ممغوس داير يفش غبينتو .. هل من مثني؟ معاً من أجل يكون معنا الرائع/ طارق عوض محمد حمد

الرائع/ طارق عوض محمد حمد

يكفي لأن أعرفكم به خير تعريف

أن أقول إنه إنسان معجون بحب هذا الوطن

فـ طارق الذي نفتح هذا البوست لأجل أن يكون عضوا معنا

لم يترك منفذاً للعمل الوطني إلا وكان أول الداخلين
وكان أول المساهمين

بالتأكيد هو خير إضافة إلى هذا المنبر
ليكون قلما جديدا وإضافة حقة
في معركتنا لأجل الحرية والعدالة والسلام

.... صاحب الدار بكري أبو بكر
فليكن لأجل الوطن .. ولأجل القيم السامية
ليكن طارق عوض محمد حمد عضوا معنا في المنبر


... أعضاء المنبر الوطن سودانيز أون لاين
هلموا لأجل أن طاق عوض محمد حمد عضوا هنا
لأجل أن يزداد هذا المنبر ألقا وبهاء

الأستاذ طارق عوض محمد حمد

من أبناء منطقة الحامداب حينما كانت ريفي مروي

من مواليد الشعبية بحري

خريج جامعة أمدرمان الإسلامية لغة إنجليزية

حاصل على دبلوم الترجمة من جامعة جوبا

نور الدين إزيك؟
وكل سنة وإنت طيب
يا سلام عليك يا رايع
ويا سلام على الأستاذ طارق عوض
...
بالمناسبة يا نور الدين
طارق يعمل الآن أستاذ متعاون إن جازت التسمية
بكلية التربية جامعة الخرطوم
..
بجيك راجع

Quote: طارق يعمل الآن أستاذ متعاون إن جازت التسمية بكلية التربية جامعة الخرطوم

ألصديق عبدالباري
شكرا على المرور ...
وشكراً على التوقيع الجميل

.. وحتما سنأتي على الكثير فيما يخص الصديق طارق

بالله يا نور الدين ما تزعل مني كان عملت فيها (سيد الشئ ذاته)
عشان أنا عندي حاجات عايز أقولها عن طارق
..
طارق عوض درس الإبتدائية بالشعبية شمال
والمتوسطة ببحري الجديدة المعروفة حينها بصالحين
والثانوية بالخرطوم القديمة
وتخرج في جامعة أمدرمان الإسلامية كلية الآداب لغة إنجليزية
وإضافة لما ذكرته أخي نور الدين عن نيله دبلوما الترجمة
فإنه قد عمل معلماً للغة الإنجليزية بالمرحلة الثانوية
وقد فصل لأسباب أتمنى أن يجد الفرصة ليسردها بنفسه
...

Quote: بالله يا نور الدين ما تزعل مني كان عملت فيها (سيد الشئ ذاته)

عزيزي عبد الباري
... ثق أنه حتى عتب الأحبة بيننا مرفوع
يكفينا فخرا واعتزازا هذة المعرفة الحلوة وهذه العلاقة الجميلة
التي جمعتنا بكرام مثلكم
أنتم والعزيز طارق عوض

يكفي أن يكون صديقا لك اخ نور الدين حتى نثني انضمامه..

مرحبا به جدا

Quote: يكفي أن يكون صديقا لك اخ نور الدين حتى نثني انضمامه..

عزيزي مؤيد
تحرجوننا بهذه الكلمات الطيبة
شكراً لكم

.. وثق أن طارق لا يحتاج إلى تزكية مني
بقدر أنه يحتاج ليفتح له نفاج في هذا المنبر الرائع
ليفجر لنا الكثير مما هو رائع ومفيد ومثمر

مرحب به

في المنبر العام


عبدالمجيد

Quote: مرحب به في المنبر العام

العزيز عبد المجيد
.. وتسلم
وماً من أجل أن يكون طارق معنا عضواً في المنبر

طارق كواحد من أبناء الحامداب الذين تم تهجيرهم

عايش هذه المأساة بكل تفاصيلها

بيوت الطين (القديمي) التي صارت أثراً بعد عين

الجروف واللوبيا
وحركة الترابلة ما بين الصيفي والشتوي

كلقيلي، الحامداب غرب، الحامداب شرق، أُولي وغيرها من المناطق

الحامداب الجديدة برمالها ومآل حالها

يا ترى ماذا يود طارق أن يقوله عن الواقع الآن؟

Quote: فإنه قد عمل معلماً للغة الإنجليزية بالمرحلة الثانوية وقد فصل لأسباب أتمنى أن يجد الفرصة ليسردها بنفسه

نثني ونناشد بمنح طارق عوض باس ورد
شكرا نوري وعارفين ما بجي منك الا زولا سمح وزين.

