يا شباب ... روقوا المنقة .... قصة الهكر محاولة شرح

واضح انو الذعر كبير جدا ... يا بكرى اعمل حركة طمن الناس انك منتصر في ميدان المعركة ... ودالصايم ده صامولتو بتفك قريب كان ما لحقتو.

شايف الخلعة منتشرة و الرعب ايضا

احاول شرح ما يدور قدر فهمى ليهو احتمال يساعد الناس تروق شوية خاصة انو النظريات و التشريعات منتشرة جدا ...

اول حاجة: التهكير شائع و منتشر في العالم، في ناس دى هوايتها، مارقين للقصة دى و متفرغين ليها ساااكت كده و بيتنافسوا مع بعض، ده نوع، في نوع مرتبط بالمافيا خاصة الروسية ديل هدفهم سرقة معلومات لاستخدامها اما لسرقةحسابات بنوك او ابتزاز افراد وشركات بالمعلومات الحساسة، في نوع تابع لدول او منظمات سياسية و ده اهدافه واضحة.

العاوز يقرا زيادة ممكن يشوف هنا ده هاكر "تايب" بيحكى عن القصة

http://www.darkreading.com/document.asp?doc_id=164364

اختراق المواقع زيو و زى الفايروسات او ثغرات انظمة التشغيل، ده صراع قديم و مستمر بين الهاكرز و المطورين، زى التحدى الابدي كده. كل مرة الهاكرز يكتشفوا حاجة جديدة و لانهم في الغالب متواصلين و عندهم مواقع لتبادل المعلومات تنتشر الحاجة الجديدة بسرعة البرق و يتم استخدامها ضد الاف المواقع او الاجهزة او غيره.

Esam
Salaam

The main purpose why sudaneseonline was hacked was because it was successful, it is very personal, someone did not like the fact that Bakri was successful, and those spreading the rummers that the Hacker is in control or those calling the members to go to other boards are serving the hacker and his purpose.
The only thing we can do to help Bakri at this point is to tell them
1- since Bakri owns the server, no one can take control of the website and keep it running, because in that case, Bakri could just shut it off
2- As you said people should stay calm and patient, Bakri has too much on his plate now, and I do not think it would be easy to guard a website and answer the phone and reply to emails at the same time, in the end Bakri is a one human being
3- people should maintain being on board, just to show that this is our place, and we are proud it is successful

قال العايز يقرا زيادة قال .. بالله ؟ ..
طيب لو " زيادة " الخاتي لينا قنبلتها دي زااااااتا طلعت هي الشنقالة ؟!!!! ..
و ظيييييييييطك زعطونا ليك ؟
عامل راسك الكبير ده ..

شوف يا إبني ..
أنا شاكي لي فترة كده في بعلتنا حليمة .. و حركات الفيروس الجديدة القايمة عليها و النبيشة و كشف الأسرار ..
و من يوم ما هكروا سودانيز إتأكدت ظنوني بما لا يدع مجالاً لأي حاجة .. تجاه هذه الهكرة التي في بيتي ..
و ربك رب الخير كشف اللعبة .. و نصرني بالنصر المبين ..
مش طلعت ما حليمة .. !!
لقيتا ليك مختار سواق الإسعاف .. جارنا .!!

شوف .. للضمان إنك ( حقيقتن ) عصام جبرالله أب سفة ..
أدينا علامة كده ..
ما تقوم تمرق إنت زاتك دُقار و نتحلج معاك كمان ..!!!

و إتفضل يا سيد بره .. لو سمحت .

عصام يا عمكـ

كان أخش الرابط أقرا ما عارف

الضمني شنو إنكـ عصام؟؟


هوي .. مافي زول يدخل أي رابط لحدي ما القصة تخلص!!

تصورى الخاص لما يحدث الآن:
- احد الهاكرز في مكان ما اكتشف طريقة لاختراق المواقع.
- استخدمها و قام بنشرها على الاخرين
- استخدمها اخرين في هكر مواقع اخرى

قرات في موقع يكتب فيه الجوكر مغالطة بينه و بين شخص اخر حول "حقوق الملكية الفكرية" للهاك الجديد وكل طرف يصر انه المكتشف الاول.


