مراحب يا فيصل عثمان

مرحبتين حبابك و اليوم السعيد اللينا جابك

فيصل لمن لا يعرفه
اخو اخوان و ضكران (احيانا اكتر من اللازم)
فى انتفاضة ابريل من الناس الساهموا فى انحياز الشرطه للشارع
من اوائل من فصلوا من جهاز الشرطه، اعتقل وعذب فى بيوت الاشباح...تعرف فيها على قامات و مدارس مثل العم على الماحى السخى و سيداحمد الحسين
وفيصل زول وناس و حكاى...الدنيا لو تسخى اتمنى لى لمه فيها فيصل،ياسر سعيد،حميدان،كمال قسم الله،بهاء الهيبيز، مجتبى وغيرهم من البشر البشر

مرحب تانى يا ابو شذى

اظن ان فيصل فرح و حزين فى ذات الوقت هذه الايام
فرح لان بعض من اهل السودان ستعود لهم الطمانينه بربع سلام

و حزين للثلاثة ارباع الاخرى التى ستسمح للقتله ان يتجولوا فى طمانينه و لو لحين ..

فيصل الذى عرفته لا يحب الحال المايل
و قطعا يتذكر على الماحى السخى

عصوم ازيك ... هنيئا للمنبر ولنا الرجل الضكران ودالمرحوم عثمان الحسن
ونحن منتظرين مداخلاته وخاصة تجربته في بيوت الاشباح ... حلو الكلام في خشم
سيدو ... ارح يا ابو التاء
عماد شمت

الاحباب عصام وعماد/( فاجعتونى) بالترحيب الجميل دة الكلام السمح الكتبتوهو خلانى اعتقد انكم قاصدين ليكم زولا تانى. لكما محبتى وتقديرى

الاحباب عصام جبرالله / عماد شمت . كيف للمرء ان ينسى ذكرى رجل فى قامة العم على الماحى السخى ,ذالك الرجل الاسطورة الذى قسم اجمل ايام عمره, شبابه و شيخوخته بين سجون سيى الذكر جعفر نميرى وسجون نظام الجبهة الاسلامية الفاشى ,ليت العم على الماحى كان بيننا ليسمع ما يسمى بقسمة السلطة والثروة حتما كان سيفضل الموت على هكذا حياة .الخلود الابدى لذلك الرائع وذكراه العطرة ستظل دائما مصدرا لالهامنا ودفعنا لملاحقة اؤلئك القتلة والمجرمين وان كانوا يعتقدون ان ذالك السلام سيوفر لهم الامن والطمانينة ليستمتعوا بما سرقوهو من عائدات النفط فهم قطعا واهمون

فيصل
انحنا والله نفجع مليون زيك،انحنا غير نفجع و نفجغ عندنا شنو!!!!

يا رجل عمنا على الماحى احسن ليهو المات باثار التعذيب و ما حضر زمن السلام الجاى ده، ده زمن حيكون عجيب ... سلام التجار شموا ريحة البترول و جوا يتقاطروا برعاية سيد الطرمبه بوش ...
بابور الجاز خلى النحرق الشغل بالجاز

الزمن الجاى زمن التجار،الدهنسه،القوادين،البواسين، المطبطاتيه و المدلكاتيه و شهود الزور

اييييييييه

فيصل ..
مرحبتين و زيادة ..

دربك أخضر يا صديق .

اتمنى أن تاتينا الأيام القادمة بما يزيل حسرتنا .

معك .. بكل هشاشتنا واحزاننا وحبنا للدنيا .

...
طلال

شكرا عزيزى طلال على الترحيب . قطعا يا عزيزى ستاتينا الايام القادمة بما يزيل حسرتنا ويقيل عسرتنا ,هكذا علمنا طيب الذكر عمنا على الماحى (اليوم احسن من الامس والحال من حسن الى احسن)هذه عبارات كان يرددها الراحل المقيم, عندما يشعر بان البؤس والحزن يخيما على محيا قاطنى الزنزانة رقم 4 حيث كنا نقيم وابتسامته العزبة لا تفارق وجهه الصبوح. هذا العملاق والرائع مصطفى سيد احمد فقدناهما ونحن فى اشد الحوجة لهما ,لعل الله اراد ان يقول لنا ماذا انتم فاعلون بدونهما.

