شايف لي صوت رجة هنا ..

وسامع لي ناس شايلين نعليهم في يديهم وقايمين صوف ..
ياخي جبانين وفضايحم تجر بالواطة عديل ولسانم واصل السماء اللحمر
الكلام دا ليهو تمانين سنة بالطريقة دي ..
قوموا قامت قيامتكم هسع دي ..
يتبع ..

الحق الأدبي محفوظ لأخي الأصغر راشد أبنعوف

يا قرضابي البتعمل فيهو دا تزوير وتغبيش حقايق واضح
السبعة ديل مقابلاهم أربعة للزعيم المريخي
يعني لما تجيب سبعة علب سفن أب جيب معاهن كمان اربعة للمريخ
البتعملوا فيهو دا إسمو :
ظلم الضعيف للقوي ..
الضعيف هو هلالكم المهلهل بشهادة التاريخ
والقوي هو الزعيم الجبار جالب الأفراح وصانع الليالي الملاح
نعم ..
ولم لا ..
اليس المريخ هو من جاب أكتر من خمس بطولات محمولة جوا وجعل الناس هناك يتعشون فرح ساي وينوموا للصباح وقد برزت حتي اضراسهم
الورانية كدليل عافية مشاعر وقلوب مرتاحة .. ؟؟

Quote: السبعة ديل مقابلاهم أربعة للزعيم المريخي

اخونا الهلالابي الورع القرضابي
خت ليهو اربعة فاضيات الزول دا تعبان

طلحه يا حبيب .

بركه بالشوفه.

نحن عاوزين طلتك ... المريخ طائر والوحدات الاردني طائر بي وراه في السماء السابع..

المهم انت كويس .. ودا المطلوب...

حمدلله علي السلامه يا طلحه

يا اسامة خليفة
انا اصلا كنت برات البلد قبل يومين من الكورة
وما عتبت البورد دا إلا هسع دي بس
عشان ما تقول عادوني الجماعة بالانسحابات والهرايب ( جمع هروب )

وا حلاتي دي ياخواني
براحة ما يطق ليك عرق

وهبة يا حكيم
نفهم من كدا انو ما فضل ليك ولا عرق سالم
واللا أنتو جلدكم تخين من بتزعلوا من الهزايم الهبطرش بتاعتكم دي .. ؟؟
يالقوة العين القوية ..

يا صاحب .. سلام يالذيذ يا رايق
طول بالك شويهما مستاهله يا قريبك!



بس 7 كتيره!! صاح

عبدالله كع
ازيك يا خويا
حاضرين
نطول بالنا
رغم انو تطويل الروح علي الشىء البعمل فيهو هلالكم المهلهل دي يعتبر ميتة قلب ساي عليك الطلاق ..

اما نحن فزعماء كورة نغلب نتغلب علي كيفنا ..
يتبع ..

وبعدين يا رجرجة ( من الرجة ) الزعيم مغلوب 7- أربعة وليس
سبعة او سفن أب او هينكين
الكلام الناس الفكوا البيرق
الإختشي ثبت للموت .
يتبع ...

Quote: شايف لي صوت رجة هنا ..

بقيت تشوف الرجة
ياحليلك دي السبعة ولا عندك ملاريا

Quote: وبعدين يا رجرجة ( من الرجة )

الزعيم مغلوب 7- أربعة

والله يا طلوح يا مسكين ذكرتني نكتة لذيذة

واحد قالوا لموا فيهو رباطة قلعوا قروشوا وبعد اك قلعوا من هدوموا...اها صاحبنا قعد في مكانو لحدي ما الشمس غابت
وجا داخل الحلة بالليل(زي دخلتك هسي دي )..وصل بيتو كدة ودق الباب جات مرتو ..هي يا راجل دا شنو دا؟
قامت شافت الطاقية قاعدة..قالت لي الطاقية ما شالوها لي شنو...مسك طاقيتو ولا فاها تمام وقال ليها دي كان شالوها
ما كان حصل دم ...انتو هسي الاربعة حقتكم دي زي طاقية الراجل دا

Quote: اما نحن فزعماء كورة نغلب نتغلب علي كيفنا ..

