيتنا تقوم الارض

وعرقنا يخضر بساتين

خزر فزر شغل مخك

شوف مين فينا

بيخدم مين

هما مين واحنا مين

هما الامرا والسلاطين

هما الفيلا والعربيه

والنساوين المتنقيه.. طبعاً

حيوانات استهلاكيه

شغلتهم حشو المصارين

حزر فزر شغل مخك

شوف مين فينا بياكل مين

احنا مين وهما مين

احنا قرنفل على ياسمين

احنا الحرب حطبها ونارها

احنا الجيش اللى يحررها

واحنا الشهدا ف كل مدارها

منتصرين او منكسرين

حزر فزر شغل مخك

شوف مين فينا بيقتل مين

هما مين واحنا مين

هما الامرا والسلاطين

هما مناظر بالمزيكه

والزفه وشغل البولوتيكا

ودماغهم طبعا استيكه

بس البركه فى النياشين

حزر فزر شغل مخك

شوف مين فينا بيخدع مين

هما مين واحنا مين

هما الامرا والسلاطين

هما بيلبسوا اخر موضه

واحنا بنسكن سبعه ف اوضه

هم بياكلوا حمام وفراخ

واحنا الفول دوّخنا وداخ

هم بيمشوا بطيارات

واحنا نموت في الأوتوبيسات

هم حياتهم تمضي جميلة

هم فصيلة واحنا فصيلة

حادي يا بادي يا عبد الهادي

راح تفهم قصد الغنوة دي

لمّا الشعب يقوم وينادي

يا احنا يا هم في الدنيا دي

حزر فزر شغل مخك

شوف مين فينا حيغلب مين!!!

Post: #2
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 02:45 PM

عصام سلامات..

اعتقد ان تنميط الصراع بهذا الشكل القبلى ادى لهرجله
المواقف وتمييزها ..
منو بقت اهم من شنو ..
ولا
شنو

تحياتى

Post: #4
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-05-2008, 04:52 PM
Parent: #2

سلام يا المشرف (دجانقو)

Quote: اعتقد ان تنميط الصراع بهذا الشكل القبلى ادى لهرجله
المواقف وتمييزها ..
منو بقت اهم من شنو ..

اتفق معاك، طبعا منو نفسها مهمة، لكنها ليست سابقة لى " شنو" , الحاجة التانية انو الهرجلة والتنميط ليسا مصادفة او قدر فقط، في اليات تعمل لفرضهما و في قوى تعمل بوعى او دون وعى لفرض و تكريس هذا الواقع...

مرحب بمزيد من مساهماتك

سلام

Post: #27
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Suad I. Ahmed
Date: 06-06-2008, 06:10 PM
Parent: #2

شكرا ياخبيبي عصام جبرالله على تذكيرنا بأشعار أحمد فؤاد نجم الذي ما اهتز إيمانه بالشعب ولا تخلى عن اقتناعه بأن الشعب هو صاحب المصلحة الحقيقية في كنس المستمتعين بثروات وطنه مع حرمانه من المشاركة فيه.. الشعراء هم دعاة الحرية والانتماء للشعب والوطن وقلما يبدعون عتدما يتخلون عن موقفهم ليتبوا الجاكم الظالم- لذلك سوف نبقى مناضلين من أجل الحرية والرفاهية للآخر
بالله لو ما ضاع منك ديوان (بعيش اهل بلدي) زيي انشر لنا القصيدة اللي قال فيها
انت شيوعي
انا مصرواي
انتو مصايب انتو بلاوي
ممكن اعرف مين الأول بيكلمني
احنا نيابة أمن الدولة
دولة مين؟
دولة مصر
مصر العشة ولا القصر؟
ماما سعاد
الخرطوم في 8 يونيو2008

Post: #31
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-06-2008, 06:45 PM
Parent: #27

سماح يا شباب للقفز فوق الردود و الترحيب بامنا سعاد .. ام الجسارة و الوضوح والانتباه و محبة الناس و احترام الاختلاف معهم ...

فتشت قصيدة احمد فؤاد نجم "ورقة من ملف القضية " و لحسن الحظ لقيتا

إنت شيوعي
أنا مصراوي
إنتو مصايب إنتو بلاوي
ممكن أعرف مين الأول بيكلمني
إحنا نيابة أمن الدولة
دول مين
دولة مصر
مصر العشه ولا القصر
أيوه حنبدي ندور ونلف حاجه تنرفز خالص
إف
مالك ... شايل طاجن خالك
لم لسانك ما تخرفش
أنا ما اقصدش اهانتك طبعا
أيوه استعبط
لاما اعرفش
إيه رأيك في سفارة كوريا
إيه رأيك في قضية مصر
مصر ف وحده
هى وسوريا وليبيا ولازم ييجي النصر
ييجي منين وازاى ولمين
آدى كلام الشيوعيين
أنا من حقي
حق ف عينك
أنا بتكلم بيني وبينك
يعني كلام بره التحقيق
إذا كانش يسبب لك ضيق
طيب قول
مين مسئول ؟
مين مسئول عن إيه يا إخينا
ع إللي جرى لنا ف غزه وسينا
أنت شيوعي أكيد وطاوعني
فض دمغك من دي قضيه شعبنا جاهل
مهما تقول له
مش حيآمن بالشيوعية
ما الشيوعية فى فيتنام
إيه رأيك فيهم يا همام
مش بطال مش بطال
لكن إحنا .. ورانا عيال
طب ما نحارب لجل عيالنا
يطلعوا أسعد من أجيالنا
إنت الظاهر مخك فاضي
وحتتعبني معاك ع الفاضي
وأنا بحبحت معاك بكفايه
إبقي اتفلسف عند القاضي
هى قضيه ؟
لأ ملوخية
أمال فاهم إيه آمال هى الدولة دى لعب عيال
ممكن أعرف أنا هنا ليه
أيوة حتعرف
أمال إيه
يوم خمسه وعشرين الماضي
إيه مشاك عند التحرير
تحرير إيه يا جناب القاضي
أنا مش فاضي
بكره تصير
بطل غلبه وجاوب دوغري
أنا غلباوي كده من صغري
كل الشيوعيين أمثالك
آخر غلبه وقله ذوق يحصل إيه لو تمشي ف حالك
فاكر نفسك مين
ما تفوق
لو راح افوق
مش من مصلحتك
أنا معجب جدا بصراحتك
إيه رأيك فى حكايه الطلبه
حاجه عظيمه بشرة خير
إنت دماغك ينفع جزمه
وانت لسانك ينفع سير
إخرس قطع لسانك سافل
كتر خيرك
مخك قافل
مين وداك بقي عند الطلبه رايح ضمن المندسين
رحت أناقشهم واسمع منهم
تسمع منهم إيه يا سي طين
دول عايزين الدنيا تولع علشان أصلا
مش فاهمين
هى الحرب يا عالم لعبه
دى بتتكلف بالملايين
وأنت حتدفع إيه من جيبك
امال ح ادفع من جيب مين
إنت حمار وخدوك فى مشمك رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة أنصار الثورة
وفلسطين وهباب الطين
ما نخلينا يا سيدي في حالنا
مالنا ومال الفدائين
هو إحنا اللي نهبنا بلدهم
دول عالم صيع فاقدين
قتلوا الراجل عند الشيراتون
وإحنا إللي طلعنا القاتلين
وصفي التل دا كلب وخاين
اهو كل العالم خاينين
واحد صاحبي مراته مرافقه
وهو مرافق
ييجي عشرين
أمريكا بتزعل وبتحرن
هو إحنا يا عالم ناقصين
مش نستعبر
م إللي جرالنا
ونعيش بقي زى العايشين
دي عيال عملا للشيوعيه
وإحنا عدو الشيوعيين
ورق دمك بس يا بيه
مين مساعدكو بقالكو سنين
بيساعدونا صحيح يا سي بعجر
علشان أصلا مش فاهمين
إحنا حيلتنا منين نديهم
ونسددهم بالملايين
يمكن يعني قضيه مبدا
مبدا مين وزكايب مين
هي دى عالم تعرف مبدا
دولا باقول لك
ناس مجانين
اخترعولنا السد العالي
علشان نبقي اشتراكيين
إشتراكيه هناك ف بلدهم
وإحنا ف دارنا
نعيش حرين
عايزين الفلاح الجاهل
يتساوى بالمحترامين
وكمان قال
تحديد ملكيه
أبو ألفين
يدوه خمسين
شغل ملاحده وعالم كفره
ومخالفين أحكام الدين
والعمال رخرين اسم الله
فاهمين روحهم
بني آدمين
ناس عايزين الحرق بولعه
دا كله من الشيوعيين
نشروا لنا الأفكار السوده
أولاد الكلب الملاعين
مين وداك بقي عند الطلبه
انطق قول
اتكلم مين
هما إيه مطالبهم ؟
انت حتستجوبني يا شاطر
لأمش قصدى
بس أنا باسأل
كانوا طالبين كراريس ومساطر
ولا مطالب ميه الميه
كل الشعب مآمن بيها
دول طالبين حرب وشعبيه
مين مجنون بقي
حيمشيها
عايزين يدوا الرتش سلاح
عشان تحصل فيها مجازر
أنا لو أشوف حلوف فلاح
شايل شومه
لازم اهاجر
لازم بينه وبينك دم
دم ف عينك
هس اتلم
ثم نحارب ليه
وبايه
بسلاح ما يموتش بعوضه
ورق دمك بس يا بيه
الحرب ضروره ومفروضه
واهو نفس سلاحنا المظلوم
في فيتنام دابح أمريكا
دى طبيعه أرض يا بني آدم
بطلوا بقي كدب وبولوتيكا
طب ما الهند بنفس سلاحنا
فى باكستان
بعزقت الغرب
رأيك يعني ضروري ان إحنا
وحتما يعني نخش الحرب
طيب
حاضر
فين المخبر
حتغير رأيك
بالضرب

Post: #39
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-07-2008, 05:17 PM
Parent: #31

.......

Post: #3
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: lana mahdi
Date: 06-05-2008, 02:55 PM

عصام يا خوي سلامات
المعارضة زاتها بقت أكوام مش تيار سياسي
مصطلح (معارضة) الحتة واحدة دة كنت تقولو و قلبك جامد من كم سنة..
حسة خليك في مفهوم (معارضة) و رؤية (معارضة)آمن و أسلم!
ودي معناها لا للمؤتمر الوطني أو الشعبي لا للتقارب معهما ونعم لكل الحلول للمشكل السوداني وفق رؤى القوى الوطنية المعارضة حقاً(بالمناسبة ديل فضل منهم كم؟)
يعني الاتراضو يرجعو يتزاعلو من تاني (اللهم آمين)و الدخلو البرلمان يمرقو و الدخلو السلطة التنفيذية يشوفو ليهم صرفة لأنهم ما قدرو يغيرو..
"لنا" التي وصفت منذ أيام ب(الدقة القديمة)...وافتخر!!

Post: #16
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 11:57 AM
Parent: #3

...

Post: #5
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-05-2008, 05:07 PM

شكرا عصام
كنت قد دفعت بإشارات ورسائل في بوست المجمر
Quote: المصائب لاتأتي من مثل هولاء المجاهريين بالكوزنة وأنما
تكمن فيمن مارس البيات الشتوي والتخفي و"التقية" وعاد اليوم ينفس سمومه
وتكمن فيمن يخفون كوزنتهم ويظهرون بمظهر الحريص علي وطنه ودينه فقط ولكنهم يمررون أجندتهم من خلال وضعهم هذا وفيمن يسعي للظهور بمظهر الاجتماعي والرياضي والمضحكاتتي ويخبئ
خلف ثياب المهجرج أنياب الكوزنة وأظافرها!!!!
وفيمن أعياه النضال وأغراه وهج ذهب معاوية وبريق السلطة فأنكسر
وتهاوي في مستنقع السلطة وصار همه التخذيل عنهم والذود عن حياضهم دون أن يصرح بكوزنته!!!!
وفيمن" خمه" الخطاب العنصري والجهوي للنظام فسبح في تياره وصار أداة
تنفذ أجندة النظام بوعي أو دونه!!!
كمال
وقد كتب محمد المشرف ما يشابه ما وجهه لك هنا -كتبه لي بوست أخر

Quote: لا يمكن تجريد من وقفوا فى الضد من حركه خليل ابراهيم 10 مايو من نياشين النضال ..
ليس من حق احد منا اتهام الحركه الشعبيه ب( الكوزنه ) لتوقيعها اتفاق نيفاشا
ليس من حق احد منا اتهام منى مناوي بخيانه قضايا اهله فى دارفور
ولا الميرغنى والحزب الشيوعي فى اتفاقيه القاهره
ولا المهدى وحزب الامه فى ىاتفاقيه التراضى مع الحزب الحاكم
انا مثلا علمانى ولا اري فى دستور السودان ما يعارض قناعاتى
ولا اري فى الدوله السودانيه الان دوله دينيه
وارتقب الانتخابات القادمه وقوانينها باهتمام بالغ
وكان ردي
(أنا لا أمنح صكوك النضال والوطنية للناس ولا أسلب تلك المفاهيم من
الناس......موقع وموقفك هو ما يحدد نضالك من عدمه وهو مايحدد أيضا مدي
مدي التزامك الوطني....
كلامك عن الحركة والامة والاتحادي والشيوعي وعدم تجريدهم من النضال والموقف الوطني لا خلاف عليه فأنا أختلف مع هولاء في التقديرات والمواقف
السياسية ولكني لاأخونهم أو أجردهم من وطنيتهم .....
,,,,أنا أتحدث عن الكيزان علي مستوي القيادة وعن بعض من يلعب الادوار
التي رفضتها في مداخلتي السابقة......
ثانيا .........نعم أقف ضد من المؤتمر الوطني الذي فرط في سيادة والتراب الوطني.....ومن مزق النسيج الاجتماعي للبلاد وأشعل الفتن العرقية
والجهويةفي ربوعها
ومن كمم الافواه وقتل وعذب وشرد ومن يهيمن علي عصب الدولة =السلطة
والثروة والاعلام بلا حق
ومن يكبل الرأي الاخر ويعطل الحريات.....
ومن سلب الناس حق مجانية العلاج والتعليم.....
وأعتقد أن كوادرهم التي تؤيدهم في الاقصاء وتكميم وقمع الرأي الاخر
ثم تأتي هنا لتتباكي علي حرية الرأي في مثل منبرنا هذا ويطالبون
ببسط الحريات في المنبر وبكفالة حرية التعبير لهم .....أعتقد أن هذه
الكوادر مصابة بفصام فكري فكيف تتمتعهي بما تحرم الاخر منه بالوطن
كيف تتطالب بحق التعبيرهنا في وقت تساند فيه من يقمعها بالوطن?
أليس هذه هي قمة الانتهازية والكيل بمكياليين?
وكتب
Quote: انا مثلا علمانى ولا اري فى دستور السودان ما يعارض قناعاتى
ولا اري فى الدوله السودانيه الان دوله دينيه
لازالت الحدود نافذة ولازال حد الردةمسلطا علي الرقاب ....لامجال أذا
للحديث عن حرية الاعتقاد والفكر وحق تغيير المعتقد? ...لهذه الحيثيات تجدني قد كتبت عنهم المداخلة السابقة.... Re: الى الاخــوة المناضــلين : الكــــيزان بــداوا يشــن...مســعورة فانتبــهوا
كمال

Post: #6
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 06:24 PM
Parent: #5

كمال عباس تحياتى

وكنت قد كتبت لك ردا تفصيلا هناك ضاع بفعل الشبكه

عموما ..
لنكن براغماتيين ...

اولا مفهوم الدوله الدينيه اراك جاريت فيه السلطه ( حدود ) واغلبها غير مطبق
الدوله التى عنيت الحاكميه فيها لله وللولايه شروطها ولاقامة غير المسلمين بها شروطها الخ

..
فى ذاك البوست كنت قد كتبت
Quote: للنضال ادواته وادبياته وآلياته..ثم واخلاقياته
وجميعها نقتقد اليها وبشده ..

الكتابه هى واحده من ادوات النضال والقلم او الكى بورد
ان لم يخدم منظمومه نضاليه متكامله يفقد اتجاهه
تماما كالسهام الطائشه التى تمر من فوقى وتحتى وعن يمينى وشمالى
كلما تصفحت سودانييزاونلاين ومواقعنا الاكترونيه وصحفنا
ثم تطلعت لحال احزابنا
ثم تجولت فى شوارع الخرطوم لاري الهوه السحيقه بين بين عنوان هذا البوست كمثال
وما يجري فى الشوارع ومن عليها

نحن شعب غير مبدع فى ابتكار ادوات النضال الفاعله
وفشلنا فى تكوين معارضه خلاقه
واكتفينا بتسجيل افعال من يحكمون

..

اي قراءه متأنيه للمشهد السياسي السودانى الان يخلص لان المؤتمر الوطنى يمر بازهى مراحله سياسيا
واقتصاديا وعلاقات خارجيه والتفاف جماهيري وسيستثمروا كل هذا فى انتخابات قادمه ومصيريه

..
ماذا تري يا كمال فى الكفة الاخري للميزان
اتوجد معارضه فاعله لها القدره على الحراك والتغيير وذات منظومه فكريه واضحه وجماهيريه نلتف حولها
وتشكل لنا نواة تستقطب رؤانا وتوفر لها آليات النضال الديناميكيه التى تنتظم شارع سودانى عريض ؟

..
يا كمال المشكله ابدا ما فرديه والاراء الشخصيه ليست لها القوه الدافعه اللازمه لاحداث تغيير ما ..
كن معارضا .. ولكن من الافضل ان تكون ايجابيا فى معارضتك .. هذا هو المحك , ان تثمر شيئا كأن تكون
ترسا فى عمليه انتاج معارضه فاعله ..

..
وعند تحقيق ذلك .. دلنى عليها , فقد فقد ايمانى بوجودها وتقوقعت اكتب فى سودانييزاونلاين
تحياتى

Post: #7
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 06:42 PM

عصام( احمد زكى )
سلامات

Quote: في اليات تعمل لفرضهما و في قوى تعمل بوعى او دون وعى لفرض و تكريس هذا الواقع...

حنرجع لى منو وشنو..
شنو الاليات الافضت لتنميط الصراع قبليا لا سياسيا ..
يلا ناس المعارضه عاوزين اجابه واضحه لى منو ... الكيزان ومنذ30 يونيو 89

ابقى راجل وقول ليهم يا اخوانا دى مسأله جذورها اجتماعيه واقتصاديه وتنمويه وتاريخيه
وابقى راجل وقول ليهم من ناصر الانقاذ اكثر من ناس دارفور اول ايامها؟
والله يقدرك تحاول تحلل الصراع ومنو مع منو والتركيبه القبليه والصراعات الاثنيه التاريخيه هناك
ولن يشفع لك اضافة ان الانقاذ استثمرت هذه الارضيه

..
ده ما ياهو ذاتو خطاب الكيزان ..
اذن انت كوز

,,,,
منو وشنو

Post: #8
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-05-2008, 06:42 PM

كتب محمد المشرف
Quote: اولا مفهوم الدوله الدينيه اراك جاريت فيه السلطه ( حدود ) واغلبها غير مطبق
الدوله التى عنيت الحاكميه فيها لله وللولايه شروطها ولاقامة غير المسلمين بها شروطها الخ

.....أنا لا أجاري أحدا...... ونقطتي أن الحدود لازالت سارية وحد الرد ة
الذي يسلب حرية الاعتقاد والفكر لازال مسلطا علي الرقاب وهو أمر في
غاية الخطورة ولايستهين به عاقل
وكتبت

Quote: اي قراءه متأنيه للمشهد السياسي السودانى الان يخلص لان المؤتمر الوطنى يمر بازهى مراحله سياسيا
واقتصاديا وعلاقات خارجيه والتفاف جماهيري وسيستثمروا كل هذا فى انتخابات قادمه ومصيريه

أذا أفترضنا صحة كلامك هذا فماذا تعني ?
هل سيكسبها وهج السلطة وبريق الثروة المشروعية?
وهل سيغطي هذا علي عورتها وعلي هيمنتها علي موارد ومقدرات البلاد
أم سيغطي علي تكميمها الافواه وأقصاء الاخر?
أم تراه سيغطي علي حقيقة أنها فرطت في سيادة البلاد ومزقت نسيجها الاجتماعي
وأفقرت وأذلت الناس?
....لايهمني مواقف القوي السياسية الاخري هنا لأني أعبر عن ذاتي وأتصدي
للأنقاذ وكودارها بأدواتي المتاحة وبحسب قدارتي الذاتية .....
ولكن قل لنا أنت يامشرف ماهي رؤيتك وماذا تريد أن تقول ?
هل تريدنا أن نكسر أقلامنا ونرهن أرادتنا للمؤتمر الوطني لأنه قوي ولأنه
يمر بأزهي فتراته كما تقول ولافائدة أذا ولامعني لمقارعته أو حتي أبداء
الرأي حول ممارسته?

Post: #9
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 07:17 PM

معليش يا كمال
انا ما قلت كده ..

مارس ما شئت من نضال ..
قلت بالحرف الواحد

Quote: يا كمال المشكله ابدا ما فرديه والاراء الشخصيه ليست لها القوه الدافعه اللازمه لاحداث تغيير ما ..
كن معارضا .. ولكن من الافضل ان تكون ايجابيا فى معارضتك .. هذا هو المحك , ان تثمر شيئا كأن تكون
ترسا فى عمليه انتاج معارضه فاعله ..

اما المؤتمر الوطنى وقولى انه يمر بازهى مراحله فهو تحديد وتقييم الهدف المراد معارضته

ثم الاهم من ذلك كنت اتمنى الاجابه على

Quote: ماذا تري يا كمال فى الكفة الاخري للميزان
اتوجد معارضه فاعله لها القدره على الحراك والتغيير وذات منظومه فكريه واضحه وجماهيريه نلتف حولها
وتشكل لنا نواة تستقطب رؤانا وتوفر لها آليات النضال الديناميكيه التى تنتظم شارع سودانى عريض ؟

Post: #10
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 07:30 PM

وأضيف ليك حاجه تانيه يا كمال

الحكومه نجحت والمعارضه فشلت .. بسبب عدم فعاليتها
وعدم قدرتها على الحركه وسط الجماهير

والشرعيه اكتسبها البشير من نواب الشيوعى فى البرلمان
وباقان اموم فى مجلس الوزراء واتفاق التراضى مع الصادق
واتفاق القاهره مع التجمع

اها الباقى منو ؟..
هو قلبها على منو ..

لا توجد معارضه الا الحركات المسلحه فى دارفور .. ويمكن ان تراهن على
قدرتها على اسقاط النظام ان شئت

..
بالاضافه لسودانييز اونلاين

Post: #13
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: وليد محمد المبارك
Date: 06-05-2008, 08:11 PM
Parent: #10

Quote: بالاضافه لسودانييز اونلاين

حتى الان لم اجد (من) هذا الذي يستطيع الوقوف معه

انا ضد الجميع من ساسة هذا البلد

Post: #11
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-05-2008, 07:34 PM

كتب المشرف

Quote: ماذا تري يا كمال فى الكفة الاخري للميزان
اتوجد معارضه فاعله لها القدره على الحراك والتغيير وذات منظومه فكريه واضحه وجماهيريه نلتف حولها
وتشكل لنا نواة تستقطب رؤانا وتوفر لها آليات النضال الديناميكيه التى تنتظم شارع سودانى عريض ؟
المعارضة ليست فاعلة بالشكل المطلوب ...ضعفها مرده للقصور الذاتي
ولعوامل موضوعية :
المعارضة لاتباشر نشاطها في ظل ظروف صحية فالحزب الحاكم يهيمن كما قلنا
علي مفاصل الدولة من مال وسلطة وأعلام ويتسلط علي أجهزة الدولة ومؤسساتها
..الامن ..الشرطة...الجيش ومفاصل الخدمة المدنية كما أن الحزب لازال منفذا
القوانين المقيدة للحريات وهو بذا يكبل الصحافة ويمنع حق التظاهر السلمي
......هذه هي الظروف الموضوعية التي تجعل من المعارضة كالملقي مكتوفا بالماء
والمطالب في ذات الوقت بأن لا يبتل بالماء!!!
وطبعا هنا ك أيضا أوجه قصور ذاتية لدي المعارضة.......... مايهمني هنا هو توظيف هذه النافذة الفكرية لفضح ومحاصرة النظام وكوادره...

