Post: #1 Title: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:24 PM
* من الملاحظات العجيبة أن السودانيون بطبعهم يحنون لكل ما هو قديم وإن لم يكن جميلاًً. بعض من التناقضات العجيبة في هذا الشعب الإستثنائي . فدائما ما تخرج (الآهات) ويتحول مجرى النقاش في أي موضوع .... يا حليل زمان وأيام زمان .
الإشراقات التي كانت بالسودان لا تدعوا بالضرورة لتلك الحسرة.
جلسات الأنس .. حوارات الشيوخ (كبار السن) جلسات العصاري . حتى شمارات النساء . . . الهمس يدور جهراً عن (زمان) وأيام زمان .
Post: #2 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:27 PM Parent: #1
نحن نحب الماضي لأنه ذهب .. ولو عاد لكرهناه
Post: #3 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:41 PM Parent: #1
. جرد حساب . جيلي من الأجيال التي رات النور في مطلع الثمانينات . جيل التضحية وفئران المعامل . الجيل الذي تم به تجريب السلم التعليمي المهترئ في عهد حكومة الظلم والفساد. جيل المرارات الذي ولد في وطن نازف الأطراف . . . . فلنعود قليلا للوراء .عملا بالقول السوداني العام (كان ما قرينا ما بارينا). أي أهة تلك التي تستحقها تلك الأيام الذي جلس فيه الشعب السوداني يذوف صنوف العذاب على يد الجلادين . أي آهة تلك التي جعلت شعبي مقهورا مستسلما راضحا لجبروت الطغاة والعسكر . أي آهة تلك التي جعلت من أبائنا وأجدادنا (يسلمون) البلد لما يسمونهم الطائفية . وظلوا يستجدون فتات الموائد ردحا من الزمان . . . أي أهة تلك التي يتمنون عودتها وعودة العسكر .. والمزايدات والرقص على الجماجم
من الذي جعل هذا الوطن ينزف ومازال نازفا حتى اليوم في كل أطرافه. من الذي علم أبنائه أن يكونوا ذئابا ليس لديهم هم سوى المحافظة على كراسي السلطان بشتى السبل . حتى في الرياضة .
تتواصل الآهات .. يا حليل كورتنا زمان . أهي تلك البطولة اليتيمة التي (نظمت) في السودان . وفزتم بها . لكي لا ينبرى لي أحد أعمامنا ويقول لي البنية دي ما سمعت ود أبليس كان بيشوت الكورة من دار الرياضة للدايات) وهل كنتم تعتقدون هذه هي اللعبة التي خلقت تلك الإمبراطورية التي لاتغيب عنها الشمس في يومنا هذا . ببساطة لان الرياضة في ذلك الزمن كانت (هرجلة) تفوقنا فيها . وعندما تم تقنينها أصبحنا في المؤخرة . إجتماعياً .. يا حليل عرس زمان ... ياحليل طيبة زمان . وأنا اقول (بالفم المليان) مافي حاجة ضيعتنا غير الطيبة الزايدة عن حدها . حتى وصلت حد (الدروشة) .
Post: #4 Title: Re: يا حليل زمان ،،، لماذا نتباكى على الماضي؟ Author: احمد معتصم الطيب Date: 12-23-2008, 04:43 PM Parent: #1
محسية تحية طيبة
الكلام ده مربوط بعمر من يقول ياحليل زمان فكل ماتقدمت السن بالشخص يعاتب الزمان المسسكين. لكل زمان ناسو يتمتعون به وسوف يأتى زمان على من يتمتعون الأن ونسمع منهم نفس الكلام ياحليل زمان ...
Post: #5 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:46 PM Parent: #1
عشان ما تفهموني غلط ..
ليس القصد من هذا البوست (صراع الأجيال).
يمكنكم أن تتلسموا هذا التباكي على جنبات هذا المنبر .
عودة المنبر .
زمان المنبر
وناس زمان .
الحكاية دي بالضبط سلوك سوداني متفرد ... ولا نحنا ناس ولوفين شديد!!
Post: #6 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:50 PM Parent: #1
Quote: محسية تحية طيبة
الكلام ده مربوط بعمر من يقول ياحليل زمان فكل ماتقدمت السن بالشخص يعاتب الزمان المسسكين. لكل زمان ناسو يتمتعون به وسوف يأتى زمان على من يتمتعون الأن ونسمع منهم نفس الكلام ياحليل زمان ...