ثم مالكم فرحانين أوي كدا ..؟؟؟
نفهم من كدا أنو ليكم تمانين سنة زعلانين أوي ..
ايوة اكيد تعساء أوي لانكم دائما مغلوبين يا ولدي مغلوبين ..
وغير كدا :
التعساء المساكين المعدمين ياما إتغلبوا بالخمسات والستات السليقة ..
مثل هولاء يجب ان يكون عندهم شوية دم ويمارسوا الحزن المخلوط كآبة لمدة عشرات السنين ..
مالكم كيف تنططون ... ؟؟؟؟؟

يتبع ...

طلحة

حمد الله على السلامة

خليهم يفرحوا شوية

على الاقل برضنا بنبكيهم وبنفرحهم

كل سنة وانت طيب

Quote: ياما إتغلبوا بالخمسات والستات

بس دي سبعات

Quote: بالخمسات والستات

والسبعات ما ذكرتها مشفتها ولا شنو
ولا انت بتشوف الرجة بس احي انا

يا طلحة لا نقول الا
هاردلك

وارجو ان تكون اقتنعت بعدم صلاحية (مازدا)




يا وهبة والقرضابي وعموم أسياد البلد
برااااااحه عليهو ...


لكن الـ (7) كتيرة يا طلوووووح !!!

هلا يا صديقى طلحة وهاردلك ياخ.













شول اشوانق دينق
____________________
النتيجة بصراحة كتيرة على المريخ والله.

هاااااااا هااااااا هااااااا هاااااااا هاااااااا هااااااااا هااااااااااااااي

وحدوووووووووووووه

ود حلال ينزل لينا فيديو رمي الجمرات ...

Quote: وحدوووووووووووووه

7
7
7
7
7
7

صديقي طلحة
ياخ البركة بالشوفة!!!
الجماعة ديل أمس قربو (يعوكوكم)، الله ستر والحكم طرد قائدهم،،



والله ياطلحة ماعندنا مدربين: من قبل المباراة أنا قلت ليكم ديرو بالكم
من شلباية ، سجل2 وصلح 3 ، يعني لو كنت أمس ماسك المريخ كان
شلباية دا قطعت زعانفو،،


شلباية؟؟؟؟


الجابك كمان يجيب أبو دية ، هارون دياب (الحقيقة ورا وشو وأختفى)
وطارق جبريل،،

فرصة يفوق مزمل من أن الفريقين مازال ينافسان بعضهما حتى في
الخيبات،،،
عندي إحساس كدا إنك شاهدت المباراة من الملعب مو هيك؟؟؟

Quote: بقيت تشوف الرجة

وهبة يا شوييف ( يعني بتشوفا وهي طايرا)
الم تر كيف قال أهلك العرب ..؟
لقد قالوا قولا قديما معاصر مفاده :
من تعلم شتارة قوم آمن عدم فهمهم لموضوعو
ولست ادري كيف فاتت عليك هذه يا هذا .. ( وش متمحن شديد)

قال أكرم قال ..!!

فعلا والله حارس كريم ..
بل كريم جدا

حامد محمد حامد
الله يسلمك من كل شر
الجماعة اياهم عينم قوية حجر جبل
وعليه :
ما شغال بيهم كتير ..
انت ان شاء الله كويس ..؟

عبود بركة الشوفا ياخي
جيت متين ..؟؟؟؟

Quote: وارجو ان تكون اقتنعت بعدم صلاحية (مازدا)

كمدرب للمريخ ما مقتنع بيهو وأظنك انت كرشاشة تكره الزعيم وتحب فريقك المهلهل ما بهمك الزعماء يقتنعوا بحاجاتم او ما يقتنعوا ..
اما كمدرب للمنتخب فهو احسن مدرب وطبعا الكلام دا ليك ولكل الرشاشات .

شول اشوانق دينق
سلامات يا راجل طعلت اي كلام
نعم اي كلام

او ليس طلعت هلالابي رشاشة ..؟
وقد كنت احسبك زعيم .

جرجير ياجرجرة
بركة الإتحلت عقدة من لسانك بعد طول خرس
يالفريقكم المهلهل الزيو مافي اتنين
والذي جعلكم وكأن علي رؤوسكم قد رك ودأبرق وعشوشة واحيانا سمبرية أم قدوم

و تاني هااااااا هااااااااااااااااااااااي
تعرف قصة السبعة الخلتك تشوف الصوت دي ذكرتني نكتة غير لائقة من زمن نميري
كان لاقيتك بحكيها ليك

سلامات ياساتي
انت برضو بركة الشوفا
وبرضو جيت متين ..

Quote: ود حلال ينزل لينا فيديو رمي الجمرات ...