Post: #12
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-05-2008, 07:49 PM

كتب المشرف
Quote: الحكومه نجحت والمعارضه فشلت .. بسبب عدم فعاليتها
وعدم قدرتها على الحركه وسط الجماهير

والشرعيه اكتسبها البشير من نواب الشيوعى فى البرلمان
وباقان اموم فى مجلس الوزراء واتفاق التراضى مع الصادق
واتفاق القاهره مع التجمع
قد تكون هذه هي شرعية في منظورك وتقديرك ....... ولكني لا أراها كذلك
مجئ نظام نميري علي أكتاف اليسار لم يمنحه المشروعية وأتفاق أديس أبابا
لم يكسبه الشرعية ومصالحة حزب الامة والاخوان لم تسبغ المشروعية علي
مايو......
المشروعية تأتي من الجماهير ومن الاحتكام لنظام ديموقراطي حقيقي ولمؤسسات
ديموقراطية ولنظام فصل سلطات وحرية تعبير وأستقلال القضاء وأطلاق الحريات
العامة والغاء القوانين المقيدة للحريات وكفالة حق التظاهر والحركة وتداول السلطة والاحتكام لصناديق الاقتراع
هذه هي بعض عناصر الشرعية وركائز المشروعية وأي أدعاء لمشروعية تتجاهل
هذه العناصر ماهو الا وقوع تحت تأثير الة النظام الاعلامية

Post: #14
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-05-2008, 09:42 PM
Parent: #12

يا كمال سلام

Quote: المشروعية تأتي من الجماهير ومن الاحتكام لنظام ديموقراطي حقيقي ولمؤسسات
ديموقراطية ولنظام فصل سلطات وحرية تعبير وأستقلال القضاء وأطلاق الحريات
العامة والغاء القوانين المقيدة للحريات وكفالة حق التظاهر والحركة وتداول السلطة والاحتكام لصناديق الاقتراع
هذه هي بعض عناصر الشرعية وركائز المشروعية وأي أدعاء لمشروعية تتجاهل
هذه العناصر ماهو الا وقوع تحت تأثير الة النظام الاعلامية

العناصر دى اسمها الديموقراطيه
وللديمقراطيه فى وجهه نظرى المتواضعه اضلاع ثلاثه
- احزاب
- انتخاب
- تداول سلمى للسلطه
ويدخل داخل مثلث الاضلاع ده جميع ما وصفته من حقوق وجميعها تنظيم لعلاقه مواطنين بنظام حكم
وده معناها الاصطلاحى - اي الديمقراطيه -ومعناها او ترجمتها الحرفيه من اللاتينيه حكم الغوغاء
ما علينا
المهم فى العمليه الديمقراطيه ان الثلاث عناصر مجتمعه تفضى للشرعيه باعتبار الديمقراطيه مرجعا ..
وبدون الوقوع تحت اله النظام الاعلاميه ..
اتفق معك ان النظام غير شرعي ..
ما سيفضى اليه اقتناعى انا وانت بعدم شرعيه النظام
بديهيا عدم شرعية كل الاتفاقات من نيفاشا للتراضى
عدم شرعية تمثيلنا الدبلوماسى من الامم المتحده لاصغر دوله لنا معها تمثيل دبلوماسي
كما لا يمكننا ايجاد شرعيه لاحزابنا وهى الضروريه لاتمام عمليه الدمقرطه لشرعنه لاى نظام
..
كمال دى دايره مفرغه ..
اصلا ما مختلف معاك الا فى ان نتناول الواقع كما هو لنتعامل معه
الانطلاق من الواقع افضل من افتراضنا مناضلين سيصنعون تغييرا لن يكون

بعدين شايفك ساكينى من بوست الكيزان بدؤا حمله مسعوره .. للاشتباه
عموما حامارس تأمين كادر منك
تحياتى و,,
يا سيدى
ليس للنضال ميزان .. وليته كان

تحياتى

Post: #15
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-05-2008, 10:02 PM

محمد المشرف
تحية مرة أخري
كتب محمد المشرف
تحية مرة أخري
كتب
العناصر دى اسمها الديموقراطيه
وللديمقراطيه فى وجهه نظرى المتواضعه اضلاع ثلاثه
- احزاب
- انتخاب
- تداول سلمى للسلطه
ويدخل داخل مثلث الاضلاع ده جميع ما وصفته من حقوق وجميعها تنظيم لعلاقه مواطنين بنظام حكم
وده معناها الاصطلاحى - اي الديمقراطيه -ومعناها او ترجمتها الحرفيه من اللاتينيه حكم الغوغاء
ما علينا
بحكم تخصصي الأكاديمي أقول أن من أهم عناصر الديموقراطية هو
نظام فصل السلطات وضبطها والسلطات المعنية =تشريع /قضاة وسلطة تنفيذية
ومن أهم العناصر هي الحريات العامة والحقوق الاساسية
هذا بالاضافة لتداول السلطة وحق الاقتراع والتعددية الخ
لا ديموقراطية بلاحريات عامة وبلا نظام فصل للسلطات...
......للنضال أسس ومعيار وقيم يا مشرف ...
ولكن لا يملك أحد حق أحتكار صكوك النضال ومنحها لمن يرضي وسلبها عن ما لايرضي..... التتطرف والتشنج والتجريم المطلق والتعميم والادانة علي أساس
عرقي أو جهوي أمر مضر ومرفوض ولكن يجب أن لايثنينا أو يكسر هممنا.. حالة
الاستقطاب الحاد وأفرازت المرارات والظلامات قد يخلق جو غير صحي ومحبط
كمال
Quote: العناصر دى اسمها الديموقراطيه
وللديمقراطيه فى وجهه نظرى المتواضعه اضلاع ثلاثه
- احزاب
- انتخاب
- تداول سلمى للسلطه
ويدخل داخل مثلث الاضلاع ده جميع ما وصفته من حقوق وجميعها تنظيم لعلاقه مواطنين بنظام حكم
وده معناها الاصطلاحى - اي الديمقراطيه -ومعناها او ترجمتها الحرفيه من اللاتينيه حكم الغوغاء
ما علينا
بحكم تخصصي الأكاديمي أقول أن من أهم عناصر الديموقراطية هو
نظام فصل السلطات وضبطها والسلطات المعنية =تشريع /قضاة وسلطة تنفيذية
ومن أهم العناصر هي الحريات العامة والحقوق الاساسية
هذا بالاضافة لتداول السلطة وحق الاقتراع والتعددية الخ
لا ديموقراطية بلاحريات عامة وبلا نظام فصل للسلطات...
......للنضال أسس ومعيار وقيم يا مشرف ...
ولكن لا يملك أحد حق أحتكار صكوك النضال ومنحها لمن يرضي وسلبها عن ما لايرضي..... التتطرف والتشنج والتجريم المطلق والتعميم والادانة علي أساس
عرقي أو جهوي أمر مضر ومرفوض ولكن يجب أن لايثنينا أو يكسر هممنا حالة
الاستقطاب الحاد وأفرازت المرارات والظلامات قد يخلق جو غير صحي ومحبط
كمال

Post: #17
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 01:06 PM
Parent: #15

العزيز كمال
Quote: ......للنضال أسس ومعيار وقيم يا مشرف ...

كلام صحيح 100%
عموما انا لاحظت انوبتكلم معاك انطلاقا من انعكاس قرايتى للواقع وانت بتفرض قرايتك قسراعلى الواقع
مثلا الكلام ده انا ذكرته حرفيا تقريبا بس ربطته بالوضع الراهن

Quote: للنضال ادواته وادبياته وآلياته..ثم واخلاقياته
وجميعها نقتقد اليها وبشده .

الكتابه هى واحده من ادوات النضال والقلم او الكى بورد
ان لم يخدم منظمومه نضاليه متكامله يفقد اتجاهه
تماما كالسهام الطائشه التى تمر من فوقى وتحتى وعن يمينى وشمالى
كلما تصفحت سودانييزاونلاين ومواقعنا الاكترونيه وصحفنا
ثم تطلعت لحال احزابنا
ثم تجولت فى شوارع الخرطوم لاري الهوه السحيقه بين بين عنوان هذا البوست كمثال
وما يجري فى الشوارع ومن عليها

نحن شعب غير مبدع فى ابتكار ادوات النضال الفاعله
وفشلنا فى تكوين معارضه خلاقه
واكتفينا بتسجيل افعال من يحكمون

الديقراطيه كلامى وكلامك عنها صحيحين بس قرايتى ربطتها باهم ركيزه للديمقراطيه لن تقوم بدونها
وهى الاحزاب وابحث معى حال احزابنا المفترض ان تقوم بكل ما ذكرت من نضال لا انا ولا انت لانها المناط
بها امتلاك ادوات النضال فى ظل الظروف الغير صحيه لانو قطعا النظام لن يوفر لهم سجاجيد النضال الحمراء

اها اجيك للاحباط
تتذكر يا كمال التجمع ( نواب برلمانييين يتقاضون رواتبهم من النظام اللا شرعى
تتذكر يا كمال القياده الشرعيه والساده الوزراء الهادى بشري وعبدالرحمن سعيد
تتذكر سالفة الذكر قوات التحالف

...
لا اري ضوءا فى نهايه هذا النفق النضالى .. بس لازم اتجدد واقرأ الواقع صاح .. واكون اكثر براغماتيه وده بخلينى وزى كل الاحزاب عينى على الانتخابات القادمه وقوانينها عشان امكن فى البعدها
تحصل حاجه لو قرينا من هسع صاح ..
او اواصل الهتاف ( النظام نمر من ورق ) الى يوم يبعثون
او انضم للمعارضه الحقيقيه وتضم فريقين ( الكيزان ) وحركات دارفور المسلحه
او اصم خشمى واشوف معايش الاولاد

تحياتى

Post: #18
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-06-2008, 02:40 PM

سلام يا المشرف و كمال

اسف للغيبة، عوارض عملية و اسرية.

شايفكم قطعتو شوط جيد في النقاش و هبشتو حتات كويسة و مهمة. مداخلتى دى احتمال ترجع نقاشكم لى ورا لكن ضرورية لشرح فكرتى من فتح الموضوع ده، و لازالة اى لبس حدث او قد يحدث.

فكرة الحوار ده دايرة في راسي من بدرى، اصبحت اكثر الحاح و وضوح بعد عملية حركة العدل والمساواة الاخيرة لان مواقف المجموعات والاراد اختلطت وارتبكت و انتقلت من موقع لاخر بطريقة درامية للغاية.

عبارة ظلت عالقة بذهنى قالها مفكر ايطالى بعد انتخاب برلسكونى ـ وما ادراك ما برلسكونى ـ عندما ساله صحفي عن رايه عن النظام الديمقراطى افتكر انها مدخل جيد لتوضيح الفكرة.، قال ما معناه
:" كارثة ان يعود برلسكونى للحكم و هذا يعنى ان هناك ازمة وعى في قطاع كبير من الشعب الايطالى و ازمة لدى القوى السياسية المعارضة لبرلسكونى. نعم هو لديه المال والاعلام و لديه علاقاته المشبوهة مع المافيا و الفاسدين من رجال الاعمال. يمكننا ان نجد كثير من التفسيرات لفوزه. اخطر ما يمكن ان يحدث الان ان نفقد ثقتنا في الديمقراطية، وهذا ما يحاول اليمين ان يفعله. البديل الوحيد للديمقراطية هو الفاشية التى جربناها و عرفنا الماسي التى تسببها. في ظل الفاشية سيحكم ايضا برلسكونى او من يشبهه، دون ان تتاح لنا اقل فرصة لتغييره، في ظل الديمقراطية يمكننا على الاقل ان نحاول ذلك دون الخوف على حياتنا. ربط ازمة القوى السياسية و الاجتماعية المتصارعة بانها ازمة الديمقراطية كنظام للحكم هو افضل المداخل لعودة الفاشية. "

كدى نتفق على ما يعتبر بديهيات لكن مهم نشوف اننا متفقين و لا لأ، لانو في بعض هذه البديهيات يكمن الشيطان.

Post: #19
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 03:02 PM
Parent: #18

عصام ..

اصلا لانختلف هنا على الاقل على بديهيات زى الديمقراطيه ..
بس الهوه سحيقه جدا بين ما وصل اليه العالم الاول من تمكين وترسيخ المفهوم بادواته
وبيننا نحن من نرتد للوراء ..
واصلا ومع فشل تجاربنا الديمقراطيه ( ممكن نختلف حولها ) لانها ما كانت الا لتكريس
حكم اليمين وعبث خلفاء الله فى الارض بمقادير امه بحالها ومن بعدها تهيئه لنظام شمولى آخر
لاستمرار دوره الحياة السياسيه فى السودان ..

اها يا عصام الحال اعلاه ده الان او المربع اعلاه ده هسع تفتشوا ليهوا وما حتلاقوه ..
وده كلامى الاول عن انو طبيعه الصراع خلاص اختلفت ..
وارتددنا قرونا عده للوراء ..
تقول لى ايطاليا

تحياتى

Post: #21
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Motawakil Ali
Date: 06-06-2008, 04:34 PM
Parent: #19

عصام ، كمال ، المشرف .. وبقية المشاركين
تحياتي
عايز أشارك في الحوار دة انطلاقا من كلام كمال عباس عن المعارضة
حيث كتب:
Quote: المعارضة ليست فاعلة بالشكل المطلوب ...ضعفها مرده للقصور الذاتي
ولعوامل موضوعية :
المعارضة لاتباشر نشاطها في ظل ظروف صحية فالحزب الحاكم يهيمن كما قلنا
علي مفاصل الدولة من مال وسلطة وأعلام ويتسلط علي أجهزة الدولة ومؤسساتها
..الامن ..الشرطة...الجيش ومفاصل الخدمة المدنية كما أن الحزب لازال منفذا
القوانين المقيدة للحريات وهو بذا يكبل الصحافة ويمنع حق التظاهر السلمي
......هذه هي الظروف الموضوعية التي تجعل من المعارضة كالملقي مكتوفا بالماء
والمطالب في ذات الوقت بأن لا يبتل بالماء!!!
يعني كمال عايز يقول: مشكلة المعارضة تكمن في قصورها الذاتي وهيمنةالحزب الحاكم...
بالنسبة للعامل التاني (الهيمنة) هو البيحدد نوع المعارضة المطلوبة،،،
فالمعارضة في ظل دولة القانون وفصل السلطات وحرية الأحزاب والتعبير ليها وسائلها وليها أهدافهاالتي تختلف ـ حتماـ عن المعارضة في غياب (الديمقراطية) ....
وطالما كنا متفقين انو الوضع الحالي هو وضع يهيمن فيه حزب واحدو تنتفي فيه كل وجوه الديمقراطية
يبقى الكلام عن ظروف صحية للمعارضة كلام غير واقعي...
وفي الحالة دي لا بد أن تتغير أدوات المعارضة وتتغير أهدافهاحتى تتناسب مع الظروف (غير الصحية) السائدة.
والمشكلة في أحزاب المعارضة أنها فشلت في تحديد الوسائل والأدوات وكمان فشلت في تحديد الأهداف
ولذا جاءت مواقفها متخبطة ومتناقضة من (نيفاشا) إلى (التراضي)..
العنصر المهم الغائب في معادلة السلطة والمعارضة هو عنصر الجماهير...وهذا هو العنصر الذي لم تنجح المعارضة في توظيفه إلى الآن، بينما نجحت السلطة في تهميشو تحييدو وإخراجه خارج الحلبة بمختلف الأساليب... وده كان السبب الأساسي الذي دعا بالصادق المهدي إلى الدوران حول نفسه 359 درجة عشان يقيف قبل يوم واحد من 30يونيو89...
فالنظام الذي يخطط وفقا لنيفاشا لتنظيم انتخابات عامة وهو لا زال ممسكا بخيوط اللعبة السياسية وبعصب الاقتصاد السوداني.. هذا النظام لا بد أن يكون هو المستفيد الأول من مرحلة (الديمقراطية المقبلة) التي ينتظرها اخونا المشرف... وهذا ما فهمه الصادق المهدي الذي ظل يمارس معارضة غير واضحة الوسائل والأدوات وغير محددة الأهدف لعقدين من الزمان...
هذا النوع من المعارضة الذي جعل مولانا محمد عثمان يكون قاعد برة وما قاد يرجع رولا قادر يعمل حاجة من بره... بل إن أفضل وضع ليهو أن يكون في الخارج.. لأنو إذا رجع حيكون مطالب بالإجابة على أسئلة كثيرة أولها (هل اكتفيت من الغنيمة بالإياب)؟؟؟؟
تبقى المشكلة في (منو) البيقدر يتفاهم مع الجماهيرعشان يدخلها في معادلة الصراع مرة ثانية؟وحيقول ليها (شنو)....

Post: #24
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Nasir Ahmed Elmustafa
Date: 06-06-2008, 05:08 PM
Parent: #21

Quote:
العنصر المهم الغائب في معادلة السلطة والمعارضة هو عنصر الجماهير...وهذا هو العنصر الذي لم تنجح المعارضة في توظيفه إلى الآن، بينما نجحت السلطة في تهميشو تحييدو وإخراجه خارج

تحياتي للاخ عصام والاخ متوكل وكل المتداخلين

بالنسبة للمعارضةالجماهير مغيبة وليست غائبة
طبعا اول شئ نتكلم عن جماهير الاحزاب
كل الاحزاب السودانية المعارضة تعجز عن عقد مؤتمراتها القاعدية
تارة لاسباب امنية كما في حالة الحزب الشيوعي
وتارة لاسباب مادية
وتارة لاسباب سياسية
الحزب الوحيد الذي يعقد مؤتمراته بصورة منظمة هو المؤتمر الوطني
الذي ثبت انه من اقوى الاحزاب السودانية------- الحركة الشعبية ايضا تسير في الاتجاه الصحيح في طريق اشراك قواعدها
حزب المؤتمر الوطني استطاع الضغط على المعارضة مجتمعة ( التجمع الوطني الديموقراطي )
الذي كان يمثل اكبر تجمع حزبي سوداني
استطاع المؤتمر الوطني ان يوقع اكبر اتفاقية سلام مع الجيش الشعبي ( قرنق )
ثم استطاع كسب ود الميرغني والامة (مبارك الفاضل+دالصادق الهادي) والشيوعي والصادق المهدي وبعضد قادة التمرد الدارفوري
اذن المؤتمر الوطني حقق نجاحا تنظيميا وجماهيريا وسياسيا
وسيخوض الانتخابات متحالفا ومتوافقا بما يحقق له نتائج مرضية

Post: #20
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 03:41 PM

شكرا عصام
Quote: ..:" كارثة ان يعود برلسكونى للحكم و هذا يعنى ان هناك ازمة وعى في قطاع كبير من الشعب الايطالى و ازمة لدى القوى السياسية المعارضة لبرلسكونى. نعم هو لديه المال والاعلام و لديه علاقاته المشبوهة مع المافيا و الفاسدين من رجال الاعمال. يمكننا ان نجد كثير من التفسيرات لفوزه. اخطر ما يمكن ان يحدث الان ان نفقد ثقتنا في الديمقراطية، وهذا ما يحاول اليمين ان يفعله. البديل الوحيد للديمقراطية هو الفاشية التى جربناها و عرفنا الماسي التى تسببها. في ظل الفاشية سيحكم ايضا برلسكونى او من يشبهه، دون ان تتاح لنا اقل فرصة لتغييره، في ظل الديمقراطية يمكننا على الاقل ان نحاول ذلك دون الخوف على حياتنا. ربط ازمة القوى السياسية و الاجتماعية المتصارعة بانها ازمة الديمقراطية كنظام للحكم هو افضل المداخل لعودة الفاشية. "
........ بريق المال والأعلام لبرلسكونى السوداني مقرونا مع فساده يجعل البعض
يعتقد أنه قد أعتلي سنام السلطة والقوة ولامجال لمواجهته الا بالانخراط
معه علما بأن برلسكونى السوداني لم يأتي عبر الديموقراطية كما فعل رصيفه
الايطالي ولا يرغب في الأحتكام للديموقراطية مستقبلا تراه يمارس الأقصاء
والتهميش والهيمنة والتسلط ......
نعم فساد وتسلط وهيمنة برلسكونى يجب الا يجعلنا أن نحبط ونفقد أيماننا بالديموقراطية الحقيقية ونفقد الامل في الرهان علي الجماهير وفي التغيير
ذاته!!!
....... الرهان علي الانتخابات القادمة في ظل القوانين المقيدة
للحريات وفي ظل هيمنة المؤتمر الوطني علي مفاصل الدولة وتسيس الخدمة المدنية
والعسكرية وأجهزة الدولة -الرهان علي التغيير عبر الانتخابات في ظل هذا
الواقع ماهو الا ضرب من السذاجة والسطحية والارتضاء بدور الكومبارس
وتمومة الجرتق!!!!
عصام أرجو أن أقراء تعليقك علي مداخلتي الاولي المنقولة من بوست المجمر
كتب المشرف

Quote: عموما انا لاحظت انوبتكلم معاك انطلاقا من انعكاس قرايتى للواقع وانت بتفرض قرايتك قسراعلى الواقع
مثلا الكلام ده انا ذكرته حرفيا تقريبا بس ربطته بالوضع الراهن

لا أدري من أين أتيت بهذا التخريج الغريب? أنا لا أفرض قرأتي علي
الواقع في التحليل والاستقراء..ولكني ليس مجرد كاميرا لتصوير الواقع
أو مراة لعكس صورته....!!!!! أنا لا أكتفي بالتحليل وأنما أعمل وفق قدراتي
لتغير الواقع المائل أو علي الأقل رفضه ولست من دعاة الانهزام والانبطاح والاستكانة للواقع وترديد
مقولة ليس في الامكان أحسن مما كان وهذا هو قدرنا فلا فكاك منه!!
أنا لست أنهزامي بحيث أستكين لواقع ردئ وأرتضي بالحال المائل!!
كمال

Post: #22
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 04:48 PM
Parent: #20

كمال نواصل
Quote: الرهان علي الانتخابات القادمة في ظل القوانين المقيدة
للحريات وفي ظل هيمنة المؤتمر الوطني علي مفاصل الدولة وتسيس الخدمة المدنية
والعسكرية وأجهزة الدولة -الرهان علي التغيير عبر الانتخابات في ظل هذا
الواقع ماهو الا ضرب من السذاجة والسطحية والارتضاء بدور الكومبارس
وتمومة الجرتق!!!!

Quote: لا أدري من أين أتيت بهذا التخريج الغريب? أنا لا أفرض قرأتي علي
الواقع في التحليل والاستقراء..ولكني ليس مجرد كاميرا لتصوير الواقع
أو مراة لعكس صورته....!!!!! أنا لا أكتفي بالتحليل وأنما أعمل وفق قدراتي
لتغير الواقع ولست من دعاة الانهزام والانبطاح والاستكانة للواقع وترديد
مقولة ليس في الامكان أحسن مما كان ........وهذا هو قدرنا فلا فكاك منه!!
أنا لست أنهزامي بحيث أستكين لواقع ردئ وأرتضي بالحال المائل!!

