شيوخ المنبر تعالوا هنا

دعوة لشيوخ المنبر لسرد ذكرياتهم والمنبر يخطو الخطوة الاولى فى بدياته ومعرفة ما قدموه من جهد حتى اصبح منبر السودان الاول فى الشتات والداخل .
والفكرة مجرد توثيق للمنبر بكل مسمياته التى تعاقبت عليه حتى الان
نرجو من الشيوخ التكرم بالمشاركة
حتى لا ندخل فى جدل من هو الشيخ لنتفق على كل العضوية التى اكملت خمس سنوات يندرج عليها اللقب
تحياتى

عنوان البوست منفر ,,,

اما موضوع البوست فانه رائع ,,

وفيه تواصل اجيال ,,,

حتي يستفيد العضو الجديد عمن سبقه ,,,


سلام بلدي يا حبوب

الاخ العوض المسلمى

Quote: عنوان البوست منفر ,,,

عذرا ان كنت لم تفهم معنى اختيارى للعنوان واشكرك على التعقيب المفيد
وما يهمنى التواصل وهذ التواصل يتطلب ساس لنبى عليه وبم ان شيوخ المنبر هم من ارسى لذلك دعونهم لكتابة الكثير وهذا لا يعنى اننى اميز فئه على اخرى فكل عذوية المنبر تسهم وتجعل منه منبرالسودان الاول على الانترنت
ختام استعرت بالعنوان املا فى مخاطبة عضوية تابى ان تسرد لنامع احترامنا للمانع ما كان وانتم الان خير معين للتواصل فكثيرا من الشيوخ انزوا او فضلوا الجلوس على دكة الضيوف فمنكم ومن كل عضو جديد وجمعيا جنوج للحروف فى سبورة عنوانها المنبر العام
تحياتى

يا بلد

كيفك، الفكرة جميلة، وهي في تقديري تعتمد أساس للعمل المؤسسي الذي نفتقده في كل مؤسساتنا، وسودانيزاونلاين جزء من هذا الكل، وان توسل التكنلوجيا، فأنا اعتقد أن مؤسسة سودانيزاونلاين تستهدف عملية التوثيق وحفظ وأرشفة حاضرنا وتاريخنا،-حتى وان لي يعلن ذلك صراحة- فأظن من باب أولى أن ترسي قواعد وأسس لهذه التوثيق، الذي يجب أن يبدأ من هنا أي من التوثيق للموقع...
ومن خلال هذا البوست أقدم اقتراحات آمل أن تثري هذا البوست الجميل، وأطلب من الأخ بكري أبوبكر:
أن يعمل رابط لأول بوست
أن ينزل صورة لبروفايل العضو رقم (1).

.
.

أنا غايتو من ناس 2003م ماعارف أعتبر شيخ ولا حوار برلوم ولا سينير

.
.

من الدروس المستفادة : في إتنين ماتخليهم يزعلوا منك :

1/ بكري أبوبكر

2/ سعادة الأستاذ المحترم جداً (الهكر) (نظام خوف وكدا والخواف ربى عيالو)


في إتنين ماتخليهم يتلحوك:

1/ الأستاذ محمد Eسليمان

2/زول كدا خليهو في سري للضمان

في ناس كتار شديد يستحقوا الإحترام والتقدير والمودة

في ناس المفروض ينكتب في البروفايل حقهم : تحذير طبي : هذا الشخص سبب رئيس لأمراض القلب والسرطان.

في ناس غريبة وعجيبة وشخصيات أسطورية عديل كدا .

وفي حاجات كتيرة حامياني وفي حاجات ماقادر أقولها أنا ما قادر أصرح .

وغايتو المهم على قولة أخونا تبارك .

تحياتي وتقديري.
.
.

Quote: أنا غايتو من ناس 2003م ماعارف أعتبر شيخ ولا حوار برلوم ولا سينير . . من الدروس المستفادة : في إتنين ماتخليهم يزعلوا منك : 1/ بكري أبوبكر 2/ سعادة الأستاذ المحترم جداً (الهكر) (نظام خوف وكدا والخواف ربى عيالو) في إتنين ماتخليهم يتلحوك: 1/ الأستاذ محمد Eسليمان 2/زول كدا خليهو في سري للضمان في ناس كتار شديد يستحقوا الإحترام والتقدير والمودة في ناس المفروض ينكتب في البروفايل حقهم : تحذير طبي : هذا الشخص سبب رئيس لأمراض القلب والسرطان. في ناس غريبة وعجيبة وشخصيات أسطورية عديل كدا . وفي حاجات كتيرة حامياني وفي حاجات ماقادر أقولها أنا ما قادر أصرح . وغايتو المهم على قولة أخونا تبارك .

