بورداب الخرطـوم العوض المسلمي داعيكم بكـرة غـداء بمنزلـه بشمبات

Post: #1
Title: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 05:34 PM

بمناسبة عودته من الارضي المقدسة

حجا مبرورا وذنبا مغفورا

Post: #2
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Yassir Tayfour
Date: 12-11-2008, 05:37 PM
Parent: #1

ya abo slaam o kulu sana o into 6aybeen
___
has he painted the gate, yet?

Post: #16
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:30 PM
Parent: #2

Quote: has he painted the gate, yet
ياسر طيفور
كل سنة وانت طيب

الـ gates يا ياسر هسة كلها بقت سراميك ماعدا بتاعتي

كان داير تكتب فيها الا بمسدس بوهية

تحياتي

Post: #174
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-13-2008, 09:13 AM
Parent: #2

[c=48]how can these people judge me? They ain't my peers and in all these years, they ain't never

Post: #3
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 05:37 PM
Parent: #1

مبروك الحج لاخونا المسلمي

Post: #4
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 05:38 PM
Parent: #1

المحترم شول اشوانق دينق
ناذر حيتصل بيك وتعالوا سوا

Post: #5
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: حمور زيادة
Date: 12-11-2008, 05:44 PM
Parent: #4

حمد لله على السلامة اخونا حاج العوض ..
حجا مبرورا و ذنبا مغفورا باذن الله

Post: #17
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:34 PM
Parent: #5

Quote: حمد لله على السلامة اخونا حاج العوض ..
حجا مبرورا و ذنبا مغفورا باذن الله
حمور زيادة
حمد لله على السلامة
وكل سنة وانت طيب

المنبر منور والله

____________________
كان جاي بغشاك ونجي سوا
تحياتي

Post: #8
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: دوت مجاك
Date: 12-11-2008, 06:01 PM
Parent: #4

Quote: المحترم شول اشوانق دينق
ناذر حيتصل بيك وتعالوا سوا

عبدالوهاب على
راجعت المداخلات ما لقيت شول رد
ولا الشربوت اثر فى نظرك

عموما انا بتصل بـ 999 ونجى سوا

Post: #20
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:41 PM
Parent: #8

Quote: عموما انا بتصل بـ 999 ونجى سوا
العزيز دوت مجاك
كل سنة وانت طيب

ياسيدي ان شاء الله تسلم من الـ 999 والشر برة وبعيد

شوف انت ساكن وين وننسق مع بعض

تحياتي

Post: #6
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: دوت مجاك
Date: 12-11-2008, 05:58 PM
Parent: #1

Quote: بمناسبة عودته من الارضي المقدسة

حجا مبرورا وذنبا مغفورا

اخونا العوض
والله ما عارفين نقول ليك شنو غير الاقتباس دى
شكرا لاتصالك عند المغادرة للحج
وشكرا للاخ معتصم ايضا انه يظل يتفقدنا بين الحين والاخر ليخبرنا عن موعد لقاء الاحبة

جاينك تب

Post: #7
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 06:00 PM
Parent: #1

حمدلله على سلامة أخونا حاج العوض المسلمى

Quote: المحترم شول اشوانق دينق
ناذر حيتصل بيك وتعالوا سوا

الف شكر يا عبد الوهاب وقبل دقيقتين إتصل بى الأخ معتصم "نستا" مشكوراً

عموماً ... نتقابل بكرة يا زول وكل سنة وإنت بخير

شول اشوانق دينق
_______________
وهبة بالله شوف معاك طريقة لى بقال ده ياخ.

Post: #22
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:51 PM
Parent: #7

Quote: وهبة بالله شوف معاك طريقة لى بقال ده ياخ.
العزيز شول
السيد بقال رئيس بورداب الخرطوم اكد حضوره
وكما تفضل سيادته شخصيا بتوجيهي بفتح هذا البوست وطلب رسم خارطة للطريق والتعليمات نفذت بالحرف الواحد وفي انتظار اي توجيهات تصدر الينا حتى لو ادى ذلك الى المجازفة بحياتي .
وانا من هذا المنبر ابايع السيد بقال كرئيس دائم لبورداب الخرطوم في المنشط والمكره وتؤول الرئاسة لابنائه او من يراه مناسبا .
وقد ظللنا نرقب ما يدور من مناوشات وتطاول على شخص الرئيس بقال من المندسين والمخربين امثال المدعو ناذر الخليفة والسيدة تراجي مما يجعله سئ المزاج احيانا ونحن بدورنا سنضرب كل هذه المحاولات البائسة والغير مسئولة وسنتصدى لها ولا نامت اعين الجبناء.( الجبناء من الجبنة)
وشكرا

Post: #49
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:03 PM
Parent: #22

Quote: السيد بقال رئيس بورداب الخرطوم اكد حضوره
وكما تفضل سيادته شخصيا بتوجيهي بفتح هذا البوست وطلب رسم خارطة للطريق والتعليمات نفذت بالحرف الواحد وفي انتظار اي توجيهات تصدر الينا حتى لو ادى ذلك الى المجازفة بحياتي .
وانا من هذا المنبر ابايع السيد بقال كرئيس دائم لبورداب الخرطوم في المنشط والمكره وتؤول الرئاسة لابنائه او من يراه مناسبا .
وقد ظللنا نرقب ما يدور من مناوشات وتطاول على شخص الرئيس بقال من المندسين والمخربين امثال المدعو ناذر الخليفة والسيدة تراجي مما يجعله سئ المزاج احيانا ونحن بدورنا سنضرب كل هذه المحاولات البائسة والغير مسئولة وسنتصدى لها ولا نامت اعين الجبناء.( الجبناء من الجبنة)
وشكرا

Post: #9
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناهد بشير الطيب
Date: 12-11-2008, 06:03 PM
Parent: #1

حجا مبرورا وذنبا مغفورا اخونا المسلمى ...

__________
المسلمى ترجع بدون مانشوفك؟
ماميعادك بكرة مع بورداب جدة ...ولا شنو؟

Post: #10
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 06:07 PM
Parent: #1

عبدالوهاب على
راجعت المداخلات ما لقيت شول رد
ولا الشربوت اثر فى نظرك

عموما انا بتصل بـ 999 ونجى سوا

يا دوت الكلام بدأ هنا ياخ
بـورداب الخرطـوم اهـا البرنامـج شـنو (2)

كل الشكر يا وهبة

شول اشوانق دينق

Post: #11
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: دوت مجاك
Date: 12-11-2008, 06:20 PM
Parent: #10

Quote: يا دوت الكلام بدأ هنا ياخ
بـورداب الخرطـوم اهـا البرنامـج شـنو (2)

كل الشكر يا وهبة

شول اشوانق دينق

عيييييييييييييييييييك
كل سنة وانت طيب يا شول
طبعا ما كنت عارف

بس برضو يا عبدالوهاب بضرب للـ 999
وكل سنة وانت طيب برضو

Post: #12
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناذر محمد الخليفة
Date: 12-11-2008, 06:22 PM
Parent: #1

مبروك الحج لاخونا المسلمي وحمدلا على سلامة العودة ..

Post: #13
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 06:25 PM
Parent: #1

Quote: عيييييييييييييييييييك
كل سنة وانت طيب يا شول
طبعا ما كنت عارف

بس برضو يا عبدالوهاب بضرب للـ 999
وكل سنة وانت طيب برضو

عادى يا زول بس الــ3 بتاعات ديل شنو يا عمك؟ داير تحرمنا الجية وللا شنو؟

شول اشوانق دينق

Post: #14
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:26 PM
Parent: #1

دا وصف البيت

Post: #15
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عادل عبدالعزيز عبد الرحيم
Date: 12-11-2008, 06:29 PM
Parent: #14

ميروك للمسلمى وحجا مبرورا

لكن شكلك كده شريت ناس جدة

مستعجل مالك يا اخو خايف على الحجة تتبخر فى الهواء

هى خفيفة للدرجة دى

Post: #19
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناهد بشير الطيب
Date: 12-11-2008, 06:39 PM
Parent: #15

Quote: لكن شكلك كده شريت ناس جدة

مستعجل مالك يا اخو خايف على الحجة تتبخر فى الهواء

والله راجنو يااخ عادل...لكن الله غالب ...
عاد يالمسلمى نقول ليك شنو غير حجا مبرورا

________________

عبدالوهاب اخوى معليش ماسلمت عليك كل سنة وانت طيب وبخير

Post: #18
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 06:38 PM
Parent: #1

وهبة قال :
Quote: دا وصف البيت

طيب وين البيت هنا ..؟؟

Post: #21
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: دوت مجاك
Date: 12-11-2008, 06:43 PM
Parent: #18

Quote:

طيب وين البيت هنا ..؟؟ ..[QUOTE/]