طيب ممكن نراهن على منو وعلى شنو ..
لانو السطحيين الزى ديل عاوزين ليهم معالم واضحه وكلام مليان
يلا ورينا خارطه طريق للتغيير تمتلك مقدراتها وقوى الدفع اللازمه للتغيير
وتستقطب جماهيرها وتفعل آلياتها عبر الشارع السودانى والمجتمع المدنى ومعا نحو انتفاضه اخرى
عمال وموظفون ونقابيون وطلاب وشماسه وهلم جرا ..
وسوف نعلقهم عرايا فوق المشانق
ونحن معاك ..
لا للانبطاح
لا للانهزاميه
والكومبارس
وتمومات الجرتق

...
كمال ارجو ان يستمر النقاش كأذكى ما يكون .. استنكرت قولى انك بتفرض قرايتك على الواقع ..
فى الحقيقه مازلت اعنيها .. لا تجريحا ولا هجاء لكنه استقراء عميق جدا لمداخلاتك ..
ببساطه يا كمال ان تفرض رؤاك على واقع تفترض فيه امتلاكك لادوات تغييره .. وهو ما عارضتك فيه
يبقى الفيصل بينى وبينك هو تشريحنا لواقعنا وامكانيه تغييره بمفاهيمك ورؤاك فان امكن ذلك فانى ساعتذر لك واكون مخطئا فى ادعائى

..
لم اطالبك ان تغمض عينيك او ان تكف عن كتابه ما تريد وليس هدفى من النقاش الوصول بكم للانبطاح .. مارسوا ما شئتم من نضال فقط تأكدوا من الوقوف على ارض صلبه ومعطيات دقيقه للواقع والثوره تصنعها الجماهير لا الافراد .. من89 وقراياتنا كلها غلط .. هذا ما وعيته من درس .. وبناقشك بى قناعاتى
ودى طبيعه الحوار .. ان اختلف معك لا يعنى ابدا انى لا احترمك لتصيبنى بوابل من الحجاره غير المباشره .. بدأتها باشارات وفى بوست آخر ونقلتها هنا لم تخفى على وتعاملت معها بلا مبالاة .. لا يعنينى تصنيف الناس .. ولا اجهد روحى فى تصنيفهم .. ومهذب جدا فى النقاش والاختلاف

تحياتى ..

Post: #23
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 04:53 PM

شكرا أستاذ متوكل
Quote: فالمعارضة في ظل دولة القانون وفصل السلطات وحرية الأحزاب والتعبير ليها وسائلها وليها أهدافهاالتي تختلف ـ حتماـ عن المعارضة في غياب (الديمقراطية) ....
وطالما كنا متفقين انو الوضع الحالي هو وضع يهيمن فيه حزب واحدو تنتفي فيه كل وجوه الديمقراطية
يبقى الكلام عن ظروف صحية للمعارضة كلام غير واقعي...
وفي الحالة دي لا بد أن تتغير أدوات المعارضة وتتغير أهدافهاحتى تتناسب مع الظروف (غير الصحية) السائدة.
....كلامي عن الظرف أو العامل الموضوعي الذي تسبب في القصور موجه
لمن يراهن علي مايجري في السوداني بأعتباره تحولا قد يقود للتغير
عبر الانتخاب واليات الديموقراطية !!!!!!
حديثك في ضرورة الرهان علي الجماهير جيد وأتفق معك فيه ولكن أطالبك بتوضيح
رؤيتك في كيفية التغير في ظل نظام شمولي غيرديموقراطي? ماهي الياته وأدواته
ووسائله?

Post: #25
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 05:21 PM

كتب محمد المشرف
Quote: طيب ممكن نراهن على منو وعلى شنو ..
لانو السطحيين الزى ديل عاوزين ليهم معالم واضحه وكلام مليان
يلا ورينا خارطه طريق للتغيير تمتلك مقدراتها وقوى الدفع اللازمه للتغيير
وتستقطب جماهيرها وتفعل آلياتها عبر الشارع السودانى والمجتمع المدنى ومعا نحو انتفاضه اخرى
عمال وموظفون ونقابيون وطلاب وشماسه وهلم جرا ..
وسوف نعلقهم عرايا فوق المشانق
ونحن معاك ..
لا للانبطاح
لا للانهزاميه
والكومبارس
وتمومات الجرتق
.........ياعزيزي أنا أراهن علي الجماهير وعلي المستوي الشخصي يهمني
تثبيت الموقف ورفض الحال المائل ومواجهته عبر أدواتي وفي حدود قدراتي الذاتية!!! الاحباط / شراسة النظام وهيمنته وطول ليل الظلم لا يسرب
اليأس لنفسي فكم من نظم شمولية حكمت لنصف قرن أو لقرون حتي ظنها البعض
خالدة ثم جاء وقت تكاملت فيه ظروف الثورة والتغير وأنهارت تلك الانظمة
التي كانت تتاكل من داخلها وتحمل بذرة فنائها في داخلها علي الرغم من
أنها كانت وفي شكلها الخارجي تأخذ مظهرا النابض بالحياة مثل سليمان
الحكيم والذي كان يوحي مظهره بالحياة والحيوية الي أن أنكسرت عصاته بفعل
التسوس وكشفت موته!!!!!
.......كلامك
لم
Quote: اطالبك ان تغمض عينيك او ان تكف عن كتابه ما تريد وليس هدفى من النقاش الوصول بكم للانبطاح .. مارسوا ما شئتم من نضال فقط تأكدوا من الوقوف على ارض صلبه ومعطيات دقيقه للواقع والثوره تصنعها الجماهير لا الافراد .. من89 وقراياتنا كلها غلط .. هذا ما وعيته من درس .. وبناقشك بى قناعاتى
ودى طبيعه الحوار .. ان اختلف معك لا يعنى ابدا انى لا احترمك لتصيبنى بوابل من الحجاره غير المباشره .. بدأتها باشارات وفى بوست آخر ونقلتها هنا لم تخفى على وتعاملت معها بلا مبالاة .. لا يعنينى تصنيف الناس .. ولا اجهد روحى فى تصنيفهم .. ومهذب جدا فى النقاش والاختلاف
يا عزيزي أن لم أصنفك ولا يهمني تصنيفك أو معرفة موقعك الفكري أو السياسي
ببساطة أنا كتبت في كلاما في بوست محمد المهاجر عن العقليات الكيزانية بيننا
وأنتهازية كوادرهم فكان أن تداخلت أن محولا النقاش لقضايا الوطن
وقد قمت بالرد عليك وقتها وأرتأ يت نقل الرد هنا لتشابه القضايا
.......ليس هناك شخصي تجاهك ولكن بالقطع هناك خلاف حول ماتتطرح وهو
خلاف يواجه بصراع فكري ومفاهيمي وليس بالطبطبة وجبر الخواطر!!!!!!
.......ولكم أتمني أن تطرح رؤيتك للبديل وللكيفيات وتوضيح ماهية
مرادك بالتحديد وأين تقف....... ?

Post: #26
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 05:52 PM

عزيزي كمال

شايفك حولت الكوره لملعبى ..

...
عموما تحت تأثير الاحباط واكتشاف مدى هشاشه التربه السياسيه وغياب الوعى
الجماهيري او تغييبه وتنميط الصراع عرقيا وجهويا والكم الهائل من الاتفاقات
اجنح اكثر للمراهنه على بقاء الوضع الراهن والدفع فى اتجاه حلحله الوضع الانسانى
فى دارفور والذي سيفضى لحلول سياسيه تفضى بدورهالتحالفات جديده تفكك من هيمنه الحزب الواحد على مفاصل الدوله ومن ثم انتخابات ستلعب فيها الاغلبيه الميكانيكيه دورها وان كان التكهن بذاك يدخل من باب الامانى لذا لا اعول عليها كثيرا غير انها ستكون عامل استقرار وبداية لعهد جديد
يتم فيه تدوير المصالح السياسيه وتوفير الاجواء الصحيه للاحزاب لاسترداد بعض عافيتها وذلك غاية ما اطمح اليه .. ( وان يظل السودان موحدا والدوله موجوده )وننتظر التداول السلمى فى حلقات انتخابيه
اخري

لن تصل طموحاتى ابدا لاسقاط النظام والان يا كمال
متواضع مش كده
نشوف رائك ...

Post: #28
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Bashasha
Date: 06-06-2008, 06:33 PM

عصام جبرالله شلوم،
هم السودان المصري بتاع احمد فؤاد ده زاتو، اي باختصار دويلة الاقلية بكل منظوماتا المستوردة من موسكو، بغداد، القاهرة، دمشق، طرابلس، الرياض، ونحن، احفاد اسود كرري، ورثة مفجري ثورة السودان البديل، اي السودان الجديد! خياراتنا، لا"حاج احمد"، النظام "مش الحكومة" اليميني، الجلابي ولا معارضة "احمد" اليساري، والجلابي ايضا!

نعم الخيارات دايما بين شنو او شنو، ولكن ما شنو احمد فؤاد تبعك بتاع المال والسلاطين! شنو بالنسبة لينا هو شنو الmind-set الذي صاغه امثال احمد فؤاد، العربي "المصري"، وسلطان الاقلية الفرضوهو علينا غزاتنا ناس احمد فؤاد، بما يخدم مصالح احمد فؤاد، المتعارضة مع مصالحنا بالقطع! فاقد الشئ لايعطيه يايسار الشيوعي! من دون مدخلات انتاج جديدة، فلا امل في انتاج وعي جديد، متحرر من استلاب ناس فؤاد نجم! بالعدم:

garbage in garbage out!

واصل تطبيعك ياعصام!

Post: #30
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Emad Abdulla
Date: 06-06-2008, 06:43 PM
Parent: #28

Quote: اجنح اكثر للمراهنه على بقاء الوضع الراهن والدفع فى اتجاه حلحله الوضع الانسانى فى دارفور والذي سيفضى لحلول سياسيه تفضى بدورهالتحالفات جديده تفكك من هيمنه الحزب الواحد على مفاصل الدوله ومن ثم انتخابات ستلعب فيها الاغلبيه الميكانيكيه دورها وان كان التكهن بذاك يدخل من باب الامانى لذا لا اعول عليها كثيرا غير انها ستكون عامل استقرار وبداية لعهد جديد يتم فيه تدوير المصالح السياسيه وتوفير الاجواء الصحيه للاحزاب لاسترداد بعض عافيتها وذلك غاية ما اطمح اليه .. ( وان يظل السودان موحدا والدوله موجوده )وننتظر التداول السلمى فى حلقات انتخابيه اخري
غايتو يا محمد لو ده استنباط من قراية ما ..
يبقى أخير لينا قنوطنا .. و قرايتنا أم دق .

مودتي .

Post: #29
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 06:35 PM

شكرا يا مشرف
Quote: عموما تحت تأثير الاحباط واكتشاف مدى هشاشه التربه السياسيه وغياب الوعى
الجماهيري او تغييبه وتنميط الصراع عرقيا وجهويا والكم الهائل من الاتفاقات
اجنح اكثر للمراهنه على بقاء الوضع الراهن والدفع فى اتجاه حلحله الوضع الانسانى
فى دارفور والذي سيفضى لحلول سياسيه تفضى بدورهالتحالفات جديده تفكك من هيمنه الحزب الواحد على مفاصل الدوله ومن ثم انتخابات ستلعب فيها الاغلبيه الميكانيكيه دورها وان كان التكهن بذاك يدخل من باب الامانى لذا لا اعول عليها كثيرا غير انها ستكون عامل استقرار وبداية لعهد جديد
يتم فيه تدوير المصالح السياسيه وتوفير الاجواء الصحيه للاحزاب لاسترداد بعض عافيتها وذلك غاية ما اطمح اليه .. ( وان يظل السودان موحدا والدوله موجوده )وننتظر التداول السلمى فى حلقات انتخابيه
اخري
لن تصل طموحاتى ابدا لاسقاط النظام والان يا كمال
متواضع مش كده
نشوف رائك ...
رأئي ستجده متناثرا في المداخلات السابقة....
....لاحظ : من مزق النسيج الاجتماعي للبلاد وأشعل الفتن العرقية هو النظام نفسه !
نعم -يا مشرف للحلول السلمية ولتداول السلطة ولكن كيف?
النظام الحالي لازال مصرا علي الكنكشة وأحتكار مواقع صنع القرار من تنفيذ
وتشريع فهو يملك الاغلبية المطلقة في كل أجهزة الدولة!!!!!
ولازال مصرا علي بقاء القوانين المقيدة للحريات وعلي تسيس أجهزة الدولة
وعلي تكميم الافواه وتقييد الحريات العامة ومنع حق التظاهر والتغول علي
حرية الصحافة....فكيف يمكن الرهان علي التغيير في ظل هذه المعطيات?
...الانتخابات في ظل هذا الوضع ستكون صورية مثل أنتخابات مصر !!!!!
كتب الاخ ناصر أحمد المصطفي

Quote: بالنسبة للمعارضةالجماهير مغيبة وليست غائبة
طبعا اول شئ نتكلم عن جماهير الاحزاب
كل الاحزاب السودانية المعارضة تعجز عن عقد مؤتمراتها القاعدية
تارة لاسباب امنية كما في حالة الحزب الشيوعي
وتارة لاسباب مادية
وتارة لاسباب سياسية
الحزب الوحيد الذي يعقد مؤتمراته بصورة منظمة هو المؤتمر الوطني
الذي ثبت انه من اقوى الاحزاب السودانية------- الحركة الشعبية ايضا تسير في الاتجاه الصحيح في طريق اشراك قواعدها
حزب المؤتمر الوطني استطاع الضغط على المعارضة مجتمعة ( التجمع الوطني الديموقراطي )
الذي كان يمثل اكبر تجمع حزبي سوداني
استطاع المؤتمر الوطني ان يوقع اكبر اتفاقية سلام مع الجيش الشعبي ( قرنق )
ثم استطاع كسب ود الميرغني والامة (مبارك الفاضل+دالصادق الهادي) والشيوعي والصادق المهدي وبعضد قادة التمرد الدارفوري
اذن المؤتمر الوطني حقق نجاحا تنظيميا وجماهيريا وسياسيا
وسيخوض الانتخابات متحالفا ومتوافقا بما يحقق له نتائج مرضية

......المؤتمر الوطني يفعل ما يفعل لأنه يمارس التسلط والاقصاء والهيمنة علي
السلطة والثروة والاعلام يفعل ما يفعل بفضل وهج السلطة وبريق الثروة
والة القمع لا بفضل أقناع الجماهير والاستجابة لمطالبها !!!!!
المؤتمر الوطني هو من فرط في سيادة البلاد ومن مزق نسيجها وأضاع مكتسبات
أهلها في مجانية العلاج والتعليم فكيف سيفوز حزب هذا أذا أنتقلت البلاد
لنظام ديموقراطي حقيقي ? يقول الجميعابي قطب ما يسمي بالحركة الاسلامية:
Quote: حديثي هذا ربما يغضب ثلة من اخواني
بالمؤتمر الوطني ولكنني اوكد بلا ادني تستر او مواربة ان الدولةالسودانية اذا انتقلت لنظام سياسي تعددي
فيه قدر كبيرجداً من الشفافية والحرية.. لن تجدواجهات الحركةالاسلامية طريقها للحكم على الاطلاق لا
وطني ولا شعبي..فقد انفض الناس من حولهم وتركوهم قازمينوليس لهم رصيد
جماهيري يستندون اليه عند ملمات الانتخاب نعم.. المؤتمرالوطني يحكم بما تبقى لديه من ادواتالسلطة وليس بسبب
رصيد فكري.. وادوات السلطة هي التي تجمع الناس علي المنافع وعلي الوظائف والمغانم الي آخر
قائمة النصيب منا لدنيا.. ليس هناك حماس للفكرة لا من قريب او بعيدولانني قريب جداً من نبض الشارع اعرف من
كثب ما هوايجابي وما هو سلبي وفيما يفكر هذاالشارع وماذا يقول عن
الحركة الاسلامية وعن الانقاذ.
....كمال

Post: #32
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 06:50 PM

كمال
ابدا ما تستهين باغلبيه مكانيكيه قد تحدث من تحالفات جهويه (الجنوب + جزء كبير من دارفور)
فى حال اتمام عمليه سياسيه كبيره بدأت فى روما وستصل لخواتيمها ( المشروع الامريكى لمستقبل
السودان )
مغامرة خليل كانت خارج السياق تماما

مودتى

Post: #33
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 07:08 PM

عماد يا عبدالله

Quote: غايتو يا محمد لو ده استنباط من قراية ما ..
يبقى أخير لينا قنوطنا .. و قرايتنا أم دق .

مودتي .

احسبها معاي
- من مصلحة الحركه الشعبيه بقاء النظام والاستفاده القصوى من مكتسبات نيفاشا(ثابت معطى)
- من مصلحه جميع الاحزاب الان بقاء الوضع على ماهو عليه مع محاوله تسجيل بعض النقاط (ثابت معطى)
- من مصلحه الشارع السودانى وجود ( دوله) ولا تتفرتق او تتصومل الخ ( ثابت معطى)
- من مصلحة المجتمع الدولى الان وامريكا بقاء النظام لتحقيق مكتسبات نيفاشا واضافه انجاز جديد
فى دارفور والوصول بالبلاد للانتخابات ( متغير اقرب للثبات )

...
يلا عمده .. كدى قرايتك كيف؟

Post: #34
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 07:33 PM

كتب محمد المشرف
Quote: احسبها معاي
- من مصلحة الحركه الشعبيه بقاء النظام والاستفاده القصوى من مكتسبات نيفاشا(ثابت معطى)
- من مصلحه جميع الاحزاب الان بقاء الوضع على ماهو عليه مع محاوله تسجيل بعض النقاط (ثابت معطى)
- من مصلحه الشارع السودانى وجود ( دوله) ولا تتفرتق او تتصومل الخ ( ثابت معطى)
- من مصلحة المجتمع الدولى الان وامريكا بقاء النظام لتحقيق مكتسبات نيفاشا واضافه انجاز جديد
فى دارفور والوصول بالبلاد للانتخابات ( متغير اقرب للثبات )
.. ......ومن قال أن من مصلحة الاحزاب بقاء الوضع علي ماهو عليه?
بقاء الوضع الحالي يعني هيمنة المؤتمر الوطني وتكريس شموليته ونفي وأقصاء الاخر!!
تقول
Quote: من مصلحه الشارع السودانى وجود ( دوله) ولا تتفرتق او تتصومل الخ ( ثابت معطى)
الشارع يعلم تماما أن الانقاذ هي من قاد ويقود البلاد للصوملة والفرتقة
وهي من مزق نسيج البلاد وأشعل الفتن العرقية والجهوية وهي من قتل و همش
ويعلم أن بقاء المؤتمر الوطني في كرسي السلطة يعني المزيد من التفتت والتمزق
وتهديد بقاء الدولة ذاتها!!!!!!
وتقول
Quote: من مصلحة الحركه الشعبيه بقاء النظام والاستفاده القصوى من مكتسبات نيفاشا(ثابت معطى)

وطبعا هذا كلام غير دقيق فنيفاشا جاءت بفعل ضغوط دولية علي النظام ولم تكون
منحة منه وفوق هذا هي أتفاقية موقعة بأسم الدولة وهي ملزمة لأي نظام
أو حكومة قادمة وليست مرهونة ببقاء المؤتمر الوطني في كرسي السلطة
بل بالعكس فالمؤتمر الوطني ظل يماطل في أنفاذ نيفاشا وتغيير القوانين
وتحجيم جهاز الامن وقصر دوره في جمع وتحليل المعلومات بل خلق أزمة كاد تعصف بنيفاشا حينما حاول أن يسلب سلفاكير حقه في تغير وزراء الحركة......
...... الحركة أمامها الاستفتاء والانفصال في حال أن أصبحت الوحدة
غير جاذبة وغير عملية وهذا ما ستقود له ممارسات المؤتمر الوطني
تقول
Quote: من مصلحة المجتمع الدولى الان وامريكا بقاء النظام لتحقيق مكتسبات نيفاشا واضافه انجاز جديد
فى دارفور والوصول بالبلاد للانتخابات ( متغير اقرب للثبات )
المجتمع الدولي يعلم أن مشكلة دافور وفظائعها من صنع النظام وأن نيفاشا
ملزمة لأي نظام ديموقراطي قادم وأن الاحزاب السياسية موافقة علي نيفاشا
ولا خوف عليها!!!!وأن النظام الحاكم هو أس البلاء وهو من يمارس الهيمنة
والشمولية.......

Post: #40
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-07-2008, 05:34 PM
Parent: #34

دعنى اوضح اكثر ما اعنيه ولا اعتقد انه غائب عن فطنتك ..
اتحدث الان عن واقع آنى .. خلع فيه الجميع اثواب النضال
لا اتحدث عن فرد هنا او هناك .. اتحدث عن مؤسسات حزبيه جماهيريه
مناط بها القيام بادوارها المفترضه .. ومانالنا منها الا الفشل
تلو الفشل حتى اوصلنا هذا الوطن لهذه الحال ..

قل لى ان غاب على ماهى الجهات صاحبت المشاريع السياسيه الواضحه
- لا الجهويه - والتى لديها برامج واضحه للنضال من اجل التغيير
وتمتلك فعلا ادواتها وجماهيرها الواعيه وألياتها الواضحه

مثال .. حزب الامه
وين المنفستو بتاعو العصيان المدنى الخ

وين الثوره الشعبيه المحميه بالسلاح
ده مثلا برنامج سياسي نضالى يسعى للتغيير
وين قوات التحالف
وين القياده الشرعيه
وين الحركه الشعبيه
وين التجمع

...
ارجو ان تمدنى باى ممارسه نضاليه الان مكتمله الملامح السياسيه
وذات اهداف قوميه وتعمل وفق اليات ومسنوده بمد جماهيري ممتلك
وعى التغيير

تحياتى وارجو ان تكون قد وضح لك خطى العام من النقاش

Post: #35
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Bashasha
Date: 06-06-2008, 07:53 PM

عزيزي القارئ،
هذا الخيط نموذج للحلقة المفرغة الدايرين فيها مثقفات الجلابة من خمسين سنة! خليل السودان القادم، يحاصر "قسطنطينية" خرطوم اذناب البشوات، والاخير مشغول بفك طلاسم غلوتية البيضة من الجدادة، ام الجدادة من البيضة!

Post: #36
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-06-2008, 07:53 PM

كده انا فكيت آخرى ..

وانا وانتم هاهنا قاعدون .. وسيأتينا بالاخبار من لم نعول ..

شكرا عصام وكمال

Post: #37
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 09:12 PM

Post: #38
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-06-2008, 09:15 PM

كتب الاخ بشاشة
Quote: عزيزي القارئ،
هذا الخيط نموذج للحلقة المفرغة الدايرين فيها مثقفات الجلابة من خمسين سنة! خليل السودان القادم، يحاصر "قسطنطينية" خرطوم اذناب البشوات، والاخير مشغول بفك طلاسم غلوتية البيضة من الجدادة، ام الجدادة من البيضة!
تعليقي شكلي فقط :
يا أخي قل مثقفات ومثقفي الجلابة فالحوار به رجال وقد تشارك فيه نساء
أيضا !!!شنو عملتنا كلنا مثقفات...!!
....رأئك في الحوار بأنه جدل بيزنطي عقيم أو ترف فكري يعتبر وجهة نظر تحتمل الصحة وعدمها وتحتمل الاختلاف والاتفاق أيضا......
كتب المشرف
Quote: كده انا فكيت آخرى .. وانا وانتم هاهنا قاعدون .. وسيأتينا بالاخبار من لم نعول .. شكرا عصام وكمال

وشكرا لك أيضا علي نفسك الهادئ وأستماتتك في حشد الاسانيد والدفوعات
لدعم وجهة نظرك ومحاولة تفنيد رؤية غيرك بصورة مهذبة
كمال

Post: #41
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-09-2008, 12:14 PM

سلام محمد و كمال

اسف للغيبة القسرية

البوست ده فكرتو او تساؤلاتو جات من البوست ده ، و هو مواصلة للمفاكرة فيها بشكل اخر.
Re: سقوط الخرطوم المؤجل ...الحريق النهائي للدولة السودانية القائمة

كتبت يا محمد ما يلى :

Quote: اصلا لانختلف هنا على الاقل على بديهيات زى الديمقراطيه ..
بس الهوه سحيقه جدا بين ما وصل اليه العالم الاول من تمكين وترسيخ المفهوم بادواته
وبيننا نحن من نرتد للوراء ..
واصلا ومع فشل تجاربنا الديمقراطيه ( ممكن نختلف حولها ) لانها ما كانت الا لتكريس
حكم اليمين وعبث خلفاء الله فى الارض بمقادير امه بحالها ومن بعدها تهيئه لنظام شمولى آخر
لاستمرار دوره الحياة السياسيه فى السودان ..

