تمبس

>>>>>>><<<<<<<<

تمبس
اساسي
تروتسكي
حميدة
لؤي شمت
راكوبة

احلى ناس ... وياريت يرجعون .


والتحية لك اخي عصام جبر الله ..

ود المايقوما
سلام

تعرف فى ناس كتيرة تمام التمام اتخارجت للسبب ده او داك
فى ناس عندها ظروفا, ناس قرفت, ناس و ناس
كدى نركز على تمبس فى الاول...
والباقى ربك كريم

يا عصام ..

أفتقد تمبس ..
كثيرا أفتقده .

و أجد له ( أعذارا ) كثيرات في خلوته هذه ..
فعلها المجنون و .. ( روق المنقه ) ..
قال لي مرة :

Quote: تعرف ياعمدة اصعب حاجة لما تكون بتضرب التفاصيل جواك وتنقطع من العالم الحوالينك ، هي مرحلة من الجنون بس تركيزة شوية منخفض ..

- عذرا تمبس .. لأيرادي هذا الهمس علنا .. لكنني استحيت أن أبخل على الآخرين ب ( شغلك ) الجميل هذا -
ثم ( غافلني ) .. المطرطش الذي أحب صائحا :

Quote: على العموم انا لما يكون ف يواحد كاتب عني كلام يا مكسر لي تلج زي بوست تماضر دا .. ما بعرف اعمل حاجة لانو بحس بي نفسي ماشي في الشارع وشكلي ( مكلوج ).

وهأنا أكسر لك التلج ..
وهأنا أجهر بافتقادي لك ..
و .. ( أكلوجك ) و معي عصام و آخرين ..
فتعال .. أن شا الله ( أب كرنك ) ذاتوو

يا صاحبي الجميل .

مضي صديقي الي مثواه الأخير ..
زكر لي فيما أوصاني به ..
بأن اسقى الشجر .. وأرش الحوش ..
وان لا اشتري ( صعوط ) من أومحمد لانه كضاب ..
و أن حاجة عشة .. بعد الكاجول اصبحت غتيتة ودمها بقري ..
ربما حاج أحمد فكا ليها الحبل .. بس بشتنة الكبر كعبة ..
وترك لي عدة الشغل ..
مفراكة للصواتة .. وبعض الكمش .. وجردل طلس ..

مضي ..
لانه قال ..
والله فترت من ( هش الضبان ) ..
وحتتكم دي تقول ( سلخانة ) ..
وبعدين لمتين حنقعد نقاتل من ورا حجاب كدا ..!!!

مضي في سكون ..
بعد أن جابت حبوبة الاثرية .. كثافته ..

سلام يا عماد
بوح خفيف : شكرا على لغتك الباهرة ... صدقت تماضر و هى الاخرى تبوح ....
شوف الدنيا, عماد يكتب عن تمبس؟
و يكون ما رضيان كمان

ما علينا
تعرف هذا العلاء لم اره حتى اللحظة, اشتبكت خطوطنا هنا و تبادلنا الشفرات, يعجبنى كثيرا "حرفاو حريفات" الدنيا فى كل تنويعاتها ... الحرفنة ما بتتلقى واقعة فى الشارع , فى ناس بتولدوا بيها و فى ناس بتعلموها, اخاف تبقي زى ما ماركيز فى الحب فى زمن الكوليرا على لسان الطبيب قسم العالم ل "those who can #### and those who can not"
اها انا شايف مقسمة بالحرفنة دى, حرفنة ونسة و غناء, حرفنة كلام و سمع , حرفنة نقاش, حرفنة حب و عشق, حرفنة سياسة و تفكير , حرفنة سكر و سطلى , حرفنة صعلقة و تمرد , حرفنة دين و دنيا
الحرفنة ليست هى الفهلوة بل مزيج من المعرفة , التجويد , الانجذاب للشئ , الاندماج فيهو محبتو والعيش بيهو وليهو ..
و حاجات تانية ...
الحريف حريف حتى فى اخطاءه و سقطاته ... مغامراته و انفلاتاته ....
صاحبنا فردة حافظ قال:
بشفتنة الروح
بحرفنة ال....

نسيت
دى هلوسة خفيفة ...

اها تمبس ده حريف .... بس شوتو الاخيرة دى شوية مصرجة ....

يا حريف زول يزعل من حاجة فى البورد ده؟ ياخى الدنيا الحقيقية مليانة حاجات تستحق يزعلو فيها و منها, انظر حولك

يا تمبس
اديها واحد حمام كارب, اعمل حاجة بتبسطك , اسمع اليشيا كيز و لا صديق احمد , فنجان جبنة كارب , جكة سريعة كدة , انعل ابو خاش الناس الشاميهم (including Bakri)

و تعال راجع
او
معرض انت للمقاطعة الشاملة من كل من يحبك
يا

وهم

تمبس
اول كلام: عيب عليك بعد عمرنا و شيبنا و صلعتنا دى تجبرنا نكتب نوع البوستات الوهم دى ... يا وهم.