اللبيب بالإشارة يفهم؟؟؟؟؟؟؟؟
الموضوع اجمل من جميل و فية فرصة للأعضاء للاستفاجة من الخبرة و المواقف التي مرت علي الشيوخ
و ممكن و ممكن.....
و ملاحظات الشيوخ مهمة جدا كدروس مستفادة

ندوس 2000
شكرا على المرور والفكرة النيرة المتمثلة فى

أن يعمل رابط لأول بوست
أن ينزل صورة لبروفايل العضو رقم (1).
كل الامل ان يساعدنا الاخ بكرى ابوبكرى
ونأمل فى طرح خبرتكم على شكل قصاصات(مواقف/بدايات/وهلمجرا
شتحياتى

سلامات يا حبوب

- ما كنا بننبذ عضو بي امو او اختو او زوجتو
- ماكنا بننابذ بعض لاختلاف وجهات نظرنا
- ماكنا منتبهين اصلا لي منو قبيلتو شنو
- كنا بنحب بعض







__
و ماكان في لائحة زاتو الزمن داكـ

ALazhary2
كلام زول عاصر المنبر وخرج بتلك النقاط والاستفاده منها فى التوثيق مع ملاحظة هنالك الكثير الذى يقال وداخله المفيد
تحياتى

الاخ/ حسن الطيب
شكرا على المرور والمفيد
و ملاحظات الشيوخ مهمة جدا كدروس مستفادة
وانت من الشيوخ واهل مكة ادرى بشعابهافلندلوا جميعا بما استفدنا واضفنا حتى وصل المنبر العام الى هذه الشهره وان كنت اتحفظ على بعض ما يقرأ من حروف فى بعض البوستات
تحياتى

شيخ خدر والله سلامات
لا اجد تعقيبا غير ان اردد
ما كنا بننبذ عضو بي امو او اختو او زوجتو
- ماكنا بننابذ بعض لاختلاف وجهات نظرنا
- ماكنا منتبهين اصلا لي منو قبيلتو شنو
- كنا بنحب بعض
تحياتى

على سبيل المثال لا الحصر تعالوا نقرا عنوان منبر عام 2001
يا ناس دى حالة دى


عنوان البوست(ده حاله يا ناس)
واول ما كتب فى البوست

ماهو الفرق بين المادية و الواقعية

و اين هذه الكلمات من حقيقة المجتمع السوداني اليوم

نعم كانت هنالك اضافات حقيقية تمثلت فى تصوير الواقع المعاش حينئذن بكلمات بسيطة الحروف ودسمة المعانى ولو دخلنا الى الردود سنجد الثمين نقرأ ادب الاختلاف واحترام الرأى بجانب تقديم المفيد لقراء المنبر ولا انسى كلمات كنت اكررها كثيرا ...
اتيت الى هذا المنبر دافعى تعلم اساسيات الديمقراطية التى اقتعنت بها وانا من زواروبعد نيل العضوية كانت قناعتى بأننى تلميذ فى مدرسة بكرى ابوبكرى استفدتوما زلت استفيد
وقتها كان المنبر يحمل الاسم(المنبر الحر )
وفى منبر عام 2002 كانت شرارة الاختلاف تحرق المنبر ووقف الجميع لاجل عودة منبر هادف ولكم فى هذا البوست على سبيل المثال
عنوان البوست (
ما كتبه صاب البوست
طبعا بعد الإستئذان من السيد/ بكري أبو بكر صاحب الموقع وزعيم البورد
أرجو أن يكون كلامي هذا مقيما عند الأعضاء وأن لا يمروا عليه مرور الكرام
اقترح أنا الجديد في الشغلانة، حلا لمشاكل "وليد وغير وليد"
وما العناوين التالية ببعيدة عن الأعضاء
"رجل ضد دولة، ودولة ضد رجل هكذا كان وليد 500"
"حملة توقيعات لإسقاط العقوبة عن وليد"
"مناشدة شخصية لادارة البورد المبدعة لإسقاط المدة المتبقية من عقوبة الأخ وليد"
"أطالب بفصل ودعزة من عضوية البورد فورا"
"الاخ الرمانسي يطالب بمعاقبتي او فصلي من البورد"
"الاخ الدبلوماسي يطالب بفصلي من البورد"
"الشرزمة المنتمئة للأخ وليد500 ايش رايكم نعمل حداد؟"

المهم يا ناس النظااااااااااااااااااااااااااااااام

وطالما نحن من غير نظام فعلى الأقل لن تتحقق أهم الأهداف الجميلة التي قام عليها البورد
هكذا كان المنبر فأين نحن الان اتمنى ان نرجع الى ارشيف المنبر لنستفيد ونقرأ كيف بدأ واين ومتى وماهى الافكار المطروحه التى جعلت الجميع يسارعون الخطوات للولوج الى المنبر قراءا وطلب عضوية
تحياتى

حضور ومتابعه للناس الحلوه .... معزتي

وليم اندريه
شكرا على المرور ولك كل الاشواق والمعزه
تحياتى