اها يا عصام الحال اعلاه ده الان او المربع اعلاه ده هسع تفتشوا ليهوا وما حتلاقوه ..
وده كلامى الاول عن انو طبيعه الصراع خلاص اختلفت ..
وارتددنا قرونا عده للوراء ..
تقول لى ايطاليا

و بالتحديد هنا هو ما اردت اثارته او الدق عليه.

قد لا يختلف قلة من المهتمين او الناشطين في العمل العام حول ان الديمقراطية هى الاساس/المدخل/البداية او سمها ما شئت لوضع بلادنا على طريق الحل، لكن كيف يمكننا تحويل قناعات القلة لان تصبح قناعة قطاع واسع؟ ده سؤال/واجب مهم.

الشئ الاخر و ده القصدتو من مثال ايطاليا، انو الديمقراطية لا تعنى بالضرورة حكومة جيدة واقرا كلامك ده في هذا السياق
Quote: واصلا ومع فشل تجاربنا الديمقراطيه ( ممكن نختلف حولها ) لانها ما كانت الا لتكريس حكم اليمين

اليمين واليسار ياتيان و يذهبان ، حكومات سقطت بسبب الفساد في كل الديمقراطيات الراسخة والقديمة هذه ، فضائح لا تنتهى ، كل هذا لم يدفع الناس ـ الا قلة من اقصي اليمين و اليسار ـ لرفض النظام الديمقراطى، لانهم تعلمو او يعلمون ان البديل الاوحد هو الفاشية و الاستبداد.

نغمة "فشل تجاربنا الديمقراطيه" هى المدخل للدكتاتورية السابقات و اللاحقات.

اعود للمفاكرات

Post: #42
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-09-2008, 09:20 PM

فوق

Post: #43
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-09-2008, 09:44 PM

كتب محمد المشرف
Quote: اتحدث الان عن واقع آنى .. خلع فيه الجميع اثواب النضال
لا اتحدث عن فرد هنا او هناك .. اتحدث عن مؤسسات حزبيه جماهيريه
مناط بها القيام بادوارها المفترضه .. ومانالنا منها الا الفشل
تلو الفشل حتى اوصلنا هذا الوطن لهذه الحال

ياعزيزي أنت قلت
.........
Quote: ياعزيزي أنا أراهن علي الجماهير وعلي المستوي الشخصي يهمني
تثبيت الموقف ورفض الحال المائل ومواجهته عبر أدواتي وفي حدود قدراتي الذاتية!!! الاحباط / شراسة النظام وهيمنته وطول ليل الظلم لا يسرب
اليأس لنفسي فكم من نظم شمولية حكمت لنصف قرن أو لقرون حتي ظنها البعض
خالدة ثم جاء وقت تكاملت فيه ظروف الثورة والتغير وأنهارت تلك الانظمة
التي كانت تتاكل من داخلها وتحمل بذرة فنائها في داخلها علي الرغم من
أنها كانت وفي شكلها الخارجي تأخذ مظهرا النابض بالحياة مثل سليمان
الحكيم والذي كان يوحي مظهره بالحياة والحيوية الي أن أنكسرت عصاته بفعل
التسوس وكشفت موته!!!!!
وقلت قبلها
Quote: المعارضة ليست فاعلة بالشكل المطلوب ...ضعفها مرده للقصور الذاتي
ولعوامل موضوعية :
المعارضة لاتباشر نشاطها في ظل ظروف صحية فالحزب الحاكم يهيمن كما قلنا
علي مفاصل الدولة من مال وسلطة وأعلام ويتسلط علي أجهزة الدولة ومؤسساتها
..الامن ..الشرطة...الجيش ومفاصل الخدمة المدنية كما أن الحزب لازال منفذا
القوانين المقيدة للحريات وهو بذا يكبل الصحافة ويمنع حق التظاهر السلمي
......هذه هي الظروف الموضوعية التي تجعل من المعارضة كالملقي مكتوفا بالماء
والمطالب في ذات الوقت بأن لا يبتل بالماء!!!
وطبعا هنا ك أيضا أوجه قصور ذاتية لدي المعارضة.......... مايهمني هنا هو توظيف هذه النافذة الفكرية لفضح ومحاصرة النظام وكوادره
........ وكان المشرف قد كتب

Quote: احسبها معاي
- من مصلحة الحركه الشعبيه بقاء النظام والاستفاده القصوى من مكتسبات نيفاشا(ثابت معطى)
- من مصلحه جميع الاحزاب الان بقاء الوضع على ماهو عليه مع محاوله تسجيل بعض النقاط (ثابت معطى)
- من مصلحه الشارع السودانى وجود ( دوله) ولا تتفرتق او تتصومل الخ ( ثابت معطى)
- من مصلحة المجتمع الدولى الان وامريكا بقاء النظام لتحقيق مكتسبات نيفاشا واضافه انجاز جديد
فى دارفور والوصول بالبلاد للانتخابات ( متغير اقرب للثبات )
وكان ردي
.. ......
Quote: ومن قال أن من مصلحة الاحزاب بقاء الوضع علي ماهو عليه?
بقاء الوضع الحالي يعني هيمنة المؤتمر الوطني وتكريس شموليته ونفي وأقصاء الاخر!!

تقول

:
Quote: من مصلحه الشارع السودانى وجود ( دوله) ولا تتفرتق او تتصومل الخ ( ثابت معطى)
الشارع يعلم تماما أن الانقاذ هي من قاد ويقود البلاد للصوملة والفرتقة
وهي من مزق نسيج البلاد وأشعل الفتن العرقية والجهوية وهي من قتل و همش
ويعلم أن بقاء المؤتمر الوطني في كرسي السلطة يعني المزيد من التفتت والتمزق
وتهديد بقاء الدولة ذاتها!!!!!!
وتقول

Quote: من مصلحة الحركه الشعبيه بقاء النظام والاستفاده القصوى من مكتسبات نيفاشا(ثابت معطى)
وكان ردي

Quote: وطبعا هذا كلام غير دقيق فنيفاشا جاءت بفعل ضغوط دولية علي النظام ولم تكون
منحة منه وفوق هذا هي أتفاقية موقعة بأسم الدولة وهي ملزمة لأي نظام
أو حكومة قادمة وليست مرهونة ببقاء المؤتمر الوطني في كرسي السلطة
بل بالعكس فالمؤتمر الوطني ظل يماطل في أنفاذ نيفاشا وتغيير القوانين
وتحجيم جهاز الامن وقصر دوره في جمع وتحليل المعلومات بل خلق أزمة كاد تعصف بنيفاشا حينما حاول أن يسلب سلفاكير حقه في تغير وزراء الحركة......
...... الحركة أمامها الاستفتاء والانفصال في حال أن أصبحت الوحدة
غير جاذبة وغير عملية وهذا ما ستقود له ممارسات المؤتمر الوطني

تقول

Quote: من مصلحة المجتمع الدولى الان وامريكا بقاء النظام لتحقيق مكتسبات نيفاشا واضافه انجاز جديد
فى دارفور والوصول بالبلاد للانتخابات ( متغير اقرب للثبات )
وكان ردي

Quote: المجتمع الدولي يعلم أن مشكلة دافور وفظائعها من صنع النظام وأن نيفاشا
ملزمة لأي نظام ديموقراطي قادم وأن الاحزاب السياسية موافقة علي نيفاشا
ولا خوف عليها!!!!وأن النظام الحاكم هو أس البلاء وهو من يمارس الهيمنة
والشمولية.......

......... وكتب الاخ عصام جبر الله
Quote: نغمة "فشل تجاربنا الديمقراطيه" هى المدخل للدكتاتورية السابقات و اللاحقات.
صدقت ياعصام وأضف لها الأدعاء بأن النظام هو قدرنا الذي لافكاك منه
وأنه قد تمكن وتمدد وأصبح قوي ضاربة وأن المعطيات كلها في صالحه بحيث
يجب ألا نحلم بعالم جديد !!!!!
قلنا

Quote: أنا لا أكتفي بالتحليل وأنما أعمل وفق قدراتي
لتغير الواقع المائل أو علي الأقل رفضه ولست من دعاة الانهزام والانبطاح والاستكانة للواقع وترديد
مقولة ليس في الامكان أحسن مما كان وهذا هو قدرنا فلا فكاك منه!!
أنا لست أنهزامي بحيث أستكين لواقع ردئ وأرتضي بالحال المائل!!

كمال

Post: #44
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-09-2008, 10:12 PM
Parent: #43

عزيزي كمال
Quote: أنا لا أكتفي بالتحليل وأنما أعمل وفق قدراتي
لتغير الواقع المائل أو علي الأقل رفضه ولست من دعاة الانهزام والانبطاح والاستكانة للواقع وترديد
مقولة ليس في الامكان أحسن مما كان وهذا هو قدرنا فلا فكاك منه!!
أنا لست أنهزامي بحيث أستكين لواقع ردئ وأرتضي بالحال المائل!!

ياااا كمال
اى مشروع سياسي مكتمل النضوج تعتمد عليه .. غير شخصك الكريم ؟

..
عصام سلام
معطيات فترة الديقراطيه لا تؤدى الا لتعميق المأساة

..

التفاصيل مدهشه اكتر

..

النقاش يدور الان كما اعتقد بين توادوا ولا يفسد توادهم اختلافهم فى الرؤى

..

مودتى

Post: #45
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-09-2008, 10:37 PM

..... وكتب محمد المشرف
Quote: ياااا كمال
اى مشروع سياسي مكتمل النضوج تعتمد عليه .. غير شخصك الكريم ؟
أنا أعبر عن رؤيتي الشخصيةفقط وأراهن علي الجماهير ......
وكما قلت
Quote: ياعزيزي أنا أراهن علي الجماهير وعلي المستوي الشخصي يهمني
تثبيت الموقف ورفض الحال المائل ومواجهته عبر أدواتي وفي حدود قدراتي الذاتية!!! الاحباط / شراسة النظام وهيمنته وطول ليل الظلم لا يسرب
اليأس لنفسي فكم من نظم شمولية حكمت لنصف قرن أو لقرون حتي ظنها البعض
خالدة ثم جاء وقت تكاملت فيه ظروف الثورة والتغير وأنهارت تلك الانظمة
التي كانت تتاكل من داخلها وتحمل بذرة فنائها في داخلها علي الرغم من
أنها كانت وفي شكلها الخارجي تأخذ مظهرا النابض بالحياة مثل سليمان
الحكيم والذي كان يوحي مظهره بالحياة والحيوية الي أن أنكسرت عصاته بفعل
التسوس وكشفت موته!!!!!
.....لايهمني سقوط هذا الحزب أو ذاك.. أنكسار هذا الشخص أو ذاك
ولايعنيني تسرب جرثومة الشمولية للبعض ولا تروعني محاولة تتضخيم النظام
الفاشئ والتييس والتحبيط ومحاولة تصويره بأنه أصبح واقعا يحرص الكل
علي بقائه ......هذه المحاولات المشروخة والمأزومة لاتخدم الا النظام الفاشي ولكنها لن تنال من يجيد أستقراء التاريخ ومن يراهن علي جماهير شعبه
كمال

Post: #46
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 01:13 AM

أخونا ود جبرالله وضيوفو تحيه وسلام ،وشكرا كتير لكمال وود المشرف وهاكم وجهة نظر من زاويةشوف

تانيه ومغايره ارجو أن تتقبلوها ثلاثتكم بما فيكم صديقى عصام برحابة صدر لانى ساقسو على الافكار

المطروحه واحب شخوصكم لانى لمست الهمه والإهتمام فيما تداولتموه من ارارء فى تقديرى المتواضع

كمتابع ومشاهد ومعايش لم يجرى واظن كلنا اولاد جيل واحد :

* ابدأ بك ياعصام رؤيتك بتاعة برسكلونى غلت وما عندها اى شغله مع ازمتنا !! قولى ليه ؟راجع نيفاشا

نيفاشا ما كانت معنيه إطلاقا بديمقراطيه ولا حريات ولا تنظيرات كمال عباس الكتيره الكررها لينا بشكل

ممجوج وممل وكمال وعصام بدوروا فى نفس الحلقه المفرغه المدور فيها سودان مؤسسة الجلابه يسار ويمين

من مؤتمر الخريجيين وما حل اى إشكال وكضرب مثل (إشكال الدوله !)

* ود المشرف قراءاتو ومقارباتو قريبه من الواقع ، خاصه كتابتو الاخيره عن المعالجات البطيئه لازمة

دار فور والتحالفات العريضه مستقبلا لمن يجى دور البحث عن أليه لحكم الدوله !!!

* ارجع تانى لعصام وكمال ، نيفاشا يا رفاق ليست إتفاقيه وضع حد لحرب !! نو وكو وليست معنيه

بمسائل الديمقراطيه والحريات ولا حتى الحقوق !!! نيفاشا عقد إجتماعى جديد وبالله كرروا وراى وبالضغط

اسنانكم شدددددددديد عقد إجتماعى جديد لنج إتأخر 54 سنه كان المفروض تكون مع اول جمعيه تأسيسيه

53 او 54 ما متأكد !!، عاينو لى نيفاشا وأتأملوها مليا وجليا وتفصيليا وتأثيراتها فى النطاق

كل الدساتير وكل الحيكومات مدنيه (مؤسسة جلابه ) ولا عسكرتاريا (شمولية احد اجنحة مؤسسة الجلابه )

كلها ما إتوفر ت ليها الحمايه ولا الإجماع اللقتو نيفاشا !!! عاينولا وإتمعنوها مثنى وثلاث وإتذكروا

فرفرة الجلابه الجدجد الماتارين منها خطوتين ولا ناكرنها بالصوت العالى ويمارسونها كحالاتكم

اصدقائى عيال المؤسسه !! الوحيدين الذين يمتلكون الرؤى الثاقبه وحدهم ويتكلون الإجابه على

سؤال عملاقنا التاريخى (السؤال وسيدو ) من أين اتى هولاء؟؟ بتجدعوا فى شال اقرب كوز ! او جيب اقرب

انصارى! او فى رقيبة اقرب ختمى !! كو ، ونو ، ولا و1000000 لا .

* الازمه حلها ليس معنى بالديمقراطيه ! ولا الحريات ! ولا التشدق بالعبارات الفضفاضه مثل إنهاء

التهميش والإقصاء ،والتنميه ، والعداله الإجتماعيه ! الحل واحد والسودان واحد عقدإجتماعى جديد

لنج ذى الليل نيفاشا لكل السودانيين بدء من النوبيين (بحكم إنهم اقدم سودانيين ) يحكموا نفسهم

بنفسهم ويمتلكوا الحق الكامل فى التصرف فى ثرواتهم ومواردم وبعدها لو دايرين يشاركوا فى الفريق

سيئ السمعه المنتخب الوطنى (المركز ) او مؤسسة الجلابه سابقا اهلا بيهم والرشايده حيرحبوا

بيهم ومعاهم الاخرين !!

* كلكم بتتباكوا على السلطه المركزيه وكل واحد فيكم فاتحلنا مناحه بتاعة خالتى الديقراطيه وعمتى

الحريه وبت جيراننا العداله الإنتماعيه (الإجتماعيه ) وتتوسلوا لينا بإنو الوطن بفلت من إيدينا

وطن منو يا شباب ؟؟وطن البشتمو فيهو الزول بإنو اجنبى وعضام جدودو راقدها ليها 100 سنه على بعد

8 كيلو مترات من البكان الوصفو فيه بإنو اجنبى ...!!

هو فى وطن عشان يتفكك اصلا ؟؟الوطن بتاع حفنه معينه ، نخبتها على مر اجيال وإنتو ما حتكونو اخر جيل

للوطنيين !!ما إنتو القوميه وعداكم هو وطرحو الجهويه والقبليه !! ما إنتو البتحلوا وبتربطو وفق

حاجتكم مش حاجات الوطن المفترض يكون وطن الجميع ، ولانو لسه ما بقى وطن الجميع ارجوكم ركزوا معانا

يا نضاف !! وعارفنكم نضاف بهمتكم دى بس سموا الحاجات باساميها وختو اصابعكم فى وجع الناس كلها

او الاغلبيه ما وجعكم إنتو براكم !!!!!؟

الحريات ياكمال عباس يا استاذى يامهموم لن تجعل من النوباوى سودانى كامل الدسم سيظل صب هيومان !!

ولا الفوراوى ولا البنى عامراوى ، لكن شعبة (من شعب الراكوبه) شعبه راكزه وموتده فى التراب

عقد إجتماعى قوى وواضح ومفصل ذى نيفاشا بدى اى شلكاوى ولا نويراوى او جعلى ولا مسيرى مواطن فى

قنوب الوادى ! حقوقو كلها على داير الحريه والتحرر من مركزو الفاشل 100 سنه، عقد ذى نيفاشا

بديهو حق المشاركه فى سلطة قريتو ،مدينتو ، ولايتو وإمكن دولتو إن وجدت او تذكرها ذاتو وبكون

منتمى وبعرف طعم الحريه ،وحقوق الإنسان ‘ والتنميه المتوازنه ، والعداله الإجتماعيه . وبكون زول

متصالح مع محيطو وناسو وإلهو وحاجاتو كلها .

ولا غتاته ولا يغتغتون !!

ارقدوا مهمومين وشوافين .

ونو هارد فيلينغ !!

Post: #47
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 01:41 AM

Quote: ولدي مقابلة ضحايا العنف من طلاب دارفور افادوا ان المنذر قد امر جيوش المليشيات والمجاهدين بحرق داخليات ابناء دارفور وقتل وضرب كل ابناء دارفور ورميهم من اعلي الطوابق في داخلية " الرهد" مجمع الوسط في جامعة الخرطوم.

نقلا عن بوست للزميل عادل عبد العاطى بعنوان

توثيق عنف المؤتمر الوطنى تجاه طلاب دارفور !!!

مكان العنف ليس فريق كسم العرب فى جوبا !!ولا الخرتوم بليل فى نجالا !!

فى جامعة الخرتوم !!!!!

عييييييييييك كما يقول اخونا بشاشه

لاوباما فى بداية حملتو مقوله حافره !

سأله احد الصحفيين عن الحرب (العراق) فرد اوباما فيما معناه : ليس الغرض فقط إيقاف الحرب

وتحديد تايم تيبول لإنسحاب القوات الامريكيه ، بل فضح وتعرية العقليه التى تدفع بجنودنا لمعارك

غير مبرره ومطلوبه !

ساعدونا ياشباب فى فضح وتفكيك العقليه الإقصائيه الإزاحيه ،والقاتله والملغيه للاخرين تحت كل

عناوين النشرات والاخبار ، وخاصة تلك التوفيقيه او التغتيتيه . والتهربيه . والتبريريه!

فارس .

Post: #48
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-10-2008, 03:20 AM

كتب الأخ فارس موسي
Quote: ارجع تانى لعصام وكمال ، نيفاشا يا رفاق ليست إتفاقيه وضع حد لحرب !! نو وكو وليست معنيه

بمسائل الديمقراطيه والحريات ولا حتى الحقوق !!! نيفاشا عقد إجتماعى جديد وبالله كرروا وراى وبالضغط

اسنانكم شدددددددديد عقد إجتماعى جديد لنج إتأخر 54 سنه
دعني أولا أن أثبت رفضي لأسلوب ا لوصاية والتعامل الفوقي وعدم أحترام
أراء الناس ....ورفضي للأستعلاء وعقلية من يملك وحده الحقيقة ويحتكر
حق التقعر ومحاضرة الناس وتحديد الاولويات فيما يجب أن يناقش وما يجب أن
يجمد نقاشه...... !!!!

وأسجل رفضي أيضا للمزائدة علي مواقف الناس وعلي أنحيازهم لقضايا
التغيير الأجتماعي,,,,,,,
ياعزيزي فارس نقاشنا لقضية الديموقراطية لايعني طلاقنا مع غيرها من القضايا ...... وتجاهلنا لما تري أنه أولويات....
ولاأدري كيف تكون نيفاشا قضية عقد أجتماعي جديد وتغفل في ذات الوقت قضية
الديموقراطية والحريات!!!!!كيف تكون نيفاشا عقد أجتماعي ويكون غير
معني بقضيةالديموقراطية والحريات بل وضع حد للحرب!!!!
..... خذها مني كلمة يافارس لامعني لعقد أجتماعي يغفل قضيةالديموقراطية والحريات أويتجاهل قضية الاحتراب ومسبباته!!!!
العقد الاجتماعي جوهره تنصيص حقوق وواجبات المواطنةوتحديد العلاقة بين الحاكم والمحكوم ونظام فصل السلطات
وأسس الديموقراطية وضبط العلاقة بين الدين والدولة والتوزيع العادل للسلطة والثروة وأزالة المظالم والمرارات والاحتقان والعمل علي سيادةالقانون وحقوق الانسان الخ ..الخ وفي حال بلادنا أحترام التنوع الديني والثقافي والعرقي .....
وهل يتري حسمت نيفاشا تغول الدين في السياسة والدولة أم لازالت
قوانين الشريعة سارية? وهل عالجت نيفاشا أسباب الاحتقان والحرب في الغرب
والشرق? هل أكدت علي قضية الديموقراطية والحريات كمدخل لحلول مشاكل
البلاد? هل فككت نيفاشا دولة الحزب الواحد أم أنها منحت المؤتمر
الاغلبية المطلقة في أجهزة ومؤسسات الد ولة ? هل قدمت نيفاشا حلول شاملة لمشاكل البلد أم أنها قد ركزت علي الجزئي?ولة? هل ألغت القوانين المقيدة
للحريات وقلصت صلاحيات جهاز الامن?
لا أعتقد أن الاجابات ستكون في صالح نيفاشا أقول هذا علي الرغم من تأييدي لأيجابيات نيفاشا ذلك أني أتعامل مع نيفاشا بعقلية ناقدة.....
....
كمال عباس

Post: #49
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 05:10 AM

مساء الخيرات ياكمال

Quote: دعني أولا أن أثبت رفضي لأسلوب ا لوصاية والتعامل الفوقي وعدم أحترام
أراء الناس ....ورفضي للأستعلاء وعقلية من يملك وحده الحقيقة ويحتكر
حق التقعر ومحاضرة الناس وتحديد الاولويات فيما يجب أن يناقش وما يجب أن
يجمد نقاشه...... !!!!

اولا مافى زول وصى على زول ، إنت بتطرح فى وجهات نظرك وأنا كذلك ، وحق أصيل لى ان ارفض وجهة نظرك

وبررت لذلك وكلنا نعرض وجهات نظرنا والقارئ حصيف جدا !

