Post: #1
Title: صديقي اساسي
Author: DKEEN
Date: 12-25-2008, 09:35 PM
اساسي
عمرك سمعتا بي حاجة اسمها (القون السابع)؟؟؟
العبارة ماخوذة من اخينا المدهش الحاج تيسير زيادة.
بالمناسبة مسالة سبعة اقوان دي ماعندها اي علاقة بي انك اسمك منو
دي بصراحة بقت مسالة شخصية
|
Post: #2
Title: Re: صديقي اساسي
Author: Habib_bldo
Date: 12-25-2008, 11:22 PM
Parent: #1
دكين كل سنة وأنت طيب
الا في كورة اليد سمعنا!!!!
|
Post: #5
Title: Re: صديقي اساسي
Author: DKEEN
Date: 12-26-2008, 08:11 AM
Parent: #2
حبيب بلدو
القون السابع ده شكلو شي علمي كده..
زي الحاسة الساتة..
او اليد السفلي ..
المهم شي كده فوق العادة..
صدقني المسالة دي ما مسالة كورة دي بقت مسالة شخصية
|
Post: #3
Title: Re: صديقي اساسي
Author: fadlabi
Date: 12-26-2008, 04:23 AM
Parent: #1
عارف يا عزو اخوك خلى الكورة زماااان لكن السماني ده أنا داير فيه يوم
و هل من يوم أفضل من يوم السبعة ؟؟؟؟؟
زي أيام الأسبوع
يا كافي البلا الجمعة ما أدوهم إجازة
|
Post: #4
Title: Re: صديقي اساسي
Author: abuguta
Date: 12-26-2008, 04:44 AM
Parent: #3
عزو
حصل لعبت كملت
هنلك القون السابع
|
Post: #7
Title: Re: صديقي اساسي
Author: DKEEN
Date: 12-26-2008, 08:33 AM
Parent: #4
قوتا
صفرجت كمبلت..زغردت..
اي شي إلا كورة..
امس بتكلم مع بت هارون دياب السغيرة
قتا ليها: سبعة ما بتخجلو؟
قات لي بي زعل: ماسبعة ياعمو ديل ستة بس
|
Post: #6
Title: Re: صديقي اساسي
Author: DKEEN
Date: 12-26-2008, 08:26 AM
Parent: #3
فاضلابي
قبل مدة ريحني حسبو في دينا خالد ..
وهسي ريحوني الفلسطييين في المريخ..
واظنهم ريحوك في اساسي
الانا حازي في نفسي انو اساسي ده زول منطقي جدا..
منطيقا دي ما مسالة كورة العملوها المريخاب دي..
|
Post: #8
Title: Re: صديقي اساسي
Author: محمد فضل الله المكى
Date: 12-26-2008, 08:42 AM
Parent: #6
دكين التحايا والأشواق
عندنا أخوياً لينا إسمه هرون دياب مرَّ عليك ؟
لايكون خرج ولم يعد!
|
Post: #9
Title: Re: صديقي اساسي
Author: DKEEN
Date: 12-26-2008, 09:05 AM
Parent: #8
ود المكي
اسعد الله صباحك
هارون امس لاقيتو في دار اصدقاء البيئة..الرجل يفكر بجدية في ترك المريخ.
تخيل لامن زول زي هارون دياب يفكر يخلي المريخ
دياب ولدو السغير امس من العربية مانزل..متحسس يلاقي الناس
المريخ قد يتسبب في تعقيد الوليد..
موش قتا ليكم المسالة بقت شخصية..
|
Post: #10
Title: Re: صديقي اساسي
Author: DKEEN
Date: 12-26-2008, 09:05 AM
Parent: #8
ود المكي
اسعد الله صباحك
هارون امس لاقيتو في دار اصدقاء البيئة..الرجل يفكر بجدية في ترك المريخ.
تخيل لامن زول زي هارون دياب يفكر يخلي المريخ
دياب ولدو السغير امس من العربية مانزل..متحسس يلاقي الناس
المريخ قد يتسبب في تعقيد الوليد..