أبو حميد اخوي .. المسألة ما مرتبطة بتقدم السن فقط . الحاجة دي بقت مرضة خاصة بالسودانين . وفعلا جبت الكلام من الآخر ... كل زمان وليهو بهجتو .. رغم إني ما شايفة أي بهجة في سودان الإنقاذ ... دا ماتناقض . بس مغصة من الإنقاذيين ديل
Post: #7 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 04:56 PM Parent: #1
. حتى تعليم زمان . ماذا قدم لنا . سوى ثلة من الصفوة (ساذجة في تفكيرها) البعض منها لهث وراء المال في دول النفط وعالم ما وراء البحار والبعض الآخر .رضح أن يلعب دور (المجرم) في أفلام الإنقلابات العسكرية . ومضى الشرفاء فقط ...بعد أن يئسوا من صلاح الحال .
. كان (البروفات العجايز) يحكون لنا كيف كانت حياتهم في جامعة الخرطوم قديما .. ياسلااااااااااااااااااااااام على داخليات زمان يا سلااااااااااااااااااااام على طالب زمان ياسلاااااااااااااااااااااام على الجامعة زمان .
. كانوا قاصدين شنو؟
Post: #8 Title: Re: يا حليل زمان ،،، لماذا نتباكى على الماضي؟ Author: محسية Date: 12-23-2008, 06:30 PM Parent: #1
يا سلااااااااااااااااااااااااااااااااااااااااااام على أيام زمان.
أيام الرخا .
والعافية .
والعيشة الساهلة .
Post: #9 Title: Re: يا حليل زمان ،،، لماذا نتباكى على الماضي؟ Author: willeim andrea Date: 12-23-2008, 06:42 PM Parent: #1
...... كتير اشتقت ليك
Post: #10 Title: Re: يا حليل زمان ،،، لماذا نتباكى على الماضي؟ Author: ابو جهينة Date: 12-23-2008, 08:03 PM Parent: #9
محسية
أيام زمان ... رغم الصعوبة في بعض المجالات .. إلا أن النفوس المتطايبة لدرجة أن العنقريب بشيل عشرة ، هي التي جعلتْ من تلكم الأيام هنية و نتذكرها بالخير ... و أيام حسه ... رغم توفر كل السبل في كل المجالات ... إلا أن النفوس الـــ .... مما ....
* أكملي براك يا بتنا
تحياتي
Post: #12 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 09:45 AM Parent: #10
Quote: محسية
أيام زمان ... رغم الصعوبة في بعض المجالات .. إلا أن النفوس المتطايبة لدرجة أن العنقريب بشيل عشرة ، هي التي جعلتْ من تلكم الأيام هنية و نتذكرها بالخير ... و أيام حسه ... رغم توفر كل السبل في كل المجالات ... إلا أن النفوس الـــ .... مما ....
* أكملي براك يا بتنا
تحياتي
أيهاالخال المبجل أبو جهينة . ياتو عنقريب البشيل عشرة .. عنقريب ولا (حافلة) . بعدين العنقريب كان بشيل عشرة ما عشان النفوس كانت متطايبة .. لانو كانت هناك أزمة في العناقريب. . الكلام الدراش الفوق دا مزاح ساي . بس فعلا لوثتنا( الحداثة) بمفاهميها العجيبة في علام يزداد فيه الأغنياء غنى ويزداد الفقراء فقرا. دي المادية .. والعولمة جاتنا . . . الجمود مرفوض . أن نركن للماضي ونتحسر عليه لا يفيد . . بالمناسبة : غلبني أكمل (محل النقاط) !!
وكما يقول أهل البورد (مع الإحتفاظ بالحق الأدبي لصاحب المقولة)
مؤنة قرن من المودة .
Post: #11 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 09:27 AM Parent: #9
Quote: ...... كتير اشتقت ليك
العزيز جدا willeim andrea نوع من الحنين للماضي ولا أيه ؟
برضو مشتاقييييين
Post: #13 Title: Re: يا حليل زمان ،،، لماذا نتباكى على الماضي؟ Author: الكباشى البكرى Date: 12-24-2008, 10:07 AM Parent: #11
يامحسكو
تحياتى
الماعندو قديم ماعندو جديد
ولا حاضر بلا ماضي
فماضينا وامسنا لم ولن نتخلي عنهما
وكيف نتخلي عنهما؟
سؤال يا محسيه:
صورة بروفايلك دي هسع ولا ماضى؟
لو ماضى حترجعي ليها صاح؟
ولو الان برضو في يوم من الايام حترجعي ليها وتكوني يامحسيه رجعتي لي ماضي.