- الهاكر ليس بالضرورة شخص متمكن من معرفة الكمبيوتر، هناك كثير من الادوات tools و البرامج الجاهزة التى تسهل الاختراق اليوم، طبعا لا بد من حد ادنى من المعرفة( يعنى لا يمكن ان يتمكن خدر مثلا بتهكير موقع حتى لو وفرت له احدث البرامج ) لكنه لا بد ان يكون فاهم لكيفية عمل هذه الادوات و البرامج و ايضا لكيفية حماية نفسه و اخفاءها

اعنى ليس بالضرورة ان يكون هذا الموقع او المواقع الاخرى هى مستهدفة لذاتها بل لان الهاكرز وجدو فيها الثغرة التى يمكنهم ضربها و استغلوها. هذا لا يمنع ان تكون جهة او فرد لها مصلحة ما في ضرب المواقع دى قامت باستغلال الطريقة الجديدة لضرب هذه المواقع.

دى كلها تخمينات غير مفيدة و ما عندها قيمة في اثبات تهمة ضد جهة او شخص ما.

حتى الاستناد على الايميل المرفوع باسم مكيافيلي او غيره او حتى الرسائل المنشورة باسمه ليست دليل على ان الفاعل واحد.

محيريني وود الصايم..

طلعو دافنين صرتو تحت دعاية مليكة للسفر والسياحة..

يا عالم مافي زول يخش روابط!!

اديكم علامة شنو؟

ذكرتنى فلم شارلس برونسون from noon till three

تخاف يا صاحب بعد شنبك الكبير ده؟

تخافو من رابط؟ لو جاكم رباطى تعملو شنو؟

و شابكننا انحنا السودانيين واك واك واك واك

اولاد بلد نفعد نقوم على كيفنا واك واك واك واك

و في الشدة باس يتجلى واك واك واك واك


هاكم الجوكر ده

ما بتمشي علينا يا عمكـ

كلمة السر شنو سريع ولا أفتح فيكـ بلاغ!!

ياابنخرة باين عليك اختلفت مع بكري ابوصلعه وقمت هكرت لينا المحل وخليتنا من

ضل نت لي ضل نت ...والتلفونات تطاقش وماعارفيين منو العمل الانقلاب..

والله ياودالصايم تاني لا روابط ولا اتحادات نقعد في الليق ده لامن نشوف اخرتها شنو...


عل عندي شي في رأسي داير اقوله ..وراء كل كميبوتر هكر ...

الهاكر هندي ..

ودالصايم ..... ياخوى كان عاوز تجن جن براك ما تلحس معاك باقي الشباب

كلمة السر عند نوبي و تمبس

خلاس أمش

Quote: هاكر "تايب"

عمنا اقدورة - الله يرحمو- زمان لما يقوموه في الكونكان كان عمك رحمة الله بدورو ليك و يشيل حاله في النادي
اها قدورة بتحرقو ليك فبقوم يفلس و يقوليه " الهناية لما تتوب بتشتغل بتاعة"
اسي الهكر لما يتوب بشتغل شنو ؟ بعمل ليه بورد

سلام بدرالدين

كلامك صاح، بس النقطة الاولى شوية نختلف، بكرى شخصيا عنده خصوم كتار لاسباب كتيرة، الموقع برضو عندو خصوم كتار لاسباب برضو كتيرة. يعنى الاتنين مستهدفين اصلا. لكن الجزم بان الهاكر هو من طرف الحكومة مستحيل. اعتقد ان الجوكر ومن معه اكتشفوا ثغرة جديدة، ابحث في قوقل بالايميل بتاع الجوكر و هو [email protected] حتشوف كم من المواقع المختلفة التم اختراقها الايام الفاتت،

و ده توضيح من احد المواقع المخترقة للعملية التمت ، اى زول بيعرف كيف يعمل القصة دى ممكن ينفذها