تعامل فوقى وعدم إحترام لطرحك ؟ دى حمبكه منك ساكت لو فوقيه ما كان حاولت الرد دا إسقاط ساكت

إستعلاء شنو يا كمال وعقليه تملك الحقيقه وحدها ؟ كدا راجع تنظيراتك الهبطرش الراقده فى ضهر البوست

دا بس ، وبالمره كمان شوف معاك البتقعر منو وبحاضر فى الناس عن المفاهيم والمصطلحات يا استاذى؟؟

تحديد اولويات !! وإنت منو عشان تدى نفسك الحق تحدد للناس اولوياتها ولما يقولو ليك يا سعادتك

اولوياتك لا تلزمنا ولا نريدك ان تلزمنا بها عاوز تدينا دروس فى الواجبات ؟ لا يا سيدى

لك كامل الحق فى طرح ومناقشة اولوياتك ولكنى من زاوية شوفى للازمه من الحته الانا جاى منها غير

معنى بالإلتزام باولوياتك ولا تهم الدفع بقضاياى تجاه الحل ان اجعل من اولوياتك اولوياتى وقعت ليك

دى ؟؟

موقفك الناقد من نيفاشا معروف وواضح ومهما غتغتوا على بجميل الكلام ما بتغتى ، لانها ما ادت اولوياتكم المساحه الدايرنها ،ما شغلتنا نحن زاوية شوفنا للازمه تختلف عن مركز شوفكم يا سيد

كمال !!إنتو دايرين اولوياتكم تطرح اول وتبقى هى نقاط الفك والربط والإرتكاز (ديمقراطيه ،حريات

؟؟) دى ياها اولوياتك اولوياتنا يا سيدى الفاضل الفكاك من مركزيتكم (يسارا ولا يمينا ) وحكم

انفسنا بانفسنا اولا وبعدين نجى نناقش الهموم المشتركه ،مثل اولوياتك دى حقوق وحريات .

اتوقع مزيدا من الفرستريشن فى مداخلتك القادمه ! وعادى ودا رأى ما بتنازل عنو لو هاجمتنى

بمفردات ذى إستعلاء وفوقيه ووصايه ، مع كامل تقديرى لشخصكم وإحترامى الذى تفرضه طريقة

تعاطيكم المهذبه والخلوقه ولكنا هنا نشتم ونرفض الافكار ، وما تطرحه هنا فى تقديرى الفطير

والمغبون كمان وقد لكناه معكم زمنا ليس بالقصير ، وهو غتغته وغتاته وعدم أمانه منهجيه وقصور

اخلاقى كمان يا كمال عباس يا استاذى المحترم فحشو الأكدمه المابهبش عصب الحريق ما بنتج غير

ذات الازمه الإنت وعصام وكتيرين بلفو وبدوروا حولها !

قد نكون اصحاب تجارب فطيره وسقوفات معرفيه واطيه جدا وغبائن طافحه لكن دا كلو مابطشش شوفنا

ولا بخلينا نجاملكم على حساب اولوياتنا ، جيتونا مراحب أبيتوا نحن الضحايا وسنحشركم مع الجناه

للمواقف الرماديه ونظل نضغط عليكم حتى نهزم مواقفكم او تثبتوا لنا خطل تحيلاتنا و مفارقة دروب

اولوياتكم ولذاك الزمان الظلم واضح والازمه ظاهره وواضحه بيان وعيان والداير يدس الذمه بدسها

وبلف وبدور حولها والداير يمرق النصيحه بمرقها بدون أجنده وبدون غتغته وغتاته .

والسلام .

Post: #50
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-10-2008, 07:29 AM
Parent: #49

Quote: انا ما كوز /انقاذى لكن ... ضد/مع من ام ضد/مع ماذا ؟

دي جاكتكـ يا ود جبرالله..
لكن ما طلعت ضلالي بجد وبالغت مبالغة خالد عويس وفوتا الناس قيافة..
يا زول الحزب الشيوعي شئت أم أبيت شريكـ الإنقاذ بدليل وجود نوابو وتوابعهم من حركات داخل المجلس الوطني للإنقاذ..
قال شيوعي إشتراكي معارض وقاعد في بلاد الرأسمالية قال..
Re: الصيد في بحر الدم: الحزب الشيوعى يعارض إتفاق أبوجا،...لاً عن صحية السودانى
Quote: معارك البقارة ليست ضد أثنية لا بل مع الصهاينة..
ومع وكلاؤهم بالنيابة من عينة الحزب الشيوعي..

ما تضلل الناس ساآآي يا عصام جبر الله..

Post: #51
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: lana mahdi
Date: 06-10-2008, 07:45 AM
Parent: #50

غايتو يا عبدالرازق الله يمرقك طيب و سالم من التهجس بخالد عويس!

Post: #52
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-10-2008, 09:25 AM
Parent: #51

lana mahdi
كيفنكـ يا دفعة..
Quote: غايتو يا عبدالرازق الله يمرقك طيب و سالم من التهجس بخالد عويس!

ما ضلالي لكن؛.!

إنتي أقعدي باريهو لامن تمرقي في أم طرقاً عراض..
خالد عويس يلقي القفاز في وجه الجميع: (لماذا أنا حزب أمة ؟!)
أجمل عمودين ( ضد الأغلال) على الإطلاق كتبهما أخي الحبيب خالد عويس عدد صوت الأمة أمس 3/1/2008وعمود اليوم 4/1/2008 فإلى العمودين
والغريبة إنو كان بيضلل بيكـ:
على قولو ضد الأغلال
Quote: لماذا أنا (حزب أمة) ..(1-2)؟

خالد عويس
- كتبت الزميلة (لنا مهدي) في هذه الصحيفة عن محاولات جارية على قدم وساق - من قبل بعض الأطراف داخل حزب الأمة - لإخراس صوتينا معا، وكأن المثقف، أيّ مثقف سيعدم وسيلة لطرح آرائه على الناس !!

الزول ده موش ضلالي بس يا لنا ده بإعترافوا كمان للصحفي الطاهر ساتي..
وبالكي بورت حقو جابا دُرابا كبيرة خلاص..
Re: أنا "معارض" للإنقاذ.. وأخجل جدا من معارضتي
Quote: وأصدقك القول، إنني كنت بداية الأمر "محايدا" تجاه الانقلاب

ليس كل ما يلمع ذهباً..
فنحن في زمن قل فيه الوفاء..

ما تاخدكـ الجهوية ساآآآي..

إنتبهي يا دفعة..

Post: #53
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-10-2008, 11:47 AM

كتب السيد فارس موسي

Quote: تحديد اولويات !! وإنت منو عشان تدى نفسك الحق تحدد للناس اولوياتها ولما يقولو ليك يا سعادتك

اولوياتك لا تلزمنا ولا نريدك ان تلزمنا بها عاوز تدينا دروس فى الواجبات
.. أنت من تدخلت في النقاش محاولا وضع أجندة جديدة وفرض ما تري أنه أولوياتك علي المتحاوريين
وكتب

Quote: موقفك الناقد من نيفاشا معروف وواضح ومهما غتغتوا على بجميل الكلام ما بتغتى ، لانها ما ادت اولوياتكم المساحه الدايرنها ،ما شغلتنا نحن زاوية شوفنا للازمه تختلف عن مركز شوفكم يا سيد

وهل نيفاشا بقرة هندوسية مقدسة لايمكن نقدها وعلينا فقط التسليم
الكامل لها وتقديم فروض الطاعة لمفردتها?
وكتب

Quote: جيتونا مراحب أبيتوا نحن الضحايا وسنحشركم مع الجناه للمواقف الرماديه ونظل نضغط عليكم حتى نهزم مواقفكم او تثبتوا لنا خطل تحيلاتنا

وها قد أصبحت القضيةهي : من لايتوافق ورؤيتي فهو ضدي ....من ليس معي
وهو ضدي!!!
عموما أحيل القارئ لمداخلتي الأخيرة لمداخلتي الاخيرة وردي علي السيد
فارس في قضية نيفاشا ونقطة العقد الاجتماعي وسيري القارئ كيف تناولنا
هذه القضايا من خلال التعامل مع معطيات وحقائق وصولا لنتائج منطقية....

Post: #54
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-10-2008, 03:05 PM

up

Post: #55
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Emad Abdulla
Date: 06-10-2008, 03:42 PM
Parent: #54

Quote: أخونا ود جبرالله وضيوفو تحيه وسلام ،وشكرا كتير لكمال وود المشرف وهاكم وجهة نظر من زاوية شوف تانيه ومغايره ارجو أن تتقبلوها ثلاثتكم بما فيكم صديقى عصام برحابة صدر لانى ساقسو على الافكارالمطروحه واحب شخوصكم لانى لمست الهمه والإهتمام فيما تداولتموه من ارارء فى تقديرى المتواضع كمتابع ومشاهد ومعايش لم يجرى واظن كلنا اولاد جيل واحد :

* ابدأ بك ياعصام رؤيتك بتاعة برسكلونى غلت وما عندها اى شغله مع ازمتنا !! قولى ليه ؟ راجع نيفاشا .
نيفاشا ما كانت معنيه إطلاقا بديمقراطيه ولا حريات ولا تنظيرات كمال عباس الكتيره الكررها لينا بشكل ممجوج وممل وكمال وعصام بدوروا فى نفس الحلقه المفرغه المدور فيها سودان مؤسسة الجلابه يسار ويمينمن مؤتمر الخريجيين وما حل اى إشكال وكضرب مثل (إشكال الدوله !)

* ود المشرف قراءاتو ومقارباتو قريبه من الواقع ، خاصه كتابتو الاخيره عن المعالجات البطيئه لازمة دار فور والتحالفات العريضه مستقبلا لمن يجى دور البحث عن أليه لحكم الدوله !!!

* ارجع تانى لعصام وكمال ، نيفاشا يا رفاق ليست إتفاقيه وضع حد لحرب !! نو وكو وليست معنيه بمسائل الديمقراطيه والحريات ولا حتى الحقوق !!! نيفاشا عقد إجتماعى جديد وبالله كرروا وراى وبالضغط اسنانكم شدددددددديد عقد إجتماعى جديد لنج إتأخر 54 سنه كان المفروض تكون مع اول جمعيه تأسيسيه53 او 54 ما متأكد !!، عاينو لى نيفاشا وأتأملوها مليا وجليا وتفصيليا وتأثيراتها فى النطاق كل الدساتير وكل الحيكومات مدنيه (مؤسسة جلابه ) ولا عسكرتاريا (شمولية احد اجنحة مؤسسة الجلابه ) كلها ما إتوفر ت ليها الحمايه ولا الإجماع اللقتو نيفاشا !!! عاينولا وإتمعنوها مثنى وثلاث وإتذكروا فرفرة الجلابه الجدجد الماتارين منها خطوتين ولا ناكرنها بالصوت العالى ويمارسونها كحالاتكم اصدقائى عيال المؤسسه !! الوحيدين الذين يمتلكون الرؤى الثاقبه وحدهم ويتكلون الإجابه على سؤال عملاقنا التاريخى (السؤال وسيدو ) من أين اتى هولاء؟؟ بتجدعوا فى شال اقرب كوز ! او جيب اقرب انصارى! او فى رقيبة اقرب ختمى !! كو ، ونو ، ولا و1000000 لا .

* الازمه حلها ليس معنى بالديمقراطيه ! ولا الحريات ! ولا التشدق بالعبارات الفضفاضه مثل إنهاء التهميش والإقصاء ،والتنميه ، والعداله الإجتماعيه ! الحل واحد والسودان واحد عقدإجتماعى جديد لنج ذى الليل نيفاشا لكل السودانيين بدء من النوبيين (بحكم إنهم اقدم سودانيين ) يحكموا نفسهم بنفسهم ويمتلكوا الحق الكامل فى التصرف فى ثرواتهم ومواردم وبعدها لو دايرين يشاركوا فى الفريق سيئ السمعه المنتخب الوطنى (المركز ) او مؤسسة الجلابه سابقا اهلا بيهم والرشايده حيرحبوا بيهم ومعاهم الاخرين !!

* كلكم بتتباكوا على السلطه المركزيه وكل واحد فيكم فاتحلنا مناحه بتاعة خالتى الديقراطيه وعمتى الحريه وبت جيراننا العداله الإنتماعيه (الإجتماعيه ) وتتوسلوا لينا بإنو الوطن بفلت من إيدينا وطن منو يا شباب ؟؟وطن البشتمو فيهو الزول بإنو اجنبى وعضام جدودو راقدها ليها 100 سنه على بعد 8 كيلو مترات من البكان الوصفو فيه بإنو اجنبى ...!!

هو فى وطن عشان يتفكك اصلا ؟؟الوطن بتاع حفنه معينه ، نخبتها على مر اجيال وإنتو ما حتكونو اخر جيل للوطنيين !!ما إنتو القوميه وعداكم هو وطرحو الجهويه والقبليه !! ما إنتو البتحلوا وبتربطو وفق حاجتكم مش حاجات الوطن المفترض يكون وطن الجميع ، ولانو لسه ما بقى وطن الجميع ارجوكم ركزوا معانا يا نضاف !! وعارفنكم نضاف بهمتكم دى بس سموا الحاجات باساميها وختو اصابعكم فى وجع الناس كلها
او الاغلبيه ما وجعكم إنتو براكم !!!!!؟

الحريات ياكمال عباس يا استاذى يامهموم لن تجعل من النوباوى سودانى كامل الدسم سيظل صب هيومان !!
ولا الفوراوى ولا البنى عامراوى ، لكن شعبة (من شعب الراكوبه) شعبه راكزه وموتده فى التراب
عقد إجتماعى قوى وواضح ومفصل ذى نيفاشا بدى اى شلكاوى ولا نويراوى او جعلى ولا مسيرى مواطن فى قنوب الوادى ! حقوقو كلها على داير الحريه والتحرر من مركزو الفاشل 100 سنه، عقد ذى نيفاشا بديهو حق المشاركه فى سلطة قريتو ،مدينتو ، ولايتو وإمكن دولتو إن وجدت او تذكرها ذاتو وبكون منتمى وبعرف طعم الحريه ،وحقوق الإنسان ‘ والتنميه المتوازنه ، والعداله الإجتماعيه . وبكون زول متصالح مع محيطو وناسو وإلهو وحاجاتو كلها .

ولا غتاته ولا يغتغتون !!

ارقدوا مهمومين وشوافين .

Post: #56
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 04:09 PM

متابع وجاى بعدين براوقه .

Post: #57
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-10-2008, 04:16 PM
Parent: #56

Quote: متابع وجاى بعدين براوقه .

وانا زاتى

و مرحب بي كل شوف مجيه و مظبط ..

Post: #58
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-10-2008, 05:01 PM

سلام الجميع

كدى في الاول ننط قصة وصاية و فرض اولويات و غيره، افتكر الناس الهنا مهتمة و حريصة على الحاصل و مالاته، طبيعي و مقبول ان يجى زول برؤية/مدخل مختلف تماما عن مسار النقاش السابق، ده الواقع .... كل زول/مجموعة شايفة من زاوية مختلفة، و من جهنم المدورة في البلد واطيا ليها جمرة او جمرات مختلفة. المهم موش انو نفرض اجندة محددة (و ده غير ممكن و غير مقبول) المهم الناس تفهم و تقبل فكرة و مبدا التعدد ده في الشوف، لانو اصلا المشكلة مركبة و معقدة. الخطورة لما زول/جهة تحاول ان تفرض او تفرض بالفعل شوفها هى فقط .... الحرب هنا حتستمر ..

سلام يا فارس ...

Quote: لانى ساقسو على الافكارالمطروحه

يا زول اقسو قدر ما تقدر طالما هى افكار... مراحب.

قلت كلام كتير، ابدا ليك بالمتفقين حولو و نمشي للاختلاف:

Quote: هو فى وطن عشان يتفكك اصلا ؟؟الوطن بتاع حفنه معينه ، نخبتها على مر اجيال وإنتو ما حتكونو اخر جيل

للوطنيين !!ما إنتو القوميه وعداكم هو وطرحو الجهويه والقبليه !! ما إنتو البتحلوا وبتربطو وفق

حاجتكم مش حاجات الوطن المفترض يكون وطن الجميع

و اسمح لى استلف من البوست السابق وانا قلت انو ده مواصلة او تكملة ليهو, و ده مش دفاع انما توضيح للمواقف:

سقوط الخرطوم المؤجل ...الحريق النهائي للدولة السودانية القائمة

Quote: * دولة بنيت و اقيمت منذ عقود على الامتيازات والتحيزات الاقتصادية و الاجتماعية و الهويوية.
* بعد استقلالها الرسمي لم تفعل حكوماتها "الوطنية" عسكرية ام مدنية سوى المحافظة على و التوسع في هذه الامتيازات.

* الهبات و الانتفاضات و كل اشكال و مظاهر الاحتجاج والرفض للظلم و الاستغلال والاستبعاد من الحقوق في السلطة والثروة وحق المعاملة كمواطن و بشر مساوى لمن هو في موقع القوة ، في مركز الدولة او اطرافها, كسرت اما بالقوة العسكرية او بالاستيعاب و الاحتواء .

* الجبهة الاسلامية/الانقاذ/المؤتمر الوطنى ليست نبت شيطانى بل هى الابنة الشرعية لمسار وتاريخ هذه الدولة. الحكومة و التنظيم الاكثر تعبيرا بحق عما دار و يدور في مجتمعها و التطبيق الاوضح و الافضح مباشرة و ماساوية في تطبيق سياسات و افكار و مشاريع ظلت تفرض بهدوء و صمت طيلة العقود السابقة.

طبعا لا الزام لكمال او المشرف او غيرهم بهذه الاراء .

* طيب انا اتفق معك بان هذه الدولة الموجودة مازومة منذ قيامها و يجب ان تذهب.

نختلف وين :

Quote: ابدأ بك ياعصام رؤيتك بتاعة برسكلونى غلت وما عندها اى شغله مع ازمتنا !! قولى ليه ؟راجع نيفاشا

نيفاشا ما كانت معنيه إطلاقا بديمقراطيه ولا حريات ولا تنظيرات كمال عباس الكتيره الكررها لينا بشكل

ممجوج وممل وكمال وعصام بدوروا فى نفس الحلقه المفرغه المدور فيها سودان مؤسسة الجلابه يسار ويمين

من مؤتمر الخريجيين وما حل اى إشكال وكضرب مثل (إشكال الدوله !)
الازمه حلها ليس معنى بالديمقراطيه ! ولا الحريات ! ولا التشدق بالعبارات الفضفاضه مثل إنهاء

التهميش والإقصاء ،والتنميه ، والعداله الإجتماعيه ! الحل واحد والسودان واحد عقدإجتماعى جديد

لنج ذى الليل نيفاشا لكل السودانيين بدء من النوبيين (بحكم إنهم اقدم سودانيين ) يحكموا نفسهم

بنفسهم ويمتلكوا الحق الكامل فى التصرف فى ثرواتهم ومواردم وبعدها لو دايرين يشاركوا فى الفريق

سيئ السمعه المنتخب الوطنى (المركز ) او مؤسسة الجلابه سابقا اهلا بيهم والرشايده حيرحبوا

بيهم ومعاهم الاخرين !!

(1) اختلف معاك في قضية الديمقراطية/الحريات/حقوق الانسان.
اى حل مستقبلي، اى مشروع قائم الان او سياتى مستقبلا لا تككون هذه القضايا ـ ضمن اشياء اخرى لا تقل عنها اهمية ـ من اعمدته الاساسية ، لا مستقبل لها. يا فارس ده درس التاريخ الاكبر والاهم الان. امسك من اى عهد واى نظام و اى منطقة و تاريخ: الاستبداد لا مكان معه للحديث عن عدالة او سلم او امان. تاريخنا البشري القريب : المانيا النازية، المعسكر الاشتراكى، افريقيا و امريكا الجنوبية واسيا وغيرها. كل المشاريع التى اتت تحت مختلف الشعارات والايديولوجيات و باسمها فتكت بالثلاثي ده الديمقراطية/الحريات/حقوق الانسان كان مالها مزبلة التاريخ. اقرب امثلة زيمبابوى وارتريا: من حركات تحرر وطنى واستقلال لاكثر الدكتاتوريات بشاعة و بؤس.

عقد اجتماعى جديد او دول منفصلة او دولة السودان الفيدرالية او اى تصور يخطر ببالك لا يشمل هذه القضايا ( اكرر ليس وحدها فقط ) لا مستقبل لها.

Quote: الحريات ياكمال عباس يا استاذى يامهموم لن تجعل من النوباوى سودانى كامل الدسم سيظل صب هيومان !!

ولا الفوراوى ولا البنى عامراوى ، لكن شعبة (من شعب الراكوبه) شعبه راكزه وموتده فى التراب

عقد إجتماعى قوى وواضح ومفصل ذى نيفاشا بدى اى شلكاوى ولا نويراوى او جعلى ولا مسيرى مواطن فى

قنوب الوادى ! حقوقو كلها على داير الحريه والتحرر من مركزو الفاشل 100 سنه، عقد ذى نيفاشا

بديهو حق المشاركه فى سلطة قريتو ،مدينتو ، ولايتو وإمكن دولتو إن وجدت او تذكرها ذاتو وبكون

منتمى وبعرف طعم الحريه ،وحقوق الإنسان ‘ والتنميه المتوازنه ، والعداله الإجتماعيه . وبكون زول

متصالح مع محيطو وناسو وإلهو وحاجاتو كلها .

بتفق معاك في جوهر الكلام ده، اها بدون الحريات دى زاتا ما بلقاها، بدون حقوق الانسان والديمقراطية ممكن باسم نيفاشا زاتا يركب فوق راس الشلكاوى شلكاوى و النويراوى نويراوى و الجعلى جعلى و المسيرى مسيرى الخ.

اذا كان القصد هو ان نتخلص من ركوب الجلابة فوق الناس ليركب فوقهم ابناء جلدتهم ده يبقي موضوع تانى. انا مع المشروع البينهى الاستعلاء و الهيمنة والتحيز و الاستبداد على اطلاقها، اها كيف

- جاييك للباقي بما فيها نيفاشا

و واصل في القاسي

Post: #59
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: عبدالكريم الامين احمد
Date: 06-10-2008, 05:45 PM
Parent: #58

ياخ انا مستمتع وشديد كمان

دي البوستات ولا بلاش

Post: #60
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: ibrahim kojan
Date: 06-10-2008, 07:34 PM
Parent: #59

Quote: :" كارثة ان يعود برلسكونى للحكم و هذا يعنى ان هناك ازمة وعى في قطاع كبير من الشعب الايطالى و ازمة لدى القوى السياسية المعارضة لبرلسكونى. نعم هو لديه المال والاعلام و لديه علاقاته المشبوهة مع المافيا و الفاسدين من رجال الاعمال. يمكننا ان نجد كثير من التفسيرات لفوزه. اخطر ما يمكن ان يحدث الان ان نفقد ثقتنا في الديمقراطية، وهذا ما يحاول اليمين ان يفعله. البديل الوحيد للديمقراطية هو الفاشية التى جربناها و عرفنا الماسي التى تسببها. في ظل الفاشية سيحكم ايضا برلسكونى او من يشبهه، دون ان تتاح لنا اقل فرصة لتغييره، في ظل الديمقراطية يمكننا على الاقل ان نحاول ذلك دون الخوف على حياتنا. ربط ازمة القوى السياسية و الاجتماعية المتصارعة بانها ازمة الديمقراطية كنظام للحكم هو افضل المداخل لعودة الفاشية. "

أرجو أن يقرأ كل المتداخلين هذا المقطع بكل أعينهم وحواسهم... إن أغمضوا واحده كان ذلك ما يريده (الفاشيين)

Post: #61
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 10:17 PM

يا ود المشرف إنت وين ؟ أنا اكتر زول محتاج لمقارباتك الواقعيه فاظهر وبان وما تخلينى مجهج

بين الباصات البينيه البتجادعوها عصام وكمال دى .

بعدين إنت يا دخر الحوبه ما عندك اكتر من الإستمتاع بالبوست دا يا (كيكى ) !! امرق لينا بقلمك .

يا عصام كويس إنك جيت ومرحب بيك يا صديقى ، وكويس إنك ثبت حقنا كلنا فى الوقوف فى الزوايا

البتريحنا وكمان الشوف بعيون طششت بيها قراية التاريخ ابو تلاته رجول دا ، ودفوعاتك كلها منطقيه وموضوعيه من زاوية شوفك لحلحلة الازمه او قل الازمات ، لكن انا مصر ما اشوف الازمه بعيونك

ومحاولة حشرك لى فى زاوية الهروب من حاله وركوب حاله تانيه ذى قولك دا:

Quote: اذا كان القصد هو ان نتخلص من ركوب الجلابة فوق الناس ليركب فوقهم ابناء جلدتهم ده يبقي موضوع تانى. انا مع المشروع البينهى الاستعلاء و الهيمنة والتحيز و الاستبداد على اطلاقها، اها كيف

اها هنا بالذات أحسن من يلعب الضربه الحره المباشره دى ود المشرف لانو حاولها هنا معاك ومع كمال

إتجاوازتوها ذى المافى قارئ قاعد فى الميدان :

عصام ..