هههههههههههههه
انا قلت ليكم
وهبة دة كتر من الشربوت
تانى يا شول قول لى الحكاية بدت من هناك
اهو صحبك وصف لينا شمبات كلها ونسى يوصف لينا البيت

Post: #23
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Hassan Makkawi
Date: 12-11-2008, 06:52 PM
Parent: #21

ميروك للمسلمى وحجا مبرورا

يا وهبى

شكلنا لمن نجى اجازة ونقول يا خروف

يقولينا أمشو المتحف

هنيأً للمسلمى الحجة.. وبورداب الخرطوم اللمة

Post: #25
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 06:57 PM
Parent: #21

Quote: طيب وين البيت هنا ..؟؟
طلوح داقس ديمة
ياحليلك يالنايم على حيلك

ومال الهدف دا في مرمى اكرم

Post: #24
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 06:57 PM
Parent: #1

هههههههههههههه
انا قلت ليكم
وهبة دة كتر من الشربوت
تانى يا شول قول لى الحكاية بدت من هناك
اهو صحبك وصف لينا شمبات كلها ونسى يوصف لينا البيت

يا اخوانا .. الهدف "باللون الأحمر" ده شنو يعنى ما البيت

هوى يا دوت ... مالك ومال عبد الوهاب

شول اشوانق دينق

Post: #26
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:02 PM
Parent: #1

لاحظوا لاوقات الردود أعلاه عشان ما تقولوا شفيت من وهبة
الردين فى نفس الوقت 5:27م

شول اشوانق دينق
_________________________
وهبة... ولا يهمك واثقين منك

Post: #30
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:09 PM
Parent: #26

Quote: وهبة... ولا يهمك واثقين منك
حبيبنا شول
المريخابي طلحة دا من المخربين
ويستهدف بورداب الخرطوم دائما
وانا له بالمرصاد وهة طبعا كلمة
الهدف دي تثير فيه ذكريات مؤلمة انا عارفها
وعقدة استمرت معه لمدة 5 سنوات شفاهو الله
لا نملك ان نقدم له غير الدعاء والصلوات

Post: #27
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:04 PM
Parent: #1

Quote: ومال الهدف دا في مرمى اكرم
طيب ما تكتب البيت عديل ..
شنو شابكنا الهدف والكورنر
شايفنا لابسين نمرة عشرة واللا مكتوب علينا طمبل ..؟؟؟
واللا عامل فيها شويطين يا(سمج) ..*

*السمج في لغة الاحباب تعني زول مترع بالشربوت أبو جنزبيل ..

Post: #28
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:08 PM
Parent: #1

رشاشات يحبوا اللولوة زي حبهم للمحلية والحفر ..
وينطبق عليهم قول شاعر معاصر :
اذا رأيت متلولوا متلعثما في وصفه فاعلم أنه رشاشة ساي .

Post: #29
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:09 PM
Parent: #1

Quote: طيب ما تكتب البيت عديل ..
شنو شابكنا الهدف والكورنر
شايفنا لابسين نمرة عشرة واللا مكتوب علينا طمبل ..؟؟؟
واللا عامل فيها شويطين يا(سمج) ..*

*السمج في لغة الاحباب تعني زول مترع بالشربوت أبو جنزبيل ..

طلحة ... مريخابى حاقد بس
ناس الما عرفو الهدف زمان ما خشو الكشافة ولَ شنو

مبروك للمريخ يا طلحة الدورى والكاس مع إنى هلالابى على السكين

إنشالله قاعد فى الخرطوم وتشرفنا بكرة فى بيت أخونا المسلمى.

شول اشوانق دينق

Post: #31
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:11 PM
Parent: #1

Quote: اذا رأيت متلولوا متلعثما في وصفه فاعلم أنه رشاشة ساي .

ده يا اخوى قاطعو من راسك ساى

Post: #34
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:22 PM
Parent: #31

Quote: ده يا اخوى قاطعو من راسك ساى
أبدا عليك الطلاق يا شول
دا من بنات أفكاري ..

Post: #32
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:20 PM
Parent: #1

Quote: طيب ما تكتب البيت عديل ..
شنو شابكنا الهدف والكورنر
شايفنا لابسين نمرة عشرة واللا مكتوب علينا طمبل ..؟؟؟
واللا عامل فيها شويطين يا(سمج) ..*
طلوح المسكين
هسه والله ارفع ليك بوست الهكر بتاع امبارح
وندور ليك المطارحة الشعرية والله الا تقوم جاري
قال مترع بالشربوت قال ياخ ما تلف كدا

Post: #35
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:26 PM
Parent: #32

وهبة كارثة البورد
Quote: هسه والله ارفع ليك بوست الهكر بتاع امبارح
ياتو بوست دا ..؟؟
أوع تقول لي بتاع هناي القال ليكم يا معفنين ..؟؟

Post: #36
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:30 PM
Parent: #35

Quote: أوع تقول لي بتاع هناي القال ليكم يا معفنين ..؟؟
ياهو ارفعو..؟
مع انو ود البشرى ما موجود لكن براى بقضاك

Post: #33
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:20 PM
Parent: #1

Quote: طلحة ... مريخابى حاقد بس
شرف لا أدعيه وتهمة لا انكرها ..
Quote: مبروك للمريخ يا طلحة الدورى والكاس
ربنا يخليك
Quote: مع إنى هلالابى على السكين
أسال الله لك الشفاء العاجل ..
Quote: إنشالله قاعد فى الخرطوم وتشرفنا بكرة فى بيت أخونا المسلمى.
والله كانت أمنيتي لكن للأسف يا شول بعيد شوية ربنا يجمعنا بيكم .
Quote: شول اشوانق دينق
عظيم الشرف والله العظيم

Post: #38
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 07:35 PM
Parent: #33

حجا مبرورا وسعيا مشكورا

حاضرين تب

يا وهبة خلي الهكر صحبة راكب

Post: #37
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:33 PM
Parent: #1

أوع تقول لي بتاع هناي القال ليكم يا معفنين ..؟؟

نتمنى نقابلك يوم والله يا طلحة "لنا الشرف جداً" ... حتى لو إنفصل الجنوب

شول اشوانق دينق

Post: #39
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:38 PM
Parent: #1

Quote: حاضرين تب

مجدى ... والله نتمنى نشوفك بكرة ياخ.

شول اشوانق دينق

Post: #43
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:43 PM
Parent: #39

Quote: مجدى ... والله نتمنى نشوفك بكرة ياخ.
ياشول
مجدي دا في ايرلندا
لكن من اهم اصدقاء بورداب الخرطوم
ودايما حاضر بالتلفون انسان جميل

Post: #40
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:39 PM
Parent: #1

Quote: مع انو ود البشرى ما موجود لكن براى بقضاك
بلاي بعد ما ترفعوا جيب معاك تلتين من أبو جرجير داك
يعني هسع دي قايل أنتو طرحتوني شعرا يعني .. ؟؟؟؟؟؟؟؟؟؟
لا والله إتعشت ام حجاز ..*

أم حجاز ولدا قال لي ود الجيران كان راجل أقطع الشخيت دا شوف أخوي يعمل ليك شنو..

Post: #45
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:46 PM
Parent: #40

Quote: بلاي بعد ما ترفعوا جيب معاك تلتين من أبو جرجير داك
يعني هسع دي قايل أنتو طرحتوني شعرا يعني .. ؟؟؟؟؟؟؟؟؟؟
لا والله إتعشت ام حجاز ..*
كويس هسه بضرب ليهو
الليلة اصلو ما ظهر يكون رطب زي كاروشة ياربي

Post: #46
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 07:51 PM
Parent: #40

الف مبروك وربنا يتقبل الدعوات وصالح الاعمال

Post: #41
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Kamal Karrar
Date: 12-11-2008, 07:42 PM
Parent: #1

وهبة سلامات...

وكل عام وأنتم بخير...

أهو بحري زادت حاج

مبروك للأخ المسلمي وإن شاء الله حجا مبرورا

Post: #48
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 07:55 PM
Parent: #41

Quote: أهو بحري زادت حاج
كمال كرار
شكرا للمرور
بحري من المدن الفاضلة
وهي دائما مليئة الحجاج والعباد والزهاد
نفخر كثيرا بالا نتماء لهذه البقعة الطاهرة

Post: #42
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 07:43 PM
Parent: #1

Quote: أبدا عليك الطلاق يا شول
دا من بنات أفكاري ..

ده شنو يا طحة ... اها مالك معا يا أخوى

شول اشوانق دينق .... ما متزوج ... حرَم

Post: #47
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:54 PM
Parent: #42

Quote: شول اشوانق دينق .... ما متزوج ...
باعتبار ما سيكون يا شول

Post: #44
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 07:44 PM
Parent: #1

يا شول
Quote: لو إنفصل الجنوب
ما بنفصل من قلوبنا دا أكيد .