Must login to :2082
To break the protection mod_security & safe_mode: off & Disable functions : all none



Vulnerable Code

$licensing_servers=$fantasticopath . "/includes/enc_licensing_servers.php";
if (is_file($licensing_servers))
{
include($licensing_servers);


in

Exploit >>

First Create directory Let the name /includes/ and upload Shell.php in /includes/ Then rename it to enc_licensing_servers.php


:::xploit::::




###################################################

Discoverd By : joker_1




###################################################

Special Greetings :- sniper-sa.com & Group XP & Alm3reFh.Com & Genral kbkb & step on the snow & red trigger & qalbhamad & saudi star

###################################################

# milw0rm.com [2008-09-14]Vulnerable Code

يا ودالصايم و معروف و البقية

الطريقة دى غير تخلق حالة رعب مضحك للغاية ما بتودى لى شئ. اكيد بكرى و غيره من ادمن المواقع التانية متابعين ما يدور و بيحاولو سد الثغرات الموجودة و ربما اكتر من ذلك. المفيد ليهم هو عدم زيادة جو الرعب ده، لانه اصلا مافي شئ مخيف ممكن يحصل .... ابدا.


رسالة لى ناس نيوسودان دوت اورق و خاصة خالد الطيب، شنو الفايدة من توفير منبر لمجرم ـ اذا افترضنا انو فعلا ده الهاكر ـ لمخاطبة الناس؟ الهاكنق جريمة تعاقب عليها قانون اى دولة محترمة، و دوافع الهاكر ده ليست لها صلة بقضايا نبيلة على الاطلاق ـ ان كانت هناك مبررات نبيلة لذلك ـ و لا افهم نبرة الشماتة على سودانيزاونلاين او غيرها من المواقع المخترقة و لا مصلحتك في ذلك، ستؤكل يوم اكل الثور الابيض، اذا لك خلافات مع سودانيزاونلاين او بكرى او موقع اخر فان من باب الاحترام ان تحلها بطريقة تليق على الاقل باسم موقعك السودان الجديد، واتمنى ان تتوقف عن توفير بلاتفورم لمجرم.

Quote: ###################################################

الجبتو ده يا عصام طرق تهكير ولا طرق شيتا تاني
البظهر كده ده
يا شباب من الضروري الاتصال ببكري خليهو يعمل اي حاجة
بيان ...انقلاب...يعمل ايها مصيبة لانو البحصل ده كارثة والموضوع لايليق تماما..

التحيات الذاكيات و الود

الموقع حالوا بالبلاء، وغالبا ما يكون الهكر وصل لى باسوير بكرى ابوبكر الخاصة بالدومين نيم سودانيز اونلاين و شالوا و ربطوا فى حته تانية غير سيرفر بكرى، لانو على ما يبدو الهكر اٍحتفظ بنسخة من البرنامج الشغال اللهو البرنامج بتاع الفورم الاسم 2bb كلامك عن الاختراقات و اٍستغلال الثغرات فى البرامج صحيح مية مية، و اٍختراق المنبر تم عن طريق واحد من اربعة طرق:

1-الحصول على باسوير بكرى ابوبكر بطريقة ما

2- الاختراق عن طريق ثغرات فى برنامج الفورم دا

3- عن طريق الويب سيرفر الشغال فى الجهاز

4-احد البرنامج الاخرى الشغالة فى سيرفر بكرى

عموما هو بكرى عامل الهوستتنق فى سيرفر حقو هو على ما اعتقد، و دا بوفر مزايا فى جوانب و كذلك بسبب فى مخاطر فى مجال التأمين لانو لو رفع موقعوا فى سيرفر شركة كبيرة بتتولى هى مسؤلية التامين، و بقل الرسك بتاع اٍختراق السيرفر، بتبقى المشكلة على الثغرات فى البرنامج ان وجدت.

Esam
Salaam

you are right
" لكن الجزم بان الهاكر هو من طرف الحكومة مستحيل. اعتقد ان الجوكر ومن معه اكتشفوا ثغرة جديدة، "
I never thought the government has anything to do with what happened. It is account settling on personal issues. I have a particular person in mind and I know many think the same.