يا مية هلا ومرحب بفيصل

العزيزة الجندرية/الشكر الجزيل لترحيبك ومجاملتك الكريمة يا اصيلة.

الاخ العزيز
فيصل

وسيرة على الماحى السخى

وتقديم الفارس عصام جبر الله؟

لو كلمة مرحب بتكفى عطروا بيها كل رموز الشهاده

أخر كلمات سمعتها من على الماحى... رغم الألم

الجاى أجمل









مرحب
مرحب

العزيز فجراوى / شكرى وتقديرى على المجاملة والترحيب . قطعا القادم افضل طالما ذكرى ووصية الراحل المقيم فى عقولنا وافئدتنا.لك معزتى

KHABAR SHA7MAN
welcome Faisal Osman on the cyber podium
well done Isam, I'll try to come back in arabic

الاخ الكريم منعمشوف /شاكر ومقدر للترحيب والمجاملة .لك احترامى وتقديرى.

العزيز منعمشوف / شاكر ومقدر الترحيب والمجاملة لك معزتى يااصيل.

عصام جبر الله :

شكرآ على الترحيب بالعزيز فيصل ، وفيصل ورث الذي ذكرته عنه من أسرة مناضلة بحق ، الضكرنة والجدعنه من والده الراحل عثمان الحسن الشايقي الوسيم والفصيح ،، وولج بوابة النضال في أثر شقيقه ، صديقي ، حسن عثمان الحسن الذي إنتمي إلى الجبهة الديمقراطية وهو مازال في المرحلة المتوسطة واليسار يومها موجوع ، ثم قاد إتحاد الطلاب في مدرسة المقرن الثانوية ثم في الخرطوم الجديدة ، وفي أسرته مناضلين كثر يقف على رأسهم جعفر حسن عباس وأخوانه وآل حفظ الله .
إرتبطت بهذه الأسرة الكريمة عبر إبنها البار حسن عثمان ، وحسن وأخوانه خلفوا ذكرى عطرة في حي المايقوما في الديوم الشرقية .
مرحبآ بالعزيز فيصل وأعرف أنه إضافة نحتاجها في المنبر الحر لإثراء الحوار المفيد

الرائع ابو ساندرا / شكرا على ترحيبك وعلى ما سطره يراعك المميز فى حقنا وهذا ديدنكم فى احقاق الحق. لك معزتى وتقديرى . اخوك فيصل عثمان الحسن

مرحب فيصل عثمان الذي ظلم ظلم الحسن والحسين مرة من أهل الانقاذ حين فصل وسجن وعذب لمواجهته الشهيرة للزبير محمد صالح حين كان وزيرا للداخلية ، والثانية من منظمات حقوق الانسان التي أنكرت سجله الوطني الناصع منذ إنتفاضة أبريل 85 ، وحجبت عنه توصيتها لقبول حقه في اللجؤ السياسي في الوقت الذي منحت فيه هذه التوصيات لكل من هب ودب وان كان مناصرا للانقاذ ومنتهكا لحقوق الانسان نفسها ، والظلم الثاني أفجع وأوجع. التحية لك فيصل. جمال علي التوم

الالمعى المميز جمال على التوم / شاكر ومقدر ترحيبك بى وشهادتك التى هى قلادة شرف لى , ويعلم الله انها تكفى , خصوصا وانها مقدمة من شخص فى قامتكم السامقة. لك الود والتقدير وللوالدة الحبيبة ام الحسن دوام الصحة والعافية. اخوك فيصل عثمان الحسن

ألف مرحب بالخال فيصل
و خال هذه ليست دعابة و إنما حقيقة، ففيصل عثمان الحسن هو أبن عم والدتي عطيات وداعة الله الحسن. فهنيئاً لنا بك يا خال في المنبر قلماً و تجربة .. و الف شكر يا عصام لتقديمك لفيصل للجميع و لترحيبك به... و علي فكرة يا خال عصام جبر الله ده دفعة في الجامعة و صديق حميم.
الصاوي

فيصل سلامات
ده ترحيب تاني عشان عصام ما يلومني
فعلا اتمني لمه مع اصدقاء الاصدقاء و اصدقائهم
بدل البرد الـ ... ده
انا لاقيت عمك الماحي هناك سنه 93
انت كنتموجود!!
لو موجود .. احكي لينا عنو
اهلين تاني

العزيز خضر / اشكر لك مرورك وترحيبك بى وطلة العزاز خير وبركة. وبرجع ليك للكتابة عن بعض الايام التى قضيتها فى رفقة العم على الماحى السخى.