Quote: تمبس اول كلام: عيب عليك بعد عمرنا و شيبنا و صلعتنا دى تجبرنا نكتب نوع البوستات الوهم دى ... يا وهم.

أحييك يا عصام وأحيي تمبسَ، وكل حرفاء بلادي، عبرك.

خِلِّ خَلِّ* البوست دا يتهادى ما شاء الله له أن يتهادى ليعدِّد مزايا الحرفنة وأهلها حتى نقول ليته سكت. إيه رأيك في تغيير عنوان البوست إلى: حرفاء من بلدنا ما برَّة البلد؟!

ويا تمبس اتحرفن، ودلِّل على حرفنتك القال عليها عصام، وانكت لينا "خِلِّ العيش حرام ما دام أرى الموت يحل" ونزِّلها لينا هنا وخلِّيني أهديها لعصام وبالمرة، على ذكر عصام، نزِّل لينا كمان "بِنْحِب من بلدنا ما برَّة البلد" وما تخاف عصام يحمِّر ليك وألا يسقِّط حجر البوست وألا يوقِّف كِسّير التلج (يوقِّفوا وين يا زول في سويسرا دي إذا كان فتحة الباب، أو الموضوع، أو قفلتو بتْكَسِّر طن تلج تلقائياً) دا من ناحية ومن ناحية أخرى، عصام ذاتو بحب من بلدنا ما برَّة البلد عشان الحر في أوروبا قلبوهو سقط وفي سويسرا المفاتن...شيء ما ليهو حد.

* يا محسن خالد، ويا محسنين، الزول في البورد دا ما بِعَدَم ليهو حاجة يتعلَّمها. صحيح كدا "خِلِّ خَلِّ" وألا فرشة عمَّك ميكروسوفت أوفيس الشلتها غمَّستها في عبارة ربِّ اشرح لي صدري وضربت بيها "خِلِّ خَلِّ" دي طلعت مضروبة. وما دام إنَّنا في ضيافة "ربِّ اشرح لي صدري" ما دايرين نتمَّ ليك العبارة "ربِّ....." لأنو من ناحية تظل "التمومة" من نافلة القول ومن ناحية أخرى لأننا شايفنَّك شايف شغلك وإن كان اليتيم، إذا هدَّدت المفاسد بأن تطغى على المصالح، بوصوهو تَبْ على البكا.

تحيَّاتي لكم جميعاً.

يا تمبس

اسع الامانة الحاستلمها بكرة دي

افشها في منو؟
غايتو
تدو الزول اسلحة الدمار
وتجرو تدسو
ياخي نحنا عايزين نعمل
من دقنو فتلو
ولا جزاء سمنار
ولا علمني الرماية..
دا كلو حنعملو وين
وانت مختفي
عالم جبانات تكره النت والكيوردات..

عصام جبر الله وبقية مفتقدي الود الفنان دا..
سلامات
لما يغيبوا عشرة زيي كدا ممكن الناس ما تحس بغيابهم
لكن لما يغيب واحد من الجماليين الدنيا بتبقى خلا
سمبتيكو
زولا123
لؤي
وأخيراً تمبس
طيب.. البورد كدا فرقو من بص النسيج شنو!؟
عارف يا تمبس الليلة سمعت غنية جالوا جيت طوالي كست البوست بتاعك في الأرشيف
لكن طلع الكليب ما شغال..
بالله وإنت راجع تغشى معاك المخزن بتاع الجماليات حقك وتجيبو معاك وتنزلو في بوست جديد..

بمناسبة المخزن دي.. وين العجلة يا تمبس؟.

Quote: عيب عليك بعد عمرنا و شيبنا و صلعتنا دى تجبرنا نكتب نوع البوستات الوهم دى ... يا وهم.