اصلا لانختلف هنا على الاقل على بديهيات زى الديمقراطيه ..
بس الهوه سحيقه جدا بين ما وصل اليه العالم الاول من تمكين وترسيخ المفهوم بادواته
وبيننا نحن من نرتد للوراء ..
واصلا ومع فشل تجاربنا الديمقراطيه ( ممكن نختلف حولها ) لانها ما كانت الا لتكريس
حكم اليمين وعبث خلفاء الله فى الارض بمقادير امه بحالها ومن بعدها تهيئه لنظام شمولى آخر
لاستمرار دوره الحياة السياسيه فى السودان ..

اها يا عصام الحال اعلاه ده الان او المربع اعلاه ده هسع تفتشوا ليهوا وما حتلاقوه ..
وده كلامى الاول عن انو طبيعه الصراع خلاص اختلفت ..
وارتددنا قرونا عده للوراء ..
تقول لى ايطاليا

اها شفتا يا شفت طبيعة الصراع الإختلفت دى هى فى شوفى مرابط حل ازماتنا المطلوقات

ود المشرف انا اعتذر مقدما إن استعنت بوجه خاطىء فى تقديركم للاستفاده من مداخلاتكم ووجهات نظركم

لتخدم توجهى وقراءاتى وأأمل ان لا تكون إستخداماتى لوجهات نظركم تشوهها او تغير ما كنتم تعنون

توصيله ، اكرر إعتذارى .

وتانى جايك يا عصام .

ونواصل

Post: #62
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-10-2008, 11:09 PM

Quote: بدون حقوق الانسان والديمقراطية ممكن باسم نيفاشا زاتا يركب فوق راس الشلكاوى شلكاوى و النويراوى نويراوى و الجعلى جعلى و المسيرى مسيرى الخ.

دا كلام يا عصام وارد و لكن خلينا نصل حتة ارتريا ولا زيمباوى كاقاليم سودانيه ، انا يا سيدى لما

بقول ليك عقد إجتماعى لنج وذى نيفاشا ما ذى سنار او اديس ابا ابا او حتى قيون بإعتبار إنها الخطوه

المطلوبه والاصح والاولى وقصدت إنو نيفاشا تكون منهج لحل مشكلة السودان ككل بإعتبار تطبيقها فى

اقصى الشمال بفككلو 3 اصابع مانعه من إيد المركزيه القابضه وكذلك إذا اتجهنا بها شرقا .

يا عصام عليك الله ما تاخد مثلى دا مزايده بس فى حتة الشرق دى :

اغلب اكل السودان بدخل وبتصدر من بوابة بيتم !! ودهب اريات ولا اركويت ما عارف على بعد فراسخ

من مجالس قهوتم والتيبى بسبب الجوع مطلع دينم وما عارفين فى كم وقيه دهب شالتها فرنسا ( وقرأت

اظن فى البنبر القاعدين فيهو انا وإنت دا إنو دهب الجيعانين والتيبى وشلل الاطفال قارضم قرض رفع او

ساهم فى مساعدة البلد الديمقراطيه المعنيه بحقوق الإنسان والحريات !!!)

*يا عصام يا رفيق الهم وعرفة دريبات النضال الهرت مراراتنا وضوقتنا مليون مره طعم كبدتنا !!

اصر على إنو الحل يتأتى من خلال فكفكة المركزيه اكرر فكفكة الدوله المركزيه ونيفاشا بعلاتها

او توضيحاتها اخير مليون مره من سفسطات سيدنا الإمام وخطرفات راسبوطين التفتيت الطلع دين السودان

أستاذ مقطوعين الطارئ الإنت ما خليت لهم صفحه يرقدوا عليها من حسن بشير نصر لعند عبد الرحيم كماشه

* لا إنت لا كمال ولا قمندانى عماد وإمكن ود المشرف والبلقط ليك فى الكور ببره فردتك م ح ج

تحبو الدورى الممتاز دا (السلطه ) تطلع من الخرتوم !! ما تربايه فكريه هى !! من الاممى الداير

يلم لنا ابان ياقات ولا ابرولات وقوه حديثه وما ادراك ما الحداثه ما ياها بغتغتوها بتوب الكرب

المن زمن سيدى الحسن اب قبة لالايه (ديقراطيه وحريات ) !!.

*كلكم مركزيين الشايلو مصحف بقول هى لله والشايلوا كيس نايلون وبقول مهدى عامل إشتغل فى الحته

دى وحسين مروه فكك هنا !!!

*قول لى إسمك ولا رافض بتاعة بوليس زمان دى يا عصام ،حكاية يا أخد البكج كلو (ديمقراطيه ،حريات ،حقوق
) ولا ما بتنفع معاك البيعه دا إستمرار لنهج الغتغته والغتاته !! ليه ما نبدأ بعقد إجتماعى واضح

ومفصل وشعبو (الراكوبه ) راكزه وراسخه بأسمنت توقيعات الغاشى والماشى وبعد ما كلو قرد يطلع

الجانب البريحو فى الراكوبه (نقعد نتفاكر فى ثلاثيك المترف ) .

اكرر يا عصام الحل فى فكفكة الدوله المركزيه المهيمنه وقابضه دى . إنت داير ترثها بثلاثيك !!

خوفك من نزول راكب وطلوع راكب !! عادى ، ما طلعوا اللنغليز ولليله سيد حبوبتى وحبوبتك جنياتن

بتوارثوا فينا ، تفتكر لو حلينا بوجهة نظرك النضال حيقيف ولا برأى النضال حينتهى مشى بتقولو

فى ادبياتكو (صيروره ) ياها بس فى الحالتين فى صيروره .

قلتى لى حتجى لنيفاشا حتلقى جواها قطع شك الطرحتو كأساس للحل ( ذو القوه الثلاثيه ) لإبادة الشموليه والحاجات التانيه المرافقه ليها !! لكن بطلب منك تقراها بعد ما تلبس تموت تخلى

الزول المعنى بيها فى الاساس ، حتجى تقول لى خليها مستوره !!

وشالوم وسلام وبيس .

Post: #63
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-11-2008, 00:36 AM

Quote: Quote: * دولة بنيت و اقيمت منذ عقود على الامتيازات والتحيزات الاقتصادية و الاجتماعية و الهويوية.
* بعد استقلالها الرسمي لم تفعل حكوماتها "الوطنية" عسكرية ام مدنية سوى المحافظة على و التوسع في هذه الامتيازات.

طيب الدايقنوس (التشخيص ) المكرب ومفصل وواضح للازمه زى دبر النعزييه (المعزه ) ! شفت التمايزات

الهويويه كيف إلا اترجم ليك يا ود أمى والحاله أنى بقول من الناطقين او محسوب كهامشى متحالف مع

دولة الجلابه!! متفق معاك تماما فى تشخيصك الفوق دا ودى نعمة شوف تحمدوا ربكو عليها (اليساريين)

وما كلكم طبعا ما بقيتو بطون وخشوم بيوت ، لكن الشتر والمتمردين القله الذيك بدو نتيجة

التشخيص لاى زول طاخ فى يدو !! يكورك ..يعيط ..يحتج .. ما شغلتم !! لكن تعال اوريك الغتاته وين

يا فحيص !!الغتاته فى العلاج !! إنت ما تعاين للاثار الجانبيه للازمه يا منقه ، شايف براك التقرحات

والإحتقانات والصدايد واللاندكروزرات !! إنت قايل العدوه ما تنتقل ،باكر يجوك الزبيديه ويلحقو

ليك مصنع جياد امات طه !! why they hate us

تخديرك الموضعى (ديمقراطيه ) معروف البستفيد منها منو !!

شاشك الرهيف(حقوق الإنسان ) ما بغطى عواراتنا من ضبان الأمن وبحميها من التاتنوس !!

مضاداتك الحيويه(الحريات) ام 5 ملجرامات دى ما بتقدر تصمد لها 3 سنوات مع بنية عقل سرطان التسلط

والإقصاء بدمر خلاياها على مدار كل أذان ونداء كل جهاد .

Quote: حكوماتها "الوطنية

شفت الغلت وين يا عصام ؟؟ ما إسمها الوطنيه !! إسمها يا صديقى المركزيه ...حكوماتها المركزيه

وإنت وأنا وبشاشه عارفين باقى السيره ..اها شنو ليك ؟؟

كدى عاين للوحه الطريفه والمعبره الحأرسمها ليك انا العبد لله البدعك فى عيونى لليله من غبار

سقالات المركزيه :

أى جنوبى وصلوا خبر الإتفاقيه (خالتم الحنينه نفيشه ) فرح بيها ورقص وإعتز بيها وحلف فى سرو

ولا علانيه إنو يفديها بدمو لأنو مؤمن تمام الإيمان إنها أعادت ليهو إنسانيتو ، ثقتو بنفسو

وقيادتو وبالتالى وطنو ،وازاحت عن كاهلو غبن الاجيال والسنين وإتحكر وخلف رجل فى رجل وتكل سفه

وقال ممكن نتكلمو أن وهده جاذبه توه بعد ما قبض عدلو وخت فى جيبو الخلفى وقرض على بالطلقه

والطلقه ما براها معاها بصمة عالمين حمر وخدر وزرق وبيض .

توه لو انطيت الدارفورى متل الجنوبى ، والبجاوى والنوبى حتقوم ليك أعمدة دوله تهزم إيطاليا

فى كأس العالم وامريكا فى سباق المسافات الطويله والصين فى إنتاج الارز !!

لكن قطع شك بتكون ضيعت نقد (الباك اللفت ) ! والترابى (الباك اليمين) ! والسير لورد باك الإمام

والاستوبر (الميرغنى ) ومحتاج تشوف ليهم شغله غير خط الدفاع المركزى دا ..!

وخليك صاحى وشواف .

Post: #64
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-11-2008, 01:06 AM

كتب ألأخ كمال عباس الاتى مفصلا مفهوم العقد الإجتماعى الذى طالبت به أنا وشبهت نيفاشا به

واعتبرتها عقد إجتماعى يمكن إعتماده فى حلحلة أزمات وطنا المستعصيه !

كتب كمال الاتى :

Quote: العقد الاجتماعي جوهره تنصيص حقوق وواجبات المواطنةوتحديد العلاقة بين الحاكم والمحكوم ونظام فصل السلطات
وأسس الديموقراطية وضبط العلاقة بين الدين والدولة والتوزيع العادل للسلطة والثروة وأزالة المظالم والمرارات والاحتقان والعمل علي سيادةالقانون وحقوق الانسان الخ ..الخ وفي حال بلادنا أحترام التنوع الديني والثقافي والعرقي .....

1/ تنصيص الحقوق والواجبات(المواطنه ).

2/العلاقه بين الحاكم والمحكوم .

3/نظام فصل السلطات (تشريعيه ، تنفيذيه ،قضائيه ).

؟؟أسس الديمقراطيه ؟؟ ضبط العلاقه بين الدين والدوله ؟؟ ما وقعت لى عشان كده ما نمرتها !!

4/ التوزيع العادل للسلطه(ختوا لى سطرين تحت السلطه دى بالذات !!!) والثروه (وتانى كمان خط بقلم

احمر ).

!!إزالة المظالم والمرارات والإحتقان !! غير مرقمه لأنها فى تقديرى نتيجه لفعل النصوص اعلاه !!

5/سيادة القانون وحقوق الإنسان .

6/إحترام التنوع الدينى والثقافى والعرقى .

طيب يا كمال النصوص الوارده بعاليه موجوده فى برنامج واطروحات اى حزب سودانى بما فيها المؤتمر

اللئيم ودستورو قبل نيفاشا ،الخلاها تتوضع هنا موضع التنفيذ شنو وليه ؟؟

إذا جاوبت إنت على السؤال اعلاه .. اديك انا افتراضيتى نابعه من وين لإنو نيفاشا تبقى منهج ومدرسه

لحل بقية الازمه لانو اهم هدف فى عقد نيفاشا رخية قبضة اصابع المركز وفتح طاقه كبيره لهواء بتاع

سلطه محليه بصلاحيات واسعه ، ودى البجنن اى مركزى ذيك وذى عصام جبرالله .

ودى وجهة نظر يا كمال ليس إلا .

التعديل لإصلاح مفردة الإجتماعى ليس إلا !

Post: #65
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-11-2008, 03:14 AM

كتب الاخ فارس موسي
Quote: طيب يا كمال النصوص الوارده بعاليه موجوده فى برنامج واطروحات اى حزب سودانى بما فيها المؤتمر

اللئيم ودستورو قبل نيفاشا ،الخلاها تتوضع هنا موضع التنفيذ شنو وليه ؟؟

..... النقاط التي أوردتها حول العقد الاجتماعي كانت ردا علي فهمك
لاتفاق نيفاشا:
Quote: ارجع تانى لعصام وكمال ، نيفاشا يا رفاق ليست إتفاقيه وضع حد لحرب !! نو وكو وليست معنيه بمسائل الديمقراطيه والحريات ولا حتى الحقوق

فهمك لنيفاشا يقول أنها ليست معنية لا بالحريات والديموقراطية ولا حتي
بأنهاء الحرب!!!!! ومع هذاتشكل عندك عقد أجتماعي جديد!!!!ولا أدري أي
عقد أجتماعي هذا الذي يتجاهل الحقوق ويتجاهل الحريات والديموقراطية و
لايكترث لمسألة أنهاء الحروب!!!!
.. من هنا كان لابد أن نوضح بعض عناصر وأسس العقد الاجتماعي وكيف
أختزل الاخ فارس هذه الاسس!!!!
.. وقد أوضحت بعض سلبيات وأوجه القصور في نيفاشا
Quote: وهل يتري حسمت نيفاشا تغول الدين في السياسة والدولة أم لازالت
قوانين الشريعة سارية? وهل عالجت نيفاشا أسباب الاحتقان والحرب في الغرب
والشرق? هل أكدت علي قضية الديموقراطية والحريات كمدخل لحلول مشاكل
البلاد? هل فككت نيفاشا دولة الحزب الواحد أم أنها منحت المؤتمر
الاغلبية المطلقة في أجهزة ومؤسسات الد ولة ? هل قدمت نيفاشا حلول شاملة لمشاكل البلد أم أنها قد ركزت علي الجزئي?ولة? هل ألغت القوانين المقيدة
للحريات وقلصت صلاحيات جهاز الامن?
لا أعتقد أن الاجابات ستكون في صالح نيفاشا أقول هذا علي الرغم من تأييدي لأيجابيات نيفاشا ذلك أني أتعامل مع نيفاشا بعقلية ناقدة.....
....كمال

Post: #66
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: lana mahdi
Date: 06-11-2008, 09:09 AM

سمح يا رجال عشان أنا (العوين)الوحيدة هنا ما عبرتوني سمح يا عصام
عبدالرازق ياخوي ما دايرة نخرب للزول بوستيهو السمح دة، جهوية شنو اللاماني مع عويس؟ اللامانا رؤى و أفكار و اتفاق على خط محدد لإصلاح البلد قوامه البعد كل البعد عن المؤتمرين الوطني و الشعبي..تاني أوعك تقول لي جهوية ما جهوية!
وتان أوعك تباريني من بوست لبوست بكتابتك الحمراء دي من غير ما تقدر توضح لي إنت داير تصل لشنو...كويس آخوي؟

Post: #67
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: lana mahdi
Date: 06-11-2008, 10:06 AM
Parent: #66

عبدالرزاق شكلو كلامي حرقك مشيت (تستعين بصديق) مجاور ما قادر تقيف براك
ممتااااز
فضل بس تنفذو
أوكي؟
وأهو دة ليك تاني عشان كترة التكرار بتعلم الشطار
Quote: عبدالرازق ياخوي ما دايرة نخرب للزول بوستيهو السمح دة، جهوية شنو اللاماني مع عويس؟ اللامانا رؤى و أفكار و اتفاق على خط محدد لإصلاح البلد قوامه البعد كل البعد عن المؤتمرين الوطني و الشعبي..تاني أوعك تقول لي جهوية ما جهوية!
وتان أوعك تباريني من بوست لبوست بكتابتك الحمراء دي من غير ما تقدر توضح لي إنت داير تصل لشنو...كويس آخوي؟

Post: #68
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-11-2008, 11:11 AM
Parent: #66

(العوين) لنا

سلام

يا زولة البوست ده بقي مفتوح من قولة تيت، انتى ما شايفة المشرف و كمال بقو اسياد بيت عديل.

برضو اتفطو ناس كتار، ما حقارة لكن المواضيع جرت و اتداخلت ...

جبتي معاك طوبة؟

نصيحة ساكت : الحرامى ده ما تشتغلى بيهو، ده بشوف محل نضيف وين ويمشي يتمردغ فيهو عشان يوسخو، اسفهيهو بس ... احترامات ليك و لخالد و من هم مثلكم على الجسارة

سلام

Post: #69
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-11-2008, 11:30 AM
Parent: #66

Quote: وتان أوعك تباريني من بوست لبوست بكتابتك الحمراء دي

لكن ما طلعت سلباطية بشكل يا (العيين) لنا..
هسعي في ذمتكـ الزول النخس التاني في الأول ياتو..

Quote: من غير ما تقدر توضح لي إنت داير تصل لشنو...كويس آخوي؟

وسعي صدركـ يا الأميرة..
Re: وقصف ال(((ثوار))) قبة الإمام المهدي..يا للشجاعة!!!
Quote:
Quote:
Quote: أصلاً أنا زولة متحيزة و ظالمة و عنصرية

فعلاً؛

صدقتي يا دفعة..

عبدالرازق أنا عافياك من الرد..فاذهب!

أكيد كان بيندرج تحت بند ألـ: Re: تسرع غير مبرر..أعتذر
Quote: تسرع غير مبرر..

Quote:
بدون شكـ..

سبحانه مغير الأحوال من حال إلى حال..

إذا بتتذكري:
Re: هل تم قصف قبة الإمام المهدي فعلاً ؟؟
Quote: تسرع غير مبرر..أعتذر

Quote: أعترف أنني كتبته بالعاطفة

بدون تضليل..
فقط لأجل إظهار الحقيقة..
ولا شيء غير الحقيقة..
هسعي العافي من التاني منو مننا..
قبل ما أهديكـ أبيات من معلقة طرفه بن العبد:
التي إبتدرها بـ:
لخولة أطلال بيرقة ثمهد ** تلوح كباقي الوشم في طاهر اليد

إلى أن وصل:
ستبدي لك الأيام ما كنت جاهلاً ** ويأتيك بالأخبار من لم تزود
ويأتيك بالأخبار من لم تبع له بتاتاً ولم تضرب له وقت موعد

الجرقاس عصام جبر الله وبقية أوباش الشيوعيين الشايفاهم ديل ديل زي زولكـم الضلالي خالد عويس خالد عويس واحد..
يكتلوا الكتيل يا لنا بالتحريض المباشر والغير مباشر..
ويقعدوا يجعروا بالبكاء في جنازتو لامن حالتهم تحنن قلب الكافر..
وبعد شوية يجوكـ بالكلام المجوبكـ بالنضال لزم التضليل والتربيت على الكتف..

مثلاً يعني مثلاً..
في حالتكـ يا لنا كمضللة أو مضللة..
إنتي ما عارفة إنو أتون نيران الصراع الداير الآن في السودان من دار فور وغيرها من بقاع مهمشة كل القصد منها ذبح حزب الأمة الطائفي بحسب ما تقول أدبيات ضلالهم من العضان للعضان..

الواحد فيكم وبكامل الوعي يمسكوهو جرس المزاد العلني..
ويبيعوهو في سوق نخاسة السياسة الدولي من داخل متاحف الهلوكوست ويلحسوهو عربونو..

بلا أحم ولا دستور..

معقولة بس يا لنا؛..

Post: #70
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-11-2008, 12:00 PM
Parent: #69

Quote: نصيحة ساكت

بدون سلبطة معاكـ إنت إذا كنت زول نصيحة كنت بقيت شيوعي وسخان..

Quote: الحرامى ده ما تشتغلى بيهو،

بدون هوهو وتضليل معاكـ يا جرقاس المتاحف شوف ده..
Re: ابو رزقة حرامي القوقل.. !!!
Quote:
Quote: هل يريدون اغتيال شخصية عبد الرازق؟

بالحيل..لكن العاجبني في عبدالرازق ثقتوا العالية في نفسه...

واقف شوكة حوت
وقصة القوقل دي
من باب دق الصفائح لتشتيت الانتباه

Quote: ده بشوف محل نضيف وين ويمشي يتمردغ فيهو عشان يوسخو،

هنا الحكم بنخليهوا لحكم القارئ بدون تضليل..
Quote: اسفهيهو بس ...

لكن ما طلعت سفيه يا ود جبر الله..

Quote: احترامات ليك و لخالد و من هم مثلكم على الجسارة

البتشابهو بطيروا..

ولا شنو يا جرقاس الصهاينة..

Post: #72
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: lana mahdi
Date: 06-11-2008, 12:24 PM
Parent: #69

بركة الفكيت من سلاطين يا ود الطالب مسكت في عويس و لنا!!
برضو (مبروك) على سبيل التجديد و التغيير بس بالله غير ال(أحمر) بأي لون!
وبالمناسبة موضوع القبة دة فشنك ساكت ك(سلاح) في يدك لأن هيئة شئون الأنصار بعدها نزلت بيان أدانت فيه ضرب القبة يعني ما جبت من راسي موضوع ضربها دة!
يلا شوف ليك شغلة غيري و غير قصة القبة دي و أنا عارفة (إتلويت) أنت من يوم بوست خالد عويس حق الجهوية و الآزرتو فيه لكن سيادتك ما فهمت إنه ما موجه لبقعة في السودان لكنه حرب على الجهوية حتى لو جات من الشمالية(بالله استفيد من الدرس المجاني دة)

شكراً يا عصام على النصيحة الزول بيتجاهل السخف لكن لمن يزيد عن حده بيلزم ليهو حسم جذري
سهام البركة فيكم يا حبيبة ..بركة الجيتي غنيتيني عن شيل الحصحاص العكسي

Post: #86
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-14-2008, 10:13 AM
Parent: #72

Quote: وبالمناسبة موضوع القبة دة فشنك ساكت ك(سلاح) في يدك لأن هيئة شئون الأنصار بعدها نزلت بيان أدانت فيه ضرب القبة يعني ما جبت من راسي موضوع ضربها دة!

أخشى إنكـ لا زلتي تكتبين تحت تأثير ضلاليات العاطفة الجياشة يا دفعة..

Post: #71
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Siham Elmugammar
Date: 06-11-2008, 12:11 PM
Parent: #66

لنا مهدى سلام و الله حننتينى قلت اخش أأذرك لكن اول مره واخر مره ..انا ما قلت ليك السياسه دى بطلتها عشان بتمرضنى

عصام و المتداخلين سلام
Quote: والشرعيه اكتسبها البشير من نواب الشيوعى فى البرلمان
وباقان اموم فى مجلس الوزراء واتفاق التراضى مع الصادق
واتفاق القاهره مع التجمع

الاخ مشرف سلام
مشاركة الاحزاب لا تمنح الانقاذ اى شرعيه بالمعنى الحقيقى للكلمه فما قام على باطل فهو باطل
و لكننى اقول ان مشاركتهم كانت بمثابة تركيب اجهزة الحياة للنظام...