Post: #51
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:15 PM
Parent: #44

دوت مجاك اتصل بي هسع ضروري جداً ,, انا اتصلت لقيت تلفونك مقفول

اضرب لي هسع يضربوك الجنجويد

Post: #50
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 08:14 PM
Parent: #1

Quote: وانا من هذا المنبر ابايع السيد بقال كرئيس دائم لبورداب الخرطوم في المنشط والمكره وتؤول الرئاسة لابنائه او من يراه مناسبا .

ده دكتاتورية مرفوضة يا عمك

شول اشوانق دينق
_______________
أتمنى اقابله بكرة يا وهبة عشان نوريهو الحاصل شنو

Post: #54
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:23 PM
Parent: #50

Quote: أتمنى اقابله بكرة يا وهبة عشان نوريهو الحاصل شنو
شول يا حبيب
انا شخصيا من اكثر المناصرين المتحمسين للتيار البقالي

Post: #57
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:29 PM
Parent: #50

Quote: أتمنى اقابله بكرة يا وهبة عشان نوريهو الحاصل شنو

مافي طريقة مقابلة بكرة لانو البرنامج

The reason people look very secretarial Lake specify a later date

Post: #60
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:41 PM
Parent: #57

Quote: The reason people look very secretarial Lake specify a later date
ياريس
الترجمة مهمة برضو نترجم ولا نخليها كدا

Post: #64
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:46 PM
Parent: #60

Quote: The reason people look very secretarial Lake specify a later date

ياريس
الترجمة مهمة برضو نترجم ولا نخليها كدا

الترجمة

مزحوم جداً وشوف ناس السكرتارية يحددوا ليك موعد لاحق

Post: #52
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 08:19 PM
Parent: #1

Quote: دوت مجاك اتصل بي هسع ضروري جداً ,, انا اتصلت لقيت تلفونك مقفول

اضرب لي هسع يضربوك الجنجويد

يا عمك ... إستعد لى بكرة يا زول للضفر

شول اشوانق دينق
_______________________
داير الضفر بعد الغدا ولَ قبالو يا بقال؟

Post: #53
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 08:23 PM
Parent: #1

Quote: باعتبار ما سيكون يا شول

لا .. عندى اسبابى والداير الأسباب ينتظر بوست قريباً عن المواضوع

شول اشوانق دينق

Post: #58
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: haroon diyab
Date: 12-11-2008, 08:31 PM
Parent: #53

Quote: Re: بورداب الخرطـوم العوض المسلمي داعيكم بكـرة غـداء بمنزلـه بشمبات

ابو شموسة
انت يااخوي الرشاشات ديل خليتهم لي منوا
قاعد مباري لي الخرفان والشيات وقندهار
بورداب الخرطوم بقيادة الريس بقال
عيدكم مبارك
مرسل ليكم مصيبة بكره.....
ارجو الراجيكم

المسلمي
حجا مبرورا وذنبا مغفورا
بس تاني مااشوفك في قندهار...!!!

Post: #63
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:46 PM
Parent: #58

Quote: مرسل ليكم مصيبة بكره.....
ارجو الراجيكم
ياساتر تستر مصيبة شنو ياهارون
وطلحة برة البلد

Post: #55
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-11-2008, 08:25 PM
Parent: #1

اخبار الشربوت شنو ؟

عشان نحدد الهدف

Post: #59
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:38 PM
Parent: #55

Quote: اخبار الشربوت شنو ؟

عشان نحدد الهدف
اهو دا ياكوتش

Post: #61
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:42 PM
Parent: #55

Quote: اخبار الشربوت شنو ؟

اعوذ بالله اللهم اسقنا من حلالك

Post: #71
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:00 PM
Parent: #61

Quote: اعوذ بالله اللهم اسقنا من حلالك

آمين يارب العالمين

Post: #56
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: انعام حيمورة
Date: 12-11-2008, 08:28 PM
Parent: #1

احم احم ..

نحن هنا ...

بأذن الله حضورا

العوض حجا مبرورا وسعيا مشكورا وذنبا مغفورا

الف حمد لله على السلامة

شكراا عبد الوهاب وكل سنة وانت طيب نتلاقى بكرة باذن الله ...

Post: #62
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:43 PM
Parent: #1

Quote: شكراا عبد الوهاب وكل سنة وانت طيب نتلاقى بكرة باذن الله ...
استاذة انعام
كل سنة وانت طيبة
والله نفسي اقابلك
ودمت بالف خير

Post: #67
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: معتصم محمد صالح
Date: 12-11-2008, 08:49 PM
Parent: #62

الاخ عبد الوهاب ..

ارجو البحث عن الاخوة بورداب الخارج ودعوتهم .. الرفاعي عبد العاطي حجر .. اميرة الشيخ ..

..بهاء الدين انا كلمتو ...

Post: #69
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 08:55 PM
Parent: #67

Quote: الرفاعي عبد العاطي حجر .. اميرة الشيخ
الاخ معتصم
اميرة الشيخ يخيل لي انعام عارفة دربها

لكن الرفاعي ما في منو اخبار ياريت لو في اي واحد متابعنا بيعرف طريقو يبلغو
وبرضو ود القريش وانا كلمت الاخ صلاح شكوكو وقال جاي

Post: #65
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-11-2008, 08:47 PM
Parent: #1

Quote: اهو دا ياكوتش

مبروك الحج يا المسلمى

بقال كل سنه وانت طيب

ــــــــ

وهبه انتظرونى

فى العشاء

Post: #68
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 08:52 PM
Parent: #65

انا عندي اربعة ناس لو ما جايين انا ما جاي

(1) .....................

(2) ....................

(3).....................

(4).....................

وعندي ناسين لو جايين انا ما جاي

(1) ...................

(2) ...................

Post: #66
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 08:48 PM
Parent: #1

Quote: انا شخصيا من اكثر المناصرين المتحمسين للتيار البقالي

I am not man

wait til 2marrow ... for explanation

شول اشوانق دينق

Post: #70
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناهد بشير الطيب
Date: 12-11-2008, 08:59 PM
Parent: #1

الاخ بقال

كل سنة وانت طيب وبألف خير....كنت سمعت اغنية
يابنيتى حسابك ...قبل كده انت نزلتها فى بوست قبل ايام
وانا بفتش ليها
وعايزة لنك الحفظ بتاعها لو سمحت ....ضروووورى
واكون شاكرة

__________

بالله لو بقال ماجاء البوست ده والعارف تلفونو يكلموا لى

Post: #72
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:03 PM
Parent: #70

Quote: بالله لو بقال ماجاء البوست ده والعارف تلفونو يكلموا لى
ناهد
كل سنة وانت طيبة
الاغنية عندي برسلها ليك الصباح كان ربنا حيانا

Post: #74
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 09:04 PM
Parent: #70

Quote: الاخ بقال

كل سنة وانت طيب وبألف خير....كنت سمعت اغنية
يابنيتى حسابك ...قبل كده انت نزلتها فى بوست قبل ايام
وانا بفتش ليها
وعايزة لنك الحفظ بتاعها لو سمحت ....ضروووورى
واكون شاكرة

__________

بالله لو بقال ماجاء البوست ده والعارف تلفونو يكلموا لى

جيب الايمل خاصتك ارسلوا ليك هسع

Post: #73
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:04 PM
Parent: #1

إنشالله قاعد فى الخرطوم وتشرفنا بكرة فى بيت أخونا المسلمى.

صحبك طلحة ... فى وللا لا يا وهبة عشان الكلام الفوق ده؟

شول اشوانق

Post: #78
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:15 PM
Parent: #73

Quote: صحبك طلحة ... فى وللا لا يا وهبة عشان الكلام الفوق ده؟
شول
طلحة في السعودية
الله ريحنا منو ياخي

Post: #75
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناهد بشير الطيب
Date: 12-11-2008, 09:08 PM
Parent: #1

شكرا اخونا ود بحرى هيبة ...
وفى انتظارك للنك لحوجتى له للضروووورة ...
وممكن تختها لى فى البوست ده زاتو
بس ماتمشى الغدا وتنسانا ..
بالله سلم على المسلمى وقول ليه
شريت ناس جدة كلهم ....المنتظرنك بكرة الجمعة
على العموم لمة حلوووووووة وغدا كااااارب والمسلمى مابقصر

___________

شول ازيك ...وكل سنة وانت طيب

انعام سوقى براحة بالله

Post: #80
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 09:21 PM
Parent: #75

Quote: وفى انتظارك للنك لحوجتى له للضروووورة ...
وممكن تختها لى فى البوست ده زاتو

Post: #100
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Al-Shaygi
Date: 12-11-2008, 09:52 PM
Parent: #80

بقال يا أشتر
كل سنة وأنت طيب
طيرت الناس من العزومة!!!