مارايك في تنزيل اغنية ( الجري دا ما حقي ) ..

محمد فتحولي
قول معاي :
السبعات ولا الإتسحابات ..

صديقي عبد اللطيف بكري
ياخي كلامك حلومر
وبكل قاعد تحرجنا
نقرأ الحلو يصيبنا حرج الوعي الفيهو في مكان بلا وعي إلا مريخي وهلالك
ونقرأ المر يغشانا حرج الرد بمثله عسي أن نقول كلمة كدا واللا كدا أنت لا تستحقها ..
عموما يحلو اللقاء في غير هذا البورد
وحتي ذلك الحين أقول ليك
المريخ زعيم ومن الظلم مقارنته بفريق مهلهل مدسوس أبد الدهر بين الشقوق والحفر دون ان يجرو علي مد راسه لي برة كما يمده الرجال
والرجال المدو رؤوسم جابوا
أو كما قيل الجنيات الغابت جابت .

Abdulrahman Eldaw
نكتة ظريفة عليك الطلاق ..
ما عندك واحدة تانية متعلقة بالهروب ..؟

(شايف) صوت رجة؟

الأخ شارب سفن أب ولا مؤاخذة؟

طلحة هاردلك ياخ..
وما عاوز اغلغل كثيرة
لكن نفسي اسالك سوال
انت لمن المريخ ده يتلطش قاعد تمشي وين من المنبر ده..؟؟
ياخي وهبة ده صوتو بح

كيكي سلامات

Quote: انت لمن المريخ ده يتلطش قاعد تمشي وين من المنبر ده..؟؟

انا كنت طاشي من قبل المباراة بيومين
ولما لقيت روحي دخلت علي طول
أها كيف معاك الجري بتاعكم دا
نفسكم قام ياخ

حليم سلامات

Quote: الأخ شارب سفن أب ولا مؤاخذة؟

لا كنت جاري ..

Quote: كمدرب للمريخ ما مقتنع بيهو وأظنك انت كرشاشة تكره الزعيم وتحب فريقك المهلهل ما بهمك الزعماء يقتنعوا بحاجاتم او ما يقتنعوا .. اما كمدرب للمنتخب فهو احسن مدرب وطبعا الكلام دا ليك ولكل الرشاشات

طلـــوح يا وصيف يا رايق ...
زمان قلنا ليكم أنتو منافقين و ما عندكم وطنية !!!
يعني المنتخب ده يتيم و ما عندو سيد عشان يدربو واحد فاشل زي مازدا؟؟
أنتو في المريخ ما مقتنعين بيهو مساعد مدرب و عايزين تفرضوهو على المنتخب مدرب راسو عديل ؟؟؟
الحمد لله الإتأذيتو منو عشان تعرفو حجمو كويس
و خت في بالك .. مازدا ده زول ولوف زي ما قال أدروب العدد البتغلب بيهو بيستمر معاهو ثلاثة أو أربعة مباريات يعني هناك سيل من الفضائح قادم إنشاء الله في الملعب أما خارج الملعب فلايزال سيل التزوير و الفضائح مستمراً ..

ياجماعة روقوا المنقة
انا قبل كدا قلتها ليكم واضحة
المريخ بعيدا عن قلب دفاعه شداد
ولجنة التحكيم المركزية ما بيسوى بصلة وحتشوفوا









________________________
والتقيل لسه في دوري الابطال انتو قايلنو لعب شفع كمان

واحد قالو ليهو المريخ مغلوب سبعة

قال ليه اصلو كان لاعب وست

الوحدات عالم جميل

Quote: شايف لي صوت رجة هنا ..

يا طلوح اول اسمع مرة بي صوت بشوفوهو..انت قصدك سامع..لكن السبعة بتسوي اكتر من كدا..هاك النكتة دي عشان تركز
قالو مرة راجلها دبل فيها ..النسوان بعد كلموها قالت ليهم ما يعرس..ما قصر..ضرب الاولاد جير وكسا الحيطة







ــــــــــــــــــ
ركز يا مسكيييييييييييييين

Quote: Re: شايف لي صوت رجة هنا ..