Post: #15 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 11:03 AM Parent: #13
Quote: يامحسكو
تحياتى
الماعندو قديم ماعندو جديد
ولا حاضر بلا ماضي
فماضينا وامسنا لم ولن نتخلي عنهما
وكيف نتخلي عنهما؟
سؤال يا محسيه:
صورة بروفايلك دي هسع ولا ماضى؟
لو ماضى حترجعي ليها صاح؟
ولو الان برضو في يوم من الايام حترجعي ليها وتكوني يامحسيه رجعتي لي ماضي.
الكباشي يا شيخ العرب .
تحياتنا ومودتنا بلا حدود
الماضي الجميل مدعاة للفخر وليس تشبثا وتعلقا به ومحاولة عقد مقارنة( مضروبة) بين الامس واليوم .
أن نبقى أرثا جميلا من الماضي مطلوب . وان نتفاعل مع الحاضر ونتواكب معه مطلوب بإلحاح .
وأنا ما قلت تتخلى عن الماضي .. فقط الحديث عنه في رأئ المتواضع فيه نوع من المبالغة المقصودة .
رغم وجود نفس الممارسات ..نفس السلوك ... نفس الأمراض ... نفس الطبقات...وبصورة ربما تكون أبشع من الحاضر.
لا أنشد الماضي ..بأي حال حال من الأحوال وإن عشتها أميرة متوجة . ولكني إحتفظ بذكرياتي وتراكم تجاربي لكي أستطيع التواصل بصورة اجمل مع مقتضيات اليوم .
مؤنة سنة من المودة . في مثل بيقول الفات قديمو تاه ... ولا انا غلطانة
Post: #14 Title: Re: يا حليل زمان ،،، لماذا نتباكى على الماضي؟ Author: عبدالله كع Date: 12-24-2008, 10:47 AM Parent: #1
محسيه ازيك ..
Quote: يا حليل زمان ،،، لماذا نتباكى على الماضي؟
بغض النظر علي اي شي الماضي حلو .. لكن المستقبل احلي ..
متفائل !!!
Post: #16 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 11:06 AM Parent: #14
Quote: بغض النظر علي اي شي الماضي حلو .. لكن المستقبل احلي ..
متفائل !!!
سلام يا عبد الله كع
جميل جدا هذا التفاؤل ..
Post: #17 Title: Re: يا حليل زمان ،،، لماذا نتباكى على الماضي؟ Author: عابدون محمد عابدون Date: 12-24-2008, 11:35 AM Parent: #1
شوفى يابت الواحد لما يتكلم عن الماضى يستصحب ( شفتى يستصحب دى كيف؟ دا طبعا تعبير اخدناه من الجماعة ) ايام زمان المابرجعن ويقوم زولك يتحسر
... بتقولى لى أيام زمان مابرجعن ..
Post: #18 Title: Re: يا حليل زمان ،،، لماذا نتباكى على الماضي؟ Author: هشام حسن Date: 12-24-2008, 02:19 PM Parent: #17
Quote: الحكاية دي بالضبط سلوك سوداني متفرد ... ولا نحنا ناس ولوفين شديد!!
أبداً ما هو سلوك سوداني بس.. كل الناس بيتحسرو على (زمان).. زمن الجوز كان تلاته..
زماااان الواحد عشان كلمتين ممكن يتحرك من أم درمان الثورات.. لغاية الكلاكلة، هسه كلها مفتاحين في ذلك الجهاز السحري يقوم بضغطهم وهو خالف كراع وخاتي سفة كبيره تحت ضل النيمة بتاعتهم قدام باب الشارع ويكون قضى غرضو..
يتخيل دا راجع لعدم قناعة الانسان بواقعه في أغلب الأحيان..
