Post: #1
Title: هضربة
Author: Adil Osman
Date: 02-01-2003, 05:00 PM
Parent: #0
تحشى جلد الكلام بالمعنى
و تقطع سلطة حنينك
تخلى ليمون دموعك يسيل
يرطب شهيق السمك
تعوس الفجيعة قراصة
و الحزن لقيمات
تنقط من عيونك
يا زمان الويكة و اللزوجة
يا زمان السليقة
حدك
september 1998
|
Post: #2
Title: Re: هضربة
Author: Tumadir
Date: 02-01-2003, 07:26 PM
Parent: #1
جوعتنا
هدا دربى على الحلة والبصلة
امشى اعمل لى سليقة كاربة واشقى بيها الرغيف
ومن تحت كسرة
وحبة سلطة حمرا محشوشة دقااااااقة وفيها ليمونة وحبة شطة
اكبها بى فوق عشان تطفى البوخ حبة
والقم كدى وادى الحلقوم
|
Post: #3
Title: Re: هضربة
Author: shiry
Date: 02-01-2003, 11:29 PM
سلام مربع
حلة تمام التمامين
بس نسيت تخت البهارات عليها
يا صديقي اين الجزر
الا تعرف اني اعشق الجزر
هو هويتي التي ارفعها
في وجه الخيبات
والهزائم
وما اكثرها
ولا اذيع سرا ان قلت
العصرية وقعت لي واحدة
اكتشفت اني نسيت ماشربت شاي المغرب
الا تري معي كم هي محبطة
هذه الهترشة
|
|