انا قلت حاجة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عصام ياوهم ..
بلاي دا حسع بوست بيجيب ليك زول داقي جرس وروحو محرقاهو.. وشايفك ( طشاش .. طشاش ) ؟؟
أنت مكنتك ( خفت ) والا شنو ؟؟
..
ياخ اكتب لينا بي ضمير ( إن شاء الله ضمير ( الغائبات - للغائبوون، والا الغائبااااات ماعارف ) )( أختار ليك ضمير واحد من الاتنين ديل )
يا ما عندك ضمير .. بي ( قرش ) واحد
قم إلى الصلاة يرحمك الله ..
..
ود المايقومــا.. ( القومــا) ليك ويسال منك الخير ..
..
عمدة صاحبي ..
اهمس يا صديقي .. فأنا دائما أجدك ولا اقبل الزهول ..يكفيني فقط وعيناك مغمضة..
انا بالجوار .. فقط تحررت من ربطة العنق قليلا . وارتديت ( السربادوق )
واتجول الآن في زهو... في طرقات لا يلوث بياض جدرانهاإلا سواد ذكريات قديمة
ما كلمتك بيها مش كدا ؟؟
كنت بسمع قبيل في أم كلثوم قالت :
وديار كانت قديما ديار .. سترانا كما نراها غفار
سوف تلهو بنا الحياة .. وتسخر فتعالى . أحبك الآن اكتر ..
قلت ليها:
( صاح خالص خالص ) ..

( كرنك ومسكو عكاز )
بترضى ؟؟
..
حميدة ..
الواحد بقى معود على ( النط ) .. وما عندو ذمة ..
ومثواه الأخير دي .. إلا الواحد يساعده بي ADSL ميتين ستة وخمسين كيلو بايت
عيش ايامك عش لياليك.. وبكره الفوله بتتملي
دا كان فضل فيها ( فولة )

بتلبس مقاس كم ؟؟
..

Quote: اول كلام: عيب عليك بعد عمرنا و شيبنا و صلعتنا دى تجبرنا نكتب نوع البوستات الوهم دى ... يا وهم.

أنت يا عصام عملت البوست دا حقك والا شنو ؟؟
هل ( تقدر ) أن تنزل لي اغنية ؟؟
..
عادل البدوي ..
معليش أول مرة نتلاقى في الحلة دي .. وزي ما شايف ، عصام جبر الله بعدما ( شاب ) بقى يكسر تلج للوهم الزينا ديل .. ماهي كمان ما بتدي حريف ...
ومعليش كنت ناوي اخدمك في خلي العيش حرام واتحرفن ليك لمن تستغرب .. لكن اليومين دي العين بصيرة والايد قصيرة .. وأخوك في بلدا ( طيرا ) ببيض تلاتة مرات في اليوم ..
وصيتك في الامانات .. بس اديها ( صنة ) شويتين ..
وشكرا ليك يا بدوي يا لطيف .. انك تكون مع اصحابي الحلوين ديل ..
..
د. بيان ..
إن شاء الله بي .. ( إنترات ) العافية ( وشفتات ) السرور ..
( طقطقي ) من طرف وادينا ( العضم ) بس كتري البنج
حمد الله على سلامة الوصول ..
..
محمد السر .. ( حاف كدا ) ( وتكون كمان ريحتني زاتو )
بتاعات الجالوة دي إلا مساعدة من صديق .. اليومين دي انا مفلس ( نتيا )
والخواجات بقو ما بتدقسو بالساهل .. الملفات دي إلا ارفعه في ( راس البيت ) يا محمد

( العجلة ) من الشيطان يا محمد السر

ولوووووول .. تيسير عووضة ريحتني في بوست الكلمات المتقاطعة ..
( قطعته) ليك في راسك ..
أنت وتيسير ( أخفف ) دم .. وزن الريشة بس .
..

Quote: انا قلت حاجة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا أي حاجة ياعمر

Quote: محمد السر .. (حاف كدا ) ( وتكون كمان ريحتني زاتو )

ياخي إنت الريحتني عشان انداح معاك من غير ألقاب
ياخوانا إنتو قايلين القبة تحتا فكي!!
(أُغْسُوم) بِلاااااي أنا ما قريت جامعة!!
أقول ليك حاجة (أظرط) من كدا!!.. أنا من سنة تانية رفدوني من الخرطوم القديمة (عشان بليد) ومشيت المدارس المصرية ،وما أدراك ما الجكس..
الله يفضحك إنت وخالك ود قاسم كان خليتونا نشكِّل في آخر البورد بعد ما الواحد كان عامل نقيب ومتفسح بي كم مصطلح كدا.

Quote: (العجلة ) من الشيطان يا محمد السر

أياها المحرية في ناس السعودية..
أصلهم ما بِخزِلوني

Quote: ولوووووول .. تيسير عووضة ريحتني في بوست الكلمات المتقاطعة .. (قطعته) ليك في راسك ..

ما بِت عثمان عووضة لازم تكون مفتِّحة.

يُصرف مرتب شهر كعلاوة للنقيب عصام جبر الله والتيم المصاحب لسرعتهم في القبض على المجرم الهارب.

ارجع تعال عود لي

رجع حنانك لي

تعال يا تمبس

مشتاقون عديل كده

لافي ماسينجر ولا في بورد

جنس حرب غايتو

تحياتي ليك يا غالي