وبعدين الشي عزومة وعضه وكدة مناسبة بنيتي حسابك دي مناسبته شنو؟؟؟؟

والله جنس شتاره ،،،، وبعد ده داير تبقى رئيس!!!!
رئاسة السجم والرماد

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #76
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:08 PM
Parent: #1

Quote: انا عندي اربعة ناس لو ما جايين انا ما جاي

(1) .....................

(2) ....................

(3).....................

(4).....................

وعندي ناسين لو جايين انا ما جاي

(1) ...................

(2) ...................

بقال احسن ما تجى ... ولو جاى ... انا ما جاى ياخ

شول اشوانق دينق
__________________
قايل نفسك منو... منى أركوى؟!

Post: #79
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 09:15 PM
Parent: #76

Quote: بقال احسن ما تجى ... ولو جاى ... انا ما جاى ياخ

شول اشوانق دينق
__________________
قايل نفسك منو... منى أركوى؟!

لا قايل نفسي ديفد كوهين

وانت بالذات لو جاي انا ما جاي وانت من ضمن الاتنين الانا خاتيهم في وش المدفع

Post: #77
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:13 PM
Parent: #1

Quote: شول ازيك ...وكل سنة وانت طيب

كويس والله يا اختى ناهد .. إلا بقال راكب راس وما عايز يجيبه على بر

شول اشوانق دينق
__________________________
اغفروا لى العضو العوض شرتو يا ناس جدة

Post: #81
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 09:24 PM
Parent: #1

Quote: طلحة في السعودية
انا في الامارات يا.... ورع *

* ورع لقب يطلق علي شفع البدو رعاة الأبل في تخوم مكة وما جاورها ..

Post: #95
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:46 PM
Parent: #81

Quote: انا في الامارات يا.... ورع
المهم انو الشر برة بعيد
ودا المطلوب (وش مرتاح راحة)

Post: #96
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 09:48 PM
Parent: #95

ياوهبة

انتو بوستيكم ده سرعتو كم

راكب طيارة

Post: #82
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:26 PM
Parent: #1

Quote: لا قايل نفسي ديفد كوهين

وانت بالذات لو جاي انا ما جاي وانت من ضمن الاتنين الانا خاتيهم في وش المدفع

أقول ليك حاجة يا بقال ... انا جادى... بكرة عندى عرس صحبى عزيز على جداً بمشيهو ... سامحنى يا العوض اخوى ويا وهبة ويا معتصم وناذر وكل الاحباب ... معليش بكرة ما حاقدر عشان .....

شول اشوانق دينق
_______________
مداخلة جادة والله.

Post: #84
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 09:31 PM
Parent: #82

Quote: أقول ليك حاجة يا بقال ... انا جادى... بكرة عندى عرس صحبى عزيز على جداً بمشيهو ... سامحنى يا العوض اخوى ويا وهبة ويا معتصم وناذر وكل الاحباب ... معليش بكرة ما حاقدر عشان .....

شول اشوانق دينق
_______________
مداخلة جادة والله.

لا والله يا شول لو انت ما جاي انا ما بجي والله

يا شباب خلاص انا ماجاي

حج مبارك يا المسلمي وعبدالوهاب شكراً علي الاتصال والدعوة وشكراً معتصم علي الاتصال
لمة سعيدة ونتلاقي في الجايات انشاء الله بلغوا سلامي وتحياتي واعتذاري للمسلمي

Post: #86
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 09:34 PM
Parent: #84

ياوهبة شوف الزول ده وين

يابورداب الخرطوم( وهبه, بقال, ناذر, المسلمي والجميع)......يم ابو ساندرا بطرفكم

وجيبو معاك

Post: #83
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:27 PM
Parent: #1

شول ياجميل
براحة على الراجل

ولما نتلاقى بكرة نعمل تصويت عديل كدا واعادة انتخابات
وابشركم بان القطب الكبير ابوساندرا سيكون هناك

Post: #85
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:33 PM
Parent: #1

Quote: ولما نتلاقى بكرة نعمل تصويت عديل كدا واعادة انتخابات
وابشركم بان القطب الكبير ابوساندرا سيكون هناك

جادى يا وهبة!!! وللا وهمة ساى منك ياخ؟!

لو وهمة منك .... الله يسامهك والله... ولو جادى ياهو انا جاى جاى.

شول اشوانق دينق

Post: #91
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: baha eassa
Date: 12-11-2008, 09:41 PM
Parent: #85

حجا مبرورا وذنبا مغفورا ان شاء الله ..
حمد لله علي السلامة اخي العزيز المسلمي وتقبل الله ..

Post: #99
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:51 PM
Parent: #85

Quote: جادى يا وهبة!!! وللا وهمة ساى منك ياخ؟
جادي والله ياشول
هسه كنت بتكلم معاهو بالتلفون واكد حضورو
وعلى العموم تلفونو في بوست هارون دياب بكرة ممكن تتصل بيهو بنفسك

هنا:

يابورداب الخرطوم( وهبه, بقال, ناذر, المسلمي والجميع)......يم ابو ساندرا بطرفكم

Post: #87
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:36 PM
Parent: #1

Quote: حج مبارك يا المسلمي وعبدالوهاب شكراً علي الاتصال والدعوة وشكراً معتصم علي الاتصال
لمة سعيدة ونتلاقي في الجايات انشاء الله بلغوا سلامي وتحياتي واعتذاري للمسلمي

إنت يا بقال إلا يغشوكم كده

بصراحة حضورك ضرورى جداً جداً ... لو رديت حاكون نمت ياخ... بس لازم تجى ضرورى عشان.

شول اشوانق دينق
_______________
بكرة جاى وجادى جداً جداً يا بقال فى الكلام ده.

Post: #88
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ناذر محمد الخليفة
Date: 12-11-2008, 09:37 PM
Parent: #1

!!!!

Quote: السيد بقال رئيس بورداب الخرطوم اكد حضوره

عليه أعتذر عن الحضور ..

معذرة أخونا العوض ..

حجا مبرورا وسعيا مشكورا .. لحدي ما نتقابل في ساعة خير بإذن الله ..

Post: #93
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-11-2008, 09:43 PM
Parent: #88

Quote: عليه أعتذر عن الحضور ..

معذرة أخونا العوض ..

حجا مبرورا وسعيا مشكورا .. لحدي ما نتقابل في ساعة خير بإذن الله ..

يازول احترم نفسك وامشي اتغدا غدا التقد بطنك

وريح بالك ونفسك وبطنك انا اصلاً ما جاي

جاتك داهية

Post: #94
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:44 PM
Parent: #88

Quote: عليه أعتذر عن الحضور ..

معذرة أخونا العوض ..

حجا مبرورا وسعيا مشكورا .. لحدي ما نتقابل في ساعة خير بإذن الله ..

Post: #89
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:37 PM
Parent: #1

Quote: أقول ليك حاجة يا بقال ... انا جادى... بكرة عندى عرس صحبى عزيز على جداً بمشيهو ... سامحنى يا العوض اخوى ويا وهبة ويا معتصم وناذر وكل الاحباب ... معليش بكرة ما حاقدر عشان .....
ياشول ياخ مالك ياخ

داير تمسخ علينا اليوم ياخي بالله اسحب المداخلة دي
ولو في نقاش ناجلو لباكر الحدة ما كويسة ياجماعة

Post: #90
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 09:40 PM
Parent: #89

ياوهبة الهكر جاي والا لا

Post: #92
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-11-2008, 09:42 PM
Parent: #1

Quote: عليه أعتذر عن الحضور ..

معذرة أخونا العوض ..

ناذر ... بصراحة لو إنت ما جاى وللسبب داك ... اعزرنى لن احضر ايضاً يا صديق ... لانو الأكل العازمنا العوض ليهو والعرفة ما بيتهضم وبيتعرف لينا "على التوالى" ولك الشكر على عدم معرفتى لإخوتى عبد الوهاب وآخرين.

دمت بخير والف شكر يا صديق

شول اشوانق دينق

Post: #97
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-11-2008, 09:49 PM
Parent: #1

طلحه سلامات
Quote: انا في الامارات يا.... ورع

هنود و الناس اهالى

نكته >

صاحب محل دخلت عنده وحده حلوه .... وكل شوي تقول له : بكم هذا حجي ... بكم هذا حجي .... اخيرا طفش منها قال : شوفي انا ماحجيت لكني اخذت عمرة .. علشان كذا تـقـدرين تـقــولي .... ياعــمــري

Post: #181
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: الحاج حمد الحاج
Date: 12-14-2008, 12:13 PM
Parent: #97

حجا مبرورا و ذنبا مغفورا..
شكرا وهبة

Post: #182
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-14-2008, 01:49 PM
Parent: #181

Quote: حجا مبرورا و ذنبا مغفورا..
شكرا حجوج
اتصلت بيك وكنا دايرنك معانا
لكن للاسف لقيناك سافرت

والجايات اكتر من الرايحات
كان بقينا حيين

Post: #98
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 09:51 PM
Parent: #1

يا وهبة أخوي بوستيك دا أصيب باللهاث ..