الحبيب الصاوى / اسعدنى مرورك وترحيبك بى. تحياتى لك ولاسرتك الكريمة, وسوف اتصل بك تلفونيا. خالك فيصل عثمان الحسن

الحبيب ود الغالية الصاوى لك الود والتحايا القلبية,كيف حالك وحال وليداتك وامهم, وعدتك بالاتصال هاتفيا لاتحدث معك واسمع صوتك وايضا لتسمعنى ,وكنت متاكد جدا باننى استطيع الحصول على هاتفك من البروفايل وان لم افلح فلدى رقم هاتف يبدو انه قديم للعزيز حامد ,فعلا اتصلت على ذالك الرقم وعلمت انه مقلق .عموما نحن بخير وعافية ,وساعطيك رقم هاتفى وهو كالاتى:0041273234751 وفور حصولى على هاتفك ساتحدث اليك.

أنا زمان قلت

البيجيبو عصام

تمام

مرحب و مرحب و ألف مرحب بيك يا فيصل

إضافة وثقافة

وباب لنقاط سرية


أكسبت عصام هذا الوهج الذي يرتديه

الاخ فاضلابى / اشكرك على المرور وترحيبك بى وعلى اطراءك الجميل وكلماتك المضيافة ,واتمنى ان اكون عند حسن ظنك وظن بقية الاخوة الذين رحبو بى .لك ودى وتقديرى .اخوك فيصل عثمان الحسن

فيصل نضايقك فى الردود شويه، فى ناس كده ما بنلم فيهم الا فى اللفات الزى دى
الجندريه دى مثلا، وتتهم الناس انهم فاتحين ليها، زوله نجيضه و رايقه و مركزه، بس ما تتغش فى الصور قديمه النيقاتيف بتاعا مضروب!!!!!!!!!!!!!!!!

شايف الشيوعيين السابقين و الحاليين اتلقطوا، ما تجيبوا للزول كفوه، الراجل ما شيوعى، فيصل لانو قلبو حار اختار ان يكون يسار الحزب الشيوعى، لانو بعض حركات الشيوعيين الما مظبوطه ما بتنغع معاهو (معاى انا برضو ما بتنفع) و ده موضوع تانى مكانو ما هنا،لكن كويس انو فى ناس زى فيصل بيقولوا ليك الكلام الما بعجبك فى عينك عديل،ومن مواقع الحرص و الاتفاق على ان تصبح الاشياء افضل.

يافيصل جبت لينا جمال والصاوى، دى عاوزة ضبيحه عديل ...
بجيكم راجع

الأخ فيصل عثمان..... حبابك مليون وحللت سهلاً يا حبيب.
عصام جبر الله.... ألف شكر على تقديم فيصل للبورد... وبركة الشُفناك طيب.
لكما ودي،

ع ع

العزيز عادل على /شكرا على المرور والترحيب وايضا على الكلمات الرائعة التى تنزل على الانسان بردا وسلاما. لك حبى وتقديرى. اخوك فيصل عثمان

والله ياعمو فيفي لقيتها ما قلنا ليك الحوش ده بتلاقي فيهو الاحبه..
طبعا بعض الاخوة كلمة فيفي حتخليهم يفكروا شويه ؟؟؟.. ولدي الكبير لمن كان
يادوب بتكلم نطق اسم فيصل فيفي.. اه كمان الصغير بقول ليهو عمو تيتي
بعد كده يفترض انك تقوم تحاول تكتب مزكراتك عن بيوت الاشباح وعن الرجال
الذين قاوموا هذا النظام وهو في قمة بطشه . مثال عمنا علي الماحي السخي والسيد
سيداحمد الحسين .
انا عارف ظروفك صعبه شويه لكن عندك بعض الوقت ممكن اساعدك شويه
لك ولاحبابك الف تحيه