Quote: يا ترى ماذا يود طارق أن يقوله عن الواقع الآن؟

الواقع الواقع





نثني

Quote: الواقع الواقع نثني

الماجد/ د. مجدي
تشكر على التثنية

... وللأسف كم سيسلط الكثير على الكثير من المرارات
الموجودة على سطح واقعنا المؤلم هذا

... وبالتأكيد سيكون طارق خير عونٍ لنا في معركة التغيير

Quote: معركة التغيير

الزمن الصعب

زمن الغاية تبرر الوسيلة

Quote: شكرا نوري وعارفين ما بجي منك الا زولا سمح وزين.

شكراً لك عزيزي عمدة على هذا الدعم

... أما طارق فهو سمح و زين وحاجات تانية كتيرة جميلة

فقد أمهلني قليلاً لآتي لأحدثكم عنه

Quote: بيوت الطين (القديمي)

يا سلاااااام ياخي يا نور الدين
ذكرتني أغنية عيسى بروي:
أرض الريد والمحنة بيوت الطين القديمي
سلام ليكي يعم يطوفك ويحلق في سماكي ديمي

والأغنية مليانة بالصور الواقعية
والشجن و و و ...
وحاجات تانية حامية أي زول

العزيز نور الدين كل سنة وانت طيب , ندعم وبشدة طلب الاخ طارق
والزول الجايى من تالاك ده زولنا تب , نتمنى ان يعجل الأخ بكرى
اجراءات الباسوورد .

ليك يا نور الدين وللمتداخلين
ولي طارق عوض مساحات من الرحيق




تصبيرة يا جماعة لزوم النوم وكده

رجعنالك
رجوع القمرة لي وطن القماري
..
.
وييينك يا نور الدين؟
أتحفنا بالمزيد عن العزيز طارق

Quote: ندعم وبشدة طلب الاخ طارق والزول الجايى من تالاك ده زولنا تب , نتمنى ان يعجل الأخ بكرى اجراءات الباسوورد .

العزيز / فيصل عثمان الحسن
تجعلوننا ندخل ورطة اللغة المحالة بكل هذه الكلمات الطيبة
شكراً لكم ولنبلكم ولروعتكم

اثنى واثلث واربع كمان ....
مثله من يذهب البورد اليه ويطلب وده ياباشمهندس بكرى ...

Quote: مثله من يذهب البورد اليه ويطلب وده ياباشمهندس بكرى ...

الأخ عابدون ...
بعد هذه الشهادة .. لا أجد ما أضيفه
في ضرورة أن يكون طارق عضواً معنا في البورد

أبصم بالعشرة لي ود الشعبية

نور الدين ياماجد

كل سنة وانت طيب ..غايتو طارق ده
الجاب عبد الباري العجيل
لا هني تب ما هين..

غايتو باقي لي الزول انا بعرفو
طالما من الحمداب..

الا الذاكرة عشعش فيها الخراب
والباقي تخوجل فيه الغربة..

عاد اكان من كلقيلي الجبل..

بكون مغبون وغبينتو ما بتتفك
علا بوجودو هنا ..

وكمان موضوع الحمداب والمناصير
والغرق يستحق ..عشان المناصير طلعو أشطر
ومن يومن قالوا الحق الحق ..

الا ناسنا بعضهم اتمسحو في طرف الحيكومة
وقالو لابد من القومة ..من البكان
التشرد منو حمارة عكاشة..

والتقو في الملتقى فرحتهم القريشات الزايلات
وراحت منهم ريحة التمر والجروف والجرم..
ونسو راس خيتم البوصلم لي جذور أفراحم واتراحم

والله انا ياطارق مغبون اكتر منك ..
مع انك عارف الحال..

حال الخزان القسم ساس الناس
وخلى احساسم واحد فاضي والتاني مطنبج
زمان كنت بمش راس الجزيري بي
حمارة "منيش" عشان ألعب الطاب
بي دق الكرعين ..ولا ملاوات الكيكران

أها هسه بصات الفقرا ماتلمك في زول
أكان عديت وكتك كلو سفر..



ــــــــــــــــــ

عبد الباري سلام

بركة الشوفه ياخي

وحمدله سريحي

ــــــــــــــــ

ياجنا ها دحين طارق دا
ماياهو قريب ناس حمور
غايتو لو بقا هو

نقول يابكري سريع
أديلو المفتاح

بس خليهو يراسل بكري
مباشرة بواسطة الايميل
ونحنا نتم الناقصة

Quote: أبصم بالعشرة لي ود الشعبية

الصديق شمس الدين ساتى

الشعبية ... أكرم بها من إنتماء
وأعظم بها من مكان

وبرغم حب طارق وعشقه لها
فإنه يظل دائماً مع الجهة ضد الجهوية
ومع القبيلة ضد القبلية

... أرجو أن يكون جميع السودانيين كذلك

عابدون وشمس الدين
سلامات يا أبناء الشعبية الأماجد
بالمناسبة مرة أنا جاي مع طارق
بشارع المعونة من الشمال للجنوب
الود عامل فيها بوصف لي في بحري
عايز يقول لي ده الشارع البفصل شمبات من الشعبية
قال لي ده الشارع البفصل شعبات من الشمبية

عبد الباري

يا مرحبا بطارق عوض
الجواب ظاهر من عنوانو

Quote: البفصل شعبات من الشمبية

أوعى الشين دي تكون معطشة

Quote: حال الخزان القسم ساس الناس وخلى احساسم واحد فاضي والتاني مطنبج

كلامك ده والله يا منعم متخيل بقول فيهو
عوض صديق ولا حاكم سلمان في واحدة من مسلسلات
رادي أمدرمان البجيبوها الساعة خمسة ويعيدوها بكرة 12 إلا ربع
وكمان معاها جرة في آخرها هييييييييي هئ

Quote: والله انا ياطارق مغبون اكتر منك .. مع انك عارف الحال..