موش قتا ليكم المسالة بقت شخصية..
|
Post: #11
Title: Re: صديقي اساسي
Author: DKEEN
Date: 12-26-2008, 09:05 AM
Parent: #8
هاتفني قبل قليل الاخ هارون دياب
وقال لي : اخوك كان ما بتدورو خاف الله فيهو.
|
Post: #12
Title: Re: صديقي اساسي
Author: عصام علي أحمد
Date: 12-26-2008, 10:46 AM
Parent: #1
| Quote: هاتفني قبل قليل الاخ هارون دياب |
الحمد لله انه هاتفك
ما عمل ليك حاجه تانيه
لانه ظروفه صعبة جدا مع السبعاوي
وبالذات لمن تجي من فلسطيني
ضاقت بيهو ايام الله السبعة
والسماوات السبعة
والسبعة العجاف
|
Post: #13
Title: Re: صديقي اساسي
Author: DKEEN
Date: 12-26-2008, 10:58 AM
Parent: #12
عصام سلامات
| Quote: ما عمل ليك حاجه تانيه |
هو بصراحة اول مالاقاني مسك نص يدو اليمين بي قبضة يدو الشمال ورفعها في الهواء في إشارات غير سارة..
واحسبها حركات اولاد حلة ماتمامين.
والله صحي زي ماقال ود الموج
كورة ولا رمي جمرات؟؟
كوبر والعباسية انتهت كم كم؟؟
|
Post: #14
Title: Re: صديقي اساسي
Author: Maawya Hussein
Date: 12-26-2008, 11:27 AM
Parent: #1
| Quote: الانا حازي في نفسي انو اساسي ده زول منطقي جدا.. |
7 صنائع والبخت ضائع 
|
Post: #15
Title: Re: صديقي اساسي
Author: DKEEN
Date: 12-26-2008, 11:33 AM
Parent: #14
نزار
شماتك دي هسي منطقية جدا..
تشكر على هذا المرور الشامت
|
Post: #16
Title: Re: صديقي اساسي
Author: ضحيه ابراهيم
Date: 12-26-2008, 11:40 AM
Parent: #15
دكين
سمعت انك وغد لكن حاقد دى عرفتها امس فقط وكما رشاشه؟
الليله الجمعه كنت مستنى منك كول مش مس كول
|
Post: #17
Title: Re: صديقي اساسي
Author: ضحيه ابراهيم
Date: 12-26-2008, 11:41 AM
Parent: #15
دكين
سمعت انك وغد لكن حاقد دى عرفتها امس فقط وكما رشاشه؟
الليله الجمعه كنت مستنى منك كول مش مس كول
|
Post: #20
Title: Re: صديقي اساسي
Author: DKEEN
Date: 12-27-2008, 07:35 AM
Parent: #17
ضحية
منطقي جدا بي حركتك السويتا ديك تكون مريخابي
بس تكون مسيري دي ما واقعة لي..
| Quote: الليله الجمعه كنت مستنى منك كول مش مس كول |
طبعا ده الاتوقعتو منك ..انك تنكر تلفون امس برضو..
ياخوي عفيناك من الشغلة دي..
|
Post: #18
Title: Re: صديقي اساسي
Author: DKEEN
Date: 12-26-2008, 08:51 PM
Parent: #14
نزار مسا الخير
شكرا لهذه الشماتة الرايعة..
القون السابع ؟!!!!!