هسع دي يجيك طاير منظراتي زي جرجير يقول ليك كيف يعني أصيب باللهاث ..

من هسع دي أمتنع عن الشرح ..

Post: #101
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: محمد البشرى الخضر
Date: 12-11-2008, 09:54 PM
Parent: #1

تقبل الله من اخونا المسلمي و حمدا لله على سلامته
كرامة مقبولة إن شاء الله

وهبة باللاي لازم تصلحوا ما بين أخوانكم بقال و ناذر ديل بأي شكل
حتى لو تخلو طلحة تنظير يحلف عليهم طلاق *

*ورد في الأثر ...
إثنان حلفهم بالطلاق لا يضير
الريس البشير
و طلحة تنظير

Post: #103
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 09:57 PM
Parent: #101

Quote:
وهبة باللاي لازم تصلحوا ما بين أخوانكم بقال و ناذر ديل بأي شكل

حتى لو تخلو طلحة تنظير يحلف عليهم طلاق

قلبتو كمان

الله يستر من بكرة

Post: #104
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 09:58 PM
Parent: #103

ياوهبه

البوست ده فات السرعه القانونية واللامعقولة

نزلني هنا

Post: #107
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:02 PM
Parent: #104

Quote: البوست ده فات السرعه القانونية واللامعقولة
يادكتور مجدي
مابدري ياخي خلينا نتونس

Post: #108
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 10:04 PM
Parent: #107

Quote: يادكتور مجدي

مابدري ياخي خلينا نتونس

اتونس كيف ومداخلة اشوفا

و3مداخلات ما اشوفا

Post: #113
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:15 PM
Parent: #108

Quote: اتونس كيف ومداخلة اشوفا

و3مداخلات ما اشوفا
يادكتور مجدي

ركز ركز نحن في عصر السرعة

كف نف وانت قايم اصحا معاناياعمك

Post: #102
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:56 PM
Parent: #1

بشرى سارة

الزعيم ابوساندرا في بيت المسلمي بكره

Post: #105
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 09:59 PM
Parent: #1

Quote: *ورد في الأثر ...
إثنان حلفهم بالطلاق لا يضير
الريس البشير
و طلحة تنظير
ودالبشرى ياحبيب
ياخ وين انت من الصباح
صحبك انفرد بي الليلة شبكني ليك اللهاث ونعاس وشنو داك
رايك شنو ندور ليهو مطارحة شعرية زي حقت امبارح

Post: #111
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:12 PM
Parent: #105

Quote: رايك شنو ندور ليهو مطارحة شعرية
قلت لي عايزين تطرحوني شعرا يعني ..
اها يا معفن أنت وهو

Post: #106
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Al-Shaygi
Date: 12-11-2008, 09:59 PM
Parent: #1

العوض المسلمي

حجاً مبروراً وسعياً مشكوراً وذنباً مغفوراً
وحمداً على سلامة الوصول والعودة ،،، ويا راجل كان قلت كان قمنا من الرياض نلاقيك في جدة ولا مكة ونكرم وفادتك.

بس لا تبقى حاجي أمير حج من الحيكومة!!!
في دي الله يستر على حجتك...
في رواية هناي عن هنايه لازم تعيده ونلاقيك

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #109
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:04 PM
Parent: #1

كتبت انا العالم العلامة طلحة :
Quote: هسع دي يجيك طاير منظراتي زي جرجير

وفي ثوان معدودة أو أقل من ثوان معدودة جاء دافر كتور نافر وكتب :
Quote:
حتى لو تخلو طلحة تنظير يحلف عليهم طلاق *
عليكم الطلاق بالتلاتة زولي ( المعفن ) دا بشم ريحتو من سقط لقط .
يتبع .....

Post: #110
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:12 PM
Parent: #1

Quote: يتبع .....
تبعوك الحلب

Post: #112
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:14 PM
Parent: #110

Quote: تبعوك الحلب
معفن بس

Post: #114
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:17 PM
Parent: #112

Quote: معفن بس
صحى صفوة والله

Post: #115
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: بكري الخير
Date: 12-11-2008, 10:18 PM
Parent: #1

العوض المسلمي

عودا حميدا وحجا مبرورا

Post: #116
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:25 PM
Parent: #1

حاشية:
سقط لقط : وحدة قياس قدرها مئات الهتكارات او ما يعادلها من المسافات الإسفيرية ..
ملحوظة:
امتنع عن التعمق في الشرح والإفادة اكتر من كدا.

Post: #117
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:26 PM
Parent: #1

مرفق الوش دا

Post: #118
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:29 PM
Parent: #1

Quote: حاشية:
سقط لقط : وحدة قياس قدرها مئات الهتكارات او ما يعادلها من المسافات الإسفيرية ..
انت ياطلحة
دحين الهكتار دا ما وحدة لقياس المساحات
وكمان عامل ليها حاشية
ياخ يحشيك قو *

_________________________________
* القو وحدة لقياس المحشي

Post: #119
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:34 PM
Parent: #118

Quote: دحين الهكتار دا ما وحدة لقياس المساحات
اها خليت اطروحاتك الشيعرية وعايز تعمل لي فيها كليو باترا ..
أنا عايزا كدا يا معفن ..
لف وتعال قول لي علاقة كليو باترا شنو ؟

Post: #120
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-11-2008, 10:39 PM
Parent: #1

Quote: اها خليت اطروحاتك الشيعرية وعايز تعمل لي فيها كليو باترا ..
أنا عايزا كدا يا معفن ..
لف وتعال قول لي علاقة كليو باترا شنو ؟
يالهوي الواد طلحة ما بيجمعش
عين وصابتك يله*

__________________________________
* وله= ولد باللغة المصرية

Post: #121
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Ishraga Mustafa
Date: 12-11-2008, 10:46 PM
Parent: #120

حجة مقبولة انشاءالله لاخونا المسلمى

وتانى الجك ده بعرفو والله ياهيبة
كان ما اخاف الكضب نجوى شرتنى ليهو من سوق الرخا فى فيينا

ليك حق تنسى وصف البيت
معقولة قمت بالجك ده كلو؟

ينفعك يابا

Post: #130
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 10:05 AM
Parent: #121

Quote: وتانى الجك ده بعرفو والله ياهيبة
كان ما اخاف الكضب نجوى شرتنى ليهو من سوق الرخا فى فيينا
بنات ود عجوز
والله محنكم محن واحدة تسكر والثانية تسفر

_______________________
قضيت نهارية جميلة يا اشراقة
المسا بفتح ليها بوست عديل

Post: #122
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-11-2008, 10:50 PM
Parent: #1

Quote: ليك حق تنسى وصف البيت
معقولة قمت بالجك ده كلو؟

ياناس نحن جاييييييييييين فى العشا

خلو لينا حاجه

Post: #123
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-11-2008, 10:56 PM
Parent: #1

سلامات يا طارق الكوتش
كل سنة وانت طيب والأهل والأحباب
معليش ما رديت عليك سريع لأنو وهبة دقسة وجرجير كانوا
طارحني شعرا ..

Post: #124
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-11-2008, 11:09 PM
Parent: #1

وهبه .... فاوضنى بلا زعل

Post: #125
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Magdi Ahmed Elsheikh
Date: 12-11-2008, 11:14 PM
Parent: #124

الجك ده فبهو نشا والا عكارة

Post: #126
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: محمد البشرى الخضر
Date: 12-11-2008, 11:17 PM
Parent: #1

قال الشاعر ...
رأى تنظير (1) بوستا
يتهادى بي رواقة
فعمل فيها ظريف
وحريفا في السواقة
دخل البوست بسرعة
ودوَّر فيه شلاقة
وكرَّه الناس الكتابة
تنحنح
و تحسحس
و تجنصص (2)
و تشظلف (3)
ثم أرغى ثم أزبد
وزاد على القوم الكآبة
ثم عبَّر
ثم نظَّر
و تفلسف و تقعَّر
وتحنطر(4) و تقهقر
ثم كالعادة
تورور (5)

هامش...
(1) الإسم العلمي لطلحة
(2) من جنصصة
(3) من بنات أفكار و ابداعات طلحة تنظير
(4) أي آكت لايك الحنطور
(5) لا معنى معروف لها

Post: #129
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 10:02 AM
Parent: #126