..
.

Quote: زمان كنت بمش راس الجزيري بي حمارة "منيش" عشان ألعب الطاب بي دق الكرعين ..ولا ملاوات الكيكران

الطاب والكيكران براهو يا منعم
وين الكاك الفي بار الجزيري؟
ومركب ود الفكي؟
وبدايع يا منعم الجنب أم طرفايي؟

Quote: ياجنا ها دحين طارق دا ماياهو قريب ناس حمور غايتو لو بقا هو نقول يابكري سريع أديلو المفتاح

يا هو ذاتو يا منعم
ومنطقتهم الحراز بالحامداب غرب قبل الغراق
..
.
عبد الباري

الاخ نورالدين صلاح الدين

سلامات

ندعم

وعن ثقة

في إختيارك أن يكون طارق بيننا

كل التحايا لك وله

Quote: وبدايع يا منعم الجنب أم طرفايي؟

سلام علي أهلها القدامى..
ياأطيب جيل

اتوسدتو الميل... عينكم
مرتاحه وبالكم
مبسوط..

لا شفتو ولادكم في شنقاية
حالنا يمسدو وجع البلد
الغرقت ..

لا وروار السوط اتسنجك
كم شلخات في
ضهر الفاقة..

دحين شمارتك وين فتشلي
بكانا يابس يامسؤول ..

دندحت الفجي غمرت نخيلة
جدي..

كان هاديها سبيل لي الله
يالله تغرق زول يهديلك نخلة!!

قبل التمر
الجرف الأخدر والخروم
إتدندح شوف الناس
سمع الناس يا منعم
في العد يحصل والمعلوم
إتوهدبت المِدْرِي .. المُشْرَع..
والرَوَّاس
الشّيمِي تَهِجْ من فوق الشيمي
القيف يتبرَّا من الهدام
وتقع البلد.. الناس.. والساس
من سروال الحال المايل والمخروم

وينا غويبة الحرجل
وحاحايات الترعة
حدا البركان الجاف..

دروب هوميق الحلي تكردب
فوق تنقير معلوم
تمشرق من الجاوي
أصناف اصناف ..

و ينا حرازة القيف
السارحة عديل
وبدون عكاف ..

عطفة الساقي الصامدي
سنين سقّاية الزمن
الحاف..

ماتقولي بقت فيلوكة
بلا مجداف..

ياعبدو دحين سديت
البوقي مسيرة الصيف
الفات ؟
أما بقت خزان البحر
الكنا بنغرف منو
بلا مغراف..

عكفات الروح ممغوسة
مغيسة طارق..

جبّد لي حكاية تبل
الشوق الحارق..

فتشلي منيجل ضايع
بين ورتاب القصب
الفارغ..

وريني أقب من وين
لي وين والدنيا
مشارق..

الأخ نور الدين لك تحايا ناس الشعبيه
وندعم ونبصم بالعشره لاخونا
الرائع/ طارق عوض محمد حمد..

ولك وللعجيل مودتي

Quote: لك وللعجيل مودتي

ولك آلاف التحايا يا عز الدين
وياريت تستنفروا بقية أولاد الشعبية
حتى يكون طارق عضواً معنا
..
.
عبد الباري

للحامداب أشواق وتحايا
لي كل الناس الهاجري أوطانا
الأجيال الجايي بتسأل
والتاريخ يا أمة أمانة
بي كمين بعتوها التمرة
وبي كمين بعتوهو غنانا؟
وتمن الجرف اللوبي الفيهو
وسعر الزول الفي الجبانة؟
والحيكومة الشايفي سُكاتنا
وقايلي الناس بلحيل تعبانة
حقها تعرف دي الحيكومة
نحنا سكاتنا نعدو أمانة

من أعمال بابكر فرج

سودانيز عودنا يا بكري
وطن الكل
وشجرة ضل
ووردة فل
وطاقة نتاوق بيها نطل

طارق راسلك على إيميلك
وللضمان كده إيميلو هو
[email protected]
..
.

عشمنا كبير فيك يا بكري ....

إن كان الشمس أو كان الشعاع فهو ضوء في ظلام الحكم الإسلامي ضوء من نور الدين صلاح الدين

Quote: عشمنا كبير فيك يا بكري ....

%%%
$^%
#^%%

على
بابك
نهارات
الصبر
واقفات