والله لحدي هسي ماواقع لي لفظ العبارة دي!!
|
Post: #19
Title: Re: صديقي اساسي
Author: Yassir Tayfour
Date: 12-26-2008, 09:08 PM
Parent: #18
Quote: هاتفني قبل قليل الاخ هارون دياب
وقال لي : اخوك كان ما بتدورو خاف الله فيهو. |
Deko ya 7agana
please, gool lay Haron: ma mushtageen o kida
__
i miss assasi, too
|
Post: #21
Title: Re: صديقي اساسي
Author: أيزابيلا
Date: 12-27-2008, 07:43 AM
Parent: #19
كم مرة افكراخش بوستيك دة اقول ليك :
(القون السابع) دة حقو يكون اسم برنامج رياضى ساخر
زى (الفن السابع) كدة
وكل مرة اغير رايي لما اتذكر
انو انا مريخابية
|
Post: #23
Title: Re: صديقي اساسي
Author: DKEEN
Date: 12-27-2008, 08:11 AM
Parent: #21
| Quote: (القون السابع) دة حقو يكون اسم برنامج رياضى ساخر |
انا لو من صلاح ادريس امول برنامج زي ده في قناة الشروق..
شماتة اثرياء ساي بعد ما شفنا شماتة الفقراء ناس نزار حسين وطيفور والسحالي الهنا ديل..
كانت رايحة لي (الفن السابع) دي..
وانا اقول القون ده مر علي في فجة ..ماعرفتها في مسرحية..في كتاب ..رواية..
ومن هنا انا ادعو الاخ العزيز الطاهر ساتي لتبني مشروع عمود في الجريدة يسميهو (القون السابع)..
زيزا بيلا
بلاي انتي مريخابية؟؟ والله ليكي حق تصاحبي ناس امجد ديلاك..
|
Post: #24
Title: Re: صديقي اساسي
Author: أيزابيلا
Date: 12-27-2008, 08:22 AM
Parent: #23
| Quote: بلاي انتي مريخابية؟؟ والله ليكي حق تصاحبي ناس امجد ديلاك.. |
انا مريخابية بالفطرة يا عزوز
ولم اجد من يهودنى او ينصرني..
دة حتى زمان وانا فى الثانوى كنت بشترى بى حق الفطور جريدة المشاهد عشان اقرا مجادلات خالد عز الدين ومزمل ابو القاسم
هسة انا اتحسر على الايام الخوالى التى قضيتها بلا فطور
وفى دولابى بقايا متاكلة من صورة خالد احمد المصطفى ومعجون الاسنان اللصقتو بيها
ايام يا عزوز
هسة لم اعد من غُزية....ولا يعنينى ان غزت او لم تغزُ
ــــــــــــ
امجد دة ما تركز معاهو بالله
الدنيا اول سنة يا عزوز..وبكرة بوستيك دة بيتركن
*
التعديل لاخطاء فى الطباعة
|
Post: #25
Title: Re: صديقي اساسي
Author: DKEEN
Date: 12-27-2008, 09:46 AM
Parent: #24
| Quote: هسة انا اتحسر على الايام الخوالى التى قضيتها بلا فطور |
كاااااااااااااااااااااااااااااك
اول خطوة لتصحيح مسار حياتك يا ايزابيلا اتنين
1- تنسي فكرة المريخ دي.
2- تفطري
3- تتخلصي من صحبك الفي بالي
| Quote: مجادلات امجد عز الدين ومزمل ابو القاسم |
مين امجد عز الدين ده ..
كلمتك انا ماعندي نهائي في الكورة والذي نفسي بيدة لو لاعبين هلال مريخ قدام بيتنا ما بمرق اتفرج..
انا بس اساسي هميت ليهو كمسلم
|
Post: #22
Title: Re: صديقي اساسي
Author: DKEEN
Date: 12-27-2008, 07:53 AM
Parent: #19
هارون دايان يا طيفور
بقى بتكلم ساي بره راسو ..
وجوة راسنا نحنا...
ـــــــــــــــ
اساسي ياطيفور
مباري لي بوست بري ده التقول من عندو فيها التلت..
كان ما بيت ايجار..
|
Post: #27
Title: Re: صديقي اساسي
Author: Yassir Tayfour
Date: 12-27-2008, 10:57 AM
Parent: #22
يا ديكو
القون السابع ده علاقتو شنو "بالبند السابع" الذي يتيح للأمم المتحدة التدخل العسكري..
وعلاقتو شنو بهيبة الدولة وهيبة المريخ!