كيف تمام؟
Post: #19 Title: Re: يا حليل زمان ،،، لماذا نتباكى على الماضي؟ Author: حامد محمد حامد Date: 12-24-2008, 03:13 PM Parent: #18
ايتها المحسية ايتها الرائعة
بل هى صراع اجيال
هى تداعيات بل مقارنات
وللعمر احكام
ولوفين دى فى
القادم احلى
يعطيك القوة
Post: #21 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 04:22 PM Parent: #19
Quote: ايتها المحسية ايتها الرائعة
بل هى صراع اجيال
هى تداعيات بل مقارنات
وللعمر احكام
ولوفين دى فى
القادم احلى
يعطيك القوة
عزيزي حامد .. كامل المودة والإحترام
لا ما صراع أجيال كدا بتفتح لي جبهة انا ماقادرة عليهو . شكرا لمرورك . وطلتك بالدنيا ..
رأيك شنو في المقولة : (الولف كتال)
Post: #20 Title: Re: يا حليل زمان ،،، لماذا نتباكى على الماضي؟ Author: محسية Date: 12-24-2008, 04:11 PM Parent: #17
Quote: شوفى يابت الواحد لما يتكلم عن الماضى يستصحب ( شفتى يستصحب دى كيف؟ دا طبعا تعبير اخدناه من الجماعة ) ايام زمان المابرجعن ويقوم زولك يتحسر
... بتقولى لى أيام زمان مابرجعن ..
خالي العزيز عبدون .. شفت كيف أولا... نحنا ناس أدمنا التغني بالماضي وخليك من الحاصل في المحيط العام للمجتمع السوداني . تعال هنا في البورد (سودانيز أون لاين) بتلقي مليون زول بيقول ليك يا سلااااااااااااام البورد دا زمان وناس البورد زمان . رغم إنو البورد نفسه لم يمر عليه الدهور والسنين .
ألا ليت الشباب يعود يوما *** فأخبره بما فعل المشيب ..
الله لا رجع أيام زمان ...
نحنا في عصر السرعة ...
نحنا أولاد اليوم .. عصر السرعة . وسباق التكنولجيا . والهرجلات الإسفيرية .
Post: #22 Title: Re: يا حليل زمان ،،، لماذا نتباكى على الماضي؟ Author: خضر حسين خليل Date: 12-24-2008, 04:42 PM Parent: #1
محسية تحياتي
يقولون إن الماضي يحمل في جوفه الحاضر والحاضر يحمل في جوفه المستقبل يقولون أن هذه هي حكمة التاريخ !!! كتابي يقول : أننا كسودانيين لاعلاقة لنا بكل ما يقوله التاريخ إذ نحن نغرد خارج سرب الأشياء ليس لدينا سوي ذاكرة ماضوية نحملها معنا أينما سرنا !!! (سار معاهم أينما سارو) لدي صديق عزيز !!! حكي لي أنه في وسط القاهرة قهوة يؤمها القوم السودانيين أها في نص القهوة دي قال مرة لقي واحد ماسك ليه مصري وواقع فيه تنظير عن تاريخ شعبنا وعن إنتصاراتنا وعن ثوراتنا وعن إننا شعب (مافي مننا نسخة تانية) يقول صديقي أنه ظل مستمتعاً بحوار صاحبنا السوداني الذي كان يصر أن يحكي للرجل تجربة حدثت في ستينات القرن المنصرم فشاهدي ياصاح كيف إحتفاؤنا بالماضي ياسلالالالالام ياخي والله سنة اربعة وستين الشعب السوداني دة علم شعوب الارض ما معني الثورة ياسلالالالالام ياخي حليل ايام الانتفاضة وهاك يا تداعي وهاك يا إجترار واحدة من الاشياء التي اقعدتنا واضرت بمجمل تجاربنا السودانية نظرتنا للماضي كمستقبل وهروبنا اليومي من الواقع !!!!
