Post: #1
Title: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: Mannan
Date: 10-26-2006, 10:47 PM
Parent: #0
يا برونكى.. مهداة الى يان برونك .. المبعوث الاممى الذى طرده سودان البشير
يا لحزنى من برونكى طردوه بخطاب هنكى بنكى Hunky punky وقبيح مثل مونكى Monkey من لدارفور الحزينة وهى تبكى ولاطفال سفاح الجنجويد وعراة لبسهم خرقة دمور هلنكى امهم ضاجعها الجند ومات الاب مشويا ومقتولا بسونكى هنكى بنكى ليتنى يا يان برونكى اذرع الارض ذهابا وإيابا بين خرطوم ورنك كقطار سائر فوق الفلنكى لا ابالى من معاناة وضنك او مشاوير فشنك مثل شيك طائر فى اى بنك لا يساوى ثمنا نصف فرنك عد الى يورك الجميلة واحكم القبضة فيهم واربط الارهاب بالسودان لينكLink وضع القفة فى راس البشير والترابى والرمادى والكرنكى يا برونكى يا شرونكى يا خرونكى
هذه دعوة لشعراء حلمنتيش ليدلو بدلوهم قبل نهاية مباراة السودان والامم المتحدة... وتسجيل الاهداف القاتلة..
نورالدين منان
|
Post: #2
Title: Re: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: lana mahdi
Date: 10-27-2006, 00:39 AM
Parent: #1
أصبح التدوين فخاً في مدونة حزينة ضيعت يان البرونكي كي تسر الشامتين غادر البلد البرونكي؟ "يللا" عقبال الكرنكي كل كاكي وبواكي "صنقر" السفاح في الأرض و"دنقر" كل مارد وتقهقر ألف شارد وإذا بالأرض تبكي يا برونكي وإذا ال(منان) يزرعها غدواً ورواحا منذ غادرت البسيطة لم يحر في القلب راحة
|
Post: #3
Title: Re: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: Yasir Elsharif
Date: 10-27-2006, 03:41 AM
Parent: #1
فوق..
سلامات يا منان..
يان برونك وضع صورة عاصفة ترابية سودانية في سماء الخرطوم وذلك في موقعه على الشبكة.. وهي خير تعليق على ما ينتظر حكومة البشير وبقية القتلة اللصوص..
المصدر:http://www.janpronk.nl/index179.html
|
Post: #4
Title: Re: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: Mannan
Date: 10-27-2006, 09:50 AM
Parent: #1
شكرا لنا على الرد الجميل.. انك تجيدين الشعر.. شكرا دكتور ياسر الشريف.. على الكتاحة (الجميلة) .. انها لوحة اجمل من لوحات دافينشى!!
وهذه ابيات للرد على كلمات الاستاذة لنا الجميلة...
يا (لنا) انى حزين من (طلاقات) البشير شعبنا يحكمه الف وزير ووزير وولاة ودعاة وبغاة وحمير صارت الخرطوم مرحاضا كبير فبها الناموس والضبان والطين وحز الرأس والامر الخطير وبها شذاذ أفاق من الياجوج والماجوج والشيء المثير إن ما دونه (يان) قليل من كثير ومضى (يان) الى غايته غير حسير يا (لنا) يا بنت مهدى قدير نحن فى مفترق الدرب وقد جد المسير نحو سودان جديد ليس فيه سيد يسمو على عبد حقير..
وتستمر المجادعة مع الشكر..
نورالدين منان
|
Post: #5
Title: Re: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: Mannan
Date: 10-28-2006, 03:38 PM
Parent: #1
ياخوانا يان برونك ده ما فى زول قال فيهو حاجة غيرى انا ولنا وحكومة البشير!!! الظاهر حيرجع سالما غانما للسودان وقصائدنا تطلع اى كلام!!! عموما اهو كلام والسلام.. و(يانى) راجيك يا برونكى.. اوع تطلع زول فشنكى..
نورالدين منان
|
Post: #6
Title: Re: يا برونكى.. مهداة الى يان برونك .. المبعوث الاممى الذى طرده سودان البشير (مباراة حلمنتيشية)
Author: wesamm
Date: 11-02-2006, 07:02 PM
Parent: #5
الجبهجي الملعون ياالفي البلد طاعون شعبنا خابر خبثك بي دقنك المدهون يااقذر خلق الله مابغسلك صابون ****************** الجبهجي الخرخار بيناتنا تارا حار سودانا مابخليك اكان دخلت الغار في الدنيا نارك نار ياملة الفجار يوم نهايتك شايفو يااجبن من الفار ركبتنا الدفار اكلتنا الحجار بتدور عليك الدائرة اصلو الزمن دوار ************ الجبهجي الدجال يالله طولة البال غشغشة واستهبال الذمة تقول غربال لو حظك جابك جنبو مابعرف عم لاخال ************ الجبهجي الملهوف بي سنك المخلوف وشكلك الحلوف الطلبة هناك راجينك شايلين كمان ملتوف وامكن كلاشنكوف.. ما اظنك بتنوم ليلة قلبك مليان بالخوف...
|
|