جرجير :
Quote:
قال الشاعر ...
رأى تنظير (1) بوستا
يتهادى بي رواقة
فعمل فيها ظريف
وحريفا في السواقة
دخل البوست بسرعة
ودوَّر فيه شلاقة
وكرَّه الناس الكتابة
تنحنح
و تحسحس
و تجنصص (2)
و تشظلف (3)
ثم أرغى ثم أزبد
وزاد على القوم الكآبة
ثم عبَّر
ثم نظَّر
و تفلسف و تقعَّر
وتحنطر(4) و تقهقر
ثم كالعادة
تورور (5)

هامش...
(1) الإسم العلمي لطلحة
(2) من جنصصة
(3) من بنات أفكار و ابداعات طلحة تنظير
(4) أي آكت لايك الحنطور
(5) لا معنى معروف لها

أنت يا خوي ما مصدقت يعني ..
نفخك وهبة وسمعك مشعر طوالي جيت طارح وقالب هوبة يا ابشنب ..
ياأيها المنفوخ
سجلك كلو شروخ
أثبت وأركز الليلة بملاك شلوخ
بملاك شلوخ
بملاك شلوخ
بملاك شلوخ

Post: #134
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 10:13 AM
Parent: #129

Quote: بملاك شلوخ
بملاك شلوخ
بملاك شلوخ
مكررها 3 مرات كمان
والله قسس
كدى املاهو عليك الله
النشوف شليخك دا
قول بقيتو بادى عديل شنو يعني

______________________
خمسة سنين ودرب الريد معاك ازرق
احي انا

Post: #135
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: محمد البشرى الخضر
Date: 12-12-2008, 10:29 AM
Parent: #129

يا أبو الشباب أعصابك و لا تضيق
أنا جبت حاجة من عندي .. قلت ليك قال الشاعر
كل الأنا عملتو شرحت الهوامش

لقيتها كيف باللاي خاصة تجنصص دي عليك الله

Post: #127
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 06:30 AM
Parent: #1

لعناية الاخت ناهد بشير

دي الرابط المطلوب

بنيتي حسابك

Post: #128
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: osman righeem
Date: 12-12-2008, 09:31 AM
Parent: #1

بكره يوم شنو يعني

لو الجمعة عشاء ممكن؟

Post: #131
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 10:08 AM
Parent: #128

عثمان رغيم ياحبيب
كل سنة وانت طيب
Quote: لو الجمعة عشاء ممكن؟
يازول المسلمي كان عشانا عشانا وكان ماعشانا
نمشي على خالتك سكينة والليل طفل
والبتاعات على ناذر او بقال ايهما اقرب

Post: #132
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: السمؤال بدرالدين
Date: 12-12-2008, 10:10 AM
Parent: #1

حجا مبرورا وذنبا مغفورا ان شاء الله ..
حمد لله علي السلامةالمسلمي وتقبل الله ..

Post: #133
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق جبريل
Date: 12-12-2008, 10:12 AM
Parent: #1

حجة مقبولة ان شاء الله

Post: #136
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-12-2008, 10:30 AM
Parent: #133

عبدالوهاب

انت لسع تتسكع في البوست ؟؟

يا زول امشي جهز الغداء

Post: #138
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Emad Abdulla
Date: 12-12-2008, 10:59 AM
Parent: #136

ربنا يتقبل يا العوض ..
حج مبرور إن شاء الله .

لكن النسعلك ..
إنت وكت الشيطان ده رجمتو هناك ..
جاي لامي عيالو هنا و مغديهم لشنو ؟

....
إنا لله ..
أطبقها الحجة دي .

Post: #137
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 10:58 AM
Parent: #1

طبعا جرجير الشهير بود البشري وشيبوبه وهبة المعروف هنا بداقس البورد عندهما اعتقاد جازم بالتلاتة أنهما مشعران وبمقدروهما
طرح أيا كان شعرا ونثرا وطلابيش * لكن هيهات ..
جرجير شغال هنا بمبدأ الفيك بدربو وغتغتوا بسفنجات قديمة حتى لا يقترب منه أحد ويظل سرك في بير علي نحو ما طبخه من شعيرية اعلاه فهو مغشوش يا ولدي مغشوش ومنفوخ ساي ولا احد يعرف من الذي قال له أنك زول كويس وفيك الرجاء لدرجة تجعله يداقش اي بوست ويخبت علي باب أي موضوع فهو الساخر المتظارف اذا قالوا النكات والمتسايس الحصيف اذا تكلموا عن السياسة والفنجوظ الحبيب الجهبوذ إذا شاف الجكس ، وقس علي ذلك مختلف الشلاقات واللقافات والعياقات التى ياتي بها في سبيل إثبات نجوميته الكذوبة المضروبة ..
وهو يستحق قول الشاعر فيه :
أيا دعي يا كبير القنابير
يا الكرهت الناس الأسافير
في كل بوست ناطي وحشير
وان لم تقل كلام الطير في الباقير
فحتما تجود بالفطير من التنظير
ان تهاجوا ** عملت فيها جرير
ثم اذا بك تصم الاذان بالصرير
وان ترمنسوا فلت انا حبيب خطير
وكالعادة تصك الاذواق بكلام كالشخير
وان تفاننوا أجزمت انك فنات كبير
وجدت لهم بكل ما هو طارد ونفير
وان ترايضوا حلفت انك دفعة جكسا وزغبير
فاذا بالقوم يكتشفون أنك قزم كالشبير
عملت لينا هارت وجبت لينا سمير ***
إنقرع يا معفن ياعوير
وانت ماشي تترنح كالسكير
يلاقيك مجنون يدفرك يوقعك في البير

شرح المفردات
*الطلابيش : في لغة السوقة والهوام الكواريك الشديدة
** تهاجوا من الهجاء أي هجأ بعضهم البعض .. وقس علي ذلك ترمسنوا اذا تكلموا في الرومانسية، وتفاننوا اذا طرقوا باب الفن ، وترايضوا من الرياضة .
*** سمير كما هو معروف مرض يصيب الجداد ..

Post: #139
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 11:10 AM
Parent: #137

طلوح المسكين

شايف القافية بقت راء

بجيك بعد الصلاة ارجا الراجيك

قصيدة عصماء بعنوان( رائية الوهم المتشاعر بغير فهم)

Post: #140
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: خال فاطمة
Date: 12-12-2008, 11:13 AM
Parent: #1

العوض المسلمي

حجاً مبروراً وسعياً مشكوراً وذنباً مغفوراً
وحمداً على سلامة الوصول والعودة ،،،

---

دحين يا أخوي شربوت لع ما تبوظ حجتك ..

ما تبقا عليك حكاية المره الودها راجلها الحج

ومنتظرها تجي بفارق الصبر .. اها لمن جات من الحج ..

زولك منتظر بتين الضيوف والزوار يشتتو .. حتى يحلو له الجو مع الحاجة ..

المهم لمن قرب منها .. المره نفضتو ليك نفضة شديدة .. مالك يا حاجة .. قالت ليو انت حاسد ..

داير تبوظ علي حجتي ... تااااااااااااااني نهائي مافي ماببوظ حجتي .. هاهاهاهاهاهاها

Post: #141
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-12-2008, 11:23 AM
Parent: #1

Quote: لكن النسعلك ..
إنت وكت الشيطان ده رجمتو هناك ..
جاي لامي عيالو هنا و مغديهم لشنو ؟

....
إنا لله ..
أطبقها الحجة دي .

عماد ... ياخ إنت زول جنينة عديل

شول اشوانق دينق

Post: #142
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: خال فاطمة
Date: 12-12-2008, 11:30 AM
Parent: #1

Quote: عماد ... ياخ إنت زول جنينة عديل

شول اشوانق دينق
اتا يا شول دينق اقعد لف من بوست لبوست لمن الجماعة يلفو الغدا

Post: #143
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: انعام حيمورة
Date: 12-12-2008, 11:37 AM
Parent: #1

ياخ والله البوست بقى لذيذ ..

اها بالنسبة للبنات أكدوا..

اميرة الشيخ وضيفتها ..

هالة حسن ..

الساعة 4 كويس ما تكملوا الغداء سمح

Post: #144
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-12-2008, 11:39 AM
Parent: #1

Quote: اتا يا شول دينق اقعد لف من بوست لبوست لمن الجماعة يلفو الغدا

تعرف يا خال فاطمة ... الغدا ذاتو شكلى حاجليهو ... ناس معزومة غدا بمناسبة زميلهم/اخوهم/صديقهم جا من الحج يشبكوا ليك دواس ومشاكل وعزة نفس ... ياخ ده عالم مشكلة عديل!!!

شول اشوانق دينق
____________________
كل سنة وإنت طيب يا خال فاطمة والقابلة ذى ما داير.