___
وعلاقتو شنو بي ندى القلعة:
هيبة يا المريخ هيبة يا النجمة
قون وسط وشمال هجمة فوق هجمة..
|
Post: #36
Title: Re: صديقي اساسي
Author: DKEEN
Date: 12-27-2008, 11:33 PM
Parent: #27
تيفور..
اخر محن السودان جاتو من المريخ
مانحنا كنا ناقصين محن.
صدقني الكورة في السودان مفترض تتعلق زي بنود الدستور
|
Post: #26
Title: Re: صديقي اساسي
Author: abas
Date: 12-27-2008, 10:09 AM
Parent: #1
دكين
اساسي ظلامي مريخابي يستاهل الغلب مليون صفر
هارون يعني كده مريخابي متفتح شويه ما ظلامي شديد يعني
طلحه الردح رجع للبورد
|
Post: #28
Title: Re: صديقي اساسي
Author: nazar hussien
Date: 12-27-2008, 02:30 PM
Parent: #26
Quote: شماتة اثرياء ساي بعد ما شفنا شماتة الفقراء ناس نزار حسين وطيفور والسحالي الهنا ديل..
|
أنا ما شمتّ لاهسي...
أنا مخلوع من البسووا فيه ناس طلحة وودالموج
واحد يقول ليك ميتة أكثر شرفا...
والتاني يقول هيبة يا المريخ سيد البلد...ولو كنتو مكانا كان ادوكم
70 صفر...
يعني المريخاب ديل...كان رصصوهم واحد واحد...برضو حا يجو يقولو
حا يجوا يقولوا لينا...نحن رصصونا ومتنا بشرف...انتو استنو نفخ
الصور...والكتاتيح...
بلاهي دا منطق دا..
ياخي غلبوك سبعة...في حبة داعي تجي تكتب وتنضم كمان
عنوان حلقة القون السابع دي ما بتمر الا عبر مقص أكرم الهادي
أي رقيب عاقل بقصها طوالي..
خجلتونا...وحرمتو علينا مشي القهاوي....
الخجلة الترقصكم
|
Post: #37
Title: Re: صديقي اساسي
Author: DKEEN
Date: 12-27-2008, 11:35 PM
Parent: #26
عباس
طلحة ده منو؟؟
|
Post: #29
Title: Re: صديقي اساسي
Author: الطاهر ساتي
Date: 12-27-2008, 02:56 PM
Parent: #1
القون السابع ده احتمال عشان المباراة صادفت موسم الحج
الهاشميين لقو ليك الصهاينة قدامهم وقالو احسن نمارس فيهم رمي الجمرات
سبعة كتيرة ياخى ..
لو فرضناالحارس كان في إجازة الدفاع كان وين ...؟
|
Post: #30
Title: Re: صديقي اساسي
Author: Rawia
Date: 12-27-2008, 03:13 PM
Parent: #29
اليوم السابع
هو اليوم البنتظروهو ويعدوا للمريض الساعات عشان يوصلو ولو خلاص صبح عليهو اليوم السابع ومامات
معناتها نجى والكوليرا ماحتقتلوا
الكلام دا زمان زمن مافي علاج للكوليرا وكانت كابوس ولما تضرم نارها في بلد بتنتهي منه وبيكون الموت بالالاف
رحم الله يوسف شاهين
_______________________
كل سنة وانت طيب ياعزيز
وتعود الاعياد عليك بالخير
|
Post: #31
Title: Re: صديقي اساسي
Author: اساسي
Date: 12-27-2008, 05:47 PM
Parent: #30