الحبيب عماد شمت/ كما وعدت الاخ خضر ايضا اوعدك بانى ساقوم بكتابة تجربتى فى بيوت الاشباح.وانت عارف الكتابة عن قمتين فى قامة الراحل على الماحى السخى والجسور الاستاذ سيد احمد الحسين تحتاج لجهد ووقت وقدرات لاتتوفر لمثلى لكنى ساحاول وارجو ان تصبرا على قليلا.اما تسمية احبابى الصغار جمال وكمال (عمو فيفى وعمو تيتى) والله احبها جدا, يا اخى انا قبلت اسم ابو الحسن الشاذلى(قال الشاذلى قال ود الكضابة) , ما اقبل اسم فيفى وتيتى.

العزيز ابدا عصام / يا اخى مالك عاوز تجرنى للمشاغبة ,طبعا اخوك قاعد قدام الكومبيوتر من الصباح يرد على الاحباب المرحبين,نجاة جات قعدت جنبى ,وبمجرد ما دخلت على البوست ظهرت صورة العزيزة الجندرية نجاة بقت تجقلب دى بتعرفا من وين , قلت ليها الزولة دى والله معرسة ومتموم حلوها وجاية بس اجازة لعرس اخوهاوالمجاملة ولو ما مصدقانى ارجعى للبروفايل ,اسع نجاة راجية الواطة تصبح عشان تشتكينى لبكرى عشان يرفدنى ,قلت ليها انا مصيبتى شنو فى الدنيا دى من ناس الجبهة لبكرى لي تعيس لندن , اسع والله كلامك ده انقذنى واثلج صدرى بس حاقول ليها الخبير عصام قالى الصورة قديمة اسمعى يا جندرية انت عصام دة صابرة عليهو كدة مالك.

فيصل يا برلوم ، مالك بتكتب إسمك في نهاية كل مداخلة لك ، إسمك موجود فوق يا أمي ،، ويا عصام جبر الله ياتو كفوه بيجيبوها السابقين والحاليين ويسارنا ،الزول ده دردقتو إنت وجبتو هنا. وأزمتنا هناك بنفكها فيك والبادي أظلم

العزيز ابو ساندرا / وضح ,لكل جديد دقسة ,وهذه دقستى يابوى.مع الشكر على التنبيه. اخوك.......................والله قربت اكتب اسمى لو ما ربك ستر.

عصام
وتتهم الناس انهم فاتحين ليها،

اتهم يا عصام ؟!!!
دي ما ثبتت باربعة شهود عدول
انت قايلة وقفة عرفة السنة دي ؟

بعدين ما اشد منك
الصورة الجديدة انطلت على ناس كتاااااااار الا انت شدتك ما لاقتني عاد

فيصل

النبي كان ما لميتني في نجاة اختي
لسه ما عرفت الصنعة ؟!! الظاهرة عليها بت حلال وعلى نياتها
بالله لمنا فيها بايتها طريقة

اخلص الخبيز وراجعة ليكم
وعيد سعيد على الجميع

الجندرية/ مساك سعيد وحلو زى خبيزك القاعدة تعملى فيهو دة , حبيبتى كيف حالك وحال وليداتك وابوهم,والله يابت امى انا وكتين شفت صورتك كرعينى بردن صلاة النبى وعينى باردة نحن يا خيتى عرسونا بالساهل ,وفيصل الحلاهو منى الرجعة للبروفايل وشهادة عصام جبرالله ,الرجال يا خيتى الواحد عندو كيمان شفع ويتلفت زى الحرامى الساكنو.عيد سعيد عليكى وعلى وليداتك وابوهم وكل اهلك وحبانك وربنا يحقق ليكم كل امانيكم, وانا والله سعيدة بيمعرفتك وربنا يديم المودة بيننا اختك نجاة محمد احمد عبدالرازق.