لك الشكر والتقدير
Post: #23 Title: Re: يا حليل زمان ،،، لماذا نتباكى على الماضي؟ Author: حامد محمد حامد Date: 12-24-2008, 05:06 PM Parent: #22
محسية
ليس الحنين الى المتضى او ذكرة يعنى فقط البكاء على الاطلال
او تمجيد شى مضى واندثر
ولكن ذكر جميل الماضى هو ما نفتقده فى الحاضر
يعنى ابدا ماحتلقى زول يقول يا ريت لو ما فى تكنلوجيا حديثة
اها وين الخرطوم بالليل ما بين الماضى والحاضر
بس لو عايزة تقولى تعالوا نخلى الحاضر والمستقبل احسن تبقى وقعتى فى مطب
والولف كتال كتلة
Post: #24 Title: Re: يا حليل زمان ،،، لماذا نتباكى على الماضي؟ Author: Medhat Osman Date: 12-24-2008, 05:21 PM Parent: #1
الاخت العزيزة محسية تحية وسلام معليش لي الدخول الغلط بس الصورة الحلوة دي حجمها متلش بي شكل البوست بعد استاذانك واذا ما فيها احراج بامكانك ان تختاري واحدة من الصورتين ديل او الاكتفاء بصورتك الاصل ولكي المودة والاحترام
Post: #27 Title: Re: يا حليل زمان ،،، لماذا نتباكى على الماضي؟ Author: احمد سردوب Date: 12-24-2008, 10:08 PM Parent: #26
الزميلة محسية كل سنة وانتي طيبة اكثر ما يعجبني عندك عبارة لن يقوم اي السد الا علي اجسادنا التحية لشهداء كجبار والعار لحكومة الكيزان القتلة ارجع لموضوع البوست نحن في السودان تعاقبت علينا حكومات العسكر وكل مرة يسلبوننا حقوقنا فاصبح الماضي افضل ويوم بكرة متوقع ان يكون اسوأ مثلا حلفا قبل الغرق والجنوب قبل الحرق بما يسمي المجاهدين ودارفور قبل حرب الكيزان والتعليم قبل ما يسمي ثورة التعليم العالي والصحة قبل السياسات التي اخذت منا مجانية العلاج و........... كل ما مضي جعل التحسر علي الماضي مقولة ثابتة ولكن انا اري يوم بكرة جميل بنضالنا وبتخطيطنا لغد افضل ان فعلنا
Post: #28 Title: Re: يا حليل زمان ،،، لماذا نتباكى على الماضي؟ Author: عابدون محمد عابدون Date: 12-25-2008, 09:11 AM Parent: #1
ياحليلنا نحن ناس زمان ....
Post: #31 Title: Re: يا حليل زمان ،،، لماذا نتباكى على الماضي؟ Author: محمد مختار جعفر Date: 12-25-2008, 10:50 AM Parent: #28
سلام وتحية .. قول شاعر جميل ...
كل واحد ليهو فى تاريخه ماضى ، .. أي ماضى ، ليهو ذكرى حب قديمه .. ليس بالضرورة أن يكون حبا رومانسيا ، بقدر ما يكون حبا يمتثل فى أى شيء .. وهكذا هناك من يجيد الوقوف على الأطلال والماضى التليد .. ولكن ألا ترين أن الماضى مهما صعبت ذكراه فهو جميل ، لأنه مضى ، والخوف والتوجس من الذى يأتى ، لأننا لانعرفه .. وعلى أيى حالة يأتينا !!! لذلك ندحضه بالتفاؤل .. اليس كذالك ...
محمد مختار جعفر
Post: #29 Title: Re: يا حليل زمان ،،، لماذا نتباكى على الماضي؟ Author: طارق عبد اللطيف نقد Date: 12-25-2008, 10:06 AM Parent: #1
مسكاقمي(ذي ما بقول الخال حمزاوي) انت عارفة الحاجة الوحيده الكويسة ايام زمان شنو000
كنا رايقين ومقبلين علي الحياة ومتفائلين ولا نحمل اي هم علي عاتقنا الا اليسير من هموم النضال السياسي والتحول الديموقراطي 000
اما الان فعصر السرعة وثورة الاتصالات 000 النت والستلايت والجوالات 000
الحياة اسهل وامتع وممكن تتواصل مع اي حد في الدنيا بأقل تكلفه وجهد000
شن جاب لي جاب!!!
وذي ما قالوا المصريين
كنافي جرة000وطلعنا لي برة
Post: #30 Title: Re: يا حليل زمان ،،، لماذا نتباكى على الماضي؟ Author: عبد الدائم سيد أحمد Date: 12-25-2008, 10:12 AM Parent: #1
محسية كل سنة وانتى ميه الميه شاهدى مسلسل الشهد والدموع حاليا" على روتــــــــــانـا زمـــــــــــان
ود أبليس كان بيشوت الكورة من دار الرياضة للدايات)
