Post: #1
Title: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-07-2008, 03:39 PM
أنا جيت راجع لي بيوت
تفتح لي دق أو ما أدق
من غير تقول الزول منو
و لا حتي علو الداعي خير
لا مالك الجابك شنو؟؟؟
لبيوت أجيهن أي يوم
لو جيت ليل أو جيت دغش
طوالي أدفر الباب و أخش....
تصوروا و أنا قاعد في بيتنا و معيد في الخرطوم بعد سنوات طوال و بكتب ليكم من هناك
حاجة عجيبة و إحساس غير....
دنيا جميلة رغم الأحزان
في ربوع وطن النجوم الغالي.....
و هسي في اللحظة دي البيت كله يقوم و يقع للتحضير للإفطار بعد صيام يوم عرفة
و من الصباح المراسيل للسوق تحضيرا ليوم غد
و هل العصيدة و الشعيرية و السكسكانية في الفطور و لا الناس تستنى الخروف؟؟ أم الإثنين معا
و هتف الشعب من أعماقه المخلالات و الشربوت واجب وطني.....
المهم يا شباب
أنا معيد في وطن النجوم من بعد غياب سنوات طوال
و أنقروا ما فرحان فرحة كبيرة على الرغم من الأحزان.....
و أنا معيد في السودان
تهاني بالعيد للجميع و كل عام و أنتم بخير......
|
Post: #2
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Muna Khugali
Date: 12-07-2008, 03:44 PM
Parent: #1
وكل سنه وانت وأسرتك بخير..
أوعاك تتحرك من الخرطوم قبل يوم 9 يناير..
أشوفك هناك يا جميل..
سلام للأسره..
|
Post: #3
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-07-2008, 03:59 PM
Parent: #2
منون
ينعاد عليك يالصحة و السلامة
و الخير و السرور
و أنا قاعد في الخرطوم
و كان شفتي لاقيت جنس ناس هم صداقة مشتركة
حلوين و غالين...
المهم إنتي توصلي بالسلامة
و تديني عدد واحد آلو....
و الباقي على.....
|
Post: #4
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-27-2008, 07:45 PM
Parent: #3
المهم لحدي الأن مستمتع بإجازة ظريفة و فيها من المتعة الكثير
برامج من الجمال بمكان
إلتقيت بالكثير من الأخوة البورداب و أطمع في لقاء الكثيرين
المهم و من بعد غياب رجعت لي ربعي و مراتع صباي ..
و لا زلت في حالة من الدهشة و الحزن و مشاعر أخرى....
|
Post: #5
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-27-2008, 10:40 PM
Parent: #4
واحدة من أهم الزيارات و قد شرفني بها الصديق الوفي عثمان النو و عند قدومه كنت قد كبست رأسي في طاقية ضيقة بعد حمام منعش و قد لاحظت طيلة جلوسه معي أنه كان ينظر إلى تلك الطاقية بإهتمام بالغ... و قد تعمدت طيلة الجلسة تجاهل تلك النظرات الفضولية و عدم الإستجابة لها...و لكنه أصر و ألح على أن أزيح تلك الطاقية, و عندما أزحتها صاح في لغة فصيحة:
يا للهول يا إلهي ... لقد صـلعتك الآلهة......
|
Post: #6
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-27-2008, 11:05 PM
Parent: #5
بالمناسبة يا أخوانا
و الحاضر يكلم الغايب
أنور ود بتول عزمني و شراني جنب المؤتمر...
و بالمناسبة بعد حفلة البلابل لاقيت الزميلات آمنة أمين و آسيا التلب ياحيليلهم من بعد سنوات
و غربة و شوق
و بالمناسبة يا أنور هم كلموني.....
و أنا غايتو شاهد.....
و بالمناسبة عزومتي المرة دي لازم تكون في(العمارات شارع 15 سلوتير)
و الباقي بعد العزومة.....
|
Post: #7
Title: Re: أنا جيت راجع لي بيوت تفتح لي دق أو ما أدق...و معيد في السودان
Author: Azhari Nurelhuda
Date: 12-28-2008, 07:44 AM
Parent: #6
بدعوة كريمة من عقد الجلاد المؤسسة حضرت حفل أقيم بدار الشرطة كيوم إجتماعي للأيتام و كعادتها كانت عقد الجلاد من العظمة بمكان.......
- ربت أجيال جديدة
و الكل يغني و يتابع كل تعقيدات و مقامات الغناء و تعرجاتها و أحاسيسها المتباينة و المعقدة بمقدرة فائقة....و هذه وحدها محمدة تحفظ لعقد الجلاد العظيمة الشامخة......
- معجب لحد الدهشة و الإنبهار بالكونقاوي الرهيب لعقد الجلاد
- و كالعادة إعجابي بالبيز و خط البيز و بتاع البيز...و هو كما هو رافع خيط الذكر في السماء داك... و معه إعجابي
شكرا عقد الجلاد
|
|