لو رجعنا قليلا للوراء لوجدنا كثير من القرارات السياسيه و المصيريه فى هذا البلد اتخذت على منو/مع/ضد
لذلك لازلنا نراوح ما بين الديكتاتوريه و "الديمقراطيه"
كدى عاينو معاى لكل الاتفاقيات الثنائية التى تعقد هنا و هناك ... لنرى العجب
فمعظمها تحمل فى طياتها كلام انشائى اكتر من جميل عن الديمقراطيه و حلول مشاكل السودان ( يعنى بتتكلم عن شنو)
مما يجعلنا نتسأل اذا كل ثنائى بيتلم بيتفق على شنو .. المشكله وين؟؟؟؟؟؟؟؟؟؟؟؟؟؟؟
المشكله هى منو/مع/ضد

Quote: المعارضة ليست فاعلة بالشكل المطلوب ...ضعفها مرده للقصور الذاتي
ولعوامل موضوعية :
المعارضة لاتباشر نشاطها في ظل ظروف صحية فالحزب الحاكم يهيمن كما قلنا
علي مفاصل الدولة من مال وسلطة وأعلام ويتسلط علي أجهزة الدولة ومؤسساتها
..الامن ..الشرطة...الجيش ومفاصل الخدمة المدنية كما أن الحزب لازال منفذا
القوانين المقيدة للحريات وهو بذا يكبل الصحافة ويمنع حق التظاهر السلمي
......هذه هي الظروف الموضوعية التي تجعل من المعارضة كالملقي مكتوفا بالماء
والمطالب في ذات الوقت بأن لا يبتل بالماء!!!
وطبعا هنا ك أيضا أوجه قصور ذاتية لدي المعارضة.......... مايهمني هنا هو توظيف هذه النافذة الفكرية لفضح ومحاصرة النظام وكوادره...

الاخ كمال سلام
منذ فجر الاستقلال و المعارضه السودانيه ( على اختلافها فى ظل الحكومات المتعاقبة) ياهو ده حالها عايشه كما وصفت فى ظل ظروف غير "صحية"
و لكن المعارضه عندما تحدث انفراجات فى الحريات سرعان ما ترتمى فى احضان الحكومه القائمة مهما كانت ... والنمازج موجوده... مما يأجج الشك فى حقيقة هذه الانفراجات...هل حقيقة تمت لظروف موضوعيه ام هى مفتعله
للوصول لاهداف محدده
المعارضه ما عندها "شنو" فى الوقت الراهن ... القصور الذاتى هو اس البلية
لا يمكن للمعارضه الوصول الى اى انجازات على اى مستوى طالما الهوه ما بين خطابها الفكرى السياسى و تركيبتها التنظيميه بهذا العمق... لتسقط المؤسسية التى من دونها بقاء الرأس دون الجسد

انا معك المهم هو توظيف كل النوافذ المفتوحة و ليس هنا فقط من اجل فضح النظام و محاصرة كوادرة ما فى مشكله .. و بمشى اكتر لاهمية استمرار النقاش من اجل خلق ارضيات تفاهميه ما بين القوى المختلفه عسى ولعل...
و دمتم جميعا

Post: #73
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Omar Bob
Date: 06-11-2008, 01:16 PM

سلام للجميع
انت يا عصام جبر الله ما كنت زول سجمان زينا كده متين بقيت زول راسك مليان
ساعود ان ربنا رفع القلم
لكن مبدئيا كده كلام فارس فيه كتير من الوجاهه وهو يعبر عن كثير مما اود قوله
ومما يود قوله بشاشا - في تقديري - بس بشاشا بشوت ضفاري
الي ذلك الحين انا حاافتح لي بوست جانبي عن الهلوكوست وسلاطين باشا وخالد عويس ولنا مهدي عشان اشغل ليكم عبد الرازق الطالب ده ما يجي يتحاوم بهنا تاني

Post: #87
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-14-2008, 10:41 AM
Parent: #73

Quote: الي ذلك الحين انا حاافتح لي بوست جانبي عن الهلوكوست وسلاطين باشا وخالد عويس ولنا مهدي عشان اشغل ليكم عبد الرازق الطالب ده ما يجي يتحاوم بهنا تاني

أشهد الله يا عمر إنكـ ضلالي..
بدليل بوستيكـ:
Re: كتابات لا استطيع فهمها في المنبـــــــــــــر
وإنت القايل: Re: الموسيقار الموصلي ............. ومشروع الفرح القادم للدناقله

لكي لا ننسى مسائل الإنقطاع التاريخي دي في بلدنا السودان..
ونقعد نبرر مخازينا بحكاوي المسكوت عنه..
بتنظيراتكـم الفطير من عينة:
Re: إشكالية الهوية في السودان .. ندوة الباقر عفيف في الدوحة(صور)

Quote: إشكالية الهوية في السودان .. ندوة الباقر عفيف في الدوحة(صور)
Quote:
Quote: وعمر بوب مؤذناً في موريتانيا..

Quote: بالرغم من إلغاء العبودية بشكلٍ قانوني في موريتانيا في عام 1981،

ليس إلا..

كان عمر بوب يتجلى..

Post: #74
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-11-2008, 01:50 PM

فاتنى كتير بس عاوز ابدا تانى من كلام عصام

Quote: المهم الناس تفهم و تقبل فكرة و مبدا التعدد ده في الشوف،

كثيرا ما اصل لمرحلة اليأس وما يعقبها من فقدان للخصوبه فى الحوار والمثاقفه وتناضح الاراء فى اناء
تتفاعل فيه الرؤي لانتاج معرفه ما او فكره ما او معلومة ما تضاف لتجربتى الحياتيه

وده برجعو اساسا لافتقارنا لمدلولات كلمه ( حوار ) .. من متابعاتى ان اكثر ما يميز المثقف السودانى قدرتو الفايقه
على اداره منلوجات داخليه يجترها باليه غريبه جدا .. ولا يحيد عنها قيد انمله .. لذا نحن فى الحقيقه لا نسمع الا صدانا
مهما كان مجري النقاش .. تقبل الآخر ومبدأ التعدد فى الشوف دى ما عندنا كلو كلو .. وده البقودنا دايما لما اسميه
ظاهرة الحوار الاطرش او ( هلاريخيه ) النقاش ( عجبتنى - الحقوق محفوظه )

عموما البوست مليان وممتع وحيكون اكثر امتاعا لو ارحنا المرايات من وجوهنا قليلا لنرى الاخرين ..
سأعود بتفصيل لمجريات البوست ..

Post: #75
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-11-2008, 02:53 PM

كمال سلام

كتبت انت تعليقا على سؤالى لك
Quote: ياااا كمال
اى مشروع سياسي مكتمل النضوج تعتمد عليه .. غير شخصك الكريم ؟

وقبلها كتبت لك
Quote: اتوجد معارضه فاعله لها القدره على الحراك والتغيير وذات منظومه فكريه واضحه وجماهيريه نلتف حولها
وتشكل لنا نواة تستقطب رؤانا وتوفر لها آليات النضال الديناميكيه التى تنتظم شارع سودانى عريض ؟

..
يا كمال المشكله ابدا ما فرديه والاراء الشخصيه ليست لها القوه الدافعه اللازمه لاحداث تغيير ما ..
كن معارضا .. ولكن من الافضل ان تكون ايجابيا فى معارضتك .. هذا هو المحك , ان تثمر شيئا كأن تكون
ترسا فى عمليه انتاج معارضه فاعله

وقبلها كتبت لك
Quote: يلا ورينا خارطه طريق للتغيير تمتلك مقدراتها وقوى الدفع اللازمه للتغيير
وتستقطب جماهيرها وتفعل آلياتها عبر الشارع السودانى والمجتمع المدنى ومعا نحو انتفاضه اخرى

وبعدها كتبت لك
Quote: قل لى ان غاب على ماهى الجهات صاحبت المشاريع السياسيه الواضحه
- لا الجهويه - والتى لديها برامج واضحه للنضال من اجل التغيير
وتمتلك فعلا ادواتها وجماهيرها الواعيه وألياتها الواضحه

وكانت اغلب الردود منك تدور فى فلك الاقتباس التالى
Quote: أنا أعبر عن رؤيتي الشخصيةفقط وأراهن علي الجماهير ......
وكما قلت

Quote: ياعزيزي أنا أراهن علي الجماهير وعلي المستوي الشخصي يهمني
تثبيت الموقف ورفض الحال المائل ومواجهته عبر أدواتي وفي حدود قدراتي الذاتية!!! الاحباط / شراسة النظام وهيمنته وطول ليل الظلم لا يسرب
اليأس لنفسي فكم من نظم شمولية حكمت لنصف قرن أو لقرون حتي ظنها البعض
خالدة ثم جاء وقت تكاملت فيه ظروف الثورة والتغير وأنهارت تلك الانظمة
التي كانت تتاكل من داخلها وتحمل بذرة فنائها في داخلها علي الرغم من
أنها كانت وفي شكلها الخارجي تأخذ مظهرا النابض بالحياة مثل سليمان
الحكيم والذي كان يوحي مظهره بالحياة والحيوية الي أن أنكسرت عصاته بفعل
التسوس وكشفت موته!!!!!

الجماهير يا كمال هى المداميك التى يجب ان تصطف وفق نمط او نسق يحيلها لوجود فاعل ويحس ويجعل منها مصفوفه تترادف
كى يكتمل بناء اى مشروع وطنى

يبقى الرهان عليها صحيح .. ولكن
قدرتك على صف المداميك هى المحك الحقيقى وده دايما كان محل تساؤلاتى .. وهروبك الدائم من الاجابه لانو اصلا ولن يكون عمل فردى او حتى جماعى بل عمل موؤسسي ومتطور ومرن وعلى التصاق دوما بالجماهير ومتفاعل معها in &out

يبقى مطلوب منك آليه لاكساب الجماهير قدرة الفعل ثم آليات دقيقه جدا لتوجيه الفعل الجماهيري .. بس انت لسه بتتكلم عن الظروف غير المواتيه وتبنى على المجهول حساباتك

اها وبعد ده كلو ولنفترض جدلا ايجادك للصيغه او المنظوميه الفكريه التى يمكن ان تنطلق منها لتحقيق اعلاه ..رغم الاستحاله
حتلقى وببساطه متناهيه انو نمط الصراع اختلف وانو الناس / الجماهير تجاوزوا فكرة الصراع على المستوى الفكرى/ السياسي
ووصلوا لجهويه رأؤا انها الاصلح لهم لتراكمات فشل تاريخى للمؤوسسات القوميه حكومات احزاب قوات مسلحه نقل نهري سكه حديد
الخ ..

بعد شويه حاجيك وفارس لنيفاشا وليه هى عقد اجتماعى .. اكثر منهااتفاقيه سياسيه

تحياتى كمال

Post: #76
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: BAKTASH
Date: 06-11-2008, 03:37 PM

Quote: عبدالرازق ياخوي

عليك الله زح كدا ولا كدا ... وما تكون لزج.... لا تشوه هذا البوست الجميل.. رجاءا...

Post: #88
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: A.Razek Althalib
Date: 06-14-2008, 10:50 AM
Parent: #76

BAKTASH
Quote: عليك الله زح كدا ولا كدا ... وما تكون لزج.... لا تشوه هذا البوست الجميل.. رجاءا...

حصل يوم واحد جاء قال ليكـ إنت زول فيكـ شيء من التفاهة أو الوقاحة..

عليكـ دينكـ أمشي إترجى ناس خالك نقد [ود مليم]..
وقول ليهم بالخشم المليان..
ما تزحوا كده ولا كده..
لقد شوهتو صورة السودان بقبحكم الأزكم الأنوف..
وسلبطتكم وتضليلكم..

علشان ما يقولوا ليكـ ما تبقى زول عضينة وشايلاكـ لزوجة عصبة الجهوية ساى مع روح القطيع ..

لا حول ولا قوة إلا بالله..

Post: #77
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-11-2008, 04:46 PM

شكرا محمد المشرف
Quote: الجماهير يا كمال هى المداميك التى يجب ان تصطف وفق نمط او نسق يحيلها لوجود فاعل ويحس ويجعل منها مصفوفه تترادف
كى يكتمل بناء اى مشروع وطنى

يبقى الرهان عليها صحيح .. ولكن
قدرتك على صف المداميك هى المحك الحقيقى وده دايما كان محل تساؤلاتى .. وهروبك الدائم من الاجابه لانو اصلا ولن يكون عمل فردى او حتى جماعى بل عمل موؤسسي ومتطور ومرن وعلى التصاق دوما بالجماهير ومتفاعل معها in

يبقى مطلوب منك آليه لاكساب الجماهير قدرة الفعل ثم آليات دقيقه جدا لتوجيه الفعل الجماهيري .. بس انت لسه بتتكلم عن الظروف غير المواتيه وتبنى على المجهول حساباتك
.......مع أحترامي للأحزاب والنقابات ودورها في التغيير الا أني لا أعتقد
أن الجماهير عبارة عن كم ساكن وقطيع يحتاج لراعي!!!!
الجماهير تصنع الفعل وتبدع في أدواتها ووسائل التغيير 'تستلهم تجاربها
وتتحرك نحو هدفها بشكل واعي وخلاق ...شكل يخلق ثورة وتغيير تولد قيادته
من رحم عملية الثورة نفسها ...
تقول
Quote: اها وبعد ده كلو ولنفترض جدلا ايجادك للصيغه او المنظوميه الفكريه التى يمكن ان تنطلق منها لتحقيق اعلاه ..رغم الاستحاله
حتلقى وببساطه متناهيه انو نمط الصراع اختلف وانو الناس / الجماهير تجاوزوا فكرة الصراع على المستوى الفكرى/ السياسي
ووصلوا لجهويه رأؤا انها الاصلح لهم لتراكمات فشل تاريخى للمؤوسسات القوميه حكومات احزاب قوات مسلحه نقل نهري سكه حديد
الخ ..
دعني أستعين بالتاريخ للحظة
.... حينما أندلعت ثورة 1924 كان الوعي السائد وسط قيادتها هو وعي قومي
وطني شامل...كان الهم والحس الوطني هو المحرك ......تجاوزت القيادة القبلية
والجهوية وكان الوطن هو القاسم المشترك وهو الدافع والهدف وقد تعرضت القيادة للطعن حيث زعم خصومها بأنها منبتة ولا أصول أو قبائل لها
وأنهم ليسوا أولاد بلد ولكن لم تفت تلك المطاعن في عضد القيادة وأستمر
الحس القومي كسقف وكقاعدة تمظهر ذلك في حركة مؤتمر الخرجيين ثم!!!
ثم كان أن أنشق المؤتمر وسارعت مجموعة للتحالف مع الانصار والغالبية تحالفت
مع الختمية ورأي البعض في هذا نكسة وردة وتقاصر فكيف ينزل المثقف
والسياسي من القومية لمرحلة أدني -وأعني ما يسمي بالطائفية?
.....وفعلا كانت الطائفة أقل من سقف الحس الوطني الا أن الطائفةصهرت
في مؤسسة أعلي من القبلية والجهوية ولكنهاأدني من القومية رتق الامام
عبد الرحمن النسيج الاجتماعي الذي تمزق في عهد التعائشي وأنصهر الفوراوي
والزغاوي والبقاري والهبانية والحسانية وجعلية العكد في الطائفة
وأنصهر الشائقي والهدندوي والجموعي وغيرهم في بوتقة الختمية وسار الي جانب القوي والاحزاب ذات الطابع القومي
.........ثم جاءت الانقاذ ومزقت النسيج الاجتماعي وأشعلت الفتن العرقية
والجهوية بل والدينية .. قال الجميعابي القطب الاسلاموي عن ذلك

Quote: فالانقاذ ك رسخت بعمق
لهاتين (عنصرية جهوية)
الرذيلتين.. وما قضية دارفور الا نتاجاًطبيعياً لهذاالسلوك فهي قضية قامت على مفاهيم اثنية عنصرية جهوية
وقبلية.لقد كانا سودانيين وحسب حتى اننالم نكن نعرف من
اي القبائل كان عبود او الازهري اوالمحجوب.. او سر
الختم الخليفة.. ولكننا الآن نكتب القبيلة قبل الشخصوالمرشح للوظيفة.. بل ان نميري نفسه لا يعلم من اي
القبائل هو.. فقط سبق ان ناقشت الرئيس جعفر نميري فياصله.. ووجدت انه لم يكن يهتم بمعرفته..وقد اختلفنا معه
في اصله وقبيلته.. لقد كنا على درجة عاليةجداً من الوعي.. ولكننا الآن ننحدر حثيثاً نحوالسفح والانحطاط

...نعم يا مشرف فقد تمزق النسيج الاجتماعي وتعالي الحس الجهوي والقبلي
وعاد الاصطفاف علي أساس عرقي وجهوي وضعف الحس القومي ولكن هل يعني هذا
بداية النهاية وفقدان الامل وسيادة حالة الاحباط واللاجدوي
لا أعتقد كيف? الاجابة تكمن في أعادة قراءة التاريخ.......
.....أستطاع المهدي أن يصهر القبائل والجهويات في حركته وتمظهر ذلك
النجومي القائد الشمالي والتعائشي من الغرب ودقنة من الشرق الخ
ولكن سرعان ما حصل الشرخ: وتم أغتيال مادبو شيخ الرزيقات وقتل زعيم الرزيقات وأعتقال علي دينار زعيم الفور وأبو سن زعيم الشكرية وكانت مجزرة المتمة الثانية
تم ذلك وغيره في أوخر عهد المهدية وتمزق البلد بين أبناء البحر وأهل الغرب
الا أن الوطن تجاوز ذلك عبر مرحلة حركة اللواء الابيض ومؤتمر الخريجين
بل وفي أطار الطائفة أيضا حيث عادت طائفة الانصار لتستوعب الفوراوي
والرزيقاتي والجعلي والحساني والاشراف !!!!!
..........أذا مسألة رتق النسيج الاجتماعي والتسامي علي المرارات أمر
ممكن تاريخيا ومستقبليا

Post: #78
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-11-2008, 06:10 PM

كمال ...
سلامات

استلهام جيد للتأريخ ودعنى احى فيك مقدراتك على استشراف ماهو اجدر بوطن كالسودان وتمسكك الراسخ
بقدرات ومقدرات الامه السودانيه ..

تتطورت اشكال الصراع كثيرا , وليس ذلك حكرا على السودان .. الوصول للبيت الابيض انقلاب اعلامى ومشروع تجاري
يدار بحرفيه عاليه .. واستثمار ضخم يصل لمليارات الدولارات .. ديموقراطية الآباء المؤسسين ديك انتهت

الميديا والدولار لا الوعى من يتحكم الان يلزمهما بالضرورة بروباغاندا تحوى بعض الشعارات واللافتات اللامعه
الانسان العالمى تغير من الصين وحتى الاسكا

الانسان السودانى ليس استثناء مع وجود كثير من المطبات الاجتماعيه والجهويه وال الخ
كمال سأكمل المداخله بعد فاصل
تحياتى

Post: #79
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-11-2008, 09:08 PM

اواصل معاك كمال

التغيير فى الشخصيه السودانيه لم يكن بمعزل عن متغيرات ما بعد نهايه الحرب البارده ومن ثم الدخول فى عصر
العولمه وتمكين الناس من المعلومه مصحوبه بمتغيرات الوطن واهمها نيفاشا ومفاصله 98 ..مع قفزه اقتصاديه وتحرر نظام الخرطوم
من كثير من القيود ومن هنا كان سؤالى لك متى كان النظام اقوى من الان 89-90 الى 93- 95 98 الى 2000 الى 2005

وبعضمه لسانك تحدثت عن صعوبه التغيير والحراك السياسي والهيمنه المطلقه على مفاصل الدوله حتى حال رهاننا على انتخابات مقبله
الحال فى السودان الان كحال من اكتشف للتو ان له من الحقوق ما يكفل له الحياة الكريمه له ولاهله مع بعض الكسب الذاتى من مال وسلطه
وارتزاق بثمن زهيد واصلا كان يدفعه دون طموحات عاليه وارجو من الاخوه فى دارفور تصحيحى وليستصحبوا معهم التاريخ الذى استلهمه كمال
ويختلفوا فى ذلك اختلاف مقدار لا كيف

كل هذا ادى لنوع من الاستقطاب الجهوى الحاد ولا اذيعك سرا ان اصطفاف اولاد البحر خلف المؤتمر الوطنى سيفوق توقعاتك بكثير ..لا اتحدث عن نخبه هنا ولكن عن الجماهير التى تراهن هليها انت يا كمال والديموقراطيه التى تدعو لها صوت لكل مواطن ..

يبقى اصطفاف الناس او تمسكهم بحبل المواطنه مرهون بتحقيق العدل الاجتماعى والسلطوى والتوزيع العادل للثروات وارجو ان يكون هذا مدخلنا لنيفاشا

تحياتى ..

Post: #80
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: kamalabas
Date: 06-12-2008, 01:19 PM

الاخ المشرف:
Quote: يبقى اصطفاف الناس او تمسكهم بحبل المواطنه مرهون بتحقيق العدل الاجتماعى والسلطوى والتوزيع العادل للثروات وارجو ان يكون هذا مدخلنا لنيفاشا

وفي أنتظار تعليقـك علي أ تفاق نيفاشاوتحليلك لها...

Post: #81
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Tragie Mustafa
Date: 06-12-2008, 03:10 PM
Parent: #80

عصام جبر الله وزوار بوسته
سلامات وعايزه شهادتكم بهناك في بوست حجيب لينكه بس بعد ما احي فارس موسى ده عجبني كلامه بالحيل
والحمد لله انه عجب عمر بوب ايضا:
Quote:
نقلا عن بوست للزميل عادل عبد العاطى بعنوان

توثيق عنف المؤتمر الوطنى تجاه طلاب دارفور !!!

مكان العنف ليس فريق كسم العرب فى جوبا !!ولا الخرتوم بليل فى نجالا !!

فى جامعة الخرتوم !!!!!

عييييييييييك كما يقول اخونا بشاشه

لاوباما فى بداية حملتو مقوله حافره !

سأله احد الصحفيين عن الحرب (العراق) فرد اوباما فيما معناه : ليس الغرض فقط إيقاف الحرب

وتحديد تايم تيبول لإنسحاب القوات الامريكيه ، بل فضح وتعرية العقليه التى تدفع بجنودنا لمعارك

غير مبرره ومطلوبه !

ساعدونا ياشباب فى فضح وتفكيك العقليه الإقصائيه الإزاحيه ،والقاتله والملغيه للاخرين تحت كل

عناوين النشرات والاخبار ، وخاصة تلك التوفيقيه او التغتيتيه . والتهربيه . والتبريريه!

فارس .
ويا فراس هذا ما فعله اخونا المشرف ومطالبه بشهادتكم جميعا هنالك ويبدو انك ايضا من خريجي الخرطوم وكذلك عمر بوب فرجاء الانضام للشهادة عن العنف الذي حدث لاحقا تجاه طلاب دارفور!

Post: #82
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Tragie Mustafa
Date: 06-12-2008, 03:11 PM
Parent: #81

دعوة جميع خريجي جامعة الخرطوم للشهادة هنا (محمد المشرف) مطلوب حضورك!

Post: #83
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-12-2008, 04:21 PM

شكرا تراجى .. فرصه لممارسه نقد ذاتى واراحة المرآة من وجهى قليلا
والشوف من زوايا تانيه ..
ارجومن الجميع تلبيه دعوة الفاضله تراجى ..
..
اعتذر يا عصام على اقحام هذا الامر وارجو ان نعود لمجريات البوست الاصلي

Post: #84
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-12-2008, 05:03 PM

سلامات ايها الجمع

كل ما الواحد يغيب شوية يجى يلقي القصة جرت والموضوع جر الموضوع.