هو الصوت بقي ينشاف يا طلحة؟

صحي الوحدات عالم جميل...الخلاك بقيت تشوف بي أضانك

Quote: الخلاك بقيت تشوف بي أضانك

المقصود تسمع بعيونك











_____________________________
مع تحيات حسين ملاسي ومحمدE سليمان

ياطلوح حمدا لله على السلامة

والله والله والله المنبر من غيرك



























----------------
سفـ7ـن اب

صديقي العزيز طلحة
سلامات وكل عام وانت بالف خير
مشتاقين يا رجل كتير شنو الغيبة دي كلها
انتظرنا جيتك في الاعياد ولم تأتي
عموماً ارجو أن تكون بخير ...
أما بالنسبة للدافوري
الف كفارة ليك والجاتك في مريخك سامحتك
وهذا هو يا صديقي حال الكرة السودانية المتخلفة يوم في العلالي ويوم في قاع القاع
كنت اتمنى أن أقرأ لك تحليلاً جاداً لما حدث بعيداً عن (خستكة) المنبر
فأنا كنت وما زلت أثق في قلمك المريخي الحاد وفي تناوله الصريح لكل قضايا الرياضة
ويا عزيزي الدار بي وراك خربت.. وتحول معظم - ان لم نقل كل- الصحفيين الرياضيين
الى مشجعين يمسكون القلم بيد وطار التشجيع بيد أخرى.. وتلك هي مصيبتنا
ووالله يا طلحة كل بلاوينا وفضايحنا الكروية دي سببها الاول والاساسي الصحافة الرياضية
هل وصل إلى علمك أن مشجعين باتوا يتقاتلون ويهشم بعضهم رؤوس البعض بسبب التعصب وهلال مريخ
وطبعا السبب في ذلك هو تلك الكتابات المخجلة لـ(كبار) كتاب هلال مريخ

عموما يبدو انه لا يلوح في الافق اي امل لاصلاح الحال.. وسنظل ندور في هذه الدائرة الفارغة
هلال مريخ مريخ هلال.. والمحصلة صفر كبيييييييييييييير....
ختاما سلام يا صديقي
وبجد اشتاقك كثيرا
جمال

منتدي سيد البلد

و مالي أرى الرشاشات و قد تناسوا ( سبعة ) المقاولين و كأن السبعات أمر جديد ..

السبعة متحمداهم يا طلحة ..

و سبعة لأربعة في أرض الخصم خير مليون مرة من هروب جبان و شتات تفوح منه رائحة ( الرووووب ) ..

الناس المحتجين علي شوفة الصوت وسمعان الجري ديل ..
الكلام دا علي طريقة الرشاشات في قلب المعدول وإدمان التعاطي مع الأساطير وغير المألوف للأذن ولا للعقل..
أوليس هم من قالوا دائما أن فريقهم المهلهل هو فريق القرن وسيدا والبطل وما إلى ذلك من الخرافات مما لا يدخل في النافوخ ..؟؟؟؟؟
وتييييييب .





ساعود للرد علي الأصدقاء كافة .

كااااااااااااااك














أو كما قال

عودة إن الله هون

Quote: عودة إن الله هون

قضارف

أبو الخلد سلامات

Quote: يعني المنتخب ده يتيم و ما عندو سيد عشان يدربو واحد فاشل زي مازدا؟؟ أنتو في المريخ ما مقتنعين بيهو مساعد مدرب و عايزين تفرضوهو على المنتخب مدرب راسو عديل ؟؟؟ الحمد لله الإتأذيتو منو عشان تعرفو حجمو كويس

يا خالد البخلينا نحن كمريخاب منافقين وانتو الرشاشات ما منافقين شنو ..؟؟؟؟
انتو لما تجوا ترفعوا لافتاتكم بتاعت فاشل وجاهل يا مازدا معروف بترفعوها وتهتفوا بيها لشنو ..
لأن مازدا راجل مريخابي معروف موش لانو قلوبكم علي منتخب البلد .. لا ..
منتخب البلد انتو ما عندكم بيهو شغلة ، شغلتكم المربخاب وكل ما له صلة بالمريخ ..
شىء طبيعي لما نشوف تربصكم بكل مريخابي نجيء نحن ندافع عنو بكل السبل والطرق ..
يعني عايزننا نخليكم تدفروا وترفسوا في المريخاب ونخليكم ...؟
الشاهد انتو بتشتموا مازدا لانو راجل مريخابي ما عشان انتو قلوبكم علي المنتخب ..
وبهذا المفهوم فانتوا المنافقين ..
ومع سبق الإصرار والترصد .

زول ساكت سلامات

Quote: واحد قالو ليهو المريخ مغلوب سبعة قال ليه اصلو كان لاعب وست

بالغ لكن .

