عجبى!!! للإنقاذ اتحاد لنقابة عمال السودان يقوده بروفيسور!!!!!!!

جاء فى صحيفة الصحافة بتاريخ اليوم ما يلى:

11/1/2005 11:25 ص

الخرطوم: الصحافة
أكد بروفيسور إبراهيم غندور، رئيس الاتحاد العام لنقابات عمال السودان، عدم وجود اية خلافات بين الاتحاد والحركة الشعبية فيما يتعلق بالموضوعات المطروحة في الساحة، مشيراً الى اللقاء الذي جمع قادة الحركة النقابية بالفريق سلفاكير ميارديت النائب الأول لرئيس الجمهورية الذي أكد فيه دعمه ورعايته للحركة النقابية واشادته بدورها في التنمية والسلام. وقال غندور في تصريحات صحفية ان التعاون بين الاتحاد والحركة الشعبية بدأ من خلال لقاءات الاتحاد بعدد من قادة ووزراء الحركة في حكومة الوحدة الوطنية، والذين اكدوا على ما ذهب إليه النائب الأول لرئيس الجمهورية.
وحول ما أثير حول قانون النقابات، اوضح غندور ان خلاف الاتحاد مع وزير الدولة بوزارة العمل قائم حول توجيهات الوزير التي لا علاقة لها بالحركة الشعبية، إنما جاءت لخدمة اجندة لمجموعة لا تريد للوطن ان يتقدم، ولا تريد للسلام ان يبلغ غاياته. وقال غندور ان الوزير أطلق تصريحاته الفضفاضة حول العلاقة بين قانون النقابات والتحول الديمقراطي وارتباط القانون باتفاقية السلام والدستور الانتقالي، التي لا نرى تبايناً بين القانون والمرجعيات التي ذكرها.
تعليق:
كيف يقود هذا البروفيسور نقابة عمال السودان؟؟ وفى اى مصنع يعمل؟ وما هى رتبته العمالية؟؟؟ يحتج هذا البروفيسور العامل ويتحدى وزير الدولة للعمل ويقول له ان الاتحاد الذى يرأسه اتحاد ديمقراطى !!!! تخيلوا!!! تماما كماتدعى الجبهة الاسلامية القومية انها تحولت (لقدرة قادر) الى حزب يؤمن بالديمقراطية بعد 16 عاما؟؟ وكمان فضل الدين عن الدولة كما فعل فى اتفاق نيروبى!!! على هامان يا فرعون... سنصدفكم عندما يغير النمر لون جلده...العبوا غيرها .. الحركة الشعبية لا يمكن ان تكون شريكة عبيطة بدون جماهير وشعبية وشعبيتها هى المعارضين من العمال والزراع والمفصولين والمهمشين.. اذا اردتم قسمة السلطة فهى هكذا .. لكم دينكم ولى دين.. لكم مؤيديكم وللحركة الشعبية مؤيديهاولا يمكن للحركة ان تكون وحدها معكم وانتم بكل قضكم وقضيضكم.. الله يقضكم..

نورالدين منان

سلام يا منان من قصيدتك ديك وتاني ما شفنا حاجة الي اليوم

ـــــــــ

بالنسبة لنقابة عمال السودان داير يقودها سائق ركشة ولا شنو يعني

منان

كل سنه وانت طيب

وربنا يحقق الاماني وان شاء الله ينصر اهلنا

المغبوني في السودان.

شكرا لك للبوست وكما هو حال الجبهه كل وظيفه يوضع فيها الشخص الغلط.

اساسي

كتبت:

Quote: بالنسبة لنقابة عمال السودان داير يقودها سائق ركشة ولا شنو يعني

ومالو سواق الركشه

ما بعف يحدد احتياجاته , وله دي كمان عايزين تغالطوه فيها.

باقي لك سواق الركشه ده ماعارف انه محتاج لنقابه تحميه.

وتحقق ليه ضمان اجتماعي ,وتقاعد محترم في حالة الاصابه في ساعات العمل.

سواق الركشه مواطن وما محتاج لاهو ولا اي عامل لبروفيسر ينظر حول احتياجاته.

لكن نرجع يا منان يا اخوي

ونقول

الصادر احلام شعب كامل وحقوقه

باقي لك بيغلبه يصادر حق العمال في تمثيل انفسهم؟؟؟؟؟؟؟؟؟؟

تراجي.

Quote: ومالو سواق الركشه ما بعف يحدد احتياجاته , وله دي كمان عايزين تغالطوه فيها. باقي لك سواق الركشه ده ماعارف انه محتاج لنقابه تحميه. وتحقق ليه ضمان اجتماعي ,وتقاعد محترم في حالة الاصابه في ساعات العمل. سواق الركشه مواطن وما محتاج لاهو ولا اي عامل لبروفيسر ينظر حول احتياجاته.

طيب رايك شنو انا سايق ركشة في السودان تلاتة سنوات لحدي سنة 2000 م وما عارف اي حاجة من احتياجاتي غير حق الايراد البسلمو للجلابي ( الجلابي المقصود هو صاحب الركشة ومن الممكن ان يكون مهمشا... ) ولحدي ما تركت الركشة وجئت الي السعودية ما عارف احتياجاتي ولا كنت عارف انه محتاج لي نقابة تحميني علي راسها سواق ركشة
بعدين قصة ضمان اجتماعي وتقاعد الكلام دا البروفسرات الفي الجامعات ما عندهم في السودان