Post: #145
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ابراهيم بقال سراج
Date: 12-12-2008, 11:44 AM
Parent: #144

شول

باقي ساعتين فقط من الذمن

جاي ولا ما جاي ؟؟ عشان نحدد انا اجي ولا ما اجي ؟؟

لو جاي احسن ننسق نمشي مع بعض

ولو ما جاي انا برضوا ما جاي

Post: #146
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-12-2008, 11:58 AM
Parent: #1

بجى إنشالله يا بقال بس ما عارف الساعة كم.

عموماً جاى جاى

شول اشوانق دينق

Post: #149
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: خال فاطمة
Date: 12-12-2008, 12:14 PM
Parent: #146

Quote: عموماً جاى جاى
ما قال ما بجي مالو ماجاء..

شول دينق كل عام وأنت بالف خير ..

والسنة الجاية ربنا يحقق الأماني

----
يازول امشي الشية واللحمة ما تفوتك

هسي نحن بناكل في لحمة جابوها لينا قبل ساعة من السودان .. حمروها في بحري واكلنها في ابوظبي

Post: #147
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 12:13 PM
Parent: #1

وهبة داقس البورد
Quote: قصيدة عصماء بعنوان( رائية الوهم المتشاعر بغير فهم)
أما انت يا لعبوذ يا تمبوز اللاوي بوز فلك عندي يائية طمشاء * بعنوان:
( شراب الشاي في نخب الزول القاعد ساي ) ..

طمشاء:لاتبقي ولا تذر ..

Post: #148
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-12-2008, 12:14 PM
Parent: #1

اورروووووك

....

الشفقه دخلتنى ... اسوى شنو

......

وهبه ما تتجاهلنى

....

خلوا لينا حاجه للعشاء

Post: #150
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-12-2008, 12:23 PM
Parent: #1

سألت نجيمة صغرى هل لى بشربوت ينتظرنى فى العشاء ... قالت مااظن ما اظن ما اظن

Post: #151
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: محمد البشرى الخضر
Date: 12-12-2008, 01:13 PM
Parent: #1

هاك دي يا تنظير اتصبر بيها لغاية ما أرجع البيت
جاء في متن ركاكتك أعلاه - اللتي تحسبها شعرا -
Quote: عملت لينا هارت وجبت لينا سمير ***
ثم تهومشت شارحا
Quote: سمير مرض يصيب الدجاج

قل لي إختصارا دون زيادة
هل انت يا تنظير دجاجة
أم يا ترى القصة عادة
إن شئت تاخد مني راي
شايف اسلم ليك إعادة
يا مطرطش
يا مَطشطش(1)
يا مكشكش
يا قاعد ساي و أطرش
شغال تنظير هبطرش
بالله أختش (2)
فاكر روحك بتكتب
ياخي تش تش (3)

هوامش..
(1) مطشطش لا معنى لها
(2) أختش هي في الأصل إختشي حذفت الياء لزوم الوزنة وكدا
(3) تش تش تفيد "قوم لف "

Post: #152
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 01:46 PM
Parent: #1

جرجير العوقة
وسخا كابي من السبلوقة *
زولا عدمان الذوقا
جملة مع اختها ما بتعرف تسوقا
ومع ذلك هراش وطالع فوقا
حشريا حسكنيتا معا لايوقا
تنطط في البوستات كعنبلوقا**
لو عرف القوم سرك لما استبقوكا
كانوا من توهم شالوك وجدعوكا
في كوشة او في دوكة نجضوكا***
أرجو ان يكشفوا نومتك حتى يعذبوكا
يجروك في الشوك جرا ثم يضربوكا
فتولول وتصرخ واي واكا واكا
فيضحك عليك الشفع وبالحجارة يحدفوكا
ثم يسكوك ومن جلابيتك يجرجروكا
ويقول قائلهم هذا العبيط تبزوهو بالشوكا
وانت جاري تكورك يلمن فيك كلاب يعضعضوكا
عشان تبقي مجنون وسعران بالموسيقا

شرح الكلمات الصعبة :
* السبلوقة : مكب لماء الأمطار في سطح البيوت
** العنبلوق : العتود وهو الذكر من صغار الماعز ( فيهو شية كاربة)
*** الدوكة : صاج من الحديد لعواسة الكسرة وعمل القراصة وما الي ذلك

Post: #155
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: محمد البشرى الخضر
Date: 12-12-2008, 03:37 PM
Parent: #152

يُروى عن تنظير انه
مرَّة تقَّل في العشا
فتمطى و تجشا و انتشى
ثم اعتدل ثم مشى
ثم توقف ثم أنشد:

" انا الشفيف (1)
أنا الظريف
انا الوريف
انا الفي التنظير حريف
انا الإحساسي كلو رهيف"

أيا لفيف
يا اب راسا خفيف
الناس تمشي لي قدام
و انت في محلك أقيف
العالم بالثابت بتبني
وانت من زمن الصريف (2)
قلت لي كيف يا ضعيف
و المصيبة عامل لطيف
ومهم شديد و الود حريف
في حين وجودك او غيابك
ليهو تاثير just طفيف
يا رديف (3)

هوامش ...
(1) الإسم الفني لطلحة تنظير
(2) القش المستخدم في بناء الرواكيب و القطاطي , و يقال قد الصريف أي شرد من المواجهة
(3) رديف اي غير أساسي

Post: #156
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 04:51 PM
Parent: #155

غايتو الليلة يا قنيبيع يحلك الحل عمر مني .. *

القنيبيع : تصغير قنبوع وأظنه نوع من انواع الطيور الداجنة ..

Post: #153
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طارق الكوتش
Date: 12-12-2008, 01:55 PM
Parent: #1

Quote: العنبلوق

مع الشربوت بعمل شغل حلو

ـــــ

ود البشرى و طلحه و وهبه
متابعين معاكم الليله للصباح

Post: #154
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: كمال علي الزين
Date: 12-12-2008, 02:20 PM
Parent: #153

(*)

العوض أخوي المسلمي

حجاً مبروراً وسعياً مشكوراً وذنباً مغفوراً
وحمداً على سلامة الوصول والعودة ،،،

Post: #158
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Yassir Tayfour
Date: 12-12-2008, 05:29 PM
Parent: #154

Quote: ربنا يتقبل يا العوض ..
حج مبرور إن شاء الله .

لكن النسعلك ..
إنت وكت الشيطان ده رجمتو هناك ..
جاي لامي عيالو هنا و مغديهم لشنو ؟

....
إنا لله ..
أطبقها الحجة دي .

_________
he wants to appologize to them for that unjustified stoning , Omda, you're crazy wallahi, happy Eid

Post: #157
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 05:23 PM
Parent: #1

جرجرة يا قنبوع
يا الفاضحنا في كل الأرجاء والربوع
من منبر لي منبر حايم تزوع
ينفخوك وتدخل في الورطات مدفوع
في كل مشكلة حاشر نفسك وطالع ملبوع
يا مهلوع
يا ملسوع
يا الديمة تابع مو متبوع
يا فرع صغير من ضمن الفروع
ح تعيش طول عمرك مفجوع
لو بتعد نفسك مهم جرب لحس الكوع
سيب البتسوي فيهو دا واتكامل درب الرجوع
العينتك نحن بنشيلو ونطفربو التروع
صد قبل ما تلقي روحك في السوق مبيوع

يتبع ....

Post: #159
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 05:36 PM
Parent: #1

.

Post: #160
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عمر صديق
Date: 12-12-2008, 06:08 PM
Parent: #159

العوض المسلمي
حجا مبرورا

وشكرا لك علي الدعوة التي اتاحت لنا لقاء الاخوة والاخوات البورداب وخاصة الين لم نلتقيهم من قبل

Post: #161
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 07:24 PM
Parent: #1

هؤلاء كانوا حضوراً
1/ السيد ابراهيم بقال سراج رئيس بورداب الخرطوم
2/ الصديق شول اشوانق دينق
3/صلاح شكوكو
4/ ناذر محمد الخليفة
5/ دوت مجاك
6/ عمر صديق
7/ عبود عبدالرحيم
8/ حسين محي الدين
9/ صلاح الدين نادر
10/ عبدالمجيد صالح
11/ اسماعيل حميم
12/ عثمان رغيم
13/ معتصم محمد صالح
14/ احمد موسى
15/ صلاح عوض الله
16/ بهاء طوكيو
17/ سامي الزبير
18/ محمد صباحي
19/ ناجي الملك
20/عبدالوهاب علي الحاج
21/ انعام حيمورة عربيتها
22/انعام عبدالحفيظ
23/ اميرة الشيخ
24/ تاني في بوردابيتين ما عرفوني بيهم واحد ينزل اساميهم ( السن واحكامو )

Post: #175
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبود عبد الرحيم
Date: 12-13-2008, 09:33 AM
Parent: #161

Quote: هؤلاء كانوا حضوراً

يا وهبه
انت نسيت شخصية مهمة جدا
ومرشحة للانضمام الي مجتمع بورداب الخرطوم قريبا (بعد 11 سنة بس) ان شاء الله
محمـــد عبــــود !!!!