روقو المنقة يا مهكورين

قالو كان في واحد هكر ...

اضحكوا شوية

Quote: رسالة لى ناس نيوسودان دوت اورق و خاصة خالد الطيب، شنو الفايدة من توفير منبر لمجرم ـ اذا افترضنا انو فعلا ده الهاكر ـ لمخاطبة الناس؟ الهاكنق جريمة تعاقب عليها قانون اى دولة محترمة، و دوافع الهاكر ده ليست لها صلة بقضايا نبيلة على الاطلاق ـ ان كانت هناك مبررات نبيلة لذلك ـ و لا افهم نبرة الشماتة على سودانيزاونلاين او غيرها من المواقع المخترقة و لا مصلحتك في ذلك، ستؤكل يوم اكل الثور الابيض، اذا لك خلافات مع سودانيزاونلاين او بكرى او موقع اخر فان من باب الاحترام ان تحلها بطريقة تليق على الاقل باسم موقعك السودان الجديد، واتمنى ان تتوقف عن توفير بلاتفورم لمجرم.

اهو في فايدة من صحبتكـ
جنس الكلام النجيض و الدقيق ده
كفيتني التعليق علي الموضع





__
يا اضرب يا قول اضربوا يا وهم

الاخ عصام


الاخوة البورداب

اسعد الله اوقاتكم بكل خير ،،

هنالك بعض النصائح التى اود ان اشير اليها لضمان مزيد من الخصوصية والامان لجهازك او موقعك والتي

تقلص فرصة وصول مخترقي المواقع ( الهكر) الى موقعك اوجهازك :



1-غالبا ما يلجأ المستخدم الى استخدام كلمه مرور سهله التذكر با النسبه له مثل اسمه او تاريخ او مناسبه وهذا خطا كبير

حيث يجب استخدام كلمات مرور غير عادي

2- لاتستخدم كلمه مرور عباره عن كلمه معينه فى احدى اللغات حيث أنه توجد برامج با غلب اللغات المنتشره تحتوى علا اغلب الكلمات الموجوده ف هذه الغات با مكانها كسر الكلمه والدخول ف دقائق

3- حاول ان تنوع فى الكلمه ما بين احرف كبيره وصغيره وأرقام ورموز والافضل التنويع ما بين الاحرف العربيه والللا تينيه

حيث ان هذا الاسلوب من اصعب الا ساليب المستخدمه وتفشل أغلب برامج الكسر فى هذا الامتحان

4- لا تستخدم كلمات مرور عدد الخانات فيها أقل من 6 خانات حيث يسهل كسرها واستخدام اكبر عدد ممكن من الخا نات بحسب ما يسمح به النظام.

5- قم بتغيير كلمه المرور كل مده لاتزيد عن ستة اشهر او خمسة

6- قم بتغيير كلمة المرور كلما شعرت بتغيير غريب او احسست بدخول احد الا خصوصيتك00



بربرنامج Random password Generatorيقوم هذا البرنامج بتوليد حوالى مليون كلمة سر متنوعة

برنامج password Tracker Deluxe يساعد هذا البرنامج فى اختيار كلمات مرور مناسبه ويقوم بحفظ كافة الكلمات التى تخص المستخدم.


وربنا يكفينا ويكفيكم شر الهكر00

وخالص التحايا ،،

جبرالله

ادينا كلمة السر عشان اعرف انك جبر الله

وبعدين نشوف الحاصل شنو

Quote: اهو في فايدة من صحبتكـ جنس الكلام النجيض و الدقيق ده كفيتني التعليق علي الموضع

عارق ياخدر الكلام بتاع عصام جبرالله ده الوحيد الدخل نافوخي ......... يعني كل الرطانة دي مافهمت منها حاجة .......... عشان كده انت وعماد عبدالله ده شوفو ليكم ادب اتكلموا فيهو يعني قصيدة معقولة ... لحن مابطال ......... وكمان رسمة حلوه بتكون معقولة
شكرا ياعصام