Quote: بالغ لكن

.

منو البالغ ابوسبعة مو هيك؟

نزار سلامات

Quote: هو الصوت بقي ينشاف يا طلحة؟

ياخي الهلالاب كل يوم جايبين ليهو مبالغة جديدة
مرة التصنيف ومرة التخريف ومرة فريق القرن ومرة سيد الدكان ومرة شنو ما عارف ..
في زول سألم قال ليهم الكلام غلط واللا إستغرب من أساطير دي ..؟؟؟؟
ما قاعدين نكتم ضحكتنا ونعاين ونسكت
ايشمعني انتوا هسع مستغربين لشوفة الصوت دي يعني ...؟؟

جلال عثمان سلامات

Quote: ياطلوح حمدا لله على السلامة

الله يسلمك يا حبيب
ويشفيك كمان ..

قلنا في مرة سابقة ان فريق المريخ عندما خسر امام فريق شبيبة القبائل 1 - 3 في الجزائر رد الخسارة حسب افادات اعلام المريخ وجهازه الفني الي (الالعاب النارية) ·· وقالت مصادر قريبة من القرار في المريخ ان (العجب) الذي لعب في المريخ وحده اكثر من عشر سنوات (خلعتو) الالعاب النارية وسببت لدفاع المريخ (خلوعة) في الطوحال·
* وكأن الايام ارادت ان ترد علي اعلام المريخ وجهازه الفني اذ ارجعت الكلية المريخية خسارة المريخ (السباعية) في الاردن للبرد والموية·
* وهذا امر عكسي تماما لسبب الخسارة في الجزائر ·· اذ كانت الخسارة هنالك لعامل (النار) ·· فان الخسارة في الاردن كانت بسبب (الموية) حسب تصريحات ابراهومة ·· في الوقت نفسه ارجع مازدا خسارة المريخ للبرد·
* برد مين يا عم؟·
* ناس المريخ لو مشوا يلعبوا تاني في الاردن كلموهم يشيلوا معاهم (بطانيات) مع احذية المطر·
* خلوا الوالي يرقد ليكم (السيوترات)·
* عملتوها لينا كلها طوب وسيخ ·· ونسيتوا (فنايل) السقط·
* نحن نلقاها من (المطر) ولاّ (البرد)؟·
* في التحليل الفني للمباراة كان مفروض يقولوا ان اثر (البرد) كان واضحاً علي مدافعي المريخ ·· و(رجفة) امير دامر لم تكن من مهاجمي (الوحدات) وانما كانت بسبب (البرد)·
* سفاري كان واضح ضاربو (البرد) ·· عشان كدا كان مندسي خلف المهاجمين·
* المباراة كلها نحن بنتغالط·
* بتتغالطوا في شنو في (البرد) دا؟·
* كنا بنتغالط في (الشغيل) ··· قلنا الزول دا ما مشي مع المريخ الي الاردن ·· كنا متخيلنه مع المنتخب الرديف·
* اتاريه طلع ما مع المنتخب (الرديف) ·· طلع مع (الوصيف)·
* اول مرة اشوف لي (ارتكاز) ما راكز·
* مجاهد داك خلوه ··· كان رائح عديل ·· الزول دا يكون فاكر نفسو بيلعب في (جزيرة الفيل) الي الان ·· دي كورة شنو يا مجاهد القاطعها لينا من رأسك دا؟·
* البرد خلوه ·· عرفتوا ابراهومة قال شنو·
* قال شنو؟·
* قال الهدف الاول اتسببت فيه (الموية)·
* عدينا ليه الكلام ··· سكتنا·
* قالوا ليه طيب والهدف الثاني؟·
* قال الهدف الثاني اتسببت فيه (الموية)·
* عملنا فيها رايحين ·· ما قلنا شيء·
* ناس الرشيد بدوي عبيد ويوسف السماني ·· قالوا ليه في الاذاعة الرياضية ·· طيب والهدف الثالث·
* قال ليهم الهدف الثالث اتسببت فيه (الموية)·
* انت يا ابراهومة قايل المباراة ما كانت منقولة··· المباراة دي نحن شفناها ·· للهدف الرابع نحن واقفين معاكم·
* وقت خذلتونا ·· وقفنا مع (البرد)·
* يا ابراهومة غير لينا شوية ·· قول الحكم ·· قول الشغيل ·· قول البرد ·· شنو شبكتنا الموية ·· الموية ·· كورة هي والا سمك؟·