يا بقال ... شوف لينا صورة محمد عبود للتوثيق !!

Post: #162
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 07:29 PM
Parent: #1

وهؤلاء زاغوا
1/ عماد عبدالله
2/ ابوساندرا

________________________
عماد اعتذر
ابو ساندرا غالبا يكون عندو فواتح

Post: #163
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 07:31 PM
Parent: #1

شكرا لك ايها المسلمي فقد بالغت في اكرامنا
وما قصرت معانا كلو كلو ان شاء الله ربنا يملاك عافية

Post: #164
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 07:32 PM
Parent: #163

الصور ياناجي الملك

______________________
عشان ناس الامن منتظرين الصور

Post: #165
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: سارة علي
Date: 12-12-2008, 07:49 PM
Parent: #1

Quote: 1/ السيد ابراهيم بقال سراج رئيس بورداب الخرطوم

لالالالالالالالالالالالالالالالا تـــ عوليق

Post: #166
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 08:00 PM
Parent: #1

شوف الملولو المكعول
Quote: فتمطى و تجشا و انتشى
ثم اعتدل ثم مشى
ثم توقف ثم أنشد:

عليك الطلاق كان عايز تدور قندران شاحن رملة ما كان إحتاج المية حركة دي ..
غايتو بس :
اللهم لا تمحنا لا تبلينا .

Post: #167
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-12-2008, 08:13 PM
Parent: #1

ياطلوح المسكين

لازلت في انتظار الوحي

فقد اعطيت نصف الرائية التي وعدتك بها

والنصف الاخر في طور اليرقة*

________________________
* مؤنث ورقة

Post: #168
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: طلحة عبدالله
Date: 12-12-2008, 09:41 PM
Parent: #1

حباب وهبة القاعد ساي
عمرك دا قضيناهو دردقة جاي وجاي
مستنيك يا عشاي ..

Post: #169
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-12-2008, 10:26 PM
Parent: #1

Quote: شكرا لك ايها المسلمي فقد بالغت في اكرامنا
وما قصرت معانا كلو كلو ان شاء الله ربنا يملاك عافية

الزول ده مش بالغ وبس ... بل بزر "من البزار"

دم بخير أخوى وهبه واكيد حنتواصل "تلفونك مع عندى"

بقال ... يرجى الراجيو بس

شول اشوانق دينق
_______________
إفتقدنا ملاسى والله قبيل

Post: #170
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبود عبد الرحيم
Date: 12-13-2008, 08:10 AM
Parent: #169

سلامات للاخ عبدالوهاب وضيوفه الكرام
وللجميع نقول كل سنة وانتوطيبين
ربنا يحقق امانيكم جميعا
ويكتب لنا رفقة الحاج العوض المسلمي في الحج القادم باذن الله
وتحية وتهنئة صادقة للحاج عوض المسلمي واسرته الكريمة
سعدنا بصحبة الجميع امس في بيت الكرم الاصيل

ولأنني كنت بعيدا عن المنبر خلال ايام العيد
فقد فوجئت بالتفاصيل الدقيقة لما جري خلال هذا البوست
وسعدت حقا بماشهدته في لقاء الامس بضيافة الحاج المسلمي واسرته الفاضلة
هناك كان لقاء الاخوة والزمالة والصداقة بعيدا عن مناكفات المنبر
وهكذا هو السودان

يا جماعة العيد سعيد عليكم جميعا
ونسالكم العفو اذا صدرت منا كلمة في حق أحد

Post: #171
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: haroon diyab
Date: 12-13-2008, 08:34 AM
Parent: #170

عبود عبد البرحيم
سلام ياصاحب ياحبيب وقريب

كل عام وانت والاسرة الكريمة بالف خير
كم نفتقدك هذه الايام
دم جميلا دائما
كل الود

Post: #172
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: نصر الدين عثمان
Date: 12-13-2008, 08:39 AM
Parent: #171

حجاً مبروراً وذنباً مغفوراً وسعياً مشكوراً وعوداً حميداً

Post: #173
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبود عبد الرحيم
Date: 12-13-2008, 09:05 AM
Parent: #171

عزيزي الفاضل
هارون دياب
كل سنة وانت والاسرة بخير
وربنا يحقق الاماني
اسعدتني تهنئتك الصادقة يا حبيب
وهذا دليل الاصالة
لذلك فان لك في النفس مكانة سامية
لله في الله

Post: #176
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: haroon diyab
Date: 12-13-2008, 09:59 AM
Parent: #173

مسلمي يااجمل الحلوين
حجا مبرورا وذنبا مغفورا باذن الله
وكل عام وسيادتك بالف خير
.........
ياوهبه
سلام

المهم الشئ ده ماتكونوا عملتوه بي
موية زمزم الجابه الحاج المسلمي معاهو
وش مغيووووووووووووووووووووووظ..!!!!

Post: #177
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: شول اشوانق دينق
Date: 12-13-2008, 02:04 PM
Parent: #1

Quote: الصور ياناجي الملك

Post: #178
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: معتز الجيلي
Date: 12-14-2008, 09:10 AM
Parent: #1

.
حجاً مبرروراً وعوداً حميداً أخي العوض ... تقبل الله منك

إتمنينا والله نكون معاكم في اللمة الجميلة دي ، بس (القدم ليهو رافع)

سلامي للجميع وكل عام وأنتم بخير

.

Post: #179
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: naeem ali
Date: 12-14-2008, 09:54 AM
Parent: #1

شكرا يا العوض (البابه فاتح)
وزارتكم الملائكه
واكل طعامكم الابرار
عامرين يا حبيب
وتشرفنا بمعرفة الدار
والدار دارنا بعد ده (انت جار وكده)

Post: #180
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: حسن طه محمد
Date: 12-14-2008, 10:02 AM
Parent: #179

وهبة ابن الشعبية

التحية موصولة ليك وكل عام وانتم بخير

والتحية للاخ المسلمي وكل بورداب الخرطوم

وللاخ العزيز الذي غادرنا الي ارض الوطن الحبيب ابو ساندرا

مع اطيب المني لكم جميعا

حسن

Post: #183
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: عبدالوهاب علي الحاج
Date: 12-14-2008, 02:02 PM
Parent: #1

Quote: وهبة ابن الشعبية

التحية موصولة ليك وكل عام وانتم بخير

والتحية للاخ المسلمي وكل بورداب الخرطوم

وللاخ العزيز الذي غادرنا الي ارض الوطن الحبيب ابو ساندرا

مع اطيب المني لكم جميعا

حسن
اخونا المستشار حسن طه
ياخي سعيد جدا بمرورك
وكل عام وانت بالف خير والاسرة الكريمة
اللمة كانت جميلة والله وناقصاكم
وابوساندرا رغم تأكيده للحضور لم يحضر
وربما سيل الضيوف وزيارات الاقارب
ولكن نتمنى ان نقابله قبل سفره
فمثله رقم لا يمكن تجاوزه
وشكرا مرة تانية اخي حسن

Post: #184
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: العوض المسلمي
Date: 12-15-2008, 07:49 AM
Parent: #1

اخي عبدالوهاب والاخوه الكرام
لن استطيع كثير حديث في شكركم ولو كتبت للصباح
ولكني اقول بان السعيد من كنتم انتم ضيوفه ,,
سعيد بكم وسعيد بلقائكم وسعيد بانني عضو في هذه الفرقه الرائعه ,,
وربنا ما يحرمنا من بعض ,,
ولكم صادق الحب وانقاه ,,
وكل عام وانتم بخير

Post: #185
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: Tabaldina
Date: 12-15-2008, 10:23 AM
Parent: #1

..
.
غايتو يا حاج شفقتك دى ..
حتفوتنا البص دا ..
سفر دقة سريعة ورجعة دقة سريعة وكرامتك وعضتك دقة سريعة
والبوست زاتو التقول بص سياحى
يعنى مرقنا كيت ..
مغصة ساااى ..

اها يا جماعة انعام سواقتها كانت كيف يا ناهد

يا شول وبقال مالكم ياالمهمشين
عين واصابتكم اكيد عين الجعلية ناس اشرف وكينغ

___________

الجاية متين يا العوض للناس اللليت

Post: #186
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: osman righeem
Date: 12-15-2008, 12:40 PM
Parent: #1

تبلدينا

كيفك

افتقدناك

نشوفك في رأس السنه
يالتوقيت القبطي

Post: #187
Title: Re: بورداب الخرطـوم العوض المسلمي داعيكم بكـرة غـداء بمنزلـه بشمبات
Author: ghariba
Date: 12-19-2008, 09:49 PM
Parent: #1

مبروك الحج لاخونا المسلمي وحمدلا على سلامة العودة ..

المهندس صلاح غريبة - الرياض