لصديقي الشاعر الطيب برير اهزوجة مصورة بالكلمات سمعته يحكيها مرات وطالما اعجبتني خلاصتها ان شيخا وقورا له من المريدين والحواريين ما لايجده اي رئيس عربي هذا الشيخ يوما كان يمر بقرية ومعه الحواريين في اناء مروره تصادف ان كان هناك زواجا وكانت هناك حلقة او دارة للرقص في منتصفها شاب سمح المحيا فعل بنفسه ما تفعله النساء بانفسهن من حنة ودخان وغيره يقف في وسط الحلقة ويرقص مثلما يرقصن النساء اي كان هذا الشاب ( خايب) كما يقال وقف شيخنا في طرف الحلقة وجعل ينظر للشاب وحواريه ومريديه مستغربيين لوقوفه في هذا المكان , ما ازهل حواريه ومريديه ليس وقوفه وانما ما قام به بعد ذلك وهو قيامه بالتبشير علي الشاب الراقص بعد ان هم بالذهاب تململ المريدين والحواريين وقالوا له بتبرم ( يا شيخنا الود دا خايب) اجابهم : خابرو (عارفوا خايب) ولكن الزول لمن يمسك الشغلة احسن ينجضها . انتهي
ما اريد ان اقوله لك يا دكين ان المريخ لما ذهب عرف انه مهزوم لذا نجض شغلته تب علي قول شيخنا اعلاه واخد قدر ما يقدر من السبعات
هذا عن المريخ اما عن الذين لا يجدون فريق يفرحهم فيطفقون شامتين في الاخرين فنحن نحتملهم بقدر احتمالنا للسبعات
|
Post: #32
Title: Re: صديقي اساسي
Author: DKEEN
Date: 12-27-2008, 10:23 PM
Parent: #31
اوافقك يااساسي
المريخاب بعد ده حقو يقدو الاستاد ويعملو حفرة دخان وينجضو البسووا فيهو ده..
تماما كحال الخايب بتاع اهزوجة اساسي...
|
Post: #34
Title: Re: صديقي اساسي
Author: كمال سالم
Date: 12-27-2008, 10:42 PM
Parent: #32
يادكين يارشاشه ,, بالله إنت هلالابى ؟؟ ومن منازلهم كمان ؟
باخى خلينا فى المهم ,, قلت لى حسبو ريحك , وين ومتين ؟
أدينا رابط لله وينوبك ثواب .
|
Post: #38
Title: Re: صديقي اساسي
Author: DKEEN
Date: 12-27-2008, 11:39 PM
Parent: #29
| Quote: الهاشميين لقو ليك الصهاينة قدامهم وقالو احسن نمارس فيهم رمي الجمرات |
اريتم لو هاشميين كنا قنا ده نكاح ميمون
ديل فلسطينين ياالطاهر ياخوي..
ياخي اناماعندي اي علاقة بالكورةومامستعد اورد دقيقة في شوفة هرجلة 23 غبي في ساحة
بقيت اخجل امشي المقصف بتاع الشغل عشان افطر..
ن........ي.....ك...........وني النملة لاايدي لا كراعي..
|
Post: #33
Title: Re: صديقي اساسي
Author: DKEEN
Date: 12-27-2008, 10:38 PM
Parent: #1
اساسي..
| Quote: هذا عن المريخ اما عن الذين لا يجدون فريق يفرحهم فيطفقون شامتين في الاخرين فنحن نحتملهم بقدر احتمالنا |
شوف ياحبيب
انا زول علاقتي بالكورة منعدمة..
ماتشبكني الناس الماعنهم فريق والناس العندهم فريق وماعارف الهلالاب..
انا لازول كورة ولا بعرف الليك من الممتاز من ديم القنا..
المسالة دي لو كانت اتنين او تلاتة ما كنتا نزلتا بوست
لانها كانت حتكون مسالة بتاعة كورة football issue
بس سبعة دي ما قصة كورة يا بوليلى..
دي مرقت تب عن كونها كذلك..
لذا كتبت اليك بفتش معاك عن منطق او مسمى لهذه الل....ة التي فعلها اولئك الناس..
انا بفتش عن قاموس ممكن يستوعب ملفظة (القون السابع )
|
Post: #35
Title: Re: صديقي اساسي
Author: خدر
Date: 12-27-2008, 11:19 PM
Parent: #33
- كم؟
- 7
فصاح اعرابي
(اطير فوق و اديكـ لبعة)*
__
*
|
|