نجلاء عثمان التوم للبيع على الانترنيت!

منزلة رمق نجلاء عثمان التوم معروض الان على الانترنيت فى هذا الموقع المفيد
http://cgi.ebay.co.uk/ws/eBayISAPI.dll?ViewItem&item=29...ROMOBOX:NEWLIST#LIST
الرجاء شراء الكتاب لدعم مجهود نجلاء وزملائها وزميلاتها الابداعى والكتابى.
كما اوضح لكم طلال عفيفى، كتاب نجلاء نشر بمجهود فردى، بمعنى لم تدعمه اى دولة او مؤسسة سودانية كانت او اجنبية.
مجموعة من الشباب والشابات اجتمعوا على التأليف والام الكتابة.
فنشروا كتاب نجلاء. وهناك كتب اخرى تنتظر النشر.
اشتروا كتاب نجلاء ، كى تدعموا هذا الجهد المبارك.
اذا لم تتمكن من شراء الكتاب من الموقع مباشرة، يمكنك الاتصال ببريد صاحبة الموقع الاستاذة نجاة مختار المنشور فى الموقع نفسه.
كما يمكنكم الاتصال على تلفونى المنشور فى ملفى هنا.
او على بريدى الالكترونى
[email protected]

الكتابة حلقة فى نشاط انسانى بديع. من حلقاته القراءة.
وفى السودانيين قراء اذكياء وذكيات.

نشجع..
كاتبة سودانية أولا...
إمرأة ثانيا..
و إنسانة موهوية فى المقام الأول

سأتواصل معك يا عادل

كل الود
غادة

مرحبا بجميل الافكار

شكرآ يا شهاب الفاتح على تعليقك اللطيف.

غادة
سلام وسعادة بعودتك للكتابة الاسفيرية..
وشكرآ على كلامك الظريف عن هذا المجهود وعن نجلاء عثمان التوم

Quote: نشجع.. كاتبة سودانية أولا... إمرأة ثانيا.. و إنسانة موهوبة فى المقام الأول

واتمنى ان نتواصل..

مرحبا
ـ مرحبا..!
ـ شريطُ شَعركِ جميلٌ ..كأغنية .
ـ شكراً .. ولكِنْ !
ـ نعمْ .. تماماً ..
أنا بائِعُ الوردْ .


بعض من كلمات..للشاعرة نجلاء عثمان...
إذن..
ح نحجز نسختنا من الآن!

يا زول ما تنتقي عنوان مهذب للبوست .. انت ما عندك تمييز و للا شنو!!

شكراً يا عادل على دعمك المستمر ،
وشكراً لك إهتمامك بامر تسويق كتاب
عزيزتنا نجلاء ، فهذا الأمر سيخدمنا
كلنا ..
ونجلاء تستحق أن تُقرأ وأن يوزع كتابها
في الأنحاء المختلفة ..

أكرر يا عادل شكري لك ، فما تقوم به
ليس بالقليل أبداً ..

شكرآ يا ممكونة على لطفك واهتمامك بالشعر والابداع. وتجميلك للبوست بحضورك وبعض شعر نجلاء عثمان ، شقيقتى..

شكراً يا عادل

وامنيات لنجلاء بالتوفيق في توزيع كتابها
شعر نجلاء جدير بأن يعرف

هذه النجلاء ..وهذا الطلال

هم انبياء جدد..لأمة تكاد ان تهلك من يتمها واحتراقها بنيران الوطن الكسول ..

اذا مسوا جسد الجيل بهذا الكتاب وحده، برىء من علته

قميص يرجع برائحة عرق الصبر، البصر الى اعماهم

يانجلاء

انا فخورة بك

وبشعرك الحافر بظلفه فى صخر الشجون ..

أحبك كثيرا..

وأعدك بأن اشترى كثيرا من هذا الكتاب لكل الاصدقاء الذين لا يعرفون ...سرك.

وشكرا للاهداء الجميل وسيرين قالت شكرا ..ايضا وترجتنى ان ابلغك شكرها..

وشكرا لشقيقك اللطيف.

الجندرية

التحية للزولة الكتابة نجلاء عثمان التوم ..
ودي خطوة رائعة في مجال الكتابة والتوثيق ..
أمنياتنا لها بالتوفيق ..

شكراً يا عادل وتحياتي ..

العزيز عادل

شكراً لابلاغنا هذا
شكراً لرقيك و اهتمامك
نجلاء رائعة و حروفها فاتنة
و نحن نفخر بانجازها أيمافخر

مودتي

والله عنوانك ده حيرنا، نجلاء عثمان التوم كلها للبيع!!!!!!!!!!

بس برضو بنقول إنه (نجلاء شاعرة عبقرية)
وتستحق أن نشتري كتابها
وهي شاعر من طابع فريد
وقد أعجبت بها إعجاباً منذ أن قرأت حوراً معها في صحيفة الخرطوم.