يا فارس كدى نتفق على حاجة و بقدر اقولا ليك انت حقارتا فيك و في فيصل و اى اريرة حايم. لى سنوات قررت ما اخش في نقاش مع شخص بعتبر انو في ارضية مشتركة سياسية او فكرية بيننا بغرض هزيمته او فقط مجرد اثبات صحة وجهة نظرى بكل الوسائل . بحاول بالفعل اقرا كلام الزول واشوف شنو الصحيح او الفيهو احتمالات "شوف" تانى او انى ما عارف، وبحاول اشوف شنو البلمنا و شنو البنختلف فيهو، لانى بسعى من وراء الحوارات دى لان نصل لشئ مشترك . بقول ليك الكلام ده لانو عزلك لتعبير
Quote: حكوماتها "الوطنية"
من نص الجملة و بترها من سياقها و تحميلها معنى تانى ما مفيد للنقاش، اى نعم قد يكسبك نقاط اذا ده في حد زاتو هدف، لكن ما بسوق حوارنا و مفاهماتنا لى قدام. التعبير ده في سياقو ده
Quote: بعد استقلالها الرسمي لم تفعل حكوماتها "الوطنية"

الوطنية هنا تعنى فقط انها سودانية لانها اتت بعد الاستقلال، و وضعتها بين الاقواس كاشارة منى الى ان كلمة وطنية قد تثير التباس. المعنى المقابل الذي اوردته انت و كانى زايغ منه
Quote: إسمها يا صديقى المركزيه
...حكوماتها المركزيه ما صحيح في السياق ده. حكومة استعمارية (مركزية او غير مركزية) لا تعادلها حكومة مركزية بل حكومة وطنية (مركزية او غير مركزية). المثل ده انا جبتو لانى حريص نتناقش بدون فكرة الانتصار والهزيمة دى. وهى فكرة سائدة و مهيمنة في الحوارات عموما، بعض الناس بقو زى ثور المصارعة الاسبانية بيشوف بس قطعة القماش الحمرا (الحمرا دى ما ليها علاقة بالشيوعية) و عشان كده بيسهل للمصارع غالبا هزيمة الثور، اها انا غايتو ما عاوز ابقي زى الثور ده، كنتها و ما عاوز ارجع ليها تانى.

اها يا صاحب انت بتكب الكلام القاسي فاتحمل قساوتنا برضو ...

كلام المركز و الهامش ده متفق معاهو 100% من حيث الجوهر، وبالمناسبة هو ما كلام جديد و فيهو تنظيرات كتيرة و متعددة و مدارس مختلفة عشان كده داير تمحيص و فحص اكتر عشان يتفهم كل زول قاصد شنو بالمركز و الهامش و برضو على ياتو مستوى: القطرى والاقليمى والعالمى خاصة في وقتنا الحاضر لا يمكن فصل الثلاثة دوائر عن بعضها والدليل نيفاشا..
باختصار شديد انا ارى في السودان هامش اقتصادى/اجتماعى واسع جدا يشمل كل اطراف السودان مع تفاوت واضح ، ويشمل جزء كبير من غير الاطراف، اكرر مع التفاوت. وارى ان هناك هامش ثقافي/اثنى يشمل اغلبية لا تنتمى للاقلية الثقافية/الاثنية/دينى المهيمنة في المركز ايضا مع التفاوت والاختلاف في درجات و نوع الهامش نفسه. بمعنى : دارفور ينطبق عليها كل مستويات التهميش اعلاه باستثناء الدينى لانها تنتمى لدين الاقلية المهيمنة في المركز، في مقابل الجنوب و لدرجة اقل جبال النوبة التى تنطبق عليها كل مستويات الهامش اعلاه.
اختلف مع تيار يحاول اختزال توصيف الهامش في مستواه الثقافي/الاثنى و يستبعد بقية المسنويات، وارى ان من الضرورى النظر بدقة في ما داخل الهامش، افتراض ان الانتماء او التواجد في الهامش يعنى بالضرورة الانتماء لحركة التغيير افتراض خاطئ للغاية. الوعى بالتهميش و جذوره واسبابه والياته هى الشرط الحاسم للانتماء لحركة تغيير واسعة لا الانتماء الجغرافي او الاثنى.

اعود لنيفاشا لانها مهمة جدا وللدنقلاوى اللئيم عمر بوب والبقية

مرحب بالقواسي يا فارس

Post: #85
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: فارس موسى
Date: 06-13-2008, 01:34 AM

Quote: يا فارس كدى نتفق على حاجة و بقدر اقولا ليك انت حقارتا فيك و في فيصل و اى اريرة حايم. لى سنوات قررت ما اخش في نقاش مع شخص بعتبر انو في ارضية مشتركة سياسية او فكرية بيننا بغرض هزيمته او فقط مجرد اثبات صحة وجهة نظرى بكل الوسائل . بحاول بالفعل اقرا كلام الزول واشوف شنو الصحيح او الفيهو احتمالات "شوف" تانى او انى ما عارف، وبحاول اشوف شنو البلمنا و شنو البنختلف فيهو، لانى بسعى من وراء الحوارات دى لان نصل لشئ مشترك .

يا عصام قبل ما اقول ليك شرحو !!اوريك أنا عرفتك متين ؟ ونقلت كلامك العرفنى بيك وقلت فى سرى

دا واحد من ناسى ! (اشتر )،(متمرد )،(دوغرى ) ولكن !! دى مربط حوارنا دا ،قلت يا مان دا الزول

الانا بشيل كيس تمباكى !!(عصرئذ) وبمشى بتانس معاهو !! فإليك عرفتى بيك من خلال حروفك :

2/أكتوبر 2007 ..كتب عصام جبرالله فى بوست لكمال قسم الله بعنوان (بيان حق اريد به حق) كتب عصام الاتى
(منبر الحوار الديمقراطى / سودان فور اول) .

يا كمال سلام

تعرف الجضه الحاصله دى تططم البطن،موش لأنو القضايا غير هامه او إننا غير محتاجين للنقد من كل الأطراف لكل الاطراف فى ما هو جوهرى وهام ، لكن لأنو فى روح وعقلية تمترس وخندقه وتشنج وترصد وردود افعال
(طفوليه) ...
معقول؟او اللامعقول ؟بعد الحصل للبلد بى كاملا وبعد الحصل لقواها السياسيه وتحديدا يسارا قديمو وجديدو ما قادرين نتحاورمع بعض ؟ ما قادرين نفهم او نحاول نفهم إنو الإختلاف لا يعنى العداء ،
النقد لا يعنى التربص ، الاخر ليس بالضروره خصم ،الإسئله ليست خناجر ، الجديد والقديم لا يتحددان
فقط بالقشره والخارجى ... وإن المحنه تطالنا جميعا .
هل كل الإتعمل خروج من خندق و عصبيه وإنغلاق ودخول فى خندق وعصبيه وإنغلاق اخرين ؟

ذى الدرب ..درب الحوار والمفاكره والنقد راح فى ألمى الشخصنه والمغالاه والعدوات الغير مبرره..

وصارت نيران الاعدقاء ما تفرز صليح من صديق ..ولا تخدش الحياء !!

انتظر عودة عصام وبالتوفيق فى الإمتحانات . (الجزء الاخير دا كتابتك ولا تعليقى أنا ؟؟) فى قصاصتى

الكلام دا انا نقلتو بضبانتو ومحتفظ بيهو ليوم ذى دا (إرشيف إريره) ويا ويلك من إرشيف الكجر !!

يا عصام فهمك دا يا هو الخلانا نحاورك ونستزيد من مفاهيمك الفيها حكمه جيلنا (كتار هنا)

وأريحيتك ولانك متمرد سروالك واسع لاى متمرد تانى ، فعفصتك لى هنا :

Quote: لى سنوات قررت ما اخش في نقاش مع شخص بعتبر انو في ارضية مشتركة سياسية او فكرية بيننا بغرض هزيمته او فقط مجرد اثبات صحة وجهة نظرى بكل الوسائل

إطلاقا ياصديقى لم ولن اسعى لهزيمه او إثبات صحة وجهة نظرى (بالعافيه ) مما يوحى به السياق بل ضغطت

على كما عباس دون إبتزاز وعليك دون مزايده وكمال اظهر عورات وتشققات وجهة نظرى وها أنذا اعترف لك وليست المره الاولى لو بتقرا كلامى كلو ان فهمى لوصفك للدوله بالوطنيه وأنا اسميتها بالمركزيه

فتوضيحك الاخير يبين خطل أخذى لها وفق تلك الرؤيه فالاسلم الوطنيه لانها اتت بعد الإستعمار وهى محاوله غير مقصوده (بريئه ) لتجييش القارئ والقارئه لوجهة نظرى المتمثله فى ان كل الحكومات

الوطنيه هى حكومات مركزيه ..يا بتاع اللجنه المركزيه إنت !! ودى قسوه غيرمبرره ! انا اقسو على الافكار والطروحات ! وسأظل إلى ان نجد مراقد بقر سويا .(شفتو العملو فى ابيئ ؟)

Quote: اختلف مع تيار يحاول اختزال توصيف الهامش في مستواه الثقافي/الاثنى و يستبعد بقية المسنويات، وارى ان من الضرورى النظر بدقة في ما داخل الهامش، افتراض ان الانتماء او التواجد في الهامش يعنى بالضرورة الانتماء لحركة التغيير افتراض خاطئ للغاية. الوعى بالتهميش و جذوره واسبابه والياته هى الشرط الحاسم للانتماء لحركة تغيير واسعة لا الانتماء الجغرافي او الاثنى.

الحته دى انا دايرك تشتغل لينا فيها شويه يا وجيه . مع إنى داير اوافقك على الجغرافيا لكن حاسى بيك عامل لى كمين (ثلاثيك المرح تانى !!)

تخريمه :
شايف تراجى دهورتنى ككيف وعملتنى خريج ج الخرتوم بالله قصة التدهور دى اسال منها كمندانى فيصل
وإن نساها تعال لى صاد وحأحكيها ليك على رجلين البنبر دا واصلو مدهورين مدهورين ،نجادل فى الملكيه ونسينا إنو الملكى ما تدى فرصه غير أصبعو ويبصم !!! بقول شنو (جكس المنبر فى الحاله الذى
دى ؟) لوووووووووول !!

ارقد عديل ما ترقد ملولو .

وراجيك.

Post: #89
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: Siham Elmugammar
Date: 06-16-2008, 02:29 PM
Parent: #85

ده بوست مكانه فوووووق

Post: #90
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 06-29-2008, 10:28 AM

سلام
المشرف و كمال و فارس و الجميع

لسه في كلام ما اتقال هنا .... او ما وصلناهو اخرو

راعو ظروف الدنيا و عامل السن

لو بكرى ساعدنا بالنقل للجديد لو عندكم رغبة في مواصلة الكلام ...

فارس شكلك كتبتنى ... من يوم ردك ده وانا شواطينى مدورة

Post: #91
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-29-2008, 11:27 AM

.....

Post: #92
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 06-29-2008, 12:36 PM

عصام سلام

بوست فيهو كلام كتير ما اتقال بس ما عارف موقفو من الارشفه شنو ضد/مع
ومحتاجين نذاكروا عشان صديقى اللدود كمال عباس وفارس ووضوح الرؤيا عندو ولنا وسهام ومتوكل

..

ابتدرت البوست بابيات من احمد فؤاد نجم
سأهديكم جمعا هذا النص من عضم الكلام والوعى للدكتور تاج السر جعفر الخليفه
وللنص صلات ووشائج غريبه بما انتهى اليه النقاش هنا

المخطوطة

مدخل

لكين المعايش ضيّقت كلّ الرؤى
وخنقت مجاري الحس و دوّخت الشعور
في القاع
عشان تفضل معلّق بين هزيمتك و التراجع في لغتنا
و تنضبح – عطشان – من الهمس الطويل في الليل
كان بيحتملك تماديك في التفرد و اقتحامك للعصب بالضو
كان بيحتملك طريق أوسع من الشارع
و أنضف من ضمير السلطة... و القاضي

النص

مُتصاعدٌ هذا الخريرُ...
و مُربكٌ هذا الهتافُ ... إذا تمازجَ و الشوارعْ
علّمتْكَ الفوضويةُ أنْ تكونَ بلا مِزاجْ
وعلّمتْكَ الفوضويةُ أنْ تطيرَ بلا جَناحْ
فسقطّتَ حدّ الانهيار

عاودّتَ وعي الانزواء..
و طفحْتَ في بحر التآكل جثةً و عفونةً حسناءَ تخطفُ حاسّةَ الشّمِ المُعَبأِ في أنوفِ اللاوجودْ
لم يخبروا عنكَ...
فأخذتُ أسألُ في المقاهي و الظلالْ
لم يكن أحدٌ ليعرفَ عنكَ شيئاً
ثم قالوا رُبّما ألفيتُهُ قي إحدى مقاهي الموتِ
و الجعجعاتِ الخليعة
نعم...
كانَ الهتافُ يَنْسِفُ المقاهي من صمتها الداخليّ
و يَعْصِفُ بالشّبابيكِ و أكوابِ الحليبْ
نعم...
كانَ الهتافُ في غَضْبَتِهِ الْكُبْرَى
و لكنْ في حُدودِ المقاهي و أكوابِ الحليبْ
فخرجْتُ...
قُلْتُ أُدْخِلُ الشّوارعَ في أكوابِ الحليبِ و الستائرِ المهترئة
كانَتْ شوارعهم أعْرَضُ مِنْ أبوابِ المقاهي
و كانَ الحليبُ مغشوشاً..
و كان الدّوارُ جاثِماً فوْقَ الشّبابيكِ و مُعَلّقَاً علي حقائبِ الطلابْ
مـَـــرّوا مِنْ هُنا...
عُرْيَانِينَ إلاّ من القهرِ و الفضيحةْ
أعينهُمْ تغازِلُ زُجاجاتِ الحليبِ علي المقاهي
و آذانُهمْ تُراقِصُ خطواتِ الجنودِ الثابتةْ – بفعلِ الأبواتِ
العسكريةِ الفارهة
كانوا يتجشّئُونَ خمراً رخيصاً و كلماتٍ مُفْرَغَةٍ مِنْ الصوتْ
كان المقهى مُحتشداً صمتاً ..
و كُنْتُ مُمْتَلئاً كلاماً ..

و كانَ الصوتُ محبوساً بأدراجِ الترابيزِ العتيقةِ

و تحت أقدام الجنودِ علي الشوارعْ
كنتُ ممتلئاً حديثاً غاضباً, وكان الصوتُ مأخوذاً بتلكَ
(الأبواتِ) العنيفةِ و تلكَ الهتافاتِ الداعرةْ
وَقَفْتُ...
كان اليأسُ خلفي يمارسُ لُعْبَتَهُ و يغازِلُنِي سخفاً
و كانتْ أمامِي شّهْقَاتُ اليتامَي تحتَ أقدامِ الجنودِ
و إطاراتِ العرباتِ المُخَنّثَةْ
فطلَبْتُنِي مِلحاً...
كي أذوبَ في عَرَقِ اليتامَى
وفي دماءِ المُتْعَبِينَ الهاربينَ من القيامةْ
و في بطون السّارِقينَ هُتافنَا بسمِ الديانةْ
لم نكن ورقاً...
لم نكُنْ ورقاً...
لِيَطْمِسنَا المُرابونَ و تَلْعَبُنَا الصِّحافةُ مَيْسِرَ الوعي
الرخيصْ
لم نكُنْ ذهباً ...
لم نكُنْ ذهباً ...
ليسرِقَنَا حماةُ السُّلطةِ الصُّغرَى و أشّبَاهُ المُصَّلينَ
و تجارُ الحكوماتِ البذيئةْ
كُنَّا نحاولُ أنْ نُمَنْطِقَ مُشّكِلاتِ الوعي نَبْدَأُ رحلةَ
التأسيسِ للأنسانِ من تلكَ الرُفَاتْ
كُنَّا نُحدِّدُ فجوةَ الإجهاضِ ما بين فكرتنا و ما يجري
علي هذى الشوارعْ
كُنَّا نُلاحِقُ انفلاتِ السوقِ و التفكيرِ عَنْ مركزِ الدورانِ
و الْبُؤرِ المُسّمَاةِ اصطلاحاً أولويةْ
مَــرّوا مِنْ هُنا
تُعَساءَ في أزياءِ عِزّتِهِمْ
تؤكدُهُمْ صحافاتُ الحكومةِ خائنينَ و مارقينَ عَنِ الوطنْ
و الشارعُ المسروقُ أكّدَهُمْ صعاليكاً
سحاقيينَ
نشالينَ كانوا
و كانوا غائبينَ عن الصلاةِ و حاضرينَ علي غيابِ السُّلطةِ
العُليَا و شاهِدينَ جريمةَ الإخصاءِ فوقَ مَلامِحِ الوعي
الْمُعَبِّرِ عَنْ سفَالتِنَا

صَدِئٌ جِدَّاً..
هذا الشيءُ الكامنُ فينا, من عُمْقِ لُزُوجَتِنا للنمطِ السائدِ
في فكرتنا لحروبٍ شكَّلَهَا الأجدادُ و باتتْ أصداءً تجعلنا
سُّمَاراً في الليلِ الراكضِ خَلْفَ الصُّبحِ الغارقِ في تِيهٍ أبَدِيّ
صَدِئٌ جِدّاً..
تاريخُ بُطُولَتِنَا و خرافَتُنا خَرَجَتْ عن كلِّ حدودِ التخريفِ,
و سادَتْ فينا زمناً حتى صدّقنّا و تحاكمنَا و تحارَبْنَا, ما
زالتْ ماثلةً ما زالتْ تُرهِقُنَا تبديداً للزمنِ الْمُحْرَجِ من
لهفتنا و تباكينا آناء الليلْ
صَدِئٌ جداً..
إفراغُ طفولَتِنَا في جنسٍ مغلوطٍ, تعبيراً عن حسدٍ شكَّلَهُ
الحُكُّامُ الموتورونَ وآباءٌ لعبوا فينا النرّدَ مع زوجاتِ أحْكَمَهُنَّ
الوعيُ دخاناً خصيصاً للسخفِ المبذولِ علي تاريخِ فجيعتنا
ماذا نتوقعُ من هذا الحشدِ الناتجِ من لعباتِ الْمَيْسِرِ في
طاولةِ الجنسِ الليليّ
ماذا نتوقعُ من طفلٍ هَشَّمَهُ التشويهُ و أسْلَمَهُ للشارعِ
مشروعاً منسوفاً بالفشلِ المتواترِ من أجيالٍ مشروخةْ
ماذا نتوقعُ من هذا الإجهاضِ العَمدْ..
هلْ كُنَّا نتوقعُ طفلاً و إماماً نحْرُسُه بالفرَسِ الفارِهِ كي
كي يحكمنا عدلاً و يُزيلَ ملاءاتِ القحطِ السوداءْ
أخبرني طفلٌ من أمٍ هَرَبَتْ يومَ ولادتِهِ خوفاً من عُهْرٍ
لاحَقَهَا و تناقَلَهُ المذياعُ الرسميُّ سنيناٍ
أخبرني عن مملكةِ الدهشةِ حينَ تَعَرَّفَ صُبْحَ اليومِ علي
الجنديِّ المجهولْ
ما معني أن يطلبَ طفلٌ أزياءَ العسكرِ يومَ العيد؟
ما معني أن نختانَ بناتِ عُمومَتِنَا؟ و نسافرُ كي نأتي
أزواجاً نتهاوَى في رَدَهاتِ الجنسِ المغشوشْ
هلْ كُنَّا نرغبُ تعذيبَ الأنثى؟
ما سِرُّ التؤامةِ الخُنثَى ؟ بينَ خفاضِ البنتِ
و عِفَّةِ آلِ البيتِ
و هاجسِ يومِ الدُّخْلَةْ
هل كُنَّا فراعنةً شواذاً؟
كي نُوازِي خِصينَا بخفاضِ امرأةٍ و تشويهِ العلاقةِ
بيْنَنَا و الأنثياتْ
من أيِّ دياناتٍ في الأرضِ أخَذْنَا مَوثِقَنَا و تبايَعْنَا؟
من أيِّ خُرافاتٍ في الأرضِ سَرَدْنَا قََصَصاً و حكاياتٍ للأطفالِ
و ناموا
ناموا
ثمَّ تَفَرّغْنَا؟
من أيِّ خُدودٍ في الأرضِ خَرَجْنَا؟..
لِنَكُونَ التشويهَ الأمثلَ للإنسانِ..وكُنَّا
يا أيّها الشجرُ الحبيبُ ...
فاجَأتْكَ الفوضويةُ بالتصحُّرِ حينَ أزَّمَنَا الرغيفْ
و أرْغَمَتْكَ الأولويةُ أنْ تكونَ غِذَاءَنا بالدَّيْنْ
و قايضوا مِنْ تَحْتِكَ الأرضَ الخَصُوبةَ بالرصْاصْ
ثم باعُونَا جميعاً للسرابْ
هكذا قد افْصَحَ التأريخُ عن سَفَهِ السِّياسيينَ و الفوضى
بأروقةِ الحُكُومَة

تاج السر جعفر
الخرطـــوم1991

Post: #93
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 07-02-2008, 10:34 PM

المشرف سلام

ياخى مشكور على الهدية الممتازة ، احتفيت بالشاعر تاج السر جعفر الخليفه و احتفيت ايضا باهداء فارس لاحدى قصايدو و قريت قدر ما الوقت سمح في بوست استقبالو، الاقلام و الاصوات دى مش ظلم انها تكون مدفونة كده؟ يعنى يعرفوها الا الناس القريبة و الجيل بس؟ الكلام ده ينطبق على عشرات ربما لو ما مجهودات فردية و عامة ـ نموذجى المفضل مامون التلب ـ ما كان اتيحت لينا فرصة معرفتهم.

مشكور تانى و يا ريت نواصل

Post: #94
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: esam gabralla
Date: 07-02-2008, 10:35 PM

فارس بتاع الكتابة، اصلو انحنا ناس البحر بنخاف منكم عشان حجباتكم و دواهيكم التانية ... اها اضيفا لسجل عنصريتنا ...

اها يا زول ، معليش للانقطاعة شغل ملكية نمشي و نجى على كيفنا... موضوع المناقشة والنصر والهزيمة ده حسمناهو تب، تعرف السؤال المباشر بيوفر كتير من الزمن و بيخارج من سوء فهم كتير جدا. اها نواصل الدرش.....

Quote: الحته دى انا دايرك تشتغل لينا فيها شويه يا وجيه . مع إنى داير اوافقك على الجغرافيا لكن حاسى بيك عامل لى كمين (ثلاثيك المرح تانى !!)

يا زول في الحوارات مع ناس الارضية(الواسعة وماهلة) و المحنة المشتركة مافي كماين ... و فوق كم؟

اجيك للكلام بي براح اكتر

Quote: ارقد عديل ما ترقد ملولو .

دعواتك زاتا عينة زيك

ونتلاقي

Post: #95
Title: Re: انا ما كوز /انقاذى لكن ... ضد/مع من ام ضد/مع ماذا ؟
Author: محمد حيدر المشرف
Date: 07-03-2008, 01:08 PM

عصام والجميع سلام ..

قد يبدو انحرافا فى مسار البوست ولكن بقليل من التدبر سيدخل تساؤلى الاتى عنوة من الباب الرئيسى
للبوست ..

انا ما كوز /انقاذى لكن ... ضد/مع من ام ضد/مع ماذا ؟

تعترينى مشاعر سلبيه جدا عند كتابه ما اراه صحيحا فى بعض امور الوطن ..
للكثيرين مواجد عظيمه تجاه السلطه .. تدخلك دوما فى مفاضلات السكوت على كل ما هو ضدها وان كان
تكريسا لمركز ثقل الازمه التى انبنى عليها موقفك تجاه السلطه ..

كيما اكون اكثر وضوحا
ما هو المحرك الاساسى للكتابه ..
موقفك تجاه اشخاص ام موقفك تجاه فكر حال الاشتباه فى قاسم مشترك اعظم بين المتناحرين باسم الوطن ؟..

هل نكتب وعينا ام ننطلق من شهوة التضاد ..
هل نفاضل بين تكتيكات الكلام والسكوت وننسي استراتيجيات الوعى التى تحكمنا فى اطار ان نبنى قواعد للبيت / الوطن
راسخه
هذا المنبر يكاد ان يصيبنى بالانفصام ..

تحياتى