* ابراهومة ·· سألوه من الهدف الرابع؟·
* قال الهدف الرابع بالذات اتسببت فيه (الموية)·
* دخلنا في ضفورنا·
* والهدف الخامس يا ابراهومة·
* الهدف الخامس بالتحديد سببو (الموية)·
* والهدف السادس·
* الهدف السادس ·· برضو جاء بسبب (الموية)·
* طيب الهدف السابع·
* الهدف السابع كان بسبب (الموية)·
* انتوا لاعبين وين؟ ·· في خور ابوعنجة·
* اول مرة اعلام المريخ يخلي (الحكم) ويقبل علي (الموية) ·· فريق يتغلب بسبب (الموية) ·· راجيين منه شنو؟·
* راجين الري؟·
* في الجزائر عذرناكم وانتوا بتقولوا سبب الخسارة (النار)·
* لكن كونكم تقولوا السبب (الموية) ·· بتبقي الحكاية شينة في حقكم ·
* كلامكم دا اوعكم تقولوه في الفضائيات بتفضحونا ·· في الاذاعات الخاصة ممكن تقولوه·
* جماهير المريخ زمان كانت بتهتف (التحكيم فاشل) ·· هسع بقت تهتف (البرد قارس)·
* دي ما في زول سبقكم عليها·
* اكرم الهادي سليم كان (حارس ما شافش حاجة) ·· أي كورة يفكوها فيه قون·
* أي كورة تجيه قون ·· المعلق فتر من الاقوان·
* لو حارس المرمي بتاعكم كان (بلة جابر) ما كان بتدخل فيه سبعة اقوان·
* كورة هي والا مزرعة بطيخ·
* انتوا عارفين لو معلق المباراة ما كان شاطر في الحساب كان فك العدد·
* مباراة ما فيها أي ترشيد للاهداف·
* مباراة اقوانها اكتر من جدعات تماسها·
* جدعات شنو؟ ·· دي مباراة كانت اهدافها اكتر من جماهيرها·
* ليهم حق يلعبوكم في (التمهيدي) ·· بدري عليكم·
* نورتوا التمهيدي يا ناس الوصيف·
* يلعبوا في الجزائر يقولوا (الالعاب النارية)·
* يلعبوا في نيجيريا يقولوا (ارضية الملعب)·
* يلعبوا في تونس يقولوا (الحكم)·
* يلعبوا في الاردن يقولوا (الموية)·
* يلعبوا في استاد الهلال يقولوا (الحفرة)·
* يلعبوا في استاد الخرطوم يقولوا (النافورة)·
* يلعبوا في عطبرة يقولوا (جمهور الامل)·
* عشان كدا مركزين في (الطابق التاني)·
* نعمل ليكم شنو نحن ؟·· نتقطع يعني·
* بمناسبة السبعة ·· نحن ممكن نتقبل سبعة الهلال من المقاولون بشرط تتقبلوا خسارة المريخ من الهلال بالخمسة في احتفالات سوداني·
* اكرم دا من نظرية النعيم رونالدينو اتضح انه ما عندو أي فكرة في حراسة المرمي·
* قلت ليكم اكرم (حارس ما شافش حاجة)·
* قعدتوا تغالطوا·
* انا ما عارف حارس شنو؟·
* الحراسة خليها ·· رأسك رابطو علي ايه؟·
* اول مرة اشوف لي حارس يجيبوا فيه سبعة اقوان ·· يقول عندي (عين سمكة)·
* دي ما عين سمكة ·· دي عين تمساح عديل·
* عين سمكة دي ممكن نقبلها منك وانت مغلوب واحد ·· مغلوب اتنين ·· مغلوب تلاتة·
* اقول ليك حاجة ·· لي اربعة اقوان ممكن نقبل منك (عين السمكة) دي·
* لكن تتغلب سبعة وتقول (عين السمكة)·
* علي منو ؟·· نحن عين السمكة كمان ما بنعرفها·
* علي رأي الكارتيرست نزيه ·· والله انت (اكرم) زول·
* ملحوظة :حقيت الاسم يا اكرم السبعات·

الاخ طلحة ... ســـلامات ..

الهزيمة بالسبعات أشرف من فضيحة الانسحابات ......


مالكم كيف تحكمون ..... عالم عجيييييب ......

أها سبعة المقاولين كيف ؟... أخذتوها مقاولة ولا كيف ؟ قرقرقرقرقرقر .....