فهي شاعرة خارجة عن النمطية......... تبني ممكتها لوحدها دون اجترار تجارب أخرى

وهي شاعرة جريئة وعميقة

تاكيت الباب وإستنيتك..
صيفين..وشتا..ورشة مطرة
ما حِسك كان صاحي وبي خير
وألوانك واضحة ومختصرة
وكتين ما جيت …….
ضايرت الخوف..حزمت التوب
وصٌيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
ح افتش ليك.. برٌات الضل …جوٌات الدمْ
ما بين النار و صراخ جمرة
ح أجيك……ح أجيك
وبراى ..هل كنت براي قايل ؟
صورتك جواي .

يآخي أحبك
وأتآمر ضدك . . .
أناْ...و....الشوق!!!


____________________________

ناس السودان يلقوا (( منزلة الرمق )) دا وين يا عادل عثمان ؟؟!!!

Quote: ناس السودان يلقوا (( منزلة الرمق )) دا وين يا عادل عثمان ؟؟!!!

شكرآ يا ممكونة على سؤالك..
يا ناس السودان ، طلال عفيفى ونجلاء ومامون التلب وغيرهم جاوبوا على هذا السؤال.

أطيب التحايا يا ناس ..

كتاب نجلاء الشعري ، " منزلة الرمق " ، موجود في :

مكتبة الشريف بشارع الجمهورية
مكتبة عزة بشارع الجامعة
بطرفي ، طلال عفيفي [email protected]

العزيزة ممكنونة ، لو إحتجت الكتاب وتعسرت عليك
الحركة ، فأنا مستعد أجيبو لعندك ..


سلام

شكراً على المعلومات القيمة يا طلال...
ح أشوف الكتاب في المكتبات المذكورة..
لو فشلتَ..
ح أتصل بيك..
باحثة عن طعمية !!!!

لي عظيم الشرف بان اكون من المشترين للكتاب
لاعجابي بشاعرتنا الملهمة
ولك الشكر اخي عادل

Quote: تاكيت الباب وإستنيتك.. صيفين..وشتا..ورشة مطرة ما حِسك كان صاحي وبي خير وألوانك واضحة ومختصرة وكتين ما جيت ……. ضايرت الخوف..حزمت التوب وصٌيت الغيمة تلاوح البيت وما تسد الباب..جايين راجعين متيمنة بيك ..وشاردة معاك ح افتش ليك.. برٌات الضل …جوٌات الدمْ ما بين النار و صراخ جمرة ح أجيك……ح أجيك وبراى ..هل كنت براي قايل ؟ صورتك جواي . يآخي أحبك وأتآمر ضدك . . . أناْ...و....الشوق!!!

أتمنى لها التوفيق..
الزولة دي كتابتا بتدخل جوه الروح من غير إستئذان..
شكراً عادل.

{أضرسني } العنوان قليلا ... لكن أسعفتني سيدته ... من شدة جلالها ,

فلها مني كل محبة ... وشكرا كذلك أخ عادل على توفير هذه المعلومة

الهامة ... فإن أتمت نجلاء ولادتها لهذا السفر الشيق { منزلة الرمق }

وأودعته بين دفتين ... فلا بد وأنه سينمو ويترعرع فى أزقة قلوب الناس

وبين شوارعهم ... حتما سيملأ غرف وجدانهم الثقافي ويستنضر ذاكرتهم

الشعرية بفتح نجلاوي مبين .


كيف سيباع الكتاب فى الخارج ... ليت هناك حلا .


مع مودتي

تاكيت الباب وإستنيتك..
صيفين..وشتا..ورشة مطرة
ما حِسك كان صاحي وبي خير
وألوانك واضحة ومختصرة
وكتين ما جيت …….
ضايرت الخوف..حزمت التوب
وصٌيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
ح افتش ليك.. برٌات الضل …جوٌات الدمْ
ما بين النار و صراخ جمرة
ح أجيك……ح أجيك
وبراى ..هل كنت براي قايل ؟
صورتك جواي .

يآخي أحبك
وأتآمر ضدك . . .
أناْ...و....الشوق!!!

تحياتي مرة ثانية، وما عارف كلامي داك القطعو كده شنو
بس كلام نجلاء ده والله يشبه مصطفى سيد أحمد
شكلها نجلاء دي حا تقلب موازين الشعر زي ما قلبها عاطف خيري ورفاقه

شكرآ لكل المساهمين والمساهمات فى هذا الخيت العجيب. خيت نجلاء عثمان التوم وشعرها المنشور بين دفتى كتاب.
شكرآ لكم ...
اشتروا كتاب نجلاء. والكتب القادمة فى المستقبل المتفائل. والقريب..

up...